غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-07-2011, 04:33 PM
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي إحتضار الأمنيات بين كفي القدر





إحتضار الأمنيات بين كفي القدر

حين ترسم الامنيات فيتحقق بعضها ويموت الاخر...حين ياتي الماضي بذكرياته الحلوة والمرة..حين يعيش الحب فيقلوب ويتبعثر من الاخرى..حين يرفعنا الأمل ويحطمنا اليأس..حين ترسم شفاهنا ابتسامةعذبة واخرى حزينة..حين يمضي كل شيء الى الزوال ففي تلك اللحظة تحتضر الامنيات بينكفي القدر.

بداية المشوار

البارت الاول

الاجتماعات العائليه لا غنى عنها خاصة ع الوجبات الرئيسية..يتوسط راس الطاولة وعن يمينه ويساره اولاده الكبار..ومن بعدهم افراد العايله..

ابو احمد وهو يطالع ولده احمد:احمد

احمد اللي طالع ابوه وهو يترياه يقول اللي يباه:لبيه

ابواحمد:اريدك تنتقل من فيلاتك واتي هنا

بانت على ويوهم علامات الاستغراب ماعدا حمد الولد الثاني لابو احمد اللي كان عنده علم بالموضوع واكيد امه بعد..حرمة احمد اللي ماعيبها الوضع لان هالشي فيه تطاول على حقها وملكها طالعت ابو ريلها

شيخه:ليش عمي؟!

ابو احمد وهو يكلم الكل ويلف انظره عليهم: بعد وفاة اختي الله يرحمها..صرت انا المسؤل عن بناتها هدى وإيمان..هدى اطمنت بعد ماتزوجت حمد..باجي إيمان..ومستحيل اخليها تسكن بروحها..عشان جذا اباك تنقل هنا قبل رجوعها من السفر

شيخه اللي اعتبرت الموضوع حرب لازم تجاتل عن حقها باي طريقه قالت:بس هي تدرس

بانت على ويه حمد ابتسامه وقال:إيمان خلصت دراسه وماباجيلها غير اسبوع وتتخرج...واعتقد يلستها بين اهلها ويا اختها احسن لها من يلستها بروحها

زمت شيخه براطيمها بغيض حاسه انها راح تخسر خاصة ان احمد مخلينها بس هي ترمس وهو ساكت كأن البيت اللي يتحدثون عنه هب بيته

شيخه:انزين ليش ماتعيش هنا؟

خالد وهو الولد البجر لابو احمد من حرمته الثانيه وهو اصغر من حمد واحمد:الله يهداج كيف تعيش ويانا انتي ناسيه انه فيه شباب ماعرسوا هذا غيرنا نحن المعرسين ..بعدين البنت تبى تاخذ راحتها ..

شعور بالغيض بالقهر كيف يسلبونها شي ملكها..كانت دوم تحس انها احسن من حريم اخوان ريلها ..صح لهم اقسامهم الخاصه في البيت بس هي في قسم بروحها بيت كامل..كيف لهم بهالسهوله ياخذونه منها من غير مايشاورونها..بعد الغدا وفي بيتهم فجرت اللي فيها من ضيق حاسه انها مخنوقه محتايه انها تصرخ

شيخه:ليش؟...ليش مارفضت؟

احمد اللي كان يالس يسمعها وهي واقفه مب قادره تيلس من الغيض اللي فيها

احمد: تبيني اقول لابويه لا

شيخه اللي واصله حدها من الضيق:لا طبعا ليش تقوله لا..حرام عليكم ..قالت بغصه مثل اللي نتزع منه شي غالي هذا بيتي بيتي

احمد: مابتعيشين في الشارع هذاك بعد بيتج

ملت من بروده مب مقدر مشاعرها واحاسيسها وقالت بصراخ ومسحت دموعها من ع خدها بظهر ايدها بسرعه

شوف من هالبيت مب طالعه وبنت عمتك تروح في ستين داهيه

وقف وتجدم منها:تبين ابويه يطردنا؟

قالت بعصبيه:وليش ان شاء الله يطردنا؟!

بدا يرخي بكلامه باسلوب مثير وهادي:تخيلي اروح لابويه واقوله انا وحرمتى هب موافقين ع اللي تباه..ذيج الساعه بيقول يالبيت او نطلع برع..واعتقد انه مب في صالحنا نطلع..لو حمد بقول صايد عصفورين بحجر متزوج هدى ويساعد إيمان في شركة عمي الله يرحمه يعني مابيخصر شي.._بدت ملامحها تتراخى_..اما انا فشغلي كله مع ابويه..فكري زين ياشيخه تبين تعيشين هنا في العز وتتحملين حريم خواني ولا نطلع ونتبهدل..القرار لج..بروح ارقد ويوم انش تعطيني الجواب..

