أم الوفاء ©؛°¨غرامي فعال ¨°؛©

زووااااج الغفــــــله


بسم الله الرحمن الرحيم

اقرأوا موضوعي بكل تركيز

جائني أخي وطلب مني ان اتقدم لخطبة احدى البنات
المهم قلت حاضر بس كيف أروح موقف ماتوقعت إني راح أوقفه مهما حصل
قلت له بصدر رحب



وبعدين كلمت العروسه وكلمت عمتهاااا وقلت انا جايه عندكم قالوا

قلت بكره بعد المغرب
رحت والكلمات تتلعثم في خاطري
دخلت
سلمت
جلست
إلا جابوا لي



شربت العصير بردت على قلبي شويه
وخرمت شي ثاني على بالي 00 شويه جابوا اللي احبه



شربت القهوه فنجان ورا فنجان ( محرجه ) خخخ
قلت العلم خير ياجماعة الخير
انا جايه ابغى أخطب بنتكم لأخويه



قالوا حياك الله
لكن ليه أخوك يبغى يتزوج على زوجته
قلت الشرع حلل 00
قالت وفين زوجته
قلت موجوده
قالت كم عنده عيال
قلت عنده خير والحمد لله
قالت بنت اخوي صغيره عمرها عشرين
قلت بيحطها في عيونه
قالت يمكن زوجته مريضه
قلت لا والله أنها بخير وعافيه
قالت الله يكتب اللي فيه خير
قلت وين العروس
جاءت العروس وكلهاااا 000



قلت حياك يالله اخوي يبغى يشوفك
وديتها عنده وأنا ليه 000ما أدري
شافها وسلم
قال وش رأيك
قلت بكيفك اللي تشوفه
قال عجبتك
قلت شي يخصك
قال توكلت على الله
وقلت في نفسي
مااصدق هذا من رابع محال
وهو مايرتاح مع غيري جليس
خرجت البنت وراحت
قال اخويه وش رايك حلوه بس متينه
قلت ما أدري اللي تشوفه
قال خلاص الله يكتب اللي فيه خير
روحي اتفقي على المهر واللازم منه
قلت حاضر
اتفقت اتصل قال تعالي
رحت 00 نعم00
قال خذي هذه لبسيها

قلت لا والله لو ايش ماراح البسها
ناديتها ولبسها
وخلاص اتفقنا
شكرني اخويه الحبيب وقال

تــسمع اذا قالـو :
رفـيق دربــي
أغــلى ناسـي
انـت ولا واحـد فيـهم!!!!!!

أنت اعجز اسميك اذا سألوني من تـكون
احتار كيف اشـرح بــسمتك وكــلامك وقــلبك الحــنون!
ودي بــس اشـــلون يــفهمون

انـــك اغـــــلى مــــن غــــلا كـــــل الـــــكون

رديت وقلت له


دامي على الدنيا وأشم النسايم
والله ماأبيعك يارفيقي وأخليك
لو حال من دونك بغيض ولايم
مغليك مهما كلف الأمر مغليك
ولوصار من دونك جدال وشتايم
أبيع عمري و{{افتخر يالخوي}} فيك

اتفقنا وقلت له

انتهينا من الموضوع
وابتدت حياته
وكنت الرفيقه الوفيه
ويوم الخميس كان زواجه

رحت ابارك مادام اني دريت
وابتسم له .. ويعلم الله وش خفيت
قلت له مبروك اول ماحكيت
والحزن والجرح في قلبي حبيس





مبروك قلتها وراح مع عروسته

وهذي قصتي اللي ربي كتبها لي

هذا اللي حكيتكم عنه هو زوجي ورفيق دربي الغااااالي
تزوج وراح يقضي شهر العسل


وش رأيكم في اللي حصل
مع العلم في نهاية الزياره أعترفت بأني زوجته وصعقوا
قالت عمتها ليه يتزوج عليك قلت ربي أراد
قالت يابنت انت تعرفين
ردت لا 00 قالت أختها أنت تحبينه قلت لو ما أحبه ما رافقته في هالزياره
كانت صدمه لهم لدرجة أختها الأكبر منها بسنه جلست ع الأرض مذهوله وهي تبكي والله وتقول لأختها أمانه لا تدخلين بين اثنين يحبون بعض
لكن ربي أراد ولا راد لما يكتبه المولى

