غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
عرض نتائج التصويت: ما هو رأيك بالرواية؟
ممتازة و اللغة سهلة 80 70.18%
جيدة جدا و اللغة سهلة 10 8.77%
جيدة من جميع النواحي 15 13.16%
لم تعجبني و اللغة صعبة نوعا ما 9 7.89%
المصوتون: 114. لم تقم بالتصويت على هذا التصويت

 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 14-07-2011, 04:35 AM
صورة على طاري الفخر أنا يمنية الرمزية
على طاري الفخر أنا يمنية على طاري الفخر أنا يمنية غير متصل
©؛°¨غرامي فعال ¨°؛©
 
01302798240 رواية بصير أحلى واتحداك و بتغير عشان نفسي/ بقلمي


بسم الله الرحمن الرحيم
السلام عليكم ورحمة الله وبركاته



كيف الحال؟

هذي روايتي الأولى في منتديات غرام

أتمنى انكم تشجعوني ..

رايكم يهمني في مسيرة كتابتي ..^^


و الحين أعرفكم على الرواية ^^



الرواية مختلفة قليلا عن الروايات المعتادة
فيها أشياء غريبة يمكن ما انذكرت في بعض الروايات
حاولت أكتبها بلهجة خليجية مب لهجة معينة عشان الكل



اسم الرواية:رواية بصير أحلى واتحداك و بتغير عشان نفسي !
نوع الرواية: رومانسي..كوميدي
تاريخ الاصدار:14/7/2011
المؤلف:انسانة متفائلة


- - - - - - - - -


البارت الأول :

