غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-10-2011, 11:01 PM
nourh bnt abuha nourh bnt abuha غير متصل
©؛°¨غرامي جديد¨°؛©
 
الافتراضي أعلن إنسحابي / بقلمي


مرحبا صبايا شباب

انا اليوم جبت لكم روايه من خيالي >> الله يعينهم

اعلن انسحابي ..

^ _^ هع ..!!


نبدا بالموهيم مو طويله حيل بس ان شاء الله تعجبكم

وانا راح انزل كل مره افضي فيها او انتو حددو يومين في الاسبوع الي يناسبكم واحاول انزل فيهم

رجاا اي احد بينقل الروايه باسمي




بـــدايــه ..! " الا يارب على بعده تقويني "


بيسان صحت بنشاط مثل كل يوم فتحت شبابيك شقتها الصغيره واستقبلها ريحه المطر النديه والهواء البارد ابتسمت براحه وهي تشوف السماء مليانه بالغيوم جلست فتره تطالع السماء بعدها رفعت شعرها عن وجهها لان الهواء طيح بعض خصلاته على وجهها الصغير

بيسان اول سنه لها بالجامعه عمرها 19 وموريتهم الويل مافي احد مايعرفها طبعا تدرس ببريطانيا من صغرها وعندها لغتين انجليش وعربي وكلهم بطلاقه
بيضاء حيـــل وشعرها اشقر وفي خصلات بندقي طبيعته ولا عمرها صبغته قصيره حيل بس قصرها مناسب لجسمها الرشيق قمر يمشي ع الارض عيونها واسعه وعسليه حواجبها مرسومه من الله خشمها طويل شفتها صغيره ومليانه دوم معصبه ومعقده حواجبها ( بعدين نعرف السبب )

بيسان : ياربي تاخرت ع الجامه ركضت لغرفتها وطلعت لها بدي ( يفضح اكثر مما يستر ظهرها كله طالع ويغطي بس بطنها وصدرها على شكل سواريه مره ناعم عليها )

تحب تلبس هيك بديات عشان يبان الوشم الي بنهايه ظهرها لبست معاه جينز سكيني ازرق وسوت شعرها وفي ناعم وطلعت للجامعه بسيارتها ( فراري حمرا )

وهي بطريقها للجامعه شغلت اغنيتها المفضلــه محمد عبدو مذهله > عليها جو ع الصبح

وقفت عند كوفي واخذت لها كباتشينو حار تشربه عبال ماتوصل الجامعه
وهي تمشي وتردد ماهي بس قصه حزن رغم الحسن فيها بحد ذاته مشكله
طالعت الجوال وكشرت : بسم الله مامداني قلت مشكله اتصل منبع المشاكل > ابوها
ردت بكل نفس شينه : هاه
عبدالعزيز : هلا بيسان
بيسان : وش تبي
عبدالعزيز : كيف الدراسه
بيسان : سوال انت تعرف انا اي تخصص داخله عشان تسالني
عبدالعزيز تفشل لانه بجد مايعرف عنها الا انها بنته وساكنه ببريطانيا من تقريبا 12 سنه
بيسان ابتسمت على جنب بسخريه وبانت غمازتها : ماعلينا قول وش عندك
عبدالعزيز : جاني اتصال من احد موظفيني يقول انك ماخذه الحوريه الكامله وفاسخه الحيا موليه
بيسان : ماعلي شرهه ابوي مارباني وسكرت بوجهه لانها وقفت عند بوابه الجامعه
نزلت من السياره وخصلات شعرها تتطاير مع نسمات الهواء وهي تسكر الباب سمعت تصفير من بعيد

مشاعل : ياهو في احد يلبس هاللبس ع الصبح
بيسان ابتسمت : اوو غريبه حاضره بدري اليوم
مشاعل : معجزه بس الماما طردتني بالعصا
بيسان : اها تستاهلين وين الشباب اشوفك لوحدك
مشاعل : عزوز دخل عنده محاضره وجوزيف مع لارا
بيسان تضحك : اوو تصالحوا العشاق
مشاعل تحط كفها بكف بيسان : واخيرا يلا تعالي طولنا الوقفه برا الجامعه
بيسان وهي تمشي سمعت صرخه من بعيد

" صدفه جمعتني بغرامي"

ولد بكامل اناقته واقف عند سيارتها ويصارخ بالانقليزي على باله اجنبيه بسبب منظرها الفاضح وملامحها الغير عربيه ابداا : af you allow
( لو سمحتي )
بيسان لفت وهي منزعجه من صوته العالي وهي هاذا اكثر شي تكرهه شافته واقف عند سيارتها وياشر لها
بمفتاح سيارتها :forgot your key
) نسيتي مفتاحك )
بيسان رجعت وسحبت منه المفتاح ولانها متاكده انه عربي او بالاخص خليجي تكلمت عربي : او صح نسيته مرسي
مشاري بدات اثار الصدمه تبان على وجهه معقوله خليجيه وكذا لالا مستحيل غمض عينه وفتحها شافها ماشيه وظهرها كله طالع واشمه بعد حط يده على راسها شاف راسه شاب نار جمالها خيالي مو طبيعي عيونها تذبح ياربي مو معقوله سعوديه لهجتها طريقه كلامها يدل على انها سعوديه ضرب رجله في الارض كيف سعوديه
مشى وراها يبي يتاكد ويسمع صوتها مره وثنتين
وثلاث

دخل الجامعه وصار يمشي وراها والي صدمه اكثر منظرها وهي تضم ولد وتضحك معاه وعادي ولاهامها حقد عليها وتمنى انه ماكلمها ماتوقع بنت سعوديه تسوي الي تسويه






عند بيسان وهي تمشي مع مشاعل شافت جوزيف ولارا طالعين يمشون

بيسان ضمت جوزيف : واخيراا تصالحتو
لارا بلهجه سوريه : ان شاء الله هي اخر الزعلات ما حياتي
جوزيف وهو يبوس راسها : اي تئبري البي
بيسان : ربي يخليكم لبعض
مشاعل : اي مو تتزاعلون وتبهذلونا مره ثانيه
لارا : لا ماتخافي
بيسان سحبت مشاعل : خليهم لوحدهم اليد باليد والخافي اعظم وتغمز لهم
لارا بحياء : بيسان ماتحكي هيك
بيسان راحت تمشي وهي تضحك
مشاعل : بيسو انتي شاربه شي امس ؟؟
بيسان على طول سكتت : ليه
مشاعل وهي تعيد السوال : شاربه شي ؟؟
بيسان حطت عينها بالارض : من قال لك
مشاعل وعيونها امتلت دموع : شلون من قال لي انتي اعز صاحبه لي واقرب انسانه شلون ماتبيني احس فيك انا من جيتي وانا عارفه هاذا الي تسوينه حرااام
بيسان وهي تحس قلبها يتقطع : ميشو انتي بنت محجبه واهلك واثقين فيك بليز اتركيني
مشاعل وهي تمسك يدها وتبكي : بيسان انتي مسلمه صح
بيسان هزت راسها بايه
مشاعل تلمس شعرها بكل حنان : طيب ليه كذا لا ادب ولا حشمه ولا حتى خوف من ربي
بيسان تركتها وراحت تركض لانها لو بتجلس دقيقه راح تبكي وهي ماعمرها نزلت منها دمعه طول عمرها كتومه حتى ماتصارح نفسها وقفت وصارت تتنفس بسرعه لانها ركضت بعيد مره عن مشاعل ماتبي تشوفها تستحي تحط عينها بعينها
جلست ع اقرب كرسي وحطت راسها بين يدينها وصارت تفكر بليله امس قضتها كلها شرب هاذا الشي الوحيد الي ينسيها

امها الي تخلت عنها من وهي صغيره وابوها الي سفرها وغربها كل هاذا عشان زوجته واولاده مايعرفون بها ويكشفون انه متزوج امها عاشت طول عمرها وحيده لا اهل ولا اب ولا صديق من حوالي سنتين تعرفت على مشاعل وهي اول انسان يحبها بصدق رفعت راسها على الصوت الي من اول مره سمعته كرهته

مشاري وبيده مناديل : امسحي دموعك
بيسان وقفت وبكل حقد سحبت المنديل ورمته بالارض : ومن قال لك باكيه اي وحده تجلس مع نفسها تبكي بنظركم جد عالم مجنون ومشت وتركته

مشاري بخاطره ( سعوديه الا سعوديه مستحيل مو سعوديه ) جلس ع الكرسي وبخاطره ياربي انا وش علي منها ليه افكر فيها بعد طالع الساعه موعد محاضرته






عند مشاعل لحقت بيسان بس ضيعتها بسبب الزحمه وكثره الطلاب والدكاتره فيئاست وراحت محاضرتها









بيسان دخلت الحمام وصارت تعدل الميك اب بسبب الركض ساح حطت قلوس فوشي ومسحت بعض الكحل السايح ورجعت تحط مسكرا طالعت شكلها النهائي قمه بالجمال من دون ميك اب وزياده ع الحلا حلا
تنهدت بضيق وهي تمرر ايدينها ع ظهرها وتحسس الوشم كان عباره عن بنت حزينه وبيدها ورده ذبلانه وبخاطرها هاذي انا وطول عمري بضل مثلي هاذي البنت
اخذت شنطتها بسرعه وتوجهت للقاعه وهي تمشي بسرعه عشان تلحق رغم انها تاخرت 10 دقائق

ضربت الباب مره ومرتين بعدها فتحت لها الدكتوره

الدكتوره : why the delay ) ليه التاخير )
بيسان : regret the delay ( اسف ع التاخير )
الدكتوره عارفه بيسان شاطره ومن النوع الي يفهم بسرعه دخلتها لانها تحب تواجدها بالدرس
بيسان مشت لمكانها بكل هدوء وهي عارفه الانظار عليها وتكره تكون محط النظر عشان كذا دايم تجي بدري للمحاضرات بس هالمره غصب عنها
جلست وبالها مو مع الدرس ابدا تبي تغير من حياتها بس ماتقدر هي صار لها من حوالي سنتين تشرب وتحشش بعض الاحيان بس بالفتره الاخيره زعلت منها مشاعل وتركت الحشيش بس الوسكي ماقدرت

اخذت القلم وصارت ترسم على طاولتها نفس البنت الي واشمتها على ظهرها تلاقينها بكل مكان ترسم هذي البنت بدفاترها اي شي تلاقيه ترسم فيه نفس هذي البنت لانها تشوف نفسها بهاذي الصوره
حست باحد يطالعها ومانزل عينه من عليها بس ماتبي تلف عليه وتتهاوش كالعاده بس لفت ماقدرت تتحمل نظراته
بيسان بصوت واطي بحيث ماتسمع التيجر : هي انت وش فيك تطالع وتحتك من اليوم شكلك جديد وماعرفت من بيسان عدل
مشاري بصوت اعلى شوي : عدال الله وبيسان كلها بنت ق ###### ماتسوى
بيسان طيرت عيونها من بجاحته وقله ادبه : تدري انت وقح وقليل ادب ...
قاطعها مشاري : مو اقل منك ادب بنت الحرمين ولابسه هالملابس وملعونه من فوقك لتحتك
بيسان سكرت الدفتره بكل غصب : انت وش لك دخل وش عرفك اني سعوديه بعد ؟
مشاري : لسانك على بالك اصمخ
بيسان سفهته وقامت تجاوب ع السوال بكل طلاقه وكان جواب نموذجي
مشاري بصوت واطي بس بيسان قريبه منه وتسمع كل كلمه : اشوى فيك خير لو بشي واحد
بيسان عطته نظره كره فيها نفسسه وجلست حطت رجل على رجل بحيث رجلها المرفوعه تكون بوجهه وصارت تهزها هزه ملحوضه
مشاري انقهر من حركتها الي تقلل من قيمته والكل صار يطالعها ويبتسم لانهم عارفين حركات بيسان لمى تعصب ماتخلي احد بحاله
مشاري مد رجله ورجفها وطاحت الا شي بسيط لانها تمسكت بالطاوله رجفته بغت مو بس تطيح رجلها لا تطيح كلها من الكرسي عطته نظره وجهها كله طايح على وجهها وملامحها معقوده وباين العصبيه تطاير من عيونها
مشاري بخاطره ( حتى وهي معصبه جمالها يزيد مو بنت هاذي جلس يتامل ملامحها المعقوده كانت تطالع فيه بشراسه وودها تاكله باسنانها ابتسم على منظرها غصب عنه )
الكل ضحك بصوت عالي ع منظر بيسان الي حاقده وهي تطالع مشاري وهو ولا على باله ويبتسم
الدكتوره لاحظت الحركه والضحكه عطتهم تهزيئه محترمه والكل سكت



