غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-12-2011, 04:29 PM
صورة like a star الرمزية
like a star like a star غير متصل
©؛°¨غرامي جديد¨°؛©
 
الافتراضي أحببت بعدك نعم لكن قلبي مازال يحترق / بقلمي


*************

السلام عليكم ورحمة الله وبركاته
بسم الله الرحمن الرحيم

تردد اكثر من مره انزل الروايه ولا لا
ما كان عندي الشجاعه ولا الجرا الكافيه اني انزل روايتي ......
بسس بشويت تشجيع من نوري قدرت انزلهاا
يمكن ماا تعجب البعض
يمكن تعجب البعض

.......راح يكون موعد تنزل البارتات_اذا عجبتكم الروايه_الخميس والاثنين
الاوقات مو محدده

روايتي ماخذتهاا من اغنيه تركيه سمعتها وعجبتني كلماتها فيهاا مشاعر واحساس ودخلت الفكره براسي خصوصا اني من زماني كان ببالي اني اكتب روايهه ...... طبعا هذي اول روايه لي

الاغنيه راح اكتب كلماتهاا بين احداث الروايه ^_*


(احببت بعدك نعم,لكن قلبي مازال يحترق لحبك)

طولت عليكم ادري
فبدخل بالروايه على طوول

بسس حابه اقول كلمه وحد رجاا لليردون بدون لا يقرون الروايه مجرد زيادة مشاركات انا مو محتاجه لردكم ابي رد من وحده قرت الروايه سوا كان نقد او مدح


