غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-12-2011, 01:45 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي ذبحني الشوق / الكاتبة : فديت روحه ، كاملة


مررحبا غراميات ازيكم




جبت لكم رواية حلووة وان شاء الله ما تكون مكرره




للكاتبه فديت روحه




السلام عليكم





بكتب لكم القصه واتمنى تعجبكم وتحوز على رضاكم





وارجو انكم تقراءونها وتعطوني رايكم فيها





ويمكن يكون بعض الاحداث مرت علينا اوعلى احد نعرفه





ويمكن تكون احداثها خياليه بس ماتخلو من بعض الحقائق او الشخصيات الي عشنا معاهم في حياتنا اليوميه او العمليه والاجتماعيه





وصدقوني فيها بعض القصص الحقيقيه الي سمعت عنها وعايشتها انا بنفسي





واتمنى انكم ماتحكومن عليها من البدايه ترا القصه مرررررررة حلوه







ذبحني الشوق







كانت جالسه في غرفتها تفكر في وضعها والى متى بتضل على هذا الحال الاجوالها يدق ناظرته الا هو رقم غريب قالت في نفسها يمكن غلطان




ردت :نعم




الجهه الثانيه :نعم الله عليكي اختي (بصوت قوي شويه وسكت)




هبة :نعم بغيت شئ اخوي ....... وقلبها يرجف





الجهه الثانيه :والله بغيت اسأل هذا جوال هبة بنت خالد ال....





طلعت هبة عيونها من الخوف هذا يعرف اسمها بالكامل ومن الرجفه والخوف سكرت السماعه .....




اشويه الايدق نفس الرقم مره ثانيه وهبة ماردت وثالثه ورابعه ونفس الشئ ....




وهبة في نفسها تقول... اوووف هذا ايش يبغي والله انه طيح قلبي..




وفي الخامسه دق ورفعت السماعة وهي تقول ومعصبه حدها : خير ابش عندك ؟





الجهه الثانيه :ههههههههههههههههههه والله انك فله صراحه وينلعب عليكي.




عصبت هبة :وجع ان شاء الله زين




وسكرت السماعه ....وماتت على حالها من الضحك




دق جوالها واخذته وهي تضحك وردت .......




سعود:حرام عليكي ...اهون عليك تقفلين الخط بوجهي ...




هبة :احمد ربك اني ماهزئتك ....وبس قفلت الخط اصلا انت يبيلك مقلب محترم علشان تعقل .....




سعود:لاا والله شايفتني مجنون واناماادري عشان اعقل..




هبة :خوفتني والله قلبي مدري وين راح من الخوف وانت مبسوط حضرتك




سعود وهويضحك:




ماادري كل المقالب الي اسويها ماتضبط الا معاك انتي




هبة:اقول مالت ...شايف لك من تضحك عليها ولا تسويلك شي بس ماعليه ياسعودوه مردوده...




سعود يكون زعل :اقول والله الشرهه على الي بيقول لك شئ بس الظاهر انتي ماتستاهلين ...(وهو ماسك نفسه لا يضحك)




هبة :قول مايكفي انك طيحت قلبي ...لاتصير ماصخ عاد




سعود:والله النفس قفلت خلاص ..




هبة بدلع:سعودي اخوي الغالي يلا قول ايش عندك..




سعود:اقول بغيتي شي مشغول انا الحين .....(واصل حده من الضحك)




هبة :سعودوه وجع ان شاء الله بتقول ولالا(واصله حدها منه)




سعود وهو يتصنع الخوف:يمة اكلتيني ايش دعوة كل هذا فضول الحمد لله والشكر ....ثقلي ترا الثقل يمدحونه .......




هبة قفلت عندها :اقول بغيت شي يلا مع السلامه ..




سعود عرف لها لانها خلاص وصلت حدها يستانس اذا لعب بأعصابها :ايه بغيت ...جهزي اغراضك بمر اخذك بكره ايش رايك....




وكل العصبيه الي في هبة راحت وجات بدالها فرحة(قلبها كبير وطيب بسرعة يصفى وماتعرف تحقد على احد... كيف اذا كان احد من اخوانها )




هبة :صدق والله ...تسلم يالغالي والله انك فرحتني ...




سعود وهو يضحك :لااا امزح معاك انا ..........الا بمرك بكره رحنا ابو راكان وهو يحن روح جيبها ...روح جيبها ...كأنه ماعنده بنات غيرك ...




هبة :ايه ماعنده بنت غيري ... بعد فلبي ابوي .... والله اني مشتاقه له مررررة ...خلاص انا من الحين بجهز اغراضي ...كم الساعة بتجيني بكرة.




سعود :شف بنت اللذين .. حتى ماقالت بنضيفك بات معاناوبعدين نمشي والله انك مصلحجيه ..




هبة:ههههههههه .....كل هذا حاقد خلاص تعال ومابنقصر معاك,,,بس تعال




سعود وبجديه :هبة...




هبة: خير اخوي




سعود: خلاص قررتي ولا لا




سكتت شويه وبعدين قالت :سعود تدري اني مقررة من زمان بس اخاف من امي وردت فعلها ..




سعود وبجديه اكبر :وليهماتواجهين الوضع خلاص هذي مو عيشة الى معيشه نفسك فيها .....لازم تقوين قلبك...........




هبة :انت ماتدري عن شئ انا امشي الحيط الحيط وياالله اسلم ..




سعود وهويحاول يخلي صوتة هادي:




لاتقولين انه ضربك مره ثانيه ترى والله ثم والله اني اقول لابوي واخليه يتصرف معه.




هبة بخوف :سعود انت وعدتني انك ماتجيب طاري لاحد ابد...




سعود :وانا عند وعدي ...بس اذا كررها والله انه راح تصير علوم ....ترا وراكي ارجال.... فاهمة.




هبة:ايه فاهمة...خلاص لاتعصب ما صار شي من زمان...




سعود :جهزي اغراضك راح اخذك ونمشي على طول مالنا قعده ..




هبة :انت تأمر امر من لي غيرك يا خوي..




تبغي تطري الجو شوي...




سعود:وهو فاهم لها :ايه خذي بعقلي حلاوه وراكان وطلال وفيصل مدري ايش يقربونك...ز




هبة وهي تضحك:ايه هذولي اخواني الي مااستغنى عنهم ابد ....نور عيوني هم والله (بكل حب)سعود يبي يقهرها:اقول دوريلك على سواق غيري يجيبك يلا باي.....




هبة: وين رايح ...امزح معك انا ....كلكم والله غالين على ومااقدر استغنى عنكم...




سعود: على بالي انا طايح من القائمه ...على طول ازعل ..




هبة ايه تدلل دامك شايف الي يدللك




سعود :والله مصدقة روحها تعرف تدلل ...




هبة :ههههههه...ظريف او تستظرف ...




سعود وهو يضحك :والله انك تجننين ...شلون صبرت عنك طول هالسنين مدري ...




هبة :اقول انا اختك مو خطيبتك رهف عشان تتغزل فيني ...استح ترا والله اخجلتني....




سعود :بعدي والله




هبة :سعود بكلمك بعدين شكل امي جات وبروح اجهز اغراضي عشان بكرة طيب....




سعود وهو عارف الوضع :خذي راحتك واشوفك بكره ...




وقبل مايسكر :لا تدقين على الرقم القديم طيب




هبة:طيب مع السلامه




سعود الله يسلمك...





*********************





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-12-2011, 01:49 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


قفلت الجوال وراحت تشوف امها الي تو جايه من بره ..


هبة :هلا يمه ها ايش سويتي ...


منال ام هبة :هلا هبة فاتتك الجلسه عند ام بندر مررة حلوه ..تراهم سالوا عنك


هبة: انا ماابي اروح عندهم من يشوفوني اشتغل الفضول عندهم والاسئله الي ماتخلص على ابوي واخواني ...



منال :اجل على كذا ماراح تروحين عرس بنتها نوف ...ولا رحلت البحر الاسبوع الجاي مع الجيران...



هبة :يمه انا بريحك من مشاويري ...و..



قاطعتها امها :من جدك انتي ماراح تروحين ...وايش بيقولون عني اذا ماجيتي ..



هبة وحبت تقنع امها انها خلاص تستقر مع ابوها الي ساكن بالرياض ومطلق امها وهبة ساكنه مع امها وزوج امها بس في الاجازات تروح مع ابوها ...



هبة:يمه انا عندي فكرة ...ايش رايك اروح عندابوي واذا سالوكي عني الحريم قولي لهم انها بتستقر عند ابوها



منال الي تفاجئة :ايش قررتي خلاص



هبة :ايه يمه انا ابي اروح عندابوي واخواني واستقر عندهم ...



منال :خلاص ماتبيني الحين وتتركيني وبتروحين عند ابوكي..



هبة وكانت خايفه من هذا الموقف :انا ماعفتك يمه بس ابوي يبغيني استقر عنده واخواني بعد وانت شايفه كيف وضعي هنا مع زوجك وبنته وفواز قريب يجي من بره وماراح ياخذ راحته في بيته ولازم اروح وصدقيني ماراح انساكي وبكلمك كل يوم ...



منال وهي تمسح دموعها :انتي بنتي الوحيده وفراقك صعب علي.... بس ولاني فعلا شايفه وضعك هنا مايهون على اشوفك تنضربين على يد ابوفواز وعيشتك عند ابوكي احسن لك ...روحي يابنتي عنده بس ..كلميني كل يوم ..



باسة راس امها ومسحت دمعتها:ماطلبتي صعب من عيوني ..انا بروح الحين بجهز اغراضي لان سعود بيمر ياخذني بكره ...



وتركت امها وهي مررة متضايقه على انها تشوف امها زعلانه كذا وهي السبب بس لازم تبتدي وتخطو الخطوه الاولى بس الشي الي فرحها انها راح تستقر عند ابوها وماراح تشوف زوج امها الكريه ...كيف كانت مستحملته ماتدري...



*******************



سعود بعد ماسكر من عند هبة ظل يفكر في حالتها ان شاء الله ترضى وتقتنع انها تستقر عندهم بالرياض يكفي الي صار لها لين الحين وهوموقادر يسوي او يقول شي لانها ماخذه وعد منه انه مايخبر احد بأن زوج امها المحترم يأخذ المصروف الي يرسله لها ابوها بالبنك واذا رفضت انها تعطيه البطاقه يضربها لين توافق ....وابوها طبعا مايدري بشي ...وهبة كان رايها من البداية انها تضل مع امها لانها بنتها الوحيده وماعندها لاخوات ولا اخوان الا من ابوها علشان كذا ابوي احترم رغبة هبة انها تضل مع امها طول الفتره الي راحت ولان ابوي مايحب يجبر عياله على شي هم مايبغونه ..




بس لادرى ابوي بالسالفة والله يودي ابو فواز في داهية ....



عصب سعود وهو يفكر في الموضوع ومانتبه بالي يمشي وراه ....



طررررررررراااااخ....



حط يده على قفه رقبته والتفت مسكين تفاجاء بالضربه سعود:وجع ان شاء الله..



طلال اخوه وجاد منفجرين من الضحك علية وعلى شكله ....



