غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-10-2011, 08:53 AM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي ياعين ليه تعشقي / بقلمي


السلام عليكم .. أحلى صباح مع أحلى أعضاء في منتدى غرام .. كيفكم ياحلوين ؟

مابي اطول عليكم .. انا اول مرة اشارك في هذا قسم طبعا قصدي اول مرة انزل رواية في حياتي هه ويارب تعجبكم تقريبا صار لي اكثر من سنتين اكتبها ..هي رواية رومانسيه جريئه وحلوة ، يمكن بالبداية ممله بس بعدين وربي بتعجبكم مثل ماعجبت زملائي في منتدى ثاني ..انا تقريبا بخلص كتابتها يعني باقي اربع بارتات بس حبيت انزلها لكم اليوم ان شاء الله بعد صلاة الظهر :) البارت الأول ( جزء الأول ) ابيكم تعرفون ع شخصياتي ..وانا في كل بارت بحاول اطوله اذا شفت ردود كثيره ماراح اقصر عليكم .. ابليز ابليز اذا قريتوا روايتي ابي رايكم فيه حلو ولا ؟؟.. وعيوبه يمكن بتلقون اخطاء املائيه بس طوفوها هه المهم الي حابه تنطر نزول روايتي ياعين ليه تعشقي .. ان شاء الله بعد صلاة الظهر :) وبعدين بحدد لكم متى بنزل كل بارت وبأي يوم وشكرا ..

تحياتي لكـم ...~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-10-2011, 12:01 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: روايتي الأولى : ياعين ليه تعشقي ؟


[SIZE="5"][CENTER]
يوووه وينكم بجد إحباط :( .. خلاص بنزل البارت مثل ما قلت لكم الحين ..



حبيت اخبركم اني والي تبي تاخذ روايتي ابليز ابليز تكتب اسمي عيون قتاله ومنتدى غرام هو مكان الأصلي لروايتي ياعين ليه تعشقي تكفون بنات والي بتسرق روايتي وتكتب اسمها عليه الله فوقها وفي ذمتها ليوم القيامه لأني تعبت فيها لدرجة اني كنت اترك دراستي واقابل روايتي وسامحوني ع القصور حبيتا قولكم اسماء ابطال روايتي ( تركي + اليازي + راشد + مشاعل +رغد + نيلة + عبير + ياسمين + رناد + مشعل + ثامر + شهد + خالد + راكان + حسن +سعود + الهنوف + غادة ) وبعد في ابطال ثانويين بتعرفون عليهم بعدين بس هم الي بتكلم عنهم كثير خصوصا اليازي وتركي والحين ^_^ اخليكم مع البارت الأول تحكي عن عائلة في البحرين في منطقة المحرق وهذه العائلة تتكون من:

علي : الأب عمره 60 سنة طيار متقاعد .. بس قبل لايدرس طيران كان يشتغل في شركة ابوه لفترة وبعدها اخوه فهد استلم الشركة مع اخوه صغير جاسم بعدين راح تعرفون عليهم المهم هو تزوج بنت خالته الي يحبها وهوو صغير اهوو حبوب وايد وحنون وشوية شديد و اذا عصب لاتقربون منه ياويلكم هههه

موزه : عمرها 40 سنة دكتوره وتقرر انها هالسنه تقاعد علشان تجابل زوجها وبيتها وعيالهاا والأهم تبي ترتاح

مشاعل : اكبر وحدة فيهم عمرها 22 سنة تشتغل في شركة جدها اهيا متوسطة الطول بيضة جميله احلى خواتها عيونها كبيرة وشعرها قصير لرقبتها مقطع وتحب تدلع روحها وتنتظر نصيبها

التوأم (( الهنوف و سعود ))
الهنوف : اكبر من سعود بربع ساعه عمرها 20سنة بس تصرفاتها مثل الياهل اهيا اقصر وحدة فيهم شعرها اسود وخفيف واصل لكتفهاا اهيا مو متحجبه كل تحب تلبس بدلات بس محترمه حنطاوية احلى شي خشمها سلة سيف كل تحب تدلع على امها وشايلة فكرت الزواج من راسها ؟؟!
سعود : الولد الوحيد عمره 20 يدرس في بلده أوروبيه طويل وضعيف جماله حلو عيونه بنيه مثل الهنوف وكلش مايشبهها هههه الا بتصرفاتهم ..

اليازي : بطلتنا الحلوة ^_^ عمرها 17 سنة آخر سنة لها في الثانوية في مسار علمي اهيا اطول وحدة من خواتها شعرها واصل لظهرها متوسطة الجسم وعيونها صغار و فمها كل شي فيها صغير يعني كيوته واهيا متحجبة وتحب صديقتها شهد وايد ..

في غرفة البنات الهنوف واليازي
صحت الهنوف على صوت ساعتها فزت من نومها وهي تحك بشعرها ومغمضة عين وفاتحه عين الهنوف لأختها : يازيوا قومي مدرسة وفجأة طاحت ع سريرها ورجعت تشاخر <<ههههه .. قعدت اليازي واهيا تستغفر ربها مالها خلق تروح المدرسة بس مستانسة لأن آخر يوم لها في فصل الثاني وترتاح من الهم وغم المهم خذت ثيابها وراحت الحمام (( كرمكم الله )) و سوت روتينها وقبل لاتطلع سمعت احد يطق الباب من ورى الباب : اليازي يلاا يمه ساعتين في الحمام ترى وراي شغل يلاا خلصي .. اليازي بالعماله ماترد لأن مب زين تكلم واهيا في الحمام طلعت وكانت مشاعل واقفه متخصره عند الباب وحمق باين في عيونها مشاعل : زين خلصتي بعد ليش ماتأخرتي توناس وليش ماتردين علي ؟؟
اليازي بهدوء تكلم : جم مرة اقولكم ان مب زين اتكلم في الحمام ( ومشت بكل هدوء بعيدة عن مشاعل ) مشاعل)) واما مشاعل دخلت حمام.. اليازي راحت تصلي وبعد الصلاة راحت خذت اغراضها مرت على غرفة اخوها بطلت الباب وجافتها وتقول في قلبها ~ فديتك يااخوي مكانك امبين بينه وحشتني ربي يرجعك بسلامه ~ صكت الباب ونزلت تحت وراحت على طول المطبخ لقت امها تجهز الفطور مع الخدامه ابتسمت بينها وبين نفسها وقالت لأمها: يا صباح الورد والياسمين فديت هالأم والله ماكو مثلج يالغالية .. موزه كانت منحرجه من كلام بنتها وقالت: هاا اليازي اشفيج اليوم شكلج تبين شي مني؟ اليازي واهيا تقرب من امها : افا يا أم اليازي .. حرام عليج بس حرام ماادلع امي (( واهيا تفرص خدها )) موزه واهيا تشيل يد اليازي : ويييعه اليازيوو عورتيني (( واهيا حاطه يدها ع خدها وتفركها )) و راحت اليازي ورى امها وضمتها وقالت : فديتها والله .. الا بدخلت مشاعل : هي هي انتي شيلي يدج ذبحتي امي .. اليازي واهيا اطلع لسانها : ماعليج مني اهيا امي مثل مااهيا امج ورجعت تضمها ^_^موزه واهيا تشيل يد بنتها عنها : اليازي قومي عني خليني ابرز الطاولة حق ابوج .. شالت اليازي يدها عن امها و مشاعل تضحك عليها : ويوفشلوهاا ههههه
اليازي وهي منقهر من اختها وقالت : مالت عليج انا باروح الصاله احسن لي موزه واهيا في يدها سندويش : اليازي يمه خذي ع اقل معاج هالسندويش اليازي خذته بدون ماتقول شي وراحت عنهم .. موزه واهيا تاخذ صحن من خدامه وتقول حق مشاعل: مشاعل
مشاعل واهيا تعدل شيلتها في منظره: نعم يمه
موزه : ترى بعد اسبوع بنروح بيت يدج بنبات عندهم
مشاعل واهيا تلف حق امها: ليش ؟؟؟
موزه : مادري بس اهو قال تفضلوا عندنا مانقدر نرد يدج
مشاعل رجعت واهيا تعدل شيلتها : ان شاء الله
*****
في مدرسة اليازي

وصلت اليازي مدرستها وهي تقرى آخر درس لها من كتابها وإهيا متوترة تخاف إن تنسى كل الي درسته بلحظة وخصوصا اهيا آخر سنة لها في مدرسة وعلمي فلازم تحصل ع معدل تقدر ان تروح جامعه وتدرس طب ^_^ المهم وأهيا تمشي سمعت أصوات مزعجة مخلوطه من صراخ وضحك وشوية سب ههه وعرفت أن هالأصوات من صديقاتها وضحكت وأهيا تقول في قلبها ~ الحمدلله وشكر والله عليهم بمزاج الناس يدرسون واهم في عالم ثاني (( واهيا تبتسم لهم وتقول )) يلاا دوم ياربي فديتكم والله ~ وصلت لهم وسلمت ع كل وحدة فيهم ..
فاطمة: اليازي درستي عدل للإمتحان ؟؟
اليازي وهي تصك كتابها: إي الحمدلله بس باقي لي آخر درس وأنتي؟؟
فاطمة : ويي احسن مني انا باقي لي درسين وباخلص بس (( وهي تأشر بصبعها ع الدانه )) بس الأخت ماتخليني هههه
الدانه واهيا اطق فاطمه ع كتفها : هي انتي لاتحطين علي أنتي الي تسولفين مو انا (( وهي تلتف ع اليازي )) و بصوت شبه باكي : حتى ماخلتني ادرس مثل الناس .
فاطمه وبحزن ع صديقتها : سامحيني يالغالية .. بس والله بتوحشيني يالدبة أبي أكحل عيوني بشوفتج ^_^
الدانه وهي تدلع : لالا مابي روحي عني
اليازي واهيا منقهره عليهم : بس .. بس كأنكم حبايب مو صديقات بسكم عن هالحركات أوووف
الدانه وهي تحرك حواجبها : تغارين.؟؟
اليازي وهي تقعد يمهم ومبوزه : لا ... ألتفت بجهة ثانية ماتبي تبين لهم أنها مضايقة من تصرفاتهم إلا جافت شهد واهيا تمشي وتفصخ شيلتها فزت اليازي من مكانها و راحت لهاا وقالت واهيا تضمها : شهوود فديتج وحشتيني
شهد بإستغراب: هلا اليازي .. ويي أشدعوه أول الأمس جفتج في السكوول؟!!؟
اليازي : لا بس أبيج كل يوم وياي الصراحة ما أقدر أستغني عنج (( واهم للحين ع نفس الوضعية )) شهد ابتعدت عن اليازي وابتسمت لها سكتواا وفجأة اليازي قالت : يلاا شهودة (( واهيا تيود يدها )) تعالي نروح نقعد ع كراسي توهم بيتحركون الا دق الجرس و رجعت اليازي متوترة مرة ثانية وأكثر من قبل شهد : يلاا اليازي اشوفج بعدين . اليازي واهيا ميوده يد شهد : شهودة انا حدي خايفة شهد : من شنو خايفة؟؟
اليازي : من امتحان اخاف مااعرف احل شي احسن ان كل شي تبخر ؟؟
شهد واهيا تبتسم ليازي : لاتخافين .. انتي درستي كل شي صح؟
اليازي واهيا تهز راسها (( بـ أي )) كملت شهد كلامها: بس توكلي ع الله ودخلي الإمتحان بس اقري معوذات وآية الكرسي علشان ربي يوفقج ^_^
اليازي ارتاحت من كلام شهد وقالت : مشكورة حبيبتي ريحتيني الله يريح قلبج
شهد ابتسمت لها وقالت : يلاا انزين آخرتينه ع الإمتحان اليازي يودت يد شهد وراحوا مع بعض

• شهد : صديقة اليازي من الإعدادي تحبها واايد شهد بنت يتيمه من الأب وأهلها عايشين ع قدهم وعندها أخوين وإن شاء الله بتعرفون عليهم بعدين ^_^ اهيا امتن من اليازي واحلى شي فيها عيونها لأنهم كبار تسحر شباب لما تكحلهم شعرها طويل وكثيف واسود ويهها دائري وقصيرة هه وبث خخ
*****

في بيت بو سعود (( أبو اليازي ))

علي: ياميري .. ياميري
ميري : نعم بابا شنو تبي؟؟
علي : عطيني التلفون
راحت ميري و عطته التلفون و قالت له : بابا تبي شيء تاني ؟
قال : لا بس روحي لشغلج وراحت ميري و بدأ علي يدق ع موزه ^_^ (( ام سعود )) بس ماردت عليه بس بعد ربع ساعة رن التلفون و رد عليه وقال : آآلو
موزه : آآلو .. هلا علي
علي : هلا بيج ... هاا كنتي مشغولة؟؟
موزه : لا خلاص ماعندي مرضى آمر يابو سعود
بوسعود : مايأمر عليج آمر بس حبيت اذكرج عن بيت ابوي
موزه : لا انا قلت حق مشاعل واهيا إن شاء الله بتقول حق البنات وسكتوا ..
علي : أي اهيا اهم شي قال ابوي مادري شنو عنده ابوي هالمره .؟!!
موزه : يعني اخوك مايعرف شسالفة؟؟
علي : لاوالله بس الله يستر
موزه : اوكي علي انا باخليك عندي مريض بعدين باكلمك
علي : اوكي مع سلامه
موزه صكت الفون في ويه علي لأن ممنوع تتكلم بالفون وعندها مريض
*****
في بيت (( بو ضاري )) = كبير العايلة الـ .....

