غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-10-2011, 02:17 AM
............. ............. غير متصل
©؛°¨غرامي مشارك¨°؛©
 
الافتراضي سومي أوعدني مانفترق / بقلمي


مــرحــبــااا ,, صــبــاحــكــم مــســائــكــم راحـة بـال مـاتـرحـل ،،

كتبت لكم روايه اتمنى تلقى استحسان عند الجميييع ،، وهي اول روايه لي ،، احداثهاا خياليه وفيها كثير من الواقع ،، تدور حول كل مافي الحياة بحلوهاا وبمرهاا ،،

اتمنى من الجميع مايحرموني من ارائهم ونقدهم الهادف ،، وبحكم انها اول روايه لي راح اكون محتاجه لأي ملاحظه مهما كانت بعيدا عن أي تهبيط للمعنويات ..


"بسم الله الرحمن الرحيم"

تغاريد في غرفه بروحها و جالسه تبكي ,,,,

أوسم دخل :: هاي (سكت شوي وراح جلس جنبها) تيغو ليه تبكين ؟؟

تغاريد وهي تبكي :: أوسم الحين السنة الجاية راح تنتقلون مكه وانا مين يذاكرلي جغرافيا وتاريخ .

أوسم :: خلاص تيغو لا تبكين انتي كبيره ، صرتي بصف رابع و للحين على كل شي تبكين !

تغاريد وهي تمسح دموعها :: اليوم استاذة العلوم هاوشتني لأني كنت افكر ومانتبهت لما سألتني في الدرس .

أوسم :: وانتي ليه تفكرين في وسط الدرس , وشنو اللي يشغل تفكيرك ؟

تغاريد ببراءه :: انا كنت افكر فيك انت .

اوسم :: بشنو تفكريني فيني ؟

تغاريد :: افكر شلون تتركني بروحي .

اوسم :: ماراح اتركك.

تغاريد :: سووومي...أإوعدني مأإنفترق ، لأننا اصحاب ومابي شي يفرقنا .

أوسم :: ان شاء لله مانفترق , بس احنا مو اصحاب .

تغاريد بزعل :: ليـــــه ؟

أوسم :: انتي صغيره وانا كبير .

تغاريد :: لا انت مو كبير ولا علشان صرت بصف سادس تحسب نفسك كبير, وانت من زمان تقول لي انك تحبني ولا علشان بتسافر تغيرت (وبكت) .

أوسم ضمها :: اسمعي يا تيغو انا ماتغيرت بس انتي حبيبتي وبنت عمي مو صاحبتي , وكمان لما نكبر نتزوج .

تغاريد ابعدت عنه وبفرحه قالت :: صدق لما نكبر نتزوج ؟

أوسم :: ايه صدق بس لاتقولين لأحد خليه سر .

تغاريد :: حاضر سومي , بس متى نكبر .

أوسم :: لما تدرسين بالثانوي وانا اتخرج من الجامعه .

تغاريد :: اف وليه مانتزوج من الحين علشان تذاكرلي , اكيد الحين انت تسافر وانا مانجح ومااصير بالثانوي ومانتزوج اف اف (وردت تبكي)

دخل عندهم عمها ابو أوسم :: حبيبة عمو ليه تبكين تعالي عندي وقولي مين مزعل دلوعتي .

تغاريد ركضت لعمها وجلست بحضنه :: انت انت ياعمو اللي زعلني لأنك بتسافر .

ابو أوسم :: يا دلوعة عمو انا مارضى على زعلك بس لازم نسافر علشان الشغل , وكل اسبوع راح انشوف بعض ان شاءالله .

تغاريد :: طيب عمو خل أوسم عندي علشان يذاكرلي وكمان احنا نحب بعض ولما ادرس بالثانوي راح نتزوج (ومسكت على فمها وراحت ركض لأوسم) آسفه سومي والله ماقصدت اتكلم والله نسيت انه سر والله والله والله مااعلم احد مره ثانيه والله نسيت .

ابو اوسم ضحك عليهم وقال :: صدق بزارين الله يسعدهم ان شاء الله (وخرج من الغرفه)

اوسم ::....................

تغاريد :: أوسم انت زعلت مني ؟

أوسم :: ايه زعلت , واذا تبوسيني ماعاد ازعل .<< احلفف

تغاريد :: لا مايصير ابوسك , شوف ضوى ورائد ومها وعبدالله وملاك وفراس وملك وحمد يزعلون بعض ويتراضون بدون مايبوسون بعض , اشلون انت تبيني ابوسك (وبكل براءة الدنيا قالت) يمكن يكون عــيــــب .

أوسم :: لا انا اقول يمكن مو عيب لأن احنا نحب بعضنا .

تغاريد :: طيب لي تزوجنا يصير ابوسك ؟

أوسم :: إيـــــه يصيرر .

تغاريد ببراءة :: اجل خلاص انت الحين سامحني وانا لي تزوجنا ابوسك .

أوسم :: لا الحين لو مابستيني ماارضى .

تغاريد تتلفت تشوف اذا فيه احد وباسته بسرعه :: ها رضيت .

أوسم :: إيــــه خلاص رضيت حبيبتي .

تغاريد ابتسمت و ببراءة :: انت كمان حبيبي .

أوسم يتعدل في جلسته وببراءه بدون مايقصد شي :: تيغو بعدين لي كبرنا وتزوجنا نصير زي امك وابوك .<< يبغاها تفهم يعني ان يصيرون في بيت واحد و مع بعض ع طول ومافي غير كذا يوضح لها .

تغاريد باستغراب :: ليه اشمعنى مثل امي وابوي ؟

أوسم :: كل المتزوجين لازم يصيرون كذا .

تغاريد :: قول والله العظيم لازم كذا .

أوسم :: والله العظيم ماكذب عليك بشنو احلف لك علشان تصدقين .

تغاريد وهي توقف :: لا اصلن انا مصدقتك وكنت عارفه لازم أي اثنين يتزوجون يصيرون مثل امي وابوي .

أوسم انبسط وابتسم :: طيب ليه واقفه الحين وين بتروحين .

تغاريد :: ابي اروح العب مع مها .

أوسم :: ليه ماتلعبين مع ملاك وملك هم صغار مثلك بس مها كبيره .

تغاريد :: لا مها مو كبيره وهي تعرف تلعب معاي وانا وهي اكثر شي نحب بعض .

أوسم :: طيب ضوى ماتلعب مع مها ؟

تغاريد :: لا , ليه تسأل ؟

أوسم :: علشان ضوى ومها عمرهم مثل بعض .

تغاريد :: انت تكذب ضوى كبيره ومها صغيره , لأن ضوى دايم تجلس مع رائد وماتجلس مع مها .

أوسم :: والله ما أكذب .

تغاريد :: ما ادري بس انا احس انك تكذب , خلاص انا ابي اروح .

أوسم :: طيب روحي بس اول شي خليني ابوسك في خدك .

تغاريد :: لا , انا مو زعلانه منك عشان تبوسني .

أوسم :: تيغو مو لازم تكونين زعلانه عادي .

تغاريد وهي تمشي :: ما ادري انا احس لازم نكون متزاعلين علشان كذا مافي تبوسني (وطلعت).

أوسم يكلم نفسه :: اف ليـــه ماتفهم , والله انا افهم اكثر منها << من جنبها والله خخخ

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

عند البنات ........

تغاريد :: مها ابي اسألك ممكن ؟

مها جلست وجلستها جنبها :: ايه ممكن ياعمري اسألي .

تغاريد :: انتي كبيره مثل ضوى ولا صغيره مثلي ؟

مها :: هههههه الصراحه سؤالك صعب بس عندي جواب , انا كبيره مثل ضوى وصغيره مثلك .

تغاريد :: قولي والله , يعني يصير تكوني كذا ؟ اصلن انا اوسم قال لي وما صدقته , يعني الحين انا اقدر اصير مثلك ؟

مها :: لا ما يصير .

تغاريد :: فهميني اشلون ما يصير ؟؟

مها :: انا افهمك الحين مو انا وضوى ندرس مع بعض ثاني متوسط .

تغاريد :: إيــــه .

مها :: علشان كذا انا كبيره مثلها وصغير مثلك لأني العب معك .

تغاريد :: اهاااا الحين فهمت , طيب الحين بيت عمي بو عزيز جايين ؟

مها :: ايه جايين وبيتعشون عندنا .

تغاريد :: اف ياربييي ، ان شاء الله روابي ماتجي , الله يخليك اذا جت لا تلعبين معها .

مها :: ليه ياقلبي ؟

تغاريد :: هي تكرهني ودايم تتلزق في اوسم وتجيب له حلاوه من المدرسه .

مها :: ههههه طيب ماراح العب معها , وهنادي وهدى وفوز عادي العب معهم ؟

تغاريد :: اصلن فوز راح تجلس مع ضوى لأنها كبيره وهنادي وهدى عادي يلعبون معانا .

مها :: هههههههههه والله الي يسمعك يقول انا مثلك عمري عشر سنين يله تعالي نتجهز .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

بعد مرور 9 سنين.......

تغاريد :: افففف ما اصدق و يجي الأسبوع الجاي .

ضوى :: ياقلبي وليـــه العجله لا يكون اشتقتي لحبيب القلب .

تغاريد بعصبيه :: اي حبيب قلب انتي و وجهك .

ضوى :: ههههه خلاص لا تعصبين , بس قولي ليـــــه مستعجله هاا ؟

تغاريد :: يعني ليه , علشان الأجازه ماصدق وانا افتك من الجامعه اسبوع .

ضوى :: الحين من جد والله ابي اسألك .

تغاريد :: ايه اسألي بس مايكون تافه مثل كل مره .

ضوى :: امااانه ما اشتقتي لـــــ

قاطعتها تغاريد بعصبيه :: صدق انك سخيفه يا ضوى .

ضوى :: والله فهمتي غلط يالدوباا , اقصد مها , والله وحشوني كثييييير صار لنا فتره ماشفنا بعض .

تغاريد :: اكيد اشتقت لها هي عمري وحياتي , بس انتي اتوقع انك اشتقتي لأحد ثاني مووووو ههههههههه

ضوى استحت ورمت عليها المخده :: وجع اسكتي .

