غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 21-07-2011, 01:43 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه الخآمسه

بيت ابوجوري
الساعه 7 الصبح


نزلت جوري لابسه برمودا جينز وبلوزه سودا فوقها جاكيت ابيض طويل مع بوت ابيض طويل
شافت امها وابوها يتريقون وراحت لهم وهي مبتسمه وعلى طول سحبت توست ودهنت فيها لبنه: صبااااح الخيرررر..

ام جوري وبوجوري: صباح النوووور

ام جوري: شعندج مستعيله تو الناس اكلي شوي شوي من لاحقج
جوري وقفت وهي ترتشف عصيرها الاورنج عالسريع: امممم لا يما بعدين تصك الزحمه..يلا مع السلامه..

امها وابوها: مع السلامه..



طلعت جوري وركبت سيارتها البورش البيضا(طبعا متفقه اهي وزياد يشترون نفس الموديل)


شوي ورن فونها

جوري ابتسمت(حبيب جوجو): هلا حبيبي صباح الخير
زياد : صباح النووور..وينج؟؟
جوري حست بنبرة صوته: توني طالعه من البيت..زياد حبيبي شفيك صوتك مو عاجبني كلش

زياد : تعالي عند بحر شرق ناطرج هناك..

جوري خافت: زيااااد
زياد قاطعها: ناطرج..مع السلامه..

اما جوري ظلت خايفه طول الطريج وزادت سرعتها عشان توصله بأسرع وقت..


ودقايق وكانت واقفه عنده..

جوري بخوف وهي تشوفه واقف جدام البحر: زيااد حبيبي شفيك تدري انك خرعتني وبعدين ليش عيونك جذي ذبلانه..(وصارت تتلمس جفونه)
زياد مسك ايدها وباسها: تدرين اني مو نايم من امس
جوري بهمس: ليش؟؟ زياد حرام عليك تخرعني جذي..قولي شفيك؟؟
زياد تنهد بقوه : تعباااااااااااااااان..تعبااااااان ياجوري تعباااااااااان
جوري بكل هدوء قربت منه وخذت راسه وحطته على صدرها: سلامتك من التعب حبيبي
زياد حس بحنانها وعطرها الجذاب نفسها وغمض عيونه عشان يعطي فرصه لاعصابه تسترخي: ...............

جوري ظلت ساكته دقايق وبعدين همست بأذنه: تبينا نروح مكان ثاني..

زياد ابتسم ورفع راسه عنها وباس ايدها برقه: لا ياروحي خلااص روحي انتي جامعتج لا تأخرين
جوري قعدت عالارض قرفصاء: لا والله..واتركك بروحك وانت جذي..مابي..
زياد ابتسم على دلعها وحس انه تعب الدنيا كله راح وقعد يمها: ليش يعني شفيني ياهل؟؟ هههههههه
جوري طالعت بعيونه: لاااا بس خوفتني عليك..(ونزلت دموعها)
زياد سكت..انصدم بدموعها وبريق عيونها وقرب منها ومسح دموعها بأصابعه: حبيبتي لا تخليني اتضايق..انا ما صدقت ارتحت من شفتج
جوري ببحه: عيل قولي شفيك؟؟
زياد ابتسم وهو يبوس خدها: بقولج بس مو الحين..
جوري استحت ودزته عنها: وخرررررررر

زياد ضحك عليها: ههههههههه قتلج روحي ظليتي قاعده شسوي يعني..
جوري ابتسمت وقامت: خلاص برووووح الحين بيطردني الدكتور بسبتك..
ومشت عنه: باااي
زياد ابتسم ولاحقها بعيونه: باااي وديري بالج على نفسج..
جوري طالعته وهي ترسله بوسه بالهوا: يو تو..باااي..

ركبت وحركت عنه وظل زياد مبتسم ويطالع البحر بهدوء عكس حالته اول ما يا.


+
+
+
+

بيت ضاري
الساعه 10‎ ‎‏ الصبح


بالصاله

ضاري كان نايم عالقنفه ورقبته تعوره حيل وجسمه مكسر من التعب..وفوق هذا تلفون البيت له ساعه يدق: اففففففف

فتح عيونه وعدل قعدته وطقطق جسمه ورقبته والتلفون للحين يرن: اففففف زين زيننننن..يعني الواحد ما يرتاح حتى ببيتهم

قام ورد: نعممم خيرررررر تراك اذيتني من الصبح تدق ما مليت يااخي نايم مالي خلق ارد عليك..غصب اهووو
رائد ضحك: ههههههههه شفيك تتكلم ورا بعض عطني فرصه ارد عليك ههههههههههه

ضاري منغث: اففف اخلص شتبي؟؟
رائد ابتسم: بل شحقه منفس
ضاري : اوهو رئووود بتتكلم ولا بصك بويهك..
رائد ضحك : ههههههه لا لا بتكلم بتكلم(وسكت شوي)شصار؟؟
ضاري تنهد: ولا شي..طقيتها طق والله ايدي للحين تصل علي من العوار
رائد فج عيونه: الله ياخذك اهي يتك مطقوقه..عسى ما صار فيها شي
ضاري بهدوء: عسى ما صار فيها شي..الا اجرمت فيها..قهرتني يااخي..انا معصب واهي تتكلم بكل برود
رائد تنهد: المهم انه خطبها وملجتهم اليمعه..
اليوم زياد بيقول لابوي انها رفضت عبدالعزيز وعلى اساس باجر يكلمها عن ناصر وبعدين نتفاهم مع هالتعبان
ضاري: تهقى ابوك بتمشي عليه اللعبه..يعني بيوافق تكون الملجه بهالسرعه..

رائد : ما ادري اكيد زياد يقدر يقنعه..المهم..اهي وينها الحين؟؟ راحت الجامعه؟؟
ضاري : ما ادري عنها..انا نمت بالصاله واهي خليتها بداري..
رائد : انزين روح شوفها يمكن عندها امتحان ولا شي..
ضاري: اففف انزين باي.
رائد : هههههه وشفيك تتأفف بعد
ضاري: لان الباب يدق وحضرتك تقرق على راسي
رائد يضحك: هههههه انزين روووح رووح بطله لا تموت علينا خخخخ
ضاري سكر منه واهو يضحك وراح للباب وفتحه: كملت..هلا والله..انا ما اخلص من اخوك تييني انت..ليش مو رايح دوامك.
زياد بعده عن الباب ودش: نفس السبب اللي خلاك ما تروح..وينها؟؟
ضاري طلع من المغاسل بيده فوطه ينشف فيها ويهه وايدينه: فوق بداري
زياد تنهد وطلع وطلع وراه ضاري


صعدوا وما شافوها
زياد دش قبل ضاري للغرفه: وينها؟؟

ضاري سمع صوت الماي بالحمام: بالحمام
..
راح ووقف ورا الباب: جنا
....: ماكو رد
ضاري يدق الباب: جنا تتسبحين
....: ماكو رد
زياد يا ووقف يمه وبدا يدق الباب: جنااااا تسمعينااا..جناااااااااا
......: وماكو رد
ضاري اخترع وصار يدق الباب بقوووه: جنااااااا إذا ما رديتي بنفتح الباب وندش..

زياد بصوت عالي: جنااااااااا جناااااااااااا

ماسمعوا اي صوت غير الماي وفتحوا الباب عليها وانصدموا بالمنظر اللي شافوه..كانت طايحه بأرض الدش والماي ينزل عليها زخ

ضاري بصراخ واهو يدخل ويرفعها وكانت مثل قطعة الثلج وجسمها ازرق: جناااااااااااا


زياد صك الماي اللي غرق ملابسه وطلع ركض وياب لها شرشف : هاك لفها بهذا

ضاري لفها بالشرشف وشالها وطلع فيها ونزلها عالسرير: ......

زياد بخوف: شحقه حطيتها هني..شيلها خن نوديها المستشفى مو شايفه اشلون صايره وجسمها ازرق..
ضاري : لحظه شوي..صار يضغط على بطنها مره واثنين وثلاثه بدون استجابه..

