غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 12-10-2011, 04:29 PM
nono khaled nono khaled غير متصل
©؛°¨غرامي جديد¨°؛©
 
الافتراضي رد: ¤¦¤ شفتهـ جن عقلي ـمآدري شـآللي حصلي ـ¤¦¤ روايه جريئه في قمة الروعه والرومنسيه


واااااااو بداااايه روعه
كمليهااا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 14-10-2011, 08:18 AM
صورة أنفاسي عطر الرمزية
أنفاسي عطر أنفاسي عطر غير متصل
©؛°¨غرامي متألق ¨°؛©
 
الافتراضي رد: رواية شفته جن عقلي ما أدري شلي حصلي


بداية حلوة وموفقة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 14-10-2011, 11:07 PM
صورة عيون قتاله الرمزية
عيون قتاله عيون قتاله غير متصل
©؛°¨غرامي فعال ¨°؛©
 
الافتراضي رد: رواية شفته جن عقلي ما أدري شلي حصلي


طيب متى البارت ؟؟.. اذا بتزلينه ابليز ارسلي لي رسالة خبريني بأن البارت نزل وشكراً تحياتي لك..~


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 27-10-2011, 08:23 PM
صورة طبعي كذا ما أقدر أخون الرمزية
طبعي كذا ما أقدر أخون طبعي كذا ما أقدر أخون غير متصل
©؛°¨غرامي مجتهد¨°؛©
 
الافتراضي رد: رواية شفته جن عقلي ما أدري شلي حصلي


اووووووووه الرواايه تجنن

كمليه حيااتي أتحمست معه

بأنتظأأأأأأأأرك


^_^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 23-11-2011, 07:51 PM
صورة توووومه الرمزية
توووومه توووومه غير متصل
©؛°¨غرامي فعال ¨°؛©
 
الافتراضي رد: رواية شفته جن عقلي ما أدري شلي حصلي


البارت الثالث

********
ألم شعرك وأشبك يدي بيدك
و أرش عطر الشوق كله حواليك
أبعرف إن كان لي معزة بقلبك
و أبيك تعرف ان كل جروحي تناديك
طال انتظاري و طال بوحك و صمتك
لا جيتني ولا خليتلي فرصة اجيك
كلمة و أبيعا صدق هالحين منك
يا تحبني يا تقول لي روح ما أبيك
...................
مد ايده يفتح الستاره وهو يقول.. اصبحنا واصبح الملك لله.. يالى يابناتي
الحلاوت صلاه
جنى وحلا:ردو بصوت واحد صباح الخير بابا وباسوه على راسه وراحو
يصلون طبعن ساره ....لساتها نايمه متعوده تصلي متاخر ..
جنى : صلينا وخلصنا والبرنسيسه لساتها نايمه << تناظر حلا بخبث
حلا : يالله صباح خير ههه بنت اهجدي مالي خلق هواش من الصبح
جنى: تكلم داخلها والله ماكون بنت ابوي اذا ماربيتها هالمغروره وبكل برود
تروح دوره المياه وانتم بكرامه وتجيب مويه في يدها
حلا: لا انتي موصاحيه وتحاول تمنعها بس جنى سبقتها وكبت المويه علي
وجه ساره صحت مفزوعه .........>>
يممممممممممممممممممممه وهي تلهث يايا يا ح ماره ليه سويتي كذا
جنى وحلا : ميتين ضحك على شكلها
هههههههههه الابصووت ابو سلطان يناديهم يالى يابنات تعالو افطرو
جنى وحلا ..... يالى مشينا وهم لساتهم يضحكون على بنت عمهم
ساره بنفس عصبيتها : هين والله لاطلع حقي من عيونكم
في المجلس عند الشباب .....
طلال :هذي حاله الله يرضى بكذا الشيبان قاعدين عند الحريم وموسعين
صدورهم وحنا رامينا هنا .....الابدخلت ابوسلطان وبو ريان هاه لايكون
تحشون فينا ....طلال عدل جلسته ومسوي فيها مستحي .....لا ابد ياعمي
انت الخير والبركه
ابوريان .... اقول وش ريكم نلعب كوره ... الكل ضحك على فكره ابو ريان
طلال... ليه يبــى انت فيك حيل
ابو ريان ... ايا قليل الحيا تقول عن ابوك كذا انا اقوى منك
ابوسلطان.... هدووو انا عن نفسي
رجولي ماتشيلني وانت بعد ياخوي عليك طلعات مدري كيف شكلك خرفت
....... ابو ريان الاانت ياخوي الي كبرت يالله حسن الخاتمه ههه
ابوسلطان :الميدان ياحميدان الوعد هناك ........
<<<< الكل راح يبدل عشان المباره
وبعد خمس دقايق تجمعو بالحديقه
سلطان... (لابس تي شيرت ابيض وشورت اخضر زيتي ومسوي شعره
كيرلي )طالع شكله يدوخ ............)( طلال.. لابس شورت فوق الركبه بني
وتي شرت اسود خلونا نتكلم شويه عن طلال قلبه طيب ويحب الوناسه
والفرفشه بشرته حنطيه وعيونه ناعسه وشعره بني ناعم ومطوله لنص
الرقبه )
مابي اطووول عليكم <<<
مرررت 10 دقايق ولسى ابو ريان موباين .... طلال انا بروح اشوف ابوي
طولها وهي قصيره الابجيت ابو ريان.. الززززعيم ووصل
الكل انفجررر من الضحك .... ابو ريان وش فيكم ...ابو ريان الله يصلحه
كان لابس تي شيرت نص كم اخضر ومخطط باصفروشورت كآروهآت اسود
واحمر شكله توحفه هههه
سلطان موقادر يمسك نفسه من الضحك بصراحه ياعمي اهنيك على ذووقك
بعد ماخلصوو ضحك جاااا دور الجد قسمو انفسهم لفريقين فريق ابوسلطان
وبو ريان والفريق الثاني طلال وسلطان وووبدت المباره والكل متحمس
..... جنى وحلا مندمجين في السوالف
ااسكتي ياااحلا طلع عند غلوي اخو وش اقوولك صاروخ ههه ........عاد انا
قرارت اضبطها عشان اخذ اخوها
تدرين لازم نفكر للمستقبل ههه..... حلا..جنو تسمعين الي اسمعه ....
جنى ..اايه تعالي نشوف وش السالفه ......

جنى وحلا...فتحو الباب الرئيسي الي يفصل بين الحديقه والسكن فتحو
عيونهم بوسعها... مومصدقين الي يشوفونه وبنفس الوقت مبسوطين هههه
جنى وحلا يطالعون في بعض يالى مشينا لبسو عبايتهم وخبرو الكل وتجمعو
وقعدو يشجعون وجنى متحمسه وتصارخ عاش عاش ابو سلطان
طلال : عرف هالصوت وش لون مايعرفه وهو حب طفولته جنى ياحبي لك
انتبهت لنظراته المليانه حب وشوق
واشر لها على الكوره كان يبي يقولها هذا الهدف لعيونك
جنى : جمدت مكانها وقلبها يدق بسرعه تذكره الكابوس يوم يحضنها بين
ايدينه نزلت من عيونها دمعه ساخنه وراحت بسرعه للغرفه ماتبي احد يحس
بوجعها
حلالحقتها : جنوو جنى ردي علي وش فيك
جنى : مافيني شي خليني بروحي تكفين اهئ اهئ
انتهى اليوم الاول من الويكند بحلاوته وبمره صحت من النوم حست بالجوع
راحت المطبخ تدور لها شي تاكله

خذت عصير وبسكوت اولكر شوكلت
بترجع الغرفه الا امها تناديها حبيبتي
جنى : لبيه امريني مااما
ام سلطان : مايامر عليك عدو حبيبتي روحي كنسي المجلس اخوك ولد عمك
طلعو من شوي وراح يتاخرون
جنى : ماماا مالقيتي غيري
ام سلطان : بنت اسمعي الكلام
جنى تتحلطم بداخلها : صرت شغاله اخر عمري لا ولمين حق طلول
وسليطين
كان ناسي مفتاح السياره رجع ياخذه داخل المجلس بسرعه
جنى: شههههههقت حست قلبها بوقف من الخرعه يوم شافته قدامها

