غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 13-08-2011, 12:34 AM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: وقفة على ضفاف الجرح / للكاتبة : ذكرى نجدية


صباحك خير
سجليني متابعـه ..

قريتيها جدا رائعه و فضيعه و الكاتبة لها مستقبل قدام في روايات
انتقـادي زي ماقالت الحلوة اللي في صفحة الأولى [ blue ]
مراح أزيد و انقص في كلامهآ
ياليت لو توصليلها رسالتنـآ.. بالله عليك
لأن روايتها كـ بداية جداً روعـه
بس حرام انه روايتها تلاقي طريق للأنتقـادات اللي زي كدا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 13-08-2011, 03:57 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية


اقتباس:
المشاركة الأساسية كتبها × blue × مشاهدة المشاركة
-
السلام عليكم ورحمة الله وبركاته :

كيف حالك ؟


بداية الرواية مرة جميلة خاصة بهذا الوقت لان
صارت الروايات الجيدة قليلة مرة

بس عندي ملاحظة بسيطة :

ياليت اذا بيصير حوار بين اي شخص في الرواية
ياليت تكتبين اسمه قبل ما يقول الكلام مثلاً في المقطع اللي انا مقتبسته :

مزنة : نعم
موضي : السلام عليكم
مزنة في نفسها تقول ان الصوت مر على مسمعها بس قالت : وعليكم السلام مين انتي ........... الخ

لان بشكل اللي كاتبته الكاتبة ابدا مو واضح و مخلي الكلام مبهم و غامض جداً
ياليت توصلين لها هذي النقطة واكون لك من الشاكرين ، لان بجد هذا اكثر شي مخرب
القصة و الاحداث ما تفهمين على طول لين ما تقرين الكلام كم من مرة ..


الله يوفقك و يسعدك يارب


-




وعليكم السلام ورحمة الله ..
تمام ياقلبي =) ..

ابشري راح أوصل لها كلامك بإذن الله ..
نوو^_^وورتي ..

----------------------- [ εïз ] ---


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 13-08-2011, 03:58 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية


اقتباس:
المشاركة الأساسية كتبها ديما القطبے مشاهدة المشاركة
صباحك خير
سجليني متابعـه ..

قريتيها جدا رائعه و فضيعه و الكاتبة لها مستقبل قدام في روايات
انتقـادي زي ماقالت الحلوة اللي في صفحة الأولى [ blue ]
مراح أزيد و انقص في كلامهآ
ياليت لو توصليلها رسالتنـآ.. بالله عليك
لأن روايتها كـ بداية جداً روعـه
بس حرام انه روايتها تلاقي طريق للأنتقـادات اللي زي كدا



آهلين ديمآ ..

آكييييييييييييد راح يوصل ان شاء الله ..
تسسسسسسسسسسلللمي عالمتابعة ..

نوو^_^وورتي ..

----------------------- [ εïз ] ---


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 13-08-2011, 04:00 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية


بسم الله الرحمن الرحيم


السلام عليكم ورحمة الله وبركاته


كلام كثير الي كنت ناويه اقوله وطار مع ربكة البارت الاول

طبعا شخصيات القصه مااكتملت وباقي شخصيات منها الرئيسيه ومنها الثانويه
مع هذا البارت بااذن الله راح تكتمل
قصتي هذي شخصياتها اكثر من القصه الاولى اتمنى اني استطيع امتد بخيالي لها كلها واعطيها حقها وما ابرز شخصيه على حساب ظلم الثانيه
حبيت في هذي القصه ان تركيبات االشخصيات وصفاتها تبرز بالتدريج واانتم تكتشفونها

واتمنى هذا البارت اشوف الناس الي افتقدتهم هذا البارت ويعودون يحاوطوني واحس بأنسهم

لكن مع هذا مااقدر انكر امتناني للناس الي شرفوني واتحفوني بتشجيعهم

فلهم كل الشكر ولهم بارت جديد




البــــــــارت
"2"









كانت تجلس على قطعه من الكنب الفاخر المتوزع في نواحي الصاله وهو يتربع على الاراض قدامها ويسمع كلامها والغصه الي تقف في حنجرتها وخوف من مواجهه ممكن تصير بينهم في يوم من الايام
خرت دمعه عنيده على وجنتها البيضاء

.. اشتقت لها احس الصبر الي عندي نفذ ودور القويه ماعدت اقدر امثله

ابتسمت وهو ساكت ويسمع بدون مايقاطعها وكأنه مايعرف كلمه يواسيها فيها

.. شكلي فريت راسك بسوالفي

ابتسم بألم وان كان يتحايل على نفسه لايهب فيها يكره حزنها ويكره اكثر دموعها طول عمره يشوفها جبل راسي ماتهزه الرياح

.. لا ابد بس انا مستغرب منك يمه سنين ناسيتها وش الي ذكرك فيها وانتي اخر مره شفتيها فيها من تسع سنوات لمحتيها لمحه >>

كان مشهد يتكرر بعد الحاح شافتها كانت دقائق بسيطه وتوارت عن نظرها وطردوها للمره الثانيه وماعطوها فرصه حتى تفسر ملامحها او تسمع صوتها حضنتها لكن حضن بارد

..انا عمري مانسيتها انا كنت ساكته لان الكلام ماينفع كنت ادعي الله انه يجمعني فيها وقلت ربي استجاب دعاي

سكت كلامها غير مفهوم يدل ان في شي صاير مااحد يعرفه الاهي حرك يدها المرتجفه بيده ينبهها لسؤاله

.. يمه وش صاير " انتي شفتي احد من طرفها

ثبتت كل اعضاءها وحاولت توقف دموعها وتعض شفتها

.."لا "

تلون وجهها وكأنها تصارع الم يفتك فيها بشراسه خاف من حالتها

..اجل وش جد في الموضوع!!