تغاريد :: هههههههههههههههههه .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

الحين ابي اعرفكم على العوائل ::::

×××××××××××××××××××××××××××××××××××

العائله 1
ابو رائد.....اكبر اخوانه كلمته تمشي على الكل <<
شخصيه يعني .
ام رائد.....زوجه طيبه ومطيعه وفللللللله .
اولادهم ::
1- رائد :: 27 سنه .
2- مها :: 24 سنه , حلوه وعمرها ظالمها يعني مايبين عليها 24 .
3- أوسم :: 22 سنه , طويل جسمه رياضي وكتوفه عريضه , شعره اسود حييييل وطويل لكتوفه , عيونه واسعه وكحيله وشفايفه متوسطه << بالصريح خقااق .
4- ملاك وملك :: 16 سنه , توأم حلوين بس مو بجمال مها ,اقصر بنات العائله بس لايق مع اجسامهم ورجتهم ويسمونهم شياطين العائله , مافي احد الا مهبلين به .

×××××××××××××××××××××××××××××××××××

العائله 2
ابو عزيز....عدييييييييم الشخصيه .
ام عزيز....طيبه بعكس بناتها ماتحب تتكلم على احد ,وشخصيتها قريبه على زوجها بس هي اقوى منه شوي يعني احيانا تقدر تفرض كلمتها على بناتها ....
اولادهم ::::
1- عزيز ::27 سنه ,حاله حال نفسه وشخصيته ماعليها يفرض كلامه على الكل , هو الي يصرف على اهله .مطلق
2- فوز :: 24 سنه ,متينه قصيره وحقووده بس لعانتها بس ماتأذي احد .
3- روابي :: 22 سنه , امتن وحده في خواتها وكنها بلونه , واكبر مدبره للمشاكل وحقووده .
4- هنادي :: 20 سنه طويله رشيقه سمراء مافيها زود من الجمال بس عيونها ونظراتها تطيح الطير من السماء , كل من يشوفها ينجذب لعيونها .
5- هدى :: 19 سنه آخر العنقود ماتحب تطلع مع الأهل كثير يعني انطوائيه نحفها زايد عن اللزوم ومتوسطه بالطول فيها عيب واحد انها تموت على الفلوس , بصراحه حب الفلوس عندهم كلهم بس هي اكثر وحده.
(ع فكره المتن والخبث اخذوه من خالاتهم مع انهم متقاطعين طبعا هذا الظاهر قدام امهم لأنها منعتهم من بعض يوم سمعتهم يخربون عقول بناتها بس هم كان يكلمونهم بالسر , وعمهم بو رائد يسميهم عبد الريال نسبه للبنات الي يتشحتون من أي احد بس بطريقه غير مباشره مع ان عزيز مو مقصر عنهم بشي ) << فشلو اهلهم الله يفشلهم .

×××××××××××××××××××××××××××××××××××

العائله 3
ابو عبدالله....اصغر اخوانه هو وبو رائد يد وحده وبو رائد يعتمد عليه بكل شي , غامض كثيير وغموضه دايم يسبب له مشاكل مع مرته .
ام عبدالله....اخت ام رائد اصغر منها طيبه وماتحب تتكلم على احد اكثر وقتها حزينه بسبة المشاكل الي ماتنتهي بينها وبين زوجها .
اولادهم ::::
1- عبدالله :: 27 سنه , رجال يعتمد عليه وخلوق ومملوح
2- ضوى :: 24 سنه , طويله ونحيفه وسمراء وحليوه.
3- فراس :: 20 سنه , متوسط الطول جميل اسمر .
4- تغاريد :: 19 سنه , تدرس اول جامعه , طويله , جسمها يجنن ويجذب من رشاقته , بشرتها بيضاء ، عيونها متوسطه رموشها كثيفه شفايفها صغيره توتيه بشكلها ولونها , شعرها من طوله مغطي جسمها تقريبا طوله لفوق الركبه بشوي وكثييييييييييير وناااعم واسود , بالصريح جميييله جمال متواضع جدا ومن النوع الجذاب , دلوعة دلعها رباني ، ومفضله عند الكل وعمها بو رائد اكثر شي و يغليها نفس غلاته لبناته واولاده , حسااااااااااسه لو زعلت تبكي لو فرحت تبكي لو خجلت تبكي << بكايه يعني..
فيها شي مو حلو انها من صغرها فهمت ان كل المتزوجين لازم تصير بينهم مشاكل مثل امها وابوها وهذا الشي أوسم زرعه في عقلها وقلبها بدون مايقصد لما قال لها كل المتزوجين يصيرون مثل امك وابوك , من يومها ابعدت عن اوسم كثير وصار مايعني لها شي والغت فكرة الزواج والحب من بالها نهائيا , وعندها نظريه ازعجت الكل فيها اللي هي (لا حياة بعد زواج) , وعليها صوت يذبح لي تكلمت ولي غنت , هادئه بس اذا احتاجت انها تكون عصبيه ما تقصر تحب تتعامل مع الناس مثل مايتعاملون ,المهم هي بطلتنا وراح تتعرفون عليها اكثر مع احداث الروايه .
5- بدر :: 18 سنه , حليو و رجه .
6- الجوري :: 15 سنه , بشرتها بيضاء جسمها مليان شوي بس مناسب مع طولها , شعرها لنص ظهرها بني كثير ناعم , عيونها واسعه وكحيله , كلها على بعضها حلوه ودلع .
×××××××××××××××××××××××××××××××××××

هذي شخصياتنا وراح تتعرفون عليهم اكثر مع الاحداث ..
واي شخصيات جديده ان شاء الله راح اعرفكم عليها في الوقت المناسب ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

الــــــــــبــــــــــارت الأول ::

أوسم :: آآآآخ يامها احس اني مقهور من تغاريد ليه تغيرت علي .

مها :: الله يهديك ياخوي وانت باقي عايش على امل الطفوله.

أوسم :: مها ليـه ماتفهميني والله احنا نحب بعض .

مها :: مادري بس بصراحه كل مانتقابل واتكلم لها عنك تكون بارده من ناحيتك وماتهتم لسيرتك وتكره سيرة الحب والزواج ولا نسيت نضريتها الي تقول (لا حياة بعد زواج) << ابو التحطيم

أوسم :: انا لازم اتكلم معاها وافهم ليه متغيره علي .

مها :: لا لا عيب اوسم مو لها الدرجه البنت كبرت ماعادت تغاريد الصغيره الي تعرفها .

أوسم تنهد :: يالله انا رايح اشوف الوالده قبل اطلع اذا تبي شي.

مها :: الله معك ياقلبي بس لا تضايق نفسك ياخوي الدنيا ماتستاهل .

أوسم :: زين , تبين شي اجيب لك وانا جاي .

مها :: لا , سلامتك ياخوي .

أوسم :: الله يسلمك (وراح لأمه) السلام عليكم (محد رد عليه جلس وهو يضحك على اخوه رائد وهو ناشب في امه)

رائد :: يمه متى أملك ؟

أبو رائد :: ياولدي خل نخطب اول ويوافقون بعدين نتكلم عن الملكه والزواج .

أوسم لرائد يبي يرفع ضغطه :: هههه هذا لو وافقوا مع اني عارف ماراح يوافقون عليك .

ام رائد :: بسم الله على ولدي كنه البخت ماراح يلقون احسن منه لضوى .

اوسم :: ههه اتطنز يمه , بس اقول اشرايكم لو وافقوا نملك له الأسبوع الجاي لأنه عطله بين الفصلين , والزواج بالعطله الكبيره .

رائد عجبته الفكره :: أي والله فكره حلووه ان شاء الله .

ابو رائد :: على شنو مستعجل يا رائد البنت مب طايره .

ملاك تنقز :: وااااااو بيصير عندنا عرس .

ملك تنقز مع توئمها :: هيه هيه ياحضنا اخونا بيعرس .

مها توها داخله :: شفيكم اصواتكم واصله لي فوق .

أوسم :: الحقي رائد يبي يعرس لا وبعد مستعجل .

مها :: صدق والله .

رائد :: ايه صدق يالغاليه .

مها :: مبرووووك مقدما .

أوسم :: اصبري حتى يوافقون وبعدين باركي .

ملاك :: وعندك شك .

أوسم :: اكييييييييييد , مايلقون احسن من رائد .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

تغاريد تصرخ :: يممممممممه يممممممممممممممممه .

ام عبدالله نزلت :: وجع وصمخ انا مو ببيت ثاني ليه تصارخين .

تغاريد :: يممه ساعه اناديلك وانتي ماسمعتيني قلت ارفع صوتي شوي وتسمعين , خذي كلمي .

ام عبدالله :: ميــــن ؟

تغاريد :: خالتي ام رائد , صارلها ساعه تنتظرك .

ام عبدالله خذت السماعه وتغاريد راحت المطبخ :: هلا والله .

ام رائد :: هلا فيك اختي , شلونك ؟

ام عبدالله :: الحمد لله , انتي كيفك وكيف عيالك ؟

ام رائد :: والله الحمدلله كلنا بخير ماغير اشتقنا لكم , الا اقولك.

ام عبدالله :: هلا .

ام رائد :: والله ياوخيتي ولدي رائد يبي يتزوج والصراحه ماحنا لاقين احسن من ضوى تكون زوجته .

ام عبدالله :: ياهلا والله والنعم فيكم ولو يرجع الشور لي ماعندي مانع بس خليني اشاور ضوى وابوها وارد لكم .

ام رائد :: من حقكم حبيبتي , ولو ماعليك امر نبي الرد بهاليومين .

ام عبدالله :: ان شاء الله مايصير الا الخير(وقفلت من ام رائد وراحت وهي فرحانه وقالت لزوجها ونادت لضوى علشان تقول لها) ياضوى وينك ؟

ضوى راحت لأمها :: هلا يمه .

ام عبدالله :: تعالي يمه جاك خطاب .

ضوى بخوف مع خجل :: ومين الي جاني ؟

ام عبدالله :: ولد عمك رائد .

ضوى ارتاحت خافت يكون غيره و نزلت عيونها للأرض خجلانه ::.................

ام عبدالله :: هااه يمه ترى الولد شاريك ومستعجل بعد .

ضوى بخجل :: اللي تشوفونه انتي وابوي .

بو عبدالله :: لا ياضوى هذي حياتك وانتي لاازم تحددين مصيرك لو موافقه او لاء .

ضوى بخجل :: خلاص رائد ماينعاب .

ام عبدالله :: يعني .

ضوى بخجل وصوت اشبه للهمس :: موافقه .

ام عبدالله :: كلللللللللللللللللللوووووووووش .

تغاريد دخلت عليهم :: شسالفه ؟

ام عبدالله :: تعالي يمه رائد خطب ضوى واحنا موافقين .

تغاريد بفرحه :: صدق والله , الف مبروك ياضوى .

عبدالله كان جالس و مستمع لكل شي :: مبرووووووك .

ضوى :: الله يبارك فيكم .