يتبعّّّّّ

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 23-11-2011, 07:56 PM
صورة توووومه الرمزية
توووومه توووومه غير متصل
©؛°¨غرامي فعال ¨°؛©
 
الافتراضي رد: رواية شفته جن عقلي ما أدري شلي حصلي


كان ناسي مفتاح السياره رجع ياخذه داخل المجلس بسرعه
جنى: شههههههقت حست قلبها بوقف من الخرعه يوم شافته قدامها
وبملابسها (كانت لابسه بيجامه شورت بالون اليلكي ومسويه شعرها ذيل
الحصان صاير شكلها طفولي )
......... طلال خق على شكلها توها بتطلع
جلس على السرير بثقل موعارف وش نهايت حبه ....الابدخلت سلطان انت
هنا ....وانا انتظرك برا يالى تاخرنا
... في الصاله ام سلطان تحاول تتقرب من ام ريان الي مومعطتها وجه
ولاتسوالف معها الااقول ام ريان وش اخبارك وش علومك انشاء الله بخير
ام ريان من غير نفس : بخيررر
ام سلطان : عساه دوم يارب
ام سلطان تكلم بداخلها : وش فيها ذي شايفه نفسها مدري على وشو
ام ريان : ماسمعت وش تقولين
ام سلطان : سلامتك الا اقول ريان متى بيرجع من برا
ام ريان : قريب
ام سلطان : الله يرجعه بسلامه
منسدحه على السرير وتلعب بخصله من شعرها
حلا: جنى وصـــــــمخ
جنى : وجع خرعتيني ليه تصارخين
حلا: لي ساعه اناديك وانتي موهنا شوفي مين يتصل بجوالك
جنى : يؤؤؤ وش لون ماسمعته ........ شافت اسم المتصل وفزت من مكانها
هلا بحياتي هلا بعمري
غلا : لالا انا ماقدر على هالكلام استحي
جنى : ههههه لايكثررر قولي وش عندك متصله
غلا: سلامتك بس بقولك متى بتجين عندي
جنى: وين قلتلك حنا بشاليه ماقدر اجيك
غلا: يالخبله حنا بعد بنفس الشاليهات يالى تعالي انتظرك
جنى طايره من الفرح : ركض اجيك افا عليك بس قولي وين مكانك
........ سكرت الجوال وفتحت الدولاب بسرعه حلا يالى قومي بنروح حق
غلوي
حلا مدهوشه : غلوي ماغيرها
جنى : ايه هي وهلها هنا الاقوليلي وش البس محتاره
حلاتطالعها بخبث : انتي ليه مصروعه هاه هدي اخو غلوي موب طاير
جنى تتخصر : اقول بتعقلين ولا مارح اخذك معي
حلامسويه خايفه : لالا تووبه عمتي هه
<<<<< وبعد نص ساعه خلصو لبس وراحو ياخذون اذن من ابوهم
طــــــــــــــــــــــــــــق طــــــــــــــــــــــــق ممكن ندخل
ام سلطان : حيا الله بناتي تعالو هاه وش هالزين على وين انشاء الله
(حـــلا اختارت لها بنطلون ابيض وبدي نص كم مدموج بالونين الابيض
والزهري وحزام تحت الصدر زهري وصندل فلات ابيض وغلوس وردي
طالعه تجنن )
(اما جنى لبست بنطلون جينز ضيق وتي شيرت بالون الازرق وحطت لها
مسكره تبرز عيونها الواسعه وغلوس وردي وصندل فلات ازرق )
حلا: ماما حنا رايحين حق صديقه جنى شاليهم قريب من هنا
ام سلطان : منهي
جنى : غلا يمه تذكرين مره تغدت معنا
ام سلطان : ايه بنت ام بدر
جنى : ايووه
ام سلطان : خلص روحو ولاتتاخرون ابوكم موهنا اذا جا بقوله
جنى وحلا ..... باسو راس امهم الله يخليك لنا يااحلى ام بدنيا
ام سلطان : يالى عن العياره بس لاتتاخرون فاهمين
وهم طالعين ..... شافهم طلال.... هاه على وين انشاء الله
جنى : وش دخلك موباقي الاانت تسالنا وين رايحين وين جاين
طلال بعصبيه : اقول انثبري مكانك وتعلمي وش لون تحاكين زوجك بأدب
جنى مصدومه : ...................
حلاتبي تسكر الموضوع : طلال حنا رايحين شاليه صديقه جنى وامي تعرفها
وتعرف اهلها وماحنا مطولين
طلال يبي يقيض جنى : خلص روحو عشانك بس ياحلا ولاغيرك مالهم
حشيمه
<<<<< جنى توها بترد عليه بس حلا سحبتها من زندها ....تعالي ماعليك
منه يبي يرفع ضغطك بس
......... طالع من المجلس وريحت عطره الوور سبورت ماركة شانيل تدوخ
شافته من بعيد خقت على ريحه عطره وكشخته ( كان لابس بنطلون جينز
ازرق فاتح (سمائي)وتي شيرت نص كم اسود )
نادته بدلع .... سوسو ممكن تاخذني معك طفشانه
كان معطيها ظهره التفت يشوف مصدر الصوت ....... س س ساره
ساره وبكل وقاحه : ايه وش فيك
سلطان وهو معصب : اقول انقلعي وبعدين وش هالبس الفاصخ ... وصد
عنها بيمشي
ساره : ليه ماعجبتك ( لابسه تنوره قصيره فوق الركبه سوده وبدي بدون
اكمام احمر طبعن ساره تهبل نسخت اخوها طلال )
سلطان ناظرها بحتقار خلاها تنتفض في مكانها وطلع ......
ساره تعض على شفتها : مردك لي ياسلطان
نررررجع عند حلا وجنى >>>>
حلا: اووووووف ماوصلنا
جنى محتاره : هي قالت هنا بس ماني عارفه اي شاليه صبري خليني اتصل
عليها وتاكد
حلا راحت قدام نافذه سياره مظلله ومافيها احد تزبط شكلها... وهي مندمجه
تعدل شعرها
فتح باب السياره ونزل وعيونه بتاكلها من حـــــــلاها......
تجمدت مكانهاوحاسه قلبها بيوقف من الخوف
ماقدر يقاومها وقرب منها يبي يبوسها على خدها
دفته بقووه على ورى وهربت بسرعه وهي تصارخ بين دموعها جنى جنى
جنى مرعوبه : وش فيك تصارخين
حلاتمسح دموعها : هاه لاولاشي بس سمعت صوت كلب (وانتم بكرامه)
وخفت
جنى فاطسه من الضحك : ماعندك سالفه
مجتمعين في المجلس <<<
ابو سلطان : اقول ابو ريان سمعنا انك بتزواج
الكل فاطس من الضحك
سلطان : والله ياعمي طلعت موهين
طلال مسوي معصب : ابهات اخر زمن
ابوسلطان :وجع وش هالكلام ياولد
طلال: اجل الله يرضى ابوي يتزوج مره ثانيه وانا بعنس وبطيح بسبده
وموراضي يزوجني
الكل فطسو من الضحك على كلمه عانس ماعدى طلال مد بوزه(يعني
زعلان) هههه

اووووف ياربي وينه .........
جنى : انه بتصل على غلوي يمكن نسيتيه عندها
حلا بتوتر:هاه بشري حصلت جوالي
جنى : لاموعندها
حلامنهاره : اهئ اهئ
جنى تضمها تحاول تخفف عليها
يرن جوالها حلا رقمك اقصد مدري مين يتصل من جوالك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 23-11-2011, 08:01 PM
صورة توووومه الرمزية
توووومه توووومه غير متصل
©؛°¨غرامي فعال ¨°؛©
 
