غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 01-12-2011, 07:49 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


راح ابو راكان وسعود وطلال معه.وقف راكان يطالع هبة ..
هبة :خير اخوي فيك شي ؟
ابتسم وحط يده على خدها:لا بس انا جاوبت عنك ومدري اذا كنتي موافقه على الاستقرار ولالا.
هبة:تطمن انا فعلا قررت استقر عند ابوي وامي الحين مو محتاجتني الحين واولاد زوجها كبرو وراح يستقرون عند ابوهم يعني موجودين دائما في البيت وهذا مايجوز وماراح اخذ راحتي وهم بعد وهنا اريح لي وومنها اشوفكم كل يوم انتم اخواني واولى بي ..قراري من قلبي وماني متردده فيه ابد ..وانت ماقلت شي انا ماابي اقوله.
راكان :تسلمين طمنتيني هذا الي كنت ابي اسمعه منك ..ومسك خدها بقوة وقرصها ..
هبة وهي تصارخ :آآآآآآآآآآآه وجعتني اتركني .
راكان وهو يضحك:احد قال لك ربي هالخدود..
هبة وهي تمسح على خدها من الالم:الي يسمعك يقول عهود مافيها خدود ..آآآآآآه بس مردوده..
فيصل :ماشاء الله بنات العائلة كلها خدود..الله يعطينا مثل ماعطي البنات..
راكان وهبة مع بعض :يازينك ساكت..وضحكوا عليه
راكان :يلا انا رايح والعشاء جاهز خبري الحريم ...وراح.
فيصل:اصبر ياخوي خذني معك وانا ايش الي يجلسني مع الحريم هنا ..
راكان :ماادري عنك يمكن تطورت تبي شي ثاني غير الخدود هذي المرة ..هههههههههههه"راكان احيانا يكون جريئ ومايستحي"
فيصل:ظريف بس ماتضحك رجاءلاتعيدها ..
راحو وهبة تضحك عيلهم..
قاموا بعد ماخبرتهم هبة على العشاء وتعشوا الرجال في المجلس والحريم في الصاله ..وبعد العشاء جلسوا البنات سوالف ..
وره بعد مااخذة على هبة :والله حلاة الاجازه بسفره او طلعه هنا او هناك مش كله في البيت.
رهف:ايه صحيح ايش رايكم نتفق ونروح المزرعة جماعه ..

سارة:ايه خلاص احنا بنكلم امي وابوي ونروح مع بعض في نفس اليوم بس بشرط لازم نسبح في المسبح..
رهف:ايه اكيد اصلا حلات روحت المزرعة المسبح..
هبة:اجل خلاص انا بكلم سعود واخلية يقنع ابوي والبقيه.
سارة:سعود مااضن بيوافق..عرفوا يابنات انه مافي روحه ..
رهف تدافع:لااا حرام مسكين سعود..
سارة :والله مسكين ..سعود مافي اعند منه .
نورة:بس عشان مايخلينا ننبسط..
هبة وهي تضحك:تطمنوا راح يوافق..
سارة:واثقه الاخت ..
هبة:انتم حددو اليوم الي تبون نروح فيه وعلى مسؤوليتي .
نورة:ايش رايكم يوم الخميس الجاي .
هبة:طيب وانا راح اكلم كل وحده واخبرها .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 01-12-2011, 07:52 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه



ومرت الليله على خير ..لولا ام جاد الي كل شويه ترمي كلمه قويه على هبة واخر مرة انه :منال مطلقه ولولا لسانها الطويل وعمايلها كان ماتطلقت ..
هبة الي تضايقت من كلامها تحججت انها نست غرض في المطبخ..هنا رهف ماقدرت تتحمل امها ودقت على اخوها :
جاد:هلا..
رهف:جاد يلا خلنا نمشي ..
جاد :خير ايش فيك تو الناس باقي وقت ..
رهف وبسرعه عشان امها ماتنتبه :
لا مو تو الناس الوقت متأخر وعمي يبي يرتاح وانا بدا راسي يالمني ...يلا خمس دقائق واحنا طالعين..وقفلت الخط وماعطته فرصه يتكلم..وجاد مش فاهم السالفه..
رهف الي خافت من امها ترمي كلمه ثانيه على هبة قالت نمشي احسن ..نكدنا على البنت الله يهديكي يمه .وراحت لامها في الجه الثانيه ..
رهف:يمه جاد دق وقال يلا نمشي..
ام جاد وماكأنها سوت شي:تو حلت الجلسه ..اتصلي علية وقولي له بعد شويه..
رهف:يمه هو مستعجل يبغي يروح يرتاح ويقول 5 دقائق ونطلع له ولا راح يمشي ..وهي ماسكه نفسها لاتبان انها معصبه..
سارة ونورة الي لاحظوا وعرفوا السبب رحموها لهبة وعجبهم تصرف رهف الي تداري على مشاعر بنت عمها ..قاموا وراحوا لهبة وشافوها في المطبخ تشيك على الشغاله ..
سارة:لاتزعلين منها .
هبة تبتسم :هي ماقالت شي غلط كل الكلام الي قالته صحيح..
استغربوا سارة ونورة من كلامها ..
سارة:والله لو الكلام هذا على امي اكيد بزعل ..
هبة :انا الي ضايقني انه صحيح امي هي الي جابته لنفسها بس الصعب انك تسمعين احد يقوله لك ويذكرك فيه على طولحتى اذا الناس نست ..
هذا الشي كبر هبة بعيونهم.جأت رهف بسرعة لهبة وحبتها على راسها :
بروح انا الحين واكلمك الليله اوكي..يلا سلام.
وطلعت بسرعه هبة ورهف عارفين وفاهمين بعض وعرفت ايش سوت رهف لها من غير ماتقول شي..
ورهف طلعت قبل امها عشان تقول لجاد انه هو الي طلب يمشون في هالوقت .
رهف:اذا جات امي قل لها انك الي قلت نمشي ..
جاد بكل برود لانه مقهور ماكان ودة يمشي بس بسبت رهف قام :
والسبب؟؟
رهف:مافيه سبب؟!!
جاد:والله شايفتني بزر عندك ماافهم بتقولين ولا بعلم امي..
رهف:طيب بعلمك بس لاتهدد ..امي جات لا وصلنا البيت اقول لك قفل على الموضوع الحين ..ركبوا السيارة ومشوا ..
وبعد ياعة من السوالف راحت ام تركي وبناتها وزوجة ولدها ودخلت ام راكان وام خالد ينامون ..ومابقى غير هبة وعهود.
وعهود منحرجه منامها بس مش عارف شلون تبتدي :
لاتزعلين من امي ياهبة وامسحيها بوجهي .
هبة :انا ماني زعلانه هي ماقالت شي غلط ..
عهود:والله ياهبة ماني عارفة ايش اقول لك بس صدق اني منحرجة منك..
هبة:عهود انتي مثل اختي واكذب عليك اذا قلت اني ماتأثرت بكلامها بس فكرت فية لقيت انه صحيح وخالتي ماقالت شي غلط امي لولا طبعها ولسانها كان ماتطلقت بس هذا الي صار ومااقدر اغير فيه شي..
ومسحت دمعه طلعت غصب عنها ..قامت عهود وحضنت هبة الي حستها على صغرسنها فاهمه الموقف اكثر من الي اكبر منها ..
دخل راكان وشاف هبة في حضن عهود وتمسح دموعها جاء بسرعه مايقدر على دموعها :هبة خير ايش صايرلك.
عهود تو بتتكلم بس هبة قاطعتها وهي تبتسم:
مدري دمعتي اليوم بسرعه تنزل مثل ماقال سعود صايره حنونه..ههههههه.
مسك يدها :اكيد مافيك شي.
هبة في قلبها ياحبي له حنون مرة:
يعني ايش بيصير فيني ..بس زوجتك الله يهديها قالت لي قصه مؤثرة وتعرف انت الباقي ..
راكان مااقتنع بس مشاها وبعدين بيعرف السالفه من عهود..
عهود:ايش اسوي اذا سواليفي دائما حساسه ..
راكان:ايه دامك زوجة راكان اكيد بتصير حساسة ورومنسيه بعد..
هبة:اححححممم نحن هنا ..اذا بتترمسون روحوا بيتكم انا استحي .
راكان:طرده لبقة بس معليش انا الحين تعبان وابي اروح انام وبكرة جالس على قلبك..
هبة:عسل عسل ياخوي حياك في اي وقت ..
عهود:اقول حقوق الكلام ذا محفوظه لي انا بس رجاء".
هبة:اشتغلت الغيرة الحين اخوي ذا اخوي .
راكان :اقول خل نمشي عليكم ماراح نمشي لبكرة الصباح يلا سلام..
هبة:سلام ..
طلعوا من هنا وهبة ارحت غرفتها من هنا وحطت راسها تبي تنام والافكار توديها يمين وشمال لين نامت..
*********************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 01-12-2011, 07:52 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


