منتديات غرام روايات غرام أرشيف الروايات المغلقة - لعدم إكتمالها روايتنا الأولي :أكذب على نفسي إذا قلت ما أبيك
رنود الذوق ©؛°¨غرامي جديد¨°؛©

[B][FONT="Arial"][SIZE="4"][COLOR="Purple"]
السلام عليكم

كيفي صبايا اليوم جايبة رواية خطيرة لكم بقلم الكاتبتان كيان رأقي وانا ريناد الذوق

تبعاً متفاجئين انه بنتين الي كاتبين الرواية بس شيء حلو انه ربيعات يطلعون أفكار لرواية وحدة ماابي

اطول عليكم بقول لكم انه انا وكيان رأقي راح نتناوب وننزل لكم الروايةاما الأيام الي بنزل الرواية فيها

مابعد نقرر راح نتفق ونقول لكم


العالم كبير ويوجد فيه اشياء غريبه واكتشافات غريبه ايضاً لكن هل يمكن ان نكتشف مابداخلها ونتعرف عليها اكثر ام لن نعرفها في الاصل وسوف نتجاهلها
هذا العالم الذي نتكلم عنه هو عالمنا ربما تقولون انه ليس غريب لكن انا اقول
انه غر يب وغير معترف به الناس هنا لديهم عادات وتقاليد لايمكن مخالفتها
والا سوف يعاقب اشد العقوبات لذا الناس لايفكرون بغيرهم بل بانفسهم وكيف
يرفعون اسمائهم في القمه واذا لم ينفذ ابنائهم طلباتهم يقولون جملتهم المعتاده
وهي (انت تبغى تنزل راسي للأرض,او كلمتي ماتنثني وراح تمشي على الكل)
هذا الكلام دائماً ماتسمعه اغلبية العائلات المحافظه على تقاليدها وتريد ان تعمل
ماكان ابائهم واجدادهم يفعلونه ويحبون التصرف بشكل قاسي لأن هذا في اعتقادهم
معنى الرجوله لدى الرجال والغرور والتكبر معنى الانوثة لدى النساء اي انه
لايوجد تساوي بين الطرفين اذا لم يكن هناك التواضع والطيبه والتسامح والتفاهم والادب والاخلاق الجيده بينهما اذ انه اذا لم تتوفر الشروط السابقه لن تنجو باقي الاسر المترابطه يجب ان يكون بينها ترابط واثق ومتمسك وليس مشترط ان تكون كل تلك الشروط متواجده حتى لو عدم واحد منها ولكن الاهم تواجد المحبه والاخلاص ليتم بناء حياة هادئه ولكن لانقول انه يجب فيه الهدوء لانها بذلك لاتعتبر حياة انما روتين ممل اممم يجب ان يتخللها المرح والشقاوة والمشاكل والتخاصم القليل هكذا تكون الحياة المملوئه بالسرور كما يقولون حياه بدون مشاكل لاطعم لها:

لقد اطلت عليكم بهذا الكلام واعلم ان البعض منكم سوف ينتقده ولكن انا ارحب به
اترككم مع ابطال قصتي :
(البارت الأول)

عائلة الجد ابو محمد
ابو محمد : عبدالله وهو الجد وعنده كل شي بالدنيا الا احفاده وطبعه شوي قاسي

ام محمد: نوره الجده فيها طيبه لو تدور العالم ماتلقى مثلها لكن ان شافت الغلط ماتسكت عليه حتى لو من زوجها.

ابناء ابو محمد :

ابو فارس:محمد وهو الوحيد بين اخوانه المسموع كلمته وهو يعرف شلون يتصرف معاهم ومن حكمت عقله الكل يستشيره

,ام فارس: مها كل خوفها على اولادها وحنوونه وماتحب تكسر بخاطر احد ,,اولادهم:

فارس:25 سنه متخرج من جامعه في بريطانيه والحين هو يشتغل مع ابوه

بـدر:22سنـه جميل و مذوب نص بنات الشرقيه اسمر وشعره اسود وطويل وناعم وجسمه رياضي

فجر : 20سنه جميله وشعرها طويل واسود مثل الليل تدرس في الجامعه

ليال: 18سنه بنوته حلوه ودلوعه دائماً تهتم بنفسها ومتابعه اخر صيحات الموضه

والدلوعة الصغيرهـ وحبيبة اخوها بدر لين 4سنوات تحب اخوها بدر كثير


&&&&&&&&&&&&&&&&&&&&&&&&&&&&&&&&&


عائلة ابو مشاري:

ابو مشاري :احمد انسان يخاف الله ومايحب الظلم ابد صبور الى ابعد الحدود والقسوه بعيده عنه (بس من يدري عن الدنيا يمكن تغيرهـ).

ام مشاري:احلام ماتحب الكذب وسيرته والي في قلبها على لسانها يعني ابسط مايقال عنها انسانه مستقيمه ماتحب اللف والدوران.

مشاري: 29سنه متزوج بنت عمه مها وعنده بنت و ولد توأم كادي وسامي عمرهم سنه ونص.عصبي شوي بس يحب زوجته واهله كثير

محمد:24سنه حنوون طيووب ويشبـه ولد عمه زياد وصديقه بعــد ..(كأنهم توأم بس من امهـات غير)

لؤي:16سنه في اولى ثانوي وصديق رائد احلى مافيه غمازاته اذا ابتسم يحب رانيا بس يكابر ودايماً ضدها في كل شي

لمار:14سنه في ثاني متوسط مع رانيا لكن مختلفة عن اطباعها شوي فيها انوثة غير عن بنت عمها وماننسى انها تشجع الهلال

مرام:4سنوات ماتشوفونها الا في بيت عمها وماتجلس في البيت الا للضروره


&&&&&&&&&&&&&&&&&&&&&&&&&&&&&&&&


عائلة ابو خالد :
ابوخالد: فيصل اب مرح ويحب اولاده موت ومايسمح لاحد يزعلهم ويشتغل مع ابوه واخوه في نفس الشركه ( تزوج من فاطمه لمن راح الكويت يدرس )

ام خالد:فاطمة تحب زوجها فيصل موت ولاترضى عليه حتى من اولادهم وهم رومانسين ومرحين كثير

مها:27سنه متزوجه من ولد عمها وعندها ولد وبنت وش اوصف وش اخلي فيها كامله والكامل ربي

خالد: 22سنه صديق بدر من الطفوله طبعا جميل ابيض وطويل وشعره ناعم وجسمه نفس بدر رياضي

ريماس:17سنه جمالها رباني في صف ثاني ثنوي تحب صديق اخوها بس هو ما يدري عن هوا دارها

رانيا:15سنه في ثاني متوسط عربيجه تحب تجلس اكثر شيء مع اولاد عمها وتلعب معاهم كورهـ وتشجع فريق الهلال

رائد:14سنه ثالث متوسط ودائماً مشاجرات هو ورانيا على مين راح يفوز في الدوري السعودي يحب يتهاوش معها واهو يشجع الاتحاد



&&&&&&&&&&&&&&&&&&&&&&&&&&

عائلة العمه ام تركي:

