غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-08-2011, 02:02 PM
*زهرة السوسن* *زهرة السوسن* غير متصل
©؛°¨غرامي جديد¨°؛©
 
الافتراضي رد: قلوب في بحر الضياع / بقلمي


الروايه كتيير حلوه والحلو اسلوبك بتعريف الشخصيات جديد يعني بدك تعرفينا على الشخصيات من خلال البارت
بس الشخصيات غامضه شوي
مين الي بكلم هيفاء بالجوال وهل هو نفس الشخص الي كانت تشوف صورتو ؟؟؟
وهبه في سبب للكابوس الي شافتو ولا مجرد كابوس ويعدي
والي قهرني بجن ناصر ليه طلق منال وبكل برود يقلها سامحيني على الي رح اقوله لك وشو السبب الي خلاه يطلقها لانو واضح انهم بحبو بعض>>>> هذا واحد من اكتشافاتي ههههههه
اما ابو رنا شكلو زوجتو حاكمتو وتمشيه على كيفها وبناتو ما حبيتهم مغرورين بزياده ما عدا وحده >>>> نسيت اسمها من كتر الاسماء ههههه
بس المفروض الجد يطردو من المزرعه انا لو مكانو كان طردتو من اول ما دخل من الباب >>>مشكلجيه وراعية مشاكل

المهم طولت عليكي بس بجد الروايه روعه وانشاء الله رح اكون من متابعين الروايه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-08-2011, 08:24 PM
صورة ماسه تحب الوناسه الرمزية
ماسه تحب الوناسه ماسه تحب الوناسه غير متصل
©؛°¨غرامي مشارك¨°؛©
 
الافتراضي رد: قلوب في بحر الضياع / بقلمي


البااارت الاخير مره حلو
اتوقع نـــاصر الي كلم هيفاء
و هبــه حامل
الجد بجد كسر خاطري حزنت عليه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 18-08-2011, 08:34 PM
صورة أحلام نرجسية الرمزية
أحلام نرجسية أحلام نرجسية غير متصل
©؛°¨غرامي مشارك¨°؛©
 
11302798202 رد: قلوب في بحر الضياع / بقلمي


[c
enter]هلا فيك شرفتينا حبيبتي بوجودك
واتمنى انك تنورينا بروايتي وحماسك وتعليقاتك الحلوه
المهم من هاذا ناصر !! تقريبآ ما عندي شخصيه اسمها ناصر
امممم انت تابعي وراح تعرفي
هبه حامل .. امممم ممكن ..
اتمنى تواصلك بالمتابعه وراح تكشفي اسرار الروايه
وغلاتي فداك



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 18-08-2011, 08:44 PM
صورة أحلام نرجسية الرمزية
أحلام نرجسية أحلام نرجسية غير متصل
©؛°¨غرامي مشارك¨°؛©
 
11302798202 رد: قلوب في بحر الضياع / بقلمي


اقتباس:
المشاركة الأساسية كتبها حلاتي بغميزاتي مشاهدة المشاركة
الروآآآآآآآيه مررررررررررررررررره تجنن وسجليني انا من متآبعيك يالغلا ..


بسسس ياليتك مآتتأخرين بتنزيل البآرتآت ..


لان اذذا تأخرتي تفقدين متآبعينكـ يالغلا ...

نحن بنتظآرك ..



وانت الأحلى حبيبتي وفرحتيني بوجودك
وردك العطر وبصراحه شجعتيني اني انزل البارات الثاني اليوم
قبل اسبوع ..

ولا يهمك ما راح اتأخر عليكم ما دمتوا حبيتوا الروايه
وان شاء الله ما راح اخيب ظنكم ..
وغلاتي فداك




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 18-08-2011, 09:37 PM
صورة أحلام نرجسية الرمزية
أحلام نرجسية أحلام نرجسية غير متصل
©؛°¨غرامي مشارك¨°؛©
 
11302798202 رد: قلوب في بحر الضياع / بقلمي


اقتباس:
المشاركة الأساسية كتبها فراوله غرام مشاهدة المشاركة
ريمااااااز حبوبة مرررررررة وهادية

هبة امممممم ممكن تكون حااااااااامل

عصام ومنال لييييييييش : لا اعلم ههههههههه

المهم يالغلا اسلوبك روووووووووعة وبانتظار باقي البارتات

ودي فراوله




هلا فيك بردك الطيب ..


