غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-09-2011, 08:58 PM
مصرى افندى مصرى افندى غير متصل
©؛°¨غرامي جديد¨°؛©
 
الافتراضي المقبرة / بقلمي


تنويه للساده المشرفيين والاداريين بالمنتدى
القصه دى انا كتبتها من فتره فى منتدى تانى ...وقبل ما الادراه تفكر ان الموضوع منقول تطلب منى اثبات بانى صاحبها الاصلى فى كل منتدى موجود فيه
وانا هاثبت





ودلوقتى تابعوا معايا احداث القصه








اضغط على الصورة لرؤيتها بحجمها الطبيعي
المقابر الفرعونيه

عالم مثير وغريب

احيانا نشعر بالرهبه .....واحيانا بالمتعه والتشويق

الا اننا فى كل الاحوال بنحب نسمع ...ونعرف ....ونكتشف

لكن يا ترى

هنصدق ...؟

هاسيب اجابة السؤال دا ليكم
واحنا بنستمتع كلنا باحداث القصه


خصوصا وانى لاول مره باترك المجال لخيالى يسبح فى عالم الا منطق والا عقل



اتمنى ان القصه تعجبكم


وتستمروا معايا لاخر حلقه





تعديل مصرى افندى; بتاريخ 06-09-2011 الساعة 10:16 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-09-2011, 08:59 PM
مصرى افندى مصرى افندى غير متصل
©؛°¨غرامي جديد¨°؛©
 
الافتراضي رد: المقبره


الحلقه الاولى
____________


يلا يا سلوى هنتأخر على جدى ..انتى عارفه انه بينام بدرى وعاوزين نلحق نقعد معاه
حاضر يا احمد انا جاهزه اهو ...ومسافه ما توصل تحت البيت هتلاقينى قدامك ..
سيدى يا سيدى على النشاط ...امال مبيظهرش ليه واحنا طالعين سوى نشر صورة

متبقاش رخم, دى مكنتش مره اتاخرت فيها خمس دقايق واحنا رايحين السينما

بقى ساعتين ونص بتسميهم خمس دقايق يا مفتريه..
يلا ما علينا ..انا اصلا حاسس انى ادبست فى الخطوبه دى
لا يا شيخ طب اعمل حسابك بقى انك بعد ما تفوت عليا . ونقعد مع جدك .كل واحد هيروح لحاله
وانتى متصوره ان جدى هيقولنا كل حاجه النهارده ..دا مش بعيد نروح نلاقيه نام

خلاص احنا هنسمع منه الحكايه كلها وبعدها نفسخ الخطوبه ..واخلص انت بقى يا شاطر عشان انا واقفه فى الشارع واكيد مش هيرضيك ان حد يقولى كلمه كدا ولا كدا
على رايك اذا كنت انا اللى هو خطيبك مش باقول... يبقى هرضى ان حد يقول


_____________

ازيك يا جدى ..عامل ايه ..طبعا تعرف سلوى خطيبتى ..انت شفتها قبل كدا مرتين ..وبعد اذنك هيا هتقعد معانا ..بس اوعدك مش هتمسعلها صوت طولا ما انت بتتكلم ..وانا اتفقت معاها لو نطقت بحرف هنمشيها على طول
ههههههه يخرب مطنك يا احمد بتفكرنى بوالدك ووالدتك وهما مخطوبين ..كانوا على طول ناقر ونقير
والله يا اونكل هو اللى بيتحايل عليا بقاله اسبوع ولولا اننا هنيجى لحضرتك مكنتش وافقت ..

