حبر القمر ©؛°¨غرامي فعال ¨°؛©



البارت الخامس
الصوره اللي شافها كانت صدمة لة مافاق منها الا على صوت ابو غرور
ابو غرور .. السلام عليكم
علي .. وعليكم السلام وتقدم منه وباس راسه
ابو غرور .. تحب الكعبه ان شاء الله ليه واقف يابوك تفضل استريح قول اللى بخاطرك
على .. هو يناظرالصورةحس انه تسرع بجيته هناوتهديدة حق غرروتنهد
ابو غرور .. علامك ياوليدي
على .. والله ياعم انا جاي واطلب القرب منكم

ابو غرور .. هذى الساعه مباركه ياوليدي بس وين ابوك ليه ماجاء معك مو هذى الاصول
علي.. معاك حق ياعم بس الوالد مسافر
ابو غرور .. وانت من ولدة ياعلي
علي.. انا ولد محمد بن فارس ال..
ابو غروركان ماد فنجان القوة حق على طاح من ايدة
على .. اسم الله عليك ياعم انت تعرف ابوي
ابو غرور برتباك حاول يخفيه .. لا ماعرفه وماعندنا بنات حق الزوج

علي..وش اللى غير رايك مو توك تقول هذى الساعه المباركه

ابو غرور .. خلاص قلت ماعندي بنات للزواج انتهينا

علي .. قام طلع وهو يقول يصير خير والله لما تشوفن يوم عد ل بحياتكم بعد اليوم
ابو غرور .. اعلى مابخليك اركبه ياولد محمد
طلع علي وهو معصب من بيتهم وكان نفسه يعرف السبب اللى خلى ابو غرور لما سمع اسم ابوة يرفضه وطرت على باله الصورة اللى يحسه مو غريبه عليه ابد وحاول يربط مابين الصورة واسم ابوة بس ماقدر لكن ماياس
على .. انا لازم اعرف شنو اللى بين ابوي وابو غرور

مياس بغرفتها من امس وهي تصيتح على حالها وبيعت ابوها لها حق تميم قامت بتاخذ لها شور بس وقفها صوت مسج على جوالها وراحت تشوفه
رقم غريب فتحت المسج وكان

صباح الخير
أو تدري ..
صباح | عيونگ الحلوة |
صباح الذوق والرقة
صباح خدود محلوة
فديت الخد و وجونك
فديت عيونگ آليا قمت
فديت اللي بـ نظراته ينسيني الدنيا
هذاگ اللي بيديني
عطيته قلبي واستسلمت
أسامر ليلتي
و أحضن ملامح [ صورتگ ] جوه
و أقول :~
الله لا يحرمني منگ
ما حبيت و دمت
" ღ | أحبگ | ღ "
گثر ما قال العواذل حبنا گبوة
ألا يا جعلني بـ گبواتي
و يا جعلني ما قمت
أبد مانيب منتدم ولا ألمح ولا أنوه
{ أنا أحبگ و أحبگ موت }
إذا طل الصباح و قمت


))تميم ))

مياس بعد ماقرت المسج حبتك القرادة يارب الله ياخذك ويفكني منك
وراحت للحمام
اما تحت كان ماجد وامه جالسين
ماجد .. اقول يمه
ام ماجد .. سم نظر عيني
ماجد .. يمه ماتحسين ان ابوي ظلم مياس بهازيجه
ام ماجد .. يانظر عيني يابنيتي من امس وهى بس تصيح بس اكيد ابوك ماسوى هالشى الا عارف انه فيه مصلحتها
ابو ماجد .. وانت ياماجد لا عاد اسمعك تقول هالكلام مرة ثانيه وخصوصا قدام مياس

ماجد .. بس يبه انت اوهمتها انك بتفارق الحياه وهى وافقت مجبورة شلون راح تكون حياتهم بعدين
ابو ماجد .. اخس واقطع انا عارف شنو قاعد اسوي ولا تقعد تراددني مرة ثانيه فاهم
ماجد وهو منزل راسه .. فاهم يبه
ابو ماجد موجه الكلام حق ام ماجد .. وانتي بنتج وينها فيه
ام ماجد ... بغرفتها
ابو ماجد .. قومي ناديها ولا خلى وحدة من الخدم تناديها
ام ماجد بخوف .. اول مرة تشوف ابو ماجد بالعصبيه .. ان شاء الله
البارت الخامس &السادس

