غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 23-08-2011, 05:53 AM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


اقتباس:
المشاركة الأساسية كتبها عبق اللوتس مشاهدة المشاركة
///:::///

بارت جميل جدا جدا

أبدعتي عزيزتي

بين مزيج حروفك

وكتابة أحلامك

بين عبق الشعور

وهواة أشعارك

سلمت أناملك غاليتي

جزاك الرحمن خيراً

بارك الله بك ولك

ودي وإحترامي

عبق اللوتس...

///:::///


تسلمين ع الكلمات الذوق

وع المرور والرد الاكثر من رائع

نورتي روايتي وان شاء الله دوم ^^



اقتباس:
المشاركة الأساسية كتبها {}من قدي الزمن ضدي{} مشاهدة المشاركة
بدايه موفقه يالغلا

حبيت ارد قبل ماقرأ لاني الحين رح اخرج




عوآآفي





تسلمين ع المرور والرد

وان شاء الله روايتي تعجبك وتتابعين

مشكوره والله يعافيكي^^







اقتباس:
المشاركة الأساسية كتبها عاطلة295 مشاهدة المشاركة
بارت حلو واتوقع بيحصل شي بين ايمان وحمد
بس لي طلب ياليت توضحي افراد عائلة ابوحمد عشان افهم من بناته او زوجاته احس بالبارت الثاني تهت شوي
ودمت بحفظ الله

مرورك وردك هم الاحلا

شوفي ابو حمد متزوج من ثنتين لطيفه له منها

احمد وزوجته شيخه

حمد وزوجته هدى اللي هي بنت عمته
عمر وزوجته منال
سالم وزوجته ميعاد
مبارك له ولدين جاسم وريم
منصور مو متزوج

البنات:
شمه ومريم وحمده

ااما زوجة ابوحمد الثانيه اللي هي فاطمه فاولادها

خالد وزوجته شهد

ومحسن اللي كان خاطب وتركته بسبب السجن
والبنات:غاليه وميثه

وعنده منها ثلاثه صغار





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 24-08-2011, 07:58 PM
صورة بيبي الشقية الرمزية
بيبي الشقية بيبي الشقية غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


رواية رائعة ومميزة

تسلمين حبيبتي


وبانتظار البارت القادم على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 25-08-2011, 01:30 AM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


اقتباس:
المشاركة الأساسية كتبها بيبي الشقية مشاهدة المشاركة
رواية رائعة ومميزة

تسلمين حبيبتي


وبانتظار البارت القادم على احر من الجمر


اهلين

مرورج وردج هو المميز


تسلمين ع الطله الحلوه


وان شاء الله البارت بيكون جريب^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 25-08-2011, 04:11 AM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: إحتضار الأمنيات بين كفي القدر / بقلمي


ماشآء الله الروايـة جداً حلوة جداً حلوة
بصراحة م عندي أي أنتقــــــاد لها حالياً
لأن بدايتها جداً رائعه كـ فكرة و حبكـة .. ماشاء الله عليكِ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 25-08-2011, 04:48 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


اقتباس:
المشاركة الأساسية كتبها ديما القطبے مشاهدة المشاركة
ماشآء الله الروايـة جداً حلوة جداً حلوة
بصراحة م عندي أي أنتقــــــاد لها حالياً
لأن بدايتها جداً رائعه كـ فكرة و حبكـة .. ماشاء الله عليكِ


تسلمين ع الكلام الذوق

نورتي الروايه بردج

وان شاء الله اشوفك دايم في روايتي


^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 25-08-2011, 04:57 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


الـــبـ3 ــــــــــارت









كانت تبا تعرف وين بتوصل في هالسالفه .. كان خالها واختها واقفين جدام البيت اللي بتسكن فيه وبنات خالها واقفات يطالعن الوضع من البلكونه من ورى الزجاج ..وقف السياره ..ونزلوا ..محد يدري اللي يبين عليها هل هوغرور ولا تكبر او عزة وثقه في النفس!...تجدمت منهم





إيمان:السلام عليكم





...:وعليكم السلام





طالعت صوب اختها:شحالج هدى؟





هدى:بخير





محد يدري سبب البرود اللي هن فيه..وزادت حيرتهم حين تجدمت هدى من إيمان عشان تسلم عليها...كان سلام عادي بارد ولا كانهم مبتعدين عن بعض مده طويله..