ما بين الدفاتر و المجلات و علب البيبسي اللي على الأرض و الليز المنثور في كل مكان
ريما كانت نايمة و منسدحة و تشخر على كيف كيفها لاهمها امتحان و لا واجب
أهم شي تاكل و تنام و ما تهتم بنفسها كثير مثل صديقاتها و بنات قرايبها
فهي بنت عادية لا أكثر و جمالها عادي بس يمكن عيونها اللي شوي حلوة
بس تظل عادية ... يعني نقول جمالها نعووومي
وزنها وسط و الشي الحلو فيها شعرها اللي يوصل لآخر ظهرها
كانت تبي تقصه سبياكي مااعرف سبايسي لانه ملت من كثر ما تسبحه !!!!!
تقول تعبت ايدي تكسرت و ماقدر اتحمل... ثقييل يا ناس
شكلكم كرهتم الشخصية .... ولكن صدقوني بتحبووونها مع الأحداث ^_^
رن جرس السااااااااااعة
و الصوت كان مزعج ...يعني غصب طيب لازم تقومين و تصوبين سهم باتجاه النقطة اللي في الوسط
لو ما صوبتيها بتخسرين ... هاذي هدية عمة ريما لها لان عارفة ريما ما تقوم الا بعد ما تعرف الحارة
كلها ان ريما عندها دوام حتى الجيران صاروا ما يوقتون في بيتهم لدواماتهم.. معتمدين على ساعة ريما اللي تصمخ
و صراخ أهلها خخخخ
ريما تدور على المسدس عشان تسكر هالبومة
و قالت : اوووووووووهووو علينا بقوووووووووم والله بقووووووووم
ممكن تسكرين فمج؟؟؟؟
قامت و الكشة معاها و شعرها مضروب بمليون فولت
الله يعينج بس !
ريما قامت سيدة للحمام ( الله يكرمكم )
و بعد خمس دقايق طلعت
قالت : يالله بعدج ما سكتي ؟؟؟؟؟؟؟
راحت تدور عليه و بعد 10 دقائق
لقته ما بين الفوضة اللي بغرفتها
مغطوس ما بين أكياس الشوكولاته
قالت: يالله توسخ المسدس ؟؟؟؟؟؟؟؟
راحت لحسته!!!! و بعدين قالت: الحين أنظف خخخ
راحت تبي تضرب الساعة
الا و حد فتح عليها الباب و بقوة بعد
هي : يا حنان مب فاضية لج عندي معركة
ريما عارفة انه حنان دايما تصبح عليها و تزعجها
لا حست ان ريما قامت من النوم
حنان: ريمااااااااااااا حبيبتي
ريما برفعة حاجب: نعم ؟
حنان: أفا و انا جاية أسلم عليج؟؟؟؟؟
ريما وعينها على النقطة: قلت لج اني في معركة
مااقدر اركز وياج
حنان و علامة استفهام فوق راسها
و قالت: خلاص انتظرج
مرت ساعتين ... و الحمدلله بنتنا ريما صوبت النقطة
حنان بملل : و أخييييييييييييييرااااااااااااا
ريما بابتسامة: شو تبين ؟
حنان و هي متشققة من الوناسة: شو رايج تروحين معاي الصالون
و هي ردت ورا شوي عسب تعدل قعدتها
الا حست شي في ايدها
شافت هالشي
.
.
.
: وااااااااااااااااااااااااااااااااااااااااااااااااا ه يماااااااااااااااااااااااااااااااااااااااااااااااا ااااااااااااااااااااااااااه
ريما برعب: يمااااااااا لا يكون تولدين ؟؟؟؟؟؟؟؟؟؟؟
حنان بخوف و بعصبية: تستهبليـــــــــــــــــــــــــــــــــــــــــن؟ ؟؟؟؟؟؟؟
شوفي ايدي شلييييييييييييه بسرعةةةةةةةةة اهئ اهئ
ريما شافت ايدها و قالت بهدوء : يوووه عادي انتي ما شفتي شي
حنان بصدمة : شوووووووووو؟؟؟؟؟؟؟؟
حنان انسانة ماتركز واااااااايد بس تقدر تحفظ بسرعة
معروفة في العايلة انها تموت على الصوالين و هي حلوة ما شاء الله
بس مو يعني انها تحب الصالون و تسير له يعني حلوة لا
هي من الله حلوة و جميلة
حنان: يا مقرفة العلك بإيدي شيييييييييلييييييييه
طالعت حنان تحت و فتحت عيونها و جفونها وصلت أمريكا
و قالت: انا ما انتبهت لهالشي ... ليـ ليـش الـ غ غر غر فـ فـة بهالوساخة؟
ريما و هي تنقز على السرير : ماااااادري خخخخخخخخ
حنان بلوعة و هي تقوم : على العموم انا سايرة الصالون لو تبين
تعالي
ريما: ما أحتاج اني أروح صالون ههههههههه
حنان كانت بترد عليها
الا وحد يقول : السلام عليكم لبناتنا الحلوين
ريما فتحت عيونها : رشوووووووووووووود
نقزت عنده و حضنته و باست راسه و قال راشد:
ياللي ما تستحين انا عمج و تقوليلي رشوووووود؟؟؟؟؟؟؟؟
ريما : شوشي نياها نيها
راشد: لا لا لا ..أحسن اني اكون رشود و لا رقاصة شوشي
ريما وحنان : هههههههههههههههههههههههههههههههه
راشد: ما شاء الله غرفتج نظيفة
ريما مصدقة: والله تراني امس لميت شوي أغراض
و قلت بنفسي واااااااااو الغرفة صارت أحلى عن قبل
حنان مصدووووومة
راشد: ههههههههههههههههه ما تغيرتي يا ريما
ريما ابتسمت له و استانست على كلامه
لانه هي تحب شخصيتها و ماتبي تتغير
و بعد مرت مواقف من أهلها دايما
يحتقرونها حتى خلوا العيال الصغار يلقبوونها القذرة
حنان طلعت من الغرفة ... وخلت ريما وراشد يسووولفوون
و هي طالعة : شو هذا و انا بنت اخته و ماقالي شي و لا سلم ؟؟؟؟؟؟
راشد طلع من الغرفة و قال: حنوووووووووووون
حنان وقفت و لفت را : آمر
يا عندها راشد و قال: آسف بس من صدمة غرفة ريما نسيت أسلم
حنان بضحكة : أهـا عادي
انا كنت أفكر انك معجب بغرفة ريما خخخخخخخخخ
راشد: مستحيل شكلج ما تعرفيني .. انا دايما أحب البنات اللي يهتمون بالنظافة
بسـ ...
سمعوا زجاج منكسر
كلهم لفوا لجهة الصوت
ريما و الدموع في عينها و في نفسها: حتى انت تنتقدني؟؟؟؟؟؟؟؟؟
حنان و راشد في صدمة
سار راشد بسرعة صوب ريما
و لما يبي يكلمها قالت و الدموع في عينها:
بنشوف الحرمة اللي بتاخذها ........
وسكرت الباب
و خلت حنان و راشد في ذهول تام