الافتراضي رد: رواية شفته جن عقلي ما أدري شلي حصلي


البارت الراابع
حلافزت من مكانها : والله ردي ردي بسرعه
جنى: الووو
المتصل: الوو
جنى منفعله..... لووسمحت هذا جوال اختي ياليت ترجعه
المتصل بنفس الانفعال: اسمعي الجوال اختك هي الي ناسيه الجوال على
سيارتي انا ماخذت شي واذا تبيه تجي بكره عند مطعم (؟؟)والحالها فاهمه
طوط طوط (سكر الخط)
حلاحاطه ايدها على قلبها : هاه بشري
جنى.... قالت لها وش صار وتفقو يروحون الساعه 7:00 الصبح قبل ماحد
يصحى ويسالهم وين رايحين
حلامررعوبه : جنى تعالي معي
جنى : لا ياقلبي هوقال يبيك الحالك وانا براقبك من بعيد اوك خليكي قويه مثل
ماعرفك
......... دخلت المطعم وعيونها تدوره اشر لها من بعيد (تعالي)
حلا وبخطوات ثقيله راحت عنده
: لوسمحت جوالي
المتصل : استريحي بحاكيك شوي
حلاجلست بالكرسي المقابل للمتصل: خير قول وش عندك
المتصل : لاكل خير بس بغيت اقولك رقمي مسجل عندك واذا ماتبين صورك
الي بالجوال تنتشر ااتصلي سلام ياحلوه
حلا تحس بضياع موقادره تفكر ولاتصدق الي حصل
جنى جت ركض : هاه بشري وش صار
حلا تبكي بقهر : انا ضعت ياجنى ضعت خلص
<<< الكل جمع اقراضه وتوجه على بيته مايدرون وش ناطرهم من بعد
هالرحله الي كانت حلوه وتعيسه بنفس الوقت لابطال قصتنا
(( نرجع عند حلارمت حالها على فراشها تحس بضيقه بقلبها ماحست فيها
من قبل اه اه ليه انا ليه اانا يصير معي كذا انا ماعمري اذيت احد ليه ياربي
ودموعها الحاره تنزل على خدها الناعم مدت يدها تبي تطلع الجوال من
الشنطه وعملت دليت على صورها الي بالجوال
(( اما جنى رمت اقرضها على السرير وراحت ركض على النت مشتاقه
لصديقاتها فتحت المسن طاحت عيونها على نك نيم صديقتها وروحها غلا
وشافتها متصله كلمتها على طول
جنى مسميه نفسها (جنو العسل): هلا والله بطش ورش وحشتيني يالقاطعه
وينك ماتنشافين
اما غلا كاتبه (غلا وكلي حلا ):فديتك يابعد جمجمتي وش ويني انا ماكنت
معك بشاليه يانصابه وش لون وحشتك
جنى : يالبى انتي تعرفيني ماقوى على فراقك حتى لودقيقه
غلا : راسله فيس مستحي ^^
توها بترد على جنى الا دخل اخوها وضربها على راسها ضربه خفيفه بيده :
اووف انتي ماتملين كل وقتك على النت والله نسيت شكلك
غلابعصبيه : اوووف معاااذوه ضف وجهك مالي خلقك
معاذ ببرود كتف ايدينه: ماني بضاف وجهي قاعدلك الا من قاعده تكلمين
غلابخبث : اكلم حبيبي انت وش عليك
معاذ عقد حواجبه : عيدي وش قلتي
غلاخافت يوم شافته كشرر تعرف اخوها في الامور هذي عصبي ومايتفاهم
وردت عليه بسرعه قبل لاينقلب الموضوع جد: معاذوه لاتطالعني كذا
مزوووح يالحبيب والي اكلمها اسمها جنى فلان لفلاني وذا حاب تتاكد تعال
شوف المحادثه
معاذ مصدوم ويتكلم بداخله معقوله هي معقوله تكون جنى الي دخلت قلبي من
اول يوم شفتها فيه
غلا : معاذ معاذوه وصمخ ووين رحت
معاذ مفهي : هاه معك اقول غلاوي حبيبتي قومي جيبيلي مويه عطشان
غلا وهي بتطلع من غرفتها :وانا اقول كلمه حبيبتي مولله اكيد وراها شي
معاذ : سكر باب الغرفه وطلع جواله بسرعه وسجل ايميل جنى
غلا ماسكه كوب المويه بيدها : كووب المويه ووصل ياسيد مم بسم الله وين
اختفى توه هنا
في بيت ابو ريان <<<
ام ريان حاطه رجل على رجل وتقلب في المجلات وقبالها ابو ريان يقرا
الجريده
ام ريان بدلع مصتنع : اقول حبيبي انا خاطري السنه بلاجازه نروح تركيا
يمدحونها
ابو ريان بعدم مبالاه : يصير خير
ام ريان تتحلطم : ماعنده غير هالكلمه مالت علي ماعندي زوج زي الناس
ابو ريان يطالعها بنص عين : خير تقولين شي
ام ريان بتوتر : سلامتك ماقول شي
<<<< وقطع حديثهم صوت جوال ابو ريان
ابو ريان رد على المكالمه والفرحه موسايعته: هلا بالغالي هلا بابو محمد
وش علومك عساك بخير
ابومحمد : هلا ياوليدي بخير ياوجه الخير
ابو ريان : هاه يوووبه مانويت تجي انت وامي عندنا والله مشتاقين لكم
ابو محمد : الا ياوليدي بنجي بيت اخوك محمد (ابو سلطان) تدري هو الكبير
اخاف يزعل اذا جينا عندك ولا رحنا بيته بس انا حبيت اعطيك خبر عشان
تجي تزورنا عند اخوك انت وعيالك
ابو ريان : لايوووبه انا وخوي واحد مافي فرق بينا انت تامر يووبه
من جهه ثانيه ام سلطان في بيت اختها خلود ومندمجين بسوالف (خلود اخت
ام سلطان الصغيره وتشتغل مدرسه وهي الباقيه من ريحت اهلها وتموت
فيها متزوجه من 10 سنوات بس ماعندها عيال )
ام سلطان فاطسه ضحك : الله يرج بليسك يابنت
خلود :ههه تخيلي ماحسيت الا والمعلمات ميتين ضحك اقولهم وش فيكم
يزيدون ضحك بلاخير اكتشفت اني لابسه البجامه وريحه المدرسه موقف
مارح انساه في حياتي المهنيه << ركزو على المهنيه هه
ام سلطان طاحت دموعها من الضحك : يالى ياقلبي انا ماشيه تاخرت على
البيت
خلود : بدري ياختي والله ماشبعت منك
ام سلطان : الجايات اكثر وانتي موناويه تزوريني
خلود هزت راسها بلايجاب: اكيد بزورك وانا لي غنات عنك
ام سلطان باست اختها وومشت
(( في الصاله
حلامشغووله تراجع دروسها وتحل واجباتها وبوها جنبها يطالع الاخبار
ابو سلطان : حلا بنتي جوالك يرن
حلامندمجه بالكتاب ماسمعته : .......
ابوسلطان بصوت عالي : حلااااا يابنت سكتي جوالك خليني اسمع الاخبار
حلاشهقه بقووه : بسم الله بابا روعتني طيب بسكته تطالع الشاشه يوم شافت
الرقم توسعت عيونها ورمت جوالها على الكنبه الي قاعده عليها
ابو سلطان مستغرب : وش فيك ليه ماتردين
حلا بتوتر : هاه لا هذي هذي ايه صديقتي بعدين بكلمها مدت يدها خذت
الجوال وحطته ع السايلنت وضربات قلبها تزيد خايفه ينكشف امرها وتروح
فيها وهي مالها ذنب
ابوسلطان بعدم اهتمام : بكيفك وكمل متابعه الاخبار
في غرفه جنى
طفشت من المذاكره وراحت عند النت تشوف وش اخر الاخبار
دخلت المسن لقت عندها دعوه باسم روحي تحبك وصوره بنت
جنى صار عندها فضول تعرف مين هالبنت وضافتها وبسرعه كتبت لها
جنون العسل : مين معي
روحي تحبك : هلا وغلا معاك لجين انتي مين
جنون العسل : هلا والله عاشت الاسامي بس وش لون جبتي ايميلي <<
تحقيق ههه
روحي تحبك : شفته بملف تعريف وحده من صديقاتي وحبيت اتعرف عليك
اذا ماعندك مانع
جنون العسل : لا بس ماقلتيلي انتي من وين وكم عمرك
طبعن جنى ماخلت شي الاوعرفته عن هالبنت نشفت ريقها ههه وصارو كل
يوم يكلمون بعض لدرجه انو جنى تعلقت فيها وحبتها وهي ماتعرفها الاعن
طريق النت وفي يوم قرارو يقابلون بعض واتفقو على كل شي من مكان القاء
والموووعد
<<<<الكل مجتمع في بيت ابوسلطان يتعشون طبعن القعده ماتحلى وتكمل
الابتانج مشروب العائله المفضل >> برا ههه
الموووهم الكل مبسوطين والي عنده سالفه يقولها طبعن دايمن سلطان ماكل
الجو بسوالفه ومغامراته وهذا الشي يقيض جنى تعالو نشوف ردت فعلها
جنى تطالع سلطان بغيض : اقول يالحبيب متي يجي دورنا مشاء الله ماكل
الجوو
سلطان رافع حاجبه: خليك على جنب من زين سوالفك
جنى بغنج : الزين عندنا والشين حوالينا
الكل فاطس على كلمتها ..........
سلطان بين ضحكه : ووووويع وييييع
جنى بنفس دلعها : بابا شووفه يتحرش فيني
ابوسلطان ميت ضحك : صلو على النبي عندي خبررر لكم
الكل متحمس : قوول بابا
ابو سلطان : ياعيالي بكره بيجون جدتكم وجدكم وبيعيشون عندنا ماوصيكم
فيهم
الكل هز راسه بلايجاب والفرررحه موسايعتهم من زمان يتمنون هالشي
واخيرن تحقق
من جهه ثانيه ساره تكلم بالجوال وضحكها مالي غرفتها دخلت امها عليها
تسالها اذا تبي عشا؟؟
ساره سكرت سماعت الجوال بيدها : اوووف لامابي
ام ريان : بنت تكلمي زين ناسيه اني امك
ساره بتذمر : يمه واللي يعافيك روحي وسكري الباب وراك ماتشوفين عندي
مكالمه مهمه
ام ريان بعصبيه : طلعت من الغرفه وسكرت الباب بقوووه
ساره : وجـــــــــع
المتصل : مين وجع
ساره : موانت هذي الشغاله سكرت باب غرفتي بقوه ماعلينا وش كنت بقول
المتصل : احــــــبك
ساره بغنج مصتنع : وانا بموووت فيك
فهووودي
<<< في بيت خلوود اخت ام سلطان
كانت بتطفي النور عشان ينامون بس موقادره بداخلها كلام كلام من زمان