ابو تركي:سعد دائم السفر بحكم شغله بس ماينسى اولاده دايما يسأل عنهم

ام تركي:منيرة مأخذه دور الام والاب في نفس الوقت ومتفهمه شغل بو تركي لانها تحبه موووت واهم متزوجين عن حب

تركي: عمره 25سنه دارس مع فارس وصديقه ويشتغل معه في شركتهم

زياد:عمره 24 سنه عصبي مره بس يموت على خواته و قلبه طيب وحنون

ريناد:عمرها 19سنه هاديه وحساسه مره ودلوعه بس دلعها يدخل القلب وشكلها حلو وبريئه

ديالا:عمرها 6 سنوات دلوعة وحبوبه ومشاغبة واهي الواسطه عند الشباب

&&&&&&&&&&&&&&&&&&&&&&&&&&&&&&&&&

عائلة ابو فهد:

ابو فهد :حمد رجل اعمال واهو في شركه لحاله واهو شديد وقاسي شوي على اولاده ويدلع بنته لانها البنت الوحيده من بين اخوانها

ام فهد: ساره حرمه تحب المشاكل وتحب تخلي بوفهد يتمشكل مع اخوانه وتحب الفلوووس وتتمسخرعلى الناس وتغار من حريم اخوان زوجها

فهد:عمره 28سنه مغتر بنفسه مايعطي البنات فيس(وجه) لكن حبوب وطيب القلب

فيصل : عمره 21سنه صديق بدر وخالد واهو معاهم فله لانه خفيف دم بزياده ولسانه ينقط عسل مع البنات(افهموها انتوا)

فرح:عمرها 18سنه مغروره وشايفه نفسها على بنات عمها واخوانها مايحبون حركاتها لانها دلوعه كثير

&&&&&&&&&&&&&&&&&&&&&&&&&&&&&&&&&&&&&&&

واخر عيال ابو محمد هم توأم شهد وماجد
ماجد: عمرهـ 25سنه انسان فكاهي ومضحك الى درجه غير طبيعيه..حركاته كلها لا عفويه..هع
شهد :عمرها 25سنه متزوجه من صديق اخوها وعندها ولد اسمه سامر
&&&&&&&&&&&&&&&&&&&&&&&&&&&&&&&&&&&&&&


نبغى نقول لكم ملاحظة صغيره قبل مانبدا الروايه انها جريئه كثـــــــــــــــــــــــــــــــــــــــــيرواحنا ننتظر تعليقاتكم

والحــــــــــــــــــــــــــــــــــــــــــــــ ــــين نبدا القصه مــــــــــــــــــــــــــــــــــــــــــــــــع ابطالنا

في مكان بعيد عن الهدوء والراحه وبالتحديد في بيت ابوخالد كان البيت قايم فوق حدر بسبب هواش رائد ورانيا على الفطور..
ابو خالد وام خالد وريماس صحوا بدري وابوخالد راح الشركه بعد ماافطر وام خالد صحت اولادهم وراحت ترتب غرفتها وريماس راحت المدرسه بس باقي خالد الي كان نايم
ورائد ورانيا الي دائماً متأخرين في النوم ويكون التأخير اكثر عند الفطور:
عند طاولة الطعام الساعه00: 7 :..
رائد: اقولك عطيني التوست هذي آخر وحده وهي لي انا شفتها قبلك.
رانيا: مو على كيفك حبيبي هذي لي انا شفتها قبل
رائد:اقول طيري في ذا قالت لها قالت هاتيها احسن لك ولا والله ثم والله لاأوريك شي عمرك ماشفتيه.
رانيا: يامامي خوفتني كثير شوفني ارجف من الخوف اقول انا اختك الكبيره يعني انا اولى بها منك
رائد: ياأختي ياللي اسمك أختي يقولون اصغر منك بيوم افهم منك بسنه يعني هي لي.
وبعد هواش طويل دام ساعة على قطعة توست جا خالد وهو توهـ صاحي من النوم وجلس على الطاولة وهو يستمع لهواشهم الطويل..
خالد: بس خلاص كل يوم ازعاج اقول عطيني التوست عندي الحل لكم
رانيا ورائد:لاتقول راح تقسمها نصين ؟؟؟
خالد: لا ماراح اقسمها بس عطوني اياها وراح اريحكم منها.
بعد ماأخذها خالد قال لهم:شوفوا وش راح اعمل فيها وانتبهوا معاي زين طيب؟
رانيا ورائد:طيب
وكانوا يناظرون وش يعمل فيها
خالد: اول شي نعمل فيها نحشيها بـ اي شيء نرغب فيه طيب
رائد ورانيا وعيونهم عليها:طيب
خالد:ثاني شيء بعد ما حشيناها نسكرها صح ولا لا؟؟
رانيا ورائد وهم مستغربين من حركاته:صح
خالد وهو واقف : ثالث شي وهو الاخير تدخل في بطن خالد ونقول له عليك بالعافيه وخلصنا ها عجبكم الحل ولا لا؟؟
رانيا ورائد يناظرون بعض وهم في حالة فهاوهـ والى الآن ماانتبهوا ان خالد اكل التوست وطلع
رائد: هو اكل التوست؟؟
رانيا : اي اكلها
رائد: اجل بروح المدرسة وراح امر البوفيه اشتري لي فطور احسن من التوست حقك الي اكله خويلد
رانيا: طيب تشتري لي معاك حتى انا جوعانه مااكلت شي كانت عيني على التوست الصغيره بس راحت علي
رائد : في احلامك الوردية اشتريلك مو كأنك انتي الي خلصتي علي الفطور
رائد وهو ماشي :انا رايح المدرسه سلام.
رانيا:لحظة رئودي انتظرني ماراح تشتري لي
رائد وهو عند الباب: الحين صرت رئودي يلا روحي هناك ماراح اشتري لك ..وطلع وراح بسرعه قبل ماتلحقه

.................................................. .................................

عند منزل آخر قريب من منزل ابوخالد وفي نفس الوقت


عائله ابو تركي

:تروووك قوم تأخرت عن الجامعه يلاااااااا بسرعه قبل ماتفوتني المحاظره

تركي : رينااادووهــ قلت لك بقوووم يلا ذلفي برااا

ريناد : اوف منك بشووف واذا ماقمت برجع بكاس ماي باااارد

تركي : احلمي ياماما ويقوم تركي يقفل باب الغرفه ويرجع ينام

ريناد:مالت عليك اخرت نفسي عشانه وآخرتها ينام ويسفهني.. وراحت اتصلت على السواق ينتظرها في السياره وراحت الجامعه

.................................................. .....................................

بداخل احدى شركات الكبرى والمشهوره بالسعوديه

وبالتحديد في مكتب ابو تركي وكان عنده ولد اخوه فارس..

