غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 26-08-2011, 11:55 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


نووف: طااه هذي يعني شنو بسوي التليفون مافيي بيانات يولي يسوي الي يسويييه

ساره: انزييين كيفج باي

نوف :بااي

ونامت ساره وقعدت على مسج من رقم غريب مكتوب ردي علي انا نووف ردت ساره على الرقم الغرييب

ساره: هاا نوفوو

....: انا مو نووف انا فييصل

ساره: أي فيصل وشنو تبي

فيصل : دقييقه دقيقه يباا انا نوف قالتلي اشبكج معاها نطري

ساره: هاا لا خلاص انا ادق علييها

فيصل : يابنت الحلال نطري شوي

وشبك فيصل الخط بين نوف وساره وساره حدها معصبه ساره قالت نوف شنو هذا ومنو هذا الي شابكنااا

نوف: سارو شفييييييييييييج هذا الي توه معصب ههههههههه

ساره: اوكي اوكي باي

وانصدمت ساره من تصرف نوووف الان محلفتهاا بس تسمع ماتتكلم !!!

ثاني يوم ساره شافت نوف بالكليه وعاتبتها وقالت لها شنو هذا ليش جذي انا ماابي احد يسمع صووتي
قالت لا تخافين الرياال محترم كان حاسبني وحده من اهله واتحرش فييه وطلبته يشبكج علشان اورييج انه رد دق وماكان عندي رصييد ادق وعتذر وصك التلييفون وبس

ساره: وااااي والله فشله مالت علييج
نووف: لا عادي ومره ثانيه ما اعييدهاا

ساره: لا يبا وانا بنطر مره ثاانيه بعد ماابي اشبك بس خفت والله لو درو اهلي يدفنووني وانا حيه والله

نوف: كيفج

صارت الساعه 11 بليل وتليفون ساره وصل مسج من رقم فييصل لو سمحتي ردي علي بقولج شي واحد وبصكه
ساره : يمااااااااااا هذا شيبي خل ارد علييه اخاف يدق بعد
كتبت مسج ساره حق فييصل الله يخلييك لادق علي والله انا مو مالت هذا الطريج تكفاااا اترجااك
فيصل بالمسج: يايبا انا مابي منج شي بس ابي اقوولج شي واصكه والله

ساره : اووكي امري لله دق

فيصل : الووو شلوونج ساره
ساره: بخير الله يخلييك انا ماسويت شي والله

فييصل : يابنت الحلال انا ريال ابي مصلحتج

ساره: مصلحتي؟ شنو يعني

فيصل : أي والله مصلحتج سمعي الي بقووله لج نوف هذي بنت رايحه فييها ترى هذي سالفتها من فووق السنه رقمها عند شبااب الدوانيه كلهم ضحك ومغازل علشان كرت بو 5 والله انا من طريقة كلامج دريت انج مالج ولا علييج بهل سوالف يباا خليها بحالها واذا قدرتي غيري رقمج وهذا وعد مني ما ادق ولا شي تامرين على شي يباا

ساره: مشكوور وايد يااا ......

فيصل : اسميي فييصل شنو نسيتيي ههه

ساره: اسفه والله مشكور فيصل جزاك الله خير والله يعافيك استر على رقمي والله ماني ناقصه سوالف والله

فيصل: انا مادقيت ولا كلمتج الا هذا قرضي والله ولاتحاتيين انا ريال عندي اهل وخوات والشاهد الله محد بيدري عن شي صاار بس انا نصحتج وانتي براحتج

ساره: مشكور ماقصرت
فيصل : يلا يبا عن اذنج
ساره: اذنك معاك
وسكرو التليفوون وقامت ساره سجدت لرحمن سجدت شكر ان الله سخر لها فييصل يوخرها من الشله الفاسده

ومرت الاياام ويانا عييد الاضحى

وساره قاعده مع بيت يدتهاا تعايدهم ويعايدونهااا
يالها مسج من رقم غرييب
ساره : وي و ي وي وي هذا رقم فييصل يارب شنو هالقراده خل اشووف شنو دااز طلع مسج عادي كل عام وانتو بخير اخوكم فيصل ال......

ساره : برد ادزره مسج علشان لايرد وانت بخير وبصحه وسلامه بس لا دز مسج

فيصل : والله اسف بس رقمج مسيف وانا دزيت للكل وبعدين ليش ماغيرتي رقمج انتي

ساره: ماغيرته ومشيت بطريج غير طريج نووف والبنات

فيصل : اها اووكي انزين وين عييدييتي هههه

ساره: لما اتوظف اعطييج

فيصل: ساره بدق علييج انا قاعد اسوووق اخاف ادعم جذي

ساره : اوكي بس لا طول

وطلعت ساره بالحووش وتسال نفسها انا شفييني جذي على طوول يلا دق ويييييييييي شنو يعني كل البنات يكلموون يت علي انا لا وحظهم سنع مو مثل حظي الداااثر مه ولد العم مالت علييه وعلى شكله وي دق دق دق فييصل

فيصل : الوووووو كل عام وانتو بخير يبااااااااا عيدكم مبارك

ساره : وانت بخيييييييير عساك من عايدين العيد يارب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 26-08-2011, 11:58 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


فيصل : ويااج يباااا يلا وين عيدييتي ولا لحم ولا أي شي المهم عيديه

ساره: وييييييييييي انطر اشتغل واعطييك وبعدين هذا عييد اللحم مو عييد الفلوووووووس مثل الفطر

فيصل : وييييييي خبري بالعياادي من 4 سنيين من اشتغلت وراحت علي قمت اعطي الحين

ساره: حره انا لي الحين يعطووني ههههه عطني عييل

فيصل: اافا علييج عيوني لج جم تبين لج من اا 100 فلس ليييي الديناار ههههههههه تدللي بس

ساره : هههههههه وااي بخييييييييييل خلاص خلاص انا بعطييج ههههه

فيصل: هههه سارووونه ماقلتيلي شنو تدريسيين انتي بضمن عيديتي بعدين حلوه ولا مو شي

ساره: ههههههه انا بكلية التربيه اصير مدرسه انشاءالله وانا حاليا ثااني سنه

فيصل: مشاءالله خووش الله يوفقج

ساره: وانت

فيصل: انا خريج كلية ..... واشتغل حاليا بوزارة .......

