منتديات غرام روايات غرام أرشيف الروايات المغلقة - لعدم إكتمالها يا حبيب الروح بكتبلك وصاتي أن غديت اليوم في حبك جتيل / بقلمي
غزآله مآتنصآد ©؛°¨غرامي جديد¨°؛©

~ ~ ~
سهيل : خلصتووا ولا بعدكم ؟
محمد : انا خلصت ..
سهيل : تعال بسمعلك ..
قعد سهيل يسمع لمحمد اللي كان يجااوب بسرعه وبثقه ..
وريم كانت تدرس من خاطرها وهي تشرب الماي ..
~ ~ ~
شمسه : بتشووفين انا براويهاا .. والله اذا خذته ما اخليها تتهنابه ..
هند : كيف ؟؟
شمسه تبتسم بخبث : بتشوفين ..~ تفج عيونها بوسعهن وهي راسمه ابتسامتها الخبيثه ع شفاتها : انا لا حطيت احد ببالي رااح فيها هههههههه
هند : انزين ما عليه .. تراج تقولين بنشوف ..
~ ~ ~ ~
هزاع يكلم حمود : شوو حبيبي تباا تناام ؟؟
حمود : ماماااه ..~ وهوو يبي يصيح ..
حارب : تعال باباه .. انا بخذك تعاال فديتك ابوو الشبااب انته ..
هزاع : ههههههههه اي ابو الشباب الله يهديك ..
حارب : ههههه كلمه ويت ع لساني ..
خذ حارب حمود وحط راسه ع كتفه .. وتم يمشي به .. لين ما نام ع كتفه ..
وهو ماشي التقى بسلامه .. : ششو تسووين ؟
سلامه : ماشي اقطع ووورد
حارب : هههههه ليش ما رحتي ويا موزه وعايشه تساعديهن ؟
سلامه : لا والله .. متفيجه اصلا ارووحي شارده من عندهم
حارب : هههههههه شقى شررردتي بعد ؟
سلامه بعفويه : والله انا قلتلهن لا ترووحن وهن راحن .. ويوم شفتهن صادوهن رديت ع وراايه وشرردت
حارب متبسم وهو يطالع سلامه يوم ترمس : هههههههههه عنلاااتكن يالمكارات ما تبن تشتغلن ؟
سلامه : هييي والله تعبب .. احنا يايات نستانس مب يايات نششتغل
حارب ابتسم لسلامه ابتسامه خلتها تقفط وتستحي
سلامه : اشل حموود عنك ؟
حارب : لالا عاادي براايه
سلامه : هاته بوديه عند امه ..
حارب : اووكي تعالي خذيه
سلامه فجت حلجها .. شوو تعااالي خذيه ويا فيييسسه بدال ما يعطيني اياه .. راحت صووبه
وهي مب عارفه تشل حمود عنه .. لانها اذا تباا تشله لاازم بتلاامس حارب ..
حارب : شوو هونتي ما تبين تشلينه ؟
سلامه : لالا .. هااته .. بشله ..
حارب بعنااد : تعالي شليه ..
سلامه .. اففففف شوو هاا يستهبل .. مالت عليه السخيف مب منه مني انا الهبله عاطتنه ويه
راحت صووبه وهي تشل حمود لامست حارب ..
حارب يرد ع ورااه .. : آآآووه .. ~ وجنه يته قشعريره
سلامه تطالعه باستغرااب : بلااااك ؟
حارب : مااشي بس اتحسس يوم حد يلامسني
سلامه رافعه حايبها .. > مالت علييييييييك .. خقققققاااق بععد : الله يعين حرمتك عليييييييك
~ خطفت عنه
حارب يناظرها وهو ناقع من الضحك عليها
~ ~ ~
عايشه تشووف مسج سلامه .. : اقوولها تناديهم ع الغدا ؟
موزه : هي تراا خلصنا
عايشه : اووكي ~ زخت فوونها وكتبت لسلامه " سلامي حبيبتي ازقرييهم ع الغداا .. ترانا يوعانيين ما بنستنى حد "
~ ~ ~
سلامه ماسكه حمود وتركب الدري تبا تروح لغرفه شمسه .. سمعت صوت فونها يوم ياها المسج ..