تغاريد بصوت خفيف ماتسمعه الا ضوى :: مين قدك حبيب القلب .

ضوى بنفس نبرة صوت تغاريد :: عن الكلام الزايد احسن لك.

تغاريد وهي تسحب ضوى :: يالله ياعروس عشان نخطط للعرس .

فراس :: توه ماملك وانتي تبين تجهزين للعرس .

تغاريد :: أيــه ياخوي الوقت يمشي بسرعة البرق ههه
(ضوى استحت وطلعت لغرفتها)

تغاريد :: هههههه ياحليلها مستحيه يارب اسعدها .

ام عبدالله :: الله يسمع منك , وانتي بعد ان شاء الله بتلحقينها قريب.

تغاريد :: لاااااا يممه فالك ما قبلناه , ابي اعيش حياتي بدون هم الزواج ومشاكله وازعاج الأطفال .

عبدالله :: شدعوه عاد , اللي يسمعك يقول بتذبحك .

تغاريد :: انا بنظري لا حياة بعد زواج يعني اكيد تذبحني لو تزوجت .

بدر :: اف ياتغاريد رجيتينا بها النظريه انتي ووجهك .

تغاريد :: اسكت انت ماباقي الا البزارين يتكلمون .

ابو عبدالله :: الله يهديك يابنيتي , نفسي اعرف شلي معقدك من الزواج لها الدرجه .<< البركه فيك انت وامها يـــاعم .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

طبعا ردوا عليهم بالموافقه وحددوا الملكه وصار بعد اسبوع في يوم الملكه .......

ضوى ومها وتغاريد وملاك وملك والجوري ،،، فوق بغرفة ضوى بعد ماجهزوا نزلوا للمعازيم ماعدا العروس طبعا , تغاريد ومها قبل مايدخلون الغرفه الي متجمعين فيها المعازيم

ام عبدالله :: مابغيتوا تنزلون .

ام رائد :: فاضيين يتكشخون وبس , ماتركوا شي للعروس .

ام عبدالله بخوف :: بنات تحصنوا قبل تدخلون .

ام رائد :: ايه والله صادقه .

تغاريد + مها لأنهم عارفين امهاتهم يقصدون ام عزيز وبناتها عيانات :: ههههههه

ام رائد :: وجع انتي وهي قلنا نكته .

تغاريد :: لا خالتي خلاص الحين نتحصن وندخل .

دخلوا عند المعازيم.........

مها + تغاريد :: السلام عليكم .

(مها كانت لابسه فستان احمر فوق الركبه , وفاتحه شعرها لنص ظهرها , تغاريد لابسه فستان من نص الفخذ لون بينك ويفصله شريطه بيج من تحت الصدر وميكآب خفيف يبرز جمال ملامحها شكلها كيوووووت وتجنن) .

على جنب من الغرفه بصوت خفيف.........

فوز :: وجع رائد ماشاف ياخذ الا ضوى , انا مناسبه له اكثر .

روابي :: هههه ماعرفتي تعلقيه تمام مثلي .

هنادي :: شيعني مثلك ؟

روابي :: مثل ما انا معلقه اوسم اخوه .

هدى :: ههههه واثقه مره .

روابي :: طبعا

هنادي :: عاد انتي ياروابي تعرفين لنفسك حاجزه اوسم واحمد ولد خالي اذا خسرتي واحد تحولين ع الثاني هههه .

الكل :: هههههه

(شوي البنات جلسو معاهم , فوز وخواتها اكبر مجاملين)

روابي :: تغاريد شخبار ضوى , شتسوي ؟

تغاريد :: الحمدلله بخير بس متوتره شويه , والحين الكوافيره عندها تجهزها .

فوز :: عادي نطلع نشوفها ونسلم عليها ؟

تغاريد :: لا , مو عادي حبيبتي , نبيها مفاجاءه .

(تغاريد مو وقحه بس تعاملهم المعامله الي يستاهلونها لأنهم يعاملون الناس كذا)

مها بصوت خفيف :: تغاريد عيـــب شسويتي انتي ؟

تغاريد :: لا مو عيب عادي اعاملهم مثلهم خليهم يحسون شوي , نسيتي يوم زواج اخوهم لما رفضوا ان امي وامك يسلمون على العروس وقالو نبيها مفاجاءه .

جتهم الجوري :: تغاريد مها تعالوا بسرعه غرفة ضوى الحين عبدالله جايب له الدفتر توقع .

تغاريد :: اوكي , جايين (وطلعوا)

عند ضوى متوتره حيييل :: اففففف احس اني بأنفجر.

تغاريد تتطنز عليها :: ليه بلونه .

الكل :: هههههههههههه

قاطعهم عبد الله :: ياولد .

تغاريد :: ادخل ياقلبي مافي غريب .

(طبعا هم واولاد عمهم مايتغطون عن بعض بس يتحجبون)

دخل عبدالله :: السلام .

الكل :: وعليكم .

مها :: اخبارك عبدالله ؟

عبدالله :: الحمد لله , وانتي ؟

قاطعتهم تغاريد :: عبود مهاوي ، مو وقتكم الحين يالله .

عبدالله :: هههه زين يله ضوى وقعي .

ضوى ترجف :: يمممممه بطني .

عبدالله :: ضوى يالله عن الدلع .

(وقعت ضوى ودخلوها عند المعازيم ودخل رائد ولبسها الشبكه بعد شوي دخلوهم الغرفه مع بعض لحالهم)

رائد :: ياهلا والله .

ضوى بالموت تتكلم :: هلا فيك .

رائد :: كيفك ؟

ضوى ::تمام .

رائد مسك يدها :: مبروك ياعمري

ضوى تجمدت وهو ماسك يدها قالت بهمس ::الله يبارك فيك .

رائد :: شدعوه ضوى انا مو معرس يعني مالي مبروك .

ضوى بخجل :: مبروك .

رائد ::الله يبارك بعمرك ياحياتي ,اقدر اكلمك بعدين ؟

ضوى :: ان شاء الله .

رائد :: اعطيني رقمك ؟

ضوى :: **********

رائد :: يالله مابي اطول عليك روحي وانبسطي وبعدين اكلمك.

( عدت الحفله على خير, رائد وضوى مكالمات حتى الفجر, ناموا الكل وهم متكسرين من التعب)

اليوم الثاني العصر ........

ملاك جت تصارخ :: بنااااااااااااااااااات يالله قوموا يكفي نوم .

الجوري تساعدها :: ياهووووووووه ابسرعه اصحوا نبي نطلع نتمشى .

تغاريد وهي توها صاحيه ع اصوات البنات وهي تفرك عيونها قالت :: ايه والله خلونا نطلع نستانس .

ضوى وهي تغطي وجهها :: اوووووووف ازعااااج .

مها :: لا مو ازعاج بس لأنك مانمتي امس زين .

ملك :: أيــه والله حتى انا امس مانمت عدل .

تغاريد :: وليه ان شاء الله هي عندها سببها , وانتي شسببك ؟

ملك :: والله انا امس دخلت بجوها هي ورائد لأني كنت نايمه جنبها .

ضوى رمت عليها المخده :: وووجع وانتي قاعده تتصنتين .

الكل :: هههههههههههههه

(قاموا تجهزوا وخرجوا)
بسيارة محمد .............

ام رائد :: ان شاء الله افرح فيك ياولدي يا اوسم قريب مثل اخوك .

اوسم وهو يعدل المرايه علشان يناظر تغاريد لأنها جالسه وراه :: ان شاء الله يمه قريييب, والعروس موجوده .

تغاريد تنرفزت من نظراته وتبي تقهره :: ما اتوقع فيه وحده بتقبل فيك بسرعه الا اذا ماتعرفك .

ام رائد خبرها فيهم قبل 9 اسنين وع بالها للحين يحبون بعض و حست ان تغاريد تبغى تنرفز اوسم كالعاده ماتكلمت ::...........

أوسم :: ليـــــه انا شفيني , ما أملي عينك .

تغاريد بدون نفس :: مو مهم تملي عيني , اهم شي تملي عين زوجتك المستقبلية قصدي حبيبتك .

مها حست الجو متوتر بينهم :: ايه يااوسم تغاريد صادقه , الا ما قلت لنا من هي ؟

أوسم مركز بعيونه على تغاريد :: تعرفينها قرييييبه مررره.

تغاريد خافت يقول اسمها ، هي عندها كله ولا تتزوج ، خافت يقول اسمها وتكبر السالفه وتصير صدق وتتزوجه ، قالت :: افاا يامها اخوك وماتدرين من يبي وانا بنت عمه ادري .

ام رائد :: والله حتى انا ماقال لي , يمكن انتي علشان اقرب وحده له من وانتوا صغار دايم مع بعض , الا من هي ؟

تغاريد وفيها ضحكه على اوسم :: اسفه أوسم انا ماكنت راح اقول عن السر هذا بس علشان خالتي طلبتني عيب اردها .

مها بنفاذ صبر :: خلاص تغاريد قولي .

تغاريد وعينها بعيون اوسم :: روااااابي , هي امس قالت لي ان اوسم يحبها .

اوسم :: كذااااااااابه والله .

تغاريد :: انا كذابه يا اوسم .

اوسم :: ينقطع لسان الي يقول انتي كذابه , بس روابي كذابه عمري مافكرت فيها ولا عطيتها امل .

تغاريد :: مدري هذا الموضوع بينكم وانتو حلوه .

مها تخز تغاريد الي كان تضحك بدون ماحد ينتبه وبصوت خفيف :: تغاريد تكذبين صح ؟؟

تغاريد بصوت خفيف :: هههههه لاني ما ادانيه حتى لو كان اخوك وابيه يتركني بحالي مابي اتزوجه ماشفتي شلون يناظرني .

مها :: انتي ماتكبرين وتعقلين ابد والله ان الجوري احسها اعقل منك .

تغاريد :: هاهاهاها كيفي ماابي اعقل عندك مانع ؟

مها :: الله يهديك وبس .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

بسيارة رائد ......

رائد :: يالله ياجماعه انزلوا وصلنا .

(نزلوا وجلسوا)

رائد :: عمي تسمح لي ابي امشي مع ضوى .

عبدالله :: اركد شوي ياخي .

رائد :: انا كلمت عمي انت لاتتليقف .

الكل :: هههههه

عبد الله :: خلاص انا موافق .

رائد بنفاذ صبر :: استغفر الله العظيم .

الكل :: ههههههه

رائد :: ها عمي شقلت .

ابو عبد الله :: حلالك ياولدي بس لاتبعدون .

عبدالله وقف ويتنفض :: لا تخاف يبه ماحنا باعدين .