بوتركي : اقول فارس وين تركي عنك ؟

فارس : والله ياعم للحين ماشفته جا الشركه

بوتركي : اكيد نايم ولدي واعرفه اقول يافارس قوم اتصل عليه وخله يجيني واذا مارضى قول لي عشان اكلمه

فارس : ان شاء الله يلا انا رايح مكتبي تبي شي ؟

بوتركي : لاسلامتك ياولدي

فارس: ربي يسلمك يلا مع السلامه

بوتركي : مع السلامه


طلع فارس من مكتب عمه وراح مكتبه


فارس : نشووف تركي وينه اكيد نايم بالعسل وانا جالس على هالمكتب من الصباح

رن جوال تركي بنغمه ((بحبك ياحمار))

رد تركي وصوته كله نوم : نعم

فارس بعصبية : قوووم يالدب بسك نوم ابوك معصب وانت نايم خسرنا 5 ملايين وانت نايم

تركي يقوم مفزوع: وش تقووول كم؟؟

فارس : بسرعه تعال الشركه ابوك يبيك

تركي: ان شاء الله الحين جايكم انتبه لأبوي لايصير له شي

فارس واهو ماسك ضحكته: طيب بس لاتتأخر

تركي : ان شاء الله سلااام

فارس : سلام..(ياويلي منه اذا عرف بالطبخه بس يستاهل خليه يحس بالمسؤوليه شوي)

.................................................. ........................
(بعد ساعتين من الملل وفي المدرسة الثانويه للبنات وقت الفسحه )
كانوا ليال و ريماس مع صديقاتهم جالسين في مكانهم المعتاد تحت الشجرهـ بالضبط...وصديقاتهم هم:ليـان_مشـاعل_شـوق_ميس_غـرام_ديـم

ريماس:يلا مين عليها الدور اليوم تروح تشتري تراني بمووت من الجوع.
ليان:هههههه الدور عليك انتي وميس.
ميس:لالا شنو انا وريماس الدور عليك انتي وليال قبل امس حنا الي شرينا لكم.
ليان:ميين قال حنا امس شرينا لكم يعني مشاعل وغرام انتم الدور عليكم.
مشاعل: طيب كان قلتوا من الاول وريحتونا والمره القادمه حطوا لكم جدولاً يوميً .
ليال :فكينا والي يرحم والديك مايكفي جداول المدرسه بعد جدول ثاني روحي بس.
غرام :مش مش قومي نشتري لهم قبل مايأكلونك خصوصاً ذيك..وتأشر على ريماس..
مشاعل:اي والله.. غرووم خلينا نروح شوفيها شلون تطالع فيني بسرعه اخاف تاكلني.
ريماس:ليه بالله شايفتني من آكلات لحوم البشر مثلا ًولا اسد مفترس..هاا ردي قولي تكلمي مابتحكيش ليه ولا اكل الاسد لسانك؟؟
شوق:انتي منو تكلمين البنت راحت واشترت وبترجع وانتي تكلمين روحك .
ريماس:شووف انا اعلمها بس ترجع اوريها هي وغراموهـ معاها انا..وقاطعتها ليال..
ليال:ليه قلتي لهاا الحين مابيخلص المسجل راسي صدع من الصبح وهي قرقرقرقر بـــــــس سكتي ماالومها مشاعل اذا راحت وانتي تهذرين تدري ان لسانك لايمكن يوقف
ريماس:اذكري الله لاتصكيني بعين.
ديم:منو الي بيعطيك عين لياال؟؟ الا العكس انتي تصكين الناس كلهم بعين بس ماتنصكين بعين اذا فيه حد راح ينظلك فهو انتي..
ليان:افاا يارموسه عندك القدره على صك العين وماتقولين لي عاد انا ابغاك تعطين معلمة الفيزياء ذاك العين الي تطيح ماتقوم منه ان شاءالله.
ريماس:لاتكونين صدقتي انتي ... تصدقين ودي بس كل ماانظلها مايصير لها شي اعوذ بالله منها مدري وش علتها.>>>مدري منو الي يقول مايقدر على صك العين
غرام الي جات وسمعت كلامهم:اي والله مدري وش قصتها كل يوم تداوم اييه تخاف على معاشها لايطير.
شوق:وين مشاعل مااشوفها معاك.
غرام وهي تعطيهم الاكل:تشتري عصاير ياأختي زحمه هناك مدري وش فيهم اليوم؟
ليال:من الحر..الي بتشتري مويه وعصير و..الخ..جد الحر هالسنه مو طبيعي.
شوي الا تجيهم مشاعل وجلست وهي تقول:واااااااي كنت بمووت من الزحمه والحر هالبنات مشفوحات ماعمرهم شافوا عصير.
ديم:يؤيؤيؤ بكرا الدور علينا انا وشوق اخاف يصير زحمه مثل اليوم اجل مانبغى بكرا من المدرسه كل وحده تقول وش تبغى ونطلب من المطعم احسن..وش قلتوا؟؟
شوق:اي والله من زمان مااكلنا اكل صحي((يسمون اكل المطعم اكل صحي )
ليان:فكرهـ حلوه وانا معاكم..
ريماس..مشاعل..غرام:واحنا بعد موافقين.
بعدها الكل صار يطالع ليال..ليال:بسم الله الرحمن الرحيم وش هالنظرات..معاكم معاكم لاتناظروني كذا.
الكل:ايه حسبالنا بعد
ليال بهمس: الله يعيني عليكم كل وحده تخوف اكثر من الثانيه.
وطالعوها ريماس وليان.:وش تقولين ماسمعنا.
ليال بخوف:سلامتكم مااقول شي

.................................................. ................................................
نبعد عن اجواء المدرسه والشغل ونروح عند الكوفي شوب الي طبعاً جالسين فيه الشباب .

خالد : وش رايكم نرووح البحرين نغير جو من زمان ماسافرنا

بدر: أي والله وانت الصادق من زمان ماشفنا بنات حلوين ماغير نشووف سحلياتنا السود ودنا نشوف الوان

فيصل : فديتهم والله مشتاق للحلوين متى بس حدد و وش رايكم نروح اليوووم

خالد : ههههههه صج مطيور وشو اليوم ماراح نروح لحالنا بنتصل على الشلة نشوف اوضاعهم وبعدين نحدد

بدر : صادق مو حلو السفر لحالنا لازم الشلة معانا شي اساسي خلاص خالد اتصل عليهم وحدد معاهم وكلمنا