سلامه : هاي اكيد عوااش ..
وقفت عند باب الغرفه .. ومب قادره تدق الباب ..
حارب من وراها : ادقه بدالج ..؟؟
سلامه : انت ليش ياي هني ؟؟
حارب : بس جيه ..
سلامه : ما دام انك ياي هني ليش خليتني اخذ حمود .. جان يبته انت ..
حارب : هههههههه والله انتي اصريتي الا تاخذيه شو اسويبج ؟؟
سلامه معصبه : تدري انك سخييييف ..؟؟
حارب يكمل ضحكته : هههههههه من زماااااااااااان ..
سلاامه وهي تتنهد وبتموت غصه رفعت ريلها شوي عن مستوى الارض ودقت الباب بقو ..
حارب فج عيونه : خييييبه .. عصب الفلفل ..
سلامه تلف عليه : نععععععععععععععم ؟؟
حارب لف ع وراا وراح عنها بسرعه .. فجت هند الباب : نععم ؟؟
سلامه وهي معصبه : اندووج حمود .. ~ تعطيها اياه ..
هند : انزين ليش تزاعجيييين .. لا يطيحن بلاعيمج ..
سلامه تحط صبعها ع راسها ( كيفي ): شي رااجعلي انززين ؟؟
هند وهي تطالع سلامه بشمأزاز ..: عووذ بالله ..
سكتت سلامه عنها وسوتلها طاف .. طلعت فونها من مخباها وفجت رسالة عويش ..قرتها .. وردت تدق الباب ..
هند : شوو بعد ؟؟
سلامه : غداااااا .. جان تبون .. ما تبون احسن ~ وخطفت عنها تنزل تحت ..
هند : تعالي شموس غداا ..
كملت سلامه طريجها تحت : اييييييه يلاا طلعواا غداا ..
سهيل : يلاا طلعوا .. عقب بنرد نراجع
طلعوا سهيل وسلامه وريم ومحمد فنفس الوقت ,, عقب يوا شمسه وهند ..
سهيل : ويييين راح سعوود ؟؟
هزاع : كان يالس هنااك .. مادري شياه مب طايع ايي يتغداا ..
سلامه سمعت هزاع يوم قال جيه .. وحاز سعود فخاطرها بس ما تقدر تسويله شي ..
سهيل : خله علي اناا بيبه ..
راح سهيل صوب سعيد ..
وسعيد مسح دمعته من على خده بسرعه قبل لا ينتبه عليه سهيل ... وخل عمره يتثاوب يباا ينام ..
سهيل : هااه سعوود اشوفك تباا تناام ؟؟
سعيد : هييه .. تعباان شوي .. تدري الطريج طويل لين هني ..
سهيل : عيل تعاال تغداا وروح ناام ..
سعيد : لا لا ما ابااا غداا .. روح انت تغداا اناا بيلس هني ..سهيل يمسك سعيد من ايده : والله تيي تغداا وروح ناام بعد شووه ..
سعيد : لا والله ما اريد ..
سهيل : عااد اناا حلفت قووم يلاا قوم ..
قام سعيد وهو متضايج من اللي صار .. ومشى بخطوات ثجيله ..
يلسو الريايل فصوب والحريم فصوب .. وتموا يتغدون ..
سهيل : اقوول لو شفتوا حمود وريم .. جنهم يهاال ..
هزاااااع : ههههههههه شوو سووواا ؟؟
سهيل : توني هااه غطت عيني .. وقمت بسرعه ع صريخهم .. اونه يتضاربون ع الكتاب هاا يمط من صوب وهااي تمط من صوب ثاني .. ومحتشرين وحالتهم حااله ..
الكل يضحك .. وكمل سهيل : لاا عااد اللي يشوفهم يقول ما شااء الله دحححححح .. مب جنهم يتغافلوني ويلتهون فتيلفوناتهم وفالتلفزيون ..
~ ~ ~ ~
بعد ما خلصوا غداا ,, الكل تقريبا راحوا لغرفهم يرتاحون .. كان اول يوم لهم بالرحله .. وكاااان حلو ع الرغم من انه كان تعب بسبه الطريج الطويل ..