رائد بقق بعيونه ومسك اسنانه على بعض :: نشششششششبه .

الكل انتبهوا :: ههههههههه

ابو رائد :: يالله يابو عبدالله حنا بعد ناخذ حريمنا ونروح نلعبهم في المراجيح هههههه

الكل :: ههههههههههههههه

مها :: ايه كل واحد يمشيي مرته وحنا الله يخلف علينا .

فراس دق الصدر :: افا ولد عمك موجود يالله قوموا لا وبعد راح آخذ لكم آيس كريم << لا كلفت ع نفسك بصراحه خخخ

أوسم وقف :: اوكي يالله يابنات .

(قاموا كلهم ماعدا تغاريد كانت خايفه من نظرات اوسم لأن طول الجلسه وهو يناظر فيها وكنه يتوعدها بشي تخاف يخطبها صدق وابوها يغصبها)

بدر :: تغاريد انتي مو رايحه معانا ؟

تغاريد :: لا لا مابي .

أوسم :: مايصير تجلسين هنا بروحك , اعرفك خوافه .

تغاريد بعصبيه :: مالك شغل فيني .

فراس :: خلاص اوسم خلها احنا قريب ونشوفها .

مشوا وتركوها طول ماهم يتمشون اوسم كان يفكر وبخاطره "معقوله من جد ماعادت تحبني وشايفه احد غيري معقوله حب الطفوله مات عندها وعاش عندي وكبر معاي , لالا يمكن صدقت اني ابي روابي بس انا راح اثبت لك ياتغاريد ان روابي كذابه واني احبك انتي" .<< مايدري انها هي الفت السالفه

ملاك صرخت في اذن اوسم :: اوسسسسسسسسسم .

لف عليها وهو متخرع وصفقها بدون شعور :: وجع وصمخ .

بدر :: كسر ليدك ان شاء الله ساعه لنا نكلمك وانت مو معنا .

ملاك لأوسم بزعل :: اصلن انا استاهل لاني اتكلم مع واحد مثلك .

اوسم ندم :: ملاك خلاص ماكنت اقصد , وبعدين شتبون ؟

مها :: الحين اتصل عبدالله يقول فيه مكان حلو ووصف لنا المكان وقال تعالوا كلكم لانه كلهم جالسين هناك .

أوسم :: خلاص انتوا اسبقوني وانا اخذ تغاريد والحق عليكم .

فراس :: اوك , واذا مارضت تجي لا تتركها بروحها كلمني وانا اجيها .

أوسم :: اوكي (واخذ لها آيس كريم بالفراوله النوع المفضل عندها ومشى لها ووصل عندها شافها جالسه وتناظر بالبحر وتفكر كان وده يدخل عقلها ويعرف بشنو تفكر مد لها الـ آيس) تفضلي تغاريد .

تغاريد ناظرت فيه :: شكرا مابي .

أوسم :: افااا يا تغاريد ترديني .

تغاريد سحبته من يده بدون نفس :: لو سمحت مره ثانية لا تتصرف من عندك .

أوسم انتظرها حتى كملت كلامها :: تغاريد .!!

تغاريد بنفاذ صبر :: خيـرررر .

أوسم :: الخير بوجهك , تسمحي لي أسألك وتجاوبيني بصراحة .

تغاريد ماتبيه يسألها عن الماضي قالت بعصبيه :: اوسم شلي بيننا علشان أجاوب على اسألتك؟

أوسم تكلم بدون ماتسمح له :: احنا مانفترق يوم كنا صغار واتفقنا نتزوج بعضنا لي كبرنا , شصار الحين ؟

تغاريد :: هه الله يهداك , ماتوقعت عقلك صغير لدرجة انه للحين مصدق انه يصير بيننا شي علشان الي كان بيننا وحنا صغار.

قاطعهم جوال تغاريد ردت كانت بنت خالها :: هلا توشا .

تهاني :: هلا بك , شخبارك ؟

تغاريد :: الحمدلله مبسوطه , وانتي اخبارك مع حبيب القلب هههههه ؟

تهاني :: هههه والله تمام امورنا تعجبك مع ان ياسمين وهبه ع الرايحه والجايه ينصحون ومو عاجبهم الي بيني وبين خالد .

تغاريد :: الله يوفقك , وماعليك فيهم تمسكي في حبك يا قلبي .

أوسم انقهر لأنه خالد وتهاني كانوا نفس اوسم وتغاريد بس هم للحين يحبون بعض وهو حبيبته ماتدانيه وقف :: انا رايح شوي ، تامرين بشي ؟

تغاريد كانت ع اعصابها وهو جنبها وهي تتكلم مع بنت خالها ماصدقت وهو بيروح عنها ، تكلمت بدون اهتمام وهي تأشر له بيدها :: روح وريحني مابي منك شي .

أوسم :: ان شاء الله ربي يريحك مني للأبد , يارب خذني ولا تعذبني مع الأنسانه الي قلبي عشقها من صغري يارب اموت ولا اشوفها لغيري (ومشى)

تغاريد تتكلم وبالها مع الكلام الي سمعته من اوسم :: ايوه علميني عن اخباركم انتي وخواتك وناهد وسجى .

تهاني :: والله ابد على حطت ايدك , احكيلي عن الملكه وايش صارمع بنات عمك بو عزيز ؟

تغاريد ماكان بالها مع تهاني كان تفكر باوسم اذا صار له شي وربي اخذه شبتسوي هزت راسها بالنفي وتتكلم بصوت
واضح :: ماقدر اتحمل اني اخسره مستحيل يروح مني وماعاد اشوفه

قاطعتها تهاني :: شفيك تيغو مين تكلمين ؟؟

تغاريد :: هااا لا لا خلاص توشا انا اشوي واكلمك .

قفلت بدون ماتسمع الرد ودخلت في دوامت التفكير وعيونها تلاحق اوسم وهي مستغربه من حالها ، ليه شغل تفكيرها كلام
اوسم؟ وليه تحس بشعور غريب؟ بعدين هزت راسها تبعد هالأفكار وقالت :: ايه اكيد راح اخاف عليه لأنه ولد عمي .

كانت مشاعرها مخربطه ،، شوي وقف قبالها واحد يستهبل لأنها كانت جالسه بروحها بس عيون اوسم عليها هي ع طول بكت :: ابعد عني ياكلب لحد يشوفك عندي .

قال لها بكل وقاحه :: عادي خلي الناس كلها تعرف اني ابيك .

اوسم سمع كل شي من لما قالت له لحد يشوفك عندي وانقهر وضربه حتى هرب ورجع عند تغاريد وهو معصب وبراسه الف سؤال قال بعصبيه :: مـيـن هذا ؟

تغاريد وهي خايفه ومتوتره من اللي صار :: وانا شدراني .

اوسم بنفس عصبيته :: لايكون هذا حبيبك الي تركتيني علشانه؟

تغاريد بعصبيه :: مو انا الي اسوي الحركات الي ببالك ياسيد اوسم , ارجوك اتركني بحالي انقلع من وجهي لاتفكر فيني يا أخي اكرهني مثل ماأنا اكرهك .

أوسم :: تمام تمام تمام هدي اعصابك رايح وان شاء الله ماعد تشوفيني ابد

(ونزلت دمعه من عيونه لأن انجرح قلبه من كلام تغاريد وتركها ومشى بسرعه جنونيه يبغى يبعد عنها وبس ومن الجهه الثانيه بسرعه جنونيه بس كانت سيااااااااااااره)

نهااااااية البااارت الأول

$$$$$$$$$$$$$$$$$$$$$$$$$$$$$$$$$$$$$




تعديل .............; بتاريخ 07-10-2011 الساعة 02:46 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-10-2011, 02:13 AM
............. ............. غير متصل
©؛°¨غرامي مشارك¨°؛©
 
الافتراضي رد: سووومي ,,, أوعدني مانفترق ,,,


مرررررررررررررررحباا ,,, صباح/مساء الورررد

اابي انزل البااارت الثاااني ،، لا تحرموووني أرأكم وردوودكم ,,

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 14-10-2011, 02:26 AM
............. ............. غير متصل
©؛°¨غرامي مشارك¨°؛©
 
الافتراضي رد: سووومي ,,, أوعدني مانفترق ,,,


الـــــــبــــــارت الــــثــانـــي::

تغاريد وهي تبكي :: طمني دكتور .

الدكتور :: تطمني يااختي ان شاء الله مافيه الا العافيه .

تغاريد وهي تمسح دموعها :: طيب ليه ما صحى للحين ؟

الدكتور :: تأثير المهدئ لأنه عنده كسر في يده اليمين وشوية جروح , لاتخافين الحين شوي ويصحى ان شاء الله .

تغاريد :: ان شاء الله , طيب متى يطلع من المستشفى ؟

الدكتور :: تقريبا بعد اسبوع .

تغاريد :: ليــــه مايحتاج اسبوع كله كسر وبيده .

الدكتور :: والله يااختي هو جسمه ضعيف اشوي ويحتاج لفيتمينات وان شاء الله خير .

تغاريد :: اهااا .

الدكتور :: لو سمحتي اختي فيه رجال من اول يقول يبيك وهو اللحين ينتظر برا .

تغاريد طلعت :: نعم .

الرجال :: انا يابنتي الي وصلتكم و

قاطعته تغاريد :: اهااا اسفه والله ماعرفتك شكرا ياعم كم تبي؟

الرجال :: افا يابنتي انا ما ابي شي , انتوا قولوا لي شسوي وانا حاظر نسيتي اني انا الي صدمته .

تغاريد ماودها تكبر المشكله والرجال باين انه طيب ولا ماكان ينتظرها ويسأل شيبون منه ، المهم قالت :: اهاا مشكور ياعم انت ماكنت تقصد ، وانك وصلتنا هنا هذا يكفي ، روح لأهلك مسموح .

الرجال :: تسلمين يابنتي الله يكثر من امثالك (وراح وهو يدعي لها)

دخلت تغاريد عند اوسم واتصلت على اخوها عبدالله وقالت له كل شي وقفلت وحطت يدها على راس أوسم :: يارب انك تقومه بالسلامه.

أوسم فتح عيونه :: تغاريد .

تغاريد ابعدت يدها من ع راسه :: الحمد لله ع سلامتك .

أوسم بتعب وهو خايف عليها :: انتي صار لك شي ؟

تغاريد سمعت صوته مو صاحي من المهدئات فضلت انها تسكت ::............

أوسم بصوت تعبان وهو يتألم يردد اسمها :: آآآه ، تـ..تـ..تغـ اريد تـ..تـ..تغاريد آآآه تغاريد .

