غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2151
قديم(ـة) 12-06-2012, 03:39 AM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: رواية لا صد قلبي صد من دون رجعه / بقلمي


اقتباس:
المشاركة الأساسية كتبها وردة الزيزفون مشاهدة المشاركة
صباح الخير .......تسلم ايدك سهومة على البارت الحلو ......سهومة ياقلبي لاتشيلين بخاطرك على كلام بعض المتابعات الله يهديهم .........يقولون اشياء وكأنهم مجبورين على متابعة الرواية بينما هم لو فعلا مو عاجبتهم مااستمر بمتابعتها ...مافي وحدة بتابع رواية صار لها بارتات طويلة وقربت نهيتها وتقول اخاف اكتب رايي وينحذف .....الي ماتعجبه رواية يتركها من اول البارتات وكلنا نقراء روايات ونحكم عليها قبل نكملها لانو ابداع الكاتبة يكون من البداية واضح ....

اما الي بتقول انو ردها بينحذف لانو مافيه مجاملة لانها عارفة انو ردها ماراح يكون نقد بناء للرواية واحداثها هي الظاهر تبغي تتعرض لشخص الكاتبة وفعلا لو ردها كان على هالمنوال راح ينحذف لانو مايحق لها تهاجم الكاتبة
اما اذا الاحداث ماعجبتها وماكانت مثل ماهي تبغي .......بعد مو من حقها لانها موهي صاحبة الرواية والكاتبة حرة في تسيير مجريات احداثها مثل ماهي تبغي هي الي تكتب وتتعب وتجتهد مايحق لي ولا لغيري اجبرها تحط احداث على كيفي انا ....اذا الاحداث مااقنعتها مولازم تكمل فيها .........ثاني شي حتى الاسلوب لما اجي اامر الكاتبة امر وكأنها ملزومة تلبيه عيب يعني في اسلوب لطيف وراقي اني اطلب من الكاتبة اذا كانت تقدر وظروفها تسمح تطول البارت بس اني اامرها بطريقة غير مقبولة عيب والله ....كلنا نرد على حسب نظرتنا لاحداث الرواية ماشفنا اعتراض من الكاتبة يعني كل وحدة ولها وجهة نظر بس بحدود الرواية واحداثها ......ومثل ماقلت الي ماتعجبه اي رواية مو مجبور يتابعها وينتظر كل بارت ينزل على نار ويقول انها مااعجبته .........سهومة لاتزعلين ولاتقللي من قدرك وابداعك
كلام الزيزفونة جدا رائع وانا اضم صوتي لصوتها وبقوة
دا اذا دل يدل علي قمة ابداعك وانا من الاشخاص الي جدا معجبين بكتاباتك
ولاتهتمي بكلام الحساد وواصلي مسيرتك الحافلة بالنجاحات بدون ماتهتمي بي الاراء الي تحاول تنقص من قدرك وعزيمتك دائمن مبدعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2152
قديم(ـة) 12-06-2012, 05:27 AM
شجرة نملة شجرة نملة غير متصل
©؛°¨غرامي جديد¨°؛©
 
الافتراضي رد: رواية لا صد قلبي صد من دون رجعه / بقلمي


السلام عليكم

مرحبا للجميع

عزيزتي سهم المملكة بدون أي مجاملة روايتك أفضل رواية قرأتها لأنها تحمل الكثير من الواقع مو مثل بعض الروايات خياااال وااااسع وممل

حتى اني بحثت عن رواياتك ولقيت رواية إصبعي وهو إصبعي ... الخ وقريتها بكل حماس وخبرت عنها اختي وأعجبتها مررررة كل الروايتين الله يسعدك مثل ماتسعدينا

صحيح ماشاركت ولا مرة بس تستاهلين مشاركة متواضعة لشخصك الكريم

إذا عندك روايات غير هالثنتين من فضلك خبريني يعجبني إسلوبك مرة ربي يوفقك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2153
قديم(ـة) 12-06-2012, 06:58 AM
اللوتس الفواح اللوتس الفواح غير متصل
©؛°¨غرامي جديد¨°؛©
 
