اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 12-09-2011, 07:07 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


هتان الورد
مشاءالله وعيني عليك بارده اسم على مسمى اعجبني شعرك
وذائقتك الحاسيه
بطلب منك طلب ان كنتي تكتبين شعر تراسليني ع الخاص
إذا يسمح وقتك .. وشاكره لك كلامك المبدع

؛BELLA MARIA؛
ياحيالله هل ليبيا فذمتي ذمه اني احبكم حب يشهد فيه ربي واتمنى تنتهي ازمتكم
وترد ليبيا الحره الآبيه اللي نعشقه كثير
فديتك يالغلآ كلامك احرجني .. وإن شاءالله هالروايه تحوز على رضاك وذايقة
سموك .. واتمنى تتواصلين معي للنهايه .. وجودكم مهم عندي

من فهمني ملكني
انتي اللي آهلين فديتك والله .. وانتي الآبداع وكلامك الذوق مو غريب انتي
آهل له عزيزتي .. شاكره لك تواجدك وحضورك اللي زاد الروايه إبداع

المها النجديه
هلآ فيك عزيزتي .. توقعاتك روعه انتي تابعيني وبيرضي فضولك وكلامك جميل ورائع
كروعة تواجدك وياي .. شاكره لك كثير كثير .. وخليكم وياي في خطواتي
الاولى حتى نتماسك ونشد بعضنا بعض لاني محتاجه لك يالغلآ

روح زايد
يامرحبا اباك والله قسم بالله اشتقت لك شوق ربي هو اللي اعلم فيه
اكيد القوانين حافظينها وموغريبه على هالمكان انا .. والله يوفقك يالغاليه
والجميع إن شاءالله والقسم منور من زمان من حليتي مشرفه عليه


Ņṩєэṫ aήśảқ
آهلن آهلن .. نور القسم ومرحبا اباك .. وخليك وإيايه وتابعيني
محتاجه لوقفتكم الحلوه .. ومشكوره كثير على الدفع المعنويه الجميله

اميره بكلمتي ياناس
وانا هم وإياك وإياك الله لايعوقني انا وإياك والقراء بشر
شاكره لدفعتك المعنويه الجميله .. وخليك ويايه وتابعيني

تفاحه مجروحه
فديت منطوقك الذوق .. وانا متحمسه لردودك الحلوه اللي تغدقيني فيها

meme.hom
الله يوفقك حبيبتي .. خليك ويايه وتابعيني
وشاكره لك كثير


وفقني وإياكم الله .. وهمتكم وهالله هالله في الردود سواء إيجابيه او حتى سلبيه
انا اتقبل النقد بشرط الهادف مو الجارح

.
.

سهم المملكه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 12-09-2011, 07:11 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية لا صد قلبي صد من دون رجعه / بقلمي


ياهلامن المقدمة واضح انو الرو والله بعودتك سهومة ..........ومبروك مولودتك الجديدة .......من المقدمة واضح انو البنات جايتهمك مأسي وظلم اعظم من الي عاشوه بعد موت ابوهم وبيكون الظلم من اهل ابوهم وبالخصوص جدهم الي شكله حنون على غيرهم بس معاهم راح يكون وحش

واضح انو زواج ابوهم من اجنبية وبدون رضى اهله هو سبب القطيعة وبعد هاليوم بياخذهم جدهم وبيحط عقابه عليهم الي ماقدر يسويه بأبوهم

الله العالم ايش بيسوي فيهم وكيف بيعيشهم بس كلامك يحمل الكثير من المفاجأت المؤلمة والموجعة لقلوبهم الصغيرة وانو دموعهم ماراح تنشف لما هو قادم


يمكن فيهم القوية المتماسكة بس اكيد فيهم ذات القلب الرهيف والحساس ....... لكن السؤال هل معاناتهم بتنتهي بحزن او سيكون للفرح جزء من حياتهم المتبقية

متشوقة لمعرفة ماينتظر مصير هاليتيمات على يد جدهم والبقية ممن يشاركوهم في دمهم .....

