غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 91
قديم(ـة) 17-12-2012, 06:27 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق / الكاتبة : فديت روحه


بعد شهر من الاحداث الي صارت....
هبه:جاااد..
جاد:.......
هبه:جاد..
جاد:هممممم..
هبه:جااااااد..قوم..
جاد ومفتح عين ومغمض عين"ياقلبي عليه"
هممممم
هبه:جاد حبيبي قوم..
جاد ويالله يتكلم:و....وين!!
هبه:كأني حاسه بشيء..قوم..
فز من نومه لما استوعب ايش تقول وهبه خافت عليه لما قام بسرعه :
شوي شوي هدي نفسك..
جاد يبي يتاكد:حاسه بشي فيكي ولاده يعني..
هبه:ايه..
قام بسرعه للحمام يغسل وجهه كان واضح عليه انه مرتبك وخايف على هبه:
هبه:لاتستعجل فيني اتحمل بس انت لاتخاف..
جاد يكابر:من قال اني خايف بس انا خايف عليكي انتي ..
هبه وهيتطلع له ثوب :
ايه واضح ..
جاد وهو يلبس الثوب:اقول لبسي عباتك انتي شكلك تضحكين علىّ مافيكي ولاده ولااا شي..
هب وهي تلبس :حرام عليك والله فيني ولاده انا حاسه بكذا الالم يجي ويروح كل ربع ساعه..
جاد:انا اول مره اشوف وحده فيها ولاده وتجهز الاغراض وتسولف ولااا همها ..
هبه:لازم اصارخ يعني عشان تصدق..
جاد:لااااا هنا لاتصارخين ..بس في المستشفى لا تقصرين..
هبه مروقه ولا كأنه فيها ولاده صج:
حاضر عمي..
مسك يدها وهو يضحك:
تعالي ..تعالي..
ساعدها تنزل الدرج :
اقول لمي وخالتي ..
:لااا ماله داعي تصحيهم وهم نايمين..
جاد:حبيبتي بس لازم يكون معك احد ..
هبه:انت معاي..
جاد:هبه انا ماادري ولا اعرف في هالسوالف خليني اقوللمي احسن هي تعرف اكثر مني ومنك..هبه ماقدرت تتكلم لان جاها الم فضيع وشدت على يده بقوه ..عاد الاخ الخبص ماعرف ايش يسوي جلسها علىالصوفا وراحيدق على باب غرفة امه ..
ام جاد:خير يمه في شي..
جاد:يمه هبه بتولد والي يسلمك يمه لبسي عباتك وتعالي معنا انا وحدي مش عارف اتصرف..
ام جاد:هدي نفسك دقيقتين وانا لابسه ..
ساعدوها تركب السياره وللمستشفى ..
*******************
&&&&&&&&&
سعود:يلاااا عجلي بسرعه ..
رهف:ويش صاير مستعجل كذاا..
:ابي اوصل المستشفى قبل طلال هذي كل السالفه يلااا انا خلصت وانتظرك في السياره..
رهف وهي تلبس عباتها:طيب.
نزل سعود ولقى جدته تنتظره:
انا بروح معكم ..
سعود وهو يحب راسها :
وين طلال عنك..
ام خالد:نزل مستعجل هو وزوجته ومامداني اروح معه ..
سعود بقهر:اااااااخ سبقني النذل..
رهف وهي تضحك:مافي فايده من العجله..
سعود:امشي بس خلينا نروح..
مسكت رهف جدتها وطلعوا من البيت..
هناك طان طلال وايمان وام جاد وام هبه وجاد طبعاً الي كاسك البيبي بيده بشويش وخايف عليه يطيح وطلال واقف جنبه وناوي يجننه:
بنتكم اجمل منكم..
هبه وعارفه له:ابتدينا..
جاد:حلاتها اجمل منا..
طلال :بس كان صبرتي عليها شويه في بطنك صغيره مررره..
ام جاد:الله يهديك ويش هالكلام..
طلال:والله خالتي شوفي خشمها مرررره صغير الظاهر متسلفينه من عند الجيران..
جاد وهو ينزل بنته في سريرها:
لحظه ..لحظه ..قول لا اله إلا الله بسرعه..
طلال مسوي بريئ:
وانا ايش قلت ..
دق الباب ودخلت ام خالد وسعود ورهف:
السلام عليكم ..
الكل:وعليكم السلام ورحمة الله وبركاته..
سعود حاقد على طلال ليش يسبقه:
انت شلون تطلع من البيت ولا تقول..
جاد مروق حده:صحيح غلطان المفروض تعطي خبر لحرمك المصون قبل ماتطلع..
انفجر طلال من الضحك والي حوله..
سعود:ايه شعليك نكت على حسابنا ولا يهمك صاير اليوم ابو محد يلومك..
وراح وسلمعليه وبارك له :
والحين بعد ّ انت وهو خلوني اشوف زوجة ولدي ..
هبه :نعم اسفه اخوي ماازوج بنتي لواحد اصغر منها بعدين يعايرها..
سعود:ولااا انا الي ابيها عاد بس قلت اجبر بخاطرك لانها بتطيح في كبدكم..
امخالد:حدك عاد هذا بنت الغاليه والغالي..
وجات تسلم على هبه هي ورهف..
جاد:هاااا انا ماقلت شي من عندي هذا كلام جدتي..
سعود :افااااا واحنا مو غاليين..
ام خالد:كلكم عالين على قلبي والله يحفظكم لي ..
الكل :ويحفظك لنا ان شاء الله؟..
سعود راح للبنوته في سريرها :
بنتكم تلحس المخ..
عصبت ام خالد:اذكر الله ياولدي لايصير في البنت شي ..
سعود بسرعه:لااله إلا الله.. لا اله إلا الله..
ام خالد:ايه ترا الطفل مثل الزهره بسرعه يتاثر..
سعود:ماشاء الله ياكثر مدافعينكم ..
طلال:إلا ماقلتو ايش بتسمونها..
سعود:واخيراً بنعرف الاسم المتخبي..
جاد وهو يشبك اصابعه في يد هبه ويبتسم:
بنسميها اماني..
هبه تبتسم:اماني جاد وهبه..
ام هبه :الله يخليكم لها ان شاء الله..
الجميع:امين...
*********************************
&&&&&&&&&&&&&&&