الافتراضي رد: رواية لا صد قلبي صد من دون رجعه / بقلمي


بارت راائع سهم المملكه


وصرااحه ما احس فيه شي يبي له نقد في الرواايه ماعليها كلام

روايه حلوه احداثها جديده ومافيها شي مخل او مخالف للعقيدة او الاعرااف عشان تنقد

واضحه وجميلة جداً جداً وكلمة الحق تنقال تسلم اناملك الي تكتب هالابدااع

نجي الرووايه

اعتقد ان اسم رواايه ينطبق علي ساره الانها خلاص عافت نايف وطاب خاطرها منه

صقر وشيخه

الله يديم المحبه بينكم
وضحى

الله يعينك علي هالبلوه فهيد وامه. بس شكل شيخه بتعلمك بشروط توقفهم عند حدهم واولها يطلعون في بيت لوحدهم

نايف
ذق ماذوقته لساره ربك يمهل ولا يهمل

نور وضاحي
شكل السر خطير ومفاجئ لضاحي  

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2154
قديم(ـة) 12-06-2012, 02:55 PM
صورة تَرَف ! الرمزية
تَرَف ! تَرَف ! غير متصل
©؛°¨غرامي مشارك¨°؛©
 
الافتراضي رد: رواية لا صد قلبي صد من دون رجعه / بقلمي


سهوم ياروحي لا تهمك الانتقادات السخيفة
وانا أشوف ان روايتك اروع روايه قَريتهأآ
المهم نجي للتوقعات

صقور وشيوخ
ههههههههههههه صقور ما تستحي بالحووش
بعد أكملت ههههه الله يديمم المحبه معكم جننتونا طلعتو الشيب من روسنآ
………………..
نويف وسرو
قطع قلبي نايف يوم يقول قدامهم بجد شي عجيب
كسر خاطري بس تكفين سهومه رجعيهم ترا عندك متابعه حساسه
..………...........…
نوير وسليطن
غريبه سلطان ششلون يخلي شخص غريب
يشوف مرتهه وعنده بعد شي عاآدي شي غريب
فعلا حاسه ان في إنا بالموضوع

………………

هنود وفروس
يالبى هالاثنين هههههههه فروس
وين رحت يالغالي عجل بالخططبه أحسن

،،
سهووم كنتي ولازلتي مبدعة غرآم
انتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2155
قديم(ـة) 12-06-2012, 03:01 PM
صورة Ebteehal الرمزية
Ebteehal Ebteehal غير متصل
©؛°¨غرامي نشيط¨°؛©
 
الافتراضي رد: رواية لا صد قلبي صد من دون رجعه / بقلمي


عواااافي تسلم يديككك حبوبه رررروعه امممممم نايييف وساره صراعات بينهم الى اجل غير مسمى رائعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2156
قديم(ـة) 12-06-2012, 04:07 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


بسم الله الرحمن الرحيم .. السلام عليكم ورحمة الله وبركاته
كيف الحآل \ يارب الجميع بصحه وعافيه
احس وانا بتكلم معكم يضيع كل كلامي .. مادري هي هيبة حضوري
بهالبارت اللي ماأدري كيف نظرتكم له .. او حتى ثقل الفراق في قلبي .. بس انا متأكده اني يوم بنهي هالروايه .. بنهيها وانا راضيه عن نفسي وعن الحروف اللي كتبتها .. لان هاذا عقاب كل حد وبيلقاه ..وان ماجازيته في الروايه بيكون جزاه من رب العالمين
بس انا بكون راضيه عن النهايه وهاذا الأهم
..
بخصوص اني قلت لكم فعلا لاتحكمون عن كل حد بتقرون قصته قبل ماتوصلون للنهايه .. وهاذا اللي فعلا استشفيته في ردود احبائي .. استغربت تعاطفهم مع نايف .. واللي قبل فتره كانوا يقولون اذبحيه موتيه ومن هالكلام .. صدق انا يالبشر قلوبنا ضعيفه .. سبحان الله
ومدام اني وصلت لقلوب البشر .. صدقوني ماشلت في قلبي على أي حد .. وربي يعلم .. حز في خاطري كلمات متأكده انها ماهب
بالقصد وربي أكيد يعلم بالنوايا .. كنت اتمنى تكتب لي على الخاص وتبلغني سبب كلمتها .. لكن للأسف .. بس ربي يعلم اني مسامحتها وماشلت لها .. والله يسامح الجميع يارب




