شتات حروف ©؛°¨غرامي جديد¨°؛©

السلام عليكم , شخباركم ؟ ان شاء الله تزقحون هع

امممممم هذي روايه وهي نبذه عن حياتنا واحنا مختصرينها مرررره فأعذرونا اذا الاحداث سريعه :$

ان شاء الله تعجبكم

بايعينها وعلى الله


( نواره : بنت عربجيه وبايعتها ولا همها شيءحلووه مرره طولها حلوو وجسمها حلوو وعمرها 15 وشعرها بني غامق لحد رقبتها وعيونها عسليه وبشرتها مايله للسمار وشعارها في الحياه ( فلها وربك يحلها ) اعز صديقاتها ملاك )

(ملاك: عربجيه وبقوووه وطولها عادي وشعرها بني وعيونها بني غامق وعمرها 15 وشعارها في الحياه ( ازحف تنحف ) )

( مرام : بنت رومانسيه بس وقت العربجه عربجيه نحيفه وطولها عادي وشعرها ناااااااعم وبني وسمرا شوي زي نواره وبنت خالة نواره عمرها 15 )

( حصوص : بنت عربجيه بقوه وجسمها عادي وطولها عادي وبيضا وعمرها 15 وشعرها بني مايل للاشقر وهي توام روح مرام )

( منال : بنت نعووووومه ورومانسسيه مرره وطولها وجسمها عادي وشعرها شوي طويل ولونه اسود وعمرها 15 )

( غاده : زرافة اطول وحدة بالشله ونعوووومه ورومانسسيه مره تؤام روح مناال شعرها لتحت كتفها لونه بني وعيونها عسليه وعمرها 15)

( ندى: بنت عربجية واخر همها الدفرنه بس حبوبه وطيوبه وسمرا وطولها وجسمها عادي وشعرها لحد كتفها وعمرها15 )

( ريم : بنت عربجيييه بسس فللله وشعرها قصير مرره بووي وتمووت في جوون سينا المصارع ونحييييفه وتموت في جاستن بيبر كمان ولون بشرتها بيضا وعمرها 15)

بالعربي كلهم يجننو
البارت الاول ))في المدرسه و الحصه الخامسه))
نواره نايمه ع الطاوله وجنبها ملاك تتأمل الجدار
وباقي الشله يرسلون لبعض اوراق وسواليف هع
كانت حصة الرياضيات وكلهم بينتحرون من الطفش

شوي فزت نواره وصارخت : يمآآآآآآآآآآآآآه طاحت الكيكه
ويفطسون كل الفصل من الضحك والاستاذه فوقها مليون علامه استفهام
أ.هاله : اتفضلي برا لو سمحتي
نواره بصوت خافت : زين لا تدفين
أ.هاله : ئولتي حاقه ؟
نواره : لا سلامة ألبك استاذه
وطلعت برا تحوس بالممرات

نواره تمشي بممر فصل اول متوسط شوي ولا يجي احد داق 400 وصك فيها من ورا
حصوص : هههههههههههههههههههههههه والله شكلك توحفه
نواره : وجع فجعتيني يا سكنيه
حصوص : جب جب , اجل طاحت الكيكه هههههه هبلا
نواره : هههههآع

وانتهى اليوم الدراسي ض1



وفي البييت كل الشله شبكوا ع النت و دخلو المسن .

ندى:بناات انا عازمتكم بكره في البيت خلاص.
حصوص:بشوف امي.
نواره : وانا بعد .
مرام : امي وافقت.
غاده : مادام البنات بيروحون انا بروح لان المكان ما يصير حلو الا بوجودهم.

منال :يا قلبي انتي.
"كل البنات اهلهم وافقوا ومن بكره بيروحون لندى"

((ببيت ندى))
ريم: بنات جتني فكره .

ندى: وشو الفكره يا حظي الردي .

نواره:هآه وش فييه .

ريم : وش رايكم نقول لأهلنا اننا نروح للبر .

ملاك:ايه ايه تكفوووون.
مرام : ايه والله فكره حلوه.

نواره : بس اخاف ابوي يقول لا

حصوص : زني فوق راسه الين يوافق.

نواره قامت : بنات بروح المطبخ من يروح معي
ملاك قامت : انا بروح معك
نواره : يالله
وراحوا المطبخ

تحت في المطبخ

نواره متربعه عند الثلاجه وتطلع لها مشروبات غازيه واكلات خفيفه

ملاك ماخلت درج ما فتحته حاست المطبخ ..

