منتديات غرام روايات غرام روايات كامله - يتم نقل الرواية هنا بعد اكتمالها روايتي الثانية : حلمي تحقق لكن رجعت للحقيقة / كامله
مجهوله في زمن ©؛°¨غرامي مشارك¨°؛©

متعب:بالله كيف بنغسل ماقد غسلت ولا قد شفت سياره تتغسل.
راشد:أي صدقتك وأنت اللي كل يوم تنتظر العامل يخلص غسيل سيارتك وتمشي وترجع وهي اخس من قبل بالله عليك أنت وين تروح كل يوم.
متعب:انتوا ماحد يقول لكم شي مالت عليك بس جد الحين كم سياره بنغسل.
راشد:٨ سيارات بس.
متعب:آآآه يازهرة شبابي أنا صرت اغسل سيارات.
راشد:أنت وزهرة شبابك قوم بس لا والله الحين يخلونا نغسل سيارات الاستراحات اللي جنبنا.
جلس متعب يتخيل انه بيغسل السيارات وقام بخوف بسرعه:لالالا مابي بقوم<<صدق مسكين.
بدوا يغسلون بملل ومتعب كل شوي يتأفف ويصرخ من الملل.
راشد:وجع اسكت صدعت براسي.
متعب:ملييييييييييت.
راشد:عطني مفتاح سيارتك.
متعب:شو تبي فيها.
راشد:عطني اياه.
عطاه متعب مفتاح السياره راح راشد شغلها وشغل شريط اغاني وعلا عالصوت تحمس متعب وصاروا يغسلون بحماس صحى كل من بالاستراحه على الازعاج بس ماقدروا عليهم وخلوهم خلصوا راشد ومتعب وأخذوا خرطوم المويه وصاروا يغسلون السيارات من الصابون ويرشون على بعض طلعوا اميره وجنى استانسوا وراحوا معهم طلع ضاري بيركب سيارته الا متعب يكب عليه مويه وهو يضحك.
ضاري:ياثور شو سويت.
متعب:اسبح اسبح لك اسبوع ماسبحت ريحتك خايسه خخخخ.
ضاري:احلف عاد ياغبي.
متعب بعبط:والله.
راح ضاري اخذ الخرطوم من عند راشد وصار يرش على متعب واخذ راشد خرطوم ثاني وصاروا يرشون على بعض ودخل معهم عبدالله خلصوا الساعه ٩ وبدلوا ملابسهم راشد ومتعب رموا أنفسهم على الفراش وناموا.
في شخص كان يناظرهم من البدايه ومندمج معهم وعقله مع شخص واحد منهم.
دلال:جواهر شو تسوين هنا.
فزت جواهر من الخرعه:وجع دلال خوفتيني.
ضحكت دلال وطلت للشباك:اها وأنا أقول شو عندك هنا ههههههه بس تدرين انك غبيه.
جواهر:أنا ليه.
دلال:دامك تحبينه ليه ماتقولين له أو توضحين له بطريقه غير مباشره.
جواهر:لالا مابي اخاف انصدم من ردة فعله ويمكن يكرهني ومايتقبلني.
دلال:بالعكس أنا اشوفه يحبك ومهتم لك مره.
جواهر:والله مدري ما أحسه كذا خليني كذا أحسن مابي يصير شي ولا اسوي شي أندم عليه.
دلال:براحتك ماراح تنامين طيب.
جواهر:مافيني نوم.
دلال:اوكي أنا بنزل تحت إذا تبين تعالي.
نزلت دلال تحت وتنهدت جواهر وحطت رأسها على الكنبه اللي هي جالسه عليها ونامت.
جا الظهر أبو راشد وأبو متعب يصحون براشد ومتعب يصلون وبعد الصلاة اشغلوهم الحريم والبنات كل شوي يبون شغله من برا وقرروا الغداء يشوون خلوا راشد ومتعب اللي يشتغلون.
متعب:خلاااااااااااص تعبت والله ماعاد اسمع كلام راشد ارحموووني.
أم متعب:تستاهل ماجاك اسكت لايسمعك ابوك ويزيد عليك.
أم راشد:تعال بس تعال قطع البصل.
متعب:ليه أنا ليه مو راشد.
أم راشد:محد قالك تتذمر.
جواهر:خلاص خالتي أنا اقطع خليه يساعد راشد.
متعب:فديت اختي والله.
أم راشد:روح بس روح لا احلف انك أنت تقطعه.
متعب:لالالا بروح الحين.
راح متعب عند راشد وهو مقهور ويتذمر بداخله.
متعب:وجع ليه مايشغلونك مثل مايشغلوني مع انه أنت صاحب الفكره.
راشد:لا تتشكى وتعترض ولا يعاقبونك أكثر.
تأفف متعب بملل.
أم متعب:سمعتك لا خلصت بتغسل الصحون.
متعب:لاااااااااااااا توبه والله ما اهمس بهمس.
الكل ضحك عليه وكملوا الغداء وبعد الغداء قالوا البنات بيطلعون وغصب على راشد ومتعب يودونهم راحوا مجمع البنات يشترون ومتعب وراشد يشيلون الاكياس مرت من جنبهم بنت متلثمه وحاطه نص علبه المكياج تتغزل وترمي كلام على راشد.
البنت:ممكن نتعرف ياحلو.
راشد فار دمه بس ماسك نفسه ولا رد.
البنت:شو فيهم الحلوين معصبين اجي اساعدك.
راشد:لو سمحتي انقلعي من قدامي.
البنت:لالا لا تعصب ياحلو.
راشد اللي فقد اعصابه صار يصرخ على البنت اللي خافت وهربت جا بيلحقها راشد بس مسكه متعب وقالوا البنات يبون يرجعون ورجعوا وأم راشد وأم متعب قالوا يبون أغراض من البيت راح متعب مع راشد وجوا معهم اميره وجنى وعبدالله.
اميره:ابي ايس كريم باسكن روبنز.
عبدالله:لا ابي يا دانكن دونات ولا كرسبي.
اميره:لا باسكن.
عبدالله:دانكن ولا كرسبي.
اميره:باااااااسكن روووووبنزززز.
عبدالله:وأنتي جنى شو تبين.
جنى:عادي أي شي.
عبدالله:خلاص أنتي معي.
اميره:لا معي أنا.
عبدالله:انقلعي يالبزر معي أنا.
متعب:خلااااااص بس ازعجتوني.
اميره:شوفه هو اللي يعاند دايم يكرهني.
عبدالله:ايوه اكرهك ماحبك أحب جنى.
متعب:شوف ياعبيد بنروح باسكن والبنات يشترون على حسابك وأنت بنوديك دانكن.
عبدالله:ليه بنك أنا اصرف على اميره.
متعب:أي بنك زين خلك عشان مره ثانيه ماتعاند.
عبدالله:وجع كل مره أنا ادفع لأميره الدلوعه ليه تجي معنا.
راشد:عبدالله خلاص راح تشتري لهم اثنينهم ولا مافي لا دانكن ولا كرسبي ولا شي.
عبدالله:لا خلاص خلاص بسكت.
أخذوا الأغراض اللي يبونها أم راشد وأم متعب وودوا اميره وجنى باسكن روبنز وعبدالله لدانكن دونات وكل شوي يتصل عليهم حد يبي شي ويجيبونه مارجعوا العشاء.
متعب:ها خلاص ولا باقي.
أبو متعب:باقي تجيبون العشا وخلاص.
رمى متعب نفسه على الكنب ورجع راسه على ورا وغمض عينه ونفس الشي راشد.
أبو متعب يهمس:شكلهم تعبوا مره.
أبو يوسف:يستاهلون.
ضحك أبو راشد:مدري متى يعقلون الله يهديهم.
ضاري:خل اروح اجيب العشا بدالهم.
أبو يوسف:لا خلهم عشان يتأدبون.
ضحك ضاري وجلسوا يسولفون الساعه ٩ صحوا راشد ومتعب يجيبون العشا وراحوا جابوه رجعوا على طول رموا أنفسهم على الفراش وناموا.
أم راشد:تعبوا اليوم مساكين.
دلال:يستاهلون طيحوا قلوبنا خل يتأدبون آآآي.
أم متعب:شو فيك.
دلال:جواهر قر..........
قرصتها جواهر مره ثانيه وضحكت وهي تتألم.
ضحكت العمه سعاد:على جنونهم وهبالهم بس انهم عسل الله يحفظهم يارب.
أم راشد:آآآمين.
مرت الأيام ماخلت من هبال راشد ومتعب اللي كل ماله يزيد وجات أيام الاختبارات والكل نجح وجا رمضان وقرب العيد وقالوا بيعيدون بالبر راحوا قبل العيد باسبوع وجهزوا المكان وجابوا اغراضهم لأنهم بيجلسون لين تبداء المدارس.
أبو صقر:سبحان الله مر الشهر سريع ما حسينا فيه.
أبو متعب:أي والله الله يبلغنا رمضان الجاي يارب.
الكل:آآآمين.
وعند الحريم حوسه وربشه يسوون فطور متعب كل شوي يطل عليهم ويصرخ جوعان جوعان ويطلع.
أم متعب:متعب وجع انقلع قروشتنا.
متعب:متى يأذن جوعان.
أم متعب:وين راشد عنك روح معه.
راشد من ورا متعب:حد ناداني.
جواهر دق قلبها بقوه لما سمعت صوت راشد.
أم متعب:تعال تعال الله يسعد ايامك خذ هالبلشه معك.
راشد:ابشري.
مسك راشد متعب بلوزته من ورا كنه شايله وطلعوا برا.
راشد:تعال تعال عندي لك شغله حلوه تنسيك أوم التعب والجوع.
متعب:والله جد شو.
راشد:تعال تعال.
مشوا اثنينهم للسياره دخل متعب السياره وسكر عليه راشد وقفل الباب عليه مايقدر يطلع باي طريقه.
راشد:نام لا اذن فتحت لك.
متعب يضرب شباك السياره:يا حمااااااااااااار يا نذل افتح الباب.
مشى عنه راشد وهو يضحك وراح عند الرجال جلس.
أبو متعب:وين متعب ماله حس.
راشد:نايم نايم بالسياره.
أبو متعب:الله يعين عليه مع نومه.
جا ضاري عند الرجال:راشد روح افتح لمتعب باب السياره شكله كان نايم وصحى.
ضحك راشد شوي يسمعون صوت بوري السياره.
راشد:تكفى ضاري روح افتح له لاني لو رحت بأندفن وبموت بيده.
فهموا السالفه وضحكوا كلهم على راشد اللي عطا ضاري المفتاح قام وهرب راح ضاري فتح لمتعب اللي راح يدور راشد يبي يبرد قلبه فيه بس ما لقاه.
متعب:يا حمااااااااااار وين بتروح مني.
ضحك راشد بصوت خفيف وهو يسمع صراخ متعب اللي راح جلس مع الرجال بعد مايأس انه يلقى راشد اما راشد حط السماعات بأذنه وصار يطقطق عالجوال.
مها:جواهر تخيلي نمشي وتشوفينه هنا.
جواهر:امممم مدري شو بسوي.
دلال:ههههههههههههه بتروح تجلس معه.
ضحكت مها الا جواهر اللي صارت تقرص يد دلال وهم يمشون مايدرون انهم ماشين باتجاه راشد اللي متخبي عن متعب لما قربوا البنات سمعوا أصوات خفيفه تطلع من ورا التله وهمس اللي أساسا صادر من جوال راشد وهو يردد مع الجوال بهمس البنات ارتاعوا وكل ماقربوا يعلا الصوت البنات صارخوا وهربوا الا جواهر اللي تجمدت مكانها حتى مو قادره تصرخ(هذا الشي اللي يسمونه عقر بقر اذا تعرفونه هع) اما راشد سمع صوت الصراخ وقام بسرعه يشوف شو صار اما جواهر اللي شافت الشخص الجاي وكل ماله يقرب بدون ماتبان ملامحه.
راشد:جواهر شو فيه وشو جابك هنا.
هنا جواهر صرخت بأعلى صوتها وأغمي عليها راشد توهق ومو عارف شو يسوي دقايق شاف متعب وضاري وأبو راشد وأبو متعب جايين لما شافوا راشد وقفوا لحظات يستوعبون وضحكوا وبسرعه شالوا جواهر ورجعوا مكانهم.
أبو يوسف:لا تخافون يا بنات هذا راشد كان متخبي عن متعب أساسا شو اللي طلعكم.
دلال:كنا نبي نتمشى قبل لا يظلم ولا درينا عن راشد.
ابتسم أبو يوسف وجلس يهدي فيهم وطلعوا بعد ماتأكدوا ان جواهر بخير.
راشد بخوف:ها شو فيهم صار شي.
أبو متعب:لا الحمدلله كلهم بخير وجواهر بخير بعد.
جلس راشد بارتياح لأنه ما يحب يصير لاحد شي وهو السبب بس اللي معه فهموا شي ثاني.
متعب كنه تذكر شي وقام لراشد:هي يا حمار تحسب اني نسيت ليه تسوي كذا.
قام راشد بيهرب بس متعب مسكه وسحبه خلاه يطيح بالارض رفع يده يبي يضربه بس دخل وقت الآذان قام بسرعه عن راشد وراح مكان ماهم حاطين الاكل وجلس ياكل بشراهه.
راشد:شرقه ان شاءالله وجع ماتستحي مافيك تصبر شوي.
متعب:جوعااااااااااان جالس من الصبح كرف.
الكل ضحك على متعب وجلسوا يفطرون وبعد الفطور قاموا يصلون.
مها:ها كيفك جوجو.
جواهر:أحسن الحمدلله.
دلال:بالله جواهر شو شعورك لما شفتي راشد.
استحت جواهر وحست المكان صار حار:مدري خفت مدري شو صار.
ضحكت دلال:ومن الحب ما قتل.
جواهر:تعرفين تنطمين.
حطت دلال ايدها على فمها وهي تضحك.
عبدالله:تعالي جنى اركبك الدباب.
اميره:مو على كيفك جنى معي روح العب مع الاولاد.
عبدالله:انقلعي بس وجنى راح تجي معي يالدلوعه.
اميره:أنا مو دلوعه مو دلوعه.
عبدالله:الا دلوعه صح جنى.
جنى:لا والله اميره طيبه وأنا احبها.
عبدالله:تحبينها أكثر مني.
اميره:يلا انقلع ماتبيك تبيني روح والله لأعلم عليك متعب.
انقهر عبدالله من اميره راح وهو يتوعد فيها راح اللي بقى من رمضان وصار بوكرا العيد والكل صار يتجهز لبوكرا بحماس.
راشد:احتمال صديقي عبدالله يجي مع اهله هنا يعيدون معنا.
أبو راشد:الله يحييه والله انه طيب على ابوه ما شاءالله عليه.
راشد:تعرف ابوه.
أبو راشد:ايوه اعرفه كان يشتغل معنا بالشركه وما شاءالله عليه صارت له شركه ومعاه أبو سامي بعد.
راشد:سامي سامي ماغيره اللي معنا بالشله.
ضحك أبو متعب:شو فيك مو مصدق.
راشد:كل هذا يصير وأنا آخر من يدري والله حركات.
أبو راشد:اتصل على سامي خله يجي مع اهله.
راشد:لا يمكن يجي لحاله مع الشباب.
أبو راشد:الله يحييهم.
جا اليوم الثاني الكل صاحي من بعد الفجر تجهزوا البنات والكل تجهز وعايدوا بعض بفرح.
جواهر:واااااو احس هالعيد حلو وغير عن كل الاعياد.
ضحكت مها:ليه يعني.
جواهر:مدري الا وين اميره وجنى ماشفتهم من يوم صحيت.
دلال:اكيد تلقينهم عند الرجال.
أم متعب:جواهر روحي حبيبتي نادي اميره وجنى.
جواهر:اوكي تجون معي بنات.
مها:والله مافيني أقوم.
دلال:ولا أنا شكل العله بتجي.
جواهر:مالت عليكم عجايز.
طلعت جواهر وهي مستحيل تطلب من لجين لانها عارفه ردها راحت تنادي اميره وجنى لما سمعت أصوات ورا الخيمه توقعت انهم البنات جالسين هناك وراحت.
جواهر:وجع ساعه ادور عليكم وانتوا هن.......................
سكتت فاجئه لما شافت راشد لابس ثوب مخصر عليه وشماغه رافعه فوق بعض طالع ناااايس وكان يكلم وهو لما شاف جواهر سكر الجوال.
راشد:اخبارك جواهر.
جواهر بارتباك وحيا:بـ بـخير أ أنـ نت اخـ خبا اخبارك.
ابتسم راشد:تمام الحمدلله كل عام وأنتي بخير.
جواهر تحس انها بتطير بتطيح أحاسيس تداخلت على بعضها بذيك اللحظه فرح خوف شي ماتقدر توصفه.
جواهر بهمس:وأنت بخير.
وقفوا لحظات ساكتين كل واحد ينتظر الثاني يتكلم لما تكلم راشد.
راشد:بغيتي شي جواهر.
جواهر:هااا أنا ايوه ادور عن اميره وجنى.
راشد:اوكي بروح اناديهم الحين وانتي ارجعي داخل.
راح راشد وجواهر سندت جسمها على الخيمه تحس انها بتطيح بس اخذت نفس عميق ودخلت عند الحريم.
راشد:هلا والله لاكان جيت كان تأخرت شوي.
ضحك عبدالله وسلم على راشد وعلى الكل وعند الحريم.
أم راشد:هلا وغلا زارتنا البركه.
أم عبدالله:هلا فيك كل عام وأنتي بخير.
أم راشد:وأنتي بصحه وسلامه اخبارك فدوى كل عام وأنتي بخير.
فدوى بدلع مايع:تمام الحمدلله أنتي اخبارك خالتي.
أم راشد:بخير الحمدلله.
ظلوا يسلمون على بعض وجلسوا الحريم مع بعض والبنات مع بعض.
اعرفكم على أهل عبدالله صديق راشد.
أبو عبدالله طيب حيل وهادي بس انه فرفوش وماتنمل جلسته كان يشتغل مع أبو راشد لما كون له شركه وتشارك مع أبو راشد.
أم عبدالله طيبه حيل وقلبها كبير ماتحقد على أحد ولا تشيل بلقبها على حد.
محمد الابن الأكبر للعيله يشتغل بشركة أبو متزوج بنت عمه اصايل عنده ولد اسمه حمد ٧ سنوات وجمانه ٣ سنوات ماله دور.
عبدالله صديق راشد طيب مره وحبوب هادي مره ومايحب يزعج حد ولا يزعله ولا يحب المشاكل.
فدوى دلوعه مره وأحيانا يصير دلعها ماسخ ومايع حلوه حيل تدرس بثاني ثانوي تحب تتملك الشيء ولازم يصير لها وحدها وتحصل عليه.
عبدالاله يدرس ثالث متوسط مع عبدالله فيه رجه وهبال بس مايحب يشوف دمعة حد ولا يحب يكون هو سبب دموع أي حد.
جواهر:ما شاءالله عليك شعرك حلو وطويل.
فدوى:يب من يوم أنا صغيره مخليته لما وصل لركبي وافكر اقصه.
لجين:لا كذا حلو خليه.
جواهر:أي والله كذا احلى ومميز.
فدوى بدلع:شكرا عيونك الحلوه.
دلال:بنات بنطلع أنا ومها تطلعون معنا.
جواهر:شو رايك فدوى.
فدوى:اوكي يلا.
طلعوا كل البنات يتمشون شافوا الاولاد يتسابقون بالدبابات تحمسوا البنات ووقفوا يشجعونهم.
متعب بصراخ:يا غشاش يا حمار اصبر وقف.
ضحك راشد:محد قالك تصدق والله.
متعب:والله لا اوريك يانذل عبدالله تعال روح أنت يمينه وأنا يساره.
عبدالله:آسف حبيبي راشد ما اسوي له شي.
قرب راشد من عبدالله وضربوا بكف بعض واسرعوا.
ضاري:راشد وجع انتظرنا.
راشد:لا والله تبي تسبقني.
ضاري:يا غشاش أساسا أنت ليه تأخذ هذا الدباب.
ضحك راشد وزاد سرعته لما فاز كل البنات صاروا يصفقون ورجعوا الشباب بالدبابات وهم يضحكون على متعب اللي شوي يذبح راشد.
اميره:راشد راشد الله يخليك سوق فيني.
راشد:اوكي متعب تعال أنت خذ جنى وأنا اميره وخل نتسابق.