تغاريد ياربي حتى وهو تعبان يهذي بأسمي :: نعم أوسم انا هنا شبغيت ؟

أوسم :: انتي بخير ماصار فيك شي ؟

تغاريد :: انا بخير انت الي انصدمت ياأوسم مو انا , كيفك اللحين ؟

أوسم بصوت تعبااان :: خفتي علي ؟

تغاريد :: والي يعافيك اوسم مو وقته اللحين .

أوسم :: لو ماعرفت شعورك اللحين متى بعرفه ؟

تغاريد :: ايه اكيد خفت (فرح أوسم بس ماكملت فرحته لما كملت) شي طبيعي ياأوسم انت ولد عمي ،،، وانا اخاف لو عدوي صار فيه كذا اجل كيف انت .

أوسم بخيبة امل :: بس هذا هو الكلام الي قدرتي تقوليه .

تغاريد بخاطرها :: "لا والله احس فيه شي ثاني بس مو عارفه وشهو".

أوسم :: تغاريد وين سرحتي ؟

تغاريد بتتكلم الا فيه احد فتح الباب كان أوسم مو شايف مين لأن فيه ستاره مغطيه بس تغاريد شايفه تكلمت :: نعم .

---- :: تغاريد تعالي شوي ابيك .

تغاريد :: مين انت وشتبي ؟

قال بثقه :: ابيك انتي ياحياتي , وحشتيني ادري ان أوسم نايم الدكتور قال لي من تأثير المهدئ وان اهلك ماوصلوا يالله تعالي بسرعه قبل احد يجي .

تغاريد مصدومه مين ذا الي يعرف اسمها ::...............

أوسم بعصبيه ويتكلم بصعوبه وهو يحاول يجلس :: لو رجال تعال واجهني ياكلب .

بس سمع ان أوسم مو نايم وفي نفس الوقت شاف الأهل وهم جايين هرب

أوسم :: مين هذا ياتغاريد ؟

تغاريد كانت تفكر و تذكرت :: أي والله هذا هو اليييييييييي و(سكتت) .

أوسم :: الي شنوووووو تكلمي .

قاطعهم دخول الأهل ام رائد وهي تبكي :: يمه أوسم انت بخير حبيبي مافيك شي ؟

أوسم وهو يحاول يهداء من الي صار قبل اشوي :: لاتخافين يمه انا بخير بخير (والكل تحمدوا له بالسلامه ورجعوا الكل للبيت بس رائد كان مرافق مع اخوه)

اليوم الثاني...
كانت زياره عاديه لـ أوسم ،، وتغاريد ما زارته بس أرسلت له باقة ورد لونها ابيض ومغلفه بلون ابيض ومربوطه بشريطه حمراء وفيها كرت مكتوب فيه (اسفه ماقدرت ازورك اليوم , وان شاء الله تخرج بالسلامه , تغاريد) هنا فرح أوسم فرحه ماتنوصف بس فرحته فيها حزن وقهر من الي جا المستشفى امس وهو للحين مايعرف عنه شي ......

(طلع أوسم من المستشفى بعد مامر هالأسبوع ثقيل عليه ....
في بيت ابو عبدالله الكل متجمعين بسلامة أوسم وزاروهم بيت بو عزيز)

عند الحريم والبنات ........

روابي بلهفه :: الحمد لله على سلامة أوسم عمتي .

ام رائد بدون نفس لانها ماتدانيهم :: الله يسلمك .

روابي :: ممكن نشوفه ونتحمد له بالسلامه .

ام رائد من طرف خشمها :: زين شوفيه (وناظرت تغاريد) وصليهم لغرفة فراس أوسم فيها .

تغاريد :: حاضر خالتي .

بغرفة أوسم كان رائد طالع والبنات داخلين ...

فوز :: شلونك رائد .؟؟؟

رائد بدون مايناظر :: بخيررر .

فوز :: وشلووووووووون أوسم ؟

رائد بدون نفس :: هذا هو داخل تطمني عليه بنفسك (ومشى وتغاريد بالموت ماسكه الضحكه تعرف انه مايدانيهم)

دخلت تغاريد بعد ما دقت الباب :: أوسم .

أوسم :: عــيــونــه .

تغاريد تهز راسها بأسف من تصرفاته :: جاك ضيوف , تفضلوا بنات .

(دخلوا) ...

روابي وهي تمد له ورد :: الحمد لله ع سلامتك أوسم , تفضل .

أوسم وهو منزل راسه حتى هو مايداني هذول البنات وبالأخص روابي :: الله يسلمك , اتعبتي نفسك ماكان له داعي.

تغاريد كان مو عاجبها اللي يصير قدامها بين روابي وأوسم ومافهمت ليه ::.........

فوز :: الحمد لله ع سلامتك .

أوسم :: الله يسلمك .

المهم بعد شوي استأذنو وهم طالعين كانت اخر وحده تغاريد...
أوسم :: تغاريد .

لفت عليه :: آمــر.

(طبعا روابي وفوز وقفوا عند الباب يبون يعرفون شيبي << ملاقيف

أوسم مد لها الورد الي من روابي :: خـــذي .

تغاريد باستغراب :: شسوي فيه ؟

أوسم :: طلعيه ماابيه خانقني .

تغاريد وهي مبسوطه من تصرفه ، بس بينت نظرة استهزاء وهي تتكلم :: ليه من بنت عمك ؟

أوسم :: والي يعافيك تغاريد ، روابي ماتعني لي شي خذي الورد من هنا نزليه تحت ارميه تصرفي فيه .

تغاريد خذت الورد :: ع راحتك الي تشوفه .

أوسم :: وصليهم وتعالي ابيك .

تغاريد طلعت وماكانت ناويه ترمي الورد بس لما شافتهم واقفين عرفت انهم مثل العاده يتصنتون وعلشان تقهرر روابي قررت ترمي الورد قدام عينها ، قالت :: شـفـيـكـم واقـفـيـن , ليه مانزلتوا ؟؟؟؟

فوز بأرتباك وبكذبه واااضحه :: آآ ما ندل الطريق .

تغاريد :: اها نسيت صح انتوا اول مره تطلعوون هنا اكيد بتنسون اوك يالله (مشت وهم وراها ووقفت عند السله الي جنب الحمام "الله يكرم القارئين" ورمت الورد فيها)

روابي تناظرها وهي حاقده وفيها بكيه :: ليــــــــه ؟

تغاريد :: اسفه أوسم قال لي لأنه يتحسس من الورد واتوقع انك سمعتيه لما كنتي واقفين تنتظروني اوصلكم (وباستهزاء) علشان انتم ماتدلون .

روابي بقهر :: بس انا شفت عنده ورد اكيد الورد الي عنده من احد غالي عليه .

تغاريد :: لا غالي ولا شي هذا الورد من عندي وهو يعتبرني مثلكم بالظبط بس لو لاحضتي الورد الي مني كان جوري , (وبتساؤل) انتي الي جبتيه كان جوري؟

روابي :: لا .

تغاريد :: هااا شفتي اجل اعذريه هو مايقبل الا الجوري غيرره يتحسس منه << ابوك يالكذبه

روابي والكلام مو داخل مزاجها :: اهااا

تغاريد :: يالله خيرها بغيرها هذا انا قلت لك مره ثانيه جيبيله جوري بس ان شاء الله تكون بمناسبه سعيده (كانت كاتمه الضحك طول ماهي قاعده تألف عليهم قصص ورجعوا لمجلس الحريم واخذتهم السوالف والمجاملات)

قاطعهم جوال تغاريد :: هلا أوسم .

أوسم :: وينك انا ماقلت ابيك ضروري تعالي بسرعه .

تغاريد :: زين شوي ربع ساعه واجيك , (قفلت منه الا وروابي تقفل من جوالها ، وسألت روابي ) لايكون هذا عزيز يبيكم تمشون ؟

روابي :: ايه .

تغاريد بمجامله :: سمعتك تقولي له ربع ساعه , اتصلي عليه وغيري الوقت قولي له بعد اربع ساعات ههه

روابي بنفس المجامله :: ههههه اوكي اشوف .

ورجعت خذتهم السوالف والمجاملاااات .....

قاطعتهم ملاك :: تغاريد أوسم اذاني يقول يبيك .

تغاريد :: زين زين جايه

(وراحت وهي في قمت السعاده لأنها قهرتهم بسوالفها ،،ودخلت عند اوسم وهي مبسوطه حدها ،، ومقرره تعترف له انها حست بغيرره من روابي عليه يمكن يقدر يفسره ويكون الحب الي زمان وتوقعت انه مااات رجع انولد من جديد)

تغاريد تدق الباب ::ممكن ادخل .

أوسم :: تفضلي .

تغاريد بخجل منه وهي تحس انها غير عن كل مره لما تشوفه :: آمــــر شبغيت ؟

أوسم :: احنا ماكملنا كلامنا يوم كنت في المستشفى .

تغاريد :: أي كلام تقصد ؟

أوسم واسلوبه كنه متأكد ان فيه علاقه بين تغاريد واللي جا المستشفى :: انا مو مغفل وافهم كل شي , وانتي فاهمه قصدي الرجال الي جاك المستشفى .

تغاريد بخيبة امل وبعصبيه :: انا لو كنت عندي من هالسوالف اللي ببالك والله والله ماراح تهمني (وبكت)

أوسم لانت ملامحه ، وخاف تكوون عندها مشكله مع هذا الرجال قال بحنان :: تغاريد اذا عندك مشكله قولي لي يمكن اقدر اساعدك .

قاطعهم جوال تغاريد ناظرت الرقم وماردت

أوسم :: شفيك ليه ماتردين ؟

تغاريد :: رقم غريب اكيد ازعاجات وانا مو رايقه لمضايقات من احد .

أوسم :: عطيني انا ارد .

تغاريد اعطته الجوال :: تفضل .

أوسم رد بدون مايتكلم سمع صوت رجال يقول :: تغاريد حبيبتي ردي علي , انا آسف ع اللي صار بالمستشفى , والله ياعمري ماكنت ادري ان ولد عمك صاحي

اوسم قـفل الخط وناظر تغاريد :: ممكن اسأل ؟

تغاريد :: تفضل .

أوسم :: مين الي جا المستشفى ؟

تغاريد :: خلاص أوسم ما خلصنا من السالفه .

أوسم :: تدرين مين المتصل .

تغاريد بخوف :: مـيــن؟

أوسم بعصبيه وهو ماسك على اسنانه :: حبيبك يابنت عمي .