مع اطيب الإمنيات بقراءه ممتعه
.
سهم المملكه

.
لاإله إلا الله





( البارت الثاني والسبعـ 72 ـون )





بيت سعد بن ضاحي \ الصاله

جالسه جنب جدتي واناظر هالعمشاء بنص عين .. اظاهر من دخلت

بيتهم وهي ماهب طايقتني .. وكله طاري في وضحى لازم تتنهد

ودي ارد عليها رد محترم .. بس ساكته غصب عشان عمي اللي

واضح انه فرحان فيني .. وفي ريم

قالت لي ريم - هند بتروحين معي

ناظرت فيها - وين !!

قالت لي - بروح للسوق

رديت بالرفض وانا اناظر جدتي .. ماهب زين في حقها .. طالبتني

واطلع واتركها

شكرتها بطريقه محترمه وسكتنا

قالت عمشاء - متى بيجي سعد ( موجهه هالكلام لريم )

قالت ريم - يقول بيجي بكره

حسيت بالملل عندهم .. اففف اشتقت لجو خواتي .. اول مره انفصل

عنهم .. واصير انا اللي اروح عنهم

ناظرت في جدتي .. واضح انها ماتحتاجني .. بس ليش طالبتني

اجلس عندها







ناظرت في نايف .. بلاحول مني ولا قوه .. بنت عمه كارهته

وماتنلام .. ماخليت عليها ياولدي شي

مسحت دموعي .. وانا أفكر في حل لبنات أخوي .. تعبن في

حياتهن كثير .. واللي تعبت فيهن ساره .. اللي مدري كيف

بتعيش عقب مايطلقون

جلست على الكراسي برى .. يوم اقبل علي فارس وجلس

جنبي - ليش جالس هنا ياأبوي

ناظرته بتعب وحال هده السنين - اخوك معطينه مهدئ وراقد

ناظر فيني بإستغراب - ليش شصاير

مسحت على وجهي بتعب - بنت عمك معاد تبيه

انصدم فارس - وش هو .. ساره تبي الطلاق !!

