غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 21-07-2011, 03:49 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه الثامنه

بعد ثلاث شهور
وبالتحديد يوم عرس
(ناصر&جنا)



بحر الشويخ
الساعه 4 العصر

نواف قاعد عالبحر وبياكل اصابعه من الحسره لان اليوم زواج الانسانه اللي حبها وتمناها

مشعل بهدوء ونظراته للبحر: وبعدين يعني؟؟
نواف طالع فيه: شفيك؟؟
مشعل: منت قايم؟؟
نواف مسك صخره وحذفها بالماي: لاااااااا
مشعل: بس البنت تزوجت واليوم عرسها وحرام عليك تفكر بوحده صارت لغيرك
نواف تنهد: معنها عمرها ما حبتني ولا حسستني بشي بس القلب وما يهوى يامشعل..انا حبيتها..تعرف شنو يعني حبيتها..ومو بسهوله انساها..وصعبه علي اتخيلها مع واحد ثااااني..
مشعل تضايق عشان رفيجه: والحل يعني؟؟
نواف طلع باقيت الزقاير واخذ زقاره وولعها: ماكو حل
مشعل بصدمه: من متى تدخن؟؟
نواف وقف ومشى صوب البحر: من 3‎ ‎‏ شهور
مشعل: من يوم ما تزوجت..
نواف سكت لانه كلامه صج: .........
مشعل وقف: اصلا انت الحجي معاك ضايع..ليش اتعب نفسي
نواف التفت له: وين رايح؟؟
مشعل وهو ماشي لسيارته: بروح البيت علما اتسبح وألبس يكون راح الوقت..
نواف: بتروح العرس؟؟
مشعل بدون ما يطالعه: ئي مازن بيروح وتركي عزمنا فشله نكشت فيه
نواف ما قال شي ورجع يطالع البحر: .......

ومشعل ركب سيارته ومشى..


ونواف طرت على باله ذكرى..اول يوم دوام الكورس الاول للسنه اليديده قبل شهر

نواف بيدخل قسم التسجيل وشافها: جناااااااا
جنا طالعه من التسجيل بعد ما خذت جدول محاضراتها: نوووواف!!
نواف قرب منها: اشلونج جنا؟؟
جنا تهربت من نظراته اللي بتأكلها: بخييييير وعن اذنك بمشي الحين
نواف مسكها من ايدها قبل ما تعداه: جنا لحظه شوي..ليش تتهربين مني؟؟
جنا انصدمت من وقاحته وسبحت ايدها منه: ما فيني بيني وبينك شي يخليني اتهرب منك..والحين عن إذنك اخوي ناطرني برا

نواف مسك ايدها مره ثانيه: ماني هادج هالمره الا لما تسمعيني
جنا مقهوره منه: نووواف احنا بالجامعه روح بطريجك وخلني امشي
نواف برجا: مو قبل ما تسمعيني
جنا سكتت من نبرته: .......
نواف: خمس دقايق مو اكثر
جنا تنهدت: ولا ثانيه زياده..
نواف ابتسم: اوك تعالي الحديقه..المكان هناك هادي خصوصا انه توه الدوام بادي يعني محد بيشوفنا
جنا ارتبكت: وليش ما تبي احد يشوفنا
نواف ابتسم على نبرة الخوف بصوتها: لا يروح بالج بعيد بس عشانج..
جنا سكتت ومشت جدامه ومشى نواف وراها

وراحو الحديقه وقعدوا بالكراسي وكانت الشمس عااااليه

جنا بهدوء: قول اللي عندك لاني تأخرت
نواف وقف جدامها وحط ريله عالكرسي وريل بالارض: تحبينه
جنا انصدمت من جرأته ومن حركته الاكثر جرأه: نعممممم
نواف طالع الشمس ورجع طالعها: ردي علي..تحبينه..يعني لما دقيت عليج وسألتج صكيتي بويهي ولما تقربت من اخوانج ما استفدت شي وبعدين غيرتي رقمج..ونسيتي انج معاي بنفس الجامعه واقدر اشوفج فيها
جنا سكتت شوي بعدين ردت بهدوء وهي تحاول تمسك اعصابها: شوف نواف..انت ريال حلو ومثقف وفوق هذا طالب جامعي على مستوى عالي واي بنت تتمناك بس مو انا لاني لقيت الانسان اللي حبيته وصرت زوجته وبعد شهر بيجمعني فيه سقف واحد وبيت واحد وفراش واحد
(ووقفت): وبليز انساني وشوف حياتك مع وحده غيري ولا تزرع الشك في نفس زوجي اكثر من اللي صار..(ولفت بتمشي)مع السلامه
اما نواف انصدم من كلامها..او يمكن من موقفها الصريح معاه..او من رفضها العلني له وسحبها من ايدها بقوه وطيحها بحضنه ومسك خصرها بقووووه : الظاهر انتي ما ينفع معاج الا هالاسلوب
جنا خافت منه وصارت تحاول تفلت منه بس اهو ماسك ايدينها ومثبتها من خصرها وصارت خصلات شعرها تطير مع الهوا: للأسف طلعت واحد حقير والحين هدني قبل ما اصرخ والم الناس عليك
نواف مستانس على تمردها بحضنه: ههههههه ضحكتيني..صرخي يلا عشان تفضحين روحج
وقرب من ويهها وصار يحاول يبوسها وهي تهز راسها بقوووه
جنا بعد ما دخل الخوف قلبها وارتفع صوتها بالصراخ قدرت تفلت ايدينها وطقته طراااااااخ لف ويهه وراحت عنه ركض: حقييييييييييييييييييييييير


نواف مسك صخره وحذفها بقهر بالماي من هالذكرى: ليش صااااار جذي ليشششششش؟؟؟


فدوة عيونك لو غدت روح مغليك .. وش عاد لو راحت لعينك عشاير

أبيع ما يغلى على الكون واشريك .. واسوق لي جتني علومك بشاير

وازعل جميع الناس بالحيل وارضيك .. واصبر ولو دارت علي الدواير

+
+
+
+

نروح لقاعة فندق........ونشوف تجهيزات العرس عند الحريم
الساعه 12 الفير

كل الانوار موجهه على الدري العالي اللي بتنزل منه العروووس..وكانت جوانبه مليانه بالورد الجوري المقطع وريحة العطور والمسك منتشره بكل مكان..والحريم كلهم بانتظار طلتها..وامها بانتظار تشوف بنتها بالنفنوف الابيض وحابسه دموع فرحتها..وكل البنات صافين لها


ثواني ودخلت جنا على نغمات الموسيقى الرومانسيه..طلتها مبهره بنفنوفها الابيض المرصع بالالماس عند فتحة صدرها السبعه والخيوط الكريستال اللي تزين بالطول خصرها الشفاف واللي قصته ناعمه من تحت ومو واسع حيل عشان تتحرك براحه وما تتعذب فيه..مكياجها وتسريحتها من انامل المبدعه رشا شيك..ممزوج بنعومة بشرتها ونظارتها وطول شعرها اللي سوتله تسريحه مفتوحه وما رفعته كله بس زينته بالاكسسورات

قلبها من داخل يغلي من الخوف والتوتر
بس ما اختفت الابتسامه الرقيقه من شفايفها

وصلت للكوشه المطرزه بألوان السنه اليديده باللون الذهبي مع التراكوز وقعدت بكل هدوء وعدسة المصوره ما فارقتها

ساره بفرحه يت وقعدت عند اختها وباست خدها بقوه: ألف ألف ألف مبروووووك جنوووووووووو بتروحين وتخليني بروحي
مو مصدقه
جنا ابتسمت: الله يبارك فيج يالغلا

جوري تخصرت: يعني انا مو غلاج
جنا ابتسمت: امبلا كلهم حبايبي
فلا غمزت لها: كلنا حبايبج عيل وين راح ناااااصر
جوري وساره وفلا: ههههههههههههههههههه

جنا استحت واكتفت بابتسامه: .................

ام زياد وفرحتها مبينه بعيونها: ألف مبرووووك يايمه..الله يسعدج ويهنيج..

