منتديات غرام روايات غرام أرشيف الروايات المغلقة - لعدم إكتمالها خلي هجرني تكفى ياموت زرني وأن ماقدرت دلني مكانك وأنا أجيك / بقلمي
خفايا الروحـ ©؛°¨غرامي جديد¨°؛©

السلام عليكم ورحم الله وبركاته ..~

هآذي اولـ روآيتي..حبيت تشاركوني فيها

واشــــــــــــــوف آرائكم


الكاتبه:ஐ♥خفايا الروح♥ஐ>وهـ بس فديتني^_^

اسم الروايـة:خلي هجرني تكفى ياموت زورني ,, وان ماقدرت دلني مكانك وانا اجيك

آحب آوضـح شي للجميــع إن أبطــــال الـــرواية

من أعمــــــــــآآق خيــــــــــآآالي..,.. < ما عداااا روان ^^ هي انا ^^



راح اعيطكم نبذه عن شخصيآآت ابطالنا..,..

وطبعا الجزء الاول راح يكؤؤن تعارف للشخصياات !



الجـــــزء الاولــــــــ

عــــــائلة ابـــو نايف

ابونايف:
ام نايف:
نايف26)<<صديق فيصل الروح بالروح كان يدرس معاه بكندا
نواف23)
نجلاء22)
ندى19) << هي وفجججججججججر صحبات الروح بالروح بعد


عـــــائلة ابــو فيصل
ابو فيصل:
ام فيصل:
فيصل26)
فواز:عمره(24)
فهد:عمره(23)
ليان20)
فجر16)


عـــائلة ابـــو رايـــد
ابو رايد:
ام رايد:
رايد23)<<صديق فهد الروح بالروح
جنى20)
ربى19)
روان17)

,,
,,
,,

خفايا الروحـ ©؛°¨غرامي جديد¨°؛©

روان:اوف ياربي وش ذا الطفش
جنى وهي تناظر التلفزيون:خلينا نروح المول ونكلم البنات
روان:اهب عليك هاذي وشلون طافتني
جنى:احلفي عاد
روان وهي بتقوم:احسن لي اقوم اتصل على البنات واشوف رايهم
...........................................
راحــــــــــوا البنات المــول
.............................................

طبعا البناااااااااات انقسسمووو نصين > شله خربانه خخخ وشله مسالمه خخخخخ



روان:بنات بنات شوفو الولد مملوح
فجر وهي خاقه عليه:اي والله ملاك نازل من السماء
ندى:بنات بلاش فضايح لاتقزون فيه شوفو كيف يناظرنا
روان وهي سارحانه فيه:ياااااااي قمر وربي قمر
فجر وهي تضربها على راسها:خلاص ما تنطعين وجه اكلتي الرجال
روان وهي تمسك مكان الالم:آهـ حسبي الله عليك اللي يشوفك اول يقول هاذي طايحة بحبه
فجر تضيع السالفه:خلاص خلاص هيا نروح الكوفي انا تعبت
ربى بهدوء:مشينا
الولد كان مراقب نعومة ربى وكيف هي مستحيه تناظر فيه>الاخ طاح في شباك الحب هع
راحــو البنات الكوفي والولد وراهم
جلسو على الطاولة بحيث ربى مقابلة الولد
ربى مستحية منزله عينها:بنات نادوا الجرسون
فجر وتصارخ:ليش يا حبيبتي على راسك ريشه>وجها مغسول بمرق هع
ربى عصبت:علي صوتك اكثر ما احد سمعك
روان:هي هي انتو اللي يجي معاكم غلطان
فجر:اقول اسكتي لااقوم عليك
روان:اتحداكي
فجر وهي تقوم:انا فجر ما احد يتحداني وراحت عند روان
ربى قامت وطنشتهم>خربو عليها هع
الولد قام معاها
ربى دخلت محل الاكسوارات دخل معاها
ربى تكلم صاحب المحل:لوسمحت مافي حرف fمن السلسال>تفكر في فجر هع
الولد مراقبها>طبعاً ربى مو داريه انها مراقبه منه
صاحب المحل:الا يا دكتورة موجود
ربى:عطني اشوفه
صاحب المحل:دقايق
ربى لفت على ورى شافت الولد هنا من جد خافت
الولد تقدم من ربى وقال لها:لو سمحتي ممكن نروح الكوفي
ربى:..................
الولد:انا اسمي سعود
ربى:.................
سعود:ما ودك تتكلمين
ربى:لوسمحت وخر عني مو راعية هالحركات
سعود:باين عليك انك مو كذا
ربى:طيب ليش لاحقني
ما انتظرت منه يرد لانها راحت سعود سارح فيها بجمالها الناعم يسمع احد يناديه
صاحب المحل:لوسمحت ما شفت ست كانت هون من شوي
سعود شاف السلسال بيد صاحب المحل قال:هذا اللي طلبته البنت
صاحب المحل:ايوة
سعود حاسب على السلسال واخذه
وراح يدورها ربى شافها من بعيد مع فجر وروان
وصار يتبعهم من بعيد لبعيد
.................................................. .........
نروح عند الشلة المسالمة>هع
ليان:جنو وش رايك بالبدي
جنى وهي تناظر فيه بتمعن:يآآآآي خطير مرة وبذات اللوان الغامقة عليك حلوة
ليان وهي مستانسة:تسلمين قلبي كله من ذوقك
نجلاء:حركااااات حركااااااات وش ذا البدي مرة نايس

