غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 02-09-2011, 07:35 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


اقتباس:
المشاركة الأساسية كتبها ظبيةالشرقية مشاهدة المشاركة
السلام عليكم..
قريت اول جزئين نزلوا من القصه وبشكل سريع بعد.. احلى شي باي قصه هو الواقعيه وانها تكون من بيئتنا وحياتنا والاهم من هذا وذاك تكون حسب قواعدنا الدينيه..يعني اتوقع ان انتي عارفه حكم الاسلام بتربيه الكلاب (الله يكرم القارين) وكيف هي نجسه باي شكل وباي صوره كانت وانه يحرم دخولها في بيوت المسلمين ولا تستخدم الا للضروره ياا للحراسه او للصيد..لكن انها تستخدم للدلع مثل ماتسوي هدى ..فالبيت اللي يكون فيه كلب ما تدخله الملائكه وهالشي مافيه نقاش ولا ليش ولاكيف بما انه امر من الله ورسوله يتم التنفيذ..
وثاني ملاحظه لي ان القصه شكلها اماراتيه بس فيه الفاظ كثيره مو من كلام الاماراتين واقولتس هالشي لاني قريت قصص كثيره اماراتيه وغير اصلا ان لي صديقات اماراتيات واللي قريته هنا مو من كلامهم ابداا ولاهو قريب منه.فاذا انتي كاتبه القصه ومغيره بعض الكلمات عشان تسهلين لنا معرفه الالفاظ اللي تفكرين انها صعبه علينا اقولتس ياليت تكتبين القصه باللهجه الاماراتيه بدون تغيير ولا تسهيل لان كثير منا يعرف اللهجه..
شكل القصه حلوه بس صدق اللي احس انه مخربها ان اللهجه مو اماراتيه بحته..الا لوانتي مومن اهل الامارات وحابه تكون القصه بهاللهجه المحببه لكل اللي يقرون القصص وخصوصا ان القصص الاماراتيه لها حظور قووي وقرااء محبين كثير لها..\
وبالاخير احب اقول اني شفت بعض الردود اللي ردتيها على الاخوات واعجبني جداا جداا رد لتس بانتس حابه تكونين بعيده عن الجرأهـ .وهالشي يبين انتس كاتبه ملتزمه فكريا فالله يوفقتس يااارب وباذن الله تكون هالقصه بمستوى عالي ويكون لها قيمه كبيره للي يقرونها..
واخيرااا اتمنى لتس التوفيق وانتس تاصلين بهالقصه لبر الامان وتنهينها على خير بدون توقف..

وعليكم السلام ورحمة الله وبركاته



مشكوره ع المرور والرد


بخصوص الحلال والحرام ماعتقد انه فيه حد الحينه متقيد بالدين ..ولا وقفت بس ع تربية الكلاب
بخصوص اللهجه اعتقد اهل الشرقيه كلامهم غير عن اهل الرياض وعن جده ولا انا غلطانه.؟
وتختلف في الامارات من منطقه للثانيه وعلى حسب القبايل

وانا اماراتيه وكلي فخر اني من دار بو خليفه ..واذا مب مصدقتني بقولج المناطق من اول راس الخيمه لين العين ..

مشكوره^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 05-09-2011, 08:44 PM
صورة Noor u.a.e الرمزية
Noor u.a.e Noor u.a.e غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


مسا الخير وعيدك مببببببببببرك

انا توني في البارات الاولى ومبين ان الروايه حلو

برب وبرد اعلق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 06-09-2011, 01:22 AM
صورة Noor u.a.e الرمزية
Noor u.a.e Noor u.a.e غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


مرحبااا اصداء

الروايه حلوه وايد بس الشخصيات كثيره ممكن لو سمحتي تبينين لنا من اخو من ومن ابو من وياريت لو ما عليك امر مثل ابو غاليه تكتبين ابو غاليه مب اسمه عشان ما نتلخبط والسموحه منك اذاء ازعجتج

بس من الشخصيات الي فهمتها شوي
انه احمد انسان مايخصه في شي اوممكن ما عنده شخصيه ومرته قويه

