منتديات غرام روايات غرام روايات كامله - يتم نقل الرواية هنا بعد اكتمالها رواية لاتمثلين إحتياجج لي وأنتي بحضن غيري مقزرتها / بقلمي , كاملة
عرض نتائج التصويت: رايكم بالرواية .,
ممتازة
63.10%
53
جيدة جدا
13.10%
11
متوسطة
9.52%
8
مقبولة
14.29%
12
سحرتة بنظرتي ©؛°¨غرامي جديد¨°؛©

السلام عليكم
هاذي ثاني رواية لي .,

روايتي الاولى منقولة ., نقلتها أختي zozo

وانا حبيت أنقل لكم روايتي الثانية بعنوان .,



والله اني أحبكم والله يشهد على حبي لكم ., طبعا من بعد نجاح روايتي الاولى أذرف دمعي على خدي وأتحسر على كل لحظة وياك ., وطبعا هالنجاح ماصار الا بفضل تشجيعكم المستمر لي .,قررت أنزل روايتي الثانية بعنوان



[لاتمثلين احتياجج لي وانتي بحضن غيري مقزرتها ]



وانشاءالله هالرواية بعد بتكون على مستوى ., أتمنى تعجبكم ., فكوني معي وحلقوا معي في سماء صافية .,















· ملاحظة هالمرة طريقة الاسلوب راح تتغير ., يعني أنا راح أتكلم بلسان أصحاب الرواية ., والشخصيات يمكن تكون وايد فأنتوا لازم تركزون عشان

ماتظيعون ., وبالنسبة للبارتات كل يوم راح أنزل بارت ., واذا ماشفت منكم توقعات راح أنطركم يوم ماأنزل فيه بارت خخخخخ .,



أي أذا شفتوا أقواس هيكي ( ..... ) وداخلهم كلام يعني البطل قاعد يتكلم بقلبة



وبسم الله أبدي روايتي .,






أي والي يرد بس بكلمة يسلمو ولا يعطيج العافية على البارت بدون لايعلق على الرواية وعلى شخصياتها ويندمج معاي أيضا ماراح أنزل بارت ., أبي

أشوف تفاعل قوي ., وترى أذا ماشفت تعليق على الرواية راح تنطرون يومين مو يوم واحد ههههههه .,















لاتمثلين أحتياجج لي وانتي بحضن غيري مقزرتها .,







.....( أي هالكلمة ., سمعتوها ., شفتوها ., قريتوها ., هاذا مو الموضوع المهم ., موضوعي المهم أني سمعت هالكلمة من أعز أنسان على قلبي ., أنا موألومة على هالكلمة الي قطاها لاني كنت أستاهلها بمعنى الكلمة ., صح أنا خاينة ., خنت قلب علمني معنى الوفى ., خنت أنسا نشراني وحطني بعيونة ., خنت صديق وقف معاي بكل مشكلة ., أهوة حبني وعطاني من عمرة ., أهوة عشقني وبداني على عمرة ., أهوة حطني بعيونة وغمض عليي عيونة ., بس بشنو جازيتة ., جازيتة بالخينة ., خلوكم معاي ومع أحداث الرواية راح تعرفون منو آنا)














....( حبيتها والله حبيتها ., ماكنت أقدر أشوفها تتعذب وانا واقف ., وقفت معاها بكل محنتها ., عشقتها هويتها ., خذيت من عمري وعطيتها ., واهيا يوم شافتني عاجر ., جازتني بالخيانة ., كانت تظن أني مادري ., أنا كنت أدري بس ساكت .,يمكن تقولون عني موريال ينطعن بشرفة ويسكت ., لا أنا ريال ., انا كنت اسكت لاني بكل لحظة تخوني فيها أعذرها ., وكنت أعطيها فرصة قلت يمكن يرجع لها عقلها .., بس كنت غلطان والشغلة زادت عن حدها ., زادت عن حدها ., )














...(بعت القلب الي حبني., بعت القلب الي طق باب البيت وخطبني ., بعت القلب الي كان متلهف لشوفتي ., كنت غلطانة ., لاني شريت قلب من حجر ., قلب ماينبض ., رحتلة وقتلة أحبك ., كنسلت خطوبتي ., وقفت بويه أهلي وقلت أني أحبك ., طالعني بنظرة وقالي بس انا باجر ملجتي.,)

















...(كنت مطر أخليها ., كنت مطر أبتعد عنها ., أذا ماخليتها أمها ماراح تخليها ., دقت عليي أمها وقالتلي بنتي بتتزوج وانت واقف في طريجها ., اذا تحبها وتعزها لاتوقف في طريجها ., واذا انت عندك غارية وتخاف على خواتك أبتعد عنها أحسن ., واذا كنت مصر وخاطرك فيها ماتردني الا المخافر)