زياد: شتسوي البنت مو حاسه فيك؟؟ قوم نوديها احسن
ضاري للحين يضغط على بطنها: زياد لا تقعد تحن..نسيت اني دكتور ودرست طب عام قبل ما اتخصص بالاسنان وبعدين مستشفى شحقه حق التحقيق ودوخة الراس..
وانحنى لها وحط شفايفه فوق شفايفها وعطاها تنفس صناعي..
زياد حس انه بيطيح وقعد على طرف السرير يطالعهم: ........
ضاري ما لقى استجابه اول مره وعطاها نفس ثاني مره وبعدين صار يضغط على قلبهاااااا ويشوف ضغطها
ثواني بطئيه وتحركت جنا..كحت بقوه واستفرغت كميات من الماي: كح كح كح كح كح كح..اااااااااه كح كح كح كح
ضاري خذا نفس طويل وقط نفسه عالكرسي: اوووووووووف
زياد ساكت: .........
جنا بعد ما استفرغت كل الماي رجعت انسدحت وهي تاخذ نفس وتسحب اللحاف وتغطي نفسها عن البرد: .......
ضاري قام وياب لها لحاف ثقيل وغطاها فيه: لو تقومين تبدلين ملابسج احسن..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 21-07-2011, 01:44 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية


جنا بهمس: مااقدر
زياد قام وراح لكبت خاله يطلع لها من بيجامه:امبلا تقدرين قومي بدلي وبنسويلج شوربه تشربينها وتاخذين دواج..
جنا : ما اقدر والله بطيح..احس جسمي متجمد
ضاري بعد عنها الغطا وقعدها: قومي انا بساعدج..وفتح سحابها وقط لها القميص وكانت لابسه تحته بدي
زياد ياب لها بيجامه سودا: هاج لبسي..
جنا مسكت ايد خالها: خلااص روحوا بقط ملابسي الداخليه بس خليكم عند الباب..
ضاري وزياد استحوا وخلوها وطلعوا :..............

اما جنا قامت قطت ملابسها وهي ترجف من البرد وفوق هذا الكدمات اللي طلعوا من الطراقات اللي حصلتهم مورمين ويصلون عليها..بسرعه لبست البيجامه اللي كانت بنطلون وبلوزه واسعه
وشالت الملابس المبلله وصفطتهم بكيس وحطتهم بدرج الكوميدنه
وقعدت عالسرير تاخذ نفس: ضاري..

انفتح الباب ودخل ضاري وساعدها تقووم: تعالي برا فيه دفايه..هني الفراش مبلل لازم نبدله..

طلعه معاه وكانت متسنده عليه..راحوا للصاله اللي يمين الغرفه وكان فيها جلسه حلوه ودفايه نظام امريكي وتلفزيون..
قعدها عالارض جدام الدفايه وياب لها مخاد القنفه تتسند عليهم

ضاري: خليج هني بييب لج غطا وايي

جنا ما ردت بس طالعت بالدفايه وهي تستمد منها الدفا : ..........
ثواني ويا ضاري وبيده لحاف قعد يمها وغطاها فيه

زياد صعد وبيده صينية الريوق: صرت اخدمك على اخر عمري
ضاري ضحك: ههههههه شكو انا..قول تخدم اختك..
زياد ابتسم لها: تستاهل جنوووون نخدمها

جنا ما ردت بس دفنت ويهها بريولها لانها حست بالدفا يدخل عظامها من الغطا: .................
ضاري سحب الشوربه وقربها منها: فتحي حلجج
جنا هزت راسها: امممممم مابي
ضاري مو راد عليها سحب القفشه وخذا شوي من الشوربه:شوي بس عشان تاخذين الدوا
جنا شربت شوي شوي لانها تحس بالعوار لما تفتح حلجها وما شربت الا جم قفشه وبعدين بعدت: خلاص كافي والله حلجي يعورني..
وقربت منه وانسدحت جبال الدفايه وحطت راسها على ريله: ........
ضاري ابتسم ونزل الشوربه وبدا يتريق: خلاص ارتاحي..
زياد بهدوء: عندج امتحان اليوم ولا شي مهم غير الكويز اللي طافج امس
جنا والنوم يداهم عيونها: لااااااااا كله مراجعات حق الفاينل
ضاري نسى: وليش طافج الكويز امس..
زياد طالعه بنظره: ..........
ضاري فهم ورقع لنفسه: اهاا سوري نسيت

اما جنا ما كانت تسمع ولا منتبهه لانها غطت بالنووم
زياد : نامت ما سمعتنا
ضاري طالعها وابتسم: احسن..المهم منت رايح الدوام
زياد وقف : لاااا مو نايم امس بروح انسدح شوي مابي ارد البيت وتشوفني امي وتسويلي سالفه..
ضاري ابتسم: انزين تعال شيل الصينيه ويا..

قطع كلامه صوت همهمات جنا اللي تتحرك وهي نايمه وتهز راسها : نااصر تعورني وخر عني..ن..ا..ص..ر..امممم..ن..ا..ص..ر..ناااااصر...امم م حرام عليك ت..ش..ك فيني..ااااه..اممممم..ناااااصر ناااااصر(وطلعت منها صرخه لاشعوريه)لااااااااااااااااااااااااااااااااا

رفعت راسها بقووووه وهي تاخذ نفس: .................
طالعتهم واستوعبت انها كانت حلمانه ونزلت دموعها وبجت على صدر خالها

ضاري ساكت من الصدمه: ....................
زياد كان مغمض عيونه وعاصر ايده بقووووه وهو يسمع هالكلام من اخته: جنـ..
ضاري اشر له يسكت وزياد بلعها وسكت ودخل اول غرفه شافها بويهه وصك الباب بقووووه

ضاري يمسح على ظهرها: اشششش بس خلاص..صدقيني كل شي بيتصلح..ناصر امس خطبج من ابوج و..
جنا حطت ايدها على شفايفه بدون ما ترفع راسها وضاري سكت وخلاها تبجي براحتها: ............

+
+
+
+

بالجامعه الامريكيه
الساعه 11

نواف طلع من المحاضره متضايق: شفت..حتى اليوم مايت..قتلكم حاس ان فيها شي..قلبي قارصني من شفتها نازله من سيارته

مشعل : قصدك صار بينهم شـ..

نواف مسكه من بلوزته بقوه: لاااااااا إن شاااء الله لااااااااا
مازن تدارك الوضع: زين زين خلااص هده شوف الناس تطالعنا لا تفضحنا

ساره قاطعتهم وهي مستغربه من الوضع: نواف
نواف بعد عن مشعل وطالعها بصدمه: ساره..هلا والله..اعذريني بس تعرفين سوالف الشباب
ساره ابتسمت: لا عادي بس كنت بسألك عن دكتور مادة الـ.. تعرفه؟؟
نواف ابتسم: ئي اشلون ما اعرفه انا وجنا ماخذين عنده ماده وامس كان عندنا كويز واهي مايت..كنت بقولج امس بس انتي كنتي مستعيله
ساره ابتسمت: ادري وانا اسفه اني مشيت عنك امس بس جنا كانت تعبانه وطول اليوم مسخنه..بس كنت ابيك تيي معاي للدكتور وتفهمه وتقنعه يعيد لها الكويز

نواف(سلامتها): اوك..شباب اشوفكم انا هاااا

مشعل ومازن ابتسموا: ناطرينك بالحديقه..



نواف ابتسم وراح مع ساره للدكتور وبعد محاولات وبعد ما شاف التقرير الطبي مال جنا وافق يمتحنها بمكتبه إذا دوامت..


ساره وهي طالعه من مكتب الدكتور: مشكوور نواف
نواف ابتسم: العفو ما سويت شي
ساره: اوك اخليك انا بلحق على محاضرتي وانت روح لربعك
نواف بسرعه: اوكي بس سلمي على جنا وتحمديلها بالسلامه
ساره وهي ماشيه: اوك باااي..


+
+
+
+

ومرت الايام اللي بعدها بين توتر زياد واخوه وخالهم..وجنا اللي كانت قاعده عند خالها على امل ان الكدمات يخفون..


