Saydt_al3sh8 ©؛°¨غرامي مشارك¨°؛©

لعبتوا براسي لين علمتوني آڝۈْڷ.. آڷمڕجڷه ..

لأول رواية لي واول ما خط به قلمي التي اتمنى ان تنجح بالعبور لبحر الرويات ... أقدم لكم وبكل تواضع روايتي الأولى ...
الرواية التي جمعت بين المشاعر (الحب – الحزن – الوحدهــ وأخيرا الآااام العشق و مآسيه )

أما الآن اترككم مع روايتي

(( لعبتوا براسي لين علمتوني آڝۈْڷ.. آڷمڕجڷه)) ..
ملاحظة ما اسمح لأي احد ينقل روايتي بدون ما يذكر اسم الكاتبة اللي هي أنا : ((Saydt_al3sh8))

نبدأ بتعريف الشخصيات :
بيت بطلتنا
بيت بو جميلة >>>
جمول : 20 سنه - شعرها بني غامق – جسمها متناسق – بشرتها سمرهــ شوي- عيونها بني غامق – حواجبها مقرونه – قصيرة شوي – خدودها محمره وشفيفها بعد ... ماخذهــ بعض ملامح جمان ... عمرها...
جمانه: الشخصية اقتبستها من رواية (صحيح بنت بس اقدر اعلمك اصول المرجلة)
: 19سنه .. شعرها بوي مرا .. ولها سوالف من اذنها .. تضبطها وتخليها احسن من الولد .. عليها جمال غير طيبيعي .. بس لو حست انها بنت .. وخلت المرجله .. وقتتها تطيييييح الطيير من السمما .. .. لها وجه ابيض .. وخدوودها محمريين .. ولها شفاايف خطييره صغيرا و توتيه وخشممها سللت سسيف .. لها نغزتين على خدوودها تميزها لو بانت ضحكتها ..و حاجبينها مررسووومه رسم رهييب وعيلها قطع على اخرها مثل الاولاد .. وعيونها شي يذبح .. لو اتكلم من الحين لبكرا ما اوفيها .. ولها جسم رشيق ومتناسق .. اسم الشهره لها في كل مكان جماان.. .. مغرووووره وشاايفه نفسهاا .. بس خواافه شوي... وهي ما عندها بست فرند يعني تعتبر نفسها البست فرند وهي دايما تحب تقعد لوحدها – وااايد تحب تفكر ..... و الكل تعود يكلمها بصيغة المذكر (( يعني لا تستغربون))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
أخوال (( جمول وجمان ))
-1بو محمد ((علي))
عندهــ ولدين وبنت هم :
محمد : عمره 21 سنة -عيونه واسعه لونها عسلي ... .. وفيه ملامح من حمدان ...
حمدان : 20 سنة - طيب مرهــ وشكله حلو .. طويل ومعضل ويحب ينكت و ومخلي حياته ضحك وفرح ومرح ولعب ... (راعي سوالف محد يقدر يسبقه فــ سوالفة ) عمره...
نور: 19سنه شعرها EMO girl)) اسود و قصير – عيونها سودهــ -بشرتها بيضة مرااا – مركبة تقويم – شكلها عذاب (( بس جمان احلا منها طبعا هع )) هي مسترجلة بس شوي ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
2- خالتها ((هدى))
عندها أربع أولاد و بنت وحدهــ :
مؤيد : 22سنه – طويل – ابيض – شعرهــ ناعم – خشمة طويل وهاادي بس عليه سوالف ... وحواجبة مقرونه وعيونه سودهــ - مركب تقويم - نايس مرااا عليه رجولة ااااه تذوب القلب خخخخ ...
مشعل : 21سنه – له جسم قوي ومعضل – عيونه عسليه – مطيح كل البنات – شعرهـ طويل بس يقصة ...
زياد : 20 سنه –يشبة مؤيد كأنه مؤيد الصغير- بس زياد اسمر من مؤيد ...
زايد:19سنة – ما يشبه إخوانه وايد – عيونه عسليه- جسمة شوي متين – شعرهــ ناعم مطولنه لين كتوفة ...
غلا:18 سنة – حبوبة – عيونها واسعه سودهــ وشعرها طويل لين نص ظهرها – وهي البنت الوحيدهــ علشان كذا خوانها يغارون منها لأنها دلوعة الماما والبابا و أخر العنقود ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
3- بيت خالها بو سالم ((سعيد ))
عندهــ ثلاث أولاد و ثلاث بنات ...
سالم:21 سنة – متوسط الجمال- يحب دراسته لدرجة كبيرة وهي كل اهتماماته (طالب علم ) خخخخ – هادي .
سمية : 20 سنة- فتاه مغرورة شوي – عليها حركات طفولية – دايما تبداا المشاكل بين خوانها وتقعد تتفرج عليهم ههههه
مشاعل :19 سنة حلوة – هادية – طيبة – ما يخصها بحد – طالعة على اخوها سالم (طالبة علم تحب الدراسة )
منيره :جميلة – شعرها طويل يوصل لين كتوفها- بشرتها حنطية
شهاب وذياب: نفس الشخصية تقريبا – يحبون ينرفزون الواحد – الدنيا بالنسبه لهم ضحك ولعب – يحبون الجلسات العائلية – يقلدون بعض فــ كل الاشياء خخخخ


