غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-08-2011, 11:39 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
Upload1120a2f436 ضعت مني بلحظات / الكاتبة : القطانية ، كاملة


السلام عليكم
كيفكم اعضاء غرام ان شاء الله طيبين
رواية حلووة عجبتني من عنوانها

للكاتبة القطانيه

تفضلوا بدايتها قراءة ممتعة




تعديل اسطوره !; بتاريخ 27-08-2011 الساعة 12:41 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-08-2011, 11:40 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


السلام علييكم

الصراحة هذي اول تجربه لي اني تكتب قصه وترددت وايد اني اكتب بس الان شفت فييها شي يمكن وايد بنات عاايشيين هذي الحظات ويمكن نحفر بقلبهم الحب العذري بس الظروف اقوى القصه احدااثها حقيقيه ماابي احرق القصه علييكم ببلش معاكم بذن الله تعجبكم




في الحياة دموع اكثر منها ابتسامات....و كم هو صعب ان ترسم بسمة على ثغر حزين قد قطعه انين قلب مجروح......
...يقف الانسان و بين يديه قلم...و قد خذلته كلمات لسانه عن التعبير..و عن كتابة قصة قلب بات حزين ..و عينان ظلت باكية بدموع صامته لا يراها إلا الجفون الساهرة



ساره بنت دلووعه جمييله محترمه تحب الحياة وتحب الضحك والونااسه... ساره عايشه مع اسرة صغييره تتكون من ام واب و2 شبااب خالد الكبير ومحمد الي يصغر عن خالد ب سنتيين ساره اهي اصغر وحده اخر العنقود دلوعة البيت ساره


مرت الايام وساره الصغيره كبرت وفرحو فيييها اهلها بيوم تخرجها من الثنويه بمعدل يدخلها الكليه الي اهي تبييها والي كانت بنسبه لها حلم
ساره من البناات الي مالها بسوالف الشبااب الان وقتها كان كله حق اهلها

تخرجت ساره وطلع قبوولها بالجامعه وفرحت وفرحت البيت كله وملت البيت كالعاده بضحكتها وشطانتها الي كانت تحلييها اكثر واكثر

بيوم ساره كانت نايمه بساابع نومه بحلامها الورديه الي ماكانت تتعدى شنو راح اسوي بالجامعه ولا اشلون بتصرف كانت على سجيتهاا مره وحده ساره قامت على صووت البااب

طق طق طق صووت البااب ام ساره تطق الباب تقعدهاا: سارووونه يلا يماا قوومي بسج نووم اذن الظهر

ساره: انشاءالله يما اشوه انج قعدتييني


ام ساره : يلا قوومي عن الكسل يا عرووووسه


ساره : علامات تعجب بويها !!!!!!!! ههههه عرووس مره وحده يمااا

ام ساره : أي انشاءالله عرووس واحلى العراايس بعد

ساره: واي يما شنو تبين الفكه مني

ام ساره: لا ماما بس بغيت اقوولج اليوم عمج كلم ابووج

ساره: عن شنو يمه

ام ساره: ويييييييي يعني عيارة بنات عن شنو بعد حمد ولد عمج يبييج متقدملج وعمج دق على ابووج علشان نشووف راايج عشتووووووو والله وكبرتي يا سارووووونه وبتكبريينا معااج

يتبع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-08-2011, 11:41 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



ساره: يماااا مادري شنو شسوي الحييين ليش قعدتيني ماابي اشووف ابوي وخلود وحمود استحييييييييي احس الكل بيسالني

ام ساره: ماما اشفييج مكبره الموضووع انتي قوليلي راايج وانا اقوول حق ابووج بعد اهو ولد عمج مو غريب وماله دااعي نسال عنه من مواخذيينها مايبيلها روح وتعاال

ساره: خلاص يما شوفي الي تبوونه بس هم ماراح انزل ... طرشوولي غداي فووق مابي يشوفووني استحي

ام ساره: انزيين الي يشووف شطانتج مايقوول هالحياا لج هههههههههه يلا انا نازله اقوول حق ابووج

ساره : الي تشوفينه يماا



ونزلت ام سااره وشايله معاها بشااااااااااااره حق ابو ساره وخوانهاااا والفرحه مو شايلتهاااااا


ام ساره: بو خالد .. بو خالد ساروو تقوول الشوور شوركم ههههههه

والد ساره: شنو يعني الشور شوركم ؟؟! يبا هذا زوااج لازم لها رااي نادييها اشووف اسمع شتقوول

ام ساره: وييييي يابو خالد لو تشووف ساروونه ميييته مييته من الحيااا غصب تحط عيينها بعييني خلها باجر كلمهاا اخاف الحين تتضايق الان حتى غداها قالت لي اطرشه لها فووق