تغاريد بعصبيه :: انت شتقول تشك فيني يااوسم , آخر شي كنت اتوقعه منك , ترا والله والله ما هميتني بشي لأني انا واثقه من نفسي
(ووقفت وسحبت جوالها) تدري انا ليه مقهوره ؟؟؟
مـــن هــذا (واشرت على قلبها)
تدري ليه ؟؟؟ لأنه رجع ينبض بحبك بس خساره

(وطلعت من عنده وهي تبكي شافتها روابي لأن البنات طلعوا وجلسوا في غرفه كانت مقابل الغرفه الي فيها أوسم ،،وروابي اكثر وحده كانت مركزه لأنها مقهوره وغيرانه من تغاريد ومتأكده انها مبسوطه وهي عند اوسم ،، وفرحت لما شافتها تبكي

بدون شعور قاالت :: يـــسسسس .

محد انتبه لها غير اختها فوز دقتها بكتفها :: شفيك تكلمين نفسك انهبلتي ؟

روابي :: مبسوطه يافوز مبسوطه شكل تغاريد وأوسم متخاصمين .

فوز :: وانتي شدراك بالله ؟

روابي :: شفتها طلعت من عنده وهي شكلها تبكي .

فوز :: يممممه منك اشلون قزيتيها .

روابي طنشت فوز وقالت :: اقــول بنات وين تغاريد ؟

ضوى :: تتكلم مع أوسم .

روابي :: لا انا شفتها طلعت من عنده وشكلها تبكي .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

أوسم كان مقهور ان الأنسانه الي حبها وعشقها طول عمره وكان يستنى منها الأشاره علشان يكون الي يسعدها ويلبي طلباتها اكتشف او استنتج انها تحب غيره طبعا من المكالمه اللي صارت قبل اشوي ، وفي نفس الوقت عرف انها تحبه

فكر وفكر وبعد تفكير قرر انه يتصل ويكلمها ويتفاهم معاها ويعرف كل شي منها ...

اتصل ماردت اتصل اتصل اتصل ماردت....

تغاريد كانت تبكي مقهوره وتفكر شلون يشك فيها ....
وفي نفس الوقت كان تتخيل ان هي في مكانه ، راح تصير عندها نفس ردت فعله وكمان بتفكر انه يلعب بمشاعرها ....
كان تفكر انها ترد على مكالماته بس تتراجع وتقول مهما يكون مو قادره اكلمه لانه المفروض مايسمح للشك يدخل بيننا في وسط تفكيرها وصلها مسج من اوسم
((تـغـاريـد ردي ابـيـك ضـروري))

ورجع اتصل ماردت شوي وصلها مسج ثاني منه
((تغاريد والله انا احبك موت وانتي ماتدانيني , لا تزعلين من تصرفي انا خايف انك تحبين غيري , والله ماودي اخسرك , ردي علي))

اتصل ماردت وصلها مسج ثالث ((خلي نفسك مكاني ياتغاريد والله بتتصرفين نفس تصرفي و تسوين اكثر))

تغاريد بدون ماتفكر بس كل اللي خطر ببالها كتبته بمسج وارسلته لأوسم
((أوسم انا احبك من زمان بس انا اخاف من علاقة المتزوجين عشان كذا كنت اطنشك وماهتم فيك , وانا ماابيك تشك فيني لو شيصير غير لما تتأكد))

اوسم بعد ماقرا المسج ارسل لها ((ممكـن ترديـن عـلي))

واتصل ترددت شوي بعدين ردت بصوت مبحوح :: الـــوو

أوسم :: انا آسف ياتغاريد سامحيني .

تغاريد ::............

أوسم خاف من سكوتها قال بترجي :: الله يخليك سامحيني .

تغاريد ::...........

أوسم :: تغاريد ليه ساكته تكلمي ، ولا اقول تعالي عندي ابيك .

تغاريد بسرعه ردت :: لاء , ماراح اجي .

أوسم ارتاح :: دام انك رضيتي وتكلمتي قولي سامحتك .

تغاريد حست بأحساس حلو ان علاقتهم ترجع مثل زمان قالت :: خلاص .

أوسم :: شنو خلاص .

تغاريد :: امممم سامحتك .

أوسم طار من الفرحه :: يـــــالله مو مصدق ، تغاريد انا احبك واموت فيك ياقلبي .

تغاريد ::.........

أوسم :: طيب تغاريد انتي صدق تحبيني ؟

تغاريد بخجل :: خلاااااص أوسم .

أوسم :: اوك انا بعدين اكلمك هذا ابوي دخل عندي .

تغاريد :: اوكي , باي (وقفلت وهي مبسوطه وعدلت مكياجها وطلعت للبنات)

روابي بشماته :: شفيك طلعتي من عند أوسم تبكين ؟

تغاريد بثقه وبدأت تألف :: هذا أوسم الله يهديه اشترى لي عطر وبدل مايحط لي بيدي علشان اشممه حط في عيني بدون قصد وعورتني عيني وعصبت عليه وزعلت وطلعت ، واتصل علي واعتذر وتصافينا واللحين شوي وبروح له اخذ العطر ونكمل سالفتنا << اتوقع روابي انجلطت .


الساعه 9 بعد صلاة العشاء كل واحد رجع بيته ,
اليوم الثاني كان آخر يوم بالعطله والمفاجاءه ان ابو رائد قرر يرجع يسكن بجده والكل انبسطوا .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

في بيت بو عزيز ........
روابي ميته قهر ان ماصار الي ببالها خذت جوالها ودخلت غرفه بروحها بعد شوي ::الـوووو

:: هـــلا والله .

روابي بعصبيه :: مازن انت وين مختفي .

مازن :: موجود بس انتي ماعطيتيني حقي كامل بعد مانفذت كل خططك يوم البحر ، والمستشفى ، وآخر شي امسس لما اتصلت عليها وهي عنده .

روابي بعصبيه :: انت ماخليتم يتركون بعض بالعكس هم تعلقوا ببعض اكثر .

مازن وهو يرفع صوته عليها وبعصبيه :: انا سويت الي طلبتيه المفروض تعـ

قاطعته :: اسمع مازن عندي خطه ثانيه وراح اعطيك الي تبي.

مازن :: زين بس حقي راح آخذه قبل ماابدأ شغلي .

روابي :: من اللحين لي وقتها ونشوف .

مازن :: انشوف يالله باي .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

رائد يكلم ضوى :: حياتي شرايك نعجل بالزواج ؟

ضوى بخجل :: اممم برااحتك .

رائد :: ضوى قد ايش تحبيني ؟

ضوى بنفس الخجل :: خلاااااص رائد .

رائد :: شفييييك انتي زوجتي ومن حقي اعرف .

ضوى وهي مستحيه :: خلاص لي تزوجنا اقولك .

رائد :: ضوى انتي تدرين اني اموت فيك .

ضوى استحت حييييييل ماقدرت تتصرف الا بالطريقه هذي قالت :: انا الحين ابي اقفل امي تناديني يالله باي

رائد عرف انه احرجها :: هههههههههه اوكي باااي .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

هنادي :: ياروابي مو كنها كبيره شوي ؟

روابي :: لا مو كبيره ولا شي ليتها بس تأثر وتفرق بينهم .

هنادي :: صدقيني حتى لو تزاعلوا بيردون لبعض يعني لاتتعبين نفسك الا اذا كان عندك خطه جهنميه اكثر من هذي اللي قلتي لي عنها .

روابي :: الصور خطه حلوه ع الأقل ادخل الشك بقلب أوسم .

هنادي :: زيــن براحتك بكره احطها بشنطتها .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

اليوم الثاني الصبح في الجامعة...........

هنادي :: شلونك تغاريد .

تغاريد :: الحمدلله , وانتي .

هنادي :: تمام , يسلمون عليك اخواتي .

تغاريد مستغربه :: الله يسلمك ويسلمهم (لفت على صوت وحده تناديها باتفاق مع هنادي) هــلا قلبي .

البنت :: تعالي ابيك بروحك .

تغاريد :: اوك , اللحين اجيك .

هنادي علشان ماتشك فيها تغاريد :: يالله باي تغاريد انا رايحه .

تغاريد :: باي (وراحت للبنت)

هنادي رجعت بعد ماراحت تغاريد ونفذت الخطه وارسلت لأوسم مسج ((تعال اليوم لحبيبة قلبك قبل تروح البيت وتخفي صور حبيبها الي طلعت معاه من الجامعه على البحر واليوم ... المرسله ،، فاعلة خير))

أوسم لفت فيه الدنيا من هالمسج وفعلا سمع الكلام وراح لتغاريد واتصل عليها :: الووو يالله اطلعي انا عند الباب .

تغاريد بفرحه :: صدق انت جيت مع السواق .

أوسم :: لا انا جيتك بروحي .

تغاريد :: اوك , اللحين اطلع (وطلعت وهي طايره من الفرحه انه بيوصلها أوسم , طلعت السياره) هاااي أوسم .

أوسم بدون نفس :: هــلا (ومشى ووقف على جنب في مكان مافيه احد)

تغاريد :: شفيك مــو على بعضك , وليه وقفت ؟؟؟

أوسم :: تغاريد منهو الي طلعتي معاه اليووم من الكليه ؟

تغاريد مستغربه :: أوسم انت صاير لعقلك شي ؟

أوسم لف عليها واعطاها كف وبعصبيه قال :: لما أسألك لاتجاوبيني بسؤال .

تغاريد مسكت مكان الكف بصدمه وع طووول بكت ، قالت وهي تبكي :: انت ليه تسوي كذا ؟

أوسم بنفس عصبيته :: اعطيني الشنطه .

تغاريد وهي تبكي رمت عليه الشنطه :: وربي لتندم ع هالحركه لأنك ما راح تلقى بشنطتي أي شي يثبت كلامك .

أوسم ناظرها بنص عين :: ولــو لقيت ؟

تغاريد بثقه :: لك الي تبيه مني , لو تذبحني .

أوسم :: راح القى صور حبيبك الي كنتي معاه اليوم , (وفتش بأغراضها ولقى 4 صور مكتوب عليها "ذكريات احلى يوم بحياتنا بتاريخ ../../..... بيوم ...... يوم طلعنا ع البحر -مازن و تغاريد-"

رمى الصور بوجهها وقال بصوت عالي :: وهذي الصور شمعناتها (وصرخ فيها وهي تناظر بالصور وتبكي وقال) تكلمي قولي أي شي اثبتي ان هذا الشي كذب اذا كنتي واثقه بنفسك .

تغاريد تبكي حست ان الدنيا كلها ضدها بس بالموت تكلمت وقالت :: والله فيه احد يبي يفرق بيننا .