في بيت جاد..كانوا تو واصلين وام جاد مسمعه ولدها محاضرة ليه يمشون في هذا الوقت وهي محدده وقت ثاني ..
جاد:يمه ليه انتي معصبه اذا تبغين تزورينهم بكرة روحي لهم هو بيت اختك مش بيت احد غريب ليه كل ذي المحاضره..
ام جاد:بس كان ودي اجلس ساعة بعد ماصفى الجو..يلا مثل ماقلت بكرة امر عليها وازورها .
وصلوا البيت ورهف راحت غرفتها لانها مالها خلق كلام وجاد انتبه لها بس قال لين امه تنام ويتفاهم معها..شكل امه مروقه والزعل من رهف مش من امه .
جلس مع امه شوي يسولف وبعدين استئذن وهي بعد دخلت غرفتها تنام ..
راح غرفة رهف الي كانت جالسه تدق جوال على هبة بس هبة ماترد..دق عليها الباب .
رهف:ادخل.
دخل جادوشاف رهف ماسكة الجوال وجهها وكأنها بتصيح..
جاد :فيك شي ..ومين تدقين عليه في هالوقت؟؟
رهف:ادق على هبة.
جاد:وليه ؟توك عندها وانتي الي قررتي نمشي .
رهف ماتكلمت ولا قالت شي لانها مقهورة.
جاد:خير ايش الي عندك..
رهف:ماعندي شي..
جاد وشده الفضول ويبي يعرف السالفه :
والله ...الحين طول الطريق وانت تسمعين امي وهي تكلمني ليه نمشي ولسه باقي وقت وانا ماعلمت عليكي والحين تقولين مافيه شي ..
رهف:والله ياجادسالفه تضيق الخلق ..
جاد:قوليها وانا بحكم..
رهف:انا عارفه انك راح تصف مع امي ..
عصب جاد:طيب قولي انتي الحين وخليك مني مع مين راح اكون....
رهف قصت على اخوها تلميحات من البدايه ..
جاد رحم هبة واول مرة يحس بها ويصف معها :
وهبة ايش كان موقفها من امي؟
رهف:هبة كانت تقدر ترد وكان الرد عندها بس هي تحترم امي وتقول مكانتها من مكانت خالتي ام راكان ولاتحب تغلط عليها ..وكل الي سوته انها ابتسمت و نزلت راسها ..
جاد خطر له خاطر ..كتف يدينه فوق صدرة وقال:
لو كان الموقف صار لك انتي كيف راح تتصرفين ؟
رهف:انا مش مثل هبة اصبر او اخلي شي في نفسي انت تعرفني زين مااسكت على احد يغلط علىّ.
جاد:طيب كملي السالفه .
كملت رهف السالفه وكلمت امها الاخيره لهبة الي خلت هبة تطلع من الغرفه بعذر ان عندها شغل وهي مغبونه ودها تبكي ..انا هنا ماتحملت وهبة متحمله عشاني وعشان جدتي وخالتي وبصراحه ومن وجهت نظري هي مو مجبوره انها ماترد على امي وامي تعاملها بقسوه كذا ولما رحت المطبخ اقول لها اني ماشيه سمعتها تقول لسارة ونورة :
ان امي ماقالت شي غلط وان كلامها صحيح ..صحيح هبة بنت عمي وصديقتي ونعرف لبعض بس بصراحه انحرجت وامي كل اشوي وقالت كلمه تسم البدن لهبة..
جاد:بس هبة مالها ذنب في كل شي قالته لها .
رهف:ايه عارفة "ومسحت دمع نزلت عصب "بس اكيد هبة تأثرت هي مو من النوع الي تبين مشاعرها اذا كانت حزينه وعندها قدرة انها تخفيها وتبين مشاعر ثانيه عشان كذا انا دقيت عليك عشان نمشي خفت امي ترمي عليها قنبله ثانيه..
جادوهو يبتسم:عشان كذا انتي الحين تدقين عليها ..
رهف:ايه بس ماترد..
جاد:يمكن نامت اتصلي عليها بكرة وروحي غسلي وجهك ونامي والصباح رباح
رهف:تتوقع نامت؟
جاد:ايه الوقت متاخر الحين يلا نامي وانا بعد بروح انام وهبة مثل ماقلتي ماراح تزعل منك تطمني ..وطلع من غرفتها ولاهف غسلت وجهها ونامت..
وجاد الي جلس في غرفتة ويفكر في الاشياء الي صارت اليوم وتخص هبة "والله البنت ذي عجيبة في يوم واحد اكتشف عنها اشياء واشياء طيبه وحنونه ومتسامحه ومحترمة وفوق كل هذا جمال يسحر..عيون بريئه وجذابه في نفس الوقت وفم صغير نص مليان وبشره صافيه وخدود حمرة يعني جمال ناعم صحيح خواتي عهود ورهف عليهم جمال بس جمال هبة غير ..عيونها فيها شي غريب يجذب صحيح جريئ بس في حدود الادب..وبصراحه ماينلامون عمي وعياله اذا حبوها لانها تنحب وتدخل القلب من اول نظره ..بس ليه يمه تعاملينها بقسوه كذا هي مالها ذنب..وظل على ذا الحال يفكر لين نام...
***********************
مر اسبوعين على العزومه..
هبة وهي تجهز الاغراض للمزرعه بعد ماكلمت سعود في اليو الثاني للعزومه وقال لها تأجلها للاسبوعين .
هبة:ليه بعد اسبوعين؟؟
سعود:لان عندي شغل مكثف في الاسبوعين الجاين ونخلص بعدهم ويكون شغلنا خفيف وانا ابي اروح معكم ..ها ايش قلتي..
هبة الي تبيه يروح معهم :طيب بس بعد اسبوعين مو اكثر ..
سعود:اكيد وانا اقدر اخالف لك اوامرك عمتي..
هبة:خلاص اجل بروح اخبر بنات عمتي ..
سعود:ليه وبنات عمي ماراح يرحون؟
هبة وهي تضحك:تطمن بيرحون راح نروح كلنا..
وراحت دقت على رهف :
هلايالدبه سلام
رهف:مالدبة غيرك ..كيفك؟
هبة:بخير وانتي..
رهف:الحمد لله...هبة انا اس......
هبة تقاطعها قبل ماتكم:
ماله داعي تتأسفين ولا تقولين شي مابينا هالكلام فاهمه انا ماني زعلانه طيب..
رهف والي ماقدرت ترد ظلت ساكته ..
هبة:وجع ان شاء الله انا اكلمك ماتردين..
رهف:ايش تبيني اقول بعد كلامك..
هبة:تدرين لو انا جنبك الحين ايش راح اسوي لك؟
رهف:ايش راح تسوين ؟؟
هبة ومعصبه:راح اعطيكي كف على وجهك بلا نكد وبعدين انا متصله اقول لك خبر حلو لاتخربين علينا الفرحة ..
رهف الي تعدل مزاجها اشوي لما شافت هبة وفرحتها :هااا انا اسمعك..
هبة:قلت لخوي سعود الله يخليه..
رهف بلقافة:ويحفظه من كل شر ..
هبة وهي تناظر في اخوها الي جالس بعيد في الصاله بس مايسمعها :
ترى يسمعك هو الحين .
رهف وبصوت خفيف:وجع ان شاء الله قولي امين..
هبة:اقول لايكثر انت ووجهك خلصينا ..
رهف:ايش رايك تجين عندنا اليوم ومنها تخبريني الموضوع الثاني الي قلتي عليه امس..
هبة:اسفه اليوم طلال اخوي بيوديني المكتبه والسوق انتي تعالي معنا .
رهف:طيب بس بقول لامي واعطيها خبر .
هبة:خلاص واحنا بنمر عليك جهزي حالك العصر اوكي...
رهف:ايه اوكي.
هبة:سلام .
رهف:سلام...
ودقت هبة على سارة وخبرتهم عن موعد الرحلة وفي العصر راحوا المكتبه والسوق وبعد مارجعوا للبيت ظلت رهف مع هبة في بيت عمها وهبة خبرتها بكل شي يخص فواز واخر الاحداث الي صارت ..
رهف:مجنون ذا ..ايش فيه..
هبة:علمي علمك بس بصراحه خوفني منه كلامه ونظراته ..بس الحمد لله اني قررت استقر هنا كل شي صار منه بذيك الليله ماريحني ..يلا الله يبعده عني ..
اشوي الايدق جوال رهف..
رهف :هذا جاد"وردت"هلا جاد
جاد:متى ناويه تجين حظرتك.
رهف وهي تضحك :متى ماقلت انت ...
جاد ومسوي روحه معصب:اقول خلصينا5 دقائق وطلعي مو فاضي لك انا وراي دوام بكرة ..
رهف وتبي تلعب عليه:زين لاتعصب يادكتور..
جاد :اي دكتور انتي ووجهك .
رهف:ماادري عنك بس فيه ناس شافوك امس في المستشفى وظنوا انك دكتور ...ماشاء الله عليك يادكتور جاد..
هبةوالي تو منتبه للقافت رهف رمت المخده عليها وهي تقول بشويش وتحاول مايسمع جاد:
وجع ان شاء الله الحين انا اقول لك عشان تفشليني مع اخوكي ..ايش بيظن فيني الحين .
جاد الي سمع هبة ايش قالت ..قال لرهف تنقل الرساله :
قولي لها هو بعد فكرها دكتورة ولاتنحرج ولاشي وماراح اظن فيها الا كل خير ..ويلا طلعي انا عند الباب .
قفل من رهف وهو يحس بشي غريب ..وجود هبة واستقرارها خلى في حياة الي حوالينه جو خاص جو فيه ورح..عندهم في البيت رهف صايره نشيطه ودائما تتكلم وفي الشركه طلال وعمه مبسوطين وباين الراحه عليهم..
رهف خبرة هبة بكل كلمه قاله جاد وهبة ولع وجهها من الفشيله :
كذا احرجتيني مع الرجال ..
رهف:يلاعاد صدق ماتنعطين وجه انا بقوم اروح لايتصل الحين ويهزئني بسببك ..يقول لك هوظن فيكي نفس الشي لا تنحرجين ولا شي ..
هبة :ماكان فيه داعي تقولين له يالدبة.
رهف :يلا بس انا رايحة بكرة اكلمك سلام.
طلعت وركبت السيارة وجاد في عالم ثاني عدلت نفسها وماتحرك قالت يمكن يسخن السيارة ونفس الشي ماتحرك.
رهف :هااا وينك "وتحرك يده "وين وصلت.
جاد تومنتبه :تو الناس ليه توك جايه...
رهف:صار لي خمس دقايق وانا بالسيارة وانت ماادري بأي وادي رايح وتقول توك جايه حرك بس ..اصلا انا عارفة انت في ايش سرحان ورايح فيها كذا.
جاد وهو يمشي بالسيارة:بس اشتغلت الحين في علم النفس حقها وتحليل الشخصيات..
رهف:ايه ضيع السالفه الحين ..
جاد:لا ماراح اضيعها قولي..
رهف:انت سراحان في الدكتورة...صح.
جاد بأستهزاء:والله..
رهف:اصلا كلامي كله صحيح بس انت مو مصدق ولاتبي تعترف ..عشان كذا ماراح اقول لك ايش قالت هبة عنك..
جاد واقتله الفضول يبغي يعرف ايش قالت هبة عنه :
يلا عاد لاتصيرين سخيفه وقولي الموضوع مباشره من غير لف ولا دوران ..
رهف:زين لاتزف ...لما نقلت لها الرساله ولع وجهها وصار احمر وقالت احرجتيني مع الرجال ..بس "وهي ترفع يدينها"
جاد رفع حاجب واحد وناظرها بنص عين :صدق ماتنعطين وجه .
وهو من داخله مبسوط ورايح فيها بس يسوي ثقيل "ههههههههه"
رهف:اقول جاد ترى بعد اسبوعين بنروح مزرعتنا ..
جاد :بالله ومين قال .
رهف:احنا اتفقنا وعلى هبة التنفيذ.
جاد:وهبة تنفذ ولابس كلام..
رهف:لا تعجبك قول وفعل بنت عمي ..راح نروح بعد اسبوعين ان شاء الله.
******************************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 01-12-2011, 07:54 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