******************************
هوى فيصل ال××
هذا اسمي عمري 17 بدخل ال18 بعد 3 اشهر
فيني مرض القلب بسس مو مسبب ليي اي شي عايشه حياتي حالي حال اي بنت
ام وابوي تطلقوو وانا ببطن امي
امي متزوجه من كم شهر وابوي مو راضين اني اعيش عند رجال غريب
ههههه توها تطلع ابوته مدري وينه طول ال17 سنه المهم وطبعا امي ماتقدر تعارضه بس هي بعد من زود الخوف ماتبيني اعيش عند ابوي
ابوي عزابيي ماتزوج بعد موت امي بس الشي الا انا افكر فيه ان بروح مدرسه غير اهل غير ماراح اصبح بوجه جدتي نوره ولا راح اطفر خالي محمد ولا راح اتدلع عند جدي سالم ولا راح اجنن ساره(خالتي) وهي تدرس
راح ابدي حيات غييييييير حسب الكلام الا امي تقوله عن اهل ابوي انهم واقصد الا تعرفت عليهم لان هي وابوي بس تمو مع بعض سنه تقول عنهم شايفين نفسهم وساره تقول يحق لهم لان عندهم خير بنظركم هذا سبب عشان يشفون نفسهم ع الناس........ المهم ماعلينا
امي اسمها الجازي والا اعرفه انها وابوي مو بينهم تفاهم وهذا الا خلاهم يتطلقوون لان ولا واحد منهم تنازل عن كرامته او كبريائه عشان هذا الزواج
ساره اصغر خالاتي وهي اخر سنه جامعه قريبه مني خصوصا اني معاها بنفس الغرفه قبل كنت مع امي بنفس الغرفه بس بعدين صرت مع ساره
اسمي مسبب لي ازمه هوى اذكر مره قلت لابله عن اسمي وقالت اي انا ابي اسمج مو دلعج ههههههه مو صج الابله صح......
طبعا والاكيد ماعندي اخوان بس منو يدري يمكن يصير بالمستقبل بس انا عمري مافكرت بحياتي ان يكون عندني اخوان اصغر مني دايم احلم باخو اكبر مني يهتم فيني او اخت اكبر مني تدلعني ......
مغنيي المفضل وبلا منازع عادل محمود صوته يدخل القلب يغني بحساس
اكره شي اسمه سمج مع اني قبل كنت احبه بس مره غصت فيه خالتي ساره لما كان عمري 8 سنين ومن وقتها كرهته لانها كانت بتموت وجتني عقده مع انها تاكله الحين ساره بس انا كل ماشوف السمج اتذكر الا صار...
:هوووووووووووووووووووىىىىىىىى
طالعتها بنت شعرها اسود لي ظهرها مسويته عجفه فرنسيه ولابسه بيجامه ميكي ماوس مخططه... وحاطه لها حمرا حمره تليق مع البيجاما سمرا بس مو حيلل جاوبت بهدوء:هااا
رفعت حواجبها المرسومه بدقه بالقلم:الناس تقول هلاا لبيه امري تدللي مموو هاا على الاقل نعمم
رديت بدون نفس وانا احط اغراضي لاني بصراحه بفقدهم لما اروح عند اهل ابوي
امي كانت مسويه اتفاق مع ابوي على اساس تنجح اني ابقى عند خوالي بس ابوي قال ان هو متفق معاها اني ابقى معاها بس ااذاا تزوجت اروح له افففف تصدقون حتى شكل ابوي ماتذكر اخر مره شفته كان عمري تقريبا 10 سنين......
:سوسوو راح اشتاق لكم وانتي خصوصا ولصراخج
ساره بدا عليها انها تاثرت وقالت وهي تحاول تقاوم انها تبجي:حتى اناا هوى راح اشتااق لجج
ابتسمت لها يالله راح افقدها وافقد الهوشات معاها راح افقد لعانتي معاها وراح افقد حتىى نومتي معاها بنفس الغرفه وسوالفناا لما نحط روسنا على السرير ونبدي نعترف لبعض غمضت عيونها اقاوم الدموع:يووه ساره قاعد توتريني
ساره بالحاح:هوى قولي لابوج انج بتقعدين عندناا الله يخليج
صح ان فرق السن بيني وبينها 4 سنين الا اني اعتبرها اقرب انسانه ليي قلت لها وانا اسكر الجنطه:سوسو قلت له وقالت له امي وقال له ابوي سالم بس هو مو راضي شنو اسويييي ..
صراحه اجذب عليكم اذا ماقلت اني فعلا مابي اروح عند ابوي صح فيني خوف بس هم متحمسه حياة جديده بيت جديد بس خاايفه ليش لاني اول مره ابتعد عن جدران هذا البيت .....
:هوى بسرعه
توترت كل واحد يجي ويصرخ هوى وهوى وهوى هذا الشي وترني:انشالله انشالله بسس حمووود تعالي ساعدنيي اشييل الجناط
محمد:يلاا بسرعه انا بنزل هذولا الجنطتين وانتي نزلي الباقي مع الخدم
اخذ الجنطتين ونزل محمد خالي اكبر من ساره ماعرف عمره تقريبا بس اعتقد 27 او 28 مواصغر ولا اكبر
نزلت وبيدي اصغر جنطه والباقي يشيلونها الخدم لان اساس ايدي تعورني وانا لي يومين احط اغراضي
شفت خاللتي نهى تطالعني ببتسامه رحت لها وحضنتها هذي خالتي اعتبرها اقرب انسانه ليي شلون لا وهي خالتي نهىى امييي الثانيه هي خالتي نهى مو متزوجه عايشه معانا باست خدي بتعب واضح هذي الايام واضح عليها التعب تنهدت وقللت:مع السلامه
سمعت همسات وميزتهاا
خالتي نهى:الله يحفظج
جدتي:الله معاج
ساره بصراخ مستحيل تترك الصراخ ولا ماتكون ساره:ديري بالج على نفسج اذا صار اي شي بس كول مي وانا اوريج فيهم
ضحكت من قلبي على الكلمه شفت السياره مغيمه بس ماكنت متاكده اذاا هذي السياره ولا لا طالعت محمد وهو بدوره هز راسه بالايجابيه
جيت بفتح الباب بس سبقتني ايد السايق فتح لي الباب وقف جنب الباب بطريقه لبقه وتبين الاحترام وعيونه قدام ينتظر اشاره ولا عمري فكرت ان ممكن ان احد يفتح لي الباب حتى خالي ماكان يفتح الباب لي ولا حتى سايقنا كان يسوي جذي ويفتح الباب هو زين منه يسوق السياره هههههههه.....
لفت وجهي وطالعت الباب شفت ساره تطل من الباب وقدامهاا محمد ونظرات خالتي نهى ببالي تنهدت بتعب شفت هذا البيت ياما صرخت فيه وياما طحت على وجهي فيه في اول كلمه نطقتها وفي تعلمت شلون امشي واتكلم فيه ولدت وفيه اخره مره شفت ابوي اخ اجذب عليكم اذا قلت ماراح افقده الا بفقده وافقده وافقده بس هم متحمسه للحياة الجديده.......
ركبت السياره حسيت نفسي شخصيه السياره كانت روعهه انا مو شاطره بانواع السياره زين مني افرق بين المرسيدس والكامري.......
تكلم السايق بهدوء لكن بلغه عربيه فصحه وهذا الا خلني ابي اضحك بس مسكت نفسي
قال:سيدتي اين تريدين ان تذهبي قبل ان اقلك للمنزل الكبير
مسكت ضحكتي وحبيت اكمل معاه:اريد ان اذهب للمنزل الكبير فورا
قلت اخر كلمه وانا حابسه الضحكه هي من اولها واضحه انهم غريبين عجل سايقهم يتكلم بلغه فصحه احنا سايقني زين منه يتكلم انجليزي هذي اذا ماكان الحين معلم خوالي الهندي
وقفت السسياره وقف قلبي ورجع دق بسرعه الحين بس عرفت ان كل شي حقيقه وانا مو قاعد اتخيل فتح الباب بحترام ونزل راسه ياربي احنا بالكويت انصدمت بالبيت الكبيرر الابيض كاان رووعه ماقدر اوصفه والحديقه الا واضحه من برا البيت انهم يعتنو فيها شفت مجموعه من الرياجيل والحريم قاعدين ع القعده الا بالحديقه
تنفسي سرع اكثر اما السايق فكان معاه الجناط وقال بهدوء:اين اضعهم
سكت انا نفسي مادري
طالعني واضن انه عرف اني ضايعه فقال:اتبعيني
سكت وتبعته على قولته افففف كانت المساحه كبيره شلون يمشونها كل يوم
سايق نزل راسه دلاله على الاحترام:سيدتي الانسه هوى
رفعت وحده من الحريم حاجبهاا وقالت واضن انها قالت بستنكار:الانسه
مدري ليش حسيت انها تستهزء فيني بس مشيتها لها
طالعتهم ابي احد يتكرم ويقول شي
انشالله ما اوقف جذي لين اشيب
قالت وحده ثانيه بهدوء:هوى اسمج حلوو انا ياسمين
ابتسمت وقلت:تشرفنا
هزت راسها ياسمين
وطالعت وجيه الباقي
بغيت اتكلم واقول انطقوو شفيكم انطرمتو بس ادري واضح عليهم اسلوبهم مو همجي مثل ساره هههههههههه ياحليلهاا
قال احد الرياجيل:فيصل بيجي الحين تفضلي اقعدي
قلت بصوت واطي:مبجر
سمعتي بنت وضحكت
طالعتها بعصبيه اففففف واضح ان ماراح نعدي على خيير مع هذي العايله مدام هذي عجوز النار تطالعني جذي هذي منوو
قالت عجوز النار وهي تكرر اسمي:هوى هوى
رفعت حاجبي بطريقه استفزازيه ابي استفزها
بس قطع علينا النظرات صوت رجال قال بهدوء بس واضح فيه الالهفه:هوى
رفعت راسي استنكر منو هذا تنفسي سرع كان هذا الشخص وااضح انه منوو فيه لمحه منييي اكيد هذاا :ابو...ووييي