توقعاتك الحلوه

**********
ريمااااااز حبوبة مرررررررة وهادية

**ايه صح كلامك والكل يحبها ويحترموها**

*********

هبة امممممم ممكن تكون حااااااااامل


**امممم ممكن .. والكل يتوقع هالشي تابعوني وتعرفوا**

**********

عصام ومنال لييييييييش : لا اعلم ههههههههه


**انت تابعي وراح تعرفي وسالفتهم سالفه**

**********

المهم يالغلا اسلوبك روووووووووعة وبانتظار باقي البارتات


**وانا بانتظارك و مع ردودك الحلوه**




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 18-08-2011, 10:13 PM
صورة أحلام نرجسية الرمزية
أحلام نرجسية أحلام نرجسية غير متصل
©؛°¨غرامي مشارك¨°؛©
 
11302798202 رد: قلوب في بحر الضياع / بقلمي




هلا فيكم رجعلتلكم بالبارات الثاني بعد التشجيع واجبرني اني انزله اليوم
والحمدلله ..
اولآ روايتي طوييله ... وسمحولي انه فيها بالهبل من الشخصيات
يعني واااجد واتمنى انكم ما تلخبطوا فيهم ..
مع كذا انا راح استجيب من بعض الأعضاء اللي طلبوني انزل تعريف العوائل
ولكن راح انزلهم من حيث ادوارهم وماراح اعطيكم بالتفصيل
لآني ما اعرف لها الدرجه اوصف مره وحده.. واتمنى الكل فاهمني
والآن راح اعطيكم تعريف الشخصيات اللي طفناهم
**
**
**
عائلة ابو زيد
الجد محمد ( ابو رياض) وعايش اغلب حياته ف المزرعه ف البت القديم اللي ف ولاية نخل..
زوجته : زليخه ربة بيت هاديه وتحترم زوجها بكل شي
...................

عائلة ابو زيد
الأب : رياض .. وهو ساكن ف مسقط وله شركه كبيره ومعروفه ف البلد
الأم : زهره .. ربة بيت
الأبناء ..
اكبرهم.. زيد 26 سنه جامعي يدرس بالخارج تخصص طب جراحه
زايد : 23 متخرج من الكليه وحاليآ يشتغل ف شركة ابوه .. مغازلجي لعاب بنات وله سمعه مو حلوة.. وراح تتعرفوا عليه بمتابعتكم
هبه : 21 طالبه تدرس بكليه خاصة على حساب الأهل
هيفاء :20 سنه طالبه تدرس بكليه حكوميه
................

عائلة ابو راشد اخو ابو رياض
راشد : يشتغل بشركة اخوه ومتساهم معه ومشترك معه بكل شي
الأم : ريهام .. خبيرة تجميل ولها صالون خاص بمسقط
رانيا : 20 سنه طالبه تدرس نفس كلية هيفاء
ريناد : 18 سنه طالبه بثالث ثانوي ادبي
ريماز : 18سنه بثالث ثانوي علمي
ليان : 17 سنه بثاني ثانوي
................
اما عن منال وعاصم .. راح انزل ان شاءالله بالبارات الجايه عن عوائلهم
اولآ منال بنت خال هيفاء 24 سنه .. مدرسة انجليزي بالثانوية البنات
عاصم 25 سنه مدرس انجليزي
وراح نكتشف هالعوائل ف الأدوار الجايه مو هذي
وخلصنا واتمنى انكم تعرفتوا عليهم واذا في نقص او غلط نبهوني لأني من الأصل ما عرفت عليهم عذروني


