آلـظـبـي آلـسـرـوح عضو موقوف من الإداره

السلام عليكم ورحمة الله وبركااااته

اليوم احببت ان اضع هذه الروااية وهي اول رواية قرأتها قبل سنة و3 اشهر تقريبا

رواية امااارتية (حملت في طياتها الكثير من الحزن ..واندمج مع الحزن شيئا من الرومنسية والضحك)
ولكن الحزن غلب عليها بالكامل ..

ابطال قصـــتنااا سوف نتعرف عليهــم من خلال الروااية ..

اتمنى ان تنال على اعجاااابكم ..

اتمنى ايضا ان اراء تفااعلكم..




ملاحظة:

للامانة منقولة ولا اعلم من الكااتب\ـة


آلـظـبـي آلـسـرـوح عضو موقوف من الإداره

{ الغزال الشمالي }

قصة دموووووع

--------------------------------------------------------------------------------

في غرفة ريم وفطامي..




ريم: فطيم عطيني زليقي بسرعة الباص بيي فطوم: والله أنا أبى أسحي شعري حبيبتي علينا حصة رياضة، روحج خذيه..
ريم تربع في الغرفة وفطوم تتعدل ..
ريم وفطوم يركبن الباص ..
ريم: السلام عليكم ورحمة الله وبركاته..
مجموعة البنات... يردن السلام..
يلست ريم بكل هدوء عدال ربيعتها منى ..



منى: شحالج ريماني؟

ريم وهي تبتسم: الحمدالله بخير..
منى: ذاكرتي حق امتحان التاريخ؟
ريم: هيه ذاكرت..
منى: أقول كم في خاطرج تيبين في الثانوية العامة؟
ريم سكتت كأنها إنهمت وقالت: تعرفين أنا أتمنى أييب نسبة عالية..
منى: يارب يا ريماني تيبين نسبة عالية..
ريم تضحك: وإنتي بعد يا عمري..
نزلن البنات من الباص وراحن لصفوفهن في صف جوم فطوم..
المعلمة: عللي علم الإجتماع علم موسوعي؟ فاطمة محمد ..
فاطمة وين بدنيا غير هذي الدنيا ..
واقتربت المعلمة من فاطمة وقالت لها:وصرخت فاطمة محمد؟
فاطمة : هاه..
البنات يضحكن..
المعلمة : برى الصف..
فاطمة وقفت وقالت: شو تبين أييبلج أي كتب وين محطوطات... إنزين شو بلاج أبلة معصبة..
شيخة: فطامي يغربلج اسكتي..
فاطمة..... ساكتة مؤدبة يحليلها..



......

في صف ريم..



المعلمة: ما شاء الله عليج يا ريم أنا أتوقع إنج تشرفين أهلج..

ريم في نفسها: يارب تهديهم يارب..
منى بعد ما طلعت المعلمة من الصف : ريم شو بتخصصين في الجامعة؟_
ريم: خير..
منى: ليش ؟ لا تقولين ما بتروحين..
ريم : الله ناس تحيا وناس تموت..
منى: بسم الله عليج وعليه...إنزين أبى أييكم عشان تشرحين لي نحو تراني بالمرة مافهمت هلأبلة...
ريم
: إممم أقول أنا بييج شرايج؟



منى: صدق!

ريم: هيه تدرين بيتنا ضيق .. ووو
منى: ريماني ما هجيتها منج أنا أخلاقج عندي في الدنيا ووضعج الإجتماعي ..
تقاطعها ريم: لا أنا ما أستحي من وضعي.. بس في شوية مشاكل في البيت..
منى: هيه... أوكي تعالي عقب صلاة المغرب.
ريم : أوكي بيي ويا سالم تدرين اليوم الأربعاء وبينزل وهو رايح لربعه بخليه يخطفني...
منى :
its ok‏ ‏My darling..



......



في البيت ريم تعابل كتبها وفطوم يالسه بطرف الحوش تفكر..

طلعت ريم من غرفتها
ولاقفت سالم سلمت عليه وقالتله: هاه مسود سويلم ما تسوى عليك الكلية..



سالم: يالله هانت فديتج... إلا الثانوية شو أخبارها..

ريم: الحمدالله زين
سالم: شو فيج موطية راسج مهمومة فديتج..
ريم: لا سالم بس..
سالم : تعالي نسير غرفتج..
يالله بلاج يالريم؟



ريم: أبويه يبى يطلق أميه..

سالم: ليش؟!!
ريم: مادري بهم....
(وهي التردد باين عليها)..



سالم وبإنفعال: رمسي شحقه؟

ريم: ماقدر يا سالم الرمسة صعبة..
سالم سكت وحس بأنه في شيء جايد عيل ليش طلبه أمه الطلاق
: أوكي أوكي شيء في خاطرج؟



ريم: هيه.. طلبين؟؟؟

سالم : آمري..
ريم: أول شيء أبى فلوس عشان الثانوية والحفلة، والثاني أباك توديني في طريجك لبيت جوم منى ربيعتي تباني أفهمها نحو..
سالم: الأول أوكي .. بس الثاني ما
دانيته..



ريم: سالم إنته تعرف أخلاقي وبعدين هي كانت بتي هنيه بس أنا خفت أمي وبويه يسببولي إحراج..

سالم: يا لغزال الشمالي أعرفج زين..
يالله البسي ....



وهم طالعين شافو فطوم تصيح جام سالم بيروح لها بس ريم مسكت إيده وقالتله: بعدين خلها

سالم : شو مستوي ليش فطوم تصيح..
ريم: هي جذيه تصيح عشان أميه وبويه شاله همهم..
سالم: وليش ما تبين أسير لها..
ريم: أباها تصيح لين ما ترتاح وبعدين أبى أذاكرلها من دون ماحسسها بأنها ضعيفة..
سالم: فديت الأذكياء؟؟
ريم
: يالله..



في السيارة..

سالم: أووووووف ريماني نسيت شيء مهم؟؟؟
ريم
: بسم الله شوه..



سالم: سمعتي شريط عيظة اليديد.. وهو يطلع الشريط.. فيه أغنية أبى أهديها لج جن اللي كتب الكلمات كتبهن حقج..
سمعي..



شغل الشريط وحط على(( يا طارشي))..

ريم مستحية: لا والله..
سالم: هيه والله إختي فديتها عيونها وأهدابها مسودة وشعرها ماشاءالله عليها..
ريم: بس بس..
سالم: أفااااااااااا بزعل تراني..
ريم: هاهاه براضيك كم من سالم عندي هو واحد لولاه كنت ميته..
سالم يقصر على المسجل : والله ياريم لوما تشجيعج لي وتوجيهج لكنت عاطل، لو ما إنتي مذاكرتلي في الثانوية والله والله عزيز في سماه ما كنت بهالحالة .
ريم: إنته الأمل في هالدنيا..
سالم: أنا ما بنسى إنج كنت تضيعين وقتج وتروحين عند بنت خالي وتخلينها تذاكرلج منهجي عشان تذاكرينه حقي..
ريم: تصدق هذيج السنة الوحيدة إللي كنت فيها مب الأولى على الكلاس..
سالم: سامحيني..
ريم : هاه وصلنا.. بعدين لا تستسمح أبدا إنزين..
سالم
: الساعة كم أيي؟



ريم: ألحين سبع تعال 9 / 9 ونص...

سالم : لحظة طلع لها تيلفون ومد ايده..
ريم: إنشالله تباني أشله..
بسالم: خذي دقي لي ولا تتصلين من بيتهم عيب.
ريم فهمت قصد أخوها.. وخذت التلفون.. نزلت واطالعت أخوها وهي تبتسم له.. أشر لها تغطي ويهها ..
ريم : محد إنزين في البيت؟...
بيت جوم منى كبير وفيه حديقه كبيرة..
فتحت الخدامة الباب لريم...



ريم : تمد إيدها للخدامة تسلم عليها..

الخدامة: تبتسم كيف هالك ريم؟
ريم: تمام الحمدالله..
ريم حلوة وااايد.. عشان جذيه _أخوها يخاف عليها من كل شيء..
ريم: شكيله مسكي الكتب بعدل شيلتيه..
ريم عدلت شيلتها بس عاد هالمرة طلعت قصتها وهي شعرها أسود واايد وهي عاد بيضاء مسكت كتبها ومشت لباب الصالة دقت الباب ودخلت تسلم على أم منى..
أم سعيد: هلا والله بالغالية ربيعة الغالية..
ريم وهي تحضنها
: بالمهلي..



ومن فوق كان نازل سعيد وقف يوم شاف ريم وتم يطالعها..