سهيل : تبوون تريحوون ولا تكملوون ؟
ريم ومحمد : نريييييييييح ..
سهيل : هههههه اعنبوو ما تبوون تدرسوون شوو؟ سيروا ريحوا اليووم وايد درستوا بس باجر بيكون اكثر
ركضت ريم صووب غرفتها ونفس الحال لمحمد
كل واحد منهم فر عمره ع السرير يريحون وخذتهم النوومه
~ ~ ~
الكل كان بغرفته .. ورقد من التعب ..
الا …
طلعت موزه للصاله .. حست انها ملت .. ولا قدرت تنام
….. : بلاج قاعده اهني ..؟ الكل بغرفهم الا انتي
لفت ع وراها وشافت سهيل يبتسم لها .. : ماياني رقااد
سهيل : قومي نمشي شووي .. لاني زهقت بصراحه
موزه ابتسمت ونشت ..
طلعوا اثنينهم يتمشوون ..
والصمت سيد الموقف
ثواني وتكلم سهيل .. : ماكنت اتوقع انج تصفعيني ..
موزه غمضت عيينها .. وعضت ع شفايفها وهي تسمع كلامه وتتذكر الموقف
سهيل يكمل : وقتها كنتي ظالمتني .. والله كانت شمسه جذابه .. تجذب عليج .. وانتي صدقتيها ع طوول بس ما الوومج .. لانج كنتي تعرفين كل شي بيني وبينها .. انا ما انكر اني احب شمسه واغليها .. وهي بالنسبه لي اكثر من حياتي .. اهي الغاليه اللي حازت حب هالقلب ..
موزه لفت ع سهيل بصدمه
وسهيل لف لها وهو مبتسم : بس هاا قبل لا ارد من السفر .. الحمدلله قلتها قبل لا اييني كف ثاني ههههه
موزه نزلت راسها واضحكت ..
سهيل تم يناظرها وهو مبتسم ..
شمسه كانت واقفه ع البلكوونه وشافتهم اثنينهم يمشوون ويضحكووون .. حسست الدنيا ضاقت بها .. حست بكرهها لمووزه صج
~ ~ ~
موزه تعض ع شفايفها وبندم : انا اسسفه ع اللي صاار ..
سهيل يبتسم ويرفع راسها بصبعه .. : افا عليج .. ما كاان يعوور كفج بس شوويه لانه طلع من ضيجه
موزه : ههههههه .. آآسسسسفه
سهيل : هههههههه امزح معااج .. لالا عادي افا عليج .. بس المعلوومه اللي ابي اوصلج اياها اني ما ابيج تسمعين رمسه شمسه .. والله شمسه انا محيتها من حياتي .. خلاص مالها وجود فهالمكان ~ ياشر ع قلبه
موزه اكتفت بالصمت وهزت راسها بمعنى انزين ..
سهيل : خلينا نرجع عن حد يحس علينا
موزه : اوكي
ردوا داخل ..
~ ~ ~
ومسرع ما مضى الوقت ويـآ الفليل ع الساعه 8
نش محمد من رقااده …
و راح للحماام يتغسل وطلع .. بعد ما خذاله شوور .. لبس ملابسه وقعد ع السرير ومسك البي بي ماله .. واتصل ع الرقم
~ ~ ~
نشت ريم ع صوت البي بي مالها .. وشلته وهي تبي ترقد .. : آلوووو
محمد : بعدج راقده ؟
ريم فجت عيونها : منوووو؟
محمد : آنآآآآ
ريم رافعه حايبها : منووو انته ؟
محمد : اللي اليوم تسويله حره وفرحانه بعمرج شاله الكتاب
ريم انصدمت : انتتتت كيف يبت رقمي ؟
محمد : انتي متصلتلي ..
ريم : آآنآآ ؟ خريييييييييط انا اصلاا ما عندي رقمك ..