سعود :اشوف فيكم يوم (وهو يدلك في رقبته)



طلال:تستاهل علشان تلعب بأعصاب اختي مره ثانيه ..



سعود :اقول لايكثر بس ..مصدق روحك انت ووجهك ...



طلال:طيحت قلبها من الخوف ..



جاد:ايش سوى ..



طلال :لعب بأعصابها ...



سعود :بكرة راح امر واخذها ...



طلال يستهبل :والله تتكلم من جد ولامن جاد....



جاد:هههههههه حلوة منك ذي بس لاتتمصخر على اسمي مره ثانيه فاهم (مسوي فيها معصب)



سعود يكلم طلال :ايش عرفك اني لعبت عليها ...



طلال:هي قالت لي قبل شوي...



سعود:واختك ماتعرف تخبي شي ابد..



الا يدق جوال جاد وقام من جنبهم يكلم



طلال :ومن قال لك ان اختك تخبي علي شي



.ناظره سعود بنص عين وقال:



تبغي تبين لي انها ماخذه عليك انت بعد وعد (كان يبي يشوف اخوه اذا يعرف بالسالفة )



وسع طلال عيونه مستغرب وقال :وانت بعد لاتقول



سعود تحمس :ايش الي لا اقول



طلال :سعودة لاتكون حيله من احيلك



سعود:والله انك فاضي لوكانت حيلة مني ايش عرفني انها ماخذه وعد....



طلال :طيب قول اي وعد



سعود :وليه ماتقول انت



طلال:يلاعاد ...قول وخلصنا بعدين انا اخوك الكبير ولازم تسمع كلامي



سعود:ههههههه ضحكتني ومالي نفس اضحك........موضوع الفلوس



وطلال يقول معه في نفس الوقت :الفلوس



سعود: اختك ذي ماتعرف تخبي شي ابد



طلال: مسكينه اصلا احنا مافينا خير ...هذا من طيبها ...



سعود :ماخذه وعد مني ومنك انا مانخبر احد وهي الله العالم لمين قايله...



طلال :تطمن هي قالت لنا بذات لان احنا دائما مع بعض وعلاقتنا متينه ولانها ماتبغي تزعل واحد فينا ..



سعود:والله اختك ذي ملاك ...ياحبي لها بس



جاد وهوجاي وسمع كلامه :اقول الحمد والشكر هذي اختك وقاعد تتغزل فيها على ويش ......مدري ايش شايفين فيها ...



طلال :بلاك ماتدري ..فخلك ساكت ازين لك...




تعديل اسطوره !; بتاريخ 01-12-2011 الساعة 01:50 AM. السبب: تعديل اللون
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-12-2011, 01:52 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


جاد :اصلا بسكت من غير ماتقول لاني مااحب سيرة البنات ..
سعود :وحتى خواتك وامك ...
جاد: هذولي اهلي ..ومالي غناة عنهم...
طلال :بس هم بنات بعد .
جاد :لا عاد اسمحلي مو كل بنت بنت...
سعود:صادق بس هبة اختي غير ....وماتقدر تقول شي
جاد:الحمدلله زين انها اختكم ....قوموا بس مايندخل معكم في مناقشة على طول تهاجمونه.....
سعود :انا مستغرب انك استسلمت بسرعة ...مو من طبعك ..
جاد :لا تحسب اني منسحب ...لا والله بس تعبان وابغي ارتاح وانام وانتو راعين طويله ماراح تخلصون لا بكرة...
طلال :اوووه ذكرتني وانا بعد بروح انام وراي بكرة مشوار ...
سعود :وانا بعد ..لااا يكون بتروح تجيب هبة..
طلال :ايه انا فلت لها بجيكي ..
سعود:لا والله وانارجل كرسي عندكم انت واختك الحين انا قايل لها اني بجيلك بكره
طلال:ادري قالت بس انا قلت لها بخلي سعود يظل وانابروح بداله ...
سعود:ومتى ناوي تقول انت وجهك ...انا الي بيروح موبكيفك..
طلال :اصغر عيالك انا تكلمني كذا انت وهالوجه...
جاد:اقول والله انكم فاضين وماعندكم سنع ,,,اقوم انا احسن لي ...الي يسمعكم يقول ماعندهم اخت الا هم قوموا بس رجيتوني الله يرجكم.....انا رايح انام وراي دوام بكرة الصباح مو مستئذن مثلكم ...والله كأنكم اطفال...
قام وهم وراه ..
سعود :والله احنا بعد نمشي ...
ضحك عليهم جاد وراح لبيته وطلال وسعود اتجهوا للبيت...
************************ *****
اتمنى انكم ماتحكمون عليها من البداية
وترى الاجزاء الجايه بتكون احسن واحسن


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-12-2011, 01:56 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه






في اليوم الثاني ...



جلس ابو راكان يتناول فطوره كالعاده وامة جالسه جنبه ونتاظرة وفي عينها كلام ...خالد الي هو ولدها


واكبر عيالها فاهم لها بس ساكت يشوف ايش راح تقول ..وفي قلبه يبتسم عليها


جاء طلال وسعود وجلسوا يفطرون بعد ماباسوا راس جدتهم ...ماقدرت ام خالد تظل ساكته وحطت


الملعقة بقوة على الطاوله وطلع صوت قوي..


ام راكان :بسم الله عليك ياخالتي ايش فيك تعبانه


ام خالد:والله في ناس يخلون الواحد يتعب غصب .


ابو راكان بكل هدوء:سلامتك يمه من التعب..بغيتي شي.


طبعا طلال وسعود يعرفون ايش نبغي جدتهم بس ساكتين لان ابوهم موصيهم لايجيبون طاري لها ..لانه


بيسوي لها مفاجأة


ام خالد وماصدقت ولدها سألها وفتح الباب:ايه لاتحسب اني بظل طول الوقت ساكته ..بنتك في وادي


وانت وعيالك في وادي اشلون يطاوعك قلبك مدري..


ابو راكان:يمه انت تدرين اني مااحب اغصب احد من عيالي على شيء هو مايبيه ..خليها على راحتها


ام خالد:الحين داير شركات ومصانع مو قادر تدير بنتك لوانت قايل لها تعالي استقري عندي ماراح تقدرترفض بس انت ماتبيها ..(وهي معصبه)


ابوراكان:يمة ليه ذى الكلام الحين انت تدرين ان هبة نور قلبي.. وعيوني الي اشوف بها وعلشان كذا مااقدر ازعلها والي تقوله بنفذه لها اذا اقدر ...


ام خالد عصبت:اهااا بس عن الخراط ...


ابو اركان يبتسم "سبحان الله الاولاد طالعين على ابوهم يحبون يلعبون باعصاب الواحد لعب":اعصابك يمه يرتفع عندك الضغط الحين ..


وطلال وسعود ميتين ضحك بس موقادرين يقولون شي لانة ابوهم موصيهم...


ام خالد:اصلا"ارتفع وخلص ...انت هامك يعني ..


ورفعت عصاها ووجهتها على سعود :قوم انت ودني المستشفى ..عندي موعد


اروحه ابرك لي منكم ..


سعود :يمه انت تامرين آمر بس اليوم مقدر اروح روحي مع السواق او مع فيصل.


ام خالد :بايعة عمري انا اروح مع فيصل ولا السواق انا مااحب سواقتهم ..


طلال :انا سامع جاد اليوم مستئذ ن من العمل عشان يوديكي يانوارتنا..


(عشان ماتقول شي ويرحون هو وسعود مع بعض)


ام خالد :والله انك شيخ الشباب مو هذا ماكأني جدته


"اصلا جاد مش مستئذ ن بس حبو يلصقونها بظهره "


سعود قام وباس راسها :ايش دعوه يالغاليه انا حاضر بس والله ترا عندي شغله ضروريه ...ولا كان على هالخشم ..وانت تستاهلين ياجده الخدمة .


ام خالد :قم بس قم واتصل على جاد ولدي عسى يوفقه ان شاء الله.


سعود :افا ياجده الحين جاد بس ولدك واحنا لا ..


ام خالد :هو الي يحن علي موانت...


سعود :طيب يالغالية ...اخر اليوم بنشوف من الي يحن عليكي اكثر ..


طلال :الله يخليكي لنا ياجده


مدت ام خالد يدها لام راكان عشان تقومها وتروح ترتاح قبل موعدها وطلال وسعود راحوا يجيبون هبة وابوهم توجه لشركة ...بعد مااتفقوا على الي يبغونه ..طبعا" طلال طلب من ابوه الاذن لجاد علشان موعد جدتهم


*****************


وهبة طول الليل مانامت ..وهي تفكر كيفراح تترك امها وتستقر عند ابوها ...صحيح هي تزور ابوها في الاجازات وابوها يطلب منها انها تظل معه بس هي ماتقدر تترك امها بعد ماتطلقت من ابوها من قبل 11 سنه وكان عمر هبة 10 سنوات وكانت في الاجازات تروح عند ابوها وتكون احلى ايامها وفي الدراسه تروح عند امها لانها ماتبي تزعل احد منها ....


وابوها ماكان يبغي يغصبها او يكسر بخاطرها ..ودائما يقول بينه وبين نفسه انه ظلم هبة وتسرع في طلاقه من منال وكان لازم يتحمل عشان هبة بس ام هبة


كانت نكديه وصاحبة مشاكل واحيانا تعصب من غير سبب ...وكانت تفتعل المشاكل مع ام راكان الي هي زوجته الاولى ومسالمه ومالها في المشاكل وسوالف الحريم بس ام هبة قويه واحيانا تتصرف بلئم وعلشان كذا صار الطلاق هبة حاولت ان هذا مايأثر عليها ولا على مستقبلها اوعلى علاقتها باخوانها لان مالها غيرهم ...


وبعد مرور 4 سنوات على طلاق امه ..منال تزوجة مرة ثانيه من واحد اكبر من منال ب8سنوات وارمل وماعنده غير3 اولاد..


فواز الكبير الي عمرة 27 سنه ويميل لهبة بعدين بنعرف قصته ..وعبير الثانية23سنه الي ماتحب هبة ودائما تحاول تضايقها حتى اذا هبة كانت متجنبتها واخر واحد محمد 19 سنه اطيب واحد فيهم ...


منال كانت تعاملهم بحب وكأنها تعوض سوء معاملتها لابو راكان وعياله وزوجتة في عيال ابو فواز بس ابو فواز الي ماكان يهمه شي غير الفلوس وتجميعها مايعامل هبة طيب ويتضايق من وجودها جنب امها بس في معاملته لمنال افضل بكثير من هبة يمكن لانه فعلا حب امي..صحيح ام هبة جميله مرة وهبة اخذة من ملامح امها الشي الكثير والباقي من ابوها واهله ..


وهبة الي كانت تاخذ ايام الدراسة وتضل عند امها لان فواز يدرس في الخارج بمساعدة خواله ومايرجع الافي الاجازات ومحمد مثل اخوها الصغير وماراح يزعجه وجودها لانه شخص مسالم ..والحين راح تودع كل شي هنا وماراح تتذكر الايام السوده الي عاشتها على يد عبير وابوها من كلام جارح ومعامله سيئه وضرب بس عشان الفلوس وماكانت تقول لاخوانها ولا ابوها لانهم اذا عرفوا ماراح يخلونها عند امها وامها بالفتره الاخيرة دائما تعبانه ومريضه بس بعد الموقف الاخير امها مااعترضت على استقرارها هناك ..