قبل الملكه باسبوع كانت امواج جالسه مع ابوها بالغرفه

امواج .. يبه ولا عليك امر بكرة ابي اروح السوق اخذ لى طقم ذهب مع الساعه
ابو ها .. ان شاء الله يبه وشصار على فستانك
امواج .. بيطلع قبل الحفه بيومين
ابوها .. شالوقت الحرج ان شاء الله يصير مظبوط
امواج .. بخوف .. ان شاء الله والله ان
قطع عليهم حديثهم رنين جوال ابوها
ابوها .. هلا والله ابو سعود
ابو سعود عم امواج الصغير .. هلا بك شخبارك وشخبار الاهل
ابوها .. الحمد لله الكل بخير انت بلى صوتك متغير
ابو سعود .. عظم الله اجرك
ابوها .. فى مين
ابو سعود .. جدتي نورة
ابوها .. ان لله وان اليه راجعوان ومتى الدفن
ابو سعود .. باجر بعد صلاه الظهر
ابوها .. يالله الحين انا جايكم
ابو .. سعود مع السلامه
امواج بحزن .. من اللى مات يبه
ابوها .. جدتي نورة
امواج .. بصدمه .. جدتك انت يبه
ابوها .. ايه وشفيك مصدوم
امواج ... لا سلامتك وعظم الله اجرك
ابوها .. اجرنا واجرك
امواج .. عن اذنك يبه
ابوها .. اذنك معك
فى الصاله
دخلت عليهم امواج .. السلام عليكم
عناد وام عناد .. وعليكم السلام
عناد .. شفيك شكلك متضايقه امواج
امواج .. جدتي نورة توفت
ام عناد .. لا حول ولاا قوة الا بالله ومن قالج هالكلام
امواج ... عمي ابو سعود كلم ابوي وقاله توها توفت المغرب
ام عناد .. الله يرحمها اجل بكرة لازم نروح الدمام حق العزاء
امواج .. بهدؤء بس انا مراح اروح
ام عناد .. ليش لازم تعزين عماتك وخلات ابوك
امواج .. يمه عماتي بروح اعزيهم بعد مايرجعون من الدمام وخلات ابوي انا ماعرفهم

ام عناد ماحبت تضغط عليها .. اوكي الى يريحك
انتشر خبر وفاه الجدة نورة والكل حزن على وفاتها ب
عد وفاتها بيومين

صعدت فوق بالاصنصير
دخلت غرفه مياس استغربت دخول امها عليها بالطريقه وجها مخطوف
مياس .. ماما شفيك
ام ماجد .. مياس ابوك يبيك تحت
مياس .. بخوف .. بابا شو فيه
ام ماجد .. مافيه الا عافيه يابنتي بس يبيك تحت
تنهدت مياس برتياح .. طيب ماما ابد ل ملابسي وانزل
ام ماجد .. لا تتاخرين
مياس .. اوكي ماما

نزلت ام ماجد تحت
ابو ماجد .. وينها
ام ماجد .. كاهي وراي تبدل ملابسها وتنزل
ابو ماجد .. زين خليهم يجبون القهوة
ام ماجد .. ابشر
بعد ربع ساعه نزلت مياس
مياس .. السلام عليكم
الكل وعليكم السلام
راحت صوب ابوها وباسته على راسه .. شلونك دادي الحين
ابوها.. الحمدلله انتى شلونك مع تميم
مياس بحزن ...دامكم جابريني عليه وش منتظرين حالى يكون
ابوها .. ميااااااااس لا عاد اسمع هالكلام مرة ثانيه
مياس .. دادي انا ماقلت شى ولا كلمه الحق صارت تزعل هاليومين
عطها ابوها كف لانها كانت واقفه قريب منه
مياس وهي تصيح .. تضربني يبا وعشان من عشان تميم
ابوها .. واكسر راسج بعد

طلعت مياس من الصاله وهي تصيح
ام ماجدوهى تصيح على حال بنتها .. ياخالد وشفيك على البنت مو كذا التفاهم

ابو ماجد .. اعوذ بالله منك يابليس انا شلون ضربتها

ام ماجد .. بعد شنو بالاول قصبتها على الزواج والحين تضربها وتاليها شنو والله ياخالد لو صار البنت شى مراح اسامحك طول عمري
فى بيت صقر
دخل صقر البيت راجع من الدوام وشاف كادي جالسه وبين عليها انها سرحانه وصار لها فترة طويله
جلس جنبها وماحست فيها
باسها على خدها وحست بوجودة
كادي بخجل .. متى جيت حبيبي
صقر .. من عشر دقايق بس ماحسيتي فيني ياحلوة شكنت تفكرين فيه حياتي
كادي .. بمياس وتميم
صقر بغيرة .. وليش تفكرين فيهم
كادي تضحك عليه لانها شافت الغيرة بعيونه.. صقوري ماتحس انهم زواجهم من عجائب الدنيا السبع
صقر وهو يضحك .. ليه طيب
كادي .. يعني ماكنت شايف شلون حالتهم كانت من قبل حتى اللى يشوفهم يقول هذولا اعداء مو عيال عم وحتى ميمي امس لما بركتلها قالت تباركيلي على موتي