والد ساره: يحلييلج يا سوييره النزغه والله بتكبريينه

ام ساره: الا بقوولك بو خالد حمد اشلوونه من رياال خبري صغيير وهذا اهو توه راد من السفر صارله 4 سنيين بره ماندري عنه شي والي يسلمك اسل عنه

والد ساره: ههههههههه الله يهدااج ام خلوود من اسال اسال اخوي عن ولده الولد خووش ريااال وكافي انه ولد اخووي ومهندس مو مثل ولدج حموود غصب طلع من الثنويه ومليوون واسطه ليين قبلووه الكليه علشان يصير ضاابط الرياال زين وماعلييه كلالام

ام ساره: وييي انت على اولك ركضت على حموود مافي الا العافيه كااهو ضااااااااابط وشاابل رووحه واذا على المهندس عندك مهندس خالد سماءالله علييه شيييييييخ المهندسيين بعد

والد ساره: أي خالد ماقلت عنه شي بس حموود والكوووبه هههههههههه

ام ساره: خلنا من حمود وخالد وقووم نتغدى


وطااف اليووم وساره من الاحرااج ماطلعت من داارهااا تفكر وتقرر بينها وبين نفسهااا

ساره: وااااااااااااي يعني بصير عروووس امبييييييييه شلوون بتصرف ههههه لالا ابي نفنووف حلووووووو مممم وين احط مكيااجي عااد

وااي يحلوو ريلي هههه اشش اشش اشفييني انا ينييت يحلو حمد ويحلو غمازاااته هههههههه خل اقووم ادق على مريووم اقوولها

مريووم بنت خالت ساره وكانت اهي الي ترتاح لها ساره وتحب تسولف معاها لييل ونهاار


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-08-2011, 11:41 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



ساره: الوووووووووو مريووووووووووووم شلوونج شخبارج باركييلي باركييلي

مريم: الف الف الف مبرووك بس على شنوو سارووو

ساره: ممممممم اول شي لاتقوليين ساروو قوولي ساره العروووووووووس

مريم: ههههههههه شنو عرووس انتي شنو تخربطييييييييييين

ساره: والله مريووم حمد ولد عمي خطبني اليوووووووووم هههه الفال لج يا العاانس

مريم : حلفييييييييييي حمد حمد ماغييييييييييره ؟؟!! اشوووووووف يوم عزييمة تخرجه قاعد يخز فييييييييييييج ملعوون اثاري عيينه عليييييييييج ههههههه

ساره : واااااااي سكتي مريووم والله مادري شنو شعوووري احس وايد مستانسه سكتي ماطلعت من الدار اليووم من الفشله مريووم عفيه عفيه تعالي نامي عندي اليووووووووووم تكفييييييييييين

مريووم : اشووف اذا احط اييبني

ساره: تدرين شلون الحين اطرش كوبااال "السايق" مع ميري اييونج تزهبي يلا

مريم: انزيين

وصلت مريم وطبت على ساره باحلامهاا وتخيلاتهاا شلون بتفصل بدلتها وشنو بتحط مكيااج وشنو بتسمعي عياالهاااا كانت احلامهااا ورديه وبرييئه

مريم: هاااااااااااا العرووووووس ومباركيييييييييين عرس الاثنيين هههههههههههههه

ساره : يلا عااد استحييييييييي

مريم: ساروو شلوون شنو بتسويين

ساره : ماادري شنو بسوي يعني

وومره وحده باب غرفة ساره تبطل


ساره : هلا يباا حياااااك !!!!!!!!!!!!

والد ساره : هااا مريووم اهنييي شلونج يباا شخبارج

مريم : الحمد الله عمي ... انا برووح عند خالتي شوي وارد

وساره تشووف بعيونها مريم جنها تقول لهاا وين مخليتني


والد ساره: ساروونه حبيبتي اعتقد امج قالتلج بلي قاله لي عمج بو حمد عدل يبااا ؟؟

ساره : أي يباا قالتلي

والد ساره: ها يبااا شرد عليييييهم شقوولهم
ساره : يباا كييفك انت الي تبييه سوه

والد ساره: يا بابا شنو الي ابييه اسوييه هذا زواج يا يباا قوليلي شرد على عمج

ساره: سكتت لحظاااااااات..... وتفكر بالاجاابه ؟؟!!!