اضطرب تفكيرها وتشوش..يلست على اقرب كرسي وهي تفكر في كلام احمد.. كلامه اللي خلاها تعيد التفكير في الموضوع...

اما في الفيلا فبعد ماتغدوا اطلعو لقسمهم الخاص رقى ع السرير عشان يرقد شوي..علقت كندورته في الكبت ولفت صوبه

هدى وهي تمشي لطرف السرير عشان تيلس:عشان جذا قلتلي انه فيه خبر بسمعه ع الغدا

حمد:هيه..وشرايج في الخبر؟

هدى:عادي

يمكن توقع تقول شي ثاني عشان جي رد كلمتها بتعجب:عادي؟!..ليش هب فرحانه انها بترجع وانها خلصت دراسه وبتحصل ع الدكتوراه في التجارة والاقتصاد وانها بتستقر هنا وماعاد تسافر الا للشغل؟

هدى:امبلا..

حمد:صج اني سديت في غيابها وتحملت مسؤولية الشركة وبأشراف الوالد الله يطول عمره..بس لازم تابع حلالكم بنفسها

شكت في كلامه وفكرت بشي وقالت متسائله:بتترك الشركه؟!

حمد:اكيد لا انا مب بس كنت ماسك حلالكم لا بعد ليي اسهم في الشركه..صح انها هب بحجم اسهمكم بس كان لازم اتابعها

شاف ان كلامه توها وهي مالها في سوالف الاعمال والبزنس فقال عشان ماتشغل بالها: المهم انها بترجع جريب..ياللا خليني ارقد شوي وعيني العصر عشان عندي شغل

قالت وهي تشوفه يتغطى باللحاف ويستعد للرقاد:اوكي

حست بشي تحت عند ريولها ويحرك ملابسها..طالعت وشافتها وابتسمت ورفعتها كانت جلبتها الصغيره ذات الفرو الابيض..خذتها بين ايديها..وابتسمت وقامت واقفه وطلعت من الحجره..

في نفس الفيلا بس في وحده من الغرف كانت يالسه ويا اختها وحده منهم في السرير والثانيه كانت جدام التسريحه بعد مارتبت شعرها قامت وهي تقول:شو رايج باللي قاله ابويه ع الغدا.؟.

قالت وكان الموضوع عادي بالنسبه لها لا هي معارضه ولا موافقه

قالت:مادري

يلست جبالتها ع السرير وثانية وحده من ريولها عليه والثانية تحت ع الارض: اعتقد اكثر حد فرحان هي هدى

تعيبت من كلام اختها:ليش؟

قالت:عشان اختها

خلصت كلمتها وسمعن ضرب ع الباب

شمه:من؟

..:انا

قالت لاختها:قومي افتحيلها الباب

قامت وسارت للباب وفتحته عشان كان مقفول

رحبت فيها:هلا منال حياج

منال وهي تدخل :شحالج حمده

حمده:بخير

منال وهي تطالع شمه:شحالج شمه؟

شمه:بخير

رجعت حمده لمكانها اللي كانت يالسه فيه وقالت تسال منال:منال كنا نتحدث عن اللي استوى ع الغدا انتي شرايج؟

كان اقرب كرسي جدامها هو الكرسي المتحرك الخاص بالمعاقين وهو كرسي شمه يلست عليه وهي تقول: محد كلها غير شيخه

قالت حمده معلقه ع كلام منال: هيه والله حليلها حسيتها بتنفجر..الله يعين يوم اتي إيمان شو بتسوي؟

ابتسمت منال وقالت:انا بكون مسافره مابشوفها

شمه:خلاص قررتي تسافرين ويا خالتي؟ _حرمة ابوها_

منال:هيه..كان ودي عمر يسافر ويانا بس اجازته خلصت

حمده:لو يوافقون انا بسافر وياكم

ابتسمن منال وشمه...بعدين يت الشغاله تخبرهم ان المدربه الخاصه بالمساج يت وعلى شمه تستعد لليلسه..ساعدنها منال وحمده..صح انها تمل منها ومرات تحس بضيق بس لازم تسوي هالجلسات عشان صحة جسمها...