...(قالولي أنت موريال ., قالولي أنت وايد ذرب وناعم ., بهذلوني ., طقوني ., يننوني ., أخوي مايبي يعترف أنا أخوي ., أخوي من أمي ومومن أبوي ., يفتشل مني بالمدرسة ., يوقف مع ربعه ظدي ., بهذلوني ., هزأوني ., أحبها وأدري أنها مقزرتها عليي ., بس شسوي للقلب الي يهوى ., آخر كلمة نطق فيها لساني أني قتلة قولها أني أحبها وبجنون)















...(أنا كنت السبب ., قالي أحبج ., كنت أستغل ظعفة., كنت أستغل طيبتة ., لو ألتفت له شوي جان ماحصل الي حصل ., مات وراح وخلانة ., أنا ألوم نفسي على كل شي سويتة ., انا السبب ., أنا السبب)















...( قالي أنا أخوك ., أنا ريال ., وأذا تبيني أثبت لك باجر خل يتيمعون كل ربعك جدام المدرسة ., خلها تكون موجودة معاهم عشان تعرف أني ريال .,قالي أنا ريال موبنت ., انا حالي من حالك ., انت أخوي وتقول عني جنس ., شخليت حق الناس ., قالي أخوي أنا أحبك ., وراح أثبت للكل أني ريال)














هاذي كانت لمحة خفيفة وبداية روايتي .,


خليكم معاي عشان تعرفون قصة كل بطل بالرواية .,


وأتمنى أنا البداية كانت عند حسن ظنكم .,


نطروني باجر في أول بارت بالرواية .,


وسلامتكم .,













سحرتة بنظرتي ©؛°¨غرامي جديد¨°؛©

البارت الاول .,





وتخنقنيّالعبره ولّآ آقوى=("


ذهوِل وَ صمتْ وَ آوجآ’عِ . . |هَقوى !

وآرفعيدينيّ لـ السمآ’ء
. . . . . . . . . . . . . . .يآ’ربْ ،
. . . . . . . . . . . . . . .يآ’ربْ،
. . . . . . . . . . . . . . .يآ’ربْ،
. . . . . . . . . . . . . . . يآ’ربْ،
. . . . . . . . . . . . . . . .مآ‘ عَـآ’دّآقوَ وِ وِ وِىّ !




.,



...



أشواق( أي والله تعبت تعبت من هالدنيا الوصخة الي آنا عايشة فيها ., تعبت وانا كل يوم أصحى على أنغام طقطقة أبوي وربعه ., تعبت وانا أنظف وأكرف بالبيت ., تعبت وانا أنظف وصاخة أبوي ., فاتح بيتنا عربدة ومخمرة ., لين متى يايبا ماتبي تحس على دمك ., يبا أنا بنتك ليش ماتحس فيني ., خلني أعيش مثل باجي البنات ., خلني ألبس مثل باجي البنات ., ليشي اربي الدنيا كلها عايشة الا أنا ., أنا منحركة بهالقفص الي يتسمى بيت ., بس بيتنا مو بيت ., بيتنا محكر لبوي وربعه ., الله يعطيها العافية أم محمد جارتنا براس العاير ., أروح عندها أقظي وكتي تعلمني أحيك ملابس ., وتعلمني أطبخ ., وتعلمني تجويد قرآن وسوالف البنات ., اهيا الوحيدة اليم صبرتني على العيشة الي أنا عايشتها ., أمي راحت وخذت أخواني معاها وخلتني ., سافرت وخلتني مع أبوي .,)



...


خل نوقف شوي وأوصف لكم أشواق وطبيعة حياتها




أشواق بنت حلوة ماشاءالله وقمر ., جمالها طبيعي ., بياضها بياض ثلج ., شفايفها صغار ., خشمها سلة سيف ., شعرها طويل وأسود ., عمرها 18 سنة ., أبوها ماهمة بالدنيا غير نفسة ., 24 ساعه يشرب خمر ويروح مجالس لهو ., أشواق مسكينة ماكملت دراستها بسبب أبوها ., خلصت المتوسط وقعدت بالبيت ., أبوها جابرها أنها ترتب ., تخم ., تنظف ., تجهز البطول والثلج ولقلاصات حق أبوها وربعه ., طبعا سهرتة أبوها تبدي من الساعه 1 بليل وتنتهي الساعه 6 الصبح ., وبهالوكت أشواق تقعد بغرفتها خوفا من ربع أبوهاا .,




أبو أشواق : أشواقو .. أشواقو ويعاا



أشواق(من سمعت صرخة أبوي فزيت من فراشي ., أدري يبي يعطيني زفة محترمة وطقة على آفاي):هلا هلا يبا آمرني