اناااااااااا...!!!!!!!!!
مش انتى اللى اول ما قلتلك ..قعدتى تقولى ارجوك يا احمد ,ولو بتحبنى يا احمد ,وعشان خاطرى يا احمد ,وجميل مش هنسهولك يا احمد ..وانا اقولك يا سلوى مش معنى انك خطيبتى تبقى خلاص من اهل البيت ..ومش ينفع كل من هب ودب اخده معايا

يرضيك كدا يا اونكل ..شايف كلامه ..انا لولا وجودك انت بس كنت سبته ومشيت ..بس انا اصلا مش جايه ليه ..انا جايه ليك انت ..ومش همشى الا لما انت تقولى امشى ...لكن هو ولا كأنى سمعت حاجه .وهافضل قاعده على قلبه
هههههههههههه والله شكلى هامشيكوا انتوا الاتنين لو مش قعدتوا ساكتين ..
وبعدين اخلصوا وقولوا موضوع ايه اللى عاوزين نتكلم فيه



موضوع ايه ...!!!!!
انت مش وعدتنى امبارح انك هتكلمنى عن الفراعنه وهتقولى حاجات اول مره تقولها ...ومستعد لاى سؤال اسأله

يا ابنى هو انا مخى دفتر ...وبعدين انا كنت باهرج معاك ولا يعنى الواحد ميعرفش يهرج مع عيال ابنه

طب عشان خاطرى انا يا اونكل انا هاموت واعرف ...ومن ساعة ما احمد قالى وانا منتظره اللحظه دى بفارغ الصبر, خصوصا وانى عرفت ان حضرتك كنت اشهر واحد فى الموضوع دا ...ولحد دلوقتى بيجيلك ناس متخصصين ومعروفين للناس كلها انهم عباقره ..وبيطلبوا رايك


وانا هازعل منك لانك اول مره تدينى وعد وتخلفه معايا ...وهاخصمك اسبوع مش هتشوف وشى فيه ..وطبعا مش هينفع اكمل الخطوبه وانا زعلان كده فطبيعى هافسخها


شكلى اتورطت فيكم انتوا الاتنين وهاضطر للاسف اتكلم

بس قبل ما نتكلم تعالوا نتفق الاول
مش لازم تصدقوا اللى هاقوله ..المهم انكم تعرفوه
ومش لازم كل حاجه تبقى مكتوبه فى الكتب ..لان فى حاجات كتير معروفه للكل ومش هتلاقوها مها بحثتوا ..
متفقين على الكلام دا

ماشى يا جدى
اوك يا اونكل بس طبعا هنسأل ونستفسر عن كل حاجه هاقول ايه ....موافق طبعا ..ما انا اللى جبته لنفسى
ودلوقتى عاوزين نبدا منين ..؟ ياريت ناخد الموضوع من اوله

بتعرفوا مكان المقبره ازاى ..؟

اه يا جدى وعاوزين بالتفصيل الممل ..وخد راحتك ,وعلى اقل من مهلك ..وانا هاقوم اعملك احلى كوبايه شاى تشربها وانت بتحكى ..


خلاص قوم اعمل الشاى

وهنبدا على بركة الله







ووووووو









يتبع




تعديل مصرى افندى; بتاريخ 06-09-2011 الساعة 10:19 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-09-2011, 07:41 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: المقبره


,’




بسم الله




يعطيك العــــافية
الفراعنة عالم مثير و أتمنى إكتشافه :)
يا ليت لو تكتمل الرواية و نتشرف بـ وجودهـــا أكيد
بـ إنتظــــار التتمة
بـ التوفيق إن شـــاء الله
https://forums.graaam.com/238622.html





,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-09-2011, 07:47 AM
صورة loost الرمزية
loost loost غير متصل
©؛°¨غرامي نشيط¨°؛©
 
الافتراضي رد: المقبرة / بقلمي


السلام عليكم ورحمة الله وبركاته
اهنيك على انتقاك الرائع لفكرة روايتك الفرعونيه والي اكيد بتشد كثير متابعين
سجلني من متابعينك
اتمنى لك التوفيق


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-09-2011, 11:24 AM
مصرى افندى مصرى افندى غير متصل
©؛°¨غرامي جديد¨°؛©
 