نزلت ريم الكتب وقالت: هاه خالتي شو حالكم؟
أم سعيد: كلنا بخير شحالج إنتي وشحال أهلج؟
ريم وهي تعدل شيلتها: الحمدالله..
سعيد يقول في نفسه: منوه هالبنيه الغاويه... يالله ماشاءالله؟؟
ريم: أوكي خالتي ألحين ممكن أروح أغث منوتكم..
أم سعيد: سيريلها حجرتها..
جامت ريم وصعدت الدري تراجع سعيد يوم سمعها واندس وتعمد إنه يطلع لها عشان تشوفه..
ريم ماتدريبه إنه في البيت عشان جذيه ماخذه راحتها..
ريم تدق باب حجرت منى: مناني ي_الله فجي الباب الله يغربل ابليسج وعيضة وياج..
سعيد: هيه والله..
ريم نزلت صاعقة على راسها.. وطاحن الكتب من ايدها ..
سعيد: والخيبة ..
ونزل وراح..
منى : هلا والله بالغلا..
ريم : الله يغربلج يالخايسة..
منى: أفااااااا
why?



ريم: أخوج ماعرف شسمه..
كان ورايه ورمسني والله إنه ما يستحي..



منى وهي تضحك: سعود محد غيره في البيت..

ريم: ضحكتي من سرج..
منى: ماعليج من راعي الحركات ..
ريم: يالله يالله..
منى
: .... جان زين...



ريم: شو هو؟...

منى: لا لا .. سلامتج...
الساعة 9..
ريم: يالله بدق لسالم إييني..
منى: صبري بسير أييب التلفون..
ريم لا لا عندي موبايل.
منى اطالعتها بنظرة : ليش يعني نحن شو بينا؟
ريم: مب أنا سالم..
منى: أمممممم زين..
في بيت جوم ريم..
أم سالم دخلت على بناتها اطالعت البنات..
فطوم: هلا أميه.، تفضلي الغالية..
ريم: أميه تعالي عندنا..
الأم: شحالكن؟
(الأم باين عليه شاله هموم الدنيا)



فطوم مخنوقة: أميه أنا......

جامت ريم ومسكت ايد أمها : الغالية كله بأجره والله ما ينسى عباده..
الأم بصوت منخفض: فطوم بلاها؟
ريم: تدرين بها ..
مشت الأم صوب فطوم ويلست عدالها: حبيبتي فطيم مابخليج ..
فطيم انفجرت تصيح: أميه فديتج لا تتناجرون..
الأم خلاص... يالله عاد بس ليش تصيحين؟
ريم: هيه ادلعي منوه جدج ...
الأم: كلكم غاليين محد أزيد عن حد...
فطامي...... : أميه أحبج وااايد....
الأم : حتى أنا...
أبو سالم: مرحبا... قالها من دون نفس..
أم سالم: مرحبتين.
أبو سالم: شجلتي؟
أم سالم: في شوه؟
أبو سالم: اسمعي أنا مب يالس استشيرج..
أم سالم: خلاص لاعت جبدي ..
أبو سالم: بعرس عيل..
أم سالم: عكيفك..
أبو سالم: هاه غيرتي رايج؟
أم سالم: عشان بناتي والله
في المدرسة..
فطامي : بيعرس أبويه؟
شيخة: شووووووه!!
فطامي: لا تتفاجئين..
شيخة: ماعليه. أمج زعلانة؟
فطامي: آآآآآآه يا شويخ..
شيخة: لا تفكرين..
فطامي: أنا مستحيل أتزوج..
شيخة: مب عكيفج ..
***
ريم: بسير غرفة المدرسات أبى أسأل أبلة مفيدة عن هذي المسألة ..
ليلى: أقولج حطيت لج أوراق امتحاناتج على الطاولة.
ريم: أوكي يالله بااااي..
منى: ريماني أترياج ..
الحصة 7..
كانت هالحصة فاضية والبنات خلاص على أبواب الإمتحانات..
ليلى: يالله متى الفكة من هالمدرسة..
منى: قريب يابوج...
ريم:
ذاكرن عاد الجد بدى..



نجود: مالت أنا وحدة بخلص مني وبعرس مناكي..

منى: هيه شوفوا الطموح..
ريم: الله يوفقج.
اليازية: ريماني مانخطبتي؟
ريم احمرت: ويه ويهج على هالرمسة..
نى: هاهاها...
اليازية: وحدة بجمالج و.....
ريم: بليز خلاص...
وتفرقن البنات وكل ثنتين صارن يتكلمن ويا بعض...
منى: ريم ؟ أبى أقولج شيء...
ريم: يالمستحى...
منى: لا والله .. سمعي.. سعود خويه متخبل..
ريم: لا والله شو السبب؟ اتصدقين ما يستاهل... انزين وديتوه المستشفى.؟
منى: ايه ايه... مرة سويتيه حالة مستعصية..
ريم: عيل شو تبيني أقولج؟


آلـظـبـي آلـسـرـوح عضو موقوف من الإداره

منى: متخبل عليج؟



ريم استحت: شو هالرمسة؟

منى: هو ما قالي شيء قال حق أميه وأميه قالتلي... هذاك اليوم شافج..
رن الجرس وصار الإنصراف..
ريم: يالله..
منى : بس ما كملتلج السالفة؟
ريم: عندنا دراسة... وأنا العرس وهالسوالف آخر اهتماماتي..
في البيت..
الأم: ريم باجر أول امتحان.. شو عليج؟
ريم: تاريخ وإنشالله يالغاليه 100...
الأم: آمين..
فطوم: يارب..
ريم: يالله توفيجك..
اليوم آخر امتحانات الثانوية العامة..
البنات..
اليازية: الحمدالله...
اريم: وراكن النسب..
منى: يالله زياغ..
ريم : ألوه هلا سالم ألحين بطلع...
منى : بتروحين ويا أخوج اليوم....
ريم: هيه بنروح أنا وفطوم واميه... بنسير العين....
منى: عندكم أهل هناك؟.
ريم: لا بس تدرين دار الزين تينن...
منى: يالله...
ريم: مع السلامة..
يالله بنات بااااااااااي أشوفكن عخير...

سالم: ما شيء سيرة حق العين...



ريم:
No Why?
!


سالم: بتريا النسبه أول.

ريم: لااااااااااا..
سالم: والله أرمس صدق تراني..
ريم: عيل سو خير طلعنا حوطنا شوي ..
سالم: أمممممم زين في حدود الشارجة..
ريم: فديت أخويه..
فطامي: بليز ممكن أروح السوق؟
سالم: زين.
ريم كانت ماتحب شيء اسمه أسواق ، بس شو تسوي هذي فطامي الغالية وراحوا وكان يوم رائع لا يكمن لأحد منهم ينساه.
اليوم إعلان نتائج الثانوية العامة..
منى: أميه ياويلي زايغة... زايغة من النسبة....
(وتناجز وتراقص وما تقر مكان)



أم سعيد: حسبي الله عليج عييت عنج... بسج قري عاد

منى وهي تصدر صوت صياح: إمايه والله إني زايغة...
***
ريم فارشة سيادتها وتصلي وتدعي وفطامي اطالعها وتدعيلها والأم بعد.
الأب يدخل فجأة: شو فيكم؟
فطامي : اليوم النتايج..
الأب : لا لا ما عليكم ريماني ما ينخاف عليها..
جامت ريم صوب أبوها وسلمت عليه وقالت: دعواتك..
الأب: الله يوفقكن..



***



الصوت يتردد من التلفاز.... دور مدرسة ريم ... البنات حاطات أياديهن على قلوبهن..

آمنة محمد سالم... 89،5 بالعشرة..
ووصل العد إلين..
منى سيف حمد... 90،4بالعشرة.
ريم: الحمدالله الحمدالله منوه نسبتها زينه... ريم احضنت فطامي وأمها..
وألحين..
ريم محمد.. 98.
ريم: تصيح بصوت تردد الحمدالله أميه..
احضنتها أمها..


**


منى الدموع تارسة عيونها ربعت الحجرة توضت وصلت ركعتين شكر..
أم سعيد: هلا بك يا سعيد..
سعيد: بشري أميه..
أم سعيد


: الحمدالله زين زين..



سعيد: وربيعتها ريم؟

أم سعيد: يابت وااايد ياولدي جنه 98..
سعيد: أوووووووف ماشاالله..
منى: أشوف الأسئلة عن ريماني؟
سعيد جام صوبها وحضنها وسلم عليها وبارك لها..
وقال: أفاااااااا تدللي شو تبين هدية..


ب
منى: على كيفك..

