غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 21-07-2011, 07:33 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




جنا اول ما شافت الاكل لمعت عيونها: واااااي حدي يوعاااانه والاكل حده يشهي..

ناصر ابتسم وهو ياخذ شوكته: بالعافيه بس لا تكثرين عشان تنامين خفيفه..وبعدين انا ابيج تلبسين لي اسود..

جنا كحت من الاحراج: كح كح كح شكووووووو؟؟
ناصر ضحك: ههههههه اللي سمعتيه..
جنا سكتت ونزلت راسها بصحنها وصارت تاكل بهدوء من الحيا: .........
ناصر طول القعده كاتم ضحكته وياكل ويطالعها..

جنا زهقت من نظراته وتركت شوكتها: افففف شحقه تطالعني جذي..
ناصر ضحك: ههههههه اناااا
جنا بقهر: ئي انت عيل انااا
ناصر يضحك: ههههههه سلااااامتج
جنا ما ردت عليه وكملوا اكلهم بعدين حاسبوا وطلعوا من المطعم مشي للفندق لان الجو بأسبانيا بالليل حلووو والمناظر سااااحره..



+
+
+
+

انتهى البارت..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 21-07-2011, 07:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه الثالثه عشره


صباح اليوم التالي

اسبانيا..مدريد
وبالفندق بالتحديد
الساعه 8 الصبح

فتحت جنا عيونها بضيق شديد وهي تحس بألم برقبتها بسبة نومتها عالقنفه واللي كانت كلش مو مريحه..درات عيونها عالمكان وتذكرت انها نامت بالصاله بعد ما دار هالحوار بينها وبين ناصر بالليل لما ردوا من المطعم وهم مستانسين وتروشت ولبست قميص نومها الاسود القصير واللي ابرز انوثتها اكثر مثل ما طلب ناصر لكن اللي صار صدمها

هزت جنا راسها بعنف ومنعت شهقاتها قبل لا تطلع وتفضحها وهي تحاول تنسى بس ما قدرت

اللي صار خلف الابواب المغلقه:

جنا وقفت وهي تلبس روبها الاسود: لا لا ناصر ما اقدر..صدقني ما اقدر..هالشي حراااااام يسبب لنا امراض يمكن مالها علاج وغير جذي اصير طالق منك..
ناصر : عادي انتي مرتي وطلقه وحده ما تأثر اردج بعدين..احنا بشهر عسلنا خلينا نعيشه مثل ما نبي..وسحبها للسرير وهو يحاوب يبطل روبها
جنا بصدمه تحاول تقاومه: نااااااصر..ناصر..(وما قدرت تتحمل وعطته طراق)ناااااااااااااصر
ناصر انصدم منها وصارخ بويهه: كل هذا عشاااااان طلبتج..انتي مرتي فااااااهمه يعني شنووو مرتي..حلالي يعني..
جنا ماسكه راسها وجسمها يرجف من الموقف وبصعوبه وقفت وربطت روبها مره ثانيه: وانا ما منعتك عن شي الا الشي اللي طلبته..
وخذت مخدتها وطلعت
ناصر مسك ايدها: وين رايحه؟؟
جنا بصوت مخنوق من الدموع: بنام بالصاله..حاسه اني تعباااانه وماني قادره اشيل نفسي..


نزلت دموع جنا من هالذكرى الموجعه لقلبها وروحها

ووقتها كان ناصر توه راد من برا وشكله مبهذل وعيونه تحته هالات

جنا نزلت راسها وعرفت انه ما نام امس من عيونه وشكله بس ما حبت تضعف عشان ما يتمادى معاها مره ثانيه

ناصر لما شافها مشت وما اهتمت تكلم بصوت واثق: حجزت لنا على رحلة اليوم بعد ساعتين الطياره..

جنا غمضت عيونها بقووووه وسمحت لدموعها بالنزول لانها معطيته ظهرها بس بعد كلامه لفت بحده عليه: ليششششش مو قلت بنقعد اسبوعين..تونا ما صار لنا الا اسبوع واحد
ناصر ما قدر يرد عليها بس مشى للتلفزيون حط التذاكر عالطاوله وانسدح بمكانها وغمض عيونه: بعد ساعه نمشي..

جنا واقفه بمكانها ريولها جامده عن الحركه ودموعها ما وقفت ولا ثانيه بس همست بضعف: تبيعني عشان كنت ابي امنعك عن شي يضرنا انا وان..
ناصر قاطعها بدون ما يبطل عيونه: بيروح الوقت وانتي ما جهزتي نفسج..
هني عرفت جنا انه ماكو فايده بالكلام معاه..دخلت الغرفه وهي ما تشوف من دموعها وتفكر ان اللي سوته غلط ولا صح..تحاول تفسر ردة فعله..زعلان عشانها مدت ايدها عليه ولا عشان ما سوت اللي يبيه..

صارت تبجي وتلم ملابسها وملابسه بالشنط بدون وعي

خلصت بسرعه قياسيه لانها معصبه وزعلانه
..شافت شكلها بالمرايه وكان ويهها احمر وعيونها مورمه من البجي بوضوح..
خذت نفس طويل : اناااا مو غلطااااانه..ئي مو غلطانه..ومن باعنا بعناه لو كان غالي..

عند النقطه منعت دموعها من النزول ودشت الحمام غسلت ويهها بماي بارد اكثر من مره وبعدين طلعت ولبست جينز سكيني ازرق فاتح مع قميص ابيض عملي ساده وبوت بني بني طويل..غطت عيونها بنظارتها ديور البنيه وتركت شعرها نازل بدون ترتيب وسحبت الشنط وطلعت

وما همست الا بكلمه وحده: جاهزه
وناصر وقف وهمس بكلمه وحده مثلها: يلا

طلعوا من الفندق وسوو جيك اب وركبوا تاكسي وراحوا للمطار

وطول الطريج كان الصمت سيد الموقف من التاكسي..للمطار..للطياره

ناصر غمض عيونه بمحاولة للنوم او بالاصح الهروب من مواجهة حبيبته
وجنا خذاها التفكير لردة فعل امها وابوها واخوانها اذا شافوها راده بيت اهلها زعلانه وهي توها ما كملت غير اسبوع وجم يوم مع ناصر..أكيد بيلومونها وبيصرون انهم يعرفون السبب وبيطلع عنها حجي شي صار وشي ما صار لذلك قررت قرار..بتسويه اول ما يردون

وفعلا بعد ساعات متعبه من الطيران وما غمض لها جفن واول ما نزلوا
وركبوا سيارة ناصر اللي كان موقفها بمواقف المطار

جنا بهدوء: ودني عند خالي ضاري
ناصر سكت: ..........

+
+
+
+

بيت ابوزياد
الساعه 2:30
على طاولة الغدا


ساره : خالو بيي وياك؟؟
ضاري: وين تيين بتغدا وبرد انام
ام زياد: ماكو روحه قعدي ابيج ترتبين وياي جم شغله
ساره: يوووه وفريده وينها ؟؟
ام زياد : اكلي وانتي ساكته..
ساره بنفسها: اففففف
ضاري ضحك: ههههههههههههههههههههه صج زيووود وين بتسكن بعد الزواج؟؟
زياد بثقه: وين يعني اكيد عند اهلي..
ام زياد ابتسمت: هذي الساعه المباركه يمه..عيل شرايك نهد غرفة جنا ونفتحها على غرفتك ونسويلك جناح على قدكم
ابوزياد : عاد اذا الله رزقكم عيال اشتروا ارض وابنوها
زياد ابتسم: اللي تشوفينه يما..انا ما عندي مانع..
رائد صارخ: ياهوووووووووووه انا موجود وياكم شنوو زياد وزياد وانا وين رحت

الكل: هههههههههههههههههههههههه
ساره بضحك: هههههه شنو انت بعد تبي تتزوج
رائد ضحك: هههههه لا يالخبله اقصد دللوني مثله..
الكل :هههههههههههههههههههههههههههههههه


ضاري خلص اكله وقام: الحمدلله..يعطيج العافيه ياام زياد والله انه مربين يرد العافيه..وكثر الله خيرك يابوزياد
ام زياد ابتسمت لاخوها: الله يعافيك..مرنا عاد هااا
ابوزياد : تسلم..ومثل ما قالت اختك مرنا
ضاري ابتسم بعد ما غسل ايدينه وطلع ينشفهم: إن شاااء الله..يلا فمان الله..

الكل: مع السلامه..فمان الكريم

+
+
+
+

بيت ضاري
نفس الوقت

جنا وصلت من ربع ساعه..دقت الجرس وايد وماكو رد..دقت عليه وجهازه مغلق..اخر شي ملت وقعدت عند الباب والتعب واضح على ملامحها

دقايق وكان ضاري موقف سيارته واول ما شافها اخترع ونزل لها بسرعه ورفعها عن الارض وهو يشوف حالتها وشنطها: جنااااا شفيج..صاير شي؟؟ وبعدين وينه ناصر؟؟ ومتى رديتوا ؟؟ تكلمي طيحتي قلبي ببطني..