أبو أشواق بعصبية : الساعه جم



أشواق : السسس..الساعه 1 .,



أبو أشواق : الساعه ذ شنو فيه عندنا .,العادة يعني شنو مطلوب منج تسوين



أشواق : اللل..المطلوب أني أجهز القعدة ل كانت وبوصلوح وبودلال وبودانة ومحمد وعادل



أبو أشواق : انزين عيل شتسوين قاعدة بغرفتج



أشواق : يبا أنا قاعدة أحيك جم سكارف ., الصيف خلص وياه الشتى ., عشان أتدفى شوي



أبوي وأهوة معصب : حطي الي في أيدج ألحين وروحي جهزي الثلج ولقلاصات ., ولاتنسين تروحين حق راجو بالدكان وتاخذين منة لبطول



أشواق : أنن..أنشاءالله يبا حاضر من عيوني



أبوي شاف 10 دنانير متدندلة من مخباتي ., ولا يصارخ عليي : أنتي من ويلج هال 10 دنانير



أشواق : يبا هاذي من أم أحمد عطتها لي عشان أشتري الصوف وأحيك لسكارفات



مد أيدة أبوي بمخباتي وتل العشرة بقوة : سمعيني عاد يا أشواقو أذا مرة ثانية شفتج ماخذة فلوس من أم أحمد ماتلومين الا نفسج ., أنا أدري هاذي ام أحمد شتبي ., تبي تاخذج مني ., بس حامض على بوزها .,



أشواق : يبا شنوه الكلام ., تاخذني منك ., ( قمت أساسر عمري : على مادري جنك أنت ميت عليي وتبيني)



أبو أشواق : نعم شقلتي



أشواق : لايبا أقولك تأخرت بروح حق راجو آخذ لبطولة لك .,



.,



أشواق( طبعا هاذا مشواري الي كل يوم أسويه ., البس عباتي وألبس نقابي عشان محد يعرفني بالفريج ., وأتسحب دكان راجو ., راجو الهندي الي يصدر خمور حق أبوي وربعه ., أطلعلة ال 50 دينار وأعطيهم له ., واهوة بدورة يعطيني لبطول ., وبعدها أمر الفرع أشتري ثلج مطحون ب نص دينار وأرد البيت ., بس أنا كل يوم لمن أطلع ألاحظ أحد يراقبني من بعيد ., مادري جنة أحد يمشي وراي ., ولمن اوصل البيت أشوف ولد الجيران واقف بحديقتهم ويشوفني من ورى الشجر ., هاذا ولد الجيران انا حدي خايفة منة ., كل يوم بالروحة والردة أحط أيدي على قلبي لين أوصل البيت ., بنت وطالعه بروحها الساعه 1 يعني ممكن أي ريال بالشارع يخطفني أو يسوي فيني شي ., بس أنا اتوكل على الله طول الطريج وأسمي بالله )




...



~[ غمض عيۉنڪ ..

بس قليۉش تشۉۉف ..؟!
هۉ .. أنت ..مثلي لا غمضت عيني ..

. . . . . . . . . . . . . . . . . .« أشۉفــڪ» !!





علي( انا علي ولد الجيران الي أشواق كانت تقول حاسة أحد يراقبني ويمشي وراي ., أشواق بنت مؤدبة حيل وانا حيل أحترمها ., كنت كل يوم أشوفها لمن تطلع من البيت وتروح دكان راجو ., كنت أمشي وراها وأحرسها من ذيابة الطريج ., هالبنت ذهبة بس أبوها ماعرف شلون يحافظ عليها ., أنا ودي آخذها من هالوصاخة الي أهيا عايشة فيها وأطير فيها لمكان بعيد بس وين ., ولمن تصير الساعه 1 وشي أطل عليهم من دريشة غرفتي ., أهم بيتهم نظام بيت عربي يعني طابق واحد ., كنت أشوفها من دريشة بيتنا وشلون أبوها يعاملها ., كانت تصب الخمر بقلاصات أبوها وربعه ., ويجبرونها أنها تغني لهم ., صوتها ماشاءالله عذب وحلو ., كل يوم أوقف عند دريشتي وأسمعها وأهيا تغني وأد شمعاها جو ., وأشواق شكلها ملاحظة أني أطل عليها ., كل ماشوفها تلتفت وتطل أتجاهد ريشتي أنخش عشان ماتشوفني ., )