والد ساره : ها يبااا شلوون

ساره: توكل علىى الله يباا

والد ساره: ونعم بالله يبنيتي والله خير رااي قلتييه وهذا ولد عمج مهما كاان اذا كلا اللحم مايقط العظم وانا ابووج وحمد رياال طييب وعمج مايحتااي اقوولج عنه بعد

ساره : الي تشووفه يباا

والد ساره: خلالاص بدق على عمج وابشره واقووله باجر عشاهم عندنااا

ساره: باجر ؟؟؟؟؟؟؟؟؟ يباا لييييييييش باجر

والد ساره : شنو لييش يباا ايون وتتعرفون على بعض اكثر وربج يكتب الي فيه الخيير

ساره: اووكي يباا الي تشووفه

والد ساره: يلا يبا اخلييج وعن السهر اعرف سوالفج انتي ومريوووم هههههههههههه

ساره: انشاءالله ههه


دشت مريوووم وبعيونها الف سؤااال

مريم: سارووووو شصااااااااااااار

ساره: واااااااااااي سكتي مريووووووم قلبي طاااح ابطني من الخرعه ابوي سالني تبينه ولا لا مادري شنو ردييت نسيت والله بس الي اعرفه باجر بيون على العشااااااااا شسوي شنو البس


مريم: قوومي قوومي نشووف شنو في الكبت

ومريم وساره قضو الليله كلهاااااا بين الملابس هذا حلو وهذا لا

وصاار ثاااااااااني يووم اليووم الموعووووووووووود عن ساره الي بتشووف في فارس احلامهااااااا

ساره: مريوم يلا قومي الساعه 2 العصر قووومي

مريم: افففففففف شنو يعني 2 انا ما اقوم هالحزه بناام

ساره : مريوووووم عفيه قووووووومي تكفييييييين بطني يعوني من المحاتااات احس شكلي بصير خاااااايس

مريم : جب جب شنو خاايس ليش يعني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 26-08-2011, 11:42 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



ساره : مادري مريووم انزييين قوومي يلا

مريم : يلا بقووم وامري لله

بييييين مد وجزء مع ساره ومريووم ليييييييييين صار وقت العشاا ووصلو المعازييييييييييييم ودشو والفرحه مو شايلتهم
وحمد كااااشخ وعيونه تدور عرووسته سااره الي العايله كلها تسولف بخلاقهااا

ودشت ام حمد تيبب وتهلل والفرحه ملت البييييييييييت

ام ساره : هلا والله هلا بلي يانه هلا حياكم الله

ام حمد : الله يحييج ويبقيجييج ياقلبي والله يا ام خاالد الصراحه فرحت يوم بو حمد قاالي ساره موافقه وحمد بعد عمري الدنيا مو شايلته بعد ولد عمهاااااااا واحسن لها من الغرييب

ام ساره: الحمد الله ياا ام حمد على نعمة الرحمن ويارب الله يتمم على خيير

ام ساره : هااا حمد شلوونك يماا شخبارك وييييييييييييييييي يا حمد خبري فيييك يوم تتخرج من الثنويه

حمد : هههههههههه ايي والله يا عمتي شسوي الدنيا والمشاغل والدرااسه

ام ساره: الله يوفقك يا يمه

ام حمد: ام خالد الا وييين جنتييييييي ماشفتهاا اخاف بتخفر لي الملجه هههههههههه

ام ساره: هههههه لالا وين تتخفر لا الحين تنزل بعد ساروونه الله يحفظها بااااااارده

وحمد بشووف عرووسته وعيونه مانزلت من على السلم ينطر العرووس تنزل


ونزلت سااره عيون المعازيييم عليييييييييييها

نزلت بنفنووف وردي ناعم وشعرها الي الكل كاان يسوولف فييي يتمايل على ظهرهااا وعيونها الي تفتن من يشووفها وتعيشه بعالم من البراائه والطفووله

قامت تفتر علييهم وتسلم علييهم والي يبارك لها والي يقوولها كبرتي وحلويتي وساره غارقه ابحر الخجل والحيااا الي كان يتملكهاا

ام حمد: هلا هلا بجنتيييييييي يحلوج شنو الحلالاة يحلوج يا بختك يا حمد زين ماخترت

ساره : بعيوون الحيا ترد علييها مشكوره خاالتي

ام حمد: حمد تعاال يمااا اقعد سولف مع سااره ..... من بعد اذنج ام خاالد حمد قال بسوولف شوي مع ساره يتعرفون على بعض اكثر

ام ساره: ايي بعد قلبي كله واحد هالقنفتيين الي قبالناا مافييهم احد يقعدون ويسوولفوون على راحتهم



وراحو ساره وحمد اقعدو ويسوولفووون مع بعض


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-08-2011, 11:43 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



حمد: حي الله ساااره

ساره: الله يحيييك

حمد: ساره انتي عارفه ان اليوم تقريبا قعدتنا قعدت تعارف .. صج انه احنا عيال عم بس هم الزواج غير ابييج تقوليلي كل شب عنج ومن دراستج لي وين تروحين وين تيين كل شي كل شي وانا عن نفسي تووني راد من بره الحين مقدم بشركة البتروول وانا انساان احب الونااسه والسهر واحب الي اختارها تكوون على جوي وتحب الي انا احبه
يلا الحين قوولي الي عندج واي شي بتعرفينه عني سالييني واجااوب يا ابله ههههه