صقر .. ههههههه وتميم نفس الشى بس تلقينهم يحبون بعض بس يمثلون علينا

كادي بجديه .. ماتوقع مياس اختى واعرفها زين مستحيل تمثل باي شى لا مشاعرها

صقر .. حبي ماعلينا منهم هم كبار يعرفون مصلحت عمارهم

كادي .. على قولتك اخليهم يجهزون الغداء

صقر.. شنو طابخه حبي
كادي .. محشى كوسه ورق عنب وشيش
صقر .. بس مافى سلطه
كادي .. الا حبي تبوله وفتوش وسلطه فواكه
صقر .. تسلم ابدج حبي بس ليه متعبه نفسج
كادي بدلع .. لعيون حبيبي كل شى يهون قوم بدل ملابسك على مايجهزون الغداء
صقر .. ان شاء الله
بيت ابو صقر
صقر .. يمه الحين ببتاجل اكيد ملكتى
ام صقر .. والله مدري ياوليدي هي بيوم الملكه يكون مر على وفاتها 9 ايام بس الواجب ابوك يسال ابو عناد ويشوف شنو رايهم اذا تتاجل ولا
صقر .. يارببي شالحظ اللى على كل ماقلت بيتعدل يندمر زيادة
ام صقر .. استغفر ربك وشالحكي ذا وكل شى مقدر ومكتوب
صقر .. استغفر الله العظيم
شيماء .. طيب يمه ليه ماتكلمين عمتى وتشوفين شنو رايهم
ام صقر .. بكلمها ان شاء الله بكرة
شيماء .. حلو بعد عشان الحجوزات وكذا
صقر .. وليش مو الحين تكلمينها
ام صقر .. جنيت انت شايف الساعه كم
صقر .. 8 ونص عادي
ام صقر .. انت مو صاحي شنو عادي اكيد ابو عناد موجود الحين بالبيت
صقر .. واذا انا بكلم وبطلبها لك
ام صقر .. انا قلت كلمتى بكرة يعني بكرة وصكر عن الموضوع يالله
صقر بقهر .. عن اذنكم
ام صقر وشيوم .. اذنك معك



اليوم الثاني بيت ابو عناد
امواج .. يمه متى بنطلع للبيت جدي المغرب ولا العصر
امها .. العصر ان شاء الله
امواج .. اكيد انت بابا بتوصلنا
ابوها .. للاسف ياعيون بابا انا بعد نص ساعه بطلع للدوام
امواج .. هي شوي وتصيح .. يعني شنو بنمشى مشى
امها .. بلا دلع زايد مو من بعد البيت كلها خطوتين
امواج .. اي خطوتين لا مابي امشى افف متى تجيبون سايق وتريحون
ابوها .. كل اسبوع وبيوصل السايق
امواج .. الحمد لله
فى بيت ابو غرور

ام غرور .. من اللى كان عندك ياعبد الله

ابو غرور .. ناس جاين يخطبون غرور

ام غرور .. وملا مح الفرح هلت على وجهها .. زين الله يوفقها

ابو غرور .. ومن قالج بتاخذه ..
ام غرور .ز ليه الولد من ولدة
ابو غرور .. ماتصدقين لو اقولج
ام غرور .. ليكون ولد

ابو غرور .. شفتي مدري من وين طلعو لنا بعد كل هالسنين
بنتج وينها فيه ماكمل كلامه الا بدخلت غرور

غرور .. نعم يابوي

ابو غرور بعصبيه .. نعامه ترفسج قولي امين

غرور بصدمه من كلام ابوها اللى اول مرة تسمعه منه .. ليه يابوي وانا شسويت

ابو غرور وهو يوقف على حيله ويقرب من عندها .. وسحبها من شعرها .. اللى جي يخطبك من وين تعرفينه تكلمي

غرور وهى تتالم .. يابوي عن من تتكلم

ابو غرور .. تستغبين علي بعد .. علي من وين تعرفينه

غرور والحين تضحت لها الصورة وبداخلها حسبي الله عليك ياعلي .. يبه هذا ولد الناس اللى اشتغل عندهم

ابو غرور .. هد شعرها ,,, كنتي تشتغلين عندهم

غرور وهى تمسح دموعها .. أي يابوي



ابو غرور ..من بكرة تقدمين استغالتج والجامعه انسيها بعد

غرور .. اصلا هم طردوني من عندهم بس يبه لا تحرمني من دراستي

ابو غرور .. هى كلمه وحدة قلتها ولا تراددني فيها
ام عناد .. الا يابو عناد شلون على الملكه بتم على نفس موعدها ولا بتتغير
ابو عناد .. مافى شى راح يتغير كل شى على نفس موعدها جدتى الله يرحمها كانت عايشه وهي ميته ويوم الملكه بيكون مر علي وفاتها 9 ايام خلاص
ام عناد .. بس خواتك مراح يسكتون على هالشى
ابو عناد .. سكتوت والا ماسكوت مايهموني بالطقاق
ام عناد .. اللى تشوف صح ومناسب سوه انا مالى شغل بشى
امواج .. بقهر .. ياسلام اجل انا بنت البطه السود مالك شغل بشى وقعدت تبجينا
امها .. ياحبيتي انا قصدت بين ابوك وعماتك ماقصدت مالى شغل فيك
امواج .. خلاص اصلا انا بطلت مابي اتزوج لا صقر ولا غيرة
وتركتهم وراحت غرفتها
ابو عناد .. جنت بنتك هذى
ام عناد تهديه .. حبي هدي يعني ماتعرف سوالف بنتك لازعلت تقول اي شى
ابو عناد .. الله يهديها يارب ويوفقها ويسعدها
ام عناد .. امين يارب
العصر بيت الجد
دخلت امواج وامها والجوري داخل بالحوش
امواج .. يمه من صدقك احنا جاين نعزي اسمعي صوت الاغاني لوين واصل
امها ..اكيد هذولا البزران مايفهمون
امواج .. اها
الجوري .. يالله انا بسبقكم داخل
امواج .. وين يالله كلنا داخلين مع بعض
الجوري .. طيب وفتحت الباب ودخلوا دخل الفلا
سمعوا صوت ضحك عماتهم واصل لاخر الممر
امواج .. رفعت حاجبها الايمن لامها باستفهام .. بعد هذا البزران مايفهمون
امها .. مالك شغل يمه فيهم انتى جايه تادين الواجب وبس
امواج .. ان شاء الله يمه
فى بيت ابو تميم
ميهاف كانت جالسه على النت تسولف على المسن وستغربت عدم تواجد مياس بالوقت هذا لان مو من عوايدها
قامت خذت جوالها ودقت عليها