خل أوصف لكم علي ونتعرف على عايلتة




علي شاب طموح يدرس بكلية الاعلام ., هاذي ثاني سنة له ., عمرة 20 ., مملوح وطويل ., جسمة حلو يعني مجسم بس مو حيل ., عندة غمازة بخدة اليمين ., ومقرع ., طموحة انا يصير مذيع ., ويفتح له قناه خاصة يوظف فيها الجيل الواعد ., يعني قناه مخصصة للشباب ., طبعا أبوه تاجر عود ومعروف بالديرة يعني ناطرة أبوه يتخرح ويحقق حلمة


فاطمة ., اخت علي الصغيرة ., عمرها 15 سنة بالصف التاسع ., مملوحه وعلي يسميها النزقة ., حيل شيطانة ., تحب اللوية والعفسة ., كلش ماعندها تنظيم بحياتها ., تاكل وماتنظف من وراها ., غرفتها عفسة الملابس مقططة على الارض والاكسسوارات على كبر الغرفة ., وماعندها ذرة ذرابة يعني حدها دفشة ., واهم شي بطنها شكثر تاكل بس ماتمتن لانة جسمها سبورتي


...




فاطمة(انا كل يوم أشوف علاوي يوقف عند الدريشة ياربي مادري شسالفتة خل أروح أخرعه)



فاطمة : بخ بخ



علي فز من مكانة : بسم الله الرحمن الرحيم



فاطمة : شتسوي منيه



وهقتني فطوم بسرعه صكيت الدريشة ونزلت الستارة : ولا شي أستنشق بعض الهواء الطلق



ماشاءالله اخوي صار يتكلم بأسولوب ماصدقته تليقفت شوي : علاوي بطل الدريشة بستنشق بعض الهواء الطلق وياك



علي : أقول فطوم موجنة هارديز ينطرج تحت




أنا سمعت هارديز ماصدقت خبر ولا أركض الصالة أدور هارديز ., طلع علاوي يجذب : انا أورايك يالدقمة



علي : ولييه الحين راح تصعد وتحنج على أفاي كلش مو وكتها



فاطمة : علاوي وين هارديز ., عبالك أنا ياهل بوسنتين ياي تقص علي



علي : اففف فطوم بما انج حدج محنجة وتبين تعرفين شنو أنا خاش ., أقولج شنو هاش بس بشرط



فاطمة : اوكي اتفقنا



علي : تنزلين ألحين المطبخ وتسويلي هوت شوكليت حدي مشتهيه



فاطمة : أفاا عليك بس من عويناتي الثنتين


.,



فاطمة(ركضت الصالة بأسرع قوتي وحت المطبخ ., طلعت الجوكليت من الكبت والكوب وسخت الماي بالسخان ., وترست الكوب شكر عشان يعرف شلون يتحرش ., وبعدها ركضت الغرفة والجوكليت يطيج منيه ومانك ., طبعا باجر الصبح راح أقعد على زفة ميري ., )



فاطمة : وهاك الهوت شوكليت ودن عن الجريشة خل أشوف



علي : فطوم شنو هاذا ., نصة طار وين راح أكيد شربتيه بالطريج



فاطمة مستحية ., : لا والله ماشربتة بس لاني كنت مستعيلة فنصة طاح بالطريج ياخذ جولة بالبيت والنص الثاني قرر يتم بالكوب عن زحمة السير



علي : ههههه ., يعني تنكتين مع ويهج ., طلعي برا يالمليقة



فاطمة : يلا علي روني شنو خاش



علي ( بطلت الدريشة ولا فطوم أتنح ., قاعد تطالع بيت أشواق ., أنصدمت طبعا من المنظر الي شافتة ., أبو أشواق سكران وقاعد يرقص على دقني ., وانا بعد فصل حدي ., ولا يهدي الوضع وبعد 5 دقايق بدت أشواق تغني ., ()



فاطمة ( هاذي البنت أنا أعرفها ., كلة أشوفها بالفرع والجمعية ., ماشاءالله عليها صوتها حلو حيل ., عذب ويخلي الواحد يدش بجو ., بس ليش جذي قاعد تغني بوسط رياييل ., )



فاطمة : علاوي منو هاذي



علي : هاذي الي خذت قلب أخوج



فاطمة : نعم خير سمعني حجي بوحسين



علي : فطوم موحلوة البنت ., والله انها مظلومة بقعدتها في بيت أبوها



فاطمة : ابوها ., من صجك أبوها



علي : أي أوبوها هاذي الي قاعد يرقص



فاطمة : وانت شدراك



علي : انا كل يوم أراقب الوضع ., وبيني وبينج أم احمد الي براس العاير كلمتني شوي عنها



فاطمة : شنو تروح حق ام أحمد أواريك أقول حق ماما



علي : فطوم أوووش ., الي شفتيه لايدري عنه أحد ., سر بيني وبينج .,



فاطمة : خلاص تم ., سر بيني وبينج


...