--------------

في مركز المدينة
كان قاعد على الكرسي اللي حطووه البلدية
عشان أي واحد يجلس فيه للراحة
قاعد يلعب بشعره و الكاب مغطي عيونه بس
جالس يتأمل الشارع
فقام و راح يمشي و فجأة اصطدم بواحد طويييييييييييل
و قال له بصوت غليظ : ويييييييين عيوووونك ماتشووف
رفع عينه له و قال ببرود يعور القلب: أشوفك بوضوح تام و عضلاتك حلوة بعد
عصب الرجال عليه و كان بيعطيه بوكس على وجهه
الا و سيارة لوميزين توقف جمبهم و ينزل صاحبها
ملابس انيقة
عطر كلاسيكي
ساعة ماركة
و النعال ( يكرمكم الله ) ايطالي
: يا تركي انهي الموضوع
تركي كان وده يصفع البارد اللي قدامه
بس ما يقدر يرفض الأوامر و قال بصوت خفيف:
احمد الله انك بخير و تمتع الحين بشوفة الدنيا
قال الثاني ببرود أكثر من الأول: الحمد لله
راح هذاك صاحب الليموزين لصوب البارد و قال:
انا آسف عن اللي صدر من سكرتيري تركي
و اذا احتجت أي مساعدة ان شاء الله ما بردك
امممم أنا راكان .... وريث مجموعة الشركة الذهبية العالمية
و مد ايده يصافحه
طالعه البارد بنظره وقال ببرود مرة ثانية: و يعني؟
عصب تركي و كان بيضربه بس راكان مد ايده و اشرله انه يعني لا تسوي شي
راكان : على العموم انا ماخسرت اذا انت ما صافحتني
وقال ببتسامة سخرية : هذا يدل على طيب أصلك
و راح ركب السيارة و تحرك
قال البارد:عالم فاضية
كان بيمشي الا حد يركب ظهره:
خااااااااااااالد سوبر مان ما بتسير ؟؟؟؟؟؟؟؟؟
خالد:ناصر ظهري كسرته
ناصر: ما بتروح تشوف المباراة ؟؟؟
خالد: مب مهتم
ناصر: يا الله شو هالملاقة ........؟؟
خالد ببرود : ليش؟
ناصر: انت مو صفر الا مايناس مليوووون سليزي – 1000000000
بارد و بقوة بعد بس تعجبني يالحبيب خخخخخخخخخ
خالد بابتسامة : ابي ظهري
ناصر : اوووووه سوووووووري
ناصر لف يمين الشارع و قال : خلووووووووووووود
لوميزين هناك بعيد ....... لا بعد في حارتنا الجميلة
خالد: شفت كيف ؟؟؟
ناصر من صدقه: ما طاح فلس و لا فلسين و لاذهب و السيارة ماشية؟
خالد يستهبل: طاح ربع
ناصر : يالله منك ما تنفع تضحك
خالد يبتسم ويقول : ولا انت
ناصر : يالله بنروح بيت محمد عسب نشوف المباراة
خالد: محمد؟؟؟؟؟؟؟؟
ناصر: تستهبل هو البيت الوحيد اللي في حارتنا فيله دش مثل العالم والناس
و نحن تلفزيون ابو اريل و ثلاث قنوات مشوشة و لله الحمد
خالد : خخخ انزين بروح
ناصر: طيّب ما شاء الله
خالد بابتسامة: اسكت خلاص
ناصر: انزين
----------