الكل كمل حياته وكل الاحداث السيئه الي صارت حاول الجميع ينساها وصارت من الماضي مر الوقت عليها وعليهم وتعلموا فيها دروس وتأقلموا على واقع ان الدنيا ماتعطيك كل شي انت تبيه ولا تعيّشك في سعاده دائمه ومهما عطتك لابد في يوم تأخذ من عندك لان دوام الحال من المحال....
****************************
وهذي بعض الاحداث مع بعض من ابطالنا..

احمد تزوج نوره وشغله بالشركه ومشروعهم خلاه يقدر يهدم بيته ويبنيه من جديد وكل اسبوع لهم يومين يجتمعون في شوق وايمان واحمد ونوره وطبعاً ام احمد الي تجمعهم..
ايمان وهي تجلس بشويش على الصوفا:
ااااخ ياظهري .."لانها حامل"
احمد:قام الدلع..
ايمان وهي ترميه بالمخده:والله لو نوره الي قالت كذا ماقلت لها دلع..
احمد وهو يطالع في نوره الي تضحك عليهم:
عاد حرمنا المصون غير..
ايمان وهي ترفع حاجب:
ايه صحيح غير نسيت انها جابت الماي البارد على راسك ومن يومها وانت موانت ..
نوره ترمي المخده على ايمان:يالبطه لا تذكرينه..
احمد انفجر من الضحك ..
شوق:ويش سالفة الماي البارد هذي الي دائماً تذكرونها ابي اعرفها انا..
ايمان بلقافه تبي تحر نوره:
هذي الله يسلمك ..
نوره :واااااي على اللقافه هذا الي ببطنك بيصير نشرت اخبار على كذا...
شوق واحمد يضحكون و ايمان سفهتهم:
اقول مالت وانا اليعامله لكم حساب وبقول لكم قصة الرجال الي جاته المويه البارده على راسه ودخل في الحب بس ماراح اقول..
ام احمد:يايمان انتي وشوق قوموا يمه كل وحده تدق على زوجها عشان يجون يتغدون..
شوق:يمه انا توني مكلمته ويقول انه جاي بطريق..
ام احمد:وانتي ياايمان كلمتي طلال..
ايمان:لااا يمه الحين اكلمه...
%%%
وهذي حياة بيت ام احمد الي الله عوضها على صبرها خير قدرت تربي عيالها تربيه صالحه وتستر على بناتها وتزوج ولدها الي بقى لها في هالدنيا من غير مساعده من ابوهم الي تخلى عنهم وتركهم لزمن ...والحين الكل يحبهم ويحترمهم ويعمل لهم حساب..
**********************
فهد وساره...
رجع من العمل والشمس صاكه راسه من حرارتها :
سااااره ...ياسااااره..
جاته ساره بسرعه :
خير فهد فيك شي؟!!
فهد:جيبي لي حبوب بندول عندي صداع فضيع..
ساره راحت وجابت له وهواخذه وشرب عليه الماء وتمدد على الصوفا..
ساره:صحه وعافيه ..
غمض عيونه ومارد عليها وهي تركته وراحت تكم شغلها بس بدر الي كان يلعب شاف ابوه في الصاله وراح يضرب فيه بالعبه ..