نهاية البارت أتمنى نال أعجابكم .,


أدري الاحداث ليلحين صاخة ومو قوية ., لاني توني بأول بارت .,


أنشاءالله البارتات الياية تكون أقوى .,


وراح تطلع شخصيات يديدة بالرواية نطروني .,

سحرتة بنظرتي ©؛°¨غرامي جديد¨°؛©

آآب آآب

وينكم ماكو أي تشجييع

مهـچـدهـ الحآرهـ ..~ ©؛°¨غرامي جديد¨°؛©

روايية رؤعةة يَ حلؤهـ

إمممم كمليها أحس إنها أكشن هع

مررهـ حبيت أسلؤبكـ ؤحركة إنكـ تكتبي اللي بقلؤبهم مررره حبيييتها

أشؤاق × علي
علي يحب أشؤاق ؤيخاف عليها ؤيراقبها يؤميا ؤاشؤاق ماتدري عنه بس تحسس ان فيه أحد يراقبها <~ ملخص اللي حصل بين أشؤاق ؤعلي في البارت . . ،

أشؤاق راح تكشف علي في يؤم من الأيام ؤطبعاً أخت علي ماتقصصر بتفضح أخؤها عند أشؤاق
<~ تؤقعي لأشؤاق . . ،

علي يؤم يدري إن أشؤاق كشفته ممكن يرؤح لأبؤها ؤيطلب يد أشؤاق
<~ تؤقعي لعلي . . ،

أبؤ أشؤاق × أصحابهـ
أبؤ أشؤاق ؤأصحابهـ مدمنين خمر ؤ كل يؤم من الساعهـ 1 الليل إلـئ الساعهـ 6 الصبح سهرة ؤ
يرسل أشؤاق تجيب الخمر وتجهزه ؤتغنيلهم غصبا عنها
<~ ملخص اللي يحصل يؤميا لأبؤ أشؤاق ؤأصحابهـ . . ،

أتؤقع إنهم راح يتؤبؤن
<~ تؤقعي لهم . . ،

ؤبــــــــــس أدري طؤلت أعتذر . . ،


هجـآفـي ~ ©؛°¨غرامي متألق ¨°؛©

يعطيگ العافيـه .،~

انتبهي هناك أخطاء في الكلمات .،~

موووفقه بإذن الكريم .،~

وحسني كلامج شوي اذ ما عليكِ امر .،~

لان المنتدى مو كويتي سعودي فقليل ما سيكون هناك مشاهدات كويتيات فياليت تكتبين بأسلوب يوازي جميع اللهجاات الخليجيه او العربيه .،~

ووودي لگ .،~  

.Ǎℓ-Ż3έε₥ẩ«~ ©؛°¨غرامي مجتهد¨°؛©

عجبتنيِ مرآ !
آمممممممممممِ آشوآق يّ ععِمري عليهإ تححِزنِ ، آلله يعينهإ يّ رب ، ،
علآويِ وهـه بصصِ وهـه لبىإ " آلمقرععِ " يّ رب يقدر يسإععِد آشوآق !
فطِوممِ ححِبيتهإ ، ، آبو آشوآق يّ ععِلك للسإححِق آلمإحققِ قل آمينِ :d
آممِ آششِوآق مدريِ ليةة كرهتهإ ، ، ليةة تسيبهإ لوححِدهإ . .
يعطيككِ آلععإفيةة ، تإبععِي

سحرتة بنظرتي ©؛°¨غرامي جديد¨°؛©

وحسني كلامج شوي اذ ما عليكِ امر .،~

لان المنتدى مو كويتي سعودي فقليل ما سيكون هناك مشاهدات كويتيات فياليت تكتبين بأسلوب يوازي جميع اللهجاات الخليجيه او العربيه .،~
آآب ..,

بعد شوي بنزل بارت ..,

حبيبتي أنا خالصة الرواية ألحين ماراح أقدر أغير فيها ..,

انشاءالله ماراح تواجهون صعوبة لانة اللغه متقاربة ..,

ويسلمو على مروركم حبايبي

زهووور الشووق ©؛°¨غرامي جديد¨°؛©

تسلم الانامل رووعه وكلك ابدااااع

سحرتة بنظرتي ©؛°¨غرامي جديد¨°؛©

بنات هالمرة أبي توقعات وتعليقات على البارت ..,

وأتمنى أشوف تفاعل وتشجيع .. لاني حاسة محد بيقرى الرواية .. أذا هيك بوقفها ..,

وراح أبجي ترى :(


><


البارت الثاني
.,
عسَاني بـفرح يَرٍبـي ,

آروح لبيتهمزفوفـــﮧ , عسَاه يكونْ أبو عيَالي


وآعيش العمر بـَككفوٍفـــﮧ|
•••

قبل 20 سنة

جاسم : بس خالتي أنا شاري بنتكم والله أبيها بالحلال ., انا من غير هوازن أظيع ياخالتي واله أظيع