جنا انهارت كل حصونها وغابت عن الوعي بين ايدينه : ............
ضاري انصدم: جناااااااااااااااااااااااااااا
شالها بيد وبطل الباب بيده الثانيه ورفعها بين ايدينه ودخلها على طول للصاله وسدحها عالقنفه
وبعدين طلع ياب شنطها واغراضها ودخلهم وصك الباب وركض للمطبخ وياب لها قلاص ماي ورجع قعد عنها

ضاري بخوف وارتباك: جنااااااا ردي علي..جناا تسمعيني..جنااااا
ما لقى منها اي استجابه وشال النظاره عن عيونها وانصدم لما شافها مورمه وشكلها باجيه ورش عليها ماي عالخفيف
وطلع فونه ودق على ناصر: الجهاز مغلق او خارج منطقة التغطيه..
ضاري بعصبيه: اووووف وهذا وقته بعد مقفل جهازه
بهاللحظه جنا تحركت وفتحت عيونها ببطء شديد : خ..ا..ل..ي
ضاري ابتسم بلهفه: عيووووووونه وقلبه..شفيج خرعتيني عليج..والله بغى يوقف قلبي..
جنا ما ردت بس بجت: اهئ اهئ اهئ اهئ اهئ اهئ اهئ اهئ اهئ اهئ اهئ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 21-07-2011, 07:34 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ضاري خاف عليها ورفع ويهها بين ايدينه: جنوووو حبيبتي قوليلي شفيج؟؟ متى رديتوا؟؟ واشلون بهالسرعه؟؟ ووينه ناصر؟؟ ليش مسكر جهازه؟؟
جنا حطت راسها على صدره وهي تحاول تسيطر على دموعها: تونا من نص ساعه رادين..انا قتله ييبني لك وراح اهو بيت اهله..

ضاري شك بالسالفه: وليش عيونج مورمه؟؟ وبعدين انا اعرف ان اللي يردون من السفر يروحون بيت اهلهم مو ....

جنا قاطعته: ضاري الله يخليك لا تضغط علي..انا مابي احد من اهلي يدري اني عندك..خل الوضع طبيعي جنه للحين ما ردينا..انا ييت لك لاني اثق فيك
ووقفت تتمايل بمشيتها
ضاري وقف معاها وهو يحاول ما يعصب: وكلامج هذا شمعناته..ما تبين احد يدري انج عندي يعني متهاوشين..جنا انتوا ما صار لكم غير عشرة ايام من تزوجتوا من عشر سنين
جنا ما ردت عليه وصعدت الدري وخلته: .................
ضاري عصب من تطنيشها له وراح وراها بسرعه ولحق عليها على اخر الدري: جناااا انا احاجيج
جنا ببرود باست خده وهمست: ضاري واللي يرحم والديك خلني ارتاح وبعدين نتفاهم
ومشت عنه وظل ضاري واقف بمكانه يحاول يفسر تصرفاتها

اما جنا دخلت وحده من الغرف..فصخت قميصها وانسدحت تحت اللحاف وراحت بالنوووووووووووووووووووووووووم


+
+
+
+

بمجمع 360
الساعه 8‎ ‎‏ المغرب

فلا وساره يدورون مع جوري اللي ذبحتهم بتجهيزات ملجتها..وصلهم زياد وبيرد ياخذهم

فلا بتعب: اوووف جوووووريووه ترى تعبنا من امس واحنا ندور من مجمع لمجمع عشان صندل وجم اكسسوار..اختاري اي شي وفكينا
ساره : صج فلوووه ترى حدج مو صج معقوله كل اللي درناه ما لقيتي ولا شي يعجبج
جوري وقفت: واااااي كلتوني..يعني ذوقي صعب شسوي..وبعدين مابي دفش ابي شي حلو وناااااعم..(وسكتت فجآه لانها شافت صندل معروض يناسب نفنوفها)وااااااي شووفوا هذا..تعالوا ندش
راحت وراحوا معااها فلا وساره

فلا وساره: اووووووف

صوت من وراهم: ههههههههههههههه

ساره لفت باستغراب : نع...مشعل!!
مشعل ابتسم: هلا ساره اشلوووونج؟؟
ساره ابتسمت: انا تمام..تعال توك تضحك علينا
مشعل بضحك: بصراحه ئي هههههههههه ما عرفتينا عالآخت(متعمد يقولها عشان يشوف اذا هي متذكرته ولا لأ)
ساره ابتسمت: فلا هذا مشعل زميلي بالجامعه..مشعل هذي فلا بنت عمي..

فلا قلبها يدق حيللل: مو انته مشعل رفيج تركي اخوي..
ساره باستغراب: شنوو تعرفون بعض؟؟
مشعل استانس انها متذكرته: قالت لج تركي رفيجي..وكله مطيح بديوانيتهم بس بعد ما سافرو مزون ونواف انشغلت شوي
ساره بدهشه: سافرووووووا؟؟ والجامعه انزين؟؟
مشعل ابتسم: نواف بيكمل دراسته بأيطاليا ومازن رايح معاه سياحه وبيرد هالاسبوع

ساره : اها الله يوفقه..عالعموم نشوفك على خير..يلا مع السلامه
مشعل : مع السلامه
فلا : يلا سارو تأخرنا على جوجو
ساره ابتسمت: اوك يلا

مشوا ساره وفلا وظل مشعل واقف مبتسم وبعدين رجع لكافتيريا


تركي : وينك يامعود تأخرت..
مشعل ابتسم: تدري منو شفت توه
تركي بفضول: منوو يعني اكيد وحده من خوياتك
مشعل ضحك: هههههههه لاااا شفت اختك وساره بنت خالك ما ادري شتصير لك
تركي بصدمه: فلووووه هني..متى..انا موصلها بيت جوري
مشعل مسكه: يامعووود اقعد..اهم يايين مع جوري هذي..
تركي ابتسم: اكيد عشان خرابيطهم للملجه..والله البنات عذااااب
مشعل مسك قلبه: عذاااااااااااااب وبسسس
..قول ألم..قول غرام..قول حنان..قول نعووومه..قو
تركي قاطعه: هيييييي هييييي بس بس ما تسوى علينا كلمه قلناها
مشعل ضحك: ههههههههههههههههه
تركي غمز له: مشعلووووه ليكون تحب؟!
مشعل ارتبك ووقف: قوووم قووووم نتمشى ما عندك انته ومزون غير حبيت وتحب
تركي قام وراه بعد ما قط الحساب عالطاوله: هروبك اكبر دليل
مشعل توهق: يامعود احنا بالسوق مو بالديوانيه لا تفضحنا
تركي ضحك: ههههههههههههههههههههههه
تعال نروح للبنات نشوفهم محتاجين شي ولا لأ
مشعل بنفسه: هذا اللي ابيه..

وهم يتمشون شافوا البنات يتهاوشون مع بنت واخوها
تركي راح لهم ركض: خييييييير خيييييير فيه شي يالاخو
فلا مسكت ذراع اخوها وهي تصارخ عالبنت: ئي انتي ليش ماا تضفين اخووج عنا.

جوري بقهر ويهها محتقن: ما تقدر..يمكن تلقى لها واحد يضفها اهي مني ولا مني

اخو البنت: هيييي انتي احترمي نفسج..
مشعل من بعيد : انته اللي احترم نفسك..مو عيب عليك تقز بنات وانته مع اختك ما تخاف من ربك
تركي طالع البنات: بنااات امشوا هذي الاشكال ما تسوى تضايقون نفسكم عشانها
البنت: وعععععع مغروووور..
فلا بحده: انتي يالحمااااره مالج شغللل زينننن
ساره: ناس حيوانه وما تستحي
البنت قربت بتهاوش: هييييي انتوا ترى سكت لكم وايد
مشعل بأشمئزاز: اقووول اخذ اختك وامشوا بكرامتكم احسسسسسن
اخو البنت: واذا ما رحنا شبتسوي
تركي بغضب: انا اقولك شبسوي اذا ما رحت الحين بخربط مواعين ويهك
اخو البنت بعصبيه: صج..اذا كنت ريال تعال..انا ابيك تيي..

وقتها صكت الهوشه بين تركي ومشعل والولد
اما اخته من الخوف خلته وانحاشت..

فلا بجت وهي تحاول تفكهم: خلاص تركي هده بيمووووت تركي..
تركي دزها: وخرررررررري انتي..
فلا ما اهتمت فيه وردت تمسكه: تركي خلاص شوف الناس اشلووون تطالعنا..هدووووه خلاص خله يولي..مشعل عفيه بعدهم عن بعض
مشعل ارتبك من دموعها وطالعها واهو يحاول يمسك تركي: روووحي انتي الحين..تركي بسسسسسس خلاص ما نبي فضايح

تركي بعصبيه: وخررررررر عني ما تسمعه شيقوووووول؟!

فلا راحت لساره وضمتها وهي تبجي اما جوري راحت بزوايه بعيد عن تجمع الناس ودقت على زياد وهي تلهث: آلوو زيااااد

زياد ابتسم: هلا عمري ها خلصتوا
جوري بخوف: زيااااد تعال بسرعه تركي ورفيجه قاعد يطقون واحد تحرش فينا بالمجمع..بسرررررعه زياد بيموتونه انا خايفه خايفه اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ
زياد نط واقف من الخرعه: شنوووو؟!..آلوووو آلووو جوري جوووووووووري..

لكن جوري ما ردت واهو داس عالبنزين بأكبر قووووه عنده..