Saydt_al3sh8 ©؛°¨غرامي مشارك¨°؛©

البارت الاول
قاعده فــ السكة بعيد عن عيال اخوالها لابسة دشداشة و شماغ... سرحانة تفكر بــ وايد اشياء ... تتذكر الماضي قبل ما تكون مسترجلة تتذكر كيف كان شكلها قبل ما توصل لهذا الحال ... تتذكر لما صديقتها بدو يزرعون بها "الرجولــــــــة" تذكرت كل شي ...
حست بأحد يقترب لها رفعت عينها بعربجة ..
وقالت : خير
رد عليها ..... : انت شببلاك كذا
ردت: مالك خص ... روح انت و وجهك ..
زايد : هين يا جمان انا اورجيك.... ( دفها لين لصقت بجدار السكة)
(متعوده على دفاشتهم ههههههه )
ناظرته بعصبية وهو يضحك... وقالت: قسم بالله لو ما رحت من هنا ...
وقاطعها وهو يضحك: يا ولد يحمش انت ههههااااي ..
*عصبت وقامت دفته ومشت مشيه كلها رجولة وهي حاطة يدها بجيبها بعد ما عدلت الشماغ حقها ...
مشعل و مؤيد وزايد (( راحو صوب زايد ))
مشعل : ها شو قلت له ؟؟
زايد : ما يخصك صدق لقافه ...
زياد و مؤيد : ههههههه
*-*-*-*-*
فــ مكان ثاني فــ بيت بو حمدان ..
كان كل البنات فيه (( جمول – نور –سموي – غلا – مشاعل و منيره))
دشت جمان وفتحت الباب بقوه
البنات كلهم خافو ولبسو شيلهم (( على بالهم واحد من اخوان نور جاي عندها ))
كل البنات : بسم الله الرحمن الرحيم
نور : وجع
جمان وهي معصبة : يوجعك
جمول: جمان وصلني البيت
جمان: لية؟؟
جمول: انا تعبت بروح ارتاح والوقت متأخر
جمان: امشي قدامي
والبنات كلهم يطالعون جمان بنظرات اعجاب ..
جمان:خير؟؟
مشاعل : هاااا
جمان ضحكت ولفت لختها اللي كانت تلبس نعالها : اقول بسرعة هههه
البنات حسو بأحراج وقعدو يكملون سوالفهم ..
*-*-*-*-*-*-*
فــ الطريق للبيت
جمول ماسكه يد جمان ... جمان شافت اولاد اخواها قاعدين عند السكة
اللي يدخن واللي يطقطق بــ جواله و ـــ ــــ ـــــ ....
رجعت نظرها لأختها وقالت: هههه اللي يشوفج يقول خويتي
جمول: لا والله ><
جمان : اجل ليه ماسكتني كذا ؟؟
جمول عصبت و وخرت يدها ... ><
جمان مسكت يد جمول ورجعتها مثل ما كانت.... (عايشين الدور خخخخ)
ألا تسمع صوت يناديها: جمان يا جمان وكان يزعق .
لفت وراها لقت الصوت جاي من أولاد أخوالها الا مشعل يناديها
وقفت وقالت: جمول انتي امشي وانا وراج
جمول:طيب
جمول مشت بخطوات بطيئه من الخوف... خايفة تمشي بروحها فــ الشارع.
*-*-*-*-*-*-*-*-*
عند جمان وشلت الشباب
مشعل: من ذي ؟؟
جمان تريد تحرق اعصابهم: ((حبيبتي)) وناظرته بحده
مشعل: وش ذا الكلام .. انت ما تستحي تقول ذا الكلام قدامنا ؟؟
جمان: و ليه استحي؟! يا حبيبي الشباب ما يستحون...
الكل يطالع جمان اللي خلاص ما عادت تعتبر نفسها من البنات حتى 1%
وطالعتهم ومشت بتجاه جمول وهي تضحك ..
والاولاد بعدهم يطالعونها و مستغربين حدهم >>>×<<<
مشعل مسكها من كتفها : هي انتي وش اللي قاعده تسوينه مع بنات الناس على بالج انتي واحد منا ؟؟
جمان عصبت من كلمة ((انتي)): هي انت! شو انتي ؟؟ شايفني خكري قدامك ؟؟
والكل ساكت و ينصدم كل شوي اكثر من كلامها\مشعل عطاها نظره وقال: ما سألج مره ثانية... من ذي البنت جاوبي ...
جمان بعصبية :مالك خص ... ((بس كانت تعبانه وما تريد تزيد المشاكل فــ سكتت شوي وكملت)) :وعلى العموم ذي اختي ..
مشعل حس بأحراج وغضب وسكت ورجع البيت وهو قاعد يفكر بـــ اللي صار... وترك الكل بصدمة من اللي صار قدامهم..ــــــــــــــــــــــــــــــ..
جمان مسكت يد اختها ورجعت البيت ونفس الشي هي قاعده تفكر لين نامت...
ــــــــــــــــــــــــــــــــــــــــــــــ×××× ××
اليوم الثاني فــ بيت بو سالم خال جمان ...
كل البنات متجمعين بغرفه وحده... يلعبون ويسولفون ويضحكون ..
والاولاد فــ المجلس يسولفون...
وجمان كانت تتمشى ولابسة ((شورت اولاد اسود مع قميص فراري و جوتي سبورت ابيض))
عند البنات
قامت جمول تشوف جمان لأنها اليوم ما جات عندهم قالت بتجي بعدين.. طلعت برى تدور عليها ..
راحت صوب حديقة بيت عمها شافت واحد لابس شماغ و دشداشه و واقف و معطيها ظهره ..
(( بما انج مول طلعت قبل ما تشوف جمان يعني اكيد ما بتعرف شو لابسه))
فراحت ركض على الولد وحضنته من ظهره << على بالها جمان ...
الولد استغرب ...
× يا ترى من هذا الولد ؟
×شو بتسوي جمول لما بتعرفة ؟
توقعاتكم للبارت الجاي
مع تحياتي : Saydt_al3sh8


