اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-09-2011, 10:32 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رواية لا صد قلبي صد من دون رجعه / بقلمي ، كاملة





بسم الله الحمن الرحيم ..

( والسلآم عليكم وحمة الله وبركاته)

..
مهما مرت الايام ,, وفرقتني عنكم ,, فلا احد يستطيع ان يغلق قلمي ,, ويحجب اصابعي لتعبر عما يحمل داخلي
من شوق لكم ,, هاأنا أحباب قلبي أعود لكم بروايه تحمل سطور حزينه وبرواية تدور في مجتمع مخبئ
لانعرف عما يدور فيه سوى مانسمعه عن أقاربنا ,, ولكن هناك أبواب تقفل لايستطيع أحد ان يعرف مايحصل داخلها
ربما تكون روايتي من أحدى قصص تلك الأبواب المقفوله
...
كنت ومازلت فخوره وانا أرى الاراء والاقلام تشجعني .. تتساقط
دموعي فرحا مما اقرأه وفيه أغبط من مدائحكم لي
أتعلمون !!
لم ولن اعتقد ولم يدور في مخيلتي ان أخوات عربيات من دول عربيه
يقرأن روايتي عندما رأيت ذلك .. حمدت ربي كثيرا .. ماكنت اود قوله وصل إلى أذهان اخواتي بنات حواء لا بل تعدى بأكثر من ذلك
لقد اثنوا علي بنو آدم كثيرا
لذلك اشكر الصنف الخشن قبل الصنف الناعم ( شكرا لكم )
...
في رواية إصبعي وهو إصبعي ] وصلت رساله مضمونها وحروفها
(( ان مهما بلغت قوتك ياأبن آدم مصيرك للعش

مهما طار طير وارتفع إلا كما طار وقع ,,,




احيانا تجد الفتاه نفسها في مواقف لاتحسد عليها .. تضطر انها تغير شخصيتها بل تركيبتها كأنثى كي تحصل على ماتريد
لذلك هن فتيات عشن القسوه .. الظلم .. الاجحاف
ليس ممن يتبعن اسمه بعد اسمائهن لا فهاذا الشخص قد غادر الحياه .. هاذا الظلم يحصل من يحملن اسمه بعد اسم ابيهن
وضحى - شيخه - نوره - ساره - هند
تعمقوا في الاسماء جيدآ .. من الوهله الآولى تقولون اسماء عاديه ليس فيها شي .. وكثير من نساء مجتمعاتنا متسميات بها
ولكن هنّ لسن كاغيرهن .. عشن تجارب مريره .. ووقائع أغرب .. وتسلط عادات وتقاليد مريره .. يجب ان يكتون بنارها السليط .. ويلسعن بسواطها المرير.. وتدق أخشمهن في الرمال حتى يرين ان الحياة مريره .. كمرارة وجود الرجل بينهن .. لسن هن من اختارنه بل هو من اختارهن (( ؟؟؟ )) أليس هناك علامة إستفهام توضع !!
اتريدون الجواب تابعوا معي لتعرفوا ماأقصد من حروفي وكلماتي في روايه أقل مايقال عنها انها ستجلب لي مشاكل غير عاديه ..

رواية

( لاصـد قلبي صـــد من دون رجعـــــــــه )
..


للكاتبـــــــــــــــــــــــــــــه $ سهم المملكه $


( لن أحلل ولن أسامح من ينقل هاذه الروايه بتغيير إسمي منها


هاذا وصلى الله وسلم على سيدنا محمد ( عليه أفضل الصلاة والتسليم


لاإله إلا الله
.
سهم المملكه $
.
( لاصد قلبي صد من دون رجعه )



الفصــــــل الأولـــــ ( 1 ) ....


أبشرك ماعاد يوجعني فراق
وأقسى وجع يزول بثواني
عودت قلبي لاحمل هم أوضاق
ارمي ولاأسال عن اللي رماني
وعودت نفسي للمتاهات ماانساق
ولاأسيل دمع عيني واعاني
خل الحياة تروح والعمرارزاق
يمكن معالأيام يضحك زماني


دخلت البيت وهي دايخه وراسها يعورها من لجلجة الحريم اليوم .. استقبلتها نوره وهي خايفه – زين انتس جيتي الحقي خالي موجود ومعه الخمه حقته
رفعت عيونها في وجهه اختها بغضب – وليش تخلينه يدخل يالهبله
نوره – والله مادريت انه دخل ساره الهبله خلت الباب فاتح يوم جت
شيخه بعصبيه – حسبي الله عليه والله لأطين عيشتهم اليوم