ساره: مشاءالله مكانك وايد زيييييييييييييييييين علييك بالعافيه

فيصل: يعافييج يبااا

ساره : خلاص فيصل انا اخلييك ومشكوور على المعايده ما اقدر اطول

فيصل : خلاص يبا على راحتج بس من تفضين دزي مسج وادق علييج

ساره: ممم ليش

فيصل : شنو ليييش جذي عادي نسوولف ولا تخافيين يبااا انا ماني من الي خبرج

ساره : اووكي بااي

فييصل : الى القااء لا تقولين باااي ههههههههه

تسكر التليفوون وساره تقول ويي هذا قام يجذب انا حالي مو حالهم وكلهم مثل بعض ايي انطر منو يدزلك مسج وعدا اليووم عاادي وصار ثاني يوم العييد

فيصل دز مسج حق ساره
شنو هل غييبه قسوه ولا نسوه ولا احنا مانسوى
ساره: ياربي ماكو الا مريووم

ساره: مريووم تكفين واحد ملوع جبدي يدق ويدز مسجاات

مريووم: أي شنو يعني هذا نفسه فييصل ماغييره؟؟!

ساره: ايييي شسوي
مريم: وييي ساروو كلمييه شنو يعني شنو بسوي يعني يمكن يضحكلج الحظ يا بقره ههههههه

ساره: تهقيين مريووم

مريم: أي والله جربي

ساره: تدرين عاد دمه خفييف ههههههه يونس

مريم: عيااره ههههههه كلمييه عيل خلاص

ودزة ساره مسج حق فييصل وظلو يسولفوون مع بعض حوالي 6 اشهر من غير مايشوفوون بعض كللش كله بالوصف ومل فييصل من هل حااله يبي يشووف الي يكلمهاا وساره مو رااضيه تخااف وتحسبه حاله حاال حمد وغيره وغيره

وقالها فييصل
ساره خلالاص عاد بندش الحين تقريبا 9 اشهر وماشفتج مو حااله يعني ماقتلج تعالي تغدي ولا تعشي معاااي الي ابييه بس اني اشوف الي اكلمها
ساره : لالالالالالا مالك امل شيل هالفكره من رااسك
فيصل خلالاص عييل انا مابي هالحااال شووفي انا بنزل محل رفييجي بشتري اشرطه وارد ادق علييج ليين تفكريين
ساره: رفييجك الهندي ماغييره مال محل التسجيلالالات ؟؟
فيصل : ايييييييييي الملك هذاا ههههههههه يلا اشتري اشرطه وادق علييج
ودق فييصل وشااف الرفض من ساره مثل كل مره ومليون عذر ماابي ومالك امل وشنو شايفني ..!!
وفيصل وصل حده قالها اوووووووكي على راحتج بس انتي انهيتي هل علالاقه اووكي خلالاصلادقيين علي ولا ادق علييج انتي اكييد مجذبه بشي علشان جذي متوهقه يباا انتي جييكره؟؟ شييفه راااضي بس اشووفج؟
ساره : او كييفك خلاص مابي ادق انا بعد باااي والحيين بمسح رقمك زيين
فيصل : كييفج وهذا الي انتي تبيينه يا الجييكره

ونتهت المكاالمه وفيصل معصب على ساره واهي بعد مسحت الرقم بعد يوميين افقدت فييصل ومو حافظه الرقم اشلون ادق علييه يارب ادق على نووف لالالالالا اشلوون اتصرف ياربي

وصار شهر وساره حالتهاا حااله فاقده شي كبيييييييييييييييييييير من حيااتها

ساره تذكرت محل التسجيلالات الي فيصل دايما يروح عنده قالت ماكو الا هذاااا وراحت ساره المحل وطلبت من الهندي رقم فييصل وقالها منو انتي قالت انا سااره انا كله ايي اخذ شريط فييصل يجيب حق انا

الهندي: ايييييييييييي انت بابا فييصل يقوول الحب

ساره : اييييييييييي جييب رقم الله يخلييك

الهندي : اووكي هذا رقم بابا فييصل سوي سلالام

ساره: مشكووووووور مشكووووووووور باااي
ودقت ساره على رقم فييصل طلع مكالمه يعني اهو بره الدييره 3 رناات وصكته

ورن التليفون على طوووول

فيصل : الووو
ساره: هلا
فييصل : يازين هالصووووت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 26-08-2011, 11:59 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


ساره : ويي اسفه داقه بالغلط

فيصل : اها اووكي يا م غلط لا تعيديينهااا زييين

ساره : انزييين هههه

فيصل : يارب تزييد غلطااتج

ساره: نعم ..؟؟

فيصل : ولا شي عطست ؟؟ حراام؟؟

ساره : اها لالا مو حرام يلا باي

وقعدت ساره بينها وبين نفسها مييييييييييييته من الضحك الانها لقت رقمه بااجي على عيد ميلاد ساره سبوعييين بس عيد ميلادها اخر السنه بضبط يعني 31-12
فيصل دز مسج متعمد حق ساره " يلا متى تودي سيارتي الوكااله"

ساره: هيااااااااااااااااااا يزين الغلط منك ههههههه ساره دزت مسج شنو هذا مو قلنا مانغلط

فيصل : اسفيين اسفيين يبااا

وصارت بينهم مسجاات ودرت انه فيصل بمصر يكمل ماستر انتسااب بالجامعه واخر الاسبوع اييي وستانست واااااايد وقالتله بس ترد دق عليي

ودق عليها فييصل وتمو يسولفون مره ثانيه واحلى من اول يوم عيد ميلاد ساره دق فييصل ودز لها مسج وحدها استانست وطلبها طلب انه يشووفها من بعييد على الاقل اول شب عارضت بعديين قالت انا بسيارتي وانت بسيارتك قالها يامعود رااااااااااااااضي لو انا بالجمعيه وانتي بالمساافط ههههههههههه ها يلا قوولي وين قالت ساره انا بروح الخيااط بمشرف تعال اهنااك قال يلالا انا ياايج