ساره: هههه انا اول سنه بكلية التربيه حلمي وحققته اني اصير مدرسه انشاءالله ومثل منت عارف انا طلعاتي مع امي ولا مريم بنت خالتي هذي الي قاعده اهنااك اهي اختي وكل شي ليي وهذا الي عندي


حمد: تبين تعرفيين عني شي بعد

ساره : لا خلالاص ميخالف اروح اقعد معاهم

حمد: افا الحين انا قاعد معااج تبين تقعدين معاهم هههه يلا ميخالف باجر كل القعده حمد واذكرج ههههههه

ساره : هههه عن اذنك

ساره سرحت بعيون حمد وكلامه حست اهو الي تبيييييييييييه واهو الي بحلامها وابو عياالها وحبييبها الي تنطره


ساره: مريووم اينن ايننن احبه والله احبه

مريم : حبج برص يا الريييشه شنو تحبينه مدااااااج شنو هالحب صج فرااغه خلصيني شقاالج

ساره: ماقال شي عاادي سوالف عاديه

مريم : اها مممم سارو مو ملاحضه وايد يحووس بتلفوونه يعني من قعد وتليفونه ماسكت مسجااات

ساره: أي عادي شنو يعني

مريم: ايي الله كريم انشاءالله بس الناس قامو يخزوونا يعديين نحش هههههههه

ابو حمد : هااا يا بو خاالد يا خووي متى نملج يباا خير البر عاجله ولا شرايك

والد ساره: والله يخووي الي تشووووفه

ابو حمد: على بركة الله الخميس اليااي دزة ساره والخميس الي بعده ملجتهم بذن الله

والد ساره : تم وانا اخووك

بو حمد : يا جمااااااااااعه الخميس اليااي دزة ساره والخميس الي بعدهاااااا نملج بذن الله

ويملي البييت صووت اليباااب والفرحه ودمووع ام سااره تنزل من الفرحه وساره غرقت من الفرحه عيونها العسليه بدمووعهاا

وصار يووم الدزه
ودزو مهرهااا بيت عمهااا واهي من فووق تشووفهم الان امها منعتها تنزل علشان مابقى شي على ملجتهااا

وعدا اليووم على خيييييييييييير
وفتره الاسبوووووع كلهااااا كانت ساره تحووووووووووووس من سووق لي سوووق تبي بدله لاصارت ولا ستوت وتبي تكوون جمييييييييله بعيون حبييبها حمد


وصل يوم ملجه يوم الي ساره كانت تحلم فييه من عمر وتنطره على احر من الجمر

وصارت الترتييباااااااات على حسب الاوصووووووووول تم تجهييييييييز المكان لستقباال المعازييييييييم

وصارت السااااااااااااعه 10 موعد نزووول ملكة الحلفه ساره


بيييييييين ريحة العووووووووود والبخوووووووووور والزيييييييين كله نزلت عروووووستناااا

نزلت ساره والخوووف من هييبة الموقف والخجل الي مافارقهااااااا لحظه

" هي عرووس النوور في هذا الزمن ..... هي ملالاك في صورة بشر"
"من غلاها نقوول صلو على الرسوول..... يلي شفتووها بقلب ونظر"

في محيااها بدا الصبح بضيااه .. مشرق وخدوودهاا واحة زهر
والعيوون الي كما عين المها ..... تمتزج فيها البرائه وسحر


ساره وصلت القاااعه وزاادة حلاتهاا اكثر واكثر وقفت كل العيوون من حلاتها نزلت بنفنوووف الاوف واايت المنفوووش والورد مو حوولها وردي وعيوون امها تدمع من الفرحه وتقوول بقلبهاا ساروونه الي ملت عليينا البيت بضحكتها كبرت وبترووح بييت ريلهااا

بعد الوويه ورقص المعازيييم والبناات يلا الوقت الي يدش المعرس وصل بين زفة الرياييل والهلاهل والتيبب

وصل ليي شيخة البناات ساره وباس راسهااا وقعدو شوي وطلعوو

حمد: الف مبرووك يا احلى عرووسه مبروك علييج انا هههههههههه

ساره: الله يبارك فيك واقدر اسعدك طوول العمر

حمد : اميين يارب

ساره : حمد ليش اخترتني انا من بد البناات وايد في بنات بعايلتنا حلويين وكل من يتمنااهم

حمد: مممم والله امي وايد مدحتج ليي وانا شفتج ونعجبت فييج وتغيرتي وايد عن اول وحلوييتي

ساره : يعني خذيتني برغبة امك !!