متعب:اوكي يلا.
قربوا راشد ومتعب عند البنات عشان يركبون اميره وجنى جواهر صار قلبها يدق بقوه وتمنت تكون بدال اميره ركبوا البنات مشوا راشد ومتعب يتسابقون.
فدوى:هذا راشد مو.
جواهر:ايوه.
فدوى:حلو ما شاءالله عليه.
جواهر حست بالغيره بس سكتت.
جواهر:خل ندخل داخل أحسن حرقتني الشمس.
فدوى:ليه بس نشوف منو يسبق الثاني وندخل.
مها:لا خلونا ندخل شمس قويه لا جا العصر وخفت الشمس طلعنا.
دخلوا البنات وجلسوا يسولفون فدوى كل شوي تبدي اعجابها في راشد وجواهر مقهوره والغيره تشب بداخلها بس مو قادره تتكلم.
راشد:خلاص تعبت بنرجع الحين.
اميره:لا ماشبعت.
متعب:خلاص اميره نقول لعبدالله وعبدالاله يمشونكم.
اميره:لااااااا مابي أجل ابي اسوق لحالي.
راشد:اوكي راح تسوقين لحالك بس نرجع.
اميره:طيب.
رجعوا راشد ومتعب وجلسوا عند الرجال.
عبدالله:واك واااااااك ماتعرف تسوق خخخخخ.
اميره:الا أعرف أنت ماتعرف.
عبدالله:أنا اسوق أحسن منك بالدباب الكبير حتى.
اميره:انقلع بس.
عبدالاله:عبدالله خلها في حالها حرام عليك.
عبدالله:تولي اكرهها الدلوعه.
عبدالاله:طيب شو رايك نسوق والبنات يركبون معنا.
عبدالله:اوكي أنا باخذ جنى وأنت اميره.
عبدالاله:اوكي.
راحوا عبدالله وعبدالاله أخذوا اميره وجنى وراحوا يلعبون.
متعب:بالله انتوا ماتحسون بالملل.
يوسف:الا والله شو رايكم نروح الرياض.
صقر:حلوووو وناخذ البنات معنا.
ضاري:فكره مش بطاله بس أنا عن نفسي بروح مع زوجتي.
يوسف:وأنا بعد.
متعب:مالت عليكم وعلى زوجاتكم قوموا بس قوموا خل نروح.
عند البنات اللي ملانين ولافي شي يسليهم.
فدوى:مليت من الجلوس خل نطلع جواهر.
جواهر:اوكي يلا.
طلعوا جواهر وفدوى يتمشون بعيد عن الخيام شوي وجلسوا يسولفون.
جواهر:صراحه ما اصدق ابوي يعرفكم طول هالمده ولا قد قال عنكم.
فدوى:حتى بابا ماقد قال لنا عنكم ابد ولا عن أبو راشد.
جواهر:شو رايك تنقلين بمدرستي.
فدوى:لاااا ماقدر اترك صديقاتي.
جواهر:عادي تعرفي على بنات جديدات.
فدوى:طيب أنتي تعالي مدرستي.
جواهر:لا أنا خجوله ماحب اتعرف مو مثلك ما شاءالله.
فدوى:مو هذا راشد.
جواهر:ايوه غريبه جاي هنا.
التفت راشد شاف جواهر وفدوى بس ماعرفها وقربوا البنات عنده.
راشد:هلا جواهر ترى بنرجع للرياض بعد العصر إذا تبون تطلعون معنا قولي للبنات.
جواهر بحيا:اوكي بقول للبنات.
راشد:طيب نادي لي أمي.
جواهر:اوكي.
دخلت جواهر ومسك راشد جواله توقع ان فدوى دخلت مع جواهر بس استغرب لما نادته باسمه.
فدوى:اخبارك راشد.
لف راشد وهو رافع حواجبه باستغراب ولا رد.
فدوى بدلع:أنا اخت عبدالله أسعدني اني شفتك.
راشد رفع حاجب:طيب شو اسوي لك اعرفك تعرفيني أقرب لك تقربين لي.
انقهرت فدوى من رده:لا بس أ................
جات أم راشد واستغربت من وجود فدوى مع راشد وهي تعرف ولدها يكره انه يتكلم مع البنات وعلى طول دخلت فدوى لما شافت أم راشد.
أم راشد:شو فيك راشد حبيبي وشو تسوي مع فدوى.
راشد بنرفزه:اوووف نسيت شو بقول لك من الغبيه اللي جات.
أم راشد:ما عليك حبيبي ارجع ولا ذكرت اتصل علي.
راشد:اوكي.
لف راشد بيرجع بس ذكر شو يبي من امه وناداها وقال لها اللي يبيه وبعد العصر طلعوا بأربع سيارات سياره ضاري مع مها وسياره يوسف مع دلال وسياره صقر مع عبدالله وجواهر وفدوى واميره وجنى وسياره متعب مع راشد وعبدالله وعبدالاله.
ضاري:ها حبيبتي وين ودك نروح.
مها:خلينا نروح مكان ماراح يروحون البقيه.
ضاري:لا والله عشان تروحين وتخليني مافي اليوم أنا وأنتي بس.
ضحكت مها:فديتك والله خلاص المكان اللي يعجبك.
ضاري:اوكي حياتي شو رايك نتغدا وبعدها نتمشى.
مها:اوكي حياتي.
راح ضاري مع مها يتغدون بعدها راحوا يتمشون لانهم من الصبح بس افطروا.
يوسف:دلال حياتي تراك جننتيني.
ضحكت دلال:شو اسوي والله حلوين ماقدر اقاومهم.
يوسف:حبيبتي دلال لا حملتي لو تبين تأخذين المحل كله خذيه.
دلال:والله جد أجل بشتري اللي ابي.
يوسف:قلت لا حملتي.
دلال:طيب أنا الحين حامل.
يوسف انصدم:دلال من جدك أنتي ولا تمزحين.
ضحكت دلال:يوسف شوف نفسك بالمرايه ههههههههه بعدين جد أنا حامل.
يوسف:من متى ولا قلتي لي.
دلال:والله توني لي كم يوم دريت وتقريبا لي شهر بس.
يوسف حس بالفرح وشوي بيطير من الفرح.
اما عند البقيه.
عبدالله:البنات يقولون يبون مجمع شو رايكم.
متعب:اوكي أجل نتقابل هناك.
عبدالله:اوكي.
راشد:وين بتروحون.
متعب:راح نتقابل بمجمع.
راشد:لا والله وانتوا على كيفكم.
متعب:البنات يبون كذا.
تأفف راشد وصلوا كلهم المجمع وراشد مو عاجبه الوضع ابد كل مامشى نظرات البنات اللي تلاحقه والأرقام والتغزل.
راشد بحمق وعصبيه:متعب عطني مفتاح سيارتك بطلع من هالمكان.
متعب:بطلع معك أنا بس خل نقول لهم.
طلع راشد ومتعب لحقه بعد ماقال لصقر انه طالع مع راشد.
متعب:مالت عليك ليه ماتستغل هالشي وتلعب على البنات.
عصب راشد:ليه شايفني مثلك.
متعب:يما منك خلاص ماقلت شي سحبت كلامي بس بجد ليتني مثلك خخخخ.
راشد اعطى متعب نظره خلاه يسكت مره وحده وراحوا يتمشون أماكن ما فيها بنات لما جات الساعه ١٠ بالليل الكل رجع البر.
أبو عبدالله:يلا نستأذن ودنا نجلس معكم بس تأخر الوقت.
أبو متعب:تو الناس والله جلستك ماتنمل طيب ناموا عندنا الليله.
أبو عبدالله:والله مدري عن أم عبدالله يمكن ماتوافق لأنها ماتحب تنام بالبر.
أبو صقر:اتصل عليها وخبرها وان شاءالله توافق.
اتصل أبو عبدالله على أم عبدالله وقرروا ينامون هالليله وهالشي نرفز راشد وقهر جواهر الكل نام متاخر الا راشد اللي نام بدري وصحى اليوم الثاني الساعه ٩.
راشد:اوووف إلى متى راح ابقى على هالحال والله مليت ليتني بحلم واصحى.
ضاري:راشد شو اللي صحاك هالوقت وشو الكلام اللي قلته تو.
راشد:لاني للحين مو متقبل الوضع مو اني اضحك واستهبل يعني عادي كل يوم عن الثاني اكره نفسي أكثر.
ضاري:راشد نفسي أعرف شو اللي خلاك تقول انك طيف مو راشد وأنت تدري ان طيف ماتت من زمان.
راشد مسك راسه:مدري مدري أنا ابي أعرف كيف صرت كذا تعبت من حالي والله تعبت ابي ارتاح ابي أعرف الحقيقه"بصوت عالي:أنا تعبت.
طاح راشد على الأرض وصار يتنفس بصعوبه ودقات قلبه سريعه خاف ضاري عليه وشاله على طول للمستشفى والكل درا شالوا اغراضهم ورجعوا.
أم راشد:اخبارك راشد الحين.
تنهد راشد وهو مغمض عيونه ومرجع راسه على ورا:الحمدلله أحسن.
أم راشد:تحس بشي يألمك شي حبيبي.
راشد تخيل الموقف اللي صار بشخصية طيف لما طاحت عليهم وضاق نفسه خافت عليه أم راشد وراحت بسرعه تنادي الدكتور جا وراشد ينادي طيف ويتكلم بكلام غير مفهوم عطاه مهدئ ونام.
الدكتور:حالته غريبه جدا كيف بعد كل هالسنوات يذكر طيف ويقول انه أساسا طيف مو راشد.
أبو راشد:أنا مثلك يادكتور مستغرب كان هادئ مره فاجئه من بعد الحادث انقلب ونسى الماضي كله وتغير مزاجه مره.
الدكتور:ممكن تلخبط مخه من بعد الحادث وبما ان أخته ماتت بحادث يمكن صار يتخيل نفسه طيف وصار يربط الأحداث ببعض.
تنهد أبو راشد بحزن:والله مدري يادكتور.
الدكتور:على العموم أنا راح اشوف حالته وراح اقولك على النتيجه.
أبو راشد:الله يعين يارب.
الدكتور فارس:شو رايك يادكتور محمد بهالحاله وشو تتوقع تفسريه.
الدكتور محمد:والله انا اتوقع اما تكون حاله شوزفريت بس هالحالخ مستبعده من صنف راشد.
الدكتور فارس:كلام مضبوط طيب والحاله الثانيه.
الدكتور محمد:الشي الثاني مكن تكون حالة فقدان للذاكره متعمق بذاكره قديمه مخزونه في العقل الباطن منتحله شخصية طيف وحل محلها كنوع رفض للحادث وعبر عنها هالوقت.
الدكتور فارس:بس انت نسيت يادكتور حاله ثالثه ممكن تغير مجرى الموضوع كله.
الدكتور محمد:شو هي.
الدكتور فارس:قلت لي شو هي هي ان مايون فقد الذاكره ليه مانقول انه رجعت له الذاكره اللي فقدها.
الدكتور محمد:حاله غريبه فعلا تفسير مافكرت فيه على كذا لازم اعيد حساباتي كلها بس في شي شمعنى رجعت له الذاكره في الوقت هذا بالتحديد.
الدكتور فارس:انت تدري يادكتور ان بعض المرضى ترجع لهم الذاكره اللي فقدوها اذا صاروا في نفس الموقف اللي فقدوا فيه الذاكره.
الدكتور محمد:قصدك تقول ان طيف او راشد هذا رجعت له الذاكره اللي كان فاقدها لما تعرض للحادث نفس اللي صار لطيف اجل على كذا مفروض احقق مره ثانيه انا محتاج معلومات والوقت كثير وفي متسع على الشخص هذا والشخصيه المتوفيه.
الدكتور:الله يوفقك يارب.
جا اليوم الثاني صحى راشد ورفض يبقى بالمستشفا ورفض ان الدكاتره يشوفون حالته وطلعوه على مسؤوليته مرت الأيام وراشد دايم معصب ومتنرفز الين مابدت الدراسه.
سامي:شباب شفتوا الطالب الجديد اللي جا بالمدرسه.
أحمد:أنا شفته شكله مو هين والله.
عبدالله:وشكله راعي مشاكل بعد.
أحمد:شو فيك ساكت راشد لا يكون خايف منه.
ابتسم راشد باستهزاء:ليه شو شايفني بزر.
أحمد:أجل شو فيك ساكت ولا أنت على بعضك.
تنرفز راشد:لازم اتكلم يعني ولا اصير خايف.
أحمد:لا مو قصدي كذا خلاص بسم الله سحبت كلمتي.
سامي:رن الجرس قوموا نطلع.
طلعوا الشباب للفسحه وراح راشد للمقصف بيشتري شاف الطالب الجديد واقف بكل غرور ويصارخ عشان يخلصونه بسرعه جا راشد ووقف قدامه وشرا اللي يبي وجا بيطلع بس مسكه الطالب.
الطالب:خير أنت شو حاسب نفسك.
راشد:خير في شي.
الطالب:لا والله أنا جاي من الأول تجي قدامي وتشتري ولا كنك مسوي شي بعد.
راشد رفع حاجب:ليه مقصف ابوك وأنا مدري.
الطالب:أنا حمد آل ............... حد يوقف قدامي ويشتري قبلي.
راشد:شوي شوي لا تطير بس.
بعد يد ماجد ومشى رايح لأصدقاءه.
أحمد:والله انك شي بالله ماخفت منه.
راشد عصب:أنت شو فيك شايفني بزر شو بيسوي يعني.
سامي:انتبه يا راشد منه تراه راعي مشاكل.
تأفف راشد وقام بعصبيه ورجع فصله.
أحمد:بسم الله الرحمن شو فيه هذا ماقلنا شي.
عبدالله:لا تأخذ عليه يا أحمد ترا نفسيته تعبانه من يوم العيد اصبر عليه ولا تنرفزه.
دق الجرس ورجعوا الطلاب فصولهم وكملوا الحصص لما انتهى الدوام وكل واحد رجع بيته بس عبدالله راح مع راشد.
عبدالله:شو فيك راشد من العيد وأنت مو عاجبني حالك.
تنهد راشد:والله يا عبدالله سالفه طويله مو لازم تعرفها.
عبدالله:طيب قول لي يمكن اقدر اساعدك بشي.
راشد:اوكي بس مو الحين لا الوقت ولا المكان مناسبين.
عبدالله:اوكي اشوفك بعد المغرب نتقابل باي مكان يريحك.
سكت راشد مارد ووصل عبدالله بيته وهو رجع البيت تغدا ونام.
متعب:راشد قوم صلاة العصر قوووم.
صحى راشد بهدوء استغرب منه متعب بالعاده يعصب عليه بس راشد قام ودخل الحمام لما طلع شاف متعب لسا موجود.
متعب:راشد لسا تحس نفسك تعبان.
راشد:لا مافيني شي.
متعب:طيب شو رايك نطلع.
راشد:لا متواعد مع عبدالله بطلع معه.
متعب:اوكي براحتك أجل انتبه لنفسك.
طلع متعب من عند راشد اما راشد فتح جهازه وفتح الايميل شاف أضافه عنده ماهتم ضغط رفض بس بالغلط وهو مايدري قبل الاضافه.
(احبك موت لو تدري احبك يابعد عمري احبك من اعماق صدري):السلام عليكم.
استغرب راشد من الايميل اللي طلع له عرف ان بالغلط قبل الاضافه.
(ليه يادنيا تسوين فيني كذا):وعليكم السلام.
(احبك موت لو تدري احبك يابعد عمري احبك من اعماق صدري):اخبارك راشد.
عقد حواجبه راشد منو هذا اللي سوى له أضافه ويعرف اسمه.
(ليه يادنيا تسوين فيني كذا):تمام منو معي.
(احبك موت لو تدري احبك يابعد عمري احبك من اعماق صدري): مو لازم تعرف منو بس ابي تعرف ليه سويت لك أضافه.
تنرفز راشد.
(ليه يادنيا تسوين فيني كذا):ممكن أعرف منو معي بدون لف ودوران ولا البلوك سهل ترى ومن وين جبتي ايميلي.
(احبك موت لو تدري احبك يابعد عمري احبك من اعماق صدري):لالالا لا تسوي بلوك بليز بس ابي اقولك شي قبل اقولك منو أنا.
(ليه يادنيا تسوين فيني كذا):بسرعه ماني فاضي.
(احبك موت لو تدري احبك يابعد عمري احبك من اعماق صدري):أنا بصراحه ................
احبك..
عصب راشد ولا انتظر يقراء الباقي طفا الجهاز بسرعه وطلع من البيت وراح المكان اللي راح يقابل عبدالله فيه.
عبدالله:معليش تأخرت عليك.
راشد:لا عادي توني جاي.
عبدالله:شو تبي تشرب.
راشد:مالي نفس والله.
عبدالله:مو على كيفك بجيب لك على ذوقي.
ابتسم راشد وراح عبدالله جاب اللي طلب وجلس.
عبدالله:ايوه يلا قول لي.
توتر راشد وماهو عارف شو يقول وكيف يبداء خايف ان عبدالله يفهمه غلط.
عبدالله:قول راشد لا تخاف راح اساعدك.
تكلم راشد وقال اللي بخاطره وشو يحس ومثل ماتوقع انصدم عبدالله ووقف معصب.
راشد:لاااااااااااااااااااا.
قام راشد مفزوع يناظر حوله شاف الساعه ٣ لسا ما اذن العصر قام بسرعه توضئ وطلع للمسجد لما وصل حس بالخوف يبي يدخل بس شي بداخله يمنعه ويتذكر انه كان بنت بس غمض عينه ودخل حس براحه كبيره مره مشى لداخل المسجد اللي كان فاضي وشاف القرآن مفتوح على الحامل جلس عند المصحف وجلس يقراء لما بدا الصلاة صلى بعد الصلاة طلع من المسجد وقابل متعب.
متعب:وينك لي ساعه ادور عليك من قبل الصلاة.
راشد:هذا أنا موجود الحين شو تبي.
متعب:شو رايك نروح نادي الخيل لنا فتره مارحنا.
تذكر راشد موعد عبدالله زطرا بباله الحلم وخاف لا يصير حقيقه.
راشد:بروح معك بس ابيك تتصل على عبدالله تعتذر لي منه اني ماراح اطلع معاه.
متعب:اوكي أقول له انك بتطلع معي.
راشد:لالا تكفى لاتقول له.
اتصل متعب على عبدالله واعتذر له عن راشد وراحوا نادي الخيل راشد ماركب الخيل وطول وقته مسرح.
متعب:راشد راشد.
انتبه راشد من سرحانه:ها في شي.
متعب:شو فيك راشد من يوم العيد وأنت مو على بعضك لايكون رجعت لك الحاله.
راشد:هي راحت أساسا عشان ترجع.
متعب:بس شكلك هالمره صاير تفكر كثير فيها.
تنهد راشد وظل ساكت.
متعب:تعال نطلع بس جوعاااااان ماتغديت.
راشد:ليه مااكلت.
متعب:افكر فيك خخخخخخ.
راشد:امش بس امش لاتموت علينا وتاكلني.
ضحك متعب وراحوا للمطعم وقال متعب لراشد يجي معه للبيت ووافق.
متعب:تعال كم لك مادخلت المنتدى.
راشد:مدري ليه.
متعب:شكلهم اشتاقوا لك مو مثلي كل يوم فاتح المنتدى.
ابتسم راشد وقام متعب.
متعب:صبر بروح اجيب الاب وبجيك.
طلع متعب شوي سمع راشد صراخ اميره وجواهر ابتسم راشد بداخله فاجئه دخلت اميره وجلست جنب راشد ومسكت كتفه.
اميره:ها ها ها ماتقدرين تدخلين وبقول لراشد.
ضحك راشد:شو تقولين.
اميره:اصبر بسكر الباب اخاف تدخل وتضربني.
راحت اميره سكرت الباب ونطت بحضن راشد.
اميره:جواهر كل يوم وهي نايمه اسمعها تناديك باسمك وتخربط بالكلام ولا إذا شافت ولا سمعت صوتك تقول وه فديته ههههههههههه ترى تحبك جواهر.
انصدم راشد:جواهر تقول كذا.
قامت اميره من حضن راشد:وتسوي كذا بعد شوف.
لف عليها راشد اميره رمت نفسها على الكنب تقلد جواهر وتقول احبه وهي تضحك.
.
.