"خيوط اتعبهاالزمن"




خيوط عانقةحلم سابحا في الافق

فاجبرته علىالاسترخاء بين اهداب الزمن

متهدج الخطىبين ماضيا قد سرى

وحاضرا قدبهتت الوانه

ومستقبلبعيد حائرا

ونظراتضبابية تختلس النظر

من وراءغطاء شفاف

ليس بيدهستر عيوبه التي

اغتصبهاالحزن وهي

رضيعة بينيدي الفرح...

بقلمي


ابتسامةعذبه ارتسمت على الشفاه وكلمات معسولة خرجت من حنايا القلب ولكن كانت جوفاء سرعانما اختفت خلف جبال الجفاء..

قال وهويتاملها وهي تكوي له ثوبه الابيض..:الله لا يحرمني منج؟

ابتسمت وردت على كلامه:ولامنك...خلصت من الكوي وقالت:بتلبسها الحين ولا اعلقها؟

ابتسم وقال علقيهاوتعالي

علقت الكندوره في الكبت وطوت طاولة الكي بعد ماخذت الكوايه وحطتهم ع صوبويت ويلست بقربه وناظرته بحب وقالت شوفيك طالعني جذا؟

قال..منو يكون جدامه هالزينكله ولا يطالعه..احمد ربي كل دقيقه انه خلاج من نصيبي احبج ياعايشه احبج

واخترقاذنها صوت يناديها من ذكريات الامس وهي ع وشك انها تصيح..امايه امايه

لفت عليها:خير

قالت: يالسه ارمسج وانتي مسويتلي طاف بشو كنتي تفكرين؟

ابتسامة تعب اثقلهاالحزن بانت على شفايفها:ماشي ياشروق لاتشغلين بالج بس مصدعه شوي..المهم شخبارالجامعه؟

قالت وهي ترفع كوب الشاي عن اثمها بعد ماشربت منه: لا تتخبرين..هاليومين كارفينا كراف .._ضحكت وقالت_بس بخبرج بسالفه بتخليج تضحكين منالخاطر..سمعي...

وبدت شروقتسولف على امها اللي تتاملها وهي تبتسم وتفكر فيها وفي اللي مرتفيه...؟؟!




"قناعةواحتضار"




قهوة مرةحارة..وعود سجائر نفذت رماده على رصيفالوقت

وصوت هديريزلزل الارض تحت نبضات قلبي المتسارعه

وخيول جامحةتعدوا مثيرة غبار اللحظات الدفينة المتحجره

ارانياتهاوى كجذع نخلة باسقة اتعبه الزمن

وذبل سعفهالشامخ شموخ الرواسي..

ليهوي علىارض لا رملية ولا طينية ولكنها

ارض كانتعامرة حتى اتاها غزو

اقتلعيابسها قبل اخضرها

اواه كادتلا تسمع

بل انهابكماء هكذا ولدت من غير لسان..

بقلمي




سحب نفسه منتلك الزاوية على صوت رفيقه في هذا المكان..استغرب من حال نفسه لمى كان سارحا فيملكوت اخر اوليس بنفسه ارتضى ان يكون هنا؟!..اجل لما التعجب ارتضيت وبكامل ارادتيواليوم انا هنا...ضحك في نفسه..والاح بصره الذي اتى على صحن العصيده التي يتوسطهاحفرة صغيره غارقة بالسمن..تذكر طعام والدته حين كانت تصنع له الطعام وتطعمهبيدها..

ياه الصوت مره ثانيه ...محسن..محسن..طلع من الخيره اللي كان فيها وطالعه بويهه البشوش ..:خير...

زقره عشان ييلس معاهم:تعال تعال اكل ويانا هذا من طبيخ الوالده الله يطوليبعمرها...

محسن:امين...

ماحب انه يرد دعوة زميله وانضم لهم

محسن:عبدالرحمن

طالعهوابتسم:خير

حس انه عمرهما اكل مثل هالعصيده يمكن عشان ماعاد حد يسويها في البيت بعد ما اعتمدوا ع الطباخوالبشاكير..تذكر انه بيقول شي لعبد الرحمن وطبعا ما استغرق في تفكيره اكثر من ربعالثانية..

محسن وهويطالع عبدالرحمن اللي ياكل اترياه يبلع لقمته وسأله:انت شوتهمتك؟

ماحب يردهولا يسترسل بالكلام بس لقى الحل الوسط وقال:خلونا ناكل ونعين من الله خير وبخبركمبسالفتي واللي وصلتني لهنا..