محمد : اششو تبين انتي الحين ؟
ريم : انت اللي متصل انت شوو تبا ؟
محمد : خلصتي دراسه ؟
ريم : آمم لا والله بعدني اصلا تووني ناشه من الرقاد
محمد : ههههه شراااتي يعني .. عيل زين يوم اتصلتلج ولا تبين تكملين رقااد
ريم تتثاوب : لا مابي ارقد بس ابي اريح شووي .. ابا انسسى الدرااسه .. انا يايه استاانس
محمد : والله انتي الفاهمه صج .. محد فيهم يحس فينا .. كله درسووا درسوا
ريم : هههههه هي والله .. قههههر .. بس يالله شو نسووي .. انت خلك قاعد بالغرفه لا تطلع
محمد : ليش ؟
ريم : لانك لو طلعت بيزخووك وبيخلووك تدرس وطبعا ما بيخلووك تدرس رووحك بيزقرووني وبيخلووني ادرس وياك
محمد : بل كيييف تفكككككر .. اووكي ما عليه
ريم : ههههههه عيل شوو ع بالك .. ما شاء الله علي انا ذكيـه وايد
محمد : بس بس عااد ما صدقتي من عمرج ؟
ريم : كيفي .. لا تغااااااااااااار ..
محمد : انا اغااار؟ ومنج ؟
ريم : هي تعاال صح .. انا اوول مره شفتك فيها كنت تدووخ زقاره .. حد يدري عن هالشي ؟
محمد ارتبك : انتتتتتتتتتتي شووووووو يخخخخخخخصج ؟
ريم : بسسسسسسسم الله كليتني .. قوول ولا تراا بخبر عليك
محمد : لا محد يدري .. وبعدين شوو بخبر عليك كيفج انتي ؟
ريم : هييي كيفي .. الزقاره مب زينه انزيييييين ؟ عقب بتمرض بيييك مرض فالرئه
محمد : ادري ..
ريم : شوو ادري .. يعني مب ناوي تودرها ؟
محمد : …..
ريم : ارمسسسك انا .. انت ليش تدووخ ؟ شوو تستفيد ؟
محمد : مادري
ريم : وانت بس تقول ادري ومادري ؟ صج اهببببببل
محمد : هههههههه تحسبيني شراتج يالشلقى ؟
ريم : انا ششششلقى ؟
محمد : هيه ههههههه
ريم : صبرني شوووي
محمد : شوو بتسووين ؟
ريم : برووح اخبر عليك
محمد : ايييييييه بصفعج والله ..
ريم : هههههههههه خواااااااااااف
محمد : ايهبي اخاف ..
ريم : عيييييل برووووح اخبببر
محمد : قري ولا بصمج ببوووكس تحت عينج
ريم : ننننننننعم ؟
محمد : نعامه ترفسج انزين ؟
ريم : لا ما انزين .. انت اخوو عايشه صح ؟
محمد : لا .. انا اخوو ميته
ريم : هاااااهااااا دمك خفييييييييف
محمد : شليه .. ههههه
ريم : والله تراك سخيف يالله عاااد ..
محمد : هههههههه شدعوه ما اعيبتج ؟
ريم : لا ما حلووه ابد
محمد : حطيلها سكر ههههههههههه
ريم : بتتم تتسيخف عليه ؟
محمد : لا
ريم : هيه زين ولا كنت بسكر ..
محمد : باب هوو تسكرينه ؟
ريم : اففففففففففف .. ~ بندت فويهه .. وهو ميت ضحك عليها
رد يطرشلها مسج .. " تراا بنزل .. وبخليهم ينزلوونج غصب تدرسين "
ردت طرشتله " لاا بليز .. ما ابي ادرس .. انت ما تعبت من الدراسه .. دخيلك لا تنزل "
مارد عليها مع انه شاف المسج بس حب يخوفها ..
ريم : اففف اكيد رااح ينزل .. يارب ما ينزل .. انزين ليش مارد عليه .. مم اتصله ؟؟.. لا لا ما بتصل ..
…..
محمد فغرفته : هههههههه ان ما خليتج تتصلين يالسباله .. يلاا عااد دقي اففففف
انسدح ع السرير وهو مبتسم ..: صوتها حلو .. مم ما لاحظت اكيد عيل بلا فون احلى هههههههه
…..
ريم تدق لمحمد .. : رد الله ينطبك ..
محمد .. تم ما رد عليهاا ..: اثجل يا محمد لا يلعب عليك قلبك وترد من اول اتصاال .. برد .. اخاف ما تتصل بعدين ..
محمد : الووووو ..
