girl2shy ©؛°¨غرامي مشارك¨°؛©

سلامو
مررره رووعه
اممم وش معنى الخداي
والبارت قصير مررره

بـنـت الـمـمـلـكـه ©؛°¨غرامي جديد¨°؛©

المشاركة الأساسية كتبها girl2shy اقتباس :
سلامو
مررره رووعه
اممم وش معنى الخداي
والبارت قصير مررره

وعـليـكم الـسلام ،،
مـرورج اروع غـلاي ،،
اممـم يـعنـي مـثل رجـه او مـرجوجه بمـعنى هـبال :) ،،
انشـاءالله اقـدر اعـوضـه بـس لانـي مـريضه فهـذا اللـي ططـلع ،،
نـورتي ،،


girl2shy ©؛°¨غرامي مشارك¨°؛©

سلامتك وماتشوفي شرررر
اممم الروايه امارتيه صح

بـنـت الـمـمـلـكـه ©؛°¨غرامي جديد¨°؛©

المشاركة الأساسية كتبها girl2shy اقتباس :
سلامتك وماتشوفي شرررر
اممم الروايه امارتيه صح
الـشر مـا يـجيج غـلاي ،،
مـكس خـليـجـي ،،


بـنـت الـمـمـلـكـه ©؛°¨غرامي جديد¨°؛©

مـسـاكـم الله بـالـخـيـر والـسـرور ،،
تـفـضـلـوا الفـصـل الـثـانـي -الجـزء1- ،،


الفصل الثاني - الجزء1-

في قصر كبير .. كل انسان ما عاش فيه يحلم انه يكون عنده مثله ..
{ شعور جميل تشعر به عندما تكون على يقين بأن كل ما تريده في لحظات متوفر لديك وبكثره .. وشعور مؤلم ان ترى اشياء تحبها وتودها بشدة وتتمنى لو ان معك المال الكافي لشرائها ولكن المثل يقول (العين بصيرة .. والايد قصيرة) ولكن الحمدلله على كل حال من الاحوال }

دخل ناصر وهو ضايقه به الوسيعه .. توجه للصاله اللي بها قزاز يطل على الحديقة الخضراء اللي تحس كأنك عايش بديرة اوروبية من شدة جمالها .. ولكن فيه حدايق هنا ما فوقها فوق مثل ما يقولون ..
ناصر بصرخه: مــــــلاك
ملاك نزلت من فوق بسرعه على صرخته واهيه خايفه: نعم بابا شفيك تصارخ فيك شي
ناصر طالعها وتذكر الريم " هه .. ذيج لحم على عظم وهذي عايشه بترف و وش كبرها " صحى على صوت بنته واهيه تناديه: هلا حبيبتي
ملاك بنرفزة من سرحان ابوها: بابا من مساع وانا اكلمك وانت في عالم ثاني .. بس حبيت اخبرك انه مام راحت لخالتو وما بترجع الا بالليل ..
ناصر تنهد وما قال شي .. هو من ما اخذ رقية واهيه كله تطلع وما ترجع الا بالليل وكل ما كلمها عاتبته وقالت له يعني انا ما اطلع واشوف الدنيا .. ياما حاول ناصر انه يقارن بين امل ورقية بس يلقى ان امل احسن منها بمليون مره .. بس لان امل متزوجها غصب وماخذها واهيه صغيره .. كرهها وظلمها كثير .. وظلم عياله وشتتهم بتفكير رجعي منه
(اعرفكم على عايله ناصر الثانية)
رقية: ماخذها عن حب بس اهيه ما تحس تجاهه باي شي .. تحب الكشخه والفشخره ومتكبره .. لانها من عايله معروفه وما عليهم قاصر .. تشوف الناس تحت واهيه فوق .. عمرها 54 سنه
عبدالرحمن: عمره 22 سنه .. شاب يهمه الترقيم وبس .. شهادته ثانويه .. ماجستير في اللعب على البنات .. شكله حلو وهذا اللي مستغله في لعبته القذرة
ملاك: 20 سنة كبر الريم .. فرق السما والارض .. بس مع ذلك الريم احلى لانها بيضا .. اما ملاك سمره شوي .. شعرها فلافل بس حلوين .. ثالث سنه جامعه
خليفة: عمره 6 سنوات جاء متأخر .. شيطان بس ما يبين عليه من شكله .. شعره ليمن رقبته وناعم .. باول سنه ابتدائي
....
عند الريم .. خلصت من تبديل ثيابها .. لبست مريول المدرسة الثانوي اللي كرهته .. حطت كلبات وردية في شعرها ولبست جوتي (اكرمكم الله) رياضة ابيض فيه خط وردي .. وخذت شنطة المدرسة ونزلت لامها ..
الريم واهيه تبي تنام: صباح الغلا لاغلى ام بالدنيا كولياتها
امل ضحكت: ههه صباح الكادي حبيبتي .. تعالي افطري وروحي لان الباص بيي بعد ربع ساعه
الريم جلست بسرعه على الارض في غرفتهم المتواضعة وقامت تاكل بسرعه: يمم همم .. الا يمه بقولج وينهي دندون
امل: الدانه راحت بيت خالتج ام مريم عشان توصلها للمدرسه
الريم واهيه تشرب من كوب شاي الحليب: اييه .. وحكت رقبتها دليل عن الخجل وتكلمت بصوت واطي .. يمه امم عندج فلوس لان المدرسة مسويين حفلة قالوا لنا عنها بايام الاختبارات .. عشان بداية السنة
امل ابتسمت بحسره على حالهم وقالت لبنتها: حبيبتي انا عندي دينارين والباقي باروح اخذ جم اغراض محتاجينهم حق البيت .. تبينهم
الريم ابتسمت حق امها وحق مخها اللي يفكر باشياء جنونية: اي اكيد .. وخذت الفلوس من امها .. تسلمين لي يا اجمل والدة في حياتي
امل ضحكت على بنتها وقومتها: يالله بسرعه روحي هكوه الباص ييه
الريم ضحكت وقامت تركض: يالله مع السلامه اجوفج بعدين
امل: في امان الله
{ يجرح الموقف اذا احط طلب منك شي وانت ما قدرت توفره له بالشكل اللي يبيه .. يحسسك انك منت بقد المسؤوليه اللي انت لازم تتولاها }
....
نزلت الدانه وبعدها مريم للمدرسه
عند البوابه كانوا البنات واقفين ينتظرون ربعهم .. الكل كان يطالع الدانه لان شطنتها ما تغيرت .. وهذا الشي مصيبه عند البنات ويقعدون يستهزأون بالبنت .. وطبعا البنت تنحرج .. انا اقول للناس اللي من هالنوعيه .. لو تخيلتوا انفسكم مكان هالبنت .. ما بتنحرجون وما بتنجرحون من هالموقف ..
مريم لفت على الدانه اللي منزله راسها: هيي دنوي ما عليج منهم .. تعالي بس خل نطالع في اي صف انتي وانا اي صف
الدانه رفعت راسها لمريم: اهــ .. اوكـي سرينا
شـافوا في اي صف كل وحده وراحت كل وحده لصفها .. الدانه كانت معاها رفيجتها –فاطمه- .. شافتها وراحت اقعدت يمها سلمت عليها
الدانه بفرحه: وي اشوه انج معاي ولا جان مادري شباسوي
فاطمه ابتسمت لها بحب اخوي: ههه عشان تدرين انج بدوني تضيعين
الدانه رفعت حاجب: لا يكثر ها
فاطمه ضحكت عليها ..
في صف مريم .. كلهم تعرفهم ههه .. سلموا وبما ان المعلمه غايبه قلبوها سمردحه ..
مريم تغني بروقان من الصبح: ورجعتيلي يا خوانه وعلى ما صار ندمانه .. عرفتي قيمتي وجيتي عرفتي الحين من انا .. عاشوا .. بعد ما غيري هو خانك .. رجعتي تشكي احزانك .. رجعتي تمثلي بطيبك كانك اطيب انسانه .. وسمعوني احلى صفقه ويــ ن ن ن وابلعت ريقها واللي كانوا حولها ما كانوا احسن منها لان المشرفه دخلت عليهم ووراها المديره
المشرفه تصفق: ايوه .. كملي شفيج سكتي .. طقوا لا نبي نستطرب معاكم .. وبصرخه .. كل وحده على مكانهم بسرعه
الكل طار على مكانه .. ما يبون تعهد من اول السنه ..
المديره ضحكت على اشكالهم: ها مريم ما تبين تدخلين فرقة المدرسه على هالصوت
مريم: لا مش مشش مشكوره معلمه
الكل ضحكت عليها ..
المشرفه: هـدوووء .. المعلمة منيرة بتناوب مكان معلمتكم اليوم .. ما ابي اسمعها تشتكي منكم سامعين
الكل: حاضر .. انشاءالله .. تامرين امر معلمه