اقتحمت المجلس بعصبيه برجلها يوم دزت الباب اللي يعلق وبصعوبه ينفتح .. من كثر مرور السنين اللي شاب منها هالباب المسكين
رفعوا عيونهم لها وبقوة وجهه – ايس هازا كلام يالله يالله داخل
شيخه بعصبيه – يمال الضعفه يالخايس يالمعفن قم خم هالعفن اللي معك واذلف برى ولا والله لأكلم الشرطه
من سمعوا كلمة شرطه قاموا يرتجفون ووقفوا .. لان بعضهم مايحمل الأقامه
خالها – عيب سيخه انا خال انتي عيب كلام كزا
شيخه بعصبيه – اثرك تعرف العيب يمال الضعفه هو وش مقعدك في بيتنا كل شوي وانت مجمع علينا هالخميم نطرد ولا يفيد معك
خالها عبدالستار – هازا بيت اختي ( وينزله دمعتين ) لوهي موجود
انتي مايقدر كلام حق انا كزا
شيخه وفاهمه لحركاته – واختك مو فيه ودعت الحياه معاد لك شي هنا يربطك فينا
عصب خالها وتكلم بالهندي منها مسبه لها ومنه يجمع اصحابه عشان
يطلعون
طلعوا وصكرت الباب وراهم بقوه .. وتأففت تلاقيها من وين ولا من وين
جتها نوره – هاه راحوا
شيخه وهي تمر من جنبها داخله لداخل – ايه ذلفوا .. وينهي وضحى
نوره – خذت هند وراحوا للسوبر ماركت
وقفت شيخه وناظت في نوره – وش عندهم !!
نوره وهي تجلس على الارض وتسند ظهرها على المسنده الباليه – راحت تجيب اغراض الطلبيه
شيخه جلست جنبها وقربت الشنطه تعد الفلوس حقت البسطه
نوره – طلعتي شي اليوم
شيخه وكأنها تتذكر العجوز اللي تهاوشت معها – عجوز زطيه كل
اللي طلعت فيه منها مئة ريال يمال الضعفه وكأني مااستفدت شي
اللي خذيته بعته عليها بنفس السعر
نوره – ووراتس
شيخه – وش اسوي اضطر احيانا يوم تمر الساعات ومايجيني احد
اضطر اني اضحي


آخر من قام بالتعديل ♫ معزوفة حنين ♫; بتاريخ 31-01-2012 الساعة 06:57 AM. السبب: اضافة وسام التميز =)
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-09-2011, 10:33 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية \ لاصد قلبي صد من دون رجعه .. بقلمي


ابتسم يوم شاف اخوه مقبل ووقف في مكانه
ضحك صقر وهو ينزل من السياره يوم سمع اخوه يرحب فيه – يالله حي هل المقناص وش غنايمك
صقر – الخير مليان انت بس تعال ساعدني
محمد ضحك – لا دخيلك توني متسبح ومبدل معزوم
صقر – وين !
محمد – بيت ضاوي بن محمد
صقر – اها
محمد – ناد بابو يساعدك والشغالات فيه
صقر – وهو كذلك ظهري يعورني وبروح اريح بخليهم ينزلونه






دخلت وضحى وهي تعرج وهند وراها تحمل اكياس وتساعدها
طلعت هند برقعها وهي تصرخ من الحر – يارب بذوب بذوب
وضحى – الله يعين هاذا ونحن في الدوادمي كيف لو كنا في الرياض
هند وكأنها تحلم – آآآآآخ يالرياض الله يبلغني وآشم ريحة هواها
وضحى – عزالله ماتمنيتي
هند وهي تحط الاكياس على طاولة المطبخ – وش نسوي نحلم على قدنا
دخلت عليهم شيخه وهي معصبه – مابغيتوا
هند – هع انا قلته بنوصل وبتستلمنا شويخ
شيخه – بلاه والله من خالكم هاذا اللي يعكر مزاجي
وضحى وهي توقف عن توزيع الاغراض في الثلاجه – ليه متى جا
شيخه – قبل شوي هو وخمته
هند – افففف متى بيفكنا هالخال من شره
شيخه – مادري ( وسرحت ) .. وضحى طالعت فيها – وش فيك
شيخه – والله مادري ياوضحى افكر في بكره من بيروح معي للأحوال اللي في الرياض علمت ام سعد وقالت بعلم بو سعد وارد لكم خبر
هند نطت – انا انا انا بروح بروح بروح مالي خص
شيخه رفعت حاجب وعصبت – نعم انتي تنطقين هنا بتروح معي نوره
هند عصبت – وليش نوره بالذات
شيخه – لان عندتس مدرسه ولا نسيتي
هند – وساره عرفت
شيخه عصبت بقوه – إن شاءالله بأخذ الأذن منتس انتي وعمتي ساره
هند عطتهم ظهرها وطلعت .. عرفت الامر انحسم وانتهى
وضحى وهي تجمع الأكياس وتحطهم في الدرج .. لان بيجي يوم وبيكون ألهم إستخدام – ومتى بترد ام سعد لنا الخبر
شيخه – بترسل سند ولدها يعلمنا
وضحى انفثت الهواء اللي في صدرها – الحمدالله ياذي البطاقه اللي موراضين يسلمون ألنا الضمان غير فيها
شيخه – الله يعين .. والله انّا ثقلنا على ام سعد وبو سعد الله يجزاهم كل خير
وضحى – آميـــــــــــــــــــــن