فهد :سااااره تعالي شيلي ولدك والله ترا ماراح تشوفينه إلا معل في الشجره..
بدر الي عمره الحين سنه ونص ابتم لما سمع ابوه فكر انه يكلمه وراح لعند وجهه وزاد الضرب ..
فهد:ساره يالمزعجه انتي وولدك تعالي ..
جات ساره طايره واخذت بدر الي جلس يصيح ليه امه تبعده عن ابوه..
ساره :فهد قوم ريح لك في الغرفه احسن لك من النومه على الصوفا وازعاج بدر لك..
فهد يعاند:ماراح اقوم وانتي مسكي ولدك لين يخف الم راسي .."ابو النذاله"
انقهرت منه صيحيح كسر خاطرها انه مصدع وشكله يعور القلب بس احسن له يصعد غرفته ..سحبت نفسها للمطبخ تكمل شغلها احسن لها من انها تفكر في اسلوب فهد معاها الي دائما يقهرها..بعد ساعه طلع بدر لهاشعر ابيض لانه محبوس في المطبخ وتخاف تخليه يطلع ويروح لبوه ويعصب عليها..
شويه دق باب المطبخ رفعت راسها لقته فهد يبتسم:
ممكن ادخل
ساره بنص عين منقهره منه ومن اسلوبه:
انت دخلت ليه تستأذنبعدين البيت بيتك والمكان مكانك انت الداخل واحنا الطالعين..
فهد عارف انها مااخذه على خاطرها منه:افااااا هذا بيتك انتي مش انا..
:من قال!!
:انا اقول ..
خف الصداع حقك..
:ايه ..
:علشان كذاا .
:شلون مافهمت..
:ناسي نفسك قبل ساعه جالس تزف فيني وتهزء والحين البيت بيتك ..
:والله اني كنت مصدع وانتي تعرفين لما اكون مصدع ماارعرف احد ..
:ماتعرف احد و تجرح فيني..المفروض نتساعد مش تبيني اساعدك وانت مش باين في عينك اي شي اسويه..
فهد وعارف غلطته:
والله ماقصدت حبيبي يلااا عاد لاتزعلين..
ساره:من متى انا مزعجه هااااا.
راح وحاوطها بيدينه:لما قلت مزعجه ماكنت انا الي اتكلم ..
ساره وتمشي معه بتشوف اخرتها:لاااا والله اجل مين..
:الصداع..
:اجل اذا صدعت مره ثانيه اصعد فوق لايزعجنا صداعك بكلامه الجارح..
حط يده على خشمه:على هالخشم..
والتفت يدور بدر ويشوف الدنيا مقلوبه فوق تحت في المطبخ:
ايش صاير هنا معركه ..
ساره وهي تاخذ الملاعقمن عند بدر :
معركه وولدك المنتصر فيها ..
ضحك:يسلم لي قلبه الحلو تعال خل الماماتخلص شغلها ..
ارفع بين يدينه وطلع من المطبخ وساره كملت ترتيب ..وهذا حالها مع فهد الي دائماً يقول كلام ويرجع يراضيها وهي تحاول تتاقلم عليه بس طبعه بالنسبه لها صعب مهما حاولت..
**************************************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 92
قديم(ـة) 17-12-2012, 06:28 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق / الكاتبة : فديت روحه