الافتراضي رد: المقبرة / بقلمي


الزعيـ ـمه



بسم الله





القصه فيها احداث كتيره وانا كاتبها بالفصحى عشان تبقى سهله فى قرائتها لان اللهجه المصريه اكيد مش الكل هيفهمها
اتمنى المتابعه عشان اقدر استمر معا

[loost]


وعليكم السلام ورحمة الله وبركاته
برغم ان الاحداث اللى قايمه عليها القصه غريبه وفاجئتنى انا شخصيا وانا باكتبها الا انها من اربابها
وانا كنت حريص انى اوثق كل كلمه قبل ما اكتبها
اتمنى تستمراووووووووا معايا فى المتابعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-09-2011, 11:29 AM
مصرى افندى مصرى افندى غير متصل
©؛°¨غرامي جديد¨°؛©
 
الافتراضي رد: المقبرة / بقلمي



الحلقه التانيه
_______________

قول بقى يا جدى بتعرفوا مكان المقبره ازاى ..؟ وايه الاجهزه اللى بتستعملوها ..؟

شوف مفيش جهاز فى العالم كله مصمم لاكتشاف المقابر .. ودا لسبب بسيط
ان المقبره قبل اكتشافها محدش بيبقى عارف ايه اللى جواها .. واغلب الاجهزه المستعمله بتبقى اجهزه فيزيائيه او جيولوجيه مهمتها الكشف عن المعادن او طبقات الارض .... وحتى لما قالوا ان القمر الصناعى بيكشف اماكن المقابر, طلع الموضوع مش صحيح وكل اللى بيكشفه المناطق الاثريه ...واللى بتظهر على الشاشه بلون اخضر ..بس الغريبه انه حدد اماكن معروفه للكل ومفيش ولا مكان واحد حدده جديد

طب وهيا اجهزه كشف المعادن (زى الذهب مثلا ) مش كافيه انها توضح مكان المقبره وبدقه ..؟

بتبقى كافيه وبتطلع نتائج فى منتهى الدقه فى حاله ان المقبره تتفح وتبقى فيها متاهه
(وهتعرفى معناها لما نوصل للمقابر نفسها )
اما انى اعتمد عليها اعتماد كلى فى تحديد المكان فاعتقد انه صعب ومكلف وباعتبرها مجازفه

مش فاهمه !!!!

افرضى المؤشر اتحرك وظهر على الشاشه ان فى جسم معدنى على بعد عشره متر .... هنتاكد ازاى ان دى فعلا مقبره ...ولا ممكن يكون فاس قديم او ساطور او حتى سكينه
لاحظى ان مهتمه بنتهى عند الكشف... اما طبيعة الجسم فمش هيتعرف الا مع الفحت وللعلم اغلب الاجهزه اللى بتشتغل بالطريقه دى بتعتمد على المجال المغناطيسى اللى بيعمله الجهاز مع المجال المغناطيسى للمعدن نفسه ومن هنا المؤشى بيتحرك

طب انا كنت سمعت يا جدى ان معظم المقابر تم اكتشافها عن طريق ربطها بمعادلات هندسيه .

فعلا الموضوع دا حقيقى واقرب مثال لكدا كانت مقبرة توت عنخ امون
انما حتى الموضوع دا مش بينفع مع كل المقابر خصوصا ... وان مش كلها بتخص الملوك (فيه مقابر كتير للجنود وبتبقى بشكل غير منظم دا غير المعابد وغيره وغيره ) .. واحيانا بتكون متباعده وطريقة الربط ما بينهم بتبقى صعبه ونتايجها غير مضمونه

يعنى معنى كدا يا اونكل انكم غالبا بتفحتوا وانتوا وحظكم ...؟

بيحصل فعلا ودا اللى بنسميه التنقيب وبيستمر التنقيب فترات طويله وممكن نتوصل لاكتشافات بتهز العالم وممكن منتوصلش لشىء
وفى طرق تانيه للبحث عن المقابر بس هنأجل الكلام فيها مؤقتا ونبقى نرجعلها مره تانيه فى سياق الكلام