البارات الثاني

عند هيفاء وهبه
يعني ف منزل ابو زيد
عند مغسلة الحمام


هيفاء مكتفه ومعصبه : هبه.. اللحين انت صارلك اسبوع تقريبآ ما ادري المهم .. ولا راضيه تروحي ولو دقايق وتكشفي عن حالتك.. انت ما تخافي على صحتك ماتخافي ..
هبه لما فرغت نفسها وحست بالراحه رغم الألم اللي تحسه والدوخه الخفيفه آخذت الفوطه اللي معلقه جنب المغسله ومحست فمها بهدوء
وبعدين طالعت لهيفاء بكل برود واشمئزاز: انت تعرفيني انا ما احب روحة المستشفى واصلآ انقرف من ريحتها.. ليش تعبي حلقك ع الفاضي
هيفاء تعصبت :ويعني كل هذا وتركي صحتك بس علشان ريحة المستشفى.. اوكي اذا ما طيقي ريحتها لبسي هذاك مال الأنف مادري وش اسمه المهم لبسي لما تروحي هناك ..
هبه انقرفت اكثر وطلعت من الحمام ( الله يكرمكم ) : افففف حتى ولا عارفه اسمه.. المهم هذا او هذاك ما اروح يعني ما اروح لا تجلسي تغصبيني بعد
وتسوي نفسك احسن عني
هيفاء فقدت الأمل معها : والله صدقك ليش اخلي حلقي يروح ع الفاضي عند عقول ما تفهم معنى الصح او الغلط ( ما كانت قصدها تقول هالكلام لكن من ضيقها مع اختها واختلافهم ف كل شي اجبرها ) ..
هبه عطتها نظره من طرف خشمها : من تقصدي يا العفنه
هيفاء : اللي سمعتيه
هبه تستهزء : ما شاء الله اللي يشوفك ويقول واجد مهتمه حال اخوانها
هيفاء : هه الحمدلله والشكر.. خيري بعده احسن عن غيري
هبه على طول انفعلت : اقولك سكتي لا توجهي الكلام عندي فهمتي.. يالمعقده شايفه نفسها ملكة جمال
هيفاء ضاقت :انا الحين ابى اعرف وش دخل الجمال ف ذي السالفه
هبه تزيد من كلامها وبثقه : صراحه اشوف هالأيام غرورك زايد
عبالك انت احلى.. ههاااي لاتفرحي اكثر.. في احد هنا احلى منك يالقبيحه
هيفاء ضاقت اكثر من كلامها ما احتملت انها توقف اكثر معها لأنها عارفه نفسها لو جلست بتزيد من حرارة الموقف
هبه كملت كلامها : وثاني شي هذا كاظم لا تحاولي تحلميه بيوم.. هذا لي وبس سمعتي
( قالت لها برقه وغرور)
هيفاء ما طاقت وعلت صوتها وتحاول تخبي اللي تحس فيه : واصلآ من قال اني احب كاظم.. انا لا افكر فيه ولا احبه
ف هاللحظه مرت امهم من عندهن ومستغربه : هبه.. هيفاء.. ماله صوتكن واصل لين تحت لازم بعدكن تتصارخن لازم ابى اعرف مو فيكن ؟على ايش تضاربن؟؟
هبه عطت لأختها نظرة استحقار وببراءه : ماااه هي الباديه واكتشفت انها وايد تحب نفسها..
ام زيد ( زهره) استغربت اكثر من كلام هبه : انا مافهمت مو قصدك ؟ مالك كذا حاسده على اختك هي مو سوتلك؟
هبه ضاقت واتنرفزت :هه اتوقعت انك بدافعي عنها ..
( وطالعت لهيفاء بنظرة استحقار ) لازم تراها هي دلوعتك وحبيبتك وما تقصر
معاك بشي.. وطبعآ لازم تقارني بيني وبينها تراك شفتيها احلى منا ونحن ولا شي على قولتهم بنت حمدان السود ما يقبلوا صوبهم
حسافه على الحظ اففف.. باااي مالي جلسه معاكم احسها بايخه مثل اللي شايف نفسه
( عطتهم آخر نظره وكانت فيها غيره شديده على هيفاء )