فيصل : أي والله لاتنسى اتصل علي انا اول واحد

خالد: ان شاء الله مايصير خاطرك الا طيب بس اشرب الكابتشينو صار بارد

وفيصل : جبت طاري البنات ونسيت كل شي

بدر وخالد :هههههههه مطيور

&&&&&&&&&&&&&&&&&&&&&&&&&&&&&&&&&&&&&&&&&&&&&&&

عشر دقايق الا تركي في وجه فارس وهو يلهث من الركض
تركي:ها وش فيكم وش صاير وش خسرنا ؟؟
فارس بوجه حزين:والله مدري وش اقول لك بس..
تركي بنظرهـ:بس شنو؟؟
فارس وهو ماشي:الوالد قال لي اصحيك واخليك تجي للشركة وما لقيت طريقه اصحيك فيها..فهمت.
تركي وهو يردد:الوالد قاللك صحيني وتخليني اجي للشركة ومالقيت طريقة تصحيني..؟؟
بعد دقيقتين استوعب تركي ان هذا مقلب من مقالب فارس المعروفه.وراح له بيعطيه تهزيئه لكن في النهاية جات له هو التهزيئه..
وهو ماشي لفارس طلع له ابوهـ وقال له:الحقني للمكتب.
ابو تركي:انت ماتقولي متى تبطل حركاتك وتصير مثل الناس..ها قولي متى ؟؟
تركي:ليش يبه انا من الجن اعوذ بالله انا حالي حالكم من الناس..ماسويت شي غلط..
ابو تركي :ماشاءالله عليك عساك من الناس توني اعرف..اقول انت فاهم وش اقصد لاتلف وتدور اخلص علي متى راح تداوم عدل روح شوف ولد عمك فارس كيف يجي اول الناس.
تركي في داخله:والله انت اللي ماتدري عن شي ..خلني ساكت بس.
تركي:ان شاءالله يبه ولا يهمك من اليوم راح اداوم مثله واحسن منه بعد بس اهم شي لاتزعل مني..
ابو تركي:الله يرضى عليك ياولدي كل اللي ابغاه منك انك تعتمد على نفسك وبس ..يلا الحين روح شوف شغلك.
تركي:على امرك..وطلع من مكتب ابوه وشاف عمه ماجد و فارس يضحك عليه..
فارس:هههههه..اجل انت من الناس مو من الجن ها..
تركي:جب جب مايضحك وبعدين انت ليش حاط اذنك عندنا شنو رادار
ماجد بعد صمت طويل:فكونا انت وياهـ ازعجتونا انت تستاهل اللي يجيك وانت(يقصد فارس)اذا ماسكت عنه بيجيك مثله
فارس :مجوود شفيك اليوم معصب علينا مو من عوايدك
ماجد:يعني منو مطلعني من طوري و راح يجيب اجلي غير هالزفت
تركي:منو متعب.؟؟
ماجد :وفيه غيرهـ ربي ياخذه ويفكنا من شره مدري شلون ابوي وافق على هالصفقة اللي بينهم بدون مايسأل عنه شوف الحين وش سوى فينا..الله يعينا بس
فارس وتركي:آمين

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&

:من جد قهرني من بعد هذا التأخير كله حتى ماعبرني قفل في وجهي الباب ورجع ينام
:ههههههههه تستاهلين حبيبتي قلت لك خليني امر عليك نروح مع بعض مارضيتي يجيك اكثر.
ريناد:فجير انا ماقلت لك عشان تضحكين علي.
فجر:ههههه طيب عمتي ماراح اضحك تآمرين على شي ثاني..؟؟
ريناد:أي ابغى ايس كريم من باسكن وو ابغى قبل هذا توديني نتغدى في المطعم الايطالي وبعد اا..
فجر:بس بس انا ماقلت لك بشتري لك شي هبت علي كذا كأنها مو شايفه خير.
ريناد:ول ول ول كلتيني كلتيني كل ذا بس لاني قلت ابغى شوية ايس كريم واكل بس..شلون لو قايله لها اشتري لي ذهب وش بتسوي
فجر:هههههههه امزح معك رنود..لو تطلبين عيوني عطيتك انتي آمري بس
ريناد:وهـ بس استحيت..تسلم عيونك يابعد عمري انتي .ادري انك تمزحين شدعوهـ
فجر:طيب يلا هذا السياره جت هيا نذهب..
ريناد:هيا..وين حنا في حصة النحوو
فجر:فديت النحو انا
ريناد:اقول امشي بس

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&
:يمــــــه مااااماااا مااامي ماماتو يااحلى ام وين الغداء بموت من الجوع ارحموني

ام خالد:بسم الله الرحمن الرحيم الناس يجون يقولون السلام عليكم وانتي على طول غدا

رانيا :سوري مامي بس والله جوعانه حدي مسكينة انا مافطرت خويلد كل التوست حقتي

ام خالد :ماحد قال لك تتأخرين كان جلستي مبكر عشان تفطرين

رانيا:ماما لاتعطيني محاظرة الحين اتغدى بعدين قولي الي تبين

ام خالد:وقفي خلي ابوك واخوانك يجون ونتغدى كلنا

رانيا:اوف تيب ومشت لغرفتها عشان تغير ملابسها وتنام شوي على مايجهز الغدى

رنود الذوق ©؛°¨غرامي جديد¨°؛©


&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&

:اقول ابو محمد

ابو محمد:سمي

ام محمد:سم الله عدوك..اقول وش رايك نروح المزرعة دام الجو حلو اليوم ومنها يستانسون العيال

بو محمد:خلاص توكلنا على الله اتصلي على الاولاد وقولي لهم

ام محمد :ان شاء الله

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&

رجع بدر للبيت بيصعد غرفته سمع صوت التلفون رد ياهلا ويامرحبا هلا بها لصوت هلا بالغاليه ((ملاحظة عندهم كاشف))

ام محمد :انت ماتجوز عن طبعك

بدر:هههههههه هذا جزاني ارحب فيك

ام محمد :اقول قول حق ابوك وامك اليوم العشى في المزرعة تعالوا من وقت لاتبطون

بدر : ضحك على كلام جدته هههههههه تأمرين امر يالغالية

ام محمد :يلا اجل سلم على اهلك مع السلامة

بدر:ان شاء الله بس توالناس

ام محمد :بتصل على الباقي مااتصلت عليهم

بدر:اهاااااا

ام محمد :شنووووو

بدر:لاولاشي

ام محمد :يلا مع السلامة

بدر:ربي يسلمك
&&&&&&&&&&&&&&&&&&&&&&&&&&&&&&&&&&&&&&&&&&&&&&& &

بعد ماقالت ام محمد للكل عن المزرعه الكل تشوق وصار يجهز نفسه

لمار: ماما ماما

ام مشاري: نعم

لمار:وين افلام الرعب دورتهم بغرفتي وماشفتهم

لؤي : مايحتاج تتعبين نفسك وتدورينهم لانهم عندي

لمار: لاوالله اقول عطني اياهم

لؤي :بالمشمش ياحلوة

لمار: ماما شوفيه

ام مشاري: لؤي لاتصير بزر عطها اياهم

لؤي : انا خذيتهم قبل مافي

ام مشاري :انا عندي فكرة اليوم عندها وبكرة عندك

لؤي :لحظة خلوووني افكر امممممممم لا اليوم لنا وبكرة لهم

لمار:عاتي بكرة عشان اليوم مو فاضين حق افلام ويؤؤؤؤ

لؤي: الحمدلله والشكر

&&&&&&&&&&&&&&&&&&&&&&&&&&&&&&&&&&&&&

يلا فرررح خلصينا الكل نزل وركب السيارة الا انتي يلا بسرعة قبل اخوك مايعصب

فرح:لحظة ماما بس بحط لي رووج ابي اضبط نفسي يمكن وحدة من العقارب تنعجب فيني يجوز يختاروني اتزوج واحد من عيالهم وانتي الكسبانه

ام فهد: والله طلعتي خطيرة مانتي هينة يلا بسرعة حطي لك عشان نمشي

فرح :تيب

&&&&&&&&&&&&&&&&&&&&&&&&&&&&&&&&&&&&&&
..الساعة 5:15 الكل وصل للمزرعة طبعاً بعد عناءو تعب وترتيب طويل..استقرت كل فئة في جهة لحالها:
الرجال جلسوا في المجلس مع الجد,الحريم جلسوا في الصالة مع الجدهـ,والشباب عند الخيل,والبنات كل وحده منهم دخلت اغراضها الدولاب واستهبلوا شوي على بعض وناموا.(تعرفون تعب الطريق..هع)
عند الحريم:

:الا البنات وينهم ماشفت ظل وحده منهم ماشاءالله كلهم ماوراهم صلاة..؟؟

ام فارس: ماتعرفينهم ياعمتي اذا ناموا ماجلسوا تقولين مشفحوين على النوم كأنه طايرعنهم.