جنا ابتسمت لامها: الله يبارك فيج يما ولا يحرمني منج ومن حنانج
ام ناصر ابتسمت: يلا يابنات قوموا رقصوا للعروس شوي ما بقى شي على دخلة المعرس

البنات من سمعوا كلامها قاموا للبست يرقصون اما جنا اشتغل الخوف بقلبها من ردة فعل حبيبها واللحظه اللي بتجمعهم مع بعض


ومر الوقت ويت الساعه وحده وصار وقت دخول المعرس

ودش ناصر مع ابوه وخاله بوزياد واخوان العروس زياد ورائد..كان قلبه يرقع لكنه مبتسم ويمشي بثقه والبنات زاغت قلوبهم عليه..اهو حلو ومرته حلوه ههههه

وصل لها واهو كاشخ بدشداشته البيضا وبشته الاسود وعطره اللي وصلت ريحة رجولته قبله
جنا وقفت بعد ما لبسوها الرداء وراسها بالارض من الحيا
اما ناصر كان مبتسم وفرحان حيل..قرب منها وطبع بوسه ناعمه على جبينها وهمس بأذنها: مبروووك حبيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 21-07-2011, 03:51 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




جنا من الحيا طلع صوتها متقطع: ا..ل..ل..ه ي..ب..ارك فيك
ابو زياد قرب منها وباس راسها: ألف مبروك يابنتي الله يوفقج ويهنيج..دير بالك عليها ياناصر
جنا ببحة دموع: الله يبارك بعمرك يبه
ناصر شد على ايدها: ولا يهمك ياخالي بنتك بالحفظ والصون..ماي عيوني بيتها
زياد صفر: اووووووه هههههههه شعليج جنووو يتغزل فيج بالقاعه..
رائد كمل عليه: مستعيل ههههههه
جنا ولعت بمكانها والكل ضحك عليها: هههههههههههههههههههههههههههههههههههههههههههههههههه هههه

وصار الوقت انهم يطلعون..وطلع زياد قبلهم وركب سيارته اللي زينها وكشخها لهم
..ويا وراه ناصر وماسك ايد جنا اللي مغطينها كلها
ساعدها تركب وركب يمها ومشت السياره تعلن بدء حياة جديده لناصر وجنا


+
+
+
+

عند الرياييل..بالقاعه..فضت الا من اهل المعرس

ضاري شاف رائد يا وقام له: ها زفيتوهم

رائد ابتسم: ئي..وراح زياد يوصلهم

ضاري ابتسم: الله يوفقهم..يلا بمشي انا بتمشي انت ولا بتقعد

رائد ابتسم: بيي وياك..بيتنا حوسه ولويه ويبيله تنظيف
ضاري ضحك: ههههههههه انزين واهلك

رائد : سارووو وامي راحو مع ابوي

ضاري ابتسم: اهاا عيل امش يلااااا

طلع رائد مع ضاري وكل واحد ركب سيارته ومشوا ورا بعض..


+
+
+
+

وبسيارة تركي

كانوا رادين معاه اخته وجوري اما امه راحت مع ابوه

تركي يطالعها بالمرايه: حيالله جوري اشلونج يابنت العم
جوري بحيا رفعت راسها عن شنطتها: هلا تركي..تمام انت اشلونك
تركي ضحك: ههههههه عرس وتسأليني اشلوني..اكيد زينننننن
فلا ضحكت: هههههههه ئي اكيد زهقت عمرك بالرقص
تركي ضحك: ههههههه هييي انتي شنو رقصت..بنت انا..قولي عرضت..
فلا وجوري: هههههههههههههههههههه

فلا بهمس: شفيج؟؟ من ركبنا وانتي حاطه راسج بشنطتج؟؟
جوري بهمس وهي تطلع فونها: ادور عن فوني..بدز مسج لزياد
فلا ابتسمت: مو فاضي لج راح يوصل المعاريس للفندق
جوري كانت تكتب مسج: (زعلانه منك..يعني بالملجه ما تشوفني وبالعرس ما تشوفني بعد..)دزتها له وتنهدت
فلا كانت متابعه معاها وضحكت: هههههههه الحمدلله والشكر
جوري بهدوء: لا حبيتي تعرفين
فلا سكتت وعلى طول طرا على بالها مشعل ونظراته لها بالمستشفى قبل العمليه وبعدها: ..........

+
+
+
+

بفندق .......
الساعه 2:30 الفير


فتح ناصر الباب بالكرت ودخل ودخلها من ريلها اليمين
جنا ما تكلمت ولا قالت شي بس ابتسمت ومشت معاه لغرفة النوم
ناصر قعدها عالسرير وقعد يمها وحط ايده على راسها وقال دعاء الزواج بعدين همس وهو يمسك ويهها بيدينه: مبروووك حياتي..تدرين للحين مو مصدق انج صرتي لي خلاص جدام الناس كلها ومحد يقدر يأذيج او ياخذج مني
جنا ومشاعرها مختلطه بين فرح وخوف وتوتر ونزلت راسها بحضنها: الله يبارك فيك احم
ناصر ابتسم على حياءها وذاب على لون شفايفها الاحمرررر ورفع راسها وهو يقرب منها زياده: رفعي راسج انتي الحين مرتي ولا تستحين الا من الخطا
جنا ما تكلمت بس زادت لمعة عيونها: ......

وناصر انجن عليها..خلاص ما قدر يقاومها قرب منها وباس شفايفها بقوووووووه وطيحها عالسرير وطاح فوقها
جنا منحرجه من انفاسه الحاره واصابعه اللي تتحس خدودها وشفايفه اللي تمشي على رقبتها: نا..ناصر بقوم ابدل
ناصر زاد من قربه منها : اشششش انا مرتاح جذي
جنا تقاوم: ح..حتى انت قوم بدل
ناصر ابتسم ورفع نفسه شوي عنها وقط بشته وغترته وشماغه وبدا يفتح ازارير دشداشته
جنا عبالها بيروح يبدل وقامت اهي بتبدل بس تفأجات بناصر يرجعها مكانها وبنفسه فصخ لها الطرحه والدبابيس والاكسسوارت وبسرعه تحرر شعرها من القيود وكمل طريجه لنفنوفها ووو.....


+
+
+
+

انتهى الباااارت
اتمنى يعجبكم هالبارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 21-07-2011, 03:51 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه التاسعه


صباح يوم دافئ
بالفندق..عند المعاريس
الساعه 11

فتحت جنا عيونها وهي تحس بحرارة على خدودها وكان ناصر يتأملها واستحت: ......

ناصر ابتسم وهمس لها بشاعرية نزار قباني:
أيتها الأنثى التي في صوتها

تمتزج الفضة . . بالنبيذ . . بالأمطار

ومن مرايا ركبتيها يطلع النهار

ويستعد العمر للإبحار

أيتها الأنثى التي

يختلط البحر بعينيها مع الزيتون

يا وردتي

ونجمتي

وتاج رأسي

ربما أكون

مشاغبا . . أو فوضوي الفكر

أو مجنون

إن كنت مجنونا . . وهذا ممكن

فأنت يا سيدتي

مسؤولة عن ذلك الجنون

أو كنت ملعونا وهذا ممكن

فكل من يمارس الحب بلا إجازة

في العالم الثالث

يا سيدتي ملعون

فسامحيني مرة واحدة

إذا انا خرجت عن حرفية القانون



جنا ضاعت منها الحروف وتعبت تدور عن كلمة تناسب شعورها وما نطقت الا بكلمة وحده وهي تدفن ويهها بصدره: احبببببك..

ناصر ابتسم..شد من احتضانها اكثر واستسلمت جنا بين ايدينه


+
+
+
+

بيت ضاري
نفس الوقت


بالصاله

نزل رائد توه قاعد من النوم..صدره عاري ولابس مكسر بس : صباح الخير

ضاري ابتسم وهو كان توه داخل: صبااااح النووور..توك قاعد

رائد ابتسم وقط نفسه عالقنفه ومسك الريموت: ئي..شنو وين كنت طالع؟؟

ضاري ابتسم وهو يحط اكياس الاكل عالطاوله الصغيره ويقعد: رحت العياده اشوف اذا عندي مراجعين ومريت يبت لنا ريوق وييت

رائد ابتسم وهو يطلع الخبز ويغمسه بالحمص: والله زين تقووم بروحك بدون محد يحن على راسك..لا وفوق هذا نايم امس ثنتين ما ادري جم
ضاري ضحك: هههههههه تعودت اقعد الصبح عشان دوامي
رائد ابتسم وهو ياكل: اممم انزين بتروح لجنوو ولا لأ
ضاري ابتسم: ليش اهي بتيي بيت اهلك
رائد ضحك: هههههه لاااااا بييون بالليل عالعشا بس انا بطب عليهم بالفندق
ضاري ضحك وشرق بالعصير: كح كح كح هههههههههههه حراااام عليك يمكن ما قعدوا للحين لا توهقهم
رائد يضحك: هههههههه ما عليك بتيي ولا لأا

ضاري يضحك: ههههههه ايي ليش لأااااا تدري ما شفتها امس بس كمل ريوقك اول


+
+
+
+

بيت ابوجوري
الساعه 12

بغرفة جوري

كان فونها يرن وهي ما تسمعه من التعب وسهر العرس والنووووم

ولما ازعجها فتحت عيونها وردت : افففففففففف
زياد ابتسم: الله كل هذا زعلانه!!
جوري توها تنتبه انه زياد لانها ردت بدون ما تشوف منو: لا والله تو الناس امس ما نمت وانا انطرك تدق..تدز مسج..تقول شي
زياد ضحك: هههههههه آسف حبيبتي بس والله وصلت البيت وعلى طول صليت الفير ونمت وتوني قاعد وشفت المسج
جوري بدلع: حتى لو زعلانه منك
زياد ابتسم: اراضيج..
جوري سكتت: .........
زياد كمل: ايي اخطبج
جوري ضحكت: هههههههههههههه شكووو
زياد ضحك: هههههههههه ما ادري اراضيج يعني
جوري ابتسمت وسكتت: .......
زياد عرف انها استحت: موافقه؟!
جوري بهمس: بزعل منك إذا سألت هالسؤال مره ثانيه
زياد ابتسم: وانتي كله زعلانه..بس ولا يهمج..ماني مزعلج مره ثانيه
جوري ابتسمت: انزين خلاص باي برد انام

زياد بدهشه: حلفي مع ويهج..الحين انا احاجيج وتقولين بنااام
جوري بنعاس: حبيبي بناااااااام ما نمت الا الفير
زياد ابتسم: خلاص روحي بس شوفيني بأحلامج
جوري ضحكت: ههههههه انزين باااي
زياد ضحك: هههههههه بااااي..