طالعني ابوي بنظرت حنان ماكان ممكن اي احد يعوضني عنهاا
ابتسم بحنيه وتقد خطوه لي
سندت راسي ع الكرسي وانا ارد شفيج هوىى هذا ابوج هوىى تحركي بس
ولا شي استجاب لي كنت مصنمه على الكرسي
كان ابوي يتكلم بس ماسمعت غيرر كلمه شدتي:بنتييي
نزلت دموعي مدري لييش حسيت اني مشتااقه له ولا مره فكرت بابوي بسس لما شفته حسيت اني كنت اجذب على نفسيي كنتت جذابه عمري مانسيتهه في احد ينسى ابوه!!..
نزلت دمعه من عين ابوي تتكلم عن معاناته عضيت شفايفي بالم وكانت كل خليه فيني ترجف فتحت عيوني شفته يطالعني نزلت دموعي شلال على وجهي
مد اصبعه ومسح دمعتي قبل لا تطيح من عيني همس بحنان:هوااييي
قطيت نفسي بحضه افجر نفسي بالبحي وافرغ طاقتي الا حبستهاا سنين وانا بعيده عنهه ياعالم يااعرب هذاا ابويييييييي ابوييييييي
سمعت صوت وحده تقول:فيصل عطنا وجه
غمضت عيوني بشده وزدت من حضني له مستحيل اخليه يرووح هذا ابوي ابويييي
ياسمين قالت بنبره واضح انها تبتسم:عميي تدري ان بنتك تهبل
ماكنت بلحضه ان خدودي تورد ولا كنت بلحضه عشان ابتسمت بخجل لهاا كنت بحضن ابوي الا بيحميني عن العاالم
ردت المرا الا قالت عطنا وجه وقالت :فصول
تضايقت منها صراحه وبعدت عن ابوي شوي ابتسم لي وقال:هوايي يابعد عمري
ركزت عيوني على عيون ابوي الا اخذت لونهم عسلي هذي العيون ذوبت امي هههههههه ابتسمت اكثر ومسحت على خدي عشان امسح الدموع
قرب لخدي وباسني بقووه وقال:تشبهي امج
قلت بضحكه:بس الكل يقول اني فيني لمحه منكك
قال بهدوء:عيونج عيونج بسس هي الا اخذتيها مني
ذكرته:وشعري لا تنسي امي شعرها مو اسود
ضحك ابوي وقال:17 سنه طلاق اكيد بنسي
طالعته وهو يضحك مستحيل هذا ابوي كان واضح عليه ان صغير مو عمره 40 ضحكت بنفسي وعيوني لي الحين على ابوي
ردت البنت ام وجه وقالت بدلع:فييصل
لفيت وجهي وانا منقهرا منها شفت مرا حاطه ميكياج عرس بس كانت تشع انوثه رغم هذا ترمش بكل ثانيه يعني شوفوني واضح انها حاطه عدسات زمرديه
وحاطه لها خزامه
قامت وكعبها يطق بالارض
استغربت منها كل هذا والحجاب فوق راسها استغفر الله
ابوي صد عنها وقال:خلود هلا
خلود والحين الدلع بنبرتها:هلا بك ........هوى اسمج حلو بس ياترا منو تقصد فيه
جاوبت بدون تفكير:مايبي له اكيد يقصدني
اضن ولا انا متاكده الاجابه ماعجبتهاا
لانها كشرت وقالت:ايي اكيد انتي بنته وحبيبته بس اسم هوى اكيد يقصد شخص
ابتسم ابوي ومسح على خدي:كنت اقصدها لانها هوايي هوى فيصل ال××
ولثاني مره كشرت
دخل شاب اقل مايقال عنه جميل شفيهم هذي العايله كلهم حلوين ابي اشوف احد شين ههههههههههههه
قالت ياسمين:ندويي شوفيي عزيز جاا
اضن ان الشاب اسمه عزيز
ردت وحده واضن انها ندى:وااي يهبلل ياسمين بطيح
كل هذا بالهمس كنت جنبهم عشان جذي اسمع وصوبي الثاني ابوي حاضني
ياسمين ضحكت وهي تصرخ:عزوز
عزيز طالعها بطرف عينه وقال وواضح انه متكبر:نعم
ندى وهي تطالعه وشوي وتذوب علينا استغفر الله شنو هذي العايله صاجه امي كلهم متكبرين
ياسمين وهي ترمش بعيونها:ابن عميي شرايك تطلعنا عشان هوى
عزوز لف وجه وطالعني مرر عيونه على من فوق لي تحت ورد وعيونه لين الحين على ماستحى على وجه ابوي موجود شكله متعود:افكر
ابوي قام وقال:هواي بنام لاني تعبان وباجر تشوفين البيت انا اوريج يااه
هزيت راسي بس قاطعتنا ندى وهي تقول:لليش عمي انا وعزوز نوريها البيت
شقصدها انا وعزوز ليش انا بايعه عمري جيت برد بس واضح ان الفكر جازت لعبدالعزيز وقال:موافق ماعندي مانع
شفت الاستغراب بوجيه البعض وبعضهم رفعو حاجبهم بستنكار
تجاهلت نظرات بس ندى شكلها ماصدقت على الله وسحبتني من ايدي وسحبت عزيز وركضت
افففف بدات معاناتيي
ندى كانت تسولف مع عزيز بدون توقف انا مليت شلون هو الله يعينه بس يستاهل هههههههه طلعت مني ضحكه وانا اشوفه متضايق شوي ويقطتها بحمام السباحه الا جنبنا الا براا بالحديقه
طالعني وهمس:عاجبج الوضع
ضحكت وقلت بستنكار:انا لاا بس..
انفجر ضحك
الحين انتبهت علينا ندى وقالت:شفيكم
عزيز غمز لي وقال:ولا شي اي وبعدين كملي
ندى بستغراب:بس انا خلصت
مسكت ضحكتي على وجه عزيز شكله توهق قال بغرور عشان ينقذ نفسه:اناا رايح عطلتوني
طلعت مني بدون قصد:عشتووو
عزيز طالعني وقال:شقصدج
توهقت وقلت:انا لا ولا شي
وركضت وانا مدري وين اروح لاني اصلن مادل شي وفوق هذا البيت كبر بيتنا 4 مرات هذا اذا ماكان اكثر اضيع فييه ومعقد تصميمه
وقفت ورا شجره وانا اتنفس بسرعه اوووفف كل هذا ركضته والله تعب هوو بروحه اذا دخلتي البيت هذا تسوين رياضه شلون لو ركضتي فيه
:بووووووووه
صرخت:ااااااااااه
:ههههههههههههههههه شفيج
قلت وانا افتح عيوني:انتي منوو
قالت وهي تمد ايدها:روعه بنت عمج وانتي هوى
هزيت راسي ومديت ايدي
روعه بضحكه:شفيج تركضين
قلت بخجل:شفتيني
روعه وهي لازالت تضحك لدرجه خدودي صارو حمرر:الكل شافج
واشرت على زجاج يطل على الحديقه
شفتهم يطالعوني وبينهم عزيز قلت وانا اشد على اسناني لاني فهمت:عزيز قال لكم
ضحكت روعه وقالت:اي شكله كان حااقد
قلت وانا اضغط على ايدي الحيوان حطني بموفق محرج شنو بيقولون عني قلت وانا اببجي:روعه وديني لغرفتي
روعه هزت راسها وشبكت اصابعها باصابعي وركضت وانا احاول اني اجاريها بالركض بس كنت افكر بخطط عشان انتقم لنفسي وشلون احسن صورتي عندهم عقب الا سوااه عزيز افففف الله ياخذك من وين طلعت
بروحها عجوز النار تكرهني وقفت وقلت بخجل:المرا العجوز احمم اقصد الكبيره وقلت ببتردد جدتي
قالت بضحكه:لا هذي ام خلود عمت ابوي ......ابوي وابوج ماعندهم غيير عمه وحده وهي امم خلود عشان جذي هي عايشه معانا لان زوجها ميت من زمان وخلود مطلقه عمرها تقريباا 38 او 37
قلت:خلود عندها خوان ..خوات
روعه :لاا ماعندها هي وحيدة امها وابوها
هزيت راسي بستجابه ودخلت البيت الكبير عطيت عزيز نظره وركبت الدرج
روعه قالت بضحكه:بتتعبين 7 طوابق
لفيت وجهي وطالعتها وتنهدت اففف ياكثر ماغلطت بهذا البيت احرااااااااجج
*****************************************
وااو الغرفه روووووعه اكبر من غرفتي مع ساره 10 مراات روعه
وفيها غرفة تلبيس وحمام خاص احسن شي عشان ماتهاوش مع ساره ع الحمام الا كانت ببعد خالتي نهى تشاركنا فيه هههههههه لان بين غرفتين
احمم طبعا روعه قعدت تشرح لي منو الا عايش هني:شوفي اعمامج 5 مع ابوج وعماتج 4 وام خلود عمتي نوريه وخلود ووبسسسس
طالعتها:عماتي عايشين معانا
هزت روعه راسها بالنفي وقالت:لاا بس عمتي حنان زوجها ميت وعايشه معانا مع انها كانت رافضه تبي تعيش ببيتها بس اعمامي مارضوو
قعدت روعه تقول لي عيال وبنات عمي واسمائهم
وقالت اخر شي:وببسس
عقدت حواجبي
وقالت:طبعا خلود وامها تعرفينهم وامي وابوي رايحين مع عمي حسين وزوجته وسالم ولده للعمره
قلت بستغراب:وعزيز
ضحكت اكثر وقالت:اخو العايله
قلت:شششنو
قالت:ههههههه ابوعزيز يصير اخوو ابوي واعمامي وعماتي بالرضاعه اعتقد رضع مع ابوي ابوعزيز
قلت اذكرها :بس هو يعيش معاكم
قالت:ههههههه ايي لان عزيز اكييد لاحظتي ان شعره عيونه
قلت بستغراب:عيوونه
تذكرت عيون فعلا لونهم توني انتبه له ازرق:ازرق
قالت:امه روسيه وماعنده اعمام ومات ابوه وجدي تكفل فيه وابوه كان شريك جدي بكل شي وبجذي صار عزيز شريك جدي بكل شي حتى هذا البيت وطبعا لما مات ابوه جدي ماخلاه يتربا مع امه لانها اولا مو مسلمه ثانيا عاداتها غيير وخاف عليه وهو الا ربااه وعزيز يروح لامه كل مايقدر او هي تجي
قلت:اهاا