إيمان اللي طالعت خالها:خالي ..حمد خبرني انك تباني اعيش هنا





خالها اللي ماحب يخوض في الموضوع: خلينا ندخل داخل وبنتحدث





مشو للبيت ..إيمان وخالها جدام وحمد وهدى وراهم...





الخال وهو داخل للبيت:حياج يابنتي دخلي..من اليوم بيكون هذا بيتج





طالعته مستنكره الشي وردت عليه:بس انا عندي بيت





خالها:إيمان اباج تعيشين بينا مب بروحج





إيمان: بس انا عشت فامريكا بروحي





خالها اللي بدا يتنرفز فهو بالعاده يعطي اوامره وكلمته هي اللي تمشي





خالها: هناغير عن امريكا





إيمان:يعني الحين امريكا أأمن من هنا؟!





خالها: هذاقراري





إيمان:وبيتي ؟





خالها:بيتأجر واذا على اغراضج بطرش الشغالين مع الدريول وبييبوهن لج..المهم الحين تروحين ترتاحين..وع فكره باجر مسوي حفله صغيره لج بمناسبة تخرجج ورجوعج





إيمان ورغم انها مب مقتنعه بس ماحبت تناقش اكثر وخاصه انها صج تعبانه من السفر قالت:اوكي بس في حال مارتحت برد بيتي





خالها:ان شاء الله بترتاحين..طالع هدى_..هدى





هدى:نعم





خالها:دلي اختج حجرتها عشان ترتاح..





هدى:ان شاءالله





إيمان:حمد اريدك بعدين عشان نتحدث في الشغل





خالها:ممكن تنسين شي اسمه شغل انتي توج يايه لاحقه ع الشغل





إيمان:يصير خير..عن اذنكم





مشت وراها هدى ورقن فوق ..اما حمد وابوه فطلعو...وصلن للغرفه ودخلن..مشت داخل وهي تلف بصرها في الغرفه وصلت للكرسي ولفت ويلست عليه وهدى كانت واقفه ع مسافه من الباب





إيمان وعينها ع اختها: ليش ماخبرتيني عن اللي قاله خالي؟






هدى:ماعرفت الا من اسبوع وفي هالاسبوع ماتحدثنا





سكتت وماعلقت ..بعد سكوت قصير





إيمان:طلعيلي ملابس





هدى:ماتبين اجهز لج البانيو؟





إيمان:لاكسلانه وابا ارقد





هدى:اوكي





راحت هدى لغرفة الملابس عشان تطلع لاختها ملابس من الشنط اللي حطوهم الشغالات داخل قبل وصولهن للغرفه..اما إيمان فسرحت .."ليش ياخالي ؟..ليش تغصبني اني اعيش هنا..عشان اتذكر اللي مضى ..ياترى لو شفته شو بيصير؟!...





ماصحت الاعلى صوت هدى اللي واقفه جدامها وماده ايدها بالملابس:تفضلي





طالعتهاوخذتهم منها ووقفت:اذا تاخرت بالنوم وعيني..





هدى:ان شاءالله..وانتي اذا احتايتي اي شي الشغاله موجوده





إيمان:اوكي تقدرين تروحين





هدى: اوكي





طلعت هدى وسكرت الباب ..سرحت شوي بعدين بدت تبدل



تعديل اصداء الحنين; بتاريخ 25-08-2011 الساعة 08:07 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 25-08-2011, 05:10 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