الا جووو عندهم الششششله الخرباانه هع هع

ندى:من جد والله مرة حلوة ويجي على جسمك مااارة كيوت < داخله عرض الاخت
ليان:كله من ذوقكم حبايبي
جنى:انا خلصت من السوق
نجلاء:وانا بعد
ندى:لحظة باقي لي بنطلون ما اشتريت
ليان:ندو انا اشتريت بنطلون ومافيني ارجعه طلع مومقاسي خذيه يجي عليك
ندى:اوكي
خرجوا من المحل قابلو شلة حسب الله>فجر روان ربى هع
روان:ها اشوف كل وحدة الاكياس بتغرقها اظن اشترتو المول كله
فجر:وانا اشوف كل مانروح محل اشوفة فاضي
ربى:بس بس قلبتو راسي من اول وانتو تتهاوشون
فجر:هـهـهـ على اي صفحة انقلب
روان:اظن صفحة ميه واحد
جنى:انا وش خلاني اجي مع ذولي ما يسكتون
ليان:اصلاً انا قلت توبه ما اجي معاهم
ربى:خذوني معاكم لاتخلوني بينهم
ندى:هـهـاااي المشكلة اخاف فجر تتوطى بطننا
نجلاء:انا بتصل على نواف بقوله خلصنا طفشت
روان وفجر مع بعض:هي هي هي انتي من راسك تتصلين احنا ما خلصنا
جنى:خلاص مو لازم اليوم تخلصون راسي صدع
ندى:اي يعني مو هاذي اخر مرة تجون فيها المول
ربى:نجول اتصلي على نواف
نجلاء:الو
نواف:هلا
نجلاء:نواف احنا خلصنا من السوق تمرنا
نواف:بس مسافة الطريق واكون عندكم
نجلاء:طيب يلا بااي
نواف:باااي
نجلاء:بنات خلونا ننتظر نواف في الكوفي
البنات:يلا
فــــــــــــي الكوفي
ربى رايحه الحمامات تعدل غطاها
نجلاء:على وين ربى
ربى:بروح اعدل غطاي
نجلاء:لاطولين لان نواف الحين جاي
ربى:لا مو مطوله بس في احد بيروح معاي
البنات:لا
ربى:وي بسم الله علي طيب
راحـــــت ربى وسعــود كان مراقبهم من اول عرف انها هاذي ربى
سعود:ربى
ربى الفتت على الصوت الغريب:خير
سعود:الخير بوجهك
ربى انصدمت شافت سعود قالت:انت ما تعبت من يوم تلاحقني
سعود:وشلون اتعب وانا اتبع القمر
ربى استحت بس ما بينت له:لو سمحت ابعد عن طريقي
سعود مد لها رقمه:اتمنى انك ما ترديني
ربى اخذت الرقم من باب التهديد:باخذه بس شوف بعدين مصيرك
سعود:اافا ما هقيتها منك تسوين فيني كذا
ربى:الحين اخذت الرقم وش تبي بعد
سعود وخر لها
ربى راحت عن عينه..ونست تصلح غطاها رجعت عند البنات لقتهم مو موجودين
ربى خايفة:ياربي وين راحو ذولي بعد مو ناقصة اتصلت على نجلاء مافي شبكة واتصلت على
البنات كلهم برضو مافي شبكه
ربى جالسه تدور براا المول مالقيتهم وجوا المول كمان مالقيتهم تعبت وجلست على الطاولات
وتفكر وين راحوا البنات
فتحت شنطتها شافت الورقة>رقم سعود
ياربي ودي اتصل عليه وفي نفس الوقت مستحيه منه من اول يوم تتصل عليه