حمد: لا مو جذي بس هم راي الاهل مهم ولا شرايج

ساره : ايي صح !!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-08-2011, 11:44 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



وعدا اليوم طبيعي مثل أي اثنيين توهم مالجييين وصلت ساره البيت الساعه 2 الفجر وعلى طووووووووول نامت وطول ما اهي على فرااشها تضحك وتتبوسم من فرحتها

وتتخيل عيالها وعياال حمد وشنو بتسمييهم

ونامت العرووس وغرقت باحلامها الورديه

قامت ساره ثاني يوووم على رنة التليفوون
ساره: الووووو

مريم: هاااااااااااااااااااا ويييييييييييي انتي متى راده الي لي الحيين خامده

ساره: هههه الساعه 2 ونااسه مريووم والله وناااااااااااسه

مريم : وين رحتي واهم شي شنو سويتي ههههههههههه

ساره: وااااااااااي يحبج حق هالسوالف لا رحنا تعشيينا وبعدين تمشيينا ورديينا بس

مريم : بس ؟.....بس

ساره: أي والله بس

مريم : اكيد مو خاشه شي اهني اهناااك

ساره: اوووووووو مريووم والله بس هذا الي صاار

مريم: انزيين اليوم وين بتروحيين

ساره: مادري والله بدق على حمد واشووف

مريم: خووش يلا اخلييج انا قوومي اخاف ايي ولا شي

ساره: باي

مريم: باي

ساره: خل ادق على حبيبي ههه واييي لالا فشله حمد هههه

ساره دقت على حمد ومايشييله

ساره: حبيبي اكييد نايم

وصارت الساعه 6 المغرب ولي الحيين المعرس مادق ولا شي

ساره: يمااا حمد من امس مادري ويينه مايشييله يما قمت احااتي

ام ساره: يما يمكن ناايم مممم

ساره: يمكن يماااا

وصارت الساعه 11 بلييل ولي الحين لا حس ولا خبر

ساره: كسرت التليفوون واهي ادق على حمد ولا حس ولا خبر

واخيراااااااااا الساعه 12 دق حمد

ساره: الووووووووووووو

حمد: ساره غلطاانه مليوون مره داااقه شفيييج شصاير منو مااات

ساره: ايي كنت احاتيييك ما ادري عنك من امس

حمد: ويعني جذي احد يدق فشلييني مع ربعي ماصاارت ورا بعض ادقييين

ساره: انت الله يهدااك ما دقيت قتلي على العموم اسفه بس مره ثانيه طمني

حمد: اووكي الحين انا مو فااضي اكلمج بعديين

ساره: اووكي

حمد:يلا نامي نامي عن السهر

ساره: انشاءالله


ووانتهت المكالمه بينهم وكانت حييييييييييييييييييييل جاافه ولا جنهم توهم متزوجييين
ساره استغربت من رد حمد علييها قالت يمكن لي الحييين مع ربعه وصج انا غلطت ليش دقيت وايد مممم بنطر لين يرد واعتذر منه

صارت الساعه 2

دزت ساره مسج حق حمد حبيبي انا اسفه ليش ضايقتك اول ماتفضى دق عليي الله يخليييك

صارت الساعه 3 ولي الحيين مادق حمد على ساره

ساره: اف ماصارت بدق ولي فيها فييها
دقت ساره وحمد عنده خط 2
وقعدت ادق لي الساعه 6 وكله خط 2
ونامت ساره والتليفون بيدهااا

قامت ساره ثاني يوم على رنة التليفووون
ساره : الووووو

حمد : هلا حبيبتي

ساره: هلا حمد

حمد: ادري زعلانه مني بس والله التليفون عند رفييجي امس

ساره: مايصير حمد التليفون عند رفييجك انا احااتي ومن حقي ادق عليييك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-08-2011, 11:47 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



حمد: خلاص مالج الا طيبت الخاطر

ساره : نشووف

حمد: يلا قوومي تزهبي نروح نتغدى بره

ساره: اوكي نص ساعه واكون جاهزه

حمد: خوووش يلا يبا بااي

ساره: باي

وتزهبت ساره وكشخت ووصل حمد وطلعو مع بعض وستانسوو بس المشكله بمسجات حمد الي ماتخلص وساره على نيتها سااكته

وطااف شهر من ملجتهم وعلى هل حااله يوم يرد ويوم يكشت

مع الايام تعبت يدت ساره ودشت المستشفى وانشغلت مع امهااا ويدتها بالمستشفى وكانت بينها وبين حمد بس مكالماات مدتها ماتتجاوز الدقاايق
وصل يوم الي يدت ساره تعبت حييييييييييل ودخلووها العنايه المركزه وساره تموت تموت على يدتهااا
والدكتور قالهم خلاص ماكو فايده من قعدتكم بالمستشفى توكلو على الله ومن اصبح افلح

