غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-10-2011, 02:01 AM
قمم الاعالي ظلالي قمم الاعالي ظلالي غير متصل
©؛°¨غرامي جديد¨°؛©
 
الافتراضي عناقيد الحنين


روايتي الثالثه واتمنى تكون عند حسن ظن

ذائقة المبدعــــــــــين هنا

عناقيد الحنـــــ 1ــــــــين

مدخل

تكتفي اروحنا اياما بما تجود به قلوبنا من

من تفاؤل ومحبه متى يكون نصيبي من الحب

قريبا



,,,,,,,,,,,,,,

على ظفاف الحب في احد القصور العامره

به وتحديدا بالمنطقه الشرقيه

سارا : وين راحت الخدامة يوم احتجتها

ميري ,,,ميري

ميري : نعم مدام

سارا : جهز الفطور سعود بينزل الحين يروح للشركة

ميري : دقيقه مدام




سارا : استعجلي اجل لاينزل الا كل شئ جاهز

ميري : حاضر مدام


بطلع اشوفه ليش تأخر مومن عوايده

داخل الجناح الخاص بسعود وسارا

دخلت سارا وكانت تعبانه ومرهقه

والشئ هذا لاحظه سعود

سعود: سارا علامك اليوم ماانتي طبيعيه

سارا : ابد احس بوجع خفيف وان شاء الله يروح

سعود : سلامتك حبيبتي ماتشوفين شر تبين اوديك للمستشفى

سارا : الشر مايجيك لاحبيبي مو محتاجه

سعود : سارا تبين اجلس اليوم لاني احسك تعبانه


سارا : صدقني مافيني شئ

سعود : خلاص انا طالع للشركه تبين شئ

سارا : لا سلامتك بس صبر الفطور

سعود : مالي فيه تسلم ايدك مقدما

سارا : الله يسلمك حبيبي بس مااكلت





سعود : شبعت يوم شفت الوجه الحسن

سارا : تسلم حبيبي الله يخليك لي يارب

سعود : ياالله عن أذنك تأخرت سارا : تفضل وحط بالك على نفسك

سعود: تسلمين ياقلبي


,,,,,,,,,,,,,,,,,,,,,,,,,,,,,,,,,,,,,,

اسمع جوالي يدق وينه وين حطيته

لقيته

لجين : ألو صباح الخير سارا

سارا : هلا لوجين اخبارك واخبار امي وابوي

لجين : تمام انت وش اخبارك واخبار الدواء تاخذينه

سارا: ايه اخذه بس احس اني مااستفدت

لجين : يعني كيف مااستفدتي ماحسيتي بتحسن

سارا : مدري من كثر ماكلته مااشوف منه فايده

لجين : خلاص سارا خليني نروح للمستشفى اليوم ونشوف

سارا : مااقدر

لجين : ليش ؟


سارا: سعود قالي قبل وانا رفضت

صعبه اروح من دون شوره

لجين : سارا انت تعبانه قولي له المرض مو عيب

سارا: لا مااقدر انا خايفه ان قلت له ماراح يقرب لي

لجين : سارا ترى حرام عليك لاتعدين الرجال

سارا: وش اسوي لجين احبه


لجين : انا مقدرة الشئ هذا بس ياسارا اللي تسوينه حرام ترى

سارا: تبيني احرم نفسي من الهوى اللي

تتنفسه انت ماتدرين عن شئ يالجين



,,,,,,,,,,,,,


ركب سعود سيارته وتوجه للشركه اللي

هو شريك فيها مع مجموعة من رجال الاعمال

دخل الشركة واستقبله سكرتيره الخاص

وليد : هلا طويل العمر

سعود : هلا وليد وش عندك مواعيد اليوم

وليد : اليوم الجدول مزحوم عندك للساعة اربع العصر


سعود : خلاص هاته وشوف اول موعد مع مين انا رايح اسلم على الوالد وراجع

وليد : ابشر طال عمرك

توجة سعود لمكتب ابوه يالدور الثالث ودخل

سعود : صباح الخير يبه اخبارك اليوم

ابوفيصل : هلا سعود صباح النور وانا ابوك

سعود: كيف اصبحت اليوم وشلون الوالدة

ابوفيصل : الحمدلله بخير بس امك تراها تسأل

عنك انت وزوجتك

سعود : ان شاء الله في اقرب فرصه

ابو فيصل : لا حاول تجي الليله جدتك وجدك

جاينا وبيقعدون يومين هات زوجتك وسو حسابك

بتجل سانت بعد عندنا

سعود: يبه انت عارف اني ماارتاح الا في بيتي

أبو فيصل : عارف وانا ابوك بس افضل تجي

جدتك وجدك انت من زمان عنهم وانا بك ومو زينه بحقك

ماتجي

سعود : خلاص يبه ولايهمك راح اكون موجود واحاول

اجلس بس مااوعدك

,,,,,,,,,,,,,,,,,,,,,,,,,,,,,,,,,,,,,,,,,,



عايشه : حنين وينك ابوي يسأل عنك من الصبح

حنين : جايه وش يبي

عايشه : مدري عنه بس شوفيه في مجلس الحريم

حنين : خلاص رايحه

عايشه : طيب بروح معك

حنين : وش تبين

عايشه : ودي اعرف وش يبي بك هههههه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