Saydt_al3sh8 ©؛°¨غرامي مشارك¨°؛©

البارت الثاني
بعد ما حضنته لا هو تكلم ولا هي بعد .. راحت جمول قدام الولد رفعت عينها شافته (مطير عينه فيها) انصدمت لما شافته ((سالم)) ما قدرت تتكلم بس كانت ساكته وبعدت عنه...
سالم: جميله؟؟
جمول:.......
سالم : شو بلاج؟؟
جمول جمعت قوتها علشان ترد عليه... ردت وهي مب قادرة تتكلم: أ..أ..أنــ ااا
سالم: انتي شو ؟؟ (( هو يريد يضحك بس ماسك نفسه ... اونه عاد حركات))
جمول: انا ادور على جمان فشفتك على بالي هو ><
سالم:امممممممم اوكــ صار خير بس مب أي حد تشوفينه تركضين تحضنينه ...(وسكت لأنه خلاص بيضحك ) ورفع راسها وهو مبتسم وغمزلها و مشى ...
جمول تريد تصيح وقعدت تدعي على نفسها مليون مره من هذا الموقف... ومشت للمطبخ تريد تشرب مويه ...
ــــــــــــــــــــــــــــــــــــــــــــــــــ ـــــــــــــــــــــــــ
بــ الصدفه كان سالم فيه وشرب ماااي و اخذ لـــ حمدان..
اول ما راح صوب الباب... دعم بــ بنت اللي هي جمول وتلعوزت ملابسه كلها مااي.. جمول رفعت راسها شافت سالم مره ثانيه ... قالت فخاطرها: اففف كل ما اروح مكان ألقاه قدامي
و سالم نفس الشي...
سالم:افففففف لا يكون بعد محسبتني جمان؟؟
جمول سكتت
سالم طالعها وضحك وراح يفصخ الدشداشه...
قال لــ جمول : وش جابك هنا؟؟
جمول: اريد ماااي
سالم سكت ودخل المطبخ وطلع وهو ماسك كاس ماااي... مد ايده يريد يعطيها الكاس ...
خذته وقالت : ثانكس
سالم يريد يحرجها:امحقها من انجليزيه... حتى لغتكم نسيتوها ..
جمول سكتت وبعدين قالت: خلاص ... شكرا ><
سالم ضحك بصوت عالي و جمول عصبت
سالم : العفو... هيه كذا ابيج ... وفتح يدها وحط الدشداشه وقال: لو ما عليج امر خذيها عند ميري.. ^^
جمول ابتسمت:طيب
سالم طلع متجه لغرفته, وشاف بطريقه حمدان ... (جمدان) = كان مراقب- قاعد يشوفهم من اول ما دشو المطبخ بس من بعيد (هههه ملقوف)
سالم فخاطره: اففففف مب فايج للقافة حمدان الحين بيقعد يسأل ويستفسر ولف على ورااا شاف جمول ماسكه الدشداشه قال: كملت !!
حمدان قرب لسالم وقال : هلا
سالم:اهلين
حمدان:طولت هذا كلا تشرب ماي؟؟
سالم: مالك خص
حمدان (انا ارويك مالي خص هااا ) وقال: اوكـــ وين تشداشتك ؟؟
سالم اففف يــ اللقافه: تلعوزت بــ الموويه
حمدان:كيف ؟؟
سالم: انكبت عليها
حمدان:اهااا (وسكت شوي) وقال: اوكــ وين هي الحين؟؟ وطالع جمول وغمز لسالم...
سالم:خير شفيك تغمز ؟؟
حمدان:هههههههه ماشي ((وهو يطالع جمول))
سالم: ايه انت و افكارك الوسخه عطيتها بنت خالتي تاخذها للخدامه ..
حمدان: اهااا بس ليه ما رحت انت
سالم:بروح ابدل افففف منك >>وعصب و راح !!