وقفت ساره عند الخياط ومر فييصل بس كانت مستحيه ومنحرجه وقعد يكلمها بتليفووووووون ومستانس يوم ردت البييت
فيصل: ساروو ترى ماشفتج عدل
ساره : وييييييييييييييي يعني شنوو احنا قلنا من بعيييد
فيصل : ادري ادري ماقلت شي تعالي باجر يم بيت يدي اوقفي شوي ورووحي والله
ساره: وي وي وي من صجك انت ينييت انت
فيصل : وانا وين قتلج بودييج يم بيت يدي يا هبله تعاالي اورييج الخرووف مالنااااا هههههه
ساره: خرووف يمااا
فيصل: ايي أي خرووف خووش خرووف كله يقوول ابي ساره

ساره : ملييييييييييييييييييييق حدك

فييصل : يلا تعالي

ساره: خلاص باجر المغرب امر بس وين بضبط

فيصل : بس توصلين دقي علي واطلعلج

ساره: اووكي

وصاار بااجر يطووووول بااجر عند فييصل واخيرا بشووف حبيبة قلبه اخييرا


فيصل : الو الحب يلا يباا احنا صار عندنا المغرب

ساره: ههههههههههه لا والله انا تونا الظهر

فيصل : يعني شسالفة الوقت الي مايمشي هذاا شووفي بدش داخل اقعد مع عماامي فشله الكل موجوود اليووم اووكي قلب

ساره : اووكي انا بس اطلع ادق عليك

فيصل: اووكي

وصااااااااااار المغرب ساره لبست بدلتها العيييد وراحت

ساره: الووووووو

فيصل : هلا هلا

ساره: هاا ويين الحيين

ووصف لها فييصل بيت يده ووصلت

ساره : يماا وين اوقف

فيصل : دشي داخل المظله ماتبينيين

ساره: اكييييييييييد؟

فيصل : اكيديين يبا

ساره: يلا تمقل شووفنييييي

وبققت عيونها ساره وكانت تمتااز بالعيوون العسليه الفاتحه وقعدت تشووف فيصل بنظره

فيصل: شفييييييييج مسويه شعرج جذي جنج من الكورس المصاروه

ساروه: لالالالالالالالالا تقوول جذي والله ابجي شفييج شعري

فيصل: ههههه اضحك معااااج بس شعرج يونس طايح على ويهج وانا مفتقد السالفه هذي

ساره: ههههههه يعني شعرك خشن ههههههه

فيصل : ايييي وايد ساروو انا احبج انا ههههه

ساره: هههههههههه وانا احبك انا

وصارت بينهم هذي الزمه انا احبج انا وزادت علاقتهم ابعض والحب زااد ساره نست هموومها ونست تقوول حق فيصل انها تعتبر مطلقه وقررت انه تقووله الان تقووله كل شي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 26-08-2011, 11:59 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


ساره: الوو حبيبي شلونك

فيصل : تماام ولهان علييج .... متى نتزوج

ساره: وي لاحق على الزوااج فييصل ترى الزواج يفرق خلنا حباايب احسن

فيصل : أي شي شتخربطيين انتي انا احس فييج شي مو راضيه تقولينه ليي كلللللللللش اتا قتلج كل تفااصيلي شنو بعد تبيين قتلج انا من ولده سني وامي شيعيه وبيتنا وين وكل شي عني تعرفيينه شنو تبين بعد اكثر احترت معاج يابنت النااس انتي حتى بيتكم ماتبين تدليني شساالفه يباا انتي بدوون ؟ قوولي عاادي مو عييب ترى بس اكون بصووره معاج

ساره: بصووت مقموت فييصل انا مو خاشه علييك شي بس شي واحد فييصل انا مطلقه

فيصل سكوووت من الصدمه

ساره: شفت هذا الي كنت خايفه منه الحين انت بتخلييني الاني مطلقه

فييصل : وحده وحده خلييني افهم معااج

وقالتله السالفه كاااااااامله وبردت قلبه بالموضووع كاامل

فيصل : الزفت ولد عمج دخل علييج

ساره: والله لا ايدي مامسكها والله

فيصل : حيواان هذاا والله

ساره: المهم انا معااك الحيين وبس

فيصل: انزين ساره انا عرفت انتي من بنته بس عايلتكم فيي حضر وبدوو انتو شنو منهم

ساره : احنا البدو المتحضريين

فيصل : ونعم والله فدييييييييييت البدو كلهم

ساره : فدييت رووحك يابعد روحي حيااتي انا بطلع مع مريووم اليوم بتودي اوراقها الجامعه وبنرد اووكي

فيصل: قبل لا تطلعيين قوليلي ايي اسايركم

ساره: اوكي قلبي

ووصلت ساره بيت مريم وفعلا فيصل تم وارهم ليين تطمن على ساره برووحه وبرده
ساره ومريم واهما بطريج دار بينهم حواار يخص فييصل

ساره: مريووم احبه والله احبه

مريم : حبتج العافيه يمااا

ساره: وااااااااااي ماشفت رياال مثله والله

مريم: يارب يتمم علييج هالونااسه الا سارو ماقلتيلي شنو عايلته تعرفين بعد ابووج وامج معقديين لازم المعرس تفصااال مو أي واحد يرضون فييه

ساره: لالا اهو سني بس امه شيعيه

مريم: خووووووووووووش وانتو بدوو يعني لا بالله وافقو اهلج

ساره: ليش هالفاال مريووم انا متفائله والله

مريم : يارب خيير

وصارت ساره تفكر بكلام مريم وقبوول ورفض اهلها وهذا الي خلالاها ياجل موضووع الزواج شوي كل الخووف انها تجرح فيصل ولا اهلها يردوونه

قررت ساره بيوم من الاياام انها تصارح خالتهاا الصغيره وتقولها علشان تشووف راي امها بالموضووع