راح تصير احداث في المزرعه احداث حلوة للبعض واحداث حزينه للبعض .بنشوف مين ..
مرو الاسبوعين بسرعة وجهزوا الاغراض وراحو المزرعه واول من وصل هبة واخوانها وجدتهم طبعا ..بس كانت عمتهم وعيالها هناك..راحوا البنات مع بعض بعد ماسلموا على بعض وجلسوا معهم شوي ...جلسوا الحريم الكبار مع بعض والبنات مع بعض واخذتهم السوالف .دلال الي كانت تنتظر عهود تجي طلعت تتمشى وتمشي بنتها رغد في المزرعه حست انه في احد يمشي وراها عدلت غطاها على راسها ووجهها وكملت مشي ..فجاء الاتحس بأحد يمسكها من وراء ...شهقت ,وضمها بقوه وقال في اذنها :
قلبي وروحي وين بيروح؟
دلال اسمعت الصوت وعرفته على طول :
آآآآآآآه قلبي والله ضيعته من الخوف ..
تركي:سلامة قلبك...
ولفها عشان تقابله وناظر في عيونها المكحله وصايره روعه ..طالعت فيه بدلع وسبلت عيونها له وتركي انهبل :
يابنت الحلال ارحميني حنا في المزرعه مش في البيت..
دلال وهي تضحك:وانا ايش سويت "يكون ماتدري "
تركي وهو يقرب:يعني ماتعرفين ايش سويتي ..
دلال بكل براءة:تركي صدق ماادري يلا قول مايكفي موتني من الخوف..
تركي رايح فيها:آآآآه
دلال:ايش فيك؟؟
تركي:اسمي ..اسمي صاير روعه وانت تقولينه .
دلال:فيك شي ...شكلك مضيع انت اليوم ..
تركي وهويحاول يكون جدي:
اقول لاتسبلين بالعيون ..ترى انت الي بتتحملين النتيجه .
ناظرته وكأنها تتحداه :ايش بتسوي يعني.
تركي وهو يقرب:تتحدين..
دلال :احاول.
تركي وهو يقرب اكثر :مو من صالحك..
دلال:والله!!
تركي :اجل تحملي مايجيكي "وقرب مررره"
هنا صاحت رغد لان امها وابوها ماعطاها وجه..
تركي الي تو منتبه لبنته :
رغوده حبيبي من متى وانتي هنا ..
دلال وهي تضحك على زوجها المضيع:
من يوم ماجيت انت هنا وهي معي..
وحمل رغد:الا ايش عندك طالعة عن الحريم ؟!!
دلال:والله شفت الجو حلو قلت امشي رغد واعرضها لشمس اشوي ..الا انت شلون عرفنتي ؟؟
تركي وهو يرفع حاجب:احد يشوف زولك ولا يعرفك ..انا دلني قلبي وجيت لك..
دلال:ياحبي لك..
وجلسوا جنب شجرة ونسوا نفسهم في السوالف..
**************************
وفي طريق المزرعه كانوا هناك اثنين يخططون وفي راسهم موال ..
هااا ايش رايك ؟
عهود وهي فرحانه :
والله انها خطه ولا اروع..بس من وجاتك هالفكره..
راكان :ايه اعجبك !
عهود:اكيد تعجبني مو ركوني..وحبيب قلبي ودنيتي..
راكان يستهبل:اقول ترفقي احنا بطريق ماوصلنا لسه ..
عهود بدلع:
عمري وانا ايش قلت؟
راكان وهو يرفع حاجب :لا ابد سلامتك ماقلتي شي ...اقول ارحمي العبد لله وخلينا نوصل بسلام..
عهود:طيب خلاص ماراح اتكلم اذا يرضيك ..
راكان:قلت ترفقي مو لاتتكلمين .
عهود:والله ماعرفنالك ساعة تقول كذا وساعة تقول غيركذا..
راكان وهو يضحك:حبي..
عهود:سم !
راكان :سم الله عدوك ..الخطه ابتدي فيها من اليوم في المزرعه طيب ..
عهود:لاتوصي انايمكن اكثر منك ابغي هذا الشي يصير بس صراحه راكان كيف خطرت في بالك هذة الفكرة.
راكان بجديه :فيه شي سمعته وماريحني مع اني مش متأكد منه بس ماابغيه
يصير ...اهم شي تسوين الي قلت لك عليه وتقنعينه طيب ..
عهود بحماس:اعتبره صار.
راكان:ياقلبي انتي ..
عهود:ادري.
راكان:تدرين..اجل ماراح اقول زود.
عهود ونتاظر بص عين: متأكد..
راكان ويبي يجننها :
ايه انا راكان مااكون متأكد ..الا متأكد ونص..ليه تهددين انتي الحين .
عهود وعرفت له سبلت عيونها وكانت حاطه كحل بدوي هنا راكان داخ ..وقالت بدلع :حبيبي ركوني بعد قلبي انت متأكد..
راكان انهبل وراح فيها::يابنت الناس قلنا لك ترفقي احنا بطريق مش في البيت خلينا نوصل بسلام..
عهود:وانا ماسويت شي ..
راكان:كل ذا وماسويتي شي ..الله يعين اجل .
سكتت وقام راكان يغني لها طول الطريق وعموري كان نايم ..
***********************
جاد:يلا ولنا رجيتينا من ساعة كلهم وصلوا الا احنا ..تقولين احنا في مسابقه.
رهف:ادري عنك قلت لك خلنا نطلع من بدري وانت ماطعت.
ام جاد:اهم شي احنا وصلنا ..ليه معصبه انتي الحين.
رهف ومسويه نفسها مروقه:
لااا ابد سلامتك يمه انا ماني معصبه ولا شي ..
وفتحت باب السيارة ونزلت ..رفعت شنطتها ودخلت المزرعه وهي تتهبد في وسط المبني الخاص بالحريم الي يتكون من اربع غرف وصاله كبيرة وساحه كبيرة تطل على الاشجار والنخيل والحريم الكبار يجلسون فيها دائما ..وفي مبنى ثاني خاص برجال ونفس التصميم في الجه الثانيه من المزرعه..
كانت ام خالد وام راكان وام تركي جالسين في الساحه خارج المبنى وسوالف وضحك والبنات داخل في غرفة من الغرف الداخليه يرتبون اغراضهم..
وجات رهف بكل دفاشه ولقت جدتها وخالتها وعمتها جالسين في الساحه وراحت تسلم عليهم وباست راس جدتها:
هلا جدتي كيفك وكيف اخبارك ؟
ام خالد:بخير يابنتي انت وش اعلومك؟
رهف وماصدقت احد يسالها:والله يمه قفلت عندي اليوم..ابغيهم يجيبوني من بدري والاخ على راحته والله ارتفع الضغط عندي.
ضحكت ام خالد عليها ورهف كمات سلامها على عمتها و خالتها وهي تتكلم على اخوها جاد ومقهورة انها وصلت متأخره ومن التعصيب ما انتبهت للي كان جالس في زاوية الجلسه ويبتسم عليها وذايب قلبه ..وقف لما شافها واشر على جدته والموجودين لا يقولون شي,ورهف انتبهت لنظرات عمتها الي تبتسم لها ابتسامه غير :وين البنات ؟لايكون راحوا المسبح بدوني ..
وام تركي تضحك ..
رهف:خيانه ذي بس والله لاعلمهم السنع عشان مايتفقون من وراي ...
وتو بتلتفت وبتدخل الصاله الا تشوف سعود في وجهها ..هنا عاد بلعت لسانها وولع وجهها كانت مجهزه كلام واجد بتقوله لهم وبتهزئهم وبتحط قهرها من جاد فيهم ...بس الحين تبخر ولا كلمه ..
سعود وطاير عقله ومو مصدق بس حب يستقل الموقف لصالحه:
كيفك يا بنت العم؟؟!!
رهف:..............
سعودوهو يضحك:
ايش فيكي تو لسانك وش طوله..
هنا عاد رهف مسكت عباتها وبتشغل رجولها عشان تدخل تفشلت حدها وفي بالها والله احط الحره فيكم يابنات هبة وسارة ونورة بس وينكم الحين تراني واصله حدي من الفشيله ..التفتت بتمشي ومسكها سعود:
على وين؟؟
رهف ويالله تطلع الكلمه :
ب...بــد..بدخل داخل ..
سعود التفت على جدته وامه وعمته :
اعذروني ياجماعه..
وسحب رهف على جنب:
الحين لما شفتك قلتي بتدخلين ..وهذي فرصه مااقدر افوتها ..
رهف من الاحراج موقادرة ترفع راسها ..
طبعا سعود ماشاف رهف الا مرة بس في يوم الملكه وكان شرطهم اانه مايشوفها لين تخلص دراسه وبعدين يتزوجون "وهذا كان شرط ام جاد"
سعود ويبيها تكلم ويسمع صوتها :
يلا عاد سمعينا كلمه حلوة..جدتي لما كلمتك قلتي لها قصة حياتك ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 01-12-2011, 07:54 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


ورهف تحاول تسحب يدها من يده وهو ماسكها بقوه ومايبيها تروح عنه..
جاد وهو ينزل الاغراض من يده وشاف الوضع..
جاد:اقول ترفق على البنت انت وجهك.
سعود مسوي فيها معصب:
لا حول انت ايش جابك وايش دخلك؟؟!!!
جاد وهو يرفع حاجب:
ترى هي اختي ..
سعود :وزوجتي حلالي ..
جاد :ارحمها شوف كيف صار وجهها ..
وراح بيسحب يدها من يد سعود بس سعود مسك يدها بقوه ووقف في وجه جاد وظهره في وجه رهف ومازال ماسك يدها :
خير مايكفي انكم مانعيني مااشوفها ولا اكلمها ...الحين لما بصدفه شفتها جاي تخرب على موب كيفك ..
ام جاد:اترك بنتي عنك شوف اي سويت فيها ..وانتي ياخالتي تشوفين وساكته..
وراحت وسحبت رهف من يد سعود وجاد انفجر من الضحك على شكل سعود
المتحطم ...
جاد :جاء الي يسكتك انت وجهك .
سعود :والله حرام عليكم توصلوني السماء وبعدين ترموني بالارض والله مايصير كذا ياخالتي .."مقهور ومتكلم من قلب "
ام جاد:والله احنا قلنا لك مافيه شوف الابعد الدراسه وانت صابر طول المده الي راحت ماتقدر تصبر لك سنه..
طبعا رهف ماشافوا غير غبار رجولها من السرعة والفشيله ..
سعود:استغفر الله ياربي .
جاد :اقول انت ايش مجلسك هنا عم الحريم يلا خلنا نروح قسم الرجال ..
سعود:لقافه مني ايش اسوي بس آآآآآآآه عورتو قلبي ..
جاد :اسم الله يالرقيق..قم بس قم .
ام تركي :خليكم معنا ياعيال من زمان ماشفتكم ولا جلست معكم .
جاد:تستاهلين الجلسه ياعمه .."وجلس"وهذي جلسه.
سعود:الحين مين الي يقول ويش امجلسك مع الحريم .
جاد:اقول اجلس اجلس عندي لك سالفه ..."وغمز لسعود"جدتي غريب ماتكلمتي وانتي تشوفين سعود ورهف العادة ماترضين بمثل هاسوالف .
فهم سعود على جاد وكمل معه..نواو على جدتهم.
سعود:لااا عاجبتها السالفه .
ام خالد على نياتها :
لااا والله ياولدي بس كسر خاطري سعود من ملك وهو ماشاف رهف وانتوا منشفين ريقه عاد قلت الحين فرصة نخليهم اشوي يشوفون بعض..
ام راكان وعارفة حركات العيال جالسه وتضحك عليهم ...
سعود:ماعليك انا فاهم جدتي عدل ..
ام خالد وماتدري عيالها ايش ناوين عليه:ايه ياولدي انا قلبي عليك وماودي يطولون كذا بس بعض الشغلات مش بيدي.
سعود:ايه والله ياجده حرام الي يسونه بس الشكوى لله "كان راح ينسى انهم يجننون جدته ..هنا جاد نبهه وضربه على كتفه عشان يكملون"
سعود يستظرف:بس الصدق ياجده ماانبسطتي لما شفتيني مع رهف .
ام خالد:ايه يولدي انبسطت بس مسكينه رهف فشلناها .
جاد ومسكها عليها :
ايه اكيد بتنبسط من زمان ماشافت فيلم حق رشدي اباظه والحين تشوفه مباشر بعد ايش تبي ..
وام تركي وام جاد وام راكان انفجرو ضحك..وسعود مسوي نفسه حزين:
الله ياجده وانا الي قلت اني كاسر خاطرك صدق ..عشان كذا ساكته طلع في راسك موال وانا ماادري ..
ام خالد عصبت ماتدري عن شي:
ايش قاعد تقول انت ولد عمك ذا اقول قوموا عن وجهي صدق ماتنعطون وجه..
جاد:روق ياجميل انت مايلوق لك الزعل .
ام خالد :ايه خذ بعقلي حلاوه .
جاد:افااااا يا جده انتي هنا "واشر على قلبه وقام وباس راسها وابتسم":
نمزح معك عاد لاتزعلين.
ام خالد:تبغيني ماازعل فكر في الي قلت لك ووافق عليه.
ابتسم ووقف..وام جاد ماصدقت احد يفتح الموضوع:
ايه ياخالتي كلميه يمكن يسمع منك صار عمره 28 وهوشايل فكرة الزواج من راسه مدري متى بنشوف عياله .
جاد وفي نفسه "بس الحين كل وحده بتستلمني من جهه وايش بيفكني منهم "
سعود ولف على جاد:
والله واتفقوا عليك يالحبيب بنشوف كيف بتفك روحك.
ام تركي:وهي صادق امك الي اصغر منك "وتأشر على سعود"تزوجوا وانت وطلال ولا على بالكم..
وقبل ماتخلص ام تركي كلامها وصل راكان وعهود ودخلوا عليهم وسمعوا جزء من الكلام..
عهود:ايش الي ولاعلى بالهم.
سعود بلقافة دام الموضوع مايعنيه:الزواج.
راكان ابتسم وعهود قالت وبكل ثقه:
جاد راح يوعدكم انه يفكر هو مورافض الفكره بس عطوه وقت..
وتطالع في اخوها الي لسه مبتسم ومارد.
ام خالد:بنشوف الى متى ؟!
جاد واخيرا تكلم :عطوني وقت وارد عليكم واعطيكم اسم البنت بعد..ايش تبون ..ووقف يستئذن:يلا بالاذن ..
عهود راحت مع اخوها لان راكان اشر لها تروح تعرف السالفه ومين البنت ..اما البقيه دخلوا في مواضيع متفرعه وسعود وراكان راحوا لمجلس الرجال ************
عهود تمسك يد اخوها :
اخوي يعني انت حاط عينك على وحده .
جاد وهو يمشي :ليه السؤال الحين.
عهود:كلامك الي قلته يقول كذا .
جاد:واذا ؟؟
عهود:واذا ..ايش ؟
جاد:واذا حاط عيني على وحدة خير ياطير .
عهود و تبغي تسحب من عنده معلومات :
ممكن اعرف مين هي؟
جاد:مافيه وحدة بس انا اسكت العجز لانهم سندروا راسي من الموضوع ذا كله.
عهود وتناظره بنص عين:
علينا هالكلام.
جاد وكأنه مروق على انه يعصبها :
شوفي بنت موجوده وفي بالي زين بس خلوني افكر في الموضوع على راحتي .
عهود:واذا طارت البنت ايش بتسوي .
جاد:واذا راحت في عشرة بدالها زين واسمها مستحيل تعرفينه الافي وقته ..
ومشى عنها ..انقهرت وراحتمع الحريم.....
من مميزات جاد انه شخص كتوم ومن الصعب انك تعرف الي بداخله ..يقدر يطلع المشاعر الي يبغيها ويخفي الشي الي يضايقه.....
*************************
في مكان ثاني وفي نفس الوقت دخلت رهف على البنات وجهها مولع واشوي وتصيح من الاجراج وشافت البنات سوالف وضحك ..رمت عبايتها على الكرسي القريب منها وصرخت فيهم من القهر:
وجع ان شاء الله .
البنات: بسم الله الرحمن الرحيم ..
سارة:ايش فيكي داخل كذا وجهك احمر ومعصبه.
رهف وهي اشوي وتصيح:
اصلا انا الحق علىّوالله تدرون يستاهل انه مايشوفني اذا راح يحرجني كذا ولا راح يفكر في مشاعري .
هبة:ايش القصه رهف خبرينا..
رهف:انتي بذات لاتكلميني..
هبة:يوووووو خير قمر هانم ليش زعلانه ..
رهف:ليه مامريتي على واخذتيني معك ..
"هبة اتصلت على رهف عشان تروح معاهم بس رهف رفضت لانها عرفت ان سعود هو الي بياخذهم بالسيارة..يكون الاخت تستحي بس هي من الفشيله نست ان هبة متصله عليها ."
هبة وتناظرها بنص عين:
اقول انطمي..الحين يكون انا ماقلت لك تعالي انت ووجهك وتدلعتي على اخوي وقلتي ماني بجايه اذا كان هو معاكم ..الحين تستاهلين ماجاكي وزين سوى فيك اخوي..
رهف:اووووووة والله نسيت بس والله اخوكي فشلني ...تمنيت الارض تنشق وتبلعني ..
هبة وهي ماسكه نفسها لاتضحك لانها عارفة اذا ضحكت رهف ماراح ترحمها :
طيب ايش صار وسعود ايش سوى؟؟
وسارة ونورة يحبون يسمعون عن حركات المخطوبين فوسعوا اذانهم عدل..
وقصت رهف عليهم ايش صار ..وانفجروا البنات من الضحك عليها ..
رهف وهي معصبه:
ضحكتوا بلا ضروس ان شاء الله ...احر ماعندي ابرد ماعندكم ..
هبة:زين سوى فيك اخوي مسكين نشفتوا ريقه بهشرط بس تدرين ليت كل مرة يصير معاكي كذا عشان ترد الروح في اخوي شوي ..
رهف وهي تحط يدها على خصرها :
ياسلام وما ترد روحه الا اذا احرجني..
هبة:وافقي يجي يشوفك على الاقل كل اسبوعين مرة وماراح يحرجك او يفشلك جنب احد...
رهف:الله يراويني فيكي يوم ..قول امين .
سارة ونورة رفعو ايدينهم وقالوا مع بعض :
امين..
هبة وهي ترمي المخده عليهم:
وفيكم ان شاء الله..
*****************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 01-12-2011, 07:55 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