وهي تفكر في كل هذي الافكار حست بالعطش وطالعت في الساعة ولقتها 2:30 نزلت تحت بتشرب مويه ..راحت المطبخ ولما جات بتطلع لقت في وجهها فواز ..وانصدمت ..هو كان مسافر ايش الي رجعه في ذا الوقت طاحت عين فواز عليها ومسكت هبة الشيله تعدلها على راسها ..


ابتسم وقال :ماله داعي الشيلة انا شايفك من زمان مو اول مرة اشوفك فيها الحين.


تفاجئة هبة هذا ايش قاعد يقول متى شافني اذا كنت مااطلع من الغرفة اذا كان هو غير موجود واذا كان موجود لازم احط الشيله على راسي ..هي ماتنكر انها تميل له وتكن له مشاعر في قلبها بس ماحاولت تتمادى في مشاعرها وماخذها الحذر من مثل سوالف البنات


هبة وهي تحاول تمر بس فواز ماخلها :ممكن ..عشان امر


فواز :اسف ..عندي كلمتين ابيكي تسمعينهم اول


هبة :تقدر تاجلهم لبكره الوقت متاخر الحين


وجات بتمشي وفواز حط يده على الباب يمنعها ...


فواز:مافية الحمد لله على السلامة ..تراني توني راجع من سفر.


هبة وهي تعدل الشيله على راسها :من متى وانت هنا؟


ابتسم :توني واصل من ساعة وسمعت شي ماعجبني ..


هبة :ايش سمعت ؟


فواز :صحيح بتستقرين عند ابوكي..


هبة :هذا كان لازم يصير من زمان بس عشان امي انا ظليت كل الفتره الي راحت والحين صار لازم اكون عند ابوي واخواني ..


فواز:بس هذا السبب؟


هبة:ايش تقصد


فواز :يعني مافي احد متقدم لك ..


هبة ماعرفت ايش ترد لانها ماكانت متوقعه هذا السؤال بس بعدين :


هذي خصوصيات مااظن انها تهمك .


فواز :من قال انها ماتهمني ..كل شي عنك يهمني


هبة :انا اقدر لك هذا الشي كونك مثل اخوي بس....


قاطعها بسرعة وهو معصب :لاتقولين اخوي انا ماني اخوكي فاهمة


هبة خافت يسمعه احد ويفهمون وجودهم في مكان واحدفي مثل هذا الوقت غلط :


طيب انت مش اخوي ولا تقرب لي بس خلني اطلع من هنا مايجوز وقفتنا هنا في هذا الوقت ..


فواز:تطمني الي بالبيت كلهم نايمين بس انا وانتي الي صاحين .


هبة :اعتقد ان كلمتك انتهت خلاص وصارلازم امشي ..


رفع راسه وناظرها وهو يقرب وكأنه يتأملها وهبة تبتعد لين صار ظهرها في الجدار ..هي كانت ميته خوف بس تحاول تتصرف بهدوء ..


هبة :فوازخلاص خلني امشي وبكرة قول الي بتقوله انا صار لازم انام .


فوازوماكانه سمعها :طول فترة سفري وانا افكر فيكي وماغبتي عن عيني لحظة


هبة :انا ماني من البنات الي انت مفكرهم .


فواز:ابدا انت مو من هذا النوع انت مثل الملاك..وعمري مافكرت فيكي غلط..


هبة:الحين انت ايش تبغي مني انا وراي مشوار بكرة وماني فاضيه لكلامك .


فواز:مشوارك بيت ابوكي صح علشان العريس الي متقدم لك ونصيحة مني خليكي هنا ...اعرفي انك لي وماراح ياخذك احد غيري ..والي جاي لك ارفضيه .


هبة:انت ايش قاعد تقول ..انت مالك سلطه علي فاهم وهذي حياتي وانا الي اقرر كيف اعيشها ومع من مو انت الي تتحكم فيني واذا مفكر جلوسي عند امي طول الفترة الي راحت كلها عشانك فانت غلطان والحين ماظن ان عندك كلام ثاني تقوله انا رايحه وماتقدر تمنعني ..


ومشت عنه بس سمعته يقول انتي لي وانا لك ياهبة مهما قلتي من كلام ..


صعدت الدرج بسرعة وراحت غرفتها وهي مش مصدقة الاحداث الي توصارت وحاولت نتام من غير ماتفكر في الي قاله لها فواز بس بعد الي سمعته والافكارتروح وترجع ...لانه هذاالموقف مواول موقف يمر عليها من فواز وهو دائما يحسسها انه يميل لها ويحبها ...


وفي الغرفة الثانيه كان فواز متمدد على السرير ويفكر في الي صار مع هبة "هبة لي وماراح تكون لحد غيري ابدا ..انا احبها وماابيها تبتعد عني لحظة ...انا ماتغربت كل ذي السنين الاعشانها وهي مثل الجليد ماتحس فيني ولافي مشاعري ..ومن حسن حظي اني وصلت الليلة وسمعت ابوي وخالتي يتكلمون انك بتمشين بكرة وانا الي كنت ناوي اسويلك مفاجأة ..طلع انت الي عندك المفاجأة ..على الاقل شفتك قبل ماتروحين وقريب اجي واخطبك من ابوكي قبل مايخطبك احد غيري دامك مااكدتي لي ان في احد طالب يدك .. وظل طول الليل وهو يفكر ..


*******************


سعود:اها يلا طلعي خلصينا "مسوي نفسة معصب"


هبة :لاترجني من الصبح اصبر خلني اسلم على الي في البيت اول.. وانت ماراح تدخل تسلم على امي ..


سعود:هي موجودة ..


هبة:والله سؤال ..اكيد موجودة وين بتروح من الصبح .


سعود:اقول لايكثربس مصدقة عمرك تعرفين تحرجين ..يلاخذيلي طريق بدخل..


هبة:الا وين طلال ..ماراح يجي..


سعود:شف بنت ابوها الحين انا اكلمك وجاي لك لهنا وانت ياناكرة الجميل تسأليني عن طلول..


هبة:صحيح انت اخوي وماتقصر بس طلال غير..


طلال الي كان يسمعها على السبيكر من جوال سعود :بعدي اختي والله ..


هبة :يعني مسوي فيني مقلب على اساس طلال مش معك الله يراويني فيك يوم


سعود:اقول طلال ليه مانرجع الرياض واختك المصون تدور لها احد يجيبها .


هبة :لا لا انا امزح معك ..اقول دخلوا المجلس الباب مفتوح بنّزل اغراضي وبجيكم ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-12-2011, 01:57 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


كانت في المجلس تنتظر اخونها ..شافت سعود داخل وهو لمحها فتح يدينه عشان تجية ضمت اخوها من الفرحه وهي تقول :


هلا والله بأخوي اشتقت لك عن جد..


باستة على خده ..


سعود:والله وحلويتي يابنت ..


هبة :عيونك الحلوة.


واحنا مالنا نصيب في هلوجه الحلو..


هبة :طلال ..


ورمت نفسها في حضنه وهي تمسح دموعها ..


طلال:ابي اعرف الحين ليه الدموع ...


هبة وهي تبعد عنه :اشتقت لكم..صحيح اكلمكم وامزح معكم بس شوفتكم ترد الروح ..


طلال وهو يطالع في وجه هبة :والله على قولت سعود احلويتي ايش يسوين .


هبة :شوفتكم بهجت الناظر وتسر الخاطر.


سعود :الله الاخت صارت شاعرة واحنا ماندري..


هبة :اعجبك ..استريحو ا خلوني انادي امي ..


ضيفت اخوانها ونادت امها وسلموا عليها وطلعوا ..سلمت على امها وهي تمسح دموعها ..


منال:دقي علي اذا احتجتي اي شي طيب..


هبة :زين يمه..لاتوصين انا كل يوم بكلمك..اشوفك على خير ..سلمي على الجميع ..وانتبهي على نفسك .


ركبت هبة السيارة ومافاتها الي كان يناظرها من النافذة رفعت راسها وشافته .طلال :يلا مشينا ..


هبة :ايه يلا


وطول ماهم بالطريق سوالف وضحك لا طلال وسعود اذا اجتمعوا مايقصرون في المزح عشان ينسون هبة فراق امها


هبة:كيف جدتي؟


طلال:بخير الحمد لله ..ماشفتيها اليوم الصبح كيف استلمت ابوي عشانك..


هبة:والله ..ايش صار .


جلس طلال يحكي لها الي صار..على الفطور.


هبة :ياحبي لها ..والله اني اشتقت لها مرررة..


سعود :بس صراحة اجدينا في جاد ودبسناه عدل ..


هبة :كيف؟؟؟


سعود :على موعد جدتي في المستشفى ..


هبة:ليه ايش فيها جدتي ..لايكون مريضة ؟


سعود :مافيها شي كلها موعد وراح ترجع البيت ..


هبة :لا والله تضحك علىّ انا ابي اروح لها واشوفها الحين ..


سعود :وين نوديك والله انها مافيها شي بس موعد ..


طلال:والله فكرة خلنا نفاجأ جدتنا في المستشفى ونروح لها بهبة..


سعود:والله انت بعد ..وابوي مين الي بيقوله .


طلال :انا الحين اتصل فية واقوله ..


سعود :طيب دق على جاد شفة اذا مازال موجود بالمستشفى ولا طلعوا .


طلال:طيب


ودق على جاد عشان يتأكد منه ..


طلال:هلا..


جاد :اهلين


طلال:انت لساتك في المستشفى .


جاد :اي تونا واصلين قبل شوي ..ومره ثانيه خلوني بعيد عن حركاتك انت واخوك ..كله عشان اختك بس معليش ياطلال مردوده قريب ..


طلال وهو يضحك:الحين بدل ماتشكرنا ان عطيناك اجازة من العمل جالس تلومنا احنا واختي ..يلا استعد احنا جاين لك ولاتزعل .


جاد :وين انا باقي مع جدتي ماخلصت ..


طلال:زين الحمد لله يمدينا نلحق .


جاد :على ايش؟


طلال وهو يضحك لانه عارف ايش راح يقول جاد:


اختي مصممة تطمن على جدتي وتبي تجي لها في المستشفى .


جاد:والله انكم مدلعينها وعطينها وجه ..وهي مستقله الفرصة وتضحك عليكم


طلال:مشكور على النصيحة ..بس تضحك علينا بكيفنا احسن من غصب علينا بعدين هي اختي الوحيدة ويحق لها تتدلع..


وهبة ولع وجهها وراحت تضرب في كتف اخوها بشويش:


والله احرجتوني اذا مايبيني اروح خلاص خلنا نرجع البيت.


سعود يعاند:والله بكيفة هو مايبكي تروحين هذا احنا وصلنا..


طلال:يلا احنا تحت..


جاد:طيب اخذ راحتك انت واختك ..وقفل الخط


سعود :دق على ابوي يمكن يكون عنده راي ثاني ..


ودق طلال على ابوه وابوه ايد الفكرة وماكان عنده مانع..