كان ودها تقوله بس حبها وغيرتها هي الي منعتها
تركي : حياتي يالى اطفي النور ابغى انام وراي دوام من الصبح
خلود تعض على شفتها وضامه ايدينها بقوووه : تركي انا بغيت اكلمك في
مووضوع
تركي نعسان : مايتاجل الموضوع بكره
خلود باصرار: لا مارح اخذ من وقتك كثيرر
تركي بملل : طيب قولي وباختصار
خلود نزلت شعرها على وجها تحاول تخبي دموعهاالساخنه : تركي انا
مافيني اتحمل اكثر من كذا ماقدر اشوفك تتعذب عشاني وانا ساكته انت لازم
تزواج وتجيب عيال يشيلون اسمك
تركي يوم سمع كلامها كانه احد كاب عليه مووويه بارده : ..........
خلوود بين دموعها : وتاكد اني مارح ازعل لاني احبك
تركي بحركه سريعه قام من فراشه وضمها بقوه وهمس باذنها :انا مابي ولد
الامنك واذا الله موكاتب لنا نجيب عيال ووجودك بحياتي يكفيني فاهمه ومابي
اسمع الكلام هذا مره ثانيه والله ترا بزعل منك
خلوود يوم سمعت كلامه دفنت راسها بحضنه تبي تحس بلامان الي قامت
تفقده مع مرور الايام وهي لسى ماجابت طفل يملي حياتهم فرح وسعاده
................
<<< في غرفه حلا توها تبي تنام الا تذكره انها ماضبطت المنبه عشان
تصحى الصبح للمدرسه
فتحت الجوال لقت عندها رساله من نفس الرقم الغريب وكاتب فيها
هذي المره بعديها لك بمزاجي مره ثانيه اذا قفلتي الخط بوجهي انا اعرف
اتصرف معك وانتي فاهمه وش قصدي
مامداها تكمل قراءه الرساله الا اتصل عليها
حلا متردده وخايفه بنفس الوقت :الوو
المتصل : ياحبي لك ايه كذا خليك بنت شاطره وسمعي الكلام موتقفلين
بوجهي
حلابصوت مبحوح : انت وش تبي مني
المتصل بسخريه: ابي اكلك ههه
حلا ماسكه دمعتها :..........
المتصل ببرود : ليه ساكته
حلا شاده قبضتها على الجوال وجسمها يرتجف وباللهجه كلها ترجي :الله
يخليك امسح الصور الي عندك الله يخليك انا ماني من البنات الي في بالك انا
بنت عايله ومتربيه تكفى لاتشوه سمعتي وتضيع مستقبلي خاف الله فيني
ترضى احد يسوي كذا في خواتك تررضــــــــــى رد علي
المتصل رد بكل هدواء : يابنت الحلال من قال ابغى منك شي يغضب الله
ولايشوه سمعتك
حلا بصراخ : اجل اتصالك وتهديدك وش تسميه
المتصل يبي يهديها : والله اني اخاف عليك زي خواتي واكثر لانك ........
وسكر الخط
((((( في الجامعه