في انتظار البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 12-09-2011, 07:18 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


بسم الله الرحمن الرحيم .. كيف الأحوال إن شاءالله تمام
.
يامرحبا فيكم .. والله نورتوني وشرفتوني ..ووالله يشهد الله علي اني
متحمسه لكم كثير وربي قدرني اني ارد واكتب لكم اللهم لك الحمد
ويارب ان الاعضاء الفاعلين في روايتي القديمه يردون لاني محتاجه لهم كثير
وقفتهم ماراح انساها لين يطويني التراب .. انتم تعرفون اني قرقر كثير والله
يعينكم على قرقرة سهم >> بس ترى قرقرتي فوائد اخسسس
المهم نجي للنقطه الأهم
قبل سنه تتذكرون في روايتي إصبعي وهو إصبعي كنت قايله لكم فيها ماراح
انزل الشخصيات دفعه وحده ابيكم تتعرفون على الاشياء البسيطه عشان
ماتتعقدون مع اني اشوف ان شخصياتي في هالروايه حلوه وسلسه غير عن إصبعي
بس برضوا اليوم والبارت القادم ويمكن اللي بعده اعطيكم كل شوي عائله
..
النقطه الأهم ارائكم انتقاداتكم محتاجه لها والاهم تعليقاتكم اللي تعطيني دافع
لنظرتكم عن كل شخصيه .. اللي بتقول مشكوره .. متى البارت القادم انا
مو محتاجه شكرها وتبشر البارت القادم اكتبه لها تحت كل نهاية بارت
اهم شي وقفتكم المعنويه ويا سهم
بس مستغربه من شي .. لين هالحين ماشفت حد من بني آدم ياليت يتفاعلون وياي
اتمنى ذلك

.
اتفضلوا البآرت
.
قرآه ممتعه
.
سهم المملكه
.
لاإله إلا الله



البـــــارت الثانـــــــــ ( 2 ) ـي


في الشرطه
ضرب المكتب بكفه – وكيف هرب منكم
العسكري – مادري ياطويل العمر كل اللي نعرفه انه من وصل هذاك الدوار ضاع وضيعنا معه
ضاحي – هالحين تسوون تعميم على كل الوحدات والنقاط انها تنتبه زين لانهم اكيد بيخرجون يصدرون هالبضاعه من برى الرياض
العسكري – ابشر طال عمرك علم
ضاحي – زين روح شف شغلك
العسكري دق التحيه وطلع .. جلس على مكتبه مقهور من هالعصابه اللي اشبه بحكايات الجنون كل ماطلعوا وعرفوا طريقهم .. اختفوا في لمح البصر .. بس هو لها وين بيرحون من النقيب ضاحي سعد



في الصالون الأحمر
ركبن وهن مستحيات من العم سعد ومرته الطيبه
العم سعد – يابناتي ولدي سليمان زهم علي ويبانا نتغداء عندهم وشرايتسن ونكمل الطريق عقب الغداء
شيخه بطيب نفس – اللي تبيه ياعم
نوره تهمس لها – ومرته جميله ولسانها الأعوج وعيون سليمانوه اللي تبصبص علينا وين نروح منها
شيخه تهمس وعاضه شفايفها – وشرايتس نتعب العرب ونقول لا اسمحولنا حنا هوانم برنسيسات ودونا للدوادمي .. انتي حماره ولا حماره صبري العجوز متشققه على ولدها والشايب تعب من الطريق
نوره – صدقتس صح



ركب محمد مع ابوه في السياره وشغلها
محمد – متى وصلك العلم ياابوي
ضاحي – قبل شوي كلمني خالد يقول اخته خبرته بهالعلم
محمد – انا ولد ابوي وماقدرت تصرفهن لين نوصل
ضاحي – يقول لا بس بيقدر يجيب اخبارهن ووينهن فيه
محمد – انا لها ياابو محمد بس هالحين وين تبانا نروح
ضاحي – رح لخالد مااني بمرتاح لين اعرف لهن طريق
محمد – على ماقلت يالغالي ولا حتى انا



عند الابل
فهيد وهو واقف وملتف بشماغه من ريحتها .. وسعد يقرص عيونه في ولده – ماهي من هالمراجل اللي تسويه
فهيد فك الشماغ عنه وعطس – ابوي انا معي حساسيه الله يهديك ابي اعرف يعني ماتروح للأبل غير وانا معك
سعد وهو مقهور من ولده – بلاك والله داج وابي اعلمك السلوم اخوك اللي اصغر عنك يخوف بلد وهو ماسك قسم شرطه كامل
وانت داج ايد ورى وايد قدام فضحتني قدام العربان
فهيد تعب من هالاسطوانه اللي الكل يرددها على رأسه – افففف
سعد بعصبيه خوفت فهيد – اذلف اذلف لابركة فيك انت انت اللي بتموتني ناقص عمر رح الله لايردك
فهيد ركض بعيد عن ابوه ويلف شماغه زين عن ريحة الأبل