اول بعرفكم ع أهل البيت :

• بو ضاري : اهوو الجد أب عازب او ارمل زوجته أمينه ماتت بعد ماولدت ولده الأصغر الي هو جاسم المهم هذي الريال بسرعة يعصب و عنيد الي براسه لازم يصير
• ضاري : ولده الأكبر مات في حادث مع زوجته و قبل لا يموت الله رزقه بولد اسمه راشد هوو الحين عايش مع عمه علي ..
• علي : أنتوا تعرفتوا عليه من قبل
• فهد : اصغر من علي بس 5 سنوات متزوج بنت عمه سارة و يسمونه (( بو تركي ))
• شريفة : البنت الوحيدة متزوجة ولد عمها ومات بعد ماولدت عمر وعمر هو ولدها الوحيد
• جاسم : اصغر عيال بو علي عمره 38 سنة متزوج بنت خالة ( اخت موزه صغيره ) واهيا شوق مدرسة في مرحلة اعدادي وياب منها بنتين و ولد .
الحين احنا عرفنا الشخصيات الجديدة وباقي بعد هههه المهم البيت الحين عايش فيه بو علي و شريفة لأن زوجها ميت قاعدة في غرفتها مع ولدها و جناح الثاني حق اخوها ....... وزوجته وعياله والطابق الأول حق الجد ^_^ ... المهم في صالة قاعد بوعلي يطالع تلفزيون ع قناة البحرين يشوف اخبار الا بدخلت شريفة (( أم عمر )) وهي شايله صينيه الي فيها شاي و قهوة وحطتها ع الأرض وقالت : يبه تبي شاي ولا قهوة ؟
بو علي وهوو يطالع فيها وسرحان .. شريفة قالت في قلبها ~ ويي لايكون مايسمع بعد ههه يحليلاتك يايبه ~ وحاولت ترفع صوتها بس مو وايد يعني إحتراماً لأبوها بس تبي يرد عليها قالت بصوت شوية عالي : يبه تسمعيني تبي شاي ولا قهوة . بوعلي صحى من سرحانه وقال: قهوة .رجع حق الأخبار قالت له : بس يبه الدكتور قال القهوة مب زينه لك .. بو علي بغشمره : ههه عييل ليش تسأليني .. قالت : لا بس ابي اختبرك ... بوضاري ابتسم لها وقال : لا ماعليج بس حطي لي .. قالت : لا مابي من صجك يبه مابي يصيدك مثل ذيج المرة .. بو علي واهوو يطالع فيها وكأنه يتأذكر شي وسكت قالت له: يبه باروح اقعد عمور وراجعه سكت واهيا راحت الطابق الثاني بأسنصير ألي يم الدري .. بعد جم دقيقة وصلت لغرفة ولدها طقت الباب : عمر يمه قوم بيأذن الظهر وانت للحين ما قعدت و سكتت عنه شافته مايرد عليها قامت و بطلعت الباب ولقت الغرفه مرتبة ومحد فيها !! قالت : ويي وين ولدي راح ؟؟ باروح اسأل خدامه وصكت الباب ونزلت بسرعة تحت وراحت لأبوها وقالت : يبه شفت عمر ؟؟
بو علي ألتفت عليها : لا ماشفته بعد صلاة الفير( الفجر ) مرة وحدة اختفى .. سكتت عن ابوها وراحت ادور ع تلفون البيت علشان تتصل فيه قال ابوها: ياشريفة ترى ولدج مو ياهل خليه يمكن راح مع ربعه مو احسن من قعدته في البيت .!؟
شريفة واهيا تحاتي عمر : لا يبه اهوو ولدي الوحيد الشي الوحيد الي بقى لي من المرحوم
بو علي : والله انج تكبرين السالفة والا الجرس يطق شريفة واهيا تنادي الخدامه : إيما .. إيما روحي شوفي من عند الباب .. راحت فتحت الباب و دخل واحد لابس ثوب ومغتر شالت شريفة بوشيتها وقالت : عمور وراحت يمه ومسكت أذونه وقالت : وين كنت ؟؟ من الصبح محد من وين ياي
عمر وهوو يمسك أذونه : يمه حرام عليج عورتي أذوني ... هدت شريفة أذونه وراحت قعدت يم ابوها وقالت واهيا تحط يدها في حضنها : انزين هديناك وين كنت فيه؟؟
عمر واهوو يمشي وقعد ع اقرب كرسي فصخ غترته وهو وباين عليه التعب : والله انا فكرة بعد الصلاة الفير اني ادور لي شغل احسن لي من قعدت البيت . قالت واهيا مستغربة منه : انزين عمي عمر ولقيت يعني ؟؟
عمر واهوو يرفع شعره لورى : لا بس باجر باشوف يمكن احصل
قالت بسخريه : مصدق روحك انت ان بتحصل شغل
عمر : ليش يعني انا متخرج من الثانوية
قالت : خل اول الي عندهم دكتوراه يشتغلون وبعدين انت اشتغل من صجك تتشغل وانت عندك ثانوية انا قلت لك ادرس في الجامعه
عمر واهوو متضايق: مابي ادرس في الجامعه
قالت : وليش عيوني ؟؟؟ لو بعد ماعندك فلوس حق الجامعه كنت باعذرك بس احنا عايشين بخير ليش ماتدخل لو قلت ابي ادرس صدقني باخليك بأحسن جامعه
عمر واهوو معصب : يمه قلنا مابي يعني مابي
بو علي بصوت عالي : عمرررررر
عمر وشريفة خافوا من صوته : نعم يبه
بوضاري : مرة ثانية اذا سمعتك تصارخ ع امك ياويلك مني (( واهوو يحرك عصاته )) والله اربيك مرة ثانية
عمر نزل راسه و بوعلي لف راسه لشريفة وقال لها : وانتي روحي نجبي الغدى انا يعان
شريفة : يبه توها الساعه 12 ؟!
بو ضاري : قلت لج روحي
شريفة هزت راسها وراحت صوب المطبخ و بو علي التفت ع عمر وقال : شوف ياعمر امك تبي مصلحتك ليش ماتسمع كلامها ؟!
عمر قرب منه وقعد يمه وقال : يبه انا مابي ادرس
بو ضاري: ليش اشفيها يعني كل عيال خوالك في الجامعه عيل شكلك مابتزوج بتقعد عزوبي طول حياتك
عمر رفع راسه : ليش انا ابي اشتغل في شركتنا بس غصبن علي ادور برع خوالي مايرضون ولا انت
بو ضاري : أي وانت تعرف شنو شرطنا ادرس في الجامعه شرط ان مكتبك بيكون جاهز
عمر سكت عن جده .. بو ضاري (( واهوو يحط يده ع كتف عمر )) الحين ماعلينا ابيك تروح الحين حق امك وتأسف لها .. خذ غترته وحطها ع كتفه وراح لها وقف عند باب المطبخ ويطالعها تنجب حق ابوها وراح لها واهيا ماتدري خذ راسها و باسه وقال: السموحة يالغالية
ام عمر وهي تبتسم له : مسموح يا وليدي بس (( واهيا تاخذ الملاس وطق ولدها ع خفيف )) مرة ثانية قول ان شاء الله ماتخلي ابوي يعصب علينه ... عمر وهو يتدلع ع امه : أي يعور يمه .. ام عمر ماعطته ويه وقالت : قلعتك وكملت شغلها وقال وهو يسوي روحه زعلان : خلاص ما احاجيج باروح عنج باي
أم عمر : عمور أوقف .. التفت عمر حق امه : نعم .. واهيا تاخذ صحن ابوها وتحطه في صينيه : ترى خوالك بيون لنا الأسبوع الياي ابيك تعدل غرفتك وتبطل جناح خوالك و تجهز فراش حق ولد عمك .. عمر : إن شاء الله بس انتي تدللي فديتج ياأحلى أم في الدنيا وباسها مرة ثانية قالت له واهيا منحرجه منه : بسك عاد مللتني روح غير ملابسك (( واهيا تحط يدها ع خشمها )) وتسبح ريحتك فايحه قال وهوو متفاءل : أكيد ريحتي عود وياسمين
قالت له : الا خياس وضحكت ههههههه عمر مد بوزه لأمه يازعم زعلان قالت : اشفيك بعد؟؟ قال: ادري اني خايس بس مافي يعني مجامله اووف ... للحين اهيا تضحك وقالت بين ضحكاتها : بس بس روح ويلي يسلمك خليتني اتأخر ع ابوي خذت اكل ابوها وراحت واهيا للحين تضحك ع ولدها واهوو يطالعها ويقول : ايه عليج يايمه الله لايحرمني منج ^_^ ...

* عمر : هو ولد شريفة عمره 18 سنة توه مخلص من الثانوية ويدور ع الشغل مثل ماانتوا قريتوا هوو طويل وبشرته بيضه شعره طويل واصل لرقبته وناعم ضعيف مايحب ياكل وايد يعني مهتم بجسمه
*****
في مدرسة اليازي
الساعه 12 ونص بعد إمتحان

اليازي توها طالعه من باب لجنتها واهيا حاطه يدها ع صدرها : ويييه فكه هم إنزاح عني هههه
كانت شهد واقفه عند الباب : هههه أنزين شخبار الإمتحان؟؟
اليازي : لا أهو مو سهل وايد ولا صعب وايد هههه وأنتي؟
شهد : ههه والله اوكي بس شكلي آخر صفحة زفت فيها هههه
فاطمه واهيا تشقق اوراقها : ويهج إلا سهل مثل الماي
شهد وهي تعقد حواجبها : بنجوف الشهادة ويصير خير بعدين
اليازي تبي تغير السالفة : وين الدانه للحين ماخلصت ؟
فاطمة واهيا اطل ع دريشة لجنة الدانه : لا شكلها ماخلصت
اليازي واهيا تسحب شهد : يلاا انزين خلنا نروح الكفتيريا
فاطمة : انا شكلي بانطر الدانه انتوا روحوا
راحت اليازي وشهد وفي طريجهم كل يسولفون عن الإمتحان

(( في الكفتيريا المدرسة ))

اليازي وهي تطلب أكل لها ولشهد لفت راسها اشوف وين قعدت شهد جافتها مبتسمه و سرحانه .. اليازي وهي تقولي في قلبها ~ وي اشفيها رفيجتي ينت ههه إن شاء الله دوم فديتج ~ قطعت حبل افكارها الفلبينيه واهيا تقول لها : Miss ... What do you want Miss
اليازي : I'm sorry ... I want 2 kiwi juice and 2 chicken sandwich
الفليبينيه : Something else?
اليازي وهي تطلع فلوسها : No, thanks ^ _ ^
الفليبينيه: Total amount is 900 fils
اليازي عطتها الفلوس ونطرت الخرده <<<< من كثرهم بس روبيه ( ريال بس هه ) هههه المهم
عطتها وقالت اليازي : Thanks
وراحت بسرعة حق شهد حطت الأكل ع الطاولة شهد: ساعتين تطلبين الأكل
اليازي : يعني شاسوي زحمه ياحظي مااشوفين
اليازي دزت شوية كرسي ع ورى وقعدت واهيا تبطل العصير كيوي
شهد اطالع اليازي و شهد امبين عليها خجلانه اليازي قالت: هاا اشفيج تطالعين فيني (( واهيا تحط يدها ع خدودها )) هالكثر انا حلوة
شهد وهي تضحك ع حركة اليازي : ههههه لا بس حبيت اقولج شي بس مستحيه منج
اليازي هدت خدودها وقالت : تفضلي عيوني ^_^
شهد : اممم شكله حبي بيخطبني بعد امتحانات
اليازي وهي تبي تذكر من حبها : من ذي ؟؟
شهد وتسوي روحها معصبة : اليازي نسيتي رفيق دربي الي أخذ قلبي ؟؟!!
اليازي : امممم امبي لاتقولين ولد خالتج
شهد واهيا تغمض عيونها: أي اهوو فديت قلبه
اليازي واهيا مو عاجبها الموضوع : فصووول
شهد واهيا معصبة منها: شنو فصوول اسمه الشيخ فيصل لاتقولين جذي مرة ثانية ماارضى عليه
اليازي واهيا تسوي روحها خايفه : يمه خرعتيني (( حطت يدها ع خصرها )) وقالت: ليش عيوني؟؟ من صجج انتي تحبينه
شهد واهيا تبطل عصيرها : أي اشفيها اول اهوو ولد خالتي و ثاني شي يحبني وثالث شي بيخطبني ورابع شي ....
اليازي قاطعت شهد وقالت : ورابع شي يلعب عليج وسكتت
شهد واهيا تحط العود العصير ع طاولة : ليش يلعب علي ؟؟؟
اليازي واهيا تهدي اعصابها : يا شهد يابعد قلبي انتي،، فيصل ولد خالتج ع راسي وع عيني بس اهوو اول شي صغير ثاني شي للحين ماخلص الثانوية .. اوكي تخيلي ان تزوجج و ياب منج ياهل انزين قولي لي اشلون بيصرف عليكم؟؟؟ واهو للحين مااشتغل
شهد واهيا معصبة : تدرين اشلون انا غلطانه الي اكلمج (( خذت اكلها وشيلتها وقامت توها بتروح عند باب كفتيريا الا اليازي يودتها )) وقالت : لحظة شهد وين رايحة
شهد ماردت ع اليازي .. اليازي راحت جدام شهد وقالت : شهد افا عليج .. ليش زعلتي مني
شهد ودمعه ع خدها : شوفي كلامج لي .. جرحتيني يا اليازي
اليازي وقلبها يعورها مسحت دمعه شهد بيدها وقالت: فديتج لاتصيحين والله انج غالية بس قولي لي ليش عصبتي انتي ماتبين الصج
شهد واهيا تبتعد عن اليازي : ادري ياليازي ان مايقدر يصرف علي لأنه صغير الكل قالي جذي بس انا احبه
اليازي واهيا تقرب منها : شوفي اذا اهوو صج يحبج بيخلص الثانوية وع طول بيدرس في جامعه .. لاتعورين قلبج الحين انتي اهتمي بدراستج صدقني ماراح ينفعج
شهد للحين حزينه : ان شاء الله
دخلوا الدانه ووراها فاطمة ميوده خصرها وقالوا : هااااااااااي
اليازي : الناس يقولون السلام عليكم مو (( تقلد صوتهم )) هااااي
الدانه : اممم كيفنا ماعليج منا (( طلعت لسانها حق اليازي ))
فاطمة واهيا توقف يم الدانه : دانوو تبين شي باروح اشتري حدي يعانه
الدانه توها بتروح الا اليازي قالت : دانوو الساعه جم الحين؟
الدانه واهيا طالع ساعتها : وحدة وخمس دقايق
اليازي : امبي نسيت الحين السواقة بتروح عني يلاا باي (( باست شهد وخذت اغراضها وراحت عنهم ))
فاطمة منقهر : بس كل تبوسج انتي
شهد واهيا تحط شيلتها ع راسها : أي شحارج يعني ؟؟
فاطمة : انا صديقتها بعد مو بس انتي
شهد : اممم انزين بشري الوالدة يلاا باي
وخلت فاطمة للحين منقهره منهم ....
*****
في بيت بو تركي (( فهد ))
في غرفة الطعام يتغدون

أول بعرفكم ع أهل البيت :

فهد (( بو تركي)) : رب المنزل .. متقاعد بس عنده محل للمواشي يبيع ويشتري يعني تجارة بسيطة بنسبة لهم ^_^