خالد من النوع الهادي جدا ... رجال ما يعطي للبنات سااااااالفة
يعتقد انه و لا بنت تقدر تخطف قلبه ... لأن مو مهتم بالحب أبدا
و مايعرف ليش وبعد انسان كتوم ومايقول اللي في خاطره
الا لأقرب الناس له و مو أي ناس الناس القريبة كثيييييييييييير
و كلامه جدا قلــــــــيل و يكره الناس اللي تتكلم كثير خصوصا من البنااااات
لان يتضايق منهم
دايما يسمووونه في الحارة سوبر مان
لأن ما شاء الله جميل و غير عن عيال الحارة
------------

خالد : بروح البيت بتسبح
ناصر يلمس شعره
خالد : اتركه
ناصر: يالله طويل كثيير واصل لآخر رقبتك قصة
بيجي البرغوث و بيعمر في شعرك
خالد مستغرب: استاذ علوم؟
ناصر : شووووو؟
خالد : و لاشي
سار خالد البيت و تسبح و طلع من الحمام
ياله اتصال و لما شاف الرقم نفخ و تضايق
ولكن رد عليه
خالد: هلا
: ههههههههههه هلا خالد شلونك
خالد: يسرك الحال
: الحمد لله
: وانت طال عمرك؟
: بخير و لله الحمد ... بس كنت أريد أعرفك على ولدي مثل ما قلت لك
ابيكم تصيرون ربع
خالد وهو مو مهتم : ان شاء الله
: ابيك تجي الحين
خالد: انزين
كملوا سوالف
وسكر التلفون و قال: حنجرتي تعورني
تكلمت كثير
راح لبس لبس كاجوال
و طلع للمكان اللي هو يريده
__
في مكان الشخص اللي خالد كان يتكلم معاه
كان يقول : ها يا ولدي كووون زين معاه
تراه أنقذ الكلب مالي
الولد: ما يحتاج ابوي تــ
قاطعه ابوه و قال: رااااااااااااكان
انت تدري اني أحب الحيوانات و هذا الكلب بالذات فرجاءا
و أي شخص يرعاه انا بحطه في عيوني
كل الكادر و الحراس كانوا منصدمين من الكلام
اللي صادر من شخص كبير و لا بعد رئيس شركة
و راكان متفشل بعد
بعد 30 دقيقة
اندق الباب و ظهرت السكرتيرة تقول :
ابو راكان طال عمرك ...خالد الفلاني برا أخليه يدخل
ابو راكان متحمس : ايه خليه بسرعة
دخل خالد و هو مو منتبه على راكان
راكان فتح عيوووونه للآخر :.................
تركي كان معاهم في الغرفة
و نسى عمره و قال بصوت عالي: انــــــــــــــــــــته؟
خالد لف لصوب الصوت وطالع تركي بعدين طالع راكان و قال ببرود :سبحان الله !



تتوقعوووووووووون شو بيصـــــــــــــــير؟؟؟؟؟؟؟؟؟؟؟؟

إلى اللقاء ^^



تعديل على طاري الفخر أنا يمنية; بتاريخ 14-07-2011 الساعة 05:06 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-07-2011, 05:14 AM
عميدة الأدب عميدة الأدب غير متصل
©؛°¨غرامي مشارك¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


روايتج حلوة و شخصية البنت مختلفة عن روايات عديدة
لان البنت دايما لازم تكون حلوة

بداية موفقة ووننتظر البارت القادم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-07-2011, 05:22 AM
صورة على طاري الفخر أنا يمنية الرمزية
على طاري الفخر أنا يمنية على طاري الفخر أنا يمنية غير متصل
©؛°¨غرامي فعال ¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