طب يا جدى ما فى ناس بتلاقى مقابر فى اماكن بعيده عن المناطق الفرعوينه وبتكون المقبره على عمق كبير من سطح الارض
عرف ازاى ان فى مقبره هنا برغم انه مش متخصص ...وممكن يكون اول مره يشوف مقبره فى حياته ...؟


المشهور فى الحالات دى انه بيستعمل (الخدمه ) والنتائج غالبا بتطلع فى منتهى الدقه بل ان اغلب المختصين بيستعملوا نفس الطريقه.. بس محدش يقدر يصرح بيها .

مش فاهمه يا اونكل يعنى ايه خدمه واشمعنى نتائجها مؤكده وليه مش بيصرحوا بيها ..؟ انا حسه انى توهت

يا بنتى ما الكلام واضح اهو ولا هيا عطله وخلاص ...
سيبك منها يا جدى وكمل ... بس ياريت توضح يعنى ايه خدمه وليه مش بيصرحوا بيها

طبعا انتوا مؤمنين وعارفين الجن
وعارفين انهم عايشين معانا الا اننا مش بنشوفهم ولا بنحس بيهم .... ولو تفتكروا قصة سيدنا سليمان لما ربنا قال
(قال عفريت من الجن أنا آتيك به قبل أن تقوم من مقامك وإني عليه لقوي أمين)صدق الله العظيم
الايه بتوضح ان امكانيات وقدراته اكبر من تصوراتنا بمراحل
وفى ناس عندهم القدره على تسخير الجن .. (بالمعنى العامى انه يشتغل لحسابه )
وكل اللى بيعمله انه بيطلب منه يحدد المكان ... وفعلا بيحدده ... وغالبا بتطلع النتائج بمنتهى الدقه ..الا اذا حصل تعارض بين وبينه خدمه تانيه (وهافهمكم النقطه دى بعدين )

طب ما بدل ما يقوله اعرف المكان ...يقوله هات اللى فيه وانتهى الموضوع ..

مش بالبساطه دى .... لان تسخير الجن العادى امر صعب فما بالك بجن قوى يقدر يعمل كدا... وعشان منطولش فى النقطه دى فى كاتب اسمه ( سيد الطوخى) عمل اكتر من 40 كتاب عن السحر ...او ممكن تقرى كتاب (شمس المعارف الكبرى) للبونى
هتلاقى فيه اجابه لكل اسألتك

طب هما ممكن يعرفوا ايه اللى جوه المقبره من قبل ما يفحتوا ...؟

اه طبعا ممكن بس بشرط ..يكون الجن مسخر (كخدمه وتوكيل ) ودا معناه انه مش بس هيعرف المكان.. لا وكمان هيدخله ويشوف اللى فيه .. بس غالبا اللى مسخر الجن واللى بنسميه (الشيخ ) بيخاف على الجن من (الرصد )
فبيطلب منه الاول يعرف نوع الحمايه على المقبره وبعدها بيشوف هيخليه يدخلها ولالا

اونكل انا توهت تانى مين رصد دا ..؟ ومين عمى الشيخ ..؟ وبيخاف من ايه ..؟ وحسه كدا والله اعلم ان الموضوع ليه علاقه بلعنة الفراعنه ..