في مجلس الحريم الهمس بين ابو حنين

وأمها شغال

ام حنين : والله مدري عنك الشور شورك

والبنت بنتك


ابو حنين : يامره انا اشاورك نعلم البنت والا لا

ام حنين : لا لاتعلمها انت انا بقول لها بيني وبينها

دخلت حنين عند أمها وابوها واستغربت

حنين : يبه طلبتني

ابوحنين : هلا حيا الله بنتي تعالي وانا ابوك

حنين: تسلم يبه

جلست حنين قريب من ابوها وامها


أبو حنين : انا رايح الحين تبين شئ

ام حنين سلامتك

,,,,,,,,,,,,,,,,,,,,,,,,,,,,,,,,,,,,,,,,,,,,,,


حنين واهلها يسكنون قريه قريبه من الدمام

ودائما يترددون عليها بسبب دوام ابوها

يعيشون حياة متوسطة

حنين البنت الكبيره للعائله واللي راح تتحول


حياة العائله عن طريقها

,,,,,,,,,,,,,,,,,,,,,,,,,,,,,,,,,,,,,,,,,

ابو فيصل : سعود كلمة على اخوك قريب

سعود : قصدك فيصل لاما كلمة عليه قريب

ولا هو كلم علي بقول شئ يبه فيصل ماخذ الدنيا لعب

ابو فيصل : وش اسوي وانا ابوك انت تدري ان

الحلال كله بأسمه واحنا مانقدر نقول له شئ

الله يرحم أمه بس هي اللي سجلت كل شئ بأسمه


سعود : يبه انت معك توكيل منه تصرف


ابو فيصل : وشلون أتصرف وانا ابوك التوكيل


محدود مالي صلاحيات اكثر من الادارة وانت تعرف


فيصل حاسم في الامور هذا كلش ولا الفلوس عنده

سعود : لا متى يعني بنجلس تحت رحمته



أبو فيصل : شف يافيصل انا قبل اخذ ام

فيصل كنت موظف عادي ولا اتحكم على ايش

واخذتها وانفتح باب السعد يعني وجه الخير علي

سعود: حتى ولو يبه تصرف

ابوفيصل : انت مانت شريك بالشركة

سعود : الا بس بنسبه بسيطه حسب شغلي

يعني على قد شغلى اسهمي ترتفع

وفيصل اسمح لي يبه ما يقدر الشئ هذا

ابو فيصل : كلم عليه الحين وش يرد عليك او لا

سعود : ابشر يبه


اخذ سعود الجوال وكلم على فيصل

ومالقى رد

سعود: يبه مايرد

ابو فيصل : ارسل له رساله وشف يرد عليك او لا

سعود : تام ريبه تبي شئ


ابو فيصل : لا سلامتك بس لا تنسى الموعد الليله

سعود : باحاول


ابو فيصل : لا تحاول هات سارا وتعال

سعود : ابشر يبه ولايهمك

ابو فيصل : تقدر تتفضل الحين


,,,,,,,,,,,,,,,,,,,,,,,,,,,,,,,,,,,,,,,



عند فيصل من اللي يدق علي الوقت هذا لا ومرسل مسج

سعود وش تبي بعد يا سعود قرأ فيصل الرساله وكانت من سعود ويقوله يدق عليه ضروري

ماعبر فيصل المسج اللي جاه قام من النوم

واخذ له شور وبعدها لبس ملابسه ودق على


سعود

فيصل : هلا سعود داق علي

سعود : ايه وينك يارجال

فيصل : موجود

سعود : وين موجود ابوك سأل عنك

فيصل : وابوي مايعرف رقم جوالي يدق علي مباشره لازم وسايط بينا

سعود : الله يهداك هذا كلام تقوله ابوك هو اللي قال دق على فيصل شفه وين غاط

فيصل : موجود لاغاط ولاشئ انا متواجد الحين

في تركيا عندي شغل مع مصنع ملابس بيورد لنا بضاعة


سعود : ومتى ترجع

فيصل : اليوم ان شاء الله عسى ماشر فيه شئ

سعود : الله يهديك ان شاء الله ابد نسأل وحشتنا ياشيخ

فيصل : مايوحشك غالي توصي شئ

سعود: ابد سلامتك

فيصل : تسلم مع السلامه وسلملي على الوالد


سعود : ابشر ترى الليله جدي وجدتي زايرين الوالد وبيجلسون فتره تعال عندنا

فيصل : اشوف اول شئ بروح اشوف خالتي تعبانه وبعدين احتمال امر عندكم

سعود: على خير

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

نايف : فيصل من كنت تكلم

فيصل : اخوي سعود داق يشوف متى ارجع

نايف : ومتى بنرجع ؟

فيصل : اليوم

نايف : احد يخلي المكان هذا ويرجع للغبره والسموم

فيصل : ههههههه الله يقطع ابليسك خلاص وعد
مني شهر العسل راح يكون هنا وش قلت

نايف : من جدك انت بس خلهم يوافقون

فيصل : ليه هم ماردو عليك للحين

نايف : لا ماردوا علي

فيصل : وش يحترون شهر كامل
خلاص شكلهم مايبونك ومستحين

نايف : لا ياشيخ لا تقولها

فيصل : ماني قايلها بس هذا اللي واضح من الموضوع

نايف : فيصل تكلم جاد دخل الوسواس بقلبي
فيصل : اتكلم جاد بس لاتوسوس انا مااخذتك

انا ازوجك وش تبي بعد

نايف : لا ان شاء الله بتاخذني

فيصل : ياواثق هههههههه

نايف : انت علمني متى بتتزوج

فيصل : انت هذا اللي هامك متى اتزوج كل ماجلست معي سألتني نفس السؤال

ياخي تطور بالاسئله

نايف : هههه ابشر متى تدخل القفص الذهبي
فيصل : لامت زين كذا

نايف : خلاص لاصار كذا يارب عجل بموتي

فيصل : تعوذ من الشيطان يارجال

لاتقول الكلام هذا وقم من وجهي الحين لاكفخك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في بيت اهل حنين عايشه تدق الباب عليها ماترد

عايشه : حنين افتحي ابيك

حنين : وش بغيتي ؟
عايشه : ابي اكلمك

حنين:لحظه

فتحت حنين الباب لعايشه

عايشه : مبروك

حنين : على ايش ؟

عايشه : امي تقول بتاخذين نايف !!!



مخرج

افرح الان لابد ان الفرح زائل لامحاله

فبقاءه لابد ان يتبعه الالم !!!














  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-10-2011, 02:09 AM
قمم الاعالي ظلالي قمم الاعالي ظلالي غير متصل
©؛°¨غرامي جديد¨°؛©
 
الافتراضي رد: عناقيد الحنين


عناقيد الحنيــــــــــ 2ـــين


مدخل
تترك القنديل يضئ لغيرك وتعيش
في ظلمة الفقد تنتظر عطف الاحبه


وصل فيصل ونايف للاراضي السعوديه
واستقبلهم في المطار سعود
سعود: الحمدلله على السلامه
نايف : الله يسلمك
فيصل : الله يسلمك وين سيارتي ليش ماجابها السائق
سعود: أفى عليك وانا مااسد سيارتي تحت أمرك
فيصل : خلاص خلونا نمشي نوصل نايف قبل
وبعدين الحق اسلم على خالتي
سعود : توكلنا على الله نوصل نايف وخالتك خلها بكره
فيصل : لا اله إلا الله انت ماقلت تحت امرك
خلاص اشوف خالتي اول
سعود : يارجال ابشر بس علشان زوجتي وراي
بعد يبي من يجيبها
فيصل : قل كذا من البدايه
سعود : هههههه طيب من الصبح وانا اقول
نايف : سعود نزلني هنا
سعود: أفى عليك أنزلك على الطريق لاوالله
نايف : لا سعود لاتحلف انا مضطر باخذ لي
اجرة واروح لبيت عمي
فيصل : الله الله وش تبي بهم الحين
نايف : الوالد اتصل على وقال ألتقي به هناك
فيصل : ليه عسى ماشر
نايف : مدري انا رايح واشوف وش يصير
فيصل : اجل نزله هنا
سعود: ابشر
,,,,,,,,,,,,,,,,,,,,,,,,,,,,,,,,,,,,,,,,
نزل سعود نايف وكمل طريقه وفكر بينه وبين نفسه
اخبر فيصل والا اخلي ابوي يخبره بقوله واللي فيها فيها
سعود: اقول فيصل
فيصل : سم
سعود : سم الله عدوك اقول فيصل عندي طلب
فيصل : اتفضل قول وش عندك
سعود : لا اقول مو الحين خله شوي بوجود الوالد
فيصل : وش تفرق يعني
سعود: هناك افضل اقول سعود خالتك وش تشكي
منه
فيصل : فقر دم حاد
سعود: سلامتها
فيصل : الله يسلمك يارب
وصل سعود وفيصل لفلة خالة فيصل اللي تسكن فيها ومامعها احد
سعود: فيصل بنتظرك
فيصل : خلاص اجل اقلط انا ماراح اطول
سعود: لابنتظرك هنا
فيصل : اقلط يارجال
سعود: تم وين المجلس
فيصل : من هنا
نزل سعود وفيصل وامر فيصل الحارس ينزل

الشناط ويدخلها عند مدخل الفله علشان يدخلونها
الخدم
فيصل : حيالله سعود
سعود : الله يحييك ويبقيك
فيصل : بسلم على خالتي وراجع لك
سعود: خذ راحتك انا ماني غريب
,,,,,,,,,,,,,,,,,,,,,,,,,,,,,,,,,,,,
دخل فيصل داخل الفله وهوينادي خالته اميرة فيصل : أميرة ,, أميرة
أميرة : هلا والله فيصل الحمد لله على السلامه نورت
فيصل : منوره بأهلها الله يسلمك أميرة وين حاتم
أميرة : نايم
فيصل : نوم العوافي عندي رجال بالمجلس خليهم
يقهوونه وانا بطلع أغير ملابسي واسلم على حاتم
أميره :ابشر تامر بشئ ثاني
فيصل : لا سلامتك
,,,,,,,,,,,,,,,,,,,,,,,,,,,,,,,
راحت أميرة للمطبخ تشرف على الضيافه اللي بتروح للمجلس واخذها تفكيرها ياترى من اللي جاي مع فيصل يمكن يكون نايف
اروح اشوف يمكن فيصل ينزل ويشوفني وبعدين
أنا اروح وارجع قبل يجي
,,,,,,,,,,,,,,,,,,,,,,,,,,,,,,,,,,,
وين راح هذا صيفنّا الساعة تسع وهذا الوالد يدق علينا شكله قلق على تأخرنا
سعود : هلا يبه
أبوفيصل : هلا سعود وينكم جدك وجدتك يسألون عنكم
سعود: قريب بفلة فيصل
أبو فيصل : ليش رحتوا هناك ورى ماجيتوا هنا
سعود : قال بيسلم على خالته وبغير ملابسه وجاينكم
على طول ان شاء الله مانتأخر
ابو فيصل : صار خير يالله نتظركم
سعود : يبه بقولك خل السواق يروح لساره ماعندها
احد يوصلها
ابو فيصل : خلاص الحين ارسل السائق
تبي شئ ثاني
سعود : لا
,,,,,,,,,,,,,,,,,,,,,,,,,,,,,,,,,,,,,,,,
فتحت الباب بشويش بتأكد هو نايف او لا
من هو هذا كان معطي الباب ظهره ويتكلم بالجوال
وشماغه على كتفه ويتكلم باسلوب حلو ويقول زوجتي وجيبوها هذا مو نايف
,,,,,,,,,,,,,,,,,,,,,,,,,,,,,,,,,,,,
فيصل : خاله ,,خاله ,, اميره
رحت اركض للمطبخ
أميره : هلا فيصل تبي شئ
فيصل : وين القهوة راحت للرجال
أميره : أممممم لا ثواني بس
فيصل : خلاص لاتجيبونها انا وسعود ماشين
أميره : اللي معك سعود !!
فيصل : ايه ليش مستغربه
أميره : ابد توقعته واحد من اصدقائك
فيصل: لا هذا سعود ابي اطلع انا وياه معزومين
عند الوالد عنده جدي وجدتي
اميره : بترجع؟
فيصل : ان شاء الله
طلع اخوة وانا اقول نايف طيب مو نايف اللي مسافر معه ليش ماجا معهم
,,,,,,,,,,,,,,,,,,,,,,,,,,,,,,,,,,,,
ركب فيصل , وسعود سيارة سعود وتوجهوا لفلة
ابوهم
فيصل : سعود ترى باخذ سيارتك
سعود : ليش ؟
فيصل : من غير ليش انت اخذتني بدون سيارة
شلون برجع فهمك كفايه
سعود: طيب مافيه مشكله فيصل خالتك ليش ماتزوجت للحين
فيصل :ليش تسأل عن الموضوع يهمك !
سعود: لا بس اشوفك رابط حياتك فيها
فيصل : اولا انا مورابط حياتي فيها خالتي
لولا وجودها ماكانت هنا بالديره كلها
سعود: أفى ليش ؟
فيصل : من غير ليش وجودي مربوط بوجودها
سعود: من جدك فيصل
فيصل : اكيد
,,,,,,,,,,,,,,,,,,,,,,
وصل فيصل وسعود لفلة ابوهم والتقوا بجدهم وجدتهم اللي كانت تلوم فيهم ليش مايزورنها
وجدهم اللي مايسمع وكل كلمه لازم يرفعون صوتهم علشان يسمعونه
فيصل : وشلونك يبه
الجد: بخير وانا ابوك
فيصل : الحمدلله
,,,,,,,,,,,,,,,,,,
سعود بهمس : يبه قله
ابو فيصل : الحين اصبر خل الرجال يجلس ويتقهوى وبعدين نكلمة
سعود: لاحول
أبوفيصل : اصبر ياولد العلم مايصير كذا
سعود: امرنا لله اجل
فيصل : يبه فيه شئ
ابوفيصل : ابد وانا أبوك اخبارك واخبار سفرتك
ان شاء الله كل شئ تمام
فيصل : الحمدلله
كل شئ على ماتحب
أبو فيصل : الحمد لله
سعود: يبه ارسلت السواق لساره
ابو فيصل : ايه وتراها عند امك داخل سعود زوجتك مريضه
سعود: لا تعب بسيط ليش تسأل
ابو فيصل : لا هذا مو تعب بسيط انت شفت وجهها
وجهها اصفر سلمت علي ولاعرفتها
سعود: يبه انت كذا تخوفني
ابو فيصل : لا وانا ابوك لا اخوفك ولاشئ
انا لاحظت وقلت
سعود: بدخل اشوفها
,,,,,,,,,,,,,,,,,,,,,,,,,,,,,,,,,,
نايف السلام عليكم
ابوحنين: وعليكم السلام هلا نايف الحمدلله على السلامه
نايف : الله يسلمك ياعمي وشلونك يبه
ابونايف : بخير وانا بوك
نايف بهمس لبوه : يبه وش صاير
ابونايف : مبرووووك حنين وافقت وانا ابوك