وراح تفكيري لعزيز وعيونه شلون مالاحظت لونهم ضحكت على نفسيي فعلا معقوله توني انتبه والله انا حااله بس مشالله كلهم يعيشون بهذا البيت صراحه البيت هذا يكفي بلد فشلون هم خخخخخ
دخلت ياسمين وهي تقول:هواايييييي ابوج يبيج
رفعت راسي وقلت:اوكي
قمت وقلت:رووعه تعالي معاي
روعه رفعت حاجبها وقالت:بياكلج عمي فيصل
ضحكت وهزيت راسي بالنفي وهمست:اخاف وستحي
ضحكت روعه ومسكت ايدي ونزلت معاها
وقفنا قدام الصاله
ابوي ابتسم لي وقال:شلوون البيت عجبج
قالت العجوز الله ياخذهاا افففف اكرها ماتمرر ابددد واقفه ليي:طبعاا هي وين بتشوف هذا العز
اضافة اخر كلمه بغرور
عضيت شفايفي وقلت وانا احرك عيوني دلاله اني مومهتمه لج:الحمدالله ابوي سالم ماقصر معاي بشي وقعدت جنب ابوي والعجوز تطالعني شوي وتذبحنيي
دخلت بنت بيضا وعيونها عسليه فيها شبه كبير من ابويييي وقعدت جنبي وقالت بصوت هادي:هوى
ابتسمت وقلت:ايي
قالت بضحكه رنانه صراحه هالبنت تسحر حسيتها ملكة جمال حتى ضحكتها تهبل:انا نور
ابتسمت وقلت:نور
ياسمين:عمتي نورووه
ضحكت وطالعتها غصب عنك لازم تطالعهاا نعومه والانوثه تشع منهاا
نور وهي تستلطف:يقولون انج تشبهيني
ضحكت بنفسي اشبها وقلت:مدري
قالت مريم اخت ياسمين الكبيره:بلى تشبهينها خصوصا عيونج مثلهاا بسسس..
سكت وهي تحاول تمسك ولدها الا يبي يطلع يلعب بالحديقه
اعقدت كانت بتقول بس نور احلى اكيد مافي وجه مقارنه صح ان عيوني وعيون نور وابوي مثل بعض بسس نور احلىى
ابتسمت لي نور ابتسامه حلوه مثل حلاوت وجها
بينت غمازاتهاا ورديت لها الابتسامه بود
مرت ساعتين وكل السوالف بين عماني عن الشركات ....الشركات......والشركات .....والعيال........مشاغل البيت......ربعهم الا ماشافوهم من 10 مدري 20 سنه هههههههههه
دخل عزوز وهو لابس كاب اسود كان روعه عليه تقدم لي وقعد قدامي بالضبط ع الارض
سمعت صرخه خوفتني:عزيززززاااااان
نقزت بخرعه
عجوز النار هي الاصرخت افففف وقفت قلبييي طالعتها بنظره
وتجاهلتني وقالت:عزيز من متى نقعد على الارض
تصدقوني بغيت اقوم اكفخها اصكهاا كف كل هذا وبعدين لا تقعد ع الارض
عزيز كشر وقال:عمتي عادي
وشكل الاجابه ماعجتها لانها ردت بعصبيه مبالغه فيهاا:عزيز قوم اقعد ع الغنفه
عزيز هز راسه وتجاهلهاا استغربت لان تجاهلها وهي طبعا ماسكتت قاعده تحنن حنن مو طبيعيي انا اقول ندى على منوو طالعه افف اعوذ بالله وهذا وهو اليوم االاول
بين الاصراخ والسوالف
دخلوو ثلاث رياجيل مع مراا شكلها كبيره بس وجهاا بشوش
:السلام عليكم
عم السكوت لثواني
وانقلب لتوسونامي
طالعتهم بستغراب وتجمعو جنهم نمل عليهم وانا كنت متلصقه بابوي ونور ووحده اعتقد انها دانا اواسيل و..عزيز
همس عزيز باذني:جدي وجدتي ....عمي حسين وسالم
هزيت راسي وبسرعه عرفتهم
لاحظت ان ندى تطالعني بنظرات شوي وتحرقني
عزيز مسك ايدي طالعته بستغراب اعتقدت انه مسكها بالغلط وتجاهلتها جيت بسحب ايدي بس هو شد على ايده
قلت عشان انبهاا:احم احمم
لف راسه لي وطالعني بنظره مستحيل انساهاا بحياتيي وابتسم لي بتسامه اجذب اذا قلت انها ماسحرتي .............
**************************
كنت قاعد اطالع عزيز لابس قميص وسيع ومبهدل عليه
شكله تعباان وتحت عيونه الالون الاسود
كان بغرفه مدري هيي غرفه لونها اسود
وجنبه كبت مكسور والصبغ مو عدل
كانت الغرفه خرابه وفيها ترااب وهو كان ماسك شي بيده وشد عليه
كنت ابي اوصل له ابي اقول له شي بس ماقدرت صرخت:ااااااااااااااااااااااااااااه
ياسمين:بسم الله عليج شفيج
دانا:حلم حلمم
تنفسي سرع وانا اتذكر الحلم شنو معنااته شنوو
ابتسمت لي دانا ابتسامه تدل على الامان
دانا بنت عمتي حنان الا تعيش معانا
ابتسمت لهم وتذكرت خوالي بتصل عليهم قمت عن السرير وقلت:ابي اتصل بس شوي
اخذت التلفون واتصلت على ساره ردت بهدوء غريب:الوو
:احمم سروونه انا هوى
ساره وواضح انها كانت تبجي ولا انها لين الحين تبجي:هووىى
قلت بقلق:ساره شنو فيه
انفجر بجي وقالت وواضح انها تعبانه:نهىى نهىى
قلت بقلق وخوف على خالتي امي الثانيه فعلا لما رحت كانت تعبانه معقوله فيها شي:ششنوو
قالت وهيي تشهق:الشيين
قلت بتاكد وانا مومستوعبه:ششنوو
ساره بلعت ريجها وقالت:نهى مريضه بالشين بصراخ قالت:بالسرطانننن
دارت فيني الدنيا ومسكت الشفونيرا عشان ماطيح
بلعت ريجي مره وثنتين ثثلاث واربع
دانا والقلق واضح عليها:هوى فيج شي
هزيت راسي بالنفيي وانا اتنفس بسرعه يااربي سترك يااربي سترك يااربييي
************************************
يارا سعود ال×××
هذا اسمي وانا اخر سنه ثانوي
اكبر خواتي ماعندي غير اخت اصغر مني بسنه اسمها نوره
واخت اسمها لولوه عمرها 13
وعندي اخوه اسمهه مبارك عمره سنتين ببيت جدتي ام امي لان بنسافر بعد جم سبوعع
عايشين بدور ببيت جديي مبارك
وطبعا اغلب اعمامي اساميهم ابومبارك ههههههههههههه
:يارا عطيني النظراه
طالعته بستنكار وقلت له: مابي اخذ نظارت اميي
امي:يارا عطي نظارتج لابوج
عصبت كل نظارتيي شمعنااا طبعا انا من النوع الا النظاره ماتقعد عنده سبوع :مابي مابي ليش ماشريت من السعوديه
بدا ان ابوي استنكر وقال:يارا بسرعه بروح للمخيم
كشرت وقلت:يباا الله يخليك ابي ارووح معاكم للمخيم
ضحك ابوي بستهزاء:وشرايج بعد اعطيج قتره وعقال
يارا:يبااااااا
ابوي:وانا صاج اخلصي طلعي النظاره
لولوه:يباا ابيي اروح للجمعيه
ابوي:يصير خير انتي بس جيبي النظاره
اففففف ياهذي النظاره قصتها قصهه رحت اجيبهاا وانا معصبه فتحت غرفة النوم
ونوره اختي كانت تدرس لمتحانات الفاينل نقزت وقالت:بسم الله
قلت من طرف خشمي:اقول ادرسي يابنت علميي
طالعتني والنظارات على عيونها:افف اقوول انتي متى بتدرسين للفاينل
قلت لها وانا اطلع النظاره:تو الناس باقي سبوع
قالت بستنكار:سبوع بتدرسين كل المواد يابنت انتي اخر سنه
طنشتها اصلن انا مو مال دراسه زين منيي وصلت لاخر سنه وانا موعايده السنه
ورحت لابوي عطيته النظاره وانا اتاملها هذا النظاره بتروح للمخيم اف تذكرت المخيم كل خوالي واعمامي بيروح له ابوي هو المشرف عليه طبعا هو قطيه بين الشباب هههههههه اقصد الشياب ابيذبحني ابوويي
ضحكت وانا اطالع امي كانت تحضر امي مدرسة علوم ونوره طالعه عليها
وابوي ماعنده غير شهادة الثانوي وانا طالعه عليه خخخخخ بس شكله لولو على امي يعني انا وابوي الفاسدين بالعايله
ابوي وهو بلبس النظاره:ترا بعد الصيف بنروح مع محسن للسعوديه
نقزت بفرح:صج صججج ونااسههه
ابوي:عاد انتي ادرسيي
قلت بملل:وليش ماتقول للولو ونوره ترا هم بعدد بمتوسط وثانوي
ابوي وهو يقرص خدي:لاني واثق فيهمم
قلت وانا اقلب عيوني:يباا انا بطلع بشوف الدنيا بروح مع بنات خالاتي ولا مع بنا عمي هاديي
ابوي وهو يفكر:لا بنات خالاتج بسلوى روحي مع بنات عمانج بيتهم قريب
طالعته ورفعت حاجبي:يباا انت فاهم قصدي بطلع مابي اروح لهم البيت
تنهد ابوي وقال:والمطلوب
قلت له وانا ارفع حاجبي بحماس:فلووسسسسس
ابوي:شوفيي داخل دشداشتي بسس لا تاخذين فوق ال50
:انشالله
طرت من الفرحه واخذت التلفون واتصلت على بيت عمي هادي وهو تحتناا بالطاق الا تحتنا (الا في بيت جدي بس احنا وبيت عمي هادي الباقي ببيوت بروحهم )
ردت هيا:الووو
قلت بحماس:البسوو بسرعه وانزلوو تحت بنطلع
هيا :وين
رديت عليها:وين بعدد المريخ مدري المهم نطلع بسرعه
هيا:نور ه بتجي
قلت بطنازه:لا هي قاعد تاكل الكتب ام قليب
هيا:ههههههههه ماشالله عليهاا اوك يلاا بنتجهز واتصل عليج
قلت اذكرها:قولي لمنيره
هزت راسها وقالت:اووك
**********************************