وميعاد وحده حقود وخبيثه وتزراع المشاكل

بس ما اعرف بصراحه حبيت منصور وايمااان واييييييييييييد

حمد بعد واضح انه انسان طماع واناني

حسين مسكين ماادري ليييييش

والله يعطيج العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 06-09-2011, 08:45 AM
صورة كـرات الدم الرمزية
كـرات الدم كـرات الدم غير متصل
©؛°¨غرامي متألق ¨°؛©
 
Uploadc2f6dfecb2 رد: إحتضار الأمنيات بين كفي القدر / بقلمي




بسم الله الرحمن الرحيم

السلام عليكم

كيفك؟
رواية رائعة تسلم يدك

صج الرواية فيها

الخير والشر

وفيها الحب ولكل شخصيه قصه وسر يخفيه مثل ماقلتي

يعطيك العافية
نتظرك ع احر من الجمر
ودي لك




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 06-09-2011, 01:52 PM
صورة ra7il الرمزية
ra7il ra7il غير متصل
©؛°¨غرامي مشارك¨°؛©
 
الافتراضي رد: إحتضار الأمنيات بين كفي القدر / بقلمي


رواية جميلة جدا

الأحداث، الأبطال وأهم شيء الغموض اللي يلف الأبطال
هذا الشي يجبرنا أن نستمر ونتلهف للبارتات الجاية

يعطيج العافية خيتووو

متابعة لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 09-09-2011, 11:49 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


مشكورين ع المرور والردود اللي من صدج فرحتني

وان شاء الله دوم هالحضور والتواجد


بس انشغلت شوي وماكتبت شي بس الحين بنزل بارت لعيونكم


وان شاء الله يعيبكم


بخصوص اللي يتلخبطون بالشخصيات

الابو اسمه محمد

متزوج من ثنتين

لطيفه وله منها

احمد وهو متزوج من شيخه وله منها عيال صغار
حمد متزوج من بنت عمته هدى
منصور بعده ماتزوج بس كان يحب بنت عمته ايمان اللي هي اخت هدى
مبارك وعنده ولدين جاسم وريم
عمر وزوجته منال
سالم وزوجته ميعاد

شمه وزوجها سيف بس بعدهم في الملجه
حمده
مريم
زوجته الثانيه فاطمه

عيالهم

محسن كان خاطب بس انسجن واهل خطيبته لغوا الخطوبه
فهد مسافر برع للدراسه
خالد وزوجته شهد
غاليه متزوجه من ولد خالها ماجد وبعدهم في الملجه
ميثه وتدرس في الجامعه


الشخصيات الثانيه

عايشه وبناتها خلود وشروق

وهذي هي الشخصيات اللي لين الحين لها دور وفي شخصيات ثانيه بتظهر بعدين



تعديل اصداء الحنين; بتاريخ 10-09-2011 الساعة 12:09 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 09-09-2011, 11:55 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


البارت4





كانت يالسه في الصاله تقلب في مجلة لها ..سمعت جرس الباب يدق ع فترات ويتوقف ..استغربت انه بعده يدق..حطت المجله ع صوب وقامت بنفسها تشوف من..عدلت من وضع شيلتها وفتحت شوي من الباب


غيث:السلام عليكم


سمعت صوته وعرفته :وعليكم السلام هلا غيث


غيث اللي مايشوفها بس يسمع صوتها وهي بعد ماتقدر تفتح الباب لانها بالبيجاما :شحالج ربج الا بخير؟


حمده:الحمدلله بخير ومن صوبك؟


غيث:الحمدلله بخير


حمده اللي مستحيه تقوله بس مجبوره:غيث اسمحلي ماقدر اقولك تفضل ع الميلس لانه محد موجود


غيث:مسموحه يابنت العم..وانا بعد مب ياي ايلس بس كنت رايح الحداق ويبتلكم سمج


حمده:تسلم ماتقصر


غيث:الله يسلمج..انزين انا رايح من رخصتج وسلمي ع الاهل


حمده:ان شاء الله يوصل


غيث:مع السلامه


حمده:مع السلامه


فتحت الباب وشافته مقفي وطالعت ثلاجة التبريد اللي عند الباب ودخلت كانت ناويه تروح تقول للشغالات يدخلنها في اللحظه اللي نزلت فيها مريم


مريم:من اللي ياي؟


حمده:غيث ولد عمي


دق قلبها بسرعه بس قدرت تخفي احساسها:انزين وينه؟


حمده:راح


مريم بعتب:ليش ماقلتيله يروح الميلس


حمده:هو مب ياي ييلس واكيد بيروح بيتهم عشان يتسبح من الزفره هيه ذكرتيني بروح اشوف الشغالات


راحت حمده ومريم تمت واقفه وقالت في نفسها:ليتني انا اللي فتحت لك..مشتاقه اشوفه...