طبعا محسنماكان بس يريد يعرف قضية عبدالرحمن ع كثر ماشاغلنه سبب وجود زميلهم الثالث نبيلاللي من اصل سوري بس مقيم في الامارات ..طالعه محسن وسأله نفس السؤال...ابتسم نبيلوقال:متل ما أل عبدالرحمن ناكل بالأول وبعدين يصيرخير...

اتشجع انه يسمع سالفتهم ويمكن يقدر ينسى سالفته لوقت قصير..بس ياترى شو اللي خلى محسن في هذاالمكان؟...

الى اللقاء

مع تحياتي

اصداء الحنين






تعديل روح زايــــد; بتاريخ 25-07-2011 الساعة 06:54 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-07-2011, 05:22 PM
تفاحة مجروحة تفاحة مجروحة غير متصل
©؛°¨غرامي مشارك¨°؛©
 
الافتراضي رد: إحتضار الأمنيات بين كفي القدر


بدايه موفقه
بانتظارك وان شاءالله تكون حلوووووه مثل روايتك اللي قبلها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-07-2011, 05:28 PM
HeEeMoO HeEeMoO غير متصل
©؛°¨غرامي متألق ¨°؛©
 
الافتراضي رد: إحتضار الأمنيات بين كفي القدر


أسلووووووووب رآآآآآآآآآآآآئع

وفكرررهـ جديده صراحه عاجبني غموض وتشويق القصه

أنتظرك بالبارت القادم

بس حبيبي ليت تنتبهي شويه على الفصحى اللي أخترتيها

بجد حماس تقبلي مروري ورأي

أختك
HeEeMoO


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-07-2011, 08:42 PM
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر


اقتباس:
المشاركة الأساسية كتبها تفاحة مجروحة مشاهدة المشاركة
بدايه موفقه
بانتظارك وان شاءالله تكون حلوووووه مثل روايتك اللي قبلها

اهلين نورتي روايتي

ان شاء الله بيكون فيها غموض وبحاول ع قد ما اقدر اخليها مثل سابقتها واحسن

وان شاء الله تعجبك للنهايه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-07-2011, 08:45 PM
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر


اقتباس:
المشاركة الأساسية كتبها heeemoo مشاهدة المشاركة
أسلووووووووب رآآآآآآآآآآآآئع

وفكرررهـ جديده صراحه عاجبني غموض وتشويق القصه

أنتظرك بالبارت القادم

بس حبيبي ليت تنتبهي شويه على الفصحى اللي أخترتيها

بجد حماس تقبلي مروري ورأي

أختك
heeemoo

باين اختلطت عليكي الامور قريتي العامي بالفصحى هههه

بس ولا يهمك بحاول اخلي الفصحى بالبدايه وبكمل بالعامي


تسلمين ع الملاحظه وبحاول انتبه

نورتي الروايه

^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-07-2011, 11:40 PM
الغموض سلاحي الغموض سلاحي غير متصل
©؛°¨غرامي مجتهد¨°؛©
 
11302798202 رد: إحتضار الأمنيات بين كفي القدر


بسـم الله الرحمن الرحيــم
السلااام أخبـآرك يا الغلا مبرووووك افتتـآح الروآية الثـآنية قلبـو
|| اصدآء الحنيــن ||
حلـوة طريقة سردك للأحدآث غلاتـي والفحصى عجبتنـي بمقدمـة كل مقطع
أسلـوب شيـق وجذآب وانا عجبني دمجـك للفصحـى والعــآميه احب الروآيات الي كذآ
وآصــلي يا الغلا اهنيـك على هالابدع ..
تعليقـي ع الشخصيــآت :
محسـن : للحين غـآمض وما انفتحت اورآق غموضـه بس الي استنتجتـه انه مغترب عن اهلـه وامـه
ام شروق : ذكريـآت حلـوة لكن حـآظرهـآ حزين إن شالله مستقبلهآ يكون سعاده
العنـود : عجبتني شخصيتهـآ احسها قوية بس داخلها حزن تخفيه وكمان المهرة وهبة والباقي عجبوني شخصياتهم الي بنتعرف عليهم بالبارتات الجـآية ^_^
مـآجد × غاليه : احس ان بيكون بينهم مشـآكل بعد الزوآج بس إن شالله احسـآسي ما يكون بمحله
بشرى : حزنتني كثيـر عايشة بين اخوة وخـوآت ما يهتمون لها الحمدالله عندهـآ حنـآن تفهمهـآ
رآشـد × خليفة : ودي افهـم ايش سبب خلافهم خخخ
...
..
تحمست كثيـر متى حـ تنزلي البـآرت الثـآني يا الغلا
وآصلـي متـآبعة لكِِ للنهـآية إن شالله ...
لكِ ودي وجنـآئن وردي ..