ساره: الوووو

خالت ساره اسمااء: هلا هلا ساسونه

ساره: هلا خالتي شلونج شخبارج ابيج ضرووري خالتي عفيه تعالي بيت ادييده اليووم

اسمااء: اووكي انا بطرييج

ساره: اووكي

وصلت ساره بيت يدتها وقعدت مع اسماااء خالتها وفهمتها الموضووع كله من اوله لا اخيره وتفهمت خالتها الموضووع كاامل ورحبت بزوااج الان ماافي فرق بين الكل ووعدتها تكلم امهاا وتشوف شنو تقوول

اسمااء كلمت ام ساره بالموضوووع وام ساره بالبدايه عصبت وحاولت تهدييها اسماااء كثر ماتقدر الان الموضووع كله بيدها واهي الي تقدر توصله حق ابو ساره

ام ساره: لالالا اسوومه والله اذا درى ابووها يذبحهااااااا والله من صجج يوم بنت اخووو خطبووها بيت فلان بس علشان يدتها شيعيه مارضوو وسوو سالفه
الله يعافييج خل تشييل الفكره من رااسها والله يذبحوونها والله

اسمااء: من صجج شييخه ولا تتغشمرين وين قاعديين شنو سني وشيعي بدوي وحضري يلا عاد فكوونا بتوقفين بوي نصيب بنتج كاافي الي ياها من ولد حمااج هااااااا اشووف هذا منكم وفييكم شووفي شنو سوه ابنتج وبعديين قدري بنتج مطلقه حتى لو مادخل عللييها بس اسمها مطلقه والريال يبييها وشارييها وبنتج تبييه

ام ساره: لالالالالالالالالالا تنسى الموضووع احسن لهاااا لا والله اوصله حق اخوانهااا ويتصرفوون معاها مردها بييها نصيبهاااا مو شرط مع الريال هذااا

اسماء: والله عاد انا قتلج وهذي بنتج وانتي ادرى بمصلحتهاا

وكلمت اسمااء ساره وساره قالت خلالاص انا اكلمهااا واشووف

ام ساره: سااره تعالي غرفتي ابييج شوي

ساره: الله يستر يا مسهل يارب سهل امري يارب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 27-08-2011, 12:00 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



ام ساره: ساره من متى الكلام الي قالته لي خاالتج يماااا

ساره: أي كلام يماااا

ام ساره: انتي فاهمه الي اقصده ساره عن الف والدوراان اقصد فيصل

ساره: يما والله فيصل زين ومحترم والله يما وشاريني ورااضي بلي فييني والله يماا

ام ساره: الي فييج ليش اتي شنو فييج مطلقه خير ياطيير لا انتي واول وحده ولا اخر وحده وهذا نصييب

ساره: يماا انتو اول مره اخترتو نصيبي خلووني اختاار انا حرام جذي بعديين اهو سني مو شييعي امه شيعيه يعني اهو على ابووه مو امه انا اسمي ساره عبد الله ولا ساره شييخه

ام ساره: لا تاخذيني بالكلالام هذا الكلام قولييه حق ابووج مو لي انا وانتي عارفه رااي ابوووووووج

ساره: يمااااا تكفييييييييييين فهمييني

ام ساره : سارووووو شووفي عاد رضااي عليييييييييج والجنه ولا فييصل هذا انتي ماتدرين ابوج لي درا شنو يسوي فيييييييييييييج
يما انا مو ناقصه حراات رحميني يا يمه والله ابوج يذبحج والله

ساره: يما ابييي ما اقدر والله

ام ساره : خلج عانس ولا تاخذيينه

ساره: شنو هذاا والله ظلم حرام والله علييييييييييييييييييييييكم مايصيير


وقعدت تفكر ساره طول اليوم بحل وللاسف مالقت حل الان رضى امها فووووق كل شي

ساره: شسوي ياربي شقوووووووله شلون ااتصرف حبيبي بينصدم منييي وقلبي وقلبه شلون ياربي شلون انسااه يارب ساعدني

رن تليفون ساره

ساره: الوووو

مريم: هاااااااااااااااااا وينج تروحين معاي البلوكاات

ساره: انا وين وانتي ويييييييييييييييييييييييين امي مو رااضيه فييصل ايي يتقدم لي وسوتلي سالفه يا اهي يا فييصل

مريم : من صجج انتي

ساره: والله مريووم بمووت شنو هذاا يعني والله ظلم شنو الي سوييته بدنيتي كل شي لازم اهم يختاروونه مايصير

مريم: حبيبتي ساروو ميخالف صبري ولي وصلت ليي رضا امج لالا سارو الي مافي خير بهله مافي خير لناااس

ساره : وفييصل مريووم شلوون انا اهو الي رد الضحكه ليي واهو كل شب والله ماابي اهلي ابييييييه مابييهم والله

مريم: لو فيصل يخيرونه بينج وبين امه تتوقعيين يبييج انتي ؟؟ سارو اصحي هذي امج

ساره: يارب محد حااس فييني

مريم : انا قتلج وكييفج خلاص انا بروح لما ارد ادق علييج باي

ساره: بااي

وقعدت ساره تبجي وتحاول تدور حل حق المصييبه الي اهي فييها بين حب فييصل وتهديد امها

اااااااااخ يا فييصل تعااااااااال شووف عيوووووني الي عودتها على البسمه عيووني بحت لك يا فييصل دم والله

قررت ساره تكلم فيصل بالموضووع الان فييصل كل يوم يلح علييها فيصل بسؤال يلا متى نتزوج يلا عاد


ساره: الوو

فيصل: هلا بالحب

ساره: هلا حبيبي فيصل بسالك اذا خيرووك بيني وبين امك منو تحتاار

فيصل : بالله عليج هذا سؤال انتي غاليه وحبيبة عمري وقلبي بس امي يا ساره ماتتعوض

ساره: عدل يااقلبي يارب يخليها لك وتشووفك احلى معرس بالعالم

فيصل : ايي حق احلى عرووس الي اهي انتي يا ساروو

ساره: ههههه

فيصل: يلا متى نتزوج سارو ماصارت ربعي كل واحد فيهم عنده 2 وانا قاعد يلا يبا دشينا السنه ال 4 واحنا على هالحاال