ارخت شفتها بعد ماكانت راح تتقطع تحت اسنانها

.. انا شفتها هي

سكت مبهوت وكان الكلمه صارت بصداء يتردد عليه بعد مده من الصمت

..وين ؟؟

بدت تدخل في الكلام الي تكتمه من اكثر من اسبوع وتعيش حيره بين الاقدام او التراجع تخاف تقدم ويموت الامل برفضها انها تتقبلها في حياتها او تتراجع وتعيش بهواجس وخوف من لوم نفسها ولوم غيرها

.. توظفت ببنك "شفتها يوم اشترينا سيارة ماجد ورحت اسحب فلوس

اخيرا حيرة الكلام انفكت وبدت تكلمه بعد ايام من الصمت

.. شفتها وعرفتها >>
حركت جسمها على الكرسي واتجهت له بسرعه .
. ماتغيرت ياراكان الا ان البراءه صارت شي غريب ماعرفت افسره

استغرب منها سنين غياب يمكن تتوهم لكن كلامها ياكد انها واثقه

.. وشلون عرفتيها ؟؟

هدت نبرتها وقاومت رغبه ملحه انها تبكي

.. الانسان ماينكر قطعه منه " بعد ماشفتها بدون ماتحس سألت عن اسمها وتاكدت انها هي

>>وان كان هو اكثر انسان تشكي له لكن وصف شعورها صعب صعب جدا لااسباب كثيره لان شعور الاباء بابنائهم مايعرفه الا الي جربه ولانه رجال وفيه شيء من الصلابه لكن عنده استعداد انه يسمع
تاكد ان حالتها ماسببها لقاء من اكثر من اسبوع لكن سببها شي جديد

.. وكلمتيها ؟؟

>>ارخت عيونها وسرت رجفه بجسمها

..هناك ماكلمتها خفت انها ترفضني" خفت على نفسي من ردت فعلها وخفت عليها من مواجهتي لمت نفسي لاني طلعت جبانه لكن بعد الي صار اليوم شكرت هالخوف الي مسكني عنها

وجه سؤاله له بسرعه كانها لحظة اقتناص الكلام بمهاره

.. وش صار اليوم ؟؟

ظهر ماكانت تخفيه وتغلفه بمقدمات عريضه كأنها تخاف انها تفشل بوصفه وتتعب من سرده لكن كان هم يضايقها

.. عرفت ان لها صديقه مقربه اخذت رقم بيت عمها منها وكلمتها

ماعرف كيف يسئلها او يسحب باقي الكلام منها لكن اختصرت الكلام بجمله صغيره واكتفت بااعادة الموقف بينها وبين نفسها

.. وسكرت التلفون بوجهي








.................................................. ....................




قبله بارده لاتحمل الي مشاعر طبعتها على جبهة جدتها الي
ابتسمت باانتصار

.. والله انها من غير نفس يابنت امك

غمضت عيونها بقهر

..المهم اني سويت الي تبين

كان المشهد على مرا من ام طلال وابو طلال وبناتهم لفت بنظرها على الموجودين تشوف ردت فعل الحاضرين وخصوصا مشاعل الي تحس انها قريبه من نجود وممكن تتاثر فيها

.. وابيكم تعرفون كلكم ان البنت الي ماتعرف السنع نسنعها >> ركزت بعيونها االي كانت تدقق بملامح الكل .
.وش تقولين يامشاعل

كانت تنظرلهم بحزن من صغرها تعودت ماتكسر كلام الكبار حتى لوكان غلط سكتت والرد كان لاامها

.. ماتقول الا الي يرضيك ويرضي ابوها


كان عدم الرضا واضح بنظرتها لكن احترامها لاامها سكتها "
ابو طلال الي كان يتكي بجهه بعيده بغرفة امه

.. يالله يابنات اطلعوا خلو جدتكم ترتاح

وقفت لطيفه <ام طلال > بصعوبه

.. تبين شي ياخاله قبل اروح انام ؟؟

بدون تفكير .. أي زيني فراشي وجيبي لي ماء حطيه عندي

ارتخت بعد ماكانت تنوي القيام وتنفيذ طلب خالتها مع كلام مشاعل

.. لا ارتاحي يمه انا راح اسوي لجدتي الي تبيه

الكلام ماراق لها هذا اكثر شي تخشاه ان لطيفه الانسانه الوحيده الي ماقاومت جبروتها ورضخت لتسلطها على اخر عمرها تلقا من يفتح عيونها وتستنصر فيه وتكف يدها عنها

.. ماحد يعرف يخلص شغلي الا امك

قامت ام طلال لانها تاكدت ان شور مزنه هو الماشي لكن مشاعل مازالت مصره

.. بس ياجده امي تعبانه ويالله تقدر تقوم بنفسها مايكفي انك ماانتي راضيه ابوي يجيب شغاله>>

صكت اسنانه بضغينه" معاشرتها لنجود اثرت عليها

.. تبينها تتعود على الكسل "ترىمايعجز الحرمه الا الجلوس وقلت الحركه

قبل ترد مشاعل ردت ام طلال الي اكتمل وقوفها

.. صادقه ياخاله "انا ماتعودت على الجلوس انا لو يوم ماسويت شغل البيت بيديني اموت بمكاني " يالله يامشاعل خوذي اختك وبنت عمك واطلعوا ناموا وانا اسوي الي قالت جدتك واروح انام

اومئت مزنه بيدها

..ولاتنسون ترا بكره جمعتنا عند ابو سعود والا ابي احد يغيب "خصوصا انتي يانجود

افلتت ايديها الي كانت مكتفتها وباستغراب ..وليش انا بالذات اكدتي علي

هزت كتفها

.. لاتنشديني الحين بكره تعرفين كل شي

انغز قلبها من نظرات جدتها ولهجتها المرعبه

.. بس انا ابي اعرف الحين

رد صالح بعد ماكان يعتصم الصمت بنهر لانه خاف من فتح حوار جديد يتعب الجميع

..نجود روحي نامي واتركي الكلام لوقته

التفت له وسكتت بينما اقتربت زوجته منها وبرجاء

..نجود تكفين يابنتي روحي لغرفتك لاانا ولاعمك حمل لمشاكل جديده انتي تدرين ان الكلام الحين مايفيد