اقتباس:
المشاركة الأساسية كتبها عميدة الأدب مشاهدة المشاركة
روايتج حلوة و شخصية البنت مختلفة عن روايات عديدة
لان البنت دايما لازم تكون حلوة

بداية موفقة ووننتظر البارت القادم
تسلمين على مرورج

ترقبي البارت الثاني^^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-07-2011, 04:39 AM
صورة على طاري الفخر أنا يمنية الرمزية
على طاري الفخر أنا يمنية على طاري الفخر أنا يمنية غير متصل
©؛°¨غرامي فعال ¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


انتظروني مع البارت الثــــــــــاني

و أرجوا منكم الردود


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-07-2011, 10:29 AM
صورة nouf00 الرمزية
nouf00 nouf00 غير متصل
©؛°¨غرامي فعال ¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي



يسلمو على الرواية وعجبتني حيل
بس ممكن تقولين متى ينزل البارات
حياتو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-07-2011, 11:05 AM
صورة وردة ذآبلة~ْ} الرمزية
وردة ذآبلة~ْ} وردة ذآبلة~ْ} غير متصل
©؛°¨غرامي مشارك¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


كــملي يــاغلاا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-07-2011, 12:44 PM
صورة tOm.. الرمزية
tOm.. tOm.. غير متصل
©؛°¨غرامي فعال ¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


بصراحه بصراحه
اهنييك
بدايه موفقه
جدا جدا

يقهرني البرود من البدايه
بس شخصية ريما فله


ننتظر البارت الثاااني انسانه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-07-2011, 11:17 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: رواية بصير أحلى واتحداك و بتغير عشان نفسي/ بقلمي


وعليكم السلام

موفقه ان شاء الله

القوانين ، تحديث جديد ؛



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-07-2011, 06:08 AM
صورة على طاري الفخر أنا يمنية الرمزية
على طاري الفخر أنا يمنية على طاري الفخر أنا يمنية غير متصل
©؛°¨غرامي فعال ¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


أشكركم و الله على تشجيعي و هذا البارت الثاني ^^

- -- - - -


البارت الثاني

اندق الباب و ظهرت السكرتيرة تقول :

ابو راكان طال عمرك ...خالد الفلاني برا أخليه يدخل

ابو راكان متحمس : ايه خليه بسرعة

دخل خالد و هو مو منتبه على راكان

راكان فتح عيوووونه للآخر :.................

تركي كان معاهم في الغرفة

و نسى عمره و قال بصوت عالي: انــــــــــــــــــــته؟

خالد لف لصوب الصوت وطالع تركي بعدين طالع راكان و قال ببرود :سبحان الله !
ابو راكان : خير يا تركي وش هالصراخ ؟
تركي بحرج: أنا آسف طال عمرك
راكان يبي يمشي الأمور : يبا .. من هذا ؟
ابو راكان نسى السالفة من الحماس و بابتسامة عريضة: ايه هذا اللي كنت أكلمك عنه
راكان و هو رافع حاجب: ............
خالد راح صوب ابو راكان و سلم عليه
ابو راكان: ترى يا ولدي خالد انا قلت لك لأنك انقذت كلبي العزيز
فبخليك تكون صاحب ابني شو رايك ؟؟؟
خالد في نفسه: يالله راسي يعورني وش هالمغثة
ابو راكان: بسم الله شو فيك
خالد : أنا آسف ..
ابو راكان: نقول انك موافق ؟
خالد بدون نفس : ايه
ابو راكان من صدقه: يالله جيب الفيمتو يا ولد عشان نحتفل خخخخخخ
راكان يطالع أبوه بصدمة : فيمتو ؟؟؟؟؟؟
تركي و هو فيه ضحكة : حاضر طال عمرك