ام هوازن : انتم وتحبها عيل لازم تتخلى عنها

جاسم : خالتي أنتي شلون قلبج جذي قاسي ., ماتبين سعادة بنتج

أم هوازن : انا أعرف سعادة بنتي وين ., سعادة بنتي مع ولد عمها

جاسم : بس أهيا ماتبي ولد عمها ., هوازن تحبني

ام هوازن : شوف يما أذا انت عندك غارية وتخاف على خواتك وأهلك ., والاهم من هاذا اذا صج كنت تحب هوازن ., خلها تتزوج ولد عمتها ., انت موتبي سعادتها ., قولي شلون تبي تسعدها وانت ليلحينك مالقيت وظيفة نفس الناس ., من وين بتوكلها باجر

جاسم : خالتي الوظيفة مقدور عليها ., أنا راح اترقى أنشاءالله وماراح أقصر معاها بشي ., وهوازن راضية تعيش معاي على الحلوة والمرة .,
ا
م هوازن : بس في الاحسن منك .. ولد عمتها بيعيشها بقصر ., وبيشتري لها سيارة ., وبيسجل الفلا بأسمها ., وبعيطها وبيعطيها وماراح يقصر معاها بشي ., بس أنت شنو بتعطيها قمل شعر راسك

جاسم : خالتي ترى الفلوس مو كل شي ., في شي أكبر من لفلوس في شي أسمة حب ., قلب ينبض
ام هوازن قاطعتة : انا كلام الغزل هاذا ماأفهم فيه ., بس الي أفهم فيه أنك اذا قربت من هوازن بعد اليوم راح يكون بينة المخافر ., وأحسبها انت في راسك ., ويما دامك تحبها هالكثر ., خلها تعيش حياتها مع الاحسن منك ., وتمنى لها السعادة ., هاذا آخر كلامي ., قولبة براسك وعيد حساباتك
.,

•••

هوازن : أنا أحبة يبا أحبة ., وماني متزوجه غيرة ., أنا حق جاسم وجاسم لي ., فاهمين ., واذا زوجتوني سعد غصب راح أهج أنحاش من البيت ., ولا أنتحر أحسن ., انتحر وتفتكون مني أحسن

ام هوازن : يما حكمي عقلج وخلي عقلج براسج ., ماكو ريال بالدنيا يرضى ياخذ وحدة أهوة مكلمها ., سعد ولد أجاويد وشاريج ويبيج بالحلال ., لاتفشلينة مع الناس لاترفضين بسرعه ., أنتي قعدي معاه وشوفي أسلوبة وبعدين قرري .,

بوهوازن : يبا انا ماخليتج تاخذين قراراتج بنفسج من كنتي صغيرة عشان بهاللحظة توقفين بويهي بكل جرآة وتقولين أحبة ., أنا ماربيتج على هالشي وهاذي مو أخلاقنا ., البنت الكويتية من أيام أمج مالها الا بيت ريلها ., ماكان عندنا بنات أهم يختارون شريك حياتهم عن طريق النت ولا هالسوالف ., انتي ظامنة انا ماكلم غيرج ., يبا حطي عقلج براسج

هوازن : انا بطلع بشم شوية هوى ., وهاذي دبلتكم أخذوها ., مابيها ., ماقدر أجذب على نفسي أكثر ., ماقدر أظلم نفسي وأظلم سعد معاي ., اذا تحبوني خلوني أعيش حياتي مع الانسان الي أختارة قلبي ., يما ., يبا ., سامحوني أذا طلعت عن طوعكم وتزوجت غصب عنكم .,

بوهوازن : هوازن

أم هوازن : خلها يانظر عيني ., بنتي وأعرفها عدل ., راح تطلع الحين من البيت ., بس راح ترجعلة اليوم وتبوس ايدك وتطلب انك تسامحها ., وراح ترد تحط الدبلة في أيدها ., وتقول حددوا موعد الملجه بس أنت طيعني

بوهوازن : الله كريم ., بنطر ., وبنشوف أخرتها مع بنتج

•••

هوازن(رحتلة وانا بكل قوتي ., رحتلة وكنت بقولة أني وقفت بويه أهلي وقلتهم أني أخبة وأني أبيه ., رحتلة وكلي شوق لجل ألاقيه ., طلعت من البيت ورحتلة بالمكان الي دايما نلتقي فيه ., شاطىء عقيلة ., ياه هالمكان شكثر يحمل من ذكريات ., وصلت الشاطئء وانا حدي مستانسة ., كنت أحس قلبي يرقع من أفكر بردة فعلة أذا سمع الخبر ., كنت احس برجفة بجسمي وقشعريرة بجلدي لمن أسمع ظحكتة وفرحتة ., بس صدمني ., وصلت وكان ويهة متغير ., موفرحان ., مادري شفيه ., قربت منا وحطيت أيدي على كتفة وصدمني أكثر أنا دز أيدي من على كتفة ., لا السالفة أكيد جايدة)