تبع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-12-2011, 04:31 PM
صورة like a star الرمزية
like a star like a star غير متصل
©؛°¨غرامي جديد¨°؛©
 
الافتراضي رد: احببت بعدك نعم...لكن قلبي مازال يحترق لحبك



********************************************
اسمي فجر ال××××
كويتيه بس مقيمه بفرنسا بسبب ظروف وعمري 20
:فجررررررر
رديت وانا ارفع راسي:حااظر حااظر
:فجججججرررر
:اهوووووه قلناا حاظر
اخذت الاوراق وركضت للقسم الثاني سلمت لهم الاوراق
مصطفى:بسسررعه مره تانيه لو سمحتي
قلت له بسخريه:انشالله عميييييي
شنو هذا مشغليني بالارشيفف وبعد مختلط شدعووه ابوي سئل عنيييي يااربيييييي
موراد اندونيسي بس مسلم :فجررر
قلت وانا اتغصب الابتسامه:هلا
موراد:ممكن تساعدي عشان اقرا هذي الاوراق
يووه صح مايعرف يقرا انجليزي هو زين منه يقرا ويكتب عربي
رحت له وحاولت افهم شنو مكتوب قال بشكر:مشكوره
اخذت نفس بتعب قمت عن الكرسي واخذت جاكيتي ولبسته بسرعه
مضطره اشتغل هني لانها شركه عربيه وفيها نسبه واجد من الايشتغلون عرب ولان فرنسيتي ضعيفه ممشيا وضعي بالانجليزي
رن تلفوني رديت بوله:هلاا والله
قالت لي يارا:هلا ببش يااعمريي شلونج شخبارج
قلت ببتسامه لصديقتي صح اصغر مني بسنتين بس اعتبرها قريبه مني من التفكير والشخصيه:تمام بخير وانتي
يارا:خخخخ بخيراا اخ شتقت لج يالخايسه
رديت بحزن:وانا اكثر يارووه والله لج وحشه
يارا قالت بصوت مبحوح:بتخليني ابجي
قلت بحب:لاا لاا تبجي
دخلت ايدي بمخباتي كان بررد والهوا يطير شعريي غمضت عيوني لما هبت نسمة هواا :بببببررررررد
ردت على:ياعمريي اي صح ماقلت لج تحجبت
قلت لها:مبروووووك يااراا
ردت:الله يبارك فيج بسس انتي متى بتتحجبين
تضايقت من الموضوع وقلت:المهم
:فجر مو حااله جذيييييي دايم تحاولين تتهربين من المواضيع الا ماتعجبج
جيت بسكر اللتلفون بس هي قالت:لا تسكرينه اعرف حركاتج مره وحده واجهيهم لا تسكتي عن حقج الساكت عن الحق شيطان اخرس
رديت وانا احس نفسي ببجي:ياااراا رجاا
:لا رجااا ولا شيي روحي لاهلج مو معناته ان وحده قالت لج ان ابوج مايبيج تصدقين
رديت بحزن وفعلا دموعي نزلت:بسس هالوحده تصير لابويييي وبغصبه اكيد ماتجذبببب علىى وانا مالومهم خصوصا انه امي فرنسيه
ضحكت بستهزاء نص فرنسيه ولا اعرف اتكلم فرنسي
سكتت يارا وقالت بستعجال:لج معااي جلسه خااصه اليوم الفجرر الحين بروح لاني مواعده منور ويوني
قلت لها:سلمي لي عليهم
يارا:يووصل
وسكرت اللتلفون
غمضت عيونيي اخ يادنياااا شنو هذا برررردد
حركت راسي لان رقبتي عورتني
يارب سهلل لي
************************
اتمنى تعجبكم الروايه **


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-12-2011, 05:19 PM
صورة هجـآفـي ~ الرمزية
هجـآفـي ~ هجـآفـي ~ غير متصل
©؛°¨غرامي متألق ¨°؛©
 
الافتراضي رد: احببت بعدك نعم...لكن قلبي مازال يحترق لحبك


يـه يـه يـه شالـزيـن شالـروايه السنعـه ،‘~

يـعـطيكـ ربــي العـاآافيـه ،‘~

بـداآايـه بجـد حمـاآاسيـه ،‘~

مـن متتاآابعيكـ أكيــد ،‘~

وملاحظـاآات ،‘~

مـاآافي تعـاآاريف للشخصيـاآات يعني بعضهم ماحطيتي أعمارهم وكذا ،‘~

وياليـت تحطيـن فـواصــل مـع مسـاآافات للإنتقـاآال مـن حـوار لحـوار ،‘~

وفي النهـاآايه أسئلـه نتـوقـع فيهـا الأحـداآاث وسلاامتكـ ،‘~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 05-12-2011, 06:10 PM
صورة like a star الرمزية
like a star like a star غير متصل
©؛°¨غرامي جديد¨°؛©
 
الافتراضي رد: احببت بعدك نعم...لكن قلبي مازال يحترق لحبك


اقتباس:
المشاركة الأساسية كتبها Zain لكويت مشاهدة المشاركة
يـه يـه يـه شالـزيـن شالـروايه السنعـه ،‘~

يـعـطيكـ ربــي العـاآافيـه ،‘~

بـداآايـه بجـد حمـاآاسيـه ،‘~

مـن متتاآابعيكـ أكيــد ،‘~

وملاحظـاآات ،‘~

مـاآافي تعـاآاريف للشخصيـاآات يعني بعضهم ماحطيتي أعمارهم وكذا ،‘~

وياليـت تحطيـن فـواصــل مـع مسـاآافات للإنتقـاآال مـن حـوار لحـوار ،‘~

وفي النهـاآايه أسئلـه نتـوقـع فيهـا الأحـداآاث وسلاامتكـ ،‘~
منوره يالغلا...
الله يعافيج...
ماحطيت تعارفهم بالبارت الاول لانهم شخصيات ثانويه انشالله بالبارت الثاني....لان بالبارت الاول بس حطيت الشخصيات الرئيسه مع العلم ان بيطلع بعض الشخصيات الرئيسيه بالبارتات...
انشالله ولا يهمج..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-12-2011, 06:52 PM
صورة هجـآفـي ~ الرمزية
هجـآفـي ~ هجـآفـي ~ غير متصل
©؛°¨غرامي متألق ¨°؛©
 
الافتراضي رد: احببت بعدك نعم...لكن قلبي مازال يحترق لحبك


إنـزيـن فديتـج ،‘~

بغيــت البـاآارت الثـاآانــي وربي متشـوؤوقــه ،‘~

ويعطيكـ العـاآافيـه ع التـوضيــح ،‘~

موؤوفقــه ،‘~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-12-2011, 09:36 PM
صورة like a star الرمزية
like a star like a star غير متصل
©؛°¨غرامي جديد¨°؛©
 
الافتراضي رد: احببت بعدك نعم...لكن قلبي مازال يحترق لحبك


هو المفروض يوم الخميس بس عشان عيونج بس راح انزله الحين ^^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-12-2011, 09:39 PM
صورة like a star الرمزية
like a star like a star غير متصل
©؛°¨غرامي جديد¨°؛©
 
الافتراضي رد: احببت بعدك نعم...لكن قلبي مازال يحترق لحبك


هوى
اعمامي حسين ومنذر ونايف وفيصل وجابر
عمي حسين اكبر اعمامي وعند 3 عيال و3 بنات:
-اكبر وحده مريم متزوجه وعندها ولد صغير عمره سنتين اسمه فواز
- سالم صار له 4 سنين خاطب اسول بنت عمي منذر
-وبعدين عبدالله يدرس برا
-عاليه ثاني سنه جامعه تبي تصير مدرسة انجليزي مترجمة العايله
- سعود اول سنه جامعه
- ياسمين كبري
****************************
وثاني اعمامي منذر عنده 3 بنات وولدين
-تركي زوج مريوم ابوفواز ويشتغل بالشركه اي فرع مدري
- فهد يدرس برا مع عبدالله
- اسيل خطيبت سالم
-ندى
-رغد
*****************************
وبعدين عمي نايف وعنده بنت الا هي روعه وولدين
مشاري وهو كبر فهد وعبدالله بس يدرس بالكويت هندسة بترول
وبعدين جاسم اصغر من مشاري بسنه
وبعدين روعه
*******************************
وبعدين ابوي وبعدين عمي جابر وهو اصغر عماني متزوج صار له 4 سنين والله مارزقه بعيال
*********************************
وعماتي حنان اكبرهم وعندها ولد وبنت
وعادل دكتور نفسي
دانا كبرنا خجوله زياده عن اللزوم
*********************************
وبعدين عمتي اماني وعندها ولد وبنتين
شروق مو متزوجه وهي اكبر وحده تقريبا عمرها 21
وبعدين شيماا اول سنه جامعه
وبعدين سيف كبرناا
********************************
وعمتي بدريه متزوجه وعندها ولد واحد اسمه ثنيان مايمشي يتعالج بالمانياا بس طبعا يجي كل مره بس يروح اوقات العلاج
وووواخر شي عمتي نور اصغر وحده اصغر من عمي جابر وعمرها 25 مو متزوجاا
********************************

يتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-12-2011, 09:42 PM
صورة like a star الرمزية
like a star like a star غير متصل
©؛°¨غرامي جديد¨°؛©
 