ساره: فييصل الزوااج يفرق خلنا جذي الله يخلييك

فيصل: نلعب احناا ولا شنو

ساره: قوول الي تقووله زوااج مااابي

فيصل : انتي جذاابه وعندج شي اكييد وخاشه علي يعني ولا عمري شفت وحده تكلم واحد وماتبيه يتقدم لهاا شنو هذا وين صارت يا جمااعه شوووفي يا بنت الناااس انا ريال بتزوج لج شهر والله اذا مادزيتي عنوان بيتكم بكلم امي تدورلي وحده وخلج على لعبج يا سااره

ساره: فييصل والله مو لعب لا تظلم نفسك معااي خلالاص لا تنطر شهر تزوج من الحيين باااي

فيصل : بايات وياويلج اذا شفت رقمج مره 2

وتمت ساره بحيرتهااااا ودموعهااا وجرووح قلبهاا الي ما طابت ولا راح اطيب الا بكلمه من فييصل وطاف اول يووم مثل الدهر ومر الاسبووع مثل السم على قلب ساره لا اكل ولا شرب مثل النااس


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 27-08-2011, 12:01 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


يالها مسج من فيصل مكتووب فييي اهدااء اف ام وركضت سااره بسرعه بسرعه تبي تسمع الاهدااء الي حبيب قلبهاا وحلم
حياتهااا كان الاهدااء اغنية حسين الجسمي مادريت





مادريت مادريت مادريت مادريت
كل هذا وانت ماتدري بغلاك يعني معقولة حبيبي مادريت
مادريت بقلب مغرم في هواك مااقوى فرقاك لو عنه قويت

مادريت انه ولا يهوى سواك مانساك في يوم لو انك نسيت
وش جرالك يابعد عمري وجاك ليش يالمحبوب على الفرقه نويت

ليش لي دايم تبين لي جفاك عنك انا مايوم يالغالي ماساليت
كملك في الحب وقلبي عطاك وانت ماعمرك يامحبوبي عطيت

كل لحظة اسبق اشواقي جداك والعيون كم عنيت
اعتبر قلبي دخيل في حماك وانت كيفك سو فيه الي بغيت

قعدت ساره تسمع الاغنيه وتبجي وتسوولف مع رووحهاا بحسره وندم

حبيبي بعد رووووووووووووحي قلبي بمووت من بعدك والله بس والله اني احبك لازم ادووس على قلبي وتتوفق بدنيتك اهلي ظلمووني وظلمووك وماعرفو شنو الحب ياا فييييصل

تعال علمهم يا فيصل شنو الحب .... كل شي لعبه يا فييصل والله قلبي ومشاعري لعبه والله يافيصل

وقعدت تبجي وتناجي ظلمة ليلتهااا وتنادي فييييصل بقلبها رووحهاا وحلفت انها ماترد على مسجااته الان خلالاص الطريج مسدوود

طااف شهر ومرت الايام وساره مانست ولا تناست فيصل الي يشوف بعيونها يشووف رسم فييصل الي يسمع كلامها في كلمات من فيصل
صارت تدور نااس يشبهون فييصل من حبها له

ودز لها فييصل مسج انه ملج على وحده غريبه عنهم وفرحت ساره وزاد حزنهااا الان اهي المفروض مكاان العرووس اليدييده
مع هذا بكل صلاة مانست تدعييله ان الله يوفقه ويسعده

سافرت ساره مع خالتها اسمااء وعيالها وريلها دبي سبووع واصرت اسمااء ان ساره تيي معاهم علشان تطلع من الجو الي اهيي فييي

رحبت ساره بالفكره وراحت مع خالتهاا وعيالهاا دبي

بتحدييد ثالث يووم بدبي وتحدييدا كانت ساره بمجمع ابن بطووطه وصلها مسج تدون من منووو






فييصل اييي فيييصل


ساره يماا حبيبي شفييه دازلي مسج اهو تزوج يارب سترك خل اشوف المسج وااي خايفه الله يستر

المسج كاان
" قولوهم لايدقون علي خلاص انا بطلق"

طبعاا ساره وفيصل كانت هالحركه دايما بييييييييينهم كل شخص يحتاج الثاني اذا كانو متزاعليين يدزون مسجات بالغلط حق بعض


ساره: اخييييييييييييييييه يا بعد روووحي انت شلي صاار ماكو الا ادز مسج واشووف

حبيبي شفييك شنو صااار ليش هالمسج

مسج فيصل : خلاص ساره بطلق انا تعبت البنت مو سنعه كلللش الحمد الله انه تونا على البر لاتقدر ولا تحترم وبصراحه انا مو قادر اعيش معااهااا يوم زيااده

ساره: لاحول ولا قوة الا بالله

فيصل : انتي وينج ؟

ساره: انا بدبي مع خالتي اسوومه

فيصل : متى بتردييين

ساره: الخميس انشاءالله

فيصل : بسلامه

ساره: تبي شي من دبي

فيصل : ابي شي يريت اقدر اوصله

ساره: شنووو

طبعا فييصل مارد علييها وساره تنطر متى ايي يوم الخمييييييس تبي ترد الدييره تبي تسمع صوت فيصل واخباره

اخيييييييه يا فيصل والله الخبر كلش مو حلو بس ياربي احس اني فرحت استغفر الله مادري لييش
ايي فيصل حبيبي برووحي ايي الله العالم يمكن خييره علشان اهلي يوافقوون يارب يارب يارب يسر امري وامر فييصل يارب


وصلت ساره يوم الخميس الكويت

واول وحده شافت بالمطاار مريم بنت خالتها

ساره: مريووووووووووم فييصل دزلي مسج والله فييصل بطلق مرته والله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 27-08-2011, 12:09 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