في بيت سليمان
سليمان يرحب بأمه وأبوه ويقرص عيونه في شيخه ونوره
وجميله عاصبه رأسها لانه محنيته ومغتاظه من شوفتهن
شيخه تهمس لنوره – عدال من زين هالرجل الكمخه اللي تحسب بنموت فيه ويأخذ وحده فينا
نوره – والله من قلة البخت اللي ماطرحه غير في ذا الحرمه
الجثه طول وعرض ووجهه يروع
شيخه مسكت ضحكتها – اششش لاتسمعك ثم تحطك ليمونه في غداها
نوره – اخخخخ ذكرتيني هالحين نبي نأكل من طباخ ذا الآدميه
شيخه – بسم الله عليتس توس تدرين
أم سعد – اقلطن اقلطن يابنات ( وهي ناقده على تصرف جميله اللي مارحبت فيهن )

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 12-09-2011, 07:20 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


في بيت ضاحي بن فهيد
نزل فارس مع الدرج وهو يدندن .. شاف امه وسعد جالسين وسعد يحاول يفهم من أمه علم .. ومنيره ماهي راضيه تقول
فارس – السلام عليكم وصباح الخير ياام فارس
سعد لف فمه – اففففففف انت مالقيت تنزل غير هالحزه
فارس بتساؤل – افا ليه وش صاير
سعد – يمه يالله قولي
فارس – وش تقول
سعد – انت انطم لين افهم العلم واعلمك
منيره – وش اقول مثل ماسمعت ابوك عندكم بنات عم ولايعرف لهن طريق
فارس جلس وهو مفهي – بنات عم .. عمي من
منيره – عم مات من زمان عمكم ناصر ماتعرفونه
سعد بتساؤل – عمي ناصر لنا عم اسمه ناصر
منيره – ايه واسكتوا خلاص وانتبهوا لايدري جدكم لانه مايبي يسمع لعمكم هاذا طاري
فارس – ليش وش مسوي عمي
منيره طفشت ووقفت – اففففففف خلاااااااااااااااااص لاتقلبون المواجع لاوصل ابوكم اسألوه هالحين لاتسألوني بروح لغداي لاني نسيته على النار
فارس – اموت واعرف وش قصة هالعم
سعد ناظر فيه بنص عين – يالله امسكوا الفضولي عاد ليش انت هنا ورى مارحت جامعتك
فارس – ماعلي محاضره اليوم افففف لازم تغثني بهالطاري
قام سعد من الصاله .. وطلع فارس جواله ودق على اخوه نايف
نايف اللي خلص إشراف على المرضى وهو في السيب يمشي
فتح الخط – هلا
فارس – المهلي انت وينك
نايف – في المستشفى يعني ويني بالله
فارس – انت دريت
نايف بتساؤل وهو معقد حجانه – عن
فارس – طلع لنا عم اسمه ناصر
نايف بسخريه – صدق والله توك دريت يالله ضف وجهك
فارس – يعني انت تدري
نايف – ايه ادري يالله فارقني وراي عمليه
فارس – زين لاتزف مادري متى تطلع هالنعره الكذابه اللي فيك
نايف – لامنك خليت اللقافه اللي فيك اتركها
فارس وهو لاوي براطمه – زين مع السلامه
نايف صكر من دون مايقول شي
فارس – دائم انت في وادي والعالم كله بوادي يانويف