عند مشاعل طلعت من المحاضره وراسها مصدع مافهمت ولا شي من هالكلام كله
جلست ع الكرسي تنتظر لارا ولا بيسان شافت لارا تاشر لها راحت لها


مشاعل : ها فهمتي
لارا : كتير صعب بس وينا لابيسان
مشاعل : مادري زعلانه مني شكلها
لارا : يالله من شو
مشاعل تسحب لارا : انتي عارفه بيسو حساسه
وجلسو بالكافتريا وطلبو لهم شي ياكلونه





عند بيسان طلعت من المحاضره واتصلت على لارا جوالها مغلق ماتبي تقابل مشاعل ابدا مالها وجه تشوفها وهي مخيبه املها بعد ماوعدتها انها ماتشرب مره ثانيه و رجعت تشرب

شافت جوزيف ركضت له : وين لارا
جوزيف : مع مشاعل تركتون واجيت لحتى سلم ع رفيئي
بيسان : اها وراحت وبخاطرها مشاعل حتى ماتبي تشوفني وكارهتني اصلا هي بنت محترمه مشيتها معي تشوه سمعتها المفروض انا احاول ابعد عنها عشان مصلحتها
جلست ع الكرسي وطلعت الايبود وصارت تسمع اغاني على بال ماتجي المحاضره الثانيه وتطلع

تركي وفهد ورائد ومنى الشله المعروفه بالجامعه طبعا هاذولا اعداء بيسان ودايم هواش معاها وتضارب

تركي كويتي ودايم يتطاول على بيسان وهي طبعا ماتسكت
فهد سعودي ورائد بعد سعودي هاذولا يكرهونها بسبب انها مغروره وعنيده
منى طبعا تموت من الغيره لمى تشوفها لانها تعتبر ملكه جمال بالنسبه لها ملامحها عاديه جدا وهاذي من اصل امراتي


تركي : شباب طالعو بيسان بروحها
فهد : تعال نهبل فيها
رائد : قدام احسن شي اموت بالهوشات معها
منى : خذوني معاكم

وصلو عندها تركي جلس وسحب السماعه وصار يسمع الاغنيه ويغني مع الجسمي الجبل

بيسان بقرف : اوف اوف بجد مغبرين وش تبون الحين هواش مو فاضيه بسرعه طسو عن وجهي
منى : عدال ميتين على ويهج
بيسان وهي تشوف نظرات رائد مركزه على صدرها رفعت تيشيرتها : الي اشوفه انهم مو ميتين وبس وقفت وسحبت من تركي السماعه
تركي : ويعه اذوني قطعتيهم قطيعه تقطعج
منى وهي تبوس اذن تركي : هاي مو بنت اشك انها صبي لا انوثه ولا نعومه
بيسان وهي تطالع رجلينها : اقول تبي تسكتين ولا اعدل ملامحك بالجزمه
منى : واي تروك جوفها متخلفه تسويها
تركي وقف : وهي تقدر تقرب منج بس لااخليها تنسى حليب امها
رائد ساكت ويطالع بجسمها وبخاطره ( جسسم ابن كلب اوووه )
فهد يصفق : اي تروك عطها
بيسان فسخت جزمتها وصارت تضرب منى ليمى شافتها محيوسه في الارض وتبكي رحمتها رمت الجزمه : حتى الجزمه كرهتها والسبه لانها لمستك مشت بالجامعه بكل جرائه بكسندل واحد والكل يطالعها ويضحك وكلما احد ضحك تهاوشت معاه
ركبت السياره ومشت فيها باقصى سرعه مالقت نفسها الا وهي واقفه عند البحر نزلت الكرسي على ورا واستقبلها الهوى النقي شغلت ع اغنيه كيفك انت لادم

واسترخت ع الكرسي وهي مغمضه عيونها

كيفك انت واضمك مثل مااذكر تغيب سنين
وعلى رجعه دقايق تبغى اتشكر ...

لا ولله وفيك الخير جروحك والدموع بخير يقولوا
غيروك الناس يقولوا صار فيك احساس
ولا تدري ماعلينا ذي( دنيا )مو بيدينا ..!

احكي انت قلي وش صار بحياتك هو صحيح انك نسيت واني صرت بذكرياتك ..

لا ولله وفيك الخير جروحك والدموع بخير يقولوا
غيروك الناس يقولوا صار فيك احساس
ولا تدري ماعلينا ذي( دنيا )مو بيدينا ..!

وينك انت كل شي بعمري فاتك وادري انك نويت ترحل وتترك سكاتك ..

لا ولله وفيك الخير جروحك والدموع بخير يقولوا
غيروك الناس يقولوا صار فيك احساس
ولا تدري ماعلينا ذي( دنيا )مو بيدينا ..!



عند بيسان كانت تسمع الاغنيه وتحس كل كلمه تنطبق على حياتها تذكرت ايامها بالثانويه حبت او بالاصح عشقت لاكن حتى بهاذي ماتوفقت وتركها حبها الاول

وعشق بنت ثانيه غيرها وهذي الصدمه كرهتها بنفس زياده اكثر من ماهي كارهتها

طلعت سلسال من درج السياره كان منحوت عليه اسمها
ابتسمت وهي تتذكر يوم ماعطاها هاذا السلسال وش قد كانت فرحتها مع ان ماعمر نقصها شي بس هذا غير عن كل شي
طالعت جوالها فيه اربع مكالمات من مشاعل

تنهدت وهي تقول مابي اضلمك معاي يامشاعل انا غير وانتي غير وسوت لها دليت ودموعها مغرقه عيونها
ضمت رجولها وبصوت واطي سويت لك دليت من جوالي بس كيف اسويه بقلبي ياختي
سمعت صوت مشاعل : عشان اذبحك يادوبا انا تسوين لي دليت
بيسان مسحت دموعها بسرعه : مشاعل
مشاعل وهي تفتح باب السياره وتركب : اي مشاعل عارفه بيسو وين تروح لمى تتضايق فقلت اجرب واشوف اذا انتي عند البحر ونجحت
بيسان : اها انتي مو مجبوره تدورين على وحده مثلي
مشاعل وهي تقرص خدودها : وحده مثلك عيوني وماقدر اتخلى عنها لو دقيقه
بيسان وهي تحس نفسها بتطير من الفرحه : يعني ميشو مو زعلانه
مشاعل ضمتها : وانا اقدر
بيسان ضمتها بقوه تحس نفسها ولا شي من دون مشاعل : شكرا مشاعل
مشاعل : على ايش انا الي اسفه ضغطت عليك
بيسان : اوعدك ماشرب وعد
مشاعل : اكيد
بيسان : هالمره اكيد
مشاعل : كويس وابتسمت عازمتك على مطعم رهيب
بيسان ردت لها البسمه : اوكيه وانا اقدر اردك
مشاعل وصفت لها المطعم وبيسان حركت

رن جوال مشاعل : الو ماما
ام خالد : هلا بنتي وينك تاخرتي
مشاعل : يو صح نسيت اقول لك اليوم انا مارح اتغدى معاكم
ام خالد : عسى ماشر ليه يمه
مشاعل : راح اتغدى مع بيسان
ام خالد كشرت تكره بيسان وتحس انها بتخرب بنتها : اها انتبهي لنفسك ولا تاخذين بكلامها ترا هي مارح تفيدك
مشاعل تفشلت لان صوت جوالها عالي وبالراحه راح تسمع بيسان
بيسان خنقتها العبره بس مستحيل تبكي قدام احد : مشاعل انا ماشتهي شي قولي لمك انك راح تجين للبيت
مشاعل : مامي اكلمك بعدين سكرت الجوال لالالا مستحيل راح اتغدى معاك
بيسان بصراخ تحاول تخفي دمعتها : مابي هو غصيبه الاكل بروح ارتاح بالبيت ومشت مسرعه لبيت مشاعل

مشاعل سكتت لانها عارفه بيسان لمى تضيق تصارخ وتقول كلام مو بخاطرها وهي مو حابه تتهاوش معاها على شي تافه







عند مشاري

طلع من الفندق بعد ماجلس فيه خمس ايام متوجه لشقته الي شراها له ابوه له قريبه من الجامعه
وصل للشقه اول مره يشوفها لانه وصل بريطانيا وعلى طول دخل فندق ماراح لها اعجبته المنطقه
هاديه والناس فيها مو كثير دخل العماره الي كانت عباره عن 15 دور وشقته بالدور 9 رقم 6

فتح الباب اعجبته الشقه كانت رومنسيه 100%
الوانها فاتحه واثاثها فرنسي ناعم جدا فيها بالاكون يطل ع البحر ..

دخل الغرفه الخاصه فيه وجلس يرتب اغراضه بعدها ريح له ساعتين

صحى ع الساعه 6 المغرب وطلب له اكل وجلس يذاكر شوي

وهو يراجع طاحت عينه ع نفس السوال الي جاوبت عليه بيسان كان معقد وصعب حتى بمجرد قرايته
ابتسم فجاه اختفت ابتسامه بعد ماتذكر قله ادبها سكر الكتاب ووقف سحب جكيته من العلاق

وطلع يشم شويه هوى طلب المصعد وركب ...


مشاري شاب وسيم الى ابعد درجه رياضي الجسم
لون بشرته برونز شعره سبايكي دايم له عوارض خفيفه مررره ويحدد سكسوكته ويطلع شكله خيال عمره 25
( شخصيه كتومه حليم





عند بيسان سكرت باب شقتها وطلعت تركض طلبت المصعد مره ومرتين ليمى وقف وركبت بسرعه
وصارت تعيد الاتصال بمشاعل اكثر من مره ولا ترد
بيسان : ياربي تستر
مشاري جالس يطالع نفسه بمرايا المصعد ويغني شوي وسمع صرخه فزعته
بيسان وهي تشوف مشاري واقف : انت ؟؟؟؟؟؟؟؟؟
مشاري لوى فمه بقرف : انتي ؟؟؟؟؟؟؟؟؟؟
بيسان : ويع وش تبي بالعماره
مشاري : انتي الي وش تبين لايكون معجبه ترا عادي شقه 6 طابق 9 تعالي الفجر في الويك اند
بيسان جت بترد بس فتح المصعد طلعت وردت بسرعه على جوالها ماتدري بالانظار الي تراقب كل تحركاتها

بيسان بلهفه : وينك انتي من الصبح اتصل ماتردين وامك تو اتصل علي تقول وين مشاعل قلت لها عندي خفت اخوفها عليك يامجنونه موتيني خوف
مشاعل تضحك : بس شوي شوي علي
بيسان : وتضحكين بعد ؟ هين يامشيعلوه




تــــــــــــــــــابــــــــــــــــــــــع ...