مر الوقت بسرعه وهم في سوالف وضحك ومزح وقررا بعد الغداه يرحون المسبح يسبحون لانهم راح يتعشون ويرجعون للبيت وماراح يباتون في ..راحوا وجلسوا مع الحريم الكبار وطبعا مااقول لكم ان هبة تحاول قدر المستطاع انها تتجنب ام جاد عشان ماتخرب عليها الرحله ..
ام خالد تجس نبض رهف وتطالع فيها :
هااا كيفك اليوم يابنتي ؟!يارهف.
ورهف تطالع في جدتها وعندها كلام واجد بس ابتسمت :
عملتوها فيني انتم وسعود..
ام راكان:انا مالي ذنب ..تدرين سعود اذا حط في راسه شي ينفذه وانتي الله يهداكي مو راضيه تشوفينه مسكين ولدي مايقدر يصبر ريحيه وشوفيه كل اسبوعين مرة على الاقل لين تنتهي الدراسه ..
رهف:خالتي لايكون متفقه مع هبة علىّ؟
ام راكان:ليه؟
رهف:لانها تو قالت لي ذا الكلام داخل .
هبة:القلوب عند بعضها ..ارحمي اخوي وراح اقول له يرحمك ويخف عليك اشوي ..
ام جاد :يصبر ليه مايصبر ..الي صبره كل ذا الوقت يقدر يصبر لين الزواج..
هبة وتحاول تكون مقنعه:خلاص اذا على الشوف مولازم يشوفها بس على الاقل يتكلم معها تليفون وصدقيني ياخالتي ان مستواها في الجامعه ماراح يتغير وعلى ضمانت جدتي"خافت تقول على ضمانتها وتهزئها ام جاد..بس قالت جدتها عشان ماتقدر ام جاد تقول شي ...وام خالد ماقصرت ساعدت هبة "
ام خالد:صادقه بنتي على ضمانتي وانا راح اوصي سعود عليها ها ايش قلتي..
احتارت ام جاد ايش تقول:
بس ياجده..
ام خالد:لابس ولاشي سنة ونص مين يقدر يصبر طول هالفترة ولاتقولين زمان اول كانوا يصبرون لان الوقت الحين يختلف ..
ام راكان:ايه والله يا اختي بردي قلبي ولدي اشوي ..
ام جاد:ولا شافت لها مهرب ..
طيب طيب مثل ماتبون بس خبروه بعد اسبوعين يجي يشوفها ولايطول..
رهف ولع وجهها وفي داخلها "وانا مالي رائي ..يناقشون قدامي ولا حتى فكروا انهم يخذون رائي بس وعدك عتدي ياهبة بيجي يوم وتنخطبين واعلمك بعدين السنع"
وهبة فرحت لخوها وفكرت تبشره وسوت نفسها بتروح الحمام وهي ماسكه جوالها وتأشر على سارة ونورة عشان يجون معها بدون مااحد ينتبه لها..فهموا لها وقالوا انهم بيرحون يتمشون شويه في المزرعه قبل الغداه لانهم صلوا الظهر ...هبة طلعت وسارة ونورة معها ودقت على سعود:
سعود وينك انت الحين..
سعود مروق ويسوي روحه معصب عليها وهو ناوي يلعب باعصابها :
ايش السؤال الغبي يعني ويني انا الحين ..في بيت جدي .
هبةوالي تضحك عليه لانها راح تطلع عيونه "حطت جوالها على السبيكر "
هبة:طيب طيب لاتعصب علينا..يلا سلام مالك حظ تعرف الحين.
وسوت نفسها بتقفل الخط..
وسعود الحين يبي يعرف ليش متصله وليه ماله حظ:
وين ولا بس متصله حق المغثة ..
هبة:صادق اخوي بس حق المغثة ..يلا روح عن اغثك..
سعود كان جالس جنب فيصل وجاد في المجلس وابو تركي وابوراكان معهم
يسولفون وراكان يكلمهم عن مكتبه الي تو فاتحه للهندسة وزوج عمته يسأله عنه وهو يجاوب...جاد كان يسمع لهم بس لما شاف فيصل يضحك وسعود في التلفون يتكلم التفت بيشوف ايش السالفه.
سعود:هبة بتقولين ليه متصله الحين ولا شلون..
فيصل يقول وبكل برود:
تستاهل عشان لدقت عليك تكلمها عدل ..شكلها عرفت كيف تجننك مثل ماتجننها .
سعود يلتفت على فيصل ويعطيه نظرة ..شكل هبة عصبت ابه صدق:
اقول لايكثر بس ايش اللقافه ذي ..
فيصل ويضحك:
والله انا اقول انك تستاهل ..
ابتسم جاد وفي قلبه والله وقدرتي عليه صدق اذا قال فيصل يستاهل ..
هبة:شوف عاد لاتجلس تجنني.
سعود:والله شلك انتي الي راح تجننيني..
هبة:والله انك تستاهل .
سعود:انتم ايش فيكم عليّ فيصلوه يقول استاهل وانتي بعد ..
وجاد بكل برود:
وانا اقول كذا من زمان.
سعود وهو يأشر بيده :
هااا حتى ذا دخل نفسه ...انت مين اعزمك الحين .
هبة وبعفويه تحسب اخوها راكان الي تكلم:
من؟!
سعود :بعد من وجه اللقافه ولد عمك..
جاد :لقافه في عينك ..والله تستاهل وزين تسوي فيك وتجننك.
هبة ولع وجها وسارة ونورة ماسكين روحهم لايضحكون ويطلع صوتهم ..
سعود:قول وخلصينا .
هبة:زين بقول وامري لله..بس شوف لي البشاره.
سعود :اي بشاره خلاص ذليتينا يبه طلعت روحنا قبل ماتقولين.
هبة وبسرعه تقول لخوها الموضوع:
اقنعنا انا وامي وجدتي خالتي ام جاد انك تشوف رهف وتزورهم كل اسبوعين مره وتكلمها تلفون.
سعود انصدم ومن الفرحه قال بقوة:ايش قلتي؟؟
هبة:والله.
سعود:احلفي ..
هبة:قلت لك والله وتوني جايه ابشرك بس انت طلعت مانتعطى وجه "الحين صار وقت الدلع"يلا باااااي.
سعود بلهفه :
وين انتي لك الوجه كله ..انتي تأمرين امر يالغاليه من لي غيرك انا الله يهداكي انا من غيرك اضيع..
جاد وفيصل طلعت عيونهم قدام تو مساعة معصب وضايق خلقه وفجأه تغير ..والحين يبون يعرفون السالفه .فيصل يضرب على رجل سعود ويأشر له ايش السالفه وسعود مو مصدق خبر:
خلاص الي ابيه صار .
فيصل:وايش تبي يالرومنسي..
سعود:بشوفها خلاص حنو علينا اخيرا.
جاد:من ذي ..
سعود:اختك بعد من ؟؟
جاد:ومن بأمره راح تشوفها؟ انا ولي امرها وماعطيتك الاذن ..
سعود عصب:جدتي وهبة اقنعوا امك لاترجنا ..والله اني ماصدقت وافقوا تجي انت وتقفلها علينا.
جاد وهو يرفع حاجب ويبي يطلع شويت نذاله لانه الموضوع عادي عنده وماعنده مانع من ان سعود يشوف رهف بس كانت هذي رغبة امه وماحب يخالفها فيها :
شف ترى بكيفي مب كيفهم..
سعود :والمطلوب الحين..
جادوخطرت له فكرة عشان بس يغث سعود:
تشوف ايش الي تبيه اختك وتنفذه لها .
سعود:اصلا من غير ماتقول مايحتاج..سمعتي ايش تطلبين وانا راح انفذه لك.
هبة وبتسوي نذله على اخوها :
شوف اذا ولد عمي موراضي خلاص لاتحلم..
وهي حاطه يدها على فمها لاتطلع ضحكتها وسارة ونورة منفجرين من الضحك.
سعود:وايش دخله هو اذا خالتي وافقت ؟
جاد بلقافه:
ايش قالت اختك؟
سعود:تقول بكيفك..
جاد:والله انها تفهم اكثر منك..
سعود:فكنا انت وهي ..والله انكم رفعتوا ضغطي ..والمطلوب .
هبة:يااخوي الموضوع طلع من يدي اخوها جنبك اطلب منه مومني..
ناظر سعود في جاد وعرف جاد ايش قالت :
بما جدتي وهبة هم الي اقنعوا امي وهي وافقت خلاص انا ماعندي مانع..
سعود:لازم ترفع ضغطي انت ووجهك مادامك بتوافق ..
جاد:تستاهل عشان ماترفع ضغط احد مرة ثانيه ..وخصوصا اختك.
سعود:هههه سخيف..لايكون اسحرتك اختي وانا ماادري عشان تدافع عنها كذا.
وقام وماعطى جاد فرصه يرد..
سعود :انتي وين؟
هبة:جنب الخيول..ليه.
سعود :جايك .وقفل الخط.
جاد ابتسم وهو يشوف سعود قايم وفي باله "والله صادق حتى انا شكلي انسحرت عن جد..سعود قال كلام كذا بس ضرب وتر حساس معقول انسحرت لامستحيل هذي هبة الي انا مااحبها ..طيب ليه ادافع عنها مع انها تكلم اخوها صدق اذا قال سعود ملقوف ولااا انا ايش الي يدخلني ..بس هم كانوا يتكلمون عن اختي يعني لي دخل ونص ..طيب انا ليه اصف مع هبه انا اصلا مااميل لها وعمرها مادخلت مزاجي يمكن لاني تعاطفت معها لما سمعت رهف تقول لي قصتها مع امي ...احسن شي اسويه اذا سمعت احد يتكلم عليها اقوم من مكاني مرة وحده ماابي اشوفها او اسمع عنها اي شي ..صدق ان سيرتها تغث غثتني.
**********************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 01-12-2011, 07:55 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