هيفاء تنهدت بحزن على حال اختها واللي يدور ف راسها ورحمتها.. وكان ودها تقترب منها اكثر لكن تحسب الزمن لين متى؟ متى يجي ذا اليوم وتبتسم لها اختها بكل رضى واقتناع.. دايمآ تحلم هذا الحلم وتتمنى من كل قلبها انه يتحقق و .. قاطعتها امها

ام زيد : خليها منك هذي تراها ما لاقيه سالفه واحسها تغار منك وهذا اللي متعبني
هيفاء تغيرالسالفه : بس خلاص.. اللي فيها فيها والله يهديها وندعيلها بالخير
ام زيد : يارب اهديها ويهدينا آميين
هيفهاء ابتسمت : آمييين
ام زيد : صح نسيت اقولك اتصلك زيد؟
هيفاء ف ذي اللحظه تذكرت : صح ذكرتيني عن زيد اليوم الفجر اتصلي
ام زيد حست بفرحه : والله ومو قالك؟ والله اني اشتقتله صارلي زمان
ماسمعت صوته ؟
هيفاء تحاول تلعب على اعصاب امها : تعرفي وش قاااال؟ ... اقووول
ام زيد متشوقه : قولي بسرعه ابى اعرف..
هيفاء وتزيد : اقول ولا ما اقول
ام زيد ما احتملت : قولي بسرعه مو قال خلصينا؟
هيفاء ماسكه ضحكتها : اقول .. ترا الكلام يزعل واااجد
ام زيد خافت من السالفه ومسكينه على نياتها : يلا قولي هيفوه تراك خوفتيني عن صارله شي ولدي مسكين الله يحفظه
هيفاء ما قدرت تكمل و انفجرت ضحك على امها
ام زيد وقفت وعينها ماليه علامات استفهام واستغراب.. ف ذي اللحظه جا عندهم زايد
زايد وهو مستغرب من حركة هيفاء : هوف هوف هوف .. انزين ع الأقل ضحكينا معاك يالبطه ( هيفاء رفعت راسها وطالعت لزيد وتحاول تمسك ضحكتها هالمره)
ام زيد : شوفها شوفها اختك مالها .. اسألها عن زيد وما تجوابني وآخر شي ضحكت عليي..
زايد لما سمع عن طاري زيد : صح ماه زيد اتصلي وقال لي اليوم تقريبآ بالليل بيرجع عمان ا ن شا الله
ام زيد ماصدقت وفرحت : والله!! صح اللي تقوله
زايد : اا..
هيفاء قاطعت زيد فجأه : ايوا صح صح
ام زيد وزايد استغربو اكثرمن حركة هيفاء ..
هيفاء عارفه من موقفها الغلط : ايوا صح ما لكم كذا تشوفوا عليي كأنكم شايفين شبح قدامكم
زايد : لااا بعد قولي جني ما شبح
ام زيد : تو الناس يتكلموا.. وطول الوقت وانا اسألك عن زيد جالسه تفزعيني وتضحكي عليي.. هاذي جزاتها امك هاذي جزاتها
زايد وهو يمازح : تراها طالعه على امها
ام زيد سوت نفسها معصبه وضربته على كتفه بخفه : مووو قلت؟ ايا ماتستحي على نفسك اشوفك طلعت اخس عن هيفوه
هيفاء وهي ماسكه ضحكتها : ماه هذي آخرتها التربيه الزينه هذي آخرتها
ام زيد تحاول تتهرب منهم : أووووه انا مافاضيه حالكم ومن سوالفكم اللي ما تجيب فايده.. اقولكم احسن نروح نتريق قبل لا يبرد
زايد وهو يضحك : الأعتراف فضيله
هيفاء رحمت امها : بس خلاص زايد تراك جرحتها عاد كله ولا امي الحنونه تجرحوها ما تحتمل قلبها رهيف.. امي انا اسفه ( حضتها )
زايد : افا افا مادام فيها سالفة جرح خلاص انا اولهم مسامحنك
( وباسها ع راسها .. لما بعد عنها ) ها الغاليه ايش تبي بعد اكثر عن كذا
هيفاء بعدت عن حضنها : ماماتي زعلتي من كلامنا تراه والله هذا كله مزح
ام زيد : لا حوله ولا قوة الا بالله بسكم بسكم من لعيانكم
هيفاء وهي بدلع : اول سامحيني
ام زيد تنهدت من جنونهم : بس مسامحتنك حبيبتي مسامحتنك والحين خلا نفطر
هيفاء : انا شربت شاي قبلكم بس بجي افطر لا تخافي و..
زايد سوى نفسه معصب : وانا مسكين وين رحت ولا تعطوني وجه
هيفاء ضحكت وبدلع : طبعآ تحبني ماماتي ولا بلاش
ام زيد : خليها عنك هيفوه.. انا مسامحتنك عذرني نسيتك ولدي
زايد ويمازح : لازم لازم ما دام احم احم مادام الآنسه بطه احم
هيفاء تعصبت : وش قصدك يال.. لا استغفر الله ماقلت شي ولا سبيت انا ما احب اسب هذا يفقد من كرامتي وشرفي
زايد : ياالله يااالله عيل مانروملك كسرتي هيبتنا
ام زيد : يلا تعالوا نزلوا.. الفطور جاهز وبسكم كلام فاضي
هيفاء وهي على صوبها للدرج : صدقها امي بسنا كلام فاضي.. باي انا رايحه عنك
زايد ضربها على راسها بخفه لما بعد كانت يده تتمسح على شعرها المموج والناعم الكستنائي الواصل لحد ظهرها
زايد ابتسم : روحي يالبطه وعسى تصيري يوم من الأيام بطه.. نفسي اضحك عليك هههههههه
هيفاء وهي تنزل الدرج : ولو تموت تأكد انه ما بيصير اللي ف بالك
زايد ضحك : اوكي نتحدى
هيفاء نزلت قبل لا تسمع آخر كلام منه .. فجأه رن تلفونه
لما طالع اسم المتصل ابتسم بخبث.. ( هههي بدينا يالقطوه )...............