هزيت راسي له - شر علي ياولدي .. شر علي وش اسوي لبنات

عمك .. انت اصغرهم بس افهمهم واعقلهم .. وتعرف كل شي

بنات عمك أمانه .. وانا شايب هدني المرض والتعب .. لو مت

من بيراعهن عقبي .. وعمك كاف مسؤوليته منهن .. ولاني بمتكل

عليه .. اخوي واعرفه قلبه جفس وقاسي .. همه بس عياله

ناظر فارس في ابوه - عمرك طويل ياأبوم محمد

نزلت راسي للأرض بتعب - والموت حق .. قلبي معاد بهو صويحي

والله اني كل ماقمت من مخدتي اعرف انه انكتب لي يومٍ جديد

سكت فارس فتره

رفع عينه - يبه لو أخطب منك هند بتوافق

رفعت عيني له منصدم .. وش يقول هالولد






وقفت عند بيت واضح انه قديم .. وقديم بالحيل .. وفي وين في حي

العريجاء بعد

ألتفت حولي .. ناظرت فيها جنبي .. وهي تفتح الباب وتنزل بثقه

وكأنها متعوده على اللي تسويه

نزلت من السياره .. وقربت منها ووقفتها وناظرت في عينها - وش

اللي وراتس يانور

ناظرت فيني بعيونها الوسيعه – ابثبت لك انك ظالمني .. تبي تشوف

الدليل

ناظرت بعيونها وثقتها في نفسها .. وتبعتها ودخلت وراها وهي

تفتح البيت بالمفتاح اللي في شنطتها .. شفتها مشت والبيت

مظلم .. ألتفت حولي .. مجنونه هاذي كيف مشت في الظلام

دورت عليها بعيوني .. بس ماأشوفها أبد – نور

سمعت صوتها – انا هنا تعال

كيف امشي مجنونه هاذي .. ظلام حالك .. بصراحه خفت مدري

ليش .. خفت مسويه لي كمين مع العصابه .. ليش ماتسويها

ماهو أبوها مجرم

فجأه شفت نور طلعلي .. وملامح وجهها تتوضح .. وهي مقربه

الشمعه عند وجهها .. وتقرب مني

ناظرتني – ليش مادخلت

تفأجات وهي تسكر الباب وراي وتمشي لين وقفت في نص الصاله

اللي ماأقدر أقول صاله من صغرها .. بيت خرابه خرابه بقوه

ناظرت فيها – كنتم عايشين في هالبيت ( وانا اقرب لها )

هزت راسها وقالت – كنت ارتاح في هالبيت .. هاذا البيت

اللي عشت وتربيت فيه .. احب كل شي فيه .. يمكن تشوفه

ماهب قد المستوى .. وكان هاذا كلام ابوي .. وهو يشتري لنا

البيت اللي انت تعرفه .. بس هالبيت مايعرفه أي أحد غيري انا

وابوي بسسسسس

تشديدها لكمة بس .. خوفتني .. فيها ثقه زايده .. وتصميم غريب

أول مره اشوفه فيها

حطت الشمعه في الإرض اللي مكان فيه أثاث اصلا .. إلا مساند

باليه ومتشقق نصها .. مدري كيف تحب هالبيت .. اصلا انه في

العريجاء هاذا خوفني وبقوه

دزت الجدار اللي قدام عيني ودخلت .. بغيت انصدم .. حسيت

بالغرابه .. جدار عاد

مشيت ودخلت وراها .. وهي تشغل لمبه صغيره موجوده في المكان

اتوجهت لخزنه صغيره بعد في الجدار قلت لها – وش سالفة جدران

بيتكم مخابئ

كانت ساكته وهي تدقق في شغلها .. ضغطت ارقام بسرعه .. وانفتح

معها الخزنه .. فتحتها .. وطلعت ملف أصفر

وقفت وهي تناظر فيني وقربت مني وهي تمده – اتمنى هالشي يثبت

لك عكس اللي يدور في راسك ياضاحي

عطتني الملف وحسيت بقشعريره وخوف ..وش ممكن يكون داخل

هالملف هاذا اللي استغربت منه

طلعت وتركتني واقف مكاني .. طلعت للصاله وراها وجلست

فيها .. وانا افتح أول صفحه

كان فيها اعترافات لمجرمين وتواقيع .. مطيت عيني وانا أمرر

عيني على قايمة هالاسماء .. كل اللي فيها مجرمين خطيرين

منهم قابع في السجن .. واغلبهم نبحث عنهم .. واللي صدمني

اكثر .. شخصيات مهمه مهمه مره .. في هالملف

شخصيات انصدمت انهم بينا .. ويأكلون من خير هالبلد .. ويغطون

على أنفسهم بجمعيات خيريه .. او تبرعات نقديه .. او بناء مساجد

وكله ستره

خفت حسيت اني اقشعريت .. رفعت عيني وناظرت فيها وهي

واقفه وتناظرني

رجعت عيوني للملف وانا افتح الصفحه الثانيه .. كانت تخطيط

للعمليه اللي مسكنا أبوها فيها .. واللي موثق تاريخها .. واللي كانوا

يخططون للإيقاع فيه .. بس اللي انصدمت منه ان كل خطتنا

يالمباحث في هالملف .. مطيت عيني معقوله

رفعت عيني بصدمه لها .. لا مستحيـــــــــــــــــــــــــــــــــل

ناظرت فيني وهي تهز راسها .. ودمعتها تنزل .. حنيت عليها وانا

اشوف في عيونها غبن وقهر على حال ابوها

الصفحه الثالثه .. هي اللي قسمت ظهر البعير مثل مايقولون

وفي هالصفحه .. يوم شافتني نور افتحها .. اجلست على الأرض

وامسكت راسها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2157
قديم(ـة) 12-06-2012, 04:08 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