ويا يوم اليمعه اللي الكل ينطره
والساعه 7‎ ‎‏ المغرب تمت الملجه


دش زياد وبيده الدفتر وعطاه للشيخ وهو يرسل نظرات غامضه لناصر: مبرووووك يالنسيب
ناصر(اووف شهالنظرات..): الله يبارك فيك يالغالي

ابوناصر:مبروك ياولدي عسى الله يتمم عليكم الفرحه
ناصر ابتسم: الله يبارك فيك ويخليك ذخر لنا يبه
ابوزياد : مبروك ياناصر وما اوصيك حطها بعيونك
ناصر مستانس: الله يبارك فيك ياخالي لا توصي حريص..جنا بعيوني..

رائد بنظره: تسلم عيونك قوم عشان تشوفها
قام ناصر معاه بعد ما سلم عالناس وطلعوا للحديقه الخلفيه: وين رايحين؟؟

رائد ابتسم: لا تخاف اهي طلبت تشوفك ورا بعيد عن ازعاج الحريم والدي جي..
ناصر صدق: اهااا

واول ما وصلوا

ناصر يدورها بعيونه: وينها ما اشوف احد؟؟

رائد لف عليه ومسكه من دشداشته: وتسأل عنها يالنذذذذذذذذذذذذذذذذذذذذل..
ما خفت من ربك واهي بنت خالك وببيتك

وعطاه بقس ورا بقس وطيح غترته وعقاله وطبوا الاثنين ببعض

زياد كان ماسك جنا من ايدها وواقف اهو وخاله واهي تحاول تفلت..

جنا بدموع مع صراخ: رااااااائد حرااااااااام عليك انا مسامحته هده خلااااااص هده رااااااااااااااااائد(وتحاول تفلت من زياد)خلااااص زيااد هدني بيذبحه خلااااااااااااااص حراااااام عليكم مابي اصير ارمله هدنييييييييييييي
زياد صارخ عليها وهو يمسكها بقوه من خصرها واهي مرجعه راسها ورا وتشوف رائد اشلون يطقه: بسسسسسسس سكتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 21-07-2011, 01:45 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




جنا بدموع وخربت كشختها..كانت لابسه نفنوف اخضر روتانا مع شوارفسكي ذهبي نااااعم ومبين بياض بشرتها: ضاااااري قووولهم يهدونه حرااااااااام عليكم تخلوني اشوفه بهالمنظر حرااااااااااام اهئ اهئ اهئ اهئ اهئ اهئ اهئ اهئ اهئ اهئ اهئ اهئ
ضاري طالع دموعها وهمس: هدها

زياد تركها وجنا راحت تركض لناصر ورائد بعد عنه ومشوا وخلوهم بروحهم


جنا بدموع وهي تتحس ويهه والدم اللي نزف من شفايفه وتحاول تقومه: ناااااصر..قووووم ناصر انا اسفه والله اسفه اهئ اهئ اهئ اهئ اهئ اهئ اهئ اهئ اهئ اهئ اهئ اهئ

ناصر رفع ايدينه بتعب وحطهم على ظهرها وقربها له وضمها حيللللل..كان يشوفها اشلون تحاول تفلت وتدافع عنه: خلااص جنا اهدي ما فيني الا العافيه
جنا بدموع: اشلون اهدا وانا شفت اخواني يط..
ناصر قاطعها واهو يوقف ويوقفها معاه: بسسس حبيبتي
جنا سكتت ومسحت دموعها وصارت تنظف دشداشته عن الوصخ وبعدين يابت غترته وعقاله من الارض وعطته يلبس: انطرني هني بروح شوي وايي..
مشت وراح ناصر للكراسي وبيده غترته وعقاله وقعد يلقط انفاسه: ......

جنا رجعت ومعاها قطن ومعقم..قعدت يمه وصارت تعقم جرح شفايفه: يعورك

ناصر: اححح شوي شوي
جنا نزلت راسها: صدقني ناصر ما كنت بقولهم بس لما قالولي عن عبدالعزيز وطلبوا مني افكر ما قدرت اسكت رفضت وضغطوا علي بالاسئله وقتلهم عن اللي صار
ناصر مسك ايدها اللي فيها قطن وطالعها: طقوج
جنا رجعت تعقم جرحه بمحاولة للهروب: ما ألومهم اي احد بمكانهم يشوف اخته بهالموقف ما يسكت..
ناصر بهمس: طالعي بعيوني
جنا رفعت عيونها له: تعورك
ناصر ابتسم وشال القطن وقطه بالزباله(وانتم بكرامه): شفيج جنوو انا ريال مو بنيه عشان تسأليني هالسؤال
جنا طقت صدره: جذااب ادري انك متعور انا قبل يومين ما كنت اقدر افتح حلجي من العوار
ناصر طالعها بخبث: خلااص اثبتلج..
ثواني وقرب منها وباس شفايفها بقووووه
وجنا ذابت بيدينه مثل قطعة الثلج



وفوق بغرفة زياد

ضاري كان يراقبهم ولما شاف هالموقف ابتسم وصك الستاره: اختك تحبه

زياد ابتسم..كان منسدح بدشداشته: ادري
واضح من تصرفاتها
ضاري ابتسم وقعد عالكرسي الهزاز :
الخبله بسرعه سامحته
زياد طالع فيه: ما جربت الحب عشان تحكم

ضاري ابتسم: على طاري الحب شخباركم مع الحب
زياد وقف وراح للمرايه يلبس غترته: ههههههههههه مالك شغل..امش امش نروح لابوي قبل ما يسأل عنا

ضاري ضحك وقام وراه وطلعوا وصكوا الباب

+
+
+
+

انتهى البارت
إن شاء الله يعجبكم
وسوري إذا كان قصير
واوعدكم باحلى واطول منه
حبي لكم: أوراق خريفيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 21-07-2011, 03:37 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقة السادسه


نكمل عند ناصر وجنا
الساعه صارت 8

وللحين بالحديقه

ناصر يلعب بشعر جنا اللي حاطه راسها على صدره: حبيبتي شرايج نطلع نتعشى برا..بصراحه ما ودي ادخل عليهم بهالحاله
جنا همست: بكيفك حبيبي بس
ناصر ابتسم : بس شنوو
جنا : إذا طلعنا ما اقدر احط راسي على صدرك.
ناصر بخبث: خلاص اوديج داري
جنا رفعت عيونها : لاا غرفتك هذيج لااااا..اهدمها..سكرها..اللي تبيه بس ما اسكن فيها

ناصر طالع بعيونها دقايق بعدين مسك ويهها بين ايدينه وقربها له وباس شفايفها: ................وهمس بأذنها: اللي تبينه يصير

جنا بعدت عنه وهي مستحيه وناصر قام عدل غترته وعقاله

ناصر: روحي بدلي وتعالي بالسياره بنتعشى ونرد
جنا ابتسمت ولفت عنه: اوك..
ناصر سحبها من ايدها وطاحت بحضنه: ما تبين شبكتج
جنا توها تنتبه : يوووه نستيها
ناصر ابتسم : نطريني هني ايبب الاغراض من السياره وألبسج شبكتج بعدين تصعدين تبدلين عشان إذا شافوج ما يسألونج
جنا ابتسمت: اوووووك..
مشى ناصر وظلت جنا واقفه بمكااانها تنطره

رائد يا من وراها اهو وضاري وزياد وكانوا يضحكون ويسولفون: واخيرا راح وخلاج ههههههه
جنا طالعته بنظرة حقد وخلته وراحت قعدت عالكرسي وحطت ريل على ريل: انت لا تحاجيني..

ضاري ضحك: ههههههه اوف حاقده عليك..
زياد ابتسم : وين راح؟؟
جنا ساكته: ...........
رائد يا وقعد يمها: المفروض ما تزعلين لاني رديت لج كرامتج وفهمته انه وراج ظهر

جنا بحده طالعت فيه: ترضى يطقونك جدام حبيبتك..يااخي بتطقونه ليش تنادوني..رديت كرامتي وذليته يعني..فهمني اياها هذي اشلوووون
رائد سكت ما عرف شيقول: .............
ضاري وزياد : .................

بهاللحظه وصل ناصر وجنا قامت له ووقفت جدامه وهي مبتسمه واهو شافهم بس طنشهم وطلع الخاتم والتراجي من الطقم ولبسها فرده فرده
جنا كانت مغمضه عيونها وهي تحس بلمسات اصابعه على اذونها بعدين على رقبتها لما لبسها العقد وبعدين انفاسه الحاره وشفايفه الرجوليه تودع قبله آسره على نحرها
وهمست بأذنه: ما اقدر اطلع الحين
ناصر همس لها: باجر الصبح اييج..
بعد عنها وابتسم: مع السلامه وباس خدها ومشى

ضاري وزياد ورائد كانوا متفرجين وبس: ......................