الكل قاعد يسوالف الا فهد قاعد بعيد عنهم ويتكلم بالجوال
سلطان بصوت عالي : فهد اخلص علينا ماصاارت
فهد بنفس درجه الصوت : جاااي ياله
اوكي حبيبي اكلمك بعدين الشباب يبوني اموووووووووح
ساره : اووك حبيبي بــــــاي
سلطان : وش دعوه ياخوي بيعنا في السوق من تعرفت على هالبنت ماعدنا
نشوفك
في المدرسه ..............
جنى : بنات محد شاف منكم حلا
الكل: لا
جنى حطت ايدها ع قلبها وحست انو اختها مو بخير وقعدت تدور بالمدرسه
لين لقتها جالسه الحالها على طاوله القريبه من الكفتريا وراحت لعندها وقفت
تتامل ملامح اختها كانها ورده ذبلانه ( حلا اسم على مسمى حلا وكلها على
بعضها حلا رشيقه وعيونها وساع لوونها عسلي وشعرها بني طويل وجها
قمري يعني بختصار قمر مشاء الله عليها )
جنى حطت يدها على كتف اختها : بت وش فيك شكلك مايطمن
حلا رفعت راسها تناظرها وعيونها غرقانه بدموع وبصوت مخنوق : كلمني
البارح
جنى تبلع ريقه من الخوف : مين مين الي كلمتي
من جهه ثانيه الكل مجتمع على الغداء
جنى بدلع : بابا انا اليوم طالعه
ابو سلطان : وين
جنى برتباك : بروح بيت صديقتي مها بنت ابو سعد تعرفه يوووبه
ابو سلطان : خلص روحي بس لاتتاخري
وصار الوقت الي بتتلتقي فيه جنى بصاحبتها المجهوله في الحديقه القريبه من
بيتهم طبعن حلا مارضت تروح معها لانها مالها خلق شي وتبي تنام انتظرت
جنى نص ساعه ولافي احد مبين
جنى تتافاف : وينها ذي ماصارت والتفت تبي تطلع من الحديقه الا ويناديها
شخص جنو العسل
جنى مستغربه : التفت تبي تشوف مصدر الصوت شافتــــــــــ :معاذ
معاذ والابتسامه شاقه وجهه : ايه معاذ ياروح معاذ
جنى لساتها مصدومه : انت وسكتت
معاذ : ههههه ايه انا روحي تحبك وش اسوي مالقيت غير الطريقه هذي
عشان اتقرب منك
جنى والعبره خانقتها موعارفه تفرح ولاتزعل على الموقف الي صار معها
التفت تبي تطلع
معاذ بحركه سريعه مسك زندها وبصوت حنون قال لها : جنى لاتروحين
ابغى اكلمك شوي تكفين
جنى مرعوبه من حركته : اتركني
معاذ باصرار : ماني تاركك الا اذا بتسمعيني
جنى بهدواء: طيب قول الي عندك بسرعه
معاذ وعيونه عليها : ماينفع كذا ياقلبي
تعالي نقعد هناك على الكرسي وبقولك الي عندي
قعدت وهي ضامه ايدينها وترتجف اول مره تصير قريبه منه لهذي الدرجه
وريحت عطره دووختها
معاذ رفع الشيله من على وجهه جنى وعيونه تتامل كل تفاصيلها شفايفها
وعيونها الي تذبح ومسك يدها
معاذ بللهجه مليئه بالحب : احبــــــــــــك يمكن تستغربين وماتصدقين وش
لون حبيتك بسرعه بس هذا الي احس فيه من يوم شفتك وبعد ماكلمتك مسن
وعرفت عنك كل شي من اسلوبك وطريقه تفكيرك حبيت كل شي فيك هبالك
رجتك جمالك
جنى في حال يرثى لها حاسه انو جسمها مشللو موعارفه تتحرك من مكانها
ولاردت عليه بس بداخلها زحمه حكي ودها تعلمه وتعلم كل الناس انها تحبه
وتمووت فيه بس لسانها انربط من الحيا وعيون معاذ الي بتاكلها من حلاها
معاذ بترجي : تكفين ياجنى قولي شي ريحني ابغى اسمع صوتك
جنى :................. (لاحياه لمن تنادي)
معاذ بعصبيه : جنى اكلمك ردي علي قولي انك ماتحبيني قولي اي شي وانا
مستعد ابتعد عنك بس لاتسكتين وتعذبيني والتفت عنها يبي يطلع من الحديقه
جنى بخوف : معاذ لاتروح
معاذ وهو معطيها ظهره وكاتم الضحكه : نعم
جنى بتوتر : انا
معاذ بعدم صبر لف عليها : انتي ايش
جنى وقلبها بيطلع من مكانه : اح بك
معاذ حس بشي غريب اول مره يحس فيه احساس مره حلو وبحركه سريعه
راح وضمهاوهو موب حاس بنفسه وهمس باذنها : وانا اعشقك وتنفس هواك
في بيت ابو ريان ................
ابوريان : يالى انا انتظركم بسياره لاتتاخرون
ساره : اوووووف يعني لازم اروح معكم
ام ريان : والله هذي اومر ابوك محد يقدر يقول لا
بعد ربع ساعه وصلو بيت ابوسلطان
والكل مجتمع حوالين الجد والجده ومبسوطين فيهم طبعن البنات متغطين عن
عيال عمهم
طلال : اقول ياجدي وش هالزين مشاء الله توك شباب
ابومحمد : اي والله انا توني بعز شبابي موزي جدتكم كبرت وخرفت
ام محمد تتخصر : انا توني شباب موزي بعض الناس الشيب غطا راسهم
>>>>> ولعت بين الشيبان ههه
ابو ريان وهو ماسك ضحكته : هدووو الله يصلحكم
ام محمد : ماتشوف ابوك انهبل ع باله ولد امس
ابو محمد :اقول انا ماني فاضي لحكيك وش تبين يعني اعتذر حامض على
بوزك
والله لوتموتين ماقلتها وخليني اشوف وش بسوين
ام محمد : والله ماعندك ماعند جدي لكن تدري هات ايدك خليني اوصلك
غرفتك وعطيك كاس حليب عشان تنام وراك مدرسه بكره يالى بعز شبابك
هههه
ابو محمد :بروح معك بس شرط تنامين جنبي بخاف انام الحالي وتشربيني
الحليب بيدك الحلوه
الكل مصدوووم وبنفس الوقت كاتم الضحكه
حلا : جنى وش فيهم جدانك انهبلو
جنى : اسكتي ههه خلينا نطالع الفلم الرومنسي
ام محمد قلب وجهه اشاره مرور من الحيا : ياولد الحلال وش فيك فضحتنا
قدام عيالك وش يقولون عنى مهبل ههه
الكل : هههههههههههه
بعد نص ساعه بالكثير الكل راح قرفهم عشان ينامون بحسب توقيت جدهم
الكل على ساعه 9 يكون على فراشه والي يخالف الاومر ياويله
حلاحطت راسها على المخده تو عيونها بتستلم للنوم من بعد هاليوم الطويل
الا جوالها يدق خذت جوالها ردت بملل وبدون ماطالع الرقم الوو
مشعل:هلا بعمري
حلا مالها خلق : هذا انت
مشعل : ايه انا ليه ناطره احد غيري
حلابعصبيه:ماني ناطرتك لاانت ولاغيرك
مشعل : مشعل خلاص اسف والله بمزح معك ههه بس وحشتيني وحبيت
اسمع صوتك قبل مانام صح نسيت اعرفك بنفسي انا مشعل فلان لفلاني
عمري 23 سنه والباقي بتعرفيه الايام الجايه وانتي
حلا : انا بسكر فيني النوم
مشعل : طيب على راحتك بس لاتنسي تحلمين فيني هه
حلاعلى اعصابها :..........
مشعل : اسمعي قبل لاتروحين تنامين ابغاك بكره تصحيني لدوام على اساعه
7 اوووك
حلا : بــــــــــــــاي<<< سكرت الجوال ونامت على امل انها تصحى من
هالكابوس الي خلها تكره نفسها وتكره كل شي حلو بدنيا
نرجع عند خلود الي صحت بدري وجهزت الفطور وقلبها مليان فرح من بعد
ماصارحت تركي بالي بداخلها وحست انه مستحيل يخليها حتى لوبقى طول
العمر بدون عيال
تركي نازل من الدرج وهو كاشخ ومتعطر واخر روقان : صباح الحب
خلود : صباح الورد على وين ماتبي فطور
تركي : لا ياقلبي بروح مستعجل وسكر االباب وراه
خلود قاطبه حواجبها: غــــــــــريبه وين بيروح من الصبح وهو كاشخ التفتت
على طاوله الطعام اوف يعني راح افطر الحالي
انسدت نفسي خليني اروح اكلم اختي اشوف وش اخبارها ازين لي
رفعت اسماعه وتصلت
حلا: الووو
خلوود : هلا ياقلبي
حلا: هلا بخالتي القمرر
خلود : هلافيك ياروح خالتك الاوين ماما
حلا : طلعت مع ابوي تشتري مقاضي للبيت
خلود : تيوب ياقلبي تروحين معي
حلا مستانسه: وين
خلود : طفشانه ودي اروح السوق ومنها اشتري كم قرض للمدرسه وشوفي
اختك اذا بتجي معنا وانا بكلم امك عشان اقولها اني باخذكم معي
حلا طايره من الفرح : اوك ياحلى واغلى واجمل خاله بالكون
خلود : بلابكش يابنت هههه يالى اخلصي نص ساعه وجيكم
حلا : ثواني وتشوفينا عند الباب ههه
<<<
نرجع لسلطان
عزوز: يلا شباب انا رايح لمحاظرتي
لحد يحش فيني
سلطان يطالعه بنص عين : لاتوصي حريص
عزوز: اووه دام السالفه فيها سلطان رحت فيها ملح ههه
هشام: مطولين انتو يلا كل واحد ع محاظرته
سلطان:والله مالي خلق اروح الحين السوداني بيهرج فوق راسي ومارح افهم
عليه شي
عزوز يضرب سلطان فوق راسه على خفيف : قوم يالى بلادلع
سلطان يناظر عزوز بنظرات كلها خبث <<<
عزوز : لا لاتقولي انت من تطالعني كذا اكيد في راسك شي الله يسترر
سلطان : اقول تعال ولايكثررر
طبعن الكل دخل القاعه الا سلطان وعزوز جاو متاخرين وقفهم الدكتور هاه
يازول ليه متاخر انت وياه
سلطان يتكلم بداخله : والله ياذي النشبه
الدكتور : خير تقول شي انا ماسمعتك
سلطان : لالا يادكتور بس قلبي يعورني شوي اه اه اه ومسوي نفسه مغمى
عليه
الدكتور والطلاب خافو يوم شافو سلطان طاح من طوله
عزوز : دكتور انا باخذ سلطان برا يشم هوا
الدكتور مرعوب : ايه روح وطمني عليه يازول
<<عزوز حط يد سلطان على كتفه وطلعه برا
سلطان اول ماطلع من القاعه قعد يضحك بشكل هستيري والله انكم مخفات
وينقص عليكم بسرعه
عزوز عطى سلطان بوكس في بطنه : وووجع جد خرعتني عليك يالكمخه
سلطان مابين ضحكه ووجع عورتني جد يالكمخه
عزوز : تستاهل جزاك واقل يامستهتر ههه
سلطان : اقول مشينا الكفتريا لاينكشف امرنا ههه
>>>>>
من جهه ثانيه خلود وبنات اختها يتمشون بالسوق
خلود : تعالو نشوف هذا المحل شكله مره حلوو
حلا وجنى : اوووك مشينا
بعد مالفو اغلبيت المحلات وماخلو شي ماشروه قرارو يروحون كافي شوب
ياكلون لهم شي
خلود : جنو حبيبتي قومي شوفي وش عندهم
جنو : لالا مافيني اقوم طاحت رجولي قولي حق حلا دلوعتك
حلاتاشر على عيونها : من عيوني كم خاله عندي انا
خلود :فديت عيونك ياقلبي وانتي ياجنوو العصله وعدك بالبيت
جنى : هههه خلص اتووووووب
خلود: هوس يابنت خليني اعرف اكلم اختك اسمعي ياقلبي جيبي لنا اي شي
على ذووقك الموهم ناكل ميته جووع
حلا: ايخسى الجوووع ياقمر دقايق واحلا اكل يكون عندك
حلا راحت الكافي وطلبت وهي واقفه تستنى يخلص الطلب رن جوالها طلعته
تشوف الرقم وضاقت فيها الدنيا يوم شافت المتصل (العله) طبعن هي كاتبه
كذا على رقمه مقهوره منه ههه
حلاتتافاف : الوو
مشعل : خير وش هالنفس الخايسه على الصبح وين الي قلت لها تصحيني
حلا بنفس الاسلوب : نسيت
مشعل بعصبيه : انتي بتعدلين اسلوبك معي ولا تبين تشوفين الوجه الثاني
حلا خافت من اسلوبه والتفتت تبي تطلع من الكافي وصدمت بصدره
العريض ورجعت على ورا من قوه الصدمه بغت تطيح بس مسكها من يدها
ورفعها طالع عيونها وعرفها هي نفس العيون الي ذوبته وملكت قلبه وبصوت
قريب للهمس :حلا
حلا لسى ماستوعبت الموقف كانت لابسه لثمه عشان كذا عرفها من اول
ماشاف عيونها : م م ش عل
مشعل : ........ غرقان بعيونها موقادر يقول شي
حلا مرتبكه : مشعل اترك يدي
انتهى البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 29-04-2012, 07:21 PM
صورة 7moo0d الرمزية
7moo0d 7moo0d غير متصل
©؛°¨غرامي مشارك¨°؛©
 
