manseah ©؛°¨غرامي جديد¨°؛©

السلام عليكم ورحمه الله وبركاته ..

عندي شي كثير مضايقني وقاهرني .. الله لا يذوقه لكم .. وابغى الشور منكم ..

احم .. انا توني متزوجه تقريبا من 8 شهور .. وحملت
من بدايه زواجي وانا عمري مافكرت اشك في زوجي وهذا مو من طبعي ..اشترى بلاك بيري
ومره من المرات كنت انا وهو جالسين واخذت جواله ابغى صور لجوالي ( والله على حسن نيه) وارتبك بس انا ماحطيت في بالي ... المهم لقيت القائمه بنات وسالته بهدؤ وقال ماعرفهم بس اضافه عاديه وبعدين جلست الجوال وسكت لاني مصدومه جا يراضيني ويحاول يبرر الموقف بس مارديت عليه المهم بعد يومين طلعت من غرفه النوم وانهرت ابكي في الليل وبصراحه خفت يجي البيبي شي وهو يحاول يهديني ووعدني انه مايتكرر باختصار عدت السالفه بس لسا بقلبي ماراحت وصرت اشك في تصرفاته وفي يوم فتحت جواله وبرضو لقيت بنت وحده وفاتحته بالموضوع بعقل وهدؤ ومن جد انا خلاص ماحب اعيش بتعب نفسي بس لازم اصبر وبعدين صرت مادور من وراه وصدفه لقيته حاط باسوورد على جهازه وبعد الموقف هذا اسكت وماابغى ادخل احد من اهلي او اهله في الموضوع بس انا صابره وبدون علم احد...

والحين ابغى رايكم في اني اشتريت بلاك بيري غير اللي معي يعني ماحد يعرف عنه واضفت زوجي بااسم بنت وقبل الاضافه وقام يتكلم معي يعني الى الان يكلم بنات بس انا سويت كذا علشان افهم الى اي حد توصل العلاقات معاه

ابدا ماقدرت هذيك الليله انام وتميت مواصله .. بموت من القهررر ..

لا تقولون اني مااتعدل .. بالعكس كثيير احب اتكشخ واتلبس له
وكل مناسبه مرت علينا كان لها طابع خاص بالحركااات واللبس والتعديل ..
لاني احب كل شي يمر في حياتنا انه يكون له ذكرى خاصه .. كثير اتعب ف الافكار ..بس عشان شي يكون مميز ..


هو يحبني وماعندي شك في هالشي بس ليش كذا يسوي فيني .. ليش ؟؟!!


الحمدلله .. الله عطاني نعمة ..اني حملت من اول شي .. والحين انا في شهري الثامن.. وباقيلي شهر على الولاده..

طبعا لين احين ماواجهت زوجي.. ولا تكلمت .. وكاتمه في قلبي ..
لا تقولون لي طنشي والله مااقدر احس اني بنفجر من القهر اللي في قلبي ..


اللي قررته اني اسكت عنه لين ما اولد.. وبكتب له رساله وبحطها في مكان .. ومن اولد.. بقوله اني حطيت له شي في الغرفه وبعلمه المكان .. ومن بعدها مابكلمه وببين ف الرساله انه خلاص خسرني ..
ومافيه شي بيكون بينا غير هالبيبي .. وطبعا بكون ف بيت اهلي .. بيكون عذري اني توني مولده.. ومحد بيشك باللي بينا .. وبخليه هالفترة عشان يعيد الحسابات .. يا انا .. يا هالخايساااااااااات ..(الله يهديهم) لو ان في خاطري ادعي عليهم بس بعد مب زين ...

ادري انه مايقدر يبعد .. ولو طنش .. الا بيرجع.. بس ابغى اذوقه مراره اللي سواه فيني .. واني مب غبيه ممكن انه يستغفلني .. لازم هالمره احط حد .. او ع الاقل يعرف اني اعرف وكتمت غيظي كل هالفترة

لو وحده ثانيه كان تضاربت معاه من اول شي وكبرت الموضوع ودخلت الاهل في السالفة ..