+
+
+
+

بيت ابوناصر
الساعه 9:15

ام ناصر تحط صحون العشى مع الخدامه: ناصر يمه متى بتييب مرتك من بيت اهلها..تاخر الوقت واكيد انها تعبانه الحين وتنطرك

ناصر منسدح عالقنفه ومبطل قميصه اللي يكشف عن عضلات صدره القويه(بلاج ما تدرين عن شي): دقيت عليها يما تقول امها تبيها تقعد عندها اليوم مشتاقه لأهلها

ام ناصر : يعني متى بتييبها باجر الصبح..

ناصر وقف وهو متضايق: اوهوووووه علينا انا رايح اخذ شاووور واناااام لا تقعدوني
ام ناصر باستغراب: وي شفيك معصب..

ناصر تنهد : ما فيني شي يالغاليه بس تعبان وبروح اريح
ام ناصر : والعشى انزين؟؟
ناصر وهو صاعد الدري: ما اشتهي..

ام ناصر: انز..(قطع كلامها صوت التلفون يدق وراحت ترد) آلوووووو
رائد : قووووه عمتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 21-07-2011, 07:35 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية



وهاذي التكمله

ام ناصر ابتسمت: هلا رائد هلا وغلا..اشلوونك انت واشلون امك وابوك
رائد ابتسم: كلنا بخير ونسلم عليج..بس بسألج بلغتي نصووور انه لازم يردون قبل يوم الخميس لان الملجه اليمعه ولازم يحضرها
ام ناصر باستغراب: اي يردون شكلك ما تدري انهم يوا من الظهر اليوم..
رائد بصدمه: متى؟؟
ام ناصر بعفويه: شنو مو جنا عندكم من العصر ولا شكلك طالع ويا ربعك بوحده من هالمجمعات وما تدري عن دنياك

رائد شك بالموضوع(شسالفه؟؟ يا اهي دايخه يا انا): يوووه تصدقين عمتي..قبل شوي امي تقول انها نامت من يت عشان جذي نسيت..
ام ناصر صدقت: العتب عالذاكره..هههههه يلا عيل تبي شي
رائد يصرفها: لااا بس سلميلي على عمي وناصر..
ام ناصر:يوصل إن شاء الله مع السلامه

+
+
+
+

بيت ضاري
نفس الوقت

بالغرفة اللي نامت فيها جنا

دخل ضاري بيقعدها لان الوقت تأخر واهو طلب لهم عشى..انصدم لما شافها قاطه قميصها وصد وطلع بسرعه

وعند الباب: شهالوهقه..قسم بالله انج خبله ياجنا..ولا اكو وحده تنام جذي والباب مبطل
..انزين الحين اشلون اقعدها..اففففف

ولف يطق الباب: جنااااااا جنووووووووه قومي يلا بتصير الساعه عشر وحضرتج نايمه
اما داخل الغرفه

جنا حست بصوت الباب وفتحت عيونها بثقل وهي تسمع صوت ضاري من ورا الباب..قامت بكسل وسحبت قميصها ولبسته وبطلت الباب وهي تزرر اخر زر: كاني قعدت

ضاري ابتسم: روحي غسلي ويهج ونزلي..طلبت لنا عشى تاكلين اصابعج وراه
جنا بهدوء: اوك دقايق بس..
ضاري ابتسم وهو نازل: ناطرج..
اما جنا صكت الباب ودشت الحمام ووقفت تحت الدش لانها حست انها محتاجه شاور بارد يريح اعصابها

ما طولت اكثر من ربع ساعه ولبست الروب اليديد اللي كان معلق حق الضيوف وطلعت وهي تربطه عدل

وهمست بملل : يووووه نسيت ان شناطي تحت
ولانه مالها خلق نزلت تحت تدور خالها

جنا: ضاااااري..ضااااري

ضاري ابتسم : تعالي انا عند التلفزيون

جنا يت وقعدت عنده: ليش ما صعدت الشنط
ضاري ضحك: ههههههه وانا شدراني انج بتتسبحين الحين..اقوول اكلي اكلي ترى حدي يوعان بس قلت انطرج
جنا ما ردت وصارت تاكل معاه بكل برود وبدون ما يدور بينهم اي حديث


وبوسط الهدوء دق جرس الباب

ضاري وقف: منو ياي الحين؟؟
جنا بملل: شوف منو عشان بقوم ألبس

ضاري راح يفتح وجنا راحت لوحده من الشنط اللي محطوطه بالصاله وفتحتها وخذت اول بجامه شافتها..قميص علاق وبنطلون حرير باللون الاحمر من فكتوريا سكريت وملابسها الداخليه وقامت

ضاري كان ناطرها واول ما شافها دشت الحمام بطل الباب: زين زين ترى والله سمعتتتتت..شحقه معلق عالجرس..صدعتنا

رائد ضحك وهو يدخل: هههههههههه وانته شحقه ما تبطل بسرعه ما دام انك سمع..(وسكت لانه عينه طاحت عالملابس والشنطه المفتوحه)
ضاري دزه من ويهه: هييييي هيييييي لا يروح بالك بعيد هذي اختك كانت قاعده بروبها وراحت تلبس..
رائد ضحك: ههههههههههههه(وسكت فجآه)قصدك جنا
ضاري ما رد ورجع يكمل عشاه

رائد راح وقعد معاه: دقيت على عمتي بقولها تبلغ ناصر انهم يردون قبل الخميس عشان ملجة زياد جان تقولي انهم ردوا من العصر

ضاري بسرعه: وعسى قلت لآمك
رائد حط ريل على ريل: لااااا..قلت ايي واشوفها بالاول..اذا ما يتنا اكيد بتكون عندك

ضاري وهو ياخذ بشوكته ستيك: من رديت من عندكم لقتيها تنطرني عند الباب
رائد طالعه بنظره وبعدين وجه نظراته للشنط: مو سالفه تشكك؟؟

بهاللحظه طلعت جنا وهي تعدل شعرها : ضاري منو اللي كان عند الب..(وبلعت كلامها من الخوف)
ضاري سكت: .........
رائد فتح لها ايدينه: شنو ما تبين تسلمين علي؟؟
جنا تيمعت دموعها بعيونها وراحت له ركض ودفنت ويهها بصدره وبجت

رائد هني تأكد انهم متهاوشين او صاير بينهم شي والتفت لخاله: جنا ليش رديتوا مبجر مو المفروض بعد اسبوع
جنا ما ترد بس تبجي: ..................

ضاري ورائد يطالعون بعض: ...........

رائد بحنان رفع ويهها عن صدره: تبين ادق عليه واتفاهم معاه

جنا وقفت بسرعه: لاااااا ناااصر لاااااا..
رائد وقف معاها بحده: جنا قوليلي اذا طقج او مد ايده عليج نروح نتفاهم معاه انتي مو عبده عنده
جنا نزلت راسها : ما اقدر اقولك
ضاري تدخل: من يت وانا اسألها وما عندها غير هالكلمه
رائد مسكها بحده: جنااااا اذا ما تكلمتي الحين بروح بيت عمتي واتفاهم بنفسي مع ناصر الزفت

جنا بصراخ: انتوا ليش ما تفهموووووون ليششششش؟؟
رائد عصب عليها: شنفهم..هااا شنفهم..عروووووس ترد لاهلها وبطريقه غريبه بعد اسبوع واحد بس من سفرهم
جنا بدموع وهي ماسكه راسها..حاولت تتماسك وخذت نفس طويل وقعدت عند خالها: اااااااااه..مشكله خاصه وما اقدر اقولها..
ضاري اشر لرائد يسكت: خلاص انتي الحين اهدي وما يصير خاطرج الا طيب
جنا ما تكلمت بس حطت راسها على ريوله وخذت الريموت تحوس بين القنوات عن شي حلو تابعه وينسيها التوتر اللي صاير

اما ضاري ورائد عم بينهم الهدوء فتره طويله وكملوا عشاهم عادي

وانقطع الهدوء على صوت الاغنيه اللي حطتها جنا

معجبه مغرمه انا بقي مش عايزه الا هو
مشيته همسته نظرته بتحرك قلبي جوه
حد يقوله حد يقوله
اني بحبه الحب ده كله
حد يحنن قلبه عليا
انا مكسوفه اروحله وا قوله
ايوه خطفني بسحر جماله
و شوقي باينله وعيني قايلاله
خايفة ماكونش انا اللي ف باله بعد ده كله
حد يقوله حد يقوله
اني بحبه الحب ده كله
حد يحنن قلبه عليا
انا مكسوفه اروحله وا قوله
روحو قولوله بحبه وماله ؟
معجبه بيه ودايبه ومايلاله
وحده خلاص عاشقه و عايشاله
عــــــــمرها كله
حد يقوله حد يقوله
اني بحبه الحب ده كله
حد يحنن قلبه عليا
انا مكسوفه اروحله وا قوله
معجبه مغرمه انا بقي مش عايزه الا هو
مشيته همسته نظرته بتحرك قلبي جوه

مع نهاية الاغنيه مسحت جنا دمعه وحيده طفرت من عينها وقامت للشنطه المفتوحه وحاست فيها ولما لقت الظرف اللي تبيه سكرتها وراحت قعدت على القنفه وفتحتهم بلهفه..كانوا الصور اللي صوروها عند النافوره والقصر الملكي ومتحف برادو والسينمات اللي زاروها

