منتديات غرام أعضاء غرام سكون الضجيج - مملكة العضو إلى متى ونحن غافلون وخلف شهواتنا لاهثون
مدحدر نحو القمه ©؛°¨غرامي مشارك¨°؛©

السلام عليكم ورحمة الله وبركاته ..
صباح الخيرات والمسرات .. ها نحن في 4أيام رمضان المباركـ ..

إخواني المسلمين .. أخواتي المسلمات ..

اليوم أذكركم وأذكر نفسي .. يقول الله تعالى(فذكّر فإن الذكرى تنفع المؤمنين)

واليوم سأنصح لنفسي وأنصح لكم اتبّاعا لقول المصطفى صلى الله عليه وسلم
((الدين النصيحة ... الحديث ))
كثير منا لاهي في دنياهـ .. كثير منا مضيع لصلاته .. وكثير منا يؤخر صلاته عن وقتها ..
وكثير منا يركض خلف شهواته > خلوني اقولها بصراحه يابنات وياشباب .. اغلب اللي بالنت لوق والفيس بوك .. وكثير من اللي في المنتديات ..!!داخلين عشان التشبيك .. اما شاب يركض وراء شهوته ويلعب ع بنات الناس وياخذ شرفهم وعفافهم .. او بنت تبي بنت .. او ولد يبي ولد مثله .. الى هذهـ الدرجة سحبنا الشيطان معه .. الى هذهـ الحقارة وصلنا .. طيب وبعدين .. مشينا خطوات ابليس خطوة خطوة .. من طاعه الى تهاون بترك الطاعه ثم معصيه صغيره ثم كبائر ذنوب .. وبعدين الى وييييييييييين بنوصل يا اخواني ويا اخواتي في الله .. الى ان نكفر بالله .. او نقع في الشرك .. تقول لا مستحيل .. اقولكم انو هذا هدف الشيطان الاول والأساسي واللي عشانه طلب من ربنا جل جلاله انه يؤخر موته الى يوم يبعث الناس .. يقول الله تعالي (ولاتتبعوا خطوات الشيطان إنه لكم عدو مبين ) .. والشيطان يقول مخاطبا الرب جل جلاله (فبعزتك لأغوينهم أجمعين إلا عبادك منهم المخلصين) اخواني اخواتي فلنكن عبادا لله مخلصين ،، ولا نتبع خطوات ابليس اللي يريد يغوينا ويخرجنا من الجنه كما اخرج ابوينا ادم وحواء من الجنه .. كم بتعيش وكم بتعيشين .. كم قول يامن تبحث ليل نهار عن بنات تقضي فيهم شهوتك .. وانتي قولي كم ستعيشين يامن تتعطرين في الاسواق .. يامن تعرضين صورك في النت لوق او الفيس بوك او البالتوك .. كم 20 سنه 40 سنه 60 سنه .. انها حياة قصيره .. في غيركم كان يقول بعيش 70 سنه لكن مات وهو شاب في بنات ماتو وهم توهم في عمر الزهور .. وكلكم تعرفون قصة البنات اللي ماتو في الجيب في الثمامه .. تخيلي انك وحده منهم .. وش بتقولين لربك .. اخواني طيب وعشنا في هالدنيا والنهايه ايش ؟؟ حبيبي الغالي اختي في الله نهايتنا حفرة صغيره ننحط فيها بعدها يكبون علينا التراب بعدها يبدأ الحساب والجزاء .. فيه من سوف يعذب في القبر .. وفيه من سوف ينعم .. فيه من سوف يكون قبره حفرة من حفر النيران وفيه من سيكون قبره روضه من رياض الجنه .. فكر وفكر وفكر يا اخوي وفكري وفكري يا اختي ..لاتجعلون الله اهون الناظرين اليكم ..
يقول الله تعالى ( ولاتخشو الناس واخشوني )) الآيه
خافوا من الله راقبوه في السر والعلن ..
ياشباب ان اول فتنة بني اسراءيل النساء .. غضوا ابصاركم كي لاتفتنوا ..
خواتي يابنات .. خافو ربكم لاتتزينون في الاسواق .. لاتلبسون مخصر لاتتعطرون .. وربي وربي يسوف تقفين وحدك امام الله .. وتسألين عن ذلك .. ربما بسببك يفتن شاب ويقع في الزنا او اللواط بسببك وتحملين وزرهـ .. اتقى الله في نفسك .. تذكري الحفره اللتي ستكون نهايتك فيها ..
اسف على الإطاله .. ولكن ارجو الله ان يغفر لي ولكم ويرحمني ويرحمكم .. والسلام عليكم ورحمة الله وبركاته


أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1