الافتراضي رد: رواية شفته جن عقلي ما أدري شلي حصلي


يعني الكاتبة وقفت لحد هنا وخلاص
ولاا مافيه تكمله
ولاا عندها ظروف
ولاا وش السالفه يعني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 22-05-2012, 02:18 PM
صورة عــــيـــون الـــكــــون الرمزية
عــــيـــون الـــكــــون عــــيـــون الـــكــــون غير متصل
©؛°¨غرامي مشارك¨°؛©
 
الافتراضي رد: رواية شفته جن عقلي ما أدري شلي حصلي


[SIZE="6"][/آشَشَشَتَقَتَ لِھْ . .:$ </3
ولِيتَـہ بَ غَمّضِة عِيـنّ x_x ،،
عنِديّ آجِيبـَہ! ?
صَوتَـہُ
ضِح?تَہُ
............ آنفَ?سَـہُ
?لھٌ ?ـلىْ بَعضَہُ يِجَنّنِـيً x_x?
آآبَيييِــُہ
جنبي يِسَسَحٌبني لصٌدرِّھ
? يَحَحَضنّي ?
أإبيـٌـہ يٌعٍرفٌ شُكثر أنْـآِ
................

الــبارت الخامس


حلابترجي : الله يخليك اترك ايدي
مشعل يناظرها بخبث : واذا ماتركتها وش بسوين
حلا: بصارخ ولم عليك الناس
مشعل بستهتار: اتــــــحداك
حلابدت عيونها تدمع .....
مشعل ماقدر يشوف دموعها كسرت خاطره وترك ايدها: خلص روحي ومره ثانيه ناظري قدامك وانتي بتمشين سلام ياحلوه
حلابدت عيونها تطاير شرار‏ من كلامه: حقيررر وربي حقيررر

في بيت ابو ريان وبتحديد في غرفه ساره.........
ساره بدلعها المعتاد : لاحبيبي ماقدر اسمحلي
فهد: ليه وش السبب
ساره : اخاف احد يشوفنا
فهد باصرار : كلها نص ساعه نروح نتعشى في المطعم الي تختارينه وبرجعك يالى عاد حوبي لاتتغلين ابغى اشوفك
ساره : اممممممم تيوب عشانك
فهد : فديتك والله خلص علميني وين تبي تروحين اطلبي تدللي
ساره : اممممم ابغى مطعم (؟؟) يمدحوونه
فهد : اوووك مايصير خاطرك الا طيب من ساعه7.30 برتز في المطعم
ساره :ههه اووك فهووودتي بس على ماجهز
فهد : لاتتأخرين تكفين ماني قادر اتحمل ابغى اشوف شكل البنت الي سحرتني وعلقتني اه اه حسي فيني يابنت الناس
من جهة ثانيه ..........
خلود بتعب : رمت شنطتها ولاكياس على السرير وخذت دوش سريع خذت جوالها تبي تسأل عنه من الصبح مابين توها بتتصل
الابدخلت تركي :هلا حبيبي توني بتصل عليك
تركي بدون نفس : اهلين
حط راسه على المخده وعطاها ظهره ونام
خلود بستغراب: تركي تعشيت
تركي : ............
خلود زادت حيرتها : ياربي وش فيه هاليوم صاير موطبيعي الله يستر
اساعه9 مساءن الكل مجتمع في بيت ابوسلطان ....