سارة ونورة راحوا بعد ماعرفوا ان سعود جاي وهبة كلمت سعود بالتفصيل عن رهف والموضوع كله وبعد ما افترقوا وراح كل واحد في جهه..اخذت هبة تفكر في اخوانها وهي في الطريق للمجلس تبع الحريم شمعت احد يكلم تلفون :
احمد حرام عليك الي قاعد تسويه ..ارحمهم.
احمد:...........
طلال:بس لازم تعطيهم خبر هذا اخوك وهذولي خواتك وامك.
احمد:...........
طلال:وشلون ماتقدر..ايش فيك انت.
احمد:..........
طلال:اهو وينه الحين؟؟
احمد:.......
طلال:وتفكر ان امك ماراح تلاحظ غيابه هذا ولدها يااحمد ..ايش فيك انت.
احمد:.............
طلال:خبرت ايمان بهشيء
هبة سمعت اسم ايمان وقربت من اخوها اكثر تبي تعرف ايش السالفه وطلال ماانتبه لها لانه كان ساهي في الكلام .
طلال:شف اليوم الجمعه وبكرة السبت خبر الاهل ان هبه وامي راح يجونكم فاهم.
احمد:...........
طلال:لاتقعد تبسبس ...اختك الحين محتاجه لاحد معها وبما انك ماخبرت امك فهي بالحالها الحين واحنا لو كنا في بيتنا كان جبت اختي الحين موبكره..
احمد:.......
طلال:الله يهديك لاتقول كذا احنا اهل..واختك لولا راسها اليابس كان احنا متزوجين او مخطوبين على الاقل...
احمد:..........
طلال:يلا اجل اكلمك في الليل واشوف الاوضاع ...الله يساعد.
احمد:.....
طلال:حياك الله ...تسلم..مع السلامه.
احمد:.......
قفل طلال الخط وحط الجوال في جيبه ومسح وجهه بيدة وقال يكلم نفسه :
لاحول ولا قوة الا بالله العلي العظيم..يالله رحمتك ..
هبة واقفه وحاسه فيه مصيبه جايه:
خير اخوي ايش صار.
طلال كان منزل راسه ورفع راسه متفاجأ بسرعه:
بسم الله من وين طلعتي انتي الحين ..
هبة:كنت رايحه وسمعتك تكلم واسم ايمان ينذكر خير اخوي ايش الموضوع .
طلال:لا ولاشي بس معزومه انتي وامي بكرة عند ام احمد واحمد متصل عليّ يخبرني ..
هبة تطالع في اخوها لانه مايعرف يكذب :
طلال السالفه غير كذا انا حاسه انه في شي كبير ..بتقول ولااتصل على ايمان واقول لها تقول لي..
وقف ورن جواله وطالع فيه الا انه سعود وعرف انه بيقول له عن موعد الغدة ..مارد عليه والتفت على هبة:
لاتتصلين ولاتقولين لاحد فاهمه وانا بخبرك القصه كلها اذا وصلنا للبيت ان شاء الله
وراح بيمشي وامسكته هبة من يده :
طلال هذي ايمان قل لي ايش صاير عليهم ...بدر اخوهم فيه شي؟؟.
طالع طلال في هبة بحزن ظاهر في عيونه :
ليه تقولين كذا؟
هبة:لاني مكلمتها قبل كم يوم وقالت انها حزينه على اخوها وحالته المرضيه كل يوم تزيد.
طلال:صدقيني هبة بقول لك كل شي بس الليله اذا رجعنا من المزرعه احنا جاين ننبسط ولاابي اضيق خلقك الحين يلا روحي اكيد حطوا الغدة ..ولاتحاتين .ايمان بخير ومافيها الاالعافيه.
هبة :طيب بس اعرف اني ماراح ارتاح الا لما تقول لي .
وافترقوا كل واحد عنده فكرة ومشغول باله فيها ..ايمان هذي لها قصه وراح نعرف قصتها من خلال الاحداث الجايه..
*********************
مر الوقت وتغدو وهبة حاولت تبان طبيعيه عشان مااحد ينتبه ..وراحو للمسبح الي كان مرة كبير وبعد اللعب والمسابقات الي صارت ونطنطه ..طلعت نورة من المسبح شويه ..الاتشوف جوال هبة يرن ..ونادت:
هبة جوالك يرن ..
وهبة ماسمعت من الفوضى الي هم مسوينها في البركه وقامت تصارخ:
هبة هبة..وجع جوالك يرن.
انتبهت هبةوسالت:
شوفي مين؟
نورة:فيصل.
هبة بكل بساطه :
ردي عليه..مواخوكي انا شليّ يطلعني.
نورة والبنات متعودين على فيصل ياخذون ويعطون معه في الكلام :
هلا فيصل..
فيصل مسوي معصب :
سنه على ماتردين انت ووجهك..
نورة:احمد ربك سمعنا و ردينا
نورة:وين تسمعون وصوتكم واصل لمجلس الرجال من قوته فشلتونا الله يفشلكم.
نورة ونفذ صبرها :والمطلوب انت ايش تبي الحين.
فيصل:متى ناوين تطلعون؟
نورة:من وين ؟؟!!
فيصل:من المسبح بعد من وين..صدق غباء .
عصبت نورة:فيصلوه احترم نفسك..وطلعه من المسبح مافيه..
فيصل:شوفي انا مايمشي علي هالكلام ..بتطلعون بعد 10 دقايق ..الشباب بيسبحون.
نورة وتبي تقهره :خلهم يسبحون احد مانعهم ..والله.
فيصل:وين يسبحون بالله وانتم هنا؟؟
نورة:عندهم مسبح الصغار لايق عليهم ..يلا روح ضيعت وقتي ..
فيصل:هي انتي اصغر عيالك انا ..ويش شايفتني..
نورة:شايفتك بزر وانا مااكلم بزران يلاروح ضف وجهك ..وطلعه من المسبح مافيه ورنا ايش بتسوي .
فيصل عصب:مصدق روحك انتي والله..قلت لك 10دقايق وبجي والشباب معي عاد بعدين تحملوا مايجيكم منهم سامعه وبلغي البنات..
وقفل الخط في وجه نورة الي عصبت وراحت للبنات تبلغهم الخبر..
رهف:لااا والله ..ماشبعنا ايش فيهم ذولي ..
سارة:بصراحه انا كنت ناويه مااطلع حتى للعشاء ..
دلال الي كانت تاركه بنتها عند ام تركي:
والله حرام والله مابعد ننبسط الواحد مايصدق يغير جو بس صدق ماتكمل.
سارة ولسانها الطويل تكلم هبة:
شوفي اخوكي الي راح يجي خليه يرجع روحي له وكلميه واقنعيه ..مااحنا فاضين للبزران..
هبة:ايه بكلمه اجل مابكلمه بكيفهم احنا الي نخطط على ارحله وهم يجون ويستانسون بكل برود على احسابنا ...ماعليكي منه انا الحين اكلمه..
وقامت طلعت من البركه ..الاا الباب الي من جهة الرجال يدق بقوة..وهبة عرفت انه اخوها عدلت ملابسها وشعرها وراحت للباب فتحته وطلعت لهم..
لقت سعود وفيصل وسعود يناظر بنص عين:
يلا خلصونا.
هبة بكل براءه:نعم اخوي بغيت شي .
سعود:نعم الله عليك تظن فيصل بلغكم .
هبة وهي تطالع في فيصل:
ايه واحنا بلغناه ان ماراح نطلع .
فيصل:اقول بلا دلع ..الدنيا موت وحر بره خلصونا وطلعوا نبي نسبح.
هبة:والله حر روح المجلس تحت المكيف واجلس هناك مااحد قال لك اطلع..
سعود:اقول عطيناكم وجه يلا طلعوا لا ادخل عليكم بالغصبالحين..
هبة:وين تدخل..مجنون انت ..مايجوز .
سعود :اجل يلا فارقوا بلا مطرود ولاترى بنمشي الماء من المسبح وانتوا الخسرانين.
عصب هبة:الحين مين مخطط لرّحله ..مش البنات كله عشان نسبح وتجي انت واخوانك تخربون علينا.. خلو لكم يوم ثاني تجون فيه وتسبحون.
سعود:اقول ضفوا وجيهكم يلا نبي نسبح قبل مايتاخر الوقت.
هبة وهي تحاول معه:
طيب انتوا شباب تقدرون تجون يوم ثاني ..خلونا نسبح وانتوا تعالوا مرة ثانيه وسبحوا على كيفكم.
سعود:كأنك رجه يلا روحوا شيلوا اغراضكم وطلعوا عشان يصير لنا وقت ننظف المسبح من بعدكم.
كشرت هبة:ليش احنا جربانين انت ووجهك..بس صدق مايثمر معك المعروف.."وكأن خطرت في بالها فكرة."
طيب ايش رايك اذا قلت لرهف تجي تكلمك هي بنفسها .
سعود انبسط:قولي والله..
هبة فرحت :والله.
فيصل يدق يد سعود:موبكيفك انت وهي ..خلصونا الدنيا موت وحر.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 01-12-2011, 07:56 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


سعود وهو يناظر هبة:
سوري حبيبتي مااقدر ..يلا ورونا مقفاكم ..
هبة من القهر:حبك برص ان شاء الله ..اقول مالت عليك انت واخوك الحين صار لي ساعة وانا اقنع فيكم وقلت يمكن ننعاطفون علينا وتخلونا وفي النهايه هذا ردك ...طيب.
سعود:شوفي لكم خمس دقايق اذا ماطلعتوا عرفوا ان بعد خمس دقايق ثانيه المسبح فاضي ومافيه ماء ..ويلا احنا ننتظر.
عصبت هبة وضربته على صدره ودخلت وسعود حط يده على صدره يكون عوره يعني :آآآآآآآه عورتني ."يبي يتدلع"
هبة وهي تزرع الباب بقوة..والبنات:
هااا بشري.
هبة:هين ان مارويتك ياسعودوه مااكون هبة.
عهود:ايش فيك تتحلطمين.
هبة وهي تطالع في رهف بنص عين:
قوكوا يقول سعود اذا ماطلعنا بعد خمس دقايق راح يفضي المء من المسبح ..
سارة:والله بكيفه هو.
هبة:ايه بكيفه ..حاولت اقنعهم بس ماقدرت علية.
رهف:ان مانيب وخلهم يفضون المسبح اهم الخسرانين..
هبة:قومي مش اهم الخسرانين احنا راح نطلع واحنا الخسرانين لاني مااستبعد انهم يطفون علينا الكهرباء ..هذا سعود وفيصلوه المجانين يسونها مااستبعد منهم شيء..
رهف ضربت هبة:مجنون في عينك.
هبة:آآآآآآآي والله انه مجنون بس بيشوف اذا رجعنا للبيت ..وبعدين"وكأن لمعت في باله فكرة وكملت":ايش رايك تروحين تقنعينه صدقيني انه راح يغير رايه ويخلينا نسبح.
رهف وهي مصدومه..والبنات كل وحده نطت:
عهود:ايه صدق فكرة.
دلال:اكيد راح يغير رايه يلا روحي..
سارة:معكم حق..
نورة:وسعود راح يقنع الشباب انهم يخلونا نسبح.
هبة:صادقين..
ورهف تطالع فيهم وبعدين قامت بتطلع من المسبح وتقول:
والله عنكم ماسبحتوا انا طالعه تبون على كيفكم بس اني اكلم سعود حلموا اني اكلمه ..
وراحت اخذت اغراضها بتطلع والبنات ينادونها بس ماعطتهم وجه وطلعت من الباب الي بجهة الحريم..
قاموا البنات من بعدها متحطمين وكل وحده تتحلطم ..على سعود وفيصل ورهف..واخر وحده كانت هبة تشيك على الاغراض اذا نسوا شي ولا لا وفي ذا الوقت ضرب باب الرجال:
هبة:من؟ "تبي تلعب عليهم شويه من القهر"
سعود:بعد من ...يلا خلصتوا ولا لسه؟!
فتحت الباب ولقت سعود وطلال وفيصل وفي اصوات تحت بس ماتشوف احد :
لا خلصنا ..عساكم ماتتهنون فيها .
وراحت بتمشي الا يمسكها سعود وطلال ويحملونها وهبة تصارخ فيهم:
نزلوني وجع ان شاء الله .
دخلوا بها المسبح وهي تصارخ :
حرام عليكم والله اخاف تطيحون وانا معكم نزلوني ..
وفيصل منفجر عليها من الضحك وطلال وسعود الي كانو جاهزين لسباحه نطو على طول في المسبح وهبة معهم..
عاد هبة مااستعدت للموقف على اساس فس بالها انهم بس بيخوفونها وبعدين بينزلونها ولا اخذت نفس ودخل الماء في فمها وشربت منه شويه...حاولت ان سعود وطلال يتركونها بس مافي احد منهم تعاطف ,ضربت كل واحد م نهم وطلعت تاخذ نفس..راح لها فيصل بيساعدها تطلع من المسبح ..مد يده وضربتها هبة لانها عارفه قصده :
فيصلوه بعد عني انت مثلهم ..اكيد الحين بترميني.
وراحت بتطلع وهي تسمع طلال وسعود يضحكمون عليها وفيصل فوق راسها ويالله ماسك نفسه لاتضربه هبة وهي معصبه..شافت يد ممدوده لها ورفعت راسها لقت راكان يبتسم لها ..مدت يدها لها ورفعها من الماء وهي تقول:
مااحد يحن على مثلك ..
ولما وقفت على رجولها رفعت راسها تطالع فيه شافت ابتسامه غير على وجهه وعرفت هو ايش ناوي عليه وتو بتهرب منه لا يرميها بقوه في داخل المسبح ..صرخت هبة وعلى طول في المسبح.
انفجروا عليها اخوانها من الضحك ..كانوا ناوين يلعبون عليها اكثر بس تركي وجاد على الباب يبون يدخلون بس هبة موجوده ..صرخ فيهم تركي:
يلا خلصونا ..ندخل ولا ..
كلهم صرخوا:لا لاتدخل..دقايق."وجاد يسمع ويبتسم.."
وهبة تسحب رجولها سحب ..مد راكان يده لها ثانيه وناظرته هبة وهو يبتسم
راكان:يلا خلاص امان الحين ..
هبة:خبله انا ..روح بس روح"وطلعت وهم وراها"
طلال:نمزح معك ياجميل .
هبة:ايه لعبو عليّ .
سعود:عاد ناس مو لايق عليهم الدلع ابد..
وهبة منقهره منه اكثر واحد :
انت بذات لاتتكلم ..الواحد ماراح يسوس لك معروف في حياته ابد لانك صدق ماتستاهل..
قام سعود يدندن باغنيه ومشى عنها وماعبرها ..وهو ولا على باله اهم شي يسوي الي يبيه .
انقهرت عليه وراحت تمشي وراه بسرعه وترميه في وسط المسبح ..سعود تفاجأ وصرخ..
هبة:تستاهل كل ماجاك."واخذت تضحك عليه وتلم في اغراضها "
جاءلها راكان وفيصل معه ..
هبة:خير ايش عندكم بعد.
فيصل :لا سلامتك بس نبي نعرف اذا كنتي زعلانه ولا لا.
هبة:زعلانه ونص تتفقون علىّ ولاتبوني ازعل .
طلال:هبة نمزح معكي.
هبة بدلع :لااا والله..خليتوني اشرب ماء واجد غربل الله ابليسكم..
راكان :يعني تبين تقولين لنا انك مافرحتي واحنا معاكي .
هبة وماتقدر تخبي:بصراحه فرحت بس انتوا صدق انكم اولاد دفشين حدكم ماتعرفون شلون تتعاملون مع البنات ..
سحبها طلال من يدها:
اقول شكل انتي راعية طويله وتركي وجاد اشوي وبيذبحونا طلعي خلصينا .
هبة وهي تطلع:
صدق ماتنعطا وجه لا انت ولا اخوانك الا راكان.
طلال وسعود وفيصل:
شف ناكرة الجميل.
وراحوا بيلحقونها بس هي هربت منهم وطلعت وراكان ميت على اشكالهم من الضحك ...
تركي صرخ فيهم:
ندخل ..
كلهم:ايه دخلو..
دخلو..وسبحوا ..وانبسطوا..
*****************************
واتنمى ان هذا الجزاء يعجبكم ..وصدقوني القصه بدت تدخل في احداث اكثر روعه من قبل..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 01-12-2011, 08:02 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