طلعت انا وضحى اللي حسيت نفسيتها تغيرت .. سمعنا صوت سياره

تدخل البيت .. كلنا لابسين براقعنا وجلالنا علينا

والصدمه ان السياره اللي دخلت سيارة فهيد .. لفيت عيني لوضحى

شفتها يابسه في مكانها .. وتناظر في سيارته وواقفه

نزل من السياره وقرب منا وعينه بتأكل وضحى – السلام عليكم

ردينا السلام

جيت بمشي ابي وضحى تتفاهم معه .. بس صدمني وضحى وهي

تقول له – أكيد تدل درب المجلس .. رح هناك ( ومشت )

قال بصوت حاد – وضحـــــــــــــى

ألتفت عليه وضحى .. وناظرت فيني .. وانا سكت

قالت بحده – خير شتبي

قرب منا وهو عاقد حواجبه – تردين بيتس .. امشي انا طلعت من

المستشفى .. والمفروض انتي في البيت في إستقبالي

تكتفت وضحى بقوه واضحه في عيونها .. أول مره اشووف
هالقوه فيها – وليش استقبلك في بيت اللي فيه يكرهني

وانا ماني مرتاحه فيه

عصب عليها – من يكرهتس

عصبت وضحى – لاتصرخ .. انا ماني وضحى اللي تقدر بكلمتين

وصرختين وضربه ترضخها .. ( رفعت اصبعها بتهديد ) والله

ماأرد معك غير بشروطي اللي ابيها .. ولا أحلم في زول وضحى

حسيته انصدم ماتوقع قوتها تكتف بسخريه – اها .. وشنهي

شروطتس وضحى خانوم

وقفت وضحى بطريقه لامبآليه وتسندت على الجدار وهي تأشر

على اول اصبع – بيت

مط عينه وعلى طول قال – ماأقدر ماعندي ماده ولا سيوله

قالت وضحى بسخريه – مشكلتك ماهب مشكلتي

حسيته مقهور ووده يذبحها .. بس وقوفي معهم فيه مصلحه

لشروط وضحى اللي توه ماعرفها .. ناظرت فيه بوقاحه وهو

يعيد شرط وضحى الثاني معقد حواجبه – وش هوووووو

وش عمليته

قالت وضحى – فيه مستشفى متخصص لعملية رجلي ابي

اسويها عنده وانت بتتكفل بكل شي

حسيته بلع ريقه .. وحسيته داخ .. ابي اضحك بس لالوقت

يساعد ولا شكل وضحى المعصب

سكت فتره وهو يناظر فيني يبيني انحرج واروح .. هاذا بعدك

اروح

قال لها وهو يحك ذقنه – ماأقدر وضحى انتي تعرفين أحوالي

ماعندي شغل و تـ

قاطعته وضحى بثقه وعين قويه – ماهب شغلي .. شغلك

دبر نفسك .. الفلوس اللي تسكر فيها لمها وسو اللي ابيه

بسرعه ألتفت علي مايبيني اسمع .. بس انا ناظرت فيه بوقاحه

ومن فوق لين تحت .. حسيته انكسر .. وتمنى في هاللحظه

ماهب واقف معنا

احسن تستاهل بردتي خاطري ياوضحى .. بردتي خاطري يابنت

ناصر

تنهد بقوه وبزفره – افكر ( وجاء بيروح )