الافتراضي رد: احببت بعدك نعم...لكن قلبي مازال يحترق لحبك




2

هوى
ببيت خواليي
بعد الفحوصات والخ.....
خالي الكبير فايز اخذ الاوراق وراح لولد عمهه نائبب عشان يساعده عشان العالج بالخارج بالعربي واسطه
جدتي:نهىى اكليي يابنتيي
خالتي هزت راسي بالنفي:يايمه والله مومشتهييااا
امي قالت بحزن:يلاا عشان خاطر امييي
محمد:نهى منو بيروح معاج
نهى:والله مدري
قلت بستعجال:اكييد اناا بروح ما وراي شيي
قالت امي وهي تعطيني نظره:انتي اخر سنه
قلت اذكرها:يمهه امتحانات الفاينل بعد سبوعع يعنيي مابقى شي واخلص الدراسه امتحن واروح معاهاا
محمد:انشالله بننطرج
وقالت خالتي نهى الا شافته ان عذر عشان تبقى اكثر بالكويت:خلااص ماراح اروح الاا هوى معاي
ابتسمت بنتصار
دخلوو خالاتيي
خالتي ابرار:شلونج نهىى
خالتي نهى وواضح التعب عليهاا ومتغيره حيلل حاولت تسند نفسها ع الغنفه وقالت بتعب:بخير الحمدالله وانتي شلونج وشلون العيال
ابرار:بخير يسلمون عليج
غمضت عيوني بتعب صار لي يومين مانمتت تثاوبت
امي بقلق:هوووىى ييمه شفيج
قلت وانا احاول افتح عيوني:مافيني شيي بس دايخه ابي انام
ساره:روحي للغرفه وناميي
هزيت راسي بالنفي:لاا ابوي بيجي ياخذنيي للبيت
محمد:لا خلاص انا اكلمه وانتي نامي هنيييي
قلت :لاا انا برووح بعد مادرست شي للفاينل
ساره:وبنات عمج
قلت:مدارس خاصه
ساره:اهاا
ابرار:وانتي شناقصج مايحطج ابوج بمدرسه خاصه
جاوبتها بتعب:انا ماابيي كل رفايجي بالمدرسه معااييي
طالعتني خالتي ابرار بستنكار خالتي ابرار تحب المظاهرر
رن تلفوني ورديت:الوو
:يلاا اطلعييي اناا برا
سكرت التلفون مومستوعبه منو الا كلمني بس قلت اكيد انه ابوي لاني اصلن ماعمري كلمته بالتلفون وانا دايخه يمكن ماستوعبت شيي
اخذت جنطتي وقمت:يلا مع السلامه
همست امي:بحفظ الله اتصلي هاا لا تقطعين
قلت وانا ابوس راسها وراس جدتي وخالتي نهى:انشالله يالغاليه
طلعت شفت سياره مغيمه فتحت الباب قدام وركبت:السلاام
رد:وعليكم السلام
حست اني غلطت بالسياره رفعت راسي وشفت عزيز تنهدت براحه وقلت:اشووه عبالي غلطانه بالسيااره
ضحكك عزيز وقال يقلدني:اشوه
طالعته ورفعت حاجبي:عزوز والله مالي خلق ملاقهه
عزيز وهو يشغل المسجل:انشالله عمتيي
غريبه يقولون عنه متكبرر بالعكس عزوز شخص متواضع
شلت الافكار براسي لاني بس ابي اناام وببسسسسس
اشتغلت اغنية الجسمي_لا تقارني بغيري
نمت من غير شعوور............................................. ..
:هووىى هووىىى هووىى
فتحت عيوني بصعوبه:همممممممم
:يلاا هووى صحصحيي
فتحت عيوني بصعوبه وتثاوبت:افففف ابي انااممم
عزيز مسك ايدي وساعدني اقووم
جريت ايدي وقلت:بعدد
مسك ايدي وقال:خل يعدي هاليوم بدون اصابات .....اضاف بسخريه:شكلج جنج سكرانه
عصبت منه بس مالي خلق اتهااوش لان فعلاا دايخه ومالي خلق شييي
دخلت داخل وشفتهم متجمعين قلت بتعب:السلاام
:وعليكم السلام
فتحت عيوني ورديت غمضتهاا بتعب قطيت نفسي ع الغنفه جنب ابويي
نوريه ام خلود: انشالله بنروح للشاليه بعدد 3 اشهر
دانا بفرح:ونااسسسسه
رغد:ويييييييييييييييه..حمستينا من الحين الله يهداج ياعمهه
قلت لهم:انا بروح بيت خوالي
جاويتني خلود:لا مايصير هذا تقليد عائلي لازم كلنا نروح اول يوم وبعدين كيفجج
قالت جدتي بتايد:اييي يابنتيي
قلت لهم اذكرهم:بسس خالتي نهىى...
قاطعني ابوي:يووم ماراح يضر
سكتت بستسلاام تثاوبت
خلود قالت وهي ترفع حاجبها:ااذاا نعسانه روحي للغرفه
قلت:يعني مثلا اعتبرها طرداا
قلتها وانا عبالي اني قلتها بنفسي ماستوعبت اني قلتها بصوت عالي
الا لما سمعت ضحكت عزوز
الا انفجر ضحك
قالت عاليه بنت عمي حسين:خلووها نعسانه ماناخذ منها شييي
ماستوعبت شنو قالوو لاني اصلن ابي انام بس انحرجت
حسيت بلمسه على ايديي
فتحت عيوني وشفت عزيز يبتسم:انا طالع فوق تبي مساعده
طالعته ورديت طالعت حواليني كلهم مشغولين بسوالفف ولا بالتلفون
غضمت عيوني ورديت فتحتهاا معقوله عادديي عندهم مدريي لوو قالها قدام جدي سالم جان ذبحه اعتلت ابتسامه على وجهي
هز راسه يمين ويسار وقال:يلاا
قمت معااه وحسيت بنظرات ندى الا تحرقني
تجاهلتهاا وابتسمت لعبدالعزيز
ركبنا الانصنصير
عبدالعزيز:اول شي نروح للطابق ال5
طالعته بستفهام بس بعدين استوعبت انه يوصلني اول لجناحي بعدين هوو
وصلناا للطابق الخامس فتح الانصنصير
تقدمت خطوه بعدين وقف مدري لييش بس وقفت وتنفسي سرع استوعبت اني انا وهوو وبسسس كنا بروحناا داخل هذي المساحه والحين انا وهوو بسسسس بهذا الطابقق
لفيت وجهي وابتسمت له
هز راسه وتقدم خطوه
تراجعت للورا حركه تلقائيه بس هو تقدم خطوه ثانيه مد ايده
وانا رجعت براسي لورا
بس هو قدم ايدهه اكثر
استقرت على شعري وابتسم الابتسامه الا تسحر وعيونه الزرقا تلمع
اخذ نفس ورد شعري لورا اذني قرب لي وهمس باذني:تصبحي على خير
رد لورا وقال:باجر بسافر
ليش بيسافر حسيت بضيقق بس ماعرفت افسره:عزيز
اكبرت بتسامه وزاد لمعان عيونه الا تسحرنيي:يمكن ماتشوفيين شهوور
حسيت بنقباض بقلبي وقلت بالم واضح:ليشش
هز راسه وقال:حبيت اكمل دراستي برا واضاف ببتسامه:عبدالله وفهد مو احسن مني(يدرسون برا )
زاد تنفسي وطار النوم من عيوني والتعب ماعاد له مكان ومدري شلون خطرت ببالي فكره وقلتها بدون تفكير:لييش مانسههرررر
عضيت شفايفي بندمم وقلت ابرر:عشانه اخر يوم لكك بنودعك
مدري ليش تكلمت بصيغت الجميع يمكن ابرر له يعني
هز راسه واحس ان الفكر جازت له
وقال :بس انتي تعبانهه وصار لج يومين مانمتي
قلت:شتفرق يومين او ثلاث وبعدين كل شي يهوون عش.....
قاطعت جملتي وتورد خدي وقلت:احمم
كبرت بتسامته وقال:سحرتيني
وقطع كلمته:يلاا
قلت بستغراب:وين
ذكرني وهو يقول:نسسسهرررر
ضحكت وقلت:مو اول شي بروح البس بيجامتي واقول للبنات وانت جهز العده وقول على طريجك للتشوفهم
هز راسه وراح