غمضت عيونها احترمت رجاء المراءه الي دائما كانت تشوف فيها
الصوره الحقيقه للام المضحيه والزوجه المطيعه وتدين لها انها اعتبرتها وحده من بناتها رغم ان حس الامومه احيانا يعجز الانسان ان يعطيه لمن ليس ملك لهم " طلعت من المكان وطلعت وراها مشاعل ومنى وابو طلال
وبقت ام طلال تنفذ الاوامر العليا من خالتها


.................................................. ..............

جدران دافئه تحيط في بيت صغير غايه في الجمال لمسات ناعمه تميزه " ديكوراته تعبر عن شخصيات اهله "وعبق راقي يفوح من كل اركانه "مملكه صغيره تاسست من ثلاث سنوات
بدات بالحب وقامت بالصبر وكبرت بالتضحيه "



جهزت غداه قبل يوصل تعرف انه يكره ينتظر وهي اكثر شي تكرهه انه يزعل منها " استدارت عليها من كل الجهات تتاكدت من اتقان شغلها " كانت بكامل اناقتها وباجمل حللها "تحرص كل الحرص انها تكون جميله بعينه "
دخل من باب المطبخ بدون أي نظره

<سعد >..السلام عليكم

تعودت انه يكون باسوا مزاج وقت رجعته من دوامه ابتسمت احلى ابتسامه <منال > .. وعليكم السلام " تعال غداك جاهز

القى نظره على الطاوله ورفع راسه لها

..وين سديم ؟؟

اقتربت منه ومدت يدها واخذت الشنطه من يده

..نومتها عشان ماتزعجك وانت تتغدا

.. زين "جهزي لي ملابس

مشى للغرفه وهي تتبعه على طول فتحت الدولاب وبدت تطلع له ملابس

..بكره ان شالله اهلي عندهم جمعه وابيك توديني لهم

بانتقاد رد عليها

..وانتي شايفه ان هذا وقت تقولين هالكلام !!

بخجل حاولت تدور لنفسها عذر

..اسفه بس قلت اقول قبل انسا

حرك يده وهو يتناول ملابسه

..لاتخافين السالفه فيها طلعه ماراح تنسين

بكل عيوبه تحبه وعلى انها احيانا تحاول تسكت لكن اكثر شي يضايقها منه ان كل الي تسويه له ماتلقى مقابله اطرا وعند أي زله منها ينتقدها

..ماكنت اظن ان طلب مثل هذا يضايقك

وكأنه حصل على مبتغاه ووصل للي يلف ويدور عليه

.. يالله يامنال اكثر شي تستمتعين فيه اذا نكدتي علي

اشارت على نفسها اسلوب غير غريب عليها لكن مثل ماهو ماغير طبعه هي ماقدرت تغير طبعها

..انا نكدت عليك ! انا من الصبح واقفه بس عشان اذا جيت تشوف شي يعجبك

هز كتفه بانتقاص لها

..هذا واجبك ان ماسويتيه راضيه تسوينه مغصوبه

هنا طلعت ثورتها وجنونها عليه

.. مااحد يقدر يغصبني على شي ماابيه

ابتسم وهو يلاحظ احمرار بشرة وجهها البيضا

.. انا اقدر

ردت بسرعه تحاول تبتلع لسانها عيبها الي تقره بينها وبين نفسها لكن اعجزها ودائما بموقف مثل تخذلها حكمتها

.. لاماتقدر

ضحك عليها بصوت عالي ورد قبل يدخل يبدل

.. قصري صوتك

ودخل" حست انها هي من بدا وهي من غلط جلست على السرير وتدحرجت دموعها السريعه على خدها استفزها بسهوله يمكن لانها توقعت منه كلمة شكر او ابتسامه تعبر عن امتنانه فكرت وبلمح البصر ردت على نفسها > صادق هذا واجبي وحقه علي >قدر يبسط جهدها بنظر نفسها وهو متاكد
...............................................



بعد كلامها مع راكان ارتاحت شوي وطلعت تريح جسمها بعد يوم حمل معاه الكثير من الضغط النفسي والعب الروحي قبل تاخذها افكارها للبعيد سمعت حركه سريعه قامت بسرعه وفتحت بابها شافته نازل يهرول على الدرج وبيده شنطه صغيره بسرعه لحقته ونادته

..راكــــــــان

التفت ورجع طلع كم عتبه

.. زين يمه انك قمتي كنت ناوي اكلمك بعدين او ارسل لك رساله عشان ماتخافين علي

نزلت بريبه وعينها على الشنطه بيده

.. انت مسافر؟؟

هز راسه بسرعه وكانه مستعجل ويخاف الكلام يعطله عن مشواره

..اي يومين ان شالله وراجع

عقدت حواجبها واقتربت منه زياده

.. طيب ليش كان احد يركض وراك عسى ماشر

ناظر بساعته وناظرلها

..يمه الرجال تحت ينتظرني تاخرت عليه

بسرعه
..طيب علمني وش صارومن هو الرجال تراك خوفتني ماعمرك سفرت بدون ماتقولي قبلها

الخبر مايسر لكن لازام يقول لها ويطمنها

.. يمه ابو فيصل توفى وانا لازام اروح له

فجعها الخبر تعرف ان فيصل انسان مقرب جدا منه وعلاقتهم متينه لابعد حد وخبر مثل هذا يحزن راكان مثل مايحزن فيصل