سارة : احنا قلنا اهيا بنت عمه و ربة المنزلة

* تركي : هو اكبر عيالهم وهوو بطلنا في القصة عمره 21 يدرس في جامعة و له آخر سنة ويشتغل في شركتهم و ساعات يدير محل ابوه لأن ابوه يروح لشركة جده ويساعد اخوه علي في شغل المهم طويل و أبيض و وسيم بنات الجامعة ميتين عليه جسمه حلو عيونه بنيه يعذب البنات بأسلوبه بالكلام ... بس اهوو يحب وحدة واهيا بنت جارتهم وإن شاء الله بعد شوية بتعرفون عليها ^_^

• العنود : عمرها 15 سنة في أول ثانوي في مدرسة اليازي .. قصيرة و شعرها متوسط الطول وبيضة مثل اخوها بس اهوو اجمل منها هههه ودلوعه ابوها

• التوأم نور ونورة : نور أكبر من نورة بـ 10 دقايق اهم آخر عيال فهد نور شعرها ناعم و سيده بس نورة شعرها كيرلي يعني كيوته بني وعيونهم بني قامج يعني مو وايد يتشابهون ههه عمرهم 7 سنوات في صف الأول

فهد وأهو يأكل : اقول يا سارة
سارة : سم يالغالي
فهد : سم الله عدوج بس حبيت أقولج ان الأسبوع الي الجاي بنروح بيت ابوي
سارة : انزين مو شي يديد علينا كل مرة نروح له
فهد: لا ابيج هالمره تبرزين ثياب لنا لأنا بنبات مناكـ
سارة واهيا تذكر اول مرة دخلت هالبيت : الااي ذكرتني بأيام حلوة
فهد هد الأكل وطالعها بكل حب : ايه عليج
ساره نزلت راسها لأن عيالهم قاعدين يطالعونهم
العنود واهيا تغمز حق ابوها : حركاآآآت يابو تركي تغازل الوالدة جدامنه احترمنا شوية ههههه
بو تركي : وانا شقلت الحين (( لف راسه حق سارة وقال)) بلاج يالعنود ماسمعتي كلامي لها بعد ماصرت احبها في هالحظة ام تركي راحت فيها هههه ودها تنشق الأرض وتبلعها هههه يحيلاتها والله ^_^
العنود واهيا تضحك ع شكل امها : بس يبه ذوبت امي بكلامك الحلو هههههه
نور ونورة يصفقون لهم بو تركي رجع ياكل وهوو يقول : يلاا بس أكلوا احترموا نعمة الله
الكل رجع ياكل ثواني و العنود طقت الصحن بقفشتها كأنها تبي تلفت النظر .. ابوها رفع راسه وقال لها : العنود اشفيج يبه كسرتي الصحن ؟! توها العنود بتكلم الا ام تركي تقول: ماعليك منها يابو تركي كمل غداك وألتفت ع بنتها وقالت: وانتي بلى دلاعه وأكلي غداج
العنود واهيا تدلع ع ابوها : باباتي انا مابي اروح بيت يدي
بو تركي : ليش يبه ماتبين تروحين ؟؟
ام تركي : تبي تروح بيت امي
بو تركي : انتوا ذاك الأسبوع كنتوا عندهم
العنود واهيا تمد بوزها : بس انا وعدت حنون اني أشوفها بيت يدتي (( هدت أكلها وراحت له وقعدت ع كرسي تركي )) وقالت : ابليز بابا ابي اروح لهااا
ام تركي وهي معصبه منها : العنود قومي عن ابوج و روحي مكانج خلي ابوج ياكل
العنود : بس .. قاطعها بو تركي : بس العنود قلنا بنروح بيت ابوي واذا عاجبج تعالي واذا مو عاجبج هم تعالي ....العنود سكتت عنهم وطلعت عن غرفة الطعام وبطريجها انصدمت بألي جدامها وقال : هي هي ماعندج ليسن انتي ؟؟
العنود رفعت راسها لأنه طويل ههه وهي مبوزه : لا بس ماانتبهت لك
تركي حط يده ع ذقنها وقال : اشفيج يالغالية مبوزه اليوم من زعلج؟؟
العنود ابتعدت عنه وقالت : سلامتك بس ابي اروح بيت يدتي بس ابوي مب راضي
تركي مستغرب : ليش؟؟
العنود : لأن بنروح الاسبوع الي الياي حق يدي
تركي : اهاا انزين وانتي ليش مضايقة ؟؟
العنود بضيق : تركي لاتستهبل توني اقولك ابي اروح بيت يدتي
تركي : ليش عااد ذاك الأسبوع رحتي مناك
العنود : ابي اروح حق حنون
تركي يتطنز ع حنان : ويييع ام كشه
العنود واهيا معصبه ع اخوها: هي انت لاتطنز عليها
تركي : أي بعد كل مااروح مناك تطلع لي بكشتها انا مااحب البنت فري احب البنت الي متستره مو هذي تلصق فيني ولا ذاك الأسبوع يايه لي وتقول (( حط يده ع شعره يازعم يقلدها ونعم صوته وقال )) : تركي شخبارك .. تركي امم ابيك تطلعنا انا والعنود .. تركي ابي حلاوة وسكت وقال بسخريه : ومن وين اييب لها ذي لصقه اووف
العنود من كثر القهر دزته ع ورى بالقوة و راحت لغرفتها واهوو مستغرب من حركتها وقال : اوريج يادبه اوريج ... توه بيتحرك الا نورة تسحب ثوبه وتقول : تركي .. تركي وتبتسم له ^_^ تركي (( واهوو يشيلها )) عيون تركي فديتج نويره آمري حبيبتي اشتبين ؟؟ تبين اوديج البرادة؟
نورة: أي ابي بس بعدين الحين غدى هههه
تركي (( وهوو يفرص خشمها )) : صح كلامج يلاا خلنا نروح حق ماما وبابا
نور يات لهم واهيا تركض : انا انا انا
تركي وقفها : هي هي اشفيج بعد انتي
نور وشاقه الحلج : ابي تشيلني (( وبطلت يدينها ))
تركي : لاماقدر كفايه اختج
نور يازعم ( سوت نفسها ) زعلانه : ليش كل تشيلها انا ليش ماتشيلني ؟؟
تركي (( هوو يحمل نورة و يمشي بسرعة للمطبخ )) وهو يقول: لا نور بس عاد بتخربين ثوبي
ام تركي : نور هدي اخوج بحاله
نور (( حطت يدها ع عيونها وتصيح )) : مابي ابي يشيلني مثلها
ام تركي : نورة نزلي من عند اخوج خليه يرتاح .... نزلت نورة وراحت يم امها و راح تركي باس ابوه وبعدين امه وقعد ع كرسيه الي يم ابوه ع يمينه : بسم الله وبدى ياكل
بو تركي : هاا تركي شخبار الدراسة معاك ؟؟
تركي وهوو يقص من الدياي (( الدجاج )) خخ المهم : والله الحمدلله بس الحين وقت امتحاناتنا
ام تركي واهيا تأكل نورة : أي يا يمه الله يوفقك
بو تركي : عاد شد حيلك علشان تشتغل في شركة ابوي
تركي : إن شاءالله يبه ورجع ياكل
بو تركي : تركي
تركي هد الأكل الي بيده ولتفت ع ابوه : سم يبه
تركي : سم الله عدوك .. بس حبيت اقولك ان الأسبوع الي الياي بتروح معانه بيت ابوي لاتروح الشاليه اوكي؟
تركي : إن شاء الله
بو تركي : تركي يبه اتصل في مشعل قوله خله يمر علينه ابيه بشغل
تركي (( نفض يده و طلع تلفونه من جيبه ودق ع رقم مشعل )) يرن يرن : ألووو
مشعل : ألوو السلام عليكم
تركي : وعليكم السلام ... شخبارك مشعل؟؟
مشعل : بخير وانت شخبارك وشخبار الأهل ؟
تركي : بخير دامك انت بخير كلمهم يسلمون عليك بس ممكن تمر علينا بعد صلاة العصر الوالد يبيك بشغله
مشعل ميت من وناسه : إن شاء الله بعد صلاة باكون عندكم
تركي : يلاا فمان الله
مشعل : في حفظ الله
تركي صك تلفونه وحطه يمه قريب من ابوه و رجع ياكل نور ونورة راحوا يلعبون وام تركي خذت صحون بناتها وراحت تعطيهم الخدامه الا رن تلفون تركي بس ما أهتم له عباله مشعل ولا احد من ربعه ابوه قال : تركي شيل التلفون عور راسي
تركي للحين ياكل ولا هامه تلفون : ماعليك منهم يبه
بو تركي ماقدر يستحمل الصوت طل في تلفون الا شاف (( حياتي )) بطل عينه مو مصدق بس سكت بس تركي حس وشاله عن ابوه وصك التلفون ونفض يده وقال: الحمدلله
ام تركي واهيا تاخذ صحن السلطة : توناس ماكليت شي
تركي وهو خايف من ابوه شاف اسم حياتي : هاا لالا بس شبعت الحمدلله وراي دراسه .. غسل يده وباس امه ع راسها وقال : نعمه الله عليج يمه
ام تركي : بالعافية حبيبي (( تركي كان يبي يطلع من المطبخ بسرعة لأن تلفونه يرن ويخاف ابوه يسأله عن الي متصله فيه )) بسرع طلع و راح ع طول غرفته ... بو تركي وهوو منقهر من ولده : آآه ياقهر
ام تركي تركت الي بيدها وقالت : اسم الله عليك من القهر ليش يالغالي عسى ما شر؟
بو تركي وهوو واقف : سلامتج ... غسل يده وراح الصالة ...

(( شرايكم نشوف سالفة تركي مع حبيبته ... من تكون ؟؟ خلنا نشوف الحين ))

في غرفة تركي

دخل تركي غرفته و قفل الباب علشان محد يدخل عليه وهوو يكلم الحب ^_^ المهم امبطح ع سريره و دق ع (( حياتي )) يرن ....

تركي : آلووو
الطرف الثاني : ألوو .. هلا حبي
تركي : هلاا بحبيبة قلبي .. شخبارج عمري؟
الطرف الثاني : بخير وانت شخبارك؟
تركي وهو يحط راسه ع مخدته: بخير ما دامج انتي بخير يابعد قلبي
الطرف الثاني وهي مستحيه : دوم فديتك
تركي : وياج .... رناد ممكن طلب صغير
رناد : آمر
تركي : ابي أشوفج تعالي بيتنا مع اخوج بعد صلاة العصر
رناد : لالالا مابي انا جم مرة اقولك انا مو هالنوع اذا تبي شوفني انت تدل بيتنا
تركي قعد ع حيله وقال: ادري بس خليني اخلص باقي بس اسبوع و باخبر ابوي عنج امي تدري اني ابيج
رناد : خلاص لما تخطبني باخليك اشوفني 24 ساعة بس الحين اسمح لي ماقدر
تركي وهوو فاقد الأمل: ان شاء الله .. بس وحشني ويهج
رناد وهي مستحيه : وانا بعد
تركي : الله يصبرنا يا رناد
رناد ماردت عليه وفجأة قالت: حبيبي انا باصكه الحين
تركي : ليش يبه توناس للحين ماشبعت منج
رناد : امي تناديني اكلمك بعدين
تركي : اوكي بس تحملي بروحج
رناد : ان شاء الله يلاا باي
تركي : بايات
تركي امبطح مرة ثانية وهوو يفكر اشلون بيفتح الموضوع رناد حق ابوه واشلون بتكون رد فعله ؟؟


• مشعل : أخو رناد عمره 18 سنة ما يدرس في جامعة لأن هله ع قدهم و ابوه ما يحبه وايد قاسي عليه بس امه طيبة اهيا الوحيدة الي تصبره ولا اهو وده ياخذ امه ويتركون البيت حقه المهم اهوو يشتغل عند بو تركي هو متوسط الطول و لبسه بسيط شعره بني و عيونه سود مكحله من الله يعني حلو شكله ضعيف لأنه مسكين ماياكل وايد كل في شغل ويحب العنود بس اهيا ماتدري عنه وبس

• رناد : أكبر من مشعل عمرها 19 سنة .. اهيا وايد حلوة كأنها ملكة جمال بيضة و عيونها احلى بس اهيا تحب تحط عدسات شعرها قصير واصل لرقبتها ويمكن اقصر بشوية ضعيفة تحب تهتم بجسمها و شعرها اهيا دلوعه ابوها و وايد عنيده و حبيبة تركي.



يتبع ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-10-2011, 12:10 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: روايتي الأولى : ياعين ليه تعشقي ؟



رنــاد
في بيت بو رناد = بو مشعل
وبالضبط في غرفة رناد

بعد ماسكرت رناد عن تركي دخلت رناد لغرفتها لأنها كانت برا ع بلكونه شافت صديقتها قاعدة ع سريرها وتلعب بتلفونها رناد واهيا تلعب بخيط تلفونها : شفتي خلاص سحرت تركي بيكون لي
ياسمين (( صديقة رناد )) : اشلوون؟
رناد واهيا تقعد ع حافه السرير : بعد اسبوع بيخطبني من ابوي بالعماله باقول حق ابوي علشان يوافق و أهد (( تأشر ع حولها )) هالبيت و باروح اعيش في قصرهم ههههه
ياسمين واهيا مفتخره ع رناد : أيه عليج يارنود والله انج سبع هههههه
رناد : هههههه اعجبج يا حبيبتي
ياسمين واهيا تيود يد رناد : ويلي يسلمج لما تزوجين لاتنسيني ابي ريل (( زوج )) مثل تركي
رناد : ههه افا عليج انتي صديقتي الوحيدة بس خليني اتزوجه وأوريج فيه (( وأهيا تيود ذقنتها )) والله اني باخليه يفلس ع ايدي .. ما أكون أنا رناد بنت خليفة.