.................................................. ..............

توقعاتكم وش راح يصير

ربى بتتصل على سعود؟

وش موقف البنات لما يتذكرون انهم نسيوا ربى؟

كل شي راح تعرفونه بالاحداث الجايه

اما الحين ابي ردودكم على البارت هذا

بلييييييييز لاتحرموني منها هاذي اول روايتي وابي تفاعل....

شهد العربية ©؛°¨غرامي مشارك¨°؛©

هلا والله
تكفين لا تخلين ربى تتصل عليه
اصلا الغبي هو شالحركات يعني تعرف انها موب راعية هالحركات تجي وبكل بحاجة تعطيها رقمك !
ناوي تخربها مثلاً ؟

خفايا الروحـ ©؛°¨غرامي جديد¨°؛©

اهلين شهؤؤؤده ,,~


ههههههه يمكن بيخربها ,,~


تسسسلمين ع المرور ,,~

خفايا الروحـ ©؛°¨غرامي جديد¨°؛©

مـــــــــوعـــــــــــد تنزيل البـآإرتآإت ,,~

يــــــــــــــــؤم ((السبت - ألآثنين - الاربعـآإء ))

آإتمنى آإششششششششؤؤؤؤف تفـآإآعلكم !!!!!!!!!! ,,~

خفايا الروحـ ©؛°¨غرامي جديد¨°؛©

وين تفاعلكم ,,~ (( ))