منى مشت صوب أمها: أمايه ؟أنا فرحانة.. وأبى أشتري هدية حق ريمانة تدرين من الأوائل على المدرسة..
سعيد : وليش مب من الأوائل عدولة؟
منى: هذيلاكي 99 وفوق... الحمدالله ريماني تستاهل وأكيد هي راضية
سالم يدش البيت ويربع صوب غرفة ريم ويصارخ: ريماني ..
ريم: هاه..
سالم وهو يحضنها : مبروووووووك فديتج مبرووووووك...
ريم تصيح من خاطرها ..
سالم: بلاج؟
ريم: فرحانة..
سالم: فديتج يالغزال الشمالي..
ألحين بروح وبييب لج هدية لا شو هدية هداياااااااا..



ريم: مب لازم.... إنته وأميه وفطامي تكفون قربكم أكبر هدية..

فطامي: أفاااااااااا على منوه هذا الكلام..
الأم: عسى ربي دوووم عنكم راضي ..
سالم: هيه والغالية.. أميه بعد تبى هديه..
الأم وهي تضحك: مابى شيء فديتك..
فطامي: إحم إحم لعلمكم نحن هنا..
يدش الأب: هديتج عندي..فطامي: هلا بويه ... سلمت عليه وهي مستغربة من هالكلام..
ويبارك لريم..
ويلسوا في الصالة....
سالم: وشوه هدية فطامي؟
فطامي: ابويه يقصد السنة الياية..
الأب: لا لا السنة هذي والصيف هذا ..
ريم: هلا بويه كمل وشو تقصد من هالرمسة؟
الأم: فطوم جومي وسيري حجرتج... وبس يامحمد من هالرسات,,,
الأب: لا لا تسيرين يا فطيم..
سالم: شو السالفة..
الأب: السالفة بأن فطامي انخطبت ..
فطامي: شووووه !!
ريم: شو هالكلام !! فطوم بعدها ياهل..
الأب: خطبها أخو عمتكم( حرمتيه) ... هو ريااال زين وأنا وااافقت..
فطامي: تصيح وااافقت ليش ؟؟
سالم: ريم العودة وما بنيوز الصغيرة قبل.... ونحن مب حجلانيبهن بعدهن صغار..
الأب: مب على كيفكم أنا استلمت جزء من مهرها..
فطامي منصدمة والأم قاعدة تلعب بصبوعها تفكر، قامت فطامي راحت لغرفتها صاحت صرخت بس منوه حاس بالهم اللي حاسة فيه..
ريم تحضن اختها
: بلاج ماعليج بتفاهم وياهم..



فطامي: مابى أنا بعدني صغيرة...

***
طلعت ريم برى الحجرة وسارت صوب الصالة .. وهي تقول في نفسها ياربي فرحتيه ماتمت ليش؟
.. الحمدالله على كل نعمة وعلى كل حال..



ريم: بويه دخيلك لا تيوزها..

الأم: هذي تخطيطاتها
الأب: جب إنتي..
ريم : بس..
الأب: أدريبج غيراااانة عشان محد خطبج..
ريم منصدمة: شووووه!
سالم: ريماني ......
ريم تصيح: هذي أحلى هدية يابويه..
سارت ريم الغرفة..
***
فليل..
سالم داش البيت وبإيده أكياس.. هدايا النجاح لريم.. لأنه ماكان يبى يحسسها بأنه الفرحة ماتمت ..



دش البيت..

سالم يدق باب حجرة البنات: ياقوم حد هنيه؟
ريم : تفضل..
كانت فطامي عند أمها وأمها تفكر شو الحل؟
سالم: هذا تيلفون حقج ورقم بطاقتج حلو بعد..
ريم: ياي
سالم: وهذي بعد أشياء أتمنى تعيبج..
وعطاها مبلغ في ايدها وقال: ماوصيج الدنيا مافيها خير..
ريم مستغربة: ليش تتكلم كأنك ما بتم ويايه..
سالم: لا تحطين رمسة أبويه في بالج؟
إنتي ملايين يتمنونج..



ريم وطت راسها: متعودة على هالرمسه منه ما عليك...















..

توقعاااااتكم ..؟؟

آلـظـبـي آلـسـرـوح عضو موقوف من الإداره

افاااااااااااااا

وووووووووووين التفااااااااااااااااعل ي ناااااااااااااااااااااااس حرام عليكم

آلـظـبـي آلـسـرـوح عضو موقوف من الإداره

الصبح..



فطامي كانت تعبانة والأوضاع في البيت ماتسر..
الأم في مشاحنات ويا أبوهم وفطامي حاسة بالذنب..



فطامي: كل الدهر جيه مافي يوم متراضيين، وألحين أنا السبب..

ريم: بلاج مب إنتي السبب روحهم ..
فطامي : تدرين عندي خطة..
ريم: شوه هيه؟
فطامي: حاليا بوافق عشان أفتك من صدعة أبويه بس بشرط أكمل دراسة أول، أوكي في هالفترة أنا بحاول أكلمه وبحسسه بأني مغصوبه عليه.. وإن شفت إنه ريااال والنعم وما بيخبر عليه عادي بصارحه بوضعي..
ريم: فطامي حبيبتي في حد ثاني؟
فطامي: إلا العرس.... مابى أكون مثل أميه في عذابي طول حياتي..
ريم: إييييييه أميه الله يعينها بس من هالهم..
فطامي تطالع عمرها في المراية وتقول:يارب يالله...
***
بعد الملجـــــــــــة....
فطامي : حاسة بلوعة جبد الله لا يراويج يا ريمان..
ريم وهي تضحك: عنبوة الرياااال زين ما فيه شر..
فطامي: مب شر شكله نحيس..
ريم يصيح تلفونها: هلا والله نجود..
نجود: بسرعة أنا عرووووس تعرفين شو يعني عرووووس؟؟ وحابة أشوف الشلة كلها ليلة العرس أباكن تزفني هاهاهاها..
ريم: شحالج يالعروس؟
نجود: بعد شو بخير
ريم: يالله ما بعطلج ولا بخسرج ..
نجود: إممممم لا تقصين عليه..
ريم: إللي يسمعج يقول ترمسين الجذوب العودة في الشارجة..
ماعليه بيي ويا فطامي ..



نجود: أوكي مع السلامة..

فطامي : وين؟
ريم: هالخميس عرس نجود وبنسير..
فطامي : زين بنغير جو.
***
في حجرة ريم..
سالم: السلام عليكم...
ريم: وعليكم السلام والرحمة ... وجامت تسلم _عليه ..
سالم: هاه متى دوام الجامعة..
ريم: شهر 9..
سالم: زين زين..
ريم: في حلجك رمسة..
سالم: آه ماشيء..
ريم: يالله قول..
سالم: خاطري أعرس..
ريم مبتسمة وفرحانة: واللــــــــــــــــــه!!!
سالم: بلاج ؟
ريم: منوه هي؟
سالم: محد في بالي... أباج تختاريلي..
ريم: منوه تبى؟ ربيعتي منى وين هم ووين نحن؟
سالم: لالالا حبيبتي دوريلي وحدة من ثوبي مافيه على خساير العرس والوايدة.
ريم: إنزين...... بدورلك..
***
اليوم الخميس عرس نجود..
سالم لما جام الصبح بعد ما صلى مارجد.... قعد يفكر ..
فطامي: سويلم بلاك واعي ؟ شو فيك؟
سالم وهو يبتسم: لا فديتج ما شيء بس أحس بشوق لكم كلكم..
فطامي مبتسمة: إنزين برايك إنته إشتاق لنا ولأنا بسير أرجد..
سالم: وين ريم؟
فطامي: راجدة..
سالم : وعيها قوليلها أبى أيلس وياها..
فطامي سارت توعي إختها..
ريم: شو عندج فطيم!!
فطامي: سالم يباج..
ريم فجت عيونها متعجبة: شو يباني... شيء يعوره؟
فطامي: لا لا بس يبى يسولف وياج ..
جامت ريم وروحت عند سالم..
كان سالم يالس بروحه في الحوش....



ريم يت وحطت إيدها وهي تحضنه : فديت الغالي النشيط..

سالم: يالغزال الشمالي يالغزال الشمالي سيد حلو التمني....
ريم: فيك ظني أظني جيتني مهتوني... هاهاها..
سالم زخ إيدين إخته: ما وصيج على أميه وفطامي..
ريم والابتسامة بدت تختفي: هاه شو تقول..
سالم: لا لا ماقول شيء... اليوم بتروحن للعرس..
ريم: هيه..
سالم: عيل تريني بعد صلاة المغرب بييكن وبسيربكن ..
ريم: أخاف تنسانا..
سالم: لا ما بنسى أنا بحول الله راد لكم مهما يكون..
***
المغرب..
ريم: شو رايج حلو عليه هذا الروج ولا؟
فطامي: حلو بس خفيف..
ريم: أوكي..
يالله مب جن سالم تأخر ...