ابو راكان انسان متواضع جدا
و يحب الوناسة و الضحك و يموت على الكلب ماله اللي يعتبره مثل ابنه
و اللي يطالعه يقول عمره في الثلاثينات مش فوق الخمسين
و هو رئيس شركة معروفة عالميا و تحقق أرباح كبيرة في الوطن العربي خصوصا
------

: هههههههههههههه والله صدق من متى ؟
: من أسبوعين
: ما شاء الله و انا صديقتج و ما تخبريني عن اللي يصير ؟ أفا بس زعلت
: شو أسوي انتي راديو مزود بيد و رجل اخاف تخبرين منى اللي ما تصدق تلقط مني خبر
: خخخخخخخخخخخ و الله ما أعرف كل ما أشوفها أحسها ملاك
بس من وراي أخاف تحش فيني
: خلاص فكينا ما نبي نحن بعد نحش فيها .. أقول سارة؟
سارة: قولي ..
: غريبة و الله ما أشوفج تسولفين عن راكان
سارة بضيق : و ليش أسولف عن هالجاهل ؟
: جاهل؟ ايه ايه صح انتي قلتيلي انتي أكبر عنه بعشر سنوات
سارة: و يعني ؟:
: يعني انتي عجوز قشرا
سارة: ههههههههههههههههههه
بس وجهي بيبي فيس
: هذا على اعتقادج خخخخخخخخخ
سارة: أقول تهاني سكري التلفون يمكن امي تناديني
تهاني: طيب .. سلمي عليها و قوليلها تهاني راح تجي
بكرى
سارة: بكرى؟ ليش يا العلة عندي شغل تعرفيني الحين
مسكت قسم المشاريع الجديدة للشركة و هذا القسم يهتمون فيه
يعني المسؤولية كلها علي لو صار شي و ....
تهاني: خلاااااااااااااص والله فهمت ما بي أجي
راح أجلس في بيتي بطلت و الله بطلت
سارة : ههههههههههههههههههههههه
يالله مع السلامة
تهاني : مع السلامة
راحت سارة بسرعة تركض ناحية باب غرفتها وفكته
و سارت صوب الدرج و نزلت منه و شافت أمها قاعدة على التلفزيون
سارة: يمه انتي ناديتيني ؟
ام سارة : بسم الله الرحمن الرحيم من متى ناديتج ؟
سارة : يمه كان صوتج أنا متأكدة
ام سارة: ليكون في جني و نحن ما ندري؟
سارة بخوف: خلينا نتعوذ من البليس و نقرأ آية الكرسي
تموا سارة و أم سارة يقروون السوورة و ارتاحوا
فراحت تركب الدرج عشان ترد لغرفتها فلقت ظل شخص
يتحرك على طول الدرج
فتحت عيونها للآخر و رفعت راسها لفوق و شافت اللي قدامها
و قالت بصراااااااااخ :
.
.
.
.
.
.
عبد الرحــــــــــــــــــمن ؟؟؟؟؟؟؟؟؟؟؟؟
يمه يمه لحقي عبد الرحمن هني
ام سارة ركضت و كانت تشوف هل صح كلامها أو لا ؟
فلما تأكدت انه هو قالت : عبد الرحمن !
نزل عبد الرحمن لامه و سلم عليها سلام حار جدا و قال : هذا ولدج اللي كنتي تنتظرينه ^^

---
سارة : بنت عم راكان الكبيرة ..في علاقة توتر بين الاثنين بعدين بنعرف شالسالفة
و هي طويلة و قوامها رشيقة و ملامحها ناعمة و شعرها لوسط ظهرها
ولكن مو أحلى من حنان ... فتاة مثابرة في العمل و تحب الشغل و دقيقة بالمواااااااااعيد
و تحترم الشخص اللي يلتزم بمواعيده ( انتبهوا لهالنقطة )
________________