+
+
+
+

نرجع للمعاريس
الساعه 12:30

جنا كانت قاعده على كرسي التسريحه وفاتحه روبها وتدهن جسمها بالكريمات بعد ما خذت شاور وماخذه راحتها لان ناصر يتسبح

ظلت دقايق منزله راسها وتدهن ريولها وشعرها بخصلاته المبلله نازل وياها وفجآه رفعت راسها ووقف الكلام ببعلومها: آآآآآآآآآآآآآآآآآآآآآآآآآ
ناصر ضحك عليها..كان توه قاط فوطته وقاعد يلبس: ههههههههههههههههههههههههه شفيج فضحتينا
جنا حمر ويهها وربطت روبها بسرعه: يماااااا نااااصر خرعتني ما شفتك..

ناصر مواصل ضحكه: هههههههههههههههههه انتي اللي لاهيه بعمرج
جنا بحيا : متى طلعت من الحمام ما حسيت فيك
ناصر ابتسم بخبث..سكر ازارير دشداشته وقرب منها وشالها بين ايدينه: لا تخافين شفتج كلج..
جنا بحرج من الوضع: آ آ انزين نزلي بلبس وانت روح صل

ناصر عض شفايفه: اااخ لو اني مو متأخر عن صلاتي
جنا ضاعت من الحيا وردت بعفويه: شنوو انت ما تشبعععع
ناصر مات من الضحك وهو يقطها عالسرير: هههههههههههههههههههههههه منج انتي لاااا
جنا تعدلت وهي مستحيه من فتحة الروب: انزين روح صل خلاص..
ناصر ضحك واهو متجه للباب: ههههههههههه إن شاء الله..بس لا تطولين ناطرج عشان نتريق

جنا ما صدقت يطلع وسيده طارت وطلعت ملابسها..نفنوف سكري قصته سبعه فلوه وتحت الصدر شريطه حمرا وايدينه شيفون ناعم وطوله لتحت الركبه..لبست معاه صندل احمر عالي وخلت شعرها مفتوح ويابته كله جدام بس عدلت قذلتها وحطت ميك اب خفيف ورشت عطر على جسمها وحطت من الخمريه على شعرها وطلعت له


بالصاله

كان ناصر مخلص صلاته وقاعد يطلب ريوق من الفندق

جنا ابتسمت وراحت تبطل الباب لان ناصر مشغول

رائد وضاري: قوووووه العروووس
جنا حضنت اخوها: رئوووود اشتقتلك..(وباست خده وطالعت خالها)اما انت لا تحاجيني
ضاري ابتسم: افاااا ليش عااد
جنا دخلتهم وصكت الباب: شحقه ما ييت بالزفه
ضاري ضحك وهو يسلم على ناصر: هههههههه والله ما كان لي خلق ادش عند الحريم..قوووه يالمعرس
ناصر ابتسم: الله يقويك هههههه اقعد اقعد حياااك
رائد ماسك جنا من خصرها: اشلونك مع اختي عسى ما أذيتها
ناصر طالعها وابتسم: آسالها
جنا تخصرت: لا والله
ضحكوا عليها: هههههههههههههههههههه
ضاري فتح لها ايدينه: ما عليج منه تعالي يمي
جنا يت وقعدت يمه: وين امي وساره وزياد وابوي
رائد ابتسم: ما يدرون اننا بنيي انا كنت نايم عند الحبيب وقلت اطب عندكم
ناصر رفع حاجبه: احلف بسسسس
رائد ضحك: هههههههه والله العظيم بس للأسف طافني المشهد ما شفت
جنا استحت وقطت عليه مخده : حمااااااااااااااااااار
رائد وضاري وناصر: هههههههههههههههههه

انفتح الباب ودخلت عاملة الغرف ومعاها طاولة الاكل يابته لهم وراحت

ضاري ابتسم: شنوو ما تريقتوا؟؟
ناصر مد ايده لجنا: لا والله تونا..تعالي حبيبتي يمي
جنا قامت وهي مستحيه وقعدت يمه

رائد ابتسم: توكم قاعدين حسااافه ما لحقت هههههه
ضاري ضحك: ههههههههه هيييي انت شنو ما لحقت فلم سينما اهوو
ناصر كان ياكل ويبتسم: ما عليك منه خله..

رائد رفع حاجب: شبتسوي مثلاا
ناصر ضحك: هههههه ماني راد عليك لاني حدي يوووعان
جنا كانت تاكل وتبتسم وتسمع سوالفهم وبس..
وبوسط السوالف دق تلفون ناصر بالغرفه وقام : اكيد امي..عن اذنكم شوي
ضاري ابتسم: خذ راحتك
رائد استغل الفرصه وقام قعد يم جنا: اقووول جنووون شخبارج
جنا ابتسمت: مالي خلق سوالفك رئووود بروحي مو متعشيه امس
رائد ضحك: هههههههههههه ليش ما عشااااج
الظاهر انه مستعيل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 21-07-2011, 03:52 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ضاري ضحك: هههههههههه هييي انت شفيك عليها اسكت شوي
جنا غصت بالسلطه: كح كح كح
رائد وضاري: هههههههههههههههههههه
رائد يضحك: الظاهر ان السؤال محرج هههه

جنا طقت صدره وقامت قعدت عند خالها: وصخ
رائد انسدح من الضحك: اااااه هههههههههههه

ضاري كاتم ضحكته: ما عليج منه خله يولي كملي ريوقج
جنا ابتسمت وهي تحط راسها على صدره: مابي شبعت الحمدلله

بهاللحظه طلع ناصر وشافها قايمه عن الاكل: شنو اكلتي؟؟
جنا ابتسمت: اممم الحمدلله
ناصر يا وسحبها من ايدها وقومها: يلا بابا تعالي قعدي يمي عشان تنفتح نفسي
جنا استحت وخذت عصير اورنج واكتفت فيه وناصر كمل اكله
رائد صفر: ياعيني الحب ياعيني
ضاري ضحك: ههههههه بعرف انت متى تسكت
جنا وهي تشرب من العصير بهدوء: ما يقدر ما عنده ريموت
رائد رفع حاجب: لا والله..صج
الكل: هههههههههههههههههههههههههههههههه

ضاري وقف: يلا رئووود تمشي
جنا وقفت: وين خليكم؟؟
ناصر سحبها وقعدت غصب: قعدي انتي..
رائد وضاري : ههههههههه يلا مع السلامه..
ناصر ابتسم: مع السلامه..
طلعوا وصكوا الباب
جنا بعدت عنه: ليش سويت جذي؟؟
ناصر يستهبل ومكمل اكله: شنوووو
جنا تخصرت: شحقه فشلتني جذي جدامهم؟؟
ناصر ترك اكله ومسح حلجه بكلينكس وقرب منها وباس خدها: عشان اخذ راحتي معاج مو انتي عروستي
جنا ابتسمت وحضنته وناصر ابتسم وحضنها حيلللل وباس طرف شفتها واندمج وصار يشم ريحة شعرها
جنا تصرفه قبل ما تتوهق: آ آ ناصر ما راح نطلع
ناصر ابتسم وهو مكمل بوساته على رقبتها: امبلا بنطلع ياقلبي بس مو الحين
جنا بحيا: حبيبي نسيت فيه عشا ببيتكم يعني لازم نطلع الحين عشان ما نتأخر عليهم
ناصر ابتسم وبعد عنها: صج ذكرتيني..عيل قومي نتمشى ونتغدى ونشوف شنو فيه حجوزات بالسفريات
جنا بفرحه حطت ايدينها ورا رقبته: بنساافر

ناصر ابتسم: ئي ياقلبي اكيد بنسافر شهر عسل
جنا تفكر: امممم وين؟؟
ناصر : ما ادري ودي اسبانيا او المالديف شرايج؟؟
جنا ابتسمت: خلاص نروح ونشوف
ناصر : اوك..


وقاموا لبسوا وطلعوا من الفندق وايدينهم بيدين بعض فرحانين..

+
+
+
+

بالجامعه الامريكيه
الساعه 1

مازن ومشعل طلعوا من اخر محاضره


مازن:هذا من صجه ما يا
مشعل: يامعود تلقاه مو نايم طول الليل..
مازن: الله يعينه..ترى مو سهله
مشعل: ادري بس لازم ما يضعف جذي من اول تجربه..يعني الدنيا ما تمشي بهوانا
مازن وقف وتسند عالطوفه : حط نفسك مكانه..تسمع خبر زواج فلا بيوم وليله
مشعل وقف: ماكو مقارنه بين الاثنين..وبعدين من قالك اني احبها..ما شفتها الا مرتين..لا واخر مره من ثلاث شهوووور اكيد نستنا اهي لحظه عابره ومرت

مازن ابتسم ومشى: نشوووف
مشعل لحقه: هيييي تعال وين رايح؟؟
مازن وهو ماشي: وين يعني؟؟ البيت
مشعل: منت رايح لنواف؟؟
مازن: لا امره بالليل الحين برد البيت اتغدا واريح
مشعل: عيل مع السلامه..نلتقي بالليل..