مخرج
تسأل الصباح عن السعاده متى تكون
حظك فيجيب ربما الغد اقرب لك منها
















  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-10-2011, 02:12 AM
قمم الاعالي ظلالي قمم الاعالي ظلالي غير متصل
©؛°¨غرامي جديد¨°؛©
 
الافتراضي رد: عناقيد الحنين


[CENTER]عناقيد الحنيـ 3ــــــــن

مدخل
للأرواح تآلف وان اختلفت تُرى متى
أجد روحي ؟

,,,,,,,,,,,,,,,,,,,,,,,,,,,,,,,
فيصل : يبه أنا قررت أبيع فرع الشركة اللي بالرياض
أبو فيصل : ليه وأنا أبوك فيه مشاكل بالفرع
فيصل : لا ابد الفرع كبير ويبي له أداره خاصة
ومستقلة والشئ هذا صعب الآن
سعود: فيصل أنا أروح امسك الفرع بعد أذنك وإذن الوالد
فيصل : سعود ماعندي مانع إذا كانت هذي رغبتك
سعود : فيصل أكيد رغبتي والشورلك بس أنا عندي شرط
فيصل : من أولها شروط ياسعود
سعود: لا هو مو شرط بقدر ماهو ضمان لي حتى اشتغل بجديه وأحافظ على اللي تحت يدي
فيصل : وش الضمان طيب
سعود: نص الفرع يسجل با أسمي
فيصل : فيصل أنت عارف أن الشئ هذا مو بيدي وان لي شركاء يعني مو معقول أسجل لك حلال مولي
سعود : شاور أهل الحلال وان وافقوا أجهز نفسي وابلغ أهلي بعد يجهزون
فيصل : اصبر علي يومـــين ثلاثة وان شاء الله أرد لك
خبر بس ياسعود ترى نص الفرع كثير وأنا أتوقع إنهم مراح يوافقون وإلا وش رأيك يبه
أبو فيصل : الرأي لكم أنت وخالتك يافيصل أنت تدري إني مااملكت إلا اللي ورثتني إياه المرحومة
وغيره مالي عليه يد
فيصل : خلاص أشوف وارد لك خبر
سعود : عن أذنكم
فيصل وأبوه : وين ؟
سعود : داخل بشوف الأهل
,,,,,,,,,,,,,,,,,,,,,,,,,,,,,,,,,,,,
داخل في مجلس الحريم سارة كان واضح التعب عليها
والكل كان يسألها وترد عليها انها بخير
جاها اتصال من اختها وردت عليها لانها عارفه
انها ماراح تتركها
لجين : مرحبا سارة
سارة : هلا لجين
لجين : وش صار على اللي تكلمنا فيه الصباح
سارة : ماصار شئ ماقدرت يالجين لحظه بطلع
اكلم بمكان ثاني
لجين : خذي راحتك
سارة : هلا لجين وش كنت تقولين
لجين : نصيحة علمي سعود ياساره الشئ هذا مو زين
سارة : خلاص اسكتي بعلمه اقلقتيني
لجين : الحمد لله انك عقلتي
سارة : لجين أنا خايفة كيف اعلمه
لجين : لا تخافين ولاشى روحي للمستشفى اطلبي تحاليل روتينيه وهو بقولون له
ساره : والله مدري خلاص بسويها
لجين : متى سارة
سارة : وش رأيك الحين يعني بعدين متى مالقيت فرصه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
دخل سعود ونادى ياولد على الكل حتى يتغطون
وسلم على الموجودين ماكان فيه غريب
جدته وامه وخواته دخلت سارة في الوقت اللي كان يسلم فيه قرب من سارة وسلم
عليها واستغرب الموجودين
الجدة : سعود متى شفت سارة ؟
سعود: ههههه اليوم الصبح ليش فيه شئ
الجدة : ابد اشوفك سلمت عليها
سعود: اشتقت لها ياجدة
الجده : اممم الله يرحم بس
الكل ضحك على تعليق الجدة الا سارة مااعجبها الشئ
هذا
سارة بهمس لسعود : وش تقصد جدتك ؟
سعود بهمس مثله : ماتقصد شئ لايروح فكرك بعيد
سارة : واضح وش قصدها باللي لله يرحم علمني
سعود : سارة علامك التعب واضح عليك
سارة : ابد لأتعب ولاشى إرهاق بس
سعود: تعالي معي بقولك شئ
سارة: تفضل
طلع سعود وسارة من المكان
سعود: سارة احتمال ننقل للرياض
سارة : ليش وش صاير
سعود: ابد احتمال امسك فرع الشركه بالرياض
سارة : مبروك حبيبي تستاهل كل خير
سعود : الله يبارك فيك للحين ماصار شئ
سارة : ان شاء الله يصير
سعود : المهم سارة حبيبتي انت لازم تروحين للمستشفى وماابي اعذار
سارة : بس ياسعود
سعود: سارة حالتك ماينسكت عنها
سارة : امرك حبيبي كم سعود عندي
سعود : تسلمين ياقلبي الله لايحرمني منك من أول قلنا