جنى تحط ايدينها على بطنها : جيعانه بموووت متى بتحطون العشــــــــــــا
ام سلطان: بنت مافيك صبر
جنى : لامافيني بموووووت جووع وانتو السبب
حلا: يمه ماتعرفين بنتك اذا جاعت ماتعرف احد انا بقوم عنك لاتاكليني
جنى لحقتهابسرعه: تعالي باكلك هم هم
حلامسويه خايفه وراحت اتخبت ورى جدتها : جدتي شوفيها المتوحشه بتاكلني
ام محمد فاطسه ضحك : الله يرجكم انا يوم كنت بعمركم جبت ابوووكم اركدوو يامال العافيه
سلطان شمتان : سمعتو يالى ماتستحون اركدو خليكم مثلي كلي ركاده وورزانه
جنى تتخصر : اسمع من يتكلم خليك ساكت والي يرحم ولديك
جنى وحلا: هههههه
سلطان عقد حواجبه ومسوي معصب :اوريك بعدين يالعصله
حلا لفت عنه وماعطته اي اهتمام
ابومحمد : عيب يابنت هذا اخوك الكبير
جنى ببرائه مصطنعه: اي مترضى عليه حفيدك المدلل وحنا بنات الجيران ماقول غير الله لنا
ابوسلطان ماسك ضحكته : السانك طويل يبغاله قص
حلاتبي تقيضها : لـــــقطي هههه
جنى انحرجت وقامت من عندهم تحاول تصرف السالفه : انا بروح المطبخ اشوف وش صار على العشا

>>> قاعد ومتملل وكل شوي يطالع الساعه
فهد: اوف وينها ذي تأخرت خليني اتصل اشوف وينها
الوووو وينك انتي كل هذا تجهزين صارلي ساعه انتظرك

ساره ببرود دخلت المطعم وعيونها تدوره: اعصابك حبيبي هذا انا وصلت انت وينك
فهد اشر لها بأيده : تعالي
ساره راحت عنده بكل جرائه
وجلست على الكرسي المقابل لفهد
فهد خق على رشاقتها وعيونها الي تدووخ
(كانت لابسه لثمه ومحدده عيونها بالكحل الأسود وريحة عطرها ماليه المكان )
ساره بغنج ودلع:فهوودتي وين سررحت
فهد مفهي : هاه لاولاشي الاوش تشربين ياقمرر
في بيت ابوريان الكل مشغول ويجهز لستقبال
ريان يدرس برا وتوه راجع ..................
حلا تتأفف:يـــــاربي طيب احنا وش دخلنا نساعدهم على اساس اخونا الي راجع من برا

ام سلطان : بنت اشتغلي وانتي ساكته
حلامدت لسانها : فشلوهااا مسكينه
جنى بعصبيه : ووووجـــــــع خليك في حالك
ساره جايه ركض من غرفتها :يمه يمه ووصل اخوي
ام ريان باستغراب : وش دراك
ساره وهي تلهث : شفتهم شفتهم من النافذه وهم جاين
ام محمد : بناتي تغطوو يالى عيال عمكم بيجون
جنى بستهبال : شرف الاستاذ ريان
حلا:البسي عبايتك ولايكثر هرجك ههه
جنى : انشاء الله عمتي
حلا: لاحووول
الاصوت ابومحمد قاطع حديثهم إح إحم م م م (يتنحنح) تغطو ياحريم
ام محمد : يالله تفضلووو الكل تغطى
ابومحمد: تفضل ياوليدي تومانور البيت
ريان مسوي مستحي : بوجودك يالغالي
>> الكل دخل الصاله والفرحه شاقه وجيهم شق ريان على طول راح باس راس جدته أما ام ريان الفرحه موسايعتها من زمان ماشفته وبلاشعور راحت وضمته ودموعها على خدها دموع امتزجت بالفرح والشوق
ابومحمد مسك ريان من ايده: خلص وخرو عن وليدي خلوه يرتاح توه جاي من سفر
حلابغيض: وووع مصدق نفسه ماحد سافر برا غيره
جنى تبي ترفع ضقطهاعارفه انها تكره ريان من هم اصغارلانه دايم يضربها ويسرق العابها : غيررراانه يابت
حلا: ووجع على ايش اغار ياحسرره
جنى: وخري بس خليني اشوف ولد عمي المزيون (ريان شاب انيق وسيم طول وعرض وشعره اسود كثيف وناعم وملامح وجه الشرقيه تزيده وسامه )
حلا لفت عنها: مالت عليك وعليه يالى ماعندك ذوق
ابو محمد : حلابنتي تعالي ضيفي ريان
حلا مصدومه: هـــاه
ابومحمد بنبره حاده: وش فيك ماتسمعين تعالي ضيفي ولد عمك
حلاتعض على شفتها بقهر وتتحلطم : هذا الي ناقصني اخر عمري اضيف هالمعتوه
>> خذت الصينيه وهي ترجف ونار تشتعل بداخلها وبالغلط راحت عند ابوها وقدمت له العصير .... الكل ضحك على حركتها
ابوسلطان : حلا بنتي ولد عمك هناك(واشر بيده على مكانه)
.... حلا صار وجها الوان من الاحراج وبحركه سريعه راحت جهت ريان ومدت له الصينيه وبدوره اخذ العصير بدون حتى مايناظرها او يقول كلمه شكر
>> حلا رجعت عند اختهاولساتها تتحلطم ووميته قهر من حركه جدها
جنى تحاول تهديها : خلاص حصل خير هدي
حلا: من وين يجي الخير الله ياخذه
تخيلي حتى ماقالي كلمه شكرا ولاعبرني كأني اشتغل عنده هالغبي الـ الـ طوط طوط
حلافاطسه ضحك: بسك فضحتينا والله لويسمعك جدك تقولين كذا بيجلدك
حلا : ههه
جنى : فديت هالضحكه ياناس
حلا حمرت خدودها: بس ترا استحي
جنى: لاتصدقين نفسك بس
حلا: كش عليك
....................... من جهة ثانيه طلال كان يراقب تصرفات جنى ووده يسوي شي يقيضها ويبرد قلبه فيها وفي قساوتها
وفجأه جات ع باله فكره جهنميه ونادى على اخته شهووده
طلال : شهوود حبيبتي تعالي شوي ابيك
شهد بكل برود : نعم
طلال: تعالي بعطيك شوكلاته
شهد ماصدقت خبر وجات ركض : وينه الشوكلاته
طلال: بعطيك وبعطيك فوقها فلوس بس بشرط
شهد بعدم صبر: شنووو
طلال قرب منها وهمس بأّذنها : هاه فهمتي وش ابغى منك
شهد : ايووه
طلال : يالى روحي واذا سويتي الي قلتلك عليه بعطيك الي تبين
شهد راحت بسرررعه وونطت على جنى وباستها من خدها
وقالت لها بصوت واطي هذي من عند طلال
............. جنى على طول طالعت طلال بنظرات احتقار
طلالنروح شوي عند ساره وماادراك ماساره البنت ذابحه نفسها غصب طيب تبي تلفت انتباه سلطان وهوو ولاهنا مندمج بسوالف مع عيال عمه طلال وريان
ساره : اقول زوجة عمي موناوين تزوجون سلطان
ام ريان انصدمت من وقاحت بنتها وجرائتها وبقت ساكته
ام سلطان على نياتها: انشاء الله بس يخلص دراسه ويكون نفسه نزوجه
ساره تكلم نفسها : طال الزمن ولاقصر ياسلطان راح اتزوجك اذا موب كيفك غصبن عليك
ام سلطان: خير بنتي تقولين شي
ساره : لاابد سلامتك
وخلصت حفلة الاستقبال ورجعت عايلة ابوسلطان لبيتهم والكل توجه لغرفته يستعد لنوم من بعد هاليوم الطويل
.............. خلوناا نروح عند العاشق الولهان ونشوف اخباره هع
معاذ يتقلب على فراشه موقادر ينام حاس انه وده يكلمها فقدها اليوم لاحس ولاخبر وفكر انه يرسل لها مسج يوصف فيه شعوره وشوقه لها وانه مايقدر يعيش بدونها
أما جنى غاطه في نوم عميق وتحلم في حبيب القلب الابصوت جوالها يقطع احلامها الورديه مدة ايدها بكسل وخذت الجوال وطالعت الرقم فزت من مكانها يالبيه والله الطيب عند ذكره ابعدت خصلات شعرها عن عيونها وعدلت جلستها وفتحت المسج بلهفه تبي تعرف
وش كاتب لهاوشافت!!؟؟
وحشتني يا أغلى عندي من نظر عيني
وحشتني يافرحة عمري وسنيني
متى ألقاك ترى زاد بي الحنيني
وبعدك ثوب الحزن كاسيني
يالله تعال لي وبحضنك ضمني
ترى حيل حيل مشتاقلك يانظر عيني
وحشتني وحشتني ....
جنى بكل حب ضمة الجوال والله احبك وموت عليك اه اه
بعد نص ساعه تقريبا وصل رد جنى
معاذ اخذ الجوال بسررررعه وفتحه كان الرد كالتالي !!؟؟
................
ليتك تمر اليوم عندي وحاكيك ...
وأقولك من كثر شوقي اعلومي ...
حتى القمر لو تطلبه قال لبيك ...
يخضع وتخضع من وراه النجومي ...
ماسر قلبي غير حبك وطاريك ...
أشتاق لك حتى وأنا في احلومي ...
...................
اااه الحين الواحد يقدر ينام خذ الجوال وباسه الله لايحرمني منك جنونتي ورمى نفسه بخفه على السرير وكله امل انه يجي يوم والله يجمعه بحب حياته
خلصنا من العاشق نروح عند حلا
حلامنسدحه على السرير وموجايها نوم لساتها مصدومه من حركه جدها وبداخلها زحمة اسأله موعارفه لها اجابه ليه طلب مني اانا بذات اضيفه ليه ماطلب من جنى ولا ساره ساره اخته المفروض هي الي تضيفه مواانا اووف
موقادره انام احس راسي بينفجررر
>>>>> ومررر الوقت وشرقت شمس الصباح معلنه يوم جديد وحياه جديده
لابطال روايتنا اساعه 6:30 نزلت حلا من الدرج وباست راس امها وبوها
ابوسلطان: هلا بدلوعة ابوها تعالي افطري
حلا:لابابا مالي نفس بفطر في المدرسه
ابوسلطان : اوك على راحتك بنتي يالى اجل دقايق اجيب مفتاح اسياره اوصلكم للمدرسه لاتتأخرون
جنى بصوت عالي : لااااااااايبه مابعد اشبع
حلا: ولاراح تشبعين قوومي بسك اكل وراك اخره
جنى : استغفر الله زين كذا سديتي نفسي
حلا : عساك في هالحال وردى
جنى بدلع : ماما شوفي بنتك
ام سلطان: يالله صباح خير اقوم عنكم احسن لي ماوراكم الاوجع راس
حلا: افااا ليه كذا ياحلو ياجميل انت كنا نمزح معك اصلن انا وجنو مانقدر نعيش بدون بعض صح كلامي
جنى لساتها تاكل وهي تهز راسها : ايوه فكر انا مافي معلوم
ام سلطان : ههههه والله انتو ماينقدر عليكم الله
يساعد قلب الي بيتزوجكم
ابوسلطان طلع من غرفته : يلا مشينا
حلا سحبت جنى من ايدها : لواخليك من ليوم لبكره ماتخلصين اكل
جنى : هديني بس دقيقه باخذ التوست
حلا: ولاثانيه مشينا
ماهي الا لحظات الا وهم واصلين واول مادخلو المدرسه نطت في وجهم
لحقوووو لحقووو
حلا: وووجع خرعتيني
جنى متحمسه: وش فيك وش صاير تكلمي بسرعه تعرفيني الفضول ذابحني غلابدلع :لقيت نصفي الثاني
حلا: هههههههههه وربي ماعندك سالفه
جنى ماسكه الضحكه ماتبي تحرج صديقتها : ماعليك منها قوليلي وش لون لقيتيه وكيف شكله ولون عيونه وكم عمره مسوي سكسوكه ولالا
غلابنفس دلعها: احم احم بقولك كل شي صبري
جنى زاد حماسها : كلي اذان صاغيه تكلمي يابت
حلاتتابع بصمت ..............
غلا:اااااااه وش اقولك خوقاقي يقول للقمر استريح وانا اقعد مكانك
جنى تطالعها بخبث : وهذا من وين عرفتيه
غلا: جااايك في الكلام الله يسلمك ذاك اليوم رحت اودي جدتي المستشفى عندها موعد (سكر )