قبل خمس سنين من هالوقت
محمد بعصبيه – ياجدي اللي تقوله ماينتصدق كيف ماتبي بنات ولدك
فهيد بصوت عالي واللي بالعاده يكون هادي ورزين – اللي سمعتوه ماابي إلهن طاري انا طردت ابوهن قبل خمس وعشرين سنه عقب ماشوه سمعت آل قاسي بسواته
ضاحي يمسك ولده – محمد اطلع وخلني مع جدك وعمك
محمد وهو مقهور – طيب
طلع وسكر الباب وراه
ضاحي – يبه ليش مو راضي تنسى وتسامح هاذولي بنات ولدك
اللي من صلبك كيف ترضى يهيتن ونحن عايشين
فهيد – ابوهن رضى إلهن بالمذله
سعد – ياابوي ابوهن غلط واخذ جزاه يوم طردته بس ابوهن مات وحنا ياعمامهن عايشين
فهيد – انتم كيف تبون تجيبوهن وتعيشوهن وسطنا وأمهن هنديه شغاله
ضاحي – ابوهن حب
فهيد قاطعه – اقطع اقطع سود الله وجهك كيف تقول ذا الحكي قدامي منهي بنته ولا ويش تصير ولا من جايبها لاهي من سلومنا ولا عاداتنا شغاله كانت في بيتي وتصير حرمه لولدي
يخسي مب ذا ولد اللي باع سمعة هله وداسها في التراب
صكروا على ذا السالفه اللي يالله لملمناها ولايطلع هالعلم لأحد
ضاحي – ومحمد اللي عرف طريقهن
فهيد – قله ان جاب ذا البني عندي ينسى انه من صلب فهيد آل قاسي ويبيع سلومنا ويتبع بنات الهنديه وابوهن الأجرب



في الوقت الحاضر
في السياره .. على مشارف منطقة الدوادمي
ام سعد – امسحنها في وجهي يابناتي هاذي جميله وهاذي خلاقينها لاتقدر احد ولا تحترمه وهاذا اللي خلاني انا وعمتسن سعد نترك الرياض ونجي نعيش في هالقريه ويبيع ويشتري في ذا الغنم كله ولا منتها
شيخه – افا ياعمه حنا بناتك وجميله ماتنلام تخاف على رجلها وعاذرينها ياعمه
ابو سعد اللي انبسط من ردهن – الله يكملتسن بعقولتسن يابناتي انشهد ان امتسن ربت يوم ربت
شيخه بحياء – الله يسلمك ياعم ويرحمها



في بيت خالد الساطي
ضاحي – وماعرفت وين بالضبط في الدوادمي
خالد – لا اختي تقول انهن قالن حنا عايشات في الدوادمي وبصعوبه يقدرن يجن هنا ويبن تاريخ طويل عشان مايتعبن في الأوراق وتعديلها
محمد بقهر – ومن جايات معه
خالد – تقول اختي ان معهن حرمه كبيره في السن ومعها ولد صغير
محمد وقف بقهر – يالله يبه مشينا
ابوه يناظر فيه – على وين
محمد بغبن وقهر – بحطك في البيت وبتكل على الدوادمي واكيد بعرف طريقهن مو من كبر الدوادمي
ابوه – خله لين الصبح وبنروح سوى
محمد اللي مقهور ان كل العالم عرفت بسالفتهم – لا انا اللي بروح اجيبهن وانت ارتاح
ضاحي ينفث لهواء اللي بصدره – اللي تشوفه وانا ابوك بس جدك لايدري
محمد – طيب