لروحـكِ العطـره فديتك

تحيـآتي وودي وتقديـري

× غـمـوض ×


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-07-2011, 09:07 AM
عبق اللوتس عبق اللوتس غير متصل
©؛°¨غرامي فعال ¨°؛©
 
الافتراضي رد: إحتضار الأمنيات بين كفي القدر


أسلوبك جميل غاليتي

والقصة تبدو جميلة

سجليني من متابعاتك

واستمري

عبق اللوتس...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-07-2011, 09:12 AM
ټـڠ ـبٽ ٱڝبـڙ ټـڠ ـبٽ ٱڝبـڙ غير متصل
©؛°¨غرامي فعال ¨°؛©
 
الافتراضي رد: إحتضار الأمنيات بين كفي القدر


بداية مبشرة...وأسلوب جميل...وأحداث غامضة لم تكتمل...طريقة خلط الفصحى بالعامية لم تروقني لان فجأة وأنا أقرأ فصحى أجد كلمات عامية تخرجني من "الجو"فنصيحتي لك اما تجعلي الفصحى وصفا والعامية حوارا..او تجعليها كلها فصحى أو كلها عامية
رغم أفضل الفصحى في الوصف...وانت ما شاء الله عليك بارعة فيها ^_^
وأتمنى منك ترتيب النص بحيث يكون فيه مسافة بين كل سطر وسطر...ويكون حوار واحد بسطر واحد بحيث اذا جيتي تكتبين حوار آخر تكتبينه بسطر جديد...وأنا بعدل جزء بسيط من نصك حتى تتضح الفكرة



قال وهو يتاملها وهي تكوي له ثوبه الابيض..:الله لا يحرمني منج؟

ابتسمت وردت على كلامه:ولا منك...

خلصت من الكوي وقالت:بتلبسها الحين ولا اعلقها؟

ابتسم وقال علقيها وتعالي

..علقت الكندوره في الكبت وطوت طاولة الكي بعد ماخذت الكوايه وحطتهم ع صوب ويت ويلست بقربه وناظرته بحب وقالت شوفيك طالعني جذا؟..

قال..منو يكون جدامه هالزين كله ولا يطالعه..احمد ربي كل دقيقه انه خلاج من نصيبي احبج ياعايشه احبج..


أتمنى أن ردي ما أثقل عليك
لي عودة
^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-07-2011, 12:39 AM
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر


اقتباس:
المشاركة الأساسية كتبها الغموض سلاحي مشاهدة المشاركة
بسـم الله الرحمن الرحيــم

السلااام أخبـآرك يا الغلا مبرووووك افتتـآح الروآية الثـآنية قلبـو
|| اصدآء الحنيــن ||
حلـوة طريقة سردك للأحدآث غلاتـي والفحصى عجبتنـي بمقدمـة كل مقطع
أسلـوب شيـق وجذآب وانا عجبني دمجـك للفصحـى والعــآميه احب الروآيات الي كذآ
وآصــلي يا الغلا اهنيـك على هالابدع ..
تعليقـي ع الشخصيــآت :
محسـن : للحين غـآمض وما انفتحت اورآق غموضـه بس الي استنتجتـه انه مغترب عن اهلـه وامـه
ام شروق : ذكريـآت حلـوة لكن حـآظرهـآ حزين إن شالله مستقبلهآ يكون سعاده
العنـود : عجبتني شخصيتهـآ احسها قوية بس داخلها حزن تخفيه وكمان المهرة وهبة والباقي عجبوني شخصياتهم الي بنتعرف عليهم بالبارتات الجـآية ^_^
مـآجد × غاليه : احس ان بيكون بينهم مشـآكل بعد الزوآج بس إن شالله احسـآسي ما يكون بمحله
بشرى : حزنتني كثيـر عايشة بين اخوة وخـوآت ما يهتمون لها الحمدالله عندهـآ حنـآن تفهمهـآ
رآشـد × خليفة : ودي افهـم ايش سبب خلافهم خخخ
...
..
تحمست كثيـر متى حـ تنزلي البـآرت الثـآني يا الغلا
وآصلـي متـآبعة لكِِ للنهـآية إن شالله ...
لكِ ودي وجنـآئن وردي ..


