غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 21-07-2011, 07:40 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقه السابعه عشره

غدى كل شي في وجهي من اثار الغلا /مفضوح
تشوف الهم في عيوني /وشوقي والغلا فضاح
تعال اسمع صدى صوتي من فراقك غدى مذبوح
تعال ولملم جروحي وناظر ما بقى وانسااااااااااح
انا مثل الغريق اللي تعلق في بقايا لووووووح
يقاوم ما تلاعب به من امواج البحر وريااااااااح



بيت ابوناصر
بجناح ناصر
الساعه 1‎ ‎‏ الفير
وبعد يوم متعب وحافل بالملجه



جنا لبست قميص نوم فوشي علاق وظهره عاري كله وقصير للركبه..حطت عطرها وكريماتها وكانت تسرح شعرها لما دخل عليها ناصر من الصاله: خلص الفلم؟؟

ناصر ابتسم وهو يوقف وراها ويحضنها لصدره ويبوس اذنها: لا بس حسيت اني مشتاقلج
جنا لفت عليه وهي مستحيه: خلاص تعال نطالعه انا وانت
ناصر طالعها من فوق لتحت بنظرة خبث: لا نعست بناام
جنا توهقت ولفت بتطلع: اممم انت نام انا بروح اس..
ناصر قاطعها وهو يلفها له ويشيلها على ايدينه: لا ياقلبييييي بدونج ما اقدر انام

جنا بحيا وهي بين ايدينه..حطت ايدها على صدره: بس انا حامل و

ناصر وهو ينزلها عالسرير ويبتسم: ادري انج حامل بحمودي حبيبي بس ماكو مفر لاتحاولين

جنا تقاوم لمسات ناصر وحرارة انفاسه: بسسسس...

وما قدرت تكملهااااااااا

+
+
+
+

بيت ابوزياد
نفس الوقت

بغرفة ساره

كانت سهرانه تكلم رفيجاتها عالمسن

ساره: اثيرووووه ما قلتيلي شرايج ببيتنا

اثير بحماس: اووووووف رايي من اول مره ادخله روووووعه شويه عليه..

ساره كتبت وهي تضحك: هههههههههههههه شفتي اشلون وانا طول الوقت اقولج تعالي عندي وانتي عندي كويز..طالعه مع امي..بروح الصالون

اثير ضحكت: ههههههه اووف اوف كل هذا بقلبج ولا تقولين لي هههههههه

ساره ابتسمت: شسوي يعني انتي تدرين اني ما اصادق اي بنت بسهوله وانتي الوحيده اللي وثقت فيج من بنات الجامعه
وكله اعزمج وترديني ياللئيمه

اثير ابتسمت وبنفس الوقت ضحكت: ههههههههه حرام عليج انا مو لئيمه بس تدرين بوجهة نظر امي وقايلتها لج من قبل..

ساره قاطعتها: ادري..رفيجتي تشوفينها برا بيتها مو عند اخوانها..اووووف حفظتها

اثير ضحكت: هههههههههه شسوي عاد هذي امي وهذا تفكيرها..

ساره ابتسمت: المهم ثوثو باجر جنو بتروح الشاليه مع ريلها
اثير ابتسمت: صج اليوم قالت لي انها حامل عشان جذي ما رقصت..والله فرحت لها وانصدمت بنفس الوقت..بس صج صج الله يهنينهم بس ليش يعني انتي تبين تروحين معاهم هههههههههههههههه
ساره ضحكت: ههههههه لا شقالولج عذوووووووول..شسوي رايحه بين ريال ومرته..وانا عزوبيه برئيه
اثير ماتت من الضحك: هههههههه اما برئيه كثري منهاا هههههههههههههه
ساره: ويعه ههههههههههههههه باااي يلا بنااااااااام
اثير: برررررب...باي
ساره: بررررررب
وحطت اوف لاين وصكت لابها وطلعت لاخوانها

دشت على رائد وكان منسدح على سريره بجينز ويطقطق عالاب

ساره: قاعد؟؟
رائد سكر شاشته: نعمممممم
ساره شكت فيه وسيده نطت عنده عالسرير: جكيتك..ليش اول ما ييت سيدته

رائد ضحك وهو يدز راسها: هههههه مالج شغل وطلعي برا يلاا

ساره بعناد وهي تعدل شعرها : هههههه ماااابي بشووووف
ونطت عليه وخذت الاب توب بتفتح الشاشه

رائد دزها وخذاه منها: هييييي هييييي انتي شهاللقافه..يعني سيدته مابيج تشوفينه

ساره ما لمحت الا اسم المنتدى ونطت واقفه عالسرير: هـــــــــــــــــــــــئ داش منتدى بناااااااات
رائد توهق وحاول ينكر وغير الصفحه بسرعه: جببببب انتي شنو منتدى بناات من زين سوالفكم عااااد..مواقف الدوره الشهريه وما ادري شنوووو ههههههههههااااااااااااااي

ساره استحت من جرأته وتخصرت : جببببببببببببببب ياااااحمااااااار ياااااوسخ وتقول مو داش منتدى بنااات هاا..اصلا شفته منتدى ك..
رائد قاطعها وهو يسحب ايدها وينزلها عن سريره بقوه : اقووووول نزلي يلاااااااااا

ساره ما مسكت نفسها وزلقت بقووووووووووووه على ظهرها عالارض: اااااااااااااااااااااااح ياحماااااااااااااااار

رائد مات من الضحك على شكلها وانسدح اهو بعد : هههههههههههههههههههههههههههه
شكلج يضحك وانتي طايحه هههههههههه

ساره منقهره منه وقامت وهي تتأوه: اااخ ياظهري انكسر..(وبصراخ)وتضحك بعددد مالت عليك من اخو هذال بدال ما تقوم تساعدني
رائد مو قادر يرد..يضحك وبس: هههههههههههههههههههههههههههههههههههههههههههههههههه ههه
ساره انقهرت منه حيل وراحت خذت الاب وانحاشت فيه: صيدني إذا فيك خييييييييييييير


رائد توه انتبه وقام وراها: هيييييييييي ساروووووووووووو يالمينوووووونه تعالي والله مالي خلقج تعاااااااااااااااااااالي



ساره شافته يركض وراها وطقتها نحشه لغرفة زياد ودرعمت سيده وصكت الباب: زياااد زياااااد تعاااااا فكني من اخوك المينووووون


زياد كان بعالم ثاني مع جوري ولما دشت نقز من الخرعه : هئ..سارووووووووو وعمى صبيتي قلبي
ويا مسكها من طرف بيجامتها ولفها عالباب


ساره ميته ضحك وماسكه الباب بيد لان رائد يطقه من برا والايد الثانيه شايله فيها الاب: ههههههههههههههه صج انك فاضي ما تشوفني قاع اعابل برووووحي

زياد توه ينتبه عالوضع وقاعد يسمع صوت رائد يصارخ من ورا الباب: شمسويه؟؟ وشفيه رائد لاحقج؟؟ وبعدين هذا مو لابه شحقه ماخذته
ساره ضحكت: ههههههه شوي شوي علي..هههههه دشيت عليه وشفته يتصفح منتدى بناااات جان اسرقه واطلع ههههههـ

ومع ضحكتها فلتت الباب ودخل رائد معصب لانه طول عند الباب وصوته راح وعلى طول عطاها طراق قوووووووووي سدحها عالارض: طرااااااااااااااااااااااااااااااااخ
شنووووووو انتي غبيه ما تفهمين ساعه اقولج بطلي وحضرتج تضحكين

زياد ما لحق يفهم شي كل اللي شافه ساره وهي تطيح من قوة الطراق وراسها يا عالارض بحده وطاح الاب فوقها: ..........

ساره كان الزمن واقف بالنسبه لها..ما تصورت الامور توصل جذي..كانت تتغشمر وياه واهو عصب..تأوهت بقوه لما طاحت عالارض ولما يا الاب فوقها: آآآآآآآآآه
دزت الاب بيدها بضعف ورفعت راسها عن الارض وهي تمسح الدم اللي نزل من شفايفها واعلى جبينها..مسكت خدها المورم وطالعته بعتب

رائد توه ينصدم نفسه..اشلون مد ايده على اخته: ..........
زياد دزه بقوه من صدره وهو معصب: ليشششششش تمد ايدك عليهااااا ليشششششششششششش
وتوه رفع ايده بيرد الطراق لاخوه بس ساره قامت بسرعه ووقفت بينهم ومسكت ايده: لاااااااااااااااااااااا

رائد نزل راسه
وزياد انتبه لغلطته وطالع ساره بنظره مصدومه وخايفه بنفس الوقت: توه طاقج وتدافعين عنه
ساره كانت ماسكه راسها لان ألم ظهرها ذبحها من الطيحتين اللي ورا بعض..وخدها المورم والدم اللي نزل من شفايفها وراسها خلا الدنيا تغبش بعيونها: مو مهم

ومشت لحمام اخوها ودشت وردت الباب بقوووووه وفجت المغسله وغسلت ويهها وجروحها بالماي البارد وكانت تطلع منها تأوهات وشهقات بجي مكتومه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 21-07-2011, 07:40 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




اما برا

زياد كان طايحله زف برائد : مرتااااح الحين..مديت ايدك على اختك وكله عشان لاب توب وخرابيط بنااااااات
رائد يحاول يبرر لنفسه: بس انا ما كنت اق..