ام ساره راحت مع خالد اخو ساره

وساره دقت استاذنت من حمد انها بتروح مع مريم تشرب عصير وترد البيت من الصبح على لحم بطنهااا

ساره: الوووو

حمد: هلالا

ساره: حمد انا برووح اشرب عصير مع مريووم من الصبح ماكلييت ولا شربت شي واديده تعبانه وايد دخلووها العنايه الحيين

حمد: ايي الله كريم انشاءالله بس وين بضبط بتروحيين يعني

ساره: احنا بالامييري يعني اكيد يم المستشفى برد على طوول

حمد: مممممم اووكي شوفي وين قوليلي وين بضبط

ساره: انشاءالله

حمد: يلا الحين رفيجي بييني بعدين اكلمج

ساره: اوكي باي

حمد: بايات


ساره: مريووم يلا قوومي حمد قال ميخالف نشووف وين نرووح وادق عليييه

مريم : اووكي دعله وايد يعني بصرااحه

ساره: حراااام حبيبي يخاف علييي

مريم : الله يتمم علييج يارب

وقعدت مريم بينها وبين نفسها لسان حالها يقووول يريت مايكون حمد اهو الي اباالي ياسااره حيافه علييج وعلى فرحتج هذي يارب مايكون نفس الي تعرفه دلوول الخاايسه


وراحت ساره مع مريم يشربون عصير وراحو بضبط عالم المانجو الي يم سووق شرق وقالت حق مريم
ساره: ايييييييييي نسيت ادق على حمد اقووله احنا وينه فييي

مريم : أي دقي تونا واصليين حتى ماطلبنااا

ساره دقت على حمد وكل عاده مايرد

ساره: مريووم شسوي مايرد

مريم : خلالالاص انتي الي عليج سويتييه

وقعدو يشربون عصير ويمهم سيارة شبااب اذووهم مريم قالت حق ساره

مريم : اففففففف الشباب دعله والله لوعو جبدي بمشي بروح مكان ثااني ساروو مو عارفه اشرب عصير

ساره : وااي مريووم ماقت حق حمد اهو قالي بس مكان واحد شلوون

مريم : اذا رد علييج قوليله انا قتلج اذووني سارووو

ساره: امشي خلالاص وانا احاول ادق علييه

وغيرو مكانهم وصلو لي ابراج الكويت واهناك المكان هاادي ولا في احد مريم قالت حق ساره

مريم: سارو اهني حده احسن

ساره: ايي تصدقين المكان اينن ودي اقول حق حمد مره اييبني اهنيي فااااااااضي ووناسه

مريم: ايي ساروو قوليله ونااسه

وبين السوالف الي صارت بين ساره ومريم مره وحده مريم قالت حق ساره

مريم: سارووووو هذي السياره مو سيارة حمد

ساره : وين وين خرعتييني والله اذا درى يدوس ابطنييييييييي

مريم: هذي الي توها دشت بالمساافط وسفطت يم السيااره الي يمنااااا

ساره: امبي ايييييييييييييي يوييلي مريووم شسوي الحيييييييييين

مريم: نطري ينزل وانا اكلمه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-08-2011, 11:51 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه



ساره: بدق علييه

مريم : دقي يلالا وقوليله شفتك على ضحك

ساره: انزين انزين الله يستر بس ...... مايرد مايرد شسوييييييييييييييي

مريم اطالع وعيونها مفجووعه من الي شافته وودها يكون حلم

مريم: ساره لا دقيين خلالاص

ساره: ايي مو انا الي بنزف مو انتي

مريم: سارووو خلالالالالالالاص تكفيين خلالاص لا دقيييين الله يخلييج

ساره: اشفييج مريووووووم الله يخلييج شصااير

مريم: ساروو ريلج معاه وحده

ساره: نعم؟؟ وحده من صجج اصلا حمد يحبني ومايسوييها ياحماره رفييجه

مريم: سارو بس بس لاتعورين قلبي اكثر تكفييييييييييين

ساره:الله يخلييج لاتسوين فيني جذي

وقعدت ساره تفكر وقالت حق مريم

ساره: مريووم ردي وصكي على سيارته بسرعه

مريم: ساروو شنو بتسويين

ساره: مريووووووووم يلا قتلج

مريم سوت الي قالت لها عنه ساره وصكت على سيارة حمد ونزلت ساره بطرييقه عجييبه محد توقع يوم من الاياام ساره الرقييقه النسمه تصرف بهل تصرف
راحت صووب الباب الي المفروض يكون في رفييج حمد وبطلته بطريقه هستيريه
طبعا شافت الي تمنت انها تنعمي ولا تشووفه
شاافت حلمها تبخر مع حبيبها وريلها الخااااااااااين ايي خااين شاافت حمد مع وحده نازلة المستوى وحده ماتتقارن مع ساره باي شكل من الاشكاال ظلت تطاالع حمد وتقووله ليييييييش شنو ناقصني الي هذي تفضلها عليييي وين كلامك وين كلام اهلك عنك واهلي شلي صاار
هذي الي فضلتها علييي هذي ياحمد شنو فييها احسن مني ولا احلى مني ولا اتوقع اخلالاقها احسن من اخلالاقي طلقني حمد طلقني
حمد: انتي هيييييييييي لاتغلطين علييييييييييها هذي انا حاجتي عندهااااااا فاهمه ردي بيتكم وحساابي معاج بعدييين وين الي تشوف وين بتروح ودق علي هاااا يا محترمه