قبل خمس سنين
انصدم وصكر السماعه وهو مفجوع – ( يالله لنا عم ولا نعرف عنه .. من وين طلع من وين
دخل عليه العسكري – طويل العمر الحادث اللي قبل شوي يقولون انه هو وزوجته توفوا
زادت الفجعه عليه – ايششششششششش ماااات
العسكري حس ان فيه شي – طويل العمر فيك شي
محمد – لا اتكل شف شغلك
بعد فتره
وعقب ماعرف كل شي عن عمه .. وعن بناته
اخذ جواله من مكتبه وطلع عند جده .. وكلم ابوه يسبقه هناك .. وصل القصر حق عمه
لقا جده فهيد وعمه سعد في مجلس الرجال .. وابوه معهم
محمد بصدمه افجعتهم – اخوكم ناصر يطلبكم البيحه
بان الصدمه عليهم .. والصدمه الأكبر ان الشيخ فهيد صرخ بوجهه محمد – اقطـــــــــــــــــــــــــــــع ماعندنا ولد اسمه ناصر
محمد بسخريه – اجل اللي قريته في الورقه صح ا نلك ولد اسمه ناصر بن فهيد آل قاسي
قرب الشايب منه وعطاه كف – انا قلت لك اسكت اسكت
محمد انصدم من هالكف اللي يطلع من شيبه باين ان ظيم الدنيا فيه
محمد عشان ينتقم من الكف ويكوي فيه جده مثل ماكواه بهالكف
( لان محمد قوي وله هيبه تخووووووف جيوش .. ومايرضى احد يغلط عليه )
محمد بقهر – اجل اسمعوا الصدمه ترى عنده خمس بنات ومابينهن ولد كلهن بنات بناااااااااااااااااات ولازم يجن هنا مالهن
والي ومستحيل نخليهن
كلهم انصدموا من اللي سمعوه
ضاحي – وانت كيف عرفت
جلس محمد وحط رجل على رجل – اظاهر نسيت اني في الشرطه واني اعرف قبل أي احد كلمنا احد يقربله طلع وحده من بناته وعرفنا ان مالهن احد
وقف – ايه صح نسيت ان لهم هنا عائله ومو راضيه تعترف فيهن
فهيد يضرب بعصاه الأرض بعصبيه – ومستحيل نعترف فيه وفي بناته
محمد بعصبيه – ياجدي اللي تقوله ماينتصدق كيف ماتبي بنات ولدك
فهيد بصوت عالي واللي بالعاده يكون هادي ورزين – اللي سمعتوه ماابي إلهن طاري انا طردت ابوهن قبل خمس وعشرين سنه عقب ماشوه سمعت آل قاسي بسواته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 12-09-2011, 07:21 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


وصل البيت واستقبلته بنته
خلود – بابا انت جيت تعال شوف خلودي ضربني
محمد بتعب كشر في وجهها .. ضاحي ناظر في ولده واللي يسويه في عياله
ضاحي – انا بضربه حبيبتي بس خلي جدتك تحط الغداء
خلود – طيب ياجدو ( وراحت لجدتها )
ضاحي – على فكره تراني لين هالحين ماسك نفسي خاف الله
وارحمهم تراهم ضعوف هاذولي عيالك متى بتفهم
محمد بعصبيه – ياابوي مااقدر كل ماشفتهم ذكرت وجهه امهم الشؤم فيهم مريموه حسبي الله عليها
ضاحي – وهم وشذنبهم فيك وفي امهم ترى امهم بعد ماتبيهم ولا انتوا تجيبون العيال ثم كل واحد منكم كف يده
محمد بهم – خلاص انا بروح احضر شنطتي وبنزل اتغدا واتكل
ضاحي – زين قواك الله
طلع محمد للدور الثاني واتجه على غرفة اخوه صقر .. طق الباب ودخل .. شاف انه يزر البدله العسكريه
محمد – بتطلع
صقر وهو مشغول في بدلته – ايه زهم علي خلفان يقول ابو سالم يطلبك يوم عرف انك وصلت لان فيه مهمه مايخلصه ولايقدر عليها غيري على كلامه
محمد – وماعرفت وش هي هالمهمه
صقر اتكى على رجل عشان يلبس الجزمه ( الله يكرمكم ) – لا ماعرفت
محمد – يعني ماتقدر تروح معي
صقر رفع عينه – لوين
محمد بسخريه – ترانا لقينا بنات عمك ناصر
صقر نزل عينه يكمل شغله – زين وش المطلوب مني
محمد بقهر – ياقوك ياشيخ اقولك بنات بنات لاوالي وهن ولايا على قولة المصاريه
صقر وقف على التسريحه يمشط شعره – جدي عرف
محمد يجلس على السرير – لا وانتبه لايشم خبر انا وابوي بنجيبهن هنا في البيت من دون مااحد يعرف
صقر حط المشط وضحك
محمد ناظر فيه – وراك تضحك
صقر – انتبه ترى في البيت جاسوس لاتنسى اخوك فارس
محمد – لا فويرس خله علي
صقر الطويل طول فارع يروع انحنى وحب خشم محمد – رح توكل قواك الله وان صار شي كلمني انا في الخدمه
محمد وقف – اجل بروح اجهز شنطتي وبنزل للغداء
محمد طلع ولحقه صقر .. دخل محمد غرفته
وصقر كمل الدرج .. قابل في وجهه نايف
صقر بسخريه – لا صاير في الدنيا شي مارحت لشقتك
ناظره نايف بنص عين وكمل الطريق
صقر كشر ابراطمه وكمل طريقه .. نايف وقفه – ايه بسألك
صقر وقف ولف رقبته بمعنى وش
نايف – صدق بنات عمك حصلتوهم
صقر عدل وقفته وقرب منه .. نفض بأصبعينه على معطف نايف – آه صح نسيت انهم بنات عمي لوحدي
نايف نزل يده وبسخريه – اعرفك انت واخوك محمد مهتمين في هالسالفه بقوه
صقر بقهر – اظاهر دراستك الخارجيه اللي قضيت فيها نص عمرك برى نستك الغيره على محارمك وخلتك ديوث
نايف رص صقر على الجدار .. صقر بسرعه لف يده ورأسه ولصقه بالجدار .. ونايف قام يئن
صقر – انت كيف تسمح لنفسك تمد يدك على صقر اللي حتى الجن هابه وخر عن طريقي نويف ولا والله اسوي شي ماابي اسويه فيك
نايف بتعب – زين فك يمال الجدري هب مو بيد ذي عجرى
صقر فكه – رحمتك بس المره الجايه عدها وشف صقر وش يسوي فيك
نايف بإستحقار – هه تهديد زي وجهك
وراح متجهه لجناحه .. وصقر مسك نفسه لايلحقه ويمردغه في الارض