نزلوا من السيارة ودخلوا المستشفى وكان جاد ينتظر في غرفة انتظار الرجال ..اتصل علية طلال يسأله عن مكانه وصعدو للقسم الي هم فية وهبة راحت غرفة الانتظار تبع النساء الي كان لها بابين ولقت جدتها جالسة تنتظر وطلال وسعود راحو يشترون ورد يراضون فية جدتهم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-12-2011, 01:58 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


شفت جدتها وعرفتها بس ام خالد ماعرفت هبة لانها مغطية وجهها جاءت الممرضة ونادت على ام خالد ..وقامت هبة تساعد جدتها بس ماعرفت على نفسها وكانت حاطة البرقع على وجهها بس عيونها تبين ..استغربت ام خالد من هالبنت بس في قلبها قالت يمكن حنت على وجذبها عيونها الحلوة ولونهم العسلي المايل للاخضر ورمشها الطوال ..دخلت معها في غرفة الدكتور بسالدكتور ماكان موجود ..
الممرضة :خمس دقائق ويجي الدكتور ..
وتركتهم وام خالد الي لساتها مستغربة وفي بالها من ذي البنت الي ساعدتني ودخلت معي لين الغرفة جلست تطالع فيها..
ام خالد:مين انتي يابنتي؟؟
ابتسمت هبة وشالت البرقع حقها من على راسها :انا بنتك يمه ..
ام خالد الي ماصدقت وحضنت هبة بقوة وهي فرحانه مرة :
هلا هلا والله بالغاليه بنت الغالي .
باستها هبة على راسها وفي ايدينها :
ايش فيك ياجدة عساكي بخير ..والله قلبي خاف لما قالوا لي طلال وسعود انك في المستشفى ..
ام خالد:انا بخير بس عندي موعد اليوم هذي كل شي لاتخافين ...
وفي هالاثناء قام جاد يشوف جدته اذا دخلت ولا ناداها من غرفة الانتظار وماردت علية لقى الممرضه في الممر وسالها عن ام خالد وقالت انها في غرفة الدكتور ..راح هناك وفتح الباب على طول على اساس ماحد غير جدته وهبة مايدري انها موجوده بالغرفة وانها مع طلال وسعود ..
واول مافتح الباب طاحت عينه في عينها وفي باله "ياربي ايش هالحسن وايش هالجمال جمال ناعم وتشع البراءه من هالوجه مثل الملاك وفي عيونها نظرة حلوة ومميزة ..الي يشوفها يقول صغيرة وهي ماشاء الله دكتورة اكيد ن الاوائل على دفعتها الي خلاها توصل للمرحله ذي ..ابتسم وين راح تفكيره ..
اما هبة الي تفاجأت هي وام خالد اول مرة تشوفة صحيح يشبة اخوانها بس هذا في اختلاف شوي حواجبة عريضه ومرسومة رسم ومسويله سكسوكة ولااروع قمة في الترتيب والذوق ..ماشاء الله علية من دكتور يابخت اهلة فية فعلا من شكلة شخص ينحب مرتب وكله على بعضة حلو ..ابتسمت في نفسها من تفكيرها الي راح لبعيد ..
عطته ظهرها ولبست البرقع حقها بسرعة وام خالد تو بتتكلم الا الدكتور داخل ومعه الممرضة :لو سمحتم في مجال تتركونا لوحدنا شوي..
طبعا"هبة طلعت واكتشف جاد انها مش الدكتورة من دخل عليهم الدكتور ابتسم وطلع وهبة اكتشفت انه مش الدكتور ابتسمت وطلعت انتبهت لجاد انه ابتسم وفي بالها ميناجل هذا الشخص والله انه رزة ..ألاجواله يدق رفع السماعة :
وينك يااخي ؟؟
طلال :انت الي وينك ؟
جاد:انا جنب غرفة الدكتور يلا اخلص انت واختك وتعال قبل ماتطلع جدتي ترى ماراح ننتظركم طول اليوم ..
والاخت مدلخة ومو مستوعبة انه ولد عمها "جدتي ليه مين الاخ "
طلال :يلااحنا في الطريق ..وقفل الخط ..هبة راحت وتسندت على الجدارالي المقابل للباب وجاد جلس على الكرسي الي بسيب دقيقتين الاسعود وطلال جاين ...سعودوهو يحط يده على كتف جاد :هاا لساتها داخل ..
جاد :ايه ..
طلال راح جنب هبة لانه عرفها طبعا"ودقها سالفة معاها وجاد استغرب هذا الشي "هذا ايش فيه دقها سالفه مع البنت كأنه يعرفها ومايدري ليه ماعجبه الوضع ..
سعود الي كان يكلم جاد وجاد مايرد عليه :جاد اكلمك انا ايش فيك ماترد ..
جاد مدلخ :هذا ايش فية اخوك دقها سالفة مع البنت ..
سعود :انت الي ايش فيك هذي اختي هبة..
كتم نفسه وسوى الموضوع طبيعي ارتاح شوية وقال:كنت اظنها في غرفة الانتظار ...
وكل واحد شده الفضول انه يعرف الثاني اكثر..
هبة وهي تكلم طلال :مين ذا الي واقف يتكلم مع سعود ....
"لانه هبة تشوف صوره عند اخوها طلال بس من زمان ماشافته وجه بوجه لانها اغلب الاوقات عند امها "
طلال :هذا الرزين مرررة..هذا جاد ولد عمي ليه ماتعرفينه .
هبة :من وين اعرفه وانا من زمان ماشفته واذا جيت عندكم مايطب البيت خير شر ..
وسعود كان يسولف مع جاد بس جاد ماعطاه فرصة :
اقول ورا ماتنورنا بسكاتك وتخليني اسلم على بنت عمي ..
سعود :وانا مانعك روح وسلم ..
بعّد جاد عنه وصار مقابل طلال وهبة :
كيفك يابنت العم .
هبة منزله راسها ومولع وجهها حده ماتوقعت انه يجي يسلم عليها :
الحمد لله.. انت كيغك؟
جاد الي تو يسمع صوتها وحس انها تأثر فيه بشكل غريب قال وحب يحرجها ويشوف ايش ردها :
انا الحمد لله ...اشوفك جبتيهم تحت امرك للمستشفى بس عشان تشوفين جدتي ..
هبة وعرفت هو ايش ناوي عليه رفعت عيونها وطاحت عينها بعينه وكأنه مافي احد موجود بينهم ..الحين نسو الي حولهم والمكان والاصوات ...جاد في باله ياربي في شي بعيونها وكأنه سحر و براءة بس مرة مميزه نظرتها فيها شي غريب .
وسمعها تقول :هذي جدتي انا بعدوطاعتها واجبه وانا مااقدر استغنى عن شوفتها ويكفي الفترة الي ماشفتها فيها ..واخواني اذا طاعوني فهذا رايهم هم وانا معهم فيه يا ولد العم ..
ابستم وفي باله "ماشاء الله ردها جاهز ..
استئذنت منه وراحت جلست على الكرسي الي كان هو جالس علية ..ومدت يدها لسعود عشان يجلس جنبها ..جلس سعود .
هبة :اشفية ولد عمك كذا دائما ثقيل ومايبتسم في وجه احد ابد...
سعود:والله ليه انا الي اقول لك ليه ماتسالينه وتخلينه يقول لك هو بنفسه .
وقبل ماتمنعه قال سعود لجاد انحرجت هبة وكأنها مكبوبه عليها موية بارده وقالت في سرها "والله اراويك ياسعود"
وجاد الي استقبل السؤال بأبتسامه بس بدون جواب ...الا ام خالد طلعت من عند الدكتور .
راح طلال وسعود وباسوا راس جدنهم ..وام خالد ماعطتهم وجه وراحت لهبة ومسكت يدها
هبة :هااا ياجدة ايش قال الدكتور ..
ام خالد :يقول انا ضغطي مرتفع شوية
هبة :ان شاء الله خير انتي لاتزعلين حالك بس وان شاء الله يتحسن ..
ام خالد:وهي تناظر في طلال وسعود :
والله ماحد رفع ضغطي اليوم لاهذولي ...وتأشر بعصاها عليهم .عاد طلال وسعود مسكوها عليهم اهم شي يلعبون بأعصاب الواحد ...
طلال:هذا الي بيسويلك مفاجأة ياجدة تزعلين عليه
ام خالد :ايه ارفعولي ضغطي وقولوا مفاجأة ...قم بس قم حتى الدكتور قال ان ضغطي مرتفع .
سعود :طيب المفروض ان ضغطك يصير طبيعي لما شفتي هبة "بيطيحها في الكلام"
ام خالد :اصلا مانزل ضغطي الا هبة ولا انتوا وابوكم رفعتوه على الخر ..ولاكان الدكتور عطاني محاضرة عن الضغط مثل الموعد الي راح..
هنا كلهم انفجرو في الضحك ..عاد ام خالد ماتعرف تكذب على طول تفضح عمرها ..حتى جاد الي كان ماسك نفسه ماقدر يتحمل وضحك معهم ...مسكت ام خالد يد هبة وسحبتها على اساس معصبة :
اقول مافيكم خير يلا خل نمشي تعالي يابنتي خبريني عن علومك زينه ان شاء الله ..
ولما وصلوا السيارة ..
هبة :يالله ياجده اشوفك على خير في البيت ..
ام خالد :وين يابنتي تعالي معي ..
هبة :بس ياجدتي انا جايه مع طلال وسعود ولازم اروح معهم .
ام خالد :من قال موعلى كيفهم
سعود :شلون ياجده الحين جايبينها الى هنا عشانك وتقولين مو على كيفهم .
ام خالد :ايه وانا صادقه بنتي بتجي معي وانت واخوك رجعوا بأغراضها البيت ..
طلال :والله انك قويه ياجده ترجعينا فاضين .
ام خالد :اقول اذكر الله انت ترى عينك حارة ..انا بس بعلمك درس انت واخوك عشان تحرمون تسون لي مفاجأةوبترجع ومعك اغراضها بعد ايش تبي يعني موفاضين ومسكت يد هبة واخذتها معها ..
وسعود من وراها :والله انك مب سهلة ياجده .
ام خالد ياحبي لكم بس هبة بنتي غير ومن زمان ماشفتها ..يلا حرقتنا الشمس ومفاجأتكم ردت لي الروح الله يعطيكم العافية ..
طلال وسعود اضحكوا على جدتهم مايغلبونها اذا دخلوا معها في مناقشه وهم ماخذين هذا الشي بالوراثه منها ..ركبوا السيارة ومشوا ونفس الشي جاد الي اشتغل يجنن في جدته ويتنهد بقوة عشان تسمعه.
ام خالد :ايش فيك انت بعد ..
جاد :اقول لنا الله الحب هاليومين لناس دون ناس .
ام خالد :ومين قال اني مااحبك الحين .."وكأنها عارفه ايش ناوي علية بس تبي توصل لنهايه"
جاد:الحين تارك شغلي ومستئذن وجايبك الى هنا وظال معاكي وانا اشيل واحط وفي النهايه كلمت الله يعطيك العافيه لغيري مولي .
ام خالد :والله ياولدي ماقصرت الله يعطيك العافيه ..بس تدري سهيت شويه .
جاد :ألامن شاف احبابة نسى اصحابه ."يبي يحرج هبة ويجننها عشان تتكلم "
ام خالدومسويه نفسها معصبة لانها ماتبي يحسون عيالها انها تفضل واحد عن الثاني :اي احباب واي خرابيط انت بعد والله انك غالي
جاد:ايه ضيعي السالفة بس الموعد الجاي تجين ياولدي تعال ودني ترى مااحب اروح مع السواق ومااحب اروح بروحي..
ام خالد:ايه وانا صادقه انت سواقتك احسن من 100 سواق هادي وماتسرع ماشاء الله عليك.
جاد :ايه رقعي السالفة ..
هبة :ولا يهمك ياجده اذا بغيتي ترحين مع السواق انا بروح معك ..
وهبة في نفسها تبي تجاكرة ليه يحرجها كل شويه ..
وجاد في نفسه "اخيرا تكلمت وفرصه جاتني وبستغلها "
اجل الموعد الجاي راح اناالي اخذك ياجدة
وهبة في نفسها قبل مايكمل جملته"كل ذا عشان مااروح معاها سبحن الله انت انسان غريب "وجاد كمل كلامه :
واعتبريني انا السواق وروحي معها .
ام خالد :الله يحفظكم لي من عيال والله عز العيال الي شايليني في كبري وعجزي..
هبة الي ولع وجهها وجاد كان ماسك نفسه لا يضحك هم في وادي وام خالد في وادي ثاني وتحسب ان كل ذا عليها ..هبة كانت فاهمه قصده وهو كأنه يجاوب على سؤالها الي بالمستشفى ويبين لها عكس ماشافت وعلى طول ردت :بس انت مو السواق وماراح تكون ان شاء الله ..
ام خالد :يعني يابنتي ماراح تجين معاي الموعد الجاي ..
ضحك جاد وفي نفسه ردي الحين يلا .
هبة :وانا اقدر ازعل القمر ..كله ولا انتي يالغالية اذا ماخدمتك يدي عيوني تخدمك ياطويلة العمر .
ماشاء الله ردها جاهز ..صدق انها بنت عمي "جاد في نفسه "
ام خالد :تسلمين يابنتي .
هبة وتبي ترد على جاد بتشوف كيف ينحرج بس مالقت لها شي تقوله وسكتت ..وصلوا البيت وطبعا الاهل راح يجتمعون لان ابو راكان عازمهم بمناسبة استقرار هبة عنده ..
*******************************
انتهى هذا الجزء والاجزاء الجاية احلى وان شاء الله يعجبكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-12-2011, 02:00 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه



في هذا الجزء راح نتعرف على بعض الشخصيات ومنها :
ام خالد الجده وعندها خالد الكبير وعياله هم راكان 32 سنه متزوج من بنت عمه عهود الي عمرها 25 سنه وعندهم ولد عمره 3سنوات ..
طلال 28 سنه وسعود 24 سنه وفيصل 19 سنه ومن زوجته الثانيه منال الي طلقها بس هبة وعمرها 21 سنه ...
وفيصل وهومتوفي وعنده جاد 28 سنه في نفس عمر طلال وهم اصحاب الروح بالروح ...
وعهود زوجة راكان واخر العنقود رهف 21 سنه في نفس عمر هبة وصاحبات مع بعض من زمان صحيح انهم يفترقون عن بعض بس اتصالالتهم ببعض مش مقطوعة ومايخبون شي على بعض وكل وحده تعرف اسرار الثانيه ....
وعمتهم موضي وعندها تركي 30 سنه متزوج من بنت عمه دلال وعمرها 24 سنه وعندهم بنت اسمها رغد عمرها سنه ونص..
وتوئم بنات نوره وسارة عمرهم 22 سنه ..
******
سارة :يمه ماتدرين ليه خالي مسوي العزيمه ذي ..
ام تركي :لاوالله ماقال بس اتصل وقال شرفونا الليله على العشاء .
سارة :والله اني احب اروح بيت خالي على الرغم انه مافيه بنات من عمري بس القعدة مع جدتي ومرت خالي ام راكان تونس ..
نورة :حتى انا بعد.
ام تركي :ليه هبة موبنت ..
سارة :الا بنت بس انا اقصد ان هبة ماتكون متواجده هناك دائما"وحتى اذا كانت موجوده احنا مانروح لها بس احسها حبوبة مررة..
نورة :انا بعد مالي احتكاك فيها بالحيل بس هي بنت خالي الوحيده ولازم احبها.
ام تركي:هبة حبوبة واجتماعية بس الظروف اجبرتها ماتحتك بالناس واجد بس انتوا اذا جلستوا معها راح تعرفونها عدل وتحبونها ..
سارة :ان شاء الله تكون موجوده الليله ونشوفها .
نورة :ان شاء الله .
ام تركي :يلايابنات قوموا ابوكم على وصول ..ويادوب نجهزالغدة .
سارة وهي ترمي المخده على نورة :
تقوم الدبة ذي عشان تخف شوي..
نورة :دبة في عينك الحين انا دبه ناسية نفسك انتي ياوجه العنز ..وترمي عليها المخده ..
سارة :مفكرة اني مانتبهت لك انتي وجهك كل ماقلت كلمه كررتيها يالبغبغاء .
نورة :يمه شوفي بنتك ذي ..عقلها الصغير تقول اني اقلدها .
ام تركي :يالله عنكم كل وحده طولي وكأنكم بزارين قوموا يلا خلصوني عشان ترتاحون شويه قبل مانروح بيت خالكم ..
قاموا وكل وحده ترمي كلمه على الثانيه سارة:
يالدبة.
نوره :وانت ياوجه العنز ..
سارة :ياااااي حسني كلامك يامامه انتي وين جالسه ..
سارة في الكلام مثل عيال خالها بس نورة ماتقدر عليها على الرفم من انهم تؤام بس سارة شخصيتها اقوى من نورة ..
نورة :اافف عنك والله انك رجه انا بسبقك عند امي في المطبخ يالدبة ..
ضحكت سارة:والله انك ضعيفة ..انا امزح معاكي .
نورة:ادري بس احيانا يكون مزحك ثقيل مره .
سارة :معليش استحملي هذا طبعي ..
نورة :وانا اقدر ازعل منك ياجميل ..
ودخلوا على امهم في المطبخ وهم يضحكون ..
ام تركي :والله انتم بتخبلون بي ..مرة خناق وفي نفس الوقت تتصالحون لاتدخلوني مرة ثانيه ..
نورة وسارة ضحكوا على امهم وفي نفس الوقت دخل ابو تركي..
ابو تركي :ايش فيهم نوارات البيت يضحكون .
ام تركي :يضحكون على خبالهم .
سارة ونورة في نفس الوقت :يمه
ضحك ابوهم عليهم لانه يعرف حركاتهن ..
ابو تركي :هااا جهز الغدة ولا؟
ام تركي :ايه على بال ماتغسل يكون على الطاوله يلا بنات جهزوا الطاوله .
مشى ابوتركي وتذكرت ام تركي العزيمه ونادته :
ايه على فكرة ياابوتركي ترى الليله معزومين على العشاء في بيت اخوي ابوراكان
ابو تركي :يصير خير ان شاء الله انا من زمان ماشفته وهذي فرصة حلوة .
*******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-12-2011, 02:19 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه


في بيت ابوراكان ...
دخلت هبةالبيت والي كان كبير مرة مع جدتها بعد ماوصلهم جاد واستئذن من جدته على انه بيروح البيت بيرتاح شويه قبل العزيمه ...ناظرته هبة وهويركب السيارة كان شكله مرة كشخة ..انتبهت ان جدتها تكلمها :
ايش قلتي ياجدتي مانتبهت لك.
ام خالد :اقول خلينا ندخل الشمس ضربت راسنا.
هبة :يلا.
وساعدت جدتها ودخلوا وطبعا طلال وسعودفي الانتظار في الصالة مع ام راكان الي تعتبرها هبةامها الثانية من طيبتها وقلبها الكبير الي مايعرف الحقد ..
راحت وسلمت عليها وحبت راسها .
هبة :كيفك يمه وايش علومك؟
ام راكان:انا بخير وصحة وانتي كيفك؟
هبة :بخير دامك بخير ..
واخذت تلتفت :وينة فيصل اجل..مااشوفة..
ام راكان :في غرفته تقدرين تروحين تشوفينه لساته جاس من المعهد .
هبة :طيب بروح له بسلم وبعدين بروح غرفتي عشان ارتب اغراضي .
ام راكان :بس لاتتاخرين لان راكان وعهود بيجون الساعة 3ونصف..
هبة :راكان وعهود بيجون والله اني مشتاقه لهم ."هبة ماتعرف بسالفة العزيمه الي عندهم الليله "بروح اسلم على فصولي يلا يمه وجدتي بالاذن .
ام راكان والجده :خذي راحتك .
سعود وقف وقال:انا جاي معك.
هبة:حياك.
ضربت هبة الباب ورد فيصل :
ادخل يعني من زود الادب تدق الباب "يقصد سعود"
هبة سمعته وماتت ضحك علية وسعود يأشرعلى نفسة يعني يقصدني انا ..طيب والله لاجننه واخذ يدق الباب بقوة زيادة..لابجيت طلال وبكل دفاشة يقول :
اقول وليه كل الادب انت واياها دخلوا بس .
وفيصل يصارخ في غرفتة :
ادخل .."كان ناسي سالفة اخت ة انها بتجي اليوم "
فتحت هبة الباب وسعود وطلال وراها وفيصل لما شاف هبة صرخ :
خونه ..كيف تتفقون ولاتخبروني ..
ويروح ويضم هبة ويغمز لطلال وسعودوهم فهمو السالفة وفيصل مثل نوعية هبة حساس واجد ودمعته مااسرع تنزل وهبة تموت علية وعلى طيبته :
كيفك وكيف اخبارك وشلون الدراسه معك .
"فيصل سنه اول بالجامعة قسم ادارة اعمال "
فيصل:لاتنسين احنا الحين اجازه ولاانتي ضايعة
ومسح دمعة من عينه وكمل:صحيح انكم قليلين خاتمه ..تسوون مؤامره وتتفقون وانا اخر من يعلم .
هبة وهي تضحك :انا مالي ذنب فكرت انهم قالوا لك .
سعود ويبي يبرئ نفسة :والله اختك ذي راعية مصالح ..الحين مين الي قال لطلال انا ولاانتي.
هبة متفاجأة :انا مادقيت علية هو دق على وقلت له وظنيت انه خبرك .
طلال ويحط اللوم على هبة :والله اذا انتي تبين فيصل يعرف كان اتصلتي علية وعطتيه انتي خبر او قلتي لي على الاقل عشان اقول له..
فيصل مسوي نفسه معصب وسعود طلال ماسكين نفسهم لايضحكون ..وهبة تدافع :حرام عليكم والله ماخطر في بالي كل الاشياء الي قلتوها .
والاخوان شافو وجهها الخايف وانفجرو من الضحك .
سعود:اصلا فيصل يعرف بس عنده دورة تقويه بالصباح ولاقدر يجي معنا ..
رمت عليه المخدة وسوت نفسها معصبة دائما تأكل مقالبهم :
كذا يالدبب بس معليش مردودة ..
وراحت بتطلع من الغرفة واخوانها يضحكون ويعلقون .
طلال :ياقلبي على الي يعصبون .
سعود:ايوة ياقمر انت .
فيصل :يا جمالك يااخي اذا صرت معصب .
التفتت لهم وهي ماسكة نفسها لاتضحك :
اروح ارتاح في غرفتي ابرك لي من جنونكم .
طلال:اتحداك ياسعود وانت يافيصل انتم مجانين .
سعود:والله مدري اناعارف روحي عدل بس في ناس تقول غير كذا مشكله هالناس صراحة .
فيصل:اذ انا مجنون الله يسامح الي كان السبب .
وهبة تعرف انهم يقصدونها انفجرت من الضحك :بروح اكلم رهف قبل مانجن مثلكم ..
هنا نط سعود :اقول هبة ابيكي في كلمت راس .
طلعت مع سعود الي خاطب وملك على رهف بنت عمة وينتظر تخلص دراسه ويتزوجون وطبعا اخوانهم عارفين بالقصة .
*********
دخلت هبة غرفتها وحابه تستنذل على اخوها الي دائما يحرجها او يسوي فيها مقلب :خير اخوي ايش عندك ..
سعود وهو يبتسم :عن جد بتكلمين رهف الحين ..
هبة :ايه ليه السؤال؟
سعود:والله حبيت اجلس معك وانتي تكمينها .
رفعت هبة حاجب :والله sorry brather ماقدر بعدين رهف بتذبحني ..
وسعود شويه ويترجاها :يلا عاد الحين انا مسوي كل شي انت تبغينه لا تصيرين لئيمه .
هبة وتبي تجننه اشوي على سواه فيها :تمن علىّ الحين وبعدين اشي تستفيد..انا الي راح اكلم موانت .
سعود:اهم شي احس انها موجوده في الجه الثانيه واسمع صوتها ..
هبة :اممممم افكر..
سعود:هبة خلاص والله حرقتي اعصابي الا هذا الموضوع مااقدر اتحمل فيه .
هبة وهي تضحك :طيب خلاص اكلم اشوي وتطلع ..زين .
سعود :وليه بالله "وكأنه موراضي "
هبة وهي تناظر فية :ايش فيك عندنا اسرار مانبي احد يعرفها ..والله ليه بعد.
سعود استسلم :خلاص موافق بس كلمي ذوبتي قلبي ونشفتي ريقي ..
هبة وهي تضحك على اخوها الي رايح فيها :بسم الله عليك يااخوي .
واخذت جوالها ودقت عليها وسعود قبل ماترد رهف مسك يد هبة وناظرها بتوسل وقال :الله يخليكي خليه سبيكر .
هبة :بس شويه ..وسوت الي يبيه
ردت رهف بحماس :هلا يالدبه وينك .
هبة :هلا بالغلا كله انا موجوده انت الي وينك ..
رهف بكل نعومه :قلبي انا هنا بالرياض انتي متى ناويه تجين عندنا ..
سعودحط يده على قلبه وبهمس :آآآآآآآه ياقلبي
هبة الي قامت تضحك على حركت اخوها ..
رهف:مجنونه انتي انا اكلمك وانتي تضحكين الله يخلف على عقلك ..
هبة :الحين انا مجنونه ..طيب ماراح اقول لك الخبر الي عندي ..
رهف :ماعندك خبر كذابه .
هبة:كذابه في عينك ..اجل شوفي الي يقول لك انتي ووجهك .
رهف:يلا خلصيني قولي تعرفيني فضوليه مررة .
هبة وهي تاشر على اخوها انه خلاص بتكلم عادي وهو موراضي عاد هي طنشته وخلته عادي :شوفي انا عندي خبرين واحد بقوله لك الحين والثاني اذا جيتي عندي ببيت ابوي الحين طيب.
هبة الي عارفه حركات رهف الخبله مارضت تخلي سعود يسمع لانها راح تفشلهم وتفشل نفسها قدام سعود..
رهف قامت تصارخ :انتي هنا ياوجه العنز ولا تقولين عشان اجيك بدل المغرب
هبة :فقعتي اذني يالدبه ..حسبي الله على ابليسك قولي امين وبعدين ايش عندك المغرب ..
رهف :ماتدرين احنا معزومين عندكم الليله..
هبة:والله مدري محد قال لي .
رهف:يمكن مسوين لك مفاجأة واناخربتها ..بس شوفي انا ماراح استنى للمغرب ابجي الحين ..
هبة :ومن بيجيبك في هالوقت ..
رهف:بقول لجاد يوصلني.
وسعود يأشر على صدره ويقول بصوت واطي :انا برسم الخدمه اروح واجيبها
هبة:اقول يركدون مصد قه عمرك انت ..
وهي تقصد اخوها سعود بس تقول كذا لرهف.
رهف :وانا ايش قلت هذا جزاتي اني ابي اجي لك ومشتاقه لك مرة انتي ووجهك
هبة ايه تمشورين الرجال على احسابك ..لاخليه يرتاح ..
رهف:ليه وهوايش وراه دوامه ويخلص الحين.
هبة:لاهو ماراح الدوام اليوم مودي جدتي المستشفى عندها موعد ونفس الشي هو تعبان ..
رهف :ايه صحيح سمعت امي تقول كذا اليوم الصباح طيب.."الا بدخلت جاد على رهف والي كان سرحان وداخل في دنيا ثانيه ويصافر ويفكر في الي صار اليوم ..
رهف:لحظه هبة ..
رهف:جاد ممكن توديني بيت عمي .
طبعا جاد مارد عليها لانه ماسمع ايش قالت وهويمشي بيصعد الدرج ..
رهف وهي تصارخ :جاد ايش فيك توديني بيت عمي ولالااا
جاد الي تومنتبه لها انها تصارخ عليه بس ماعرف السبب وماعرف ايش تقول:
وجع ان شاء الله فقعتي اذني ايش تبين وليه كل هصراخ ..
رهف :مدري عنك اكلمك وماترد.
جاد :خير ايش عندك "من غير نفس عشان يروح يرتاح "
رهف :ابيك توديني بيت عمي هبة تو واصله وابي اروح لها الحين ..
جاد :ادري انها تو واصله ...روحي مع السواق.."وهو يصعد الدرج ولاعطاها وجه "
رهف:تدري اني مااحب اركب مع السواق لحالي .
حاد اجل استني للمغرب ونروح مع بعض .
رهف :الله يخليك اخوي مااقدر اصبر للمغرب عشان اروح ..
جاد :انا ماادري ايش مسويه لكم هبة ذي ساحرتكم ...اخوانها هناك وانتي هنا ..
كل ذا وهبة تسمع قامت تصارخ علشان تسمعها رهف :
خير خير ايش عندك تصارخين.
هبة :اقول خلاص لاتجين ..استني للمغرب وتعالي احسن .
رهف :وليه كل ذا
هبة :مدري عن اخوكي حاط راسه من راسي ..يحبوني اخواني كيفهم هو شعليه ..
رهف وهي تضحك وماانتبهت لجاد الي وقف فوق راسها يسمع:
الظاهر الاخ غيران منك والحب الي انتي فية عشان كذا حاط راسه من راسك .
رفع حاجب :والله هذا الي ناقص احط راسي براس بنت واغار منها بعد ..قولي لبنت عمك لايكثر بس ..
هبة سمعت وارتفع الضغط عندها وولع وجهها :
هذا جزاتي اني ادافع عنه واقول انه تعبان وخليه يرتاح طلع مايستاهل لسانه حاد ومايرحم احد.
رهف :هذا انتي يالخبلة الي جالسة تدافعين عنه وهو صدق مايستاهل ..
وتناظر في اخوها الي احرقه الفضول ويبي يعرف ايش قالت هبةعنه .
هبة :اقول انابسكر الحين خسرتيني انتي واخوكي وياليت على فايده ..
رهف:وين تعالي ماشبعت منك .
هبة يلاباي اشوفك الليله .
رهف :يالبخيلة كل ذا عشان فاتورة جوال .
هبة:لا بس انا تعبانه من الطريق وابي ارتاح لي شويه قبل المغرب واذا جيتي ماراح ارتاح وبجلس معك والحين سلام وسلميلي على خالتي ..
وقفلت الخط ..
رهف:كذا زعلت البنت..
جاد:ليه ايش قالت لك ؟وانا ايش قلت لها عشان تزعل اما انكم يالبنات دلوعات مرة .
رهف:اصلا انت تقول كذا لانك ماتعرف هبة ..
جاد:والله"وكأنه يستهزء "اجل ليه قفلت بوجهك ياحلوه ..
رهف والي عارف هبةونيتها ليه سوت كذا :
سوت كذا عشان ماتعطيني مجال احن فوق راسك عشان توديني بيتهم وانت جاي تعبان عرفت الحين ليه .
جاد:ايوووه..وانت مين حاطك محلله نفسية بالله .
رهف:اقول ورا ماتوديني بيت عمي بدل ماتسولف معي ..
جاد:بروح ارتاح في غرفتي ابرك لي منك ومن بنت عمك ومافي روحه الحين.
رهف الي انقهرت :عنيييييد..
جاد:مرة وماراح تقدرين علىّ يلا جهزوا نفسكم المغرب بعد الصلاة .
رهف :ادري ..
مشى ولارد عليها وهو يفكر في الاشياء الجديدة الي اكتشفها في هبة وشكلها الي لين الحين مأثر فية وراكز في خيالة..
*******************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-12-2011, 02:21 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه



سعود:ايش فيك معصبه ؟
هبة:ماادري عنه ولد عمك ذا حاط دوبه من دوبي..
سعود وهو يضحك لانه عارف جاد يموت ويجنن الواحد مثلهم :ليه ايش قال .
هبة :قال الي قاله ..وانت ليه للحين جالس هنا ورى ماتطلع ماقلت لك اشويه وتطلع..
سعود:والله حلت لي السالفه وقعدت عندك مانع ..
ابتسمت:لاوالله ماعندي مانع احلاها على قلبي بس اذا علمت رهف بالي صار راح تحرم علىّ اكلمها بالجوال مرة ثانيه بسببك ..
سعود:واختي الحلوة ماراح تقول لها اكيد..
هبة وفي راسها موال :من قال اني ماراح اقول لها تعرف انا وهي اصحاب ..اسفه ماقدر مااقول لها .."بتسوي روحها نذله"
سعود:اسويلك الي تبين انت بس اطلبي .
هبة:اطلب وآمر عندك مانع ..
سعود وغصب عليه يقول هالكلام بس مضظر:لا ماعندي مانع ولادواس انتي تامرين امر .
هبة وماصدقت تمسك عليه شي :من بكرة اي شي اقوله لك تنفذة ولابعلم رهف"وهي ماسكه نفسها لاتضحك"
سعود :طيب خلاص."وفي نفسه والله اني ورطت نفسي"
هبة:اجل لو سمحت اطلع الحين لاني بنام .
سعود وهو يوقف:حاضر عمتي .
قام وطلع وهو مقهور بس الي مصبره انه سمع صوت حبيبة القلب..وهبة ضحكت علية وعلى حاله .اخذت لها شاور سريع ورتبت اغراضها وحطت راسها ونامت..
******************
صار وقت المغرب وهبة كانت مشتاقة مرة لابوها الي كان مجبور يظل بالشركه على مشروع مهم وماراح يرجع الا الساعة 7المغرب ..اما راكان وعهود وصلو الساعة 3ونص وهبة كانت جالسه في الصاله واول ماشافته اخوها راحت له بسرعة وضمها بقوة ..راكان مشاء الله كان شخصية جاده ووجوده في المكان يفرض احترامه على الاخرين هذا غير شكله الجذاب طول بعرض وجسم متناسق .اخذت هبة تمسح دموعها وراكان :ليه الدموع الحين.
هبة تحب اخوها وتحترمه وراكان مايقدر على دموعها وعلى كل الهيبه الي فيه وشخصيته الجاده الا انه يم اهله وهبة مافيه احن من قلبه ولااطيب.
هبة :مشتاقه لك مرة .
راكان وهو يمسح دموعها :وانا مشتاق لك كثير .. سمعت انك اخيرا قررتي تستقرين عند ابوي .
هبة وهي تبتسم :اية انت ايش رايك ؟
مسك خدها :مايبي لها كلام لو مقرره من زمان كان بعد افضل ..احد مايبي يشوف القمر كل يوم ..
هبة وهي تضحك :يعني الي يسمعك يقول بتكسر عتب بيتنا وانت كل يوم جاي
عهود:اححححححححم نحن هنا .
هبة:اوووه مرت اخوي ..هلا والله وغلا.
وحضنتها ..عهود:ايه من لقاء احبابة نسى اصحابه .
هبة:لالا تقولين كذا بس تدرين راكان مقدر فية ولا كلكم بالقلب.
عهود تبي تحرج هبة وتضحك :الحمد لله انه اخوكي ولا كان حطيتي العين عليه وتزوجتيه.
ولع وجه هبة وصار احمر ووقفت بتروح وراكان وام خالد وام راكان يضحكون عليها ..
هبة:انا جوعانه بروح اشوف لي شي اكله "وهي تطالع في عهود وتتوعدها"يالدوبه .
راكان :تعالي خليك منها تحب تجننك ..تعالي جنبي ابيكي في سالفة .
هبة وماتقدر ترفض له طلب وجلست وهي تناظر في عهود الي متعوده عليها :
اصلا راكان مافيه مثله ..
عهود وهي و تكمل:كامل ولاكامل الا وجهه..
هبة تكمل :سبحانه.
وطالعو في بعض وانفجروا من الضحك "هبة وعهود"
راكان وهو يضحك عليهم :والله انكم مضيعين .
عهود:الحين لمدحك الواحد صار مضيع.
راكان وهويضحك ويغمز لها :ايه مضيع في حبي..
عهود ونست نفسها :ايه على بالي من هالناحيه انا مضيعة مرررة.
ام خالد :يعيني على الحب ..والله انكم بايعينها لاحياء ولاحشيمه ..استحو على وجيهكم انا هنا لا صرتوا وحدكم قولوا الي تبون.
عهود ولع وجهها وراكان مات عليها من الضحك:
حلالي ياجده ..حلالي .
ام خالد:الله يهنيكم ماقلنا شي.
هبة:الا وين عموري ماشفته؟
عهود:يلعب في الحديقة
هبة:ياقلبي من زمان ماشفته ومخلينه في الشمس والحين ظهر..انا رايحه اجيبه.
عهود:نعرفين ولد اخوكي راسه يابس مادري منعليه طالع .."وتناظر في راكان "
راكان وهويطالع في عهود:لاتقولين طالع على خالة جاد في العناد ماشف مثله...
عهود:ومن جاب سيرة اخوي الحين ؟
راكان :انتي.
عهود:والله..متى؟
راكان :الحين.
اخوي مو عنيد ..في واحد ثاني اعرفة عنيد مرة.
راكان يستهبل :يالله بالستر ..ماعلينا من الناس .
عهود:والله ماحد بيرفع ضغطي الا انت.
راكان :احلفي بس...
هبة:جدتي والله ان عينك حارة ..ماتوقعتك كذا قبل شويه وش حلاتهم كأنهم عصافير الحب والحين يتخانقون .
رفعت ام خالد عصاها بتضرب هبة على خفيف وهبة قامت بسرعه تركض للحديق وهي تضحك وتقول :
امزح معك ياجميل ..انت لاعصبت مافي مثلك في الدنيا..
ام خالد:والله انكم بهبلون بي "وهي تضحك"
راكان وعهود وهبة احلى تهبيله والله ..
وطالعوا في بعض وضحكوا انها جات صدفة وقالوا نفس الكلمه مع بعض ..
طلعت هبة لعمار ولد اخوها والتفلت راكان لامه وجدته وتكلم بجديه:
الحين صحيح هبة قررت تعيش هنا.
ام راكان:ايه ياولدي ابوك علمني اليوم انها خلاص بتستقر هنا .
راكان:الحمد لله انا ماكنت راضي انها تعيش مع امها خصوصا بعد ماتزوجت البخيل ابو فواز بس ماكان بيدي شي اسويه وابوي موافق وماعنده مانع وانا مالي كلمه بعد ابوي .
ام خالد :ابوك مايبي يكسر بخاطرها بعد ماطلق امها وهي صغيرة وهبة بنت ومهما كان ماتقدر تسسغنى عن امها .
راكان:ايه ياجده بس بيت امها فية ناس حرام عليها ومايجوز تظل معهم ولو كان بيدي كنت رحت وجبتها وماخليتها تظل هناك ولادقيقة وحده ..بس كنت ساكت ومقهور غصب عني لان ابوي موافق.
ام راكان :يمه خلاص هبة وقررت تستقر عند ابوها وهي الي كانت منظمه وقتها انها في ايام الدراسه تظل عند امها لان فواز كان يدرس بالخارج ومحمد مثل اخوها فيصل انه لما امها تزوجت كان عمره 12 او13 سنه صغير وهبة اكبر منه بسنتين.
راكان :يمه الخوفه مو من محمد ..الخوفه من فواز وابوه انا ماارتاح لهم ابد.
ام خالد:احمد ربك انها جات عند ابوها الحين وامك حسبت امها وعاد انتم وشطارتكم لاتخلونها تغير رايها وتروح عند امها مرة ثانيه.
راكان وهومعصب:الحمد لله وروحه عند امها مافيه
‏حطت عهود يدها على راكان عشان تهديه الابدخلت هبة وعمار عندها وعلى طول غيرو السالفه ..
****************


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 01-12-2011, 02:25 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: ذبحني الشوق الكاتبة فديت روحه









ناظرت هبة نفسها وهي تعدل تنورتها الجينز السوده والبدي الي لابسه وفوقهم بلوزه ورديه فاتحه مطلعتها بنوته ناعمه وصغيرة وسوت شعرها وتركته طايح على ظهرها وجات تطلع من غرفتها الا وباب غرفتها يدق..فتحت الباب الارهف على الباب ..صرخوا في نفس الوقت وحضنوا بعض..




هبة:كذا بالدبة مااشوفك من زمان ..




رهف:ماادري مين الي قال لي لاتجين اليوم ..والله بموت واجي لك ..




هبة:عارفه بس اخوكي الدب يسد النفس.




رهف :الاخت حاقده ..بعدين اخوي مو دب والله انه زين الشباب ومافي مثله




هبة :اولا انا ماني حاقده مابقى الاهي احقد على اخوكي فاضيه انا من زينه عاد"وهي تعقد حواجبها "ورهف رافعه حاجب وهبة تكمل:




وثانيا شباب العائلة كلهم زيون ولاتقدرين تقولين شي وثالثا والاهم اصبري اذا ماعلمت سعود على كلامك مااكون هبة اجل بس اخوكي الي مافي مثله..




ضربت رهف هبة على كتفها :عاد الواحد مايسولف معك ولايدافع عن اخوه قدامك تاكلين الواحد انت وجهك..




هبة :الا ماقلت لك ..




رهف وبان عليها الفضول:هااا ايش عندك خبريني ..




هبة:هو موضوعين وكل واحد في وادي اي واحد تبيني اقول لك.




رمترهف عليها المخده :بلا سخافه يلاخلصيني وقولي .




هبة:طيب طيب اكلتيني ..شوفي الموضوعين لكل واحد منهم حديث مطول وانا الحين بقول لك الثاني ..شفت اخوكي اليوم بالمستشفى.




رهف:وانت ايش الي مودكي المستشفى .




هنا هبة قصت كل شي عل رهف الي عجبتها السالفه :




اجل حسبتي اخوي دكتور هااا




ابتسمت هبة:والله الي يشوف شكله ورزته وكشخته ..




رهف تقاطعها :لاتقولين ترى اخوي من يوم يومه كشخة ..




هبة ترفع جاجب :اخت رهف قلت لك قل شباب العائله كلهم كشخة ورزه لاتتدلعين علينا باخوكي .




رهف :طيب ..طيب تمدح وماتبيني انا امدح كملي..ايش رايك فية "وهي تبتسم ابتسامه لها معنى"




هبة:هو صحيح انا ماشفته من زمان وكنت اشوف صّوره عند اخوي طلال بس كان صغير والحين تغيرصار شخصية ووو..وبس خلاص ماني بقول لك شي زود..




رهف:يالدوبه كملي والله السالفة بدت تحلى..




هبة :اي احلوت الباقي بخلية بيني وبين نفسي ..يلا قومي خلينا ننزل اكيد عمتي الحين جات وابوي على وصول وانا للحين ماشفته ومشتاقه له مررة.




رهف:ايه مسكين عمي كل الشغل عليه ..




رمت هبة على رهف المخده :




وطلال واخوكي جاد وين راحوا انتي بعد .




مسكت رهف المخده وهي تضحك :




اقصد اليوم انتي بعد..يووووة الواحد مايقول شي دفاعك جاهز..




هبة وهي تسحبها:انا مع الحق شوفي مع ان اخوكي قاهرني بس مازلت ادافع عنه..ويلا قومي لو عليك مانزلت الليله من الغرفة




ضحكت رهف :ليه ايش شايفتني زوجك انا وماراح اخليك تنزلين.




هبة:والله انتي مضيعة ايش جاب طاري الزواج..ولاكل هذا مشفوحه على الزواج وانا ماادري ترى على طول اقول لسعود واعلمه انك مستعجله اكثر منه..




ولع وجه رهف وهم نازلين من الدرج:والله انك مثل اخوانك ماحد يقدر يجاريكي في الكلام ..




هبة وهي تضحك:ابشرك ترى سعود اكثر واحد ماتقدرين عليه وتجارينه فانا مسويه فيك خير واعطيك دروس تقويه عشان تقدرين تجارينه فاهمه..




رهف :والله مايحتاج تعطيني دروس ..




هبة:وليه .




رهف:لان جاد مثل اخوكي وازود بعد ولو كنت بتعلم تعلمت من زمان..