.,

هوازن : جاسم حياتي شفيك

جاسم ( كنت أنطرها ., والله كنت أنطرها ., كنت بقولها شكثر أنا أحبها وانا الي صار موبيدي .., كنت بقولها أني شقد أحبها وخاطري ألمها بهاللحظة بالذات وأبجي على صدرها ., كنت أتمنى أرخ وأقولها لاتخليني ., كنت أتمنى تنشق الارض قبل لاأنطق بهالكلمة )
جاسم : انتي شتبين خابتني أبيك وأبيك ( حسيت بغصة ., حسيت بالدم يتجمع بشراييني ., حست بقمتة ., شلون أكلمها بهالاسلوب هاذي أول مرة أكلمها جذي )

هوازن : ياية أقولك أني وقفت بويه أهلي كلهم عشانك ., وقلتهم أذا مازوجوني لك ., راح أتزوج غصب عنهم ( شفيه جاسم ., ليش مايرد ., ليش مومستانس ., المفروض يكون فرحان ., جاسم عفية قول شي خوفتني ., ليش ساكت )

جاسم ( طالعتها بنظرة من غير أهتمام ., لفيت ويهي عشان لاتشوف دمعتي الحارة على خدي

أإنا يِووٍوم أإصِدِ هِناِك مَا’ كانِت زعلان
وَ لِكن بـٍ عِيِني دمعه
وِدِيِ أإبِكيِهِا !
وِدِيِ أإبِكيِهِا
!.,

مابيها تشوفني مكسور وضعيف جدامها ., كنت أبيها تعرف أني سويت هالشي عشان مصلحتها ,, عشان تعيش بسعادة ., تميت أطلعها وماتكلمت )

هوازن : جاسم شفيك أنطق بكلمة قول شي ., ترى صمتك هاذا حيرني ., انت مومستانس على هالخبر

جاسم : بس أنا باجر ملجتي ( حسيتا ني حقير ., شقد آنا حقير ., )

هوازن : هههههه ., لاتنكت جسوم ., يعني تبيني أغار مثلا ( لا أكيد يبي يصيدني )

جاسم : هوازن أنا أصن ماحبج ., انتي شلون كنتي متوقعه أني بتزوج وحدة أنا مكلمها ومتعرف عليها عن طريق الشات ., يعني دامج رضيتي تظيفيني وتكلميني أكيد أنتي مكلمة مليون واحد غيري ., ( حسيت بعصرة بقلبي آآآآخ ياقلبي ., والله الكلام كان بالغصب يطلع من حلجي والله أني أحبج هوازن وموقصدي ياريت أقدر أقولد أمج السبب )

هوازن : جاسم أنت فيك شي صح ., قول الصج ., انت أكيد تتغشمر

جاسم : لا هاذا الصج ., انا باجر ملجتي ., بتزوج بنت عمي ., وانتي أخذي ولد عمج ., انا شاري البنت ومن زمان أحبها الي كان بينة انا وانتي كان مجرد مزوة لا أكثر ولا أقل

هوازن : جذاب ., أنت جذاب ., بتاخذ ريم ., مو انت كنت تقول عنها لزقة وأهيا الي تحبك وأنت ماتحبها

جاسم : هاذا قبل ., كنت أقول جذي ابيج تغارين عليي

هوازن : وليش تبيني أغار عليك لانك تحبني أي أنت تحبني

جاسم : ولييه ., خلاص يبا قتلج ماحبج ., فكيني زين ., لزقة ., ماعندج أنتي كرامة ., بنات آخر زمن ., قاطين روحهم قط على الشباب ., يبا رقمي مسحيه من جهازج ولا أشوفج داقة

هوازن ( أمبييه مومعقولة هاذا جاسم ., لا جاسم موجذي ., هاذا واحد ثاني ., هاذا موجاسم حبيبي الي يبوس لتراب الي أمشي عليه ., آآخ قلبي ., موقادرة أوقف ., ريلي موراضية تشيلني ., أنا غلطانة ., رفضت سعد عشان هاذا ., أنسان واطي ., بعطيه كف ., بعلمة شلون يلعب بمشاعر بنات الناس )
هوازن قربت من جاسم وعطتة كف : انت حقير ., سافل واطي ., خسارة فيك حبي ., خسارة أني حبيتك

جاسم : ...