دخل جناحه وحذف معطفه وانسدح على سريره .. ورجعت فيه الذاكره لبعيد شوي
ايام مكان متخذ صقر مثاله .. كان يحب يسوي مثله ويقلده في كل شي .. حتى كان يتذكر انه كان يبكي إذا ماجت شنطته مثل شنطة صقر اخوه من كثر مكان مفتخر فيه
تذكر اول يوم درس فيه كان يبكي يبي يصف مع صقر اللي كان ذيك السنه يدرس ثالث إبتدائي بس المدرسين رافضين
تذكرانه بكاء بكا موطبيعي لين خلوه يصف معه ودرس في صفه بعد
بعد فتره شوي من هالفتره
تذكر المتوسطه وهوشته مع واحد من العيال وقام مع هاللي يضاربه خوياه وهو لوحده .. تذكر صقر وقوته يوم ضربهم والعيال يوم هجوا من عرفوا ان صقر اخوه لانهم مسمينه الجني
محد يجي يمه و يمشي معه من خوف العيال منه بس إن ثار قلب المدرسه قلب حتى المدير براسه يخاف منه ويومه الأسود اللي يعاديه لانه يسوي اشياء ماتخاطر براس احد ابد

بعد هالفتره بشوي يوم تخرجه من الثانوي وحلمه يسافر برى ويدرس الطب
كان صقر الوحيد اللي يقنع اهله اللي عاداتهم وتقاليدهم راصه شوي عشان يسافر يدرس برى .. ومحمد مو مقتنع بهالفكره ذاك الوقت بس صقر اللي اقنع الجميع بما فيهم الجد واقترحوا بعد ان فهيد ولد عمه سعد يروح معه
انبسط وقعد يتذكر ماخلى شي ماشراه قبل لايسافر ذيك لفتره .. وسافر هو وفهيد مبسوطين .. فهيد اول الفتره اخذ السالفه لعب
ونايف مكان عاجبه وضع ولد عمه .. لين مل فهيد وقال برد للسعوديه .. وودع نايف
لما تذكر نايف عقب كل هاللي صار زفر بضيق .. وحس بالدمعه على وشك الهطول .. قام من سريره وفصخ بلوزته
واخذ الفوطه .. وخش تحت المسبح البارد اللي يقي من حر صيف الرياض