في المول كانت ميعاد ويا عمتها_ام زوجها_..يتحوطن ويتشرن..عقب ماخلصن راحن ع المطعم ويلسن وخذن لهن عصير وهن يالسات كان فيه شي يدور في راس ميعاد ..ميعاد اللي ماتخلي فرصه الا وبدت تتكلم بالنغزات اللي محد عارف وين تبى توصل فيهن


شربت من العصير ونزلته وعينها ع لطيفه :عمتي


لطيفه:خير ياميعاد


ميعاد:يعني الحين منال حامل وبااشهرها الاولى وشيخه عيالها حواليها وشهد الله يعينها تتعالج عشان تيب عيال بس هدى شو اللي يمنعها؟


لطيفه:هم ماجلين


ميعاد بنبره ملتويه الغايه منها التشكيك:هيه بس هم مايدرسون عشان نقول انهم يتريون لين يخلصون او مايقدرون يصرفون ع عيالهم..يعني ماشي سبب


لطيفه اللي بدت تمل من رمستها: متى ما الله كتبلهم بيستوي عندهم..


حست ان لطيفه ملت رفعت الكوب وقالت:ان شاء الله وشربت منه ونزلته وهي ساكته وفي داخلها مقهوره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 09-09-2011, 11:59 PM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


كان قلبها تتسارع نبضاته وهي سايره لذاك المكان كانت مشتاقه وفرحانه انها بتشوفه..شافته شكله متغير شوي او بادي عليه التغيير..كانت يالسه وياه بروحهم بعد ماخلاهم عمر


وهو يتاملها قال: وحشتيني ياغلوي


غاليه وهي تحاول تكتم الصيحه:وانت اكثر والله حاسه بالفراغ من دونك


ابتسم وقال يداعبها ويمازحها عشان تضحك: باجر مابيكون في القلب الا مجود


قالت بحزم وهي تطالعه :انا مابعرس الا يوم تطلع انت من هنا


محسن اللي عاتبها معترض ع كلامها:غاليه شو هالرمسه والمسكين شو ذمبه تعلقينه جذا ؟


غاليه اللي حست بالقهر: كيف اعرس وانت هب موجود؟..كيف اتهنى وواحد من اخواني بعيد عني؟


غمض عيونه وتنهد وطالعها :غاليه سمعيني اباج تعرسين ولا تفكرين فيني لاني مابطلع من هنا الا عقب ما اخلص محكوميتي


وسعت عيونها وصدمها كلامه اللي مب قادره تفسر معناه وعلت جبينها الاستفهام: ليش تفاول على عمرك بعدهم ماحاكموك وان شاء الله بتطلع ليش تقول جي ليش؟


محسن:غاليه اذا تحبيني صدج اباج تعرسين ولا تكسرين بخاطر ماجد تراه يموت فيج ولا في حد مثله يحبج سمعي كلامي وتوكلي ع الله وتزوجي وقولي لامي تدعيلي ان الله يهون عليي الحبس


كانت كلماته ترن في اذنها كل حرف نطقه مب لاقيه له تفسير اركبت السياره وهي ناسيه عقلها وقلبها عنده كانت تطالع لجدام وتسيل دموعها وبين ثاينه وثانيه تشهق..لف عينه عليها


عمر: من طلعنا وانتي تصيحين... غاليه


شهقت وقالت بغصه:انت ماسمعته شقال


عمر:شوقال؟


غاليه:قال انه مابيطلع الا عقب مايخلص محكوميته..هو شدراه انه بينسجن وماحاكموه؟


عمر: اكيد قال جذا عشان يباج تفرحين ..غاليه محسن ماهان عليه يشوفج انتي وماجد على هالحال فقال هالكلام ..تبين نصيحتي..ايلسي ويا ماجد واقنعيه انه ينتظر لين تبدا محاكمة محسن وعقبها يصير خير..اما انكم تمون جذا هذا بصراحه وضع مب اوكي..ها شقلتي؟


لفت براسها وسندت على السيت وسكتت وهو بعد سكت وركز ع الطريج





في الفيلا وتحديدا في القسم الخاص بام غاليه كانن البنات متجمعات في الصاله ياكلن مكسرات ويسولفن ..