بعد خامس رنه جاها صوت مياس مبحوح

ميها ف.. السلام عليكم لاحلى مرت اخو بالدنيا

مياس بتعب .. وعليكم السلام هلا ميهاف اخبارك
ميها ف .. انا بخير انتى شفيج شكلج تعبانه

مياس بكذب .. ابد شويت زكام يومين ويروح ان شاء الله

ميها ف .. سلامات يامرت الغالي

مياس ... الله ياخذ هالغالي ويفكني منه ومن شره ؛؛ الله يسلمج

ميهاف ..ماشاء الله عليج امس كنت رووعه
مياس ..تسلمين حبيتي هذا من ذوقج

ميهاف .. هههه ربي يسلمج

مياس .. شاللى يضحكج

ميهاف.. فاتك امس شكل ريم

مياس .. ههههه ليه شفيها

مبهاف .. كانت ميته قهر ان تيميم وتقول طول عمرهم يكرهون بعض وشاللى خلها توافق عليه
مياس .. بكذب وقهر من كلام ريم .. ههههه هذا بس قدامهم ولا انا وحبيبي تميم طول عمرنا حبايب بس انخاف من عيون العذال

ميهاف .. تصفر .. ياهو ماقدر انا على الحب وينك ياتميم تجي تسمع هالحجي

مياس .. بخجل .. دبه

ميها ف,, ههههههه اموت على الخجولين انا


دخل تميم على صوت ضحكها .. ومن الخجولين ميمي

ميهاف .. بعد من حرمك المصون

تميم بطنازة مانتبهت لها ميهاف .. ويه فديت حبيتي انا يحصلك خجلها


ميهاف .. اللى نست ان مياس على الخط معها .. عشتوا وانا اللى كان يقول اكرهها ومادينها الحين صارت حبيتك

مياس .. انجرحت من كلمه ميهاف وبقوة يعني حتى قدام خواتها كان يقول كذا

تميم .اللى عارف ان مياس لسى على الخط. انجبي زين ذاك اول بس الحين مياس حبيتي وكل دنيتي

ميهاف .. زين ماقلنا شى كلتني بقشوري

دخلوا داخل وسلمت على عماتها وعظمت لهم الاجر
العمه دلال .. شخبارك ياعروس
امواج .. بخجل .. بخير عمتي شخبارك انتى
العمه . دلال الحمد لله بخير
العمه اريج .. اقول امواج ملكتك اكيد بتتاجل
امواج .. لارد
العمه اريج بشر .. وشفيك ساكته ماتردين ولا كلامي مو عاجبك
امواج بهدوء .. لا عاجبني بس عندك شى اسالى البابا لا تسالني انا
العمه .. اريج مايحتاج اساله مليون بالميه بتتاجل
امواج .. خير ان شاء الله ولفت صوب امها .. ماما متى بنطلع للبيت مابقى شى وياذن المغرب على الاقل نوصل قبل لاياذن
امها .. ان شاء الله حبيتي الحين بنروح للبيت بس قومي نسلم على جدك
امواج .. اوكي ماما
اريج .. عشتوا بتتزوج وهي للحين تقول ماما خلاص كبرتي
امواج بدلع ماما وبايا كيفي انتى شاللى حر رزقج
اريج .. خوش تربيه يام عناد
امواج بقهر .. متربيه غصب عن الكل واللى مو عاجبه يطق راسه بالطوفه
وطلعت للصاله
امواج .. سينتي سينتي وجع
سينتي .. نعم مدام
امواج .. مدام بعينك جدي وينه
سينتي .. بابا هذا في يطلع
امواج .. زين ذلفي عن ويهي
امواج .. جوجو يالله قومي بنروح البيت
الجوري .. طيب
ام عناد .. يالله يمه
وهم يمشون بالشارع
امواج بهمس .. شفتي يمه عماتي اللى ماتبيني اغلط عليهم
امها .. بنفس الهمس.. عيب يمه ماهم صار هذولا عماتك
امواج .. بس يم قطع كلامها صراخ الجوري باسمها
الجوري .. امواااااااااااااااااااااااااااااج
امواج .. التفت عليها . خير وشفيك تصارخين كل اللى مرو ا عرفوني انامن
الجوري .. بعدم اهتمام .. شوفي صقر وتاشر عليها بايدها
امواج .. وجعه فضحتينا ..
صقر كان طالع من بيت جده رايح للمسجد
وسمع صراخ الجوري وهي تنادي باسم امواج والاخ من الربكه كانت بايده الغترة والعقال طاح العقال
الجوري ... ههههههههههههههههههههههههههههه طاح عقاله هذا وانت شايفها منقبه اجل لو شايفها كاشفه شنو بيصير فيك
صقر .. انحرج ومارد عليها
وامواج سحبت اختها ودخلت البيت هي وامها
داخل البيت
امواج .. وهى ترص على اسنانها والله ياجوجو لو عدتى حركتك مايصير طيب لك مرة ثانيه
الجوري .. عادي بعد 3 ايام ملكتكم وشفيها واي لو يدخل بالبيت بعد مايكتبون الكتاب والله لاهبل فيك وفيه
امواج .. ماما صحيح بيدخل
ام عناد .. مدري يابنتي يس ماتوقع يمكن يخليها بالحفله مرة وحدة
امواج .. بدت توتر .. ماما حتى لو طلب بليز ارفضى
ام عناد .. ليش
امواج .. لان فستاني حق يوم كتب الكتاب قصير فشله يشوفني
فيه
الجوري .. الحمد لله وشكر عادي ترا هو زوجك
امواج .. انت جب يالسوسه
ام عناد ... كلام الجوري صحيح
امواج .. خلاص بليز لتوترني ليما يوم كتب الكاتب يحله الف حلال
الكل انشغل بتجهيز للملكه وطبعا العمه اريج سوت حرب على ابو عناد ان المفروض ياجل الملكه وسكتها بكم كلمه
يوم كتب الكتاب
فى بيت ابو غرور
دق تلفون البيت وكانت قريبه منه