فطامي: يالله يالله ألحين بيي..

أم سالم: قلبي مقبوض ..
اطالعتها ريم بكل تعجب: بسم الله ياميه..
فطامي مترددة: اتصلي لسالم..
ريم مب قادرة تدق الرقم وتردد : يالله يارب خير..
وياها الصوت: إن الهاتف المتحرك الذي طلبته مغلق أو خارج نطاق الخدمة حاليا يرجى الإتصال فيما بعد..
دمعت ...
الأم: خير ...
ريم: مغلق..
فطامي: الحين بيتصل... أكيد..
صاح تلفونها..
ريم: سالم....
مروان: السلام عليكم...
ريم: نعم من يتكلم؟
مروان: الإخت ريم ويايه؟
ريم: منوه يباها؟
مروان: أخويه سالم تعرض لحادث وأباج تين ضروري..
ريم تصيح : شوه تخربط إنته؟ شوه تقول
أم سالم زاخة إيد بنتها: شوه مستوي؟
ريم: لاااااااااااا مستحيل.....أميه سالم دعم سالم تعبان..
فطامي مسكت التلفون اتصلت لأبوها وخبرته..
***
في المستشفى..
ريم: وينه سالم وينه؟
كانت ريم مثل المينونة وفي الجانب الآخر الأم تعرضت لإغماء من الصدمة وفطامي قاعدة تصيح بكل هدوء..
الأب: ريم فطامي يالله نسير البيت..
ريم: شوه من دون ماشوف سالم؟
الأب: شو تبين تشوفين؟ سالم مات!!!!
ريم ربعت صوب أبوها تصيح تصارخ شو تسوي هذا الأمل إلي كن في حياتها مات معقولة ياربي..
ريم وهي تصيح: لا يابويه لا تقول جذيه حراااااااااام والله حراااااااااااام..
فطامي انصدمت تجمدت يلست _وهي تكلم عمرها وفجأة: ريماني ...... ريماني..
ريم وين ألحين وإنتي وين...
الأب ركض صوبه: فطامي قومي يابنتي..
فطامي وهي تهوس: أبويه سالم مشتاق لنا.... قالي الصبح أنا مشتاق لكم ..
حضنها أبوها وهي تصيح..
ريم ركضت صوب الغرفة إلي سالم فيها..
شافت شرطة عند الباب وكان هناك مجموعة من ربع سالم وياه..
ريم: جوموا أبى أشوف سالم ..
الشرطي: لو سمحتي إختيه..
ريم: جوم أنا ريموه سالم بروحه يبى يشوفني..
الشرطي: أخ مروان لو سمحت حاول تبعدها..
مروان: ريم دخيلج وغلا سالم مب لازم..
ريم وهي تصيح بمرارة : دخيلك إنته أبى أشوف الغالي... دخيلك..
مروان: خلها تشوفه..
الشرطي : على مسؤليتكم إذا البنت ياها شيء..
دشت ريم ..
ريم: سالـــــــــــــــم !!! وين سالم ... وهي اطالع مروان..
مروان...........
وبعد شوي انفجر مروان يصيح ..
ريم: وين سالم..
جامت وخوزت اللحاف إللي على السرير وشافت شيء أسود,,,
صرخت هذي تقاسيم ويه الغالي...



ريم:لاااااااااااااا مستحيل ..... ياربي لااااااااااا ياربي محد لنا غيره..

مروان يحاول يهدي..
سالم تفحم عشان جذيه ماكان الشرطي يباها تدش ..



ريم أغمي عليها يوم شافته وساءت حالتها النفسية..
والأم لما إعرفت يتها جلطة وهي في العناية المركزة...



***

بعد مرور أسبوع..
الأب: فطامي ؟
فطامي يالله يالله اطالع أبوها : هاه..
الأب: جومي بنسير صوب أمج المستشفى..
فطامي: زين.
ريم كانت عند أمها صحيح كانت تعبانة بس هذي الغالية مهما كان..
ريم: دكتور شو حال أميه..
الدكتور: لازم الإنسان يحمد الله على كل حال يابنتي ولا يعترض مهما كان..
ريم موطيه راسها هموم العالم كله عليها: ونعم بالله... بس شو أفهم؟
الدكتور: أمج من الصدمة تعرضت لفقدان القدرة على الكلام..
ريم منصدمــــــة : لاااااااا لا دكتور حاول ... أميه ما بتتكلم... لا دخيلك لااااااا
وتمت ريم تصيح..
راح الدكتور عنها وطرشلها النيرس عشان تاخذها ترتاح وتعطيها إبرة مهدئة....


آلـظـبـي آلـسـرـوح عضو موقوف من الإداره

_وصل الأب مع فطامي للمستشفى وأول ما يو راحوا للدكتور وخبرهم بالسالفة..
فطامي تمت تصيح ..
وسارت حق إختها ...



فطامي وهي تحضن الريم: فطامي أميه ياريماني.... وانفجرن ثنيناتهن يصيحن..

ريم: آآآآآآآآآآه يا فطوم بموت ... أحس بأني مخنوقة.... أبى سالم أخويه أباه ألحين..
فطامي: بس فديتج اطلبيله الرحمة ..
ريم: لاااااااااااا مستحيل لا ..
***
الدكتور رخص أم سالم بس قالهم خلوا ريم شوي تحت عناية المستشفى لأنها تعبانة ..
في البيت كانت الحياة منعدمة فطامي منزوية تصيح على فراق أخوها وحالت أمها..
الأم مثل الميتة لكن مازالت فيها بعض الدقات تنبء عن حياتها...



شكلها يعور القلب والدموع منهمرة على خدودها..
فطامي وهي ماسكة إيدين أمها وتبوسهن: أميه شو تبين؟



الأم: تحاول تنطق اسم الريم..

فطامي: بتي كم من يوم وبتي..
وجامت فطامي تأكل أمها _الغداء..
***
المستشفى..
منى وهي تصيح دشت ركض عند ريم: ريماني فديتج .... واحضنتها..
أم سعيد: السلام عليكم ورحمة من الله وبركاته..
ريم وهي بقوة تتحرك: هلا بكم..
منى وهي يالسة بقرب ريم: ريم يالله يا حبيبتي كله بأجره..
ريم اسكتت شوي وصاحت..
أم سعيد اتقربت منها واحضنتها : يابنتي بسج ارحمي حالج... أمج المسكينة محتايتنج...
منى طلعت برى تصيح..
سعيد : بلاج رديتي؟
منى وهي مب قادرة تتكلم: ريماني فديتها تعبانة ..
سعيد سكت وبعدين قال: هذي مب ربيعتج وبس هذي إختج لازم ما تتخلين عنها فهمتي..
منى : أعرف هذي الدنيا كلها..
***
طلعت ريم من المستشفى ..
البيت
الأب: فطامي جومي يابوج حطي غدا وغدي أمج..
ريم: لا أنا بغديها..
الأب يقول في نفسه: أدري بأنج مب طايقتني يا أم سالم... ولا أنا بغديج..
وشوي ولا الأب يزجر ريم: ريم هاتي الغدا أنا بغدي أمج..
فطامي اطالعت أبوها وابتسمت..
ريم: حاصل أبويه..
الأم ما رضت تاكل وتمت تصيح..
في غرفة ريم وفطامي..
ريم ماسكة صورة سالم وتتكلم معها: سالم ليش جذيه ؟
تدري إني اشتقت لك وااااااايد ...



وتمت تصيح..

فطامي دشت وهي تمسح دموعها..
ريم صدت صوبها وهي تصيح وقالت: حبيبتي فطامي ليش تصيحين.؟
فطامي: من هالحظ... من يوم ملجت والمصايب تهل علينا مصيبة ورا مصيبة ما شفنا يوم راحة..
ريم: استغفري الله هذا قضاء وقدر ومكتوب علينا..
فطامي: ونعم بالله..
***
فتحت المدارس والجامعات وبدى الدوام..
في مدرسة فطامي..
شيخة: شحالج؟
فطامي وهي ساكته تهز راسها..
شيخة: هذي آخر سنة شدي حيلج فيها..
فطامي: على الله..
صارت فطامي بليدة وماتهتم بشيء.... صار كل همها تفتك من الريل إللي أبوها بلاها فيه..
***



في الجامعة



منى وهي تكتب المحاضرة : ريماني بسير وقت اليوم..