******************
******************


ف المزرعه

رانيا وليان يضحكون بقوه : ههههههههههههههههه
رانيا ومتحمسه : هههههههههه .. عطيييه.. وبعديين وش صار رنوود
ليان تحاول تشارك بالجو : ههههههههه .. رنوود كمليها السالفه كل هاذا صار وانا ولا عندي خبر..
ريناد : ههههههه .. والله فاتك ليوون فاتك.. بعدين هاذي ابله منووله المغروره
تحسست من ردي.. اقول عاد انا لهالدرجه اجرح
ليان ببرود : يمكن
ريناد وهي تفرفش بيدها وفرحانه : ياااااي فديتهاااا تعصبت يحليلها
والله لو تشوفن صديقاتي بالصف ماتن ضحك عليها ههههههههههه
رانيا : ههههههههههه والله صح انك مصخره على الأبلوات مطيحه عليهن مسكينات
ريناد : والله تستاهل اللي يجيها شايفه نفسها واااجد
ليان : اقول صح ذكرتوني بسالفه
مره يوم كانت علينا ابله منال .. دخلت سكوووت ولا سلاااام لو تشوفي عينها كلها حمره
ريناد : واااي فاتني خساااره ليوون.. والله لوعرفت سهيله بتعجبهااا
رانيا وتضحك : ههههههههههه شي اكيييد زوجها صافعنها وما طايقنها
ريناد :ههههههههه مسكين رحمته مغصوب عليها والغم انها ما جابت اولاد
ليان رق قلبها : والله انا رحمتها حرام تحشن عليها
ريناد اتنرفزت بكره : ماااالت على شكلك ان شالله .. قالت رحمتها قالت ..
قولي تستاهل ،دواتها، بغيييضه افففففف مسويه نفسها شاطره وشايفه انها اكشخ وحده ف المدرسه يعععع ماتنطاق
رانيا ما قادره تمسك نفسها من الضحك :هههههههههههههه والله رنووود ههههههههههه
ريناد ما مستحمله : ياربيييه انا لين متى وانتظر يوم السبت ابى اسوي خطتي
ابى افشلها ابى انزل سمعتها قدام الكل عشان..( رقت صوتها) يقولووو هذي مالها قييمه هذي ف الزباااله
رانيا : ههههههههههههههههه خطيييييييره رنوووود نفسي اشوف شكلها وهي متفشله
ليان كرهت حركاتهن : صبرك على جمره يالخسفه.. واللي يسمعك ويقول ما كأنها تخصنا كأنها وحده غريبه
ريناد باستهبال وسخريه : ومن قال هذي تخصنا تخسي لو تخصنا..
تراها الا بنت خال هيفاءوه