* ياسمين : صديقة رناد الوحيدة .. وحيدة امها وابوها هي بعمر رناد بس هي احسن من رناد لانها تدرس في جامعة وتقريبا عايشه لوحدها بسبب سفرات اهلها وطلعاتهم هي حنطاويه جمالها عادي بشرتها ناعمه عيونها صغار وفمها بعد خشمها حاد و متوسطه الطول متحجبه تحب دايما تلبس بدلات وشعرها بني قامج طويل طبعا لحد تحت كتفها وبس :)
*****


في بيت بو سعود
الساعة 1:45
في غرفة الطعام

الكل كان في غرفة الطعام ع طاولة ... بوسعود وهو يود بطنه : أستغفر الله .. يا أم سعود نجبي الغدى أنا يعان هاي بنتج شكلها بترقد في المدرسة
أم سعود: الله هداكـ البنت عليها امتحان .. اصبر شوية
مشاعل وإهيا تصب العصير في قلاصات : تبين اتصل في سواقة ؟
أم سعود: لالا بس خلنا ننطر 10 دقايق اذا مايات بنجب الغدى
دخلت الهنوف وتوجه الكلام لمشاعل : هي أنتي غطي شعرج راشد بيدخل
مشاعل تركت الي في يدها و لبست شيلتها .. راشد تحمحم مشاعل : تفضل راشد
راشد وهوو منزل راسه ومتجه حق عمه (( بو سعود )) : السلام عليكم .. شخبارك عمي؟
بو سعود: بخير وأنت شخباركـ؟
راشد دز ( بعد ) كرسيه ع ورى و قعد راشد دايما يقعد ع يسار بو سعود: والله بخير بس تعبت اليوم من شغل
بو سعود : قواكـ الله ياولدي
راشد بصوت مسموع : شخبارج عمتي ؟
ام سعود وهي طالعه من المطبخ : هلا راشد شخبارك يمه ؟
راشد فز وراح باس راسها : بخير .. لاحظ مشاعل ورى امها وقال في قلبه ~ آآآه يا مشاعل ليش تعذبيني جذي ؟؟ متى بتحسين فيني والله اني ميت عليج ~
الا بصارخ صحى راشد من سرحانه : السلااااااام عليكم يلااا نجبوا الغدى
ورفعت قميص يدها شوية وقعدت ع كرسي : شخباركم يالحلوين
الهنوف: هي انتي الناس لما يسلمون بصوت واطي ماتصارخين بقمت راسج
اليازي : أووف كيفي حدي يعانه .. ماكليت شي في المدرسة
مشاعل واهيا تحط السلطة ع طاولة : تقدرين تقولين بصوت واطي مو جذي
اليازي ما أهتمت لهم ولفت ع ابوها وقالت : يبه شخبارك؟
ابو سعود : وحطبه ع راسج
ام سعود بخوف ع بنتها : وه اسم الله عليها
اليازي واهيا مستغربه من ابوها : افا يا علي اشفيك يبه
بو سعود : ليش تأخرتي علينا ماتدرين ان غدى
اليازي : والله انا بروحي طلعت من امتحان متأخره ورحت كفيتريا قعدت مع صديقاتي حتى نسيت السواقة
راشد الوحيد الي ماتكلم كان كل يطالع مشاعل ويفكر فيها .. اليازي اهيا يم راشد قامت وطقته ع راسه نقز راشد وقال: هي انتي اشفيج خرعتيني
اليازي : ههههه لا بس ابي اعرف وين وصلت ما أشوفكـ تزفني وياهم بقيت انت ههه
راشد وهوو يصب له عصير برتقال : والله تستاهلين
اليازي وتسوي روحها زعلانه: الله يسامحك .. عاد انا صديقتكـ
راشد : هههه
أم سعود وهي تحط الغنشه ع طاولة : ياالله اليازي بسج خلنا ناكل .. يلاا سموا بالرحمن
الكل سم في قلبه و بدوا ياكلون
بو سعود : يا عيال (( الكل وقف عن الأكل )) ترى هالعطلة مابنروح دبي بنروح بيت أبوي
اليازي : ليييش ؟؟ أنا ماني رايحه مناكـ انا وعدت منى اني اروح لها هالعطله
بو سعود وهو يقطع اللحم : والله مشكلتج .. يعني أي أهم يدج ولا بنت خالج
اليازي سكتت (( اهيا صج مشتاقه لبيت جدها بس اهيا وعدت بنت مايصير تخلف وعدها ))
الهنوف : ماعليه خليها مرة ثانية (( لفت راسها لأبوها )) وقالت: يبه يعني جم يوم بنكون في بيت يدي ؟؟
بو سعود : يمكن أسبوع
أم سعود لراشد : يمه راشد أشفيكـ ما تأكل عدل
راشد وتعب باين عليه : لا بس تعبان شوية
أم سعود هدت بلي يدها وقالت : أسم الله عليكـ من شنو تعبان ؟؟
راشد : من الشغل
اليازي وإهيا تسوي نغزات له : الشغل البال ع الحبيب القلب
الكل سكت وراشد نزل راسه ومشاعل تعجبت والهنوف ماتدري شسالفة و بوسعود سكت و مشاعل في قلبها ~ راشد يحب ؟؟ من متى؟؟ ~ ام سعود قالت: اليازيوا انتي ماتيوزين من هلساني الطويل
اليازي وهي تسوي روحها بريئة : يمه أنا شسويت الله هداج ؟
توها ام سعود بتكلم الا بو سعود : بس سكتوا أحترموا النعمه .. وبعد 10 دقايق راشد تكلم : عمي ترى لك أوراق أبيك تقراهم عن مشروع الجديد
بوسعود : إن شاء الله بعد الغدى بنروح المكتب ونقراهم وألتفت ع أم سعود وقال لها : موزه سوي لنا شاي حمر لما نروح مناكـ
أم سعود واهيا تزيد لراشد من العيش : إن شاء الله
راشد هوو يبعد صحنه عن ام سعود : لا ياعمتي بسني (( كفايه )) أكل
ام سعود : ليش يمه ماكليت شي
راشد وهوو واقف : نعمه الله عليكم
الكل : بالعافية
غسل يده وتوه بيطلع الا بو سعود يقول : راشد انطرني يبه علشان نروح مع بعض
راشد وقف مكانه بس بعيد شوية.. و دقايق وطلعوا للمكتب والبنات خذوا راحتهم الي فصخت القميص والي تاكل بهبل >>>> أكيد عرفتوهاا هههه والي نزلت شيلتها عن راسها

في المطبخ بعد الغدى

بعد الغدى البنات في غرفهن و بوسعود وراشد في المكتب و ام سعود ومشاعل في المطبخ ... مشاعل واهيا تغسل الإستكانات الشاي كانت تفكر بشيئين للحين متعجبة من كلام اختها لما قالت تفكر في حبيب القلب ~ شقصدها اليازي ؟ يعني راشد حب وحدة ثانية من بعدي ؟ طيب من متى وهو من البيت لشغله للمسيد مايروح مكان !!....(( وفجأة هزت راسها وكأنها تبي تشيل هالفكرة من راسها )) يووه وانا شعلي منه اصلا ... الله يهنيه مع غيري .. (( فجأة تذكرت كلام ابوها عن روحتهم بيت يدهم وقالت )) : يمه توقعين شعنده جدي هالمرة
ام سعود واهيا تخلط الشاي ع النار : ماعنده شي بس حرام ماتباتون ( تنامون) في بيته و الصراحة من زمان مانمنا عنده انا عن نفسي وحشتني غرفتي
مشاعل واهيا تغمز لإمها : أي تذكرين ايام الحلوة فيهااا
ام سعود واهيا منحرجه : أي هههههه
مشاعل واهيا تحط الصحون الشاي في صينيه بعد مانشفتها : بس اصدقين قلبي ناغزني
ام سعود واهيا تصب الشاي في الدله : ليش يمه ؟
مشاعل واهيا شبه سرحانه : الله يعلم يا يمه .. بس احس بيصير شي .
ام سعود تحط الشكر على الصنينه الشاي : إن شاء الله يصير كل خير لاتهتمين .
مشاعل توها بتطلع من المطبخ الا امها وقفتها : مشاعل
التفت ع امها : نعم يمه
ام سعود واهيا تأشر ع صينيه : خذي صينيه لأبوج
مشاعل تضايقة : يمه يعني كل يوم هالسالفة شايفتني خدامه لهم ؟
ام سعود : ذلفي عني يلاا وثاني شي محد غريب هذا ابوج وذاك ولد عمج .. روحي ترى عقب ابوج بيعصب عليناا روحي
مشاعل واهيا مبوزه : ان شاء الله يمه ..
ام سعود ابتسمت حق بنتها تدري فيها ماتبي راشد بس راشد ميت عليها وهي رافضته والله مايستاهل خوش ولد ... وقالت بصوت هامس : الله يهديج يابنيتي


في المكتب

خذت صينيه وخلت شيلتها ع راسها و مشت شوية شوية وصلت المكتب طقت الباب
بو سعود من الداخل المكتب : تفضل
دخلت مشاعل: السلام عليكم
بوسعود + راشد : وعليكم السلام
مشاعل واهيا تقرب منهم وهي مبتسمه : الله يعطيكم العافية
بو سعود + راشد : الله يعافيج
مشاعل نزلت وقعدت ع الأرض : أصب لكم شاي ؟
بو سعود : أي يبه حطيلي كفشتين ( ملعقتين )
مشاعل : إن شاء الله ...(( وبدون ماترفع راسها )) و راشد ؟؟!!
راشد كان يطالعها .. مشاعل لما شافته مارد عليها رفعت راسها وشافته يطالعها نزلت عينها وإنحرجت من نظرات راشد وقالت : راشد جم تبيني احط لك في الشاي ؟
راشد صد عنها : نفس عمي
مشاعل (( الله يسامحك يايمه يعني لازم تخليني انا الي ادخل عليكم اووف صج أحراج )) : إن شاء الله ... صبت لهم وعطت أول لأبوها وعقب راشد واهيا تعطيه الشاي بالغلط لمست يده حست بشعور غريب لما لمست يده مشاعل ارتجفت واستحت منه وراشد حس فيها بسرعة خذ الشاي منها وقال : السموحه
مشاعل : لاعادي وقامت عنهم وصلت يم الباب والتفت عليهم وقالت : تامروني بشي ثاني ؟
بو سعود : سلامتج بس صكي الباب وراج ... صكت الباب واهيا تمشي كانت طالع يدها وتقول في قلبها ~ يه اشفيني انا ؟؟ شصادني مساعه ؟؟ انا كل يوم اسلم عليه .. ليش هالمرة ارتجفت ايدي لما لمسته ؟؟ ياربي (( واهيا تيود خدها )) لايكون بس ... لالا ما اعتقد .. لالا بلى ... ويي لاا اوووف بس عاد (( فصخت شيلتها وراح لغرفتها ))

في المكتب مرة ثانية

بعد ما طلعت مشاعل راشد حط شايه ع طاولة الي مجابلته وقال : عمي ويلي يسلمكـ والله ماني متحمل اكثر كلمها مرة ثانية
بو سعود وهوو يحط شايه ع طاولة : يا راشد يعني شاسوي معاها اهيا حرمه تعرف شنو مصلحتها وانا ماقدر اغصبها ع شي
راشد وحاسه ان بينفجر من القهر الي في قلبه : عمي صدقني بتوافق والله قلبي يقولي انها بتوافق
بو سعود : راشد بس عاد لاتحن وايد
راشد سكت عن عمه .. بو سعود خذ الأوراق الي ع الطاولة وقال : شوف انا ما فهمت شي من هالأوراق ابيك توديهم حق ولد عمك تركي
راشد : عمي انا قبل لا اطلع من الشركة مر علي تركي وقالي شوف عمي بو سعود شنو رايه في الموضوع
بو سعود : اقولك شي بس خل الأوراق الحين عندكـ ولما نروح بيت جدك اخذهم معاك اشاور ابوي فيهم انزين ؟
راشد وهوو ياخذ الأوراق من عمه وأمبين عليه مضايق : إن شاء الله
بو سعود واهوو يطبطب ع كتف راشد : شوف يا راشد انا اعرفكـ انت خوش ريال والله اني اتمناكـ لها بس شاسوي فيها بس علشان خاطرك بحاول مرة ثانية
راشد وهوو متشقق : متى إن شاء الله ؟
بو سعود وهوو ينزل يده عن كتف راشد : إن شاء الله لما نروح بيت جدكـ
راشد قام من الفرح وباس عمه وقال : الله لايحرمني منكـ .. تامرني بشي
بو سعود : ابي سلامتك
راشد راح لغرفته وهوو متشقق و بو سعود قعد في مكتبه يكمل شغله

• راشد : ولد ضاري الله يرحمه مات ابوه وأمه في حادث وكان عمره ثلاث سنوات .. والحين هوو عايش مع عمه بو سعود وعمره الحين 27 سنة وانتوا عرفتوا في القصة ان يحب مشاعل بس اهيا ماتبادله بشعور وكل مايخطبها ترفضه وبعدين بتعرفون ليش ترفضه .. هوو طويل وحنطاوي وعنده سكسوكه حلوة وعيونه بنيه فاتحه وشعره شوية طويل يعني واصل لأذنه وكثيف ومتوسط الجسم ..
*****

في بيت بو تركي
بعد الصلاة العصر
الساعه 3:00

مشعل توه راجع من المسجد الي يم بيتهم و شاف روحه في منظره الي يم بيت بو تركي يشوف شكله ههه >>>يحيلاته
وبعد ما عدل روحه وشعره توكل ع الله و دخل الحديقه و مشى وبعد ثواني وصل عند الباب ودق الجرس

في جهة الثانية (( في داخل بيت بو تركي ))

كانت العنود قاعدة تلعب في لابتوبها خواتها يطالعون (( mbc 3 )) و بو تركي في مكتبه وتركي في غرفته يدرس واما أم تركي كانت في غرفتها تصلي بس تسمع صوت الجرس عصبت ام تركي وطلعت لصالة واهيا لابسة ثوب الصلاة : العنود وصمخ ان شاء الله شوفي من عند الباب
العنود : شيتي شوفي من برا
ام تركي قربت من بنتها وبحمق : العنود ماتسمعين روحي انتي بطلي الباب أحسن لج
العنود خافت من أمها و حطت اللابتوب ع كرسي وراحت برا
راحت بطلت شوية باب وشافت جدامها مشعل ومشعل تخبل عليها وقف يطالعها
العنود كانت حلوة مو حاطه شي في ويهها الا كحل
العنود : مشعل تفضل روح مكتب أبوي
مشعل نزل راسه ودخل شاف ام تركي طالعه من غرفتها : السلام عليكم
ام تركي اهيا معصبه ع بنتها بس ماتبين لمشعل : وعليكم السلام
مشعل : شخبارج عمتي ؟
ام تركي : بخير وانت شخبارك و شخبار الأهل ؟
مشغل : بخير يسلمون عليج
ام تركي : الله يسلمهم ألتفت ع العنود الي قاعدة ع اللابتوبها ولا لابسه شي ع راسها
ام تركي : مشعل يمه روح حق عمكـ هوو داخل في مكتبه
مشعل هوو منزل راسه : ان شاء الله ... وراح عنهم
ام تركي راحت لعنود بخطوات سريعة و يودتها من قميصها : العنود ياقليلة الأدب
العنود أخترعت من حركة امها : يمه اشفيج
ام تركي بصوت واطي : روحي غيري ملابسج و لبسي لج شيله ع راسج احسن لج
العنود بعدت نفسها عن امها : ليش انا توني صغيرة
ام تركي كانت بطقها بس نزلت يدها : اقولج روحي ولا اقول حق ابوج
العنود خافت من كلام امها خذت اللابتوب وراحت لغرفتها ..