+
+
+
+

بيت ابوناصر
الساعه 8 بالليل

الكل كان موجود بالعشا اللي سواه بوناصر لولده ومرته
قاعدين مع بعض..بصالتين مفتوحات على بعض..الرياييل بصوب والحريم بصوب



جنا وهي تسلم على عالبنات : وااااااااي بناااااااات وحشتوني
ساره وفلا وجوري : هههههههه وينج انتي من المغرب واحنا هني
جنا وهي تقعد بينهم: اممم شوفوا اول شي طلعنا نتمشى وتغدينا ودخلنا السينما واول ما خلص الفلم يينا على طول..هههههه

ساره ابتسمت: وفلم شنو دخلتوا؟؟
جوري بخبث: اكيد فلم رومانسي حيييييييل
فلا ضحكت: ههههههههه صج
جنا ضحكت وطقتهم: ههههههههه ياحمااااره لا مو صج دخلنا فلم رعبببب
البنات مع بعض: صدقناااج ههههههههههههه


ام زياد بفرحه: شكلهم مستانسين
ام ناصر ابتسمت: الله يهنيهم
ام تركي: ويفرحنا بغيرهم
ام جوري ضحكت: ههههههه آميييييييين


زياد قاطعهم: جنووو يقولون بتسافرين اسبانيا

جنا ابتسمت: اممم اليوم رحنا السفريات وشفنا الحجوزات عندهم

ابوناصر: ومتى سفرتكم على خير؟؟
جنا تفكر: امممم والله ما ادري ياعمي..ناصر متى موعدها
ناصر ابتسم: بعد يومين..
جنا انصدمت: يوومين..قووول والله!!
الكل ضحك على ردة فعلها: ههههههههههههه

رائد بضحك: شفيج انصدمتي ما كنتي تدرين ولا عقلج مشغوول بشي ثاني..
جنا كانت بتقوم له بس ساره مسكتها: هيييي اقعدي لا تفشلين نفسج
رائد والكل: هههههههههههههههههههههههههه

جنا ردت قعدت: حمااار مالك شغللل.
ابوزياد يضحك: ههههههه خلاص يارائد خل اختك لا تحرش فيها
رائد كتم ضحكته: إن شاء الله يبه ههههه
ضاري ابتسم: يعني ما راح تقعدون بجناحكم قبل السفر
ناصر: لا امبلا باجر بنييب اغراضنا من الفندق
..معانا وقت
ضاري: عيل قوم خن نشوف عش الزوجيه

ناصر ضحك: هههههههه انزين يلا حبيبتي..

جنا مشغوله بالسوالف مع البنات: ...........

رائد قام لها وشالها من خصرها والبنات كلهم كانوا ساكتين وفجآه ضحكوا: قووومي زين ما تسمعين الريال يناديج

جنا اخترعت لما صارت بالهوا: شنووو..آآآآآآ رااااااائد ياحماااااااار نزلني نزلنيييييييييييي..

ناصر يا واهو يضحك ونزلها منه وخذاها بحضنه: ههههههه شفيك على مرتي..ما عليج منه تعالي معانا
جنا تصعد الدري وهي مو فاهمه ومعاهم ضاري واخوانها: وينننننن؟؟
ناصر ابتسم: وين بعد؟؟ بنشوف جناحنا

جنا فجآه وقفت وكانت بأخر الدري: وين مكانه؟؟
ضاري وزياد ورائد : ...............
ناصر سحبها من ايدها: تعالي وشوفيه.

مشى ومشاها وياه والشباب وراهم طبعا..
راحوا صوب الجناح

جنا لما شافت طريج الجناح وقفت ولفت نظرها على اخر الممر لغرفته القديمه وهدتهم ومشت..

ضاري ناداها: جـ
ناصر مسكه من ايده: خلها..
زياد ورائد : ............
ناصر بهدوء: دشوا انتوا الجناح واخذوا راحتكم انا بشوفها وايي..
ضاري وزياد ورائد ماحبوا يحرجونه اكثر ودخلوا اهم الجناح واهو راح صوب الغرفه



دخل وراها وشافها تطالع السرير ويا حضنها من ظهرها وصار حنجه على رقبتها: ليش جذي؟؟ احنا مو قلنا ننسى
جنا لفت عليه وهي حابسه دموعها: مو قلت لك قفلها عالاقل ايي وألقاها مسكره

ناصر مسح دموعها بأصابعه ومسك ويهها بين ايدينه: جنا حبيبتي..الغرفة فيها اغراض لي للحين ما وديتها للجناح..قلت بعدين إن شاء الله انقلها براحتي انا وياج..واذا متضايقه طلعي الحين وسكريها..المفتاح بقفل الباب
جنا حطت راسها على صدره وضمته بقووووه: آسفه ناصر..ادري اني احرجتك..بس والله غصبا عني..هالغرفة تذكرني ب..

ناصر قاطعها : اششششش مانبي نتذكر شي اهم شي الحين انج معاي
جنا ابتسمت وباست خده: احبك..
ناصر ابتسم: وانا اموت فيج..بس تعالي نروح لاخوانج خليتهم بروحهم بالجناح..
ابتسمت جنا وطلعت وياه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 21-07-2011, 03:55 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




راحوا الجناح وصارت جنا تدور بنظراتها عالصاله اللي ألوانها مزيج بين الاحمر والمشمشي والابيض الكريمي وكان خليط روووووعه مع الفازات الكريستال والشموع الموزعه بكل مكان باختلاف ألوانها الاصفر والاحمر والوردي والبنفسجي..والمطبخ كان مفتوح عالصاله ونظامه اوروبي باللونين الاخضر التفاحي والابيض..


قطع تأملاتها صوت ضاري: ها جنوووون عجبج الجناح ولا لأ..ترى اذا مو عاجبج اخليه يغيره من ورا خشمه
ناصر ضحك: هههههههههه شرايج حبيبتي؟؟

جنا ابتسمت وهي تدش غرفة النوم: وااااايد حلووووو وألوانه مرتبه..بس اهم شي غرفة النووووم

رائد دخل وراه وشافها تتأمل ديكورات الغرفه بألوانها الموفي مع الفضي واللحمي وكانت فخامتها اوروبيه: اكييييييييد اهم شي
جنا طالعته من فوق لتحت ومشت تكمل نظراتها للغرفه: ........
زياد صفر : اوووووووووو قووووويه قووووووويه ههههههههههههههههه عطتك طاااااف هههههه
ضاري ورائد وناصر: ههههههههههههههههههه

ناصر شافها دشت الحمام وراح وراها وكان الباب مبطل: شرايج فيه خليته نفس ألوان غرفتنا عشان تكون ستايل واحد
جنا لفت عليه: اممممم ئي واااايد حلوووو خصوصا الشاور بوكس الوردي..
ناصر غمز لها: إن شاء الله نتسبح فيه مع بعض..
جنا ولع ويهها من الاحراج وطلعت وخلته: ..........

ناصر ضحك: هههههههههههه تعااااااالي..


زياد ضحك : ههههههه شفيها صارت حمراااا

رائد قط نفسه عالسرير: تلقاه قال لها شي حلوووووووو ههههههه
ضاري ضحك: هههههههههههههههههههههه
ناصر كتم ضحكته ويا سحبه من دشداشته : اقوووووول قوووووووم قووووووووم قبل ما ادوس ببطنك هني..
رائد ضحك وقام وطلعوا وراه ضاري وزياد ونزلوا كلهم تحت وهو يسولفون وظلت جنا مع ناصر


جنا ابتسمت وهي تقعد عالجلسات: يااااااي ناااااعمه حيلللللللللل
ناصر ابتسم وهو يقعد يمها: ئي تريح..
جنا طالعته بخبث: عشان اذا طردتك وييت تنام هني ما اكون شايله همك
ناصر ضحك: هههههههه لا والله
جنا فصخت كعبها ووقفت فوق الجلسه وصارت تنط: ئي والله هههههههه
ناصر ضحك على حركتها: وين صاعده نزلي لحد ايي ويشوفج
جنا تنط : لااااااا بجربهاااا والله تونس..
ناصر ما لقى الا حل واحد..سحبها من ايدها وطاحت وطاح فوقها: جناااا
جنا طالعت بعيونه: نعممم
ناصر ابتسم: تراج يننتيني
جنا ضحكت وهي تبعده وتقوم عنه وتطلع برا الجناح: هههههههههههههههههه قوووم يلاا

ناصر ابتسم وقام : حلفي تبي تطلعين حافيه؟؟
جنا ما سمعته لانها كانت طالعه..وناصر ضحك عليها وطلع وراها


عالدري

جنا كانت تنزل ووقفها صوت رائد: ما شاء الله وين شوزج؟؟
جنا تذكرت وطقت يبهتها: يوووووه نسيته فووووق ههههههه
ناصر ابتسم وكان وراها: ناديتج عشان تلبسينه بس حضرتج ما تسمعين..
جنا لفت بترجع تصعد: الحين ا...
رائد قاطعها: جنووو اشوا انج نسيتي الشوز مو شي ثاااني..
جنا من سمعت كلامه غيرت طريجها ونزلت له ركض: هييييييييييييييييييييييييييييي
ناصر والكل: هههههههههههههههههههههههههه