غرور بهدوء .. الو نعم

... زين انك انتي اللى رديتي

غرور ..بخوف منه .. انتي شتبين

على .. الحين انا صرت حرمه على العموم كلام يوصلك ويتعداك والله لومايصير اللى ابيه لا صورج توصل لبوج

غرور .. سوى اللى تبي ماعاد يهمني


على متاكد من كلامج

غرور .. ايه

وسكرت الخط بوجه
ماهي الا دقايق معدودة ويطق جرس البيت
الصبح فى بيت ابو مشاري
سارة .. يو صدق قليله حيا الحين جدتها متوفيه ومافكرت تاجل ملكتها
نورة .. وانتى شعليك منها يعني انتى لو بمكانها بتاجلين وبعدين خلاص جدوة مر على وفاتها 9 ايام وبعدين هي جدة ابوها
والرسول .. قال لايجوز حداد المسلم علىاخيه المسلم اكثر من 3 ايام غير المراء على زوجها
سار ة .. حتى ولو وبعدين انتى المفروض تكرهينها لانها رفضت اخوك
نورة .. ياسلام اذا كل وحدة بترفض اخوي بكرها مراح احب احد
سارة .. المهم بتروحين الحفله
نورة .. ماعتقد انتى عارفه يوم حفلتها بتشرف الحلوة وصعبه اروح اول يوم
سارة .. طيب اليوم
نورة .. لا مراح اروح حتى اليوم محد عزمنا
سارة .. احسن مالت عليها الكريهه
بالليل وقت الحفله
امواج مستشورة شعرها ومنزله غرتها على صوبها اليمين وحاطها روج لحمي وومكثرة المسكرةبس ماحطت اي لمسه ثانسه من المكياج ولابسها فستان اسود ماسك على جسمها يوصل لحد الركبه ولبسه مع كيلون اسود وجوتي كعب عالى اسود كانت متعمدة لبسها يكون باللون الاسود لجل يعطيها هيبه ولابسها ساعه اسود وذهبي وطلعه عذاب
امواج .. الجوري حبيتي من فيه بغرفه الضيوف
الجوري .. شيوم وامها وخالتها وخلاتي وحريم عمامي نسرين والجود
امواج .. اها
الجوري .. امي تقولك خلاص طلعى للصاله عشان الكل بيبارك لك الحين وغمزة بعينها قبل لا يدخل صقر
امواج .. بتوتر طيب بس صقر مراح يدخل وهالكلام من عندك صح
الجوري .. اي يالله بس اخلصى
امواج نزلت من على الدرج وطلت بالصاله كانت فاضيه دخلت وقعدت وهي بالحيل متوترة وسمعت صوت الحريم وهم يدخلون عليها ويباركون لها
وبعد ساعه من الرقص والهيصه
خالتها كلثم كلووووووووووووووووووووووووووووووووش
امواج .. قلبها بد يرقع عرفت ان صقر دخل وهي متفقه مع اهلها مايشوفها الا الخميس بيوم الحفله وتلبيس الشبكه مرة وحدة

امها وخالتها ابتهال .. يالله يمه قومي المجلس صقر موجود هناك
امواج بخوف .. هااا مابي هونت
خالتها ابتهال بمزح .. العقد بعدة ماجف الحبر حقه نشقه شرايك يامواج
امواج ............................