باقة ورد لعيونكم
وخلوكم مثل أم الوفاء اللي ضحت
وقعدت في بيتها حاطه يدها على خدها ( تونون وتلالي )

ومسويه يعني اني 000

طابت لياليكم والعاقبة لديكم بالمسرات
على فكره سميت اسمي أم الوفاء لأن الوفاء طبعي

===========

طبعا القلب موجوع وله الحين 7 اشهر متزوج
ولي معاه ومعاها حكايات وروايات
ساعات ابكي ندم وساعات اصحي نفسي واقول ربي أراد
نزل وزني سبعه كيلو يعني صار في الأربعين
ومازلت أكابر وابتسم
وزواجه كان له سلبيات وإيجابيات عليه طبعا
ما أقدر اتخلى عنه لأني أحبه من كل قلبي
وأثق في حبه لي ولا قدرت أصد عنه وأجمد قلبي
لأن ربي فتح لي حب جديد معاه
فصارت تعاني هي المسكينه
صرت أخدمها وألبي طلباتها وكأني أمها اللي فقدتها
فارق السن بيني وبينها كبيرعشان كذا أرحمهااا
والحمد لله صحيح تجيني لحظات مثل السهم الجارح
لكن لا أترك للشيطان مكان يدخل فيه لحياتي ويغيرها
والله يعوضني خير ولا يضيع سنين تعبي وشقايه معاه

كل الشكر لمن تكرم بقراءة موضوعي هذا
وأي خدمه وأي إستفسار أنا تحت أمركم

حبيتك فبادلني نفس الشعور ©؛°¨غرامي جديد¨°؛©

لا مستحييييييل مو مصدقه لدرجه اني قاعده ارتجف

انتي من النساء النادرات بهذي الدنيا

بس ما اقول الا ربي يوفقك ويسعدك ويرزقك ع قد نيتك

اختك

أم الوفاء ©؛°¨غرامي فعال ¨°؛©

المشاركة الأساسية كتبها حبيتك فبادلني نفس الشعور اقتباس :
لا مستحييييييل مو مصدقه لدرجه اني قاعده ارتجف

انتي من النساء النادرات بهذي الدنيا

بس ما اقول الا ربي يوفقك ويسعدك ويرزقك ع قد نيتك

اختك

والله العظيم هذا اللي حصل
ولك بمثل مادعيتي لي وزود
وهذا ما أريد من أي من يمر أن يدعي لي
الله يزدني من صبري وقوة تحملي
اشكرك يا غاليه بارك الله فيك والله يسعدك في الدنيا والآخره

انثى الحور النرجسيه عزه وشموخ ✿

صباحك رضى الرحمن حبوبه
ونعم الزوجه

ربي يجزاك الجنه على صبرك وعلى عطائك

انت الاولى وماراح تجي مثلك بشي

وانت الحين اكبر من اول بعينه وقلبه

ياخذها برضاك ورايك افضل من انه ياخذها بالغصب

ربي يساعدك ويكون معاك بكل خطواتك ويصبر قلبك على مايزعجك

تحيتي

؛

أم الوفاء ©؛°¨غرامي فعال ¨°؛©

المشاركة الأساسية كتبها انثى الحور النرجسيه اقتباس :
صباحك رضى الرحمن حبوبه
ونعم الزوجه

ربي يجزاك الجنه على صبرك وعلى عطائك

انت الاولى وماراح تجي مثلك بشي

وانت الحين اكبر من اول بعينه وقلبك

ياخذها برضاك ورايك افضل من انه ياخذها بالغصب

ربي يساعدك ويكون معاك بكل خطواتك ويصب قلبك على مايزعجك

تحيتي

؛
ولك بالمثل يا غاليه
وهذا اللي حاصل إلى الحين أني فعلا زدت في عينه
ولا أزكي نفسي
وصدقتي تراه ما جا من ورايه صريح ورايته بيضا
مشكوره على مرورك العطر بارك المولى بك

هوى الهـآشميه ©؛°¨غرامي متألق ¨°؛©

يا الله
ربي يسعدكي ويوفقكي يـــآقلبي ..
وربي ماااااااااااااااعمري شوفت زييك صدقيني
ربي كااتب فيه الخيير
وربي مرااح ينسآآآك