راكان وكأنه حاس بذنب انه ترك اخته وهي في امس الحجه لها والحين ناوي يعتذر منها ..
راكان :اقول عهود ..
عهود وهي تاخذ فنجال القهوه :خير..
:شخبار هبه!!
عهود تطالع فيه :ليه تسأل !!
راكان يعترف:بصراحه انا منحرج منها اني خذلتها وماوقفت معاهاوهي كانت بحاجتي..
عهود :يعني على كلامك ناوي تصالحها..
:تتوقعين تقبل.!!
:انت عارف اختك قلبها كبير وماتشيل على احد ..هي مره سالتني عن رايك في موضوعهم ..
:وايش قلتي لها!!
:قلت لها الحقيقه..
:وايش هي الحقيقه !!
:انك مش عارف اذا كنت معاها ولاامع عمي وتحس انا السالفه فيها حلقه مفقوده..
:وايش قالت هي!!
:تقول انها مش زعلانه منك..
:والله!!!
:والله العظيم..
:هالبنت قلبها ابيض..
:ترا اذا تبي تزورهم هم نادراً مايطلعون من البيت..
:تتوقعين ناموا الحين..
رفعت يدها تطالع الساعه:
لااا تو الساعه تسع..
:اجل قومي نروح لهم
:مستعجل..
:ايه وبصراحه انا مشتاااااق لختي وبنتها وابي اشوفهم الحين..
:واخوووي!
وهو يبتسم:واخوكي ولا تزعلين يلا قومي لبسي..
:يلااا وقامت وجهزت وراحوا.
وبكذا رجعت الاسره شبه راضين على بعض مابقى غير اثنين..
*******************************
عبير بعد ماام هبه تركت البيت وفواز قاطعها مايكلمها ..مرت عليها فتره مش هامها بس لماطالت المده تعبت نفسيتها ..لعدت اسباب...اهمها:شغل البيت صار كله على راسها لان ابو فواز رافض يجيب شغاله ويمشي لها راتب ..ثاني شي تجاهل الكل لها وخصوصاً فواز و محمد ماكان يتواجد في البيت كثير وابوها وجوده وعدمه واحد لانه مايسال عنها وهي ماتسال عنه إلا اذا احتاجت فلوس فواز الوحيد الي كان يداريها والحين هو زعلان منها ...بعد فتره حست بالذنب من الي سببته له من احراج وتعب بسبب هبه وام هبه بس ماجربت تعتذر ...
في يوم جاء ابوها الي ماتأثر من غياب ام هبه عنه وخبرها بالخبر السعيد بنسبه له انها راح تتزوج من هامور من هوامير الشوق..بالاول فرحت بس بعدين لما عرفت انها بتكونالزوجه الثالثه في حياته رفضت بس ابوها جبرها عشان مصلحته والفلوس الي تاركهافي البنوك اضطرت توافق بعد الحاح ابوها وتتزوج وبعدها بفتره لما شافت الجحيم معه ومع زوجاته عرفت ان الفلوس مش كل شي بالدنيا بس بعد ايش ماتقدر تغير من الماضي شي بس كل الي تقدر تسويه انهاتكسب ثقة اخوها وتعتذر منه وفعلاً اعتذرت من فواز وهو قبل الاعتذار لان قلبه كبير ..
فواز دور له بنت الحلال وتزوج وحاول يكمل حياته معاها كانت انسانه طيبه وحبابه نسته هبه مع الوقت..
******************************
اريج بعد ماانتشرت قصتها عند الجيران والكل عرف عنها حتى جاد وهبه ...اهلها حبسوها في البيت وصارت ماتطلع منه ابد ودائماً جالسه بالحالها في غرفتها ورافضه تكلم احد حتى امها وابوها تعبوا معاها وجات لها حاله نفسيه اضطرو يدخلونها المصحه لين تتحسن حالتها ومرت عليها فتره وبعدها طلعت احسن من قبل صارت تجلس مع امها وماتفارقها إلا لما تنام ..مرت عليها فتره تجيها كوابيس ومانتام عدل من الي شافته بس مع الوقت نست ..
عبدالله عرف منها اسماء الشباب الي اعتدوا عليها الي ماكانوا مهتمين بالسالفه وراح وبلغ عنهم الشرطه الي قبضت عليهم وحاكمتهم وكل واحد اخذ جزاته ...مرت الايام على مصيبتهم الي محد يتمناها في عدوه صحيح جاد وهبه انظلموا على يدها بس ماكانو يتمنون لها مثل هالعقاب وهذا كله بامر الله ...ونعم بالله..
*******************************
الشباب طلال وايمان وسعود ورهف راحوا الحج وادو الي عليهم من فروض وواجبات هناك..رهف وايمان حملوا تقريباً في نفس الوقت..وفي يوم العيد..
جاد:بنروح بس اذا رجعنا وماصار شي لاتسوين مثل المره الي راحت..
هبه وتتذكر:ايش سويت!
جاد يذكرها:
تحبسين نفسك بالغرفه..
