منتديات غرام أدبيات غرام المقهى الأدبي نبض الحروف قهر ما كنت انا ادري اعيش بقلبك كذابه
رمش عينك ©؛°¨غرامي ماسي ¨°؛©





قهر ما كنت انا ادري اعيش بقلبك كذابه
قهر توي عرفت انك على الحبلين لعابه
كذب كانت سواليفك وكل كلمه على كيفك
وانا اللي احسبك روحي ولقلبي اقرب احبابه
وفيت لقلبك بعمري ولك ضحيت بأيامي
لقيتك للأسف كذبه اعيش بها مع احلامي
نعم صدقت كلماتك ولا ادري بنياتك
وهذا اليوم انا كلي ندم من راسي لأقدامي
خلاص الحين ابي ارحل وانا فيني الم غدرك
ابي اخذ قلبي من قلبك واخلي قلبك بصدرك
بداوي روحي بروحي وبكتم فيني جروحي
بعيش الدنيا من دونك وعيشي بالقهر عمرك




رمش عينك ©؛°¨غرامي ماسي ¨°؛©






أكبر قهر لا جيت تعشقلـك انسـان
واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنٌيـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهي على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك

كل ما سبق ذكره على الشوف ماكان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك !!

وإن كنت فيما قلت مخطي وغلطـان !!
أترك خطانا وأنـت عطنـا صوابـك


********************************************



رمش عينك ©؛°¨غرامي ماسي ¨°؛©

اضغط على الصورة لرؤيتها بحجمها الطبيعي

اكبر قهر لامن حكى فيك انسان ويصدقه منهو تعزة وتغليه
واكبر قهر لاشفت وليفك مع الغير يعطيه من قلبه مثل ماكان يعطيك


~أنيقة فكر! ©؛°¨غرامي ماسي ¨°؛©

اكبر قهر

يطعنك شخصٍ ماتوقعت يطعنك
............ ويسعفك شخصٍ مآ طرى لك عـلى بـآل ..!


:(


رمش عينك ©؛°¨غرامي ماسي ¨°؛©

مجروح من خبرك و أنا مجروح
و هذا أنا من يوم حبيتك
ما أعرف شسوي و وين أروح
و كل الدروب تودي لبيتك




عـےذب ©؛°¨غرامي فضي¨°؛©






من قال جرح الحبيب يموت ثم يقبر
ماجرب الجرح يوم الجرح بكاني


********




رمش عينك ©؛°¨غرامي ماسي ¨°؛©



اكبر قهر لاصار للشخص وجهين

وجهٍ يحبك فيه و وجهٍ يذمك

تزرع له الخفاق ورد ورياحين

وهو يحاول بالخفا هدر دمك

الله يسامح من جزى الزين بالشين

ويا قلب خلك صابر ولا يهمك




أبو عنااااد عضو موقوف من الإداره

أكبر قهر

تنخدع من شخص كنت بالحيل
تحبه ؟

وأكبر قهر

تنجرح من شخص ما كنت تتوقع
يجرح مشاعرك ؟


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1