مجهوله في زمن ©؛°¨غرامي مشارك¨°؛©

متعب:اميره شو جيبك هنا.
ضحكت اميره:لأن جواهر لحقتني تبي تضربني الله يخليك ابي اجلس معكم.
ضحك متعب وحط صينيه فيها عصير ومكسرات وكيك وطلع جاب الاب وجلس مع راشد وراشد لسا منصدم من كلام اميره وباله مو معه.
راشد"يعني كل اللي صارت كانت تستحي وتتوتر يعني اللي ببالي خطأ يعني من جد أنا راشد كيف ابي أعرف كيف.
انتبه متعب لراشد اللي صار يرجف ويصب منه العرق.
متعب بخوف:راشد شو فيك تبي اوديك المستشفى.
انتبه راشد لنفسه بس لازالت الحاله فيه وكل شوي تزيد:لالا بس احس بحراره بكل جسمي احس اني بطيح.
متعب:راشد شوف نفسك كيف خليني اوديك المستشفى.
راشد:لا متعب تكفى بصير بخير بس ابي ارتاح.
متعب:فيك تروح البيت اوديك.
راشد:لا مابي اروح البيت مابي.
متعب:طيب قوم عشان ترتاح قوم.
وقف متعب وساعد راشد ووداه الغرفه أنسدح راشد بتعب وطلع متعب عشان يخلي راشد يرتاح لما سكر الباب تذكر راشد جواهر جا يبي يقوم بيطلع بس ماقدر حس لسانه ثقيل مو قادر يتكلم وجسمه كنه لازق بالسرير حط راسه على المخده على طول نام اتصل متعب على أم راشد وقال لها ان راشد بينام عنده بس ماقال لها اللي صار لراشد.
صحى راشد على اذان الفجر عدل جلسته على الفراش وحاول يتذكر اللي صار أمس جلس يشوف اللي حوله وتذكر كلام اميره واللي صار قام بسرعه وطلع من البيت وراح المسجد بعد الصلاة راح بيتهم بدل ملابسه وطلع للمدرسه على طول.
حمد:لو سمحت بعد سيارتك بوقف هنا أنا.
راشد:ليه من متى وهو لك.
ماجد:من يوم جيت هنا.
رفع راشد حواجبه:ليه مكتوب باسمك وأنا مدري.
حمد:تراني جيتك بالطيب بعد لا يصير لك شي مايرضيك.
ابتسم راشد باستهزاء:ليه شو بتسوي يعني والله إذا أنت مو خايف على نفسك سو اللي تبي.
عصب حمد وصرخ:والله لتندم اوريك.
دخل راشد المدرسه وشاف اصدقائه وراح لهم وجلسوا يسولفون عشان يلهون راشد انتهى اليوم الدراسي وكل واحد رجع بيته.
راشد:السلام عليكم.
قامت أم راشد ضمت راشد بخوف:وعليكم السلام وين كنت راشد الفجر جيت ولا افطرت ولا شفتك خوفتني عليك.
راشد:أنا بخير يما لا تخافين.
أبو راشد:راشد شو فيك ليه أنت صاير كذا قول اللي بداخلك ياولدي ريح عمرك وريحنا.
راشد:مافيني شي يبا أنا بخير.
أبو راشد:روح ياولدي بدل ملابسك وتعال تغدا.
مشى راشد لغرفته بدل ملابسه ونزل جلس على الطاوله مع اهله.
أم راشد:شو فيك حبيبي ماتاكل.
قام راشد:الحمدلله شبعان.
طلع بسرعه لغرفته قبل يسمع لامه وابوه.
أم راشد:شاللي صار لراشد ماكان كذا ياربي ياولدي الله يحفظك ويحميك يارب.
أبو راشد:الله يعين يارب حتى الدكتور محتار يقول ماقد مر عليه مثل هالحاله ابد.
أم راشد:الله يفرج له يارب.
اما عند راشد اللي أول مادخل غرفته رمى نفسه على السرير وهو يفكر بالكلام اللي قالت له اميره.
راشد:يعني أنا راشد وجواهر تحبني عشان كذا نظرات الكل غريبه وكلام متعب آآآه يارب انك ترحم حالي وتهديني للصواب نام راشد من التعب.
...................:لازم أأدبه اليوم وأعلمه منو أنا هالحيوان.
...................:طيب شو بتسوي.
ابتسم بخبث:راح تعرف بس لازم نستغل الفرصه المناسبه.
...................:اوكي وأنا معك.
جواهر فيها بكاء:حماره حماره الحين شو بيقول عني.
دلال:يا عمري ياجواهر تبكين على شي تافه.
جواهر:تدرين أمس تعب والله خايفه انه بسببي بسبب كلام الحماره اميره.
مها:خلاص يا مها لاتزعلين نفسك مااتوقع انه زعل ولا قال شي.
جواهر:تتوقعين كذا.
مها:ايوه حبيبتي لا تكدرين على نفسك.
ارتاحت جواهر نوعا ما من كلام مها ودلال.
اما عند راشد اللي طلع مع اصدقائه بطلب منهم وراح مكان ماهم ينتظرونه نزل وشافهم يأشرون له.
سامي بصراخ:راااااااااااشد انتبه.
لف راشد وشاف شخص متلثم وجاي يركض وبيده سكين قاصد يطعن راشد من ظهره بس طعنه بكتفه وهرب بسرعه الشباب شالوا راشد اللي طاح وودوه المستشفى.
عبدالله:راشد أنت بخير.
راشد بصوت رايح:لا تتصل على اهلي اتصل على متعب.
أغمي على راشد بعد ماقال هالكلمه لأنه فقد دم كثير.
عبدالله مرتبك ومتوتر:ايوه متعب اخبارك.......ايوه بخير بس راشد.......لالا بس جا واحد وطعنه لا الحمدلله بخير بس فقد دم كثير.........ايوه تعال الله يخليك.
سكر متعب من عبدالله وتوتر.
أم متعب:شو فيك متعب شو صاير.
متعب:راشد جا واحد طعنه.
شهقت أم متعب بخوف بنفس اللحظه جواهر نازله تحت سمعت اللي قاله متعب أغمي عليها.
متعب:جواهر.
راح ركض لجواهر وشالها وعلى طول للمستشفى طبعا دروا أم وأبو راشد وأغمي على أم راشد من خوفها على ولدها وشالوها المستشفى.
أبو راشد:شو صار ياعبدالله ومنو هذا اللي متسبب بولدي.
عبدالله:والله ياأبو راشد حنا واقفين ننتظره شفناه نزل من السياره وجاي عندنا ماشفنا الا اللي جاي يركض صرخ سامي ينبهه بس جات على كتفه.
أبو راشد:لا حول ولا قوة الا بالله شو هالمصايب اللي نازله عليك يا راشد شو فيك.
عبدالله:معليش يا عمي ادري مو وقته ويمكن خصوصيات بس بجد أنا مستغرب من راشد من العيد وهو متغير ممكن أعرف شو فيه.
تنهد أبو راشد وقاله حالة راشد باختصار.
عبدالله:لا حول ولا قوة الا بالله الله يشفيه يارب ويعافيه.
طلع الدكتور وتجمعوا عنده يتسألون عن أخبار راشد.
الدكتور:الحمدلله قدرنا نوقف النزيف وعوضنا الدم الناقص وان شاءالله يصحى بعد مايرتاح.
أبو راشد:الحمدلله يارب الحمدلله.
سجد أبو راشد سجود الشكر اما أم راشد لما صحت تسأل عن راشد وهي تبكي وحالتها حاله.
أم راشد:أنا بخير بخير بس ابي اشوف ولدي خلوني اشوف راشد ياربي شو سوى عشان يصير له كل هذا ودوني عند راشد الله يخليكم.
الممرضه:خلاص مدام أنتي تعبان ارتاحي بعدين شوف ولد.
أم راشد:ابي اشوف راشد بعدين ارتاح خلوني اشوف ولدي عشان ارتاح.
دخل الدكتور عند أم راشد.
الدكتور:هدي يا أم راشد راشد بخير الحمدلله.
أم راشد:ودوني له ابي اشوفه خلوني اشوفه طيب.
الدكتور:اوكي بس هدي يا أم راشد مو زين لصحتك كذا.
قامت أم راشد من السرير وتسرع بخطواتها تبي تشوف راشد أول مادخلت أم راشد وشافت راشد زاد بكاها وراحت ضمت راشد بكل حنيه وهي تسمي عليه الكل لما شاف المشهد بكى حتى الدكتور والممرضات ماقدروا يمسكون نفسهم..<<والله حتى أنا خنقتني العبره وماسكه دمعتي..
أبو راشد:خلاص يا أم راشد خلي راشد يرتاح لا يتعب زياده.
تركت أم راشد ولدها بعد ماباست راسه وطلعت مع أبو راشد.
أحمد:عمي أنا أعرف منو اللي سوا براشد كذا.
الكل التفت لأحمد.
أحمد:حمد هو اللي سوا كذا سمعته قبل فتره وهو يتكلم واليوم بعد بس ماتوقعته يسوي كذا.
متعب حس بالدم يغلي فيه:وينه هذا الحيوان وين ساكن.
أحمد:والله ماأعرف وين يسكن بالضبط بس تقدر تشوفه بوكرا هذا إذا جا بعد.
متعب:والله لا اموته بيدي.
صحت جواهر من اغمائها وصارت تنادي امها.
جواهر:ماما ماما.
أم متعب:هلا حبيبتي شو فيك حياتي.
جواهر:راشد شو صار له.
ابتسمت أم متعب:الحمدلله بخير قدروا يوقفون النزيف.
جواهر بهمس:الحمدلله.
طلعت جواهر وأم راشد بعد ماتأكدوا انهم بخير طبعا أم راشد بالبدايه عيت تطلع بس اقنعوها لما رجعت البيت وبقى متعب مع راشد لما جا اليوم الثاني جا صقر بقى مع راشد وطلع متعب عشان يمسك حمد.
متعب:سامي إذا شفته اشر لي عليه والله لايندم يوم فكر يقرب راشد.
سامي:اوكي.
جلسوا سامي وعبدالله ومتعب ١٠ دقايق بالسياره بهدوء ينتظرون حمد لما شافوه ومسكوه ركبوه السياره وانطلقوا فيه لمكان مجهول وطاح متعب بحمد ضرب وهو يسب ويلعن فيه لما اعترف بعدها اخذوه للشرطه وحققوا معه وسجنوه ومسكوا صديقه اللي ساعده.
بالمستشفا الكل مجتمع عند راشد اللي يقراء قرآن واللي يدعي واللي يسولف بهمس فاجئه صحى راشد.
راشد بصوت رايح:مويه ابي مويه.
فرحت أم راشد وبسرعه قامت صبت له مويه وجلست تسقيه لما ارتوا ورجع أنسدح وغمض عينه.
أم راشد:اخبارك راشد الحين.
راشد بصوت رايح:أحسن الحمدلله.
متعب:قطو بسبع أرواح خخخخخ.
قام ضاري ضرب متعب على راسه وهو يضحك.
متعب:آآآ اقصد نمر بسبع أرواح.
ابتسم راشد والكل ضحك وتحمدوا لراشد بالسلامه.
راشد:مسكتوا حمد النذل.
الكل استغرب كيف عرف بس ماسألوا.
متعب:افا عليك كيف اخليه وأنت هنا.
عبدالله:والحمدلله ما مات بيدك.
متعب:والله ليته مات هالأخطبوط.
ضحك راشد بس تألم من يده وابتسم.
أم راشد:بسم الله عليك راشد خلاص لاتضحك كل من متعب الغبي.
متعب:حرام عليك خالتي هذا جزاي اخفف عن راشد.
ابتسم راشد:تسلم يا اخوي اللي ماجابته أمي.
الكل ابتسم على علاقة متعب وراشد اللي جد كنهم اخوان وتوائم وظلوا مع راشد طول اليوم ضحك وسوالف وهبال متعب الا جواهر اللي طول الوقت هاديه وتناظر براشد وكل ماناظرها رفعت عينها لما جات الساعه ١٠ كل واحد رجع بيته الا أم راشد اللي أصرت تبقى مع ولدها لما طلع من المستشفى بعد ماتحسن وسووا له حفله وذبحوا الذبايح كل هذا عشان راشد.
راشد:ملييييييييييت ابي اطلللللع.
متعب:خخخخخخخخخ اصبر وأصطبر ياما عشنا هاذي الأيام وتخرجنا بكل نجاح وكفاح.
راشد:الحين أنت شو اللي جيبك هنا دامك مخلص.
متعب:طفشت لحالي قلت اجيك.
راشد:انقلع بس خلني اذااااااااااكر.
متعب:مالت عليك جاي اسليك ماتستاهل جد.
راشد:بالله عليك الحين حنا فترة اختبارات أقول لك صبر بس.
صرخ راشد:يبااااااااااااااااا تعال شوف متعب مو مخليني اذااااااااااااكر.
متعب:نذل.
وطلع متعب بسرعه وراشد يضحك عليه.
خلصت أيام الاختبارات بتفوق الجميع وقرروا يسافرون للامارات وراشد من بعد اللي صار له تقبل وضعه وتعايش معه.
راشد:طياره مابي طياره بروح بسياره.
متعب:أي والله حلووو وأنا معه تكفون.
أبو راشد:طياره أحسن بدال التعب.
راشد:بالعكس اونس والله.
أبو متعب:خلهم براحتهم يابو راشد وحنا مع أبو عبدالله بالطياره.
شرق راشد بالكوب اللي معه وانكب على ثوبه جاه متعب يضرب ظهره.
أبو راشد:بسم الله عليك شو فيك.
راشد:أبو عبدالله آل.............. بيجون معنا للامارات.
أبو راشد:ايوه شو فيك.
راشد:عبدالله ماقال لي.
أبو متعب:خربت المفاجئه أجل.
قام راشد بيبدل ثوبه دخل غرفته وهو مقهور ومتنرفز دخل بعده متعب وهو مستغرب من راشد.
متعب:شو فيك راشد.
راشد وهو متنرفز:ما سمعتهم يقولون أهل عبدالله بيجون.
متعب:طيب شو فيها.
راشد:هاللي اسمها فدوى شكلها ماراح تخليني بحالي.
متعب:ليه شو سوت.
راشد:بالعيد لما كنا بالبر كانت تمشي مع جواهر أنا ماعرفتها بس شكلها هي تعرفني قلت لجواهر تنادي لي أمي وتوقعت انها دخلت مع جواهر وبكل وقاحه واقفه تسلم وتسولف لما جات أمي دخلت بسرعه ومن وقاحتها الزايده لما رحت عند عبدالله أيام الاختبارات طلع قال بيجيب أوراق دخلت يعني اني ماتدري ان في حد وبكل قلة أدب"يقلد صوتها وهي تتدلع:اخبارك راشد.
متعب:شو تحس فيه هاذي شكلها ماكله شي قبل تدخل عليك ولا شاربه لبن خربان.
ضحك راشد:ليه كل اللي يشربون لبن خربان يصير لهم مثلك.
متعب:والله مدري بس كمل شو سويت بعدها.
كشر راشد بوجهه:طلعت لما سمعت صوت عبدالله ولا شكلها بتكمل بعد بس قلت لعبدالله نطلع ولا قلت له السبب مابي تصير مشاكل بسببي.
متعب:تدري أنا عندي فكره قول لسامي وأحمد وماجد يجون وأنت لاتنام بالفندق إذا عبدالله واهله بينامون بنفس الفندق نام مع الشباب.
راشد:والله انك جبتها خلاص ولايهمك اليوم بعشيك على حسابي.
متعب بحماس:خلاص وابيه بأفخم واغلى مطاعم الرياض.
راشد:تحلم فول ويخب عليك.
متعب تحطم:حرام عليك.
ضحك راشد وضرب متعب على ظهره:تستاهل مطعم فخم والله.
حط متعب يده مكان الضربه وهو يتألم:وجع أنت لك تقريبا سنه تارك النادي وللحين ضربتك توجع.
ضحك راشد:قوم بس قوم ننزل.
نزل متعب قبل راشد بدل راشد ملابسه ونزل صادف جواهر اللي وهي ماشيه نادتها اميره متعمده عشان تصدم جواهر براشد وفعلا صدمت فيه قبل لا تطيح مسكها لما توازنت تركها وراح مجلس الرجال اما جواهر اللي حست قلبها بيطلع من مكانه من قوة دقاته بس فاقت من اللي هي فيه لما نادتها أم متعب.
فدوى:ياربي تهاني مو مصدقه بنروح معهم للامارات.
ضحكت تهاني:صدقي يامهبوله صدقي.
فدوى:ليته يحس فيني ويحبني واااااااو والله راح اعيش احلى قصة حب في حياتي بعدها يجي يخطبني ونتزوج آآآه ياتهاني تصدقين لو اقولك ان هالشي حلم حياتي.
تهاني:والله ماتنلامين بس اشوف ان متعب احلى منه خخخخخ مع ان راشد احلى.
فدوى:حرام عليك والله راشد احلى بس شكله يكره البنات بس والله لاخليه يعشق تراب رجولي.
تهاني:الله يعينك شكله مو سهل.
فدوى:راح اقدر عليه.
قبل مايسافرون باسبوع راشد ومتعب والشباب راحوا الدمام وبعدها بيروحون الامارات بيسبقون الكل.
متعب:وأخيرا وصلنا اوف مابغينا فيني نوم.
راشد:ماحد قالك ماتنام زين سهران أمس ليه.
متعب:لانك حمار اقولك سو استايل المنتدى ولا سويته.
راشد:والله انك رايق.
متعب:طس بس طس بروح انام.
راح متعب ينام اما راشد والشباب جلسوا عند البحر.
ماجد:شو رايكم نلعب ورق واللي يفوز يأمر أي واحد يسوي اللي يبي.
أحمد:يارب تجيني يارب.
سامي:لو جاتك شو بتسوي يعني.
أحمد:بأمر راشد يورينا من اللي تعلمه بالنادي بالله انت بك نادي مسجل.
الكل ضحك لأن راشد كان يرفض يوريهم من اللي تعلمه وبدوا باللعب أول من فاز عبدالله طلب من سامي يحط جواله بالشاحن وبعده ماجد طلب من راشد يسوي الشاهي ويجيبه بعده راشد طلب من أحمد يناقز برجل وحده ١٠ مرات الكل ميت ضحك ويصورونه لما جا دور أحمد.
أحمد:قوم قوم يلا ورنا على الأقل حركه وحده.
قام راشد توجه لعامود اللمبه والكل مستغرب شو بيسوي راح راشد ضرب العامود باخر كفه اللي خلا العامود يهتز بقوه أحمد فتح فمه من الصدمه رجع راشد وجلس.
راشد:بسم الله عليكم تراني مو ساحر.
نط أحمد من مكانه وراح للعامود بيجرب تألم والعامود ماصار له شي ولا اهتز ولا اهتزاز بسيط ضحك راشد.
راشد:تعال بس تعال لا تتكسر علينا الحين.
أحمد:آآآآآح بالله مااوجعتك يدك.
راشد:لا ماتوجع.
أحمد:يمااااااااااا شكلك مكسر نص أثاث البيت.
ضحك راشد:شو شايفني امشي واكسر بس.
كملوا لعب لما جا بعد العشا راحوا يصحون متعب اللي معيي يقوم.
راشد:خلوه أنا عارف كيف اصحيه بس بعدوا.
راح راشد جاب سطل مليان مويه كبه كله على متعب اللي قام مفزوع.
راشد:قوم وجع بسك نوم.
قام متعب معصب يبي يضرب راشد بس تذكر شي وراح الحمام بدل وطلع.
سامي:صح النوم الله يعين زوجتك عليك إذا كان كذا نومك.
متعب:ماراح ارد عليك بس جوعااااااااااان.
الكل ضحك على متعب اللي صوته صار يطلع أصوات وقاموا راحوا مطعم تعشوا ورجعوا الشاليه.
متعب:فيني حماس خل نطلع للبحر ونطق.
الكل عجبه الفكره وراحوا جابوا الطبول وبدوا يطقون وكالعاده صار تجمع شبابي وفلوها للفجر وناموا مرت الأيام وهم فالينها راحوا بعدها للامارات واليوم الثاني وصلوا أبو راشد وأبو متعب وأبو يوسف وأبو ريان وأبو عبدالله وأبو صقر الكل مستانس ومتحمس.