نزلت راسها وبوزت :حاضر !!
جاد وميت على شكلها لابوزت:اشوف من الحين ضاربه بوز ازيد من بنتك..
هبه وهي تعدل فستان اماني :انت ايش يضرك!!
جاد:لاااا مايضرني ..ايش يضرني فيه ..اقول لك من الحين اذا فيها زعل لاتروحين وماله داعي نعيّد بعمي...هبه:انت ليش تفاول يمكن يرضى ..
جاد:ان شاء الله يرضى وانا اكره بس احذرك من الحين ..
هبه:ياربي انا الي احبس روحي وانا الي ازعل انت ليش محتر..
جادمن قلب:لااا والله وانا الي انام في الصاله بعدين وانتي تتنعمين في السرير بالحالك...
هبه:اقول مااالت وانا الي قلت خايف علىّ من الزعل ..
ناظرها بنص عين وقرب منها ومسكها من خصرها وجلس يدغدغها وهي انفجرت من الضحك :
من له مالت هاااا ..
هبه وهي تضحك:مالت علىّ انا ههههههههههه هههه..
جاد ومازال يضحكها:من له مالت!!!
هبه منفجره:مالت عليك انت...
جاد زاد:من له ماالت!!
هبه : ههههههههه مالت على بنت الجيران زين..
جاد وقف :ايه كذا من سمعتك تقولين كذا يااا ويلك يلا روحي لبسي ..
لبست عباتها وهي تطالع فيه وتبتسم له وخايفه يسوي لها حركه منا ولاا منا ...راحو لبيت ابوراكان وهم عند الباب طلع لهم سعود مرتبك مررررره وماسك مفتاح السياره بيد وشماغه في يد ..
جاد:خير ويش صاير ؟
سعود:رهف بتولد تعال معاي ..
جاد وفيه الضحكه على شكل سعود وارتباكه:وينها هي الحين؟؟
سعود وهو يرجع لداخل :كانت وراي..
هبه عطت اماني جاد وراحت تساعد رهف مسكينه كان واضح عليها التعب..ركبو السياره وللمستشفى على طول وبعد مُعاناه جابت ولد والكل فرح فيه بارك لسعود عليه "الله يخليه له"
**************************************
ابوراكان وفيصل مازالو شايلين على جاد وهبه ومايكلمونهم ..هبه وجاد اذا صارت مناسبه في العايله او في العيد يزورونه ويبون رضاه بس مايقبل وهذا حال الدنيا ماتمشي مثل مانبي ومش دائماً تكون النهايات سعيده...
ام هبه بعد مامرت سنه على وجودها في بيت ام جاد الي تعودت عليها وبعد ماانقلب الكره الشديد لها الى حب واحترام ..ودعت الدنيا والكل يذكرها بالخير ودعت الدنيا بسبب مرضها الي اخذ منها الشي الكثير ..هبه تأثرت على فراق امها الي ما حست انها شافت يوم حلو بحياتها وحاولت في السنه الي قضتها عندهم انها تعوضها عن كل شي وفعلاً ماخلت شي ماسوته لها بس موتها كسر هبه من الداخل ويبي له فتره على بال ماتنسى...
******************************
&&&&&&&&&&&&&&&&
انتهت قصتنا واغلق الستار على جميع ابطالنا الحلوين ليكملوا حياتهم بعيداً عن اضواء القلم الذي يبوح ببعض اسرارهم ..ويبقى هناك الامل لهبه وجاد على ان يُقبل العفو عنهم من قبل ابو راكان الذي مازال متمسكاً برايه ويكابر على نفسه برغم من سعادة ابنته وهذا مايريد..
تبقى رابطة الاخوه بين هبه وطلال وسعود ...وتبقى الصداقه المتينه بين جاد وطلال واحمد وتفاهمهم وحرصهم على تماسك الاخوه في مابينهم..
الحب والعطاء بين هبه وجاد رغم الضروف الي مرت عليهم ..
الرومانسيه في اطار شرعي مقدس وهو العلاقه الزوجيه بين ابطالنا جاد وهبه ,راكان وعهود,طلال وايمان,سعود ورهف,احمد ونوره,تركي ودلال,فهد و ساره ..
حرصهم علىاستمرار علاقتهم الزوجيه وتضحياتهم لنجاحها مهما كان..
الطلاق والفراق واثاره الجانبيه الي يسببها على الاطفال والكبار وكانت ام هبه اكبر مثال في قصتنا..
عبير وابو فواز نماذج عن البخل موجوده في مجتمعنا وما ترجع عليه من نتائج واثار على من حولها والمشاكل التي ترجع على صاحبه ومن يعنيه..
اريج جزائها وهذا جزاء كل شخص يمشي في مثل هذا الطريق المنحرف ..
وفي الختام اتمنى ان تكون روايتي المتواضعه قد نالت على اعجابكم ورضاكم واتمنى ايضاً انكم احببتم ابطالي الاساسينجاد وهبه مثل ماانا حبيتهم وعشقتهم وعشت معهم...