زياد قاطعه : اصصصصص ولا كلمه مابي اسمع منك شي..اخذ لابك واطلع

رائد راح ورفع الاب توب عن الارض..صكه وقعد عالسرير: ماني طالع الا لما اتطمن عليها
زياد طنشه وراح عند باب الحمام وطقه بهدوء: ساره..
ساره تسمعه بس مو قادره ترد لانه بيحس انها قاعده تبجي وبنفس الوقت تشاهق وتغسل شفتها: ........
زياد بقلق: ساره تسمعيني..بطلي الباب

ساره : ........

زياد ارتبك وخاف يكون صاير لها شي: ترى بدش
فتح الباب وشافها متسنده عالمغسله ومغطسه ويهها كله بالماي البارد وكسرت خاطره راح وسد الماي ورفعها بقوه: سااااااااره
ساره بدون مقدمات طاحت بحضنه ودفنت ويهها بصدره وبجت من قلبها: اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

رائد كان واقف عند عتبة الباب يسمعها وتحسف مليون مره انه طقها
زياد شافه بس طنشه : ساروه رفعي راسج وردي علي..تبين اوديج المستوصف

ساره رفعت راسها ومسحت دموعها وعدلت شعرها المبلل: لااااا ما يحتاج بروح انام..تصبح على خير
مشت بتطلع من الحمام بس رائد مسك ايدها وساره بعدت ايدها وطلعت بدون ما تعطيه فرصه يتكلم

ورائد تضايق وطلع

زياد تنهد وراح رد الباب ورجع لسريره وقط نفسه بقوووه: ااااااااااوف
وانتبه لصوت يمه وشهق لانه توه يتذكر انه جوري للحين عالخط : جووووووري

جوري بخوف وكانت سامعه كل شي صار : زيااااد حبيبي شفيكم شصاير عندك..طاح قلبي وانا اناديك
زياد يهديها: طول بالج حبيبتي ماكو شي..رئووود طق ساروه واهي زعلت منه وانا رضيتها وطرته
جوري عصبت وبنفس الوقت ارتاحت ان زياد ماله شغل بالسالفه: وشحقه يطقهاااااااااااا..شنو ياهل عنده؟؟
زياد ابتسم عليها: وانتي شحقه معصبه مالج شغل فيهم المهم ان ساروه بخير وبسسسسسس ههههههه
جوري تتكلم بحده: قهررررررررني اووووووووف
زياد مات من الضحك: هههههههههههههههههه وانتي شكوووو ههههههههه
جوري ابتسمت: جذي مو اهي بنيه مثلي..
زياد ابتسم بخبث: بس بتصيرين مره بعد شهرين
جوري ولعت خدودها وصكت بويهه وزياد فصل من الضحك


+
+
+
+

انتهى البارت
يلا عآد ابي ردود سنعه وترى فيه احداث
قووووويه بالبارتات الياي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 21-07-2011, 07:41 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية





الدقه الثامنه عشره

السبت
بالشاليه
الساعه 3‎ ‎‏ العصر

طلع ناصر للبحر شايل الكاميرا بيده ولابس برمودا بيج وبلوزه حمرا حفر: جنووو طلعي من الماي

جنا كانت داشه البحر وواصل لركبها وقاعده تلعب بالماي ولابسه برمودا جينز بيج وبلوزه علاق حمرا علاق..رفعته راسها وشافته: مابي بنتسبح..وبعدين شحقه لبست نفسي..(وتخصرت)تقلدني ههههههه

ناصر يقرب منها وموجه عليها الكاميرا ويضحك: كيفي مرتي وألبسج اللي ابيه..وبعدين تعالي شنو اللي بنتسبح؟؟

جنا خذت بيدها ماي ورشته على ويهه: هههههههههه (وحطت ايدها على بطنها)انا وحمودي نتسبح ههههههههههه وبعدين شكو مرتي وألبسج انا اقول انت شحقه لابس نفسي (وطاحت بالماي من الضحك)هههههههههههههههههههههه

ناصر ترك الكاميرا عالرمل تصور ودش وياها الماي واهو يضحك: ههههههههههه(ورفعها عن الماي) اقووول قومي قومي لا تمرضين(وطالع بعيونها)انتي وحمودي هااا
جنا بضحكه وهي تلف ايدينها على رقبته: ئي ههههههههههههههههههه
وبخفه انحنت للماي وخذت بيدها ماي ورشت على ويهه وانحاشت هههههههههههه

ناصر تفأجا بالماي على ويهه: هههههههههه تعااااااالي وين منحاشه انا ارويج هههههههه

وطلع وراها

جنا كانت توها واصله الرمل ومواصله ضحك: هههههههههههـ
ناصر قطع عليها ضحكتها لما مسكها من خصرها من ورا وسدحها عالارض وصار فوقها بالضبط ما بفصل بينهم الا النفس: صدتج

جنا تفأجات لما مسكها : هييييييي نوووونو شوي شوي علي نسيت اني حاااامل
ناصر ابتسم لها وهو يتأمل انعكاس الشمس على صفاء وبياض بشرتها وخدودها الحمر: لاا ما نسيت بس شكلج انتي نسيتي الحركه اللي سويتها
جنا قام قلبها يرقع من نظرته وبدلع: امممم نونو حبيبي ترى حمودي بينا
ناصر ضحك على طريقتها بالهروب: هههههههههه وينه ما اشوفه
جنا طالعت بطنها: هني ببطنـ

وما استوعبت الا وشفايف ناصر على شفايفها يبوسها

جنا توهقت وصارت تقاومه بيدينها وتهز راسها بضعف بس اهو ماسكها عدل
وماخذ راحته لان الكاميرا شغاله واهي لاعت جبدها : ناااااااااااااااااصر خلاااااص..
ودزته عنها وقامت ركض للشاليه وايدها على حلجها

اما ناصر شافها وعرف انها بترجع وطالع الكام : ههههههههه راحت بترجع..شفتوا اشلوووون..(وسكت شوي)شرايكم اروح وراها..(وضحك)ههههههه اكيد بروح وراها كيفي معرس ما صار لي الا اسبوعين وشوي ههههههههههههه

ومسك الكام وصكها وقام

+
+
+
+

بعيادة الاسنان الخاصه بضاري
الساعه 4‎ ‎‏ العصر

رجع راسه عالكرسي بتعب وهو ماسك راسه بيدينه: آآآآآه(ونادى سكرتيره) محمود يامحمود

محمود : ايوه يادكتور عايز حاقه
ضاري رفع راسه: فيه مرضى بعد ولا لأ
محمود: لأ حضرتك..الواد اللي طلع من شويه كان اخر واحد
ضاري وقف: اوكي خلاص تقدر تسكر العياده بعد ما اطلع..ولا تيي بالليل اليوم ما راح ايي خذينا وقت الظهر كله
قال هالكلام وهو يفصخ روبه وياخذ سويجه وفونه ويطلع

محمود صك الباب وراه: حاضر يادكتور دنته بتؤمر


اما ضاري وهو طالع من الاصنصير وحده تعبان..اول ما انفتح الباب كان فيه بنت بتدخل وما انتبه لها

البنت كانت ماسكه خدها وبعدت عنه بعصبيه: اااااي شنو انت عمي ما تشوف..بروحي ضرسي يعورني وحالتي حاله..افففففففففف
وتعدته بتصعد
ضاري ضحك عليها: آسف ما انتبهت لج وبعدين لحظه إذا رايحه فوق ترى العياده سكرت الحين
ومشى عنها
البنت طلعت من الاصنصير بسرعه قبل لا يسكر عليها وراحت وراه: هيييييي انت شدراك ان العياده سكرت
ضاري وقف ورجع لها خطوه وحده وصار ما يفصل بينهم الا صوت النفس بس واشر على صدره بيده: لاني انا صاحبها وهي لليهال بس مو للي كبرج
ولف عنها: سلام..

البنت ظلت واقفه..طاقتها البوهه..معنه فشلها والمفروض تكون مستحيه من تصرفها وقربه منها بس كانت طايره بالهوا: وااااااي زوووووغه..

وطلعت من العماره وهي ناسيه ألم ضرسها


اما ضاري ركب سيارته وحرك ورد على فونه: نعمممممم وانا ما افتك من خواتك تييني انت

رائد بضيق: وينك مريتك البيت ما لقيت سيارتك
ضاري حس بنبرة صوته: خير شفيك انت بعد..صوتك مو عاجبني
رائد بدون نفس: ناطرك..
وصك بويهه

ضاري يطالع فونه: والله لاقيني ملطشه لهم..بس يمونون عيال اختي ههههههه

+
+
+
+


بيت ابوزياد
نفس الوقت


بالحديقه وعند المسبح كانوا جوري وساره قاعدين يسولفون ويغيرون جو(طبعا جوري من الصبح عندهم على اساس زياد عازمها عالغدا)


جوري تقرب منها وتشيل عنها النظاره: ياختي شيلي نظارتج مغطيه نص ويهج..ماحب اسولف مع احد مغطي عيونه عني

ساره حطت ايدها على خدها صوب شفتها اللي كانت مورمه شوي وفيه بلاستر على جبينها من فوق: يوووه سارووووه والله مالي خلق..عطيني النظاره

جوري ضحكت: ههههههههه منووو ساروووه..تحاجين نفسج انتي ههههههههه ترى انا جوري وانتي ساروووه هههههههه

ساره غصب عنها ضحكت: ههههههههههههههه


جوري بضحك : الظاهر الطيحه اثرت بمخج ههههههههههه
ساره ابتسمت: اقووول جب جب تدرين اني مواعده اثيروه اشوفها اليوم بس دقت واعتذرت تقول ضرسها يعورها..