صلوا على النبى
(الشيخ ) دا اللى بيسخر الجن .... واللى بيسخره وبيشتغل لحسابه بنسميه (الخدمه ) ولو الجن المسخر دا مهمته انه يعرف مكان المقبره بس بيبقى (خدمه بس ) لكن لو هنوكله انه يعرفها ويعرف نوع الحمايه ويدخلها فبيبقى مسخر خدمه ومعاه (توكيل ) يعمل كل حاجه لحساب الشيخ

طب و( الرصد ) يا جدى ..؟

ركزوا معايا عشان نفهم النقطه دى
اصعب مشكله بتواجه اللى بيشتغلوا فى مجال الاثار هيا مشكله كسر حمايه المقبره
بمعنى ان معظم المقابر بيبقى عليها حمايه ... والحمايه بردو بتكون من الجن ... وعلى حسب نوع الحمايه بتبقى المواجهه ...ودى مهمه الشيخ انه يعرف نوع الحمايه (الرصد) الموجود ويتغلب عليه وبالتالى يدخل المقبره ...وطبيعى هو مش هيواجهه نفسه ..هو بيمشى على المثل
(لا يفل الحديد الا الحديد ) فبيستعمل الجن المسخر فى القضاء على الجن الحمايه

انا مش مقتنعه بالكلام دا يا اونكل ودايما لما باسمعه باحسه خزعبلات

حسيها زى ما انتى عاوزه لانك مش متخصصه فى المجال ...انتى يادوبك بتقولى رايك بناء على معتقداتك وثقافتك لكن لو قريتى وفهمتى وشفتى ... رايك هيتغير ..

ودى بقى يا جدى اللى بنسميها لعنة الفراعنه


عشان اجاوب على السؤال دا محتاج كوبايه شاى اخضر بس تكون تقيله وعاوزها من ايدين سلوى عشان الكلام الجاى هيبقى مفأجات تانيه كتيررررره









وووو














يتبـــــــــــــــــــع





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-09-2011, 01:59 PM
صورة عبق اللوتس الرمزية
عبق اللوتس عبق اللوتس غير متصل
©؛°¨غرامي فعال ¨°؛©
 
الافتراضي رد: المقبرة / بقلمي


///:::///
السلام عليكم ورحمة الله وبركاته

بسم الله ماشاء الله
فكرة الرواية راقت لي جداً
وأسلوبك في سرد الأحداث رائعة
سلمت أناملك
أنتظر الحلقة الثالثة بشوق
في أمان الله

عبق اللوتس...
///:::///

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-09-2011, 12:11 AM
مصرى افندى مصرى افندى غير متصل
©؛°¨غرامي جديد¨°؛©
 
الافتراضي رد: المقبرة / بقلمي


اقتباس:
المشاركة الأساسية كتبها عبق اللوتس مشاهدة المشاركة
///:::///
السلام عليكم ورحمة الله وبركاته

بسم الله ماشاء الله
فكرة الرواية راقت لي جداً
وأسلوبك في سرد الأحداث رائعة
سلمت أناملك
أنتظر الحلقة الثالثة بشوق
في أمان الله

عبق اللوتس...
///:::///
انا سعيد جدا ان القصه عجبتك يا عبق اللوتس
واتمنى ان متابعتك وتشريفك للصفحه يستمر دايمااااااا
اهلا بيكى ونورتينى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-09-2011, 12:18 AM
مصرى افندى مصرى افندى غير متصل
©؛°¨غرامي جديد¨°؛©
 
الافتراضي رد: المقبرة / بقلمي


الحلقه التالته
___________

اتفضل يا سيدى كوباية الشاى الاخضر زى ما طلبت .بس يارب تعجبك وابقى ست بيت شاطره
..واحنا وقفنا لحد ما احمد سألك دا اللى بنسميها لعنة الفراعنه .؟


الله ينور عليكى كوباية شاى جت فى وقتها بالظبط ..
نرجع لموضعنا
تفتكرى ايه اللى يخلى الفرعون يعمل مقبره لنفسه ويحط فيها كنوزه وتماثيله وكل متعلقاته ....؟ الا لو كان عارف ومتأكد انه هيصحى تانى ..
فحمايته لنفسه ولممتلكاته امر طبيعى .
وقصة سيدنا موسى بتوضح انهم كانوا ابرع اهل الارض فى السحر ....واستعمال الجن فى اغراض السحر امر شائع ويكاد يكون طبيعى... والبرديات القديمه والرسومات بتوضح الكلام دا بشكل صريح
وعلى حسب ما بيختاروا نوع الجن بتكون الحمايه ...والخوارق اللى بتحصل وبنمسيها لعنة الفراعنه معظمها ناتج من الحمايه ..بس مش بالضروره تتعلق كلها بالجن... واظن انتوا عارفين اللى حصل فى اكتشاف مقبره توت عنخ امون وقدر العلم يفسر جزء كبير منه .