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-10-2011, 11:02 PM
nourh bnt abuha nourh bnt abuha غير متصل
©؛°¨غرامي جديد¨°؛©
 
الافتراضي رد: اعلن انسحابي ..!


يــــــــــــــتـــــــــــــبـــــــــــــــــــع البارت الاول ...(1)...



تفاجات من الصوت والتصيفق الي وراها


مشاعل لابسسه قبعه الحفلات وماسكه بيدها تورته
مكتوب عليها كل عام وانتي بخير ياحلى بيسووو


بيسان مطيره عيونها وهي تشوف جوزيف ولارا ومشاعل يصفقون

habby bith day to you

لارا تضم بيسان وتضحك : كل سني وانتي عنيده
جوزيف يسحبها من لارا ويبوس راسها : كل سنه وانتي بخير
مشاعل : هو هو انتي وهو خذو القاتو ابي ابوسها
بيسان لي الحين مصدومه ضمتها مشاعل : وش فيك مفهيه
بيسان انربط لسانها ماعرفت وش تقول ماجى في بالها غير هالكلمه : شكرا مشيو لارو جوزيف وربي انتو احلى اصحاب

جوزيف : راح نجلس هون كتير
بيسان تضحك : لا طبعا سوري تفضلوا وربي مادري مصدومه لي الحين

مشاري يطالع كل شي وبخاطره مقهور من هالبنت الفلتانه عادي يبوسها وساكته له والله واعلم وش راح يصير مايدري ليه كره الطلعه من شاف هالمنظر ورجع لشقته

حط راسه ع الصوفا ومنظر جوزيف وهو يبوس راس بيسان ماراح عن باله ابدا

( معقوله حبيبها اكيد بتحب مو هي عايشه حياتها هنا وفلتانه ع الاخر )








عند بيسان ...


قصت القاتو وكلهم يصوروها ويغنو لها ...

بيسان تضحك وهي تطالع لارا : عقبال مايقص ولدك قاتو ميلاده
جوزيف يضحك : يسمع منك يارب
مشاعل : وه فديته ولدكم حسيته ابيض ودبدوب وعيونه سماوي على جوزيف
لارا : لا بدي تكون عنيه خضرا ع امو
بيسان : وليه ماتكون عسلي على صديقه اهله
مشاعل ضحكت : وش لك علاقه انتي
بيسان : مدري بس من الحين لا يكون خكري مثل تركي ولا خفيف مثل رائد ولو تكون بنت لا تصير مثل منى داش## مفهوم
لارا : اي هاد ابني مو حي الله


وكلت السهره سوالف وضحك ليمى الساعه 1 والكل راح لان بكرا دوامات مو اجازه


واليوم بطلتنا تدخل سن 20 حطت راسها ع المخده وبسمتها مافارقت وجهها تحس بسعاده مو طبيعيه اول مره تحس انها مهمه عند احد لهذي الدرجه

ونامت احلى نومه ....

ماصحت غير ع صوت المنبه الساعه سبعه اخذت شور سريع

ولبست شورت جينز وبدي رمادي طالع نص بطنها طبعا مثل عادتها مستحيل تخفي البنت الي بظهرها
سوت ميك اب صباحي خفيف واخذت شنطها وطلعت من البيت

ركبت سيارتها ومشت متجهه للجامعه تحس ببرد فضيع لانها مو لابسه شي ثقيل واليوم الجو بارد حيل
سكرت كاشف السياره وشغلت التكييف ع الحار

بعد حوالي عشر دقايق وصلت للجامعه وهي نازله تاكدت انها اخذت المفتاح تخاف تنساه مثل مانسته امس

وهي تمشي تحس يدينها كسره من الثلج شفايفها ترجف من البرد جلست على اقرب كرسي تحاول تدفي نفسها

حست بجكيت ينحط ع اكتافها وبصوت اقرب للهمس

..........: ماله داعي التعري بالبرد ولا لازم الفتنه
بيسان وهي تلف بسرعه تشوف من صاحب هالصوت جات عينها بعين مشاري الي كان وجهه قريب من وجهها وانفاسه تلفح عنقها

مشاري : اوكيــه
بيسان وقفت ورمت الجكيت ع الارض : محط طلب منك تعرض خدماتك ولا حاب تنهان مشت وماحست غير بحد يسحبها من يدها بقوه
مشاري يكره هالكلمه وبقوه وهو يضغط على يدها : مو مشاري ال ........ ينهان
بيسان مصدومه من اسسمه ( وبخاطره معقوله يكون من نفس عائلتي ال ........ )
بيسان : ال ........
مشاري : اي مو عاجبك
بيسان سحبت نفسها منه وهي تحس بحراره بجسمها من الصدمه اول مره تقابل احد بنفس عائلتها
مشاري بستغراب انها ماردت ولا صرخت مثل عادتها مشى وراها وهو مو حاس بنفسه يبي يعرف عنها كل شي فيه فضول مو طبيعي ...


بيسان وقفت عند الكافيتريا وشرت لها مويه وشربت نصفها دفعه وحده تحس ريقها نشف من التوتر
حطت يدها على خدها تحس فيه حراره مو طبيعيه ( انا وش فيني صدفه اكيد صدفه مو معقوله بس عائله ابوي الي موجوده )
مشت من دون لاتطالع وتفكيرها كله بعائله مشاري شوي وحست نفسها صدمت بصدر عورها خشمها من الضربه
بيسان وهي تلمس خشمها : اييييي خشمي
فهد طير عيونه من لهجتها على باله اجنبيه : سلامات ماتشوفين شر
بيسان هزت راسها بايه ومشت سمعت صوت من ورا

فهد : لو سمحتي
بيسان لفت عليه : ايوا
فهد مد يده : انا فهد
بيسان رفعت حاجبها بستغراب بس مدت يدها وسلمت : اهلين فهد
فهد : انا جديد ع الجامعه ممكن تعرفيني ع اركانها
بيسان ابتسمت : ولو اكيد
فهد : مشكوره الحين عندك محاضره يا ..
بيسان : بيسان .
فهد : يابيسان
بيسان : نو ماعندي تفضل مع انها حيل كبيره وتقريبا ثلاث ايام عشان اعرفك عليها
فهد : اذا يزعجك عادي امشي
بيسان : لا وانا من قبل تحسرت من كبرها
فهد ضحك : باينتك سعوديه مو .؟
بيسان : اي
فهد : هلابك وانا بعد سعودي
بيسان : عارفه
فهد ضحك : وش عرفك
بيسان : الابله بيعرف ملامحك لهجتك كل شي فيك يقول KSA
فهد ضحك : بعكس تماما
بيسان : مو اول واحد تقوله
فهد : توقعتك فرنسيه تركيه
بيسان تضحك : فرنسيه مره وحده
فهد : ليه انتي مو شايفه نفسك ماشاء الله قمه بالجمال
بيسان : مشكور بس فيه جميلات خليجيات كثير
فهد يبتسم وهو يطالعها : بس مو بمستوى جمالك
بيسان تصرف : كذا مارح تخليني اعرفك ع الجامعه
فهد ضحك وفهم انها تغير الموضوع : اوكي


فهد شاب متفتح الى ابعد درجه وتقريبا يحب البنت الي تكون مثله ايزي كل شي سعودي وجاي يكمل دراسه عمره 23







عند مشاري عينه مافارقتهم يمشون ويسولفون ويضحكون وهو ميت من القهر ليه مايدري وبخاطره

( ليه تمشي معها ليه ) حس نفسه صدع من كثر التفكير جلس ع الكرسي ينتظر محاضرته

شاف بنت جلست جنبه وباين انها خليجيه

سمرا وملامحها عاديه جدا لابسه بنطلون سكيني اسود وقميص ابيض

منى : شفيه الحلو يالس بروحه
مشاري لاعت كبده : ولا شي
منى وهي تقرب اكثر : فيه شي مزعلنك
مشاري يبعد شوي : لا
منى تقرب زياده وتحط يدها ع فخذه : لا قول انت من اليوم تطالع هاي البنت بيسان مو
مشاري طير عيونه : وش تقولين انتي روحي بلا كلام فاضي
منى بخبث : ترا هاي بنت مو زينه كلش لا تفكر فيها لانها من شاب لشاب والجامعه كلها تعرف هذا الشي
مشاري طير عيونه : بجد
منى : مو مصدقني اسال عنها هاي معروفه انها #####

مشاري كشر وهو يتذكر اول مره شافها كانت تضم جوزيف ومن بعدها شافه يبوس راسها بعدين الحين تمشي مع فهد كل هاذا يشكك وبالنسبه له تاكد لبسها وطريقه كلامها ومنظرها الفاضح يدل على كذا

منى : شفيك شنو تفكر بكلامي اقتنعت الحينه > سوري للامراتيين عادمه لهجتهم
مشاري : الله يستر عليها ماعلينا منها
منى : وانت الصاج شرايك تفطر ويايه يوعانه
مشاري : اوكي
منى بنتصار ابتسمت وحطت يدها بيد مشاري : راح افطرك احلى فطور
مشاري استغرب بس قال بخاطره باين مو راعيه هالحركات وهذي حركه عفويه





مر اســبـــــوع على ابطالنا

فهد تعرف ع الجامعه وتعرف ع بيسان اكثر واكثر وكل يوم يتعلق فيها وبدا يحس انه حبها
مشاري يراقب بيسان غصب عنه وكل حركاتها تثير اهتمامه
مشاعل مركزه بدراستها ومتحمسه لحفله ملــكه لارا وجوزيف
وبيسان طول وقتها صايره تقضيه لوحدها مشاعل مشغوله بتجهيز لارا للحفله وجوزيف مشغول بعد






رجعت للبيت تعبانه من الجامعه ضغط فضيع
اخذت لها شور دافي يريحها بعدها لبست بجامه مريحه وسوت لها توست مع عصير

وجلست تقبل في TV



ابتسمت بسخريه وهي تشوف ابوها على احد القنوات ويتحدث عن الحفاظ على الاسره والتربيه وغيرها من الامور

بيسان : الي يشوفك مايقول رامي بنته من 12 سنه ولا داري عن هوى دارها
خلصت اكل وسكرت كل شي ودخلت غرفتها تريح

نامت حوالي ثلاث ساعات بعدها صحت على صوت جوالها يرن

سحبته من على الكوميدينا بنزعاج : الو
عبدالعزيز : بيسان
بيسان كشرت : هذا انت
عبدالعزيز : اي انا كيفك
بيسان : كنت بخير بس لمى سمعت صوتك قلب حالي
عبدالعزيز : عيب انا ابوك
بيسان بسخريه : وش تبي يابوي او مرتين في الشهر صاير شي بالدنيا
عبدالعزيز : خلي عنك الكلام واسمعي
بيسان : خير
عبدالعزيز : انتي لازم تنقلين من جامعتك
بيسان : وليه ان شاء الله
عبدالعزيز : من دون ليه انقلي وبس
بيسان : مو بكيفك انا حابه هالجامعه ومارح انقل
عبدالعزيز : فيه جامعه بكندا حلوه سويت كل الاجرائات بس ماعليك غير تنقلين لكندا
بيسان بصراخ و : لا ولله كلفت على نفسك وكلمتني لو جيت وسحبتي لكندا يكون احسن تكمل جميلك
مارح انقل من لندن لو ايش صار وسكرت بوجهه
بيسان وهي تجلس : اووف نزلت رجلينها ولبست الشبشب ( اكرم الله الجميع ) غسلت وجهها
ولبست تنوره قصيره سودا مع بدي اكمام طويله ابيض بس طبعا قصير يبان الوشم بالراحه