.. لاحول ولاقوة الابالله "من قالك

..من العصر اتصل عليه جواله مقفل وسئلت واحد معه بالدوام قال انه طلع من الدوام قبل الظهر بدون حتى مايستئذن "واتصلت بواحد من جماعته من نفس قريته وطلبت منه يتصل بااهله يمكن يدرون عنه لان فيصل مايسافر الا لديرته وفعلا اتصل باهله وبلغوه ان ابوه توفى واتصل علي وبماانه رايح قلت نتخاوا لاني ماادل مكانهم

..طيب بسيارتك ولابسيارته راح تسافرون

..لا انا مارضيت نروح بسيارته لانا راح نروح ونرجع مع بعض

بصوت هادي
..زين انتبه للطريق وكلمني اذا وصلت

وهو يكمل طريقه يركض

.. ان شالله يالله مع السلامه

..مع السلامه >>واستدارت على الدرج راجعه لغرفتها بعد ماشافته يطلع ويسكر الباب معه

................................................



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 13-08-2011, 04:01 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية


جلست على سجادتها بعد ماانهت صلاتها وهي تستغفر وتدعي وتردد اذكارها فزت بصعوبه بسبب الم رجلها حتى تصيده قبل يدخل غرفته ويسكر بابها ومايطلع منها الاالعصر في احسن الاحوال

دخل من باب البيت وسماعات الجوال تتدلى على كتفه ويجر نفسه بتعب
مر من الصاله بسلام حرص ان ابوه يكون طالع للمسجد لكن قبل يوصل لباب غرفته التفت بملل على نداها

..طلال

بصوت يحمل الكثير من الملل والتذمر

..نـــــــــعم

اقتربت منه وجلالها يكسو اكثر جسد وتتمايل بمشيتها

.. ليش توك راجع

همس بصوت خافت

..يمه الله يخليك انا تعبان ومالي خلق لاي شي اجلي الكلام لوقت ثاني

قبل يتحرك من قدامها مسكت معصمه

.. متى اشوفك عشان اسولف معك "انت الله يهديك تنام ومن تقوم تطلع ومن ترجع تنام

ثبت قدامها ..نعم آمري وش بغيتي انا اسمعك

هزت راسها بحسره .. ياوليدي انا مابي منك الاانك تنتبه لنفسك ولااهلك

رد بعجاله بس يتمنى تخلص الي عندها ويرمي نفسه وينام

..انتم ابوي ماهو مخلي ينقصكم شي وانا مااشوف ناقصني شي

..والله ياوليدي مصيبه اذا كنت معجبك حالك

ارتفع صوته عشان ياخذها بصوت عالي وتتراجع عن الي راح تقوله

.. وش فيه حالي عايش وش زيني

غورقت عيونها بسبب حسرتها عليه وعلى نفسها

..وعيشتك هاذي عيشه لاوظيفه ولاهدف عايش بس نوم واكل وسهر الي كبرك فاتحين بيوت وانت تمد يدك وتاخذ مصروفك من ابوك

محاوله منه لقلب الكلام عليها لكن امه سياسة تغيير الادوار ماعادت مجديه لها

..يعني تمنون على بمصروفي ولقمتي يكفي انكم مقصرين عني باشياء ثانيه

.. طلال لاتقلب الكلام على كيفك حنا مانمن عليك "وبعدين وش نقصنا عليك ابوك طول عمره ينقص على نفسه عشان مايحرمكم من شي "بس عيب عليك بدال ماتساعده وتشيل عنه محمله همك

باستخفاف رد عليها

.. وش سوا انا صار لي سنين اطلبه سياره مااشتراها لي لين جدتي طلبت منه

تنهدت وجلست على الارض

.. الله يسامحها جدتك مااحد ضيعك غيرها

هز راسه برفض للكلام

..انتم الظاهر تبوني اقابلكم مثل البنات واقعد طول اليوم ياما بغرفتي واذا بغيت اطلع الف انذار لازام ارسله عشان البرنسيسه الي ضافينها وموهقينا فيها

هنا بالفعل تضايقت من كلامه

.. طلال عيب عليك هذي بنت عمك ومثل وحده من خواتك يكفي الي جدتك تسويه فيها

ابتسم بشماته

.. المفروض تشكر الله ثم تشكر جدتي لان لولا خاطرها من زمان قضبتها الباب

..انا ودي اعرف ليش تكرها !!

هز كتفه

..ابد من الله مااحبها احسها وحده شايفه نفسها

..الله يهديك ويكفيك شر نفسك

مارد الاانه دخل غرفته القريبه من مدخل البيت وهي قامت تريح جسمها

.................................................









اليوم الاربعاء يوم يحمل مجموعه من اللقاءت ووداع ابدي



كان في المسجد يجلس وعلى جنبه مجموعه من الرجال كبار السن جت فئه من المعزين كان الحوار في جمل معدوده ومتعارف عليها كان يمد يده ويصافحهم ويرد على تعزيتهم ومارفع راسه الى ان عرف الصوت الي اطرب اذنه رغم انغام الحزن الي تحيطه واحساسه بالفرااغ المخيف في حياته

..عظم الله اجرك

كان صوت لايمكن يغلط بصاحبه كان سنين يتردد عليه بكل اشكاله "همسا "صراخا "ضحكا "بكا"
ثواني بعد ماارتد للصوت وهو يحط عينه بعينه حط يديه ورا ظهره وضمه "راكان كان حزن فيصل يشبه حزنه "رتب على كتفه باحدا يديه

.. شد حيلك وانا اخوك

الثاني كان صامت صامد من الخارج لكنه يصرخ ينهار من الداخل راكان بالنسبه له في هذه اللحظه جدار يتكي عليه جسمه المتعب
ابعد عنه وصار جنبه ورجع للمعزين لكن يحس انه بجنب جسم يسنده اذا طاح
..............................................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 13-08-2011, 04:02 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية



قبل المغرب

في بيتها تستعد وتشرف على تفاصيل دقيقه تعودت تهتم فيها انسانه مرتبه وتحب اسلوب الحياه النظامي وشخصيه قويه هذا هو الانطباع الاول

بااناقتها ولبسها المتقن وفخامتها الغير مبالغ فيها وبلبس وتسريحة شعر ومكياج يناسب عمرها ومكانتها الاجتماعيه دارت بمقدمة البيت وتاكدت من المكان الي راح تستقبل فيه ضيوفها
نزلت وحده من الشغالات وسئلتها

..البنات قامو؟؟

هزت راسها بالايجاب وكملت طريقها للمطبخ اما هي فاتجهت فوق بعد مالقت نظرها على الساعه بجوالها حست الوقت داهمها واتجهت فوق تستعجل عيالها
تعاقبت مع اصغر عيالها وسألته

<شيخه>..وين سعود؟؟

رتب لبسه وهي تقترب منه <بندر>.. الظاهر بغرفته

تعدته ..طيب انزل بسرعه لاأبوك الحين عمك يجي

>>وطلعت لفوق
اول غرفه كانت لبناتها فتحت الباب بسرعه
نجد بعد مامسكت شعرها القصير ولمته بصعوبه ارتاعت وانفلت منها

..بسم الله الرحمن الرحيم يمه خوفتيني

ماكانها سمعت كلامه .. انتن للحين ماخلصتن

اخذت دانه الاسوره واولجت يدها فيها

..دقايق يمه واخلص وانزل


..طيب بسرعه خلصوا وانزلوا جهزوا قهوه وشفو الشغالات

نفخت بقهر من استبداد امها على حد تعبيرها .

.يمه طيب والشغالات ليش جايبينهم ؟؟

اتجهت لها بعصبيه .. نجد بلا طولة لسان "بسرعه انتي وياها خلصوا ترى يمكن بيوم من الايام تتلفتون ماتلقون لاشغالات ولاغيرها

مطت شفتها بتعجب على لهجت امها الغريبه وتكلمت بصوت هادي

..انا خلصت

حركت امها يديها ..قبل تنزلين روحي استعجلي سعود وانتي يادانه الحقيني تحت

وطلعت ونجد كانت تتبعها بعيونها الى ان طلعت

..احس احيانا امي تشبه جدتي بتصرفاتها

كانت تدور بالروج الودردي على شفايفها الريانه

..ليش ؟؟

ارتفعت عن مكانها بسرعه وحركت يدها وهي مستديره وتقترب من باب الغرفه

..مدري مدري انا رايحه لسعود







كان على وشك الانتهاء من لبسه يعدل شماغه على المرايه "حس بدخولها من الباب المفتوح و بحركتها الغير معتاده ماكان طبعها الدخول بهدوء ماتكلم الى ان حس انها غير طبيعيه التفت لها وهو يمسك اطراف شماغه من تحت .

.وش فيك عسى ماشر ؟؟

بصوت بارد ونظره سارحه شوي

..امي تقول انزل قبل يجون البنات

رجع لشغله بلامباله ..وهذي محتاجه هالصفنه !!

للحظه رجعت نجد المتهوره العفويه

..اقول سعود لو امي تسوي بزوجتك مستقبلا مثل ماتسوي جدتي باام طلال وش راح تسوي

هنا بدا الاستفسار الكبير لكن باابتسامه

.. غريبه وش طرا عليك هالسؤال ؟؟

بسرعه وهي تحرك راسها بااستعجال

..انت جاوبني اول

شال العطر ورش على نفسه

..اولا امي ماهي مثل جدتي ثانيا انا ماني مثل ابوي وعمي اقدر ادافع عن زوجتي واحافظ على كرامتها

لفت يديها على بعض كأن الكلام عجبها .

. بس انا احس احيانا ان امي تشبه جدتي بأشياء كثيره

حرك اصبعه بثقه ..لاابدا امي متعلمه وشخصيتها غير صدق ان شخصيتها قويه بس من غير تسلط

..يمكن اذا كانت زوجتك مثلها او مثل ام نجود لكن انت شايف وشلون تسوي بأم طلال لانها ضعيفه ومالها احد زوجتها عمي وهي صغيره وخلتها شغاله لها

انها كل شي وقرب لأخته

.. ومن قال لك ان ام طلال ضعيفه بالعكس قوتها بضعفها امومتها وحبها لزوجها خلوها تتحمل وتصبر "وبعدين يانجد لاتحكمين على ام نجود وانتي حتى ماشفتيها انتي تعرفين جدتي زين لكن ماتعرفينها هي انا تعلمت ان الحياه حرب كل واحد يدافع بطريقته امي واجهة وانتصرت وام نجود انسحبت وام طلال قررت تكون اسيره بس تعيش

كانت ساكته وفاتحه فمها سكت وهي نفضت راسها زي البلها

..يالله انفر راسي فعلا حسيت اني اتكلم مع عسكري

ضحك بصوت عالي على حركتها

.. طبعا الانسان لازام يتأثر بشغله و.....

حطت يدها قدامه ..بس بس الله يرحم موتاك مانبي ندخل بموضوع جديد مانخلصه منه الا لين تطب ام سعود علينا تسود عيشتنا


وطلعت تهرول وسعود يتبعها ويضحك
.................................