جنا يت وقعدت على بطنه وردت راسه ورا وجرت شعره: شتبي انت شتبييييييييييييييي؟؟

رائد يضحك: ههههههههههه وخري عني خنقتيني..
ابوزياد يضحك: جنا قومي عن اخوج فشله جدام ريلج
ناصر يضحك: ههههههه عادي ياعمي خلها..ولو اني عتبان عليك انك زوجتني ياهل.
ضاري ضحك: ههههههه جنووو سمعي شيقول عنج
جنا هدت رائد بس ما قامت عنه ولفت على ناصر: عيد اللي قلته ما سمعت
تركي ضحك: ههههههه يقول انج ياهل..عاد عروس وهالله هالله واخر شي يقول عنج يااااهل>>يضغطها
فلا كاتمه ضحكتها: هييي تركي مالك شغل..لا تلعب بعقلها حرااااام ههههههه
ساره راحت لاختها: ههههه جنوو قووومي خلااص
جنا قامت : انزين اقووووم بروووووحي وخررررري..
وراحت صوب ضاري وقعدت بحضنه

ضاري يدري انها تضغط ناصر وسكت: هههههههه
ناصر حس بالغيره: إن شاء الله وين قاعده حضرتج بحضنه؟؟
جنا تطالعه بحقد : ئي يرضعني حليب..
الكل: ههههههههههههههههههههههههههههههه
ضاري دزها عنه: خيييييييييييييييييير شنووو شايفتني صج ما تنعطين ويه
زياد منسدح ضحك: هههههههه سوري يالخال بس يمكن عبالها انك بقره ولا شي هههههه
الكل: هههههههههههههههههههههههههههههههه
ضاري كتم ضحكته : لااااا قووووول والله..
(وطق جنا على راسها)عاجبج اللي سويتيه

جنا باسته وهي تضحك: ههههههههه لاااااااا اموووووووووووواه..شسوي بعدين انت فاهمني..
ضاري سكت عنها وكملوا ضحك وسوالفهم لبعد العشا وبعدين كل واحد اخذ مرته وعياله وقاااام


+
+
+
+

انتهى البارت
اتمنى يعجبكم
نطروني بالبارت الياي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 21-07-2011, 04:03 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه العاشره


إني خيرتك فاختاري

ما بين الموت على صدري..

أو فوق دفاتر أشعاري..

إختاري الحب.. أو اللاحب

فجبنٌ ألا تختاري..

لا توجد منطقةٌ وسطى

ما بين الجنة والنار..

إرمي أوراقك كاملةً..

وسأرضى عن أي قرار..

قولي. إنفعلي. إنفجري

لا تقفي مثل المسمار..

لا يمكن أن أبقى أبداً

كالقشة تحت الأمطار

إختاري قدراً بين اثنين

وما أعنفها أقداري..

مرهقةٌ أنت.. وخائفةٌ

وطويلٌ جداً.. مشواري

غوصي في البحر.. أو ابتعدي

لا بحرٌ من غير دوار..

الحب مواجهةٌ كبرى

إبحارٌ ضد التيار

صلبٌ.. وعذابٌ.. ودموعٌ

ورحيلٌ بين الأقمار..

يقتلني جبنك يا امرأةً

تتسلى من خلف ستار..

إني لا أؤمن في حبٍ..

لا يحمل نزق الثوار..

لا يكسر كل الأسوار

لا يضرب مثل الإعصار..

آهٍ.. لو حبك يبلعني

يقلعني.. مثل الإعصار..

إني خيرتك.. فاختاري

ما بين الموت على صدري

أو فوق دفاتر أشعاري

لا توجد منطقةٌ وسطى

ما بين الجنة والنار..




بالديواينه عند نواف
الساعه 11 بالليل


مازن : لمتى بتظل جذي؟؟
نواف التفت له وهو يدخن: شفيني؟؟
مازن: شفيك بعد متى بتنساها؟؟
نواف صد عنه: ما ادري
مشعل: انزين نواف ليش ما تسافر؟؟
نواف التفت له: اسااافر
مشعل ابتسم: ئي..سافر كمل دراستك برا او روح سياحه شهر شهرين..واذا ارتحت تعاااال..واذا حسيت بالوحده نييك انا ومزووون
مازن: تبي رايي..فكره حلووه..روح وجرب..غير جو وحاول تنساها
نواف يفكر : ما ادري خلوني افكر


+
+
+
+

بالفندق....
نفس الوقت
بغرفة النوم


طلعت جنا من الحمام بعد ما خذت شاور ينعشها ويجدد نشاطها..قعدت جدام المرايه وحطت كريمات العروس الخاصه وتعطرت بعطر جادور وحطته على اماكن النبض بجسمها بطريقه جذابه..بعدين نشفت شعرها بالاستشوار عالسريع وقامت لبست قميصها اللي اختارته لليله الاولى بس امس ما خلاها ناصر..كان لونه ابيض ناعم وطويل..ومن عند الصدر مطرز وشفاف شوي وظهره كله عاري..
ابتسمت على شكلها بالقميص وربطت فوقه الروب بنعومه وحطت ميك اب ناعم..مجرد كحل وماسكرا واضاءه لخدودها وحمره حمرا..

بهالوقت دش ناصر وشافها وابتسم وراح لها وحضن ظهرها من ورا وباس رقبتها: خلص الفلم وما ييتي..
جنا لفت عليه بغموض مع ابتسامه خبيثه: سوري ياقلبببببببي..
وراحت صوب السرير وخذت مخده وشرشف ومشت للباب

ناصر راح وراها بسرعه وحط ايده عالباب: ويييييييييييييين؟؟
جنا بنعومه ذوبت قلبه: اللي تشوفه حبيبي بروح اطالع التلفزيون شوي وبنام بالصاله..

ناصر طالعها من فوق لتحت وهو يبتسم: ترى امس كان عرسنا
جنا ولعت من نظرته وبعدته برقه وفتحت الباب: مو انا ياااهل..
طلعت وخلت ناصر واقف بمكانه مصدوم من ردة فعلها وبنفس الوقت يبتسم بخبث..وطلع وراها


جنا كانت توها قاطه روبها ومنسدحه عالقنفه..واول ما حطت راسها عالمخده ويت بتتغطى بالشرشف كان ناصر فوقها


ناصر وعدد دقات قلبه مليووون من قربها وعطرها: يعني اشلووون؟؟
جنا بعدت نظراتها عنه ولفت عالتلفزيون ومسكت الريموت اللي عالطاوله وبدت تقلب بدون اهتمام: شنوووو
ناصر ابتسم وقرب من خدها: منتي يايه؟؟

جنا تحس بأنفاسه الحاره تحرق خدها: تؤ

ناصر قرب منها اكثر وباس خدها: بس انا ابيج
جنا بلعت ريجها: وانا ياااهل
ناصر همس: تدرين اني اقدر اييبج بطريقتي.
جنا ما ردت وحطت على فلم على فوكس موفز وسكتت تطالع: ..........
ناصر ابتسم على حركتها اللي واضح فيها تتهرب منه وشال عنها المفرش : اوكي عيل انا انام هني
جنا توهقت وتعدلت بسرعه لما سحب الشرشف: شنووو شتبـ..

بس ما كملت لان ناصر كان فوقهاا


+
+
+
+

بيت ابوزياد
الساعه 11:15

بغرفة ساره

طلعت من الحمام وهي لابسه بيجامتها النوم الزهريه بنطلون وقميص حفر..وماسكه بطنها بقوووه: اففففف هذت وقتها الحين..ياربي شسوي شسوي..امي اكيد نامت وابوي بالغرفه..افففف وينج جنووو تساعديني..
طلعت من غرفتها وهي حدها مستحيه وراحت لغرفة امها وابوها بالدور الارضي وهي خايفه لحد يشوفها او يحس فيها



فتحت الباب بهدوء ودشت على اصابع ريولها وماسكه شبشبها بيدها عشان ما يطلع صوت
شافت امها وابوها رايحين بالنوم وتنهدت براحه ومشت للكبت وفتحت الدرج اللي امها تخش فيه الكوتكس..وخاب ظنها لانه فاضي

ساره بضيقه: يوووه شسوي الحين..اففف

سكرت الكبت ومشت على اصابع ريولها وطلعت برا وردت الباب

وطقت ريلها بالارض بعصبيه: اوووووف وينج جنووووو؟؟

صعدت غرفتها مره ثانيه ولا تلاقي زياد بويهه بأول الدري

زياد باستغراب: سارووو شتسوين؟؟
ساره ارتبكت: هااا..ما..ما اسوي شي..رحت اشرب ماي..
زياد حس بتوترها: واللي يشرب ماي يشيل الشبشب بيده
ساره توها تنتبه انها للحين ماسكه شبشبها وقطت عالارض بحرج ولبسته: آ آ لا وشي بس حسيت بحر وقلت اتبرد بالسراميك
>>ألعن ام الترقيعه خخخخخ

زياد ما صدقها: اهاا انزين عيل بروح اشرب ماي تصبحين على خير
ساره تعدته بسرعه وهي تسيطر على هدوئها: وانت من اهله..