تحياتي................
..******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 93
قديم(ـة) 17-12-2012, 06:28 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق / الكاتبة : فديت روحه


مشهد اخير للي يحب ..وحبهم.....
خلصت اشغالها وراحت تعدل غطى اماني النايمه في سريرها ..باستها وظلت واقفه تتاملها.."وفي بالها تتمنى لها حايه افضل من الي شافتها :انتبه لها جاد الي كان متمدد على السرير وناوي ينام قام لها ومسكها من خصرها وقربها لصدره وصارو اثنينهم يطالعون في اماني وهي نايمه ..سندت هبه راسها على صدره ..
جاد:ايش فيهم الحلوين سرحانين ..
ابتسمت :افكر في بنتك..
جاد:ايش فيها بنتنا!!
هبه:صايره ملاك وهي نايمه ..
جاد :طالعه على امها ..
زادت ابتسامتها ورفعت راسها تطالع فيه :يعني مش على ابوها..
جاد:انا جميل كذااا لاااا
هبه:ماتدري عن روحك اجل ..انت الجمال كله..
جاد:والله لاتكثرين الحين اشوف حالي ..
هبه:شفها وليه ماتشوفها ايش ناقصك..
جاد:الحمد لله ماناقصني شي دامك جنبي على طول ..
هبه :الله لايفرقنا ..
جاد:امين..
هبه تدري انا خايفه على بنتنا لا يصير فيها مثلي وتفترق عن الناس الي تحبهم..
جاد بعد عنها ولفها له وخلاها تطالع فيه وملامحه قلبت جد :
ماابي اسمعك تقولين كذا مره ثانيه انا غلطت مره وماراح اكررها صحيح مازلنا ندفع ثمن هالغلطه بس الايام الجايه صدقين بتنحل كل هالامور ولا تضايقين نفسك انت ..
هبه ومش عارفه شلون تقول كلمتها:يعني !!
جاد وفاهم عليها:
يابنت افهمي انا مااقدر استغني عنك انتي كل حياتي وعمري ولو كنت بتركك كان تركتك من زمان من يوم صارت المشكله مش الحين ..شيلي هالاوهام من راسه يابنت الحلال وخلينا تتام "وابتسم بمكروكمل"دام بنتك نايمه..
رفعت حاجب وابتسمت فاهمه عليه:ننام هاااا..
جاد وهو يضحك ويبوس راسها:
تعالي بس تعالي...