جوري ابتسمت: الله يحبج..لو انها يت جان توهقتي انتي مع ويهج هذا ههههههه
ساره مسكت فونها البلاك بيري تطقطق فيه: اخذي راحتج بالشماته..بييلج يوم وامسكج فيه عدل
جوري ضحكت وهي توقف: هههههههه جبببببببببببببي بروح اشوف زيوووود حبيبي

ساره ضحكت : هههههه روحي له عند تلقينه يتسبح

جوري راحت للمسبح وساره لهت تسولف مع خالها بالبي بي


كل مآ بآركت لعروسهـ وقالت لي (عقباآلكـ ) ..!يرتسم في بآلي خيآلهـ =$
كآشخ بدشدآشتهـ وغترتهـ ..(ساره): اهو قالك؟؟

خشف المزايين(ضاري): عندي..


كل مآ بآركت لعروسهـ وقالت لي (عقباآلكـ ) ..!يرتسم في بآلي خيآلهـ =$
كآشخ بدشدآشتهـ وغترتهـ ..(ساره): والمطلوب؟؟

خشف المزايين(ضاري): سامحيه!! ادري انه يصير احيانا غبي بس مهما كان هذا أخوج

كل مآ بآركت لعروسهـ وقالت لي (عقباآلكـ ) ..!يرتسم في بآلي خيآلهـ =$
كآشخ بدشدآشتهـ وغترتهـ ..(ساره): مو زعلانه..بس ماخذه بخاطري..يعني ما كان يستاهل هالطق.

خشف المزايين(ضاري): يبه والله زفيته ولعنت خيرينه..خلاص عاد

كل مآ بآركت لعروسهـ وقالت لي (عقباآلكـ ) ..!يرتسم في بآلي خيآلهـ =$
كآشخ بدشدآشتهـ وغترتهـ ..(ساره)شوف بدز لك صورتي..

دقايق ووصلت له الصوره
خشف المزايين(ضاري بصدمه): اووووف كل هذا من طراق رئوووود بس ماعليه اكيد المزيون اللي كاشخ بداشدشه وغتره بينسيج رئوووود وامه وابوه ههههههههه

كل مآ بآركت لعروسهـ وقالت لي (عقباآلكـ ) ..!يرتسم في بآلي خيآلهـ =$
كآشخ بدشدآشتهـ وغترتهـ ..(ساره ابتسمت لانه حست انه بيخفف عنها) : لا بس عشان طحت على ويهي وصارت الطقه قويه شوي..وفيس مبتسم

خشف المزايين(ضاري):والحين اشلون ترى كاهو يمي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 21-07-2011, 07:42 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




خشف المزايين(ضاري):والحين اشلون ترى كاهو يمي

كل مآ بآركت لعروسهـ وقالت لي (عقباآلكـ ) ..!يرتسم في بآلي خيآلهـ =$
كآشخ بدشدآشتهـ وغترتهـ ..: قوله ايي البيت


خشف المزايين: اووووكي باااااي

ساره ابتسمت وتركت فونها وصدت بنظرها عالمسبح وبالتحديد لما كان زياد يتسبح وجوري قاعده على اطراف المسبح تضحك على حركاته وراحت بخيالها بعييييييد


+
+
+
+

نرجع لأبطالنا ونشوفهم بالشاليه
الساعه 8‎‏ بالليل

بالمطبخ

جنا دشت وهي تتمايل بتنورتها السودا القصيره وايد لفوق الفخذ مع كعبها الوردي الطويل والبدي الوردي الحرير الكت..وراحت للثلاجه وهي تغني وشعرها الاسود يتحرك معاها:
ما عود له لو يعتذر
عن اللي سوااااااااه
لقضي أنا بااااااااااقي
العمر دونه وبلايه

لقت عصير برتقال وخذت لها كاس حلو وصبت فيه وكملت

من جرب جروح الهجر
منها يتعلم
ويلاه ويلاه و


قطع عليها صوت ناصر اللي واقف عند باب المطبخ..متسند عليه ومجتف ايدينه على قميصه البينك المفتوح واللي يكشف عن عضلات صدر متناسقه: منو هذا اللي ما ترجعين له

جنا طالعت فيه وضحكت: ههههههههههههه نوونو هذا انت خرعتني..متى قعدت من النوووووم

ناصر ابتسم وقرب منها وخذا منها العصير وحطه عالطاوله وقزها من فوق لتحت: شحقه لابسه كعب

جنا ابتسمت بدلع وهي تلعب بأزارير قميصه: اممممم عاتي نوونو احنا بروحناااا هني وانا بستانس وباخذ راحتي

ناصر كتم ابتسامته على حياها وحركتها: وراحتي اناا

جنا بعدت عنه ونزلت عالارض وتربعت وصارت تفصخ الكعب: افففف كل هذا عشان الكعب خلاص بفصخـ..(ورفعت عيونها له وشافته مركز عيونه بمكان معين..وطالعت نفسها واستوعبت ان تنورتها قصيره وما تغطي شي وقامت بسرعه وهي لابسه فرده وحده): هــــــــــى

ناصر اول ما شاف حركتها مات من الضحك قعد عالطاوله : هههههههههههههههههههههههه
شفيج ترى عادي..لابسه وردي خخخخخخ..اصلا لابسه ولا مو لابسه انا شايفج هههههههههههههههههههههههههههه

جنا استحت لانه ضحك عليها وانقهرت من تعليقه وبسرعه قربت منه وهي تقط كعبها الثاني عالارض ومسكت العصير وصبته على راسه وهي تضحك: نووووووووونو
هههههههههههههههههههه

ناصر شهق من برودة العصير: هــــــــئ
(وسبحها بسرعه قبل لا تنحاش وطاحت على صدره) هيييييييين اوريج

جنا كانت بتنحاش بس ما قدرت: هههههـ..هئ هدني هدني

ناصر يحرك حواجبه بخبث: تؤ تؤ تؤ آسف مو قبل ما تلحسين كل العصير اللي صبيته

جنا حمر ويهها وشهقت: شنوووووووووو

ناصر يطالع بعيونها: اللي سمعتيه..

جنا توهقت: اممم نونو انا حامل

ناصر ضحك: ههههههه ترى والله ادري انج حامل قلتيها مليون مره اليوم لاعت جبدي

جنا طلعت عيونها: شنووووووووووووووووووووووو

ناصر مات من الضحك على شكلها: ههههههههههههههههههههههههههههههههههههههههاااااي

جنا انقهرت منه وحاولت تقوم عنه: وخرررررررررررررر عني بتوصخ ملابسي بعصيرك..

ناصر بخبث : آسف..العصير هذا انتي اللي وصختيني فيه
جنا تحاول: نوووووونو
ناصر ضحك: هههههه لاتحاولين ماراح اهدج

جنا طالعت بعيونه: اوك
ناصر طالعها بدهشه انها وافقت: .......
جنا ابتسمت بخبث وقربت من ويهه ومدت لسانها لخده وأوهمته انها بتلحسه بس عضته حيللللل وانحاشت: خيرها بغيرهااااااا هههههههههههههههههههههههههههههااااااي

ناصر مسك خده وقام يركض وراها: حماااااااااااااااااااااااااااااااااااااااااااااااا ااااااااااره


جنا واقفه بوسط الصاله..دزت له بوسه بالهوا: نووووووونو آمووووووووووواه ههههههههههههههههههههه
وصعدت الدري وهي مستانسه وتناطط

اما ناصر ضحك عليها معنه العضه تعوووور وصعد وراها..دش الغرفه وسمع صوتها بالحمام وكانت مندمجه تجهز البانيووووو بالصابون والماي وتغني:
اجمل إحساس بالكون
إنك تعشق بجنووووون
وده حالي معااااااااااااك
خلتني اعيش أياااااااااااااام
مليانة بشووووق وغراام
دوبني هوااااااااااااااااااااك



ناصر دخل الحمام وهو يسمعها ويفصخ قميصه الوصخ ويقطه بسلة الغسيل ويبتسم..قرب منها ومسكها من خصرها وغطسها بالبانيو ببراءه وكمل: عشقااااااك بجنوووون..روحي اناااا..قلبي المفتوووون كله منى..وياااك بيعيش احلى هنا..حبيبي انا..ياروووووحي اناا..(وضحك)هههههههههههه

جنا طلعت من البانيو وويهها وشعرهاا كله صابون ورغوه وماي وبقهر دزته من صدره: انقلعععععععععععععععععع
هذا وانا قاعد اجهزه لك
ناصر ضحك على شكلها وهي منقهره: هههههههههههههههههههههههههههههه شكلج حلو وانتي معصبه بس وحده بوحده

جنا بقهر: تراك دبقت بالعصير..تسبح احسنننننننننن
وتعدته بتمشي
ناصر ضحك وهو يمسكها من خصرها ويقربها من صدره: ههههههه انزين بتسبح بسسسسس
جنا بملل: افففففففففف بس شنوووو
ناصر يطالعها: اتسبحين معااااي
جنا طارت عيونها من الدهشه وويهها قلب ألوووووان اصفر على احمر على اخضر: .................