فى مكه
سهى .. ماما البنت اللي يحبها سطام كبر مين
امها .. اكبر منك بسنتين
سهى .. حلو يعني متخرجه شنو كانت تدرس
امها .. فنون المسرح
سهى .. واو يعني في احد بالعايله مثلي

امها .. ايه وقريب لها دور باحد مسلسلات رمضان
سهى . بصدمه ,... اما ماما بتمثل بتلفزيون
امها .:.. ايه والخوف من اخوك سطام يرفضها بعدين واحنا خاطبينها له من زمان
سهى ... ليه هذا انا نفس التخصص
امها .. بس عارفه راي اخوك بالشى هذا

سهى .. بعصبيه .. لا بمثل قصبن على اللي مايرضى

امها .. خلاص طيب سكري الموضوع هذا حس سطام
سهى .. طيب بس خيرته بيعرف
امها .. ايه كل شى بوقته حلوو
سهى الله يعينا على المشاكل
امها ... امين

انتهي البارت
برايكم امواج بترفض تدخل على صقر ولا
كادي وصقر شنو فيهم
غرور وتهديد علي ومن طارق الباب عليهم

مياس وتميم لوين بتوصل حياتهم

؟؟

شنو سبب صدمه ابو غرور بعد ماذكر على اسم ابوة ؟؟



قسوة ابو ماجد على مياس هلا لها سبب ولا ؟؟

سطام وخطبته اذا درا سنو موقفه بيكون

كل هذا واكثر فى البارتات الجايه
تحياتي لكل يحبوني ويتابعوني
حبورة


حبر القمر ©؛°¨غرامي فعال ¨°؛©


البارت السادس

خالتها ابتهال بمزح .. العقد بعدة ماجف الحبر حقه نشقه شرايك يامواج
امواج .. مابي ادخل سوي اللي تبينه

نهله خاله صقر .. وي امواج ياقلبي كلنا قلنا مثل هالكلام قومي دخلي صدقيني هالحظات ماتتفوت

امواج بضجر .. طيب
مشت مع خالتها وقفت عند باب المجلس
ام عناد .. يالله حبيتي دخلي
امواج ..ماما بس
ام عناد لا بس ولا شي
ام صقر .. يالله ياقلبي ومسكت يدها ليما وصلتها عند صقر
امواج .. قلبها بدا يدق طبول ومدت ايدها ليدة المدودة وبسرعها سحبتها
وبد الرقص والهيصه بالغرفه
ى بيت ابو غرور

بعد ماسكرت سماعه التلفون دخلت عليها امها ومعها صينه القهوة
غرور .. عنج ماما
امها .. الله يحفظج يابنيتي واشوفج عروس

تنهدت غرور بضيق من الموضوع
امها .. صديقيني يابنتي ابوج مارفض اللى تقدملج الا انه اكيد يبي مصلحتج
غرور .. ماما انا مافكرت بالموضوع هذا وزين سواء بابا
امها .. الله كريم يابنتي ويرزقج باللي احسن منه

غرور .. ونعم بالله مدة فنجال القهوة لامها بس صوت الجرس خله يطيح من ايدها ويحرقها

امها .. اسم الله عليج يامي شلي جاك

غروور .. تتالم .. ماكو شى ماما وقامت تداوي مكان الحرق


عند باب البيت
ابو غرور .. بعد مافتح باب البيت .. نعم هذا انت

علي .. بابتسامه .. كذا الناس تستقبل ضيوفها ياعم

ابو غرور .. لا تقول ياعم عمت عينك

علي .. ماعلينا اناجاي وعندي لك هديه


ابو غرور .. الشى اللى يجي من الخونه مانبيها

علي ..استغرب من كلمته ومشاها له .. مد له الظرف راخ تستمتع فيه كثير

ابو غرور .. خذ الظرف منه وفتحه
في بيت ابو عناد الرقص مازل مستمر
دخل ابو صقر وقامت امواج وسلمت عليه وجلست مكانها
وبدت رعيه الدجي تطق من جديد وهالمرة اغنيه بس امواج وصقر
ونقط ابو صقر على امواج الفلوس
والفرحه مو سايعتهم
ابتهال .. يالله خلونا نطلع نخليهم شوي مع بغض
امواج .. من كلامها نطعت عينها لقدام
وبد الكل ينسحب شوي شوي من الغرفه
صقر .. كيفيك امواج
امواج من غير ماتلف عليه وبصوت اقرب للهمس .. بخير
صقر بمزح .. الحمد لله انا بخير بعد
امواج .. طلعته بطرف عينها وماردت
صقر .. تغيرتي وحلويتي عن قبل كان كلامه بهمس خافت
امواج .. وهي تلف نص لفه .. نعم
صقر .. ابد سلامتك
شوي ولا ينفتح بالباب وتدخل الجوري ومعاها جود بنت خالها
الجوري .. مبروك امواج
امواج .. الله يبارك فيك
بيت ابو خالد