لبست سلسال نفس البنت المرسومه ع ظهرها وربطه شعرها لفوق وحطت قلوس مائي مع رشتين عطر

خذت شنطتها ونزلت تتمشى حول البحر

بيسان وهي تطلع برا العماره شافت مشاري داخل وبيده اكياس باين انه جاي من سوبر ماركت

بيسان مشت وكانها ماشافته بس مشاري طلب من البواب يصعدها ولحقها على طول استغرب انها ماركبت السياره
مشى وراها شافها متوجهه للبحر وشعرها يطير مع كل نسمه هوى
بيسان جلست ع كرسي مقابل للبحر وطلعت كتابها وصارت تراجع اختبارها

مشاري جلس جنبها : حلوه المراجعه بهذا الجو مو
بيسان سكرت الكتاب بملل لانها عرفت انه مشاري : انت وش تبي مني ليه ناشب لي مثل الباتكس
مشاري اخذ الكتاب : براجع اذا انتي خلصتي لان انا مو حال كل المسائل
وقف واخذ كتابها وهو يشوف عيونها الي طايره تدل على صدمتها وصار يمشي ويقرا وهو يضحك عليها بداخله
بيسان بصراخ : ياهو انا براجع عطني كتابي
مشاري ولا كانه يسمعها وصار يمشي ويطالع البنت الي راسمتها بكل مكان بكتابها
بيسان تذكرت اسمها مكتوب ع الكتاب لو يقرا بيعرف انها نفس عائلته ركضت وراه وسحبت الكتاب وبصراخ
بيسان : انت من سمح لك تاخذه مني
مشاري : شوي شوي ترى كله كتاب
بيسان وهي تحاول تخفي اسمها بيدها : ولو اكبه بالبحر ولا اعطيه اشكالك
مشاري سحبه منها وكبه بالبحر ومشى وتركها
بيسان تلقه وبصراخ : ليه تسوي معاي كذا الحين من وين اذاكر ياحمااااااااااااااااااااااار
مشاري وقف على صوت الصرخه ابتسم على جنب لانه قدر يغيضها
بيسان جت مقابله ورفست رجله : انت مجنون ولا تحاول تجنن على راسي
مشاري ماحس برفستها وكان كاتم ضحكته : مو انتي تقولين ارميه بالبحر ولا اعطيك نفذت رغبتك
بيسان : انت واحد متخلف
مشاري ابتسم : باي ياحلوه بروح اذاكر الاختبار صعب ويبي له فهم وبضحكه دوري لك على كتاب
بيسان شوي وتبكي هاذا الاختبار صعب مره ولا تدري وش تسوي

مشاري من بعيد يطالع تعابير وجهها باين انها معصبه وهي ماتحب تنقص باختباراتها

بيسان تطالع الساعه : الحين من وين اجيب لي كتاب الله ياخذك ياوجه النحس رجعت لشقتها متضايقه بيروح عليها 20 درجه

سمعت رنه الجرس استغربت من بيجيها هالوقت

فتحت الباب وعقد حواجبها : وش تبي ترا اذيتني بحياتي
مشاري كاتم ضحكته شكلها وهي معصبه يموت ضحك : سوري بس اذا حابه تذاكرين وياشر لها بكتابه
بيسان سكتت شوي وهي تطالع الكتاب تبي تذاكر بس ماتبي تطلب منه
مشاري فاهمها وحب يهبل فيها : اوكي براحتك اهم شي ريحت ضميري وطلبت منك تذاكرين ورجع على ورا
بيسان بصوت واطي : لحضه
مشاري ابتسم : ايش
بيسان مدت يدها : عطني بذاكر
مشاري : وحتى انا بذاكر
بيسان رفعت حاجبها : طيب شلون يعني انت رميت كتابي تحمل
مشاري : كتابك وضحك طيب عندي حل
بيسان تهز رجلها بملل : اتحفنا
مشاري : نذاكر سوى
بيسان : ايش انا اذاكر معاك انت
مشاري يدخل شقتها : ايه وليه الغرور
بيسان بصراخ : هي هي لوين داخل يالحبيب
مشاري رجع : اوكي مو حابه بروح اذاكر بروحي ومشى متجه للمصعد
بيسان : تعال
مشاري : نعم تلعبين فيني انتي
بيسان وهي ودها تكفخه : لا خلاص موافقه ادخل
مشاري دخل وشاف كركبه المكان ماكانه بيت عايشه فيه بنت كان الاثاث حلو وراقي بس مغطيته الحوسه طاحت عينه على كيسه اولويز ع الصوفا
بيسان حست بحراره بكل جسمها من الفشله ركضت وسحبتها ودخلت غرفتها ( ياربي ياربي يؤ يؤ تلاقينه قرفان الحين اووووووف مني )

مشاري جلس وماقدر يمسك نفسه وانفجر ضحك على شكلها وهي تسحبها وتركض لغرفتها
بيسان طلعت وتحالو تخفي خجلها : يلا نبدا
مشاري يحاول يسكت : احم اوك


وبعد حوالي ساعتين من المذاكره

مشاري مافهم ولا شي لانه طول الوقت ياطالع بيسان ولا رفع عينه من عليها كل شي فيها يجذبه

بيسان وهي ترجع ظهرها على ورا : اوووووه واخيرا باقي شوي
مشاري : عطشان ممكن مويه
بيسان : انا براجع شوي روح اشرب
مشاري وقف وراح ع المطبخ فتح الثلاجه وانصدم من الموجود فيها كان وسكي وبـيـره حط يده على جبينه مصدوم معقوله تشرب وصلت فيها لكذا سكر الثلاجه
كره حتى المويه الموجوده فيها طلع للصاله وقرر يتركها بحالها ولا يتدخل باي شي يخصها وبرسميه : بيسان انا طالع لمى تخلصي جيبي الكتاب لو سمحتي
بيسان : مارح تراجع
مشاري : بعد ماترجعيه لان مابقى شي كثير
بيسان : اوكيه قلت لي شقه 6
مشاري هز راسه وهو يطالع بالارض مايبي يطالعها ملامحها تاسره تخليه يتصرف تصرف ثاني طلع من شقتها وعلى طول لشقته



تنرك ابطالنا وبريطانيا ونروح لدار الخير

KSA ...


بقصر الشيخ عبدالعزيز بن مشاري ال .........


كان جالس يفكر قبل مايحط راسه ع المخده ( الحين ولد اخوي مشاري بنفس جامعه هالعله بيسان لو تتصادف ويعرفها مصيبه وطاحت على راسك ياعبدالعزيز )

هدى زوجته : وش فيك يابو ناصر مو على بعضك
عبدالعزيز : ولا شي
هدى بكل حب : ان شاء الله تكون بخير مع اني احسك مخبي شي
عبدالعزيز : لا ياهدى ارتاحي
هدى : اجل مدام مافيك شي ترى حسن شاغلني صار له اسبوعين يقول يبي سياره بس خايف اطلب من ابوي
عبدالعزيز : انا من تسع اشهر شاري له سياره بميه الف وش سوى فيها
هدى : بصراحه صدم فيها صدمه خفيفه ويقول ماعاد يبيها
عبدالعزيز : يام ناصر حسن صاير مايتهم من اي شي وحاسب الدنيا لعب لا تطاوعينه
هدى : وش اسوي فيه وربي يسكر الخاطر
عبدالعزيز : افكر واشوف الميزانيه مع اني ماوعدك لانه مو زين لمصلحته الدلع الزايد مايربي
هدى : حسن مو بزر كبر وتربى وخلص الحين عمري 20 سنه
عبدالعزيز : الله يخليه ونششوفه معرس
هدى : ربي يسمع منك وبصراحه بنتك لوجين
عبدالعزيز بملل : وش فيها بعد
هدى : تقول تبي تغير مدرستها ماعجبها الجو
عبدالعزيز : وليه مدخلها احسن المدارس وش تبي بعد
هدى : تقول تبي تنقل مع صاحباتها بمدارس ......
عبدالعزيز : مدارس ..... اي حلوه هالمدرسه واقدر اتطمن عليها هناك ماشي راح اشوف
هدى : ربي يخليك لهم
عبدالعزيز : والحين اقدر انام
هدى : طبعا نوم الهنى



عبدالعزيز ..
هدى زوجته امراه طيبه حيــــــل وكل همها اولادها وبيتها مو كبيره حيل عمرها 45
ولدها الكبير ناصر شديد وعصبي واغلب وقته برا البيت متزوج وزوجته ساكنه معاهم وهي غاده عمره 24
الولد الثاني حسن وهذا فلتان ع الاخر كل يوم مكان واغلب وقته سفريات بس حبوب وقلبه ابيض عمره 20
و لجين هذي كلمه طيوبه قليله عليها بيضاء وقصيره شويه رويانه شعرها بوني قصير ومن شكلها تنحب عمرها 18 بثالث ثانوي

والصغيره ودلوعه العائله ميرال مغروره شوي وفيها شويه انانيه طالعه على ابوها باغلب صفاتها مملوحه عمرها 16 سنه اول ثانوي







اكتفي بهذا القدر .... وغدا ان شاء الله راح يكون فيه
بارت بس ابي ردود لاهنتو ....

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-10-2011, 11:36 PM
صورة هجـآفـي ~ الرمزية
هجـآفـي ~ هجـآفـي ~ غير متصل
©؛°¨غرامي متألق ¨°؛©
 
الافتراضي رد: اعلن انسحابي ..!


بصراااحه قصه حييييييل رووووعه .،
يعطيگ ربي العافيه ع هالبااارت الكاافي بجد عجيييييب .،


انتظرگ ع احر من النيراان .،!

ووودي لگ وكملي موووفقه .،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-10-2011, 11:11 AM
nourh bnt abuha nourh bnt abuha غير متصل
©؛°¨غرامي جديد¨°؛©
 
الافتراضي رد: اعلن انسحابي ..!


مرحبا اهلا باهل الكويت ..

منوره حوبي ولك مني بارت باسرع وقت لطلتك الحلوه ..!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-10-2011, 01:02 PM
صورة حقيقتي في دفتر الذكريات الرمزية
حقيقتي في دفتر الذكريات حقيقتي في دفتر الذكريات غير متصل
©؛°¨غرامي مشارك¨°؛©
 
الافتراضي رد: اعلن انسحابي ..!


روايه بقمة الروعه بس ياريت البارت يكون كل اثنين وخميس

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-10-2011, 03:12 PM
صورة هجـآفـي ~ الرمزية
هجـآفـي ~ هجـآفـي ~ غير متصل
©؛°¨غرامي متألق ¨°؛©
 
الافتراضي رد: اعلن انسحابي ..!


تسلميلي يالغلااا واما ع التنزيل ماا يفرق معااي بس يا حبذا يكوون كل خميس واحد او كل خميس وسبت .، والقراار يرجع لگ وانتظرگ اليوم بالباارت الثاني وعسااه كاافي مثل الاول .،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-10-2011, 09:43 PM
nourh bnt abuha nourh bnt abuha غير متصل
©؛°¨غرامي جديد¨°؛©
 
الافتراضي رد: اعلن انسحابي ..!