اما ناصر ابتسم وسبحها له وما لقت جنا مفر من الاعتراض او الهرووووووووووب


+
+
+
+

انتهى البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 21-07-2011, 07:43 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقة التاسعه عشره

حط نفسكـ في مكاااآني
كيـف اتحمل زماااااااااااني
جرررررب إحسااااسكــ
عشااااااااااني..قووووول
والبآآآآآآآآآقي علينااااااااااا



إيطاليا
روما
الساعه 2‎ ‎‏ الظهر


طلع نواف من الجامعه بعد ما انهى اخر محاضره له وهو متضايق..مقهور حيل..مال من نفسه..من ليلة امس لما وصل مازن المطار ودار بينهم هالحوار قبل ما يطلعون من الشقه



نواف وهو طالع من الحمام ماخذ شاور ولاف الفوطه على خصره: منو اللي داق؟؟

مازن ابتسم: مشيعل يعني منوو؟؟ وصج ترى يسلم عليك

نواف ابتسم وهو رايح يفتح الكبت: الله يسلمه..شخباره اهو؟؟
مازن : ما عليه..يكلمني من ملجة زياد

نواف التفت له وبيده القميص اللي بيلبسه: اخو ج..

مازن قاطعه: ئي.

نواف حاول يبين الامباالاه ورجع للحمام يلبس: اها..واشلون العرس؟؟

مازن: مو عرس..ملجه..صج تعال قالي ان ناصر بيصير ابو..يعني خلاص انسااااه وللآبد

نواف حس بقهر لما سمع كلمته..حمد ربه انه بالحمام عشان مازن ما يشوف ردة فعله واهو اللي اوهمه بنسيانها..شد ايده بقوووه من العصبيه وعيونه ولعت جمر ورفس الطوفه بريله: آآآآآه يالقهر..حااااامل ياجنااا..حاااااامل وانتي ما صار لج الا اسبوعين وشوي..(وشد شعره بقوه كأنه بيقطعه)يااااااارب ياااااااااااااارب


مازن شك بالوضع لما سكت نواف: اقوووول نووويف خلصنا ما بقى شي عالطياره

نواف اخذ نفسه وطلع وهو يتحاشى يطالع بويه مازن..اخذ سويجه وطلعوا ووداه المطار



انقطعت الذكرى عند نواف وهو يطلق تنهيدة عميقه ويوقف عند نافورة التريفي المشهوره

يادنيا الهم يكفيني
وربي ضاعت سنيني
آحاكي نفسي وآتآلم
آآآه متى ظناااي يجيني


نواف رفع عيونه للسما: آآآآآآآهـ ياجنا ليش مو قادر انساج ليشششششش..حتى ما عندي شي يذكرني فيج
(ولمعت براسه هالجمله)
ما عندي شي يذكرني فيج
ما عندي شي يذكرني فيج
ما عندي شي يذكرني فيج

مسك كتبه بقووووه وملامح ويهه تتغير للنزعه الشريره بداخله وبداخل إي إنسان حس بالخطر على املاكه: لازم يكون عندي شي يذكرني فيج جنااا لااااااازم بس اشلوووون اشلووووون



وبدت افكاره تاخذه لبعيييييييييييد

>> الله يستر منك يانواف


+
+
+
+


مرت بعدها ثلاث شهور خلالها


تزوجوا زياد والجوري وسافروا شهر العسل لباريس ورجعوا بعد شهر كااااامل

جنا صارت ببداية الرابع بحملها وطلعت قرون لناصر بشهورها الاولى..ما خلته يقرب لها واي شي تشتهيه تخليه يروح ييبه لو بنص الليل..ومرات كانت تروح تقعد عند اهلها يومين ثلاث لان ناصر سفراته صارت وايده بعد ما خلصت اجازته


ساره خلصت ثالث سنه بالجامعه وبقى لها كورس التخرج اهي واثير رفيجتها


مشعل خطب فلا ووافقت عليه وملجوا بحفلة عائليه بسيطه مختصره عالآهل وعرسهم اتفقوا انه بعد 4شهور


ضاري ورائد ماكو جديد بحياتهم غير شغلهم وطلعاتهم

اما نواف خلص اول كورس له بروما ورجع بعطلة الربيع وهو ناوي على نيه..






>>نرد للقصه




مجمع الافنيوز
الساعه 7 المغرب


ساره مع اثير يتمشون فوق صوب المطاعم: شرايج نقعد بماكي

اثير: لااااا وعععع ما احبه

ساره ضحكت: هههههههه ما عليج ذوقيه عشاني هالمره
واختارت له طاوله حلوه بمطعم ماكي وقعدت
اثير ابتسمت وقعدت معاها: يلا عشانج هالمره..
ساره خذت المنيو: عيل بطلب لج على ذوقي
اثير تطالع ساعتها رولكس ذهبيه: بس مو جنه تو الناس الساعه سبع
ساره وهي منزله راسها بالمنيو: اممم عادي علما نطلب وناكل صارت ثمان وبعدين احسن عشان ننزل نتمشى

اثير ضحكت: نهضم قصدج

اثير وساره: ههههههههههههههههههههههههههه

اثير: صج وين بتطبقين؟؟

ساره تفكر: ما ادري..إدارة إعمال يعني وين؟؟ يابنوك ياشركات بس بسأل اخواني بالاول..تدرين هذا تخرج ولازم اختار مكان واثقه منه..وانتي؟؟

اثير حطت ايدها على خدها: ادب انجليزي وين يعني اكيد مدراس..آآآه بس لو اني ماخذه طب اسنان عشان اشوف

ساره ضحكت: هههههه ليش يعني عشان تشوفين اللي خذا عقلج عند العماره

اثير بحالميه: آآآآه بس اهو خذا عقلي وقلبي وروحي وكلي و

ساره قاطعتها: بسسسس بسسس بسسسسس كل هذا عشان واحد شفتيه مره وحده وبالصدفه

اثير ابتسمت: ما سمعتي بالحب من اول نظره
ساره ضحكت: هههههه امبلا بس لا تقولين ان اللي تقولين عنه حب من اول نظره لانج ما تعرفينه واهو ما يدري عن هوا دارج هههههههههههههه
اثير بقهر: جببببببب..الشرهه علي اني اقولج عن اللي بقلبي
ساره حطت ايدها على حلجها: ههههههههه لا لااااااااا خلاص بسكت

اثير طنشتها وطلعت فونها البلاك بيري تستقبل وتدز بلوتوثات


+
+
+
+

بيت ابوزياد
بجناح زياد الجديد
نفس الوقت


الجوري كانت توها راده من الصالون ودشت تاخذ شاور حااار ينعشها


دخل زياد الجناح وكان توه راد من المسيد: جوري..حبيبتي..جووووووووري

جوري من تحت الدش: كاني حبيبي..بالحمام

زياد ابتسم وفصخ غترته وعقاله وقعد على طرف السرير..دخل اصابعه بشعره وحركه شوي وبعدين وقف وفصخ دشداشته وقطها وراح صوب الجلسات الحمرا اللي صوب البلازما وقعد يفرفر بالقنوات


دقايق وطلعت الجوري من الحمام وهي لابسه روبها ولافه شعرها بفوطه..

الجوري بحيا: انت هني؟؟

زياد طالعها وابتسم: ما سمعتني وانا اناديج؟؟
الجوري ابتسمت: امبلا بس عبالي طلعت..وبعدين شحقه عافس ملابسك جذي

زياد عرف انها تقصد دشداشته اللس قطها بصوب والغتره والعقال وضحك: ههههههه والله جذي مالي خلق..رتبيهم انتي؟؟

الجوري ضحكت وهي تروح صوب ملابسه وتشيلهم : ههههههههههههه اول مره ادري انك كسووووول

زياد ابتسم: حرام عليج تدرين اني اتعب بشغل الوزاره الصبح

الجوري قربت منه وهي رافعه حاجبها وصار ويهها مقابل ويهه: حبيبي انته..تراك مو وزير التربيه عشان تتعب..انته موظف بالتعيين يعني قاعد ورى مكتبك وتخلص معاملات

زياد حس انها تتطنز عليه وطالعها من فوق لتحت بنظرة تحدي: مو جنج تتطنزين؟؟

الجوري ضحكت وهي تلف عنه لكبتها بتطلع ملابسها: ههههههههههههه لا ابد اقولك بسسسسسس

زياد وقف وراح وراها وسحب خيط الروب: تعااالي

الجوري شهقت لانها كانت صاده عنه: هـــــــــئ

زياد ما عطاها ويه واندمج يبوس ويهها وشفايفها بس قطع عليهم دقة الباب

الجوري متوهقه: زيااد الباب

زياد سمع بس طنش..بعد عنها وهو مقهووووور: ألعنننننننن ابو..