,,,,,,,,,,,,,,,,,,,,,,,,,,,,,,,,
ابوفيصل : فيصل وشلون ا لسفره
فيصل : الحمدلله يبه كل شئ ماشئ تمام
انت اخبارك واخبار الضغط معك
أبوفيصل : تمام الحمدلله والضغط مستقر الايام هذا
تركي
تركي: سم يبه
أبو فيصل : شوفوا لنا العشاء جهز اولا
تركي : ابشر يبه ثواني
أبو فيصل : عجل وانا ابوك
,,,,,,,,,,,,,,,,,,,,,,,,,,,,,,,,,,,,
ابونايف بصوت واطي لولده : نايف انت منت مبسوط
نايف : لا يبه الحمد لله مبسوط
أبونايف : اجل وش فيك مو هذا اللي بغيته
نايف : ايه يبه بس انا ماني مطمن
ابونايف: مافيه الا الزين ان شاء الله
نايف: ان شاء الله
,,,,,,,,,,,,,,,,,,,,,,,,,,,,,,,,,,,
الجد: كثر الله خيركم وانعم عليكم
فيصل : صحة وعافيه ياجدي
الجد: فيصل هذا انت متى جيت
فيصل : هههه من زمان ياجدي موجود
الجد: وين زوجتك ورى ماسلمت علي
فيصل : جدي الله يهداك انا ماتزوجة
سعود: جدي فيصل توه عزابي
ابوفيصل : فيصل وانا ابوك انت لازم تزوج
مهي عدله اخوك اللي اصغر منك متزوج وانت لا
فيصل: ليه وش فيها
ابوفيصل : مافيها شئ وانا ابوك بس علشانك الكلام
الكثير حولك مو زين وانا ابوك
فيصل : ليه يبه وش سمعتهم يقولون
ابوفيصل :انا ماسمعت شئ لكن لو اشوف اخوك اللي اصغر منك متزوج وانت لا ولا ادري وش هي الظروف اكيد بقول الرجال موب طيب
فهمت وانا ابوك
فيصل : وصل العلم يبه
ابو فيصل : خلاص مدام وصل وانا ابوك لاتخلي الحكي يكثر والله الله بالعلم الطيب
,,,,,,,,,,,,,,,,,,,,,,,,,,,,,,,,,,,,,,,,,,,,,,
نايف: متى الملكه ياعمي
ابو حنين: حدد الوقت وانا ابوك واحنا على شورك ان شاء الله مانخالف
نايف: العفو ياعمي انت والوالد تفصلون واحنا نلبس
ابوحنين: تسلم وانا ابوك مدام كذا بعد اذن ابوك انا
اقول الملكه الشهر الجاي
والزواج في الاجازة بعون الله
نايف : مثل ماتبون على خيرة الله
ابونايف: اجل توكلنا على الله يابوحنين
ابوحنين: سم وانا اخوك
ابونايف : شف شروط اهلك وعلمنا
ابو حنين: افى وانا اخوك ماعندنا شروط ترانا نشري رياجيل وانا اخوك
نايف : تسلم ياعمي
ابو نايف: هذا طبعكم ولاهو مستغرب عليكم وانا اخوك
,,,,,,,,,,,,,,,,,,,,,,,,,,,,,,,,,,,,,,
الجده كانت مستمتعه بسوالف فيصل وابوه وماودها تخلص
وكل فتره وفتره تسأله عن خالته وكيف عايشه
وهو يجاوبها بختصار انها طيبه ولاعليها الا العافيه
أم سعود: فيصل وانا امك وش صار على البنت اللي اخذت شهادتها تعينت
فيصل : لا ياخاله للان ماقدرت اعذريني
أم سعود: معذور يمه لكن البنت محتاجة وامها كل يوم تدق علي
وانا اقول ان شاء الله لارجع فيصل من السفر بيخلصها
فيصل : خلاص ياخالة اعتبريها خالصه بعون الله
ام سعود: تسلم وانا امك
فيصل : الله يسلمك
فيصل شاف الوقت تأخر وصار لازم يستأذن من الكل
فيصل : عن أذنك انا لازم امشي
ابوفيصل: تو الناس وين سامرين
فيصل : عندي شغل الصبح بدري ولازم امشي
توصي شئ
ابو فيصل :ابد سلامتك بكره ابيك بدري عندي بالشركه فيه موضوع مهم ابيك فيه
فيصل : خلاص ان شاء الله ولايكون خاطرك الا طيب
يالله عن أذنك تصبحون على خير جميعاً
,,,,,,,,,,,,,,,,,,,,,,,,,,,,,,,,,,,,,,,,,,,,,
طلع فيصل من بيت ابوه وتوجه لسياره سعود
اللي بيرجع فيها لبيته
ركب السياره وشغلها جاه اتصال مفاجئ
فيصل : هلا
الطرف الثاني : فيصل الحمدلله ع السلامه
فيصل : الله يسلمك
الطرف الثاني : فيصل البضاعة لازم تدخل السعوديه الشهر الجاي
فيصل : ياطويل العمر امهلني الوقت ضيق
الطرف الثاني : ضيق لك ولي فيصل
كل مادخلت البضاعه بوقت اسرع الشئ هذا كان أأمن لنا ولك شوف لك حل البضاعة

لازم تدخل بوقت اقصاه شهر مفهوم يافيصل
فيصل : مفهوم طال عمرك بس
الو ..الو
انقطع الخط واحتار فيصل اكثر وش الحل مثل ماقال
لازم تدخل البضاعه الحل
دخلت فيصل بيته وهو مازال يفكر
أميرة : فيصل عسى ماشر
فيصل : هلا خالة وش اللي مقومك للحين
أميرة :ابد كنت اشوف TV وانت جيت تعال اجلس معي
فيصل: ابشري
أميرة : اجل تعال اشرب شاي معي وسولف معي شوي
فيصل : اممم خاله وين حاتم
أميره : وين بعد ع البلاستيشن
فيصل : الساعة وحده ليش مانام للان
أميرة: فيصل الله يرحم والديك اتركه خله يسكت عني
فيصل : خاله انت مدلعته والولد مايصير يتربى بالطريقه هذي
أميرة:عارفه يافيصل بس حاتم توه صغير والعمر
قدامه يتعلم
سكت فيصل شوي وهو يركز في شاشه tv
وينها من زمان لقيتها
أميرة: فيصل وش لقيت
فيصل : الحل ياأمــــيرة,,,,,,,,

مخرج ,,
وجدتك ولم اعلم أنك
أول الخطى للقــــــــاء من أحب نقطة
وابتدأ المشـــــــــــوار,,,,,,




[/CENTER
]


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-10-2011, 02:14 AM
قمم الاعالي ظلالي قمم الاعالي ظلالي غير متصل
©؛°¨غرامي جديد¨°؛©
 
الافتراضي رد: عناقيد الحنين


عناقيد الحنيـ 4 ـــــــــن


مدخل
احث الخطى لكِ وانا واثق
انكِ لي مهما حدث!!!

في غرفة حنين وعايشه حنين مزار النوم عينها تفكر وش راح يصير
بعد ما وافقت على نايف واهي للان مو مقتنعة فيه
عايشه: حنين وش فيك اشغلتيني
حنين: ليش وش سويت أنا في حالي
عايشه : لا والله لك ساعات مو ساعة وأنت تتحركين وأنا ماقدرت أنام منك
حنين: أنت مو لك سرير لحالك
نامي ولا تشغلين نفسك أنا بخير
جلست عايشة فجأة وكأنها تذكرت شئ
عايشه : حنين ليش وافقتي على نايف
حنين : ليه تسألين ؟؟
عايشه: من حالتك حسيتك ماانت مرتاحه ابد
حنين: لا أنا مرتاحة الحمد لله
,,,,,,,,,,,,,,,,,,,,,,,,,,,,,

الليلة مكانة مريحة للكل
من الصباح اخذ سعود سارة للمستشفى
ولقى مصير مكان متوقعه وخاصة من الإنسانة
اللي أختارها وكانت شريكة حياته
الدكتور : سارة كأعراض وفحص مبدئي أنت تعاني من مرض التهاب الكبد الوبائي عندك علم بالشئ هذا
سارة: طبعاً دكتور
الدكتور: غريبه سارة من التحليل أتبين لنا ان المرض كان يكافح وتأخذين له مضادات
سارة: دكتور انا كنت اتعب واخذ العلاج لكن مدري بالضبط حق أيش ؟
الدكتور: أخ سعود انت اللي كنت توديها للمستشفى
الصدمة كانت شاله سعود ومو قادر يركز ابد حتى انه مسمع الدكتور الأبعد كذا مره
الدكتور : سعود أخ سعود
سعود: نعم دكتور
الدكتور :
سعود زوجتك معها فيروس بالكبد والفيروس
خامل للان لكن احتمال يتنشط في أي وقت
سعود: من متى دكتور
الدكتور : من الواضح لي ان المرض له تقريبا
فترة طويله لكن مكافحته بس من ثلاث شهور
أنت مكنت تدري قبل
سعود: لا والله ما دريت ألا الآن
سارة انهارت خافت إن سعود يكشفها أنها كان عندها علم ومخابرته
بس سعود كان في عالم ثاني صحته كانت آخذه كل تفكيره كان في حالة ذهول مكان قادر يركز
سعود: خلاص سارة ولايهمك الطب الان تطور
وكل شئ له علاج لاتشيلين هم
سارة : سعود والله مادريت
سعود: مصدقك ياسارة ولايهمك حبيبتي
سارة: سعود أنا ,,آنا
سعود: سارة تعالي للاستراحة شوي عن أذنك
دكتور
الدكتور : تفضل لكن ارجع لي أبيك بموضوع مهم
سعود: Ok دكتور
,,,,,,,,,,,,,,,,,,,,,,,,,,,,,,,,,,,,,,,,,,
على الفطور كان السكون سيد الموقف ولاهمس
فيصل يفكر كيف يفاتح أبوه بالموضوع وأميرة
ودها تعرف وش سوى بالسفره مع نايف بس ماكانت تدري كيف تبدأ بالموضوع
قام فيصل من على الفطور وراح يلبس شماغه عند مراية المدخل فيصل وهو يعدل شماغة
فيصل: أنا طالع للشركة ويمكن أتأخر