كان منسدح ع الكنبه ماد وحده من ريوله وثاني الثانيه وايده ورى راسه لابس بيجامة النوم..كان سرحان ويفكر...ياترى تغيرت ولا بعدها مثل ماهي سنتين وزياده وانا اتجاهل اطالعها الله عليج يالايام كبرتينا وغيرتينا الا شي واحد مستحيل يتغير اني احبها..إيمان...وخذته الذاكره لذيج الايام ..كان الليل توه بادي وهو يركض وراها وهي تركض صوب البيت وهو يصرخ


منصور وهوغرقان ماي: ايمانوه وقفي

وهي تركض..في ذيج الليله كان الكل متيمع في بيت ابو احمد ..شافت امها طالعه وركضت صوبها وحتمت وراها



ايمان:امايه منصورو الدب يبا يضربني


منصور:عمتي خليني اضربها الخايسه

امها: شوسوت؟

منصور:رشتني ماي


طالعت بنتها:ليش ترشينه ماي؟

ايمان:يستاهل ..وطلعت له لسانها

منصور:عموتي خليني ادبها هالحماره

امها:منصورحبيبي عشاني سامحها ولا تراني مابزوجها منك يوم تكبر

ايمان:وووووع انا اخذ منصوروه الدب يخسي


منصور:هاي انتي تادبي ولا بالنعال ع راسج..اصلا كل البنات يموتن عليي


ايمان:ضحكتني ويا هالراس


امها اللي ملت منهم: بس انتي وياه ياللا ادخلي عند البنات

منصور:انزين بس بدخل ابدل


امها:انزين بس ياويلكم اذا سمعت حسكم هالمره ابوك اللي بيادبكم...

وصحى من الماضي واعتدل يالس ونزل من ع الكنبه ومشي فتح باب البلكونه الزجاجي وسار لحافتهاوتسند ع الحاجز وطالع من حواليه الليل والشوارع والليتات والسما اللي تلمع نجومها

منصور:حبيتج يا ايمان وربي اني حبيتج.. من يوم كنا يهال وانتي حبج فقلبي وكبرنا وقلبي وفالج بالحب وماتمنى غيرج..كل شي فيج خلاني احبج عذوبتج شيطانيتج تحديج كلامج سوالفج ضحكتج اللي يوم اسمعها تزيد من نبضات قلبي وينج يا ايمان وينج بعدج تحبيني ولا مات الحب فقلبج مشتاقلج واعيش على امل انج تردين ايمان اللي عرفتها ..نفسي اشوفها او اسمع صوتها ..مسك الحاجز ورفع راسه مغمض عيونه وطلع من صدره تنهيده طويله وطالع لجدام ..ليش ليش ابتعدتي؟!..ليش؟...




كان حاس بالضيج وهو يتذكر الاحداث اللي سبقت ييته للسجن



تنهدوقال:ما ظنيت اني في يوم من الايام الشخص اللي ياما مديت ايدي وساعدته بيكون السبب في طعني..ظن اني تخليت عنه..وطاح في شر اعماله وتبلى عليي وقال جدام الشرطه اني شريك وياه


محسن: وشو الدليل ؟



عبدالرحمن:السياره.._لاحظ الاندهاش عليهم.._..يوم كنت في الدوره عطيته نسخه من السويج ..كانت عنده..وزخوه الشرطه وانكر اللي قلته وانسجنت والحين اتريا يمكن ضميره يأنبه ويعترف او تظهربراءتي


نبيل:معأول فيه هيك بشر؟!



ابتسم بضيج:معقول يانبيل صرنا في زمن مايعلم فيه الا رب العباد


اما محسن فكان ساكت وطالع عبدالرحمن يتامله بعدين لف براسه لجدام وغمض عيونه وسند راسه ع اليدار وفتحهن وقال في نفسه: صح صرنا في زمن مايعلم فيه الا رب العباد..بس شو حيلةاللي اختار سجنه بايديه؟!!