توصل شيخه عندهن وتيلس


شيخه:انتن مب ناويات تعرسن؟


حمده:عندج حد؟


شيخه :هههه لا ماعندي بس اسال


شمه اللي ع ريولها صحن المكسرات تاكل منه:ماعليج منهن هذيل مب ويه زواج


ميثه:وشو نبا فيه مغثه ياحلات العزوبيه لا ريل ولا هم


شيخه:الحين بس خلي نصيبكن ايي اذا ماتخبلتن ماعليه


شمه:هذا اذا حد درى فيهن


مريم:بنات عندي فكره عشان نعرس


حمده:شو هي؟


مريم:نروح المول..وندور واذا حصلناه..نسمي عمارنا ماشفناه ونصقع فيه بالغلط ويبدا الحب


حمده:وليش كل هذا..سيري ع الكافيهات وخليه يرقمج


مريم:مال اول الترقيم..الحين لا بس صدمي فيه عشان تحسون بمشاعر الانجذاب العاطفي


ميثه: هيه صح احلى صدفه بحياتي


مريم:والاغنيه شو تقول..._بدت تغني._ صدفه ومن بين الناس علقني.من يوم شفته وعيني جت بعينه...حسيت شي فعيونه حيل يجذبني..لما ابتسم بانت فوجهي تلاوينه


..:هههههههه


طالعت لجدام وهي تشوفها داخله لانها مقابلتنها وتغيرت ملامحها


حمده اللي بان عليها الخوف:غاليه!


لفن كلهن صوبها..قامت ميثه وركضت عندها


ميثه بكل خوف:غاليه شفيج؟!...غاليه امايه فيها شي؟!..._بس غاليه ماترد.._غاليه ردي عليي حرام عليج


عمر اللي دخل:ميثه اهدي


طالعته خايفه شكل اختها مايطمن:عمر امي فيها شي؟


عمر:مافيها الا العافيه


ميثه:عيل غاليه شفيها؟!


عمر:تعبانه شوي


تجدمت من الكنبه ويلست وهي حزينه كلهن تيمعن حواليها وقلوبهن ترجف من شكلها اللي مايبشر بخير


حمده بخوف ونبره هاديه:غلوي شفيج؟!


قالت وهي تصيح وتذكر كلامه :قالي عرسي...عرسي


استغربن منها مب فاهمات شي شيخه: منو اللي قالج؟!


غمضت عيونها ونزلت دموعها وتنفست بعمق وفتحتهن:محسن..محسن هو اللي قالي لانه مابيطلع من الحبس الا عقب ماتخلص محكوميته


شمه اللي عصبت:شو هالفال حرام تقولين جذا اي محكوميه وجلسة محاكمته بعدها مابدت


حمده اللي حطت ايدها ع كتف غاليه:غاليه حبيبتي فهمني شو اللي صار ترانا والله مب فاهمين شي


طالعتها والحزن في ويها والدموع بعيونها:ولا انا فاهمه شي


لقت ماشي امل منها قامت وسارت لعمر اللي واقف ع مسافه منهن


حمده:عمر الله يخليك فهمني شو فيها غاليه وليش ترمس عن محسن؟!


عمر:راحت تزوره وطلب منها انها تزوج وماتفكر فيه


حمده:انزين ليش؟!


عمر:مادري


تجدمت منهم ميثه: ليش اخذتها عنده؟!