ملاحظه.. ( شخصية منال.. صحيح هي بنت خالة هيفاء وراح نعرف على العوائل الجديده ف البارات الجايه .. لكن نحن عرفناها قبل وهي معلمه ومعلمة انجليزي
تدرس الثانويه ثالث ثانوي ريناد ونفس الوقت ليان الثاني ثانوي.. شكلها كيووت وحبووب ولا كأنها متزوجه 24سنه.. اول احداث شفناها انها تطلقت من عاصم اللحين ننتظر وش راح يصير فيها من صدمة الطلاق.. رغم البنات ولا عندهن خبر وش راح يكون موقفهن من سالفة طلاقها؟ ننتظر الأدوار الجايه )


ليان : بسكن بسكن يالصمخات جالسات ساعه تحشن عليها
ابغى اقولكن عن سالفه رنووود ( طالعت عليها وتغمز )
ريناد ورانيا : هههههههههههههههههههه
ليان علت صوتها وبالنادر هالطبع : اييييييي رنووود توقعي من شفت لما كنت بالسوق
طالعتها ريناد : ههههههههههههههه قولي يلا من من شفتي؟؟ .. لايكون حبيب قلبك صلوح ؟
ليان ضاقت : اوووووه لا تجيبي طاري ذا الأنسان كرهت حياته بالمره ..
المهم خلوني اقولكن من شفت
رانيا : يلا ليونه قووولي خلصينا بسرعه
ليان طالعت لريناد بنص عين وتغمز لها : شفت فجر ومع اخوها بعد
ريناد ف ذي اللحظه تغيرن ملامحها وتكرهت : من قصدك؟ .. فجر بنت الفقر افففففففف هذا اسوء خبر عندي سمعته.. خربتي سوالفنا الحلوه ليون
رانيا : عيل خلاص.. انا تو تو اريد اعرف عن سالفتها
على قولت رنووود .. فجر بنت الفقر حلوه العباره هههاااي
ريناد بكره : افففففف هاذي وحده ضايعه صايعه وخايسه مرررره.. ما اعرف على من طالعه؟
رانيا بدهشه : كييييف ؟
ليان طالع على ريناد وحبت تغيظها : رنووود .. قصدك الحلوه واللي تحدت على جمالك هه ما كذا..
ريناد تعصبت وانحرجت : أييييييييه ليوون سكتي لا تسمعيني عنها تراك لوعتي شبدي
ولاوالله محد يتحدى بجمالي .. ( قامت تمايل براسها وبغرور )
رانيا جاها فضول : ليووون ساعه واقولك من هاذي فجر تكلمي يالثوره

( هاذا اللي فالحات فيه يتشبهن على بعضهن ويكتلمن ع الناس ويتنبازن بالألقاب ويتشتمن بالغيب ولا حاسات انه في ملكين يحاسبوا على كل كلمه تطلع من اللسان .. وهذا الحال كحال بعض الناس والله الهادي ويهدينا) نصيحه عسى تفيدني وتفيدكم ..