تعديل اصداء الحنين; بتاريخ 25-08-2011 الساعة 08:09 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 25-08-2011, 05:23 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


تقرب ساعة السفر ويا الوقت اللي تجهز فيه كل اللي بتحتاجه في سفرتها دخلت عليها اختها وتقربتمنها وبدت ترتب وياها

شروق: متى السفر؟


خلود: باجران شاء الله..طيارتي الساعه 7:30 ..طالعت اختها_..شروق خلي بالج من امي


شروق:اللي يسمعج يقول امج بروحج تراها امي بعد ولا نسيتي؟


خلود:لامانسيت بس احاتيها


شروق:لاتحاتين امي بخير المهم انج تسافرين وتخلصين شغلج وتردين لنا سالمه

تمت تتاملها وابتسمت: الله يخليج ليي


ابتسمت :خلينا نخلص بسرعه عشان ترقدين وتنشين وانتي مصحصه

خلود:اوكي


في الحظه اللي وقف فيها السياره وبند ليتات سيارته كانت طالعه..نزل وعينه عليها سكر الباب وقفل السياره وزقرها

عمر:هدى


اسمعت اسمها ولفت براسها وهي تعدل من وضعية الشيله..تجدم


عمر:مساءالخير


هدى:مساءالنور

عمر:شحالج؟

هدى:بخير...وانت؟

عمر:بخير...وين سايره؟

هدى:عند اختي

عمر:سمعت انها يت من السفر الحمدلله ع سلامتها

هدى:الله يسلمك

عمر:بوصلج


هدى:لامايحتاي

عمر:حمد وين؟

هدى:في البيت

عمر:بيي وياج

مشو مع بعض الفيلا مب بعيده .._الفلتين يحيط بهم سورواحد..الفيلا الثانيه اصغر من فيلة ابو احمد _

عمر: عناكون ضايجتج المره اللي طافت

هدى:لا ابد اصلا نسيت..اخبار منال؟

عمر:الحمدلله بخير اليوم رمستها ورمست الوالده


هدى:انتالوحيد اللي سمعتك تزقرها امي بعكس الباجين

عمر:صح..لاني من صغري ما احب ازقرها غير امي وكبرت ع هالشي هي بعد من يومها طيبه ويانا صح انها مرات هي وامي يتنازعن بس عمرها ماقست علينا..._سكت شوي_...هدى

هدى:نعم

عمر:احسج هاديه هذي طبيعه فيج؟

هدى:يمكن...وصلنا...بخليك الحين


عمر:اوكي

هدى: مع السلامه

عمر:مع السلامه

مشت وشافهاوهي تدخل ..بس ماحس باللي كان يطالعهم من اول مامشو لين وصلو..كانت واقفه تتفرج وداخلها يلعب الشك والقذف فيهم وقالت في نفسها بعد ماتفرقوا ..

ميعاد:هذاشو سالفته كل مره اشوفه ويا حرمة اخوه ؟؟...ياترى...._سرحت شوي _...بس لو تتصل فيني منال واخبرها بتحجز ع طول..خلني اطمش عليهم...بس كيف ؟ كيف نسيت العله اللي انتقلت ويا ريلها هنا...

كانت توهابتمشي وسمعت اسمها:ميعاد

لفت صوبهاوطالعتها بنظرت كره بس سكتت

شيخه اللي تجدمت منها: ليش يوم كنا متجمعين يوم شفتيني يايه نشيتي

طالعتهابغيض:تسمين عمرج ماتعرفين

تذكرتالسالفه وبانت عليها علامات الاستغراب: انتي بعدج مانسيتي اللي صار؟!


قالتهابغضب:ولا بنسى ياشيخه..اللي سويتيه انتي وريلج مستحيل انساه

شيخه وهي تدافع :والله ماصار اللي صار الا منج انتي وريلج..لا تخلين قلبج اسود ياميعاد..لانج بتعبين وايد ..عشان القلب الاسود ينعمي ومايعود يشوف غير السواد


ميعاد اللي بدت تتمصخر:برافو مدام شيخه لا والله تعرفين تتفلسفين بعد

شيخه:انا ما اتفلسف بس بغيت انبهج عشان اللي انتي فيه مرض تعرفين شو يعني مرض ولا اي مرض مرض خبيث والعياذ بالله بينهش عقلج

اغمزت ببتسامه ساخره: الحين تبين تفهميني انج بريئه وطيبه وع نياتج لا ياحبيبتي الاعيبج خليها لعمج وحرمته مب انا لاني كاشفتنج سمعيني زين اسلوب النفاق مايمشي عندي ولا تعتقدين بان السالفه بردت لا ياحبيبتي بعدها نار وجمرها ملتهب ولا برتاح الا يوم تدفعين الثمن انتي وريلج..