عمر:بغت تشوفه..ميثه اباج تهدينها ولا تخلينها بروحها


حمده:كلنا بنتم وياها..._لفت عينها عليها_حرام شوفها كيف صايره


عمر: خلاص خلكم وياها ..انا بسير البيت وبعدين بطلع


حمده:مابتتغدا؟


عمر لا بتغدا برع..وانتو خلو بالكم من غاليه ياللا انا ساير


حمده وميثه:مع السلامه


ميثه:خلينا نسير عندهم


حمده:اوكي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 10-09-2011, 12:04 AM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


بعد مازارته اخته حس انه قسى عليها برده بس هذا اللي بيصير..مب لانه يدعي الغيب بس في نفسه عارف السبب اللي خلاه يقول هالشي..رجع لزنزانه اللي طلع منها واخر مره يدخلها..كان عبدالرحمن بس موجود..شاف انه فيه شي وقف وتجدم منه ولاحظ الحارس اللي ماسكر باب الزنزانه


عبدالرحمن:محسن شبلاك شي مستوي؟


محسن:وين نبيل؟


عبدالرحمن: يايتنه زياره..بس فهمني شي صار؟!


محسن:خساره يعني مابسلم عليه قبل ما اروح


عقد حواجبه :ليش؟


محسن:بينقلوني مكان ثاني محاكمتي مابقى عليها شي


حس بالحزن: والله بتكون لك وحشه .._حط ايده ع كتف محسن_ بشتاقلك كنت متوله اعرف ليش ييت هنا ..بس ان شاء الله بتطلع من الحبس وبتبان براءتك


تأمله وتحاضن وياه وسلمو ع بعض ووادعه وطلب منه يسلم له ع نبيل ..وقف يشوفه وهو طالع من الزنزانه والقيود بايديه وسكر الحارس الباب على عبدالرحمن..ومن حسن محسن انه التقى مع نبيل وسلم عليه وتوادع وياه ..وراح وهو ع موعد مايدري كيف بتكون نهايته ...






كان يالس ويا ربعه اللي يو يزورونه في شقته ..حد يالس تحت ويلعبون ورق واللي يالسين فوق يطقطقون ع البلاك بيري..اما منصور فكان يالس يشرب من كوب الكوفي ويطالع التي في


واحد من الشباب:اقول شباب شرايكم لو نسافر مكان يعني من باب التغيير


واحد من اللي يالسين تحت قال وهو يسحب من الورق:وين مثلا؟.


...:اي مكان


واحد من اللي يالسين فوق:شرايكم نروح امريكا


واحد ثاني:وليش عاد امريكا؟


...:يمدحون جوها في هالوقت


واحد منهم وهو يفر ورقة اللعب: شو يمدحونه كلها براكين وزلازل واعاصير..ولد عمي يوم كان هناك بغى يموت من الخوف يقول انتو بتشوفون الاعصار ع التي في بتقولون عادي بس يوم تكونون جريب منه والله انه شريط حياتكم كله بيمر جدامكم عاد هالسنه قرر يرد البلاد قال توبه اتم هناك


واحد منهم:اسمحلي ولد عمك جبان..فيه وايدين من شباب الامارات يدرسون هناك وبعدهم يكملون اولاد او بنات


امريكا من ذكروها وبدو يتكلمون عنها وهو سافر هناك سافر بعقله اللي خذاه لذكرى قديمه من حوالي سنه كان يالس ع الكرسي ومنزل راسه ويقرا البرودكسات اللي توصله حس انه في حد تقرب منه رفع راسه وشاف ابتسامه رقيقه وقف


ايمان:شحالك؟


منصور:بخير وانتي؟


ايمان:تمام...شو يايبنك هنا؟


ابتسم:ياي اشوف بنت عمتي


ابتسمت:ولا تقول بعد انك ياي تردني وياك الامارات


منصور:ليش لا؟


ايمان:لا انا مابرد الا وشهادتي وياي ومتخرجه ورافعه راس امي وابويه حتى بعد وفاتهم


منصور اللي ابتسم ع ذكريات مضت وهو يتذكرها بعنادها:هذا انتي ماتكتفين مول


اضحكت ضحكه خفيفه :دامك تعرفني زين ليش مستغرب؟


منصور:اتذكر فيه كوفي قريب من هنا خلينا نسيرله


ايمان:اوكي ياللا


وسارو ع الكوفي ويلسو وطلبوا كوفي كانت هي مجابله للباب ..دخلو ثلاثه شباب وياهم بنتين..ويت عينهم عليها


واشرو لها:هاي


ابتسمت لهم واشرت لهم:هاي قايز


لف راسه وشافهم واستغرب من الميانه اللي بينهم


منصور:ومنو هاذيلا؟


ايمان:ماي فريندز


منصور اللي عصب من غيرته عليها:مرابعه شباب؟!