بليزز لا تحرمؤؤؤني منهـآإ آإبي تعليقكم ,,~

ذي آإؤؤل رؤآإيه لي ,,~

خفايا الروحـ ©؛°¨غرامي جديد¨°؛©

الجـــــزء الثــــــــاني


توكلت على الله واتصلت فيه:الـ ـ ـو
سعود:هلآ
ربى وهي خايفه:سعـ ـود
سعود:اي بس مين معاي
ربى متوترة:انا البنت اللي في المول
سعـود:قصدك ربى
ربي خافت زيادة:أآي
سعود:هلاوغلا والله
ربى:سعود
سعود:عيونه
ربى متوترة:سعود انت موجود في المول
سعود خاف عليها:لا انا خرجت بعد ما كلمتك
ربى ودها تصيح:اها خلاص يلا باي
سعود حس ان فيها شي:ربى فيك شي
ربى تبكي:.......................
سعود خاف:ربى تكلمي فيك شي
ربى:..................
سعود:ربى انا الحين جايك بالمول
ربى قفلت منه
..............................................
نــــــروح عند البنات متجمعيــــن في بيـت أبــــــــــونواف
نجلاء:بنات وين ربى ما شفتها
ندى:اي والله
ليان:مواحنا تركناها في المول
روان:اي صح هي راحت تعدل غطاها
فجر ولاول مرة تدمع:ياقلبي عليك ربى
ليان:لازم نخبر العيال عشان يرحون يدورن عليها
نجلاء:آي صح
ندى:لا خلينا نتصل عليها ونشوف هي وين
ليان:اتصلي عليها
ندى تتصل:مافي شبكة
البنات:حاولي مرة ثانية
..............................................
نــــــروح عند ربى..سعـــود يكلمها بالجــوال
سعود:ربى انتي وين بالضبط
ربى:انا في مكانا في الكوفي
سعود:لا انزلي اسفل ما يدخلوني لحالي
ربى:اوكي
نزلت له اسفل وطلعت براا المول شافت سعود راحت له
سعود:ربى ايش فيك
ربى قالت له السالفه****
سعود:طيب امسحي دموعك ما صار الا الخير انا موجود
ربى تمسحه دموعها:طيب وش اسوي
سعود رايح لسيارة:تعالي اوصلك
ربى خافت:لا انتظرهم اكيد هم موجودين
سعود:ربى اركبي والله ما اسوي لكي شي
ربى من ناحيتها ارتاحت لسعود:بشرط
سعود يناظرها:امري
ربى:اني ما اشوفك بعد كذا عند باب بيتنا
سعود ضحك:هههه شكلك شايفه مسلسل متاثرة منه
ربى ضحكت غصب:هههه وش دراك
سعود:اركبي
ربى ركبت ورا***
سعود:هيه شايفتني سواق عندك راكبه ورا
ربى انحرجت:لامو قصدي كذا
سعود:لاتكثرين كلام واركبي قدام
ربى ماتبي تاخر الوقت ركبت قدام مستحيه
سعود كل شوي يناظر فيها
ربى مرة متوترة منه
دق جوال ربى شافت الرقم شهقت
سعود:بسم الله عليك وش فيك؟
ربى ودها تبكي من اول وجديد:هاذي اختي
سعود:ارفعي
ربى:وش اقول لهم اني جيت معاك
سعود:قولي لهم جايتهم بالتاكسسسسسسسي
وفعلا ًربى رفعت:الـ ـ ـ ـو
ندى صرخت على البنات ردت ربى:ايوة ربى انتي وين نرسل عليك نواف
ربى تبكي:انتو وينكم
ندى:احنا بالبيت
ربى شهقت:بالبيت وتاركيني بالمول لحالي
ندى تتاسف منها:معليش ربى بعدين نقولك السالفه انتي الحين وينك نرسل نواف
ربى معصبة:لاشكرا لاترسلين لانواف وغيرهـ انا جايه بالتاكسسسسسسي
ندى خافت عليها لحالها:لابنرسل نـ...
ربى ما اعطتها فرصة تكمل وقفلت الخط
سعود:ايش فيهم
ربى بالها مو معاه:.......................
سعود ما حب يكثر عليها وهي بهالحاله
.................................................. ....
ندى:ربى ربى
البنات:ايش فيها ربى
ندى:قفلت الخط بوجهي وتقول انها بتجي بالتاكسسسسسي
ليان خافت عليها:لالازم نرسل لها واحد من العيال
نجلاء:اي صح خوف عليها تجي لحالها بالتاكسسسسسي
ندى:اصلا هي ما اعطتني فرصة اكمل كلامي
فجر وهي خايفة على صديقة عمرها:الله يحفظك يا ربى وتوصلي لنا سالمة
البنات مستغربين من حالة فجر مو من عوايدها:آمييين
.............................................
ربى:ايوة ذا البيت
سعود تنح:..................
ربى:سعود وش فيك؟؟





ارائكم وتوقعاتكم
سعود وش حصل له وليش تنح؟؟؟
وهل يترى ربى بتوصل سالمة للبيت والا لا؟؟؟
وش راح يكون موقف ربى للبنات؟؟؟

كل هذا راح تعرفونه بارت الجاي.....
الحين لاتحرموني من ردودكم وتعليقاتكم..