سارت ميعادوشيخه حاسه بالضيج وقالت في نفسها: ياسواد قلبج ياميعاد لازم اخبر احمد اخاف هالسوسه تسوي شي ...



تعديل اصداء الحنين; بتاريخ 25-08-2011 الساعة 08:10 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 25-08-2011, 05:39 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


دخلت المطبخ وجهزت كوب كوفي حجم كبير وطلعت كانت ماشيه صوب الدري..وقفت وهي تشوفها تنزل لابسه البيجامه وعليها الروب وباين انها توها واعيه من نوم من ملامح ويها وشعرهااللي نازل من غير تمشيط..

هدى والابتسامه ع ويها والكوب في ايدها: مساء الخير

نزلت اخر درجه وتجدمت منها وباستها ع خدها :مساء النور

هدى:سويتلج كوفي اعرف انج تحبين الكوفي اول ماتقومين من الرقاد

خذته:ثانكس..تعالي.._حوطت كتف اختها بذراعها.._خلينا نيلس

مشن لين وصلن الكنبه ويلسن ..شربت من الكوفي

ايمان: خبريني شو ستوى؟..شو تغير؟.


هدى:ولاشي كل شي مثل ماهو ماشي يديد

ايمان:تعيبني الكوفي بس تعودت شي يكون وياها..

دخلت هدى ايدها في جيب تنورتها ومدت ايدها: قصدج هذا؟

استغربت منها هي شدراها ؟ هي ماخبرتها: انتي شدراج اني ادخن؟!

ابتسمت:اخرمره يوم كلمتج فيديو لاحظت

مدت ايدهاوخذت الباكيت: عندج ولاعه

هدى:هيه

طلعت الولاعه وعطتها..كانت تطالعها بنظره محد غيرها يعرفها..هدى غامضه ويمكن هذا الشي صفه مشتركه بينهم والبرود بس اللي يشوفهم يقول فرق كبير بينهم هدى هاديه ماتحب تزعل حد طيبه لابعد حد اقرب من السذاجه ..تزوجت حمد وكملت دراستها كانت وصية امها لخالها ان بناتها يكملن دراستهن ومثل ماهن يبن بعد ماتخرجت تمت في البيت اما ايمان فهدوءها وبرودها محدد باللي تباه عمليه ماتحب شي يمنعهاورايها هو اللي يمشي بسبب حياتها في امريكا تاثرت باسلوبهم شخصيتها قويه..هدى اكثر حد تخافه هي اختهاماتقدر تقولها لا وحتى اذا تحدثت وياها تكون خايفه بس محد يدري هو خوف ولا حب ولا احترام


ايمان وهي تنفذ الدخان وتشرب الكوفي: اباج تتصلين ع نورما وتشوفينها متى بتي عشان هي الشغاله الوحيده اللي اثق فيها...امم_طلعت السيجاره من حلجها_..وقولي لريلج..ولا لا تقوليله شي باجر بشوفه في الشركه

هدىباستغراب:بداومين؟


ايمان:هيه


هدى:وخالي؟!

ايمان:خالي قال قراراته بس ماسمع ردي..واذا كان ع الحفله فبتكون المسا يعني ماراح ياثر..المهم تسوين اللي قلته ..واباج تدورين مهندس ديكور مب مهم واحد او وحده اهم شي تصاميمه تكون حلوه

هدى:قررتي تسكنين هنا؟

ايمان:بعدني ماقررت بس في حال وافقت اتم هنا ابا اغير ديكور البيت والاثاث مب عايبني ..تقدرين؟

هدى:هيه اصلا ماعندي شي اسويه


ايمان: عيل اعتمد عليج اوكي؟

هدى:اوكي...