ريم : اييييه لا تنزل ..
محمد : منوو معااي ؟؟
ريم : عن السخاافه ..
محمد : اوووه ااسف حبيبتي .. نسيتج .. ونسيت الغرام اللي عشناه هههههه
ريم : غبي .. ما تستحي تقووول هالكلااام ..
محمد : بلااج مهاااااااري ؟ ليش معصبه لاتحاتين ما نسيتج بس حبيت العب باعصابج ..
ريم منرفزه : قسسسسسسسسم بالله انك قليل اااادب .. بعد ترمس بناات هااه .. فوق سواد ويهك وقوات عينك تدوخ زقاره وترمس بناات .. بتشووف ان ما خبرت عليك ..
محمد : هههههه شوو سويت ؟؟
ريم بنرفزه اكثر : قوول شوو ما سويت .. بسألك انت خليت صياعه بالدنياا ما جربتهاا ؟؟
محمد يلعب باعصاب ريم : امم ما اعتقد كل ششي جربته
ريم منرفزه : وووووووع علييييييك ما تستحي قليل ادب مافيك ذرة كرامه .. انا ما اتشرف ارمس مثل اشكالك الوصخه هذيييييي
محمد : صبر صبر .. بلاااج معصبه ؟ تراا امزح .. ~ اشششدعووه يبااا ؟
ريم تبا تضحك عليه يووم يرمس جيه : جب جب
محمد : ههههههههههه بل بل .. اعنبوو هدي شووي .. كلمه ورا كلمه ما تسكتين شووو ؟
ريم : ججججججججججججب قلتللللك
محمد : هههههههه والله هببببله .. يالله .. بسسسكر عنج
ريم : آمم اووكي بس لا تنززززل
محمد : لا بنزل وبقوولهم زقروا ريم بعد
ريم : بخلي عمري نايمه كيفك عاد انت ادرس
محمد : لا بقوولهم جذابه توني مرمسنها
ريم : اييييييييييييييييييه
محمد : هههههههههههههههه
ريم : آمم محمد
محمد : ابووووووووويه انتتتتتتتتتتتتي
ريم : هههههههههههه شوو هالرمسه ؟
محمد : ههههههههههه طلعت بدون قصد بعد انتي لا تصدقين عممممرج
ريم وهي مبتسمه : تصصصدق بديييت ارتااحلك
محمد : ادري
ريم واختفت ابتسامتها من رده البارد : عكيييييييفك ؟ يمكن اجذب علييييييييييك
محمد : ما تجذبين اصلا الكل يرتاحلي
ريم : انت ترمس بنات ؟
محمد : هيه
ريم : ما تستحي شوو؟ بعد تقول هيه ؟
محمد : تراني ارمسج يالعنز
ريم : هههههه لا اقصد رمست قبلي حد ؟
محمد : هيه
ريم : اووووووووف يعني شوو فرقت ؟ ما تستحي انت شوو
محمد : ههههههههه ليش معصبه انزين ؟
ريم : ...........
محمد : بصراحه انا ما كنت بس ارمس .. انا كنت احبها ..
ريم : .........
محمد يكمل : لكنها ودرتني ....
" محمد : لا ترووووحين ..
هنادي : ماقدر .. اهلي يستنووني
محمد : بتودريني ؟
هنادي : شسويلك ؟ انا قلتلك تخطبني قبل .. الحين ولد عمي خطبني .. وانا مش مضطره اعلق عمري فيك وانت ولا يطلع منك شي ..
محمد : مستعد اخطبج باجججر
هنادي : اسسسفة محمد .. انا بروووح .. "
ريم طاحت دمعتها : تستاااااااااااهل
محمد : .......... ~ سكرت ريم الفون بويهه ..
~ ~ ~

همسات وردة ©؛°¨غرامي فضي¨°؛©

3 / يتم إغلاق الروايه في حال طلبـ ..الكاتبــ \ ــة...إغلاق الـرواية..أو...لـتأخرها...أهمالها ..أو..لـتجاوزات في الردود
او في حال تأخر الكاتبة لـ أكثر من عشرة أيامـ وتفتح حين جاهزية الأجزاء..

تغلــــــــــــق


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1