طب ايه اصعب انواع الجن (الرصد) يا جدى ..؟
اصعب مشكله بيتعرضها اى متخصص فى حرق الرصد ...لما يكون اللى مكلف بالحمايه (رصد علوى ..او رصد غواص )

يعنى ايه يا اونكل ..؟
طبعا انتوا عارفين ان الجن دى مخلوقات عاقله ...وعندها حس وادراك زينا بالظبط ...الفرق بينا وبينهم انهم خلقوا من نار واحنا من طين ....وانهم يقدروا يتشكلوا فى اكتر من صوره .......وفروق تانيه بس دول اللى يهمونا دلوقتى .

معنى كدا ان فيهم المسلم (بدرجاته) والعاصى (بدرجاته ) والكافر (بدرجاته )واى رصد بيحمى مقبره بيبقى واجب ومكلف به
...يعنى باختصار دى امانه فى رقبته لحين انتهاء مدة خدمته او (حسب الامر اللى اخده من اللى سخره )
وعشان نخترق الحمايه قدامنا اكتر من جاده .... اما اننا (نحرقه) ودا مش هيتم الا من خلال جن اقوى منه او (نخدعه) او (نحبسه) او نهدده او ...........
المهم فى كل الاحوال نتعامل معاه هو الاول قبل ما نتعامل مع المقبره
(والرصد العلوى) دا اللى على درجه قويه جدا من الايمان ..ودا بيشبه المسلم القوى فى ايمانه ..مهما حاولت معاه مش هيخاف غير من اللى خقله ..فالتخلص منه باى طريقه بيبقى صعب جدااااا...
طب والغواص ..؟
الغواص رصد كافر و قوى وماكر ولئيم وممكن يهيأ لينا اننا تفوقنا عليه وفى لحظه يخدعنا ..دا غير انه مؤذى جدا وممكن لاتفه سبب يقتل اى حد يقرب من المقبره .
طب وليه اتسمى غواص ..؟
لانه يقدر يغوص بالمقبره....
معقول ...؟
هافهكم ازاى ...
لنفرض اننا اتأكدنا بكل الطرق ان المقبره على بعد عشره متر..وبدئنا نشتغل فعلا ...فبيفضل ساكت ساكت لحد ما نقرب منها ويادوبك نشوف اول بشاير ليها ويجى نازل بيها مترين لتحت ..فنرجع نفحت تانى ..ويرجع هو ينزل بيها ..وهكذااااا

معنى كدا انه يقدر يحرك المقبره من مكانها

ايوا طبعا وللعلم لو المقبره اتحركت ..بتفضل بعيده عن مكانها 90 يوم.. بس لازم ترجع لنفس المكان تانى ...مش بس كدا دا مستحيل حد يقدر يفتحها غير فى مكانها الاساسى ..