غرفه مياس

جالسه على الاب توب فتحت الورد وكتبت هالكلمات



كِلنَ تِغنىَ ِباَلِهوَا ِقاَل أناَ أحِبَ ِ
وَالِحب َماِ َهوِ َبالِذيَ تِعرَفوِنـَہ
اِلحبَ سِم َشاِربَـَہِ يَعجِزَ ِالَطبِ
ِ َورِاعَيـَہِ مَايِسمَع ِلَمنِ َِيعَذلِونـَہ
الحَب منِ َيدِخلَ مِحَيطِـَہ تغربَ

ََِيِعيشَ بيِن أهِلـَہَ ِولاَ يِعرَفوِنـَهـ


لفت انتباها صندوق المحادثه على جنب
فتحت المحادثه

مياس .. ياهلا والله بخلود
خلود .. هلا بج لازين رديتي على حرقتي اعصابي
مياس .. معاش من يحرق اعصابج سوري حبي بس كنت مندمجه اكتب
خلود .. اها اخبارك انتي ؟؟

مياس .. الحمد لله على كل حال اخبارج انتي وش مسويه

خلود .. دام الحلو بخير انا بخير
مياس .. تسلمين

خلود .. ربي يسلمج . امم كنتي تكتب قصيدة

مياس . لاقلبو خاطرة

خلود .. ممكن اقراها

مياس .. السموحه منج ودي اخليج تقرينها بس متعودة اول من يقراء لي شخص غالي على فاعذرني

خلود ..لا عادي اسفه على الاحراج


مياس . عاتي قلبو مافى احراج


خلود .. متى طيب بتنزلينها


مياس .. اول مايقراها الشخص

خلود .. اها حلو انا بنتظارك

مياس .. ان شاء الله مايطول انتظارج يالغلا

خلود .. وبعد اخر اخبارج

مياس .. الحمد لله وانتي اخر اخبارج ؟

خلود.. تدرين انا اخر اخباري بملك بعد اسبوعين
عند ابطالنا خارج المملكه
سطام .. صحيح اللي سمعته يمه
امه .. شنو اللي سمعته
سطام برود .. كلامك انتي وسهي من شوي
امه ... ايه صحيح
سطام ... واهلها وينهم عنها
امه .. اهلها راضين عن هالشي
سطام .. بس انا موموافق
امه .. بس ياوليدي مالك كلام عليها
سطام .. هذاك اول بس من هالليله كل شى بيتغير
امه .. شتقصد
سطام .. كل شي بوقته حلو

مياس .. صدق الف الف مبروك

خلود .. الله يبارك فيك

مياس .. يقربلج وتحبينه والا


خلود .. ولد عم بس احبه لا انا مجبورة عليه

مياس حزنت عليه وتذكرت عمرها ..اها الله يعينيج وصدقيني الحب مايجي الا بعد الزواج ( علمي نفسج ميمي)


خلود .. امين ربي يعيني عاد تصدقين هالانسانه الوحيدة هي اللى ماتوقعت اخذها

مياس,,ههه شفي بديتي تخبصين بالكلام قصدج الانسان مو


خلود (( انا شخبصت )) أي عدل

مياس .. طيب شو السبب اللى مخليج كرهته لهدرجه

خلود .. مدري يقهرني دلوع البابا كل شى يبيه يطلبه من عمي وينفذه له على طول

مياس.. اها بس هذا مو سبب انج تكرهينه

خلود . فى اسباب ثانيه احتفظ فيها لنفسي

مياس .. اها يالله الله يوفقكم يارب

خلود .. امين


بيت ابو غرور

اخذ ابو غرور الظرف بايدين ترتجف
وفتحه وكان حاس بخوف من اللى بيشوفه فيه شاف صور لغرور مع على كثيرة وكل صورة اخس من الثانيه طاحت الصور من ايدة من قوة الصدمه بنته اللى ابد ماتوقع بيوم من الايام بيشوفه بالحال هذا
دخل البيت وهو يصارخ وسحبها من شعرها
ت
غرور .. بابا شنو فيك

ابو غرور .. جب ولا كلمه انا ماعندي بنات انا بري منج ليوم الدين سودتي ويه بين الناس


غرور . تتالم .. تصارخ .. لا باباا لتقول كذا انا بنتك وتربيتك مستحيل اسوي شى ينزل راسك بالارض

ابو غرور .. انتي سويتي وخلصتى الله ياخذج ويفكني منج يالفاجرة

غرور.. تصيح . وعرفت ان على سوة اللى براسه

ابو غرور .. بصراخه وحرقه قلب .. علي انت ياللي اسمك علي

دخل على البيت .. نع .. بس شوفته لغرور بهذا الحال خلاه يلتزم الصمت

ابو غرور .. الحين تروح تجيب الشيخ ياكتب كتابكم وتاخذة معاكم ولا عاد اشوف رقعت وجهك لا انت ولا هي وانا برى منها ليوم الدين