بس انا ماابغى ادخل احد .. ماابغاه يطيح من عيونهم .. ماودي احد يمسك عليه شي .. لاني ادري لو تصالحنا الا مايطرى هالموضوع خصوصا من قبل اهلي ..


انتم وش رايكم ....؟؟!! انصحوني....؟؟!!


الـ شــــموخي999 مستشــ¸.·* غرام *·.¸ـــاري

وعليكم السلام ورحمة الله وبركاته


اول شي ربي يسهل عليج وتقومين بالسلامه

أختي لا تفكرين وايد الاهم الصحه والبيبي لا يتأثر وبعد الولاده برايج سوي الي تبينه

بالنسبه لــ


الخطوه الي بتقدمين عليها مناسبه وايد وخصوصا ان الاهل ما بيشكون وها يحسب لج ما شاء الله

بس يبالج تاخذينه من الناحيه الدينيه يعني لا تقولين له اختار يا انا يا البنات وغيره لا

عطيه من أن الي قاعد يسويه حرام و..الخ >> خوفيه من عقاب رب العالمين


هو يحبج لكن الدرب الي فيه مب بالسهوله انه يتركه يباله وقت وصبر =)



ربي يخليكم لبعض ويسهل عليج

بالتوفيج




جرحتني مره وأظنها تكفي ؟؟ ©؛°¨غرامي متألق ¨°؛©

ياحياتي كلامك زين العقل اتركيه وخليه يسوي اللي يبغاه لو جلستي تراقبي تصرفاته راح يزيد بزياده
لانو الرجال اللي في راسه بسويه ماعليه في أحد ولا يحبوا أحد يراقبهم..
واهم شي انتبهي على نفسك وعلى البيبي وانتي الحين على وشك ولاده

مو مشكله هيه فتره وبتعدي...هذا رايي
الله يقومك بالسلامه ياعسل
تحياتي..


رينكا الّخَطآ لآمِنْ وَصَلّ حُدّ » الّكرَآمَهّ ,’ تِنْتِهّيً الّعِشرَهـ وَلآ فِيهَآ / جــدآل !

ي حبيبة قلبي ؛
اول شيء مشكلتك مع زوجك حلو انك ما دخلتي احد فيها
فكرتك حلوه حقت الورقه وصدقيني كثييير بيندم لما يفقدك مده نفاسكك وبيعرف قيمتك صح
وخلاص اطلبي منه يبيع جهازه البلاك ويشتري اي جهاز ثاني
وان شاء الله ربي يهديه ويرجع مايشوف غيرك
وتولدين بالسلامه ان شاء الله ..
و خلاص لما يكون عندكم بيبي يصير خلاص علاقتكم اقوى
وهو مستحيل يزعلكك او يرجع لحركاته ـ
[ ربي يسعدك ويخليكم ل بعض ]


عــطـر رومــانـسـي عضو موقوف من الإداره

اتمنى اختي ماتكبرين السالفه وتوصل لطلاق
مافيه احد مايغلط لكن اهم شي مايستمر بالغلط
انتي صارحيه انك ماتقبلين هالشي وانك مره متضايقه
وقولي له لو انا اللي اضيف شباب وش يكون موقفك وردة فعلك ؟
ترى اصعب شي الشك والغيره والله تذبح وتهدم بيوت
لاتستعجلين وعطيه فرصه يتخلص منهم ترى بنات هالوقت بلشه وهم اللي يلاحقون الرجال
ويغرونهم مع ان الاكثريه منهم ماتزوجو وشيون بس الشيطان حريص


M!ss Lord ©؛°¨غرامي فعال ¨°؛©

الله يساعدج ويقومج بالسلامة
ولاترهقين نفسج وايد عشان الياهل

ثانيا .. هناك فئة معينة من الرجال عندهم نوع المرض ايي انا اسميه مرض لأنه يكون متزوج ويعشق زوجته لحد الجنون ويلبي لها كل طلباتها لكنه لازم تكون عنده صديقة او عشيقه !! انتي زوجك عنده صديقااات .,.. او مجرد بنات يكلمهم ونيته اكيد مو الحب ,, لكن الشيطان شاطر وكل شي ممكن يخترب في لحظة.!!