ايمان:هيه وشو فيها بعدين انا مااسوي شي عيب والحمدلله محترمه عمري وهم بعد محترميني


منصور:بس انا مب عايبني ماتخيل اشوفج وياهم سمعي هذا اخر كورس لج هنا عقبها بتردين البلاد وتكملين دراستج هناك


ايمان:منصور شو بلاك مابخلي دراستي وبكمل هنا وابوك ماعارض ع دراستي


منصور:بس تعرفين ابويه ماخلاج ع راحتج الا عشان وصية عمتي الله يرحمها ولا كان ماسمحلج تمين بروحج هنا


ايمان:تراك يالس تغلط فيني منصور بكمل هنا وهذا قراري


رجع للواقع ووقف وقاطع حوارهم وقال :شباب.._طالعوه_..انا راد الامارات واللي بيخاويني ياحياه


راح وهم كل منهم يطالع الثاني ومستغربين منه ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 10-09-2011, 12:08 AM
صورة اصداء الحنين الرمزية
اصداء الحنين اصداء الحنين غير متصل
©؛°¨غرامي مجتهد¨°؛©
 
الافتراضي رد: إحتضار الأمنيات بين كفي القدر / بقلمي


عقب ما رحب فيه وسولفو شوي عزمه ع الغدا في مطعم ويكملون سوالفهم


عبدالله:من ظهرنا من الشركه وانا حاس ان هالعزيمه وراها شي ولا هب من عوايدك تعزمني..حمد شو تحت راسك خبرني ترانا ربع من زمان وادريبك


حمد:دامك استويت بزنس مان قلت نستفيد من خبرتك في التجاره


عبدالله:حمد لا تيلس تلف ودور خلك سيده وخبرني


ابتسم:بصراحه ياعبدالله اغار على اهلي ..مابالك اذا انا اشوف وحده منهم تيلس مع الريايل صح انه شغل بس مب عايبني


عبدالله:مافهمت عليك وضح اكثر


حمد: عبدالله اباك في خدمه


عبدالله:فالك طيب


حمد: اباك تتزوج ايمان بنت عمتي


عبدالله:بس انته تشتغل وياها يعني مايحتاي تخاف ولد خالها وريل اختها يعني السالفه مايبالها اتزوج منها الا اذا فيه شي ثاني انا مادري عنه


حمد:عبدالله فهمني انا ماقدر اشوفها جذا واسكت ..


سكت شوي:انزين عطني فرصه بفكر وبعطيك خبر.._قال في نفسه_..حاس ان السالفه غير عن اللي قلته ياليتني اعرف شو اللي في راسك ياحمد...





رقد شوي وقام وجهز نفسه وطلع وعقب مانزل من ع الدري وكان توه بيروح سمع اسمه ولف


عمر: هلا هدى


هدى: ماشفت حد من البنات؟


عمر:فبيت امي فاطمه


هدى:ليش شو مستوي؟


عمر:يالسات مع غاليه


هدى اللي نغزها قلبها:ليش شبلاها؟!


عمر:زارت محسن وردت من عنده وهي تصيح ونفسيتها تعبانه


هدى اللي بان عليها التاثر بحالهم:الله يكون في عونه...ماقالوا متى بيظهر؟


تنهد: محاكمته بعد كم يوم


هدى:ان شاء الله خير


في اللحظه اللي قالت فيها جملتها دخلن ميعاد ولطيفه..وطبعا بدت الشكوك فقلب ميعاد


لطيفه:السلام عليكم


عمر وهدى:وعليكم السلام


تقرب من امه وحب راسها:شحالج امايه؟


لطيفه:بخير..عيل وين البنات


عمر:فبيت امي فاطمه..ياللا بخليكم اشوفكم ع خير


لطيفه:ماتبا غدا؟


عمر:لا مابا ياللا من رخصتكم


لطيفه:مع السلامه..انزين بسير ارقد تعبت من المشي


هدى:نوم العوافي


لطيفه:الله يعافيج


عقب ماراحت لطيفه قالت هدى:بسير عند البنات بتين معايه


ميعاد بنغزة:بس عن يكون قاطعناكم


استغربت من كلامها: مافهمت


ميعاد: يمكن بينكم شي مهم ونحن يينا فجاه


هدى:مافهمت


ميعاد:انتي وعمر


هدى اللي شافت الشك ع ميعاد تقربت منها:ميعاد عمر اخو ريلي ولا بينا الا الاحترام عن اذنج