أوسم بقرف منها لأنها بنظره خاينه وقاعده تكذب عليه ،، ماتحمل يسمع كذب اكثر ، قال :: خلاص اسكتي ماابي اسمع ولا كلمه واللحين ابي اوصلك بيتكم , وأوسم انسيه فهمتي وامسحيه من عقلك .

تغاريد وهي تبكي :: لا ياأوسم مو لازم نسمح لاحد يفرق بيننا , احنا حبنا اكبر من انك تصدق هالشي , انا ادري انه شي كبير ولو كنت بمحلك اسوي اكثر منك , بس والله انا احبك انت وبس صدقني ماعمري فكرت في الحب ولما فكرت تعلمت حبك انت وبس والله مأعرف احب غيرك أو أخونك

اوسم ::..............

مسحت دموعها وهدت شوي ولما ماسمعت رد منه ع كلامها قالت :: اوكي أوسم سوي اللي تبيه بس بيجي اليوم الي تعرف فيه الحقيقه وانك ظالمني وبتندم لأنك شكيت فيني .

أوسم هدأ وبدأ يقتنع بكلام تغاري داو حاول يقنع نفسه لأنه يحببها فووق كل شي :: اوك , فهميني مين هذا الرجال .

تغاريد انبسطت انه بيسمعها :: هذا اول مره اشوفه , يوم اذاني ع البحر , وثاني مره بنفس اليوم في المستشفى , وهذي ثالث مره ماشفته بس اذاني بهالصور , (وحطت يدها ع وجهها و تبكي وتقول) والله يأوسم انا مادري عن شي بس انت لاتتخلى عني ولا تشك فيني .

أوسم صدق كل كلمه قالتها تغاريد ابعد يدها من ع وجهها ومسكها بيده اليسار ورفع يده اليمين على خدها اليمين مكان الكف كان احمر وحار وصار يمسح ع خدها :: انا آسف حبيبتي سامحيني .

تغاريد كانت منزله عيونها على حضنها ونزلت دموعها على يده ::.............

أوسم :: يا جعل ايدي الشلل الي انمدت عليك ياروحي .

تغاريد :: لا لا ، لاتدعي ع نفسك , اصلن الكف ماعورني لانك ضربتني بيدك المكسوره وماكانت قويه .

أوسم :: ههههههههههههه ياكذابه وليه خدك احمر ؟

تغاريد وهي تمسح دمعه طاحت ع خدها وتبتسم :: ماأدري .

أوسم لما شاف دمعتها وهي تبتسم علشان ماتحسسه انها زعلانه حس زي السكين في قلبه قرب منها وباسها بسرعه مكان الكف :: احــبــك .

تغاريد :: أوسم مايصير تبوسني , لاتعيدها فاهم .

أوسم :: تذكرين زمان وحنا صغار لما قلت لك ابي ابوسك وانتي رفضتي وقلتي مايصير تبوسني الا اذا كنت زعلانه منك وهذا انتي زعلتي وانا بستك .

تغاريد + أوسم :: ههههههههههههههههه

تغاريد :: بس خلاص الحين احنا كبار ومره ثانيه ماتبوسني .

أوسم :: الي تبينه ياروحي راح انفذه , واللحين ابي آخذ لك آيس كريم بالفراوله .

تغاريد لفت عليه وناظرت بعيونه :: اوسم

اوسم :: عيون اوسم آآمممري ..

تغاريد :: أوعـدنـي مـانـفـتـرق .

أوسم ابتسم لها :: ان شاء الله مانفترق ، تصدقين اسمي من فمك ينقط عسسسسل .

تغاريد بخجل ودلع :: خلاااااااااااااااص .

أوسم :: خلاص خلاص آخر مره .

تغاريد :: هههههههههههههههههههه

أوسم :: يــا لــبـيـه الضحكه .

تغاريد بتهديد :: أوسسسسسم .

أوسم :: هههههه خلاص توبه توبه , بس سامحتيني ؟

تغاريد :: امممممم عطني جوالك ابي اكتب لك شي اعطاها وكتبت
(أنا لو ما محيت لك الخطا ماني بنت رجال
وأنا ماأستاهلك لو ما حضنتك في شرايني)

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

مرت أيام وأوسم وتغاريد مثل العسل ....

روابي :: انا ميته قهر ياهنادي وش هالحب الي بينهم , شفيه مايصدق فيها اكيد تلعب عليه بكلمتين .

هنادي :: هههههههه روابي حبيبتي انتي كذبتي وصدقتي كذبتك , شكلك نسيتي ان تغاريد بريئه وصادقه .

روابي :: أنا بسوي آخر خطه ولــو مانجحت الله يهنيهم ببعض .

هنادي :: دامك قلتي كذا فأكيد خطتك هالمره ناجحه ، لأني عارفه مستحيل تتنازلين عـن اوسم .

روابي بأبتسامة خبث :: ان شاء الله بس لو يرضى مازن .

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-10-2011, 02:35 AM
............. ............. غير متصل
©؛°¨غرامي مشارك¨°؛©
 
الافتراضي رد: سووومي ,,, أوعدني مانفترق ,,,


تااااااااااااابع البارت الثااااااني

يقولون الصداقه تجي بعد العداوه , والحب بعد كره .......

مها سادحه ومبتسمه وتسترجع ذكريات الثانوي والجامعه

مها كانت شاطره ومحترمه بعكس شله في الفصل كانو مشاغبات , دايم يسوون مغامرات واكشن بالمدرسه كانوا أربع بنات
(مشاعل قائدة الشله ، دانه اقرب وحده لمشاعل ، و ساره و هدى) ملقبين نفسهم $مـافـيـا الـمـدرسـه$

في يوم من الأيام بصف الأول ثانوي ..............

المديره فتحت الباب بقوه والبنات هدأو ،، قالت بصوت يرعب :: مين الي كان يدق ويغني ؟؟

الطالبات ::............

المديره بهدوء :: مها قولي لي مين انا اصدقك انتي ؟

مها ارتعبت لما المديره كلمتها قالت بخوف وهي ترجف :: مشاعل ودانه وهدى وساره .

المديره :: مشكوره مها , (وناظرت بالبنات) وانتوا تعالوا معاي ع الأداره .

(مشت وهم وراها وصلوا اللأداره طبعا المديره عجزت معاهم استخدمت كل انواع العقاب معاهم مافي فايده قررت هالمره تفصلهم مؤقت , ووقعتهم على فصلهم اسبوع , مع استدعاء أولياء امورهم , طبعا البنات كان عادي عندهم انهم ينفصلون ويجون اولياء امورهم ماعدا مشاعل صح اهلها مايتدخلون فيها وماكنهم عايشين مع بعض بس اشوي متعصبين ولما عرفوا بالي صار كان يصحوها على ضرب وينوموها على ضرب , وقرروا اهلها وفصلوها سنه كامله علشان ماتجتمع مع باقي الشله ,

رجعوا البنات بعد الأسبوع وعرفوا عن اللي صار لمشاعل وصاروا يكرهون مها وقرروا ينتقمون لصديقتهم من مها بس مشاعل مارضت لهم وقالت لهم المسامح كريم وقدرت ان مها خافت من المديره علشان كذا اضطرت تعلم .....

راحت لها وحده من البنات وقالت لها والله كان بنشوفك نجوم الظهر بس مشاعل قالت المسامح كريم)

المهم جات السنه الثانيه ورجعت مشاعل للمدرسه ................

مها راحت سلمت عليها :: آسفه يامشاعل والله كنت مجبوره بخصوص الموضوع اللي العام .

مشاعل :: ههههههه الله يهديك يامها انا نسيت ويقولون ما صداقه الا من بعد عداوه .

مها :: تسلمين والله انك عسل .

مشاعل :: احنا كلنا في الشله متسامحين مهما يصير اصلن في النهايه كل اللي نسويه تسليه ومغامرات .

مها :: والله انكم تجننون .

مشاعل :: الله يحيك لو تبغين معانا .

مها :: والله , يعني عادي البنات مايتضايقون من وجودي .

مشاعل :: لا , اصلن الشله تمشي بكيفي والي ابيه يدخل ادخله.

مها :: دام كذا تمام .

مشاعل :: خلاص ياقلبي من اليوم ورايح انتي وحده من الشله.

وصلو البنات :: هاااي .

مها + مشاعل :: هاااايات .

مشاعل :: بنات مها صارت من شلتنا .

هدى :: صدق , الله يحيك .

ساره :: ايه بس مو بهالسهوله تصيرين وحده مننا .

مها مستغربه :: ليــــــــــــه ؟

دانه :: مشاعل انتي ماقلتي لها عن الشروط ؟

مشاعل :: لا خلاص مو لازم .

هدى :: ليه حبيبتي جننتوني على ماصرت من مافيا المدرسه .

مها شهقت شهقه محترمه :: انتوا مافيا المدرسه الي تسوون مصايب وتتركون هالأسم ومحد يعرف عنكم شي ؟

مشاعل :: اسكتي لحد يسمعك وننفضح ، ايييه احنااا .

مها بصوت خفيف :: والله انكم خطيريـن , خلاص ابي معاكم وشهي شروطكم ؟

مشاعل :: أول شي تحلفين ع نفسك انه أي شي يصير بالشله ماتقولين لأحد حتى لو قتلنا احد .

مها بخوف وتسأول :: تــقــتــلــووووون ؟؟؟؟

البنات :: هههههههههههههههههههه ماعادا مهاا .

مشاعل :: الله يهداك مانقتل بس لازم ابالغ شوي علشان تفهمين علينا .

مها :: اهــااا اوكي وشنو بعد ؟؟؟


مشاعل :: وثاني شي لازم تسوين شي يعني اكشن وانتي تتحملين المسؤوليه لو انكشفتي .

مها :: تـمـااام , بـس شسوي ؟

دانه :: مشاعل راح تخطط لك وانتي تنفذين .

مها :: اوكي .

(المهم مشاعل خططت وفي آخر الدوام علمتها على كل شي)

مشاعل :: خلاص فهمتي بكره احنا راح نجيب الأغراض وانتي تنفذيـن .

مها :: اوكي .

اليوم الثاني...................

مها :: هاا بنات جبتوا الأغراض ؟

مشاعل :: اكيد ياقلبي .

هدى :: ههههه اشوفك متحمسه ؟

مها :: اكيد والله حماس .

مشاعل :: ساره جبتي الولاعه ؟

ساره :: أيـــــه .

مها :: ومتى يصير ؟

مشاعل :: الحصه السادسه.

جا وقت تنفيذ الخطه.................