ربي يرحمك ياسلطان الخير ..

اشكر كل من تابعني سواء رد او مارد واتمنى تكون نالت اعجابكم ..

البــــــــارت الـــــثـــــــانــــي ..(2)..


^


^


^


عند بيسان تحس نفسها فهمت كل شي لبست جزمتها وطلعت تعطي مشاري كتابه رنت الجرس مره ومرتين وثلاث

بيسان هاذا شكله نام طالعت ساعتها 12 الليل
اووف وش اسوي الحين جت بتروح بس انفتح باب الشقه

مشاري شعره محيوس ووكان نصفه نوم خالع تيشرته ماعليه غير بوكسر

مشاري مايطالع قدامه كويس من النوم معقده حواجبه : وش تبين
بيسان مصدومه من شكله كان قمه بالجمال بعدت عينها عنه بسرعه ومدت له الكتاب وعينها بالارض : جيت اعطيك الكتاب
مشاري خذ منها الكتاب ودخل وسكر الباب وعلى طول رمى نفسه ونام ..

اما عند بيسان وقفت عند باب خمس دقايق تحاول تهدي من نفسها توترت مره ماتدري ليه بعد ماحست نفسها هدت مشت بسرعه لشقتها لان وقفتها عند باب شقته مو حلوه ابدا
دخلت شقتها وعلى طول ع غرفتها فسخت ملابسها ولبست بجامه مريحه تحس نفسها راح تتجمد من البرد سحبت المفرش وتغطت فيه لاكن مافيه فايده لبس شبشبها وشغلت النار بغرفه المعيشه وماحست بنفسها غير وهي نايمه بالجو الدافي



...

صحى من اشعه الشمس الي تسسلت لعيونه
حرك عيونه بنزعاج بعدها جلس ع السرير طالع ساعته 6 ونصف ..

اخذ له شور بعدها لبست قميص خفيف اسود وجينز اسود الجو اليوم مايل للحراره

بعدها طلع وهو ماشي بالممر حس بريحه دخان غير طبيعيه صار يمشي لمصدره وكل مالها هالريحه تزيد لحد ماوقف عند شقه بيسان شاف الكل متجمع وصراخ واطفاء واسعافات

مشاري ركض للشقه وبصراخ : where are the ( وينها )
مسكه احد الموظفين يحاول يهديه لانه كان بحاله مايعلم بها غير ربي يصارخ ودموعه متجمعه بعيونه خايف من الجواب

الموظف : Do not be afraid okay ( لاتخف هي بخير )
مشاري وهو يتمسك بذراعه الي ماسكه فيها بصراخ : بعد عني طيب ابي اشوفها
الموظف مافهم شي بس كل الي قدر عليه ينادي احد يساعده لايدخل الشقه

سحبو مشاري الموظفين بعدها مشاري استسلم لهم ودموعه خانت واناسحت على خده معقوله حبيتها بس وش الفايده الحين هي مو بالدنيا راحت وتركتني حط راسه بين يدينه وصار يبكي

الموظف حط يده على كتف مشاري : the girl is fine now (الفتاه على مايرام الان )

مشاري طير عيونه وقف ودموعه ماوقفت : where is it now ( اين هي الان )

الموظف : in hospital ( في المستشفى )
مشاري مسح دموعه بطرف يده : الحمد الله والشكر لك يارب وسال عن المستشفى وراح لها ركض


بعد ماوصل للمستشفى لقى صعوبه هو مايعرف عنها غير ان اسمها بيسان بس مايئس وصار يدور بغرف الي اسمائهم بيسان ليمى وصل غرفتها

مشاري ابتسم وهو يشوفها كانت مغمضه عيونها ونايمه استغرب من خلو الغرفه من اي شخص معقوله ماتعرف احد صار لها بالمستشفى 4 ساعات ماتصلوا باهلها جلس ع الكرسي المقابل لوجهها وصار يتامل ملامحها باين عليها الارهاق
حمد ربه ان ماصار لها شي ونجت من الحريق
من غير مايحس طبعه بوسه طويـله ع جبينها

بيسان فتحت عيونها بتعب شافت قدامها مشاري بلعت ريقها الي تحسه ناشف وبصعوبه : مـمـويه
مشاري فتح لها العلبه وصار يشربها بيده وهي مامانعت لانها بجد ماتقدر تشرب بنفسها
مشاري : الحمد الله على السلامه
بيسان ابتسمت بالم : ربي يسلمك
مشاري اول مره تقول له كلمه حلوه يحس نفسه ذاب من بسمتها ورقتها حتى وهي مريضه تذوبه
بيسان غمضت عيونها وبصوت مبحوح : ممكن طلب
مشاري من دون شعور : عيوني لك
بيسان استغربت من الكلمه بس مشتها : ابي فونك بكلم
مشاري :تفضلي
بيسان اخذته وسجلت رقم فهد واتصلت رد عليها فهد

فهد : الو
بيسان : الو اهلين فهد
فهد براحه : وينك يابنت من اليوم وانا واقف عند باب العماره واتصل فيك ماتردين ولا اعرف انت اي شقه
بيسان ابتسمت : انا الحين بالمستشفى
فهد بخوف : سلامتك وش فيك
بيسان : امس نمت عند النار واختنقت بس الحين بخير لا تخاف
فهد : اي مشفى انا جايلك
بيسان رفعت راسها لمشاري : مشاري
مشاري كان حده مقهور منها : نعم
بيسان : اي مشفى
مشاري من دون نفس : ال .......
بيسان : مشفى ال ....
فهد: دقايق واكون عندك
بيسان : لا تتعب نفسك انا قلت اتصل عشان امس وعدتك نطلع سوا ع الجامعه
فهد : ولو تعبك راحه
بيسان : اوكيه انتظرك
مشاري وقف : انا طالع
بيسان : باي فهود سكرت من فهد ومدت الجوال لمشاري شكرا
مشاري مارد عليها وطلع مقهور منها ركب سيارته وحرك ع الجامعه ويقول بنفسه خلاص كافي تفكير فيها هي مو داريه عني ولا حتى حاسه وانا الظاهر نسيت كلام منى عنها بنت .. ومن شاب لشاب انا مالي الشرف حتى اتكلم معاها





عند فهد .. وصل المشفى


وطلب غرفتها وعلى طول راح لها

فهد ضرب الباب

بيسان : prefer ( تفضل )

فهد دخل : سلامات ماتشوفين شر
بيسان تعدل جلستها : هذا انت
فهد صافحها : اي كيفك ؟
بيسان : بخير
فهد : متى خروجك
بيسان : شوي واطلع بس انتظر مشاعل
فهد : اها
شوي وانفتح الباب مشاعل تركض ضمتها وهي تبكي : حياتي انتي كل هاذا صاير معاك وانا اخر من يعلم
بيسان ضمتها : بس بس ميشو لا تبكين بليز
مشاعل وهي تطالع وجهها : انتي بجد تعبانه شوفي وجهك شلون صاير
بيسان تضحك : خلاص ميشو انا الحين بخير
مشاعل : اكيد
بيسان : اكيد
مشاعل انتبهت لفهد عدلت حجابها : سوري اخوي سلام من الخوف نسيت نفسي
فهد : لا ولو وعليكم السلام
مشاعل وهي تجلس جنب بيسان : لمى اتصلتي فيني وقلتي لي بغى قلبي يوقف
بيسان : اسم الله عليك
مشاعل : اي صح ترا باباكي اتصل فيني وقال لي انه ارسل لك خدامتين وطلب من موظفينه الي هنى برتبون لك الشقه وكل شي خلال يومين تمام
بيسان بكره : ومن طلب منه
مشاعل بزعل : بيسو هاذا ابوك
بيسان وهي تبعد شعرها عن وجهها : ماعلينا انا مليت ابي اطلع
فهد : انا بروح اسال الدكتور اذا كل شي تمام سويت اجرائات الخروج
بيسان : اي والي يعافيك فهد


طلعت بيسان من المشفى ... بالطريق


مشاعل : بيسان بليز بليز لا ترديني تعالي نامي عندي بالشقه مافي غير امي وخالد اخوي انت عارفته طول وقته برا
بيسان : لالا مشاعل لا تحرجيني مع اهلك بليز وصليني اي فندق
مشاعل : بيسان طلبتك بعدين انتي مريضه من راح يهتم فيك
بيسان : انا مو مريضه
مشاعل بيئس : اوكيه وصلتها لفندق كويس وقريب من بيتها عشان لمى تحتاجها تروح لها بسرعه


بيسان وهي تبوس مشاعل : مشكوره تعبتك معاي اليوم
مشاعل : ولو تعبك راحه
بيسان نزلت بس سمعت صوت مشاعل وهي تناديها
مشاعل : بيسان لحضه
بيسان رجعت لها : هلا
مشاعل مدت لها جوال : هذا لك
بيسان ابتسمت هي كانت ناويه تشتري لها جوال لان هذاك اكيد خرب : مشاعل انت اليوم حسستيني ان لي اخت مرسي مشاعل ربي مايحرمني منك
مشاعل وهي ترمي لها بوسه : فديتك يلا عاد ادخلي الجو برد
بيسان ضحكت وهي تاخذ الجوال دخلت الشقه وحاولت ترتاح لها شويه

صحت ع الساعه 4 العصر
جلست تطالع TV شوي بعدها قررت تروح لشقتها تشوف وش الي صار فيها ومنها تاخذ سيارتها

طلبت تاكسي وراحت لهناك شافتها مليانه عمال
دخلت وهي تكح بسبب الريحه مع انها بسيطه بس صدرها مايتحمل

شافت الصاله ماتاذت ابدا دخلت غرفتها نفس الشي
كل شي فيها طبيعي بس غرفه العيشه هي الي شوي فيها حريق

والعمال يشتغلون فيها طلعت لها شنطه صغيره وحطت فيها كم لبسه واخذت جوالها ومفتايح سيارتها وقفلت الغرفه لانها ماتحب احد يدخل غرفتها

طلعت من الشقه وركبت سيارتها

تحس نفسها ميته من الجوع وقفت عند مطعم كانت اول تشتري منه
اخذت منه ساندوش وكولا وبعد ماكلت شافت جوالها المتصل لارا

بيسان : الو
لارا : بيسان كيفيك هلا ؟؟
بيسان ابتسمت : بخير
لارا : اعزريني هلا عرفت من مشاعل
بيسان : لا ولو عاذرتك كيفك انتي
لارا : انا منيحا
بيسان : الحمد لله
لارا : بيسان هاد جوزيف بدو يحكي معك
بيسان : عطيني اياه
جوزيف : اهلين بيسا
بيسان : اهلين فيك
جوزيف : كيفك
بيسان : بخير ناقصني شوفتكم لي زمان ماشفتكم
جوزيف : انا بفكر نطلع شي رحله سوا
بيسان : اممممم ولله فكره حلوه
جوزيف : اسائليها لمشاعل وردي علي
بيسان : اوكيه
جوزيف : هلا بدي سكر بايو
بيسان : باي سكرت منه وركبت سيارتها وراحت للفندق












KSA

عبدالعزيز دخل قصره ..