رائد : اشلون تسمحين له يقرب منج جدامنا

زياد: رائد بس عاد صار زوجها الحين

رائد : حتى لو لازم ما تبين له انها سامحته بهالسهوله عشان ما يذلها بعدين

ضاري سكتهم: خلااص اسكتوا البنيه واقفه بينا

جنا رفعت ايدها بتتكلم: آ
بس حست ان ماله داعي ومشت وخلتهم

ضاري سحبها من ايدها: ويننن تعالي ما تبين تعشين؟؟ سمعت انج من الصبح على لحم بطنج

جنا تطالع فيه: ................

ضاري سحبها: تعالي زينننننن مسويلج قعده عند المسبح تطير العقل..

جنا ابتسمت وراحت معاه: انزين بس بروح اشوف البنات وايي
زياد ضحك: هههههه أي بناات الساعه بتصك العشر..الناس تعشت ومشت

جنا شهقت وهي تقعد بالكرسي اللي مجهزه خالها لها وكان جدامها اصناف من الاكل: هـى قول والله..(وشافت ساعتها)والله ما حسيت بالوقت..خلاص اشوف امي وايي..
قامت عنهم ودخلت داخل..اما رائد وزياد يو قعدوا مع ضاري وبدوا يأكلون


ضاري وهو يمسك الشوكه وياخذ فيها سلطه: رئوووود اسكت عنها خلاص الحين صارت مرته واللي سويته مو شويه..وهالاسبوع وايد تعبت..

رائد ابتسم: ادري بس كنت اضغطها شوي عشان تعرف ان احنا نحبها ونبي مصلحتها ونخاف عليها..


ما خلص الا ويتفأجا بساره ناطه عندهم وباست خده بقووه: امووواه إذا عني انا ادري انك تحبني وتخاف علي..لا وتموت فيني بعد
الكل: هههههههههههههههههههههههه
رائد طالعها واهو يضحك: منو وين طلعتي انتي؟؟
ساره دارت على نفسها وكانت للحين بلبسها
..نفنوف زهري علاق على الرقبه وفيه شوارفسكي عالصدر وقصير للركبه مع وشاح ريش ابيض: من بطن ماما شوف مو حلووووه؟؟
رائد طالعها من فوق لتحت حب يضغطها:وعععع تلوعين الجبد
ساره بصدمه: اناااااااااااااا
الكل:ههههههههههههههههههههههههه
ضاري بضحك:ما عليج منه تعالي تعشي

ساره بقهر:وععع متعيشه مع البنات مابي اتعشى معاكم..اروح لبابا احسن
وراحت عنهم وهم يضحكون:ههههههههههه

وبطريجها دعمت جنا اللي كانت يايه من وراها وساره كانت مقهوره ومستعيله وما انتهبت لها ودعمتها: اخخخخخخ

ضاري ورائد وزياد ماتوا من الضحك: ههههههههههههههههههههههههههههههههههههههههههههه
جنا دزتها: وعمى ما تشوفين
ساره طنشتها ومشت: وخرررررري زيننن

جنا راحت قعدت بمكانها وهي تعدل خيط نفنوفها اللي طاح: شفيها ؟؟

زياد ابتسم: رئوود ضغطها بالحجي..

ضاري ابتسم: اكلي اكلي

جنا ابتسمت وخذت صحن وحطته فيه محاشي وورق عنب وكبه وشوية سلطة وبدت تاكل

رائد ابتسم: ما قالج متى العرس؟؟
جنا بدون ما تطالع فيه ولاهيه بالاكل: لااا ما تكلمنا عن شي
ضاري ضحك: هههههههه ليش اهو كان فاضي للكلام
جنا طقته على بطنه بيدها : وصخ..
الكل: ههههههههههههههههههههههههههههههههه

جنا طنشتهم وكملت اكلها وبوسط السوالف دق فونها برقم غريب: منو رقمه هاذا؟؟

ضاري خذاه منها: عطيني اشوووف..(وما عرفه)ما ادري
زياد: خلاص خليه لا تردين عليه
رائد : يمكن غلطان
جنا خذت فونها وحطته سايلنت ورجعت تاكل: اوووك..

شوي وسمعت رنة مسج تركت الاكل وفتحته(قوه جنا انا نواف ردي علي)جنا كحت من الصدمه: كح كح كح نووووووواف

قالوها مع بعض: منوووو نوووووواف؟؟

جنا اشرت لهم يسكتون وردت عليه لان دق مره ثانيه: آلوووو
نواف: آلووو قوه جنا
جنا بجديه: هلا نواف آمريني بغيت شي
نواف ارتبك: لاا بس سمعت انج ملجتي اليوم وقلت اباركلج
جنا استغربت: الله يبارك فيك بس انت شدراك ومن وين يبت رقمي؟؟
نواف بهمس: مو مهم من وين يبت رقمج..المهم انتي تحبينه؟؟
جنا بهدوء: اتوقع انت زميلي بالكلاس وبس ومو من حقك تسألني هالسؤال
نواف بجرآه: جنا انا احبج معقوله ما لاحظتي طول هالفتره..
جنا بصدمه من جرآته: مع السلامه..

ضاري بسرعه: منو هذا ؟؟ وشسالفه؟؟
جنا للحين تحت تأثير الصدمه: واحد معاي بالكلاس
زياد باهتمام:واشلون تعطينه رقمج؟؟
جنا بحده: اتوقع سمعتني وانا اقوله من وين يبت رقمي..
رائد : انزين شيبي منج؟؟ وليش صكيتي بويهه وانصدمتي؟؟
جنا حطت راسها عالطاوله: يقول انه يحبني.

الثلاثه مع بعض: شنوووووووووووو

جنا رفعت راسها وتكلمت: ناصر شافني معاه عند الباب هذاك اليوم..كان يبي مني دفتر محاضراتي عشان يكتب اللي طافه..انا كنت مستعيله وما لاحظت عليه شي..بس انصدمت بناصر يسحبني من ايدي ويركبني سيارته..طول الطريج وانا اسأله شفيه وشسالفه وما كان يرد علي ومو راضي يفهمني لحد ما وصلني البيت ونزلني لغرفته..صار يصارخ علي ويقول منو هذا وانا اغار وشحقه واقفه معاه بهاللبس..انا عصبت منه وكنت بطلع بس اهو ما خلاني..و


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 21-07-2011, 03:38 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية





ضاري قاطعها قبل ما تكمل: المهم الحين انج تغيرين رقمج ونواف هذا مالج علاقه فيه..خليه يولي مو خلصتوا الكورس يعني ما راح تشوفينه ولا يشوفج

جنا ماسكه راسها: ما ادري ما ادري..

رائد حط ايده على ايدها: خلااص جنوون انتي اليوم عروس انسي كل شي راح وخلينا مستانسين
جنا طالعت بعيونه: ............
زياد ابتسم لها: يلا جنون خلاص عاد..

جنا ابتسمت مجامله وكملت اكلها وبالها مو معاها : ........

+
+
+
+

بيت ابوتركي
الساعه 12 الفير

بالديوانيه

تركي سهران مع ربعه مشعل ومازن يلعبون بلاي ستيشن ٣ وهند


مازن: مشعلوووه تمشي تأخر الوقت

تركي ضغط ستارت: وين يبه خليكم شوي مو كافي نوافوه العله ما يا

مشعل ابتسم: مزووون شعندك ليكون مواعدلك وحده تحبها مثل صاحبنااااا

تركي ضحك : ههههههههههههههاااااي كفك كفك منوو صاحبك ليكون نواف..والله منت هين يابو النيف

مازن ابتسم: الحمدلله والشكر ماني راد عليكم

مشعل يضحك: هههههههههااي لا تكفى رد..
قول انك تحب وان حبيبتك ناطرتك تدق عليها هههههههههههه

تركي يستهبل بالمصري: قول انك تحب..قول انك عايزني..قول اي حاجه بس قوووول

الكل : ههههههههههههههههههههههههههههههههه

قطع عليهم دقات خفيفه عالباب

تركي ابتسم: منووو(وطق يبهته)خخخخ منوو يعني اكيد فلوووه(وقام لها) نعم

فلا من ورا الباب ماسكه بطنها وواقفه ببيجامتها النوم البينك بالليموني بنطلون وبلوزه علاق: ت..ركي بطني يعورني.