ام مشاري:أي والله وانتي الصادقة هذا حالنا مع عيالنا انا عيالي يرفعون ضغطي على مايقومون.

ام تركي:كلهم نفس الطقة مدري على هالنوم اللي ينامونه مايشبعون ياكافي..

ام فارس:لاا والله مو كلهم نفس الطقة عندك فجر ماشاءالله عليها ايام اشوفها صاحيه قبلي وايام اذا صحيتها بدري تقوم على طول بدون ماتتعبني.

ام محمد:تعلميني في فجر اعرفها اصيلة تربيتي ,مو مثل بعض ناس الله يستر علينا وعليهم عيالهم ماغير حاطين هذاك الصبغ اللي مدري من وين جاي.

ام فهد تغير لونها من قالت ام محمد كذا عرفت انها تقصد بنتها وقالت:لكن ياعمتي الكل يحط من هالصبغ اللي تقولين عنه يعني صار شي عادي.

قالت ام خالد تسكر الموضوع:المهم ماعلينا من البنات وسوالفهم وش رايكم نفرش لنا برى الجو حلو وايد.

ام محمد:أي انتم اسبقوني وانا بروح اجلس البنات عشان يصلون ويجلسون معنا..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

عند الرجال في المجلس :
:لالالا انا اعترض هذا غش يبه ماارضى به شلون توقف معه وتخليني انا ولدك.

:انت من متى ماعارضت انت بس تعارض خل عندك روح رياضيه يااخي.

ابو محمد:ههههههههههه خلاص ياابو خالد ماراح اساعد احد ارتاح بس.

ابو خالد:ياسلام يبه لمن ساعدته وخلصت تقولي مابتساعد احد اصلا انا بطلت العب.<<<<<يلعبون ورق..*.~

ابو تركي:الله يهديك بس ياابو خالد ترى اللعب فوز وخسارهـ وبعدين وش بقيت للصغار هاللي بطلت.

الكل ضحك على كلمة ابو تركي:ههههههههههههههههههههه

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &

عند البنات في غرفهم:

:يلا قوموا قومه تشيل العدو فزوا اشوف نايمات الى هالوقت قوموا خستوا نوم..
طبعاً مافيه ولا وحده تحركت الا فجر اللي قامت بهدوء باست راس جدتها وطلعت لانها عارفه وش راح يجيهم كالعادة..
ام محمد:هين صبركم علي يعني مابتقومون هاا..؟؟

رفعت رانيا راسها :جـــــــــــــــــــــــــــــدتي خلينا ننوم شوي بس شوي ربي يخليك لنا..ورجعت تنام
ام محمد:خلاص لاتقومون خليكم هنا احسن وطلعت..
استغربت رانيا انها طلعت بسرعه بس قالت يمكن غيرت رايها وتلحفت كويس
وجات فجر وفتحت الباب بقووة وهي تصرخ:قوموا قوموا امي جابت العصا بسرعه تحركوا
صارت حالة طوارئ وكلهم انتشروا اللي بتروح الحمام واللي في غرفة التبديل واللي طلعت للبلكونه ...
جات ام محمد وماشافتهم وناظرت بـ فجر:انتي قلت لهم اني جايه..؟؟
فجر كاتمة ضحكتها:لا جيت ماشفتهم مدري وين راحوا.
ام محمد:يصير خير يصير خير ..وطلعت
فجر:بناااااااات افراااااااج..
وكل وحده طلعت من مخابئهم المعروفة..الا ليال استغربوا وين راحت..
ريناد:وين ليال مااشوفها كل مره نتخبى ونطلع ومانشوفها تطلع معانا
:أي لانها وراك ياحلوهـ..
البنات:بسم الله الرحمن الرحيم من وين طلعتي..؟؟
ليال: من الدولاب يعني من وين اصلا كل مرهـ اروح هناك..ويا ويل وحده منكم تقرب من مقري السري اذبحها.
...ولا وحدهـ منهم جا على بالها تدخل في الدولاب الا هي ...
ريماس:انا رايحه الحمام باااي.. رمت عليهم القنبلة و راحت تركض <<<<ماعندهم الا حمامين (الله يكرمكم) في الغرفة وهواش عليهم..
لمار:رانيا بسرعه تعالي الحمام الثاني انا بدخل وانتي بعدي يلا بسرعه..وراحوا ركض..

نخليهم مع هواشهم للحمام ونروح لمنطقة اخرى في المزرعة..

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&
:احبها ومااقدر اتخيل حياتي بدونها هذي حبي وعمري مستحيل اخليها.,
:حتى انا احبك مو بس انت انا اعشقك واذوب معاك ..
:عاد تدرين ماهموني راح ابقى معاك طول العمر وانتي بعد اوعديني ماتتركيني.
:أي قول اوعدك مااخليك ومو تخلف الوعد هاا ترى ازعل عليك.
بدر:بس الله يقرفكم كل هذا للخيل اجل وش خليتوا لـحريمكم في المستقبل.
ماجد وزياد وخالد وفهد:مالك شغل.
فيصل:كااااااااك لقط وجهك قلنا لك لاتكلمهم خلهم مع خيولهم ماسمعت الكلام يجيك اكثر.
تركي:شوف شلون عيونهم هايمه مع الخيول آآآآآآهـ بس يعذبوني.
فارس:اقول تعال نتمشى قبل لا يهبون عليك مثل هذاك الاهبل.
بدر:احم افتخر اني اهبل ..هع
محمد:اقول زيود تعال معي نمشي الفرس.
زياد:اوكي يلا نروح..وراحو.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&

