ولهاانة ©؛°¨غرامي جديد¨°؛©

بسم الله الرحمن الرحيم
بنات الله يخليكم ساعدوني انا مرررة محتاره انا جديدة في المنتدى وأول مرة اكتب موضوع فلا تخيبون املي....
اناعاقده لي 4شهور تقريبا هو يحبني وانا احبه والحمدالله ..
بس ضروفه المادية لابأس بها وانا الحين ادور ع قاعة زواج بس هوطرح علي فكرة انو بدل الفرح نسافر ماليزيا وانا محتارة خاصة انو مني لاقيه قاعة بسعر مناسب ومرررة نفسيتي تعبت لانو ماابغى اسوي فرح اي كلام ابغاة مرتب واخاف اوافق ع السفر وبعدين اندم وبنفس الوقت اخاف اسوي فرح وبرضو اندم اخاف مايطلع حلو الله يخليكم انصحوني وايش اختار
والله يعطيكم الف عافيه ويسعدكم
ياااااااااارب........

روح روحه ©؛°¨غرامي جديد¨°؛©

حبيبتي سويها حفله بسيطه والبسي الفستان الأبيض وتصوري معاهـ

وعشاء عائلي وخلي صديقاتك يحضرو وسافرو

انا كذا عملت وماندمت لأني احتفلت بالمناسبة مع اهلي وأهله وصديقاتي وهذا يكفيني وللآن ماأنسى زواجي أروع منه مافي والتكاليف مرررة قليل وسافرنا بشهر أحلى من العسل

ربي يوفقك

*هناء* ©؛°¨غرامي متألق ¨°؛©

حفله بسيطه عائليه افضلك واحسن واريحلك من التعب والشقا

والسفر احسن واهم من الحفله

الله يوفققك حبيبتي واتمنى لك حياه سعيده

الرومانسي العطير ©؛°¨غرامي مشارك¨°؛©

اختي الله يسعدك

صدقيني مبلغ كبير وتكلف عشان كم ساعة
والله ما له اي داعي
اذا عندك مو مشكلة لكن باين ع كلامك ان خطيبك امكانياته بسيطة
نصيحتي لك لا تكلفي ع زوجك
والفشخرة والمناظر مالها اي قيمة كلها كم ساعة وتروح
فانا اشوف انكم تسوون الزواج في قاعة بسيطة والحين فيه استراحات كبيرة وحلوة في منطقة الرياض اتكلم
فيه استراحات مناسبة لا تتعدى 6 الاف ريال وكبيرة في المساحة

والباقي سافري فيه بكذا انتو جمعتو بين السفر وبين الفرح
اهم شيء اتركي عنكي كلام الناس والفشخرة والمناظر اللي مالها داعي
والله فيه رجال مساكين تطلب زوجته قاعة كذا وسفر الى مدري وين
وش يسوي المسكين ماله الا يتدين والله فيه شباب متزوجين لهم كم سنة ولسى قاعدين يسددون الديون

فيه حديث للرسول يقول فيه ابركهن ايسرهن مهرا
فيسرو ع نفسكم ياناس واتركو عنكم الفشخرة والمظاهر اللي مالها داعي


الله يسعدك ويتمم لك ع خير

حصة إلخاندروا. جوديك ^_^ ©؛°¨غرامي نشيط¨°؛©

كلاااااااااام الاخ الرومانسي عين العقل ...بعدين انت ماتدرين كيف الامور هناك ؟؟

وماتدرين ربما يحدث لك شي وتندمين انك رحت لاسمح الله ...


وكل شي مجهول وغيرمدروس مسبقا مرفوووض فلاتروحي وتندمي والاتروحي وتتوهي


ماكثرالله الاالقاعات ببلادنا والمساجد >>شايفه كيـــــــــف؟.!!!

روح مغليهاآ ©؛°¨غرامي مشارك¨°؛©

بصراحه تفكير زوجك سليم ..
وش له طخطخه ومصاريف اقول سافروا ماليزيا وانبسطوا بلا قصر بلا قاعه
زواج بسيط وعائلي لان صدقين ليله زواج ماراح تحسي مثل الناس انت بهم وربكه وحالتك حاله
سوي لك زفه ببيتكم وجيبي لك مصوره وسوي حركات صدقيني تغنيك عن كلام ناس وسبحان الله الناس مايملى عينهم شي
سافروا لماليزيا وتري ماليزيا رووعه <<مسافره لها شهر العسل وبعد غاليه يعني من حق زوجك يقول بلاش قاعه ومصاريف انبسطوا انتم لانها ذكريات حلووه

انا الغريب بديارها عضو موقوف من الإداره

متعة الزواج بين الزوجين
تتصورو مع بعض
تصرفكم بالبيت
مو القاعه وغيره
المتعه مع بعض
وافهمي المقصد

حصة إلخاندروا. جوديك ^_^ ©؛°¨غرامي نشيط¨°؛©

اللي فهمته انك تبين زواج مرتب وكيف يكون مرتب ؟؟.


اذا كانوا اهلك وجماعتك وقرايبينك معك ذيك الليله صح ؟؟؟

ولاواحده ماتتمنى قرايبينها حولها ....لذلك لورحت ماليزيا وحبيتم تسوه هناك توقعي ماحدا رح يجيكم غير اللي


مررره (في الوجه ) فهمت ؟؟


لكن هنا بديرتنا افضل تحسي انهم قدروكم وحظروا افراحكم


ان شاء الله مااكون فهمتك غلط >>اذا قصدك انك محتاره هون والا هنيك مو؟؟؟

لمـساتـ الامل ©؛°¨غرامي فعال ¨°؛©

هلا فيكـ ي قلـبي

من رايي تسـافريـن وتستانسيـن مع زوجكـ أفضـل لك والزواج بتكونيـن مضغوطـه وقتها ومو حـاسه فيـه
وإن رجعتـي سالمـه ان شاء الله وزانتـ حالتكمـ اقترحي لأهلكـ إنكم تصلحون زوارهـ‘ وتحضريـنها وترقصيـن وتستانسـين ‘
وربي يسعدكـ ويوفقكـ يالغلا ‘

صدى انثى ©؛°¨غرامي متألق ¨°؛©

يالغالية
كلام الاخ الرومنسي صحيح وعين العقل والصواب
لاتكلفين على نفسك وزوجك بشي
خليك بسيطه ولاتتكلفين بالزواج حتى لو كان بالبيت
اهم شي انك تنبسطي مع زوجك وتتوفقين
وبنظرتي انا بسراحه (( اهم شي اسافر مع زوجي وانبسط انا وهو ولا احط زواج
واصرف فلوس بالالاف بليلة وحده ))
اهم شي سعادتك انتي وزوجك

تمنياتي لك بالتوفيق وحياة هنية سعيدة يارب

اسعدني الله واياك



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1