ريم: برايج الله يحفظج..
منى : إنزين بوصلج ..
ريم: مشكووووورة الغالية... مب لازم برد في الباص..
منى: إنزين الدريول بييني انسير... بعدين بتتراكم عليج المادة وما بتلحقين عليها..
ريم: خلاص عيل..
منى : دقي حق جوم اليازية وينهن اليوم مالهن شوف..
ريم: ألووووووه...
اليازية : مرحبا يالغزال الشمالي..
ريم سكتت الغزال الشمالي هذي جملة سالم ... صاحت وسكرت التليفون ..
منى جامت عن كرسيها لوت عليها : بلاج ريموه شو فيج شو قالتلج اليازية؟
شوي وردت اليازية تتصل ..
منى: هلا يزوي شو قلتي حق ريماني؟
اليازية: يسلمون أول يا منوه..
وبعدين ما قلتلها شيء بالعكس مدحتها وقلت بالحرف مرحبا يالغزال الشمالي...


آلـظـبـي آلـسـرـوح عضو موقوف من الإداره

منى: أوكي برايج
صكت التلفون بويهها ..
ريم بعد ما هديت: بسرعة أبى أروح البيت أحس بأني تعبانه ..
منى : يالله.... بنطلع برى هناك يوقف الدريول..
يت السيارة ..
ركبت منى بكل هدوء ولا قالت كلمة..
وفجت ريم الباب إللي ورا وركبت..



سعيد : محد يسلم منكن يعني؟

منى : آه هيه صدق السلام عليكم ... واطالعت ريم وهي حفزانة..
ريم تأشرلها : الدريول بيي هيه..
سعيد: شو تدرسين ريم؟
منى: تدرس علوم حاسوب..
سعيد: إنزين إنتي مب ريم..
ريم كانت تصيح تتذكر يوم كان أخوها وياها وشوي وسمع سعيد صوتها ..
منى تقطع الهدوء : اخطف على الجمعية بنزل أييب أغراض..
سعيد: بسرعة لا تتحيرين..
منى : ريموه ما عليج بسرعة ثواني..
سعيد: ريم شو فيج؟
ريم: ما بلاني شيء..
سعيد: ريم مابى أشوف دمعة من دموعج.. إنتي إنسانة مؤمنة ولازم تصبرين.. أدري أخوج غالي ولا يمكن تنسينه.. بس هذا مصيرنا كلنا..
ريم وهي تتنهد: مشكور أخوي سعيد..
سعيد في خاطره: الله لا يقول شو اخويه..
ريم: شو تشتغل؟
سعيد: ماسك شركات أبويه..
ريم: أممممم زين.... مب جن منوه أبطت ؟
سعيد: لاعت جبدج مني؟
ريم: لا والله بس أنا تعبانة وأبى أرد البيت عسب أرجد..
سعيد: الله يعطيج العافية..
سكتت ريم وشافت إنه بس من الكلام وياه..
منى : سوري تأخرت بس والله الجمعية زحمة..
سعيد: يالله..
***
بيت جوم ريم
فطامي: شو سويتي اليوم؟
ريم: عادي نفس كل يوم..
فطامي: كلمته اليوم..
ريم: منوه راشد..
فطامي: هيه وفهمته بأني ماباه..
ريم: لا حول ولا قوة إلا بالله..
فطامي: تصدقين ماقال ولا كلمة كل إاللي قاله..


(فطامي: والله بأني مب حاسة بسيء تجاهك..


راشد: مع الأيام بتحبيني الغالية..
فطامي: إمممممم إبويه غصبني عليك سو كل شيء غصب عني..
راشد: يمكن هذي هي مصلحتج؟
فطامي: لكني هب مرتاحة..
راشد: في هالزمن دوري على اللي يحبج مب اللي انتي تحبينه..
وسكرت عنه من دون لا آخذ حق ولا باطل..


)



ريم: تصدقين أحسه زين....

فطامي: لازق لزقة عنزروت..
ريم: يالبقرة يحبج..
وشوي إلا تلفون ريم يرن..
ريم: ألوه..
المتكلم: مرحبا..
ريم: خير من بغيت؟
المتكلم: أنا مروان..
ريم: مروان منوه؟
مروان: ربيع سالم الله يرحمه..
ريم تذكرته: مرحبابك ..
مروان: أنا بغيت أقولج شيء بس أخاف تفهميني غلط...
ريم: لا عادي قول شو بغيت؟
مروان: إنتو محتايين شيء؟
ريم سكتت شوي وقالت بصوت فيه شوية عصبية: لا ونحن مب حسنة يا أخ مروان..
مروان: العفو محد قال جذيه بس أنا ..
ريم: شيء في خاطرك؟ أنا مب فاضية..
مروان: على راحتج... الله يحفظج..
ريم بعد شوي ياها مسج..
(إخت ريم أخوي سالم موصني بكم وأنا ماقصدت شيء والسموحة)



ريم تلومت من الحركة إلي سوتها واتصلت له .... بس للأسف محد يرد عليها..

قالت بكتب له مسج.. وإلا شوي ويصيح التيلفون..
ريم: مرحبا أخوي مروان..
مروان: مرحبتين... اتصلتيلي بغيتي شيء؟
ريم شوي سكتت: حبيت أعتذر بس ..
مروان: أفااااا لا تعتذرين أبد أنا مقدر موقفج ولا تتحسبين مطرش المسج عشان ألومج لا والله بس أوضح موقفي..
ريم: العفو منك .... بس صدق نحن مب محتايين شيء
مروان تم ساكت وسرحان..
ريم حست بأنه مافي داعي تطول المكالمة أكثر وقالت: أوكي عيل شيء في خاطرك..
مروان: أه لا ليش بتسكرين؟
ريم سكتت وماعرفت بشوه ترد..
مروان: ياربي اسمحيلي على راحتج مع السلامة..
ريم: مع السلامــــــــــــة..
***
في الجامعة..



في المحاضرة الدكتور يشرح..



منى تكتب حق ريم على الطاولة (( سعيد بيينا اليوم بتروحين ويانا؟))

ريم ترد عليها(( لا والله وبجوات عين بعد؟))
منى(( بتروحين مب عكيفج))
ريم وهي تطالعها مبتسمة((أوكي))
في الكفتيريا..
منى وهي مبتسمة: سعيد مشتاق حق الجامعة وااايد..
ريم مسوية عمرها مشغولة وساكتة..
منى: وين يالغزال....
(وسكتت وكملت) يالغزال الشرجاوي..



ريم: شو بلاج إنتي سعيد سعيد قضية الشرق الأوسط هو؟

منى: لو سمحتي حبيبتي لا تغلطين على سعود..
ريم: محد كان يشكي من سعيد كثرج شو هالحب ؟
منى : هاه.... برايني أخويه..
ريم وهي تسكر الكتاب بقوة: عاد أنا ماشتقت حق حد ولا داني حد..
يتهن اليازية..
اليازية: السلام على من اتبع الهدى..
ريم + منى: وعليكم..
اليازية تستوي بنت عم منى بس أكبر عنهن بسنة وهي تتمنى سعيد، بس منى ما تبى غير ريم لأخوها..
اليازية: منوه اليوم بروح وياكم..
منى وهي مستاءة: لا؟ مرحبابج..
اليازية تطالعها بنظرة: بالمرحب..
ريم: أنا بيلس في الجامعة أكمل بحوثي..
منى: لا لا بتروحين ويانا..
اليازية : مب لازم..
وهنيه اليازية تمت تطالع ريم وقالت لها: انسير ورفجة أغلى الناس عندج؟
ريم: لا حول ولا قوة إلا بالله... إنشاءالله.
**
في السيارة
سعيد: مرحبا الساع..
منى + اليازية: هلا فيك..
سعيد: هذي مب الريم؟
ريم: هيه..
سعيد: أفاااااا ما تسلمين؟
ريم ساكتة..
اليازية: لا والله حتى نحن ماسلمنا ولا ناس وناس.. وكان باين من صوتها متضايقة..
سعيد شغل المسجل من دون مايرد على اليازية..
وشغل على أغنية عيضة وقال حق منى : منى تراها إهداء..
منى: إهداء؟!
ريم فهمت قصد سعيد..
بس للأسف هذي الأغنية..يا طارشي شل السلام ووده للي عيونه والهدب مسودة غالي ويتزايد بقلبي وده..
.


آلـظـبـي آلـسـرـوح عضو موقوف من الإداره

ريم: بندها

سعيد متفاجئ وبندها بسرعة : إنزين ..
في نفس اللحظة كانو واصلين بيت جوم ريم.. كانت ريم تصيح لأنها تذكرت أخوها سالم..
ونزلت بسرعة بس سعيد بعد نزل من السيارة وزجرها...