خفايا الروحـ ©؛°¨غرامي جديد¨°؛©

الجـــــزء الثـــــــــــالث

سعود ناظر فيها وقال:انتي اخت رايد الـ....
ربى خافت منه:انـ ـ ـت تـعـ ـرفه
سعود ما زال يناظر فيها:اي اعرفه هوا صديقي بالجامعه ولد عمكم فهد
ربى مسكت يده تترجاه:بليييييييز بلييييييييز لا يدري انك تعرفني
سعود ناظر في ايدها ومسكها:لاتخافين سرك في بير
ربى نزلت على طول ودموعها اربع اربع>رحمتها هع
سعود ما زال على حاله وش هالصدفه الحلوة
................................................
عنــــد البنـــــــــــــات كل وحدة راحت على بيتها
جنى على طول طلعت تشوف اختها جات اولا>ربى
جنى تطق الباب الغرفة:ربى ربى افتحي الباب
ربى:.........................
جنى ما زالت تطق الباب:ربى افتحي انا جنى
ربى:......................
جنى فتحت الباب لقيته مفتوح استغربت اول مرة تخلي الباب مفتوح
دخلت جوا الغرفة لقت ربى نايمة
جنى ناظرت اختها ورحمتها كيف راحت عن بالهم بذي السرعه
جنى مسكت الحاف ولحفت ربى وطفت الابجورة وخرجت
روان ولا كان احد ناسيته مشغله فلم وتاكل فشار وببسي ورافعه الصوت
على اخر شي> بإختصار مروقه على الاخر
جنى دخلت عند روان وفلصت التلفزيون
روان كانت ساجمة ماتشوف الا اللي هاجم عليها:خير خير جايه تحطين حرتك فيني
جنى تصارخ:انتي ما تطفشين من خرجه لفلم ومن فلم لنوم ولا كان احد عندك ناسيته
روان تصارخ با اعلى منها:وانتي وش عليك مني
جنى بهدوء:بس اختك تعبانه وانتي رافعه الصوت لا اخر شي
روان قامت تشغل التلفزيون:لو سمحتي سكري اللبات وطسي عن وجهي
جنى انقهرت منها بس ما بينت وخرجت من الغرفة
.................................................. .........
ربى ما كانت نايمه بس منطشه>زعلانه
بعد ما راحت جنى مسكت جوالها وقلبت برسآيل
وشافت رســـاله اعجبتهـــا
~*~*~*~*~*~*~*~*~*~*~*~*~*~*~
قالوا تحبه..؟؟
قلت بالحيل أحبـه
وأحب التراب اللي وطت به
خطاويه قالو غلاتـه؟؟
قلت ياناس صعبة أوصف
غلا اللي عن غلا الروح مغليه..
سعادتي لو هي دقايق بقربه
تسوى العمر كله..
نفظت من راسها انها حبت سعود لان من اولـ ما نزلها وهي تفكر فيه
وفي نفس الوقت خايفة يقول لرايــد..
خذاها التفكير يمين ويسار لين نامت..
.................................................. .........
فـــــي شقــــــة الشبـاب>شلة فهد ورايد
فهد منسدح وماد رجله على المتكى:رايد
رايد ناظره:سم
فهد:سم الله عدوك فيه موضوع يدور براسي
رايد:اللي هو
فهد مازال على حركته:بنت البنات اللي اكلمهم مجننتي تبيني اتزوجها
رايد انسدح من الضحك:هههههههههههههههههههههههههههههههههههههههههههه ههههه
فهد جلس:خير انا قلت شي يضحك
رايد وهوا يضحك:هههههههه وان شاء الله بتتزوجها هههههه
فهد رجع انسدح:مالت على وجهك موقصدي كذا
رايد:اجل وش قصدك
فهد:انا ببطل اكلم بنات وهي مجننتني كل ما غيرت رقمي تجيبه مدري من وين
رايد:انت يا فهد تبطل تكلم
فهد:ايه وش فيني
رايد:لا ابد مافيك شي
فهد:طيب وش اسوي فيها
رايد:طنشها
فهد:سويتها وصارت تلاحقني بسواقها
رايد:هذا ما جنته يداك
فهد ناظر فيه وعطاه ظهره:روح روح احر ما عندي ابرد ما عندك