وضحى ناظرت فيه وهي متكتفته – مو بس هاذي شروطي

ألتفت عليها ببرود – وش بعد باقي

قالت وضحى وعينها مخزوزه بعينه – لاترد لي وانت ضعيف

شخصيه وامك تمشي امورك .. واعرف اني مستحيل ارد لك وانت

عاطل باطل .. وابوك وامك هم اللي يصرفون علينا ..لا ويذلوني

بعد

راحت وضحى هالمره وهو واقف يناظرها .. حسيت وضحى ماهب

وضحى اللي أعرفها .. صحيح اني ماعلمتها غير عن الشرطين

الأولين .. بس وضحى واضح انها انكسرت كثير من عمشوه

وهالعم اللي محسوب علينا

دخلت انا وإياها البيت .. شفنا منيره في وجهنا .. وموضي

جالسه معها .. كشرت وضحى .. وجلست وحطت رجل على رجل

قالت منيره – من الي جانا سمعت صوت سياره

ناظرت في وضحى .. ثم قلت – ماهب عندنا

وضحى – فهيد جاء وراح

رفعت موضي عينها تناظرنا .. والأخص تناظر وضحى .. بادلتها

وضحى نظره ناريه .. خلت موضي تنزل عينها غصب عنها






في الليل

رفعت عيني لعمي اللي واضح الترجي في عينه .. دخيلك ياعمي إلا

هالنظره .. خلاص نايف طلع من خاطري لأبيه ولا أبي ارجع إله

ياناس انا والله ماهب ساره اللي تعرفونها .. انا اكرهه كره لو

يجتمع العالم بيحاولون يمحونه ماقدروا

وقفت وعيني فيها قوه وتصميم غريب – طيب ياعمي بشوفه .. بس

عقب لو يطلع ابوي من قبره بنفسه يقول ردي له مارديت

حسيت ان الكل أنصدم .. كنا في صالة بيت عمي والجميع

فيه .. اختي وضحى مسكت كتفي .. وهند جلست جنبي

اما شيخه قالت – ياعمي ساره عايفته لاتجبرونه على الشين

حسيت عمي انكسر .. هاذي الحقيقه شيخه ماكذبت .. اما

منيره جلست وهي تتنهد وصقر وفارس جنبها

حسيتهم يناظرون فيني .. بس ماهموني .. لو ينقلب الكون

مارجعت له

وقف صقر وقال – انا بشغل السياره يبه .. وانت ألحقني انت

وساره

ناظرت في خواتي .. كنت اتمنى ذيك الزياره أخر زياره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2158
قديم(ـة) 12-06-2012, 04:13 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


لكن ( رفعت عيني في عمي اللي كسرني ) لعيونك بس ياعمي

وبيكون هاذا أخر طلب اسويه لك بهالموضوع







كل ماتذكرت مخططهم لقتلي وقتلها .. اغمض عيوني بقوه .. كانوا

يعرفون ان عندي مهمه بعد يومين .. وفي هالمهمه كانوا ناوين

ذبحي .. بس الأبشع طريقة قتلهم لها هي لنـــــــتتور المسكينه

اللي ظلمتها كثير .. كانوا ناوين يقتلونها بأبشع صوره

خصوصا عقب ماعرفوا انها خذت الملف .. بس شكلهم غيروا

الخطه وهم يسحبونها لطريق صحراوي .. كيف كانت طريقة

قتلهم هاذا اللي ماعرفته .. بس اوعدهم واحد واحد منهم أدخله

السجن .. واللي يبرد خاطري اني وقفت عند أهم مسؤول مشترك

في هالعمليه .. هالمسؤول اللي كان يوقفون جنبه حرس وخدم

وحشم .. ماهب نافعينك .. بتخيس في السجن إن شاءالله

اما البقيه أمرنا انه يتم ضبطهم في نفس الوقت .. ضمان انهم

مايهربون من السعوديه

ركبت سيارتي بعد ماتأكدت انه ركب سيارة الشرطه .. وكلمت

نور اطمنها .. نور اللي معاد أقدر احط عيني في عينها ..

ظلمتها كثير للأسف

كانت مستانسه وانا اخبرها .. خلاص يانور هانت .. بنرجع

لبعض وبنعيش حياه طبيعيه .. خاليه من كل خوف .. هم

قلق .. وانتظار لبكره .. إن شاءالله ان ربي بيمد في عمري

وأحصل الوقت اللي اعيشتس مثل كل المتزوجين







ناظرت فيهم وهم بيدخلون معي .. بس وقفتهم بيدي

وقلت – اسمحلي ياعمي انت وصقر .. خلوه بدخل بروحي

حسيتهم استانسوا لفكرتي .. يحسبون اني براضيه ولا بداري

عليه .. مادروا باللي يدور في راسي

تركتهم وفتحت الباب ودخلت

شفته صاحي ويقرأ قران .. أكبر صدمه .. نايف يقرأ قران

سكرت الباب وراي .. وحس في الصوت .. ألتفت وكانن في

عيونه الصدمه القويه

قال – صدق الله العظيم ( وسكر المصحف .. وحطنه في حضنه )