في هذا الجزاء راح نعرف بعض الاحداث الي صارت لهبة في بيت ابو فواز..وحياة ايمان العائليه..وبعض الاشياء الي لازم نعرفها.
**********
نزلت هبة من السيارة وراحت تساعد جدتها على النزول هي وام راكان وراحوا للباب بس طلال ناداها :
هبة..
راحت لخوها وجدتها وام راكان دخلوا :
نعم اخوي؟!
طلال:شوفيهم اذا يبون شي انا حاضر احنا اهل ...
هبة:لاتوصي .
طلال:وقولي لها لاتحزن ولاتزعل ..وتوكل امرها لله ..
هبة:ونعم بالله .
وراحت بتمشي بس طلال رجع وناداها مرة ثانيه:
هاااا ايش فيك والله حفظت الوصايه خلاص.
طلال وهو يضحك:
لا خلاص بس بقول لك سلمي لي عليها ..
ابتسمت هبة واشرت على عيونها "يعني من عيوني"وحركت يدها يعني تمشي الحين ولالا.
ضحك طلال عليها:
ايه خلاص افراج..تقدرين تروحين.
دخلوا البيت واستقبلتهم ايمان :
هلا وغلا نورتوا البيت والله؟؟
ام راكان وام خالد:هلا بيك يمه كيفك وكيف اخبارك؟؟
ايمان وهي تبتسم:
الحمد لله يا جدة وانتي اخبارك زينه .."والتفتت على ام راكان"وانتي ياخالتي شلونك؟؟
ام راكان:الحمد لله يابنتي كيفك وكيف الوالده؟
ايمان:بخير وهي تنتظركم ..
واخذتهم لصاله وسلموا على ام احمد..الا بدخلت هبة ..شافت ايمان وطارت لها واحضنوا بعض وايمان ودها تصارخ بس ماسكه نفسها عشان ام راكان وام خالد..وسحبتها خارج الصاله وايمان من الحماس تهمس في اذن هبة:
يالدبه حرام عليك تظلين طول هالفترة ولاتجين اشوفك ولا اسمع صوتك..
هبة وهي تمسح دمعه طلعت بالغصب:
والله انك بالقلب وبعدين يالدبة مو توني مكلمتك قبل يومين ..
ايمان:حتى ولو...
وابتعدو عن بعضو ايمان تمسح دموعها :
يالسخيفه خليتيني اصيح..
هبة وهي تضرب كتف ايمان على خفيف:
ماالسخيفة الا انتي.
ايمان يكون عورها كتفها حطت يدها وقالت :
آآآآآآآه وجع انشاء الله... عليكي يد اعوذ بالله يد رجال ..حشه مو يد بنت.
هبة:قولي ماشاء الله ترى اكتشفت ان عينك حاره ..
ايمان:والله!تعلمت منك..
هبة:اقول خليني ادخل اسلم ابرك لي منك ..وينها خالتي ام احمد من زمان عنها ..
ايمان:اووووه نسيت كل منك تنسين الواحد نفسه ..تعالي نضيفهم.
هبة:ليه من زود الجب ؟!!نسّيتك..
ايمان عفست وجهها :
اقول واجد مغتره بنفسك ترى ..ومصدقه عمرك بعد..
سبلت هبة عيونها في وجه ايمان وحبت تحرجها:
ايه اصدق عمري ليه ناقصه انا ولا ناقصه يكفي ان اخوي طلال."وركزت على اسم طلال"
ايمان الي صار وجهها احمر وعرفت ايش تقصد :
صدق ماتنعطين وجه يالدبه انتي ووجهك تعالي بس سلمي على امي خليكي ذوق...
هبة:ايه صحيح احسن من الجلسه معاكي.
شهقت ايمان "تتصنع الدهشه "
ماتبين تجلسين معاي وانا الي اقول جايه عشاني طالعة جايه لامي..
هبة تناظرها بنص عين :
اقول ..خلينا ندخل لو عليك مادخلت لا انا ولا انتي وانتي شكلك مطوله..
ايمان:تعالي بس تعالي.
ومسكت يدها ودخلوا ..وراحت هبة تسلم على ام احمد:
ايش اخبارك ياخاله ؟ "وهي تبوس راسها"
ام احمد:الحمد لله وشلونك انتي وشلون احوالك ..
ردت هبة عليها ناظرت هبة في وجه الخاله ام احمد والتعب النفسي ظاهر عليها اكثر من الجسدي ..رحمتها في داخلها..
جلسوا شويه وبعدين قامت ايمان تضيفهم وقامت هبة معها ..ولما شافت ايمان هبة قايمه..
ايمان:ماله داعي تجين جلسي وانا بجيب كل شي..
هبة:تعرفين مااحب اجلس وانا اقدر اساعد..
ايمان :بكيفك..اجل خذي العصير ووديه..
هبة تمزح:ماصدقت احد قال بيساعدها على طول اشتغلت اوآمر..
ايمان ومسويه نفسها معصبة :هبة..
هبة:ول ...خلاص..احد قال شي بروح كم ايمان عندنا تآمرين امر..
اخذت العصير وايمان تضحك عليها ..وهبة مسويه روحها خايفه وراحت لصاله وايمان اخذت الاغراض الباقيه وراحت بهم لصاله..
ضلوا شويه في الصاله يسولفون وبعدين استئذنوا وراحوا غرفة ايمان ..
هبة:هاااا خبريني عنك ؟"وهي تجلس على سرير ايمان..
ايمان:انا زينه انت الي قولي لي ايش اخبارك لما استقريتي خلاص ببيت ابوكي
هبة:تدرين عاد كان لازم اسوي هذا الشي من زمان ..بس اذا فكرت في امي واني بنتها الوحيده مااقدر استغنى عنها وهي بعد..اقول زين اني عدلت بين ابوي وامي ..ولو اني استقريت عند ابوي كنت تخلصت من مضايقات عبير وابوها بعد..
ايمان وهي مستغربه :ليه خير ايش صار؟؟
هبة بحزن:زوج امي بخيل مرة ويموت على الفلس ويدور اي شغله تطلع له فلوس وماكان يفكر فيني او يتدخل في اموري..وكنت بنسبه له على الهامش مثل مايقولون..وانا بصراحه كنت اتجنب الاحتكاك فيه لاني ماادري ايش الي راح يجي من وراه..كنت اتجنبه واتجنب اكثر شي بنته عبير ..
ايمان بستغراب:
ليه المفروض تحبينها لانها بنت ومن سنك تقريبا ..
هبة:انا ما قلت لك اني ابي احبها عبير انانيه وماتحب الانفسها واذا حبت فعرفي انها محتاجه شي وتتمصلح عشان تأخذ الشي الي تبيه..
وسكتت هبة شوي وبعدين كملت:
آآآآآآه لو تدرين ايش سوت ..
ضاقت عيون ايمان وهي تقرب من هبة وتضربها على رجلها :وجع ..تكلمي بسرعه ليش حرقت الاعصاب هذي ..ويش سوت قولي لي كل شي ..قاعده تتكلم بالقطاره.
هبة:زين خلاص بقول ...شوفي في كل يوم كانت تحاول انها تتخانق معاي بس انا كنت اتجاهلها واطنشها وهي كل ماشافتني كذا انقهرت زياده ...وطبعا البيت كله يعرف ان ابوي فاتح لي احساب في البنك وهي تبي تصير مثلي بس ابوها مااعطاها وجه وقال لها اذا بغيتي اي شي انا راح اعطيكي مايحتاج حساب وهي مارضت بهذا الشي وحطت الحرة فيني ..
ايمان:طيب الغبيه ماتدري ان ابوكي حاط لك حساب في البنك لانك بعيده عنه ويمكن تحتاجين شي فبذي الطريقه يكون اسهل لك وله..
هبة:غبيه انتي قلتيها ..بس لها نيه انها تكشخ بها وبس.
ايمان:ايه طيب كملي.
هبة :عاد في يوم كانت محتاجه بعض الاغراض وفلوس بعد وقالت لابوها الي طبعا لو كان عنده ماراح يعطيها لانه بخيل مررررة وكان رد ابوها كالعاده طلب منها تأجل ..بس عبير اصرت عليه وعلمته او خلنا نقول ذكرته بالحساب الي عندي في البنك وهو ماصدق خبر ...جاء وطلب مني كم الف .
ايمان وطلعت عيونها لقدام :
صدق ماعنده حياء طلب من عندك؟!!!!
هبة:لاتستعجلين ..السالفه موهنا..
ايمان:هاااااا كملي اجل لايكون عطيتيه.
هبة:بنته طارت من الفرح ..وانا ماقدرت مااعطيه فشله مع اني متأكده ان عنده فلوس حق بنته بس هو مايبي يعطيها من فلوسه وهو اول مرة يجيني ويطلب وبعدين انا عطيته موعشانه لاااا اناعطيته عشان امي وبس ولا لاهو ولابنته يهموني..ومن ذاك اليوم وابو فواز عجبته الشغله وصار كل مرة يطلب منعندي وانا مااقدر ارفض تصدقين انا ماصرت استخدم مصروفي وهو الي يأخذه بحجت انه محتاج او مديون ..مع انه عنده بعض المحلات الي تطلع له وتكسبه ذهب في السنه يكفي الهنود الي يجيبهم على كفالته وشيتغلون وهو ياخذ بدون تعب..وفي يوم تجراء وطلب البطاقه نفسها قال ايش عشان ماتروحين وتعبين نفسك كل مرة..
ايمان بسرعه:
وعطتيه ؟؟
هبة:لااا ماعطيته بس حصلت لي كف محترم لاني رفضت اعطيه ايها.
وايمان من المفاجأه حطت يدها على خدها وشهقت..
هبة ابتسمت:ايه والله كف علم على وجهي 3 ايام حتى عيني ورمت وليش كل ذا لاني مارضيت اعطيه البطاقه ويقول انا ماراح اكل حلالك وكل الي اخذه مني مسجل وراح يرجعه بعد فترة واخذ البطاقه بالغصب لين صفر حسابي..
ايمان ماقدرت تقول شي بس بعدين:
طيب امك وينها عن هذا كله..
هبة وهي تكمل :