مريم: انتي من صجج وليش فرحانه وايد

ساره: ماادري مادري

مريم: ساروو الرفض اهوا اهوا خلالاص يعني ماله داعي هالعبااله

ساره: سكتي بس الله يعافيييج حسني الضن بالله ويارب خير

مريم : يارب خير ماقلنا شي


وردت ساره تركض البيت سلمت على اخوانها وعلى طووووووووووووول الدااااااااااااااااار تدق على فييصل

ساره: الوو حبيبي شلونك

فيصل: حبيبج ؟؟! الي انا في كله منج والله يا ساره

ساره: مني ليش فييصل

فيصل : حرمتيني من فرحتي والله صرت اشوف الناس كلهم انتي اذا ماكلت نفس الاكل الي تبيينه الومها اقولها ماتعرفيين تاكليين واذا ضحكتها غير ضحكتج حسيتها مليقه ساعات اتخيل صورتج علشان اقدر اكلمهاا تعبت والله

ساره: يريت تعرف الي بقلبي ياافيصل لك ماكنت قلت هذا الكلالام والله

فيصل : خليني معااج واعرف الي فييج يا ساره انتي محيرتني والله حرام علييج

ساره: خلنا مني الحين طمني انت شلوونك شخبارك

فيصل : انا كنت موزين وصرت زيين انتي ساحره ولا شنو؟؟

ساره: ههههه شكوووو

فيصل: والله لي بضبط شهر ونص ماضحت افف يوعاااااااااااااااان ابي اكل احس الحين ابي اكل سارو شنو تبيين تاكليين

ساره: مممممممممم انا ابييي وجبة الزعييم من سهرااان هههههههههه اموت علييها كافي انه انت الي معلمني علييها

فيصل : شرايج ايي احطها بحديقتكم

ساره :لالالالالالالالالالالالالا مينوون انت الساعه 11 والدوانيه كلها رياييل مو ناقصه انا بعد

فيصل : ابيج تاكليين معاااي شلون

ساره : انت قووم اشترلج على ما اتسبح واوعدك اكل معااك

فيصل : وعد؟

ساره : وعد يااا غلا ساره انت
وساره راحت تطلب من المطعم ونفس وجبة فيصل وراحت تتسبح على ما يروح فيصل يطلب ويرد


دق فيصل هلى ساره


فيصل : الوووووووووووووووو حبي انتي

ساره: هلا هلا بزين الشبااب

فيصل: أي شبااب صكيت ال 28 الحيين

ساره : احلى الشبااب انت ومافي احد يضاهييق ياا قلبي

فيصل: ودي اغازلج بعد بس يوعاان ههههههههه

ساره: هههههههه ياا عيون ساره يلا اكل

فيصل : لا والله هذا الوعد خووش وانتي يباااا

ساره: لالا والله قد الوعد وكاني طرشت ميري تييب الوجبه توه صل المطعم مو بس انت حتى انا هههه

فيصل : انا ابي اوكلج اول

ساره: يلا همممممممم هههههههههه

فييصل : الله يهدااج كليتي اييدي

ساره: فييصل يلا عااااااااااد لا تقول جذي

فيصل : حبيبتي انتي والله من غيرج حتى السما مو اهي والله ولا النااس ولا شي الدنيا فضت سارو والله حسي فيني حرام علييج

ساره: ياقلبي وربي مثلك وازيد بعد الا تعاال متى بطلق

فيصل : السبت انشاءالله خلالاص

ساره: فييصل لايكون ظالم البنت انت ترى حرام

فيصل: لا انشاءالله مو ظالمهاا اهي مو سنعه كلللش ولا اهلها بعد

ساره: الله يصلح الحاال يااقلبي

فيصل : امين يارب ويصلح حالي معااج

ساره: يارب

فيصل : أي قوليلي شفييج

ساره: فييصل مافيني شي ,, ممم مشتهيه فالووده ههههههههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 27-08-2011, 12:10 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


فيصل: ههههههههه حلو لما تضيعيين الموضوع

ساره: لا والله مشتهيه فالووده والله من صجي

فيصل: انتي شعرفج فيها مو شغلكم هذااا ههههههههه

ساره: ايي حده مو لنااا بس مره مدرسه معانا يابته وذقته عجييييييييييييييييبه الفالووده تحبها فيصل

فيصل: لالالا ما احب غيرج انا والله

ساره: ملييييق لا جد تحبهاا ؟

فيصل: لا ما احبها بس عادي ايبلج واشتريلي برد منهم شي

ساره: ممم خلاص يوم السبت اييلج اووكي

فيصل : مااااااااااااشي

وصاار يوم السبت

فيصل: الوووووووووو انتي وينج

ساره : كاني بطريييج والله غصب قدرت اطلع لوويه وامي تحقييق الله يعافي مريووم يابتني شسوي ماخلتني بروحي

فيصل : شلون بجابلج ومعاج مريووم

ساره : اشووف اشووف انا بس اييي

فيصل: تيين تركبين معااي ولا احطها بدبه والله محنا متحركيين واقفين يم بيت يدي عادي اهي تطق فره وتييلج

ساره: انزيين

وصلت ساره حق فييصل قبل لا تنزل يه فييصل بسرعه يم مريم

مريم: يماااا شتبي خرعتني

فيصل : ودج تدشين الجنه وتاخذين اجر

مريم : ههههههههه اييي والله

فيصل: شرايج تييبين جق يدي كناافه والله يحبها وهذي 10 ييبي 2 وحده حق يدي وحده حقج هههههه

مريم : الله يهداك مو جذي يصرفوون ههههه خلاص ايب كنافه وامر الخياط وارد

فيصل: والله انج زلم مريوووووووووم كفو والله

مريم : يلا بااااي

راحت ساره مع فيصل وقعدت معاه وقعدت تاكل فالووده معاه واهو ياكل برد كان البرد على فراوله وقالتله فيصل وين الخرووف الي قتلي بتوريني ايااه