بعد ما ارقد ابوه مكاانه الاخير واخذ عزاه رجع للبيت مع راكان الي لازامه الى ان وصل للبيت وبعد ما جاب راكان الغدا لاهل البيت جلس بمجلس ابوه" كانت ريحة قهوته الي يعشقها ويتلذذ بنكهتها تصل لنخاعه وقصصه الي كان يسمعها منه تردد بذهنه ومازال يسرح بذكرياته كأنه يحيي ذكراه حتى حس براكان يمد له فنجان القهوه تنهد واخذه من يده قربه من شفته ونساه

.. فيصل ترى الموت حق ومانقدر نعترض

سهد بعيونه ونزل الفنجان من يده وتربع بعد ماكان ملتم ولازام ظهره للمسند وراه

..الله يرحمه " بس مات وانا بعيد عنه وخالتي تقول انه سأل عني ماتتخيل وش كثر انغبن من هالسالفه

مد يده وضغط على رجله بتشجيع

.. هو ماعنده غيرك ااكيد راح يسأل عنك وانت الحمدلله مرضيه وعمرك مااغضبته ودائما تمشي برضاه بدون ماتناقشه

وهو مدنق راسه وشابك يديه ببعض يسمع كلام راكان .. الحمدلله على كل حال الله يرحمه

هنا راكان حاول يقول كلام مجدي الموت حق وابوه مات وهو راضي عنه و<الحي> ابقا من الميت

..المهم الحين انت لازام تشوف لك حل

عقد حواجبه يستفسر ..حل بأايش ؟؟

هز راكان راسه بااستغراب

.. وشلون حل بأيش انت ناسي الحريم الي برقبتك راح تخليهن هنا وتروح ولا راح تاخذهن ولا وش راح تسوي

ماكان ناسي لكن ماعنده قدره على التفكير والتركيز فقرر يترك التفكير لبعدين

.. بصراحه اجلت التفكير لبعدين

.. الموضوع مايتأجل انت لازام تحسم الموضوع قبل ترجع لشغلك صعب تعلق الموضوع وتخليه وتخليهم ينتظرون قرارك


..انا للحين ماقررت ارجع متى ولين ذاك الوقت اكون قدرت افكر
...........................................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 13-08-2011, 04:02 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية


من خلصت صلاة العصر وهي تدور في البيت وترتب وتحاول تقتل الفراغ وتضيق مساحته بيت طويل عريض كل سكانه عداها رجال مهما كان قربهم منها لايمكن تقدر تاخذ راحتها في الكلام مثل لو كانت تتكلم مع بنتها او اختها لكن محرومه من الاثنين ولولا وجود هالعيال بحياتها يمكن كانت ماتت بحسرتها على عمرها وعلى بنتها
دخلت الصاله ماكان موجود فيها الايزيد متمدد على الاراض قدام التلفزيون ويتابع المباره وصوت التلفزيون يهز المكان جلست على الكنب وراه سرحت بناس كثير مرو عليها بحياتها وسط افكارها انسانه غابت عن العالم الاحياء كانت اقرب انسانه بحياتها كانت الام والاخت الي ممكن تشكي لها همها وتفضفض لها" بسرعه اخذت جوالها وطلعت الرقم وصرخت على يزيد لانه مايسمعها

.. يزيد قصر صوت التلفزيون

التفت وهو متكي على يده وقصر التلفزيون

.. متى دخلتي ماحسيت فيك !!

ابتسمت له ..من بعد مادخل الهدف الثاني

اكملت اتصالها بينما يزيد رجع لاندماجه
ماكانت اكثر من دقتين لين جاها الرد

..هلا والله ام ماجد

..السلام عليكم

كانت مكالمة موضي امنيه ماخطرت على بالها ..عليكم السلام ياهلا والله

..ياهلابك "وش اخبارك

جلست بعد ماكنت بحاله تشبه حالة موضي الا ان كل وحده ضيقتها لها شكل ولون يختلف عن الثانيه

..الحمدلله بخير طيبين "انتم وش اخباركم وش اخبار شلة العزوبيه الي عندك

ضحكت لكلمتها لانها تدري بمقدار طموحها انها تعمل من كل واحد اسره تعيش حياه مرتاحه وتعوض فيهم الخلل الي سبب اعوجاج بمسيرتها

.. الحمدلله كلهم بخير "بس ناقصهم يكملون نص دينهم ويرتاحون ويريحوني

طلعت للدرج تقصد غرفتها لانها بعد مكالمتها عندها مشوار تقريبا يتوجب عليها تقضيه كل اسبوع

.. الله كريم الله يفرحك فيهم

رفعت راسها لفوق ..آمين يارب الله يسمع منك "انتي شكلك تركضين !!


..ههههههه لا والله انتظر محمد يجي عشان اروح اجيب العنود"تعرفين اليوم الاربعاء

ابتسمت لذكراها الغاليه .. الا وش اخبارها وشلون دراستها
..الحمدلله على كل حال ماشيه رغم كل الصعوبات وعلى انها مهزوزه دراستها هي الشي الوحيد الي قدرت تحافظ عليه

..الله يوفقها "ماتدرين وش كثر ودي اشوفها

بتفاعل وعتب ردت عليها ..اللي يسمعك يقول ممنوعه من شوفتها تعالي شوفيها عندي

..وليش انتي ماتجيبينها وتجين عندي

باستنكار ..لا موضي تكفين انا ماابي اخرب الي سويته واخلي ابوها يمنعها تجيني انا ماصدقت انها سمح لها وبعد ماابيها تتعود تكذب عليه"انتي تعالي حياك الله بااي وقت

تنهدت بضيق تتخيل لوكانت تقدر تشوف بنتها لو زياره لكن للاسف تسكرت الابواب بوجهها

..خلاص انا راح اشوف لي يوم يناسبني واجي اشوفها "الا ماقلتي لي هي تشبه امه ولا لا

.. نوره مااحد يشبهها ولاحتى بطبعها

>>قالت كلامها ولمعت عيونها بدموع حاولت ابتلاعها
حاولت موضي تطرد جو الحزن الي تتمنى تهرب منه وعلى كل كمية الحب الي تحبها لام العنود لكن فاطمه اختها الوحيده وكانت شي كبير بالنسبه لها كانت علاقتها بموضي جيره اولا وصداقه من نوع خاص ثانيا كانت المكان الي تفرغ فيه االآمها الكبيره ومخزن اسرارها والانسانه الي تثق دائما برايها

.. خلاص انا ان شالله الاسبوع الجاي راح ازورك

ابتسمت لتلطيف الجو .. حياك الله

.................................................. .........