رايد سكت شوي ثم صرخ:وانت وش خلاك تبطل تكلم>توهـ ينتبه للكلام هع
فهد جلس:الحب عذاب
رايد يصفر:حركاآأإأآأإأآات حركاآأإأآت فهد يحب
فهد عصب:اي وش فيني من اليوم تحطم فيني مو مالي عينك
رايد:الا يا ابو الشباب بس عمرك ما قلتي انك تحب ولوعلى الاقل حب كذب
فهد:انا حبيت ولعيونها اترك البنات كلهم
رايد:من تعيست الحظ هاذي
فهد طنشه***
رايد:انا اكلم روحي
فهد:لاتكلم قلبك
رايد:هـ هـ هـ تعرف تنكت
فهد:احلف اول مره ادري
تدخل عليهم سعود:اشوف كل واحد يختبر قدراته في التنكيت هههههههههه
رايد بصوت واطي:كملت
سعود يسوي نفسه ما سمع:نعم وش قلت
رايد:ابد سلامتك
سعود:الله يسلمك
فهد:اقول سعود وش اخبار هبه
سعود:تسلم عليك
فهد:انا من جد اتكلم
سعود:انا اصلاً بطلت اكلم
رايد:لالالالالالا اليوم فيكم شي بالله قولوا وش فيكم
سعود:ليه فيه احد غيري بطل
فهد:ايه انا
سعود انسدح من الضحك:هههههههههههههههههههههههههههههههههههههههههه
فهد يسال رايد:انا قلت شي يضحك
رايد:بصراااحة ايه
فهد استغرب:اللي هوا
سعود يجاوب عليه:لانك دايم تقولها
فهد:وهالمرة غيييييييير عن كل مرررررة
رايد وسعود:نشووووووووووووووووووف
.................................................. ......
فـــــي بيت أبـوفيصـــــــــــــل
فيصل توه داخل البيت:السلام عليكم
الكل:وعليكم السلام
فيصل يسلم على راسك امه:كيفك يمه؟
ام فيصل:انا بخير ياوليدي
فيصل:الله يخليك لنا.
ام فيصل:وينك تأخرت اليوم؟
فيصل:ههههههههه خايفه علي يمه
ام فيصل:ايه اكيد ولدي واخاف عليه المهم ياوليدي اكلت شي؟
فيصل:لا والله يمه جوعااااااااااان حدي
ام فيصل وهي تقوم:الحين اجهزالاكل لك
فيصل وهوا ياخذ الريموت من فجر:بنات آخر زمن ما ينعطون وجه
فجر تصارخ:احلف ياشيخ ماخذ بنفسك مقلب اقول هات الريموت ولا طولها وهي قصيرة
فيصل حاط رجل على رجل:اقول طسي عن وجهي واحترمي اخوك الكبير
فجرعصبت:بتجيبه والا اشوف شغلي معاك
فيصل مطنشها:.....................
فجر وصلت معاها:فيـــــــــــــــــــصل
فيصل فز من صرختها:وجع بصوتك
فجر:هات الريموت انت طولتها وهي قصيرة
فيصل:ماابي
فجر قامت سكرت التلفزيون:اهم شي انك ما تتفرج انت
دخلت ام فيصل :فجر عيب عليك حشمي أخوك الكبير
فجر وهي تبوس راس امها:انتي على عيني وراسي بس انتي ما شفتيه كيف اخذ الريموت
ام فيصل:وانتي من الصبح جالسة علي ما تملين منه
فيصل وهو قايم رمى الريموت عليها:انا بروح اتغدى خذيه يا ام لسان
فجر:فكه روحه بلا ردة ان شاء الله
ام فيصل:بسم الله عليه تدعين على اخوك
فجر:يستاهل
ام فيصل:انتي الكلام ضايع معاك احسن لي اروح اخذ غفوة لين العصر
فجر:الله معاك>ما صدقت هع

راح تعرفون الاحداث الجايه بالبارت الجاي.....
الحين لاتحرموني من ردودكم وتعليقاتكم

♫ معزوفة حنين ♫ ©؛°¨غرامي فضي¨°؛©




يتم إغلاق الروايه في حال طلبـ ..الكاتبــ \ ــة...إغلاق الـرواية..أو...لـتأخرها...أهمالها ..أو..لـتجاوزات في الردود
وايضاً تغلق الروايه في حال تأخر الكاتبه لـ أكثر من عشرة أيامـ وتفتح حين جاهزية الاجزاء..
مُغلقـــــــــــــــة ..


أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1