طب وانتوا ليه مش تحاولوا تتخلصوا منه الاول ...؟
وازاى اصلا هتدخلوا المقبره فى وجوده ..؟
ما اهو زى ما قلت التخلص منه صعب
انما ازاى هندخلها فى وجوده

فاحيانا بيبقى الامر الىل معاه انه يحافظ على باب المقبره ويمنع اى حد يدخل من خلاله
..فالتالى احنا ممكن ندخلها من اى مكان تانى.. زى السقف مثلا ... المهم اننا نوصلها
ودا كله بنعرفه لما الخدمه بتنزله وتتفاهم معاه

طب وايه اسهل انواع الرصد ..؟
رصد (المنتهى)
ودا زى ما قلت كل رصد بياخد امر معين فممكن الامر يبقى محدد بوقت وينتهى ... بيبفضل واقف فى مكانه ومستنى حد يقوله امشى ... تلكيكه يعنى .... ويادوبك الخدمه تنزله وتقوله ما تتكل انت عاوزين نشوف شغلنا ...تلاقيه اختفى ويكشى تولع وراه

افهم من كدا ان فى مقابر موجوده ومعروفه ومحدش قادر يفتحهاااا...؟
ايوا طبعا ..والانواع اللى ذكرتها للرصد بيبقى التعامل معاها صعب جدا بس مش مستحيل ..
وفى نوع لا يمكن حد يقدر يخترق مقبرته
واسمه (المتغير) ودا ممكن يتغير من شكل لشكل فى لمح البصر .

مش فاهمه ...؟

فلنفرض ان الخدمه نزلت وعرفت انه (غواص) او ( علوى )ممكن قبل ما نبدا الفحت تنزل الخدمه عشان تتأكد تانى تلاقيه اتغير لنوع تانى تماما لا حد يعرفه ولا حد يعرف هيعمل ايه ... فالاستمرار فى الحاله بيبقى درب من الجنون لانه يقدر يعمل اى حاجه .ويتشكل باى هئيه ومن خلالها يؤذى اللى موجودين فى المكان كلهم ...



وياريت نبعد شويه عن الموضوع (وممكن نرجعه تانى )وتشوفوا اى حاجه تانيه تسألوا فيها


طب يا جدى بعد ما يتحدد المكان والعمق بتبدؤا الفحت ازاى ..؟
طبيعه الارض اللى بتحدد
فالارض الطينيه بتختلف عن الرمليه عن الصحراويه وهكذاااااا
وعلى حسب نوع الارض وعمق المسافه بنحدد قطر الفتحه ..

طيب يا اونكل ...ايه المفاجأت اللى ممكن تحصل اثناء الفحت ولحد ما تفتح المقبره ...؟

لا دا موضوع طويل بيبتدى (بهدية المكان )وينتهى ب(المهالك )و(والمتاهات ) وانا خلاص دماغى صدعت وعينا زغللت ..وحاسس انى لو اتكلمت خمس دقايق كمان هتقولوا الله يرحمك يا جدى موت قبل ما تكملنا الموضوع
يالهووووى
طب قولنا بس نفسك فى ايه وانا اعمله بس المهم تكمل

انا مش فى نفسى دلوقتى غير انك تاخد خطيبتك وتورينى عرض كتافك ومشفش وشكم لمده شهر من دلوقتى


خلاص بقى يا احمد كلام اونكل اوامر وطالما قال شهر يبقى ان شاء الله هتلاقينا بكره هنا ومن النجمه خنقتنى خنقتنى









ووووووو



يتبع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-09-2011, 10:39 AM
صورة عبق اللوتس الرمزية
عبق اللوتس عبق اللوتس غير متصل
©؛°¨غرامي فعال ¨°؛©
 
الافتراضي رد: المقبرة / بقلمي


///:::///
السلام عليكم ورحمة الله وبركاته

حلقة جميلة جدا ورائعة..
وفيها معلومات وأمور حقاً أول مرة أسمع بها
سلمت أناملك
وجزاك الرحمن خيراً
أنتظر الحلقة القادمة بشوق

عبق اللوتس...
///:::///

المقبرة / بقلمي

الوسوم
المقبره
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
بقلمي medhatelmorsy خواطر - نثر - عذب الكلام 9 14-03-2011 09:42 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
قصة في المقبرة أح ـتۈيـڴ برۈحــے قصص - قصيرة 9 27-06-2006 12:20 PM

الساعة الآن +3: 02:57 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1