طلع للمكان الي اتفقوا عليه والي دائما يلتقون فيه رغم اعتراض مشعل
وهو ساكت ويتفرج على المكان حوله عاده لا يستغربها الي يعرفه

اما الثاني كان صافن ينتظر منه مبادره او كلمه لكن طال انتظاره

<مشعل>..انا ودي اعرف انت ليه ترفض تجي عندنا فـالبيت بدل هالازعاج هنا

ناظر له بكل برود وتكلم بصوت ابرد

..وانا ودي اعرف انت ماتمل من هالسؤال ؟؟

مط شفته" يغيضه باسلوبه لكن يحترمه يمكن هو الوحيد الي انصفه وحس بمعناته مع انه ماجربها

..سلطان انا تعبت وانا احاول ازين العلاقه وانت ماانت راضي تساعدني

بنفس البرود وبنفس اللهجه الا انه مسك جواله وصار يقلبه بين يديه

.. يعني صرت انا العاق وهم الي ذابحين اعمارهم علي "هم بعد مااهتموا ان جيت ولا ماجيت "ومع كل هذا انا ماقطعت فيهم انا ازورهم كل فتره من باب صلة الرحم وبس

بمكر استجوبه رغم انه يعرف الاجابه ويعرف السبب

..طيب اخوانك ليش ماتجيبهم معك وليش ماتحب تخليهم يتعرفون على اهلهم

انفعل وبسرعه رد يكره فتح هالسيره ويكره مناقشتها

..الا اخواني يامشعل الا اخواني ماابيهم يجربون شي من الي شفته او يسمعون الي سمعته

كان ابخص شخص بشخصية سلطان ودائما يحاول يفتح الموضوع

.. بس انت ظروفك غير ظروفهم واليوم غير امس انت ليش ماتنسا ؟؟

ارتعد صوت وذكرى مريره اسرت روحه

.. وشلون انسا انهم تنكروا لابوي وهو اكثر واحد كان يحرص على وصلهم "وشلون انسا انه مات وهو كان يتمنى واحد منهم يطل عليهم وان بعد موت امي اربع بيوت مالقيت فيها مكان يوسعني واحد يرميني على الثاني وكل واحد يسمعني كلمه تطعني
ابوي مايستاهل منهم هالجحود

قال كلامه ونزل راسه للاراض ومشعل يستمع له ويحس بكل كلمه يقولها

.. يالله صدق انك حقود
ابتسم بمراره

..حقود حقود بس لاتحكم وانت ماجربت الي جربته "انت تذكر زين وش كان يمر علي
"وعلى العموم حقهم اني ماقطعهم مو عشانهم لا لكن علشان ابوي كان يوصيني فيهم "انا حاولت اخليها علاقه عاديه لكن الماضي ماخلاني وهم ماساعدوني

حاول مشعل اصطياد الفرص بعد ماهدت نبرة سلطان

..طيب يوم انك واصل وذابحتك صلة الرحم وش رايك تجيب اخوانك وتجي وانا راح اجمعهم كلهم هم وعيالهم

كلام مشعل وافكاره ذكرته بانسان عزيز وهذا السبب الي خلا مشعل قريب منه

.. تدري وش الي مخليني على ثقل دمك احبك ومااقدر ارفض لك طلب

بطريقه كوميديه رد وثقه مصطنعه

..اكيد لاني وسيم وشخصيه حلوه مايبي لها سؤال

ضحك بهدؤ وهو يهزراسه

..لا وانت الصادق "انا الي يحببني فيك انك نفس طبع ابوي ونفس اسلوبه بس ان شالله تلقى احد يقدر فيك هالصفه !



...........................................


نزل من سيارة الاجره الي يشتغل عليها بااستعجال ودخل بيته بعد مادفع المدخل الي يوصل لصالة البيت مباشره <سالم >

..وين العنود ؟؟

تجلس مع بنتها الكبيره الي كانت تعتبرها اقرب عيالها بما انها اكثر وحده تؤيد تصرفاتها وتعجب بطريقة تفكيرها لكن دخول زوجه قطع حبال النقاش الطويل

<فوزيه >.. بسم الله الرحمن الرحيم وش فيك داخل بشرك روعتنا

مااعار كلامها أي اهتمام متعود على اسلوبها ومتعوده على اسلوبه

..ماتسمعين انتي اقول لك وين العنود ؟؟

مطت شفتها بضغينه واحتقار لذكر اسمها .

. وش تبي فيها

ردت منيره بلهجه تملاها الغيره واسلوب مشبع بالحقد .

. اكيد خالتها جايه تاخذها" حسره علينا الي ماحد يعبرنا شكلنا نموت بمكانا مااحد يدري عنا

ضرب برجله ابريق الشاي الي يجتمعن حوله وتوزع على كامل المجلس

..حاسدين الفقير موتة الجمعه

هنا ولعت وحاولت تغيضه لين تستفزه ويمنعها من الروحه

.. يبه انت ليش تحبها اكثر منا يعني هي بنتك وحنا بنات الجيران

ردت امه بتفاعل وصوت مستهزئ

.. اكيد غاليه من غلاة امها
فعلا وصلت لشي من مخططها واستطاعت انه توتره لان اكثر سيره توجعه سيرتها واحساسه الفضيع بالخساره

.. تعوذي من الشيطان لاتخليني اعلمك طولت اللسان وشلون >>

واتجه بنظره لمنيره ..وانتي قومي نادي اختك خليها تجي خالتها اللحين جايه تاخذها

وقفت بسرعه وهي تنفض كامل جسمها ..ماهي اختي ماهي اختي "والله مااحد متنهي بهالبيت غيرها