تركي ابتسم وتجتف: وانا شسوي يعني..

فلا حابسه دموعها وتضغط على بطنها: شنوو شتسوي اقولك تعبانه وامي نايمه ما اقدر ادخل عليها

تركي بهدوء: وانا عندي ربعي بالديوانيه..اخذي بندول ونامي..
فلا لفت بتمشي وتركي لف بيدخل عند ربعه


مشعل ابتسم: خيرررررر
تركي ابتسم وهو توه بيقعد: الخير بويهك ما تسمعني احاجي اختي
مازن : بس شكلها تعبانه
تركي : شسوي يعني..وين اوديها بهالليل..خلها تنام وترتاح
مشعل ضحك: هههههههه حرام عليك يااخي.

تركي : ما عليك يبه سوالـ..(وما كمل كلامه الا ويسمع صوت ارتطام بالارض وقام واقف)فلااااااااااااااااااااا


طلع يركض وربعه من الخرعه طلعوا وراه
وكانت فلا طايحه عند الدري

تركي انصدم ويا لها ركض ورفع راسها عن الارض وصار يطق خدودها: فلاااااااااااااااا فلووووووه تسمعيني..
فلا : .......
تركي بخوف: فلا قوووومي لا تسوين فيني مقلب..
فلا : .......
تركي يهزها حيل: فلاااااااااااا لا تردينها لي جذي قووووووووووومي
مشعل مصدوم من الجسد الانثوي اللي يشوفه طايح جدامه وبدون وعي قال: تركي ينيت شهالحجي قوووم شيلها نوديها المستشفى
مازن : قوووووووم يلاااااا راح اسوق بدالك ما راح اخليك تسوق بهالحاله

وقف تركي وهو شايل بيدينه فلااااا وطلع فيها: لـ..

مازن ومشعل: خلصنا

تركي سكت وطلع مع ربعه وركبوا بسيارته..مازن ومشعل جدام واهو ركب ورا وحط فلا بحضنه
واول ما حركوا انتبه انه طلعها ببيجامة النوم وفصخ بلوزته ولبسه لآخته وهي مو حاسه بشي

مشعل كان راد راسه ويطالعهم..قام اهو وفصخ قميصه : هاك ألبسه بقعد انطركم بالسياره
تركي: لا بابا عادي ما احتاجه
مازن واهو يسوق: شنوو ما تحتاجه بتنزل للمستشفى جذي..
تركي حس انه كلامهم صح واخذ القميص من مشعل ولبسه

دقايق ووصلوا المستشفى ودق مازن الهرن عند الطوارئ ويابوا السرير برا ونزلها تركي عليه وراح وراه اهو ومازن



وبعد ساعه الا ربع من الفحص

طلع الدكتور المناوب وكان كويتي شباب: وين اخوها
تركي بسرعه : انا..طمني دكتور
الدكتور ابتسم: ماكو الا العافيه إن شاء..تعاني من آلم بالبطن ولازم لها اشعة وتحاليل عشان نتأكد لاني شاك بالزائدة الدوديه..
تركي: زايده!!
الدكتور: ئي..بس قتلك محتاجين فحوصات عشان نتاكد..الحين انا بعطيها ابرة موضعية لألم وباجر الصبح تييبها عشان الفحوصات وإن شاء الله ماكو الا العافيه
تركي تنهد: مشكور دكتور ما تقصر
الدكتور ابتسم: العفو بس ياليت تدخل عندها لانها الظاهر خوافه من الابر
تركي استحى من اخته: إن شاء الله دكتور

راح الدكتور وظل مازن بمقاعد الانتظار ودخل تركي على الممرضه

فلا تحاول تقوم: وخري مابي..قتلج مابي شنو ما تفهمين؟؟
تركي يا عندها وسدحها: خيرررر شعندج فشلتينا بصراخج كلها ابره ترى
فلا بدموع: مابي ابره مابي وبعدين لا تحاجيني زعلانه منك
تركي ابتسم وهو يكشف عن خصرها: زين ما احاجيج بس اخذي الابره(وطالع الممرضه)يلا سستر شوفي شغلج

الممرضه طلعت الابره وغرستها بغرشة الدواء وقربت منها وعطتها الابره وفلا حاولت تقوم بس تركي مانعها وماسك ايدينها
واول ما خلصوا رفعت فلا ايدها وطقته على صدره: حماااااااااااااار تعوووور

تركي ضحك: ههههههههههه اقوووول امشي لا اخليها تعطيج ابره ثانيه
فلا انقهرت منه وطلعت تمشي معااااااه وهي منزلة راسها ومستحيه من مازن ومن موقفها وماسكه بيد اخوها حيلللل

تركي حس فيها وابتسم وسكت..واول ما ركبوا السياره وحركوا فلا دفنت ويهها بصدره وظلت جذي طول الطريج لحد ما نامت


اما مشعل اللي كان ناطرهم طول هالمده والافكار تييبه وتوديه وما يدري شنو سر دقات قلبه السريعه وابتسم لما شافها ماشيه مع تركي ومتعلقه فيه


وصلوا البيت ونزل تركي شايلها : نطروني دقيقه
دخل فيها وصعدها دارها وحطها بفراشها وغطاها ورجع لربعه..اخذ سويجه وودعهم ورجع اهو البيت

+
+
+
+

صباح اليوم التالي

بيت ابوزياد
الساعه 8

بغرفة جنا

كانت غرقانة بالنوم وفونها يرن باسم(حبيب الدنيا)

ياحبيب الدنيا ياعمري يادنيا الحب ياحب الكون
ياربيع الورد ربيع الورد بعيني ولا له لون

وانا اشوف ايامي بدونك وحشة قلب ودمع عيون


جنا فتحت سبيكر وقطته: همممممم
ناصر داخ بهمسها: حبيبتي نايمة قومي يلا
جنا تفرك ويهه بالمخده: امممم نونو نعسانه ما نمت الا الفير
ناصر ضحك: هههههههه منو نونو انا
جنا ضحكت: ههههههه ئي انت مو صرت زوجي وحبيبي وقلبي وروحي لازم ادلعك

ناصر مسك قلبه: اااااااااااااااااه
جنا ضحكت: هههههههه شفيك
ناصر بهمس: احبج
جنا بدلع: وانا اموت فيك
ناصر ابتسم: شنو بنظل جذي..قومي لبسي وصحصحي علما اييج توني طالع من البيت

جنا : اوك..باااي
قفلت منه وقامت للحمام خذت شاور سريع رجع لها نشاطها وطلعت حطت كريماتها واستشورت شعرها وراحت لكبتها تدور بين ملابسها عن شي تلبسه

وبعد فتره اختارت تنوره سودا جلد مع بوت اسود للركبه وبدي احمر كت عليه كتابات بالاسود وفوقه وشاح فرو اسود.
لبست معاه خاتمها وتراجيها الالماس وحطت كحل وماسكرا وروج احمر واكتفت فيهم وتعطرت وطلعت


مرت على غرفة زياد وبطلتها ودشت وكان زياد نايم ببنطلون البيجامه بس واللحاف بعيد عنه معنه الجو باارد

جنا ابتسمت ويت قعدت عنده وغطت ظهره وهمست بأذنه: زياااااااد

زياد حس بوجودها بس ما تحرك: ........


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 21-07-2011, 03:39 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




جنا تلعب بشعره: زيااااااااد تسمعني
زياد : هممممممم
جنا ابتسمت: بطلع مع ناصر نتريق برا
زياد فتح عيونه وشافها وابتسم: جم الساعه؟؟
جنا ابتسمت: ثمان ونص
زياد مغمض عين وفاتح الثانيه: امم وناصر برا
جنا : كاهو ياي بالطريج بس كنت بقولك تقول لامي وابوي عشان لا يحاتوني..
زياد رجع انسدح: خلااص روحي انا اقولهم.
جنا انحنت وباست خده: اووووك بااااي..
زياد ابتسم وهو مغمض عيونه: بااايات


نزلت جنا للصاله وطلعت للمسبح ودق ناصر

ياحبيب الدنيا ياعمري يادنيا الحب ياحب الكون
جنا : هلا حبيبي ييت
ناصر ابتسم: ئي طلعي انا برا
جنا وهي تمشي: اوك..