وغصب عنها نزلت دموعها

رائد حب يكسر الجو: افااا جنوووووون تخشين صورج عنا..
ضاري كمل: يمكن خايفه لا نعلق عليها هههههههههههههه

جنا مسحت دموعها وابتسمت مجامله: لااااااا والله
رائد يضحك: ههههههههههه ما عليج منه تعالي ورينا
جنا زمت شفايفها:ماب بتقعد تعيب..
ضاري مات من الضحك: شفتي اشلون ههههههههههههههه
رائد : ههههههههههههه ما عليج منه تعالي

جنا ابتسمت وقامت قعدت عند اخوها وانسدحت وحطت راسها بحضنه وعطته الصور يطالعها: انزين هاك

ضاري ابتسم: بعرف انتي بس تسدحين
جنا بقهر: مالك شغللللللللل
ضاري ضحك: ههههههههههه انزين
رائد لاهي بالصور واول صوره طاحت بيده هي لجنا وناصر وكانوا واقفين جدام القصر الملكي بمدريد: هذي وين؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 21-07-2011, 07:35 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




البارت من طوله صار على اربع اجزاء خخخخخخ

يلا هذي التكمله

جنا ابتسمت : اشوف..اممم ئي هذي عند القصر الملكي..واااااي يارئووود شي شي عجييييييييب فيه اكثر من ٢٠٠٠ غرفه تعبنا واحنا ندور فيه اخر شي طلعنا ههههههه

رائد ابتسم: اووووف ٢٠٠٠ غرفه..والله وايد
جنا تحمست: لاااااا وفيه وراه منتزه المورو يهبلللللل ما خليت لعبه الا ركبتها وناصر بس يصارخ علي وانا مطنشته ههههههه
ضاري زهق من تطنيشهم له: ياهووووو انا موجود وياكم
رائد يضغطه: ندري انك موجود شتبي يعني

جنا طقت كفها بكف اخوها: ههههههههههه

ضاري حذف عليهم الكوشيه: اقووووول اكلي هوا انتي واخوج احسن ما اقوم اطردكم برا بيتي
رائد ضحك وهو يفر الصور: هههههههه لا يامعود هاك شوووف(وطاحت عينه على الصور اللي عند النافوره..بوسة الشفايف) ألعن خيرك يانصووووور حتى عند الناااااس

ضاري ضحك: هههههه ماخذ راحته بقوووووووه
جنا ضحكت: ههههههههه هيييييي هذي انا بسته مو اهو
ضاري ورائد مع بعض: ههههههههههههههه

ضاري : ما شاء الله معترفه بعد
رائد : كفوووو اختي بعدي والله..
جنا استحت منهم: يووووووه هاتو الصور الشرهه علي اني اقول لكم
رائد يبعدها: هههههه لا لا سكتنا ههههههههه

وكملوا سهرتهم على الصور وذكريات جنا اللي خففت شوي من حزنها

+
+
+
+


نرجع لجوري وزياد ونشوف شصار معاهم

بسيارة زياد
موقفها عند البحر

وجوري دافنه ويهها بصدره وميته بجي..وساره قاعده ورا وساكته اما زياد متوهق بينهم

ساره شافت المسج اللي ياها: جووووجو هذي فلا تقول انهم وصلوا البيت مع مشعل ومشت السالفه على خير وتركي هدا الحين

زياد رفع ويهها عن صدره: خلاص حبيبتي عدت على خير..واحد حقير واخذ جزاته ليش حارقه قلبج
جوري بشهقات متقطعه: ل..لاني انا اللي قلت للبنات نبي عشان اخلص اغراض ملجتي وهم يايين عشاني واخر شي يصير معانا هالموقف البايخ اهئ اهئ اهئ اهئ اهئ اهئ اهئ اهئ اهئ اهئ

ساره حبت تتركهم : انا بنزل اتمشى شوي
زياد فهمها: انزين لا تباعدين خلج قريبه منا
ساره فتحت الباب: إن شاء الله..

زياد ابتسم ومسح دموعها بأصابعه: خلاص حبيبتي عاد والله بتضايقني جذي..تدرين اني ما احب اشوف دموعج الغاليه.

جوري استحت شوي لما نزلت ساره وخلتهم ومسحت دموعها بمناديل جونسون: ........
زياد توسعت ابتسامته: ئي جذي ابيج ما تتأثرين بأي شي تافهه
وقرب منها وباس خدها برقه وجوري ولعت خدودها وبعدت عنه وفتحت الباب ونزلت لساره
اما زياد ضحك عليها ونزل وراهم ومر الوقت بالسوالف والتعليق على شكل جوري واهي تبجي..

+
+
+
+

انتهى البارت
رايكم فيه؟؟
وتوقعاتكم للبارت الياي؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 21-07-2011, 07:36 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه الرابعه عشر

بعد اسبوووووووع
وقبل الملجة بيووووم


بيت ضاري
الساعه 10:30 الصبح


على طاولة الاكل

ضاري: شفيج ما تاكلين؟؟
جنا بدون نفس: ما ادري مالي خلق..مالي نفس عالاكل..
ضاري ترك اكله: ليش فيج شي؟؟
جنا بهدوء: اليوم المفروض نرجع
ضاري سكت: .............
جنا طرت على بالها فكره وقامت عن الاكل: عطني فونك
ضاري : ليش وينه فونج؟؟
جنا : قافلته من اسبوع..مالي خلق ابطله واتفأجا بكم الاتصالات والمسجات
ضاري ضحك: هههههههه اللي يسمع يقول وزيرة التربيه وبيتوسطون عندج
جنا خذت فونه ومشت عنه للصاله الثانيه: مالي خلق ارد عليك


+
+
+
+

نشوف الوضع عند ناصر
بيت ابوناصر
وبالحديقه بالتحديد

ناصر وقف بحده: اوهووووو وبعدين يماا صارلج اسبوع ما عندج غير هالسالفه قتلج عند اهلها بتشوفهم..يعني مو ذنبي اذا انتي تدقين بوقت غلط وتطلع نايمه ولا طالعه

ام ناصر باستغراب: وشفيك معصب جذي؟؟
ناصر تنهد بقوه وانحنى لها وباس راسها: آسف يالغاليه بس والله ان بالي مشغول شوي لا تزيدينها علي
ام ناصر بهدوء: قولي يمه انتوا متهاوشين؟؟ بينكم شي؟؟ ترى الزواج اوله لازم مشاكل؟؟ اصبر عليها يايمه البنت صج انها مدلله بس تحبك وسكتت عنك من قبل
ناصر عرف انها تقصد اللي صار بينهم قبل الزواج(اااه يما طحتي عالجرح..ما تدرين اني ندمان واني كل يوم احترق وانا ادق عليها وما ترد): ادري انها تحبني وانا بعد احبهااا ومابي غيرها وماكو بينا اي شي بس انا مشغول هالايام وقتلها تروح تقعد عند اهلها منها تشوفهم ومنها تخلص خرابيطها لمجلة اخوها

قطع عليهم رنة فون ناصر وكانت موسيقى بيانو ناعمه

ناصر(وليه هذا ضاري شقوله الحين وانا من اسبوع هني وما كلمته..رائد ومشيناها هذاك اليوم): عن اذنج

بعد شوي ورد

ناصر: هلا ضاري
جنا ارتبكت من نبرة صوته..ولهت عليه رغم جرحها اللي اهو السبب فيه: ناااااصر
ناصر قام قلبه يدق بسرعه: جنااا
جنا قالت كل اللي عندها بسرعه: المفروض نرد اليوم..عشان جذي ابيك تسبقني بيت اهلي وتنطرنا هناك..انا الحين بيي مع خالي
ناصر بهمس: اوكي مسافة الطريج..بس ليش مسكره فونج؟؟ جنا تدرين اني احبج واني استخرت ربي وعرفت اني ظلمتج وندمت عاللي صار وانا...
جنا قاطعته وهي تمنع شهقاتها: ناطرتك لا تطول..مع السلامه..
صكت بويهه وناصر تنهد : لازم اشوفها لازم.


صعد غرفته بدل بيجامته ولبس دشداشته وغترته وعقاله وتعطر ونزل..