الجوري حطت ايدها على حلجه وهي تضحك: هههههههه هيييي عمتي اللي تدق

زياد مسك ضحكته غصب وراح يفتح الباب واهو معصب: دشي انتييييييييييييي

الجوري ضحكت وهي تاخذ نفنوفها الابيض المشجر بأحمر واسود : ههههههه بدش ألبسسسسسسسس..بااي حبيبي

ودشت الحمام وزياد تحمحم وبطل الباب: هلااااا يمااااا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 21-07-2011, 07:43 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ام زياد : هووو وينك يمه ساعه ادق الباب؟؟>>سؤال بايخ مووو ههههه

زياد يرقع: ها..ئي كنت ابدل..ليش يما تبين شي..حياااج حيااااج

ام زياد ابتسمت: لااا يمه بروح اقول للخدامه تسوي العشى بس بسألك اختك متى قالتلك بتيي

زياد ابتسم: منووو سارووو انا قايلها قبل الاحدعش اهي هني لا تخافين عليها

ام زياد : زين عيل انزل انت ومرتك قعدوا معانا

زياد ابتسم: إن شاء الله يماا شوي وننزل

صك الباب والتفت لجوري وكانت قاعده تحط مكياج: لبستي؟؟

الجوري ضحكت وهي ماسكه البلاشر الاحمر: هههههههه ئي يعني تبيني اقعد مفصخه مثلا
زياد عرف انه خبص: لا يعني بسسسسس........
الجوري عرفت انه توهق وماتت من الضحك: هههههههههههههههههههه

زياد رجع يفرفر قنوات: اقووول خلصي بس عشان ننزل لآمي وابوي

الجوري ابتسمت وكلمت مكياجها الناعم..رشت عطرها ونزلت مع زياد بعد ما لبس بيجامة بيت


+
+
+
+

بوحده من مقاهي السالميه
الساعه 9

مشعل: تصدق اشتقنالك..
نواف ضحك: ههههههه هذا واهو كورس واحد بس ما طافت سنه
مازن ضحك: ماعليك منه يشلخ..كنا مرتاحين منك
الثلاثه: ههههههههههههههههههههههههههههه
نواف بجديه: مازن..لو خطبت منك تردني

مازن طالع بعيونه: افاا عليك يانواف..ما عاش من يرد حبيبي واخوي بس

مشعل كمل عنه: بس لازم نتأكد انك نسيت جنا..يعني مو حلوه تاخذ اخته وانت بالك مع وحده ثانيه

مازن سكت بانتظار رد نواف: .........

نواف بهدوء: وزواجي من غيرها اكبر دليل اني نسيتها..مو تقولون انها حامل الحين..يعني لو بقعد انطرها العمر كله ما راح استفيد شي..وبعدين انا بالغربه باقي لي سنتين ويمكن استقر هناك إذا عجبني الوضع ومابي اقعد بروحي..ابي اخذ مرتي واسافر..عالاقل ارد البيت وانا مرتاح وألقى اكلي جاهز ومكاني نظيف..

مازن بجديه: شوف نواف..صج انت رفيجي واخوي واعرفك من الثانويه ويشرفني انك تكون نسيبي بعد بس اسمحلي يعني ما اقدر اعطيك اختي الا بوعد منك انك ما تظلمها بحبك لجنا

نواف: قتلك نسيتها..وعشان تصدق انا مستعد من باجر اييب اهلي يخطبون

مشعل: بس انته بتسافر بعد اسبوعين؟؟
ليش تخطب البنيه الحين وتعلقها؟؟ انطر لين ترد

نواف: ما تسمعني اقول ابي اخذ مرتي وياي

مازن : لا تقول انك بتتزوج خلال هالاسبوعين

نواف (عشان يصير اللي ابيه): انته شاور ابوك واختك وردلي خبر لان ما عندي وقت..

مازن ابتسم: على خير الليله افاتح ابوي واقولك

مشعل بغمزه: ما تبي تعرف اسم مرتك؟؟

مازن ضحك: هههههههه لا تقعد تنغز بالحجي..اكبر وحده رنا عمرها عشرين

مشعل ابتسم: زين تناسبك..

نواف ابتسم لهم وسكت(رنا مكان جنا): .................


+
+
+
+

بيت ضاري
الساعه 9:30


ضاري فتح الباب وشاف جنا: اوووه هذا انتي هلااااا وغلا بالحامل والمحمول هههههههههه

جنا دشت وهي لامه شفايفها : هلاااااااا

ضاري يلتفت: وينه ناصر؟؟ وبعدين شحقه رافعه خشمج

جنا واقفه عند الباب ومتجتفه: بيساااافر بااااجر..اففففففففف

ضاري ضحك وعرف انها زعلانه لانه بيسافر ويتركها: هههههههه حياااج حياااااااااااج

جنا مشت بملل وقعدت على القنفه وحطت ايدها على خدها: اففففف يعني لازم اهو الكابتن..ماكو غيره يدزونه..افففففف ترى والله زهقت..بالشهر يسافر مرتين ثلاث وانا قاعده

ضاري يضحك عليها وهي تتحلطم: هههههههه والله من ايدج محد قالج احملي هالوقت
جنا قطت عليه مخده: انقلللللللع اصلا انا الحين بالرابع يعني عادي اسافر اهوو اللي ما ادري اشلون يفكر اففففففف
ضاري ابتسم: هذا يزاته انه خايف عليج وعاللي ببطنج..
جناااا بملل: اففففففففففف
ضاري ضحك وطلع فونه ودق على ناصر: ههههههه آلووووو
ناصر ابتسم: هلا ضاري..بسم الله شفيك تضحك
ضاري منسدح ضحك: ههههههه والله ما ادري عن مرتك..زعلانه تقول ليش يسافر مرتين بالشهر وهي قاعده..
ناصر ضحك: هههههههههههه فديتها والله
ضاري ابتسم: اقووول لا تقعد تغازل..قولي وين بتروح؟؟
ناصر ابتسم: موسكو
ضاري بصدمه: الله..روسيا مره وحده..عيل بتطول
ناصر: امممم شوف اهو روحه رده يومين وبنقعد هناك يوم يعني ثلاث ايام بالكثير

ضاري: اهاا..زين عيل مع السلامه وديربالك على نفسك
ناصر ضحك: جنك امي..ههههههه
ضاري:خراا عليك ههههههههههه
ناصر ضحك وصك منه وضاري التفت لجنا: يقول ثلاث ايام بالكثير ويرد
جنا ابتسمت: ادري قالي..
ضاري يضغطها: وإن شاء الله بتقعدين عندي كل هالمده
جنا تخصرت: وين اروح يعني؟؟ اخر مره رحت بيت ابوي وهالمره عندك..
ضاري تخصر مثلها وصار يقلدها: جان قعدتي ببيت ريلج محد طاردج
جنا كتمت ضحكتها على شكله: والله بيت ريلي فيه خالي وطول وقته يا بالشغل ياطالع الديوانيه وخالتي تروح قعدات الحريم الضحى والعصر وانا اقعد بروووحي يعني..وبعدين انت مالك شغل ولا تقلدني
ضاري ينعم صوته: لا بقلدج مو هذا بيتي

جنا زهقت منه: اوووووووووهوو ضاري ترى وربي افلعك الحين

ضاري ما قدر يسكت اكثر وزهق من الضحك: هههههههههههههههههههههههههههههه


جنا ابتسمت وقامت قعدت تعدل شكلها بالمرايه الكبيره اللي عند الاستقبال..كانت لابسه بنطلون سكني ازرق فاتح مع توب ابيض ساده لنص الفخذ وازاريره سوده وانيقه..وحركت شعرها بيدينها: تعشيت؟؟

ضاري طالعها وابتسم ورجع يطالع التلفزيون: ئي..

جنا لفت عليه بشهقه: هــئ..يامال الشقاااق
إن شااااء الله وليش ما نطرتني اتعشى معااااك
ضاري ضحك: شقااااق يشق كرشتج ياحماااااره..ههههههههه وبعدين ساحر انا عشان ادري انج بتيين الحين..جان دقيتي

جنا بقهر وهي متجه صوب المطبخ: هيييييييييييييييييييييين ياضاري يصير خيييييييير


ضاري ضحك عليها ورجع يطالع التلفزيون ونساااااها


اما جنا بالمطبخ

دخلت سيده للثلاجه واول ما فتحتها شافت اجبان منوعه(فيتا..وشرايح..وموزوريلا)ومرتديلا نوعين لحم ودجاج وفواكه(تفاح وبرتقال وموز وعنب اسود) وفجت عيونها بدهشه: بسسسسسسسس ثلاجه شطولها شعرضها ما فيها الا اجبان وفواكه ومرتديلا..لا بيض لا طماط لا خيار لا خس لا زيتون ولا كيك..صج عزوبي..مالت عليك من خااااال..هههههههه

ضحكت بخبث ويابت صينية مدوره كبيره وصحون سيراميك مربعه وطلعت كل الاجبان والمرتديلا والفواكه..ووزعتهم بطريقتها الخاصه

جنا تحاجي روحها: هين ياضاري إذا ما اخليك تنجلط ما اكون جناا ههههههه..امممم باقي التوست والخبز والشاي هههههههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 21-07-2011, 07:44 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية





راحت للسلة اللي يحط فيها الصمون والتوست والخبز وطلعت كيس توست كامل وكيس خبز وكيس صمون فرنسي الطوال..حمصتهم بالتويسر وسخنت الخبز بالميكرويف وجهزت مطارة شاااااااي


وشالت الصينيه بابتسامه خبيثه: اووووب ثقيله..بس ما عليه عادي المهم يقعد ضروووي على بساط الفقر الليله ههههههه

مشت للصاله وهي تغني وتبتسم :
عذروب خلي حسنه الفتان
عذروب خلي حسنه الفتان
يازين خلي ومحلى عذروبه



وصلت للصاله وتعمدت تقعد عالارض جدام التلفزيون عشان يشوفها ضاري وطالعته ببرود : إذا تبي تاكل تعاااال


ضاري فج عيونه بصدمه من كثر الاكل اللي يابته وقام لها وبيده خداديه: شنووووو هذا؟؟ كل هالاكل بتاكلينه بروحج؟؟ اعنبو دارج هذا اتريق واتغدى واتعشى فيه اسبوعين..