لما وصلوا الامارات الكل نام من التعب الا الشباب يحوسون بالمجمعات ولما جا المغرب الكل صحى طلبوا لهم اكل خفيف وطلعوا البنات يتمشون بعد مامروا عليهم الاولاد.
جواهر:دلال شوفي هاللبس حلو مو.
دلال:يب خذيه مره حلو.
مها:عادي أطقم معك.
جواهر:يب عادي وأنتي فدوى تجين معنا.
فدوى وعينها على شخص:لا بروح محل الأكسسوارات وبلحقكم.
جواهر:اوكي براحتك يلا مها دلال.
دخلوا البنات للمحل اما فدوى راحت عند الشخص اللي تناظر فيه من البدايه اللي واقف عند الكوفي ينتظر طلبه.
فدوى:سلام راشد.
التفت راشد باستغراب:وعليكم السلام.
فدوى:اخبارك.
رفع راشد جواجبه ولا رد ولف بياخذ طلبه وطلع جواله اتصل على متعب يسأله عن مكانهم لاكن متعب جاه وفدوى مقهوره وميته قهر رجعت للبنات عشان مايشكون بشي.
متعب:راشد لاتقول لي انها كانت هنا.
راشد بعدم اهتمام:الا.
متعب:قوية عين والله أقول امش بس وانساها.
راحوا اثنينهم عند الشباب وراحوا يتمشون ضاري ويوسف اتصلوا على مها ودلال وكل واحد راح مع زوجته رجعوا بالليل متاخر بعد ماتمشوا البنات حطوا رأسهم وناموا على طول من التعب اما الاولاد ظلوا سهرانين على فلم رعب لما الفجر وهم جالسين يتفرجون دق جوال راشد استغرب من الرقم وطلع يرد.
راشد:الو.
....................:سلام اخبارك.
عقد حواجبه راشد مستغرب من الصوت الانثوي:بخير منو معي.
...................:اممممم وحده تعرفك.
رفع راشد حواجبه:طيب شو تبين.
..................:ابيك تسمعني وتفهمني للآخر مابيك تعصب ولاتزعل.
راشد:سوري ماني فاضي لسخافاتك ولو سمحتي لاعاد تتصلين علي.
..................:لحظه لحظه الله يخليك طيب أنت اسمع شو راح اقولك واتمنى من كل قلبي تفهمني.
تأفف راشد:خير ان شاءالله أعرف تعرفيني أقرب لك تقربين لي.
.................:يب اعرفك وتعرفني بس القرب لا.
سكر راشد بوجهها من دون مايسمع شو تبي يكره هالحركات رجع للشباب وهو متنرفز حط راسه ونام مايبي يفكر بشي.
اليوم الثاني في جناح البنات والأمهات ازعاج وربشه لدرجة الرجال دخلوا عليهم خايفين يحسبون صاير شي.
أبو يوسف:شو صاير شو فيه.
دلال بفرح:مهوي حامل بالشهر الثالث.
ضحكوا الرجال على أنفسهم وطلعوا راجعين لجناحهم وباركوا لضاري وأبو ريان.
ريان:أجل على هاذي المناسبه راح أغديكم على حسابي.
الكل طلع بعد ماتجهزوا عشان يتغدون على حساب ريان اللي فرح من قلب لاخته بعدها طلعوا يتمشون.
راشد:بالله متعب رد وقول ان الرقم غلط ولا طلع أي تصريفه.
متعب:منو هذا.
راشد:وحده سخيفه أمس اتصلت علي مدري مين هي بس مسوية لي قلق.
متعب بحماس:اوكي هات خخخخخ.
اخذ متعب الجوال ويتكلم مثل الهنود راشد ماسك ضحكته بالقوه ومتعب لازال مستمر لما طفشت اللي اتصلت وسكرت بوجهه راشد فجر ضحكته اللي ماسكها وكل اللي حوله يناظرونه سحب راشد متعب لبرا المجمع وكمل ضحك.
متعب:وجع بسك ضحك.
راشد:ههههه خلاص ههههههه بسكت ههههه بس تكفى متعب هههههه ماعاد تعيدها ههههههههه.
متعب:والله انك اهبل.
اخذ راشد نفس عميق ووقف عن الضحك:أقول عطني شريحتك وخذ شريحتي.
متعب:اوكي هات.
تبادلوا الشرايح ورجعوا داخل وكملوا مشي مارجعوا الا متاخر وعلى طول ناموا.
جا اليوم الثاني صحى متعب من بدري وصحى راشد معه وطلعوا مع الشباب وهم في أحد المجمعات رن جوال راشد.
راشد:الو.
....................:الو آآآ وين متعب.
راشد عرف الصوت:هلا جواهر متعب بعيد عني بغيتي شي.
جواهر بحيا وماهي عارفه شو تقول:اممم لا بغيته بشي بس خلاص.
راشد:إذا تبينه اتصلي على رقمي لأن شريحتي عنده وأنا ماخذ شريحته.
جواهر:اوكي شكرا.
راشد:العفو.
سكرت جواهر من عند راشد وعلى طول راحت عند المكيف ودقات قلبها تضرب بقوه وماحست بدلال لما دخلت.
دلال:بسم الله شو فيك جواهر.
جواهر:ها أنا أنتي اللي شو جيبك هنا وين يوسف.
دلال:جوجو حبيبتي صاير لك شي.
جواهر:دلال كلمته والله رد علي ماني مصدقه.
فهمت دلال على جواهر وصارت تضحك وقالت لها جواهر كل اللي صار.
دلال:ياحياتي ياجواهر صدقيني يحبك بس مايحب يبين هالشي.
جواهر:آآآه ياااااااااااارب.
كل الكلام اللي صار وصل لمسامع شخص اللي هي فدوى واقفه عند الباب وهي معصبه ومقهوره وتتوعد بداخلها على جواهر ودخلت وهي تتصنع الابتسامه.
فدوى:ها في حد بيطلعنا.
جواهر:اوف نسيت اتصل على متعب الحين اتصل عليه ويارب يوافق.
دلال:لا خلاص قلت ليوسف والشباب راجعين بس قوموا نتجهز.
قاموا البنات يتجهزون الا فدوى استغلت طلعة البنات اخذت جوال جواهر واخذت رقم متعب اللي هو عند راشد وقامت تتجهز وطلعوا لما جاوا الشباب وراحوا يفطرون.
ريان:راشد جوالك أزعجنا.
راشد:يولي أزعجني.
عبدالله:طيب حطه سيلنت وفك نفسك.
راشد:اوكي.
طلع راشد جواله وحطه سيلنت انتبه للرقم انصدم.
راشد:شباب برد وبجيكم.
بعد راشد عنهم ورد بعصبيه:نعم خير ان شاءالله أنتي من وين تجيبين الرقم تراك طفشتيني.
....................:شوي شوي شو فيك عصبت.
راشد:شوفي لاعاد تتصلين على هالرقم ولا أي رقم لي ترى والله مايحصل لك طيب.
...................:لا الله يخليك لاتسوي شي طيب ليه أنت مو راضي تسمع لي.
هدا راشد نفسه:شو تبين خلصيني.
..................:بصراحه أنا احبك.
تنرفز راشد:حبك جني ان شاءالله أقول لاعاد تتصلين على هالرقم وفكيني وفكي عمرك.
قفل راشد الجوال وهو معصب للآخر رجع للشباب.
راشد:شباب احتمال ارجع اليوم أو بوكرا للرياض.
ضاري:ليه سلامات شو فيك.
راشد:مليت ابي ارجع ولو بقيت هنا أكثر راح انفجر.
ضاري:ادري هالكلام مو من قلبك قول شو فيك شو صاير.
راشد:مافي شي بس ابي ارجع.
متعب:براحتك بس تعال بوريك شي ابي رايك فيه.
راح راشد مع متعب لما بعدوا عن الشباب تكلم متعب:راشد شو فيك لاتقول عشان الاتصالات المزعجه.
راشد:مليت وربي كل مره تجيب رقمي شاك بوحده بس مابي احط بذمتي.
متعب:الله يعينك أجل أنا برجع معك ولا اقولك شو رايك نروح قطر.
راشد:اكيد بيقولون بنروح معك.
متعب:أي والله بس عادي هم في مكان وحنا بمكان وكيفهم ضاري ويوسف يبقون معهم.
ضحك راشد:نذذذذذل.
متعب:شكرا تعال بس تعال كذا طاقه براسي حركه.
ضحك راشد وراح مع متعب رجعوا الفندق بدلوا ملابسهم وراحوا مكان ماالكل موجود.
راشد ومتعب:سلام.
الكل يناظر فيهم باستغراب لأنهم مطقمين وصاير شكلهم ملفت ومااااره حلوين كل اللي حولهم يناظر فيهم.
متعب:راشد شكلي فيه شي غلط.
راشد:لا وأنا.
متعب:لا مافي شي.
ضحك ريان:يبي لك متعب تطول شعرك مثل راشد ولا راشد يقص مثل متعب.
راشد:انسى اقص الا إذا متعب بيطول شعره ماكو مشكله.
متعب:يييع ماحب أطول شعري يصير شكلي غبي.
راشد:ليه قد جربت أنت.
ضحك ضاري:ولا يهمك اوريك صوره وهو صغير مطول شعره هههههههههه.
متعب بصراخ:لاااااااااااااا ليه محتفظ فيها للحين والله لا اخذها وأحرقها.
أبومتعب وهو يضحك:ما شاءالله عليك محتفظ فيها ههههههههه اباخذها أنسخها بس عطني اياها لا رجعنا.
متعب:لا والله لااترك السعوديه واسافر.
أبو متعب:أنت فكر بس تسويها.
متعب:ضاري أنت جرب بس تطلعهم والله لا اوريك.
ضاري:شو بتسوي يعني.
متعب:ياويلك بس.
الكل ضحك على متعب لأنه بجد كان يضحك وهو صغير ومطول شعره لما كبر وشاف الصور حرقهم كلهم ولا درى عن اللي عند ضاري.
راشد:يبا شو رايك نكمل هذا الاسبوع ونروح بعدها لقطر.
أبو راشد:والله فكره حلوه شو رايكم.
أبو ريان:رأيي من رايكم.
أبو عبدالله:توكلنا على الله.
وبالفعل راح الاسبوع وحجزوا لهم على قطر لما وصلوا انقسموا قسمين راشد ومتعب وسامي وأحمد وماجد وريان وعبدالله وصقر مع بعض والباقين مع بعض بس الشباب بين فتره وفتره يروحون عند اهاليهم لما راح اسبوع ورجعوا الرياض طبعا راشد طول ماهو هناك مقفل جواله.
بالرياض الشباب متجمعين بالاستراحه..
متعب:يازين الرياض والله اشتقت لها خخخخخ.
سامي:تراك طفشتنا درينا والله درينا انك تحب الرياض.
متعب:مشكلة اللي ماعنده احساس.
سامي:شوف يامتعب ترا عطيتك وجه بزياده خلاص انثبر.
متعب:شوفوا بس شكلك تبي تتصفق اليوم.
سامي:لالا خلاص توبه توبه بنثبر أنا.
متعب:أحسن لك بعد.
غمز سامي للشباب اللي قاموا بسرعه شالوا متعب ومسكوه بقوه عشان مايهرب ورموه بالمسبح وانحاشوا.
متعب بصراخ:يا حميييييييييير والله لا اوريكم.
طلع متعب وملابسه كلها مبلل مويه راح قفل كل البيبان وطفى عليهم الكهرب ونسم كفراتهم وركب سيارته ورجع البيت تارك الشباب بخوفهم لما جا الصبح راح لهم شافهم نايمين وهم جالسين عند الباب مات ضحك على أشكالهم صحوا كلهم لما انتبهوا لمتعب بس كل واحد قام ماله خلق هواش راحوا ركبوا سياراتهم انتبهوا ان الكفرات منسمه عصبوا ونزلوا من السياره رايحين لمتعب بس مالقوه واضطروا يتصلون على ضاري وريان ورجعوا بيوتهم.
متعب:راااااااشد الحق بسرررررعه.
قام راشد مفزوع:شو فيه شو صاير.
متعب:قوووووم ملااااااااااان.
عصب راشد على متعب قام يبي يضربه بس تذكر شي وهداء قام دخل الحمام خذ له شاور عالسريع وبدل ملابسه وطلع مع متعب واتفقوا على مكان يقابلون فيه الشباب.
أبو ريان:متى راح تزوج متعب يابو متعب.
أبو متعب:خل الولد على راحته كان وده ببنت عمه طيف بس الحمدلله على كل حال.
أبو راشد:طيب زوجه فدوى بنت أبو عبدالله.
أبو متعب:بيني وبينكم والله البنت ماعليها بس حنا عندنا أهم شي الأخلاق وبصراحه أنا كم مره سمعت من أم متعب ومن جواهر ان فدوى ماتصلح لمتعب.
أبو يوسف:ياخذها ويعدلها.
أبو متعب:لا مابي اتعب الولد من البدايه وأم متعب بعد اخاف يصير لها شي خل الولد براحته لا بغى يتزوج راح يتكلم.
أبو ريان:الله يعين يارب وأنت يابو صقر.
أبو صقر:جالسين ندور له والله يعين تعرف الشباب ودلعهم.
الكل:الله يعين.
أبو يوسف:اشوفك تبي تزوج عيالنا وأنت متى بتزوج ولدك.
ابتسم أبو ريان:قريب ان شاءالله قريب.
أبو صقر:وراشد ان شاءالله بعد مايخلص دراسته.
ابتسم أبو راشد:ان شاءالله.
أحمد:اهلا وسهلا ومرحبا بمن اتى.
متعب:ما يحتاج مايحتاج.
أحمد:مين قال اني ارحب فيك أنا ارحب في راشد.
راشد:تسلم تسلم.
متعب:مالت عليكم أثنينكم أقول اليوم ابي اتعشى بمطعم شي شي ونفسي بمشاوي كذا شي خيال شو رايكم.
الشباب ابتسموا ابتسامة خبث بس ما انتبه متعب.
متعب:بس كل واحد يدفع لنفسه.
الكل:توكلنا على الله يلا.
وبالفعل راحوا مطعم فخم وطلبوا لهم أشياء كثيره ومنوعه وجلسوا اكل وسوالف وطنازه يوم جا وقت الدفع.
متعب:شباب بروح اغسل مين يجي معي.
غمز لهم سامي وقام مع متعب يغسلون والشباب طلعوا لما طلع متعب وسامي رجعوا مكانهم بس سامي طلع بدون مايدري متعب.
متعب:الأنذااااااال حسبي الله عليهم انحاشوا وبيخلوني ادفع أنا اوريهم الحمير حتى سامي النذل هرب.
جات الفاتوره انصرع متعب من السعر بس دفع وطلع ما لقى حد من الشباب حتى راشد ركب سيارته وهو يسب ويتوعد فيهم لما رن جواله رد بعصبيه من دون مايشوف الاسم.
متعب:نعم خييييير.
أم متعب:قص ان شاءالله بلسان العدو حد يرد على امه كذا.
متعب انننحرررج مررررره:معليش يالغاليه حسبالي واحد من الشباب لأنهم تو مسوين فيني مقلب.
أم متعب:تستاهل وين راشد بس.
متعب:انحاش مع الشباب والله.
أم متعب:تستاهل تعال بس تعال رجع عمتك للبيت.
متعب:ابشري.
سكرت أم متعب ومتعب عصصصب زياده أسرع لبيتهم اخذ عمته أم راشد ورجعها البيت وعرف ان راشد موجود نزل له وهو معصب مره فتح غرفة راشد بقوه فاجئه تششششش راشد عارف ان متعب راح يجي وجهز سطل المويه فوق الباب.
متعب بصراخ:ياحمااااااااااااار ياراشد.
راشد متخبي ورا الباب وماسك ضحكته هداء متعب بعد ماقدر يلقى راشد اخذ لبس من دولاب راشد وبدل وطلع.
راشد:حلوه المفاجئه صح هههههههههههههه.
متعب:والله انك نذل.
راشد:تعال بس تعال ندخل المنتدى له فتره ترى.
جلس متعب مع راشد على الاب وفتح المنتدى والمسن وطلع له صفحه من أحد الموجودين بالمسن شكله كاتب له كلام من قبل.
(والله احبك والله احبك ويشهد الله علي):سلاااام اخبارك راشد والله وحشتني.
(والله احبك والله احبك ويشهد الله علي):ليه ماعاد اشوفك ولا اقدر اسمع صوتك وحشتني ووحشني صوتك.
متعب:اوف اوف منو هذا العاشق الولهان.
راشد بعصبيه:أنا نفسي أعرف منو.
(والله احبك والله احبك ويشهد الله علي):راشد أنا بقول لك منو أنا بس الله يخليك لاتسوي مشكله وأنا كل اللي ابيه انك تكون لي أنا وبس.
(والله احبك والله احبك ويشهد الله علي):إذا تبي تعرف منو أنا اشوفك الساعه ١٠ بالليل عالمسن.
متعب:باقي نص ساعه.
راشد:والله لا اخليها تندم بس لأنها فكرت تتصل.
متعب:استهدي بالله يا راشد ولا تتهور وخلينا نشوف شو عندها الا على فكره بعطيك لابي بوكرا ابيك تحمل لي برامج.
جلسوا راشد ومتعب يحوسون بالمنتدى وبالنت لما جات الساعه ١٠ تماما دخلت.
(والله احبك والله احبك ويشهد الله علي):مساء الخير.
راشد:وجع نفسي اطلع لها واذبحها.
متعب:لالا لاتخربها من البدايه امش معها بالكلام.
(الحياة فانيه):مساء النور.
(والله احبك والله احبك ويشهد الله علي):اخبارك راشد سوري على الازعاج وأنا عارفه انك متحمس تعرف منو أنا.
راشد تنرفز بس متعب جلس يهدي فيه.
(الحياة فانيه):تمام بس ممكن أعرف منو معي.
(والله احبك والله احبك ويشهد الله علي):اممم ماراح أطول عليك أنا فدوى.
انصدموا راشد ومتعب.
(الحياة فانيه):فدوى اخت عبدالله آل ..............
(والله احبك والله احبك ويشهد الله علي):يب بس راشد الله يخليك ماقلت كذا الا اني واثقه انك لي وأنا لك لاتخيب ظني فيك.
ابتسم راشد باستهزاء:واثقه من نفسها بس والله لا اوريك.
(الحياة فانيه):اوكي بس مظطر اطلع الحين واتمنى اشوفك الساعه ١٢.
(والله احبك والله احبك ويشهد الله علي):اوكي حبيبي راح انتظرك.
تنرفز راشد وفصل سلك الاب وطلب من متعب يتصل على عبدالله ضروري يجي يقابله بالبيت.