+
+
+
+

بيت ابوزياد
الساعه 11:10

عند البوابه

كان ناصر واقف عند سيارته..ورقع قلبه اول ما شاف ضاري وصل بسيارته ونزلت منه جنا وهي بكامل أناقتها اللي تعود عليها واشتاق لها..كانت لابسه بنطلون اسود فوقه قميص بربريز لنص الفخذ وشعرها مخليته ستريت وميكاجها ناعم بدرجات الذهبي والبني

ضاري نزل شنطة جنا اللي يايبه فيها هدايا وراح يسلم على ناصر: وينك ياخوي؟؟ الحمدلله على السلامه
ناصر ابتسم : الله يسلمك يالغالي..طمنا عنك
ضاري ابتسم: انا تمااااام بس انت الظاهر مو تماااام
ناصر طالع جنا: .........
جنا توترت: آ آ يلا ضاري تاخرنا عند الباب

مشت ومشوا وراها ضاري وناصر وسلمت جنا على اهلها وخصوصا امها اللي اشتاقت لها حيل..وناصر سلم على خاله ومرة خاله وقعدوا يسولفووووون عن السفر والطلعات والاماكن اللي راحوا لها




زياد ابتسم: زين انكم ييتوا..كنت ناوي عليك اذا ما حضرت ملجتي
ناصر ضحك: ههههههه لاا اشلوووووون اصلا جنوووو جهزت هداياها من هناك

زياد ضحك: صج ههههههههههههه
جنا ابتسمت: ئي بس ما راح تشوف شي اليوم..باجر احسن
الكل: هههههههههههههههههههه
ساره بهمس: وااااي جنووووون صارت وااااايد اشياااااء ودي اقولج عليها
جنا بحماااس: صجججج عاد تدرين ولهت عليكم وعالبنات فلوو وجوجو وحتى عالجامعه هههههههه
ساره ضحكت: هههههههههه احنا اصدقج بس الجامعه مستحيل
جنا ضحكت: ههههههه حراام عليج اسبوعين ما دوامت اكيد طافتني وايد محاضرات
ساره ابتسمت: عادي عطيهم عقد زواجج واكيد الدكاتره بيفهمونج واخذي محاضراتج من رفيجاتج بس تدرين مو هذا اللي بقوله..

جنا : تدرين اشلووون؟؟ احسننن شي تعاااالي نقعد برا بالحديقه ونسولف على راحتنا
ساره وقفت: اووك يلاا


ام زياد: وين رايحين؟؟ الغدا جاهز
جنا ابتسمت: بنقعد بالحديقه شوي وبنيي
ابوزياد : انزين يبه لا تطولين الحين عمج بوناصر ومرته بييون يسلمون عليج
جنا طالعت ناصر بنظره غامضه: إن شاء الله يبه..لا يو نادوني..

ناصر طول القعده ما شال عينه عنها(اشلووون اكلمها هني؟؟ صعبه يشكوون بشي..بيقولون ليش ما تتكلمون ببيتكم): ..............
رائد ملاحظ حركاتهم وغمز له: ليش ما تراضيها اذا تبيها
ناصر طالعه وابتسم: ياليت يارائد..
رائد بتفهم: انا سألتها وقالت مشكله خاصه وما رضت تقول لا لي ولا لضاري
ناصر(وهذا اللي مكبرها بعيني..ان اسرارنا ما تطلع برا): خل تخلص ملجة زياد وبعدين نتفاهم


ومر الوقت ويو ابوناصر وام ناصر وسلموا على جنا..وجنا عطتهم الهدايا اللي يابتها لهم وام ناصر خذتها على صوب وقعدت وياها


جنا بابتسامه: آمري عمتي
ام ناصر: ما يآمر عليج عدو..بعرف انتي وناصر متهاوشين..طاقج..قايل كلام ومزعلج..تراه ولدي واعرفه اكثر من نفسي..والله انه يحبج وطول الاسبوع اللي فات واهو ما يفكر الا فيج وطول الوقت سرحان ولا قعد معانا عالسفره ما ياكل الا شوي ويقوم
جنا نزلت راسها: صار بينا سوء تفاهم وإن شاء الله نحله وترى محد من اهلي يدري بردتي الا اليوم..كنت عند خالي ضاري..
عشان جذي مابي احد يدري ان بينا شي

ام ناصر ابتسمت: والله ان اخوي عرف يريبج..كلامج زينة العقل والبنت يايمه ما يصير تطلع اسرارها لا لنا ولا لغيرنا..وإن شاء الله الكلام ما يطلع من بينا

ام زياد قاطعتهم: يلا ياجنا يلا ام ناصر قوموا الغدا زاهب
جنا ابتسمت وقامت مع عمتها للغدى اللي كان جماعي..رياييل مع حريم


وطول الوقت كان ناصر ياكل مره ويطالع بجنا مره يبيها تحن عليه وتطالعه


وما لقى فرصه الا بعد الغدا لما لاهى الكل بالسوالف والشاي


وكانت جنا تعدل ميكاجها بالمغاسل الخارجيه لصالة استقبال الضيوف


ناصر كان واقف وراها وابتسم: ما اشتقتيلي!!
جنا لفت عليه بنظره بعدين طلعت الماسكرا ورجعت تطالع المرايه: من باعنا بعناه لو كان غالي!!
ناصر قرب منها وحضن ظهرها من ورا وباس خدها وتنفس من عطر شعرها: بس انا ولهت عليج..واللي صار ندمت عليه وابيج ترجعين لي..
جنا قام قلبها يدق بسرعه من وجوده وانفاسه الحاره وعطره بس تماسكت: صح والدليل انك يتني بهالاسبوع اكثر من مره وانا رديتك مو جذي!!
ناصر لفها له وطالع بعيونها: ادري انه كان المفروض اييج واصالحج..بس كنت خايف تصديني وبعدين كنت افكر باللي صار وعرفت اني غلطان..فهميني عاد(وانحنى بيبوسها) انا اسف


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 21-07-2011, 07:37 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




جنا بعدته عنها بهدوء: شنو تبيني افهم..ناصر كلامك جرحني..عيل اكو واحد يقول لمرته عادي طلقه وحده ما تأثر..لا وبشهر العسلللل بعد..وفوق هذا تروح وتحجز تذاكر بدون ما تقولي..شنو بفهم؟؟ انك خذيت موقف مني لاني كنت خايفه عليك..لانك تدري ان هالشي يضرك اكثر مني..
وتعدته بتمشي
بس ناصر مسك ايدها: جنا انا اعتذرت لج معنه الاعتذار بالنسبه للريال صعب..لا تخلينا نخسر بعض واحنا تونا ما كملنا غير اسبوعين ونص من زواجنا
جنا ما ردت بس مسحت دمعه حاره خانتها ونزلت جدامه ومشت عنه بسرعه

ناصر تنهد وطق ايده بالمغسله بقوووووه: اووووووووووووووووووووووووف


ظل واقف شوي يدخن وبعدين رجع لهم


ناصر: يلا يمه يبه مشينا
ابوناصر وقف: ئي والله اني دخت وبحط راسي وانام..
ابوزياد: وين تونا قاعدين؟؟
ابوناصر: تسلم مره ثانية إن شاء الله..
ام زياد : والله ما شبعنا منكم
ام ناصر ابتسمت: تسلمين باجر إن شاء الله احنا عندكم لا تنسين وراج يوم طويل
ام زياد ابتسمت: وانتي الصاجه..
ناصر التفت لجنا اللي كانت تسولف مع خالها وزياد ومو مهتمه فيه: يلا حبيبتي مشينا

جنا ما انتبهت له: ........
زياد عطاها كوع: هيييييييي يحاجيج
جنا باستغراب : منوووو
ابوزياد : منو بعد ريلج يناديج قومي وياااااااااه
جنا طالعت ناصر (سويتها ياناصر..حطيتي جدام الامر الواقع..)ابتسمت مجاملة وقامت وهي ترسل نظرة زعل لرائد وضاري: ئي يلا ما انتبهت

ضاري ورائد فهموا نظرتها وصاروا يطالعون بعض: ؟؟؟؟؟؟؟؟؟؟؟؟؟؟


ناصر مسك ايد جنا : يلا فمان الله..

الكل: فمان الله..

طلعوا كلهم وقام ابوزياد يرتاح وقامت معاه مرته وظلوا الشباب يسولفون


رائد بهمس: حطها جدام الامر الواقع..يدري انها ما تقدر ترفض عند ابوي ولا بيشكون

ضاري ابتسم: خلهم يمكن يحلون سوء التفاهم اللي بينهم ونرتاح

قطع عليهم رنة مسج لفون ضاري وكانت من ( حبيبتي الخبله): انا اوريكم..هييييييين..نتحاسب بعدين..بس دز لي شناطي بالليل)

ضاري ضحك: ههههههههه هاااك شوف اختك الخبله شكاتبه
رائد ابتسم ولما شاف المسج مات من الضحك: هههههههههه انا مالي شغلللل
ضاري خذا فونه: شنووو مالك شغللللل ما قريت شكاتبه..انا اوريكم..يعني انا وياك هههههههههه
رائد ضحك: ههههههه يعني شبتسوي روح لها بالليل وشوفها

ضاري وقف: وهذا اللي بيصير..يلا سلاام

زياد : باجر تعال مبجر
ضاري ابتسم: إن شاء الله..يلا مع السلامه

الكل: مع السلامه


+
+
+
+


بيت ابوناصر
الساعه 4:45

بجناح ناصر

جنا اول ما دخلت..كان ناصر سابقها لغرفة النوم وقاعد يفصخ جوتيه بكل برود: انت اشلووون تسمح لنفسك تحطني بهالموقف جدام اهلي..
ناصر طالعها وابتسم: قتلج تعالي طنشتي..ما لقيت الا هالحل لاني ادري انج ما تقدرين ترفضين جدام ابوج وامج ولا بيشكون ان بينا شي(وراح لها وباس خدها بقووه)


جنا دزته وهي مقهوره: افففففففف يااااااربي
ناصر مات عليها من الضحك وهو يفصخ دشداشته: هههههههههههههههههههههههه