في الدوادمي
وصلن البيت استقبلتهن هند وساره في حوش البيت الشعبي البحت .. لدرجة حتى ارضيته تراب مو بلاط
شيخه – السلام عليكم
ساره وهند مبرطمات
نوره تناظر فيهن – وش فيه وش صاير
ساره الملسونه – اللي صاير انكن ياهوانم تروحون للرياض ولا تخبرونا
شيخه عصبت – لا عمتي ساره تعالي عطيني كف بعد ازين
ساره صكتت
هند بلقافه – كيف الرياض حلو شكلها
نوره – وش بنشوف يعني ترى من الدوادمي للضمان ومن ضمان لبيت سليمانوه اللي يسمعتس يقول خذونا وفرفروا فينا الرياض كلها
ساره – وعوووووووووه رحتوا لجميلان وسليمانوه الحمدالله اجل اني مارحت
شيخه – استغفرالله ياربي انا بروح ارقد ( وقفت ) وينهي وضيح
هند – وينهي يعني تراها تردح في المطبخ
شيخه بققت عينها – عيب استحي وش تردح ترى عندها طلبيات احمدوا النعمه اختنا الكبيره وشايله مسؤولياتنا
ساره – انا اشوف اللي شايل مسؤوليتنا انتي مو وضيح فلوس وضيح تروح ....
قاطعتها شيخه – ضفي هاللسان اللي يلوط الأذان لاتسمعتس ثم والله والله ياساره لو يوصلها اللي تقولينه اني لأذبحتس ناقصة عمر
ساره بخوف – خلاص خلاص فهمت

.
.

موعدنا القادم بإذنه تعآلى
يوم الخميس القادم .. خليكم وياي تابعوني


آخر من قام بالتعديل سهم المملكه; بتاريخ 12-09-2011 الساعة 07:27 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 12-09-2011, 09:01 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: رواية لا صد قلبي صد من دون رجعه / بقلمي


السلام عليكم ورحمة الله

الله حيووو.... سهوومتي~

انا طيبة طاب حالك ^^

ي الله مووفقة ...بطرحك بهذه الرواية وان شاء الله اكون متابعة فعاله من البداية حتى النهاية ^_^


والان الاحداث بدأت تولع وتسخن.
....

ويسعدني اكون اول رد ^^



محمد..........
واضح انه عانى بزواجة الاول من مريم<<اللي مااتوقع تكون من قرايبه ممكن من المعارف
على العموم

اكيد بيتزوج وحده من بنات عمه واخوه صقر كذلك

نايف.....
واضح انك مجرووح من صقر ياترى مالقصة التي حدثت بالماضي وسببت هالشرخ بعلاقتك ب اخوك

صقر واضح انه شخصية قووية ومااتوقع تكون سيئة.......
<<ماادري ليه خطر ببالي انه كان نايف يحب وحده ونفسها يكون اخوه صقر يحبها<<احتمال جاء بمخيلتي وماحبت احتفظ فيه حتى لو كان خاطئ خخخخخخخخخخخخخخخخخخ



^^
واما بالنسبة للبطلة(سميتي) لحد الان
جالسه اعمل مقارنة ب الابطال واشوف ايجابياتهم وسلبياتهم و اي بطل يستحقها هههههههههههه

وممكن وضحى تكون من نصيب محمد<<او ممكن شيخة اللي تكون من نصيب محمد<<ماادري احد هالثنتين احسها بتعرس على محمد

وممكن لا ^^



وبالنسبة للقطاعة اللي عملها الجد وفرضها على عياله
انا معارضتها حتى لو ولده بنظر اخطأ ....ومايخطأ هو كذلك اكبر من خطأ ولده بقطاعة الرحم
مهما كان البنات شاء ام ابى يظلووون حفيداته يحملن اسمه




الله يستر لما يعرف ب امرهن الجد وانهن ببيت ولده
وومكن بهالحالة والمشاكل اللي بتصير
محمد
لآجل يوقف بوجه جده بيعرس على بنت عمه<<احلفي هههههههه

<<اذا ماتوقفت الى هنا كل دقيقة بكتب احتمالات وتوقعات هههههههههه


يللا نحتريك يوم الخميس على شوووووق

حفظك المولى



عوافي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 12-09-2011, 09:19 PM
صورة من فهمني ملكني الرمزية
من فهمني ملكني من فهمني ملكني غير متصل
©؛°¨غرامي مجتهد¨°؛©
 
الافتراضي رد: رواية لا صد قلبي صد من دون رجعه / بقلمي


تسلمين سهومه
اتوقع انه ضاحي ومحمد بياخذون من البنات واكيد بيطلعون كل عقدهم عليهن الله يعينهن
بس من جد مو مبرر للجد انه يترك بنات ولده بروحهم حتى لما عرف بموت أبوهم وهو يدري انهم بنات مابينهم رجال يعينهم ويشيل مسؤليتهم وجايين عقب هالسنين بكل قوات عيت يقولون عرفنا وين كانن فيه هايتات عدال اللي يسمعهم يقول انهن منحاشات منهم وهن ماجابن خبرهم
بس ممكن طلب يالغلا ياليت في البارت القادم تحطين تعريف بالشخصيات والاعمار عشان توضح الرؤيا أكثر