أميرة من بعيد : فيصل ودي أقولك شئ
فيصل: أميرة أنا الآن مو فاضي لأرجعت لك اللي تبين
قربت أميرة من فيصل ووقفت على الباب وكلمته
أميرة : فيصل أنت قلت بتتأخر والموضوع مهم
فيصل بعد أميره عن الباب
فيصل : يالله ياخالة الحين بعدي والله عندي شغل مهم
طلع فيصل للشركة وأول مدخل كلمة السكيورتي
وسأله إذا أبوه موجود أولا والسكيروتي جاوبه انه موجود في مكتبه طلع فيصل لمكتب أبوه
ابوفيصل : أتفضل
فيصل : صباح الخير يبه
ابوفيصل : صباح النور
فيصل : يبه فيه موضوع مهم ودي آخذ رأيك فيه
ابوفيصل : لحظه شوي
رفع ابوفيصل السماعة على السكرتير وخبره انه
في اجتماع مهم ولايبي أي اتصالات
ابوفيصل : الآن قول أسمعك
فيصل : يبه أنا قررت أشتري منقيه
أبو فيصل : وضّح يافيصل مافهمت
فيصل : يبه انا ابي اشتري أبل وادخل المزاين
بأم رقيبه
أبوفيصل : فيصل انت صاحي الشئ هذا يبي له احد يفهم فيه
فيصل : وانا جيتك ابيك تدلني على احد يفهم
أبوفيصل : لا اله الاالله اول علمني المقصود تدخل مشروع ماتفهم فيه وش الغرض من الشئ هذا فهمني
فيصل : لاغرض ولاشئ أعجبني وحبيت ادخل فيه
وحاس أن الشئ هذا وجه خير علي
أبو فيصل : معقول فيصل يدخل مشروع على أحساس مصدق فيصل اقنعني وقول السبب الحقيقي
فيصل : يبه بتساعدني اولا
أبوفيصل : فيصل بقولك بصراحة انا مو متشجع للشئ هذا
شئ وانا ابوك ماتفهم فيه وش حادك
فيصل : يبه كلمة وحدة تساعدني أولا
أبو فيصل : خلاص يافيصل
بساعدك بس شوف ريال واحد في الهبال هذا ماراح ادفع فاهم
فيصل : الله يخليك لي يبه لاتدفع وهذا ماهو هبال وبكره تشوف
,,,,,,,,,,,,,,,,,,,,,,,,,,,,,,,,,,,,,,,
سارة ماتوقعت ان سعود تكون ردت فعله بالشكل هذا من معرفتها فيه توقعته يضربها خصوصا بعد توضيح الدكتور وتلميحه انها عارفه بالشئ هذا اقلها
داخل الاستراحة
سارة : سعود والله مالي ذنب
سعود: سارة انا عارف الشئ هذا حبيبتي ومن قال اصلاً ان لك ذنب
يالله اهدي حبيبتي أنا لازم ارجع للدكتور واشوف وش يبي
سارة : حبيبي لاتخليني
سعود: تعوذي من أبليس سارة اذكرالله
سارة : لالالالا سعود انت بتتركني
سعود: سارة ترى لاالمكان ولا الوقت يسمح بالكلام اللي تقولين اهدى حبيبتي وأذكري الله
قام سعود ورجع بكوب مـاء لسارة
سعود: خذي حبيبتي واهدي دقايق وراجع
,,,,,,,,,,,,,,,,,,,,,,,,,,,,,,,,,,,,,
ابو فيصل تحرك وبدأ اتصالاته مثل ماوعد فيصل
وفيصل اصر ان المنقيه تدخل السنه هذي يعني أقل من ثلاث اسابيع لازم كل شئ يكون جاهز

ابوفيصل : مرحبا ابو عبدالكريم
أبو عبدالكريم : هلا ابوفيصل سم وآمر
أبو فيصل : مايآمر عليك عدو لي عندك طلب
ابو عبدالكريم : طلب واحد الله يهداك سم وآمر باللي تبي
ابو فيصل : فيصل يبي منقيه
ابوعبدالكريم : منقيه !! هههه وفيصل من وين يعرف للمنقيات انت تدري أحنا بأرض النفط والمنقيات هناك بنجد موهني الله يهداك
ابو فيصل : معك حق تستغرب ابو عبدالكريم ابيك تدلني على واحد يساعد فيصل يشتري منقيه قبل المزاين
ابو عبدالكريم :لاصار كذا مالك الا أبوضاري يفهم بالبل ويشتري ويبيع فيها
ابو فيصل : عطني رقم جواله أجل
,,,,,,,,,,,,,,,,,,,,,,,,,,,,,,,,,,,,,,,,,
ابو نايف: نايف انت متى بتعقل وتلتفت لشغلك
نايف: يبه الله يهداك ومن قال اني مقصر في شغلي
أبو نايف: مااحد قال انا اشوفك ماتداوم وانا ابوك والشئ هذا مو زين لك انت خاطب انتبه وانا ابوك
لايفصلونك من دوامك
نايف: لايهمك يبه وبعدين ودي اعرف من اللي يوصل أخباري لك
أم نايف: نايف وش هالكلام اللي تقوله لأبوك أنت بنفسك كل فترة واخذ أجازة
ومسافر والله اعلم وين تروح
نايف: ابد مارحت مكان انا أسافر مع فيصل
ابونايف: هذا بلا بوك ياعقاب متى نفتك من هالفيصل
دق جوال نايف في الوقت اللي بيرد على ابوه
نايف : هلا فيصل
أبو نايف : شفتي يامره
حط نايف يده على السماعة وطلع يكلم
فيصل : هلا نايف أبيك تسافر معي
نايف: وين ؟
فيصل : الرياض عندي شغل ضروري ولازم اخلصه الاسبوع هذا

نايف: وانا وش يوديني الرياض وش لزمتي معك
فيصل : انت وجودك ضروري ياابن الحلال
نايف: اسمحلي يافيصل مقدر صعب الدوام معطيني انذار وانا خلاص موقفي صعب لا بالعمل ولا قبال الاهل
فيصل : اترك الدوام واعطيك راتب احسن عنهم لايهمك
نايف يوم احتجتك تخليني !!
نايف: اعذرني يافيصل مقدر لكن أنت وش لك شغل بالرياض
فيصل : انا قررت اشتري ابل وادخل مزاين ام رقيبه
نايف: ههههههه تتكلم جد صبر انا جايك أجل انت وين الحين
فيصل : حمدلله والشكر في المكتب تعال نتفاهم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
الدكتور : أخ سعود أدري ان الشئ هذا صعب عليك بس أنت لازمك تحليل
سعود: دكتور انت تقول الفيروس خامل يعني انا يمكن اكون مصاب
الدكتور : أخ سعود الفيروس خامل الشئ هذا مايعني أن احتمال العدوى معدوم الاحتمال موجود
بس بنسبة بسيطه
سعود: دكتور الخبر هذا مايسر أبد يعني انا احتمال اكون مصاب
الدكتور : احتمال انت قلتها الشئ هذا مو أكيد أخ سعود عشان كذا انت والمدام لازمكم تنويم بالمستشفى
أنت فحوصات والمداوم فحوصات واخذ احتياط ومعرفة خطورة المرض بالنسبه لها
سعود: لمتى دكتور
الدكتور: الليلة ان شاء الله وكل شئ يتوضح
سعود: إنا لله وإنا إليه راجعون خلاص دكتور تم
,,,,,,,,,,,,,,,,,,,,,,,,,,,,,,,,,,,,,,,,,,,,,,
ابوفيصل : هذا رقم الرجال وخلاص لاعاد تجيب لي طاري الموضوع هذا
فيصل: تسلم يا بو فيصل ماتقصر والله
دق تلفون المكتب وكان سعود يعتذر لابوه انه مايقدر يجي لشركه وعنده شغل يمكن يتغيب اليوم كله
أبوفيصل : خلاص ياسعود ماتشوف شر وسلم لنا على سارة وانا ابوك
سعود : يوصل يبه فمان الله
,,,,,,,,,,,,,,,,,,,,,,,,,,,,,,,,,,,,,,,,,,,,,
أبو حنين : مريم صوتي على حنين أبيها
أم حنين : حنين,, حنين
حنين: لبيه يمه
أم حنين : تعالي أبوك يبيك
حنين: سم يبه
ابو حنين : خذي الجوال وانا ابوك ودوري لي رقم
آخره ثلاث أصفار وكلمي لي عليه
حنين: تامر يبه دقايق لقيته بس هذا دولي
أبو حنين : ايه ماعليه كلمي وانا ابوك وعطيني أياه
حنين: خلاص يبه دقيت الرقم تفضل ,,,