واستقبله ريحه العود والبخور وام ناصر

هدى : هلا ولله بابو ناصر تفضل العيال ينتظرونك بصاله الطعام
ابو ناصر دخل لصاله الطعام : سلام
ناصر يبوس راس ابوه : وعليكم السلام هلا بالغالي زوجه ناصر غاده وهي متحجبه بسبب وجود حسن مرحبا عمي
عبدالعزيز : هلا بغاده عسى مو تعبانه من الحمل
غاده : شويات تاعبني
عبدالعزيز يضحك : حبيب جده تاعب امه
لجين بدفاشه : يوبه فاضي تسولف مع هالي مابعد طلع متنى من الجوع
عبدالعزيز جلس : يلا سموا بالله








عند بيسان جلست تطالع نفسها بالمرايا يوم عن يوم تكبر ويزيد همها ووحدتها تركها ابوها من عمرها تسع سنوات تربت على يد مربيه من اصل سعودي لمى صار عمرها 16 توفت وبعدها كملت حياتها وحيده ..

رجعت لواقعها وهي تسحب معاها تنهيته طـويـلـه

دخلت الحمام واخذت لها شور بعدها لبست جينز سكيني ازرق مع بدي سواريه اصفر قصير

سشورت شعرها وحطت طوق كبير فيه فله على جنب اخذت شنطتها وطلعت

وهي تنزل من الدرج اتصلت بمشاعل

بيسان : مشاعل كيفك
مشاعل بصوت مبحوح توها صاحيه من النوم : اهلين
بيسان : لايكون صحيتك من النوم
مشاعل : لا صاحيه من شويه
بيسان : اتصلت اقول لك اذا فاضيه نطلع
مشاعل بتفكير : اممممم ماعندي شي لوين
بيسان : بروح اشتري لي ملابس
مشاعل : اوكيه حتى انا ناقصني اشياء
بيسان : كويس بمرك
مشاعل : لا ياهبله انا بجي لك انتي مريضه مايصير تسوقين
بيسان : لا انا بخير لا تخافين كلها شويه كتمه وراحت ليه مكبرين السالفه
مشاعل : اوف طول عمرك عنيده
بيسان ابتسمت : يلا باي
مشاعل : باي











عند مشاري طلع من شقته يركض يبي يلحق ع ولد عمه بالمطار



وصل المطار وقابل ولد عمه حمد بالاحضان

حمد : ولله ولك فقده مالقيت نفسي غير اقول لهلي بسافر لعندك
مشاري يضحك وهو يطلع معاه : حياك
حمد يركب السياره : وبيني وبينك عشان شي ثاني بعد
مشاري : اي اي قول مو لله جاي
حمد : حرام عليك ياشيخ
مشاري يضحك : وش هالسبب طيب
حمد : بصراحه من حوالي سنه لمى جيت هنا بالصيف قابلت لي بنت تقول الزين عندي لا جمال ولا اخلاق ولا ادم كل شي مجتمع فيها
مشاري : اخلاق ايه هين في بنات زي كذا هنا
حمد : لا هذي سعوديه ومتحجبه تدرس مع ابوها وامها واخوها هنا
مشاري ضحك : لا وتعرف عنها كل شي بعد
حمد : وشلون ماعرف وانا جالس معاها ثلاث اشهر
مشاري : وهي عارفه شعورك
حمد : لا على بالها صديق وانا ميت عليها
مشاري : اها مسكينه ولله
حمد : اتصلت عليها اليوم وقلت لها
مشاري : وش قالت
حمد : قالت لي بخبر الشله ونطلع لنا مكان سوى واقول بخاطري مابيهم ابيك انتي
مشاري يضحك : وربي انت منحرف
حمد : وربي مالي نفسهم خاصه هالمعقده دايم هواش وكلما اقول شي تنط بحلقي
مشاري : من هذي بعد
حمد : صديقتها
مشاري : اها لا نساني بطلع معاكم وضحك بشوف هالي خذت قلبك
حمد : اقول خل بالك مع المذاكره
مشاري : لا تصرف بطلع مشتهي اضحك عليك
حمد : اقول ركز بسواقتك بس ولله ماينقال لك شي











عند بيسان اخذت مشاعل وهم الحين يتسوقون

بيسان : اقول ميشو جوزيف ولارا اتصلوا علي يقولوا نبي نطلع رحله سوا وش رايك
مشاعل وهي تطالع فستان ساتر ومره نعوم : فكره حلوه وكمان هذا حمد واصل اليوم يعني راح تحلو الطلعه
بيسان : وييييييييع والي يعافيك وش جابه هذا بعد
مشاعل تضحك : حرام عليك وربي ذوق وحبوب بصراحه انا اشتقت له
بيسان طيرت عيونها : لايكون فيه شي ماعرفه
مشاعل حمرت خدودها : لا وش بيكون يعني
بيسان : اعترفي انا عارفتك زين
مشاعل تصرف : وش رايك بهذا الفستان
بيسان : حلو
مشاعل : عمري ماشفت عليك فساتين خذي لك من هذولا كلهم مرا نواعم
بيسان كشرت : لا ماحب البس فساتين
مشاعل : كيفك ع العموم الرحله راح تكون بحريه وتحتاجين لفساتين
بيسان : لا مو لازم
مشاعل : براحتك








عند مشاري وحمد .. دخلو الشقه

حمد دخل الغرفه الجانبيه اخذ شور وبدل ملابسه وطلع

شاف مشاري طالب لهم عشاء

حمد جلس وجلسوا يطالعون فيلم اجنبي حلو قطع عليهم مشاهدتهم جوال حمد
حمد بفرحه : هذي مشاعل
مشاري ضحك : هلا ولله عطني اكلمها بالله
حمد وقف : اقول طس ورد هلا وغلا بمشو
مشاعل قلبت حمرا : هلا فيك حمد خبرت جوزيف ولارا وبيسان وصاروا مجهزين لرحله يومين بالويك اند وش رايك
حمد : ها اكيد موافق راح اجي انا وصاحبي
مشاعل : اكيد ينور
حمد : اوكي رحله لوين طيب
مشاعل : رحله بحريه بسفينه اب بيسان كبيره ماشاء الله وحلوه وفيها غرفتين تكفينا ماتتذكر قبل بمره طلعنا سوى فيه
حمد : اها اي اتذكرت كويس
مشاعل : اوكي ماطول عليك باي
حمد : باي ..




انهتى ..!

توقعاتكم ..


وش راح يصير بالرحله ؟
وش ردت فعل مشاري و بيسان ؟




دعواتكم لفقيدنا الامير سلطان ... ( ربي يرحمك ويثبتك عند السؤال )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-10-2011, 02:18 PM
nourh bnt abuha nourh bnt abuha غير متصل
©؛°¨غرامي جديد¨°؛©
 
الافتراضي رد: اعلن انسحابي ..!


حرام ولا رد وربي تحطـيم اقوى شي ..


اذا ماعجبتكم قولوا اوقف كتابه بدال تحمسي هذا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-10-2011, 03:55 PM
msoo msoo غير متصل
©؛°¨غرامي جديد¨°؛©
 
11302798202 رد: اعلن انسحابي ..!


الروايه روعه ياليت تواصلي وان شاء الله من متابعنك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-10-2011, 12:06 AM
nourh bnt abuha nourh bnt abuha غير متصل
©؛°¨غرامي جديد¨°؛©
 
الافتراضي رد: اعلن انسحابي ..!


مارح ايئس وقلت راح انزل هذا البارت وان شاء الله بعده راح يكون فيه تفاعل اكبر ..


البارت الثالث ..(3)..!



فتحت عيونها بفرح واخيرا صلحت شقتها واليوم نايمه فيها اشتاقت لها رغم انها بعدت عنها اقل من اسبوع

جلست ع السرير وطالعت الساعه 8 وهي واعده مشاعل والشله تجهز بدري لان الرحله راح تكون الساعه 10

اخذ لها شور سريع ولبست شورت جينز مع بدي نص يعني قصير مره لدرجه سرها طالع كوحلي فيه علم امريكا عند الصدر لبست كاب علم امريكا وسوت شعرها زيل حصان وطلعته من فتحت الكاب من ورا
طالعت منظرها النهائي كانت قمه بالجاذبيه والانوثه
ابتسمت برضاء تام وهي تسحب شنطتها الحمرا وتحطها ع كتفها

وهي تنزل من الدرج سمعت رنه جوالها

المتصل مشاعل : الو اهلين شعوله
مشاعل : هلا بيسان ها جهزتي
بيسان : اي هذا انا طالعه
مشاعل : انا وجوزيف ولارا وحمد وواحد صديقه الحين عند البحر نستناك
بيسان تضحك : وش هذا الحماس الساعه توها ماجت عشر
مشاعل : نفطر شويه وبنحرك يلا تعالي بسرعه افطري معانا
بيسان وهي تركب السياره وتحرك : اوكي ربع ساعه وانا عندكم
مشاعل : اوكي بس مو تسرعين عارفتك هبلا
بيسان ضحكت : اوكي من عيوني
بيسان : تسلم لي عيونك يلا باي
بيسان : بايات وسكرت منها




عند مشاعل كانت تكلم وتحس بنظرات حمد مانزل عينه من عليها

حمد بضحكه : ياحظها بيسان عندها من يخاف عليها هالكثر
مشاعل ابتسمت : هذي الغاليه بيسو
حمد ذاب من بسمتها : اقول مشاعل لي الحين مغروره وعنيده ولا تغيرت
مشاعل عقدت حاجبها : حرام عليك بيسو بنت حبابه بس تبي احد يفهمها
حمد كشر : جايز
مشاري بهمس : من هذي الي قالبه كبدك
حمد بنفس الصوت : هذي وحده ثقيله دم مدري وش مسوي لها تكرهني كره مو طبيعي
مشاري يضحك : من
حمد : لا تستعجل شوي وجايه مارح تلومني

جوزيف ولارا يتغزلون ببعض ولا هم مع العالم

جوزيف بهمس : ايمتى نتجوز واخطفك من هون وسافر ع سوريا
لارا وهي ذايبه : كلياتا شهرين
جوزيف يبوس خشمها : راح تكون سنتين بالنسبه الي
بيسان وهي جايه : الله الله الله وش هالرومنسيه
لارا فزت بخوف وهي تحط يدها على قلبها : بيسان رعبتيني
بيسان وهي تبوس لارا وتصافح جوزيف وببتسامه : اسم الله عليك من الرعبه
جوزيف : وينك يابنت تاخرتي كتير
بيسان وهي تطالع الكراسي : وين الباقين
لارا : ع الطاوله التانيه
بيسان تضحك : اها يعني منحاشين عنهم ها ؟؟
لارا استحت : بيسااان
بيسان : خلاص خلاص رايحه

وهي تمشي وتدور بعيونها على مشاعل شافتها من بعيد تاشر لها

بيسان مشت وحضنت مشاعل : كيفك ي دوبا
مشاعل : بخيرات
بيسان طالعت حمد ومن دون نفس : اخبارك حمد
حمد غصب عن اي رجال بيطالعها خصوصا انها ملكه جمال وبيضا وجسمها حلو : الحمد الله بخير
مشاعل حست بنظرات حمد وتحس قلبها يغلي من القهر
بيسان مااعطت الموضوع اي اهميه لفت بتسلم ع الي جالس وانصدمت رفعت حاجبها : مشاري ؟؟
مشاري عرف انها اهي من لمى اقبلت عليهم وكان يطالعها ومبهور من جمالها الصارخ : بيسان ؟؟
بيسان وهي تبتسم وبانت غمازتها الي ذوبت مشاري بمحله : اوو صرت انت صديق حمد وصافحته احلى فرصه وربي
مشاري ضل ماسك يدها مايبي يتركها وصار يتحسس اناملها الناعمه ويدها الي ضاعت بيده : تسلمين
بيسان بفشله تحاول تسحب يدها من يده بس هو مو راضي صارت تطالع فيه بنظرات مفهومه يعني اترك ايدي