مسك مع اعلى عضدها ونفضها

.. صدق بنت امك ماتقدرين على لسانك

وقفت فوزيه بسرعه ومسكت يده تحاول تبعده عنها

.. وش فيها امها مايكفي متحمله فقرك وطبعك !!
مسكها بيده الثانيه وبنفس طريقته مع بنتها

.. وش حادك روحي عيشي بقصر ابوك يابنت المليونير

قال كلامه ودفعها مع بنتها لين طاحوا على بعض ومشا وخلاهم يلعنون ويسبون


وصل للي مكان الي متعود يشوفها فيه وهي لاهيه او تدعي انها لاهيه لان البيت صغير والصوت يوصلها بسهوله وهي صاده وتغسل المواعين صرت اكتافها من صرخته

.. عنيد
التفت بخوف وبيدها اسفنجة الغسيل

..سم يبه

اقترب منها وعيونه تحمل كل تعابير الشر

..بسرعه انقلعي البسي خالتك جايه تاخذك

ارتبكت وماعندها ادنى قدره على الرد والمواجهه احيانا كثيره تتمنى تكون مثل منيره ترد ومايخوفها صراخه ولاحتى ضربه لكن هي ماتتحمل انه يمد يده تألمها مثل مايألمها كلامه

.. بس يبه انا للحين ماخلصت عندي شغل

خطا لها خطوتين ومسك يدها الي رفعتها قريب من وجهها تحاول تتحاشا فيها الضرب على وجهها .

.اتركي الي بيدك بسرعه يكملونه ولابكيفهم

بصوت متقطع تخافه وتخاف زوجته وتكره الحياه بـهالبيت لكن لاحيله لها الا الصبر

.. بس خالتي تزعل

هزها بعنف لين تلطخ وجهها بالرغوه الي تملا يديها

.. عمرها لاترضا قلت لك بسرعه الرجال الحين يوصل

ودفعها هي بعد وتركها مثل ماترك فوزيه منيره لكن لكل وحده منهن اسلوب طرزت دموعها بسرعه واسفل جسمها ممد على الاراض وترفع بيديها اعلاه

.. ياربي وش هالحياه دائما خالتي تقول بكره تتزوجين وترتحين لكن الظاهر هالحياه هي الي اعيشها طول عمري

قامت وهي تمسح يديها ووجهها واتجهت للغرفه تلبس وتنتظر خالتها "المتنفس الثاني بعد الجامعه الي تهرب فيه من جحيم بيت ابوها





نهاية البارت

طبعا الشخصيات ماكتملت راح تظهر بدية عودة ابطالنا لاعمالهم مع بداية اسبوع جديد


انتظركم بشوق


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 13-08-2011, 04:06 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: وقفة على ضفاف الجرح / للكاتبة : ذكرى نجدية




كان هذا بارت اليوم ^^ ..
قرآءه ممتعة ..

----------------------- [ εïз ] ---


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 13-08-2011, 08:26 PM
صورة أمــــل الرمزية
أمــــل أمــــل غير متصل
خسَرتْ أغّلَى سنِيّنْ العُمر أدَورّ بَعضِي المَفقُود
 
الافتراضي


تسلمين حنونه

جاري قراءة البارت

حنونه ياقلبي انت البارت تنزلينه كل يوم
والا كل يومين. 

تسلمين

ودي



تعديل ♫ معزوفة حنين ♫; بتاريخ 12-02-2012 الساعة 02:23 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 13-08-2011, 08:30 PM
صورة أمــــل الرمزية
أمــــل أمــــل غير متصل
خسَرتْ أغّلَى سنِيّنْ العُمر أدَورّ بَعضِي المَفقُود
 
الافتراضي رد: وقفة على ضفاف الجرح / للكاتبة : ذكرى نجدية


يعطيك العافيه حنون على نقل الروايه
واضح من بدايتها انها حلوه
واسلوب الكاتبه جد رووووعه):

الى الان إحنا في طور بدايتة الاحداث
والتعرف على الشخصيات

اكثر وحده كاسره خاطري العنود
بس وش صلتها بـ موضي

نجود /
اعتقد ان الجده تبي تزوجها لـ سعود
بس هي بتوافق والا بتظهر شخصيتها وتدافع عن نفسها

تسلمين حنون مره ثانيه
كان ودي انك مانزلتيها في رمضان
لو اجلتيها كان بيكون لها متابعين اكثر

جوري لـ روحگ العذبهـ 


وقفة على ضفاف الجرح / للكاتبة : ذكرى نجدية

الوسوم
للكاتبة , الجرح , ذكرى , وحيدت , وقفت , ضفاف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بصدري وجع كنت أحسبه نام يا صدري / الكاتبة : وحيدة و أهلي كثيرين , كاملة روح زايــــد روايات كامله - يتم نقل الرواية هنا بعد اكتمالها 610 06-04-2019 11:58 PM
ضمني بحضن قلبك طلعني من سجني / للكاتبة وحيدة كالقمر وَحِ.ـيِدّة ڪَالقَمَـ.ـر• أرشيف الروايات المغلقة - لعدم إكتمالها 111 15-05-2012 01:20 PM
رواية همسات الجنون للسالكين عكس الدروب / للكاتبة أماني المعيدي it is me^_^ أرشيف الروايات المغلقة - لعدم إكتمالها 67 12-11-2010 11:28 PM
هل تعلم كيف يلتئم الجرح ابو شروووق صحة - طب بديل - تغذية - أعشاب - ريجيم 10 28-01-2010 09:13 AM
فنون الجرح كاسرة الصمت مواضيع عامة - غرام 9 18-10-2009 07:12 PM

الساعة الآن +3: 03:08 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1