نزلوا البنات من بعد ماصلوا ورتبوا انفسهم كل وحده جلست جنب امها (يقال لهم سنعات..هع)
ام محمد بنظرات:شرفتوا ياهوانم وين كنتم مختفين هاا؟؟
ليال:نحن هون يا يمه بس رحنا نتمشى..صح بنات..؟
البنات:صـــــــــــح..
ام فارس:ليال يمه صبي لنا قهوة..
ليال :ماااماا انا بعيده خلي فجر تصب هي اقرب لكم.
ام محمد:اقول لكم بنات هالجيل مامنهم فايده بس شاطرين لنا في الحنة والرنة.
ام تركي:صح كلامك يا يمه هالبنات يبغالهم تعليم للأصول
ام مشاري:وين نعلمهم راسهم يابس ومايمشون الا اللي في بالهم.
فجر:احم بنات انا اقول نقوم بكرامتنا مكان ثاني احسن من نصايحهم...ها نقوم؟؟
البنات:يلا نقوم.
..وقفوا البنات بيطلعون وقالت الجده:وين وين بتروحون اجلسوا هنا ماشبعنا منكم.
ريماس:يمه بنرجع بس بنتمشى شوي وراجعين لك ..انتي اللي لاتطيرين عند جدي اعرفك اذا صرتي معاهـ تنسين العالم كله.
ام محمد استحت:اها بس روحوا تمشوا..
الكل ضحك على حياها..
..بعد مااخذوا البنات فرش وجلسوا عليه على شكل حلقة..
ريناد:وش رايكم نلعب لعبة الصراحه.
رانيا:وي هاللعبة قديمه الى الحين تلعبونها.؟
لمار:أي قديمه بس حلوهـ بعد لانها مبنيه على الصراحه.
ليال:هيا نلعب يلا انا عندي قاروره مويه...الكل عارف القوانين صح؟
البنات :ايييييييه .
فجر:نبتدي بسم الله.

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&

ديالا:يلا انا المعلمة وانتوا الطالبات حقيني طيب؟
مرام ولين:طيب.
ديالا:الحين انتوا عندكم اوراق يلا ارسموا حديقة حلوة وانا بختار الاحلى منهم.
لين:بث انا مااعرف ارثم كثير.
مرام:عادي حاولي وتعرفين.
ديالا:مرام احسن منك تعرف ترسم وانتي لا.
لين:لا مو احسن مني انا اعرف .
مرام :يلا وريني وش ترسمين.
احتارت لين وش ترسم ماتبي تفشل نفسها قدامهم :تيب برسم نجوم عادي.؟؟\
ديالا تفكر:امممم أي عادي.
..وبعد محاولات عديده وصلت الى الرسمه المطلوبه..
ديالا:عجبتني حديقة مرام اكثر من نجومك الصغيره..
لين بوزت:اصلا انتي ماتحبيني بس يعجبك رسم مرام وانا لا ..وراحت لأختها تركض لها وهي تبكي..

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&

:غش ياجماعه غش كان تسأل سؤال واحد مو خمسة .
:وانتي وش حارق كرتك تراها لعبه مو انتي علمتينا القوانين..؟؟
ليال:علمتكم بس مو كل مرهـ يجي راس القاروره ليا انا وانتم وش موقعكم من الاعراب.
شهد:حنا ماطقيناك على يدك وقلنا لك العبي معانا هذا حظك ياحظي.
ريماس:يلا يلا دوريها مرة ثانيه عشان تشوف ان حنا مانغش.
دورتها لمار وجات ان فجر تسأل رانيا..
ريناد:ها شفتي ماغشينا ولا حاجه بس تتبلي علينا.
..قبل ماتتكلم ليال جات لها اختها لين وقالت لها:ليااااال مرام وديالا مايحبوني.
ليال:يعني بالله وش اسوي لك اضربهم مثلا
لين: بس هـ..قاطعتها ليال:حبيبتي انا مشغوله مو فاضيه لك بعد شوي تعالي لي طيب ...ولفت عنها

عصبت منها لين وراحت وهي تقول في نفسها:كلهم نفس الشي مايحبوني بس مشغولين مشغولين مااحب الشغل هذا..

اخذت كراسة التلوين مع الوانها وراحت وراء المزرعه <<<<من تأثير التعصيب..^.^

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&
:ليــــــــــــــــــــــن..ليــــــــــــــــــن ..ليـــونه وين راحت هالبنت..؟؟
:وش فيك واقفه هنا ..تدورين على شي؟؟
ام فارس:لين ياشهد مااشوفها تعبت وانا ادورها من ساعتين ماشفتها..
شهد:اكيد مع بنات عمها ولا مع اخواتها و البنات لاتشغلين بالك بس.
ام فارس:مااتوقع قلبي ناغزني ان فيها شي ..خليني اروح اسأل خواتها عنها.
..وصلت عند البنات وقالت لهم بقلق واضح:بنات ماشفتوا لين ؟؟
البنات :لاااا
ليال:أي يمه شفتها قبل ساعتين اكيد مع مرام وديالا.
ام فارس : لا مو معاهم هم نايمات الحين ..ياربي وين اختفت.
(تذكرت ليال لمن جات لها لين وهي تصيح وقالت لها عن شي بس ماانتبهت له):يمه اختي وينها ..
وقام الكل يدور عليها وليال متقطعه من البكي وحاسه بالذنب لانها ماسمعت وش تبغى منها.
:ليييييييييييييييييييييييييييييييييييييييييييييييي يييين اهئ اهئ لييييييييييين ردي علي وينك لييييييييييييين
راحت ام فارس تقول حق اخوانها عشان يدورون معاهم على لين الي فجأة اختفت مايدرون وينها
ام فارس: ميري روحي حق الرجال نادي لي بدر او فارس
ميري :تيب
راحت ميري طقت الباب على الشباب
ماجد:ادخل
دخلت ميري بدر نعم وش تبين
ميري :بدرماما تبيك
بدر :طيب.
طلعت ميري وراها بدر بدر من بعيد شاف امه وجها متغير جا لها هايمه امري وش بغيتي
ام فارس:يمه بدر ماشفت لين
بدر:لاوالله مو هي معاكم
ام فارس:ياربي وين راحت هالبنت دورنها ماشفناها
بدر :وليه حضرت جناب الاخت ليال ماتنتبه لها
ام فارس :قاعدة مع رفيجاتها مو وقته الحين روح دور على بنتي دورناها داخل بكل محل ماشفناها االكل يدورها روحوا دورو بنتي ياربي وين اختفت بنتي
بدر:يمه هدي زين وين بتروح موجودة بس يمكن راحت تلعب في محل ولا اعرفت تدل الطريق هدي انتي بس ورجعي داخل واحنا بندور عليها
ام فارس:طيب
رجع بدر حق الشباب يقول لهم يقومون يدورون عن اخته لين
فارس: انت شتقوول وينها لين
بدر:امي تقول دورتها ومالقتها
فارس :يعني وين بتروح اكيد راحت تلعب
ماجد :شباب خلونا نروح نشوف يمكن في الالعاب؟
الشباب :يلا
والكل بدأيدورها
ام محمد:خلاص يافجر قطعتي قلبنا وانتي تبكين
فجر :موبيدي يدتي كله منا انا وليال.
ام محمد:لاتلومون نفسكم هذا الي كاتبه ربكم وهي وين بتروح ماردكم بتشوفونها
فجر: الله يسمع منك وراحت تدورها
وامها من الخوف على بنتها طاحت عليهم وخذها بوفارس غرفتها ترتاح
وليال بعد ماطاحت امها حست بالذنب زيادة
وقامت تدورها وتقول ليون حبيبتي وينك تعالي بعطيك الشكولاته الي تحبينه وينك وهي تبكي
ليال وهي تمشي بمكان بعيد ومظلم ورا المزرعة ماشافت في وجها الا واحد يصدم فيها
ليال:آآآآآآآآآآآآآآآآه