مجهوله في زمن ©؛°¨غرامي مشارك¨°؛©

عبدالله:السلام عليكم.
راشد ومتعب:وعليكم السلام.
عبدالله:مسرع اشتقتوا لي خخخخخ.
متعب:مدري شو ابي في خشتك يالحرامي.
ضحك عبدالله:أجل شو تبون فيني.
راشد:احم أنا اللي ابيك صراحه الموضوع ما يتأجل.
عبدالله:قول راشد أنا اسمعك.
راشد:آسف عبدالله على اللي بقوله لك ولا تمنيت توصل لكذا ولا ابي تصير مشاكل بسببي بس أنا اكره ماعندي هالشي.
استغرب عبدالله كلام راشد وتخوف منه:كمل ولا راح يصير الا كل خير ان شاءالله.
قال راشد لعبدالله كل شي ووراه المحادثات واتصالاتها عبدالله بداخله يغلي غلي بس اعتذر لراشد بقوه وهو منحرج منه وطلع سيده للبيت يشوف شغله مع فدوى.
متعب:والله ماتخيلتها توصل لكذا.
راشد:ولا أنا ولا كنت ابي توصل كذا بس تستاهل اللي يجيها.
ضحك متعب:عاد أنت ومع هالنوعيه من البنات مافي تفاهم مثل طيف.
ابتسم راشد وجلس مع متعب لما راح متعب بيتهم وراح راشد ينام.
مرت الاجازه سريعه وحلوه عند البعض ومو حلوه وبدت الدراسه والكل متحمس لها لاكن قبل الدراسه بأسبوعين.
ريان:ها يبا اتصلت عليهم.
ابتسم أبو ريان:ايوه وان شاءالله بوكرا نروح لهم.
أم ريان بفرح:الله يوفقك ويسعدك يارب دنيا وآخره.
ريان:آآآآآمين يلا أجل استأذن بروح انام تصبحون على خير.
أم وأبو ريان:وأنت من اهله.
راح ريان ينام وهو طاير من الفرح أخيرا الشخص اللي تمناها راح تكون له جا اليوم الثاني صحى من بدري نزل شاف امه وابوه.
ريان:السلام عليكم.
أم وأبو ريان:وعليكم السلام.
أم ريان:تعال حبيبي افطر.
أبو ريان:ما شاءالله عليك صاحي بدري ولا كل هذا حماس.
ضحك ريان راح باس رأس امه وابوه وجلس يفطر.
أم ريان:خله يستانس فديته والله.
ابتسم أبو ريان:أجل خلك جاهز على المغرب.
ابتسم ريان وهو يحك راسه:ماكنه مده طويله للمغرب ليه مو العصر ولا الظهر.
ضحك أبو ريان على ولده:اركد اركد ماراح تطير البنت.
ابتسم ريان وخلص فطوره عالسريع:بطلع الحين تامروني على شي.
أم وأبو ريان:سلامتك بس انتبه لنفسك.
طلع ريان بعد مااتصل على الشباب وقابلهم.
....................:تعالي حبيبتي تعالي جنبي.
جلست جنب ابوها وهي مستغربه:هلا بابا بغيت شي.
...................:تعرفين حبيبتي ان البنت مصيرها بيت زوجها مو.
حمر وجهها مره وهزت رأسها بالموافقه.
...................:الحين أنتي كبرتي والكل يتمناك وهذا أبو ريان أمس كلمني يبيك لولده ريان.
انصدمت مره تحس انها بحلم مو هذا اللي تتمناه.
...................:بس بابا أنا ........
قاطعها بحنان:حبيبتي إذا تبين رضاي عليك وافقي لو اني ماعرف ريان زين ماكان قلت لك كذا مثل ماقلت لك إذا تبين رضاي عليك دنيا وآخره وافقي.
طلع من دون مايسمع ردها حست انها لسا بحلم مو مستوعبه لما جات امها ضمتها وجلست تمسح على رأسها.
...................:حبيبتي ابوك يعرف مصلحتك أنسي اللي ببالك وفكري في رضى ابوك والله راح يوفقك حبيبتي.
هزت رأسها بالموافقه وقامت بتروح غرفتها.
....................:حبيبتي خليك جاهزه راح يجون بعد المغرب.
متعب:خخخخخ غار من يوسف وضاري خخخخخخ.
ريان:بالله متعب منو مثلك بالعيله على منو طالع.
متعب يأشر على راشد:ذا.
راشد:أنا يالظالم وبيني وبينك سنتين.
متعب:قصدك سنتين وثلاث شهور واسبوع ونص.
صقر:ول ول وحاسبها بعد.
ضحك متعب:مدري احس اليوم شي مدري شو كذا احساس واحد رااايق تدرون عاد نفسي اسبح ولا اركب خيل.
راشد:على طاري الخيل خل نروح الشرقيه قبل تخلص الاجازه.
ريان:اسف ماراح اروح معكم.
متعب يسوي نفسه معصب:مو على كيفك تروح ورجلك فوق راسك.
ريان خاف:طيب طيب بروح بسم الله علينا والله انك تخوف.
صقر:طيب ماودكم نروح نادي للسباحه.
متعب:الا يلا تراني متحمممس.
ضحكوا الشباب على حماس متعب وراحوا النادي.
بعد المغرب...
أبو يوسف:حيا الله من جانا.
أبو ريان:الله يحييك ويبقيك.
أبو يوسف:اخبارك يا معرسنا.
ريان:بخير الحمدلله أنت اخبارك.
أبو يوسف:الحمدلله بخير.
يوسف:مين قدك بتاخذ اختي.
ريان بغرور:تحصل مثلي أساسا.
ضحك يوسف:مو لايق عليك ترى.
أبو يوسف:يحق له يغتر دام أبو ريان ابوه ومربيه.
ريان:تسلم ياعم.
أبو يوسف:روح يوسف شوف اختك.
راح يوسف شاف لجين جاهزه نزل معها ودخلت لريان وهي متوتره وترجف.
لجين بهمس:السلام عليكم.
ريان:وعليكم السلام اخبارك لجين.
لجين بهمس يالله ينسمع:بخير.
يوسف:شوف بخلي لك لجين خمس دقايق بس قابله للنقصان لا للزياده بس ياويلك تسوي شي منا ولامناك.
لجين بدون شعور:لا يوسف خلك.
ريان:ليه لجين تراني مو وحش.
استحت لجين ونزلت رأسها طلع يوسف وخلى لجين وريان جلس ريان وجلس لجين جنبه.
ريان:ليه لجين ماتبيني.
لجين ميتا حيا تحس بحراره بكل جسمها من قرب ريان ولا ردت.
ريان:شو فيك لجين خليني اشوفك واسمع صوتك قبل يجي يوسف ويطردني من بيتكم.
ضحكت لجين وابتسم ريان:حد قالك قبلي انك قمر.
استحت لجين ماحسوا الا بالباب ينفتح بقوه.
عبدالله:يلا يقول يوسف راحت خمس دقايق.
هربت لجين وهي ميته ضحك على اخوانها وريان انقهر وده يخنق عبدالله ويوسف.
ريان:وجع ماتعرف تدق الباب قبل تدخل.
عبدالله:لاماعرف يلا قوم لجين راحت.
ضحك ريان على عبدالله وراح عند الرجال وحددوا الملكه والخطوبه نهاية الاسبوع بعد ماعرفوا موافقة لجين الكل بارك وفرح لها مره وجا نهاية الاسبوع وصارت الملكه من اروع مايكون وسافروا الشباب للدمام ورجعوا قبل بداية الدراسه.
متعب:السلام عليكم.
سالم:وعليكم السلام نورت المحل.
متعب:ادري خخخخخ لولا الله ثم أنا كان خسرت خخخخخ.
سالم:ياخي أنت تقهر نفسي اصفقك.
متعب:أقول تراني عطيتك وجه أنا المهم ابي فلاش مومري.
سالم:مالك كم شهر شاري واحد وين راح.
متعب:مدري ضاع هع.
سالم:الله يعينك على نفسك الا أخبار راشد.
متعب:بخير الحمدلله.
سالم:تعال بقولك شي بس لاتعصب.
متعب:شو.
سالم:لابك قبل كم يوم جابه راشد وباعه.
انصدم متعب:لابي أنا متأكد.
سالم ماسك ضحكته بقوه:ايوه صراحه أنا استغربت بس ماحبيت اتكلم.
متعب مو مصدق:طيب وينه الحين.
سالم:بصراحه بعته.
متعب حس الدنيا تدور فيه بس مسك نفسه وطلع وهو معصب وسالم يناديه بس متعب ماسمعه وراح بسرعه لبيت راشد شافه نازل من السياره بيدخل البيت بس وقف لما شاف متعب وراح بيسلم عليه بس متعب نزل بكل عصبيه ومسك راشد من بلوزته ودفه لما صدم بباب السياره وراشد مستغرب من متعب.
متعب بعصبيه:ليه سويت كذا جد انك نذل حقير.
راشد مو مستوعب اللي صاير:متعب شو فيك شو صاير.
متعب بصراخ:وتسألني ياحيوان وأنت تعرف ان الاب مهم بالنسبه لي وعزيز علي ليه سويت كذا ليه.
راشد استغرب من كلام متعب:أنت اللي قايل لي مو أنت تبي احمل لك برامج.
متعب فقد اعصابه وضرب راشد كف وصرخ:قلت لك حمل برامج مو تبيعه.
راشد مصدوم من الكف والكلام اللي قاله متعب عصب راشد ودف متعب اللي طاح.
راشد:من متى وأنا اتصرف على كيفي ولو بعته بقول لك مو اهبل أنا.
متعب:لا تبرر لي وتسوي نفسك عارفك زين أنا انك نذل وحقير عارف ان الاب من طيف وهو غالي علي بس أنت نذل.
عصب راشد ومو مصدق اللي يصير راح بيضرب متعب بس تجمعوا شباب ومسكوهم قبل لايصير شي فك راشد نفسه من الشباب ودخل البيت وضرب باب غرفته بقوه اللي خلا أم وأبو راشد يركضون لولدهم اما متعب رجع البيت وهو معصب ودموعه على خده اغلى شي بقى له من طيف انباع راح بهالسهوله.
أم راشد:راشد حبيبي افتح الباب الله يخليك لاتخوفني عليك.
راشد مقفل الباب ولا يرد على أحد.
أبو راشد:راشد افتح الباب لاتخوفنا عليك راشد.
أم راشد وهي تبكي:راشد تكفى افتح الباب.
أبو راشد:خليه يرتاح وراح نجيه بعد شوي.
راحت أم راشد وقلبها على ولدها خايفه عليه.
راشد"مين الحمار اللي قاله اني بعته حسبي الله عليه آآآه يارب متعب ليه يسوي كذا مابعته كيف أفهمه كيف وكيف يكون من طيف آآآه يارب ارحمني.
أنسدح على السرير وهو مقهور معقوله كذا بتكون نهاية راشد ومتعب.
اما متعب اللي ميت قهر وهو مو عارف يصدق راشد ولا سالم وهو مو مصدق ان كذا راح تكون نهايته مع راشد.
ضاري:راشد افتح الباب تكفى.
فتح راشد الباب انخرع ضاري من شكل راشد.
ضاري:راشد شو فيك شو صاير.
راشد:تضاربت مع متعب اليوم.
ضاري انصدم ومو عارف شو يقول بس راح راشد طلع الاب وعطاه ضاري.
راشد:تكفى ضاري عطه متعب وقول له مو أنا الحقير اللي اتصرف بكيفي ولا كنت عارف من الأساس ان هذا الاب من طيف.
ضاري:ليه شو صار.
قاله راشد اللي صار ضاري انصدم مره بس راح لمتعب وعطاه الاب وقاله شو قال راشد اللي الصدمه شلت متعب.
ضاري:الله يهديك يامتعب المفروض ماتسرعت كذا.
متعب وهو شبه منهار وبصراخ:هذا سالم الله لا يسامحه دنيا وآخره الله لايسامحه.
وصار يبكي بحرقه اللي سواه مو سهل واللي صار شي مو سهل ابد راشد تؤامه الثاني.
تنهد ضاري:لا تقول كذا يامتعب بس روح اعتذر لراشد وروح لسالم وشوف ليه سوا كذا.
متعب ودموعه على خده:سالم لو بروح له بقتله بذبحه باي وجه اروح لراشد بعد كل اللي صار شو اسوي إذا ماسامحني كيف اعيش بدون راشد اللي عايش معه طول عمري أنا وياه.
سكت ضاري وهو عارف اللي بين راشد ومتعب مو شي سهل واللي صار هدم كل شي حلو صار بسبة مزحه مو مقصوده ومتعب حس روحه بتطلع مو عارف شو يسوي وكيف يعتذر لراشد توأمه ونصف روحه.
صحى راشد اليوم الثاني حس نفسه مخنوق طرى بباله اللي صار أمس انخنق زياده.
راشد"اليوم الاربعاء ماراح اروح الجامعه يوم واحد غياب مايضر.
قام راشد اخذ اغراضه وطلع ركب سيارته وبكل سرعه أبعد عن البيت وقامت أم راشد مفزوعه من صوت السياره وراحت تركض لغرفة راشد مالقته صارت تصرخ وتبكي مو مصدقه وصارت تدور بكل البيت.
أبو راشد:بسم الله عليك بدريه شو فيك.
أم راشد وهي تبكي:راشد راشد راح الله يخليك رجعه من لي بعده طيف وراحت وفواز قبلها والحين راشد لا لا رجع لي راشد راااااااااااشد.
أغمي على أم راشد وهي تبكي على ولدها راح أبو راشد بسرعه وداها المستشفى واتصل على ضاري.
أبو راشد بخوف وتوتر:ضاري تكفى روح دور على راشد طلع الصبح وأم راشد مغمي عليها.
انخرع ضاري:ابشر بروح ادوره بس طمني على اختي الله يخليك.
أبو راشد:لا ان شاءالله بخير بس شوف وين راشد.
سكر ضاري من أبو راشد وراح بسرعه عند متعب.
ضاري وهو متوتر:متعب مااتصلت على راشد.
متعب خاف ان صاير شي:لا ليه شو صاير.
ضاري:طلع راشد الصبح وامه أغمي عليها ولاهم عارفين وين راح.
قام متعب مثل المجنون:راشد لا تكفى ضاري لاتقول صاير له شي.
ضاري:متعب اهداء ان شاءالله ماصار له شي بس قوم ندور عليه.
طلع متعب مع ضاري يدورون راشد بكل مكان يتوقعون وجوده فيه واتصلوا على اصدقائه مالقوه وصاروا يدورونه لين المغرب بدون فايده.
ضاري بعصبيه:مجنون جد مجنون كيف يطلع كذا ولا يقول لاحد وأنت بعد سخيف يامتعب تسوي كل هذا عشان لاب.
متعب خلاص حس روحه بتطلع بينجن يبي يعرف مكان راشد.
متعب تذكر شي وكنه غرقان لقى خيط يتشبث فيه:الدمام اكيد راح الدمام.
ضاري:امش يلا نروح الدمام.
ركبوا اثنينهم السياره ومشى متعب بسرعه.
أم راشد قامت مفزوعه:راشد ولدي راشد وينه وينه.
أم متعب:اهدي يام راشد راح يلقونه ان شاءالله اهدي.
أم راشد وهي تبكي:كيف اهداء وراشد بيروح مني كيف راح فايز وبعده طيف والحين راشد لا لا راشد وينك ياولدي وينك.
أم ريان:اهدي حبيبتي أم راشد وتعوذي من ابليس وادعي له.
جلسوا الحريم يهدون أم راشد وهي مقطعه نفسها من البكي.
مها:خلاص حبيبتي جواهر اهدي ترى خالتي أم راشد مره تعبانه اهدي.
جواهر:كيف تبيني اهداء بالله كيف.
دلال:جواهر حبيبتي اهدي لاتتعبين وتتعبين أم راشد معك.
راحت اميره تضم جواهر وهي تبكي:جواهر لاتبكين راشد بيرجع وراح يتزوجك ولا ترى اقوله جواهر تبكي ولايتزوجك.
ابتسمت جواهر من بين دموعها وضمت اميره وهي تبكي.
ضاري ومتعب ماسكين خط الدمام ومسرعين وفاجئه طلعت قدامهم شاحنه.
ضاري بصراخ:متعب انتبه للشاحنه.
سحب متعب فرامل بقوه ووقف وهو يرجف ويحس الدنيا تدور فيه ومو مستوعب اللي صار.
ضاري:متعب أنت بخير.
متعب ساكت لسا بصدمته.
ضاري:متعب تعال مكاني وخلني اسوق قوم.
قام متعب وهو يسحب رجوله وتبادلوا الاماكن ومشى ضاري لما وصلوا الدمام صاروا يدورون راشد بكل مكان لما صارت الساعه ١.
ضاري:متعب خل نرتاح شوي وناكل شي يسد جوعنا وبوكرا نكمل الوقت تأخر.
متعب:لا أنا بظل ادور عليه.
ضاري:براحتك.
نزل ضاري للفندق وكمل متعب يدور راشد.
متعب:آآآه ياراشد سامحني سامحني والله اني غبي بس ماقدرت امسك نفسي الله يخليك راشد اطلع.
ظل متعب يدور راشد لما اذن نزل يصلي ورجع يدور على راشد.
راشد قدام البحر يتألمه"آآآه يارب ليه أنا كذا كيف صرت كذا تعبت والله تعبت استغفر الله استغفر الله الحين اكيد أمي تحاتيني وابوي بس ماقدر ارجع ولا ابي ارجع.
مر متعب عند البحر ولمح راشد ماصدق عيونه وقف السياره ونزل يركض لراشد وينادي باسمه.
متعب:راشد راشد.
لف راشد بدون أي تعابير بوجهه لما جا متعب بيضمه بس راشد ضربه كف قوي خلاص يطيح بالارض اللي صدم متعب وظل يناظر في راشد مو مستوعب اللي صار.
راشد:ليه جيت تدور علي مو أنا الحقير النذل ليه جيت.
متعب:راشد أنا آسف سامحني.
مد راشد يده لمتعب وخلاه يوقف وضموا بعض وراشد يعاتب متعب ومتعب يعتذر له بعد عنه راشد.
ابتسم راشد:تدري انك غبي.
متعب:ادري وسامحني تكفى.
راشد:سامحتك أساسا كيف بعيش بدونك.
متعب ضحك:ادري ماتصبر علي.
ضحك راشد:شكلك جاي لحالك.
تذكر متعب ضاري:ياويلي شوف أنا برجع الرياض وأنت روح لضاري لأنه لو شافني ذبح بدون تفاهم عاد هنا شوف وين اصير معك مره ثانيه.
ضحك راشد وضرب متعب من راسه:أقول لاتتفاول على نفسك وتعال معي بس.
ابتسم متعب:تدري لو مالقيتك جد كان انجنيت.
راشد:متعب خلاص انسى اللي صار وخلينا نروح لضاري.
راحوا اثنينهم لضاري اللي شافوه جالس على أعصابه.
راشد:سلام.