لروحـكِ العطـره فديتك

تحيـآتي وودي وتقديـري


× غـمـوض ×
وعليكم السلام ورحمة الله وبركاته

انا الحمدلله بخير




قبل ما ارد ودي اقول كلمة في حقك انتي من شجعني وحمسني اني انزل روايتي هذي مع اني كنت متخوفه شوي بس اسلوبك حمسني
طبعا ماراح انكر اللي شجعوني في روايتي السابقه واللي تابعوني


الله يبارك فيكي حبيبتي وتسلمين ع كلامك الحلو
نجي للتعليقات
امممم بخصوص محسن هو مو مغترب ولو لاحظتي بتعرفين وين هو من سؤاله لعبدالرحمن ولسى بدري لين تعرفين قصته
ام شروق ان شاء الله يكون اللي قلتيه هو اللي بيكون
التركيز الاكبر بيكون ع العنود ومهره اما صديقاتهم فامالهم دور كبير
غاليه وماجد ممكن مثل ماقلتي وممكن لا
بشرى واخوانها كل منهم قصه وهالشي له سبب في اللي هم فيه

تسلمين غناتي وان شاء الله البارت بيكون قريب ^^





اقتباس:
المشاركة الأساسية كتبها عبق اللوتس مشاهدة المشاركة
أسلوبك جميل غاليتي

والقصة تبدو جميلة

سجليني من متابعاتك

واستمري

عبق اللوتس...
عطرتي روايتي بردك مشكوره ع ردك

وان شاء الله تكونين من متابعين روايتي













اقتباس:
المشاركة الأساسية كتبها ټـڠ ـبٽ ٱڝبـڙ مشاهدة المشاركة
بداية مبشرة...وأسلوب جميل...وأحداث غامضة لم تكتمل...طريقة خلط الفصحى بالعامية لم تروقني لان فجأة وأنا أقرأ فصحى أجد كلمات عامية تخرجني من "الجو"فنصيحتي لك اما تجعلي الفصحى وصفا والعامية حوارا..او تجعليها كلها فصحى أو كلها عامية
رغم أفضل الفصحى في الوصف...وانت ما شاء الله عليك بارعة فيها ^_^
وأتمنى منك ترتيب النص بحيث يكون فيه مسافة بين كل سطر وسطر...ويكون حوار واحد بسطر واحد بحيث اذا جيتي تكتبين حوار آخر تكتبينه بسطر جديد...وأنا بعدل جزء بسيط من نصك حتى تتضح الفكرة



قال وهو يتاملها وهي تكوي له ثوبه الابيض..:الله لا يحرمني منج؟

ابتسمت وردت على كلامه:ولا منك...

خلصت من الكوي وقالت:بتلبسها الحين ولا اعلقها؟

ابتسم وقال علقيها وتعالي

..علقت الكندوره في الكبت وطوت طاولة الكي بعد ماخذت الكوايه وحطتهم ع صوب ويت ويلست بقربه وناظرته بحب وقالت شوفيك طالعني جذا؟..

قال..منو يكون جدامه هالزين كله ولا يطالعه..احمد ربي كل دقيقه انه خلاج من نصيبي احبج ياعايشه احبج..


أتمنى أن ردي ما أثقل عليك
لي عودة
^_^


اهلين اخوي نورت الروايه ..وكويس انها نالت اعجابك

اما بالنسبه لملاحظاتك ان شاء الله راح اتقيد فيها

بالعكس ماثقلت ولا شي وانا مانزلت روايتي الا لاستفيد من ارائكم وملاحظاتكم وانتقاداتكنم..ولا كيف بطور من كتاباتي اذا مالقيت الدعم والتشجيع والنقد البناء اللي يرفع من قدرتي الابداعيه

وهلا فيك واي ملاحظه او تعليق او نقد انا راح اتقبله برحابة صدر دام انه باسلوب راقي وبناء^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-07-2011, 09:23 PM
اعشقك انت وبس اعشقك انت وبس غير متصل
©؛°¨غرامي مشارك¨°؛©
 
الافتراضي رد: إحتضار الأمنيات بين كفي القدر


بدايه روووعه فديتك
ومتحمسه للبارتات الجايه

الرد باقتباس
إضافة رد

إحتضار الأمنيات بين كفي القدر

الوسوم
الأمنيات , القدر , إحتضار
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
برد و جفا و نسمة هوى / كاملة دموع يتيمة روايات كامله - يتم نقل الرواية هنا بعد اكتمالها 89 16-03-2011 01:45 PM

الساعة الآن +3: 08:37 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1