دخل البيت وهو مهموم .. لازم يضطر يرد لهالقصر الكئيب اللي عايش فيه لوحده .. جلس على الكنبه وجاه الهندي اللي يشتغل عنده – بابا سلطان احط عشاء
سلطان ناظر فيه – لا ماابي شي بروح ارقد
طلع الدرجات وهو يتحسر وشوي ودمعه ينزل على خده .. مابيقدر ينسى اللي صار لهم مايقدر
وصل جناحه وناظر فيه .. صار للحادثه اربع سنين ومو قادر ينسى مو قادر .. اعتزل اصحابه والعالم .. وقطع بيت جدانه وقاطع عيال خاله وعمامه .. وده لو الموت يأخذه ويلحقهم بس مو كل مايتمنى المرء يدركه الا ليت كل الدنيا بالتمني .. حط راسه وهو في أمل انه يرقد من دون مايأخذ الحبوب اللي تساعده على النوم






الفجر ( اليوم الثاني )
ركبن الجمس الاحمر .. في المرتبه الخلفيه وسند جالس معهن .. وبو سعد وأم سعد راكبين قدام
همست شيخه – الله يجزاكم خير ويجعل مثواكم الجنه ويسخر لكم من يساعدكم على اللي تسوونه لنا
بو سعد بصوته الوقور وروحه الطيبه – يابنتي انتم بحكم بناتي الله يرحم المرحوم ويغفرله ونعم الأخو والله لو أني سامع انكم طالبين من حد غيري يوديكم ان ازعل عليكم زعلن كايد
مرت الساعتين على خير ووصلوا الرياض


يـنـدمل جرح قلب ماتت احلامـة
بس ماضن يبرا جرح الاحـساسي
يـوم صارتمابيـن القـلب والهامة
ويش ابـي بالحـياة اليا انـحـنى راسي


في دار الضمان الاجتماعي
وقفت تعبي البيانات وجنبها نوره – اقول وراها ذا الشهباء تخزتس تسذا
شيخه – بكيفها خليها تخز منا لبكره وش ورانا غير الناس تخزنا وتضحك على اشكالنا
نوره – شيخه انا ودي اني اطلع بطاقة أحوال خاصه فيني بعد
شيخه – اقول يمال الضعفه انتي ناظري وراتس شوفي وش سوينا في ذا المساكين اللي من صباح ربي وهم معنا
لفت نوره ورى .. وشافت ام سعد وولدها سند رقود على الكرسي
نوره ضربت خدها – يالفضيحه
شيخه – اجل حطي لسانتس في حلقتس وانثبري قال وش تبي تطلع بطاقة أحوال
نوره بضيم – وش اسوي بنات الكليه هناك كاشخات في ذا البطاقه
يترززن ابها وانا لاقلوا رزي بطاقتس رزيت الورقه اللي مضمونها نوره بنت ناصر بن فهيد لاتوجد لديها بطاقه لضروف ...
قاطعتها بالحكي شيخه – ياغلي لو تصكتين احسن
نوره – وهو كذالك حطت يدينها في حلقها وسكتت
بينما الموظفه اللي تسمع هالكلام .. اندهشت من هاذا التشابه الواضح
في الاسماء اللي امامها والاسم اللي تعرفه عز المعرفه





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-09-2011, 10:38 PM
سهم المملكه سهم المملكه غير متصل
©؛°¨غرامي فعال ¨°؛©
 