رفع ضاري راسه يناظر راشد مو مصدق انه قدامه.
ضاري:أنت راشد حقيقه ولا خيال.
راشد:لا أنا الجني حقه.
قام ضاري ضمه بكل فرح:يا مجنون أنت شو سويت امك طاحت علينا بالمستشفا.
انخرع راشد:من جدك أنت تتكلم.
ضاري:أي والله خلونا نرجع بسرعه شكلهم مافيهم صبر.
راشد:بسرعه يلا.
ضاري:وين وين رايح.
راشد:برجع بسيارتي.
ضاري:باحلامك تعال بس تعال تبي تسوي لنا مثل متعب أمس.
سحب ضاري راشد وركبوا السياره ومسكوا خط الرياض.
راشد:ليه شو صار.
ضاري:كان بيصدم الاهبل.
متعب:لاتذكرني تكفى.
ضاري:الحمدلله انك مانجنيت ولا مت علينا.
متعب:اخوي ولا تبيني اسوي شي.
ابتسم ضاري:بعدين تعال يااهبل ليه ماتصلت علي لما لقيت راشد.
متعب:آآآ لقيته وجيتك صح راشد.
ضحكوا راشد وضاري واتصل على أبو راشد وقاله انهم لقوا راشد بس وصاه مايقول لام راشد ووصلوا للرياض وراحوا المستشفى على طول ودخل على غرفة امه اللي الكل كان مجتمع هناك أول مادخل راشد ركض لامه وهي مو مصدقه ان راشد رجع ضمته بكل قوتها ماتبي تفقده وصارت تعاتبه وهي تبكي باس رأسها ويدها وظل معها لما هدت امه بس ماخلته يروح ويبعد عنها لما دخلوا الرجال قام راشد بيسلم على ابوه بس تفاجئ والكل تفاجئ من الكف اللي عطاه أبو راشد لراشد انهبلت أم راشد بس ماقدرت تقوم ولاتتحرك.
أبو راشد بعتب:كذا تسوي فيني وفي امك ياراشد.
بكى راشد بصمت وضمه أبو راشد وصار يعاتبه الكل تأثر من الموقف وعد راشد ابوه وامه انه ماراح يصير هالشي وطلعت أم راشد من المستشفى وسووا حفلتين لام راشد وراشد وطول الوقت راشد مع امه مو راضيه تخليه دقيقه وحده راح هاليوم اللي الكل فرح فيه بالذات جواهر.
اميره:راشد تعال بقول لك سر في اذنك.
متعب:اوووخس يالمهم روح بسرعه روح.
صقر:وجع أنت متى تعقل.
متعب:أنا عاقل من يوم يومي بس ماحد فاهمني.
أبو متعب:ماراح تفهمك الا زوجتك بس أنت تزوج.
متعب:آآآ نسيت جوالي بالسياره بروح اجيبه.
طلع متعب ركض والكل يضحك عليه.
راشد:شو فيك اميره.
اميره تهمس بإذن راشد:تدري ان جواهر لما رحت بكت.
ابتسم راشد:ليه.
اميره:خافت عليك مره وأنا قلت لها لاتبكين إذا رجع راشد بيتزوجك.
انصدم راشد وحس بقلبه يدق بقوه:طيب شو قالت هي.
اميره:ابتسمت وقامت تبكي.
راشد:اهااا خلاص حبيبتي ادخلي ولاتعلمين حد بهالكلام.
هزت اميره رأسها بالموافقه ودخلت تركض على انها برابع الا انها لسا طفله فيها برائه طفوليه الكل يحبها.
اما راشد ظل واقف لسا مصدوم من كلام اميره.
راشد"أنا اتزوج جواهر يعني هي والكل مأملين اني اتزوجها لاكن كيف مستحيل يصير هالشي.
متعب:بوووووووووووه.
اخترع راشد:بسم الله أنت من وين طلعت.
متعب:من الجدار خخخخخخ شو تسوي هنا.
راشد:ياشين اللقافه.
عبدالله:راشد تعال خالتي أم راشد تبيك.
راح راشد ركض عند امه.
أم راشد بخوف:وين رحت راشد خوفتني عليك.
راشد:آسف يما ماعاد اطلع مره ثانيه الا لما أقول لك.
أم راشد:تعال حبيبي تعال تعشى.
راشد:يؤ يما كيف ادخل مع الحريم.
أم راشد:كلنا راح نكون مع بعض وأنا راح أاكلك بيدي.
راشد منحرج:لا يما مو قدامهم على الأقل مايصير.
أم راشد:شو علي فيهم ولدي وابي أاكله.
جلسوا أم راشد وراشد على الطاوله وصارت أم راشد تاكل راشد اللي منحرج الكل ماعلق وعادي عندهم الا متعب اللي مو مخلي راشد بحاله.
متعب:خلاص أنت عاجبك الوضع قوم.
أم راشد:انثبر أنت ماعليك منه راشد كل كل فديتك.
ضحك متعب:وأنا يما اكليني.
الكل ضحك على متعب وهباله اللي مو راضي يسكت.
أبو متعب:تزوج وزوجتك تأكلك.
متعب:يبا شو فيك علي اليوم الا تبي تزوجني.
راشد:خل نفتك من خشتك.
متعب:أنت آخر من يتكلم.
أم راشد:شكلك تبي تنطرد اليوم.
متعب يسوي نفسه يبكي:شفت يا متعب كيف ماحد يحبك قوم بس قوم واذهب بعيدا حتى لايرى أحد خشتك.
الكل ضحك على متعب اللي وقف كنه بيطلع.
اميره:لا تعال متعب أنا احبك.
متعب:يافديت اختي والله.
جلسوا كلهم يسولفون وضحك مع هبال متعب وراشد وناموا بالاستراحه.
راح راشد ومتعب لسالم في المحل واعتذر لهم عن اللي صار وقال لهم انه هو يمزح ونادى متعب قبل يطلع بس طلع وسامحوه بس لسا مقهورين منه ومرت الأيام سريعه وحلوه لما جا اليوم اللي الكل ينتظره.
أم ريان تركض بالمستشفا تبي تشوف بنتها ودموع الفرح على خدها.
أم ريان:الحمدلله على سلامتك حبيبتي اخبارك الحين.
مها بتعب:الحمدلله بخير.
أم ريان:مبروك حبيبتي مبروك وين ولدك خليني اشوفه.
مها:شوي يجيبونه.
سكتت مها الا الممرضه داخله بولد مها اللي ولدته قبل كم دقيقه ودخل بعدها ضاري جايب باقة ورد كبيره.
ضاري:الحمدلله على سلامتك حبيبتي.
ابتسمت مها:الله يسلمك يارب.
جلس ضاري جنب مها وباس رأسها وهو طاير من الفرح.
ضاري:وين سيف حبيبي.
ابتسمت أم ريان وأعطت سيف لضاري:راح تسمونه سيف أجل.
ضاري:ان شاءالله.
دخل أبو ريان وريان سلموا على مها وتحمدوا لها بالسلامه وخلوها ترتاح وطلعت اليوم الثاني والكل كان باستقبالها ومسوين حفله ومجهزين غرفتها.
جواهر:الحمدلله على السلامه قلبو.
مها:الله يسلمك يارب.
جواهر:عنونهم يا ناس يدنن يشبه خالي مررررره.
دلال:يلا بولد أنا بعدك وبنخليك لحالك.
جواهر:لا راح تجيبين بنوته عشان سيوف يتزوجها خخخخخ.
ضحكت مها:ما شفتي شو نوع الجنين.
دلال:لا ولاابي اشوف.
مها:ليه.
دلال:كذا مابي خليه مفاجئه لي.
مها:الله يعين يارب.
مرت الأيام ولدت دلال وجابت بنوته قمر سموها فرح والكل فرح لها وتمر الأيام سريعه وراحت السنه وجات الاجازه وراحت وبدت السنه الثانيه وتمر معها الاحداث.
أحمد:مليييييييت وربي مليت ليتني سافرت وكملت برا.
راشد: أحمد ووجع شو فيك كل ذا عشان دراسه.
ماجد:طول عمره يكره الدراسه بس لا جا نهاية السنه ينجح.
أحمد:آآآآآح لاتذكرني والله ان ابوي يقعد فوق راسي لما اصم الكتاب صم ولا لو علي تشوفني برا البيت.
ضحك سامي:والله لو تشوفونه هو وعمي ههههههه ومعه خيزران ههههههههه.
أحمد:أقول انثبر بس والله اجي بنتيجه مو مثلك.
الكل ضحك على أحمد.
راشد:أقول شو رايكم يوم الخميس نتقابل بالاستراحه.
عبدالله:ونشوي بعد.
راشد:الا صح سامي خلصوا العمال بناية الغرفه.
سامي:ايوه أمس رحت شفتها خالصه.
أحمد:حلووو أجل أنا بروح اشتري طاوله البلياردو والأشياء هاذي.
ضحك راشد:اكيد تبي تنحاش من البيت.
أحمد:والله مليت من كثر ماني صاير سواق رايح جاي خل رائد ينفعهم شوي.
راشد:اوكي أجل أنا بروح معك ونجهزها ويوم الخميس راح يكون كل شي جاهز ان شاءالله.
الشباب كلهم جمعوا مبلغ وسووا استراحه لهم مجهزه بكل شي بقت غرفة الألعاب خلصوها وراح أحمد مع راشد يجهزونها.
أحمد:أقول شو رايك نحط بعد حق الاثقال واللياقه ومن هالحركات.
راشد:والله فكره حلوه خلاص خلني على هالأشياء وأنت الباقي.
أحمد:اوكيشن.
وبالفعل ماجا يوم الخميس الا كل شي جاهز وتجمعوا الشباب كلهم وجا صقر وريان معهم.
عبدالله:حيا الله صقر وريان.
ريان وصقر:الله يحييك.
أحمد:رياااان هنا خخخخ متى تتزوج وتفكنا من خشتك.
ريان:على قلبك خخخخخ.
أحمد:عسل والله عسل.
راشد:ها عبدالله كل شي جاهز.
عبدالله:افا عليك.
راشد:أجل منو يسابقني بالخيل قبل نشوي.
متعب بحماس:أنا أول واحد وبسبقك ان شاءالله.
سامي:وأنا معكم على اني مو مره مع الخيل.
تسابقوا الشباب وشووا وسهروا مع بعض وناموا بالاستراحه كان يومهم مره ممتع.
دلال:مها شوفي ولدك المجرم.
ضحكت مها:شو سوا بعد.
دلال:كالعاده يضرب فرح ويهرب.
مها:ليه سيف تضرب فرح حلوه.
ضحك سيف وراح جلس بحضن امه ويأشر على فرح.
مها:يلا روح بوس فرح.
قام سيف باس فرح بقوه واخذ بيدها وطلع بالحديقه.
دلال:ياحبني له هالولد.
مها:وبنتك بسم الله عليها عسل.
جواهر:الله يخليهم لكم يارب.
مها ودلال:آآآمين وعقبالك يارب.
استحت جواهر بس كنها مو مهتمه:باحلامك.
أم راشد:البسوا عباياتكم يابنات الشباب بيدخلون.
هنا رجفت جواهر ووجهها حمر دلال ومها ضحكوا عليها دخلوا الشباب وهم يضحكون على راشد ومتعب اللي يركضون مين يوصل أول بس لما وصلوا عند الباب سووا نفسهم عاقلين وناظروا ببعض وصاروا يضحكون راحوا سلموا على امهاتهم والبنات وجلسوا.
راشد ومتعب بنفس اللحظه:جوعاااااان متى الغداء.
الكل ضحك الا راشد ومتعب كل واحد يرمي نظرات على الثاني.
أم متعب:الحين بنحطه بس اصبروا شوي.
ضاري:بالله مالاحظتوا شي.
الكل التفت على ضاري اللي أشر على راشد ومتعب.
ضاري:طال شعر متعب وصاروا كنهم توائم.
الكل ناظر بمتعب وراشد اللي لابسين مثل بعض وشعورهم مثل بعض وضحكوا.
يوسف:والله توني ألاحظ وراشد مطول شعره زياده لين كتوفه.
أم راشد:يبي لنا نمسكهم ونقص شعرهم يمكن يعقلون.
راشد ومتعب بصراخ:لاااااااااااااا.
الكل ضحك على متعب وراشد اللي مو راضين يهجدون.
راشد:إذا بتقصون شعر متعب كيفكم أنا لا.
متعب:مو على كيفك يقصون شعرك أنت أنا لا.
راشد:لا والله منو اللي مطول شعره من الأول أنا ولا أنت.
أم متعب:قوموا بس قوموا جهز الغداء.
قاموا متعب وراشد بسرعه لغرفة الطعام كل واحد يبي يسبق الثاني لما دخلوا شافوا آبائهم جالسين.
أبو راشد:انتوا متى تعقلون متى.
أبو متعب:قايل لك نزوجهم عشان يعقلون.
متعب وراشد:لالالالا تكفون الا الزواج لا.
أبو راشد:مو على كيفكم ويلا عقاب لكم مافي غداء اليوم حتى تعقلون.
راشد ومتعب نزلوا رأسهم وطلعوا وكل واحد يحط السبب بالثاني.
متعب:دايم مايجيب المشاكل الا أنت.
راشد:والله أنت مو أنا.
متعب:بالله قولي الحين شو نسوي ميت جوع وماراح يخلونا ناكل آآآخ لو اصفقك بس.
راشد:أقول تعال بس تعال كذا فيني حره ابطلعها.
متعب بحماس:يلا أجل أنا معك.
مايتوبون ابد بس نفذوا خطتهم راحوا لبسوا ثياب وتلثموا ولبسوا نظارات سوداء وراحوا من ورا بيت متعب ودخلوا من شباك غرفة متعب وصاروا يحوسون ويكسرون كأنهم حراميه البنات والحريم سمعوا الأصوات اخترعوا راحت اميره تركض لابوها بخوف.
اميره:بابا في حرامي فوق.
اخترعوا الرجال قام أبو متعب وأبو ريان وضاري وريان لفوق والباقين عند الحريم يهدونهم اما اللي راحوا فوق شافوا غرفة متعب وغرفة أم وأبو متعب مفتوحه.
أبو متعب بهمس:شوفوا أنا وريان راح ندخل غرفتي ونمسك اللي داخل وانتوا روحوا غرفة متعب.
ضاري:اوكي.
دخل أبو متعب وريان بعد مااخذ المسدس من دولاب الصاله اللي فوق ومشى بخفه لما صار ورا متعب.
أبو متعب:شو تسوي هنا.
اخترع متعب اللي ماحس بدخول حد جا بيهرب بس ماقدر وخاف لما شاف المسدس وفك اللثام.
متعب:أنا متعب والله متعب.
انصدم أبو متعب:شو تسوي هنا وليه سويت كذا.
متعب:ولا شي بس كنا نمزح والله.
عصب أبو متعب ومسك متعب من يده وطلع مع ريان لتحت.
اما عند أبو ريان وضاري اللي لما دخلوا حس فيهم راشد جا بيهرب بس مسكه ضاري.
ضاري:شو تسوي هنا يالحرامي.
راشد ساكت مارد فك ضاري اللثمه وانصدم.
ضاري:راشد ليه سويت كذا.
ضحك راشد:نبي نسوي فيكم مقلب.
ضحك ضاري وأبو ريان على فكره راشد.
ضاري:ماراح اقولك ولا اسوي لك شي بس خل ابوك يأدبك.
خاف راشد:ضاري تكفى طلبتك خلني اروح أعرف ابوي والله لايعاقبني عقاب يشيب الراس.
أبو ريان:تستاهل أجل هاذي سواة تسويها.
مسك ضاري راشد ونزلوا تحت وشافوا متعب مربطينه بالشماغ عشان مايهرب.
أبو راشد:كملت والله انتوا متى تعقلون مع افكاركم الغبيه.
أبو متعب بهدوء:هالمره ماراح اعاقبكم مثل ذيك الأيام عقاب لكم راح تغسلون المواعين وتنظفون المطبخ والمره الجايه والله لا اخليكم البيت كله.
متعب وراشد فتحوا عينهم على الآخر.
متعب:يبا مالقيت الا المطبخ عاد مانعرف له.
أبو راشد:تستاهلون انتوا تجيبون لنفسكم المشاكل مع افكاركم الغبيه.
راشد:توبه توبه والله ماعاد نكررها تكفووووون.
أبو متعب:قوموا يلا.وجه كلامه للبنات والحريم:ياويلكم تساعدونهم حتى الشغالات طلعوهم.
متعب:طيب مو أنا اللي جايب الفكره مافي تخفيف للعقاب.
أبو متعب:تبي أزيد عليك تكلم.
سكت متعب وقام بعد مافكوه وراح مع راشد للمطبخ وطيروا عيونهم من الكم الهائل من المواعين.
متعب بلع ريقه:راشد شو رايك نهرب.
راشد:والله فكرت فيها بس أحسها صعبه.
متعب:اغسل سيارات ولا مواعين بالله كيف بنغسل.
أبو متعب:بتغسلونهم وتلمعوهم بعد.
اخترعوا راشد ومتعب لما شافوا أبو متعب.
أبو متعب:ترى كل شوي بطل عليكم وياويلكم لو ماخلصتوا.
راشد ومتعب:ان شاءالله.
طلع أبو متعب وبدوا متعب وراشد الشغل من العصر لين العشاء يصلون ويرجعون يكملون ولايمديهم يهربون لما خلصوا انهد حيلهم بالمره.
أبو متعب:عفيه عليكم ومره ثانيه فكروا قبل تسوون أي شي.
متعب وراشد:ان شاءالله.
أبو راشد:روحوا ناموا ارتاحوا وخليكم تعيدونها.
راح متعب مع راشد لغرفته ورموا أنفسهم على السرير وناموا.
أم راشد:الله يصلحهم بس.
أم متعب:أي والله ونفسي أعرف من وين يجيبون هالأفكار المجنونه.
دلال:السوسه راشد في غيره.
قرصت جواهر كتف دلال.
العمه سعاد:الله يحفظهم ويخليهم يارب.
الكل:آآآمين.
اليوم الثاني بعد الجامعه تقابل راشد ومتعب وتغدوا مع بعض.
راشد:آآآآآخ آخر سنه بالجامعه وخلاص.
متعب:خلص من هنا وادخل الشركه من هنا.
راشد:بالعكس حلووو.
متعب:آآآ يالثانويه وبس.
راشد:تدري اني تمنيت هالشي كثير.
متعب:أنت مدري شو مخك المفروض تصير مثلي بس يلا أهم شي شكلي وشكلك مثل بعض هع.
راشد:يلا فارق بروح ارتاح تعبان.
متعب:وجع ان شاءالله بالع على حسابي وتقول كذا حسبي الله على العدو.
راشد:اعوضك ان شاءالله خخخخ يلا اشوفك بالليل.
متعب:طس.
رجع راشد البيت ونام من التعب اليوم الدراسي.
أبو راشد:يلا راشد قوم صلاة العصر.
صحى راشد:ان شاءالله.
قام راشد توضئ وطلع للصلاة خلصوا الصلاة رجع غرفته وجلس على الاب اتصل على متعب عشان يدخل.
راشد:سلام متعب ادخل عالمنتدى أنا موجود.
متعب:اوكيشن.
سكر راشد من متعب وجلس يحوس بالمنتدى حس بوجود حد بالغرفه لف بيشوف منو حس بالدنيا ظلمه اشخاص ربطوا عينه وسكروا فمه ويده وشالوه.