يالس يقرا الجريده ومب منتبه للعصبيه اللي ع حرمته كانت يالسه تشرب من كوب الشاي وتفكر وهو كوبه جدامه بس ماجاسه ..نزلت الكوب وقالت

ميعاد:سالم

من غيرمايرفع نظره من ع الجريده:هممم

قالتوالضيج عليها:انت تتحدث ويا احمد؟

طالعها بعد ماشده سؤالها وحيره وهو ماسك بالجريده ع نفس الوضعيه:ليش تسألين؟!

وبنغزات مبطنه:قلت يمكن تصالحت وياه

حط الجريده ع صوب واخذ كوب الشاي وشرب منه ونزله: لا..ولا اعتقد ان هالشي ممكن يصير..وانتي بعد ماباج ترمسين حرمته

ميعاد:بس انا رمستها

قال بنوع من العصبيه:ليش؟!

ميعاد:استفزتني

سالم:ميعاد ماباج ترمسينها والافضل تحقرينها

ميعاد:مادري ليش ابوك ماطردهم برع البيت بدال ما يسكنهم بقسم بروحهم والحين ياي يسكنهم ويانا يعني في كل الاحول بنشوفهم

سالم:ابويه مايقدر يستغنى عن احمد بعد ما انفصل حمد باسهمه

ميعاد اللي في نيتها تزيد النار حطب بين الاخوان:قصدك احمد اللي مايقدر يستغنى عن ابوك اللي بالنسبه له بنك يسحب منه

سالم: ع العموم هم في حالهم ونحن في حالنا مفهوم

ميعاد:مفهوم..._حبت تقلب ع شخص ثاني_..مادري شو السالفه اللي تدور من ورى ظهر اخوك


استغرب من كلامها:اي اخو؟!


قالت بنبره خبيثه تحمل الكره والحقد ونوايا محد غيرها يعرفها:حمد

بدا يحتاراكثر من لعب الاعصاب :شفيه؟!

ميعادوبنفس النبره الشاكه الخبيثه: شفت اخوك عمر اكثر من مره من عقب سفر حرمته ييلس وياهدى بروحهم ويطولون في سوالفهم

بدا الشك يغزو عقله وبدا يسرح ويفكر وبدت الظنون تنرسم في عقله وقال : انتي متاكده؟

وهي تغرس سم سوء الظن في عقله:اقولك شفتهم اكثر من مره وما اعتقد ان عيوني شافت غلط ياسالم


ماعلق ع كلامها وسرح وهي بانت ع ويها نظره ماكره ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 25-08-2011, 06:22 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


في اليوم الثاني وتحديدا في الشركه كانت السكرتيره واقفه جدامها وهي يالسه تقرا البريد وتوقع ع الاوراق وعقب ماخلصت

ايمان:اباج تجهزين الاجنده وراح اخبرج شو بيكون فيهاوتحضرين لاجتماع اليوم ع الساعه وحده مع رؤساء الاقسام..وتعطينهم خبر ولا ابا اي حد منهم يتاخر..

السكرتيره:ان شاء الله


ايمان: تقدرين تروحين ع مكتبج


السكرتيره:اوكي


وهي طالعه التقت بحمد ..دخل وسكرت الباب وراها


حمد:ع اساس ان ابويه طلب منج ماداومين اليوم

طنشت كلامه وقالت:حمد عقب اجتماع اليوم اباك تفضي نفسك عشان تخبرني بكل اللي يخص الشركه

حمد اللي استغرب:اي اجتماع؟!