[leمخرج
تذهب احرفي سدا عند
وصف قدري وحلمي !!!
ft][/left]






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-10-2011, 02:16 AM
قمم الاعالي ظلالي قمم الاعالي ظلالي غير متصل
©؛°¨غرامي جديد¨°؛©
 
الافتراضي رد: عناقيد الحنين


عناقيد الحنـــــ 5 ــــين

مدخل
كنت ابحث عن المجد
فوجدتك حينها علمت انك ذروة المجد

,,,,,,,,,,,,,,,,,,,,,,
طلع نايف لغرفتة ياخذ شماغة ومفاتيح السيارة
لحقتة أمه بتشوف وين بيروح
أم نايف: نايف بتطلع
نايف : أيه بطلع عندي شغل
أم نايف: نايف اترك فيصل عنك فيصل ماوراه خير
نايف : يمه انا قلت قبل علاقتي مع فيصل
لاأحد يتدخل فيها يمه أنا وفيصل عشرة عمر والعشره ماتهون ألا على ولد الحرام
أم نايف : ولو وأنا أمك أتركه عنك الرجال طريقته ماتطمن والكل ينقد عليه وأولهم ابوك أتركة علشان أبوك
نايف: يمة أنا وفيصل مراح يفرقنا الا الموت ياأنزله بقبره يا هو ينزلني بقبري ويحط النصايب عليه
أم نايف : اسم الله عليك وانا أمك هذا كلام تقوله لي
وانت بتطلع لتعيديها وألا والله لااغضب عليك
أخذ نايف يد أمه وباسها وباس رأسها
نايف: يمه أنت اللي خليتني أقول الشئ هذا يمه فيصل ماقصر معي وفضله بعد الله علي كبير
توسط لي بالوظيفة وساعدني أشتري السيارة اللي نفسي فيها وبعد هذا كله لاقال محتاجني أخليه
أم نايف: ولو تعصي أبوك علشانه أتركه عنك
نايف : لاحول الله يمة بعدي عن طريقي
بعدت أم نايف عنه ونايف طلع مستعجل بيلحق على فيصل
ويشوف وش قصده من اللي بيسويه
,,,,,,,,,,,,,,,,,,,,,,,,,,,,,,,,,,,,,,,,,,,,,
أم فهد : لجين كلمتي سارة قريب
لجين : البارح كلمتها وماشكت من شئ ليه فيه شئ
أم فهد : ابد أدق على جوالها من الصبح مغلق والبيت مايرد قلقت عليها
لجين : ليه انا ماقلت لك البارح كانت زايره عند اهل رجلها
أم فهد : طيب ليه جوالها مغلق ؟
لجين : يمكن مافيه شحن ونست تشحنه نص ساعة وأكلم عليها
,,,,,,,,,,,,,,,,,,,,,,,,,,,,,
في مكتب ابو عبد الكريم اللي مابخل على أبو فيصل وكلم له أبو ضاري ووصاه على فيصل
أبو عبد الكريم : اسمع يابو ضاري توص بالرجال
ابو ضاري : ولايهمك أن شاء الله
خله يجي وان شاء الله مايلقى ألا العلم الغانم
أبو عبدالكريم : وهذا ظني فيك وأنا أخوك
,,,,,,,,,,,,,,,,,,,,,,,,,,,,,,,,,,,,,,,,,,,,,
نايف: هههههه هلا هلا حياالله راعي المنقيه خخخ
قام فيصل من وراء المكتب وسلم على نايف
فيصل : خلاص ولايهمك بكره تشوف راعي المنقيه وش راح يسوي
نايف : فيصل والله ماانت صاحي وش تبي بالبل
وغثاها المشروع هذا مايفهم فيه ألا البدو اللي
عاشوا في البر وعندهم خلفيه عن الشئ هذا
مو أنت الله يحييك
فيصل : اترك عنك الكلام هذا ويالله مشينا
نايف: على وين يالاخو
فيصل : للرياض قبل شوي قالي الوالد أنه لقى اللي
بيسوي لي الموضوع كله
نايف: مقدر والله أعذرني
فيصل : أفى والله متقدر صكت عليك بنت عبدالله هههه
نايف: هههه خلها تجي عندي وان بغت تقفل بالمتفاح والله مااقول لا
فيصل : عودنا فيها والله يالله أمش
نايف: لاجد مقدر الوالد عنده شغل ومحتاجني
فيصل : خلاص اذا ابوك أنا أدق عليه وش تبي بعد
نايف: لا واللي يرحم والديك لاتكلمة خلاص انا أكلمة
فيصل : يالله أجل مشينا
,,,,,,,,,,,,,,,,,,,,,,,,,,,,,,,,,,


ابوضاري : الو السلام عليكم
مسفر : هلا وعليكم السلام
أبوضاري : معي مسفر
مسفر: وعليكم السلام ورحمة الله وصلت خير معك مسفر
ابو ضاري : سمعت انك عندك أبل ودك تبيعها
مسفر: عندي وانا أبوك ودي أبيعها واستقر بالديره
أنا وعجوزي تعبنا من المشي وراها ومصرفها
صار ازود من فودها
ضاري : أجل يامسفر انا عندي الشراي اللي بيدفع السعر اللي تبيه
مسفر: خلاص وانا بايع بعون الله
ضاري : انا بتفق معه ونجي نشوف البل ونثمنها
مسفر : على هواكم وانا ابوك وحياكم الله
ضاري : أجل بينا اتصال علشان تدلنا المحل
مسفر : حياكم الله ضيوف عندي وان شاء الله تحصلون اللي تبون
ضاري : بإذن الله يامسفر تامر على شئ
مسفر : مايآمر عليك عدوفمان الله
ضاري: فمان الكريم
,,,,,,,,,,,,,,,,,,,,,,,,,,,,,,,,,,,,,,,,,,,,,

بعد ست ساعات من المشي بالسيارة وصل فيصل ونايف للرياض
ونزلوا بالفندق
فيصل : الليلة نرتاح وبكره نشوف ابو ضاري وش سوى بالموضوع
نايف: فيصل والله أحس بتأنيب الضمير
فيصل: ههههه لالالا نايف لاتحمّل الموضوع أكبر من حجمة وأبوك مراح يدري يوم وليله وراجعين
نايف: يوم وليله ترى مو قليله وأفرض صادف أحد من زملائي وسأله
فيصل : نايف تتكلم من جدك
نايف: فيصل أنت تدري بمعزتك عندي والا والله ماجيت معك
فيصل : نايف الله يهداك اللي يسمعك يقول مهربين
كلها جايين نشتري أبل يعني أعتبره ترفيه
,,,,,,,,,,,,,,,,,,,,,,,,,,,,,,,,,,,,
دقت حنين الرقم وعطت الجوال أبوها اللي أخذه وطلع عنهم
والشئ هذا استغربت له مريم وحنين
أبو حنين : هلا ياطويل العمر
الطرف الثاني : هلا عبدالله ليش داق
أبو حنين : تأخرت علينا وقلت أسأل
الطرف الثاني : حتى لو تأخرنا بالضاعة مايحق لك تتصل ياعبدالله
ابو حنين: أناياطويل العمر كان قصدي خير
الطرف الثاني : عبدالله شهر والبضاعة عندك انتظر اتصال من شخص راح يسلم البضاعة لك
أبو حنين: صار طال عمرك
,,,,,,,,,,,,,,,,,,,,,,,,,,,,,,,
حنين: يمه من الرجال اللي كلم عليه الوالد
مريم : مدري وانا أمك علمي علمك الحين يجي ونشوف
من
رجع أبوحنين وجلس وهو شارد البال
مريم : أبو حنين من الرجال اللي كلمته
أبو حنين: رجال لي شغل معه
مريم : من ؟
أبوحنين: رجال بيجيب لي عمال لمزرعة النخل
مريم : وين ساكن البنت تقول الرقم دولي
أبوحنين: يامن شرى له من حلاله علة
اسكت يامره مالك دخل
,,,,,,,,,,,,,,,,,,,,,,,,,,,,,,,,,,,,,,,
سعود : بشر دكتور
الدكتور : سعود انت سليم الحمدلله من الفيروس
لكن المدام المرض بدأ يتطور عنها وفيه أشياء كثيرة
لازم تمتنع عنها
سعود : مثل أيش دكتور
الدكتور : أخ سعود فهمك كفايه زوجتك مصابه بمرض معدي وخطير ياليت تتجاوب معنا
سعود: دكتور انا بسافر انا وهي خارج المملكة
الدكتور: أخ سعود ماأنصحك العلاج نفسة أما إذا انت مصّر الشئ هذا حرية شخصية لك
سعود: شكرا دكتور اقدر أطلع أنا وهي من المستشفى
الدكتور : العفو تقدرون تطلعون والآن ابدأ بالاجراءات وأكتب لزوجتك بعض الادوية
,,,,,,,,,,,,,,,,,,,,,,,,,,,,,,,,,,,,,
من الصباح أتصل فيصل باابوضاري واتفق معه
يطلعون للرجال ويشوفون وش يقدرون يسوون
نايف : وينه لنا ساعة نتظره الشمس أحرقتنا وهو ماجأ
فيصل : اصبر شوي قال جاي
وصل ابوضاري للمكان اللي اتفقوا عليه
نايف : أخيراً وصل
فيصل : أسكت لايسمعك
أبو ضاري : السلام عليكم
فيصل ونايف: وعليكم السلام
فيصل : يالله مشينا
أبو ضاري : على وين
نايف: نلعب للرجال طبعاً
ابوضاري: لامانلعب ياالاخو بس أول غيروا ملابسكم انتم بتشترون أبل والادجاج
فيصل : ليه وشفيها ملابسنا مناسبه للبر
نايف:هههه والله أني داري واللي مامعه ملابس
زعل أبوضاري وحس ان فيصل مو جاد
ابوضاري : أخ فيصل تبي منقيه البس ثوب وغتره
ماتبيها عن أذنكم
فيصل : لا أبيها اكيد وراك يابوضاري زعلت
أذكر الله الحين نغير ملابسنا ونتوكل على الله كلم الرجال بس