غرور بعد كلام ابوها طاحت مغمى عليها

على .. ركض لها غرور

ابو غرور .. خلها عنك وروح سو اللى قلتلك عليه

طلع على من البيت وهو ميت من الخوف على غرور وكراهه نفس بعد اللى سواه فيها

نرجع لمواج وصقر
صقر .. كم رقم جوالك
امواج بخجل ... مو حافظته
صقر .. اها
شيماء .. يالله صقور حلت لك القعدة اشوف
صقر .. ايه احد يشوف هالزين ويعافه
امواج .. انقلبت طماطه خخخخ
شيماء .. يالله قوم لان في حريم جاين والصاله امتلت
قام صقر وطلع معاها
كانوا واقفين عند الباب
صقر .. هدامه اللذات وفرص شيووم علي ايدها
شيماء .. أي عورتني
كل هالشي كان قدام امواج اللي ماقدرت تمسك ضحكتها عليهم
التف لها صقر وقال .. لبي هالضحكه وراعيتها
امواج .. قعدت تسب وتلعن بنفسها على تهورها

فى بيت ابو تميم

ميادة .. ميهاف



ميهاف .. هلا امري

ميادة .. شرايج نروح حق مياس من ملكت على تميم ماشفناها ومنها نطلع لسوق

ميهاف .. والله فكرة حلوة ليش لا بس من يودينا


ميادة .. تميم لو قلنا له مراح يرفض

ميهاف .. تيب تعالي نشوفه بالحديقه

ميادة .. يالله قومي


طلعوا من غرفتهم متجهين للحديقه بس العيله كانت كلها متجمعه بالصاله


ميادة وميهاف .. السلام عليكم


الكل .. وعليكم السلام


ام تميم.. زين نزلتوا من فوق

ميادة .. ليه مامي شنو عندكم

ابو تميم .. كنا قاعدين نقول شرايكم لونطلع للمزراعه او لشاليهتنا اللى بجدة احنا وبيت عمومتكم

ميها ف.. الله وناسه بس نبي الشاليهات بابا احسن من المزرعه

ابو تميم .. خلاص صار انا بكلم عمامكم اليوم


ميادة .. وناااااااااااسه بروح ابشر البنات

ميهاف .. هههه يالله خبله نسيتي اللى حنا جين على شانه


ميادة تضرب على جبهتها .. ههه يو نسيت

ميهاف .. تميم

تميم .. هو يضحك على خبال خواته.. ههه امري

ميهاف .. مايامر عليك لاعدو ولا ظالم نبيك توصلنا بيت عمو خالد بعد اذنك بابا

ابو تميم .. انا ماعندي مانع

تميم ..هو يبتسم بخبث .. اوكي بوديكم ومنها اسلم على عمي وحبي

ام تميم .. تضحك عليه .. ياولد استح على وجهك

تميم . ياربي يمه شسوي احببببببببهاااااااااااااااااا واموت فيها بجنني بنت اختج

ميادة وميهاف .. اكبر علامه استفهام ع رووسهم من كلام تميم


امه .. الله يهنيكم ويسعدكم وشوف عياليكم يارب

الكل امين

تميم .. بنات بعد المغرب كوني جهازين ولاا تقولون حق مياس خلوها مفاجاءه

ميادة ا.. اوكي


ميهاف .. تكلم ميادة بصوت خافت .. شوفى اشك ان اخوج صاحي

ميادة.. وانا بعد من متى المحبه حق ميمي

ميهاف .. والله مدري بس يمكن يحبها صدق لاتنسين الحين هي مرته

ميادة .. يمكن وبعدين من يقدر على دلع وغنج ميمي اذا البنات بالمدرسه الكل طاير فيها بتوقف على تميم والله تلقينه خاق عندها

ميها ف,,, هههههه صدقتي يالله خلينا قوم نجهز

ميادة .. اول بسال بابا سوال

ميهاف ,, اوكي
ميادة .. بابا

ابوها .. عيونه

ميادة . بيت عمتو لطيفه بيرحون معنا لشاليهات

ابوها .. اكيد

ميادة بضيق .. اها حلو

بيت صقر

كادي .. صقوري

صقر .. عيونه وروحه

كادي وهي بتسمه .. تسلملي عيونك حبي اليوم عندي مو عد
توديني ولا اروح مع السايق

صقر .. لا حياتوو انا بوديج

كادي .. اوكي وقامت بروح اجهز خطت خطوة وطاحت على وجهها

صقر كان توة طالع من الحمام وفي اثر للماي

كادي.. اااااااااااه يمه بموت

صقر .. ركض وشالها وخذ الشرشف اللى على السرير وغطاها فيه

صقر .. يصرخ .. سنيتااااااااااااااااا


سنيتااا.. نعم بابا


صقر .. نعامه افتحي الباب

سنيتا .. زين بابا

صقر طلع بر البيت وبس شافه السايق .. رح له ركض زشغل السيارة واخذ طريق المستشفى
خلال عشر دقايق وصولو للمستشفى النيرسات بس شوفها خذوه منه على طول
بعد ساعه من الانتظار طلعت الدكتورة

صقر .. بروعه .. ها بشري دكتورة شنوصار على زوجتي

الدكتورة .. هد اخوي مرتك فقدت كميه كبيرة من االدم واحنا محتاجين لها دم وفى اوراق لازم توقع عليها عشان نسوي لها عمليه وياليت متتاخر علينا بالمتبرعين ولا تفقد مرتك

صقر ............
انتهي البارت


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1