تصبحون على خيرررر..
*****************************
&&&&&&&&&&&&&&&&
تمت بحمد الله وتوفيقه..


اختكم فديت روحه ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 94
قديم(ـة) 17-12-2012, 08:07 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: ذبحني الشوق / الكاتبة : فديت روحه


بآإرت مره مره خخططير بانتظاار البارت الجاي حياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 95
قديم(ـة) 27-12-2012, 01:06 PM
صورة غيداء الريم الرمزية
غيداء الريم غيداء الريم غير متصل
©؛°¨غرامي فعال ¨°؛©
 
الافتراضي رد: ذبحني الشوق / الكاتبة : فديت روحه ، كاملة


تسلم ايدج على النقل

الصراحه قصه حلوه...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 96
قديم(ـة) 29-03-2016, 11:52 PM
stary stary غير متصل
©؛°¨غرامي فعال ¨°؛©
 
الافتراضي رد: ذبحني الشوق / الكاتبة : فديت روحه ، كاملة


روايه رائعه
وفقتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 97
قديم(ـة) 04-08-2019, 06:20 AM
صورة عاشقة ياسمين الرمزية
عاشقة ياسمين عاشقة ياسمين غير متصل
©؛°¨غرامي فعال ¨°؛©
 
الافتراضي رد: ذبحني الشوق / الكاتبة : فديت روحه ، كاملة


ابدااااع ما شاء الله

شكرا حبيبتي ووفقك الله

الرد باقتباس
إضافة رد

ذبحني الشوق / الكاتبة : فديت روحه ، كاملة

الوسوم
الشوق , الكاتبة , ذبحني , رؤيه , فديت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
مسموح يا من ملكت الروح / كاملة بنت شـ م ـر روايات كامله - يتم نقل الرواية هنا بعد اكتمالها 100 12-05-2010 03:09 PM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM

الساعة الآن +3: 03:30 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1