طقها بالخداديه على راسها وراح للمطبخ يشوف الثلاجه

جنا بعدت الخداديه وهي تضحك عليه وعدلت شعرها وكملت اكلها بكل برود: ههههههههههههههههههه تعاااال تعشى إذا تبي



ضاري رجع لها وهو مقهور: يامال الشقاااااااق قولي آميييييين..الله ياخذج كل هذا تاكلينه بروحج..مفضيه الثلاااااااااااااااجه عشان عشااااج بسسسسسس..وبعدين شنووو هذا؟؟ ليش كل انواع الجبن؟؟ وليش نوعين مرتديلا؟؟ وشنو هالخبز والتوست والصمون..بالوعه انتي بالوعه انا اعرف الناس ياكلون خبزه او صمونتين او توست محمص وانتي تاكلينهم مع بعض..لا ومسويه مطارة شاااااي لج بروووحج

جنا ميته من الضحك على شكله: ههههههههه
شفيك خالو اذكر الله لا تصكني بعيييييين..انا اكل عني وعن اللي ببطني..وبعدين شحقه معصب كل هذا بخللللللل اعوذ بالله هههههههههههههه

ضاري نزل وطق راسها بقهر: ياااحماااااااااااره تدرين اني مو عالفلووووس..اكلي بس مو جذي..وععععععععععع اول مره ادري انج تاكلين هالكثر

جنا بضحك: ااااااح هههههههههههه خلاص عاد لوعت جبدي بهالمحاضره..اقعد واكل ولا قوم وخلني اتهنى بلقمتي

ضاري قام ورد مكانه: يعلج ما تشبعين ياعطياااات
جنا ضحكت: هههههههههه حرام عليك

ضاري طنشها ورد يتابع البرنامج وجنا كملت اكلها ببرود

مرت ربع ساااعه والجو هاادي


ضاري قصر الصوت لما خلص البرنامج وشافها للحين تاكل وابتسم بخبث(هين ياجنا): انتي للحين تاكلين؟؟ يبه بسج لا تمتنين وبعدين يخرب جسمج وتلوعين جبد نصووور ويطردج هههههههههه

جنا انقهرت منه هالمره: عمـــــــــــــــى مالك شغللللللللللل..
ضاري ماسك بطنه: زين بكفيج هههههههههه

فر القنوات ومر على زي افلام


جنا كانت تاكل توسته ووقفته بسرعه: امممممم ئي ئي خله خن نشوف فلم هندي من زمان عنهم
ضاري ضحك عليها: هههههههه اكلي بسسسسسس يالهنديه
جنا طنشته ورجعت تاكل وتطالع الفلم اللي توه بدأ وكان بطولة شاروخ خااان بس قديم

ضاري اندمج معاها بالفلم وراح الوقت ومروا ساعتين وخلص الفلم والتفت لجنا وشافها حاطه الصينيه على صوب والصحون تقريبا فاااااضيه ومنسدحه عالارض وحاطه مخاد تحت راسها ونايمه بدون ما تحس..ابتسم بنفسه(وربي ياهل ههههههههه) قام وشال الصينيه ووداها للمطبخ ورجع لها ونزل لمستواها: جناااااا..جنووووووو جناااااااااااا

جنا لفت عالصوب اليمين وهي مو حاسه بعمرها: اممممممم
ضاري ابتسم: هذي ليكون عبالها بفراشها..(وهزها بخفه)جنووووو..جنوووو

جنا توها تحس..لفت وفتحت عيونها: همممممممم

ضاري ابتسم: زين حسيتي..قومي نامي فووووووق

جنا ابتسمت وقامت وهي تحس بثقل بمعدتها لانها كثرت اكل..صعدت الدري بكسل

ضاري ابتسم وطلع من باب المطبخ لغرفة كومار السايق(معنه ما يحتاج سايق بس اهو مخليه حق التنظيف والترتيب وتغسيل سيارته الصبح إذا بيطلع لانه مو فاضي): كووومار..كومااااااااااار

كومار طلع من غرفته لابس فنيله ووزار: نئم
ضاري بجديه: رتب الصاله وطف التلفزيون وفيه صحون بالمطبخ غسلهم والاكل الزايد اخذه لك زين

كومار : جين بابا
ضاري خلاه وراح للدري بيصعد: ولا تطول..خلص وروح ناااام
كومار: جين بابا


صعد ضاري وكومار راح يشوف شغله



فوووق عند جنا

اول ما دخلت الغرفه تذكرت انها ما دخلت شنطتها: افففففف نسيت ادخل شنطتي..كله من نصور نسيت كل شي بسبته..(وصارت تتمغط وهي واقفه)يووووووه مالي خلقهاااا ودي انااام بس اشلون فشله انام بدون هدوم وخالي موجود..افففففففف

قطت كعبها وطلعت من الغرفه تمشي عالارض البارده

جنا حست بالبروده تلفح ريولها بالظلام الدامس للفيلا: واااااي شحلاة البرااااد

نزلت للصاله وما انتبهت لكومار اللي كان ينظف وطلعت برا ويابت شنطتها وصكت الباب ووقفت تاخذ نفس: اووووف ثقيله..اشلون اشيلها الحين..مالي الا اخذ بيجامتي وباجر اخلي ضاري يصعدها

قعدت عالارض جدام الباب وفتحت الهاند باك تطلع بيجامه

وما انتبهت لنظرات كومار المستغربه..المصدومه من وجودها هني..اول مره يشوف بنت بهالبيت..

جنا منحنيه وتدور عن بيجامه ومو حاسه بكومار اللي بياكلها بنظراته الغريزيه اللي حركت شهوته..خذت لها بيجامه حمرا حرير ووقفت بتصك الشنطه بس

هـــــــئ

منعتها ايد كومار..ضاري فوق نايم والبيت ظلام..واهو له شهرين من يا وما شاف بنت واستغل الفرصه..مسكها من ايدينها وقربها لصدره بقووووووه وحاول يبوسها

جنا طار عقلها من الخوف..اول مره تشوف ببيت خالها..كتمت انفاسها من ريحته الخايسه وصارت تحاول تدزه وتطقه بس اهو ماسك ايدينها: آآآآآآآآآ آآآآآآآآآآآآآآآ ضاااااااااااااااااااري ضااااااااااااااري..وخرررررررررر عني ياحيواااااااااان وخررررررررررررر

كومار ما كان بعالمها ولا اهتم بصرخاتها طيحها على ظهرها وشق قميصها بقووووووووووه وبين ستيانها الاسود جدامه

جنا بغت تموت من الطيحه: آآآآآآآآآآآآآآآآآآ

حاولت تقوم بس ما قدرت وصارت تلم قميصها بيدها


ضاري نزل يركض من صوت صراخها اللي خلاه ينط من فراشه وحمر ويهه من العصبيه وبينت عروق رقبته بقوووووه وراح لكومار وهو معصب : كووووووووووووووووووووووووماااار


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 21-07-2011, 07:45 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية





كومار توه يخترع..التفت بينحاش بس ضاري ماعطاه فرصه..مسكه من رقبته وخنقه وطاح فيه رفسااات وبقساااات وسب وطق راسه بالطوفه


جنا من صدمة الموقف ما قدرت تتحرك بس زحفت للتلفون الارضي وسحبت الواير وطاح عالارض ورفعت السماعه ودقت اول رقم يا ببالها

رد عليها رائد : آلووووو نعم
جنا بأنفاس مقطوعه: ر..ا..ئـ..د ت..تعال بـ..بيت ضاري
رائد طاح قلبه ببطنه ونقز من الخرعه: آلووووووو جنااااااااااااااااا جناااااااااااااااااااااا

لكن جنا كانت طايحه منها السماعه واخر شي وعت عليه كومار وهو يختنق وعيونه بتطلع وويهه ازرق وضاري مو راضي يهده


+
+
+
+

انتهى الباااارت
يلا شنو توقعاتكم لجنا؟؟
ناصر وضاري ورائد وزياد؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 21-07-2011, 07:46 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




الدقة العشروووون


اشـكـي
مرارة؛
حـيـرتـي الدنيا ما
ظـنـي بتـزين
وإذا بدآ بعيني الألم
تجد احزاني وتبين



والحدث عند ضاري ببيته

كومار بيمووووووت خلاص وراسه ينزف وخشمه انكسر ونزف

وضاري للحين مو راضي يهده: اتفوووووووووووو عليك اتفوووووووو..بذبحك يااااااوااااطي بذبحك..ما اهدك الا لما تموووووووت..موووووووووووووت مووووووووووووووووووووووووت


ثواني ودخلوا زياد ورائد وشهقوا من المنظر: هـــــــــــــــــئ

رائد راح له بسرعه ومسكه من ايدينه: ضاااااااااااااري بيموووووووووووووووت هده..صار ويهه ازرق هده..

