شهد الحيآة ©؛°¨غرامي مشارك¨°؛©

السلام عليكم ورحمة الله وبركاته




حابه اتكلم معاكم اليوم عن هالموضوع ( الصدقه )
واااااااااايد منا عبالهم ان الصدقه ماتكون الا بدفع مبااااالغ من المال بس
ووااااااااايد منا بعد يعرفون ان هذا شي مو صحيح ويعرفون ان في اشيا وااااايد تعتبر صدقه لهم غير الفلوس
بس ماتحظرهم افكار او مايعرفون شنو هالاشيا اللي ممكن تعتبر لهم فيها صدقه
وبعضنا ماعنده راتب شهري او غير موظف ومايقدر يطلع مبلغ صدقه
علشان جذي حبيت اسوي هالموضوع واطرح فيه افكار للصدقات الكل يقدريستفيد منها




والحين بنبدأ بالأفكار ورجاءا منكم بنات اي وحده عندها فكره تضيفها لنا ولها الاجر:-

1-اذا عندج اي شي زايد بالبيت ومو محتاجته (ملابس-كتب-الكترونيات-العاب-مواعين-شنط-وغيرها ) على طوووووووول اتصلي بالجمعيات الخيريه


2-اذا كان عندج حساب وعندج بطاقة بنك تقدرين تتبرعين الكترونيا وانتي قاااااااااعده ببيتج بدون اي تعب وعناء ولاااااااا تختارين المشروع اللي تبينه من كفالة يتيم وغيره وغيره ومن شركات مضمونه

3-اذا كنتي بعرس او حفله او مناسبه وزاد عندكم الاكل دقي عاللجان الخيريه او نصحي اهل العرس وقوليلهم انا اعرف رقم اللجان اللي ايون علىطول وياخذونه ويوزعونه عالمساكين والاسر المتعففه ولج ولهم الاجر ان شاء الله

4- صفي النيه واقتنعي ان مافي احد يمد ايده جدام الناس واهو مو محتاج .. فاذا طلعتي السوق وشفتي مره تطلبج عطيها لو ربع دينار لو خرده زايده عندج لان الصدقه مو بالمبلغ بل بالنيه والاعمال بالنيات يعني حتى لو كانت اهيا جذابه يكون عملج وصل لربج لانج عملتي بنيتج ونويتيها صدقه




5- الكلمة الطيبه يا اختي صدقه قولي (شكرا-عفوا-جزاج الله خير-حياج الله-حبيبتي.....) كل هالتعامل الطيب يكون لج صدقه

6-الابتسامة في وجه الناس صدقه فحاولي اذا لاقيتي الناس تكونين بشوشه علشان الناس تحبج وتذكرج بالخير



7-الباقيات الصالحات المذكورات في القران الكريم كل واحده منهم صدقه فاكثري قولها وهم ( سبحان الله - الحمدلله -
لا اله الا الله - الله اكبر )


8-شغلج ببيتج وتربية عيالج تربيه صالحه ونصحهم بعمل الخير والصلاة والصيام وابعادهم عن المعاصي وتدبر امور بيتج وريلج تعتبر صدقه..مانقول خلي شغلج وقعدي بالبيت لكن حاولي اذا رديتي تستغلين وقتج مع اعيالج بشي مفيد

اضغط على الصورة لرؤيتها بحجمها الطبيعي

9- الصبح لما تطلعين دوامج او تقعدين الضحى تتريقين فتحي باب الشارع وشوفي عمال النظافه اللي احنا بدونهم جان امراض الدنيا فينا ينظفون بهالبرد ويقعدون من الفير..لاتقولين نصابين ومافيهم صدقه..صفوا النيه خواتي وانتي اذا اعطيتي شي تعطينه لربج وليس لخلقه..اعطيهم من اكلج خبزه ولا تمره ولا حليب دافي ولا عصير فكل ريق تبلينه لج فيه صدقه

10-اذا طلعتي للسوق حطي بجنطتج حلويات ومصاص وككاو واذا لقيتي الحريم اللي يطلبونج بالشارع ومعاهم يهال عطيهم من هالحلويات شووووووووووفي شلون تونسينهم شي مو طبيعي



11-اذا رحتي دوامج الصبح مري اي مطعم هندي واخذي فطاير فلافل ب 100 فلس ووزعيها عالخدم والفراشات هناك وقولي عساها دفعة بلاء عني وعن اهلي

12-حطي لعيالج بالبيت حصالة وقوليلهم هذي بنخصصهااااا للصدقه ياعيالي علشان الله يدفع عننا البلاءوعلميهم بهالطريقه فضل الصدقه وقوليلهم اي خرده زايده من المطعم او شي بنحطها اهني وروحي انتي وياهم وحطيها بصندوق الصدقات
التعليم في الصغر كالنقش عالحجر




هذي افكار بسيطه خواتي وان شاء الله اذا طرى على بالي شي ثاني راح اقول لكم
طبعا هذا غير عن الاشياء اللي تحتاج مبالغ كبيره ونعرفها مثل حفر الابار وبرادات المياه






منقول للامانه

حنان روحي ©؛°¨غرامي فعال ¨°؛©


بارك الله فيك
وجعلها في ميزان حسناتك
وعسى ان ينتفع بها الجميع
موضوع جميل وقيم
^^

جرحتني مره وأظنها تكفي ؟؟ ©؛°¨غرامي متألق ¨°؛©

جزاك الله خير

يعطيك العافيه..

كاشخه لحلمي ©؛°¨غرامي فعال ¨°؛©

جزاك الله خيراً وجعله في ميزان حسناتك

غـَيثُ السـماءْ « طـوبـى للـغـربـاء »

وعليكم السلام ورحمه الله وبركاته
افكار مميزه وفيها الاجر العظيم
بارك الله فيك اختي ونفع الله بك

آبتسآمهـ ©؛°¨غرامي نشيط¨°؛©

رااائع الله يجعله بميزان حسناتك

وجزاك الله خير ورفع قدرك في الدارين...

غايتي رضى الرحمن مستشــ¸.·* غرام *·.¸ـــاري

وعليكم السلام ورحمه الله وبركاته
جزاك الله خير ولاحرمك الاجر

هدؤء السرآب ©؛°¨غرامي مشارك¨°؛©

جزاك الله خير

روخيليو مونتيرو ©؛°¨غرامي نشيط¨°؛©

جزاك الله خير

‏§أنثى مجروحه§ ©؛°¨غرامي نشيط¨°؛©

جزاك الله خير
وجعله في ميزان حسناتك

سبحان الله وبحمده سبحان الله العظيم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1