فيصل: وييييييييييي هذاك مات الله يرحمه بس يبنا واحد 2 نزلي شوفييه

ساره: اكيد محد يشووفنا يعني

فيصل : لالا نزلي واذا شافووج شنو يعني مردهم بشوفوونج

ساره تقول بقلبها يابعد قلبي يافييصل الله يلين قلب اهلي عيينا ويوافقوون وين يرضوون اهلي والعنااد فييهم

فيصل: ساروو وين رحتي

ساره: حوولك يااقلبي

فيصل: أي حوولي يبا سرحتي

ساره: والله فييصل ماانشغل عنك الا فييك لا تحاتي احبك والله

فيصل : ااااااااااااااخ بس من وين طلعتيلي انتي بتزوج يا ناااااااااااااااااااااااس هههههههه يلا نزلي نزلي اوريج الخرووف قبل لا ارتكب جرييمه ههههههه

ساره : يمااااااااا يلا يلا ابي الخرووف هههه

وصلو عند الخرووف وقعدو يضحكوون ويسولفوون وفيصل يوكل الخرووف برد والخروووف يوخر ويهه ومستانسييين لين خلص موعد اللقا وردت ساره البيت ردت حق التفكيير والبجي

قررت ساره تكلم امها مره ثاانيه

ساره: يما اشلون على موضووعي ماصارت

ام ساره : أي موضووع

ساره: انا وفييصل

ام ساره: والله انج قويه عييين وتقولين اسمه جدامي بعد

ساره: يماا تكفيين انتي لج الحشيمه والكراامه والله يا يمه بس يما ابيييه

ام ساره: الظاهر منتي قد الثقه ياسااره اخر انذار لج والله وبالله لا اقوول حق اخوانج اذا تكرر الموقف هذاا

ساره: عيل بشري اني بعنس

ام ساره: عنسي يماا محنا عيزانيين عن لقمتج ولا هدمتج عنسي يما

ساره: افففففففففف

وقعدت ساره تفكر بحل بين رفض الام وحنت فييصل يلا ويلا وظلو 6 اشهر على هالحااال لا ام ساره رضت ولا فيصل صبر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 27-08-2011, 12:11 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


ماافي مجال لصبر ولا في وقت ان فيصل ينطر 4 سنيين وهذي السنه ال 5 العمر يمشي واهل ساره ماحسوو فيييه ساره صار عمرها 23 وفييصل 29 ام فيصل المكسسنه ودها تفرح فيييه اهو بجرهاا وحبيب قلبهاااا

وساره صارت حايره بيين رفض الاهل وحب عمرها فييصل قررت تواجه امها للمره الاخيره

محاولتها كالعاده فشلت برفض الحل الوحييد افهم فييصل الوضع

ساره: فييصل

فيصل : هلا قلبي

ساره: ابي اشووفك

فيصل: ساره فيج شي

ساره ماقدرت تمسك نفسها وبجت واهي تكلم فييصل
ساره: فييصل انا تعبت والله تعبت وانا امثل عليييييك

فيصل : شنو تمثلييين شسالفه قمت اشك انج مينوونه ترى

ساره: فييصل مو غشمره ابيك الحيين الحيييييييين

فيصل: تعاالي المطعم الصيني الي ب ........ ما نقدر بعد نفتر بالحر الحييين

ساره: اووكي الحين اييي

وصلت ساره المطعم مثل ما طلب منهاا فيصل


فيصل : شفيييج خرعتييني

ساره: فييصل انا خشيت عليك وايد اشياااء بس والله علشان مابي اخسرك والله وقلت يمكن الامور تمشي وتتيسر

فيصل: ايي شنو عاااد يبا حتى لو ولد عمج دخل علييج انا ابييييييج يا قلبي ماراح يغير شي اشفييج انتي

ساره: يريت الموضووع جذي يافييصل والله اكبر من حمد وغييره

فييصل: لاتييبين طاري الزفت هذاا على لساانج

ساره: مو وقته فييصل تكفى

فيصل : شفيييييييييييييييييييييج يلا انا ساكت وبسمع

ساره:فييصل اهلي رافضيينك وهذا سبب اني اتهرب بين فتره وثانيه فييصل انت عارف انت شنو بنسبه لييي وانت ..

فيصل: لحظه لحظه !!! رافضييني لييش شهاده وعندي ومنصب شنو بعد يبون

ساره: اهلي معارضيين علشان امك شيعيه اهلي من الناحيه هذي حساسيين وايد

فيصل : هههههههه لالا سارو مو وقته هالكلام الله يهداج خرعتيني

ساره: فييييييييصل تكفى افهمني والله اتكلم جد انا

فيصل: انزيين امي شيعيه اهم شكو ؟؟!! وبعدين انا حالي حاالج سني وولاو اني اشووف مافي فرق يعني

ساره: انا اهلي رافضيين وامي خيرتيني بين رضاها والجنه وبينك

فيصل: ساره انتي شتقوليين يعني.!

ساره: والله يافييصل هذا الي صاار انا قاعده اموت باليوم الف مره ومالي غيرك فييصل

فيصل: خليني احاول اانا

ساره: تكفاا لالالا فييصل والله راح يردونك والله يا فيصل مابييك انت تنرد انت طوول عمرك بعيوني الجبل الي محد يهزه لا يافييصل اهلي واعرفهم

فيصل: والحل يعني خلالاص ولا شنو

ساره: مادري فييصل شسوي شوور علي

فيصل: ساره شووفي يباا انا احبج وامووت فيييييييييييييج ومستحييل الاقي ربع زينج عند احد انتي انحفرتي دااخلي المووت بس الي يفرقني عنج ومهما كاان هذي امج

واذا مافييج خير لهلج ماراح يصير لج خيير فيني

ساره: شنو يعني امانه لاتقوول بتخليني والله الموت اهون ليي

فيصل: ساره اهلج اولى مني

ساره: وانا وانت شلون نعييش فيصل

فيصل : انا بوعدج يا سااره وانا رياال وقد الوعد تحرم علي أي مرا بدنيااااا من بعدج انتي ولا الموووت ياسااره انا ماحبيتج عبث ولا استغييت مشااعرج انتي الي رسمت علييها كل شي ابييه