ضاري بقهر وهو ماسك كومار بقووووه: ما هده ماااااا هده الا لما يمووووووووت..شفته يغتصب جنااااااااااااااا..الحيووووووااان


زياد ورائد على طول لفوا يدورون جنا بعد ما يا كلام ضاري عالوتر الحسااااااااس

رائد ولع الليتات عشان شوف عدل وزياد اول ما طاحت عينه على اخته وهي طايحه وملابسها مشققه بهالمنظر انصدم وراح لها ركض: جناااااااااااااااااااااااااااااااااااااااااااااااا اا

نزع غترته اللي كان حاطها على جتفه وغطاها فيها ورفعها لصدره: جناااااااااااااااااا
جنااااااااااااااااااااااااااااااااااااااا

رائد كان شبه مشلول عن الحركه من الصدمه..همس بدون وعي: مااااتت

بهاللحظه ضاري ترك كومار وهو مصدوم من اللي سمعه..التفت بحده وخوووف لزياد: مااااتت؟؟

كومار طاح عالارض وهو ماسك رقبته ويحاول يلقط انفاسه
وزياد صرخ فيها: لاااااااااااااااااااا شنووو ماتت..فيها نفسسسسسس تعالوا شيلوها معااااي

وبسرعه يو ضاري ورائد وشالوها مع زياد جنها ذبيحه وحطوها بالسياره وطاروا عالمستشفى

وكومار اكيد ما قدر يتحرك ولا ينحاش من الطق والموت اللي شافه


+
+
+
+

بيت ابوزياد
بغرفة ساره
الساعه قربت عالثنتين الفير

جوري بعد ما حست ان زياد طول وبدا الخوف يدب بقلبها راحت لساره: ساااااااااره

ساره كانت سهرانه عالنت واخترعت من شكلها : جوووووووري شفيج ليش ويهج اصفر صاير شي

جوري بخوف وهي تقعد عالسرير: ما ادري سارووو خايفه..من ساعه يانا رائد واحنا نايمين وطلعوا بسرعه وانا ما فهمت شي..ادق عليهم ما يردون

ساره بقلق: انزين يمكن ما طلعوا يمكن راحوا الديوانيه او بالحديقه
وراحت تشوفهم من الشباك
جوري بتوتر: لا انا شفت زياد دخل بسرعه ولبس دشداشته حتى بدون فنيله واخذ غترته وطلع مع رائد..
ساره خافت معاها: معقوله تكون جنا او ناصر فيهم شي..او يمكن خالي ضاري..

جوري ماسكه قلبها: ما ادري ما ادري انا خايفه خ..
وركضت سيده عالحمام وهي تحس جبدها تقلب من رهبة الموقف
ساره راحت وراها وشافتها ترجع: يامعوده طولي بالج لا تخرعيني..الحين بحاول ادق على رائد يمكن يرد


+
+
+
+

بمستشفى ال..
نفس الوقت


زياد..رائد..ضاري كلهم واقفين عند غرفة الفحص وناطرين الدكتور المناوب يطلع


ضاري : آآآآه يالقهر آآآآآه
طلع لهم الدكتور ونزع الكمامه عن ويهه: وين زوجها؟؟
ضاري بلهفه: مسااافر..انا خالها وهذول أخوانها طمنا دكتور
الدكتور بهدوء: بالنسبه لوضع الجنين ما اقدر احدد الا لما نسوي فحوصات ونتأكد من سلامته بس شكلها طايحه على ظهرها بشكل قوي وخايفين من اجهاضها
زياد ورائد : إجهاااض
الدكتور كمل: حالتها الحين شبه مستقره..عطيتها ابره مهدئه للأعصاب والحين بعد الفحوصات بنوديها الملاحظه وبعدها تقدرون تشوفونها بجناحها لان الليله بتم عندنا(والتفت لضاري)ممكن تيي معاي شووووي

ضاري بخوف: إن شاء الله
راح ضاري مع الدكتور وظلوا زياد ورائد

زياد: الله يستر لا يصير فيها تحقيق وبلاوي..والله يروح فيها ناصر
رائد انزعج من تلفونه اللي يدق ويصكه ويدق ويرد يصكه ورد واهو منفس: خيييييييير انتي بعد شتبين؟؟

ساره ما اهتمت بصراخه: راااااائد وينكم؟؟ وليش طلعتوا هالحزه؟؟ خالي فيه شي..جنا ولا ناصر ولا

رائد تنهد وراح بزاويه : ما فيه شي بس ناصر سافر امس وجنا حست بتعب ودقت علينا وديناه المستوصف

ساره بشك: قول والله...رائد عفيه لا تجذب علي..

رائد بهدوء: ساره والله العظيم ما ادري عن شي..إذا طلع الدكتور اسأله وادق عليج..ناموا انتوا لا تحاتونا

ساره : لاوين ننام..بننطركم انا وجوري

رائد : زين...مع السلامه


زياد التفت له وهو يحس الدنيا ضايقه فيه: جوري
رائد يا وقعد يمه: لاا ساره..الظاهر انك لما ما رديت عليها راحت وقعدت ساره وشكلهم حاسين..
زياد : عسى ما قلت لها
رائد : لاا يبه..قلت لها احنا بالمستوصف والدكتور ما طلع
زياد : ئي ديربالك ما نبي احد يدري

بهاللحظه رجع لهم ضاري وشكله معتفس

زياد بسرعه : بشررر
ضاري قعد وزفر بقوه: اي ابشر اي بطيخ..يقول شكلها تعترضت لمحاولة اعتداء بس طمطت السالفه لانه كويتي وعارف عاداتنا وتقالدينا والفضايح اللي بتطلع لو تدخلت الشرطه بالموضوع
زياد براحه جزئيه: زين الحمدلله انه طلع فاهم
رائد بقلق: انزين وجنا ما قالك عنها شي؟؟

ضاري : امبلا يقول حاشتها صدمه عصبيه ولازمها راحه وتغذيه مكثفه بهاليومين غير خوفه بالنسبه لوضع الجنين

بنفس الوقت طلعوا الممرضات يجرون سرير جنا والدريب بيدها وويهها شاحب حيل واصفر

قاموا كلهم معاها للجناح اللي حطوها فيه الممرضات وطلعوا

رائد قعد على طرف السرير ومسح على شعرها : متى يتك ؟؟

ضاري بهدوء: امس بالليل الساعه تسع ونص جذي والله ما اذكر بس ناصر مسافر موسكو وبيقعد ثلاث ايام

زياد : لا تقولون له شي بعدين يخترع

بهاللحظه تحركت جنا وحاولت تفتح عيونها: اممممم
رائد بلهفه: جنااااا تسمعيني
جنا فتحت عيونها وأول ما شافتهم دمعت عيونها ومسكت الغطا وغطت ويهها فيه

ضاري وزياد ورائد : ......................

زياد بدا الكلام : جنا ياعمري انتي بخير والحمدلله ما صارلج شي
رائد يكمل: لا تخافين واحنا معااااج..محد بيدري عن أي شي..بنقول انج تعبتي من الحمل
جنا ما ترد بس تبجي: ..........
ضاري اشر له بعيونه يطلعون: خلاص روحوا انتوا البيت تأخرتوا
زياد وقف: طمنا اول ما تطلع نتايج الفحوصات
ضاري: إن شاء الله..بس شوف قول لمرتك وساره لا يقولون حق احد..انا باجر ايي واقول حق امك
زياد ورائد : إن شاء الله..يلا فمان الله

ضاري راح وقعد عند جنا وشال عن ويهها الغطا: جناااااا
جنا من القهر اللي فيها عطته طرااق لف ويهه: وين كنننننننننننننننننننت لما ناديتك؟؟

ضاري ما انصدم من ردة فعلها..كان متوقعها عشان جذي سكت بوجود اخوانها: جناا قومي انا اسف..هذا الكلب ما يبته الا قبل شهرين عشان يساعدني بشغل البيت بس ماكنت ادري انه نذل وخاين جذي

جنا ما تكلمت بس دفنت ويهها بصدره وبجت: اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ
اهئ اهئ اهئ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 21-07-2011, 07:47 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية




ضاري بضيق مسح على ظهرها: جنووو خلاص عاد احمدي ربج انه ما لمسج ولا سوالج شي..وبعدين لا تنسين انج حامل والتعب والاجهاد مو زين لج
جنا رفعت راسها بسرعه وهي تمسح دموعها: صج شنو صار عالجنين؟؟ انا