بنته شافت الكف وانبسطت اخر انبساط وامي المسكينه ماقدرت تقول شي ..تدرين احيانا استغرب تصرفات امي لما كانت متزوجه من ابوي ماكانت تسكت وكانت تحب المشاكل وتخلق اي مشكله عشان تتخانق بعد لو كانت ام راكان تحب المشاكل او لسانها طويل يمكن اقول امي ترد عليها وتصير مشاكل بس خالتي مرررة مسالمه ..واحيانا اقول مسكينه خالتي ليه ابوي متزوج عليها ماتستاهل وامي ماترحمها وابوي ماتحمل المشاكل وعوار الراس فطلقها .."وسكتت شويه وبعدين كملت "امي متغيره صار لها فتره مو قصيره صايره مسالمه وماتتدخل في شي احيانا اقول يمكن ماتدري ايش يصير في البيت والاحداث الاخيره ماكانت تعرف عنها شي لان ابو فواز ماكان يطلب من عندي وهي موجوده بس لما طلب ابو فواز البطاقه كانت حاضره وهو كان يظن ان وجود امي بيخليني اعطيه البطاقه من غير ما اقول شي ولما رفضت ضربني وامي شافت كل شي وشافت عبير وهي تضحك علىّ وتتشمت وناظرتها بنظرة خلتها ماتقدر تتحرك من مكانها بس ماكلمت ابو فواز جنبي ..يمكن لما راحوا غرفتهم لانه في اليوم الثاني بعج مااخذ البطاقه صار يتجنب انه يشوفني..وبصراحه انا بعد ماكن احب اشوفه بعد الي صار.
ايمان:لاتقولين ماعلمتي ابوكي بلي صار..
هبة:ماعلمت ابوي لاني عارفه انه اذا عصب راح يقلب الدنيا فوق تحت بس قلت لطلال لما اتصل علىّ في نفس الليله وسمع صوتي متغير ومارضى يسكر الا لما قلت له كل شي .
ايمان وبان عليها الاهتمام اكثر:
وايش سوى ؟؟
هبة:انا حلفته مايجيب طاري لاحد ابد وهو عصب ونوء ياخذني في اليوم الثاني بس انا مارضيت..
ايمان مستغربه :ليه يالخبله ..
هبة:امي ..ماهنت علىّ كانت تبكي وتترجاني اني مااروح وازعل واحط بخاطري تقول تبي تكحل عينها بوجودي جنبها ..اقول لك ماهانت علىّهذي امي ..قلت لطلال وقال انه راح يتصرف وفي اليوم الثاني اتصل علىّ واقترح اقتراح حلو..
ايمان وهي تبتسم:ايش هو ؟؟
هبة:انه يفتح لي حساب في بنك ثاني ويخلي حسابي الي اخذه ابو فواز وماراح يحط فيه شي من الفلوس على اساس ان ابوي وقف المصروف او انه ماراح يحط لي الا كل 6ست شهور..ونفذتها ماادري كيف مشت عليه ذي الكذبه يمكن امي كلمته بس الحمد لله ماعادها ...وانا خفت يتكرر مثل هالموقف فقررت استقر عند ابوي لانه دائما يجيب ذا الموضوع واخواني احس انهم موراضين بوجودي هناك ببيت ابو فواز واكثرهم راكان بس مايقدر يقول شي بعد كلمت ابوي ..
"وسولفت لها عن كل شي صار معاها هي وفواز لين اخر الاحداث الي صارت في المزرعه عشان تختم السالفه بشي حلو "
ايمان وهي تضحك:
اجل رموكي في المسبح ..
هبة:اقول لك ماكنت متوقعه كذا بس شربت ماء واجد بسببهم حتى حلقي احس نه متغير ويالمني شوي..
ايمان:شوفي انتي مدللة راكان اكيد ساعدك ..
هبة:لااااا كانوا متفقين علىّ كلهم حتى فيصلوه ..
ايمان:حتى فصيل النتفه .
هبة:هههههههههه ذاك اول الحين صار اطول مني ومنك يجيله طول سعود..
ايمان:ماشاء الله صدق السنين تمضي ..
هبة وكأنها ذكرت السالفه وقالت بجديه:
وانتي شلون عايشه خبريني عنك ماجيت الا عشان اسمعك وانتي خليتيني اقول الي عندي كله...
ايمان وبنظره حزينه طلعت من عيونها وكأنها تذكرت الظروف الي عايشين فيها والي نساها وجود هبة وسوالفها الي تنقلها الى عالم ثاني..
ايمان:آآآآآآآآه ايش اقول بس ياهبة..اخوي بدر حاله ماتسر حالته الصحيه كل مالها تتدهور ولااحنا عارفين ايش الي فيه وهو مو راضي يروح المستشفى عشان يعرف ايش الى عنده ..احمد يقنع فيه من جهه وامي وشوق من جهه ثانيه وانا احيانا اذا جلست معه احول بس هو يرفض ويقول اذا تبوني اجلس معاكم مبسوط لاتيجيبون طاري ذا الموضوع مره ثانيه ولا ماراح تشوفون وجهي ..تدرين تعبت من الوضع الي انا فيه كله ابوي متزوج وناسينا ولا كأنا احنا عياله والمريض ذا ولده ..احيانا اقول ابي اشوفه او على الاقل يسال عنا بس لما اشوف امي وهي تعبانه وهو ما يسال عنا ولا يدري عن هوانا وهاملنا وكل اهتمامه رايح على زوجته الثانيه وعيالها اضحك على نفسي واقول تاملين نفسك انه يجي لكم هنا او يسال اذا محتاجين شي ..انا مابيه يعطيني شي انا بس ابي حنانه حنان الابو الي سمعت عنه وماشفته ولا حسيت فيه ..
ونزلت دمعه من عين ايمان من دون شعور :
لا ما احمد اخوي مسكين شال مسؤليتنا انا واخواني وامي والله كان العالم ايش راح يكون حالنا ..بس الحمد لله احمد زوّج شوق من خالد والحين هم عايشين سعيدين ...تصدقين لما اشوفهم افرح اقول لسه الدنيا بخير ..
هبة وهي تمسح دموعها وتضم ايمان :
حرام عليكي لاتتشائمين كذا مو زين ."وبعدت عنها"
ايمان:احمد اخوي كاسر قلبي حمل المسؤوليه وهو لسه صغير ظل معنا انا وشوق لين خلصنا جامعه صحيح بقت لي سنه وشوق خلصت دراستها وزوجها ونّعم فيه ..واحمد درس وخلص وشال بيتنا وامي الي تدعيله ان الله يوفقه ليل ونهار والحمد لله توظف في شركة ابوكي ..
هبة:هو تخصص محاسبه وابوي ماراح يشوف أأمن منه هذا تربية ام احمد مافيه مثلها ..
ايمان وهي تبتسم:
احمد تعبان ياهبة ..الهم الي شايله كبير شوفي كيف ووين احنا عايشين بيتنا متواضع وابوي الله يهديه ماعليه قصور عايش في نعيم وبيت كبير مرررره بس ارجع واحمد الله واقول احنا احسن من ناس واجد ..يكفي بيتنا ملك ولنا وعندي امي حنونه وقلبها طيب وكبير واحمد وبدر اخواني متفاهمين وزي العسل ومافي مثلهم واختي شوق بعد وابوي احنا مو محتاجينه وكّيفنا نفسنا على كذا خلاص .
هبة:الله يحفظهم ويخليهم لكم..
ايمان:أأمين.
تنهدت ايمان وسكتت تفكر وهبة حبت تغير السالفه وتفرحها شويه:
اقول عندي لك سلام لازم ابلغه .
ايمان وهي تبتسم :
من رهف..والله اشتقت لها ليه ماجبتيها معاك..
هبة:اوووووه والله ماقلت لها لو تدري الحين ان يجيت لك بتبهذلني .
ايمان تضحك:
تستاهلين ...مره ثانيه جيبيها معاكي.
هبة:استاهل هاااا ترا السلام مو من عند رهف..السلام ذا من الحبايب ويقولون متى راح تحنون علينا ..
ايمان ولع وجهها :
يالسخيفه .."وسكتت تبي تقول شي بس مو عارفه شلون" ايش اخباره ؟!
هبة وهي تبتسم :
اهو زين وفي نفس الوقت مو زين ودائما يفكر وسرحان وتبين الصراحه امس وهو يكلم اخوكي احمد سمعته يقول اختك ذي لو مايبست راسها كان الحين هي زوجتي او خطيبتي على الاقل..
ايمان ولع وجهها وصار احمر :
مااقدر اترك امي خليه يفهم ..والله اني اعزه بس مثل ماقلت لك..وبعدين انا"وترددت شويه "انا كتبت له رساله..
هبة:صدق وينها جيبيها خليني اقراها .
ايمان:له هو..مو لك انتي وماراح اجيبها .
هبة:موبكيفك تجيبينها احسن لك ..
ايمان:وايش بتسوين يعني.
هبة:والله اتصل عليه واقول له .
ايمان:اصلا مايحتاج بعطيكي ايها بس بشرط.
هبة:بعد تتشرط..هااا قولي .
ايمان :وتنفذينه..
هبة:على حسب..
ايمان:شوفي رساله مافيه الا اذا نفذتي الشرط..
هبة:طيب طيب خلاص قولي.
ايمان:ماتقرين الرساله تسلمينها له وبس ..
هبة رفت حواجبها بتعترض بس سمعت ام راكان وام احمد ينادونها ..
هبة:زين قومي جيبيها قبل لا امشي وما راح اقراها تطمني ..ايش شايفتني اتدخل بين الحبيبين .
ضربتها ايمان على كتفها :
وجع انشاء الله ..حبيبين في عينك بنشوف اذا حبيتي ايش راح تسوين ..
رفعت هبة حاجب:
قومي ..قومي بس ما منك فايده ..جيبي الرساله خلينا نروح نجلس معهم ..يكون تحبه يعني وافقي عليه اجل .
ايمان راحت وطلعّت الرساله من الدرج وعطتها هبة وماردت على كلامها :
تصدقين راح الوقت ما حسينا فيه .
هبة:ايه والله الجلسه معاكي مافي مثلها .
وطلعوا لصاله ...
ام خالد كاتصلي على طلال خليه يجي ..
هبة:انشاء الله يمه ..واتصلت عليه.
*******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 01-12-2011, 08:04 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