نزل زياد شوي وساره صعدت ولف عليها وهو يفكر : شفيها مو طبيعيه؟؟

راح المطبخ وشرب ماي ورجع مره ثانيه بيصعد
لكنه شاف ليت غرفتها مبطل وحب يشوفها بدون ما تحس


بغرفة ساره

ساره اول دشت قطت نفسها على فراشها ما قاومت دموعها: افففففف الله يهداج يما يعني لازم اذكرج كل شهر قبل الموعد الزفت..ياااربي ياليت جنوو موجوده عالاقل تدبرني..يعني لمنو اروح؟؟ يااااااااااااااااااربي
(وراحت بالبجي)


زياد طبعا كان واقف وسمع كل الكلام اهو ورائد اللي طلع من غرفته واستغرب لما شافه واقف جذي وراح له

رائد بحرج: شبتسوي؟؟
زياد بهمس: شبسوي يعني..بروح الفرع اييب لها
رائد انصدم: من صجك؟؟
زياد بضيق: ئي من صجي..يعني مو شايفها اشلون متوهقه..
رائد : الغلط على امي..المفروض تكون حاسبه حسابها لهلوقت مو توهقنا احنا..

زياد دش غرفته : اقوووول سد حلجك وروح كمل نومتك
رائد ما اهتم وراح شغل التلفزيون ومسك الريموت وقعد يقلب بالقنوات
اما زياد لبس جينز وتيشيرت ابيض عالسريع وطلع

رائد يتطنز:مع السلامه والئلب داعيلك..ههههههههههههههه
زياد وهو نازل: خرااا بويهك زينننننننن..
رائد زهق ضحك: هههههههههههههههههههه

مر الوقت ورائد يطالع فلم المهمه المستحيله لتوم كروز..معنه شايفه من قبل بس من الملل..

زياد رد وشافه وكان بيده جيس جمعيه داخله اولويز: انت للحين هني..

رائد طالعه من فوق لتحت وضحك: هههههههههه لااااا..قولي اشلووووون كانت الرحله..عسى عجبتك هههههههههااااي

زياد طنشه ومشى صوب غرفة اخته: راد لك..
وصل عند الباب وحط الجيس بالارض وطقه طقتين..
ومشى بسرعه لغرفته واشر لاخوه يقووووووم

واول ما دشوا الغرفه
رائد همس: شفيك؟؟
زياد ابتسم: مابيها تنحرج اذا شافتنا..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 21-07-2011, 04:04 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية





رائد ابتسم: ياسلام بتدري ان واحد منا يابه
زياد طالع صوب الغرفه وكانت ساره توها مبطله واستغربت لما شافت الجيس وطلت عالتلفزيون وخذته ودشت: عالاقل اهون من انها تشوفنا قاعدين واهي تاخذه فهمت يالغبي
رائد ضحك: ههههههههه والله تصلح اخو وزوج
زياد طالعه وهو رافع حواجبه: خييييييييييير

رائد ضحك: هههههههههههههههه سلااااامتك..




اما عند ساره..

بعد ما دشت الحمام وبدلت وارتاحت..غسلت ويهها بماي بارد وهدت اعصابها

يت بتطلع ووصلت للباب بس غيرت رايها بأخر لحظه ورجعت لفراشها قعدت وخذت فونها ودزت رساله(مشكووور ادري انه انت لان رائد مو مسؤول مثلك)
وحطت راسها عالمخده ونامت وهي تهمس: الله يخليك لي ياخوووي..


وغمضت عيونها وراحت بالنووووووم



اما عند زياد واخوه

رائد بخبث: الله من منو هالمسج اللي ياي الساعه اثناعش ونص
زياد شاف المسج وابتسم: هاك شوووف.
رائد شافه وضحك: ههههههههه افااا الحين انا صرت مو مسؤول
زياد انسدح بفراشه ونام: اشوا انها مو نظرتي لك بس
رائد ضحك وهو يوقف: ههههههه بكون مسؤول عن زوجتي مو عنكم..شكو انا فيكم هههههههههههههههههههه
وطلع ورد الباب وزياد قعد يضحك ونام واهو مرتاح

+
+
+
+

يلا انتهى البارت هني
رايكم وتوقعاتكم لأحداث؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 21-07-2011, 07:30 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية





الدقة الحاديه عشره..


بيت ابوجوري
الساعه 9‎‏ الصبح

على طاولة الريوق

جوري وقفت تعدل جينزها البرمودا وبلوزتها البينك بخطوطها البيضا: الحمدلله..يلا مع السلامه

ابو جوري: وين يبه كملي اكلج؟؟

جوري ابتسمت: لا يبه بالعافيه بروح المكتبه عندي بحث ولازم اخلصه
ابوجوري: تبين فلوس؟؟
جوري ابتسمت: لا يبه عندي الحمدلله..
ام جوري: انزين يمه ديري بالج على نفسج

جوري وهي طالعه: اوكي..مع السلامه

امها وابوها: بحفظ الرحمن


+
+
+
+

بالفندق
نفس الوقت

بالصاله..

فتحت جنا عيونها وهي تحس وضعها بالنوم غريب..كان المنظر دماار..الشرشف طايح عالارض والمخده طايحه ورا القنفه
وروبها بصوب وقميص ناصر بصوب وقميصها النوم بصوب
وناصر نايم وهي فوقه..

قلب ويهها ألوان من الاحراج ورفعت نفسها عنه وخذت روبها ولبسته وحركت خصلات شعرها وراسها بحركه دائريه: ناااااااصر..ناااااااااااااصر قووووووم
ناصر نايم: ...............
جنا قامت وهي تتمايل وشالت الشرشف والمخده والملابس: افففف نااااصررررر قوووووم يلاااا

دخلت الغرفه وقطت الاغراض بمكانها وطلعت مره ثانيه
وقعدت عند راسه ودخلت ايدينها بشعره: نوووونو حبيبي
ناصر توه ينتبه انه فقد عطرها : هممممم

جنا ابتسمت ولعبت بشعره: قووووووم يلاااااااا الساعه تسع
ناصر فتح عيونه وابتسم لما انتبه وين نام: صبااااااااح الخير
جنا استحت ووقفت : صبااااح النوووووور والعسل..قوم يلا عشان يمدينا نودي اغراضنا للجناح
ناصر ابتسم وهو يتعدل: اي اغراض..بس اللبس اللي يبناه لليلتين.
جنا ضحكت وهي تدش الغرفه: هههههههه ادري المهم قووووم..

ناصر ابتسم وقام وراها وسمع صوتها بالحمام تحت الدش وابتسم بخبث..

مشى وبطل باب الحمام ودش بهدوء وراح صوب المرحاض(اكرمكم الله)

جنا من ورا الستاره وتحت الدش حست بصوت: ناااااصر انت هني..

ناصر ولا كلمه: ................

جنا بنفسها(انا متاكده اني سمعت حركه): ناااااصر

ناصر وده يضحك: ............

جنا شكت بالوضع وبطلت الستاره : ناااااا..(وشافته وانصدمت وسكرت الستاره بسرعه) آآآآآآآآآآآآآآآآآآآ

ناصر مات من الضحك وهو يسكر جينزه: هههههههههههه ما له داعي شفتج..

جنا انقهرت منه وطلعت راسها: وانا شفتك..واطلع الحين يالوصخ..اشلوون تدش جذي بدون ما تقول..

ناصر كان يفرش اسنانه وابتسم وهو يتمضض بسرعه: ههههههههه شوفيني عادي ما قلت شي..ههههههه وبعدين كيفي ادش بالوقت اللي ابي..
جنا من القهر صكت الستاره بقووووووه وكملت شاورها بدون ما ترد: ............

ناصر ضحك وهو طالع: هههههههه بسرعه ياعمري بتسبح وراج..

جنا بقهر: براااااااااااااااااااااااااا

ناصر مات من الضحك : هههههههههههههه شقلت انا الحين عشان تصارخين..

طلعت جنا من الحمام لابسه روبها ولافه فوطتها على شعرها: ماني راده عليك..

ناصر بلع ريجه من منظرها وقرب منها وركز على فتحة صدرها: آ...

جنا بسرعه مسكت ايده: لااااااااا حبيبيي انته خلاص روووح اتسبح..
ناصر ضحك وبعد عنها ودش الحمام: ئي تأدبي مره ثانيه..ههههههههههه
جنا انقهرت منه وضحكت على نفسها وراحت عند المرايه تحط كريماتها وتستشور شعرها


وبعد دقايق كانت لابسه بنطلون اسود حرير مع توب تايغر واسع وباللون الاحمر وكعب احمر لامع وميك اب ناعم حيللللل واللي زاد جاذبيتها عطرها وتسريحة شعرها اللي سوته مموج بطريقه ناااعمه


وبعد ثواني طلع ناصر من الحمام ولبس دشداشته وتعطر ورتب نفسه وخذوا اغراضهم وطلعوا من الفندق بعدما سوو جيك اب

وبالسياره

ناصر : تبين نروح نتريق قبل ما نمر البيت

جنا ابتسمت: امممم بكيفك حبيبي وين مشتهي؟؟

ناصر: شرايج بالسيولودير اللبناني

جنا : يمي يمي احب اكلهم..كله صحي

ناصر ضحك: هههههههههههههه خلاص نرووووح..


+
+
+
+

وفي بيت ابوزياد
الساعه 12 الظهر


ام زياد : وي سارووو للحين نايمه..رئووود قووم شوف اختك
رائد كان يقرا الجريده وما رفع راسه: خليها تنزل لحالها
زياد ابتسم: كاهي يت..