طلعت وشافته فاتح لها الباب ويبتسم..ابتسمت وركبت وصكت الباب وقربت منه وباست خده: صباااح الخير
ناصر طالعها من فوق لتحت بنظرة عاشق: صبااااح العسل..(وحرك السياره)
جنا ابتسمت: شفيك تطالعني جذي؟؟
ناصر ابتسم بدون ما يطالعها : حبيبتي واطالعج فيها شي
جنا قربت منه وسندت راسها على جتفه: اممممممم لاااا
ناصر نزل عيونه لها وابتسم: احنا بالشارع

جنا ردت له الابتسامه: ادري يعني قايل شي يديد
ناصر طالعها بنص عين: تبين اسوي شي اخليج تبجين
جنا تحدته: اتحداك..احنا بالشارع ما تقدر تسوي شي
ناصر طالعها بخبث وبغفله منها قرص فخذها: .......
جنا تجمدت بمكانها من الحيا دزته ولفت ويهها صوب الدريشه: هـئ........

ناصر مات من الضحك على شكلها: هههههههههههههههههههه شفتي اشلووووون انج ما تقدرين تتحديني
جنا ظلت طول الطريج ساكته وناصر يضحك عليها
لحد ما وصلوا مطعم ونزلوا يتريقون فيه

+
+
+
+

انتهى البارت
يتبع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 21-07-2011, 03:39 AM
صورة !!!! B7R !!!! قاهر زهرة الرمزية
!!!! B7R !!!! قاهر زهرة !!!! B7R !!!! قاهر زهرة غير متصل
عضو موقوف من الإداره
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية


تسلمين ع النقل أسطورة
روعة الرواية بانتظارك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 21-07-2011, 03:47 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقة السابعه

بالمستشفى
الساعه 10:30

طبعا فلا يت مع امها وتركي من الساعه تسع عشان وسوت اشعه وطلع معاها الزايده وسوت مناحه وبجي وهواش وغصب خدروها ودخلوا العمليات

ام تركي بقلق: يما تركي جم تطول العمليه

تركي ابتسم: إن شاء الله مو اكثر من ساعه
..وبعدين لا تحاتين يما ما فيها الا العافيه..الزايده عمليتها سهله ونجاحها مضمون

ام تركي تدعي: إن شاء الله يارب تقوم بالسلاامه
تركي ابتسم وبعد عنها شوي لانه فونه دق: هلا مشعل
مشعل ابتسم: هلا فيك اشلووونك واشلون الاهل
تركي عرف قصده وابتسم: انا تمام بس فلووه بالعمليات وامي قاعده تحاتيها..انت وينك؟؟
مشعل (سلامتها): وين يعني..افتر بالسياره..تعال تريقت ولا اييب ريوق
تركي مبتسم: لا والله قعدوني من النوم وللحين على لحم بطني..شوف إذا ييت دق علي
مشعل ابتسم: ماشي..

سكر منه والتفت لآمه: يما بعد شوي بيي مشعل رفيجي
ام تركي: زين يمه بس دق لي ام جوري وعطني اياها
تركي ابتسم : الحين ادق عليها


+
+
+
+

بيت ابو جوري
نفس الوقت

بالصاله

جوري حاطته على قناة مسايا وتشوف الازياء وبنفس الوقت بحضنها الاب وتطقطق بالمنتديات


ام جوري يت من المطبخ: ابوج طلع.
جوري بدون ما ترفع راسها: اممم ئي يما طلع من نص ساعه
ام جوري سمعت صوت التلفون ويت شالته: زين قصري التلفزيون بسمع عمتج شتقول
جوري خذت الريموت وكتمت الصوت ورجعت للمنتدى بدون ما تتكلم: .........

ام جوري بدهشه: من صجج انتي..اشلووون وامتى..وهي امس مع البنات ترقص ومافيها الا العافيه
ام تركي: والله ما ادري يامريم قعدت الصبح وقالي تركي انها طاحت امس والحين احنا ناطرينها
ام جوري: اهي دشت العمليه
ام تركي: ئي من زمان يمكن شوي ويطلعونها
ام جوري: إن شاء الله تقوم بالسلامه وما فيها الا العافيه..الحين اييب جوري واييج..مع السلامه

جوري بسرعه: شفيها عمتي يما؟؟ ومنو بالعمليه؟؟
ام جوري وقفت: بنت عمتج فلا..بالعمليات معاها الزايده..قومي لبسي بسرعه خن نمشي..خنت حيلي ام تركي بروحها
جوري بصدمه: فلا معاها الزايده!! متى واشلون ما درينا واهي امس
ام جوري قاطعتها: بسج حجي وقومي لبسي بسرعه
جوري وقفت بسرعه وطارت للدري: ثوااااااااااني بس


دشت غرفتها وعلى طول خذت فونها وقطت نفسها عالسرير ودقت على(حبيب جوجو)

وبعد رنتين
زياد : هلا قلبي
جوري: هلا حبيبي انت بالشغل
زياد ابتسم: هههههه اي شغل شكلج نسيتي ان اليوم سبت ولا عشان عطلتي ضاعت الحسبه
جوري توها تنتبه: يوووووه تصدق نسيت..انزين حبيبي ترى فلا دخلوها العمليات معاها الزايده وعمتي بروحها هناك..توها دقت على امي والحين احنا بنروح لها..تعال هناك اوكي
زياد وقف : شنوووو..خلاص صار صار الحين ايي بس بأي مستشفى
جوري: ما ادري إذا عرفت ادق عليك واقولك..
زياد باهتمام: اوك ناطرج


سكرت منه ونطت لكبتها وطلعت جينز وتوب تايغر ناعم مع بوت بني طويل وما حطت الا ماسكرا وغلوس لحمي وخذت سويجها وطلعت لآمها


+
+
+
+

بحر شرق
الساعه 10:45

ناصر وجنا بعد ما خلصوا من الريوق طلعوا قعدوا عند البحر وكان الجو شتوي بس حلوووو

جنا حاطه راسها على جتفه: حبيبي
ناصر مسك ايدها وباسها: عيونه
جنا طالعت بعيونه: بغير خطي
ناصر بهدوء: ليش خطج حلو
جنا طالعت البحر: تييني ارقام غريبه وانا بعد ما ارتبطت فيك مابي اي احد بالعالم ياخذني منك
ناصر حط ايده ورا ظهرها وقربها منه حيل: حبيبتي انتي الحين بس نقوم اروح اشتريلج احلى خط مع بي بي إذا تبين
جنا ابتسمت: لا حبيبي خط يكفيني
ناصر: انزين حبيبتي متى تبين عرسنا
جنا: اممم ما ادري بكفيك بس مو قبل 3شهور
ناصر يرجع خصلات شعرها العنيده ورا اذنها ويبتسم: خلاص عيل بحاول اشوف حجز بشهر خمسه
جنا ساكته وتطالع البحر: ..........
ناصر ابتسم: شفيها حبيبتي
جنا لفت عليه وحطت ايدها على خده: ولا شي..وقربت منه وطبعت بوسه ناعمه على شفايفه
وناصر ابتسم وكمل عليها..وما حسوا بنفسهم الا على دقة فون ناصر
جنا بملل: اففففففف
ناصر ضحك عليها وشاف المتصل رائد وصك بويهه: ههههههه ما عليج ماني راد هذا رئوود
جنا تلعب بأزارير دشداشته: زعلان منه
ناصر فهمها وابتسم: انتي زعلانه
جنا نزلت عيونها بالارض: عمري ما تمنيت اشوفك جدامي بهالموقف..كرهته بهذيج اللحظه
ناصر بهدوء: طالعي بعيوني
جنا رفعت عيونها له وكانت دمعتها نازله على خدها ودفنت ويهها بصدره: ...........