في جهة الثانية من البيت بو تركي
(( مكتب بو تركي ))

كان بو تركي يدور ع كتابه في احد رفوفه مشعل طق الباب بو تركي رجع مكانه مرة ثانية وقعد على كرسيه وقال : من ؟
مشعل من ورى الباب : مشعل
بو تركي : تفضل ياولدي
دخل مشعل وصك الباب واتجه لبو تركي : السلام عليكم
بو تركي وقف ومد يده لمشعل : وعليكم السلام
بو تركي يأشر ع كرسي الي يم طاولته : تفضل يا مشعل
قعد بو تركي و بعده مشعل بو تركي : ها يامشعل شخبارك يبه؟
مشعل : والله بخير من خيرك وانت شخبارك عمي؟
بو تركي : بخير الله يسلمك .. شخبار الأهل؟
مشعل نزل راسه و أمبينه عليه مضايق : بخير بسلمون عليكـ
بو تركي حس في مشعل وقال: عسى ماشر الوالد ولا الوالدة فيهم شي؟
مشعل يحاول يبين لبو تركي ان مافي شي : سلامتك يا عمي
بو تركي : الله يسلمكـ بس شكلكم في شي صاير ولا ماتبي تقولي اخاف تخطيت حدودي وياكـ
مشعل : افا ياعمي شلكلام صدقني اني اعتبرك مثل أبوي بس ماصار شي
بو تركي : متأكد
مشعل : أي نعم ... عمي تركي قالي انك طلبتني عسى ماشر
بو تركي : والله ابي أشياء منك وايد (( وهوو يدور في الأوراق ))
مشعل : تفضل يا بو تركي
بو تركي وهوو ترك الأوراق وجابل مشعل : شنوو أخبار المحل ؟
مشعل : والله الحمدلله مايدخل كرمك الله تيس ولا عنزه الا وانا متأكد ان مافيهم شي
بو تركي : انزين يبت معاك الفلوس آخر الشهر ؟
المشعل : أي (( طلع شي من مخباه وعطه بو تركي )) تفضل
بو تركي بطل الظرف وشاف 4000 دينار
بو تركي : الله يعطيك العافية يا مشعل
مشعل : الله يعافيك
بو تركي خذ 1000 ومد يده لمشعل ومشعل لما شاف يد بو تركي فيه1000 دينار : تفضل يا مشعل
مشعل : عمي شنو ذي؟
بو تركي : معاشكـ
مشعل : السموحه يا بو تركي (( خذ الفلوس من بو تركي )) بس باخذ 300 (( رجع الـ 700 لبو تركي )) وتفضل الباقي
بو تركي : لالا لاتردني يا مشعل انت وايد تعبت وياي مادخلتها خذ 1000 الحين خلها لجامعتك مو ناوي تخلص دراستكـ؟
مشعل : ما اعتقد يا عمي بس كفايه علي 300
بو تركي : لا خذ 700 لاتردني يابوك ع اقل عط الوالد ولا الوالدة
مشعل في قلبه ~ هع الوالد مايقصر يا عمي ياخذ معاشي ولا أخذ منه فلس هع ~
بو تركي حس ان مشعل سرحان : مشعل انت معاي؟؟
مشعل صحا من سرحانه : هلا عمي
بو تركي يتغشمر مع مشعل : هاا اشفيك من ماخذ عقلكـ؟
مشعل وهوو منحرج ويقول في قلبه ~ تبي الصراحة بنتك العنود آآآآهـ الي خذت قلبي و روحي وعقلي يا عمي ~
بو تركي : هههه يحيلاتك يا مشعل
مشعل للحين ساكت .. بو تركي : اقوول يا مشعل انا بعد أسبوع باروح بيت ابوي أبيك تحمل تنتبه اكثر بشغل لأن كل شي بيكون عليك لأن حتى تركي بيكون معاي
مشعل : إن شاء الله لاتوصي حريص
بو تركي كأنه تذكر شي: بووو سامحني يا ولدي ماقلت لك شنو تبي تشرب ؟
مشعل وهوو واقف : لا مشكور بس انا باخليكـ الحين
بو تركي : وين خلكـ ع اقل اشرب شي مايصير تروح جذي
مشعل منحرج من بو تركي : ماعليه ياعمي انا ابي انام لأن وراي شغل بعدين
بو تركي : إن شاء الله (( مد يده لمشعل )) تحمل بروحكـ وسلم ع الأهل
(( مشعل مد يده لبو تركي )) : سلم ع تركي (( خذ فلوسه )) وقبل لا يطلع قال : مع السلامه
بو تركي وهوو يقعد ع كرسيه : الله يسلمك


في صالة بيت بو تركي

ام تركي ورى الخدامه : وييي وين رايح؟؟
مشعل توه صاك الباب : والله باروح انام يا عمتي
ام تركي : سامحني ياوليدي (( خذت عصير من الخدامه ومدت يدها لمشعل )) خذ هالعصير ع اقل
مشعل : نعمه الله عليج (( وماحب يرفضها وخذ العصير ويشرب وعيونه تحوم ع البيت كأنه يدور شي يسقي عيونه قبل لا يطلع )) خلص العصير وفاقد الأمل وقال : نعمه الله عليج يا عمتي
ام تركي واهيا تبتسم له : بالعافيه يالغالي .. سلم ع أمك
مشعل : يوصل ... فمان الله
ام تركي وفي يدها العصير : في حفظ الله .
*****
وبعد أسبوع في يوم الي الكل بيروح بيت بو ضاري
في بيت بو سعود
بالضبط في غرفة مشاعل

مشاعل كانت ع سريرها منبطحه تفكر في راشد من ذاك اليوم واهيا تحس ان تصرفاتها تغيرت مع راشد الا بدخلت اليازي والهنوف : هاي اختي
مشاعل قامت من ع سريرها : هلا (( ورجعت امبطحت مرة ثانية ))
الهنوف راحت ع طول لخزانة مشاعل وبطلته وتفتش بين ثيابها : مشاعل عندج قميص اصفر مالي
مشاعل : لا شوفي يمكن اليازي عندنا
اليازي نطت ع سرير اختها : ماعندي انا جم مرة اقولكم اووف
مشاعل تخرعت من نقزت اليازي : هي شوية شوية ع سريري
اليازي : إن شاء الله عمتي
الهنوف يأست وقعدت ع سرير وياهم : اووف شاسوي الحين ما اقدر البس البدله بدون القميص
مشاعل رفعت راسها : انزين لبسي أي شي خذي قميص مالي لونه اسود ترى يناسب
الهنوف واهيا مبوزه : مابي مب شي ترى
مشاعل رجعت راسها ع مخده : كيفج
اليازي : اووف اشفيها ذي ؟؟
الهنوف : اشفيج انتي بعد؟
اليازي : ماترد علي شهوود
الهنوف : يمكن مشغولة خليها براحتها
اليازي بملل : ابي اسولف وياها
مشاعل واهيا تلعب في شعرها : اقوول بنات
الهنوف واليازي التفتوا ع اختهم وسكتوا مشاعل تكمل : توقعون راشـد يحب من ؟ يعني توقعون خلاص ماعاد يبيني ؟
شافت ان محد يرد عليها قامت ع حيلها وشافت الي فاتحه عيونها و فمها والي مجمده وقالت في قلبها (( امبي اشفيهم ذلين اووف بعد انا مادري ليش سألت هالسؤال والله ماعندي سالفة)) تحاول تغير الموضوع ع طول قامت وراحت صوب كبتها وطلعت قميص الهنوف الأصفر الي تبيه : هااج الهنوف خذي مالج انا ما ابيه
الهنوف واهيا مبطله حلجها : هاا
مشاعل منحرجه بس مايبين عليها : خذي قميصج قبل لا أخذه ولا بيشوفينه مرة ثانية
اليازي صحت شوية و راحت لها : مشاعل ليش سألتي هالسؤال؟؟
مشاعل سوت روحها معصبه : هي انتوا يلاا طلعووا (( يودت اليازي من قميصها و راحت للهنوف و طلعتهم من برا غرفتها وقفلت الباب وقلبها يدق مليون مرة في ثانية )) وتقول : اشفيني انا ياربي شصادني ليش اسأله عنه ؟؟ (( حاولت تهدي من توترها و نفسها )) : الله يستر لايكون بس هالعله اليازي ماتروح تخبره ادري فيها ..وفجأة ضحكت ع نفسها ( ههههه والله اني هبله ) وراحت تدور لها ثياب ..

في الممر

اليازي متعجبة : شفتي مشاعل ؟؟
الهنوف للحين متعجبة : اشفيها؟
اليازي : اول مرة تسألنا هالسؤال ؟
الهنوف تلعب بقميصها واهيا رايحه غرفتها : والله مادري حتى انا مستغربه من سؤالها قبل ماتشتهي تطري اسمه والحين اهيا تسأل هالسؤال والله غريبه هالبنت
اليازي بضيق : وين رايحة
الهنوف واهيا تأشر ع غرفتها : يعني انتي شنو شايفه ؟
اليازي : لاقصدي شنو بتسوين ؟
الهنوف : بارتب اغراضي وانتي بعد روحي رتبي بعد شوية بنروح بيت جدي
اليازي : لا هانووف خلج معااي
الهنوف : وين انا وراي شغل يلاا تعالي جهزي اغراضج ولا بنروح عنج (( راحت لغرفتها و صكت الباب )) أما اليازي ذبحت عمرها واهيا تتصل في شهد ... اليازي واهيا رايحه لغرفتها وتفتح الباب : والله لا اوريج يا شهود تحقريني .(( راحت ع سريرها وللحين عندها امل ان شهد ترد عليها قعدت ع سريرها )) و تقول : ياربي شتسوي ذي اوووف .. قامت من ع سريرها وقالت : انا اشعلي منها انا اروح اكمل شنطتي احسن لي والله ...حذفت تلفونها وراحت تدور لها ثياب .

شرايكـ نشوف شتسوي شهد و ليش ماترد ع اليازي ؟؟
*****
في بيت ام راكان (( ام شهد ))
كان المغرب الساعه 6:00
بالضبط في غرفة شهد

كانت شهد قاعدة يم دريشتها ( شباكها) والهوى يهف عليها وتتناثر شعرها الحرير ومغمضة عيونها إلا فجأة وصل لها مسج وراحت عند سريرها و شافت 26 مكالمة من اليازي و و رسالة وحدة منها بعد بطلت رسالة اليازي مكتوب فيها
(( شهووود يالحماره ممكن تردين علي انا من مساعه اتصل فيج ولاتعطيني ويه * وحاطه رمز واحد معصب * ههه ))
المهم ما اهتمت شهد خذت تلفون وخلته في درجها ماتبي احد يزعجها حتى صديقتها اليازي و رجعت مرة ثانية قعدت ع كرسي الي يم دريشتها و غمضت عيونها وتفكر في نفسها بعد ماتحطمت من اعز شخص في قلبها وتذكرت الي صار لها قبل كم يوم ......

أم شهد واهيا تصارخ من الطابق الأول : شهد .. شهوود
شهد واهيا ع دري : نعم يمه
أم شهد : نزلي خالتج و عيالها عندنا تعالي
طبعا شهد اهيا ماتحجب عن عيال خالتها فراحت بسرعة تكشخت .. كانت اوردي لابسه تيشرت حمره مع بنطلون ابيض مخطط باللون الأحمر بس حطت مكياج ناعم وحمره شوية قامجه (( حمراء )) المهم وتعطرت من عطرهاا و سوت باف ع خفيف في شعرهاا و فلته ولبست اكسسوارات ناعمه خاتم وسوار وساعه كلهم بالون الفضي احلى  وبعد شوية نزلت لهم وكأنها أميرة شوية شوية تزل وصلت وسلمت عليهم قالت ام فيصل : فديت بنت اختي شهوودهـ تعالي يمي
شهد استحت من خالتها و راحت لها واهيا منزله راسهاا وقعدت يمهاا
ام فيصل واهيا تمسح ع شعر شهد : ربي يحفظج يابنيتي و يرزقج بولد الحلال الي يسعدج
ام شهد : آمين ... شهد في قلبها (( آمين يارب العالمين الي في بالي إن شاء الله ههههه ))
ام فيصل تكلم شهد: شلونج شخبارج؟
شهد للحين منزله راسها: بخير
ام فيصل : وه اشدعوه ياشهد ماتمرين علينا صرنا نشوفج بس لما نمر عليكم اشدعوه ياحافظ
ام شهد : ويه ياخويتي سامحينا تعرفين ماعندنا احد وراكان ربي يحفظه في شغل واهيا توها مخلصه امتحاناتها
ام فيصل التفت ع شهد وقالت لها : ويي .. اقوول شلونج مع امتحانات؟
شهد رفعت راسها لخالتها: تماام
ام فيصل شالت يدها وقالت : أي الحمدلله (( وكأنها تذكرت شي وقالت )) أي زين تذكرت شي
ام شهد طالع بنتها مستانسة عليها وعلى اناقتها : إن شاء الله خيــر
ام فيصل : خيــر بويهج بس إن شاء الله هالخميس بنخطب بنت الحلال لفيصل
شهد طايرة من الفرحة ودها ترقص ويهها صار احمر ونزلت راسها أم شهد واهيا طالع بنتها : الله يتمم ع خير
أم فيصل : إن شاء الله
راكان: يمه نشبي الغدى زوج خالتي يبي يروح الشغل
أم شهد واهيا تيود شهد : إن شاء الله يلاا شهد تعالي معااي
راكان وهوو يروح يم فيصل : بالمبارك يا فيصل
فيصل بدون نفس : الله يبارك فيك
راكان حس ان فيصل ما اهتم لوجوده فراح عنه مايبي يعور راسه مع هالياهل ( بزر ) هه