حمدان ميت من الضحك عليه وعلى شكله وقال:باااااااي
سالم ما رد عليه ودش غرفته وسكر الباب بقو ...><
ــــــــــــــــــــــــــــــــــــــــــــــــــ ــــــــ
عند جمول...
عطت ميري الدشداشه ورجعت ادور على جمول راحت الحديقة حقت بيت عمها وشافت جمان متسانده على الشجرة وحاطة على وجها كاب ورايحة ف سابع نومه ...
جمول صرخت: جماااااااااااااااان
جمان فزت من نومها وهي مرعبة وقالت : بسم الله من ذا الجني
ضحكة جمول بس ما بينت ضحكتها ومسويه فيها معصبه وقالت : انا جنيه ؟؟ انا اورجيك ... من متى وانت نايم ؟
جمان: والله تمشيت شوي وبعدين ريحت تحت ذي الشجرة وراحت علي نومة .
جمول (( باستهزاء)) ياي ع البساطة والجو الشاعري قم بسك نوم يالله نمشي داخل قامت جمول ومسكت يد جمان ودشو البيت وشافهم سالم وهو طالع ممن غرفته
سالم: جمول من ذا ؟؟؟؟
جمول: جمان
سالم ضحك : اهاا متأكده ؟؟
جمول : هههع اااايه
سالم: تأكدي لايكون مب هو؟؟((وسكت شوي)) وكمل لا يكون ماسكة واحد من خواني وانتي مب دارية هههههه
وجمان ساكتة مب داريه وش السالفة
جمول تنرفزت من مصخرته ومشت وخلت جمان وسالم
سالم: هلاا جمان وينك مختفي من امس مب شايفك
جمان: اهلين ...والله شسوي بزي كح كح
سالم: امحق من شغل .. غير تلفلف ف هالشوارع والسكيك والقعدة معنا
جمان : وينهم الشباب ما شفتهم ؟؟
سالم : ف المجلس
جمان : اهااا .. اجل بروح لهم بععد شوي... وطلعت فوق
ف المجلس .. سوالف الشباب ما تخلص خاصة حمدان اللي اول ما شاف سالم قعد يستهبل عليه ..
حمدان : ها سالم بدلت وغمزله,.,
سالم : يب بدلت يعني ما تشوف ...
عاد الكل عرف ان حمدان يبا ينرفز سالم ف حبو يشاركون ف الموضوع
حمدان: من شفت اليوم؟؟؟
سالم: شفت وجيهكم ><
حمدان : ما شفت حد غير ؟؟
سالم : لاااا
محمد: متأكد؟
سالم بدا يتنرفز
زايد وزياد : حبيبت القلب مثلا .!!
سالم : انا ما عندي ذي السوالف تحسبوني مثلكم
شهاب وذياب (حبو يدشون ف السالفة ) :اون ما عندي هالسوالف صدقناك يا خوي كااااااااااااك
حمدان : علينا ذا الكلام روح اخرط على هندي
سالم وهو معصب : بتسكتون ولا وش ؟؟
الكل:هههههههههههههههههههههه مايرضى على حبيبت القلب بس ما تعرفنا ههههههههه
سالم عطاهم نظرة سكتتهم ...
ــــــــــــــــــــــــــــــــــــــــــــــــــ ـ
كانت تمشي ف الممر وفجاة واحد يطلع ويقول بوووووووووووووو ويطلع من ورا االباب وهي من خوفها دعمت االجدار
محمد : نور خوفتك صح ؟؟؟ بس ماطلعت نووور
يااتراا من بتكون ؟؟
وش بيسوي ؟؟
وش بيصير لجمان وجمول ؟
توقعاتكم للبارت الجاي
مع تحياتي:Saydt_al3sh8