ابو ضاري : صار

كلم أبو ضاري على مسفر
ابوضاري : مسفر الان متواجدين عند محطة .....
مسفر : خلاص بدلك اسمع .....)
أبو ضاري : جزاك الله خير دليت ساعة ونكون عندك بعون الله
مسفر : حياكم الله
,,,,,,,,,,,,,,,,,,,,,,,,,,,,,,,,,,
مسفر : الغيوض ,,,,الغيوض يابوك
الغيوض: نعم يبه
مسفر: خذي وأنا أبوك مفتاح السيارة وروحي للغنم
خذي خروف طيب وخلي العامل يذبحه
ابوك الليلة عنده ضيوف
الغيوض : الله يحي ضيوفك يبه ويستاهلون ,,,,,,

مخرج
اصبحت مجدي وأنا أفخر به
واصبح الكل يغبطني عليك








  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-10-2011, 02:19 AM
قمم الاعالي ظلالي قمم الاعالي ظلالي غير متصل
©؛°¨غرامي جديد¨°؛©
 
الافتراضي رد: عناقيد الحنين


عناقيد الحنـــ 6 ين

مدخل
يسبب الحب أزمة
لي مع أنة يسكنني
ألهمني يارب
للتخلص منه!!!!!!

ترفه : على وين وأن أمش
غيوض : أبوي يبيني أجيب ذبيحة من رعية الغنم
تطلعين معي
ترفه: لا وأنا أمش بجلس مع أبوش يمكن يعوزني
غيوض: على راحتش فمان الله
راحت غيوض تجيب الذبيحة وكان الوقت قريب المغرب والشمس خلاص ما بقى منها شئ أخذتها ورجعت لمكان الخيام اللي كان
فيه خيمتين وبيت شَعْر وغرفة ضيافة
ولقت الضيوف عند أبوها في بيت الشعر
وأمها تسوي القهوه
لهم
الغيوض ماكانت تدري أن أبوها عنده نية يبيع الإبل والشئ هذا فاجأها
غيوض: يمه أبوي بيبع الإبل
ترفه : ماقالش
غيوض: لا ماقال لي يمه ليه بيبعها
ترفه : بننزل الديرة
غيوض بصوت واطي : ومن قالش إنا نبي المنزال
ترفه: غيوض أوص الشور لبوش وهو أدرى
,,,,,,,,,,,,,,,,,,,,,,,,,,,,,,,,,,,,,,,,,
سعود حالته حاله كيف يقول لسارة محتار ما وده يجرحها ولا وده يمنّيها
سعود: يالله سارة الدكتور كتب لنا خروج
سارة: طمني !!
سعود: أبد ما فيه شئ أجراء روتيني وأنت ِ مثل ما قال الدكتور
مرض بسيط بالكبد وإن شاء الله مع العلاج تتحسن حالتك
سارة: الحمدلله ع السلامة حبيبي
سعود: وأنت ِ بعد ياقلبي الحمدلله على السلامة
يالله توكلنا على الله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مسفر: أبوضاري تعال ابيك شوي
أبوضاري : أبشر عن أذنكم يا جماعة

برز مسفر ببوضاري وصرح له عن اللي دار في خاطره
مسفر: أبوضاري أنا ببيع البل على اللي معك
أبوضاري : مسفر الله يهداك هذا الشيخ فيصل
واللي معه خويه
مسفر: شرآي والا لا
أبوضاري : شرآي يابن الحلال
مسفر :اجل علمه مية ناقة بخمسين مليون
وخمسين ناقة بخمس وعشرين مليون
ولاتنقص ريال
أبوضاري : بيني وبينك يارجال المبلغ كبير
مسفر : هذا سومها السعر سعر السوق
الرجال شاف البل وأن صار صامل تمينا البيعه
وان صار يلعب يدور غيرنا
والثانية أرجح والله
أبوضاري : أذكر الله يامسفر الرجال صامل والا ما دورها وجيت معه بس أنت هد في السعر شوي
مسفر : ولا ريال
أبوضاري : الشكوى لله لاتنسى السعي بس
مسفر : أبشر بسعدك بس خل البيعة تتم
,,,,,,,,,,,,,,,,,,,,,,,,,,,,,,,,,,,,,,,,,
نايف: وين راح خويك
فيصل : والله مدري أصبر ونشوف
نايف: أنت شفت مسفر والله يخوف
فيصل : ليه علشان شعره
نايف: وش شعره كله أحسه مجرم عيونه عيون أجرام
فيصل : يخيل لك أنت لان أبوك بالمباحث
تشك في كل احد تشوفه
نايف : هذا والله مو شك أنت شف وجهه وتعرف
فكر فيصل شوي والتفت لنايف

فيصل : نايف ,,,
نايف : نعم
فيصل : أنعم الله عليك شف وجهي بالله
ألتفت نايف له
نايف : وش فيه
فيصل : وجهي مايقول لك أني مجرم بعد

نايف: فيصل أنت تمزح ومتفرغ
دخل في الوقت هذا مسفر وأبوضاري
مسفر: حيالله من جانا
فيصل : تحيا
نايف : الله يحييك
مسفر: أسمع وأنا أبوك البل تبيها وصامل
فيصل : صامل ياعم
مسفر : توكلنا على الله البل المية ناقه وضح بخمسيـــن مليون
نايف: كح ...كح أذكر الله ياعم حنّا بنشتري
حيوان يموت ويحيا
شكلك غلطان بينه وبين مخطط الاراضي
مسفر ناظر نايف وعيونه شوي وتطلع من رد نايف
مسفر: ياولد أنت اللي بتشتري
نايف: لا
مسفر: خلك وجه خير أجل
فيصل : تم ياعم
مسفر: كم راس تبي
فيصل : مائة ناقه وضح والخمسين مليون مافيه منها ألا خمس وأربعين وأذكر الله وقل تم
مسفر شاف ان فيصل صامل وماحب يخسره
مسفر : لاأله ألا الله تم وانا أبوك
قام أبو ضاري يسلم على فيصل ويبارك له وتبعه نايف
أبوضاري : مبروك وجعلها مقدم خير عليك يابوتركي
فيصل : تسلم يابو ضاري
نايف: مبروك ياشيخ
بصوت واطي فيصل انت شارب شئ
فيصل بهمس :لا ليش ههههههه
,,,,,,,,,,,,,,,,,,,,,,,,,,,,,,,,,,,,,,
أبوفيصل : وليد كلم عليك فيصل اليوم
وليد: لا ياطويل العمر لكنه الان متواجد بالرياض
وقال أحتمال يرجع في الصباح
أبوفيصل :أجل كلم على سعود وخله يجي أبيه
وليد : تآمر طال عمرك
,,,,,,,,,,,,,,,,,,,,,,,,,,,,,,,,,,,,,,,,
في السيارة الصمت سيد الموقف بين سارة وسعود
سارة مرتبكة ودها تكلم سعود تجرأة أخيراً
سارة : سعود
سعود: لبيه
سارة : سعود لا تروح بيتنا ودني عند أهلي
سعود: ليه حبيبتي
سارة : أنا تعبانه ودي أرتاح يومين ثلاثه
سعود: على راحتك بس أول نمر البيت ناخذ غيارات لك
سارة: سعود لا روح على طول بحصل ملابس عندهم وماراح أطول أن شاء الله
سعود: خلاص على راحتك حبيبتي
,,,,,,,,,,,,,,,,,,,,,,,,,,,,,,,,,,,,,,,
طلع نايف وفيصل وأبو ضاري لغرفة الضيافة اللي قلط فيها مسفر العشاء
مسفر : يالله تحيي من لفى أقلطوا على قل الكلافه
نايف بصوت واطي : فيصل شف المكان هذا لراعي أبل
فيصل : لاتغرك المظاهر أهل البل غاصين بالفلوس
نايف: بخل !!!!!!!!!!
فيصل : لا وأنت الصادق يخافون من الحسد
مسفر: هلا والله عن أذنك ياجماعة دقايق
وتموا على عشاكم حياكم الله
,,,,,,,,,,,,,,,,,,,,,,,,,,,,,,,,,,,,,,,
بعد ماوصّل سارة لبيت أهلها توجة سعود
لفلة اهله بعد مابلغه السكرتير ان أبوه يبيه
المكان هادي وأهله شكلهم نايمين طلع لغرفة نومه
حاول ينام بس عجز النوم موراضي يزور عيونه
طلع للمجلس وشغل التلفزيون
دخل عليه أبوه
أبوفيصل : سعود انت هنا
سعود: أيه يبه تآمر بشئ
أبوفيصل : بلغك وليد أني أبيك
سعود: بلغني وجيت أشوف وش تبي توقعتك نايم
أبو فيصل : لا انا كنت معزوم على حفلة زواج
أنا وأمك وتو جينا
سعود علامك وأنا أبوك فيك شئ ؟؟