ساره: بس بس بموت والله

فيصل: حبيبتي انا لج صدقيني بكوون لج هذا وعد مني والله يا سااره تحرم عليي أي بنت من بعدج والله

ساره: فيصل واهلك وامك الي ناطره اليووم هذا

فيصل : عندها خوااني لاتحاتيين

ساره: فييصل انا خايفه من الي بصير

فيصل: اافا افا وانا معااج طلعتي خرطييي هههههههه
وردت ساره البييت فييها شي من الراحه انها الحين صفحه بيضه جدام فييصل

وفييصل مالييته الكآبه والحيره يكلم نفسه لي حق يا جماعه اشووفلي يااهل ولا ضى بس لالالا ساره اهي دنيتي وكل شي لييي ما اقدر وانا وعدتهاا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 27-08-2011, 12:11 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


ساره تفكر بينها وبين نفسهااا الي احنا في صح ولا غلط منو فينا الصح منو الغلط يارب ارحم حاالي وضعفي يارب

طاف على الموضووع 4 اشهر وصلنا شهر 1 من السنه الجدييده ساره حست انها قاعده تظلم فيصل معاها وتشوف نفسيته تعبت من اهله وكلام امه كبرت ويلا لي متى ماصارت وامه تبي تشوف لها حفيييد من فيصل

ساره: الووو فييصل

فيصل: عيونه

ساره: كل عام وانت بخيير

فيصل :وانتي الخير حق كل عام يا قلبي

ساره: حياتي بشووفك اليوم

فيصل : اووكي تعالي يم بيت يدي يلا

ساره : دقاايق واكون عندك


وصلت ساره بيت يد فييصل الي كان بنسبه لهم ستر وغطااا حق حبهم الشفااف وكانت يايه بيدها علبه صغييره وفييصل كالعاده يايب لهاا ورد الانها تحب الورد

ساره: قوووووووووووووه

فيصل : هلا وغلالا

ساره: كل عام وانت بخيير يااقلب سااره

فيصل : كل عام وانتي الدنيا لعيون فييصل

ساره: فيصل شووف شنو يبتلك ..... يود امسك بطل العلبه

فييصل فتح العلبه واستغرب من الهديه الي يابتها له سااره وقعد يطالع سااره

فيصل : ساره شنو هذااااا انتي حاامل ؟؟؟؟؟؟؟؟؟

ساره : هههههههههههههههه شنو حاامل هههه الله يهدااك بس علشان شفت بدلة بيبي خلاص انا حامل

فيصل: هذا الي اشووفه بالافلام شدراني شنو هذا يعني

ساره: حبيبي ودي اشووفك احلى ابو بدنيااا ورااعي بيت واسره وعيالك ورااك وحاااااااااااايس معااهم بعد

فييصل: على ايدج مو اول الله يهدي اهلج

ساره : اهلي مافييهم طب صدقني خلالاص لا تحب اني ساكته والله وبالله يمعت امي تكلم ابووي وابوي صرخ وقلب البيت عليينا
فيصل ماابي اشيل ذنبك وذنب خالتي الي تحلم باليوم الي تشووف عيالك ولا تحرمني من اني اشووفك فرحان

فيصل: لييش انا شكيت لج الحال

ساره: من غير ماتشكي اعرفك فييصل وغلات ساره تزوج

فيصل: انتي ينيتي شنو تزوح لالالالا يباا انسي الموضووع

ساره: شووف عاااااااد بتزوج مو بكييفك والله اعل علييك والله عااد

فيصل: اعرف اراضييج لاتحاتيين

ساره: فيصل اتكلم جد ترى

فيصل: شطاري علييج انتي لو ادري هذا موضووعج جان قتلك لا تيين يبااا

ساره : حبيبي تزوج وانا ماراح اخلييج صدقني

فيصل : حلوو السالفه لعب هههههههههههه

ساره: لا من صجي اطمن علييك واشوفك انت وعيالك بس هذي راحتي امانه ورااس امك

فيصل : لالا انسي

وردت ساره شايله الورد من غير امل انه فيصل يوافق على الموضووع
تعبت ام فييصل من الضغط الي فيها وطلت من فيصل تشوف له ذريه قبل لا يصير فييها شي من خوفها من الضغط

وكلم ساره بالموضووع وساره راحت حق امه المستشفى وصار الحوار بينهم

ام فيصل : هلا بسااره يالله شكثر اسمع عنج يا يمه زين اني شفتج

ساره : سلامت قلبج يا خاالتي عسااه فيني ولا فيييج

ام فييصل : سماءالله علييج يماا .. ساره طلبتج يابنتي انا ادري بظرووف الي مريتو فييها

ورفض اهلك من زواجكم يا يمه انا ام وانتي باجر انشاءالله بتصيرين ام بتعرفين غلالات الولد

ساره انا ودي افرح بعيال فييصل انتي عرفه اهو اول فرحتي وودي اشووف له ذريه يمااا

والله ياخالتي ادري وكلامج عدل والله ياحالتي اني قتله اكثر من مره وربي يا خالتي بس اهو معاند والله ياخالتي

اهو بره ناادي يمه ولي يعافييج قبل لحد اييي

ساره: انشاءالله خالتي

راحت ساره وعيونها تدمع حق فيصل تناديييه

فيصل تعال خالتي تبييك


الرد باقتباس
إضافة رد

ضعت مني بلحظات / الكاتبة : القطانية ، كاملة

الوسوم
القطانيه , الكاتبة , بلحظات , حقيقيه , ساره , وفيصل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
قصة جبتها ع الجرح / الكاتبة : أمنيه حنيني ، كاملة بنت سمهرم روايات كامله - يتم نقل الرواية هنا بعد اكتمالها 58 23-07-2017 08:34 PM
رواية تؤام روحي تعاني جروحي / الكاتبة : كحيله بكاها ، كاملة تؤام روحي تداوي جروحي روايات كامله - يتم نقل الرواية هنا بعد اكتمالها 122 31-12-2015 07:45 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM

الساعة الآن +3: 12:27 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1