ابتسمت وانا اشوفه يروح غمضت عيوني شعوور غرييب احسه تجاه هذا الكاائن اول مادخل حياتي وعرفته وانا احس بشعور غريب اتجااه احس بضيق اذا ماكان يتواجد معااييي احب اتهاوش معاا استانس اذا احرجته ولاا قط كلمه علىىى انساان بالنسبه لي غييير
هزيت راسي اطرد الافكار عن راسي وركضت لجناحي
دخلت غرفة التلبيس وبسرعه طلعت لي بيجامه ورديه بنص دبدوب رمادي طفوليه بس تمشي حاله لانها استر الا عندي الباقي شورتات لاني ماارحتا الا اذا نمت بشورت
كانت عباره عن بنطلون بيجامه رمادي فيه قلوب وردي طوويلل وبلوزه نص كم ورديه فيها بالنص دبدوب رمادي
اخذت لي تاج وردي وربطت شعري ذيل حصان
مدري ليش اهتميت بنفسي بزياادهه
اخذت لي قلوس وحيت لي طالعت نفسي معطيني شكل طفولي ضحكت وانا اعدل شعري واركض بالدرج
عشان اصحصح
نزلت للصاله كان هدووء
انفتح الباب ولفت تلقائين شفت عزيز يدخل شافني وظل يطالعني
ثانيه
ثانتين
ثلاث
اربع
خمس
ست
انحرجت وتوردو خدودي لانه يطالعني بذهول
قال وهو يبتسم:حلووهه
ابتسمت وقلت:وينهم
جاوبني ببساطه:بالخيمه براا
تقدم لي ومسك ايدي وهمس:برد
رجفت وطالعته
طالعني بنظره ماعرفت معناتهاا وسحبني معااه وصلنا للصاله جر جاكيته وحطاه على جتوفي وقال يوضح:الجو باارد
طالعته وابتسمت بمتنان همس:تعذبني ابتس....
وللمره الثانيه يتجاهل جملته وخلاني بالصاله وراح
طالعت الباب الا طلع منه وتنفسي سرع
شديت على الجاكيت
وتنفسي يسرع اكثر واكثر فتحت الباب ومشيت ببطء وانا اطالع الارض للخيمه
سمعت ضحكهم وسوالفهم
ابتسمت ودخلت بهدوء قعدت جنب ياسمين الا تلعب مع تركي ومريم
اونو
دقايق وانضم لناا عزيز
تركي وهو يطالع عزيز:بنفقدك
طالعت عزيز وحركت شفايفي دلاله على اني انا بعد بفقدك
عزيز ببتسامه:واناا اكثثر
طالعني وهو يتكلم جنه موجه الكلام لي واضاف:بشتاق لكم حييييييل
ابتسمت بخجل لمجرد فكرت انه يعنيني بالكلام وطرت الفكره من راسي
ندى:عزززززيز لا تطوول
غمضت عيوني واخذت نفسس
عزيز ابتسم وقال:عاليه شغلي المسجل
عاليه:المسجل كسراها فواز ولد تركي ومريم بروح اجيب لابتوب
عزيز:لا خلاص لبتوبي ورا المخده الا ورا سعود
سعود بتعجب:وراا
عزييز بعبط:لا ورا جدي
سعود:والله ماحسيت فيه
وطلع اللابتوب وحذفه لعزيز الا قال:شوي شوييييي لو انكسر جان شريت لي واحد ثاني
سعود:الله يخلي جدي
ضحكوو كلهم وانا شاركتهم الضحك ببتسامه
فتح لابتوبه بباسوورد
رغد:الباسوورد شنووو
عزيز:مصدقه بقول لج
واضاف وهو يطالعني:اذا هوى تبي تعرف بقول لكم
اسيل:ايووااااااااااااه
روعه:كشخخهه
سالم:اقععععد
انحرجت
رغد:يلاا هوى صح تبين تعرفيين
ياسمين:ايي اايي تبي تعرف
روعه:اكيد تبي تعرف مايبي لهاا
قلت بهمس:لاا مابي
كلهم صرخوو يخيبة امللل
سيف(كبري ولد عمتي اماني):اخلصيي قوولي ابي لا اصكج كفففف
اتسعت عيوني بصدمهه ورمشت بسرعه ورا بعض برعب هذا شفييهه
عزيز وهو يطالعني حاول يخفي ابتسامته وقال:عشان انا اطيركك لبيتكم
شيما:اي والله تخفف عناا ثقالت دمهه
سيف هو يقلدها:تخفف عنا ثقالت دمهه واضاف:قاعد على جبدج اليوم
ضحكوو كل الا في الخيمه
وقالت شروق:شنو يفكج منهه
شيما تنهدت وقالت:اي والله الا وين نور
جاوبت مريم:نايييييمهه
عادل :انا سمعت انها انخطبت شلون ماقال لي جدي
عزيز وهو يتطقطق باللاب:انخطبت بس ماوقفت وجدي مايبي ينتشر الخبر الا اذا وافقت وهي للحين مصممه على رايها ماتبيي
تركي:عاد نور وعندت
عزيز:مو اعند من جدي اذا يبي شي
سالم:لا يحوشك جدي ولا بعدد عند ههههههههه
ضحكت لما سكتو:هههههههههه
تحولت النظرات لي
وعزيز رفع راسه عن اللاب وقال:شفيج
قلت وانا عض شفايفي:لاا بسسسس.......
ندى:البنت توها تستوعب
افف احراج والله مومتعوده عليهم
روعه تضيع السالفه لما شافتني منحرجه:اي خل نسوي شييييي نفصلللللل
تركي مسك ايد مريم وقال:مدام بتفصلون افصلو بعيد عني وعن حبيبتي
ابتسمت مريم بخجل وقالت:تركييي
ضحك تركي وقرص خدهاا :يلا نستاذن
رغد بصراخ:ليله سعيده
تركي رفع حاجبه
رغد:هو مومعقوله بتناموون
مريم انحرجت حييييييييل وقالت بعصبيه:رررررررغغغغغغغد
ضحك تركي وقال:رغد يبي لج قرصت اذنن
ومشى بتجاه البيت
عاليه:افففف لين الحين تشغل اغنيه ماصارت
عزيز وهو مندمج:ادورها
عاليه:ماصارت بععد
عزيز:اي صح امس دز لي فهد وعبدالله فيديوو لهم تبون تشفونه
كلهم قالو بحماس ووله لهم:اييييييي ونطوو عندهم
تلفت عزيز يمين ويسار وطالعني وقال:وخرو عنها هي ماشافتهم تعالي
اشر لي اجي
حسيت جني طفله انطر امي تقول لي تعالي عنديي قمت من مكاني وقعدت جنبه بس شوي بعيده
عادل:هوى دني شويي مو قادر اشوف
انحرجت ودنيت لين لصقت بعزيز
شفت واحد اسمر وشعره ناااععم ويتميز بعيون سوده حادهه ملامحه خليجيه
والثاني كان ابيض منه بشعر شوي خشن وعيونه صغيره
الاسمر كان عبدالله والثاني فهد
عزيز همس وعيونه على الشاشه بصوت ماحد يسمعه غيري:طيارتي بعد 5 ساعات
همست بنفس درجة صوته:تروح وترجع بالسلامه
عزيز وهو لين الحين عيونه ع الشاشه همس بخيبة امل:بسسس
رديت وانا اشد ع الكلمه:بسسس
عزيز همس بكلمه مستحيييييييييييل انساهاا:انطرينيي
رفعت راسي وطالعته يطالع الشاشه مافي شي ياكد لي اني سمعته صج يقول هذي الكلمه
غمضت عيوني لاني فعلا دخت طاقتي كلها تبخرت ماعد عندي اي طاقه اكمللل
التزمت الصمت وماحسيت بنفسي الا انا سانده نفسي ع الخيمه ومغمضه عيوني ونمت بدون شعووووور نمت......................
فتحت عيوني وانا اشوف نفسي اتحرك شفت عزيز يشيلني باريحه ولا جنه حاس بوزني فتح له سالم الانصنصير وركب معااه
سمعت محادثه بس مو متاكده اذا كانت حلم ولاا صج
سالم :تحبها
عزيز وواضح انها توتر:منوو
سالم:نظراتك كلامك حتىى افعالك تغيرت مو انت عزيز المتكبر اضاف بتعجب:معقوله
عزيز طالعني وحسيت بنظراته ليي وقرب ليي
طرت لسابع سماا وانا احس بشفايفه على راسيي جاوب ببساطه:مدري