في اثناء الزياره وبعد ماوصلهم طلال لبيت ام احمد راح العمل وماقدر يتحمل ويصبر في مكتبه راح لمكتب جاد الي كان معه احمد ويراجعون بعض الاوراق مع بعض ..جلس وهو يتأفف ...
جاد رفع راسه :
ويش فيك تنافخ وضايق خلقك ..
احمد ابتسم لانه عارف معاناة طلال:
الحمد لله كل ذا من اختي والله انها محظوظه ..
طلال وماصدق احمد تكلم :
مروق حضرتك ..ايوة محظوظه وانا محظوظ بها بس خلها توافق يااخي ذبحتني .
احمد:تدري اني مااقدر اغصبها ...وهي مو رافضتك بلعكس موافقه عليك بس تقول ظروفها الحين ماتسمح ..بتصبر عليها ولا دور لك بنت الحلال اذا انت مستعجل .
ناظره طلال بنظره غريبه :
وانت مالك سلطه عليها ..كلمها واقنعها .
احمد:والله اني كلمتها وقلت لها وتعبت وانا اقنع فيها بس مو راضيه ..وماتعودت اغصب خواتي .
طلال:طيب بس قل لها خطبه اضمن فيها على الاقل انها تكون لي والزواج متى ماتبي ..هااا ويش رايك.
جاد:الاخ رايح فيها ..
طلال ناظر جاد بغضب :
اسكت انت ايش عرفك.
جاد وهو يرفع حاجب:
علمني اجل ..روح بس روح.:
احمد:ماعليك منه اذا الله كاتب له انه يحب راح يتبهذل ويدوخ السبع دوخات .
وضحك عليه وطلال معه وجاد رافع يده ويدعي :
وانشاء الله انت معي ..
وقاموا يضحكون.. احمد من اعز اصحاب طلال وجاد صحيح ان احمد اصغر منهم وعمره 27 سنه طيب وحبوب وعليه اخلاق ومتفهم لابعد الحدود وفوق كل ذا وسيم ..
جاد يبي يخفف دمه :
تتوقع اني لما احب واضيع في الحب راح يصير فيني مثله ؟؟
طلال وهو يرفع حاجب وفاهم على جاد ايش يقصد:
تستظرف حضرتك وتخفف دمك ..
جاد:ماكلمتك انت انا اكلم احمد..
احمد وهو يضحك:
و ازود منه بعد
جاد:الله ..ازود من كذا "ويأشر على طلال الي مسك القلم وبيحذفه عليه وجاد رفع يده يمنع القلم يجيه ..الا جوال طلال يرن"نزل القلم ورد:
هلا.
هبة:اهلين .....يلا.
طلال:خلاص خلصتوا ..
هبة:ايه ممكن تجي .
طلال :ايه ممكن ليه لا.
هبة:اجل عجل ..عندي لك شي مهم ..
طلال:والله "وهو يطالع في احمد وجاد وبانت عليه الفرحه "
هبة:آآآآي وجع انشا الله كذا عورتيني ..
وطلال يسمع صوت جنب هبة :
تستاهلين يالملقوفه ..وعرف انها ايمان .
طلال قام يضحك ..ووقف:
يلا انا جاي الحين جهزوا انفسكم ..
هبة:ايه خلاص احنا جاهزين اذا وصلت دق ..يلا سلام.
طلال:سلام "وسكر وهو يبتسم ..
جاد بكل لقافه :
انا قلت انها ساحرتكم "ويطالع في احمد ويكمل "شوف شكله الحين وشكله لما دخل علينا المكتب كيف كان .
احمد:ايه والله صادق سبحان مغير الاحوال .
طلال ولا همه الكلام الي انقال :
ترى حتى انت سحرتك ..لاتظن ان سعود ما قال لي عن دفاعك عنها واحنا بالمزرعه ..
جاد:لا سحرتني ولا شي هي مثل اختي لا اكثر ولا اقل .
احمد وهو يوقف :
بنشوف الايام جايه.
طلال:ايه صادق .
احمد:خذني معك مرة وحده الدوام خلص ..
طلال:يلا اجل خلنا نمشي ..
جاد:اذا بتمشون ويش يجسني انا بعد خلاص بمشي معكم..
وطلعوا كلهم من المكتب ..
وكل واحد ركب سيارته ..جاد راح بيتهم واحمد وطلال اتجهوا لبيت ام احمد..
***********************
هبة:هلا .
طلال:يلا طلعوا..
هبة:طيب..
خبرت امها وجدتها وطلعوا بعد ماسلموا على ام احمد وايمان..
ايمان:لاتنسين زورينا ..اوكى .
هبة:لاتوصين ..وبينا اتصال يلا سلام.
وطلعوا وشافوا سيارة طلال واقفه واحمد جنبها ..احمد شاف ام خالد
وام راكان :
كيفك ياجده وانتي ياخالتي ؟؟
ام خالد:الحمد لله ياولدي .
ام راكان:تسلم عساك سالم.
ابتسم :الله يسلمكم ..
بعد عن الباب وركبوا كلهم ومشى طلال..
طلال:هااا بشروا كيفهم..
ام راكان:والله ياولدي ام احمد مسكينه ومكسوره بس عليها قلب ذهب ..
ام خالد:باين عليها التعب وحالتها تعور القلب بس ماشاء الله عليها صبوره ...عندها زوج اعوذ بالله منه والله احد يترك الذهب الصافي ويروح يدور الشين..وقامت ام خالد تقص على طلال حالت ام احمد مع زوجها الي طلال يعرفها عز المعرفه ..
طلال سرح بافكاره مع ايمان والشي المهم الي هبة بتقوله ويأمل نفسه على انها وافقت على الخطبه ..وهبة كانت سرحانه في الكلام الي قالته لها ايمان وقلبها يتألم على حال صديقتها بس مو قادره تسوي لها شي ...اشوي وقامت تكح وحست بألم في صدرها وحنجرتها بس ماعطت الموضوع اهميه ..وصلوا البيت وتفرقوا ..هبة الي زادت عليها الكحه والزكام وظلت في غرفتها ترتاح وبعد ربع ساعة دق باب غرفتها ..ورفعت راسها لانها مانامت بس تسح راسها ثقيل :ادخل "قالتها بتعب "
دخل طلال وهو يبتسم شافته وجلست في سريرها ..
طلال:نايمه .
هبة:لا ادخل ما نمت بس احس باعراض انفلونزه .
طلال:سلامات ..
هبة وهي تأشر له يجلس :
الله يسلمك..اجلس.
راح طلال وجلس ومو عارف كيف يبدا وهبة ضحكت عليه :
ايش الحياء الي نزل مره وحده ..انا عارفه ليش جاي ..
طلال:دامك عارفه ليش انا جاي ليه حرقت الاعصاب ..قولي الي عند ترى والله تعبت..
هبة وهي تبتسم في وجه اخوها وتمسك يده :
سلامتك ياخوي من التعب بس ذي المره مو انا الي راح اقول ايمان هي الي راح تقول لك..
طلال وهو مستغرب :
كيف؟؟؟
قامت هبة حق شنطتها وطلعت الرساله ومدتها له :
تقول لك اعذرها بس هالفتره ..لانها ماتقدر تترك امها وهي تعبانه وحالت بدر مااستقرت "وسكتت وبعدين كملت"ترا ايمان تعزك واجد وهي بنفسها قالت لي هذا الشي والباقي بتقراه في الرساله ذي .
اخذ طلال الرساله وكأنه مو مصدق وهبة تطالع في اخوها :
فيك شي ..اقراها يلا خلني اشوف ويش الي كاتبه لان الليئمه مارضت تخليني اقراها قبلك..
حط الرساله في جيبه وقف:اسف هذا شي خاص فيني وفيها ومااقدر اقول لك اي معلومه ..
هبة وهي تناظر بنص عين :
كذا ..اجل شوف مين الي يوصل لكم اخبار حق بعض ياناكرين الجميل "ولاكملت لانها دخلت في نوبت كحه قويه شوي ..
طلال وهو يجلسها على السرير :
انتي ارتاحي وتركي عنك اللقافه ..
هبة وهي تتكلم شويه وتكح شويه:ايه نسني الموضوع ..اصلا انا مااحب اتدخل بين الحبيبين ..كح كح كح.
طلال:لااا شكلك مريضه صدق "وحط يده على راسها "فيكي حراره قومي خليني اخذك لطبيب..
هبة وهي تريح على السرير وتمدد رجولها :
اي طبيب الله يهديك برتاح الحين وبكره بصير احسن ..
طلال:انا عندي حبوب لزكام والكحه مفيد مررة خليني اعطيكي منه وبيريحك .
هبة:تدري انا مااحب الحبوب ويالله اقدر ابلعهم ..
طلال:بس لازم تاخذين ..مايصير ..
هبة:معليش اذا شفت روحي مو قادره بجيلك وباخذ الحبوب ..طيب.
طلال:طيب ارتاحي انتي الحين ..
وغطاها وطلع..
*************************
صار موعد العشاء وتجمعوا بيت ابو راكان ..ولاحظ ابو راكان ان هبة تعبانه:
هبة حبيبي تعبانه؟
هبة وهي تبتسم:
اشوي بس بروح الحين ارتاح وبكره بصير احسن
ابو راكان :انشاء الله ..تبيني اوديكي المستشفى ..
هبة:تسلم يبه "وجلست تكح"تعب ويروح حاله ..
ام خالد:اسم الله عليكي يابنتي توك زينه ويش صار.
هبة وهي تطالع في طلال وسعود وفيصل وهم على طاوله الاكل :
سلامتك ياجده بس امس وانا اسبح شربت ماء واجد من المسبح بالغلط..
انفجروا اخوانه من الضحك ..
ام خالد وهي ماتدري عن السالفه بس اهم شي مشاعر هبة ماتتأثر وخصوصا وهي مريضه ..التفتت لهم وهي تقول:
ضحكتوا بلا ضروس ..ماتقولون لي ليه تضحكون ..
هبة هنا ماقدرت تمسك نفسها وناظرتهم بشماته و انفجرت عليهم من الضحك وبعدين قامت تحك..
سعود باللئم :والله ياجده الي مايعرف يسبح ليه يرز وجهه ويقول خلونا نسبح ..يتحمل مايجيه ..ام راكان وام خالد وابو راكان مو فاهمين السالفه.
ام راكان:بس هية تعرف تسبح "والتفتت على هبة "مو صح ياهبة .
هبة وهي تبتسم:صح يمه ..ماعليكي من سعود الظاهر لحد الحين متأثر ان رهف سكرت السماعه في وجهه وجالس يخربط بالكلام "سعود بعد ماسمع قرار الموافقه وبعد مارجعوا من المزرعه قرر يتصل على رهف والي اخذ رقمها من عند هبة ..ودق عليها ورهف الي تعرف رقمه شافته وعلافت انه سعود بس ماردت عليه..
سعود دق مرتين وبعدين ردت عليه .
سعود:الوو....
رهف:.........
سعود:قلبي ..ردي.
رهف وقلبها طايح ماتدري وين..ماردت..
سعود:حياتي ..عمري ردي ..ادري انك تسمعيني..
رهف ولع وجهها وتبي تتكلم بس مو قادره تتجراء..
سعود:ليه الحياء ..انا زوجك حبيبتي .."الاخ يبدع والاخت مو متحمله ومش متعوده على كذا "
رهف ماقدرت وسكرت السماعه وقفلت الجوال مرة وحده..وسعود وكأنه تذكر المكالمه طالع في هبة متفاجاه :
كيف عرفتي؟!!
هبة وهي تضحك:العصفوره قالت لي ..بعد مين.
سعود وكل همه في الموضوع:
يعني افتحت جوالها ؟
هبة:ايه فتحته يا غبي وهي تنتظرك من "ورفعت يدها بتشوف الساعه وكملت"نص ساعه..
سعود وهو يوقف:
وليه ماقلتي لي ؟
هبة وبكل برود تبي تحره :
نسيت..
عطاها طاف ومشى لفوق في غرفته بيكلم رهف..وناوي مايخليها تسكر السماعه في وجهه مرة ثانيه..والاخوان ضحكوا عليه ..
قام ابو راكان وام راكان والجده كلن على غرفته وبقى على الطاوله هبة وطلال وفيصل..طالعت هبة في طلال:
ياليت الحبايب الثانين يرتاح بالهم اشوي ..
طلال ابتسم وباين عليه الراحه ..
وهبة تهز راسها له:
هااا بشر ..ويش الاخبار ؟؟
طلال يستهبل:تبين تعرفين ..حطيها على الجزيره او العربيه ويعطونك التقرير ..
هبة:تستهبل حضرتك انا اسال عن اخبارك انت.."وجلست تكح"
طلال:صدق ملقوفه ..الحين مريضه وتدخلين نفسك في اشياء ماتخصك ..قومي ارتاحي شويه وخلي عنك اللقافه ..
هبة وهي تقوم:شوف انت وهي من بيوصل اخباركم لبعض اجل "يكون تهدد"
طلال:ماراح نحتاجك قريب انشاء الله ..ومستغنين عن خدماتك..
هبة وهي تطالع في اخوها:
وافقت؟
طلال:قلت لك قريب وبعدين يلا ..يلا روحي غرفتك ارتاحي يلا..
هبة وهي تطالع في فيصل الي جالس ومايدري ويش هي السالفه :
اخوانك ذولي رايحين فيها ..
وراحت غرفتها لما بدت تكح وحطت راسها ونامت بصعوبه...
****************************


الرد باقتباس
إضافة رد

ذبحني الشوق / الكاتبة : فديت روحه ، كاملة

الوسوم
الشوق , الكاتبة , ذبحني , رؤيه , فديت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
مسموح يا من ملكت الروح / كاملة بنت شـ م ـر روايات كامله - يتم نقل الرواية هنا بعد اكتمالها 100 12-05-2010 03:09 PM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM

الساعة الآن +3: 12:56 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1