خلص الجزء الاول من الفصل الثاني
رايكم يهمني ..


تحيـاتي ..
بـنـت الـمـمـلـكـه

هجـآفـي ~ ©؛°¨غرامي متألق ¨°؛©

حللو البارت يشوق ،،
بـس عندي سؤال بصراحه تعقدت منج الحين لو تردين ع الفصل الأول كاتبه في النهايه خلص الفصل الأول من الجزء الثاني وأهو غلط والحين أنتي كاتبه خلص الفصل الثاني من الجزء الأول فياليت تصححين الخطأ لاهنتـي وكملي موفقه ،،


بـنـت الـمـمـلـكـه ©؛°¨غرامي جديد¨°؛©

المشاركة الأساسية كتبها Zain لكويت اقتباس :
حللو البارت يشوق ،،
بـس عندي سؤال بصراحه تعقدت منج الحين لو تردين ع الفصل الأول كاتبه في النهايه خلص الفصل الأول من الجزء الثاني وأهو غلط والحين أنتي كاتبه خلص الفصل الثاني من الجزء الأول فياليت تصححين الخطأ لاهنتـي وكملي موفقه ،،

حـلـوت دنـيـاج =) ،،
هههـ .. انـا كـتبت خـلص الفـصل الاول -الجـزء2- لان الفـصل الاول جـزئين ،، وهـذا الفـصل الثـاني ^^ وهـم جـزئيـن .. فـيعـني لا غـلط ولا شـي
مـنوره غـلاي


girl2shy ©؛°¨غرامي مشارك¨°؛©

تسلم يدك رووعه
بنتظر التكمله

بـنـت الـمـمـلـكـه ©؛°¨غرامي جديد¨°؛©

المشاركة الأساسية كتبها girl2shy اقتباس :
تسلم يدك رووعه
بنتظر التكمله
الله يسـلـمج ،،
مـرورج اروع حـبيبتـي =) ،،
مـنوره ،،


هجـآفـي ~ ©؛°¨غرامي متألق ¨°؛©

أهـا فهمت ،،.
إنزين البارت الياااي متى يلا نبيه ،،.

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1