ساره : شووف تليفوونك شووف جم مره دقييت عليييك يا محترم

حمد : ذلفي ذلفي يلالا

وراحت ساره ميته من البجي ومريم تواسيها وتلمها

ساره : مريووووووم الحين والله بينكر جدام ابووي والله

مريم: ياكل هواااااا شنو ينكر لا تخافيين اعرف سوالفه والله صورت كل الي صاار سااروو لا تحاتييين

ساره: صج مريووم بعدد قلبي

مريم: انا كنت حااسه سارو والله يوم الملجه رفيجتي منوور شافته وقالت هذا تعرفه دلوول رفيجتي وحده حقيير يدور حاجته عند البنات وبس والله سمعته خاايسه

ساره: وليييييييش ماقتليلي مريووم حرام علييج لييش خليتييني جذي اشووف تليفوونه مايركد 24 ساعه كله خط ثااني مريووم بمووت والله وبمووت

مريم: الحين اهدي ونشوف عمي شقوول

ساره: والله اذا محد صدقني والله راح اذبح نفسي والله

مريم: صلي على النبي يلا شوي وندش منطقتكم

وتمت ساره تبجي وميته من البجي لين وصلو وتليفونها ماسكت من اتصالات حمد ومسجااته
وكانت من مسجااته

حبيبتي انتي فاهمه غلط

ساره ردي علي لاتوصلين الموضووع لي الاهل

ردي هذي وحده قديمه وييت احل معاها المشاكل


ساره: ااااااخ اخ شوفي مسجااته يا مريوووووووووم شوفيييييييييييييهم

مريم: خل يولي يلا نزلي نشووف ابوج شقوول

ونزلوو البييت ولا عند الباب محمد اخو ساره واقف عند البااب مع اخو حمد

ساره : حموووود شووف الي صار بختك شووووف حظي يا حموود شووف قسمتي ولد عمي يخووني مع وحده بشاارع ويزفني ويهييني علشاانها حموووووود

محمد: شنو انتي شتقوليين يبا انتي يمكن فاهمه غلط

مريم تهدي ساره وتعطي التليفوون حق محمد

مريم : شووف محمد وانت احكم بس امانه وحلفتك ماتمسحه

محمد: اشووف اشوووف

وقعد حمود مذهووووووووووووووووول من الي شااااااااااافه والموقف الي نحطت فيي اخته واخو حمد بس يطالع ويقوول شصااير وحمود يصرخ شووف اخووك شنو مسوي بختي شووووووووووف ولد العم شنو سوه ابنت عمه

ودش محمد مع ولد عمه وساره منهاره ومريم تواسيها ويشوفها الابوو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-08-2011, 11:54 PM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ضعت مني بلحظات ساره وفيصل قصة حقيقيه الكاتبة القطانيه


والد ساره: اشفيييييييييييييكم يدنكم فييها شي

محمد: لا يباا بس شووف الي بوريك ايااه واحكم

والد ساره : اشووووووووف شصااير ساره يبا شفيييييييج اشفييييكم يا جمااعه

وقعد ابو ساره يشوووف الي صاار بتليفون مريم وساره ودتها فووق مريم ترتااح وتهدى شوي
وابو ساره منصدم

والد ساره: حمود قووم دق على عمك اييني الحييييييييييييييييييييييييييين

محمد: انشاءالله يبااا
وصل اخو ساره العود خالد وتمت الجلسه بين ابو حمد وابو ساره وخوانها وحمد بعد صراخ ونقااش حااااااااااد بين الطرفييين واحراج ابو حمد من عمايل ولده

نزلت ساره الورده الي ماظلمت احد ولا ضايقت احد وعيونها كلها دمووع والخووف متملكهاا

حمد : ساااره

ساره: مابي اسمع كلالالالالالالام من احد

ساره: يبااااااااااا انا طوول عمري معززه مكرمه ابيتناااا وانت ربيتني وعزيتني ورزيتني يباا وغلالاتي عندك طلقووني منه