سعيد: ريم... ريم..

ريم وقفت: شوه بغيت؟
سعيد: والله آسف بس...... بس.......... ترى أنا أحبج..
ريم استحت وبسرعة دشت بيتهم..
سعيد ركب السيارة..
منى: لا إله إلا الله..
اليازية: ما يسوى علينا كل شيء يذكرها بخوها صاحت لنا..
سعيد: هذيلا الناس اللي يحسون..
منى: بس انته وهيه..
*****
في البيت
ريم: السلام عليكم .. وسارت صوب أمها وباست إيديها..
أميه شحالج؟ فديتج تبين شيء؟



الأم : تحرك إيديها بالنفي..

ريم: عيل بسير حجرتيه ..
في حجرتها..
تذكرت سعيد والكلمة إلي قالها: بس أنا أحبج..
ريم: لا يالريم ......بس سعيد؟ يالله شو هالبلاء ؟ شو هالشعور؟ كله منج يالمنى...
فطامي دشت البيت : السلام..
سلمت على أمها وراحت حجرتها..
ريم: هلا ..
فطامي : هلا بج الغالية...
وسارت صوب كبتها وطلعت تيلفونها وفتحته..
ريم: ما يسوى على راشد مب جد تدليع تدلعين عليه..
فطامي: والله مادري على شوه ماخذني..
وشوي إلا التلفون يصيح..
فطامي: مرحبا..
راشد: هاه وين؟
فطامي : لحظة بطلع برى عن الريم..
الريم تأشرلها : ماعليه برى عن الريم..
فطامي : مرحبا رشود..
راشد: إنتي ليش تعامليني بكل هذا الجفاف..
فطامي: ياويلي قلتلي تباني أقولك حبيبي قتلك حبيبي وشو غير..
راشد: ماقلتلج بس اجولج كيف يكلمون الناس... حشى ذليتينا بكلمة حبيبي لا تقولينها..
فطامي: رشود تعبانة توني رادة من المدرسة سوري تعبانة وااايد..
راشد: خلاص.. وصك التيلفون بويهها..
وراشد وهو يكلم نفسه: ليش جذيه أحبها يمكن من كثر ماهي حاجرتني بس حلوة أحبها باجر بتغدي حرمتيه براويها بجابل ذاك الويه أربع وعشرين ساعة.. يالله متى عاد..
***
العصر
ب.. في الصالة كانت الريم يالسة وشوي إلا خدامة جوم أبوها داشة وبإيدها باقة ورد وكيس وقالت للريم بأنه من عند بابا راشد حق ماما فاطمة..



الريم: فطامي تعالي شوفي..

فطامي بالقوة تنش: شو مستوي؟
الريم داشة وبيدها باقة ورد كبيرة وكيس صغير: من عند عنترة العاشق المحروم..
جامت فطامي وفتحت الكيس..
وفتحت العلبة ومانتبهت للهدية شدتها ورقة فيها ورقة مسكت الورقة..



حبيبتي القاسية..
كل عام وإنتي بخير..



ومسكت الورقة الثانية صورة من الجواز محوط على تاريخ الميلاد بقلم بسفوري..

ريم: حليلــــــــــــــه..
فطامي: ريموه تصدقين بأني عديمة إحساس..
ريم: اتصليله وغازليه حبيبتي تراه ريلج مب غريب..
فطامي : بشوف..
فطامي:ألوووووه..
راشد وهوفرحان بس ما بين هالشيء لفطامي: أهلا من دون نفس أونه..
فطامي: حبيبي رشود مشكور فديتك على الهدية..
راشد يقول في نفسه: من وين طالعه الشمس فديتك مرة وحدة.. ييه من الحريم مادري نحن الرياييل متعلقين بهن.... هن
فطامي: أنا آسفة كنت مب حاسة فيك..
راشد: حتى أنا آسف مشغول بسكر عنج..
فطامي: شوووووه؟
راشد: مع السلامة..
فطامي لأول مرة تحس نفسها ماتبى تسكر عنه..
بس سكر عنها..
ردت فطامي للريم..
ريم: شو فيج زعلانة؟
فطامي: ما يبى يكلمني مشغول أوين..
ريم: عاشوا بدو يحبون..
شوي إلا تلفون ريم يرن..
بس ريم ما ردت عليه، فطامي: ردي..
ريم: رقم غريب..
ريم روحت برى تذاكر وبعدين جامت تسوي عشاء ..
وهي في المطبخ يتها فطامي يايبتلها التلفون وقالتلها : منى عالخط؟
ريم: مرحبا..
منى: هاه وين عن التيلفون؟
ريم:أسوي عشى حبيبتي..
منى تصك على التيلفون وتقول حق سعيد: تسوي عشى يعني مب زعلانة..
هيه ريم ماشاء الله عليج ياحظ إللي بياخذج..



ريم: شو تبين؟

منى: مالت عليج ماتستحين تقوليلي جذيه؟
ريم: تبين الصدق لا ما أستحي ، لأني بتصلج فالليل..
منى: يالله يالله ..
***
سعيد: ليش بندتي؟
منى: فكني من صدعتك إنته وريماني..
سعيد: إنزين
منى : بتتصل فليل..
سعيد: لا تخسرينها اتصليلها إنتي..
منى: حطلي رصيد..
سعيد: لا حول... إنزين..
***
في الليل..
ريم جامت تتصل حق منى بس منى سكرت بويهها وردت تتصل..


آلـظـبـي آلـسـرـوح عضو موقوف من الإداره

ريم: ليش تسكرين في ويهي..

منى: أوامر الشيخ سعيد يقول محد يخسر ريم خانو..
ريم: هاهاها لاااااااااا....
منى: تراه محتشر عليه بسببج..
ريم: ليش؟
منى: يقول يخايف تكونين زعلانة عسبة اليوم..
ريم: لا والله مب زعلانة..
منى: إنزين قوليلي شو قالج يوم نزل وراج؟
ريم: يالقافة !
منى: قولي؟؟
ريم مستحية : قال يحبني..
منى: كلللللللش مبروك..
ريم: بس علج الفضايح ..
منى : كملي الفلم..
ريم: بس..
***
الصبح ..
فطامي: ماتصل بالمرة..
ريم: تستاهلين ياما حجرتيه..
فطامي: ياربي مادري ليش متوله عليه..
ريم: دق القلب ياحلوة..
فطامي: بسير المدرسة وبخلي تلفوني مفتوح بشوف بيتصل..
ريم: يالله بروح الباص برى..
***
ركبت ريم باص الجامعة..
ريم: منوه شو فيج ساكتة؟
منى: هاه ماشيء بس ساكتة نودانة..
ريم: يالله ماقتلج عن راشد ريل فطامي أمس كان عيد ميلادها وطرشلها هدية يالله ..
منى: واللـــــــــــــه! شو يابلها؟
ريم: باقة ورد تينن وإسوارة بعد حلوة ولا بعد رسالة..
منى: بس إختج ماتباه..
ريم: ترى هنيه الإثارة فطامي بتموت من القهر ليش إنها يوم اتصلتله حجرها وطنشها ولا عبرها حتى بمسج..
منى: مالت على الرياييل يوم يبون يردونها تراهم يردونها عدل..
ريم: خليه يأدبها.. والله إن الريال واااايد زين بس هيه شايفه عمرها عليه ودومها تقوله بأنه مغصوبه عليه.. بس يالله الله يهني سعيد بسعيدة..
منى: شوه قلتي حبيبتي صححي المقولة الله يهني سعيد بريماني..
ريم: يالطفسة.... حد بيسمعج وبيسوي إشاعات..
منى: يالله يارب تكونين له ويكون لج..
ريم تطالعها : بسج من الرمسة..
منى: ياربي علينا امتحان ..
ريم: نزلي وصلنا ولا مابدامين؟
منى: يالله..
***
في الحرم الجامعي..
ريم تلفونها يرن.. مشت بعيد عن البنات..
ريم: ألوه..
مروان: مرحبا ريم..
ريم شكلها متضايقة: خير حرجت التيلفون شو تبى؟
مروان برزة ويه يسوي عمره مافهم: اسمحيلي ياغالية بس قلت يمكن ماعندج رصيد تردين تتصلين لي ..
ريم: لحظة لحظة أولا أنا مب غالية ولا أحب أسمع هالألفاظ يا أخ، وأنا ما أبغي أكلمك إنزين ولا تتصل على تيلفوني فضحتني التلفون ما يسكت منك..
مروان بصوت مسكين: الله يسامحج..
ريم: أجمعين مع السلامة..
صك مروان التيلفون بس كان متضايق..
واطالع ربيعه ناصر.. وقال: بتشوف هالمتكبرة ...