مشاري حس على نفسه وتركها
حمد : او صرتوا تعرفون بعض
مشاري : اي هذي ساكنه معانا بالعماره
حمد : اها
بيسان وهي تجلس : وبعد بالجامعه سوى
جوزيف وهو ماسك لارا : شباب صبايا تاخرنا ما ؟؟
لارا : اي الساعه هلا 10 ونص
حمد : اي يلا نمشي
الكل ركب السفينه وصار يمشي فيهم جوزيف ولارا جالسه عنده

كانت السفينه مليانه بكل الاحتياجات اكل وشرب مااقصهم اي شي

كانو بيسان ومشاري وحمد ومشاعل جالسين ع طاوله تكفي اربع اشخاص ويطالعون البحر كان النظر عجيب

بيسان وقفت ومدت يدنها ورفع راسها لفوق واستقبت الهوى النقي الي صار يلعب بخصلات شعرها الناعمه
مغمضه عيونها وتحس براحه مو طبيعيه تحس نفسها وهي قدام البحر بعيده عن كل الناس والمشاكل الي ماترحم
قطع عليها جوها صوت مشاري : تحبين البحر مو ؟؟
بيسان فتحت عيونها ونزلت يدينها : وفيه احد مايحب البحر
مشاري : انا اكرهه بس طلعت عشان حمد
بيسان باستغراب : وليه تكره البحر
مشاري نزل راسه : البحر الي تشوفينه اخذ مني اعز الناس
بيسان بفضول لانها تشوف بعيونه حزن موطبيعي : شقصدك
مشاري رفع يده ورجع شعره على ورا : من زماااان من حوالي خمس طعش سنه رحت انا وامي وابوي ع البحر بمناسبه عيد ميلادي والكل كان فرحان وبهذي المناسبه

قرر ابوي وامي نركب مركب صغير ونلف حوالين البحر واحنى بالمركب جت عواصف وامواج قويه والمركب صغير مايتحمل لازم اثنين ينزلون منه عشان يقدر الثالث يعيش فضحو امي وابوي بانفسهم ورموا حالهم بالبحر عشان انجى وهذا انا قدامك
راح تقولين اناني وسخيف وعديم انسانيه بس غصب عني مشيت لان ابوي حلفني ارجع واربي خواتي الصغار ورجعت وانا ابكي بدال الدموع دم على فراق اعز اثنين بحياتي

بيسان مصدومه ان مشاري وراه كل هذي الاسرار وانه مهموم وعنده مشاكل على بالها هي الوحيده بهذي الدنيا الي مهمومه وحزينه والدنيا ضدها بكل شي


مشاري ابتسم على جنب : شفيك وش تفكرين فيه
بيسان : لا ولا شي
مشاري عيونه مافارقت وجهها الصغير وشعرها الي طايح على وجهها وعطاها اكثر جاذبيه حس جسمه يشعل نار يحبها ويموت عليها كل شي فيها يذوبه ويخليه مايقدر يفكر غير فيها وبس بالايجابيات وينسى كل السلبيات

بعد خصلات شعرها عن وجهها وقرب من شفتها مستسلم لكل رغباته نفسه يقبلها بكل جنون ويطلع كل طاقته فيها
بس ماحس غير بالكف الي رجعه لواقعه

بيسان بكل حقد لمى شافته يقرب منها رفعت يدها وعطته كف : انت واحد حقير وسافل شلون تتجرا وتقرب مني
مشاري يحاول يهديها لا يسمعونها : بس بس بيسان وربي ماكنت حاس على نفسي اسف وربي اسف
بيسان بصراخ : مابي اسمع صوتك ورجاا لا عاد تكلمني احسن مما افشلك عند الكل ومشت وتركته

مشاري حط يده على راسه ياربي انا وش سويت شلون ماحسيت على نفسي طلع البكت من جيبه وولع الزجاره واخذ منها نفس طويـــل يحاول يطلع الي بداخله بهذي الزجاره




عند بيسان تحس جسمها كله يرجف اول مره احد يتجرا ويقرب منها حاولت تهدي من نفسها بعدين دخلت عندهم

شافت حمد ومشاعل يسولفون

مشاعل تضحك : وربي انت مجنون شلون تسوي فيه كذا مسكين
حمد : لايهمك هذا مشاري دايم يسوي فيني مقالب يستاهل
بيسان وهي تجلس :وش تضحكون عليه ؟
مشاعل : حمد يقولي مقلب سواه بمشاري من زمان
بيسان : اها
مشاعل : المسكين مشاري كان نايم وبسابع نومه اتصل عليه ..
قاطعتها بيسان بقرف لانها صارت تكره طاري مشاري : ماعلينا وين العشاق
مشاعل حست ببيسان انها متضايقه من شي رفعت حواجبها وهي تهز راسها يعني وش فيك
بيسان وهي توقف : ولا شي طالعه للسطح اشم شويه هوى بدال الجلسه داخل السفينه



طلعت للسطح وتمددت ع كنبه طويله وغمضت عيونها ومنظر مشاري وهو يقرب منها ماراح عن بالها ابداا








عند مشاري طالع جواله صار له يومين مو متصل يتطمن على خواته حاول يتصل فيهم ماقدر

جاله صوت جوزيف : مارح تئدر هوني اطلاع ع السطوح
مشاري : اها مشكور وطلع للسطح واتصل ع اخته كادي الصغيره

مشاري بكل حب : هلا وغلا بكادي
كادي بلهفه : مشاري يادب اشتقت لك ليه لك يومين ماتتصل
مشاري ابتسم : مشغول كيفك وكيف عهد
كادي : كلنا بخير وانت كيفك
مشاري : بخير اخبار عمي عبدالعزيز
كادي : عازمنا بكرا انا وعهد ع العشاء
مشاري : ليه
كادي : ولا شي كذا
مشاري : اها المدرسه وكل شي تمام
كادي : اي
مشاري : اجل يلا باي
كادي : باي لا تطول واتصل فيني
مشاري : من عيوني وسكر جلس يطالع البحر حوالي عشر دقايق بعدها لف بينزل وطاحت عينه على بيسان الي نايمه ع الكنب

وباين عليها من زمان نايمه ابتسم لا شعوري وهو يشوفها ملتويه على نفسها وطالع شكلها كانها طفله
نزل لتحت شاف الكل مجتمع عند فيلم ع TV

مشاعل : مشاري شفت بيسان ؟
مشاري وهو يجلس : اي نايمه فوق
مشاعل : غريبه من شوي مو على بعضها مدري وش فيها
مشاري اكيد بسبب انا شلون سويت كذا اوووف
حمد : لا تخافين ان شاء الله بتنام وبتقوم مروقه
لارا : اكيد بيا مزعلا
مشاعل : لا ماتوقع لو مزعلها قالت لي
حمد : اصلا وين اهلها انا من عرفتها وهي مالها لا اهل ولا عائله
مشاعل بحزن على صديقه عمرها : لا اهي لها عائله ومن احسن العائلات بالسعوديه بس للاسف العز والجاه خلا ابوها يتركها خايف زعل اهله لمى يعرفون انه تزوج على زوجته
مشاري بقهر : وش هذا التفكير هذي بنته
مشاعل : احمد ربك
مشاري : وين امها طيب
مشاعل : تركتها من صغرها عند ابوها وراحت
جوزيف : هالبنت كتير مسكيني
مشاعل : الله يكون بعونها
لارا وهي تقلب بالقنوات : مشاعل مو هيدا بيا لا بيسان
مشاعل كشرت : اي هذا هو مالت عليه
مشاري وحمد طارت عيونهم هذا عمهم عبدالعزيز شلون ابو بيسان ؟؟؟؟؟؟؟؟؟
حمد طير عيونه بمشاري قصده شايف الي انا شايفه
مشاري بصرخه : مستحيل
الكل التفت عليه مشاري بصراخ : شلون يكون ابوها عمي عبدالعزيز مايسوي كذا لو على قص رقبته
حمد حط راسه بين يدينه انربط لسانه ماعرف وش يقول عمه متزوج من وراهم وعنده بنت هالقدر ولا يعرفون عنها
مشاعل : وش فيكم انتو ؟؟؟
حمد ماقدر يتكلم تركهم وراح
مشاعل : مشاري وش فيك ليه انقلب حالكم
جوزيف تذكر عائله حمد نفس عائله الرجال : لا يكون بيقرب الكون
مشاعل بدت تشك : صحيح كلام جوزيف ؟
مشاري هز راسه وباسف : عمي هذا
مشاعل بصرخه : ابو بيسان يصير عمك
بيسان وهي تنزل من الدرج سمعت اخر جمله وقفت عند اخر درجه وماحست بنفسها غير طايحه ع الارض


الكل طالع بيسان الي اغمى عليها مشاري ركض لها وشالها وبصراخ : مويه بسرعه
حطها على رجلينه وصار يضرب خدها بخفيف : بيسان بيسان
لارا ركضت وجابت مويه وكبت شوي منها على وجهها وهي تبكي
اما مشاعل واقفه مصدومه ودموعها تنزل على خدها
مشاري وقلبه بيوقف من الخوف : بيسان يلا عاد اصحي بيسان
بيسان فتحت عيونها وتشوف الكل يبكي وخايف جلست بسرعه وصارت تبعد شعرها عن وجهها وبصراخ وهي ترجف : ليه تبكون واذا ابوي ماتغير شي وقف وبصراخ ليه تبكون خلاص وقفو بكي
مشاعل تشوف بيسان ترجف وباين عليها تكابر زاد بكاها مو قادره توقف وهي تشوف صديقتها تنهار قدامها
مشاري وقف ومسك يد بيسان : بس بيسان اذكري الله
بيسان بصراخ وهي تنفض يدها من يده : انت خاصه تسكت نذل مثل عمك ومايتامن لك ولا نسيت من شوي وش كنت بتسوي معاي
بيسان : انا ابي ارجع الحين جوزيف حرك
جوزيف طالعهم والكل هز راسه بانه يرجع
بيسان : ليه تطالعون فيني كذا مابي اشوف نظره الرحمه بعين احد منكم اي انا ابوي تبرى مني وتركني وامي رمتني مافيها شي عادي وانا فرحانه اصلا مابيهم
مشاعل ضمتها وهي تس برجفتها بحضنها : خلاص بيسان هدي نفسك
بيسان استسلمت لحضن مشاعل وبصوت واطي : مشاعل خذيني بعيد عنهم
مشاعل سحبتها للغرفه الجانبيه وصارت تقرا عليها وتسمي : خلاص حبيبتي اهدي
بيسان وهي ضامه رجلينها لحضنها وبصوت متقطع : مشاعل الي برا اولاد اعمامي وش راح يصير وش مصيري ؟؟
مشاعل سكتت ماتدري وش ترد






عند حمد رفع جواله واتصل على ابوه وخبره بكل شي
من القهر

حمد بعد ماقال له كل شي : لا وبنته عايشه طول عمرها لوحدها وداجه دجه مو طبيعيه
ابو حمد بعصبيه : شلون عبدالعزيز يسوي كذا وينزل روسنا الارض
حمد : ولله مادري عنه يايبه
مشاري سحب منه الجوال وبصراخ : انت وش سويت ليه قلت لابوك
حمد : مو كفايه فظايح وحده حامله اسم العائله واسم جدك الي الكل يشهد فيه تسوي الي بيسان تسويه
مشاري بصراخ : انت انسان اناني وماتفكر غير بنفسك
حمد : مو بنفسي افكر بسمعتي وبسمعتك وبسمعه اهلنا وخواتنا
مشاري لم راسه ومشى وترك حمد مشكله وطاحت على روسهم الحين اكيد الكل بيعرف وبتصير مشكله مالها اول ولا تالي وياعالم مصير بيسان
















KSA ...