ضاري قاطعها: لا تحاتين وضع الجنين مستقر بس يعني محتاجين شوية فحوصات دوريه
جنا تنهدت ورجعت انسدحت وضاري عدل لها الدريب وغطاها وقام: انتي نامي وانا بروح اشوف الدكتور وايي
جنا غمضت عيونها وراحت بالنوم

+
+
+
+

فديت اسمك
أنا ورسمك
وأرض تشرفت بخطاك
فديت عيونكـ ولونك
وصوتك لي وحش اذني
فديت إحساسك وقلبكـ
وريحة عطر/أنفاسكـ
وذيك الضحكه لي منك
عن الدنيآآ تغيبني


بعد ثلاث أياااام
ووقت رجوع ناصر من السفر


في بيت ابوناصر
الساعه 9 بالليل


دخل ناصر بلبس كابتن الطياره وحط شنطته عالارض: السلااااااام عليكم

امه من شافته على طول قاامت عن العشى وراحت حضنته : هلا يمه هلا الحمدلله على سلامتك ياالغالي..اشلوونك انت..متعشي ولا تبي عشا؟؟
ناصر ابتسم وباس راسها وايدها:الله يسلمج.. لا يالغاليه متعشى الحمدلله وينها جنا

ابوناصر : سلم علي اول
ناصر ضحك وراح لآبوه وباس راسه وايده: رضاك يالغالي
ابوناصر ابتسم: الله يرضى عليك ياولدي..بشرني عنك..اشلونك واشلون رحلتك؟؟

ناصر ابتسم: ماكو يديد اهي روحه رده بس كان عندي يوم واحد فريت فيه والله جوهم بارد وحلوووو يبيله سفره

ام ناصر: وهذا انت..بس طاير بالسما اربع وعشرين ساعه
ناصر ضحك: ههههههههههه عن اذنكم بروح اريح



فوق بالجناح

جنا سمعت صوته واول ما يا ودق قلبها بقوووه وراحت تتأكد من لبسها..كانت لابسه نفنوف ذهبي براق علاق عالرقبه وظهره كله عاري وتحت الصدر بروش ألماس اسود وطوله لتحت الركبه بالضبط مع فلات ذهبي بشرايط حرير تلتف عالساق ومكياجها بدرجات الاورنج للذهبي مع روج برتقالي ذايب
زادت عطرها وراحت عند الباب واول ما دخل كانت جنا بحضنه: نووونو حبيبي..
وبااااست خده برقه

ناصر استانس على لهفتها ورفعها ودار فيها: اشتقتلج اشتقتلج اشتقتلج..ياروووح نووونو انتي

جنا ضحكت من الفرحه: ههههههههه انزين نزلني ترى بدوخ

ناصر نزلها وسحبها معاها للجلسه وقعد وقعدها بحضنه: يلا تعالي قوليلي شصار من اول ما سافرت لليوم
جنا بهدوء باست رقبته وخده: تؤ تؤ تؤ اول شي تقوم تاخذ لك شاور وتريح وتلبس وبعدين نسولف براحتنا مني للفير
ناصر ابتسم: عيل رووووحي جهزي لي البانيو مستعيلللللل
جنا ضحكت ووقفت تمشي لغرفة النوم: ههههههههه من عنوووووووني ثواني بسسسسس

ناصر ابتسم اول ما دارت وبين ظهرها العاري واللي مغطيه جزء من شعرها وقام وراها وهو يتنهد: آآآآآه والله اشتقتلهااا



دش الغرفه وقعد عالسرير قط جوتيه(وانتم بكرامه)وبطل الحزام وفصخ قميصه


جنا طلعت له : يلا حبيبي البانيو جاهز وحطيتلك فيه اعشاب عطريه عشاان تريح اعصابك هههههههه
ناصر ابتسم وقام لها وباس خدها: تصدقين اشتقت لضحكتج
جنا بدلع: يالعيار توك مسافر من ثلاث ايام..هههههههههههه (ودزته للحمام) رووووووح اتسبح علما ازهب لك عشى خفيف
ناصر ضحك وهو يدش الحمام: ههههههههه يبه مابي عشا ابيج انتي..متعشي

جنا ضحكت: هههههه جذاااااب اعرفك ما تاكل بالطياااره..
ناصر ضحك وراح للبانيو وجنا شالت ملابسه ودشت الحمام بعد ما تحمحمت

جنا: احم احم..ناصر اسحب الستاره
ناصر ضحك: ههههههه دشي عادي
جنا بطلت الباب ودخلت راسها وشافته حاط الشامبو على راسه : بدش احط ملابسك بالغساله
ناصر مغمض عيونه ويدلك شعره: يبه دشي وخلصيني
جنا ضحكت ودخلت الحمام وراحت للركن اللي حاطين فيه الغساله والنشافه والمنشر وكان شكله مخلي الحمام نصين وفيه ستاره عشان اللي يدش ما يشوف..: ههههههههههههههههههه شسوي يعني بغسل ملابسك
حطت ملابسه بالغساله وعبت فيها ماي واريال وشغلتها وطلعت



راحت للمطبخ ويابت توست قصصته مثلثات وحطت فيه جبن شرايح وجزر مبشور مع خس ومرتديلا..حضرتهم بسرعه وحطتهم بصحن سراميك مربع
ورجعت للغرفه..حطت الصحن عالطاوله اللي وسط الجلسات الصفر جدام البلازما ويابت من ثلاجتهم بيبسي وميرندا وتويكس وكتكات وليز حق التحليه>>خخخخخ


واول ما خلصت قعدت تنطر ناصر يطلع وتفكر اشلون بتقوله عن السالفه اللي صارت بغيابه رغم انها تجرحها


مر الوقت بسرعه وطلع ناصر من الحمام ومزاجه رآآآآيق عالاخر ولاف فوطه على خصره..شافها سرحانه وما علق..ابتسم وراح اخذ له بيجامة سودا حرير ولبسها وسرح شعره وتعطر من عطره بلاك المفضل عند جنااااا

حس انها سرحانه لانه لبس وخلص واهي ما انتبهت له..راح صوب الاكل وقعد يمها وحضن خصرها وباس خدها: شفيها حبي سرحانه؟؟ شنو اللي شاغلج؟؟
جنا طالعته وابتسمت وحطت راسها على جتفه: ولا شي..اكل يلااا

ناصر ابتسم: ماشي بطوفها لج هالمره..بس اكلي معاي
جنا ضحكت وخذت تويكس وميرندا : ههههههه خلاص بحلي لاني متعشيه مع عمي وعمتي تحت
ناصر ابتسم وبدا ياكل: المهم انج تاكلين


بعد العشى الحلو

جنا بهمس مع شوية توتر: ناااآآآآصر
ناصر التفت لها بعد ما كتم صوت التلفزيون: عيووووونه
جنا قربت منه بهدوء وحطت راسها على صدره عشان ما تشوف ردة فعله وهمست بأذنه: بقولك عن شي صار بغيابك..ولازم تعرفه عشان ما تعرفه من غيري
ناصر سكت ما علق لانه بدا يفكر: .......

جنا عرفت انه يبيها تكمل وهمست بأذنه وهي تلعب بشعره: بالليله اللي سافرت فيها بعد ما تعشيت مع ضاري وسولفنا وشفنا فلم..صعدت انا انام وضاري بعد راح ينام بس اكتشفت اني ما صعدت شنطتي معاي وما عندي شي البسه هني

ناصر بدا يخاف: اختصري..
جنا بخوف وأظافرها بالمانكير الاحمر على صدره: ما كنت ادري ان خالي يايب هندي يساعده على شغل البيت..و..و..لما يبت بيجامتي وييت بصعد حسيت فيه مسك ايدي وتحرش فيني و
ناصر هالمره حس بدمه يفووور وبعدها عن بقووه وهزها: سوالج شي؟؟
جنا بسرعه : لاااا..والله لا..بس طيحني عالارض وتهجم علي بس ضاري كان موجود وانا بعد دقيت على زياد ورائد ويو طقوه وكان بيموووت بيد ضاري بس بأخر ثانيه منعه رائد وطردوه وسفروه
ناصر تركها وقام صوب كبته ودور عن المسدس ماله: وينه وينننننننه
جنا عرفت عن شنو يدور وماتت من الخوف وراحت وراه ولمته من ورا تهديه: نااااصر واللي خلقني انه ما لمس مني شعره..اسأل الدكتور..اسأل ضاري وزياد ورائد..كلهم يدورن..
ناصر مو راد عليها وقاعد يدور عن المسدس مثل المينون واعصابه فايره: حتى لو ما كان المفروض تخبوووون عني..بس هييييييين هييييييين..وينه المسدس وينننننه اكيد حاطته بمكان عشان ما اشوفه ويننننننننننه


الرد باقتباس
إضافة رد

رواية رهنت شوقي وبايع الناس لرضاك وإنهد حيلي من غرايب طبوعك / الكاتبة : أوراق خريفية ، كاملة

الوسوم
رهنت , رواية , شوقي , وبايع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
مقتطفات من السيرة النبوية الشريفة ahmadh حياة - صفات - أخلاق - أقوال - رسول الأمة 7 09-11-2007 02:59 PM

الساعة الآن +3: 02:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1