وقفي يا بنت وقفي تراج لووووووووعة يالله من متى ما مشطتي شعرج ؟
: من 9 أيام
: شووووووووووو؟
: راسي يعورني خلاص... شو هالتمشيط هذا راس
مو شد حبل ....... آخ خلاص ما بعيدها
يا حنان و الله يعور
حنان : انا قلت لج خليني أوديج الصالون أعدل فيج شوي
بس انتي مهملة في نفسج يا ريما و الله بتندمين
ريما و هي تحك رقبتها: كنت أمس بضارب البعوضة لأنها قرصتني
حنان: أكيد بتقرصج غرفتج صايرة مستنقع و مجتمع حشرات
متى ناوية تنظفينها ؟
ريما بدون ما تقصد هالشي: ان شاء الله لما أعرس
حنان : هههههههههههههههههههههههههههههههههههههه
ريما : طايحة من عينج؟
حنان :الله يعين ريلج
ريما: ترا مو ناسية حركتج ويا عمي راشد
آخ بس ما كنت اعرف انه بعد ينتقدني
حنان: حسبالج الرجال يعجبهم هالنوع من البنات؟
ريما: أنا ما أشوف فيها شي
حنان : في المستقبل بتحسين شو مقدار الخطأ في كلامج
ريما : ما فهمت
حنان : مع الزمن بتفهمين
ريما بدون اهتمام: ايه طيب
حنان : اليوم عندج المقابلة عشان الوظيفة لازم تشدين حيلج
ريما و هي متحمسة: أنا فرحانة لأنها أحسن شركة في الوطن العربي
حنان ما تبيها تفرح كثير لأن خايفة يرفضوها عشان مظهرها و تصرفاتها: طيب ريما انا جاية الحين
اوكي خليج هني
ريما و هي تنسدح : خذي راحتج
حنان ابتسمت وراحت
كانت ريما تطالع الجدار اللي فوق و تقول :
يقولون هناك في وجبة مجانية للموظفين
و هالوجبة تختارينها من البوفيه ياربيييييييييي
شو أسوي شكلي راح أنفجر أبيهم يقبلوني بسرعة و أروح أسلم على البوفيه
حق الموظفين خخخخخخخخخخخخ
اصبري يا معدتي الفرج قريب
لفت لليمين و نامت على جنبها الأيمن
و شافت حد يطالعها فقالت:جااااااااسم شو تسوي هني ؟
روح حسبي الله ونعم الوكيل
راحت تركض و تسكر الباب
جاسم من ورا الباب : ليش شعرج مصعوووق ؟
ريما: مالك خص
جاسم : هههههههههههههههههههههههه
شعرج حلو على فكرة و غرفتج أحلى بعد
ريما بغضب : شو تقصد ؟
جاسم : المهم مو لازم تعرفين
ترا جايبين عشا من برا تبين و لا لا ؟
ريما من يوم سمعت عن سالفة الأكل راحت تلبس شيلة
و كان شعرها منفوش بالأصل فلما لبست الشيلة صار راسها كورة كبيرة
من نفشة الشعر خخخخخخخخخخخ
طلعت و شهق جاسم و قال: ليه راسج تضاااعف ؟
تسوين نفخ في راسج ؟
ريما و هي ماهمها الا الأكل : أقول مع السلامة
نزلت بسرعة للصالة و راحت سيدة للمطبخ و صارخت وهي تقوووووول :
أكلـــــــــــــــــــــيي ويييييييييييييييييييييييييييييييييييييييييييييييين يماااه ؟؟؟؟؟؟؟؟؟؟؟؟؟؟؟؟؟؟
ام ريما: بسم الله خوفتيني ... بناكل مع بعض شوفيج ؟
----
جاسم هو أخو ريما و لكن من الاب
تستحي منه كثييييييير و مرات ما تحسإ أنه أخوها
و تحس العلاقة اللي بينهم ضعيفة .. بس هذا مو يعني انهم ما يحبون بعض
بس تحس انه ما يقدرون يجتمعون مع بعض و يسولفون براحة تامة