بهاللحظه ساره كانت توها قاعده من النوم ونازله ببجامتها ولما طاحت عيونها على زياد استحت وصدت عنه: صبااااح الخييييير

امها وزياد ورائد : صبااااح النووووووور

ساره: شنووو وين ابوووي؟؟

رائد طالعها وهو يبتسم بخبث: معزوم عالغدا بديوان ال....انتي اللي اشلوون نومتج؟؟
ساره استحت..(اففف اكيد عرف): زينه..(ونادت الخدامه)فريده..فريده..

فريده الاندونيسيه: يس مدام

ساره: سويلي كرواسان سكر ونسكافيه بسرررررعه..
فريده : اوكي مدام..

ام زياد : وليش نازله ببجامتج؟؟
ساره وهي تقعد عند زياد: ولاشي مالي خلق..بعد شوي بقوم ابدلها

زياد ابتسم وهمس لها: اشلونج اليوم؟؟
ساره طالعته بامتنان: زينه..(وهمست بأذنه)جوري تقولك اهي بالمكتبه بتسوي بحث..

زياد توسعت ابتسامته: قومي لبسي وتعالي معاي..

ساره : لااا رووح انت انا باكل واقوم اتسبح..

زياد ابتسم: انزين تبين اييب لج شي معاي..
ساره ابتسمت: سلامتك..


+
+
+
+

بمكتبة العجيري..الغنيه عن التعريف
الساعه 1‎ ‎‏ الظهر


جوري غرقانه بين الكتب والبحوث وترتيبها من اول ما يت الصبح للحين..
زياد دخل يدورها بهدوء واول ما لمحها ابتسم وراح سحب كرسي وقعد عندها: قوووووووه يالغرقاااان
جوري رفعت راسها وتوسعت ابتسامتها: قوتين..(وطالعت ساعتها)جم الساعه؟؟ اوووف وحده؟؟
زياد ابتسم: من متى انتي هني؟؟
جوري تفكر: امممم من التسع
زياد بدهشه: من التسع للحين وانتي بين الكتب والاوراق..
جوري ضحكت : ههههههههههههههه ئي شفت اشلوون
زياد مسك ايدها وباسها: الله يعطيج العافيه ياعمري
جوري استحت ونزلت ويهها: زياااد احنا بمكان عام
زياد قرب منها وهو مستانس: عادي اقول انج خطيبتي ولا نسيتي اني خطبتج بس حضرتج معلقه الملجه..
جوري ابتسمت: كنت مشغوله مع جنووو بتجهيزها

زياد ابتسم: والحين؟؟
جوري وراسها بحضنها: ما عندي شي
زياد: عيل اليوم ادق على عمي واتفق معاه ان الملجه بعد اسبوعين..اوك
جوري بحيا: اوووك
زياد وقف: عيل قومي انا عازمج على غدا بالواجهه البحريه على كيف كيفج
جوري لمت كتبها: بس امي ما قتلها و
زياد قاطعها: عادي انا ادق لعمي واقوله..
جوري ابتسمت وما قالت شي..لمت اغراضها وقامت معاه..وبداخلها شعور من السعاده..


+
+
+
+

بيت ابوناصر
نفس الوقت

بالصاله

ناصر وامه وابوه قاعدين يسولفون

ام ناصر: وينها مرتك نادها خل تقعد معانا

ناصر ابتسم: قاعده ترتب الشنط يما ناسيه ان سفرنا باجر ما يمدينا
ام ناصر : ايه تروحون وتردون بالسلامه..

بهالوقت دق جرس الباب ويت الخدامه فتحت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 21-07-2011, 07:31 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




فلا بابتسامه: السلام عليكم
(ويت باست راس عمها ومرت عمها وسلمت على ناصر)
الكل: وعليكم السلام
فلا وهي تقعد: اشلونك ناصر؟؟
ناصر ابتسم: تمام انتي اشلونج
فلا ابتسمت: انا كنت زينه بس لما دقت مرتك وخربت نومتي صرت مو زينه هههههه

الكل: هههههههههههههههههه
ناصر يضحك: ليش شتبي منج؟؟
فلا: تقول تبيني اساعدها
ام ناصر: وووي وليش ما قالت لي انا ما عندي شي
فلا : لا عمتي تقول ما تبي تعبج..وبعدين عشان تقعدين مع ناصر قبل ما يسافر..

ام ناصر ابتسمت بامتنان وابوناصر تكلم: وابوج وامج اشلونهم عشاهم بخير

فلا: بخير ياعمي يسلمون عليكم..
ناصر: عيل تركي وينه؟؟ مو اهو يابج
فلا: ئي بس راح لربعه يقول معزوم عالغدا

ام ناصر قامت: عيل انا بروح اشوف غداي وانتي يما صعدي لجنا لا تستحين
فلا وقفت: إن شاء الله..


وبجناح ناصر وجنا

كانت جنا توها مخلصه من تصفيط ملابس ناصر بالشنطه وتبي تبدا بملابسها
ومريحه نفسها بجينز برمودا وبدي ابيض كت نص البطن..

فلا طلت براسها: هاااااي جنووووون
جنا لفت عليها وضحكت: هههههههه هااااياات
يالخايسه وينج انتي طولتي؟؟
فلا ضحكت وهي تلمها: ههههههه شسوي علما يا تركي من دوامه ووصلني..المهم انتي خلصتي شغلج ولا لأا؟؟
جنا وهي تلقي نظره: بس ملابس ناصر وببدا بملابسي
فلا راحت صوب الشنط: انتوا جم بتقعدون؟؟
جنا ابتسمت: من اسبوعين لشهر
فلا تفكر: امممم يعني بما انج عروووس تحتاجين كذا لبس وقميص ووو
جنا : اقووول صفطي وانتي ساكته
(وقطت نفسها عالسرير)اااااااه
فلا ضحكت: هههههههههههه جني خدامتج مووو؟؟
جنا ضحكت: هههههههه لااااا فلوووه ياحماااره والله اني تعبانه شوي..
فلا ابتسمت: ما عليه اطوفها لج..وبدت تشوف النفانيف وتختار منها
جنا سكتت وصارت تشوفها وتعلمها شنو تحط وشنو تبي لحد ما غلبها النوم وناااامت بدون ما تحس
فلا ظلت تقريبا نص ساعه وبعدين خلصت وصكت الشنط ولما انتبهت لجنا ضحكت: ياعمري صج تعبااانه هههههههه
راحت للباب بهدوء وطفت الليتات وشغلت التكييف وطلعت..

وكان بويهها ناصر: خلصتوا توني ياي بناديكم عالغدا
فلا ابتسمت: انا خلصت اما مرتك خلتني ارتب ونامت هههههه
ناصر ضحك: ناااااااامت هههههههه
فلا ابتسمت: يلا عن اذنك بروح لعمتي..
ناصر ابتسم ودش غرفته : ااااااه شحلاة البرد
راح وقعد على طرف السرير وابتسم على منظرها: معقوله كانت قاعده بهاللبس!!

انحنى لآذنها وهمس: جنااااااااا
جنا مو حاسه فيه: .......
ناصر رفع ويهه بين ايدينه: جنووووووون..
جنا حست بعطره وابتسمت وهي مغمضه ودفنت ويهه بصدره: هممممممم
ناصر ابتسم ودخل اصابعه بشعرها: شكلج تعبااانه؟؟
جنا فتحت عيونها وابتسمت: لاااا حبيبي بس عشان طلعنا من الصبح وبعدين يينا هني ونظفت ورتبت احس ظهري قام يعورني قلت اريح شوي وغفيت
ناصر دخل اصبعه تحت البدي: وشحقه قاعده بهاللبس جدام فلا
جنا توها تتذكر فلا ونطت من مكانه: يوووووووه نسيتها..وينهااا؟؟ راحت؟؟ ما..

ناصر قاطعها وهو يضحك ويقعدها: هههههههههه نزلت تحت تتغدا..وحضرتج نايمه
جنا مسكت خدودها: فشللللللللله!!
ناصر ضحك وهو يوقف: ههههههه قووومي قوومي..ناطرج تحت
جنا ابتسمت وقامت: باخذ شاور وايي..
ناصر وهو طالع: ماني متغدي الا اذا ييتي

جنا ابتسمت ودشت الحمام..وقفت تحت الدش بعد ما قطت هدومها وتروشت عالسريع
وبعدين طلعت ولبست نفنوف ازرق جويتي ايدينه شفافه وفتحته سبعه والصدر مطرز بشوارفسكي ليموني وصاير دمج حلو بين اللونين وقصير لركبتها مع كعب ليموني ونشفت شعرها عالسريع وحطت كحل وماسكرا زرقا وحمره ورديه وتعطرت ونزلت


على طاولة الاكل

ام ناصر وابوناصر وناصر وفلا

ناصر اول ما شافها ابتسم: كاهي يت..
جنا نزلت وهي مستحيه لانها طول اليوم ما قعدت معاهم: سوري تاخرت عليكم
ام ناصر: ما عليج قعدي تغدي..
جنا ابتسمت وقعدت بين ناصر وفلا: بسم الله..

+
+
+
+

انتهى البارت
ترقبوا بارت مثير جدا

ومن الحين بقولكم سوري على جرأة البارت الياي..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 21-07-2011, 07:32 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقة الثانيه عشره

بعد اسبوووووووع من سفر جنا وناصر لاسبانيا..شهر العسللللل


الساعه 9 بالليل
العاصمه الاسبانيه مدريد
ساحة كالاو
(وتوجد على محيط شارع قران فيا وهي منطقة السينمات الست ودور عرض الافلام الجديده..)