كان بالشركه جاله اتصال من اخوه ابو حمد اكثر من مره وباين انه يبه بموضوع مهم ولا ماتصل ثلاث مرات

عبدالعزيز : ياهلا بابو حمد
ابو حمد بلوم : حسافه ثقتنا يابو ناصر حسافه
عبدالعزيز بخوف : وش فيك يابو حمد وش هالكلام
ابو حمد : تارك بنتك تصيع بديار الغرب وهي شايله اسم العائله
عبدالعزيز حس صخره وطاحت على راسه وش عرف اخوه ببنته ماقدر يرد يحس ضاع الكلام
ابو حمد : بنتك لازم تجي تعيش قدام عيوننا
عبدالعزيز : هاا ان شاء الله مايصير الا الي يرضيك والسموحه ياخوي بس انت ما
ابو حمد قاطعه : ماعندك عذر لا تقولي كلام فاضي بس الي ابيه منك تجيبها
عبدالعزيز : تامر امر
ابو حمد : يلا سلام وسكر
عبدالعزيز فتح ازرار ثوبه ورجع ظهره على ورا وبصراخ : كاس مويه
ناصر : خير يبه وش فيك
عبدالعزيز : بصراحه يابوك انت ولدي الكبير ولازم اقول لك قبل مايصير شي
ناصر بخوف : قول يبه خوفتني
عبدالعزيز قال له عن كل شي
ناصر مطير عيونه : لي اخت عمرها عشرين سنه ومن زوجه ثانيه غير امي
عبدالعزيز : هذي حقيقه ولازم الكل يرضى فيها ووقف
ناصر بصراخ : وامي وخواتي وش راح يصير
عبد العزيز : امك وخواتك وش فيهم البيت كبير ويوسع بدال البنت عشر بنات مارح تضايقكم
ناصر : راح تجيبها ؟
عبدالعزيز : ومن بكرا
ناصر مو مصدق يحس نفسه بفيلم مو حقيقه سكر الملف وووقف وعلى طول مشى للبيت




دخل وقابلته غاده

غاده : غريبه ناصر جاي اليوم بدري
ناصر وهو يفسخ شماغه ويعطيه غاده : ولله ماتدرين وش المصيبه الي طاحت على روسنا
غاده بخوف : ياساتر وش فيك وش هالمصيبه
ناصر قال لها وهي مفهيه مو مصدقه عمها عبدالعزيز يسوي كذا
ناصر : وش في تطالعيني كذا
غاده : احسك تسرد لي قصه روايه مو حقيقه
ناصر : يارب يستر
غاده : وابوي عارف من متى
ناصر : مادري بس اهو عارف
غاده : تدري لي الحين انتظرك تقول امزح او مقلب عجزت تدخل ببالي





عند بيسان وصلوا ع الشاطي ونزلت وهي تسمع مشاري وحمد ينادونا وسافهتهم


حمد : بيسان انا قلت لبوي عنك
بيسان وقفت بنص الطريق وتحس مويه حاره انكبت عليها انكشف كل شي والكل عرف عن وجودها مو زعلانه عشان كذا خايفه من ردت الفعل خايفه تتغير حياتها

بيسان : ومن سمح لك تقول له
حمد بصراخ : اقول من اليوم ورايح لبسك هذا لا اشوفه عليك ماتستحين تلبسين نفس هالملابس
بيسان وصوتها يعلى : وانت من عشان تتكلم معاي بهذي الطريقه
حمد : مالي الشرف ان وحده مثلك تكون بنت عمي بس القدر
مشاري بصراخ : حمد خلاص شوف الكل يطالعنا
بيسان بسخريه : طول عمركم ماهمكم غير الناس على بالي ابوي بس فيه هالخصله صارت كل العائله

مشاري : بيسان قصري صوتك وعلى مااعتقد تركتك تطولين صوتك بما فيه الكفايه الزمي حدودك احسن لك
بيسان : تهديد ولا شنو
مشاري : اي تهديد
بيسان ضحكت ضكه طويله وتنرفز : اقول وربي رحمتك
مشاري قرب منها وسحبها من ذراعها للسياره وهي تمانع بس قبضه يده القويه ماقدرت تفلت منها ركبها سيارته ومشى فيها باقصى سرعه

بيسان بصراخ : نزلتي ياحمااااااااااااار مابي اركب معاك
مشاري : اقول احترمي نفسك احسن ماتوطا في بطنك
بيسان : ماتقدر وربي لو ماتنزلني لا ارمي نفسي
مشاري وهو يزيد السرعه : ارمي نفسك
بيسان وهي تفتح باب السياره مسكها مشاري بيدينه الثنتين ماتوقعها تسويها وترمي نفسها وبصراخ وعيونه طايره : مجنونه انتي
بيسان وعيونها بعيونه : قلت لك ماعندي شي اخسره
مشاري قفل الباب وبصراخ : وربي يابيسان انتي ماعرفتيني لي الحين هاللعب مايمشي معاي وحرك السياره
بيسان : لوين بتوديني
مشاري : ناوي اقلبك بيسان ثانيه
بيسان : وش تقصد انت ؟؟
مشاري وهو يلمس كتفها : هذا مابيه يطلع مره ثانيه ويمرر يده على شعرها وشعرك يتغطى
بيسان وهي تبعد عنه بصراخ : لا تلمسني فاهم
مشاري يضحك : مسويه حالك شريفه ماكاني شايفك بعيني تضمين جوزيف
بيسان : جوزيف مثل اخوي
مشاري : قلتها مثل ولا انتي ماعندك غير اخوين حسن وناصر وبس
بيسان طيرت عيونها : انا ماعندي اخوان
مشاري وهو يوقف عند مجمع كبير ينزل وراح لبابها وفتح لها ونزلها بالقوه : لا عندك وهذا الشي حقيقه لو تخبت بتضل حقيقه
بيسان وهي تحالو تفك يدها من يده الي تسحبها لداخل المجمع : فكني مو بزر عندك انا
مشاري : لا بزر ويبي لك تربيه من اول وجديد
بيسان وهي تحس يدها بتنكسر من قوه مسكته : تالمني فكني
مشاري خفف قبضته طاحت عينها على حجابات ملونه وحلوه اشترا لها حوالي اربعه
بعدها مشى لمحل يبيع ملابس حلوه وساتره واشترا لها كم بدله وثلاث فساتين ناعمه
بيسان موقفه بملل وهي ودها تذبح مشاري : هي انت مطول
مشاري مارد عليها وصار يمشي فيها بالسوق والكل يطالعه لانه كان يسحبها وقف عند كوفي
مشاري : وش تشربين
بيسان بخاطرها انا ميته من القهر وهو رايق : مابي منك شي
مشاري : two moche if allowed ) ثنين موكا لو سمحت )
بيسان : مابي احد طلب منك تطلب لي
مشاري : من قال لك
بيسان : لمين
مشاري يطالع حمد الي اتصل عليه وخبره انهم بالسوق ولحقهم لانه يبي يقول لهم اخر الاخبار

بيسان بقرف : كملت انت وهالعله وش تبون مني خلوني اروح بحالي

جلسو لهم على طاوله

بيسان : ممكن تترك يدي
مشاري : على بالك مجنون عشان تروحين
حمد : بلا لعب بزران كلها كم كلمه بعدين روحي
بيسان : طيب فك ايدي
مشاري فك يدها وابتسم وهو يشوفها تفرك يدها وهي مكشر
بيسان : يلا غرد وش تبي انت الثاني
مشاري : حسني اسلوبك
بيسان : يلا بسرعه مو فايه لكم
حمد : عمي عبدالعزيز يقول
بيسان كشرت : وش علي من عمك انا ووقف
مشاري بصراخ : بيسان اجلسي شوفي مو زين لك العناد
بيسان ارتعبت من صرخته بس مابينت : لا تصرخ علي
مشاري : طيب اجلسي
بيسان جلست وهي تافف : اخلص وش يقول
حمد : الكل هناك قالبين الدنيا ويبون جلس يطالع بيسان
مشاري : وش يبون ؟
حمد : عمي وابوي وناصر اخوها وكلونا انا وانت نخلص كل الاجرائات ونجيب بيسان للسعوديه
بيسان بصراخ : ايش مستحيل وقفت واخذت شنطتها قول لعمك عشم ابليس
مشاري وقف معاها وبنظرات تخرع : بيسان راح تروحين السعوديه وغصب عنك بعد
بيسان بتحدي وهي تحط عينها بعينه : مارح اروح
مشاري وهو ياشر على جسمها : برايك لو عمي واخوانك شافك بهذا المنظر راح يرضون
بيسان : ماهموني
مشاري : مو بكيفك كفايه السنين الي تركك ابوك تلعبين على راحتك فيها
بيسان بصراخ : مو بكيفكم بيوم تقلبون حياتي
حمد جاله اتصال من ناصر وطلع من عندهم اصواتهم مارح تخليه يكلم عدل
مشاري : انتي الي قالبه حياتك ولا هذا منظر مسلمه
بيسان بصراخ : مالكم دخل فيني اتركوني بحالي مو انا مااشرفكم خلاص اتركوني اذا مستخصرين فيني اسم العائله اخذوه مو بحاجته انا
مشاري بصراخ وهو يمسكها من كتوفها : وش هالكلام يابيسان بسالك ماعمرك حنيتي تشوفين ديرتك واهلك واخوانك واخواتك
بيسان : لا ولا عمري بحن انا كارهه السعوديه واهلها انتو سبب كل المي وجايين تقولو انتي ليه كذا انتو السبب طلعت على هذي الدنيا لا والي ولا مرشد وتبوني اصير من احسسن البنات
مشاري ماقدر يقول شي كل كلامها صحيح نزل عيونه للارض مو عارف وش يقول
بيسان تنهدت : انا رايحه وهي تمشي قابلها حمد
حمد وهو راجع : لوين بيسان
بيسان : رايحه
حمد : لحضنه اخوك اتصل فيني من شوي ويقول انا جاي لكم
بيسان : يجي لكم انتو انا مارح استقبل احد ومشت
حمد يكلم مشاري : مارح تقول شي
مشاري جلس ع الكرسي : بصراحه مالي حق اكلمها جايينها بعد عشرين سنه ونلومها من المفروض يلوم مين اهي ولا احنى
حمد سند راسه ع الجدار : مادري مادري من وين طلعت لنا هالمصيبه














انتهي ..!

أعلن إنسحابي / بقلمي

الوسوم
اعلن , انسحابي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
بقلمي أحبك حبيبتي صفاااااء خواطر - نثر - عذب الكلام 25 04-07-2012 11:41 PM
للأوجاع قلوب لاتسيرها عاطفة / بقلمي نَيرُوز أحمَدْ , أرشيف الروايات المغلقة - لعدم إكتمالها 1006 05-04-2012 06:20 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 11:19 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1