جنا بعصبيه: لا تضحك وانا معصبه
ناصر قط دشداشته عالكرسي وراح صوبها وقرص خدودها: ليش معنه شكلج حلو وانتي معصبه؟؟
جنا بحده: لانك تستفزني..
ناصر بابتسامة واسعه همس بأذنها: اششششششششششش هدي اعصابج مو زين لج..انا احبج وانتي هاااديه
وتركها ودخل الحمام

جنا من القهر خلته وطلعت للصاله ودقت على ضاري

ضاري : مسرع ما اشتقتيلي
جنا بقهر: جبببببب زيننننن
ضاري ضحك: هههههههه اووف مولعه نااار

جنا كتمت ضحكتها: تعال خذني
ضاري بجديه: شنوو جنا من صجج؟؟
جنا بصراخ: ئي من صجي تعال ولا بيي بسيارتي وما علي منكم زينننننن
ضاري بحده: انزين ليش شصار؟؟ حراااام عليج جنا..قعدي معاه..واتفاهموا..ترى اي زوجين ببداية الزواج يصير بينهم مشااكل عااادي
جنا بدموع مع صراخ: ضاااري لا تخليني اعصب..انت مو فاهم شي..بتيي ولا لأااا

ضاري تنهد : خلاص بيي مسافة الطريج انا اصلا توني طالع من بيتكم

جنا ما ردت عليه..سكرت منه ولفت ويهها وشافت ناصر وراها

ناصر بضيق: لهدرجه اللي صار مضايقج!!
جنا ببحه وهي تقرب منه وتوقف جباله بالضبط: ناصر..انت تدري سلمتك نفسي قبل عرسنا وقبل لا يتم بينا اي شي والحين انا على ذمتك وانت زوجي يعني حلالك وما راح اردك لو طلبتي لفراشك عشر مرات باليوم..بس طريقتك ولا مباالاتك لما قتلي طلقه وحده ما تأثر جرحتني..خلتني افكر انك ممكن تخسرني على اي شي تافهه
وبسيط بدون ما تفكر بالعواقب

ومشت وخلته..دشت الغرفه وخذت سويج سيارتها وطلعت من الجناح
ناصر مسكها بأخر ثانيه: يعني شنو افهم من كلامج..
جنا وصوتها رايح من البجي: ولا شي خلني لين اهدأ وبعدين نتفاهم
ناصر بهمس: بس انا اعتذرت لج..جنا لا تستغلين حبي لج
بهاللحظه قاطعهم صوت ضاري اللي كان توه واصل وصعد الشنط اللي تركتها جنا لجناحهم: شفيكم صوتكم واصل لاخر الممر(وانصدم بشكل جنا ودموعها وراح لناصر ومسكه بقوه من فنيلته): تمد ايدك عليها يالنذل..هذا واهي عروووووووس وسويت فيها جذي عيل شخليت لبعدين..لا وانا اقول لها تفاهموا..
وعطا ناصر بقس قوووي خلا ويهه يفتر

جنا انصدمت وعرفت ان خالها فهم غلط وصارت واقفه بينهم وهم يتهاوشون

ناصر عصب ولف على ضاري بيطقه: هييييي انت ببيتي واتهجم علي..افهم السالفه بالاوووووو
جنا انهارت وقاطعتهم بصرخه: بسسسسسسسسسسسسسسسسس بسسسسس كافي حراااام عليكم حرااااااااااااااااااااااااام
ناصر وضاري سكتوا بعد ما استوعب كل واحد اللي سواه وكان بيسويه: ..................

جنا مسكت راسها بقوووه وتلاشت الرؤيه عن عيونها وطاحت غشيانه عالأرض: آآآآآآآآآآآآآآآآآه

ناصر وضاري صارخوا مع بعض: جناااااااااااا

شالوها وطاروا عالمستشفى..


+
+
+
+

انتهى البارت
يلا توقعاتكم للبارت الياي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 21-07-2011, 07:37 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه الخامسه عشره

إني خيرتك فاختاري

ما بين الموت على صدري..

أو فوق دفاتر أشعاري..

إختاري الحب.. أو اللاحب

فجبنٌ ألا تختاري..

لا توجد منطقةٌ وسطى

ما بين الجنة والنار..

إرمي أوراقك كاملةً..

وسأرضى عن أي قرار..

قولي. إنفعلي. إنفجري

لا تقفي مثل المسمار..

لا يمكن أن أبقى أبداً

كالقشة تحت الأمطار

إختاري قدراً بين اثنين

وما أعنفها أقداري..

مرهقةٌ أنت.. وخائفةٌ

وطويلٌ جداً.. مشواري

غوصي في البحر.. أو ابتعدي

لا بحرٌ من غير دوار..

الحب مواجهةٌ كبرى

إبحارٌ ضد التيار

صلبٌ.. وعذابٌ.. ودموعٌ

ورحيلٌ بين الأقمار..

يقتلني جبنك يا امرأةً

تتسلى من خلف ستار..

إني لا أؤمن في حبٍ..

لا يحمل نزق الثوار..

لا يكسر كل الأسوار

لا يضرب مثل الإعصار..

آهٍ.. لو حبك يبلعني

يقلعني.. مثل الإعصار..

إني خيرتك.. فاختاري

ما بين الموت على صدري

أو فوق دفاتر أشعاري

لا توجد منطقةٌ وسطى

ما بين الجنة والنار..



بمستشفى ال...
الساعه 5:15

دخلوها من الطوارئ على طول لغرفة الفحص والكشف

ضاري ناطرهم برا وناصر دخل معاها


الدكتوره بعد ما قاست ضغطها وحرارتها ونبضها سحبت الستاره ورجعت مكانها: واضح قدا انها تعرضت لانفعال كبييييير اوي على جسمها عشان كده انهارت

طبعا جنا كانت فاتحه عيونها بس منسدحه على سرير الكشف وتسمعهم
ناصر بلهفه: انزين دكتوره شفيها بالضبط؟؟

الدكتوره تكتب بأوراقها: مش هقدر ائولك حاقه دلوقتي الا لما تعملولي التحاليل دي عشان نتطمن عليها
ناصر اخذ منها ورقة التحاليل: وجم يبيلها التحاليل؟؟
الدكتوره : يعني ساعتين بالكتير وتطلع النتيجه..انا دلوقتي هكتب لها دريب تروح تاخذوه فورا عشان ترتاح وبعدها يكون طلعوا النتايج
ناصر تنهد : على خير..مشكوره دكتوره ما قصرتي
تركها ورجع لجنا وشافها قاعده تزرر قميصها وراح وقف جدامها وساعدها فيه وقومها معاه

جنا بدون شعور منها مسكت ايده: امممم
ناصر بخوف: شفيج حبيبتي؟؟
جنا عضت شفايفها: لا بس دخت شوي من الوقفه
ناصر بقلق: خلاص تعالي اوديج تسوين التحاليل وبعدها الملاحظه عشان يحطون لج الدريب
جنا ما تكلمت وناصر سندها وطلعوا مع بعض


ضاري اول ما شافهم وقف: ها شصار؟؟

ناصر بتوتر: ولا شي تقول لازم نسوي تحاليل..

راحو قسم التحاليل وسوت جنا التحاليل المطلوبه منها دم وبول(وانتو بكرامه) وطلعت وكانوا ناصر وضاري قاعدين ينطرونها

ناصر اخذ منها اوراق التحاليل: خلاص ضاري خذها الملاحظه وانا بروح انطر النتيجه عند الدكتوره
ضاري مسك جنا: ماشي..


وافترقوا وكل واحد راح بصوب



وبالملاحظه

دشت جنا وكان الجناح فاضي عشان جذي دش وياها ضاري..ساعدها تنسدح وركبوا لها ابرة الدريب ورجعت الممرضه لمكتبها



ضاري سحب الستاره عليهم: والحين ما تبين تقولين لي شفيكم؟؟ شنو الخلاف الكبير اللي بينكم ومو قادرين تحلونه
جنا بتردد وبصوت تعبان وضعيف: معني ما كنت ابي احد يتدخل بينا..بس بقولك لانك دكتور واكيد تعرف بهالشي اكثر مني..

ضاري مستمع جيد : كملي لا تخافين..
جنا صدت بويهها لانها منحرجه منه: كان يبي مني شي حرمه الله..(وسكتت شوي)كان يبيني من
ضاري قاطعها وهو مستحي: اوك فهمت..(وشهق)بسسسس لحظه ليكون
جنا طالعته: لاااااا ما صار شي..قتله ما اقدر وانه هالشي حرام واصير طلاق منه ويسبب لنا امراض تناسليه ويمكن اهو اكثر مني لانه الريال بس مو هذا اللي معور قلبي

ضاري ساكت لانها سالفه خاصه ولانه انحرج ووهق نفسه: ............
جنا مكمله: تدري شنو قالي..قالي شنو يعني عادي انتي مرتي وانا ابيج وطلقه وحده ما تأثر اردج بعدين..طلعت وخليته لاني معصبه ونمت بالصاله بس لما قعدت الصبح قالي حجزت تذاكر..انصدمت وحاولت اوضحله..اني مو رافضه قربه ولا قصدي اجرحه بس ما سمعني وباعني..باع حبي ياخالي..شنو تبيني اسوي

ضاري واخيرا تكلم وبعقلانيه شديده وبكل هدوء: تدرين انج خبله وهبله وحماااااااره

جنا طالعته بحقد : ............
ضاري ابتسم وكمل وهو مطنش نظراتها: ياجنا الريال لما يطلب مرته يكون بحالة نشوة وحاجته تسيطر على تفكيره وما يحب يتكلم ولا تكلم يكون كلامه خارج عن إرادته..وناصر نفس الشي..حاجته لج خلته يقولج كلام ما يفكر فيه ولا يثمن عواقبه لانه بهذيج اللحظه ما يبي غير انه يرضي نفسه..