جنى مافيها صبر: اي وبعدين كملي لاتسكتي
غلا : طيب وهذا الي اقولك عليه هونفس الدكتور الي يتابع حالتها عاد انا اول ماشفته خققققققققققيت وخلص قررت اتزوجه
حلا: لالا البنت موصاحيه هههه
جنى :حلا اسكتي كملي غلوي
غلا: وعلى طول يوم رحت البيت خذيت دفتر الكشف وشفت اسمه
حلاتتريق : ايوه وش اسمه عريس الغفله
غلا صار وجها احمر: صااالح فديت هلاسم
جنى : ياعيني والله وكبرتي ياغلوي وقمتي تحبين
غلا مدت بوزها : انطمي الشرهه علي الي اقولكم اسراري
جنى: فديت هالبوز انا
غلا استحت: مشكلتي ماقدر ازعل منك يالخبله
جنى : فديتك يالبطه هههاي
<<<<<<<<<<<<<<
من جهه ثانيه تركي صحى وراح دوامه بدون مايقول اي كلمه وهذا زاد حيره وشك خلوود وقررت انها ماتدوم اليوم وتقعد بالبيت تغير تركي المفاجئ قلب كيانها حتى الدوام ماعاد لها نفس تروح له
خلود : انا لازم ادور بقراضه اكيد بلاقي شي يحل هالغزز

في المدرسه >>>
جنى :اووف واخيرن بنرجع البيت والله ميته جووع
حلا: وش الجديد في كلامك من عرفتك وانتي كله جوعانه هههه
جنى:..................
حلا: اشفيك سكتي
جنى : شوفي الي جاي موكأنه مشعل
حلامرعوبه: شنــــــــوو وينه
مشعل: اسلام عليكم
حلا : انت وش جاي تسوي هنا تبي تفضحني وش لون عرفتني
مشعل كتف ايدينه ورد عليها بكل برود: اول شي رد السلام واجب ثاني شي انا اعرفك من عيونك لوبين مليون بنت وثالث شي وهو الاهم
انا جاي اخذك خمس دقايق وبعدين برجعك بيتكم
جنى: وجع صج ماتستحي على وجهك فارق ولاوربي ادوس بطنك وخلي الي مايشتري يتفرج
مشعل بصوت حاد: تخسين والكلام موجه حق اختك مولك فارجاءن كرمينا بسكوتك
جنى عصبت: هدووني عليه بذبحه لاحد يمسكني
حلا: خلص اسكتي خليني اتفاهم معاه بلافضايح البنات قامو يناظرونا
مشعل قفلت معاه : اسمعي ياحلا وربي اذا ماسمعتي كلامي وجيتي معي الحين لانشر صورك ووفضحك بين الناس

نشوف وش صار مع خلود
طبعا ماخلت مكان مادورته في البيت حست بالتعب ووقعدت على الكنبه الي بالصاله تريح شوي وحاطه ايدينها على جبهتها ووتفكررر ووفجئه ووقفت كأنها تذكره شي
ياربي وش لون نسيت غرفه المكتب وراحت بسرعه تدور فيها قبل لايجي تركي وماتقدر تسوي شي
اول مادخلت الغرفه لفت انتباها؟؟؟!!!

انتهى البارت اتمنى ينال اعجبكم ولاتحرمونا من تعليقاتكم والسموحه على التأخير
الكاتبه : دنيتي عيونك [منقووووول]
SIZE]



تعديل عــــيـــون الـــكــــون; بتاريخ 22-05-2012 الساعة 02:37 PM.

رواية شفته جن عقلي ما أدري شلي حصلي

الوسوم
الروعه , جريئه , يصلي , روايه , شـآللي , شفتهـ , عقلي , ـمآدري , ـ¤¦¤ , والرومنصيه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 02:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1