في المطبخ

أم شهد واهيا ميوده بنتها ضمتها ودمعة عيونها : ايه عليج يا شهوودة والله كبرتي وصرتي عرووس
شهد واهيا تمسح دمعة امهاا: فديتج يمه ليش تصيحين والله دموعج غالية علي
أم شهد واهيا أضم بنتها : آآآيه عليج يابنيتي الله يرحم ابوج ياريته موجود الله يتمم ع خير
شهد واهيا تبتعد عن امها : الله يرحمه .. اقوول يمه توقعين اخواني بيوافقون ؟!
أم شهد واهيا رايحه صوب الفرن: ويي ماعليج منهم انا بتصرف معاهم بس انتي روحي الحين قعدي معاهم
شهد : إن شاءالله ... راحت لصالة ولقلت خالتها مع بنتها وفيصل وقالت : فيصل روح الميلس علشان تغدى
فيصل خذ تلفونه وحطه في جيبه وراح واما الحريم قعدوا في الصالة.....
أنتهـــى البارت الأول
توقعاتكم لأحداث البارت الثاني ؟؟
- قبل توقعاتكم ابي رايكم في شخصيات ؟
- ياترى شنو سبب رفض مشاعل لراشد؟
- مشاعل هل بدت تميل لراشد ؟
- توقعون شنو الموقف الي راح يصير في شهد الي تحطمت منه لدرجة صديقتها اليازي ماترد ع اتصالاتها ؟
- شرايكم بشخصية فيصل؟

وبس  هذي اسألتي وانا اتقبل النقد قبل المدح وحبيت اخبركم ابليز الي تبي تكون من متابعين روايتي ابليز تقولي علشان اسجلها عندي ..حتى لما انزل بارت ارسل لها واخبرها ان البارت الجديد جهز وابيكم تخبروني الخط واضح بنسبه لكم ولا تبون اكبره شوية ؟  وشكرا ..~



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-10-2011, 03:09 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: روايتي الأولى : ياعين ليه تعشقي ؟



سـلام عليـكم
................. مسـآءك خير ي عسل


عزيزتي الكآتبة الصغيرة :
ماشاء الله عليكِ عندك حبكة لتصوير الآحداث لكن يبغالك شوي تتطوير حتى تكوني ممتـآزة جداً
غلطتي ...؟
لمن كتبتي في البداية قآئمة اسمــاء العوائل و تعريف لهم .......... إلخ
مثل منتي عارفه ...؟
أغلب الروايات اللي تكون بهذا النمط مالها آقبال كبير من الجمهور الا من رحم ربي
فـ هذي النقطة إنتي امسحيها عندك في ملف الـ word إذا انتهت روايتك و صآرت كآمله
عشــآن تتحمل للقراء :)

لو آفرض مثلاً أسـألك ايش الروايات اللي تنرفزكِ
راح تقولي آكره لمن يمدحوه في البطله و يوصوفه شكلها و أكره و أكره
و إنتي حآطة وصف البطلات في روايتك :)
هذي انتبهي منها بذات


آمممم
آنا قريت مقطفـآت من روايتك
لكن كـ اسلوب .. ماشاء الله عليكِ
لكن آبعدي عن الأفكار المتكررة و النمط التقليدي القديــم
نحتــآج لـ روايات جديدة تكون ممتازة في كل حآجة

و كـأني لاحظت في سالفه حُب ....؟ و لا غلطـآنه
إذا بتكتبي .. هذا الشئ راجع لكِ
لكن حطي قدامكِ
دينك .. و عادات و تقاليد

إنتي راح تكتبي شئ تكـوني متأثرة في بين أهلك و مجتمعك و بيئتك
و ياليت لو تتابعي موضوع القضـايا..!
راح يفيدك و يعلمكِ كثييير
و ماتتعرضي للأنتقــآدات اللذاعه .. و لا تصير روايتك لـ قائمة شخآبيط مراهقــآت :)






















و الله يوفقك في طريقك للمجــآل الأدبي
تحياتي لكِ



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-10-2011, 07:38 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: روايتي الأولى : ياعين ليه تعشقي ؟


وعليكم السلام أهلين اختي ديما نورتي صفحتي بطلتج حبيبة قلبي انتي يسلمو ع الكلام والمدح بأول احب اخبرج اني كتبت هالراوية من زمان وماقدر اغير من أحداثها أنا أحاول قد ما اقدر ابين عادات وتقاليد ودينه مثل ماقلتي بس ماعليه طوفيها هالمرة وانتي لااتحكمين ع روايتي من اول بارت ابليز خلج من متابعينها أنا ما الصبح بس علشان تحسين ان بكل بارت يتغير أسلوبي بالكتابة لأني أحاول والله وانا ابي تخلصها لان ناويه اكتب رواية جديدة عن قضايا حقيقة وقصص حقيقة وع فكرة احداث روايتي حقيقة حتى شخصيات وعن موضوع شخصيات أنا بالعماله ابيهم يعيشون في احداث روايتي ابين لهم صفات شخصيات بالشكل وصفات واخلاق علشان يصورون احداث روايتي في بالهم مثل ما أنا اسوي هالشي يعني أعيش الجو وشكرا مرة ثانية ونورتي رواية لأني كنت محبطه ههه واذا ناويه تكونين من متابعين روايتي خبريني أدون اسمج عندي وشكرا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 03-10-2011, 01:57 AM
hamood habeel hamood habeel غير متصل
©؛°¨غرامي جديد¨°؛©
 
الافتراضي رد: روايتي الأولى : ياعين ليه تعشقي ؟


ما شاء الله على هاي الرواية الجميلة بل الاكثر من جميلة ...سلمت يداكي واناملك ...استمري ننتظر الجزء الثاني ........

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 03-10-2011, 12:54 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: روايتي الأولى : ياعين ليه تعشقي ؟


اهلين :) نورت اخوي ( hamood habeel ) ..تسلم ماتقصر .. شكرا ع مرورك .. إن شاء الله يشرفني انك تكون اول من متابعين روايتي.

تحياتي لك..~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 03-10-2011, 06:11 PM
صورة immo0ortal الرمزية
immo0ortal immo0ortal غير متصل
jẽ ṦuĪs mάlađё
 
الافتراضي رد: روايتي الأولى : ياعين ليه تعشقي ؟


اقتباس:
المشاركة الأساسية كتبها عيون قتاله مشاهدة المشاركة
وعليكم السلام أهلين اختي ديما نورتي صفحتي بطلتج حبيبة قلبي انتي يسلمو ع الكلام والمدح بأول احب اخبرج اني كتبت هالراوية من زمان وماقدر اغير من أحداثها أنا أحاول قد ما اقدر ابين عادات وتقاليد ودينه مثل ماقلتي بس ماعليه طوفيها هالمرة وانتي لااتحكمين ع روايتي من اول بارت ابليز خلج من متابعينها أنا ما الصبح بس علشان تحسين ان بكل بارت يتغير أسلوبي بالكتابة لأني أحاول والله وانا ابي تخلصها لان ناويه اكتب رواية جديدة عن قضايا حقيقة وقصص حقيقة وع فكرة احداث روايتي حقيقة حتى شخصيات وعن موضوع شخصيات أنا بالعماله ابيهم يعيشون في احداث روايتي ابين لهم صفات شخصيات بالشكل وصفات واخلاق علشان يصورون احداث روايتي في بالهم مثل ما أنا اسوي هالشي يعني أعيش الجو وشكرا مرة ثانية ونورتي رواية لأني كنت محبطه ههه واذا ناويه تكونين من متابعين روايتي خبريني أدون اسمج عندي وشكرا
و آهلا و سهلاً فيكِ
حسستيني و انتي تببري .. كأني نآقدة جرسة آطالع في روايتك من تحت النظرة
و تنورتي نآطة و آهز في رجولي و صوت الصندل يطلع

شوفي آنا لمن كآتبة رواية آجنبيات في المجتمع
و هذي اول رواية كآنت لي
تعرضت للآخطـآء و الآنتقآدات.. و اتعلمت من آخطـآئي
فـ ما ابغاكم إنه الشئ اللي غلطت فيه انتو تكرروه و تغلطوه :)
إنتي قلتي آنك كآتبة روايتك من زمآن
كآن قبل لا تنزليها كآن عدلتي فيها و صلحتيها بعد

و لا انتي منزلــة روايتك لـ قارئات و متابعات طآلعين من الكرتون و مو فآهمين حآجة
قبل كل حآجة ..
صآر القآرئ واعي و مثقف و ذكي جداً
صآر يبحث على الروايات النــآدرة جداً
و القليل فقط من الروايات النآجحة في هذا الجيـل .. اما روايات الحين بس اقولها عظم الله آجرك
ف انا بتابع الكاتبات من بداية روايتهم و انتقدهم و اوقف معاهم
حتى لا تصير روايتهم من آهل عظم الله آجرك


و شئ طبيعي آنه عندك طموح انه فكرة الرواية الثانية تدور براسك
بأفكار و احداث و قضآيـآ
و الرواية هذي خليها انك تتعلمي عليها و اغلطي عليها وووووو إلخ
بس آهم شئ نبغى نشوف نتيجة آغلاطك و تعلمك
و إذا نفسيتك تتكسر عشآن متابعين مـآفي
إنتي كملي روايتك عشآن القراء يقروهآ و هي كآملة
الكل صــآر يميل للروايات الكآملة
الا اذا كآنت روايتك متميزة جدا و محترمة ب اوقات نزول البارت





و الله يوفقك في مشوارك للمجال الآدبي للروايات و القصص


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-10-2011, 08:17 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: روايتي الأولى : ياعين ليه تعشقي ؟


اقتباس:
المشاركة الأساسية كتبها ديما القطبي مشاهدة المشاركة


و آهلا و سهلاً فيكِ
حسستيني و انتي تببري .. كأني نآقدة جرسة آطالع في روايتك من تحت النظرة
و تنورتي نآطة و آهز في رجولي و صوت الصندل يطلع

شوفي آنا لمن كآتبة رواية آجنبيات في المجتمع
و هذي اول رواية كآنت لي
تعرضت للآخطـآء و الآنتقآدات.. و اتعلمت من آخطـآئي
فـ ما ابغاكم إنه الشئ اللي غلطت فيه انتو تكرروه و تغلطوه :)
إنتي قلتي آنك كآتبة روايتك من زمآن
كآن قبل لا تنزليها كآن عدلتي فيها و صلحتيها بعد

و لا انتي منزلــة روايتك لـ قارئات و متابعات طآلعين من الكرتون و مو فآهمين حآجة
قبل كل حآجة ..
صآر القآرئ واعي و مثقف و ذكي جداً
صآر يبحث على الروايات النــآدرة جداً
و القليل فقط من الروايات النآجحة في هذا الجيـل .. اما روايات الحين بس اقولها عظم الله آجرك
ف انا بتابع الكاتبات من بداية روايتهم و انتقدهم و اوقف معاهم
حتى لا تصير روايتهم من آهل عظم الله آجرك


و شئ طبيعي آنه عندك طموح انه فكرة الرواية الثانية تدور براسك
بأفكار و احداث و قضآيـآ
و الرواية هذي خليها انك تتعلمي عليها و اغلطي عليها وووووو إلخ
بس آهم شئ نبغى نشوف نتيجة آغلاطك و تعلمك
و إذا نفسيتك تتكسر عشآن متابعين مـآفي
إنتي كملي روايتك عشآن القراء يقروهآ و هي كآملة
الكل صــآر يميل للروايات الكآملة
الا اذا كآنت روايتك متميزة جدا و محترمة ب اوقات نزول البارت





و الله يوفقك في مشوارك للمجال الآدبي للروايات و القصص




يسلمو اختي ع نصايحك لي وانا اتقبلتهم بكل رحب عارفه صح كلامك بس لازم الكاتب يحصل صعابات انا ما اسمي نفسي كاتبه ومؤلفة لأني يمكن ما استاهل هاللقب لأن في بنات رووعة ماشاءالله عليهم رواياتهم روعة بجد من كذا حبيت اكون زييهم ويكون عندي معجبين ... مشكلة ماقدرت اعدل عليها لأن احداث روايتي في كل بارت مرتبط مع القبلي وماقدر اغير القصة بس اوعدج اصلح فيها واقلل من مواقف الجريئه ههه واما عن ان روايتي تنجح ولا .. وربي عادي اذا مانجحت هالرواية ان شاء الله تنجح روايتي الثانية :) ويسلمو ع مرورج نورتي .. تحياتي لج..~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-10-2011, 07:57 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: روايتي الأولى : ياعين ليه تعشقي ؟


السلام عليكم اقدم لكم البارت الثاني
سوري ع تأخير بس الظروف أخر مرة اتأخر عليكم تفضلوا :



(( أفا ياقلب تخدعني وانا الي سقيتك ماي عيني هذاك الي حبيته حسبته بيوم شاريني !! ))