سعود: لايبه مافيه شئ سلامتك
أبوفيصل : سعود أنا أبوك أذا عندك شئ علمني
سعود :أبد يبه سارة تعبانة والشئ هذا مزعجني
ومخليني مااقدر أفكر
أبوفيصل: أفى سلامتها وأنا أبوك ماتشوف شر أن شاء الله وتعبها
سعود : الكبد الوبائي والحالة متقدمة
أبوفيصل: الكبد الوبائي !!! عسى ماأعتدك وانا أبوك
سعود: لايبه الحمدلله أساسا هي لها فترة ماتخليني أقربها ولما بلغني الدكتور بالمرض اللي تعاني منه
تأكدت انها عندها علم واللي شفع لها أنها مخلتني أقرب لها
أبوفيصل : لا إله إلا الله والحين الطريقة كيف
سعود: مدري محتار الدكتور يقول المرض مانقدر نسوي معه شئ سوى إنا نكافح تقدمه بالمضادات
أبوفيصل : طلقها !!
سعود: يبه الله يهداك أطلقها ليه
أبوفيصل : سعود انت ماقلت عندها مرض معدي وش تبي فيها
سعود : ولو يبه أنا مقدر اطلّق سارة
أبو فيصل : وليه أن شاء الله
سعود: يبه أنا أبيك عون لي
أبوفيصل : وأنا عونك أن شاء الله
سعود: تسلم يابو فيصل
عن أذنك أنا طالع أنام
أبوفيصل : خذ راحتك وأنا أبوك الله
يخفف مصابك
,,,,,,,,,,,,,,,,,,,,,,,,,,,,,,,,,,,,,,,,,,,,
كان فيصل ونايف وأبوضاري واقفين عند
السيارات ويستعدون للمشي
أبوضاري : أسمع يا أبو تركي السعي نص مليون منك ونص مليون من عند مسفر
فيصل : ابشر يابو ضاري والله مقصرت
شغل أبوي ضاري سيارتة وحرك من المكان
وترك فيصل ونايف وراه
مسك نايف يد فيصل

نايف: فيصل وانا مالي شئ
مشوار ساعتين أخذ فيه هالظالم مليون
فيصل : ههههه نايف ابشر بعزك بس الحين خلنا ندبر الخمس وأربعين مليون والله لويدري أبوي تصيبه جلطة
نايف تسمع اللي اسمعه؟؟
نايف : أسمع هذا صياح بنت!!!!!!!!!!!!


مخرج
اسكب عطرك
في كؤوس الحب
ليكون لي متنفس


منصور السديري
• مداخل الروايه ومخارجها أهداأأأء لشريكة العمر



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-10-2011, 04:19 AM
وردة الزيزفون وردة الزيزفون متصل الآن
مشـ© القصص والروايات©ـرفة
 
الافتراضي رد: عناقيد الحنين


ياهلا قمم بمولودتك الثالثة بس شبيكون مصير مولودتك الثانية لايكون مابتكملها لاعاد لاتعلقنا كذا تراني متشوقة اعرف شبيسوي فهد في ابو محمد وشبيكون مصيره مع شيهانة


نجي لروايتك الجديدة احس انو فيها اسرار وهالشي تعودنا عليه برواياتك وهو الي يشدنا لها والله يعيننا على الحوسة الي بتصير براسنا


فيصل لهذي الدرجة بطران من وين له كل هالفلوس شكله والله العالم مهرب مخدرات والطرف الي كان يكلمه هو نفسه الي كان يكلمه ابو حنين بس دامه وارث خير من امه ليه يشتغل بهذي الشغلة الي ماوراها الا الدمار لذلك مايبغي يتزوج بس مافكر بأبوه واخوانه اذا انمسك وانفضح


حنين كيف هي الي بتغير مصير عيلتها كله بزواجها اذا ابوها يشتغل بالتهريب يعني عنده فلوس بس هو مخفيها علشان الناس ماتشك بس حنين شدخلها عندي احساس انها مابتاخذ نايف وبتكون لفيصل كيف وليه ماادري مع انو صعبة على فيصل ياخذ وحدة صديق عمره يتمناها ويبغيها بس لانو انت قلت انها بتغير حال عيلتها جاببالي هالشي غير انو شغلة ابوها والطرف المجهول الي يربط بين الاثنين


الغيوض بيكون لها دور وشكلها راح توقف لابوها بالبلعوم على بيعه الابل بس راح يعيشها بخير بدل هالخيم الي ساكنه فيها وبنفس الوقت قلت يمكن فيصل ياخذها او يمكن نايف والله احتاس مخي بس شكل لها دور بالرواية والاحداث ..........


اميرة شتبغي من نايف وايش هالوقاحة الي فيها رايحة تناظر الرجال بالمجلس بس شكلها بترتبط بسعود مجبرة كيف ماادري يمكن فيصل يطب عليها وهي تتلصص ومين حاتم هل هو اخوها الصغير

سارة شهالغباء والاجرام فيها هالمرض المعدي وساكتة اي حب الي يشفع لها لو ضرت سعود يمكن ماتطيب من مرضها دامه متقدم وتموت ويتزوج سعود اميرة لانو بيموت على الفلوس والحلال من طريقته وكلامه يعني يحمد ربه انو فيصل معيشهم بفلوسه بعد يناظر بحلال اخوه حمد لله والشكر شهالطمع يالله ان شاء الله مرض سويرة يشغله شوي .........

في انتظار البارت الجاي وتطورات الاحداث

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 05-04-2012, 08:38 PM
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: عناقيد الحنين





اقتباس:
يتم إغلاق الروايه في حال طلبـ ..الكاتبــ \ ــة...إغلاق الـرواية..أو...لـتأخرها...أهمالها ..أو..لـتجاوزات في الردود
وايضاً تغلق الروايه في حال تأخر الكاتبه لـ أكثر من عشرة أيامـ وتفتح حين جاهزية الاجزاء..
مُغلقـــــــــــــــة ..




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-09-2012, 07:52 PM
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: عناقيد الحنين




اقتباس:

مواضيع غرام لا تُحذف نهائياً سوى المُخالفة لـ القوانين العامة لـ المُنتدى
لا تُحذف أي رواية أياً كان السبب
* و في حين الرغبة بـ أي تعديل يتم مراسلة المراقبة / المُشرفة
سـ يُنقل أي موضوع يرغب الكاتب في تعديله و إعادة طرحه لـ الأرشيف بـ شرط أن يكون قد مضى عليه أكثر من شهر ‘ و إلا سـ يتم تعديلة في نفس
الموضوع


موضوع مغلق

عناقيد الحنين

الوسوم
الحنين , تجارب , غيوض , عناقيد , فيصل , قمم الاعالي ظلالي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تطور نمو الجنين والام من الشهر الاول الى ساعة الولاده انثى الحور النرجسيه الحياة الزوجية - الحمل - مشاكل الزواج - خاص بالمتزوجين 12 04-06-2012 01:52 AM
الحمل من الاسبوع 1 حتى الاسبوع25+ نصائح زرقا اليمامة الحياة الزوجية - الحمل - مشاكل الزواج - خاص بالمتزوجين 6 06-01-2010 11:24 AM
البطل العالمي عيسى مجرشي _ بطل العالم في لعبة الجودو سن توب رياضة متنوعة - سباحة - كرة تنس - كرة سله - مصارعة 6 09-06-2009 11:01 AM
شهور آلحمل كآملة بآلصور άĐмиτқ ะ ~ الحياة الزوجية - الحمل - مشاكل الزواج - خاص بالمتزوجين 18 27-05-2009 02:18 PM
ويأخذني الحنين إليك SARA AL-N منقولات أدبية 9 20-03-2009 03:36 AM

الساعة الآن +3: 11:07 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1