ناصر: شو تباها؟

مروان: ما شفتها ولا بتتخبل عليها، يا أخي جمال غير طبيعي، يالله ماتسوي سالفة حق حد..
ناصر: خاطري أشوفها..
مروان: عمت عينك شو تشوفها؟
ناصر: حلال عليك وحرام علينا..
مروان: هذي بس لي أنا..
ناصر: هيه بتخطبها؟
مروان: تخسي هالفقيرة أنا ماباخذ غير وحدة من ثوبي..
ناصر: إمممم.... تم يطالعه بكره ... عيل شو بتسوي..
مروان: شيء طبيعي بطلعها يالغبي.
ناصر: مثل هذيلا المتربيات عدل مب لعبة في إيدك..
مروان: بنشوف يانصور..
***
في البيت..
تلفون ريم ما بند من ردت من الجامعة وحطته على السايلنت..
فطامي: يالله ماتصل..
ريم: تبين أكلمه؟
فطامي: بيبطي ما بسويله سالفة..
ريم: مالت عليكم ثنينكم..
طلعت ريم برى الحجرة وردت على التيلفون ريم وبكل عصبية: خير؟
مروان: شوي شوي على عمرج حبيبي؟
ريم: احترم ألفاظك ..
مروان: كلميني عدل..
ريم: عدلوك بيدعه انشالله..
مروان: أبى أعرف..
وقبل لا يكمل رمسته سكرت فويهه..
ويتصل بس ريموه ماسوتله سالفة...وشوي إلا هو رقم غريب..

ريم: الله يغربلك من نذل وزعت الرقم بعد... لو بتموت مارد عليك..



وفي الزاوية الثانية ..

فطامي وصوتها زعلان: حي من تذكر..
راشد محد _فرحان جده: الله يحيج ويبجيج..
فطامي: مالت تصدق مادانييييك؟
راشد: عادي سامعنها ألف مرة بس هالمرة غير فديتج..
فطامي حست بشعور غريب وسكتت ... وهي تكلم نفسها قالت: يالله فديتج ليش هالمرة تأثرت بها..
راشد: بلاج مويمة؟
فطامي: لا لا ماشي؟
راشد: تولهت عليج وااايد تولهتي إنتي؟
فطامي: تبى الصدق؟
راشد: إذا لا لا تقولينه والله أبى أتعشى ولا أباج تلوعين بجبدي، سكتي وأنا بفهم
فطامي سكتت بس بعد شوي: ماتولهت بس كنت بموت من شوقي لك..
راشد: فديتج أنا، مابغيتي تتولهين..
فطامي: خلاص عاد..



منى: هاه سعود بلاك ساكت؟ وإنتي إمايه بلاج ساكته؟



الأم: ماشي بلانا..

منى : عيل شحقه ساكتين؟
سعيد: يعني لازم نهذرب عشان ترتاحين..
منى: هاها لااااااااا بس رمسوا..
إنزين أقول سعيد الأسبوع الياي بنسير رحلة لمهرجان دبي من الجامعة..



سعيد: ريم بتسير وياج؟

منى: هيه...
سعيد : ماتبني أنا أسيربكن؟
منى: لا والله استريح يالدريول..
سعيد ولي أمر منى بعد وفاة أبوها وهم أربعة إختها مابخذنها ولد عمها أخو اليازية..
***
مروان تم يراقب الريم وين ماتروح ووين ما تي



مرة نازلة من الباص كان موقف عدال الموقف، نزل دريشة السيارة وناداها..



مروان: أقولج إنتي يالغزال..

ريم اطالعته: صدق إن لم تستحي فافعل ما تشاء..
ناصر: يالله هذي هي
.. الله أكبر شو حلوة..



مروان: وتلومني؟

مشت ريم صوبه: انته وبعدين وياك والله العظيم بخليك تندم..
مروان: لا حبيبي أنا أخلي البنات تندم مب العكس..
ريم: ترضاها في اختك؟
مروان سكت ولا سوى اهتمام لكلامها.. ريم مشت لبيتهم والصبر فاض عندها لمنوه تقول سالم وينك ياسالم محتايتنك ياخوي شو تبى ترابع مثل هالنذل وتوصيه علينا..
ولا أبوها إلي بس من عيد لعيد يشوفونه ولا أمها اللي ماتقدر تتكلم..



لمنى حبيبتها وربيعة عمرها ، لا مب زين..

ريم: يالله يارب ترحمني من هالعذاب..
***
الساعة 2:30 الظهر ريم خلصت محاضراتها ومنى بعد قررن يردن في الباص ..
ريم: يالله منوه نزلي عندنا واتصلي حق سعيد إيي ياخذج مب زين اتمين بروحج في الباص..
منى: هيه والله أخاف من هالباكستاني..
نزلن عند الموقف..
في سيارة مخفية ..
منى: يالله محد في الفريج..
ريم تطالع السيارة : يالله بسرعة انسير..
وشوي وإلا في مجموعة شباب ناطة عليهن ..
منى: ريموه شوه هذا؟
ريم: شو تبون؟
........: يالله جدامي بدون صوت تفهمن..
ريم: تخسي إلا إنته... جدامك وين؟
،،،،،،،: بلا كترة حكي ويالله اسمعوا الكلام..
منى وهي تصيح : ريموه ..
ريم عيونها مدمعه وهي تحضن ربيعتها يمشن جدامهم..
وغطوا على عيونهن.. وفجأة وقفت السيارة

ريم: اللهم سألتك باسمك الأعظم الذي إذا سئلت به أجبت..

--------------------------------------------------------------------------------


آلـظـبـي آلـسـرـوح عضو موقوف من الإداره

منى وريم يصيحن.. فجوا الرباط إلي على عيونهن..

ريم: يالنذل شو تبى؟
منى: منوه هذا؟؟
ريم: بعدين أقولج..
مروان: ياسلام هنتين مب وحدة..
ريم: شو تبى؟
مروان: شو رايج نتفاهم داخل الغرفة..
ريم: بتبطي..
مروان: إذا مب بالطيب تراه بالغصب ..
منى بصوت واطي: يبون يعتدون علينا مب جذيه؟
ريم: لا إنشاء الله..
منى : لاااااااااا ..
ريم: بهذا وصاك أخوي سالم؟؟
مروان: هاهاها أخوج أي وصايه لا وصاني ولا شي..
ريم: يالحيون..
مروان : هاتوها يا سيف الغرفة ورايه غصبن عنها حتى لو قطعتوا شعرها..
ريم: لحظة..
مروان: خير؟
ريم: منى محد إييها ولا يمس شعره من راسها..
مروان: زين..
منى وهي تصرخ
: ريموه لا مب على حسابج.. ريموه سعيد ياريم لا تنسينه..



مروان: منوه الحبيب؟

ريم وهي تصيح بدل الدموع دم: دخيلك لا تسويبي شي ... دخيلك أغلى ما عند البنت شرفها..
مروان: هاهاهاهاهاهاهاهاهاه..
وكانت ريم تتوسل لمروان وهم في الغرفة وكانت تصارخ تحاول تتخلص منه لكنه كان حيوان.
.

منى تصيح وتدعي ربها: يالله تنتقم منهم يالله ما يسويبها شي بس لما كانت تسمع صراخ ريم كانت تموت ألف مرة.. ريموه ووجهت كلامها للي واقفين حواليه: إنتو حيوانات بلا احساس ولا رحمة لو تموتون ألحين على شو بتحشرون.. حسبي الله حسبي الله.. كانت تصيح وفجأة نادت واحد منهم: لو سمحت أبى الحمام؟



........: تعالي روحي هناك ..

منى: مشكور ..
منى كانت حاطة تيلفونها في مخباة بنطلونها الجينز وكان من المحاضرة الأخيرة محطوط على السايلنت..
طلعته ويرت الماي على أساس ما يسمعونها وهي تتكلم..
دقت لسعيد..
سعيد: هاه وينج أدق لج من متى ماتردين؟
منى وهي تصيح: سعود خطفونا أنا وريماني ؟
سعيد متعيب من هالرمسة: شوه !!!!!!!!
منى : بكتبلك السالفة بالمسج ماقدر اتكلم.
سعيد: شووووووووه!!!!
سكرت وشرحتله السالفة بالمسجات ..
سعيد(( إنزين وين إنتن))
منى(( ماعرف هالمكان))
بندت منى تلفونها وطلعت عن لا يشكون فيها..
سعيد محتار شو يسوي ألحين إخته وإلي يتمنى تكون زوجته راحن..
***
هالوقت مروان خلص شغله مع ريم..
ريم كانت طايحة على الأرض مايعرفونها ميته ولا حيه..وطلع مروان..