موووضوع جدااا مؤثر بس لو انا منك بلااا حب بلاا وجع قلب
وربي لأتبرى منه خليييه يخطب بنفسسه
مو انتي تسووين كل حاجه
بس مدام عن قنآآعه منك ورضآ نفس
فهدا شي رااااجعلك
بس لاتسمعي كلااام أحد لان يمكن يخررب حيآآآآتك
مدآم انتي راضيه ليش منزله الموووضوع ؟؟
ربي مراااح ينسآآك وهو اعلم بحآآآلك
أصبري وكاااااابري
واقري قرآآآن ربي يسهل عليييك ,,,




خزآمــــــــــى ,,,’’

أم الوفاء ©؛°¨غرامي فعال ¨°؛©

مشكوره يالخزامى على مرورك
نزلت الموضوع يمكن حابه أن أحد يشاركني ما مريت فيه
أو بمعنى أصح أفضفض شئ في نفسي لكم
لأن اللي حواليك ماراح تقدري تتكلمي معاهم براحتك
والناس كل ما تكلموا فيه وسبوه تلاقيني بسرعه أرد وأدافع عنه
والله حالتي حاله
صدقوني هذا ربي معايه
مع إني قلت العام الماضي والله ما اعترف فيك
وإني ما أجلس معاك وراح اهد بيتك
وادعي عليك
أما الدعاء فلحظات مرت دعيت من قلبي
في أناء الليل وسبحان الله جاني وقال دعيتي عليه
قلت لا 00 وأنا ما صدقت لأني دعيت عليه
من أشياء مرت عليه
كان قاسي وحارمني من كل شي
ويقول هذا كله ما أقدر افارقك يعني الحب عذاب
وقال زواجي يمكن عشان أرحمك وأبعد عنك شويه تقدري تتنفسي وتاخذي راحتك
لكن وين اتنفس وفين آخذ راحتي الله لو يدري وش ربي كتبله في قلبي ما يصدق لا هو ولا البشر
على العموم اشكرك مرة أخرى على كلامك وردك ي غاليه
لكن ربي الهادي وربي المدبر

çûtë dêntîst ©؛°¨غرامي نشيط¨°؛©

"السلام عليكم "


اه صراحة" صدمتيني ..

انتي درة نادرة ولؤلؤة مكنونة ..

ربي يسعدك ويعطيكي ع قد نيتك ويرد زوجك لك ردا" جميلا..


ما توقعت إن الزوجة تزوج زوجها وهذا كله عشان الحب عن نفسي والله ما ارضاها لو انا اموت عليه

لأن الضرة مرة..

وضرتك ماعندها دم والله المفروض إنها تخجل من موقفك العظيم وما توافق ع الزواج..


الله يعينك ويصبر قلبك..

دمتـــــــــــي بحفـــــــــظ الـــــــرحمــــــــــــــن غاليتــــــــــي،،

"أم سيرين" ©؛°¨غرامي نشيط¨°؛©

ياقلبي عليك من جد انك انسانة وفية
الله يصبرك نادر مانلاقي زوجة مثلك
الله يرزقك على نياتك

أم الوفاء ©؛°¨غرامي فعال ¨°؛©

المشاركة الأساسية كتبها * غر الرووووح بة * اقتباس :
"السلام عليكم "


اه صراحة" صدمتيني ..

انتي درة نادرة ولؤلؤة مكنونة ..

ربي يسعدك ويعطيكي ع قد نيتك ويرد زوجك لك ردا" جميلا..


ما توقعت إن الزوجة تزوج زوجها وهذا كله عشان الحب عن نفسي والله ما ارضاها لو انا اموت عليه

لأن الضرة مرة..

وضرتك ماعندها دم والله المفروض إنها تخجل من موقفك العظيم وما توافق ع الزواج..


الله يعينك ويصبر قلبك..

دمتـــــــــــي بحفـــــــــظ الـــــــرحمــــــــــــــن غاليتــــــــــي،،

اللهم آمين
أسأل الله أن يرده لي ردا جميلا
يعطيك العافيه على ردك
والتساهيل كلها من الله
وما نحن في هذه الحياة إلا عابري سبيل
وننتظر جزانا من رب العالمين
الله يحفظك ويرعاااك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1