ناصر تضايق وحضنها بقوه وتملك: انسي

جنا : ...........
ناصر همس: جنا
جنا رفعت راسها ومسحت دموعها وهي تحاول تبتسم: همممم
ناصر ابتسم ومسك خدودها: ئي جذي ما احب اشوف دموعج
جنا ضحكت: ههههههههههههههه
ناصر استانس انها ضحكت ومسك ايدها وقومها: قومي نتمشى الهوا حلو

قامت جنا معاه وظلوا يتمشون نص ساعه عالبحر وبعدين ركبوا السياره ومروا الافنيوز ونزلوا يتمشون

ناصر: تبين تشترين شي
جنا ابتسمت: لاا حبيبي بس ابي الخط
ناصر مسك ايدها ومشى: تعالي معاي

راحو فرع زين واشترت خط ماسي وطلعوا
قعدوا بكافتيريا وطلبوا عصير وركبت جنا خطها وبدت تدز مسجات حق اهلها واللي تعرفهم

جنا وهي تشرب عصيرها الليمون: اممم نونو بدق عليك
ناصر ضحك: ههههههه انزين بس لا تقولين نونو جدام الناس لحد يسمعج فشله
جنا داست ريله من تحت الطاوله: زعلت..ماني مدلعتك
ناصر تفأجا بحركتها وكتم صرخته غصب وفجرها ضحك: اوب هههههههههههههههههه ألعن خيرج يااااحمااااره هين اوريج
جنا عصبت : لا تقول حماره
ناصر يضغطها: امبلا حماااااااره
جنا حمر ويهها: لا مو حماااره
ناصر وده يضحك: امبلا
جنا عصبت منه وقامت وخلته قاعد بروحه: ...........
ناصر دفع الحساب بسرعه ولحقها: جنا وقفي جنا يالخبله
جنا مطنشته..مشت عنه وطلعت للسياره ووقفت يمها
ناصر يالها واهو ماسك ضحكته..بطل الباب وركب السياره وشغلها وفتح لها الدريشه: مطوله الاخت ههههههههههههههههههه
جنا ما ردت ركبت وهي حدها مقهوره: ...................
ناصر وهو يطالع الشارع: الحين انتي من صجج زعلانه
جنا ما تطالع فيه: مالك شغل ودني عند ضاري..
ناصر ابتسم: اسمه خالي ضاري مو ضاري حاف
جنا: كيفي انا اناديه جذي
ناصر ضحك: ههههههه اوك كيفج كيفج
بس ما دقيتي علي
جنا : .........
ناصر سكت عنها وكمل طريجه واهو يضحك وهي ميته من القهر


+
+
+
+

بالمستشفى
الساعه 1‎‏ الظهر

بغرفة فلا

امها وابوها وبيت خالها بوزياد وبيت خالها بوجوري عندها


ساره: حمدلله على سلامتج فلوووه..والله اختبصت لمن قالت لي جوري
فلا ابتسمت بتعب: الله يسلمج وينها جنا؟؟
ساره ضحكت: طالعه مع ناصر من الصبح هههههههه
ام زياد ابتسمت: الله يهنيهم إن شاء الله

ام تركي: ما تبين تاكلين شي يمه من طلعوج وانتي على لحم بطنج
فلا : لا يما ما اشتهي
جوري وقفت: امبلا بروح ايبب لج كرواسان وعصير..تعالي ساروووه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 21-07-2011, 03:48 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ساره قامت: اوك يلا

واول ما طلعوا

ساره بخبث: جوريوه شعندج طلعتج مو لله؟؟
جوري ضحكت: ههههههه بصراحه بشوف زياااد
ساره ضحكت: ههههههه يما منج حتى هني ما تطوفينها
جوري: حماااره مو كافي امس ما شاف كشختي كان مشغول مع الرياييل
ساره ضحكت: ههههههه زين زيننن

وصلوا الكافتيريا وطلبت جوري كرواسان بالكاكاو اثنينه مع موكا حاره وتركت ساره ومشت: برووح سارووووه زيننن
ساره كانت ناطره طلبها: زين لحظه شقووول؟؟
جوري وهي ماشيه: قولي راحت الحمام او بتصلي اي شي..


باستراحة الشباب

كانوا الشباب زياد ورائد وتركي ومشعل ومازن ونواف


تركي ابتسم: مابغينا نشوفك نوافوه معتصم من امس
مازن ضحك: ههههه خله حبيبته تزوجت امس
نواف حذف عليه بطل ماي: اقووول انثبر لا اقوم لك
الكل: هههههههههههههههههههههههههههههههه

رائد ابتسم: نواف انت تدرس ولا تشتغل؟؟
نواف بهدوء: لا باقي له سنه عالتخرج
رائد : اهاا شنو تخصصك
مشعل بدون قصد: ليش تسأل بتزوجه اختك؟؟ ههههههههههههههاااي
زياد ضحك: ههههههههههه اقووووول انثبر وحده تزوجت امس وبقى وحده اهي تختار اللي تبيه
نواف سكت والكل ضحك: ههههههههههههههه


زياد سمع فونه يدق وشاف مكتوب(حبيبتي)ابتسم وطلع عنهم : هلا جوجو تبين شي

جوري ابتسمت: ئي تدل استراحة الصلاه اللي يم غرفة فلا
زياد يفكر: ئي..
جوري : شنوو ئي تعال هناك ناطرتك
زياد ابتسم: اوكي دقيقه واكون عندج

سكر منها وراح لها الاستراحه وشافها ماسكه الاكل وتنطره

جوري اول ما شافته راحت له وحضنته وباست خده: اشتقتلك
زياد ابتسم وحط ايده على ظهرها: جوري احنا بالمستشفى
جوري ابتسمت وجرت ايده وراحت قعدت عالقنفه المحطوطه وقعدته: عادي مو كافي امس ما شفت كشختي..بس انا صورت نفسي هاك شوف
زياد ابتسم ومسك فونها وشاف الصور وكانت لابسه نفنوف احمر كت ومليان شوارفسكي وقصير للركبه وشعرها فاتحته كله وحاطه ميك اب ناعم
جوري تنطر ردة فعله: شفيك ساكت..مو حلو شكلي
زياد طالعها وابتسم: من قال..الا تهبلين..وباس خدها برقه
جوري ولعت خدودها وعطته الموكا والكرواسان: انزين حبيبي هاك اكل
زياد ابتسم واخذ منها الاكل: شحقه طالبته مو يوعان انا
جوري ابتسمت: عاادي اكل عشاني وبعدين الحين حزة غدا اشلوون مو يوعان

زياد شرب شوي من الموكا وتركه وقرب منها وهمس بأذنها: متى تبيني اخطبج

جوري استحت ونزلت راسها: بكيفك

زياد ابتسم واهو يتأملها وكمل اكلهم وعيونهم معلقه ببعض

+
+
+
+

بيت ضاري
نفس الوقت

بالصاله

جنا قاعده تطالع التلفزيون ومسويه نفسها زعلانه وضاري وناصر يسولفون

ضاري ابتسم: جنووو شنو تبين تتغدين ترى انا ميت من اليوع
جنا قطت وشاحها وتأففت: اففففف ما اشتهي مو يوعانه
ناصر بلع ريجه لما بين جمال عنقها الناصع البياض مع نحرها : .......
ضاري ضحك ووقف وغمز لناصر: هههههه لا تبين والحين بروح اوصي لنا على غدا

ناصر قام وقعد عندها ومسك ايدها وباسها: جنوووون بس عاد ترى ما تسوى وبعدين انتي دستي ريلي وما قتلج شي
جنا كاتمه ضحكتها: لا تحاول ما راح ارضى مو انا حماااره
ناصر بابتسامه خبيثه: اراضيج بطريقتي

وسحبها له وصار يبوس شفايفها ويتحسس صدرها وجنا ميته بيدينه وتحاول تقاومه بيدينها ومو قادره حتى انه فصخ عنها البوت وما سوت شي

ضاري طلب ويا بيدش الصاله وانصدم بالمنظر وشهق وصد: هئ..
ناصر ابتسم وتركها وجنا دزته وقامت وانخشت ورا خالها