الافتراضي رد: رواية \ لاصد قلبي صد من دون رجعه .. بقلمي


في قصر من قصور الرياض
في الجلسه الشعبيه بالتحديد
جالس الشايب الوقور .. اللي غطى الشيب الابيض راسه ولحيته وحواجبه كذالك .. ومقابله له عجوزه وضحى
اقبلت لهم موضي وهي تضحك – يالله حي هالوجيه السمحه صبحكم الله بالخير
كلهم يناظرونها ويبتسمون ويرحمونها كثير بسبة الظرو اللي حصلت لها – صبحها بالرضى
الشايب فهيد – يالله حي شيخة الحريم موضي
موضي حبت على رؤوسهم – يحيك ربي ياجدي
جلست بينهم وتقهويهم
الجده – وراتس مارحتي لشغلتس وانا امتس
موضي – اليوم ياجده عندي مراجعه بالمستشفى لنواف ولدي
الشايب فهيد – افا وراه
موضي – تطعيم بس ياجدي
الجده وضحى – ووينه ابوتس
موضي – ابوي غبش من بدري واخذ اخوي فهيد معه
الجد يضحك – ليتني شفت وجهه اخوتس فهيد يوم خذاه ابوتس
موضي تضحك – اخوي خكري ياجدي مايعرف السلوم خل دواه الابل يقابلها شوي ويهتم فيه ولو يحل مكان آدم هناك كان أزين
الجده تضحك – لو يسمع علمتس بس
اقبلت عليهم وهي تمثل وتضحك – لالالا خيانه يامويضي هالحين قايمه من غبشه وماوعيتيني اقابل هالوجيه السمحه
الجده وهي تضحك – هاه اخذوا جتكم العياره رويم
وهي تقرب أذنها بشكل تمثيلي – اها سمعتس وضيح ان ماخليت هاللي مرتز وزانتس الشيخ فهيد يعرس مااكون ريم بنت سعد
الجده بعياره – ومن اللي بتناظر جدتس عقب هالعمر والشيب ينظح في رأسه
ريم بعياره – هاه هاه سمعت يافهيد اجل يومك تقصد في وضيح ولا تقصد فيني شف شف تعايرك
فهيد وهو مبتسم – بنت سعد عطيتس الشاره ازهميلي بالحرمه
ريم وهي تخبط على صدرها – وانا لها يافهيدان



في قصر ضاحي بن فهيد
وهو يصرخ في الشغاله – ازهميلي إياه بسرعه
الشغاله موفاهمه عليه – شنو بابا
سعد نزل من الدرج الضخم – علامك يبه ورى صوتك يلج في البيت
ضاحي – مصيبه ياسعد وانا ابوك
سعد بخوف – وش مصيبته يبه
ضاحي - ازهملي اخوك محمد ولا صقر خله يجيني لقينا بنات عمك ناصر
سعد بعلامة تعجب !! – وش هو
ضاحي – اييييه نسينا انك ماتدري رح رح قوم حدى اخوانك خله يجيني منيره يامنيره
منيره جتهم من المطبخ – علامك ياضاحي
ضاحي – خلي محمد يجيني
منيره – ليه عسى خير
ضاحي – لقينا بنات ناصر
منيره – اشششش لايسمع احد ويوصل العلم لأبوك انت وش فيك يارجال
ضاحي – فيه ان بنات اخوي هايتات ولانعرف إلهن طريق
وانا ماني بديوث ماعندي غيره عليهن لو معهن رجال بصره بس بنات وهايتات ويحملن إسمنا لا هاذذا اللي ماني راضي فيه ازهميلي واحد فيهم انا في السياره


لنا لقاء بإذنه تعالى

\

غدآ .. إذا ربي كتبنا من الحيين


آخر من قام بالتعديل سهم المملكه; بتاريخ 11-09-2011 الساعة 11:10 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-09-2011, 10:49 PM
صورة أنثى سموها شامخ الرمزية
أنثى سموها شامخ أنثى سموها شامخ غير متصل
©؛°¨غرامي مشارك¨°؛©
 
الافتراضي رد: رواية \ لاصد قلبي صد من دون رجعه .. بقلمي


واااو واااااااااااااااو ونااااثه سهم المملكه رجعت من جديد
ياهلا ومرحباا
منووووره ومتابعيينك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-09-2011, 11:14 PM
فجر جده فجر جده غير متصل
©؛°¨غرامي جديد¨°؛©
 
الافتراضي رد: رواية \ لاصد قلبي صد من دون رجعه .. بقلمي


يعطيك العافيه سهم المملكه

بدايه قويه

الي عرفناه ان خالهم هندي

بس اكيد مع تشابه الاسماء فيه قصه
كبيره
موفقه ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-09-2011, 11:21 PM
صورة أمــــل الرمزية
أمــــل أمــــل غير متصل
خسَرتْ أغّلَى سنِيّنْ العُمر أدَورّ بَعضِي المَفقُود
 