Rudy sweet ©؛°¨غرامي جديد¨°؛©

يسلموووووووووووووووووو ياقلبي من جد الروايه باين عليها حماااااااااااس مستنيه البارت الجاي لا تتاخري علينا ياقلبي

Saydt_al3sh8 ©؛°¨غرامي مشارك¨°؛©

من عيوني !!
وهذا البارت الحين خلصت كتابته
اتمنى لكم قرااءه مممتعه

البارت الثالث
انصدم لما لقاها "منيره"....>> ومنيره اول ما شافته ركضت فوق ...
على الدَرج ...
منيره تركض ودعمت بــ نور...
نور بستغراب: شفيج ؟؟
منيره : ولا شي
نور نزلت وشافت محمد يضحك
نور: ضحكنا معاك !!
محمد ما رد عليها وكمل ضحك
نور: الله يهديكم ويعطيكم العقل مالت عليكم ...
محمد: هههههههه
نور عصبت:افففففف وطلعت
ــــــــــــــــــــــــــــــــــــــــــــ ...
فــ اليوم الثاني ...
مشاعل كانت فــ الحوش تتكلم مع صديقتها...
شوق : صح بغيت اشوفج لأني بسافر بعد باجر !!
مشاعل: قولي والله ... وين بتروحين ؟؟
شوق: ماليزيا !!
مشاعل: اهاااا تروحين وتردين بــ السلامه ^^ اشوفج اليوم انشاالله
شوق :اوكيه باااي
مشاعل راحت عند اخوانها ((تريدهم يوصلونها )) لكن ولا واحد رضاا وكل واحد طلع له سبب ....
مشاعل كانت معصبه و زعلانه ... وراحت عند ابوها وعلامات الحزن باينه علي وجها ...
بو سالم: ها يا بنتي شفيج؟؟
مشاعل: يبه ... شوق ربيعتيه بتسافر بعد باجر واريد اشوفها ...
بو سالم: خلي واحد من خوانج يوصلج..
مشاعل: ولا واحد منهم رضااا
(وبصدفه مشعل كان قاعد وفرح لما سمع انم حد رضاا يوصلها وقال هاي فرصه ما تتعوض )
مشعل: انا بوصلج بس بعد اذن عمي طبعا !!
بو سالم سكت شوي وقال: ما فيها شي بس بسرعه
مشعل تشقق من الفرح وقال: مشاعل بسرعه روحي لبسي
مشاعل: انشالله دقيقتين وانا عندك
مشاعل راحت تلبس مشعل راح السياره ينتظرها ...
جمان دشت الصاله وشافت مشاعل تلبس عبايتها ..
جمان: على وين ؟؟
مشاعل: بروح اشوف شوق بعد باجر بتسافر
جمان: اهااا من زمان ما شفتها
مشاعل: تجين معي !؟
جمان: امممم اوكيه
جمان ومشاعل طلعو يدورون مشعل شافوه جالس فــ السياره راحو صوبه ودشو السياره ...
فــ السياره
مشعل فــ نفسه: افففف ليه جابت معها جمان؟؟ متى بنفتك من الرزهــ؟؟
( مشعل ما يطيق جمان من اول ما صارت بويااا ومعصب منها اكثر لأن كل العايله خلوها على راحتها ولا احد فيهم يعارض تصرفاتها الا هو بس بدا يطنش الموضوع ) ><
اول ما وصلو طلعو مشاعل و جمان ودخلو وقعدو مع شوق
شوق: مشاعل هذا دفترج .. نسيتيه عندي ...