فجاة سمعوا صوت قربعه الكاسات ملاك بسرعه طارت ولزقت في نواره ونواره عادي ولا هامها تكمل بلع

ملاك ترتجف وتقول : نواره امشي نطلع البيت مسكووون

نواره لفت عليها ونفسها تعطيها كف : أي مسكون انتي الثانية هذا اكيد اخو ندى مهند

ملاك بخوف : لا ما اتوقع امشي نروح فوق عند البنات

نواره وهي تشيل عفشها : طيب طيب يالله يالخوافه

وراحوا فوق وطول الطريق ملاك لازقه بنواره ونواره تدفها بس لا حياة لمن تنادي

فوق عند البنات

ندى وحصوص عند النت ومنال وغاده يشوفون فلم هندي والدموع اربع اربع

ومرام مشغله الايبود وتغني بصوتها الناعم

فجأة دخل عليهم اعصار
ملاك دخلت وعلى طول غرفة الملابس وتخبت

ونواره تمشي على بيض باقي عند الدرج ووصلت ودخلت وسكرت الباب
ورمت الشبسات والبساكيت والحمضيات عالارض والبنات دفش نطوا عليها وانواع الصياح والشتم والسب عشانها ونواره تطالعهم وتضحك كأنهم اول مره يشوفون اكل

وراحت عند التلفزيون وحطت المصارعه وغاده ومنال بغت تجيهم جلطه غاده تصييييح : يالملعونه الفلم جعلك المرض المستعصي رجعيه

وريم نطت جمب نواره لانها مصارعه جون سينا

وتصارخ بحماس : عطه بكس .. لالا مو كذا .. يالحكم الغبي ثبت جعلك السكته
اليوم الثاني


في بيت نواره ... تحديدا في غرفتها

نواره تطقطق بجوالها ومتمدده عالسرير ..

شوي سمعت الباب ينفتح بقووووه نقزت من مكانها وطاحت من السرير

دانا تضحك على شكلها وطاحت على بطنها من الضحك : ههههههههههههههههههه شكلك هههههههههههههههه رهيب هههههههههه أي يابطني هههههههههههههههههه

ما حست الا ومخده طايره على وجهها

نواره وهي معصبه : ضحكتي بلا ضرووس .. خير وش تبين يا مال الكسر

دانا قامت وهي تقول : ابوي يناديك تحت (دانا: اخت نواره عمرها 9 في صف ثالث لسانها متبري منها دبدوبه شوي وفيها من نواره وسمرا اكثر من نواره وشعرها كيرلي ولونه اسود وعيونها بنية)

نواره قامت وجات بتطلع ودفت دانا ودانا صكت بالجدار الي وراها وجلست تقول : يالحقيره يالملعونه جعلك المرض والعمى والانفلونزا ..إلخ

تحت في الصاله .. دخلت نواره وجلست على الكنب اللي جمب ابوها

نواره : هلا يبه بغيت شيء ؟

ابوها: ايه توه ابو ريم دق علي وعزمونا نطلع معهم للبر وسألت امك ووافقت انتي وش رأيك

نواره نقزت وجلست تنط على الكنب وتصرخ : وناسه وناسه وناسه وناسه هيييييييييي ... وتعثرت وطاحت طيحه شنيعه هع هع ..

تربعت وهي تفرك خشمها وجبهتها : اح يعور اححح ...

وابوها يضحك على هبال بنته

ونطت لغرفتها وبشرت البنات ..


.............................................

في نفس الوقت في بيت منال .. تحديدا غرفتها .

ظلام .. وبرررررد وماينسمع الا صوت نفس منال .. لانها نايمه ..

انفتح الباب شوي شوي ودخلت هدى اخت منال (هدى:اخت منال نفس عمر دانا وشرانيه ودبدوبه وسمرا شوي )

دخلت هدى وهي تمشي على اطراف اصابعها ونطت على سرير منال وجلست تنط وتغني اغنية من طيور الجنة يا بابا اسناني واوا

قامت منال وراكبتها شياطين الانس والجن ودفت هدى وطاحت هدى عالارض وجلست تصارخ: هدى يالكلبببببببببه يالحقييييييييييره وشش تبييييييييييييين

هدى جتها ام الركب وراحت تركض تبي تطلع بس يد منال اسرع منها مسكتها وقالت: والله ما تطلعين الين تقولي لي

هدى بخووف: ابوي يقول تجهزوا بكره بنطلع للبر مع صديقاتك ..

منال مسكت هدى مع تيشيرتها من ورا ورمتها برا الغرفه وراحت للحمام تتروش
طبعا البنات نفس الحاله اهلهم قالوا لهم عن طلعت البر وكلهم فرحانين ويتجهزون ..

......................................


................................

في بيت نواره كانت تكلم مرام بالجوال ...

نواره بطفش: مرام طفشانه وقسم بالله بليز وش نسوي؟

مرام بطفش: وانا اكثر منك طفشانه ..

فجأة مرام نقزت كأنه ماسكها كهرب 220 فولت هع هع

مرام بفرح: لقيتها لقيتها لقيتها

نواره بدون شعور جلست تنط عالسرير: قولي قولي قولي

مرام : وش رأيك ندق على ملاك ونطلع بنده نتقضى اغراض الطلعه للبر؟

نواره: ايه والله شلون راحت عن بالي ... يااااااااااحبي لك مرومتي

وكملت : يلا انا بروح وامرك تجهزي ..