مشاعل :: يالله لازم تسوينها بروحك , اول ماتخلصين تجين هذا الفصل كلنا متجمعين فيه .

مها :: تمام تمام

(ونفذت الخطه كانت العاب ناريه << صارت حقيقه ......

وراحت ع الفصل بدون ماأحد يحس عليها ,
المدرسات والبنات ارتعبوا مايدرون شصار على بالهم شي انفجر << على فكره ايام صارت من جد كانت أيام الصدام الله يرحمه ....هههههههه....

بعد ماوقف الصوت عرفت المديره انها العاب ناريه لأن العاملات اللي في المدرسه لقووا اثار الألعاب واعطووها المديره ، اول شي سووته المديره راحت فصل مشاعل الي كان يتجمعون فيه البنات وقت الفراغ وفتحت الباب ..

المديره بعصبيه :: مين الي سوت هالمسخره ؟

الفصل كان فيه بنات كثير وكلهم ساكتين .........

المديره وهي تناظر بمشاعل :: اكيد انتي وشلتك , اصلن من وين تجينا المصايب غير منكم .

مشاعل بثقه :: لو سمحتي قبل تضلمينا تأكدي .

المديره :: ايه اكيد راح اتأكد (وناضرت مها ع بالها مها نفس اول ، وقالت) مها وقت المشكله مشاعل وشلتها كانوا في الفصل ؟

مها وهي ترجف :: ايه اصلن هم من نهاية الحصه الخامسه ماطلعوا من الفصل .

مشاعل بقلة ادب :: ها يا مديرتنا وش استفدتي لما ضلمتينا ؟

المديره تفشلت ماتدري شتقول :: اقول عن الكلام الزايد وامشوا انزلو تحت قبل يصير تفجير من صدق , لأنها مو بعيده عن مافيا المدرسه الي يتركولي توقيعهم بكل ثقه على مصايبهم .


(نزلوا الكل)

البنات :: هههههههههههههههههههههههههههههههههههههه

مشاعل :: ههههه عفيه ع الشاطره حياك الله بمافيا المدرسه , والله انك تستاهلي تكوني القائده بغيابي .

دانه :: ياسلام وانا وين موقعي من الأعراب والا اللحين صرت وويييع .

مشاعل :: ههههه حلوه موقعي من الأعراب انتي ع العين والراس بس مها الي سوته مو قليل ولا وحده فيكم سوت مثلها من اول مره صح ولا ؟

البنات :: أيــه (واقتنعوا و وافقوا برضا)

(قطعت عليها دوامت الذكريات ملاك وملك)

ملاك وهي تصارخ:: هيييييييه

مها فزت ع الصوت :: عمى ان شاء الله خرعتيني .

ملاك وهي غاضه وحده من عيونها :: بـشـنـو تـفـكـريـن هاااا ؟

ملك :: لا وبعد تفكر وتبتسم .

مها ابتسمت :: تذكرت ايام المدرسه والله كانت احلى ايام , تعالوا تعالوا اجلسوا ابي احكيلكم عن شي صار والله يموت من الضحك .

ملاك وملك جلسوا ...

مها :: فيه مره من المرات المديره كان متقصدتنا انا والشله واي مشكله تصير بالمدرسه تحطها علينا حتى لو ماسويناها , وفي نفس الوقت كان فيه وحده من البنات اللي بالمدرسه تكره شلتنا موت وهي راعية مشاكل كان تتمشكل معانا ودايم تورطنا المهم اسمعوا اللي صار........................................

مشاعل :: والله خطتك روووووووووعه يامها .

ساره :: بنات انا راح انزل السوق واجيب الأغراض .

مشاعل :: اوك , وانتي يا هدى تـنـفـذيـن الخطه .

هدى :: يــاسلاااااااااام اشمعنى انا ؟

مشاعل :: اول شي دورك ولا نسيتي اننا ننفذ الخطط بالدوور , وبعدين انتي انحف وحده والأقرب لجسم فايزه وطولها (فايزه البنت اللي دايم تسوي لهم المشاكل)

اليوم الثاني...............

ساره لهدى :: خذي هذي العبايه وهذي الشنطه .

دانه :: وهذا الكتاب جبته من درج الطاوله تبعها .

مها :: يالله هدى الله يوفقك .

مشاعل :: يالله احنا ننتظرك برا مكان كل يوم .

هدى وهي خايفه :: اوكي , ادعولي مانكشف .

مشاعل :: ان شاء الله ماتنكشفين بس انتبهي

(وطلعوا البنات ينتظرونها بالسياره ، وهدى لبست العبايه الراس والشنطه الجديده وماسكه الكتاب بيدها وتنتظر المديره برا عند باب المدرسه , شوي طلعت المديره وهدى راحت تركض ودفتها والمديره طاحت قدام الكل ، هدى رمت الكتاب بطريقه كنه طاح من الشنطه , وراحت ركض ع السياره اول ماطلعت مشى السواق كان اول مره يجيهم ، طبعا مشاعل ضبطت مع السواق تبعها)

في السياره......

البنات::ههههههههههههههههههههههههههااااااااااي

مشاعل :: ههههههههههه آآآآآه بطني ههههههههههه

مها :: ههههههههههههاي شفتوا لما طاحت هههه هههههههههه

ساره :: ههههههههههههههههه اسكتي مها ههههههاي

دانه :: ههههههههههههه طالعوا ههههه هدى تتنافض هههههه

الكل :: هههههههههههههههههههههههههههههههههههههههههه

عند المدرسه.....

بعد ماقامت المديره بمساعدة وحده من المدرسات الي شافت كل شي صار ،، وعرفوا ان الشنطه شنطة فايزه وتأكدوا اكثر لما قرأوا اسمها على الكتاب وكمان مكتوب مافيا المدرسه عرفوا ان هي اللي طيحت المديره وهي الي تسوي هالمصايب

(طبعا هذي هي خطت البنات انهم ينتقمون من المديره ومن فايزه بنفس الوقت , يعني ضربوا عصفورين بحجر)

اليوم الثاني المديره نادت فايزه قدام الكل واعطتها كف قدام الكل :: خذي يافايزه هذا كتابك الي طاح منك امس .

فايزه مصدومه من تصرف المديره ومو فاهمه شي بس كانت تبكي وقالت :: ليه تسوين كذا ؟

المديره :: انتي مفصوله نهائي , وبكره تجيبين امك وانا اتفاهم معاها على المشاكل الي سويتيها .

(هنا البنات ماتوا من الضحك وانبسطوا لأن الي خططوا له صار مثل مايبغون واحسن بعد)

ملاك + ملك + مها :: ههههههههههههههههههههههههههههههههه

ملاك :: هههههه ايه كملي وبعدين .

مها :: بس طول فترة دراستنا كانت كذا حياتنا كلها مغامرات جنونيه , ههههههههههههههه الله يعطينا خير هالضحك

ملك :: امييين بس والله وناسه , وبالجامعه كنتوا كذا .

(مها ابتسمت ورجعت تفكر في يوم من الأيام بآخر سنه لها بالجامعه , في نهاية الدوام وهي راجعه للبيت كانت تمشي للجهه الي يوقف فيها السواق وفيه وحده دقت فيها حتى طاحت ومشت بدون ماتعتذر وساعدها واحد شاب بس جت عينها بعينه حست انها بتنجن من جماله كان اجمل واحد شافته بحياتها جمال مو طبيعي ، بشرته بيضاء حيييل وشعره ناعم وكثير ولحد كتفه وطايح ع وجهه ابتسمت له وبانت ابتسامتها من لثمتها الخفيفه قالت وعيونها بعيونه :: شــكــرا .

قال :: الـعـفـو , واجب , انتي بخير ماصار لك شي ؟

مها وهي مرتبكه :: ايه ايه بخير شكرا مره ثانيه (ومشت)

(صار لها فتره كل ماطلعت تشوفه , بعدين تعرفوا على بعض وحبوا بعض بجنوووون , مع انها كانت رافضه هالعلاقه بس صديقاتها شافوه متعلق فيها حييييييييييل اقنعوها , واللحين عايشين احلى حب)

ملاك :: هييييييييييييييييييييييييييه وجع وين سرحتي مره ثانيه.

قاطعهم جوال مها طردت البنات من عندها وردت :: هلا هلا .

:: هلا فيك عيوني شخبارك .

مها :: فهودي , مشتاقه لك ياروحي متى اشوفك .

فهد :: عيوني بكره انا نازل على جده اشرايك نتقابل .

مها وهي تصرخ من الفرحه :: واااااااو عن جد والله ما اصدق يعني بشووفك .

فهد :: ايه خلاص عيوني بكره بعد المغرب اكون في شقق الـ----
صرفي اهلك وتعالي .

مها :: اوكي عيوني يالله باي قبل احد يكشفني .

فهد :: بحفظ الرحمن عيوني .

(مها وفهد متعودين انهم يتقابلون في شقق وكانت مقابلتهم عاديه وهي واثقه فيه ووعدها انه يتزوجها بس يتثبت بوظيفه)

اليوم الثاني ....................

مها :: يمممممممممممه تكفيييييين .

ام رائد :: من وين صديقات ما أمداك تعرفتي .

مها :: يممه هذول صديقاتي نزلوا من مكه انتي تعرفيهم مشاعل ودانه وهدى وساره .

ام رائد :: زين زين روحي ولا تتأخرين وانتبهي لنفسك .

مها :: تسلمين يممه بعدين انا مو صغيره تخافين علي , يالله باي مابي اتأخر ع البنات (وباست راس امها وراحت)

(وصلت عند فهد وكانوا مشتاقين لبعض حييييل , وكل سوالفهم حب وشوق , المهم رجعت البيت قبل الوقت المحدد لها ماكان فيه حد قدامها فتحت الباب ودخلت وهي تبكي بهستيريا وبعدم تصديق اللي صار وتحس نفسها بحلم وحالتها حااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااالـــــــــــه)

نهاية البارت الثااااني ... ارائكم ,, ردودكم ،، توقعاتكم

$$$$$$$$$$$$$$$$$$$$$$$$$$$$$$$$$$$$$


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-02-2012, 07:36 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: سومي أوعدني مانفترق / بقلمي


تغلق الرواية بطلب من الكاتبة

سومي أوعدني مانفترق / بقلمي

الوسوم
مانفترق , أوعدني , سووومي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
للأوجاع قلوب لاتسيرها عاطفة / بقلمي نَيرُوز أحمَدْ , أرشيف الروايات المغلقة - لعدم إكتمالها 1006 05-04-2012 06:20 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 05:23 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1