عقب ماسارت هدى قالت:انزين ياهدى خلي بس منال اتي اذا ماخبرتها ماكون ميعاد





دخلت للغرفه وشافته يرتب شنطة السفر وتقربت منه وهي مستغربه


شهد:خالد شو تسوي؟!


خالد:بسافر عندي شغل بخلصه


شهد: ليش ماخبرتني كنت زهبت الشنطه


خالد: مابيلس وايد كم يوم وراد ان شاء الله بس ماباج تحاتيني وتسوين حفله لا بطيت واباج ماتيلسين بروحج خلج عند خواتي وامايه بترد من السفر يلسي وياها


شهد:ان شاء الله بس لا تبطي عليي


خالد:بدينا من الحين بعدني ماسافرت..شهوده ان شاء الله مابتاخر قلتلج كم يوم وراد ان شاء الله بس اكيد بشتاقلج


شهد اللي ابتسمت:وانا بعد..خالد احبك


خالد:مب كثري انا ...شهوده..احبج والله العالم انج غاليه عليي


لمعت عيونها فرح وهي تطالعه:الله يخليك ليي..متى بتسافر؟


خالد:الليله ع الساعه تسع ونص...ماتبين اييبلج شي


شهد:لا بس اباك انته


خالد:تسلمين يالغاليه...قال في نفسه..احبج ياشهد بس الله يسامحني ع اللي بسويه..حسبي الله ونعم الوكيل..


قالت في نفسها:ان شاء الله افرحك يوم ترد باني حامل...يارب يتحقق ...راح اسوي كل اللي مطلوب اني اسويه عشان ابشرك بالياهل..





دخلو للخيمه اللي برع البيت وشافوه راقد


واحد من الثلاثه:هذا بعده راقد..روح وعيه بسه رقاد


تقرب منه:جاسم جسوم قوم قوم نش جسوم


جاسم :هممممم


...:قوم بسك رقاد عنبو من متى راقد؟


..:عن يكون من البارحه هو هنا؟


راعي البيت:هيه يتتني الشغاله وخبرتني قلتلها برايه لا توعيه


قال باستغراب:واهله ماتخبروا عنه؟!...خذ موبايله وفتح ع المكالمات..ولا مكالمه من اهله كلها من عندنا..جسوم جسوم قوم ياريال بسك رقاد


قام وهو متملل: شبلاكم؟


...:انته من متى هنا ليش مارحت بيتكم؟


حس ان هالسؤال زاد من ويع راسه اللي حاس فيه وقال في نفسه:اي بيت حتى محد درى عني...


...:انزين قوم تغسل عشان بنطلع


جاسم:انزين






كانت يالسه في الرسبشن تشتغل ع اللاب خلاص ماباقي شي وتجهز التقرير اللي بينزل في المجله..خذت موبايلها عشان تتصل بس الرصيد مايكفي ..قامت من مكانها وراحت تتصل من عند الرسبشن ..بس في شي ماحسبت حسابه حد استغل انشغالها وقرب من اللاب وشاف التقرير ؟!!!!...





يتبع


مع تحياتي:

اصداء الحنين


الرد باقتباس
إضافة رد

أوهام السنين / بقلمي , كاملة

الوسوم
الأمنيات , القدر , احتضار , \بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6835 28-05-2019 01:18 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
رواية الله يرحم حبنا اللي قتلتيه / بقلمي ، كاملة خجول الـورد روايات كامله - يتم نقل الرواية هنا بعد اكتمالها 178 17-09-2014 12:20 AM
على كثر السنين / بقلمي ؛كاملة مشـآعر طفلهـْ . . ~ روايات كامله - يتم نقل الرواية هنا بعد اكتمالها 388 28-07-2013 11:48 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:30 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1