مرام : اووووكي

نواره ومرام استأذنوا من امهاتهم ووافقوا نواره اخذت خدامتهم ماسيتو معهم

في السياره مرت نواره مرام وهم الحين رايحين لبيت جدة ملاك لانها عندهم

ووصلوا بيت جدتها واخذوها وهم رايحين بنده ووقفوا عند اشاره
نواره: ماسيتو

ماسيتو: نأم مدام
نواره:مدام في عينك .. انا صغيره ناديني نواره
ماسيتو :طيب

نواره: ماسيتو غني خلاني
ماسيتو تحمست وجلست تغني : كلاني راه أني ونساني ولا ادري قولولي ويس اسوي ؟ ئلى قفله سرت اهبه وابي قربه يبي قربي قولولي ويس اسوي

ونواره تحمست هي وملاك ومرام وجلسوا يرقصون

وسيارة شباب جمبهم يصفقون واحد منهم يقول : ورا ورا عاشوا يمين يسار ايوه ايوه ايوه

وجلسوا يرقصون الين تعبوا وبعدين جلسوا والهبلا ماسيتو الى الحين تغني

نواره:خلاص اسكتي
وسكتت

ووصلوا بنده

نواره جالسه في العربية ومرام وملاك يدفونها ويفحطون

ونواره كل ما مرت عند رف خذت الي فيه وبعدين ملاك فكت العربيه هي ومرام ونواره طااااااااااارت وتصرخ: يالحقيرات ساعدوني آآآآآآآآآآآآآآآآآ

وقدامها واحد وتصرخ نواره:وخررررررررررررررر
التفت الرجال وما امداه يوخر الا ونواره صاقعه فيه طارت نواره والاغراض والعربية بعد

طاحت نواره فوق الرجال والاغراض طارت ومرام وملاك تسدحوا ضحك ..
قامت نواره وراكبتها شياطين الانس والجن وجلست تلحقهم وفكت جزمتها :يالحقيرات وقفوا ووووووووجع
وخبطتهم على رأسهم ..... واخذوا الاغراض الي يحتاجونها ورجعوا للبيت

غاده و منال بالجوال يسولفوا وايش يسووا بالبر
غاده: منول
منال: هلا
غاده وش رايك نسوي مقلب ب نواره وملاك
منال مستانسه : كــييـــف؟؟

غاده:اسمعي...

منال:واو والله انك ذكيه جبتيها طيب يله بكره اول ما نوصل للبر نسويها.
((البنات واهلهم تجمعوا بمكان عشان يمشون مع بعض))
حصووص:ماما خلي البنات يجون معنا واخواني يروحون معهم تكفيين
ام حصوص:انشاء الله اقول لهم.
"وركبوا كلهم السياره وغاده همست بأذن منال:جبتي الي قلت لك هآه؟؟
منال : ايه جبته.
(( في البر ))

حصوص : نواره انتي وريم تعالوا مو رايحين معنا ؟
نواره : لا بروح بسياره ريم
حصوص : زين باي

نواره ركبت وجمبها ريم وقدام ابو ريم وعاصم اخو ريم
عاصم : ارححححب بنوير تو ما نورت السياره يا بعدهم
نواره : هلا والله بعويصم شخبارك يالقاطع ولا تسلم ولا شيء مالت على خشتك
عاصم : ابد والله انشغلنا بالدراسه هع
نواره : يعني اني دافور وخر بس
عاصم : زين لا تدفين


شسمه شرأيكم بأول بارت ؟ وان شاء الله يكون عجبكم تكمله البارت اذا شفت حماس هع


شتات حروف ©؛°¨غرامي جديد¨°؛©

سلآم .. كيفكم يا حلوين ؟

معليشششش اعذرونا لأننا قطعنا عنكم فتره .. لكن تعرفون اختبارات وحوسه ><'
انتظرونا قريب عشان نكمل هالرواية ...
وفيه رواية ثانيه راح ننزلها ونكملها بإذن الله قبل هذي الرواية ..

ف أتمنى من المشرفات يغلقون هالرواية لين ما نكملها ونكمل الرواية الاخرى لأنها كاملة تقريباً بس باقي ننزلها ..

واعذرونا عـ القصور .. ^^

همسات وردة ©؛°¨غرامي فضي¨°؛©

السلام عليكم

حياكم الله بغرام .. بس فيه اخطاء بروايتكم
وش سالفة هالعربجيات الي فرحانين فيهم .. ربي اكرمكم وخلاكم بنات حلوين
تتشبهون بالرجال كشكل وصفات ليه .. اعتراض مثلا على خلقة الله ؟؟
نوارة تسولف مع عصام باي صفه ؟؟
وبنات عمرهم 15 سنه يرقصوا قدام الشباب وفي الشارع ,,,
ويلعبوا بالعربيه في السوبر ماركت وكانهم اطفال والمفروض فيهم انهم لابسين
العبايات ومتغطيات غير الالفاظ السيئه الي يتكلموا فيها ,,
عفوا اخواتي وش هدفكم من هالروايه الي الى الان ماوصلت له !!!



https://forums.graaam.com/458176.html


ياليت تطلعوا على هالموضوع اكيد بيفيدكم


https://forums.graaam.com/420685.html



تغلق حتى عودة الكاتبات


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1