ضاري ضحك عليها: ههههههه جنووو روحي فوق
جنا ما ردت بس صعدت الدري تركض

ناصر استحى من ضاري: احم احم
ضاري يالها واهو يضحك ومسكه من دشداشته: ههههههه لا والله اقوول قوووم قوووووم فارج بيتي يتعذرك
ناصر ضحك: ههههههههه روووح زين تراها مرتي مو كافي اللي سويتوه
ضاري ابتسم: مو اكثر من اللي سويته
ناصر طلع زقارته: واللي يرحم والديك اسكت اصلا للحين ما ادري اشلون سويت جذي..ينيت بهذيج اللحظه..
ضاري انسدح عالقنفه: المهم انكم تحبون بعض وبعدين شيل لي غيرتك المجنونه من راسك زين
ناصر ابتسم وكمل زقارته بمزاج

ضاري وقف: عن اذنك
ناصر : وين رايح؟؟
ضاري ابتسم: يمك بس بشوف جنا وايي



فوق بغرفة ضاري

دش ضاري وشافها نايمه على بطنها ودافنه ويهها بالمخده وراح يمها: جنوو قومي عن مخدتي مو كافي المره اللي طافت غرقتيها ماي وبدلتها
جنا تعدلت وعطته ظهرها: راح ناصر
ضاري ابتسم: لااااااااااا بس انتي يالخبله ليش تسمحين له يتمادى معاج وايد بعدين ينطفي الحب اللي بينكم..خليه يشتاق لليلة العرس
جنا لفت عليه: ما ادري خالو ما ادري اليوم سألني عن موعد العرس جان اقوله بعد ثلاث شهوور
ضاري: ليش ثلاث شهور ناسيه اللي صار بينكم؟؟
جنا هزت جتوفها: شنووو يعني؟؟
ضاري تجتف: يعني مو خايفه تحملين..
جنا استحت منه وعدلت قعدتها وقامت للمرايه ترتب شعرها: لا تخاف يتني الدوره من امس
ضاري ضحك: هههههههههه انا قايل انج ما تستحين بس محد صدقني
جنا طالعته بنص عين من المرايه: استحي منك..وعععععع مو لايق..
ضاري ضحك : هههههههههه اقول عدلي كشتج ونزلي الحين بيوصل الغدا

جنا ضحكت وعدلت شعرها ومكياجها ونزلت

وشافتهم توهم حاطين الاكل عالطاوله وقاعدين ويت قعدت بين خالها وبين ناصر

ضاري ابتسم: سمو بالله
ناصر وجنا ابتسموا وبدوا ياكلون


وبعد الغدا مشى ناصر بعد ما ودع جنا ببوسه ناعمه عند الباب وتركها لانها تبي تظل عند خالها


ضاري كان يعدل القنفات والمخاد ويطفي التلفزيون: وليش ما خليتيه يقطج على بيتكم؟؟
جنا يت وسحبت شنطتها: جذي بقعد عندكم اليوم عندك مانع
ضاري ابتسم وحب يضغطها: لا بس شحقه ماخذه شنطتج للحمام
جنا قلب ويهها احمر من الاحراج ودشت حمامات الضيوف وصكت الباب حيلللللل


ضاري مات عليها من الضحك: هههههههههه هيييييي لا تخيسين حمااااامي..
جنا طلت براسها: الله ياخذك زينننننن
وردت صكت الباب
وضاري نقع من الضحك: هههههههههههه آآآه يابطني هههههههههههههههههه

واهو على هالحاله دق تلفون البيت وقام شاله واهو يضحك: ههههههههه نعم

رائد اخترع: بسم الله شحقه تضحك يني انت

ضاري قط نفسه عالقنفه: شنوو عبالك مينووون اضحك بروووحي..اختك الحوله مولعه جبدي
رائد ابتسم: جنا عندك
ضاري ابتسم: ئي يابها ناصر وتغدوا عندي وراح وظلت اهي..انت وين؟؟
رائد : ماكو توني راد البيت وقلت ادق عليك..

ضاري : اهاا خلاص عيل اقلب ويهك بروح اريح جسمي شوي

رائد : والله الشرهه علي يسأل عنك..اقلب ويهك..بااااي
ضاري رجع يضحك ويضحك وما قدر يسكت
الا لما طلعت جنا من الحمام وبيدها شنطتها

ضاري طالعها بخبث وهي رايحه للباب: وين على الله؟؟
جنا وهي طالعه ومنحرجه من جرأته: تراك تغث
ضاري ضحك : هههههههه تعاااالي مو خايفه احد يشوفج وانتي تقطين الشيسمونه بـ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 21-07-2011, 03:48 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ضاري ضحك : هههههههه تعاااالي مو خايفه احد يشوفج وانتي تقطين الشيسمونه بـ..

وما كمل لان جنا كانت راده من برا ويت ركض وهجمت عليه وسدت حلجه بيدها: سده حلجك شوووووووي سدددددددده زييييييييين

ضاري بعدها عنه واهو ميت من الضحك: وخري عني هههههههههههههههههههههههههه

جنا انقهرت منه وراحت رفعت التلفون ودقت على زياد

زياد : هلا ضاري
جنا مقهوره: انا جنا مو ضاري..تعال خذني
زياد ابتسم: جنوو هذي انتي..شفيج معصبه جذي
جنا بصراخ: مالك شغل تعاااال وبسسسس..وسدت بويهه
زياد : آل..وعمى شفيها سدته..

ضاري يضحك عليها وهو يصعد الدري: ههههههه لا تخافين ماني مراضيج لاني ما زعلتج
جنا طقت ريلها بالارض: اففففففففففف

ضاري ضحك وجنا لحقته ودشت وراه للغرفه..شافته فصخ بلوزته وانسدح: ضاري

ضاري لف عليها: شتبين بناااام؟؟
جنا ابتسمت : ولاشي بقعد عندك لحد ما ايي زياد
ضاري ابتسم وحط ايدينه تحت راسه: يلا سولفي اسمعج
جنا ابتسمت: ما عندي سوالف انت سولف

ضاري ابتسم: شقول..
جنا تفكر: امممم ولا مره حبيت
ضاري ضحك : هههههههههه شكووو انتي
جنا ضحكت: هههههه لا صج عاد..يعني انت مو صغير سنه وتصك الثلاثين ما ودك تتزوج

ضاري ابتسم: للحين ما لقيت البنت اللي ابيها

جنا رفعت حاجب: يعني معقوله للحين ما حبيت ولا مره ولا كلمت ولا
ضاري خربط شعرها: مو فاضي لهالسوالف تعرفين اني كنت مشغول بدراستي والحين العياده ماخذه كل وقتي لوما العطل جان ما اشوفكم ولا تشوفوني

قطع عليهم صوت زياد اللي دش : سلااااااااااااام

جنا ابتسمت: هلا زيااد..ييت
ضاري ابتسم: فكنا منها يامعود
زياد ضحك: ههههههه ليش شمسويه؟؟
ضاري يطالعها بخبث: شفتها طالعه من...
جنا سدت حلجه: اهو يتحرش فيني مو انا..
زياد يضحك: ههههههه شفيكم جنكم قطو وفار هههههه
ضاري ضحك وبعد ايدها: هههههه انا ادري عنها..(وطالعها)تبين اقوله
جنا وقفت ومشت للباب: إذا تبي تموت قوله..
ضاري ضحك: هههههههههه لا يامعوده تسوينها انتي مينونه ههههه
زياد وجنا: هههههههههههههههههههههههههههههه


نزلت جنا ولبست بوتها ووشاحها وطلعت مع اخوها وراحوا البيت

+
+
+
+

انتهى البااارت
رايكم فيه..حلو ولا عادي
وتوقعاتكم اهي شي


نواف طلع يعرف تركي ولد عم جنا..معقوله هالشي بيأثر بعلاقتهم ولا خلااص نواف اقتنع وابتعد عنها؟؟

جنا وحبها لناصر وحياتها اليديده واللي بتبدا تجهز لها؟؟

ساره..فلا..ومشعل شنو دورهم بالقصه؟؟

والثنائي الرومانسي جوري وزياد؟؟


الرد باقتباس
إضافة رد

رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية ، كاملة

الوسوم
رهنت , رواية , شوقي , وبايع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
مقتطفات من السيرة النبوية الشريفة ahmadh حياة - صفات - أخلاق - أقوال - رسول الأمة 7 09-11-2007 02:59 PM

الساعة الآن +3: 12:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1