مجهوله في زمن ©؛°¨غرامي مشارك¨°؛©

شهقت أم راشد وضربت على صدرها:ولدي راشد انخطف.
أغمي على أم راشد على صوت طيحتها جا أبو راشد يركض.
أبو راشد:بدريه بدريه أصحي شو صاير.
شاف أبو راشد الورقه اللي بيد أم راشد قرأها وانصدم من المكتوب.
ولدك راشد عندنا وممكن نقول انه رهينه عندنا لما تعطينا اللي نبغاه وراح يجيك اتصالنا الساعه ٥ بالمساء.
أبو راشد:لا حول ولاقوة الا بالله لاحول ولاقوة الا بالله.
فتح عينه ببطء يناظر حوله مستغرب من المكان حرك يده مو قادر ورجله مربوطه.
راشد"وين أنا شو اللي جابني في هذا المستودع.
....................:نورتنا ياراشد.
انصدم راشد من الشخص اللي شافه حس بخوف ورجفه تمشي بجسمه.
....................:ما اتوقع انك ناسيني أو نسيتيني أنا عارف انك بالأساس بنت واسمك طيف بس كيف صرتي ولد هذا اللي عجزت اعرفه على العموم خل نتكلم على انك راشد شو رايك.
راشد بلحظه حس ان الهواء بداء يقل مو عارف يتنفس ولا قادر يرد ابتسم الشخص اللي قدامه باستهزاء.
....................:شو البس بلع لسانك بصراحه نفسي اضربك اعذبك بس ماقدر بصبر لما يعطيني ابوك اللي ابي وراح اتركك بذيك اللحظه ولا اسوي اللي ابي عاد الله يعينك هههههههههههه.
راشد بنرفزه وخوف:شو تبي من ابوي ياحقير.
....................:اوب اوب قوية علي هالكلمه بس معليه نتحمل واللي راح اخذه من ابوك ثلاث ملايين بس.
سامي:شباب راشد بخطر ولازم نساعده ولا شو فايدة صداقتنا اللي لها أكثر من ثلاث سنوات.
عبدالله:صادق وأنا معك.
أحمد:وأنا بعد بس كيف شفتهم وتعرف مكانهم ولالا.
سامي:وأنا راجع للبيت شفت سيارتين غريبه واقفه عند شباك غرفة راشد ولي فتره اشوفها تروح وتجي اليوم شفت ثلاث نزلوا من السيارات ودخلوا غرفة راشد وطلعوه بعدها ركبوا السياره وهربوا خفت اسوي شي واروح فيها فقلت اشاوركم أحسن.
عبدالله:حلو وخلونا نقول لمتعب ونتساعد ونساعد راشد.
ماجد:أجل توكلنا على الله.
اما أبو راشد بعد ماودى أم راشد للمستشفى رجع البيت بعد ماتأكد انها بخير وأم متعب وأم ريان معها رجع معاه ضاري وجاه الاتصال وسكر وهو يردد لاحول ولاقوة الا بالله.
ضاري:شو صاير يابو راشد.
أبو راشد:يبون ثلاث ملايين عشان يرجعون ولدي راشد.
ضاري:لاحول ولاقوة الا بالله طيب شو راح تسوي.
أبو راشد:والله مدري مدري بس راح اعطيهم كلش ولا ولدي راشد وشفت حالة أم راشد كيف.
ضاري:طيب اتصل على الشرطه يمكن يقدرون يساعدونا.
أبو راشد بخوف:لا ضاري الله يخليك لاتتصل عليهم هددوني انهم يأذون راشد وأنا مابي يصير له شي ابد.
ضاري:حسبي الله ونعم الوكيل.
جلس راشد مع الاشخاص اللي خطفوه الين اليوم الثاني.
...................:هاااا عاجبتك الجلسه أجل ههههههه يلا باخذ الفلوس وراح ترجع لأهلك يادلوع اهلك.
راشد يناظر فيه باستحقار وكره ولا رد.
...................:لالالا مااتفقنا كذا شوي شوي علينا هههههههههه كل كل يادلوع الماما عشان مايقولون خطفوا ولدنا وعذبوه.
راشد بكل كره:اموت ولا اكل من عندك شي.
...................:لالا لاتقول كذا ترا امك تتعب زياده فوق ماهي طايحه بالمستشفا.
انخرع راشد وبصراخ:فكني ياحقير ياحيوان ماراح يعطيك ابوي اللي تبي لو تموت فكني ياحيوان.
قرب من عنده ومسك راشد من ياقة بلوزته:مو فهد اللي ينقال له حقير وحيوان يا"وبضحكة استهزاء:راشد.
ضرب راشد كف وطلع من المكان اللي خلا راشد فيه مو عارف شو يسوي ولا كيف يهرب.
راشد"حقير حيوان يارب فرج عني يارب صبر أمي آآآه يارب ارحم حالي يارب.
الكل عرف باختطاف راشد وانهم يبون ثلاث ملايين حاولوا يساعدون أبو راشد بس هو رفض كل المساعدات ورفض انهم يتصلون بالشرطه.
سامي بهمس:اوف هاذي المزرعه تذكرها أحمد.
أحمد:ايوه ايوه الشيبان كانو يتجمعون فيها.
متعب:حلو انكم تعرفونها عشان مانتوهق في مدخل ثاني غير هذا المدخل.
سامي:ايوه تصير ورا المزرعه.
عبدالله:أجل ننتظر لين الليل ونبداء نتحرك.
ماجد:ماتوقعت انه بيجي يوم ممكن نستخدم مثل هاذي الأغراض ومثل هاذي الحالات الله يرحمك ياعمي.
متعب:ليه هو كان لمثل هاذي الشغلات اقتحام وكذا.
ماجد:ايوه.
متعب:حلو أحمد وسامي يعرفون للمكان وأنت تعرف كيف نتصرف.
أم راشد كل فتره تصحى مفزوعه تنادي باسم راشد وترجع تنام اما أبو راشد مافي بلسانه غير الدعاء والاستغفار.
أبو يوسف:شو قالوا لك يابو راشد.
أبو راشد:بوكرا راح يعلموني المكان وراح اعطيهم الفلوس وأخذ أنا راشد.
أبو ريان:طيب اتصل بالشرطه عشان يمسكونهم.
أبو راشد:لالا ماراح اتصل عليهم يكفي اني اخذ راشد وخلاص.
أبو ريان:طيب ماتخاف يرجعون لك مره ثانيه ولا يأذونك.
أبو راشد:لا ان شاءالله اعطيهم اللي يبون وافتك من شرهم.
عند الشباب..
متعب:يلا مستعدين.
الكل:توكلنا على الله.
أحمد:خخخخ احس حالي في فلم هع.
متعب ضرب رأس أحمد بخفه:اعقل تراك بتكون السبب إذا فشلنا.
أحمد بخوف:لا بسكت بسكت.
عند راشد.
فهد بضحكة سخريه:أجل ماراح اخذ اللي ابي بوكرا راح يجي ابوك وراح اخذ الثلاث ملايين.
راشد حس بكره لنفسه لأنه سبب كثير من المشاكل وبالكره الأكثر للي جالس قدامه.
فهد:تذكر لما شفتك آخر مره على الكورنيش شو قلت لك راح نتلاقى في يوم من الأيام هذا تلاقينا وبصراحه تمنيت انك لسا طيف عشان نلعب شوي.
راشد حس انه يغلي وده يقوم يخنق فهد تفل بوجه فهد عشان يشفي غليله فهد عصب وثار صار يضرب راشد لما برد قلبه.
فهد وهو يتنفس بسرعه:جرب تسوي شي مره ثانيه راح اقتلك تفهم"بصراخ:والله لااقتلك.
طلع فهد من المكان تارك راشد طايح بالارض مع انه يتألم بس ماسك نفسه بالقوه.
متعب بهمس:هذا واحد خلونا نربط فمه ونمسك ايده عشان لايصرخ ولايطلق بالمسدس اللي معه ونربطه.
أحمد بهمس:حلو وفيه غرفة قريبه ندخله فيه مع اللي راح نمسكهم.
وبالفعل مسكوا الرجال ربطوا فمه ومسكوا أيده وربطوه طاحوا فيه ضرب لما أغمي عليه ودخلوه الغرفه على طول وسووا مثل كذا على كل اللي واقفين يحرسون المزرعه وأخذوا الأسلحه من اللي مسكوهم ولحظات يضطرون يضربون واحد منهم بمسدس بس مايقتلونه لما وصلوا المكان اللي فيه راشد.
متعب بهمس:شباب هذا راشد.
عبدالله بهمس:بسرعه خل ندخل وإذا حسينا حد دخل نسوي آخر مهمه.
متعب:اوكي يلا.
دخلوا متعب وأحمد وعبدالله وبقى سامي وماجد عند الباب عشان ماحد يدخل راح متعب فك رباط راشد اللي ساكن مايتحرك لما فكه قام راشد بيضربه بس لما شاف متعب ضموا بعض.
راشد بتعب:كيف عرفتوا مكاني.
متعب بهمس:هشش لاحد يسمعنا خلينا نطلع بس.
طلعوا كلهم لما وصلوا عند الباب الرئيسي طلع لهم مجموعة رجال بأسلحتهم فاجئه المكان كله نور وأصوات الشرطه وسياراتهم تحاوط المكان مسكوا كل الرجال واللي داخل المزرعه وعلى طول ودوا راشد المستشفى.
أبو راشد:وين راشد وين ولدي راشد.
الضابط:أبو راشد طلعنا ولدك وهو بخير الحمدلله وحنا عرفنا كل شي بس ماحبينا يصير شي وكل هذا بفضل الله ثم اصدقائه بس إذا جاك أي اتصال خبرنا عشان نقولك شو تسوي.
أبو راشد:جزاك ربي خير الله يسعد ايامك ويفرج عنك يارب.
طلع أبو راشد للمستشفى وراح لولده شاف الشباب مجتمعين عنده راح ضم ولده بكل فرح وشوق وخوف على ولده.
أبو راشد:جزاكم ربي ألف خير والله مدري شو ارد لكم هالمعروف.
أحمد:لا ياعم هذا واجبنا وراشد صديقنا شو فايدة صداقتنا إذا ما ساعدناه والحمدلله على كل حال.
متعب:وراشد اخوي لو صار له شي بظل الوم نفسي طول عمري.
أبو راشد:اصيل يامتعب طول عمرك اصيل وطيب ماخاب ابوك يوم رباك.
راشد:يبا ابي اشوف أمي بس الدكتور معيي.
سامي:جات ببالي فكره رهيبه راشد ومتعب يتبادلون الملابس ويصير راشد يطلع على أساس انه متعب ومتعب على أساس انه راشد.
عبدالله:والله جبتها ياسامي.
راشد:أساسا مافيني شي بس هالدكتور اعوذ بالله منه.
أبو راشد:يلا أجل قبل لايجي الدكتور.
راشد ومتعب بدلوا ملابسهم وطلع راشد لامه اللي ماصدقت عمرها لما شافت راشد وراشد ارتمى بأحضان امه وهو يعتذر لها مع ان اللي صار مو بأيده اما متعب هبل بالدكتور كل شوي يصرخ يتألم إذا قال الدكتور بنسوي فحص ولا بيعطونه مهدئ يصرخ يقول خلوا ابوي يجي بالاول الدكتور فلتت أعصابه شوي ويبكي اما الشباب ميتين ضحك عليه لما رجع راشد وجات معه امه وطلع اليوم الثاني ذبح له أبو ثلاث ذبايح وسوا عزيمه كبيره وعزم القريب والبعيد وباب بيته مفتوح اللي يجي يجي وظل ثلاث أيام كل يوم يذبح ذبيحه ويعزم.
اما عن فهد وعصابته اتصل على أبو راشد الفجر وقاله أبو راشد يقابله الحين عشان يأخذ راشد وجاهم للمزرعه ومسكوا فهد وباقي عصابته.
أم راشد:راشد حبيبي تحس انك بخير تعبان يألمك شي.
راشد:سلامتك يما بس ابي انام شوي.
أم راشد:لاتنام لحالك خل متعب ينام معك.
متعب:ابشري ياخالتي والشباب بعد معنا إذا ممكن.
أم راشد:الله يحييهم والله بكل وقت البيت بيتهم.
ظلوا الشباب مع راشد كل يوم يجونه ولايتركونه ولا لحظه ومرت السنه خلصوا الشباب دراستهم اشتغل راشد مع ابوه بالشركه واشتغل معه أحمد وسامي.