وشهد خنت حيلي ( كلمة صعبه عليك هه يعني المسكينه ) ما كلت شي من كثر الفرحة فقررت تطلع عنهم وراحت الصالة ولقت فيصل قاعد توها بترجع للحريم الا فيصل يقول : شهد
شهد ميته من خجل : عيون شهد
فيصل يقول في قلبه (( مصدقه روحها ذي )) : تسلم لي عيونج الحلوين ممكن اكلمج شوية
شهد ومنزله راسها : إن شاء الله .. تفضل
فيصل وقف وبصوت واطي : لا مو مني جدامهم خلنا نروح الميلس
شهد واهيا منزله راسها : الي تبيه
مشى فيصل و شهد وراه واهيا طايره من الفرحه و وصلوا الميلس اهيا دخلت اول وعقب هوو وصك الباب .. وراح يمها وقال لها قعدي ليش واقفه قعدت وهوو قعد يمها و حط يده ع راسها : الله عليج يا شهودة صايره حلوة اليوم
شهد مستحيه منه ومنزله راسها اكثر : عيونك الحلوة
وخذ يده ورفع راسها وقال : لا انتي عيونج الحلوة
شهد استحت من حركته و ابتعدت عنه شوية ... فيصل وهوو يقرب منها : شهودة ممكن طلب صغير
شهد واهيا ترفع راسها له وبكل حب قالت : عيوني لك
فيصل : تسلم لي عيونج .. (( قرب منها )) الصراحة ابيج طلعين معاي باجر
شهد رفعت راسها و بإستغراب : وين نروح؟؟
فيصل : فندق!!
شهد طالعه بإستغراب : ليش فندق؟؟
فيصل توهق : هاا لالالا شهودة لأن المطعم في الفندق الي احنا بنروح له
شهد واهيا مستانسة و قفت : عيل باروح اخبر امي (( توها بتروح الا فيصل مسك يدهاا ))
فيصل : وين رايحه ؟؟
شهد : اقول لأمي وخالتي ان باجر بنروح الفندق
فيصل بتردد : لا شهودة بس انا وانتي
شهد ابتعدت عنه : ليش ؟؟ انا ماقدر اطلع بدون امي واخواني
فيصل : انا بتصرف يا حياتي
شهد سكتت الا امها تصارخ عليها وتقول : شهد ... شهد يمه وينج ؟؟
شهد بأرتباك : مني انا موجودة
أم شهد : تعالي خذي الشاي لخالتج
شهد : إن شاء الله ... ألتفت ع فيصل وقالت : انا باروح هد يدي شوية
فيصل قرب منها وهمس في أذونها وقال : بتوحشيني
شهد ماتت من كثر قربه هد يدها وراحت عنه .... وبعد ربع ساعة رجعت الميلس له واهيا مشتاقه له بطلت الباب مالقته موجود شافت الباب الثاني للميلس امبطل الي يكون ع حوش فراحت له و قبل لا تطلع من الباب سمعت صوت فيصل يكلم احد ع التلفون (( فيصل )) : هلا حياتي ... آآآه فديتج .. أي اكيد .. ههه صج والله هههه لا حبي إن شاء الله عقب باجر انا وامي عندكم تامرين آمر يا مرايم يلاا حبيبتي انا باصكه الحين تامرني بشي ؟؟ ... هاا .. افا عليج وهاج البوسه أموووواح ... ههه يلاا باي قلبووو (( وصك التلفون توه التفت ع ورى الا شاف ويه شهد كأنه فيها شي وشهد ماصدقت الي سمعته وقال : شهد !!
شهد واهيا واقفه بمكانها ومجمده : من ذي ؟؟
فيصل بإرتباك : هاا ... وانتي شعليج ؟
شهد تحاول تستوعب الي سمعته قبل شوية : اقولك من ذي؟
فيصل تشتجع وقال : خطيبتي
شهد واهيا تقرب منه مو مصدقه الي تسمعه وقالت وبصوت واطي : أي خطيبة ؟؟
فيصل : خطيبتي انا
شهد ورفعت صوتها : خطيبتك!!
فيصل بسرعة مسك فمها وقال : آووش لاترفعين صوتج تعالي ابي اكلمج
شهد و دمعة ع خدها : مابي بعد عني
فيصل مسك يدها بالقوه وقال: اقولج تعاااالي
شهد بإستسلام قالت : إن شاء الله و راحت وياه شوية بعيد عن الباب الخلفي شهد وقفت وتخصرت وتقول : يلاا فهمني من ذي ؟؟؟
فيصل : مرايم .. حبيبتي و خطيبتي بعد جم يوم... عندج مانع؟؟؟
شهد من كثر القهر صرخت فيه وقالت: وليييييييش ؟؟ مايصير انا خطيبتك اشلون تخطب بنتين في نفس الوكت؟؟
فيصل رفع صبعه لها وقال : هي انتي مصدقه روحج أنج خطيبتي ومن قالج اصلاا اني باخطبج هاا؟؟؟
شهد مو مصدقه الي تسمع (( هذي حبيبي ؟؟ ليش يكلمني جذي )) : فيصل (( واهيا تيود كتفه )) ليش انت تكلمني جذي انا حبيبتك شهد
فيصل واهوو يشيل يدهاا بالقوه : اقوول شيلي ايدج عني يالقذرة
شهد واهيا فاتحه فمها وعيونها مو مصدقه الي يصير لها : انا قذرة ؟؟
فيصل وهوو يعدل نفسه : أي قذرة .. ههه مصدقه روحج اني باخطبج انتي كنتي بنسبة لي لعبة العبها ومليت منهاا
شهد واهيا تيود قميصه مرة ثانية : انا لعبة ليش انا بنت خالتك حرام عليك (( وقامت اطق على صدره )) ولا بعد تبيني اروح وياك الفندق يالحقير (( اطقه بكل قوتها ))
فيصل وهوو يمسك يدها وينزلها : شيلي يدج النجسه عني انا ريال لاطقيني جذي
شهد ابتعدت عنه : لو انت ريال كان ما تسوي جذي فيني ... عبالك بنات الناس لعبة بيديكـ واختفى صوتها من صياح
فيصل ما اهتم بكلامها و راح عنها وقبل لا يطلع : اقوول خبري امي اني طالع يلاا باي
خذت أصيصه وقطتها عليه وقالت : ياعلك ماترجع يالحقير ... بس ماصاده شي و راح عنها واهيا طاحت ع الأرض و مكياجها اخترب و شعرها حالته حاله وتصيح راكان أخوها الكبير توه داخل من برا وشاف اخته طايحه ع الأرض وركض لها ومسك وقال: شهوود اشفيج ؟؟ (( رفع راسها )) شهوود ليش تصيحين ؟؟
شهد ماقدرت تكلم بس ضمت اخوها وتقول : اخوي سامحني .
راكان مستغرب منها : شنوو؟؟
شهد بين شهقاتها : خلاص .. بتحجب عن الكل ..هئ هئ هئ .. خلاص من اليوم ورايح بسمع كلامك و (( ضمته اكثر )) راكان سكت عنها يبيها تهدي وعقب بيعرف السالفة .....

صحت شهد من سرحانها ع دق الباب طق طق طق شهد وهي تمسح دموعها : من عند الباب ؟؟
راكان من ورى الباب : انا راكان بطلي الباب
شهد بسرعة عدلت شعرها و شكلها وراحت بطلت الباب لأخوها مع إبتسامه ناعمه رسمتها ع ويهها : تفضل اخوي
راكان دخلت و ع طول راح قعد ع سرير شهد وقال : شهودة اشفيج كل قاعدة في غرفتج ؟؟ مامليتي منهاا؟
شهد واهيا تقعد ع كرسيها : والله يا خوي مضايقة شوية
راكان : من شنو مضايقة ؟ شهد سكتت ... كمل كلامه راكان وقال : و انزين مافكرتي بأمي .. المسكينه قاعدة ابروحها انا في شغل و اخوج مسافر .. انتي الوحيدة في البيت قعدي وياها أنسيها ( يعني سليها )
شهد حزنت ع أمها وقالت : خلاص الحين انا بانزل تحت لها
راكان هوو متردد : شهد ممكن أسألج سؤال؟
شهد : اوكي تفضل
راكان ومايعرف اشلون يبتدي بتردد راح عند سريرها وقعد وقال : امم اقوول اليازي عندها خوات صح ؟
شهد : أي ثنتين !! وحدة تشتغل وياك وثانية...
راكان قطع كلام شهد وقال : أي هاذي شنو اسمهاا؟
شهد مستغربه من اخوها أول مرة يكلمها عن خوات صديقاتها : الهنوف !!!
راكان استانس بس مابين لأخته : انزين اممم جم عمرها ؟؟
شهد واهيا مستانسة من اخوهاا : مادري بس اهيا اصغر منك (( وقربت يمه)) : أخوي لايكون بس عجبتك الهنووف
راكان وهوو واقف ويازعم يدور علي شي : هاا ... وانتي شعليج ..(( حب يغير السالفة )) شهود وين تلفوني
شهد : مادري ؟؟!!
راكان وهوو رايح صوب الباب غرفة وألتفت عليها : انا باروح ادوره ((راح وثواني رجع مرة ثانية )) أقوول ترى اليازي تنطرج ع التلفون من مساعه
شهد نقزت من مكانها وقالت : وييي بتفضحني اليازي يلااا باروح لها ... و ركضت تحت بسرعة و شالت السماعه وقالت : آلووووووووووو اليازي
اليازي ودها تكفخ شهد : يالحماره وينج انتي مو من مساعه اتصل فيج وانتي حاقرتني ممكن اعرف ليش ماتردين علي و ليش ماتتصلين فيني .؟؟؟
شهد ماقدرت ترد عليها وفجأة ضحكت : ههههههههههههههههههه
اليازي : اشفيج انتي اقولج انا نكته ؟؟؟
شهد واهيا للحين تضحك ع اليازي : ههههههه اصدقين اليازي اني مادري ليش اضحك بس ههههههههه
اليازي زعلت من شهد : والله ما احاجيج خلاص باصكه
شهد : لالاا وين خلج والله وحشتيني يالدبه
اليازي : وانتي بعد .... اقوول شهوود ما ابي اطول عليج بس حبيت اقولج ان ترى بعد اليوم باروح بيت جدي
شهد : وييي والسفره ؟؟؟
اليازي : ما اعتقد نسافر يمكن لما نرجع نروح
شهد : اممم انزين لما يصير أي شي اتصلي فيني فاهمه
اليازي : إن شاء الله ... تامرني بشي؟
شهد : أبي سلامتج ... وسلمي ع عمووور
اليازي : هههه للحين انتي تذكرينه هههه
شهد : أي هههه يلاا باي
اليازي : بايات ..

*أم شهد : أو ام راكان ارمله وربة بيت طيبه وحنونه ع عيالها وفقيره وع نياتها .
*راكان : اخو شهد الأكبر هو الي يصرف ع البيت بعد الوالد الله يرحمه ويشتغل في المطار مع الهنوف وعمره 23 سنة هو طويل وابيض عيونه صغار لونهم اسود شعره ناعم شوية طويل يعني فوق اذونه جسمه حلو طبعا ضعيف وبس
* ام فيصل : اخت ام شهد وخالة شهد عندها ولد أسمه فيصل بنت اسمها ولاء .
*فيصل : ولد خالة شهد عمره 19 سنة هو طويل والأسمر بس شكله حلو شعره فلافل يعني كيرلي هه واسود وضعيف يحب يغير من ستايله ويحب يلعب ع البنات بس هالمرة بيتزوج امم الله يستر .. *****
في بيت بو ضاري
في غرفة عمر

كان عمر فاخها نووم لأن للحين يدور ع شغل بس محد قبلوا فيه لأن عنده الثانوية !!! فجأة شخص مزعج يطق الباب طخ طخ طخ طخ طخ طخ بالقوة : عموووور ... عمووووور طخ طخ طخ طخ
عمر فز من مكانه متخرع : هاا شنوو شصار ؟؟؟
الشخص الي ورى الباب : طخ طخ طخ ... عمووور يالدب قوووم عمامي في طريج بسك نووم طخ طخ طخ
عمر وشرارة طالعه من عيونه : رغوووود يالحماره ... ذلفي عني احسن لج
رغد اطق الباب بكل قوتها طخ طخ طخ : ماني ذالفه لأن ابوي قالي اقعدك يلاا قوووم
عمر وهوو يقوم من ع سريره و رايح يفتح الباب .. رغد حست ان عمر قعد من النوم و ع طوول ركضت لتحت وخلته هو بطل الباب ومالقى رغد صك الباب بالقوة وهو رايح يدورله قميص ويقول : اوريج يالدبه تقعديني جذي !

في صالة

رغد واهيا تركض ع الدري بأقصى سرعتها علشان مايصيدها عمر أم إبراهيم (( أم رغد )) : رغوود شوية شوية لاطيحين
رغد بسرعة انخشت ورى امها .. ام ابراهيم : اشفيج لاصقه فيني
رغد واهيا ميوده ثياب امها وكل شويه تطل من وراها شوف عمر وصل ولا للحين : يمه خشيني الحين عمور بيي بيطقني
أم ابراهيم واهيا تاخذ رغد من رواها وقفتها يمها وقالت : تعالي وانتي كل يوم تسوي جذي في ولد عمتج ماتستحين
رغد وعيونها ع الدري : يمه بابا عود ( كبير ) قالي اقعده الحين عمامي في طريج
أم ابراهيم : ابي اعرف متى بتكبرين انتي ؟؟ عن هالسوالف
رغد واهيا تصارخ : يمه خشيني (( لأن عمر نزل وشكله معصب ))
عمر وقف إحترام لزوجة عمه وبنفس الوقت اخت امه بالرضاعه يعني خالته : هلا عمتي صباح الخير
أم ابراهيم : قول مساء الخير ههه (( تضحك ع مظهره )) وأشفيك جذي حالتك حاله ماتدري أن عمامك بيون الحين؟
عمر وهوو يعدل شعره : بلى هههه شاسوي يا خالتي هذا حالي كل يوم ادور لي شغل و في الليل اسهر
ام ابراهيم : شحادك ادرس واشتغل في شركتكم
عمر : خالتي حتى انتي (( ونزل راسه ))
رغد بسرعه طارت عند ابوها لأن عمر نزل من على الدري وقرب من ام إبراهيم و ام ابراهيم قالت : وانا شقلت يعني ؟؟
عمر : خالتي انا الحين كل اقول انج الوحيدة الي تفهميني في البيت
ام إبراهيم : فديتك عمور احنا نبي مصلحتك
عمر : أي مصلحه وهم بالعماله مايساعدوني على اقل يتوصطون لي ؟
ام إبراهيم متعجبه على كلام عمر : يه وليش يتوصطون لك وانت عندك شركه امك ياحظي
عمر : اووف ياربي ... الا ام ابراهيم قاطعته واهيا تروح صوب زوجها : بو ابراهيم شوف ولد اخوك
بو ابراهيم وهوو يمسك يد ام ابراهيم وقعدها يمه وقال : ماعليج منه انا تعبت وياه بس تعالي يمي
ام ابراهيم واهيا مستحيه : جاسم
بو ابراهيم : عيون جاسم
ام ابراهيم استحت منه رغد واهيا خايفة من عمر الي قعد بعيد عنها بشوية ويخز فيها خز رغد خافت اكثر وقالت بخوف : يبه شوف عمور يبي يطقني
بو براهيم التفت ع عمر وقال له : عمر يوز عن بنتي لاتخرعها بنظراتك
عمر : هههههه عيل جاسم شوفها شتسوي فيني كل يوم تقعدني جذي كل يوم اقوم متخرع
ام ابراهيم واهيا تضحك ع شعره : هههه ماشوف شعره هههه كأنه ساحره هههههه
رغد : هههههههههه
عمر بتهديد : ضحكي يالدبه اوريج بعدين
رغد واهيا اطلع لسانها لعمر : مابتصيدني
الا بدخلت نيلة : السلام عليكم
الكل : وعليكم السلام
نيلة : كيفكم يالحلوين ؟
الكل : بخير + تمام + زينه
نيلة : دووم
نيلة راحت لأمها وباستها : فديت ماميتوو
بو ابراهيم : وانا ؟؟؟
نيلة واهيا تروح لأبوها: فديتك والله وهذي بوسه ع راسك أموووووواح
بو ابراهيم استانس وقال : أي عبالي بعد هههه
عمر بلقافه : هاا واحنا مالنه بوسه بعد ههههه
نيلة : جب انت جب
رغد : ويووو فشلووه هههههه
عمر : مالت عليج
نيلة : ع ويهك
عمر : انا مابي بوستج (( الا بدخلت ام عمر و راح لها وقال )) باخلي امي تبوسني احسن
ام عمر واهيا تعبانه من الشغل : ويي عمور مو وكت تبوس الحين بروحي تعبانه و راحت تقعد
عمر : افا .. افا يا ام عمر فشلتيني
الكل ضحك عليه الا بو ابراهيم يقول : زين تسوين في ولدج
ام عمر واهيا تقعد ع كرسي : والله انا بروحي تعبانه من الشغل البيت
بو ابراهيم : اسم الله عليج .. الله هداج ليش ماقلتي حق شووق كرفيها شوية اشوفها متنانه هاليومين هههه
ام ابراهيم مدت بوزها لأبو ابراهيم : يالبايخ
بو ابراهيم يود شفايفها : فديتهم والله
ام ابراهيم واهيا تبعد يده عن شفايفها : جاسم احترم اختك شوية ههه
ام عمر قاعدة تخز فيهم وتقول : والله انكم متفرغين
عمر للحين واقف مكانه .. راحت له رغد وقالت : عمور خلاص انا بابوسك يلاا (( نزل لها وباسته )) أموواح بس لاتزعل مني ههه
عمر وهوو يحاول يشيلها : بوو يارغود صرتي ثقيله
رغد: ههههه
أم ابراهيم : أي بنتي صارت كبيرة فديتهاا نزلهاا لاتعور ظهرك
حاول ينزلها بلعدال ( بمهل )علشان لاهوو يتعور ولا اهيا : ماشاء الله عليج خلاص آخر مرة اشيلج
رغد : هههه
إبراهيم وهوو يركض لأمه : يمه يمه عمامي وصلواا
ام عمر : ويي نيلة ويلي يسلمج خذي البخور بسرعة وبخري غرف عمامج يلاا حركي
نيلة وهي تمشي وتروح فوق : إن شاء الله عمتي
ام عمر : عموور روح غير ملابسك لاتفشلناا
التفت ام عمر لأبو ابراهيم : جاسم خذ حرمتك واستقبل اخوانك لو سمحت انا باروح المطبخ
وتوها بتروح الا تقول : جاسم طلع ابوي من غرفته
بو ابراهيم : إن شاء الله
اما رغد وابراهيم قعدوا في صالة
توه عمر بيروح فوق الا اليازي تصرخ : عمووور ههههههه
عمر وقف بمكانه كأنه حرامي : نعم
اليازي : هههههه ليش جذي حالتك حاله ههههه
عمر ألتفت عليها : شتبين انتي كفايه نيلوو و رغوود النتفه يتطنزون علي
نيلة واهيا ميوده المخبر ونازله من طابق الثاني : شنوو نيلووو ؟؟ انا عمتك نيلة هههه
عمر : مالت عليج انا اروح اكرملي من مجابلكم و راح غرفته
نيلة : فديتج اليازي شخبارج (( واهيا نازله ))
اليازي : بخير وانتي شخبارج؟؟
نيلة : والله تماام (( يودت يدهاا )) تعالي اول نروح نسلم وعقب نسولف شرايج
اليازي : اوكي