جنا سكتت تفكر بكلام خالها وتقلبه براسها: ................

ضاري ابتسم ومسك ايدها ومسح عليها بحنان: فكري ياجنا فكري..ناصر يحبج وانتي تحبينه وإذا انتي بنفسج قلتي انج منعتي الشي قبل لا يصير واهو اعتذر وعرف غلطته بعد ما راجع نفسه وفكر بالموقف..لا تخلين زواجج يتعثر جدام اول حجر تواجهكم انتي فاهمه

جنا ابتسمت ونزلت دموعها بدون شعور: ما ادري شكنت بسوي بدونك!!
ضاري ضحك: هههههههه يمكن تموتين..(وباس ايدها)المهم الحين انا بروح وإذا يا طيبي خاطره وردي بيتج وعيشي حياتج من جديد انتوا للحين بشهر العسل
جنا بهمس: إن شاء الله
ضاري ابتسم وقام طلع: يلا عيل سلمي عليه وقوليله عنده شغل بالعياده ومشى..آخرتوني
جنا ابتسمت وظلت تفكر بكلام خالها وتتذكر ردة فعل ناصر وتحكم(صح اهو كان مو واعي لكلامه ذيج الحزه واهو فاهم وملتزم يعني اكيد يعرف وعنده خلفيه ان هالشي حرام..يمكن ما كان قصده يجرح مشاعري بس انا تسرعت وفهمته غلط)


قطع عليها صوت ناصر اللي دخل عليها طاير من الفرحه وعلى طول قعد يمها ورفعها عن الفراش وحضنها بقوووووووووووه لصدره: ألف ألف ألف ألف مبرووووووك حبيبتي..صدقيني مو قادر اعبر من الفرحه..ما ادري شقول..انتي حامل يعني بصير ابوووووووو بعد جم شهر..بيي احمد وينور دنيانا
جنا ما استوعبت من الفرحه اي شي بس طالعته بعيون تلمع: ............
ناصر عرف انها انصدمت وابتسم ومسك ويهها بين ايدينه: ئي ياعمري صدقي..صدقي ..انا مثلج انصدمت لما قالت لي الدكتوره..انتي حامل حبيبتي حااااامل
جنا على طول نزلت راسها وحطت ايدها على بطنها: يعني..يعني هني فيه بيبي منك..(وطالعته بعيونه)ناصر انا اسفه اني ما فهمتك..انا احبك
ودفنت ويهها بصدره
ناصر ابتسم وحس بالراحه بعد شقى اسبوع: وانا مو بس احبج..امووووووت فيج يالخبله..بس انتي متسرعه
جنا طقته بيدها على جتفه: نوووووونو
ناصر ضحك: تصدقين اشتقتلها من زمان ما سمعتج تقولين نونو هههههههههههههه
جنا ابتسمت ورجعت انسدحت وعدلت ابرة الدريب : .......
ناصر يتلفت: صج وينه ضاري؟؟ توني افقده

جنا ابتسمت: كان عندي وبعدين راح لشغله..صج عطني فونك ادق ابشره
ناصر ابتسم وعطاها فونه ووقف: هاج كلميه وانا بروح اصرف الدواء والفتيامينات وايي
جنا ابتسمت ودقت على خالها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 21-07-2011, 07:38 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ضاري : هلا ناصر..بشر شصار وياك؟؟
جنا: هاذي انا
ضاري ابتسم: جنووووو ها يالخبله شصار وياج
جنا بحيا: طاح الحطب
ضاري ضحك: هههههههه زين زين ما بغيتو ههههههه
جنا تكمل: مو بس جذي..طلعت حامل
ضاري انصدم: قولي والله..ههههههههههه توكم ما صار لكم اسبوعين..ألف ألف مبروووووووووك ياام البيبي
جنا ضحكت: هههههههههههه الله يبارك فيك..شووف بشر امي واخواني..
ضاري ابتسم: ماشي ياحلوه..يلا مع السلامه

جنا ابتسمت: مع السلامه

ناصر وقتها رد وبيده الادويه: ها حبيبي كلمتيه
جنا : ئي..انصدم يقول توكم ما صار لكم الا اسبوعين
ناصر ضحك: ههههههه قوليله انا متزوجه ناصر مو اي احد
جنا بحيا: لاااا والله
ناصر ابتسم: ئي والله..
وقرب منها وباس شفايفها بوسه حاره ذابت معاها كل الخلافات

وقطع عليهم دخول الممرضه اللي يت تشوف الدريب

جنا بعدت عن ناصر وهي مستحيه وشالت الابره وساعدها ناصر تقوم وطلعوا من المستشفى متصالحين عكس ما دخلوا متزاعلين



وبسيارة ناصر

ناصر: طبعا اليوم بنقعد عند اهلي لاننا ما بنخلص من التهاني والاتصالات اللي بتي الا بالليل وباجر عاد اخذج ونروح الشاليه نقعد فيه يومين قبل ما نرد لدوامتنا
جنا ابتسمت وسندت راسها على جتفه وناصر ضمها بيد وحده والثانيه يسوق فيها


+
+
+
+

نروح لمكان بعيد
وعند بطل فقدناه
إيطاليا
روما العاصمه
الساعه 6‎ ‎‏ المغرب


مازن: نواف
نواف اللي كان واقف عند البلكونه ولابس تريننغ عنابي وحده معرق لانه توه راد من النادي: .......(مارد بس اكتفى بنظره)
مازن: شفيك ساكت؟؟ ترى هذي مو حاله..شهر من وصلنا هني وانت ما عندك شي غير تروح النادي تهلك نفسك وترد تجابل النت حتى دراستك مو مهتم لها وما سجلت بالجامعه

نواف رد يطالع السما بوقت غروبها: شتبيني اسوي؟؟ مازن انت قاعد وياي وشايف حالتي اشلون؟؟ مو قادر انساها..قاعد احاول اشغل نفسي بالنادي وبالنت عشان انسى بس ما اقدر قلبي مو بيدي

مازن وقف وراح لرفيجه واخوه دنيته: يانواف البنت الحين تزوجت خلاص ويمكن بعد جم شهر تشوفها شايله ولدها او بنتها بيدها ومو حلوه منك تظل تفكر فيها

نواف التفت له: انزين قولي شسوي؟؟ قطعت دراستي وتغربت عن اهلي وييت هني وانشغلت بالنادي ..اكثر من جذي شتبيني اسوي
مازن ابتسم: اول شي تروح الحين تاخذلك شاووور بارد يريح اعصابك وبعدين تجهز نفسك عشان نروح نسأل عن الجامعه اللي بتسجل فيها للكورس الياي والمواد اللي بيعادلونها لك عشان تكمل فيها وبعدين نطلع نتمشى ونتعشى بأي مكان..آيطاليا حلووه وانت حاكر نفسك هني
نواف ابتسم: شنو هذا طلب ولا آمر
مازن ضحك: هههههههه الاثنين وبعدين عشاني ترى كلها يومين وراد الديره
نواف تنهد : آآآآه على هوا الديره
مازن كمل: وآآآه على بنات روماا
نواف ومازن : ههههههههههههههه



ياترى شنو راح يكون مصيرك يانواف؟؟

+
+
+
+


بيت ابوتركي
الساعه 11:30 بالليل

بالديوانيه

تركي ومشعل سهرانين على فلم وجنجفه وماخذين راحتهم عالاخر وحب وفستق وقواطي البيبسي بكل مكان


مشعل كتم الصوت اول ما طلعوا اعلان: اقووول ترووووك

تركي ابتسم وهو يوقف ويتغمط : هاااااا

مشعل طالعه من فوق لتحت: ويعااااااااه قووول نعمممم
تركي ضحك: هههههههه اخلص شتبي بروح انادي فلوه تلم الوسخ
وراح عند الباب: فلاااااا فلووووووووووه..فلوووووه وصمخ

مشعل اول ما سمع اسمها ابتسم وقطها بويهه: لو خطبت اختك توافق؟؟

بهالوقت كانت فلا توها واصله لتركي: نع..(وبلعت كلامها ولسانها وصار ويهها احمر)وانحاشت

تركي ضحك عليها لانها ظنت انه ناداها عشان هالشي وهو اصلا تفأجا: تعااااااالي ههههههههههههههه

مشعل نط واقف: لا تقول انها سمعتتتتت

تركي تسدح من الضحك على شكله وطاح عالارض: هههههههههههههههههههههههههههه وااااي بطني..طاع شكلك انت ويااااها هههههههههههه