بالمختصر المفيد هاي اسمها خيانة!!

الخيانة تكون سواء اكلمها او اقعد معاها او اقابلها بالشقه .. كلها خيانة!!

لازم اختي تكملين زوجج وتواجهينه بكل هدوء بدون اي صراخ ويكون الوقت ملائم وهادئ...

فهميه انج تغااارين عليه .. وماتقدرين تنامين الليل ... ماله معنى رجال متزوج يكلم بنات !! ختى لو كانت صداقه تافهه او مايعرفهم !! ماله اي معنى!!
هذا معناته بس انه مايرتاح لج كليا !!

لازم يسويهم دليت وجدامج وتتأكدين بنفسج!!
بالهداوة كلشي يصير وبدون حن ودق !!
والله يعينج الصراحة على هالبلوة!

عآزف ©؛°¨غرامي فعال ¨°؛©

لا تحاولين تناقشينه بالامر ..

ما دمتي بالبدايه .. انا بعطيك الحل ..............

حاولي إنك تفاجئينه كل يوم بصورة جديده ..

دام إنك فكرتي بفكره إنك تضيفنه ع اساس إنك بنت ثانيه ..

خلاص .. عندك العقل المدبر .. فآجئيه .. خليه يعرف كيف قلبه يشتاق لك

خلي قلبه يتفطر .. ويرجع لك

اعكسيه واحيانا لا تردين عليه .. خليك مفآجئه له ..

و إنتظريه ...

أسأل الله يوفقك بحياتك يارب


امجاد البواسل عضو موقوف من الإداره

كلامك راائع وسوي نفس الكلام

وفعلا يالخايسات ياانتي

حلوه يلعب من وراك وباسوورد لا الواثق يخلي جواله بين يديك ومرمي باي مكان

ربي يسهل امرك

ريهاااااام ©؛°¨غرامي متألق ¨°؛©

سلام اختي والله يقومك بالسلامه,,شوفي كلنا رجالنا طاحوا بذي الأجهزه بس كل واحد وضميره {بس اقولك حل حاولي تخوفينه مثل تقليله كلام يجرح زي شوف يافلان انت تخوني ماتخاف اني اخونك يوم من الأيام لأن الدنيا دواره وكما تدين تدان ومانك خايف على اللي في بطني الخ......واذامافاد دخلي ابوك في الموضوع بس كيف علمي ابوك ان عندك جهاز ثاني وخلي ابوك يشوف بعينه كيف جالس زوجك يتفاعل مع البنت الهي انتي وبعدين اكيد ابوك بفاتحه با الموضوع وان شاء الله تنحل لأن والله ياما صارت مشاكل بس انحلت الحمدلله}ان شاء الله اكون ساعدتك (ام جوجو)اخت رهام دعواتك

نسيت ايامك ©؛°¨غرامي جديد¨°؛©

هلا وغلا

حبيبتي الله يهون عليك ويقومك با السلامه
اما با النسبه لزوجك واللي راح تسويه معاه يمكن يعطيك رد فعل عكسيه
لان صديقتي مشكلتها زي مشكلتك في البدايه يعتذر وان شاء الله ما اعيدها ومن ها الكلام الفاضي ومع التكرار سفها وقالها انا كذا رضيتي زين ما رضيتي بيتي يتعذرك انا ما تجي مره تتحكم في حياتي وتمشيني على هواها وبدالك الف
بتقولين زوجي مو من هاالنوع بقول لك كلهم مثل بعض وبعدين بنات الحرام ماخلو لبنات الحلال حاجه حسبي عليهم حتى ان صديقتي ضعفت ونفسيتها زفت ودايما زعلانه الله يفك عوقها وعوق كل مبتلى
انتي بس عليك بااللي اقوى منه ومنك رب العالمين فرشي سجادتك وادعي يرد لك زوجك مرد جميل وادعي على اللي ما يخافون الله لانها ظلمتك واخذت زوجك منك والدعاء على الظالم واجب ومجاب

اختك نسيت ايامك


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1