دخلوا الصاله ولقوا عمتهم وبناتها وزوجة تركي دلال وطبعا اصحاب البيت وام جاد وعهودسلمت هبة على الموجودين كلهم ورحبوا بها بس ام جاد متعطت هبة وجه وسلمت عليها باطراف اصابعها ...وهبة متعود من ام جاد هالمعامله لانها لين الحين مومتقبله وجودها في حياة اختها ام راكان ولان شخصية ام راكان تختلف عن ام جاد الي شخصيتها اقوى وكانت تشوف ان اختها انظلمت لما تزوج عليها ابو راكان..ومش راضيه بوجود هبة مع اولاد اختها بس ماتقدر تقول ي لان ام راكان راضيه بهذا الوضع ومن حبها لابو راكان ترضى بأي شي يقوله .




رهف الي تعرف طبع امها قالت لهبة بشويش:




ليه مابستي راس امي




هبة:والله الحين انا سلمت عليها وشوفي كيف ردت السلام لو بحب راسها بتعطيني ذاك الكف المرتب.




رهف والي تعرف امها ضحكت..جلسوا جنب بعض وكانت جنبهم نورة وساره واخذتهم السوالف..




ام تركي:صحيح الخبر الي سمعناه ياهبة.




هبة:اي خبر ياعمة .




ام تركي:انك نويتي تستقرين هنا عند ابوكي.




ابتسمت هبة :ايه صدق.




ام نركي:زين ماتسوين يابنتي احسن لك جنب ابوكي واخوانك..




هبة وبكل حب:ايه والله ياعمة ابوي واخواني مافي مثلهم واذا بغيت اشوف امي اقدر اروح لها يوم او يومين وارجع بيت هنا مرة ثانيه وابوي ماعنده مانع..




ام خالد بكل حنيه :ومين يرفض لك لك طلب يابنتي وهو يشوف العيون الحلوه ذي..




هبة وهي تبتسم لجدتها :تسلمين ياجده والله انك انت الحلوه .




ام جاد بغير نفس:ايه وفي ناس مستقلين هذي النقطه وتلعب عليهم جيبوني وودوني وصلوني المحل الفلانيه ...حاطه ابوها واولاد اختي سواقين لها اي شي تبي تآمرهم وهم ينفذون..




هبة الي نزلت راسها وحاولت ماتفارق الابتسامه وجهها كان الرد عندها بس ام جاد بحسبت امها ام راكان وماتقدر ترد عليها واكتفت بالسكوت ..وام خالد ماهان عليها الي تسمعه من ام جاد زوجة ولدها فيصل الله يرحمه وهبة الي تغير وجهها وردت بقوة:والله بما انهم راضين وماشتكوا لحد كيفهم وعلى علمي هم الي يقولون لهبة تعالي نوصلك ونوديكي مش بنتي هبة الي تقول لهم وهم اخوانها وملزومين بها ..




ام تركي والي ماعجبها اسلوب زوجه اخوها من هبة وهي منغير شي تحس ان هبة مكسوره حتى اذا مابينت هذا الشي قدام احد بس تحس انها ضعيفةومحتاجه لظهر قوي وابوها واخوانها بصراحة مش مقصرين وشايلينها ..ومش لانها اختهم بس الا لانها هبة وتنحب فعلا..هبة الي فرحت لما شافت جدتها تدافع عنها ..




رهف وهي تتكلم بشويش:والله ان جدتتي تستاهل حبة راس على هالكلام ..




سارة ونوره الي استغربوا من رهف كيف انها ضد امها ورهف تطالع فيهم وفاهمه عليهم :انا مع الحق وهبة مالها ذنب وامي الله يهديها حاقده وماحد يقدر عليها لا جدتي ..




وام جاد سكتت لانها ماتبي تخانق مع ام خالد وغيرت الموضوع ..وام راكان تكلمها بشويش:الله يهديك يا اختي انا الومضوع عندي انتهى وصار ماضي وعادي ومش مضايقني خلاص انسيه واهم شي ان ابو راكان رجع لي وعرف خطاه وهبة بنتة ومالها ذنب وهي طيبه ومثل البلسم ..




ام جاد ومن غير نفس:خلاص قفلي على السيره حامت كبدي..




وضاع الوقت في سوالف الحريم الكبار مع بعض والبنات مع بعض ..سارة ونورة اكتشفوا ان هبة اجتماعية وحبوبة .




رهف:تعرفون ايش ينقص جلستنا الحلوة ذي ..




هبة ابتسمت لانها تعرف وسارة ونورة قالوا مع بعض :ايش؟؟




هبة:ايمان "كانت فعلا تتمنى انها تكون موجوده معهم وتخفف عن نفسها الهم الي هي عايشته"




سارة:ومين ايمان؟؟




رهف وبكل دفاشه :طالبه تدرس معنا في الجامعه بس عليها قلب ماشفت مثله طيبه وحنونه وفوق كل ذا جمال ..




نورة :اووووه الاخت معجبه فيها مرة طيب اخطبيها لخوك اذا عاجبتك ..




رهف:جاد مايبيني اخطب له يبي يختار هو بنفسه وعلى مزاجه وبعدين ايمان محجوزهلواحد تموت عليه ..




وناظرت في هبة الي تعرف السالفه..اشوي الاطلال ينادي ينادي هبة ..طلعت له:خير اخوي ؟




طلال:الخير بوجهك بس ابوي جاء من العمل ويبيكي .




هبة وهي بتطير من الفرح :ابوي اخير جاء والله من زمان ماشفته وين هو الحين ؟




طلال:تعالي انتي الحين ياكثر كلامك ..




شافت ابوها وركضت له ورمت نفسها عليه..ابتسم ابو راكان وبنته في حضنه:هلا والله ببنتي ونور عيني كيفك وكيف اخبارك.




هبة وهي ماسكه نفسها لاتبكي :انا بخير دامك بخير ..




ابو راكان :الحين ليه الدموع هذي كلها ..لايكون ماتبغين تجين عندنا ولاتستقرين هنا وهذا الشي غصب .




هنا تكلم راكان قبل ماتقول هبة اي شي لانه يشوف ان هبة لازم تكون عند ابوها وعشان مايترك مجال لبوه ولالهبة انهم يغيرون رائيهم :اي مغصوبه يبه هذي بنتك ماتنغصب وانت موجود والله يخليك لها وتربى في عزك "وطالع في هبة"موصح ياهبة




هبة ابتسمت لخوها :صادق اخوي هذا قراري انا وماني مغصوبه عليه ولا احد مأثر علىّفيه ودموعي هذي لاني مشتاق لك.




راكان في قلبه"والله انك دانه ومافي مثلك يااختي ماشاء الله عليك ..الحمد لله هذا اول شي خططت له ونجحت فيه وباقي وان شاء الله تنجح "





*************




انتهى هذا الجزء ولاجزاء الجايه ترا صدقوني احسن واحسن بس اتمنى تتحمسون معاي ...




ويمكن تقولون مافيه اخوان كذا شايلين اختهم شيل ويحبونها ومايزعلونها ويلبون طلباتها يمكن فعلا مافيه بس هذا الشي الي اتمناه ويمكن انتم بعد ..






نكمل احداث يوم العزومه وايش صار فيها من كلام...




هل ياترى بينجح راكان في الاشياء الي مخطط لها ويشتغل عليها ولا لا ..وهل راح يكون قرار هبة انها تستقر بيت ابوها هو القرار الصحيح وترتاح من المشاكل الي تعرضت لها وهي عند امها ولا راح تجيها مشاكل من نوع ثاني




بنشوف الاحداث الجايه وخلكم معاي ..




*********************




نادى طلال هبة وطلعت تشوف ايش يبي :خير اخوي ؟




طلال :الخير بوجهك بغيتك شويه..




ومسك يدها ..هبة :صاير شي لبوي قول لي تراك عورة قلبي ..




طلال وهويضحك :ماصار شي ايش فيك انت بالعة مسجله على هالاسئلة بس ابوي جاء من العمل ويبيكي..




هبة وهي بتطير من الفرحه :ابوي اخيرا جاء والله اني من زمان ماشفته وينه هو الحين .




طلال:تعالي انت الحين ياكثر كلامك .




شافت ابوها في الصاله وركضت له ورمت نفسها عليه ..ابو راكان وبنته في حضنه :هلا والله بنتي ونور عيني كيفك وكيف اخبارك؟




هبة وهي ماسكه نفسها لاتبكي :انا بخيردامك بخير يبه ..




ومسحت دموعها الي نزلت غصب عنها ..




ابو راكان :الحين ليه الدموع ؟لايكون ماتبغين تستقرين عندنا وهذا الشي غصب عنك؟؟




هنا تكلم راكان قبل ماتقول هبة اي شي لانه يشوف ان هبة لازم تكون عند ابوها مس عند امها وان لهم الحق انهم يفرضون عليها هذا القرار بس مايقدر يقول شي بعد ابوه وبما ان القرار جاء من هبة لازم يتكلم عشان مايترك لابوة اي مجال انه يخير هبة ولا لهبة انها تفكر تغير رايها ..




راكان:اي مغصوبه يبه هذي بنتك ماتنغصب وانت موجود والله يخليك لها وتربى في عزك ان شاء الله ..وناظر هبة وهو يبتسم :موصح يا هبة.




هبة ابتسمت لخوها بحنيه :صادق اخوي يبه هذا قراري انا ومش مغصوبه علية ولا احد مأثر على فية تطمن ودموعي هذي لاني مشتاقة لك ..




راكان في قلبه والله انك دانه ومافي مثلك يا اختي ماشاء الله عليك ..الحمد لله هذا اول شي خططت له ونجحت فيه وباقي الخطه الثانيه وان شاء الله تنجح ..حط يده على كتفها وابتسم ..اما سعود ضحك وهو يقول:




ايوه انتي يالحنونه ...




هبة:ايه اعجبك اجل مثلك ..




سعود:ومين قال لك اني ماني حنون ..




هبة وهي تناظرة بنص عين :انا اقول عندك مانع ترى الجماعه موجودين بالصاله الداخليه ..




سعود شوي ويعض اصابيعه من القهر :




لااا خلاص انا مثل ماتبين بس ارحميني .




ضحكوا عليه اخوانه اول مرة تنتصر عليه هبة في الكلام وهو يسكت..




فيصل:ايش القصه غريب الاخ متنازل ويبي الرحمه..هههههههههه




هبة وهي تضحك:ماسكه عليه ممسك موجود في الصاله هناك عاد انتم عرفوا




باقي السالفة




طلال:والله انك مش سهله .




هبة :ايه اعجبك.




ابو راكان :الله يخليكم لي ويحفظكم من كل شر..يلا انا بروح للمجلس هناك ابوتركي وجاد ..سعود شوف ايش صار في العشاء وصل ولا لا..




سعود:ايه يبه وصل ومتى ماتبغونه يكون جاهز.




ابو راكان :اجل عجلو فيه.



الرد باقتباس
إضافة رد

ذبحني الشوق / الكاتبة : فديت روحه ، كاملة

الوسوم
الشوق , الكاتبة , ذبحني , رؤيه , فديت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
مسموح يا من ملكت الروح / كاملة بنت شـ م ـر روايات كامله - يتم نقل الرواية هنا بعد اكتمالها 100 12-05-2010 03:09 PM
جميع روايات غرام المكتمله للتحميل بصيغه txt للجوال سيدة زمانهاا ارشيف غرام 1 15-08-2009 05:11 AM

الساعة الآن +3: 03:55 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1