عند الباب

بو ابراهيم لأخوانه : هلا هلا بالغالي نور البيت والله (( راح باس اخوه ع راسه))
بو سعود : منور بوجودك شخبارك يا بو ابراهيم
بو ابراهيم : كبرتني يا خوي قولي جاسم ههههه
بو سعود : استح علي ويهك بعد زوجه وعندك وعيال عندك وشتبي بعد احمد ربك
بو ابراهيم بشقاوه وهو يتكلم بصوت واطي : بيني وبينكم ودي اتزوج ع شووق ههههه
بو سعود: لالا عااد انا ما ارضى ع ام ابراهيم
بو ابراهيم : من صجك اخوي تراني امووت فيها .. سامحوني تفضلووا داخل
دخل بو سعود و بو ابراهيم و الحريم للحين برا ههههه
توهم قاعدين ع سوفى ( كرسي ) الا ابوهم وصل والكل قام بو ضاري : السلام عليكم
الكل : وعليكم السلام
وقفواا لما قعد ع كرسي ماله والكل قام يسلم عليه وكل واحد يسلم عليه من الأكبر لـ أصغر وبعدين الحريم وبعد ماسلمواا الكل قعد بجهة في حريم وجهة الثانية للرجاجيل
ام ابراهيم : هلا اختي شخبارج فقدتج يالقاطعه
ام سعود : شوقوو اعنبواا انتي الأخت كبيرة ولا انا مو المفروض انتي الي تمرين علي
ام ابراهيم : شاسوي اختي غصبن عني مع هالعيال والريل ذبحوني حتى شوفي حالتي حاله
ام تركي : أي والله صاجه وثاني شي انتي الي يبتي حق روحج جذي عيل تتزوجين وانتي صغيرة
ام ابراهيم : هههههههه اشدخل الله هداج ... أقوول أم تركي وين بو تركي .؟؟
أم تركي : بيروح ياخذ تركي والعنود ويهال برع في الحووش مع ولدج
أم إبراهيم : ويي اقولج إبراهيموو ينني (جنني) ع نورة مايرضى عليها وكل مانروح البرادة يقولي بشتري لها شي
أم تركي ابتسمت : يحيلاته فديته نسيبي
أم سعود : أعنبووا تونااس
أم تركي : أي والله خلنا نزوج العود وعقب يصير خيـر
أم إبراهيم : أي خلاص حجزنا بنتكم حق ولدنا لاتعورين قلب ولدي هههه
أم تركي : هههههه غربل الله ابليسج
ام سعود : هههه شخبارج وشخبار نتايج عيالج؟؟
ام ابراهيم : الحمدلله نيلة يابت هالمرة 81 و رغد يابت 78 وابراهيم 90.5
ام سعود : ماشاء الله عليهم انا اليازي فشلتني يابت 79.9
ام تركي واهيا مفتخره بعيالها : أي عليها العنود يابت هالمرة 93
ام سعود تقول ليازي : شفتي هالمعدل مو معدلج فشلتينا
اليازي زعلت بس مابينت لأحد : انا باروح حق جدي
نيلة : وين رايحه ماكملت سالفتي معاج .. خلاص نطريني باروح وياج
اليازي وقفت شوية تنطر نيلة وبعدها راحواا مع بعض وراهم رغد
ام تركي : اقوول وين شريفة ؟؟
أم براهيم : مسكينه في المطبخ تسوي الغدى
ام سعود : وييي ليش تعب روحها والله ماعندها سالفة .. وقفت وقالت : انا باروح لها
أم إبراهيم : وين الله هداج خلج الحين بتيي
الا بدخلت أم عمر : السلام عليكم
الكل : وعليكم السلام
ام عمر راحت للحريم واستقبلتها أم سعود وقالت : هلا هلا بالغالية شخبارج
أم عمر : واهيا رايحه صوب أم سعود وتبوسهاا : هلا أختي شخبارج ( أنتوا تدرون انها بنت خالتها بس اهيا تقول لها اختي لأن أم سعود كانت قبل كل مع أم عمر قبل لا يروحون بيتهم الجديد)
أم سعود وأهيا تبوس أم عمر: أيه عليج بخير وانتي شخبارج شعلومج؟
أم عمر واهيا تمسح شعرها : بخير والله سامحوني (( واهيا تسلم ع ام تركي )) شعري كشه
أم تركي واهيا تمد يدها وتبوس ام عمر: وييي اشدعوه يا أم عمر شحيلاتج
أم عمر : ههههه .. بعد ماسلمت قعدت يم ام تركي وتقول : شووق ريلج طلع ابوي من غرفته ؟
أم إبراهيم: أي اهم في صالة الثانية ليش مارحتي لهم؟؟
أم عمر واهيا تشم ريحة ثيابها : ويييي من صجج ريحتي كلهاا طباخ .. إلا بدخلت اليازي مع نيلة اليازي : ويي فديت ريحتج يا عمتي
أم عمر واهيا تبطل يدها علشان تضم اليازي : هلا باليازي حبيبة قلبي
اليازي واهيا بحضن عمتها : هلا عمتي (( واهيا تشم ريحتها )) فديت الريحة والله شنو طابخة اليوم يالغالية ؟؟؟
أم عمر : طابخه لكم أكل العيد هههه ^_^ شرايكم
أم سعود: ايه عليج كل شي من يدج حلو
أم عمر: تسلمين يالغالية
عمر وراه (( رغد و توأم )) : بس عاد رحموني
رغد + التوأم : هههههه كيفنا مانبي ههههه
عمر وهوو رايح حق حريم خواله : ابليز فكوني منهم
اليازي تخصرت : أنت شايبك عند الحريم
عمر طالعها بنص عين وقال : وشعليج انتي ؟
اليازي : شنو شعلي
نيلة : أي أي اليازي شوفيه كل يوم يناجرني مايخليني بحالي كل يتطنز علي وع شعري
اليازي واهيا تخصر : لاوالله ليش تزعج نيلوووو هاا؟
عمر واهوو يعدل كالار قميصه : أحترمي نفسج أنا أخوج يالعله (( ع فكرة أنا نسيت ماقلت لكم كانت ام عمر تحب بو عمر الله يرحمه وايد فيات لها حالة نفسيه وماقدرت ترضع عمر فأم سعود رضعت عمر وهوو أخو اليازي وخواتها من الرضاعة ))
أم سعود : عموور تعاال ليش ماتسلم علي مو كأني أمك
عمر وهو يروح لها بخطوات سريعة علشان بس يراضيها وهو يبوس راسها : سامحيني يالغالية والله نسيتج
أم سعود وأهيا اطق كتف عمر ع خفيف : معا هالويه ماتستحي ع ويهك ليش ماتسأل عني كل أنا اسأل عنك؟
عمر وهو يقعد ع ريله وحاط يده بحضنها : شاسوي مضايق قاعد ادور لي شغل بس محد ماعطني ويه
أم سعود تيود ويه : شحادك ليش ماتدرس في الجامعة
عمر وهوو يلف راسه وكأنه يتهرب منها : بس ما ابي (( ووقف وألتفت ع أمه شريفة )) يمه لو سمحتي روحي نشبي ( كبي ) الغدى
ام عمر: إن شاء الله يلاا شوق تعالي معاي (( أم سعود و أم تركي فصخوا دفافهم و حطوهم ع صوفا الا ألتفت عليهم أم عمر وقالت : ويي وين رايحين ؟؟
أم تركي : ماتبين نساعدج
أم عمر : لا اعنبوا لاحقين ع كراف البيت هههه
أم سعود + أم تركي : ههههههههههههههه
أم عمر : ههه يلاا وراي ..ألتفت ع البنات وقالت : فديتكم روحوا عدلوا السفره (( المائدة الطعام ))
نيلة + اليازي : إن شاء الله .. الا رغد تسحت شوي شوية تبي تشرد قبل لا يشغلونها
نيلة : هاا وين رايحة رغوود؟؟
رغد ألتفت عليهم ومسوي روحها بريئة : هاا وين مابروح مكان انا وياكم
اليازي واهيا تلبس شيلتها : أقول لاتسوين فينا مثل كل مرة تعالي معانه نشتغل
رغد بعناد : ما ابي اروح وياكم
نيلة واهيا اطقها ع راسهاا طقه خفيفة : مو بكيفج وتعالي ويانه أنتي كبرتي ياحظي
رغد واهيا تبتعد عنها و راحت حق عمر تدلع عليه : عموور شوفها أم كشه تزفني :(
يات نيلة وطقت رغد ع راسها .. رغد صرخت بكل دلع : آآآي راسي
عمر وهوو يقرب من نيلة : ليش تطيقنها ع راسها ؟
نيلة : كيفي أختي وكيفي
عمر : مب زين يالغبيه
اليازي : لاحول لله ولا قوة الا بالله بس عاد عن النجره الزايدة .. رغود تعالي معانه واذا ماتبين قلعتج
رغد واهيا اطلع لسانها : ما ابي
نيلة : بطقاق و خذت اليازي و راحوا
عمر قرب من رغد واخذ راسها ومسح عليها : ها للحين راسج يألمج ؟
رغد بدلع : اي
عمر اخذ راسها وحطه ع صدره وبدى يمسح عليه ويفركه لها علشان يخف الألم الا يطق الجرس الباب و قال عمر : رغود عفية روحي شوفي من عند الباب
رغد وبعدت عنه وقالت : وأنت ليش ماتروح يازعم ريال البيت
عمر عصب وقال : روحي يعني مين بكون أكيد خالي فهد روحي انا باروح حق أمي اشيل عنها الغنشه (( الصحن الغدى أو الطبق الرئيسي ))
المهم راح عمر و راحت رغد تعدل شعرها ع سريع من منظرة الي يم الباب وبطلت الباب واهيا شاقه الحلج (( فمهاا ههه أو شفايفها ))
بو تركي عند الباب : السلام عليكم هلا هلا بالحلوة
رغد : وعليكم السلام هلا عمي نورت البيت
بو تركي وهو يود خدودها : أيه عليج يا رغود منورة بوجودج
رغد واهيا مستحية : هههه يسلموو عمي حياك ... دخل بو تركي شوية وقف في نص الصالة وقال : وينهم الجماعة.؟؟
رغد : في المطبخ يتغدون
بو تركي : بوو عيل خلني ألحق عليهم قبل لا يخلصون الغدى
رغد واهيا تحط يدها ع فمها وتضحك ع كلام عمها : ههههه
تركي وهو يحمل أغراض : هلا برغوده
رغد واهيا تلفت عليه : هلا تركي ... رغد طالعت اغراض تركي وقالت : عنك تركي الحين الخدامه بتاخذهم يلاا روح الحق ع الغدى
تركي : لا عادي اشدعوه هههه شايفتني مثل الوالد اهم شي بطنه هههه
العنود واهيا تفضخ شيلتها : هااا ليش تحشوون بباتي

يتبع ..

ياعين ليه تعشقي / بقلمي

الوسوم
الأولى , بعشقي , ياعين , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
رواية ألا يا عين لا تبكين خسارة تنزل دمعتك على من لا ير اعيها / بقلمي تنآهيدْ أرشيف الروايات المغلقة - لعدم إكتمالها 51 14-02-2013 08:24 AM
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 03:23 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1