منى: إيه إنته دخلني عند ريماني..

........: تعالي...
منى دشت ركض عند ريم: ريماني بلاج وتمت تصيح وهي تشوف ربيعتها بهالحالة؟؟
ريم: ادعيلي أموت اعتدى عليه..
منى وهي تصرخ: حسبي الله ونعم الوكيل.. ريموه خلينا نسير البيت ..
ريم: أبى أموت منى أكره حالي..
منى طلعت برى وسارت صوب الريال الي وداها للحمام: ردونا مب خلاص..
.......: يالله..
وهم في السيارة..
منى: لو سمحت ودنا عند ذيج البناية..
........: ليش؟
منى : انته نزلنا ومالك خص..
.......: أوكي..
منى تطالع ريم وتمسح على راسها : فديتج والله ما بيخلي هالأشكال بينتقم منه..
ريم كانت تصيح من خاطرها ..
****
نزلت ريم عند دكتورة نساء.... تعرفها زين..
منى: هلا بج دكتورة ميسون
الدكتورة مستغربة من حالة ريم: خير منى إيه إلي حصل؟
منى تصيح : اكشفي عليها بليز ..
ميسون: مالها؟
منى: بسرعة ..
دخلتها وعطتها إبرة مهدئة ..
منى: هلا سعيد انا في العيادة عند دكتورة ميسون،
سعيد: ريم شحالها؟
منى تصيح.. وسكرت التيلفون بعد ½ ساعة يأ سعيد من دون ما يخبر أي حد..
د. ميسون : يعني عاوزاني أتأكد من عذوريتها؟
منى:بالضبط...
د. ميسون: أوكي بتأكد..
منى: دكتورة وإلي يخليج بينا ماتطلع عند حد..
د.ميسون: أكيد ماتوصيش حريص..
بعد مدة من الزمن...
د.ميسون: منى البنت عذراء..
منى: واللـــــــــه كيف دكتورة هو اعتدى عليها..
د.ميسون: أيوه بس مش كل البنات واحد على حسب غشاء البكارة عندها..
منى: هيه والله كيف غاب هالشي عن بالي..
الحمدالله الحمدالله..



د.ميسون: تقدري تاخديها وتروحوا هيه محتاجة للراحة مش أكثر..

طلعت ريم برى عن الدكتورة..
سعيد: بلاها ريم؟
منى: الحمدالله ماشي
سعيد: شو استوى هناك؟
منى وهي صادة عن أخوها من المستحى لأنه مب بهالسهولة بتتكلم في هالسوالف وياه: الحيوانات حاولو يعتدون علينا، واحد منهم كان يلاحق ريم من فترة وكان يباها هي
.. بس ريم شرطت ما يمسوني، توسلت له بكل مافيها، بس للأسف الحيوان حيوان..



سعيد يضرب بإيده على اليدار من القهر: يعني اعتدى ..

قاطعته منى: لا ريم بكر ... خلنا نروح ألحين..
سعيد: يالله هاتي ريم..
***
وصلوا ريم البيت وفي البيت كانت ريم تعبانة واااايد 080وفطامي سئلتها كذا مرة بس ماكانت تقول غير: شوية تعب تدرين فيه فقر دم..
ريم بعد اسبوع داومت الجامعة..
منى: ريموه شحالج الحين زينة؟
ريم ساكته.............
منى: كلميني فديتج من متى اتصلبج مغلق؟
ريم تصيح وتحضن ربيعتها: بموت مب قادرة أنام.... تعبانة منوه تعبانة وايد.
منى: انسير وياج نتمشى ... بتغيرين جو..
ريم: أخاف ..
منى: ماعليج بنسير ويا سعيد بينزلنا وبيرد خلاف..
ريم: لاااا!!!
منى: شو فيج؟
ريم: أخاف..
منى: مب من سعيد..
اتصلت منى حق أخوها الساعة 4 العصر الوقت إلي خلصن فيه محاضراتهن.
منى: السلام عليكم..
سعيد: شحالكن؟
منى: ممكن تسيربنا صوب البحر؟
سعيد: من هالعين هذي قبل هذي..
ريم كانت ساكته... وصلوا البحر نزلت ريم قبلهم وراحت قرب الشاطي..
لحقها سعيد وقال لمنى تمي هنيه أبى أكلمها بروحي...



سعيد: ريم ..

ريم التفتت صوبه واطالعته بنظره كلها حسرة: لبيه..
سعيد: بسج حزن من عرفتج والدموع مافارقت عيونج..
ريم: كل شي قضاء وقدر.... وإنته الله يوفقك يا أخ سعيد..
سعيد فهم قصدها ..
ريم: خلني بروحي أبى أتم بروحي..
راح سعيد عنها ..
منى: شو فيها؟
سعيد: تبى اتم روحها..
منى: ألحين ماتباها صح؟
سعيد تفاجأ بكلام منى..
منى: ليش ساكت ماتتكلم.... تعرف كان ممكن إلي صار حق ريم يكون فيه بس ريم ضحت عشاني..
سعيد: بس......
منى تطالع ريم : هذي أشرف من الشرف وأشرف مني ومنك بس حسبي الله على ذاك الحيوان
سعيد: ليش محرجة عليه؟
منى: اسكت مابى أسمعك..
راحت منى لريم..
بس سمعتها تكلم البحر

ريم: سالم تعال شوف شو سوا بي ذاك الحيوان.. وهي تصيح.. سالم الغزال الشمالي تعبان، أمسى شبح مب غزال، سالم الغالي وينك؟ قلتلي ملايين يتمنونج اليوم محد يباني.. سالم تعال محتايتنك.. كله من أبويه ماهتم فينا خلانا ماعندنا حد نشكيله..



ويلست تصيح..

منى ركضت صوبها: ريم حبيبتي جومي إنتي الكل يباج وبعدين إنتي بكر فهميني محد يعرف غيري أنا وسعيد... ومافي حد في الدنيا بيعرف..
ريم احضنتها وهي تصيح..
منى راحت السيارة تيب لها ماي...



سعيد: شو فيها؟



منى طالعته بنظرة ولا كلمته..

رن تيلفون ريم..



ريم: ألوه فطامي شو فيج؟



فطامي : وينج تعالي أباج تشرحيلي..

ريم: يالله يايه..
منى: يالله بنسير..
قبل ما تنزل مدت إيدها وعطت سعيد كيسه..
منى فهمت السالفة..
***
سعيد قاعد بروحه مافتح الكيس وقرر ألحين يفتحها..
سعيد: هذي الهدية إلي طرشتها ويا منى يوم نجاح الريم في الثانوية..
بس شو هذا ؟ رسالـــــــــــــة فتحها وقراها...



(بسم الله الرحمن الرحيم.. سعيد يعلم الله إني ياما تمنيت أكون زوجتك مثل ما إنته تمنيتني..كتبت هالرسالة عشان أعرف إنك مستحي تقول ماتباني، ورديت لك هديتك لأنها ماكانت من عند منى كانت من عندك.. سعيد وايد أشياء نتمناها ولا نقدر نوصل لها..فأنا مقدرة موقفك ولا ألومك.. بجذيه أقولك مع السلامة والله يوفجك في حياتك..

الريم..



ملاحظة ماعليك أمر احرق هالرسالة..
)



سكر سعيد الرسالة وتم مهموم وقال: ياربي ليش بس؟

***
بعد مرور 3 سنوات..
تخرجت منى وريم بإمتياز وحاولن يبنن حياتهن.. سعيد تزوج اليازية وعندهم ولد وفطامي بعد تزوجت وعندها بنية وسمتها الريم على ريم وهي حامل.. الأم تعيش ويا الريم.. الريم اشتغلت في بنك هي ومنى.. غيرت الريم بيتهم وتغير حالهم وصار أحسن ماديا..
ريم وهي تسوق السيارة: منوه بصراحة عفت هالمدير؟
منى: يالله بنتحمله لين ما إيي حد ويزحلقه..
ريم وهي تضحك: يالله يسمع منج..
ريم: منى الليلة بنروح سيتي سنتر أبى أشتري عباية من المحجبة نازلة تشكيله يديدة..
منى: هيه صدقج حتى أنا أبى ... بغار منج..
ريم: أوكيك أمر عليج المغرب 8 زين..
منى: زين وااااايد..



***


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1