-----
اليوم الساعة 5 العصر
رحت للشركة اللي كانت حلم حياتي بعد تخرجي من الجامعة
أنا تخصصت في مجال الترجمة
نظرا لأن هالشركة تبي توسع نطاقها لجميع الدول تقريبا فهي تحتاج لمترجمين لغات متنوعة
عشان يكون التواصل أسهل .. فأنا مجال لغة انجليزية
و يا كثر المتقدمين لهالطلب لأن الأغلبية تخصصهم لغة انجليزية
كنت متوترة ... اللجنة ما وصلت
قعدت أهدي نفسي و أقرأ آيات
فبعد 10 دقايق
إلا أسمع صوت ناس تصارخ و كاميرات و الدنيا مشغولة و مرتبشة
إلا سمعت من اللي قاعدة معاي تقول: لما جيت السنة الماضية
لهالشركة كانت اللجنة تمر و الصحافة حابة تصورهم
لأنهم من الشركات الكبيرة اللي تلعب دور في اقتصاد العالم
عشان كذا يهتمون بأخبارها
و انا فاتحة فمي وكنت مفهية فهمت شوي منها لأن بالي مشغول مع الناس المتجمعين
إلا أطالع من بين أعضاء اللجنة رجال طويل و أنيق جدا و لابس نظارات شمسية
قلت في نفسي : نظارة شمسية و داخل المبنى؟ ليكون موضة 2011م
دخلوا اللجنة داخل الغرفة عشان يتهيئون للمتقدمين
فبعد نصف ساعة بدؤوا بذكر الأسامي
ما أنسى هاليوم كيف تكسر ظهري !!!!
مت لين ما نادوا إسمي
انتظرت ساعة ونص
فالحين دوري في الدخول
فدخلت
لقيتهم قدامي على طاولة كبيرة الرجال الوسيم في النص
و الكبار في السن اللي هم الخبراء على اليمين و اليسار
قال لي اللي كان على اليمين : تفضلي
كنت متوترة و لكن شجعت نفسي و بديت أتكلم عادي
و عرفتهم على نفسي و أهدافي و الأشياء الضرورية اللي يبونها
فختمت بابتسامة
كل اللجنة كانت تطالع في بعضها
و بعدين يطالعون بالوسيم اللي كان في النص
فهو تكلم و قال و هو يطالعني بحدة:
خلصتي ؟ يا .... وخر نظره عني و طالع الورقة
ياريما ؟
انا باستغراب: نعم
فقال لي بعدين:
انتي ما قصرتي من ناحية سرد الموضوع
و لكن ... ( رفع صوته ) .. ما أحب البنات الوسخاااااااات
ما أحب البنات القبيـــــــــــحات
ما أحب البنات الغير نظيفاااااااااات
شوفي النعال مالج ( الله يكرمكم)
ريما بصدمة عاطفية كبيرة نزلت عيونها لتحت وشافت نعالها( الله يكرمكم )
متوسخ بالسماد
فريما قالت في بالها: يالغبية وش هالقرف ؟ كيف صار هالشي ؟؟؟؟؟
ليكون من العيال لعبوا بنعالي ؟
حاولت تتذكر ما عرفت
رفعت راسها و ابتسمت بخحل ( وهي أول مره تبتسم بخجل من مظهرها )
فقال لها بصوت عالي: برااااااااااااااااااااااااا



تعديل على طاري الفخر أنا يمنية; بتاريخ 16-07-2011 الساعة 06:20 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-07-2011, 06:24 AM
صورة على طاري الفخر أنا يمنية الرمزية
على طاري الفخر أنا يمنية على طاري الفخر أنا يمنية غير متصل
©؛°¨غرامي فعال ¨°؛©
 
الافتراضي رد: رواية بصير أحلى واتحداك و بتغير عشان نفسي/ بقلمي


تتوقعون شو بيصير ؟

رواية بصير أحلى واتحداك و بتغير عشان نفسي/ بقلمي

الوسوم
محمد , تصير , تغير , رواية , غرام , عشان , نفسي , قلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 02:57 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1