انتهى البارت الأول

ان شاء الله يعجبكم

والحين نبغى توقعاتكم:::

*تتوقعون لين وين راحت ؟

*ليال مين صدمهاااااااااا؟

*ومين هذا متعب وهل راح يكون له دور في الرواية؟

&&&&&&&&&&&&&&&&&&&&&&&&&&&&&&&&&&&&
[/color][/size][/font][/b]

رنود الذوق ©؛°¨غرامي جديد¨°؛©


حبايبي وين ردودكم لهدرجة الرواية مو حلوة


ورده خضرا ©؛°¨غرامي جديد¨°؛©

بلعكس حبيبتي روايتك روعه استمري وحنا بنتظارك

؛؛همس الروح؛؛ [®]همس الحروف[®]
مستشــ¸.·* غرام *·.¸ـــاري

سلمتِ رنود وسلمت صديقتكِ

جميل البارت الأول

في إنتظار البارت القادم بكل شغف

أتمنالكم كل توفيق

ودي


ذوق وحلآهافوق ©؛°¨غرامي جديد¨°؛©

وااااااااااو الروايه خطنطربالحيييل
كملووها بثرعه وانا متابعتكم كمان
*تتوقعون لين وين راحت ؟
وراء المزرعه

*ليال مين صدمهاااااااااا؟
امم اتوقع صدمة بـ لين

*ومين هذا متعب وهل راح يكون له دور في الرواية؟
امم والله منو ماادري بس اكيدبيكون له دووربالروايه
كملووها بثرعه
ومشكورين يارنودوياكيون

رنود الذوق ©؛°¨غرامي جديد¨°؛©

مشكورين حبايبي على الردود وان شاء الله اليوم بنزل البارت الثاني اتمنى يعجبكم انتظروني

ذوق وحلآهافوق ©؛°¨غرامي جديد¨°؛©

نستنااك عنووونااتي لاتتأخرين اوتسسي؟؟

رنود الذوق ©؛°¨غرامي جديد¨°؛©


(البارت الثاني)

:: كيف تعمل كذا في أبوي ياعبدالله والله لأانتقم منك واطفي النار الشابه في صدري

طلال :لايصير قلبك اسود يامتعب الرجال ماله ذنب

متعب:كيف ماله ذنب واهو السبب في موت أبوي

طلال:استغفر ربك يامتعب ولا تعترض على حكمته

متعب : أستغفر الله بس مهما كان لازم انتقم وأخذ حقي منه

طلال وهو يهز راسه :رأسك يابس خلنا نقوم نغير جو احسن من كلامك الفاضي

متعب :يلاااا

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&

ليال:آآآآآآآآآآآآآآآآآآآآآآآآآآآه

:: وهو يسد فمها سكتي لاتخافين انا محمد ولد عمك

محمد:وهو يشوف عيونها غرقانه بالدموع

ليال: ابي اختي انا السبب انا الي خليتها تزعل

فجأة سمعت صوووت بدر وهو يقوول ياجماعة لقيت لين

ليال راحت وأهي تركض من الفرحة

ومحمد مفهي حظرته توه ينتبه انه هي راحت وخلته

اوصلت ليال حق بدر وخذت منه لين الي كانت نايمة بحضنه

ليال:وهي تبوسها وين شفتها

بدر: نايمة في مخيمنا ورا المزرعة

وامها اول ما سمعت بالخبرراحت لها بسرعه وهي تركض وتبوسها ..
:ليه ياماما تخوفيني عليك كذا ؟؟
لين:مااااااامااا ليه تبكي هذا انا هنا ماضعت
&&&&&&&&&&&&&&&&&&&&&&&&&&&&&&&&&&&&&&&&&&&&&&
بعد العـــــــــــــــــشا..
كان خالد وبدر وفيصل يخططون لرحلتهم للبحرين وقرروا انهم يمشون الصباح..
و لؤي مع رائد و الشباب الباقين يختارون لهم فلم حق نص الليل واختاروا انهم يتابعون avatar<<<كلكم تعرفونه هع
والبنات فكروا انهم يحتفلون بعد الاختبارات ويعملوا لهم حفلة بسيطه ويعزمون صديقاتهم..
ورانيا ولمار جالسين على اللابتوب ومشغلين الاغاني لآخر حد ويشوفون اخبار المنتدى حقهم والفيس بوك وفالينها مع ربعهم في المسن
والحريم مسوين لهم كل انواع الحلويات وذيك القهوهـ وهذاك الشاي والحب..ويحشون في خلق الله<<<<طبعاً حريم مانلومهم*.*
والرجال يتكلمون في امور الشركة والشغل

الساعة 2:30 الحريم والرجال نايمين مابقى الأ الشباب والبنات مخلين السهره صباحي على قولتهم وماناموا..
عند السباب دخلوا في الصالة عشان التلفزيون بلازما ..يبغون يحسون انهم في سينما خخخخ
لؤي:هاا متحمسين للفلم ولا لا تراهـ جديد يعني لا يغركم اسمه..؟؟
زياد:انت حطه وحنا راح نتفرج وش ورانا .
فارس:عاد تدري حمستني له سمعت عنه بس ماشفته تعرف الشغل ماخذ وقتي.
رائد:لايفوتك يا فروس خطييييييير والكل يتكلم عنه.
فيصل:يلا شغلوهـ خلونا نشوف فلمكم الخطير.
لؤي:هدووووء بدأ العرض.
&&&&&&&&&&&&&&&&&&&&&&&&&&&&&&&&&&&&&&&&&&&&&
:بنات بنات الشباب يشوفون فلم avatar في الصاله تكفوون ننزل معاهم نشوفه.
ريماس: جد؟؟ومالقوا يجلسون الا في الصاله.
رانيا:مو مهم وين يجلسون ان شاءالله في السطح بس تكفون خلونا نشوفه
لمار:أي والله نبغى نشوفه انا عارفه اخوي نذل ومابخلينا نطالعه بعدين.
فجر:مدري احسها فشيله كلهم شباب وحنا قاطين وجه.
ريناد: لا وش قاطين وجه الحين بكلم تركي و اقوله يوسعون لنا مكان.
رانيا: هذا بنت العمه السنعه مو هذيك ام الفشيلة..
فجر: جبي عاد لاوالله مافيه نزله.
رانيا:لالا ها قفلت حلقي ماعاد اتكلم
ريماس:ماتجي الا بالعين الحمراء.هههههه
البنات:هههههههههههههههههه
ريناد:بنات يلا كلمت تركي وقال حيياكم.