يوسف ودلال صار عندهم فرح ونجاح وصالح توائم.
اما ضاري ومها عندهم سيف وسماء.
وريان لسا ماتزوج لجين.
أحمد:راشد تكفى توسط لي عند ابوك اطلع ماني قادر افتح عيوني.
راشد:لا والله وحد قالك اسهر أمس.
أحمد:هذا سامي الحمار حشى سهر معي ولاتأثر.
سامي:وجع قول ما شاءالله لاتصكني بعين.
أحمد:مالت عليك لاتخاف عيني بارده.
أبو راشد وأبو متعب:السلام عليكم.
الكل:وعليكم السلام.
أبو متعب:ها كيف الشغل.
سامي:تمام التمام.
أبو راشد:كن في شخص هنا نفسه يجرب المويه.
أحمد:لا ياعمي تكفى كلش ولا المويه.
ضحك أبو راشد:وعارف نفسه بعد ههههههههه شوف خلص أشغالك بدري تطلع بدري.
أحمد خجلان من نفسه:ابشر.
أبو متعب:لا اوصيكم على الشغل ماشاءالله بدايتكم تمام لاتخربوها.
الشباب:ابشر.
طلعوا أبو راشد وأبو متعب وكملوا الشباب الشغل وساعدوا أحمد اللي طلع من جد تعبان خخخخ.
متعب:ها كيف الشغل معكم.
سامي:تمام الحمدلله.
متعب:وين أحمد مااشوفه.
ضحك راشد:خلص بدري وطلع ينام.
ضحك متعب:يستاهل حد قاله يسهر.
راشد:يلا أجل استاذن برجع البيت ابلع واناااام.
متعب:وأنت ماعندك غير البلع والنوم.
راشد:أحسن شي خخخخ يلا سلاااام.
وصل راشد للبيت تغدا مع اهله وراح غرفته بينام سمع صوت دق الباب ودخل أبو راشد.
أبو راشد:اقدر ادخل.
راشد:حياك تفضل.
دخل أبو راشد وجلس عند راشد وعلى طول دخل بالموضوع.
أبو راشد:راشد ياولدي الحمدلله أنت خلصت دراستك واشتغلت وتربيتي ماراحت بالهواء.
ابتسم راشد قام باس رأس ابوه.
أبو راشد:الله يوفقك يارب وأنت عارف مثل ماالكل عارف ان جواهر محيره لك فمتى ودك تملك.
راشد الابتسامه ماتت وحس كل الحروف اللي عارفها والكلمات تبعثرت بلسانه حس انه بغرفة ضيفه خاليه من الهواء حس انه شخص طاير بالسماء ثم طاح مو مستوعب ولا مصدق الكلام اللي قاله ابوه كنه بحلم.
أبو راشد:ها شو قلت.
حاول راشد يمسك نفسه:يبا بس أنا مابي اتزوج.
أبو راشد:ليه ياراشد جواهر طول السنوات اللي راحت رفضت الكثير عشانك عارفين اللي بينكم عشان كذا راح تتزوجها.
راشد:بس أنا مابي اتزوج مابي جواهر.
انصدم أبو راشد:ليه حاط ببالك حد ولا شايف على جواهر شي.
راشد:ابد والله كامله والكامل الله بس أنا مو حاط ببالي اني اتزوج من الأساس لا جواهر ولا غيرها وجواهر اعتبرها كأخت ماقد فكرت اني بيوم اتزوجها.
أبو راشد لسا مصدوم:يعني كل هذا ....... راشد جواهر وأبو متعب منتظرينك طول هالسنوات إذا تبي رضاي سو اللي قلت لك عليه وتزوج جواهر ولا الباب يوسع جمل ويوم الخميس راح تملك.
طلع أبو راشد تارك راشد بصدمته بحيرته.
راشد"كيف أنا اتزوج جواهر ماقدر والله ماقدر كيف راح اعيش معها وكيف راح اخليها تعيش لاااااا لايكون طول هالسنوات حاطين ببالهم الزواج لا واميره لاااااا ياربي لا.
أبو راشد:راح تكون الملكه يوم الخميس.
أم راشد وهي مو سايعتها الدنيا من فرحتها وأخيرا ولدها راح يتزوج راحت لراشد بغرفته شافت دموعه وهي تحسبه فرحان راحت ضمته بكل حنيه.
راشد:يما صحيح الكلام اللي قاله ابوي.
أم راشد:ايوه حبيبي راح تتزوج وراح افرح فيك واشوف عيالك حولي ماني مصدقه ان هاليوم جا الله يوفقك ويسعدك يارب.
حس راشد بالسكاكين تطعن صدره مو قادر يستوعب للحين:بس يما أنا مابي اتزوج.
انصدمت أم راشد من رد ولدها وخافت عليه:ليه حبيبي راشد شو فيك مو أنت تحب جواهر ليه ماتبيها.
راشد رفع صوته:أنا عمري ماحبيت جواهر ولا قد ناظرتها انها راح تكون زوجتي هي مثل اختي طيف.
أم راشد:طيب ليه ياراشد ليه شايف عليها شي.
راشد بقهر:لا ماقد شفت شي بس جواهر مثل اختي وأنا مو حاط فكرة الزواج ببالي ابد ولا ابي اتزوج والقهر ان ابوي مخيرني يااتزوجها يا اطلع من البيت.
أم راشد:وهو صادق ياراشد طول عمرنا حاطين ببالنا انك راح تأخذ جواهر وجواهر ترد الخطاب ويوم جا الوقت اللي راح تتزوجها تقول مابيها شو راح يقولون عنا الناس ياراشد شو بيقولون فكر حبيبي زين وترى الحب والألفه مو شرط قبل الزواج إذا تزوجتها راح تحبها وراح تغير نظرتك لها.
طلعت أم راشد وهي ماسكه دمعتها لاتنزل ومرت الأيام وصار كل شي سريع يوم الاربعاء راحوا لهم ويوم الخميس تملكوا والاسبوع اللي بعده خطوبتهم اللي راشد نفسه مو عارف كيف صارت وراحت شهرين وجا يوم الزواج لسا راشد حاس بنفسه بحلم مو حقيقه لما زفوا راشد لجواهر اللي صار متوتر والعرق ينزل منه.
....................:لااااااااااااااااا.
حاسه بالخوف تناظر حولها بكل استغراب ورعب من متى وهي هنا وكيف صارت كذا.
...................:الحمدلله على سلامتك حبيبتي.
التفتت للصوت وهي لسا مو مستوعبه.
...................:حبيبتي تحسين تعب تحسين بشي.
...................:أنا شو اللي جيبني هنا وشو صار.
...................:أنتي صار لك حادث بس الحمدلله الحين أنتي بخير.
.................."حادث كيف وين راشد أنا رجعت طيف بس كيف.
الدكتور:الحمدلله على السلامه انسه طيف.
.................."طيف يعني أنا كنت احلم رجعت طيف.
ضحكت طيف وضمت امها اللي جالسه بجنبها.
أم طيف بخوف:شو فيك حبيبتي شو صاير.
طيف:ماما أنا كم لي بالمستشفا.
أم طيف ودموعها تنزل:سنه كامله ياطيف سنه عشنا فيها بعذاب وخوف.
أم طيف ضمت طيف وهي تبكي اما طيف راحت قوتها اللي أول ماصحت من الفجعه وارتخت بيدين امها ورجعت نامت تركتها أم طيف واتصلت على الكل تبشره بصحوة طيف طبعا سنه كامله ماراح تقوم تمشي على طول لازم تستخدم العلاج الطبيعي وشوي شوي ترجع تمشي.
مها:ياعومري يا طيف وربي لك وحشه خوفتينا عليك.
ابتسمت طيف:الحمدلله على كل حال.
جواهر وهي ضامه طيف:طيف لاعاد تسوين كذا مره ثانيه.
طيف:ياعمري أسفه ان شاءالله ماراح تتكرر.
دلال:لو تشوفينها بغت تنهبل وتقول ان هي السبب.
طيف شدت بضمتها لجواهر وصارت تبكي وتعتذر.
أم راشد:بنات الاولاد راح يدخلون يسلمون.
تعدلوا البنات ودخلوا الاولاد يسلمون وطيف على اعصابها تنتظر متعب اللي دخل آخر واحد لما شافته طيف دقات قلبها تسارعت ولما سمعت صوته تحس بالحراره.
متعب:الحمدلله على سلامتك طيف.
طيف بارتباك:الله يسلمك.
متعب:خوفتينا عليك بس يلا مره ثانيه لاتعيدينها.
أم متعب:ايوه حبيبتي لاتعيدينها تراه بينهبل لو ماتزوجك.
طيف استحت حمر وجهها"هذا هو متعب وأنا طيف آآآه يارب كنت بحلم الحمدلله.
جواهر:خلاص حرام عليكم احرجتوها.
متعب:اللي يسمعك يقول ماراح ياخذك صقر.
الكل ضحك على جواهر وإحراجها دخلوا الرجال وأبو راشد راح ضم بنته اللي بكت الكل تأثر لأنها طيف الكل خاف عليها ولا أحد توقع هالشي يصير وسنه كامله بالعنايه وكل واحد بقلبه معزه وحب لطيف اللي يشوفها غصب يحبها.
ضاري:كيفك طيووف.
طيف تمام انت اخبارك.
ضاري:الحمدلله بس بصراحه اللي صار شي مو سهل والله الا ماشتقتي لراشد.
ضحكت طيف:لا خلاص ماعاد ابي شبعت خخخخخ.
ضحك ضاري:يلا حبيبتي تطلعين بالسلامه وراح يجيك متعب ركض ههههههههههه.
استحت طيف وضحكت من الحيا وجلسوا كلهم حول طيف اللي اخذت اخبارهم مها حامل بالسابع ودلال بالخامس ولجين راح تنخطب لريان وجواهر لصقر طلعت طيف من المستشفى بعد ماشفت وتقدر تمشي وتعيش مثل الكل وجا اليوم اللي الكل ينتظره وبالذات اثنين تعلقت قلوبهم ببعض من يوم هم صغار.
طيف ومتعب.
متعب:مبروك حبيبتي.
طيف بحيا:الله يبارك فيك.
متعب:وأخيرا يا طيف صرتي لي لحالي أنا آآآآآه ماتدرين كيف العذاب اللي عشته سنه كامله من دونك.
ابتسمت طيف بخجل وهي طايره من الفرح مو مصدقه أخيرا اللي حبته طول عمرها صار زوجها لها.







النهايه....







بكذا انتهت روايتي الثانيه حلمي تحقق لاكن رجعت للحقيقه عشنا بالرواية جانب كبير من الخيال اللي هو خيال وحلم طيف انها تكون ولد وتحقق حلمها لاكن رجعت للحقيقه يارب تعجبكم الرواية اللي انا نفسي تحمست فيها وتركت روايات كنت اكتبها والحمدلله خلصت روايتي الثاني وراح ابداء باللي بعدها.







ما أصعب ان تتمنى شيء وتراه وتتمنى ان ترجع مثلما كنت..

مجهوله في زمن ©؛°¨غرامي مشارك¨°؛©

وهكذا تنتهي روايتي الثانيه حلمي تحقق لاكن رجعت للحقيقه


اعتذر عن التقصير واذا اخطأت


واتمنى من الجميع ان يسامحوني ويحللوني




وترقبوا روايتي الثالثه



الـــــعـــــــانـــــــــــــــــــــــــــــــــ ــس




تقبوا اصدق الدعوات والامنيات


محبتكم
مجهوله في زمن

لعيونك الكل خليته ©؛°¨غرامي جديد¨°؛©

لــ حروفك الثناء ولك المزيد من الشكر
لــ روعة خيارتك وتأنق ذائقتك
الإبداع يرسوا والجمال يذرف المزيد منه
بين سطور مُتصفحك
"::"

بإنتظار جديد مافي جعبتك
لــ نرتقي به آكثر ويزيدنا فخر
كونك بيننا " "
ألتمس بحروفي العذر إن قصرت
وأتركها هاهُنا وآرحل بصمت
ولازلت بالإنتظار للقادم
مجهوله في زمن<سوري على التأخير في الرد بس كان هذا بي سبب ظروف ما قدرت اكمل قراءة الرواية سلمت اناملك الذهبيه
ودمت كماانت رمزاً للابداع رواية جدأ رائعة

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1