ليان تعصبت وترد : عجب انت سباله يا الخايسه .. حد قالك تقوليلي كذا
رانيا : اوكي اوكي لاتصيحي ماماه قصدي ليونه الذكيه بعد .. ويلا قولي من هذي فجر وليش تقولن عليها حلوه؟ وايش سالفتها خلصينا؟
ريناد ما ودها تسمع عنها تكرها البنت كره الثوم والبصل وانسحبت عنهن وراحت لصوب الفلج اللي فالمزرعه..
رانيا تناديها : رنوووود ليييش رحتي ؟
ليان متنرفزه : خليها خليها عنك هاذي.. لوعندك خبر ريناد تغار عليها واااجد لو تشوفي البنت شكلها تمووت من الجمال
رانيا واندمجت على طول : والله.. وبعدين كملي
ليان : لو تشوفيها تقولي اففففف ما شاء الله تبارك الرحمن قولي احلى وحده ف عمان كأنها شاميه او اجنبيه ما نعرف على من طالعه .. والااا وبعد تقتلك عيونها الرصاصيات او عسليات ما ادري وش لونهن .. المهم كذا البنات مايتات على شكلها عاد تخيلي الرجال كيف اشكالهم عليها.. لكن خساره فقيره
رانيا : انزين ايش فيها لو فقيره عادي اهم شي عايشه يالخسفه
ليان : وانت اخسف مني
رانيا : هههاي ضحكتيني .. المهم قولي وش بعد نفسي اشوفها ياخي
ليان : خساره بعد طلعت من المدرسه من شهرين او ثلاث شهور من بدت المدرسه
رانيا شهقت : امبيييه لييييش طلعت؟ اخر سنه خساره والله
ليان متنرفزه : والله ما ادري سألي رنوده
رانيا : هي صديقة ريناد
ليان : لو قلتي ذا السؤال حال ريناد اتشهدي قبل الأكشن
رانيا : هههههههه والله عاد كذا تغار منها مسكينه
ليان : تستاهل والله .. تجلس تذم بالناس ولا كأنه فيها الف عيب ( الآعترف فضيله )
رانيا وهي تفكر : اممممم ابغى اشوفها
ليان طالعتها باستغراب : ح ليييش ؟ انت ما بنت المدرسه انت بنت الكليه يعني لا تدخلي فينا يلاااه
رانيا اتنرفزت : اووووه احسن لي اروح عند رنوده والله انا وياها متفاهمين فكرناك مثل افكارنا .. ودوكم ايش طلعتي مثلك مثل ريماز يعععع .. تشاوا انا رايحه اخطط مع ريناد ..
ليان وهي تقلد رانيا : تشاوا انا لايحه اخطط مع ريناد .. صح انه عقولكن خربانات
( وراحت تكمل طريقها وهي تغني مثل العاده)


*******************
********************

اممم انتظر توقعاتكم..

ايش سالفتها هبه ؟ وليش تكره هيفاء ؟ وهل في امل ترجعلها ؟
من هذا كاظم يلي ذكرته هبه ؟
وايشش سالفته زايد ؟
زيد للحين ما عرفناه راح تعرفوه بعدين..

شلة الأخوات ..
ليان ليش تكرره منال رغم انها معلمتها ؟
رانيا وريناد متفاهمات بافكارهن وياريت لو زينه
وايش سالفة ليان مع الشخصيه الجديده فجر وليش تكرها

تابعوني راح تعرفوا المزيد من توقعاتكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 18-08-2011, 10:17 PM
صورة أحلام نرجسية الرمزية
أحلام نرجسية أحلام نرجسية غير متصل
©؛°¨غرامي مشارك¨°؛©
 
الافتراضي رد: قلوب في بحر الضياع / بقلمي


اسفه بالغلط ف الأسم مو ليان ريناااد خلوا ف بالكم
ف التوقعات


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 18-08-2011, 10:33 PM
صورة نَقآء الرمزية
نَقآء نَقآء غير متصل
©؛°¨غرامي مشارك¨°؛©
 
الافتراضي رد: قلوب في بحر الضياع / بقلمي


ايش سالفتها هبه ؟ وليش تكره هيفاء ؟ وهل في امل ترجعلها ؟
آمم مدري بس يمكَن صصَآر موقَف وصصَآرت تكرهَهَآ
من هذا كاظم يلي ذكرته هبه ؟
مآدري
وايشش سالفته زايد ؟
مآدري
زيد للحين ما عرفناه راح تعرفوه بعدين..