ولــــــــــبست كل وحده عباياتها ونـــزلوا بـــــــــــعدها
&&&&&&&&&&&&&&&&&&&&&&&&&&&&&&&&&&&&&&&&&&&&&
:دامهم نازلين والجو ظلام دامس وش رايكم اذا قرب ينتهي الفلم نخوفهم شوي..
فهد:اقول اعقل وانا اخوك مافينا على صراخهم .
بدر:أي جبتها يا فصوليا خلاص انا معاك يالبطل.
فيصل: اول شي فصوليا بعينك ثاني شي احنا ماراح نرعبهم كثير واذا مافيك على صراخهم توكل.
فارس: بل بل اكلت الولد تراه ماقال شي..بس تدري فكرتك عجيبه عجبتني.
فهد: بكيفك بس لاصار لهم شي انت اللي راح تتحمل المسؤوليه
خالد:لاتخاف مابيصير لهم شي ذيلا قطاوهـ مايخوفهم إني ثينق
طبعاًمو كل الشباب عارفين فكرتهم ..زياد ومحمد راحوا ينامون ..وماجد لاهي با اللاب توب والشغل ومو معاهم..لؤي ورائد مركزين بالفلم
..
نزلوا البنات وجلسوا كلهم في جهه وحده بحيث مو قريبه من الشباب..
فيصل:حيا الله بنات العم والعمه شخباركم شحوالكم..؟؟
البنات بأصوات مختلفة:بخير الحمدلله
بعد فترهـ عم الهدوء ومافيه صوت غير الاصوات اللي بالفلم..
فجأه ..:آآآآآآآآآآآآآآآآآآآآآآآآآآآآآآآآآآآآآآآآآآآآآآه
كل وحده تصعد قبل الثانيه من الخوف والرعب..
(لحظه لحظه بقول لكم وش صار اللي صار ان:
بعد ماعم الهدوء..فيصل أشر لبدر وخالد يلحقونه وراحوا غرفتهم
فيصل :انا ناوي من كنت في البيت اخوفهم والحمدلله ربي ماخيب رجائي
خالد:ليه انت وش جايب معاك ؟؟؟
بدر:ههههههه لاتقوول هذاك اللي شريناهـ
فيصل:ههههههه اييييييه عليك لمبه اهو.
خالد:شنو عاد قولوا..
بدر:هههههه تذكر ذاك القناع اللي خوفنا ديالا به
خالد:أي تذكرته وش فيه لاتقووول انكم..
فيصل :ان احنا راح نخوفهم فيه أي صح
خالد:هههههه مابتشوف الا غبرتهم..
بدر:طيب يلا نلبس الاقنعه قبل لايشكون فينا
خالد وفيصل:يلا
..خالد راح ورى البنات وبدر واقف عند الباب يعني يسد الطريق وفيصل طلع لهم من الامام)
..
عودة الى مابعد المقلب..طبعا قبل الغبرهـ اللي طلعت من البنات من الصدمه ..
ماجد طاح منه اللاب توب..و لؤي ورائد في عالم الفلم مو مع صراخ البنات مايدرون وش السالفه..والشباب يضحكون لأنهم عارفين بالطبخه
ما سمعوا الا ضحك الثلاثي الشيطاني ..:واااااااك ماقلت لك بيخافون ومابتشوف الا غبارهم.
خالد:ههههههه لاتكذب انا اللي قلت لك.
فيصل:انا وانت واحد نفر عادي
بدر:خخخخ لا وانت الصادق انت عن عشرة نفر
ماجد: شفيكم انتوا جنيتوا؟؟
فارس:ابو الشباب مو معانا وحنا نخطط صح؟
ماجد:وش مخططين له تخوفون البنات وتخربون شغلي يالسلاحف.
فهد:الاولى صح بس الثانيه لا ولا جيت في بالنا اصلاً
..وإلى وقتكم ماانتبهوا لؤي ورائد حق الشباب او وش عملوا..حدهم خلص الفلم شالوه وراحوا ينامون..هع

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&
عند البنات بعد ساعة من الخوف
:الله يلعنهم على هالمقلب السخيف والله لأردها لهم .
:واااااااي طاح قلبي من الخوف الحين وين القاهـ اووف.
فجر:انا قلت لكم مانبغى ننزل قلتوا لي لاااا نبغى زين كذا.
رانيا:ياااااليتني سمعت كلامك يالعاجل ااااااه بس قلبي يرجف الله ياخذهم على هالمقلب
فجر:آحم آحم عشان مرة ثانية تسمعون كلآمي يالبزارين .
ريناد:وهي ترمي عليها المخده ....مالبزر الأ انتي
لمار: بنــــــــــــــــــــــــــــــــــــــــــــــــ ـــــــــــــــــــــــــات هدووووء عندي فكرة .
البنات:شنووووووووو
لمار: شرايكم نرد المقلب للشباب ؟؟؟
ريماس:شنو فكرتك يالعبقرينو؟؟
لمار: انتوا انقلعوا ناموا الحين وانا اقولكم بكرهـ.
فجر:لعنة الله على ابليسك قولي وش خطتك الحين.
ليال:اول شي لاتلعنين ابليسها لانه هو اللي مخليها تفكر ثاني شي اتفق مع لمار.
لمار:كيفي اللي يبغى يردها لهم يستنى بكره وبعدين هذا جزاتي بخطط لكم فكرهـ مضمونه.
ريناد:خلاص خلاص نستنى بكرهـ ونشوف.
رانيا:انتي ياقليلة الخاتمة وش تمخمخين له بدوني ها ؟؟
لمار:ماعليك بقولك بس انتي صبري شوي اووف.
رانيا:بنشوف وش آخرتها معاك.
ليال:يلا بنات خلونا نروح نصلي اذن الفجروبعدين نروح ننام.
البنات:يلاااا
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&
في مكان ثاني ..
:يلا حبيبي انا لازم اسكر الحين.
:لا حياااتو خليك شوي ماشبعت منك.
ضحكت بدلع:هههههههه ليه انت من متى تشبع.
:هههههه مستحيل اشبع..فيه احد يشبع من حياته.
تكلمت بخجل:احم انا بسكر تبغى شي عمري.
:أي ابغى اشياااااااء مو شي.
فهمت وش يقصد و ضحكت:ههههه وشنو تبغى..؟؟
:اممم بس ابغى اقابلك وسلامتك.
قالت بدلع زايد:اممم افكر وأرد لك خبر..يلا باااااي.
:بااي ياعمري
..نهـــــــــــــــــــــــــــــــــــــــــــاية البـــــــــــــــــــــــــــــــــــــــــــ الثــــــــــــــــــــــــــــــانــــي ـــــــــــــــــــــــــــــــــــــــــارت..

*شـــنو المقلب اللي تفــــــــــكر فيـــــه لــــــــــــمار؟؟

وهل راح ينجح مقلبهم في الاولاد أو فيه شي بيخرب عليهم؟؟

*منو الاشــــخاص المجـــهولين اللي كانوا يتـــكلمون ؟؟

*وش بيصير في رحلة الشباب الى البحرين؟؟
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&


رنود الذوق ©؛°¨غرامي جديد¨°؛©

سوري حبايبي البارت قصير بس ان شاء الله البارت الثالث يكون اطول اتمنى يعجبكم

يلا وين توقعاتكم


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1