مشاعل: وانا ادور عليه على بالي ضاع
مشاعل خذت الدفتر وطلعت معها وشافت مشعل وقالت: الله حلو !!!
مشاعل عصبت: اقول سكتي انتي ووجهك
شوق: من ذااا؟؟
مشاعل: ولد عمي
شوق: يحظج
مشاعل: على شنو؟؟ مالت عليج ,,, وراحت صوب السياره ..
فــ السياره
مشاعل كاانت ترمس مع جمان ومشعل معصب لأنهم حقروه (هع) وقرر يسوي فيهم مقلب !!
جمان: مشعل البيت من هنا
مشعل:ادري تعالي علميني
جمان: دامك تدري ليه ماشي من هنا؟؟
مشعل: باخذكم مكان وبنرجه البيت
مشاعل: لا ما نبي رجعنا البيت
مشعل: متأكدين؟؟ بس بتندمون
مشاعل سكتت... ومشعل ضحك عليهم وقال فنفسه: انتو البنات ما تجو نالا بــ العين الحمره ...يالله يا لقافتكن هههه..
وصلو مكان مهجور طلع وطلعت معاه مشاعل و لحقتهم جمان
وقفو قدام المقبره ... ومشعل كان يفكر بــ خطه علشان يكمل المقلب^^
مشعل: بقولكم على شي هو سر خطير محد يعرفه
مشاعل وجمان:...... ؟؟
مشعل: انا ذبحت واحد ودفتنه هنا ( واشر على واحد من القبور)
مشاعل ماتت من الخوف بس جمان كانت خايفه وتكابر
جمان: عاااادي
مشاعل:شو عادي يقول قتل واحد يعني نحد جدام مجرم
مشعل يضحك :ههههههههه
جمان: رجعنا البيت
مشعل: بعده وقت
مشاعل: لا والله
مشعل: ما تبون تعرفون كيف قتلته؟؟
جمان و مشاعل: كيف؟؟
:........ وبعد ما نرفزهم ولعب بــ أعصابهم شاف مشاعل تصيح..
مشعل: خلاص والله كنت امزح
جمان تستهبل: شكلك يبين انك مجرم ^^
مشعل: لا والله
وقاطعه صوت الجوال والمتصل شهاب: هلا مشعل...
مشعل: اهلين
شهاب: وين انت؟؟
مشعل: فــ الطريق ليه ؟؟
شهاب: استعجل و تعال بسرعه
مشعل: ليه صاير شي؟؟
شهاب: لا بس بو جمان جامع العايله و يبيكم كلكم
مشعل: اوكيه باااااي
مشعل: يلااا مشيناا !!
ورجعو البيت و مشعل طول الطريق يتمصخر عليهم لأنهم يصدقون بسرعه .... ههههه
ـــــــــــــــــــــــــــــــــــــــــــــــــ. ..
فــ بيت بو جمان...
الكل قاعد ينتظر بو جمان ...
بو جمان: السلام عليكم
الكل: وعليكم السلام
قعد وشاف الكل شباب وبنات وكبار العايله ...
بو جمان: انا جمعنكم علشان موضوع مهم, و مثل ما تعرفون انا قررت اسكن هنا علشان ام جمان تكون قريبه من اخوانها وكلكم تدرون ان شغلي كلا سفر وما اقعد ...
الكل عليهم علامات الاستغراب وخاصة جمان و جمول...
بو جمان: انا سويت شراكه بين شركتي وشركة خواني وخلاص انا بترك السفر وبستقر ...
بو سالم: خير وبركه والمهم ليش جامعنا؟؟؟