( ماراح أنسى هالكف ياهوازن ., عسل على قلبي والله عسل ., هوازن راحت وخذت قلبي معاها ., مع السلامة ياهوازن ., خل الف ويهي مابيها تشوف دمعتي ., لا مابيها تشوفني مكسور ., مابيها تشوف دمعتي )

•••


هوازن ( ركبت السيارة وانا ليلحين مصدومة من الموقف ., مومصدقة ., وصلت البيت ونزلت من السيارة ., أمي وأبوي كانوا ينطروني بالصالة ., دخلت وريولي موراضية تشيلني ., حسيت أني أنشليت ., طححت بحضن أمي وقعدت أبجي ., بس الي أستغربت منة ماكانوا مصدومين ., كان الوضع عادي عندهم ., )

هوازن : يما جاسم تخلى عني ., شفتي يما

ام هوازن : يما قتلج هاذا مايحبج يبي يستفيد من وراج ., محد راح يسعدج غير سعد

هوازن : يما انا مومصدقة ., جاسم يحبني بس يكابر أنا متأكدة أنا يحبني .,

بوهوازن : يبا قتلج مالج ألا بيت ريلج ., ندق على الناس نحدد الموعد

هوازن : يبا أنا الحين مصدومة ., عطيني فجة شوي ., حسوا فيني شوي حسوا ., أنتوا أصلن ماتبون سعادتي أنتوا تبون مصلحتكم ., انا أدري زواجي هاذي من سعد وراه مصلحة ., أدري عمي بيوقف معاك بالانتخابات ., وانتي مرت عمي راح تدخلج شريكة وياها بالمعرض ., وادري أنتوا خططتوا انكم تفرقوني أنا وجاسم عشان اتزوج سعد ., انتوا مو اهل انتوا اعداء

( صعدت غرفتي وانا أبجي ., قلبي قاعد يرقع حيل ., رقعتة مو طبيعية ., ريلي قامت ترجف ., حسيت أني راح أغيب عن الدنيا ولا فجأة آطيح من على السلم وأفقد وعي )

•••

لآ تنآم !
خاطري الليلة افضفض
داخلي / زحمة كلام !
أولاً : أنا أحبك ،
ثانياً : بعد أحبك ..
ثالثاً : ودك تنامي !
هآتي راسك عند صدري
وإلتحفي بكلمة ، أحبك ..
لين مآتدفى وتنآمي | ~


جاسم ( كنت كل يوم أزورها بالمستشفى الوكت الي كانوا يخدرونها فيه ., الوكت الي ماكانت تدري عن نفسها فيه )

هوازن ( كنت أدري أنك يمي ., كنت أدري أنك ماتركتني ولا لحظة ., كنت أدري انك تحبني )

جاسم ( مسكت أيدها ., قتلها عن كل الي بقلبي ., قتلها شكثر أحبها وأموت فيها ., قتلها أني أطريت أجذب عليها ., وقتلها أني أبيها تسامحني )

هوازن ( مسامحتك يانظر عيني والله مسامحتك ., أحبك جاسم )

جاسم : هوازن ., امج الي خلتني أسوي جذي أنا والله أحبج ., اتمنالج حياه سعيدة ياكل حياتي انتي ., أنا مسافر باجر ويمكن ماأرجع ., لاتنسيني

هوازن ( مسافر ., أهون عليك تتركني وتخليني أهون عليك )

جاسم : ماتهونين عليي يالغالية بس سفرتي راح تكون حل لنا أحنا الاثنين ., أنا مابي تصير مشاكل بينج وبين أهلج بسبتي ., مع السلامة حياتي والله أحبج

( بستها على راسها وطلعت برا الغرفة ., حسيت أنها كانت معاي ., حسيت أنها سمعت كل كلمة قلتها ., حسيت أنها راضية عني ., اتمنى لج السعادة )
هوازن ( أحساسك ماخاب يجسام ., كنت أسمع كل كلمة حلوة طالعه من حلجك ., كنت أسمع كل حرف
من كلمة أ ح ب ج ., وانا بعد أحبك ., بحفظ الله يانظر عيني الله وياك


•••

نهاية البارت الثاني .,
اتمنى نال أعجابكم وكان على مستوى .,
رايكم وأنتقادكم يهمني لاتحرموني منة .,
نطروني باجر بالبارت الياي .,
•••
وتتوقعون شنو مخبية الدنيا حق جاسم وهوازن بعد 20 سنة .,
وعلي راح يقول يقدر يطلع أشواق من المكان الي أهيا فيه .,
وشنو راح يصير بين علي وأشواق .,


سحرتة بنظرتي ©؛°¨غرامي جديد¨°؛©

آآآب

يلا وينكم بناتت

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1