مشعل استحى وراح لتركي وطب ببطنه وهو يبتسم: الحين خلصني توافق ولا لأ

تركي دزه وهو يضحك: هههههههه آآآآه وخر عني يالدب القطبي شثقلك ههههههههه

مشعل ضحك: هههههههههههه عشانك نسيبي بسكت عنك

تركي ابتسم وتكلم بجديه وهو يوقف ويوقف مشعل جباله وحط ايده على جتفه: احنا نشتري ريال يامشعل..وانت ريال والنعم فيك..ييب اهلك اليمعه وانا ببلغ ابوي والعروووس
مشعل ابتسم: تسلم وإن شاء الله اني مو مقصر عنها واللي تبيه انا حاضر..عطني بس يومين اشوف الوالد والوالده وارد عليك

تركي ابتسم: خذ راحتك



اما فوق عند فلا

كانت دافنه ويهها بمخدتها : وااااااي هين تريك والله لآوريك..خلاني استحي..واااااااااااااااااي اتخيل شكلي وانا داشه عليه ببجامتي
كانت لابسه شورت اسود لفوق الركبه وبدي اصفر علاق عليه ميكي ماوس اسود


انفتح الباب وطل تركي: هاا يالعرووووس

فلا نطت من مكانها وراحت له وخنقته: يااااااااحماااااااااااااااااااااار ليش تفشلني جدام رفيجك ليششششششششششش؟؟

تركي بعدها عنه وهو يضحك ويكح بنفس الوقت: كح كح كح هههههههههه والله ما كنت ادري انا نفسج تفأجات
فلا تخصرت وهي ترجع تقعد على سريرها: لا والله
تركي ضحك: هههههههه والله العظيم كنت ابيج تنظفين الديوانيه بس صارت صدفه كلامج ويا ييتج
فلا غطت ويهها بيدينها: انزين خلاص اطلع بنااااااام
تركي ابتسم: لا ياحلووووه قومي نظفي الديوانيه وبعدين نامي براحتج
فلا قامت : اففففففف

تركي ضحك وطلع وراها: هههههههههههههه تعاااالي

+
+
+
+

انتهى الباااارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 21-07-2011, 07:39 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقة السادسه عشره


صباح اليوم التالي..

بيت ابوناصر
وبجناح ناصر
الساعه 9:45


فتحت جنا عيونها وشافت اللحاف طايح عنها ومبين قميصها النوم السكري القصير تغمطت بدلع وهي تلتفت لناصر
كان نايم يمها بهدوء شديد على بطنه العاري

توسعت ابتسامتها وهي تتأمله وبدون شعور قربت منه وباست عيونه ورموشه
بس ولعت من الاحراج لانه قعد وشافها

ناصر وابتسامته بينت غمازاته: كل هذا مشتاقه لحضني
جنا حمر ويهها وعدلت نفسها وهي تلم شعرها : مو حرام اعوض الاسبوع اللي تركتني فيه
ناصر ابتسم وقام ضمها من ظهرها لصدره وباس جتفها: حبيبتي مو قلنا ننسى اللي صار

جنا طالعته وضحكت: هههههه حاضر ياحضرة الكابتن طيار
ناصر ضحك: ههههههه تدرين من تزوجتج خذت اجازه وارتحت من العباله
جنا بهمس: اليوم اليمعه..السبت بترد لشغلك لا تستعيل
ومشت عنه ودشت الحمام
ناصر قط نفسه عالسرير: تعااااااااااااااااااالي هههههههههههههههه

جنا طلعت راسها من الحمام وكان شعرها مبلل: بالمشمش هههههههههه
ودشت مره ثانيه وصكت الباب

ناصر قام بيلحقها بس رن فونه : اففففففف

ودر : خيييييير
زياد ضحك: هههههه بل شفيك منفس
ناصر ما انتبه للرقم: ههههه زياد..هلا والله بالمعرس..ها اشلون المعنويات
زياد ابتسم: عاااال العال..منت ياي
ناصر ابتسم: امبلا بس بقط جنا عالصالون واييكم إن شاء الله
زياد: عيل تعال عند ضاري الشباب هناك

ناصر: اوكي ماشي..


+
+
+
+


بيت ابوتركي
الساعه 12


بغرفة ابوتركي

تركي دش وشاف امه كاشخه وقاعده تتمكيج عند المرايه: اوووف بتروحين من الحين..
ام تركي ابتسمت له من المرايه: ئي ليش؟؟

تركي ابتسم: تو الناس الملجه الساعه سبع

ام تركي: ادري بس بروح اساعد مرت خالك وبناتها

تركي: المهم يما تعرفين مشعل رفيجي

ام تركي طالعته باستغراب: ئي من وقفته معانا بالمستشفى وقعداته عندك مبين خوش ولد ومحترم ليش تسأل؟؟

تركي ابتسم: امس قالي انه بيي مع اهله الخميس عشان يخطبون
ام تركي ابتسمت: وانا اقوووول شفيها اختك تخشش عني من الصبح اناديها تقول مشغوله
تركي ضحك: ههههههه عيل ما شفتي شسويت فيها امس هبلت فيها

ام تركي ضحك: ههههههه ما عليك انا اليوم بالليل افاتح ابوك بالموضوع ونسأل عن الولد وإن شاء الله خير

+
+
+
+

بيت ابوجوري
الساعه ست المغرب


عند الرياييل

رائد سلم على اخوه وحضنه: ألف ألف ألف مبروووووووك ياخوي..يوم لفهد إن شاء الله
زياد ضحك: ههههههههههه الله يبارك فيك بس خل اتزوج امه بالاول
تركي ابتسم: كا تزوجتها وخلاص
ضاري غمز له : لا اهو قصده شي ثاني هههههههه
كل الشباب: هههههههههههههههههههههه

ابوجوري ابتسم: اقووول لا تخورونها ولا ترى ماكو شوفه
زياد نط واقف : شكو اناااا

وقتها الكل ضحك على انفعاله وحماسه: ههههههههههههههههههههههههههههههههههههههههههههههههه

رائد ابتسم: الله لهدرجه مستعيل؟!
ابو زياد : اقووول اعقل انت وياه..
رائد كتم ضحكته: إن شاء الله هههههههه

ابوناصر: ومتى تبون العرس إن شاء الله..

زياد ابتسم: تونا خل اسألها واشوف الحجوزات اشلون
ابوجوري وقف: على خير..عيل قوم وانا عمك عشان تشوف مرتك




وعند الحريم

كانوا المعازيم مقتصرين على الاهل ورفيجات البنات والجيران القريبين منهم حيل



والبنات كانوا يرقصون على اغاني الدي جي:

عن جد ولا عن ضحكـ..
لا تكملي ما انصحكـ..
تبي تاخذيني منها..
تذبحني والله و تذبحكـ..

ارجوك انا لو تسمحين..
مابي مشاكل لا تجين..
حتى صداقه مستحيل..
احسن لنا لو تبعدين..


قطع عليهم صوت ام جوري اللي يت ووقفت عند بنتها: يلا يما قومي بندخلج على ريلج
جوري حست بطنها بدا يمغصها وهي تتخيل ردة فعله لو شافها: آ آ إن شاء الله

جنا بضحك: هههههههه قووومي يلااا ولا تستحين ترى عادي
جوري توترت زياده وحمر ويهها: .......
جنا وفلا وساره: هههههههههههههههههههه

ام زياد ضحكت معاهم ويت ساعدت جوري تقوم ودخلوها اهي وام جوري على زياد اللي لبسها الشبكه وصور معاها ومع امه وخواته وعمته وبعدين طلعوا وتركوهم براحتهم



زياد بهمس وهو ماسك ايدها بين ايدينه ويبوسها: تدرين انج طالعه قمر..مو قمر..الا احلى من القمر نفسه
جوري حمر ويهها من الحيا ونزلت راسها

وزياد ذاب على حركتها وقرب منها ورفع ويهها بأصبعه وأودع قبله حاره على شفايفها

+
+
+
+

إيطاليا
روما
نفس الوقت


انفتح باب الشقه ورد نواف من النادي: السلام

مازن ابتسم: وعليكم السلام

نواف: شنو مو قلت طيارتك خمس راح الوقت عليك

مازن ابتسم: تأخرت الرحله ثلاث ساعات

نواف طالع ساعته: ثلاث ساعات والحين سبع يعني باقي ساعه..

مازن ابتسم: ئي

نواف ابتسم: خلااص عيل اخذ شاور سريع واوصلك

مازن ابتسم: لا يبه انت توك راد تعبان..اخذ تاكسي عادي

نواف بهدوء: افا يامازن الحين انا اخوك وحبيبك تقول تاخذ تاكسي(وقرب منها وشد على جتفه)انا ما انسى اللي وقف معاي ياخوووي
مازن ابتسم وقام لرفيجه وحضنه بعناق اخوي جميل: الله لا يفرقنا إن شاء الله..

نواف ابتسم وبعد عنه وهو يضحك: ههههههه سوري اقرفتك بالعرق

مازن دش وراه الغرفه واهو يضحك: هههههههههه تمووووون..

نواف ضحك ودش الحمام ياخذ شاوووور
اما مازن اخذ له مجله من الدرج وقعد يقرا فيها


+
+
+
+

انتهى البارت
يتبع..


الرد باقتباس
إضافة رد

رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية ، كاملة

الوسوم
رهنت , رواية , شوقي , وبايع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
مقتطفات من السيرة النبوية الشريفة ahmadh حياة - صفات - أخلاق - أقوال - رسول الأمة 7 09-11-2007 02:59 PM

الساعة الآن +3: 02:39 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1