حمد : ساره سبحان الي مايغلط

ساره: يبااااااااااااا انا والله والي رفع سبع سماواااااات اذا لزمتو عليي اعطييه فرصه الموت اهون علي من اشووف الخااااااااين انا توني عروووس وخاااااااااااني يباا بعدين شنو بسوي يباا يقوولي حاجتي عندهااااااااا يباا يهييني جدامهاااااااااااااااا يباا كلامه هذا جدامهم والله والله يا يباااا

والد ساره: بوحمد لي اهني وبس دخلنا بالمعرووف نطلع منها بالمعروووف

حمد: شنو حلالاو السالفه لا يبا مانبي مطلق وبشووف انا والا انتي وتيين معاي غصبن علييييييج

خالد: زين والله يباااااااااااا شووف يا حمد بطلقها وريلك فوووووووووووق رااسك وبااجر الوعد بالعدل واذا انت ريااااااااال لا تييي وشووف شنو بصيرلك

بو حمد : بو خالد امسحها بويهي ومالكم الا طيبت الخااطر سامحني يخوووي

وتم طلاق ساره من ولد عمها الخاااااااااااااااين الي بااع صلة الغراابه قبل مشاعر زوجته

وقعدت ساره مدقووره بييين الكليه والبيت صارت تخاف تطلع بس مع الايام صارت اقوى شوي من قبل

وطاف اول كورس بالكليه وردت ساره القديمه الي تملي البيت بضحكتهاا بس مجرووحه وكثرت الخطاطييب بس لي الحيين خايفه وبنظرها كل الراييل مثل بعض

ومرت الايام وتعرفت على زميله لهااا اسمهااا نوووف
وونووف كانت حلييوه وطيبه وراعية نكته يعني مقعدها حلووو
وساره ستانست علييها وخذو ارقام بعض وصارو يتزاوروون وجذي مره قاعديين بالكليه قاعده تسوولف نووف تقوول حق البناات وييييييييييييي طافكم امس والله شبكت اانا وومنيره وغاليه مع مصري ومتنا علييه من الضحك طمااشه قمنا نسوولف معااه ونضحك
ساره: هههههه شلوووون شلوون قوليلي شلون شبكتو يعني

نوف: والله ساروونه طاافج طماشه كل شوي نشبك احد ونضحك ونمووت ضحك

ساره : يصير تشبكوني بس ماابي اتكلم بس ابي اسمع ودي اضحك

نوف: ايي عاادي خلاص اليوم بليل ادق عليييج هههههه

ساره: خووش ودي اضحك

صارت الساعه 11 بلييل ودقت نوووف على ساره وقالت لها هاا جاهزه قالت ساره اييي يلالا بس نطري ادش تحت الكفر هههه اخاف احد يسمعني

نوف: يا هبله انتي قلتي ماراح تتكلميين

ساره: ايي ادري بس هم اخاف

نوف : يلا استعدي حق الضحك هههه

ساره : يلا خوووووووووش ههههه

وشبكت نوف ساره وضحكو وصكته ساره ونامت ظلو على هالحاال مايقارب الشهر بين الضحك ونوف مابقى واحد ماشبكته وتضحك علييه ولين يه يووم محد شبك من البناات الا ساره ونوووف بس نووف دقت على رقم بالغلط كالعاده وقعدت تستعبط علييه

نوف : الووو منو معاااي

رد الشخص علييها : انتي منووو

نوف: ممكن نتعرف ههههه

الشخص: والله راهيه شنو انقلبت الايه الحيين البنات يغازلووون يعني ولا شنو

نوف : وييع ويييع انت ملييييييييييييق

الشخص : اقووووول ترى مو فااضي انا


وسكر التليفون بويهااا

نوف: قطييعه وايد شايف نفسه

ساره: وااي فشله نوفوو الحين شقوول عنااا

نوف: يولي تلاقيينه قاعد بدوانيه ويتفلسف

ساره: انزين انا بروح انام وااي فشله والله حسيت شكلنا مو شي جدام الرياال


الرد باقتباس
إضافة رد

ضعت مني بلحظات / الكاتبة : القطانية ، كاملة

الوسوم
القطانيه , الكاتبة , بلحظات , حقيقيه , ساره , وفيصل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
قصة جبتها ع الجرح / الكاتبة : أمنيه حنيني ، كاملة بنت سمهرم روايات كامله - يتم نقل الرواية هنا بعد اكتمالها 58 23-07-2017 08:34 PM
رواية تؤام روحي تعاني جروحي / الكاتبة : كحيله بكاها ، كاملة تؤام روحي تداوي جروحي روايات كامله - يتم نقل الرواية هنا بعد اكتمالها 122 31-12-2015 07:45 AM
و اني أحبك / الكاتبة : امازيغية الهوى ، كاملة النجمة القطبية روايات كامله - يتم نقل الرواية هنا بعد اكتمالها 76 28-07-2013 11:12 PM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM

الساعة الآن +3: 12:37 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1