ايمان:ع الساعه وحده بيكون فيه اجتماع مع رؤساء الاقسام وعقبه بيكون بينا اجتماع ثاني عشان تشرحلي كل شي عن الشركه

حمد كان بينفجر من داخله بس ماسك اعصابه:شو اللي تبين تعرفينه بالضبط؟

ايمان: كل شي بالتفصيل


حمد:ايمان اعتقد اني شريك معاج

ايمان: وانا مانكرت هالشي بس لا تنسى ان مجلس الاداره متمثل فيني بمعنى اني الوحيده اللي يحقلها تاخذ اي قراريخص الشركه من غير ماتلجأ لحد .._ رن التلفون ورفعت السماعه ._,,نعم خليه يدخل

دخل الخبيرالمالي للشركه..وتجدم وقف بجانب حمد

سعود:السلام عليكم


...:وعليكم السلام


سعود:الحمدلله ع السلامه


ايمان:الله يسلمك استاذ سعود...جهزت اللي طلبته
سعود:نعم


طالعت حمد:حمد تقدر تروح ع مكتبك وتجهز اللي طلبته

حس بالمهانه والتصغير وجدام واحد غريب ماحب يعلق او يواجه استاذن في غيض وطلع مر من جدام السكرتيره وهو معصب وكذا موظف شافه ..دخل مكتبه وسكر الباب بقو..تجدم من مكتبه ويلس وهو يغلي


حمد:ماعليه يا ايمان هذي اخرتها تعبت على هالشركه وكبرتها وفي النهايه تنكرين المعروف وتصغريني جدام الموظفين.. انا ارويج.._سمع دق ع الباب ..نطق وهو بعده معصب_..تفضل


نفتح الباب ودخل وهو بهيبته نزل النظاره الشمسيه:السلام عليكم

لمعت فكره في راس حمد واسترخت ملامحه وهو يشوفه قام واقف ورحب فيه..


كانت طالعه مع اربيعتها من المحاضره وراحن ع الحمام ..رتبن نفسهن جدام المرايه وخلصن وهن طالعات..تلاقن وياها كانت بتروح بس منعتها ..سندت ايدها ع اليدار ومنعتها


اريام:تسكرين في ويهي ياميثه؟


ميثه اللي ردت عليها :عطيتج رايي ولا كان عندي شي اضيفه


اريام:بس مب حلوه حركتج كان المفروض تتصرفين بارقى من جي


عصبت منها:خلصتي ولا بعدج؟

اريام الليتعاندها: ماخلصت ولا بخلص..واعتقد انج ماعرفتيني


ميثه:ولاابا اعرفج ولو سمحتي خوزي عن طريجي


بعدت وهي تقول:انزين ياميثه بس صدج ماعرفتيني


راحت عنها وخلتها تحترق في نفسها بس اكيد ماراح تطوفها تمت تطالعهم وهم رايحين وهي تفكر كيف تنتقم من ميثه...


اما ميثه فكانت تمشي مع اربيعتها اللي مستغربه من اللي صار


نجلا:ميثه شو فيها اريام ؟


ميثه:مافيهاشي


نجلا: بس غريبه كانت تهددج صار بينكم شي؟

ميثه اللي من داخلها كارهه الموضوع:نجلا خلج منها اريام هذي وحده ماعندها سالفه شايفه نفسهاومغروره


نجلا:انزين ليش كانت ترمسج بهالشكل وكانه صاير بينكم شي؟


ميثه:اريام تباني اكون اربيعتها وانا مااريد


استغربت:انزين وين المشكله دامج رفضتي صداقتها ليش تلاحقج؟!


ميثه:باين انها مريضه

نجلا:مب خايفه انها تسوي شي؟

ميثه:وشوان شاء الله بتسوي..خليها تولي اصلا هي بس ترمس ولا تقدر تسوي شي


نجلا اللي حست بشي غريب:مادري بس شفت في عيونها تهديد واضح انها ناويه تأذيج

ميثه:يانجلا ياحبيبتي وحده مابيني وبينها اي شي ولاعندها واسطه عشان اقول انها تقدر.. قلتلج اريام بس تهذرب تخورط بس ماتقدر تسوي شي

بعدهامتشككه: مادري بس حسيتها جاده وممكن تفكر باي شي

ميثه:خلينا منها طاف طاف ياللا مشينا يوعانه خلينا نروح للكافتيريا ونحجز لنا مكان جدام ماينترس

نجلا:اوجيه ياللا..