شلة الأخوات ..
ليان ليش تكرره منال رغم انها معلمتها ؟
مآعَرف
رانيا وريناد متفاهمات بافكارهن وياريت لو زينه
وايش سالفة ليان مع الشخصيه الجديده فجر وليش تكرها
آممم يمكَن عشآنهَآ حلوةِ وتغَآر منهَآ

يعطيَك آلعَآأفيةةِ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 19-08-2011, 12:43 AM
صورة حنان روحي الرمزية
حنان روحي حنان روحي غير متصل
©؛°¨غرامي فعال ¨°؛©
 
الافتراضي رد: قلوب في بحر الضياع / بقلمي





ايش سالفتها هبه ؟ وليش تكره هيفاء ؟ وهل في امل ترجعلها ؟
اعتقد انو هي عندها مرض نفسي او تكره هيفاء لانو الشخص الي ذكرته هيفاء تحبه
من هذا كاظم يلي ذكرته هبه ؟

اعتقد انو هيفاء تحبه وهبه تحبه وتحاول تيعد هيفاء عنه
وايشش سالفته زايد ؟

الله اعلم اعتقد بينتقم من هيفاء يعني يساوي نذالة او شي زي كذا
زيد للحين ما عرفناه راح تعرفوه بعدين..

شلة الأخوات ..
ليان ليش تكرره منال رغم انها معلمتها ؟

اعتقد في سالفة قديمة او شي زي كذا
رانيا وريناد متفاهمات بافكارهن وياريت لو زينه وايش سالفة ريناد مع الشخصيه الجديده فجر وليش تكرها

يمكن لانها احلا منها او غير شي
يسلمو على البارت الحلو بأنتظار
بالبارت القادم^^




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 19-08-2011, 05:18 AM
*زهرة السوسن* *زهرة السوسن* غير متصل
©؛°¨غرامي جديد¨°؛©
 
الافتراضي رد: قلوب في بحر الضياع / بقلمي


ايش سالفتها هبه ؟ وليش تكره هيفاء ؟ وهل في امل ترجعلها ؟
اتوقع انو هبه تكره هيفاء بسبب كاظم الي هي بتحبو بس هو بحب هيفاء واتوقع بالنهايه اكيد رح ترجعلها
من هذا كاظم يلي ذكرته هبه ؟
كاظم وانا اتوقع انو هو الشخص الي كانت هيفاء تتفرج على صورتو باول بارت وهو نفسو الي اتصل عليها وسكرت الخط بوجهو
وايشش سالفته زايد ؟
هههههههه زايد هذا حكايته حكايه شكلو هو الي رح يحلي الروايه مرجوو مره هو وهيفاء
زيد للحين ما عرفناه راح تعرفوه بعدين..
مدام حكيتي عنو شكلو حيكون الو دور مهم بالروايه
شلة الأخوات ..
ليان ليش تكرره منال رغم انها معلمتها ؟
مممممممم شوفي صح توقعي في فلسفه شوي بس رح احكيه >>>يعني لازم الفلسفه
اتوقع يا احلا كاتبه انو ليان بتحب عاصم الي هو كان زوج منال بس للاسف طلقها
يعني هي كانت تحبو قبل ما يتزوج منال وبس تزوجها حقدت عليها شو رايك بتوقعي من الاخر صح هههههه
وايش سالفة ليان مع الشخصيه الجديده فجر وليش تكرها
قصدك رناد صح اتوقع انها بتكرها بس مجرد غيره لانو ليان حكت انها حلوه كتير



بعرف طولت عليكي بردي بس من الحماس لانو الروايه كلمة روعه صغيره عليها
ممتازه والا الامام>>>حاسه اني قلبت مدرسه ههههههه

قلوب في بحر الضياع / بقلمي

الوسوم
مشوقه , الضياع , روايه , قلوب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM
سنوات الضياع والهلاك لو مية بحر لاجيك سباح@ ارشيف غرام 2 13-07-2008 08:52 PM
سنوات الضياع ام نور ؟ سيرا ماديرا ارشيف غرام 31 13-07-2008 01:13 AM
...... طريق الضياع ...... نآيف الشآمخ خواطر - نثر - عذب الكلام 11 29-07-2006 09:27 AM

الساعة الآن +3: 07:46 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1