الافتراضي رد: رواية \ لاصد قلبي صد من دون رجعه .. بقلمي


مفاجاءه حلو والله سهومه هنا
ي مرحباً ي مرحباً

هلا وغلا

آن لـ الإبداع ان يرجع

فقلم مثل قلمك لا يجب ان يتوقف
استمتعت جدا بإصبع ولاهو إصبعي
وبلا شك أني سأستمتع بهذا الروايه
ولما لا أليست من إبداع قلمك


موفقه ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 11-09-2011, 11:32 PM
dazy dazy غير متصل
©؛°¨غرامي مشارك¨°؛©
 
الافتراضي رد: رواية \ لاصد قلبي صد من دون رجعه .. بقلمي


بداااااااااااااية روووووعة
ايش بيصير للبنا متحمممممممممممسة
ننتظر الباااااارت الجاي بحماس متى بتنزلينه؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-09-2011, 11:39 PM
صورة chocolita الرمزية
chocolita chocolita غير متصل
©؛°¨غرامي فعال ¨°؛©
 
الافتراضي رد: رواية \ لاصد قلبي صد من دون رجعه .. بقلمي


اناا اقوول قسم الروايات منور اليوم
اثاري الغالية سهوومة نزلت روااية جديده
واااهووووووو وناااسة
بدااية حلووة موفقة يارب و انا معاج للآخــــر !!

ودي لج ~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 12-09-2011, 12:04 AM
صورة بكل حالاتي ملكان الرمزية
بكل حالاتي ملكان بكل حالاتي ملكان غير متصل
©؛°¨غرامي فعال ¨°؛©
 
الافتراضي رد: رواية \ لاصد قلبي صد من دون رجعه .. بقلمي


نورت روايتك القسم سهم...

..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 12-09-2011, 12:54 AM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: رواية \ لاصد قلبي صد من دون رجعه .. بقلمي


السلام عليكم ورحمة الله وبركاته

الله حيووو.... سهوووومتي
كيفك عساك بخيييييييييير
واااااااااااااااااااااااو لما شفت اسمك <<كذا كان حالي
يااني استانست وفرحت مير..بعودتك بمولودة جديدة واللي باين انها راح تكون قوووووية

وبما انه اول بارت فبيكون توقعاتي بسيطة

قبل لا ابدأ توقعاتي
بسألك كم سؤال بسيط بعد اذنك
هل الرواية حالياً شبة مكتملة ام هذا اول بارت تكتبينه ...
وايضاً بسألك عن مواعيد البارتات



+

اسمي~ موجود ب احد شخصيات الابطال
وضحى - شيخه - نوره - ساره - هند

في دار الضمان الاجتماعي
شيخة& نورة
ماادري ليه احس انهم اول من بـ يعاني من الاخوات


اقتباس:

دخل البيت وهو مهموم .. لازم يضطر يرد لهالقصر الكئيب اللي عايش فيه لوحده .. جلس على الكنبه وجاه الهندي اللي يشتغل عنده – بابا سلطان احط عشاء
سلطان ناظر فيه – لا ماابي شي بروح ارقد
اتوقع الهندي<<يكون خال البنات عبد الستار

واتوقع كذلك انه سلطان يقرب للبنات<<اما ولد خالهم او ولد عمهم
ممكن يكون من نصيب وحده من البنات....
بس ياترى ايش الحادث اللي صار ويتمنى موته مع اللي ماتو؟

اقتباس:

في قصر من قصور الرياض
في الجلسه الشعبيه بالتحديد
جالس الشايب الوقور .. اللي غطى الشيب الابيض راسه ولحيته وحواجبه كذالك .. ومقابله له عجوزه وضحى
اكيد هالشايب
والد..ناصر بن فهيد<<اب البنات
وياترى هلى العجوز مطاوعة شايبها على مقاطعة حفيداتها وولدها....
اللي اتوقع زعلت الجد بسبب انه ولده تزوج هندية....وتارك هالضعوووف لوحدهن من دون سند ولا ولي


اقتباس:
في قصر ضاحي بن فهيد
سعد-محمد-صقر
اللي اكيد ضاحي..يكون عم البنات

وممكن احد الابناء يقترن ببنت عمه
او اذا ماكانوا الثلاثة جميعاً بالاضافة الى سطلطان
وبكذا تبقى وحدة<<ممكن مالها نصيب








متحمسة للبارت الثاني~~~
مير


ومبروك على مولودتك الجديدة
عققبال مانفرح بإكتمالها


الرد باقتباس
إضافة رد
الإشارات المرجعية

رواية لا صد قلبي صد من دون رجعه / بقلمي ، كاملة

الوسوم
لاشي , بقلمي , رجعه , رواية , رؤؤعه نوره نايف , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6811 28-11-2017 09:13 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 06:40 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1