جوريه مني لروحكـ العطره
" من قهمني ملكني "

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 12-09-2011, 10:27 PM
صورة عبق اللرياحين الرمزية
عبق اللرياحين عبق اللرياحين غير متصل
©؛°¨غرامي متألق ¨°؛©
 
الافتراضي رد: رواية لا صد قلبي صد من دون رجعه / بقلمي


السلام عليك ورحمه الله وبركاته
حي الله سهومه ياهلا والله وغلا تو مانور المنتدى يالغلا
يااااالله وش كثر فرحتي يوم شفت اسمك على الروااااااايه
قلت اكييد رائعه زي الي قبلهااااااااااااا وفعلا ماخاب ضني
ابداااااع ابداااااااااااع الله لايضرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 12-09-2011, 10:36 PM
صورة أمــــل الرمزية
أمــــل أمــــل غير متصل
خسَرتْ أغّلَى سنِيّنْ العُمر أدَورّ بَعضِي المَفقُود
 
الافتراضي رد: رواية لا صد قلبي صد من دون رجعه / بقلمي


تسلمين سهومه هذا من ذوقك والله


نجي لالبارت

بدات الشخصيات في البروز

محمد


شخصيه غيوره جدا حريص على محارمه باين انه تزوج وماكان يحب زوجته
ويمكن يفكر يتزوج وحده من البنات يمكن تكون وضحى لان احس انها طيبه
وهي تناسبه
راح ينصدم من الواقع اللي عايشينه بنات عمه وبتاخذه الحميه ويجيبهم بس الجد لما يدري بيسكت
ةالا عيال العم بيكون لهم كلمه المره هذه


صقر

بجد شخصيته عجبتني مره< عاد ناس تحب تزوج> شيخه تناسبه كلهم اقوياء


نايف


فيه سبب ولا قوي اللي خله يكره اخوه لدرجه هذه
بعد ماكان قدوته
بس ايش هو يقال ابحث عن المراءه ياترى بسب حرمه والا ايش

الجد


معقوله قلبه قاسي لدرجه انه يضرب محمد عشانه دافع عن بنات اجل اذا جاوا وش راح يصير

مااعتقد ان البنات بيوفقون على الجيه الا بالغصب بس وش هو الغصب اللي بيخليهم يتنازلون ويرحون عند عمهم

دمتي مبدعه

ودام لنا نزف قلمك المبدع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 13-09-2011, 06:44 AM
صورة تآج آلورد الرمزية
تآج آلورد تآج آلورد غير متصل
©؛°¨غرامي فعال ¨°؛©
 
الافتراضي رد: رواية لا صد قلبي صد من دون رجعه / بقلمي


صراحه البارت كان يهبّل من الاخير

وفي اشياء اتوضحت أكثر من الأول ..

يعني العم يبي بنات اخوه هو وولده محمد وصقر وكمان الجده اعتقد
إنها تبيهم عشان كذا ماخبروها بالسالفه>راح أضبظ اللغه تبعكم هع~

الموهيم : أتةقع إنوّ محمد راح يتزوج من بنات عمه بس بدون حب(مربيه)
بس مع الوقت راح يحبها

وصقر أحس فيه غموض مدري ليش

ونايف راح يتمسخر على بنات عمه وان امهم هنديه >>رأي شخصي

بس في شئ حاملوا نايف على أخو صقر مدري وش هو

والجد ~ مااعرفله الحين يمكن بالبارت الجاي أقدر اعرف وش تفكيره..

وأخيرآ وليس أخرأ .:؛ أهنييك حياتوا

وراح أنتظر يوم الخميس على أحر من الجمر




الرد باقتباس
إضافة رد
الإشارات المرجعية

رواية لا صد قلبي صد من دون رجعه / بقلمي ، كاملة

الوسوم
لاشي , بقلمي , رجعه , رواية , رؤؤعه نوره نايف , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6811 28-11-2017 09:13 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 07:08 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1