يتملك احساس ماتعرف ليش تحس فيه بس نابع من داخلك ويدفعك تسوي شي يمكن ماتقدر توصفه او تكون مخطط له من قبل بس عندك طاقه من اعماقك تحثك انك تسويه وهذا هو حال فهد..كان يالس في واحد من الكافيهات...


نزل الكوفي بعد ماشرب منه وقال:ناصر

ناصر:خير

فهد: افكر ارد البلاد


استغرب من كلامه وتفاجأ: ترد البلاد ليش؟!


كان يتكلم بشي من الاحساس الغير مفهوم له :مادري بس فيني شي مااقدر اوصفه ..شي,,,,مادري بس من صد ج ابا ارجع


ابتسم ابتسامة تعجب:فهد ما ادري الصراحه انت فاجأتني...وايدين يتمنون انهم مكانك يسافرون ويكملون دراستهم في الخارج اما انك تسافر تدرس وبعدين ترجع لبلادك تكمل دراسه بصراحه هذي اول مره تصير اسمحلي شي غريب

فهد:وين الغرابه اني ارد بلادي؟!...انا ماييت هنا بمنحه عشان اقول انها خساره..انا ييت من نفسي وعلى حسابي ونفس الشي برد الامارات بنفسي

ناصر اللي بعده هب مستوعب بس حب يجاريه:انزين ممكن تخبرني شو السبب؟
فهد اللي سكت شوي :ما ادري..مرات تمر علينا لحظات مانفهما ولا نعرف المغزى من وجودها وانا امر في هاللحظات_ ..حرك كوب الكوفي وكمل.._فيني رغبه اني ارجع الامارات لا تسالني ليش لاني صدج ما ادري شو سبب هالاحساس


ناصر:يعنيمجرد شعور مؤقت وممكن يروح


شرب من الكوفي ونزله:مااعتقد

محتار في حالة ربيعه:ليش؟!

فهد:من بداهالكورس والاحساس فيني


بدا يحط استنتاجات من راسه:مب عايبتنك الدراسه ؟..الوضع؟

تنهد وسكت شوي وقال باريحيه:بالعكس كل شي اوكي الدراسه التيتشرز السكن السيرفيزز كل شي متوفر ومريح ..واي واحد يتمنى اللي انا فيه بس فيني شي يقولي ارجع

تعب مب قادر يوصل لشي:يعني تظن انه فيه شي يترياك هناك وممكن يصيرلك؟

سكت لانه ماشي جواب وبعدين قال:مادري يمكن بس اللي متاكد منه شي داخلي يباني ارجع للبلاد


مل من الكلام مب قادر يجمع: بصراحه يافهد خبصتني

ابتسم:لا تختبص ولا شي

ناصر:يعني ممكن باجر تقول ان اللي في راسك اختفى؟

فهد:ماادري...المهم..._وقف وهو يقول_قوم خلنا نسير اريد ادرس شوي باجر عندنا امتحان

ناصر:عقب اللي قلته حد له نفس يدرس

ابتسم:خلك من اللي قلته اذا عزمت بعطيك خبر خلنا نسير ياللا


وقف وهويقول:اوكي ياللا..


ومشى وياه من غير مايدري السبب اللي عشانه يفكر يرجع لبلاده..


الرد باقتباس
إضافة رد

أوهام السنين / بقلمي , كاملة

الوسوم
الأمنيات , القدر , احتضار , \بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6835 28-05-2019 01:18 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
رواية الله يرحم حبنا اللي قتلتيه / بقلمي ، كاملة خجول الـورد روايات كامله - يتم نقل الرواية هنا بعد اكتمالها 178 17-09-2014 12:20 AM
على كثر السنين / بقلمي ؛كاملة مشـآعر طفلهـْ . . ~ روايات كامله - يتم نقل الرواية هنا بعد اكتمالها 388 28-07-2013 11:48 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 01:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1