قربت له .. وعيونه مافارقت عيني

ناظرني بحزن .. ثم ابتسم لي

سكت ماابتسمت له .. وقفت عند الجدار وقلت – يقولون تبيني

شفت في عينه الترجي – وعرفت انتس ماهب مخيبتني

ابتسمت بسخريه لكلمته وابتسم هو .. يحسب اني ابتسم له

قال وهو يناظر فيني ويمد يده – قربي ساره

ناظرت في يدينه الممدوده .. قربت له ماعارضت .. وكنه

ماصدق اني قربت .. سحبني وجلسني جنبه

بدأ يلعب بشعري وخرت يده – وش تبي نايف ؟؟

ناظر فيني وأحس عيونه بتأكلني وقال لجرأه – ابيتس

ضحكت بسخريه وعيني في عينه – ياوقحك

حسيت ابتسامته اختفت .. ووجهه انلفع .. رفع حاجب – ليش

تقولين هالكلام ساره .. تعرفين اني تغيرت .. وبنبدأ حياه جديده

حياه حلوه .. حياه بنكون فيها أسره

رددت وراه بسخريه واضحه في صوتي – أسره

ناظر فيني فتره – ايه أسره ( مسك يديني بترجي وباسها )

وقال وهو يمسك يديني بتملك وانا تاركته على راحته – اعرف

انك مصدومه فيني .. حتى مصدوم بنفسي .. ساره انا معاد أقدر

اعيش في دنيا انتي مو فيها معي

ياربي على الكذب .. حتى لو كنت صادق .. رجعتك تأخرت تأخرت

كثير يانايف .. رجعتك يوم صارت انا رجع لي عقلي .. انا تراني

ماهب البنت اللي طاشت وحبتك .. انا البنت اللي انت بنفسك غيرتها

انا اللي عانيت وعانيت وعانيت .. صحيح كنت خطأ .. بس انت اللي حديتني

على الخطأ .. انا مشيت في الواقع .. وانت اللي عيشتني في السراب

انا اللي حبيت وانذليت وانهنت .. انا اللي انجريت للخطأ
بالجهل اللي فيني .. جهل يمر كل بنت

بس انا غير كل بنت .. انا اغتصبت بطريقه وحشيه .. وانا
انذليت بصوره بشعه

مانسيت أي كلمه قلتها لي قدامهم .. مانسيت وانت تقول فتره وأطلقها


رفعت صوتي وانا أعني هالكلمه بكل حرف – لاصد قلبي صد من دون رجعه






( لي لقاء معكم بإذنه تعالى ,, يوم السبت القادم )

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2159
قديم(ـة) 12-06-2012, 04:20 PM
صورة عاشقة كبريائه الرمزية
عاشقة كبريائه عاشقة كبريائه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


بآرتآت روعة مع إني توني في البدآية
تقبلي مروري ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2160
قديم(ـة) 12-06-2012, 04:28 PM
صورة halaoy الرمزية
halaoy halaoy غير متصل
©؛°¨غرامي مشارك¨°؛©
 
الافتراضي رد: رواية لا صد قلبي صد من دون رجعه / بقلمي


بارت روووعه

عجبتني وضحى بقوه يستاهل فهيد

ومتحمسسه اعرف شنو بيصير لساره ونايف ونور وضاحي


يعطيك العافيه
والسبت احسسسسسسه بعيييد

يلا مش مشاكل ننتظرك

الرد باقتباس
إضافة رد

رواية لا صد قلبي صد من دون رجعه / بقلمي ، كاملة

الوسوم
لاشي , بقلمي , رجعه , رواية , رؤؤعه نوره نايف , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 01:35 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1