جنا تشد على ذراع ناصر وهي تمشي: وااااااااااااي واااااااي حلووووووو كاااان الفلم..
ناصر طالعه وهو يبتسم: ئي عشان تعرفين ذوقي بالافلام مو انتي كوميدي كوميدي
جنا ضحكت: هههههههههههه لا حبيبي انا واثقه بذوقك ولا جان ما تزوجتني..
ناصر وقف وطالعها من فوق لتحت: امووووووووت بالثقه..
جنا دزت ويهه بحيا: هيييييييييييييييي
ناصر مات من الضحك: هههههههههههههههههه

جنا ابتسمت: حبيبي شرايك نشتري هدية لزياد وجوري من هني؟؟
ناصر تذكر: ئي صح اهم ملجتهم الاسبوع الياي..
جنا بزعل: اممم عشان جذي شهر عسلنا بيكون قصيرررررر
ناصر ابتسم على دلعها وقرص خدودها: ههههههه لا حبي احنا نعيش بالعسللل طول العمر قولي آمييييين
جنا ضحكت: آمييييييييييين ههههههههههههههههه


طلعوا من هالساحه لساحة سيبليس الموجوده بنفس امتداد شارع قران فيا وكان فيها نافوووره رووووعه بنص الطريج انجنت عليها جناااا

جنا تركت ناصر وراحت صوب النافوووره: واااااااااي نوووونوو شووووووووووف النافوره شحلاتهاااا
وصارت تدور عليها وتلعب بالماي والسواح يطالعونها وناصر يضحك
ناصر ابتسم بسعاده: يبيلج صووووووووره

جنا استانست: صجججججج يلا صوووورني وانا قاعده على طرف النافووووره
ناصر ضحك وطلع الكاميرا الفوتغراف : هههههههههه امممم انزين ابتسمي
جنا ابتسمت وميلت راسها وطاح شعرها على جتوفها: جذي..
ناصر ابتسم واشر لها اوكي وصورها: اوووك

جنا قامت وسحبته من ايده: يلاااا دورك صور معاااي..

ناصر ضحك: ههههههههه اشلووون اصور معاج
جنا بدلع: عااااتي ناد هذاك الريال الاسباني شوفه يلعب مع بنته خل يصورنا
ناصر التفت يساره وشاف الريال اشلون يلاعب بنته جدام النافوره وراح تعرف عليه وخلاه يصورهم

ناصر سحب جنا ووقف عند النافوره وصارت جنا جدامه وايده على خصرها وحنجه على جتفها: اووووك..

الاسباني ابتسم وصورهم صورتين على هالوضع
جنا اشرتله : بليز جست ون مينت..
الاسباني ابتسم لها وناصر كان متفأجى منها وجنا ابتسمت وطوقت رقبته بيدينها وباست خده واشرت لآسباني يصورهم
ناصر ضحك على حركتها: ههههههه ما خلصتي..
جنا بهمس: نونو مو احنا بدوله اوروبيه..
ناصر ما فهمها: ئي؟؟
جنا قربت منه وهمست: فيه شي بخاطري ودي اسويه عااادي
ناصر ضحك: ههههههه وبسسسس سوي اللي تبينه..انا يبتج عشان نستانس
جنا طارت من الفرحه واشرت للأسباني يصورهم وقربت من ناصر وطبعت بوسه ناعمه على شفايفه وبعدين بعدت عنه وضمته
ناصر مصدوم..من..الجرآه..الحركه..والفرحه..وهمس بأذنها: هذا اللي بخاطرج.
جنا همست: اممم خلاص خله يروح مابي اشوفه..
ناصر ابتسم واشر للريال ييب الكاميرا وسلم عليه وشكره ومشوا: راح تعااااالي..

جنا ابتسمت: انزين لا تنسى بشتري هديه حق اخوي وجوري
ناصر سحبها وابتسم وهو يشوف المجمعات الكبيره: هني فيه مولات حلوه تتسوقين منهااا

جنا ابتسمت ودشت معاه لاحد مجمعات شارع قران فيا واللي يعتبر شارع تسوق بالاضافه لوجود ساحات كالاو وسيبليس الرائعتين..


+
+
+
+

بيت ضاري..
الساعه 7 المغرب

ساره وهي تبوس خالها: هااااااااي خااالوو

ضاري ضحك: ههههههه هاااايااات..عاش من شافج..اسبوع ما ييتي ولا سألتي
رائد دخل وراها: كان عندها اسبوع دو...
ساره طقته على صدره: جببببببببببببب
رائد وضاري: ههههههههههههههههههههههههه

ضاري مسك ايدها ودخلها: هههههه تعالي تعالي ما عليج منه..وبعدين شنو هالاغراض كلها؟؟
ساره ابتسمت وهي تقعد : اممم عدسات..واكسسورات وصندل حق نفنوفي مال الملجه..
ضاري ابتسم : ئي عاد انتوا البنات خرابيطكم وايد..هههههههه
ساره بحماس: وعد وعد ياخااااااااااااالو اني لأخلي زوجتك تهبلللللل فيك من كثر اغراضها وخرابيطها
رائد زهق ضحك: ههههههههههههاااي
ضاري ضحك وطقها بالكوشيه: ههههههه يالحمااااره شفيج انتي واختج علي..زوجتك وزوجتك..مستلمينها قبل ما تيي..
رائد ماسك بطنه: مخططين عليك ههههههههه

ساره قامت وقعدت عند خالها وصارت تدلع عليه: عفيه خالو عفيه شرايك تتزوج؟؟ رفيجتي دلوله و
ضاري قاطعها: هييييييييي انتي هيييييييي تخططين بكفيج..من قالج اني بتزوج..رووووووحي عمي رووووحي
ساره تفشلت : مالت عليك..
رائد وضاري: ههههههههههههههههههههههههه


+
+
+
+

بيت ابوتركي
نفس الوقت

فلا دخلت على تركي وشافته يزرر قميصه: بتطلع؟؟
تركي ابتسم: ئي عازم ربعي عالعشى وبعدين بنروح المطار نوصل نوافوووو اليوم بيسافر ليش تبين شي؟؟
فلا ابتسمت: كنت ابيك تقطني عند جوري..
تركي يمشط شعره: لبسي بسرعه لج خمس دقايق وألقاج بسيارتي ولا بحرك عنج
فلا ابتسمت: لاااااا طيراااان برووووووح ألبس..

تركي ضحك عليها وتعطر وخذا فونه ونزل لامه وابوه بالحديقه وباس روسهم: يامساء الخيرررررر شهالجو الرومانسي..قاعدين بروحكم
ام تركي وابوتركي: هههههههههههههههه مساء النووور
ابوتركي: اقعد ابيك بسالفه
تركي ابتسم: اوووف ابوتركي يبيني بسالفه وهذي قعده.
ابوتركي ابتسم: منت ناوي تتزوج؟؟
تركي وقف بسرعه: زواااااااج..لا يحوشك اروح لربعي احسن..
ومشى بيطلع..
ام تركي بسرعه: وين رايح يما اسمعني والله لقيتلك خوووش بنيه وو
ابوتركي ضحك: هههههههههههههه اقووول وفري كلامج خلاص طلع..
ام تركي ابتسمت: الله يهديه من ولد..يفتر من مجمع لمجمع ورا هالبنات ومو راضي يتزوج ما ادري اشلون مخه راكب..
ابوتركي ضحك عليها: هههههههههههههههه

نزلت فلا لابسه تنوره للركبه لونها بني مع توب احمر مشجر وحلو : طلع تركي..

ام تركي: وين رايحه انتي بعد؟؟
فلا : يوووه يماا شفيج نسيتي قتلج بمر جوري ونروح الصالون نقص شعورنا قبل الملجه
ام تركي: زين روحي لا تأخرون...
ابوتركي ابتسم وطلع من بوكه خمسين دينار: هاااج هذول مصرف لج وإذا تبين بعد دقي علي..
فلا باست راسه وخذت الفلوس ومشت : مشكووور يبه..الله لا يحرمنا منك..


+
+
+
+

نرجع لمدريد
الساعه صارت فوق العشر ونص وجنا تدور بالمجمع من محل لمحل وناصر تعب من كثر الاجياس اللي شايلها

ناصر: جنووون ما خلصتي وربي مت من اليوع
جنا ضحكت وهي توقف عند محل نظارات: ههههههههه نونو حبيبي خلاص هذا اخر محل ندشه وبعدين نروح نتعشى بالمكان اللي تبيه..(وقربت منه وباست خده )
ناصر ابتسم: اااه منج..
جنا برجا: عفيه..
ناصر ضحك: ههههههه خلاص عشان خاطرج اخر محل وبعدين نطلع نتعشى.
جنا ضحكت ودشت المحل واختارت جم نظاره من الماركات الحلوه واليديده..وطلعوا من المجمع لمطعم اكلات اوروبيه رووووووعه..


الرد باقتباس
إضافة رد

رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية ، كاملة

الوسوم
رهنت , رواية , شوقي , وبايع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
مقتطفات من السيرة النبوية الشريفة ahmadh حياة - صفات - أخلاق - أقوال - رسول الأمة 7 09-11-2007 02:59 PM

الساعة الآن +3: 01:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1