بو جمان: المهم يا بو سالم انا اشتريت فلا جنب فلل اخواني وبروح اسكن بجنبهم..
جمان: يبا لكن ..
قاطعها ابوها: يا بنتي لا لكن ولا شي.. انا من زمان بعيد عن اخواني وجا الوقت اللي ارجع اعيش بينهم... وان شاالله خلال هذا الاسبوع بننتقل...
جمان عصبت من قرار ابوها لكن ما قدرت تقول شي.. بس مجرد انها سكتت وطلعت براا ...
وما مر وقت طويل الا المجلس فضى وما بقى غير كبار العايله الشباب طلعوا اما البنات طلعوا فوق وتجمعوا فــ غرفة جمول ....
سموي مب طايقه أي احد لأن توأم روحها جمول بتروح عنها و جمول نفس الشي...
وجمان راحت غرفتها نامت (( حياتها كلاها نوم ^^))
فــ اليوم الثاني... و تحديد فــ بيت بو سالم ...
كانت جمول قاعده عند البنات ف الحديقه وسالم شافها من بعيد بس هي ما شافته و طلع من البيت و هو يتلفلف فــ الشوارع بــ السياره... شاف صوب سوق الذهب سنسله حلوه مرهــ ^^ ... وكان (قلب فيه مفتاح صغير يهبل)... فشتراهــ
رجع البيت (الساعة 10 بـ الليل )
سالم: السلام عليكم
جمول: وعليكم السلام
سالم: ليه واقفه براا؟؟؟
جمول: انتظر جمان
سالم: اهااا ... وسكت شوي وكمل : جمول عندي هديه لج ...
سالم راح صوب السياره ورجع وهو حاط يده ورا ظهره
سالم غمضي عينج و فتحي ايدج ...
جمول(غمضت عيونها و فتحت يدها) وسالم حط علبه حلوه بيدها
وقال: لما ترجعين البيت فتحيها اوكيه...
جمول والفضول ذابحها ذبح: اوكيه
وجمان جات وسلمت على سالم ورجعو البيت ...
بعد ما تسبحت ولبست بجامه وستعدت لــ النوم تذكرت انها ما فتحت هدية سالم ... فــ راحت حري ومسكت العلبه.. فتحتها لقت داخلها علبه فتحت العلبه شافت ثانيه وكملة 4 بعدين قالت يمكن مقلب ولما فتحت الخامسه بعصبيه طار عقلها لما شافت السنسله ... :ياي تجنن ولبستها ونامت .....
توقعاتكم للبارت الجاي
تحياتي:Saydt_al3sh8


كبريآآآء آنثى ©؛°¨غرامي فعال ¨°؛©



البارتات رووووعه
بدآيهـ موفقهـ
انشآء الله راح أكون من متابعيك
بس ممكن تحددي موعد تنزيل البارتات


كبريآآآء آنثى ©؛°¨غرامي فعال ¨°؛©

البارتات روووووووعهـ
بدآيهـ موفقهـ
آنشآء الله راح اكون من متابعينك
بس ممكن تحددي موعد نزول البارتات


فديت عمان و قائدها ©؛°¨غرامي متألق ¨°؛©

غاليتي ..
الرواية روعة
و البارت أروع
موفقة في طرحك
في انتظارك دائما ...

روح زايــــد مستشــ¸.·* غرام *·.¸ـــاري

تغلق الروايه بسبب اعتذار الكاتبة عن اكمالها


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1