سالم:شنوو تفسر تصرفك
عزيز تضايق وقال:سالم رجاا
سالم التزم السكوت وقال:يلاا وصلناا
مشى عزيز لجناحي فتحه برجوله توجه لغرفة النوم حطاني ع السرير بقى واقف وعيونه على
حسيت بباب الجناح ينفتح
دخل شخص وواضح انهه شخص يمسك عصااااااة
ومحد يتسند على العصاة غييييييييير
جدي
بلعت ريجي وانا بالسرير مغضمه عيونه شنوو بيقوول اناا ..هوو...بغرفة النوم وانا لابسه جاكيته
فتحت عيوني وشفت عزيز يطالع الباب بقلق ينتظر الشخص يجي ويحكم
جدي فتح الباب وطالعنا واضح انه مانصدم وقال ببتسامة سخريه:ماشالله
عزيز قال بسرعه:لا تفهم غللط
جدي حط ايده على جتف عزيز وقال:انتت منووووو
عزيز غمض عيونه بشده وشد على ايده وقال:عبدالعزيز ال××
صارخ جدي وقال:ولد منووو
عزيز جاوب:على ال××
صراخ جدي صاررر اقوى وبقسوه دزا عزيز بالعصا وقال:حفيد منوو
عزيز فتح عيونه وقال:فلاح ال××
جدي طلعت عروقه من العصبيه والصراخ:وريث منوو
عزيز:على فلاح عبدالعزيز ال××
جدي تنفسه سرع وقال:هذي سواتت
عزيز :لاا
جدي :انا علمتك كل غلطه لهاا حساب لازم تدفع وولد على وحفيد فلاح يتحمل غلطه
عزيز طالع جدي
وانا عيوني مفتوحه ع الاخررر
جدي:......................
************************************
يارا
وناسسسسسسسسسسسسسهههه باجر سفرتنا طبعا ابشركم نسبتي 82 انا سبق وقلت لكم ان نوره اختي ام قليب 96 وراح تتمم الشماته من طرفها لين اخر عمريي
:يييياااااااااااااااااااااااااااااااارررااااااااا
رديت:هلاا يباا متى نحرك
ابوي:اليوم الفجرر بس يارا بابا مو حلوه تركبين السياره وولد عمج بدر معاهم
رديت بكره لهذا الولد العم مقيدي بكل شي:يييييباااااااا شكو انا بنام بحضنه
ابوي عصب وقال:ياراااا تكلمي عدل شكلي دلعتج واجد
رحت له وبست راسه:يبا والله موقصدي بس
قلت بكره:اكرهاا مقيدني بكل شي
ضحك ابوي وقال:ماردج له
طيرت عيوني وقلت:خيييييير
ابوي:ماعندج عيال خوال كبرج كلهم اصغر وعيال عمانج تدري امج ماتحب عيال عمانج صلاح وفالح وعمج هادي اكبر واحد كبر نوره اختج وانتي اصلن ماتتحجبين عنه
طنشت الموضوع وقلت:يبا لا تخرب وناستيي بالعطله
ابوي تذكر النسبه وقال:اي شفتي كنت صاج عجل هذي نسبه تطلعين من الثانوي بنسبة 82
قلت بقهر:شلون نخلي يارا تنقهرر.؟؟
ابوي ضحك وقال:يارا تعالي هني يارا اكلمج
لفت له وقلت:يباا والله ابجي
ابوي:افاا تبجين وانا راسي يشم الهواا
رحت له وحضنته وانا اقول:والله ذلتوني بس لان نوره جابت اعلى منى تراا والله زين مني ماسقطت
ابوي:الله يعين بدر والله انه ولد طموح بيبتشل فيج
قلت:قصدك ياحضه فيني
ابوي وهو يسحب مني الكلام:يعني موافقه عليه
صرخت:يبااااااااااااااااااااااااااااااااااااااااااا اااااا
ابوي:وصمهه
برطمت وقلت بدلع وانا اشبك ايدي بيده:يبا تذكر البدله الصفرا الا بالافنيوز شرايك نشتريها لك ولي طقم
امي مرت وقالت وهي تحط الاغراض بالجناط:يااهذا الدلال الله يعين بدر عليج
نوره وهي تقرا كتاب بيدها:يبا ترا الدلع الزايد مو زين لها وبلعانه اضافت:ولبدر المسكين
قلت لها بحقد:انتي حطي راسج بالكتاب واكلي تببببن لوسمحتي بس
ضحك ابوي وقال:وهي صاجهه اكلي تبين وحطي راسج بالكتاب
ابوي وهو يمرر ايده على شعري:انتي تامرين امر جم يارا عندي
طالعت نوره بنتصار وقلت:خل نروح نشتريها اليوم بليززززز
ابوي ابتسم وقال:نوره تبين شي
نوره:اي ياريت تمرون مكتبت جرير
قاطعتها :تبين اوكلج النعال اي جرير اي بطييييييخ
ابوي:لا بنمر انشالله جم نوره
قلت بزعل:يباااا ماراح امرها بعدين تجيني عقده
ورمشت بعيوني بدلع انا جذي تربيت ان كل طلباتي اوامر لاني وببساطه على اسم اخت ابوي الا ماتت قبل ماااولد وكانت تحب ابوي وادلعه وحلف اذا جاته بنت راح يسميها يارا وانا من حضي صرت يارا الدلوعه
ابوي:لما نرجع من السعوديه نشوف
قلت اذكره:بنروح فرنسسسسااااا الله يخليك بابيي عشان فجوره
ابوي:يا بابا فرنسا بعيده وبعدين انا ماحب اقعد بمكان واحد والطياره ماتعجبني
قلت له وانا ابرطم:واذا عشان يارا
ابوي:بعدين اشوفف
لولو:روحي لها شهر عسل مع بدر
صارخت عليها:انتي خليج باللاب وانجعمي
لولوه:انتي الا انجعمي
تجاهلتها وقلت:يباا بروح عند عمي هادي
امي:وانا مو معترفا فيني
رحت لها وبست راسها:لا حشى بسسسس يعني الفلووس
ضحكت امي وقالت:اي مدام الفلوس لا تعترفين
ضحكت وقلت:ها يباا
تنهد ابوي وقال:ياكثر ماصرفت عليج
رمشت بعيوني:مشكلتك اني بنتك
ضحك ابوي ومسح على شعري وقال:بتروحين بالبيجاما
هزيت راسي بالايجابيه
ابوي ضيق عيونه وقال :مبارك كبر
قلت:يباا اصغر مني
ابوي:بس بسنهه
قلت:يبااا عااديييييي شنو فيها دايم اقط حجابي وبعدين مبارك وحمود وصلاح مثل خواني
(بيت عمي هادي
هيا 20 سنه
منيره كبري
مبارك اصغر مني بسنه كبر نوره اختي
حمود 15
صلاح 12 )
ابوي:خلااص بس غيري البيجاما
قلت بعناد:يباا مافيها شييييي
حرك ابوي عيونه بتعب من عنادي وقال:سوي الا تبينه
وراح للغرفه
ركضت للدرج ونزلت فتحت الشقه لاني متعوده وصرخت:انا جيييييييييييييت
شفت بدر يطلع من الحمام الا قداميييي
رفع عيوني وطالعنيييي
رمشت بعيوني وبلعت ريجي
سبيت بسريي هياا الا نسيت انها كل جمعه يروحون لخوالهم هذيي عاده عندهمم ومحد يبقى بالبيت
بس هذا موجود يمكن مبارك موجود بسس شنو يبي بدر بمبارك
بدر تقدم لي ورفع حاجبه:غلطانه بالدور الدور الا فوق دوركم
اخذت نفس واستجمعت قوتي وقلت له ببساطه:نسيت انه اليوم يكونون عند بيت خوالهم
رفع حاجبه:مشكلتج بس انشالله كنتي تجين جذي لمبارك وحمود
قلت له:وانت شكوو
عصب وصار وجه احمرر:قلت لج سؤال جاوبي عليه
رديت له:وانا جاوبت انت شكو
مسك ايدي وضغط عليهاا:اي ولا لا
رجفت ومدري لييييش كنت ابي اجذب بس قلت له :اييي
صرخ على وقال:انتي شنو ممسوح عنج الحياا عجل انتييي الاميره الا يقول عنها حمود وصلاح المراهقين
بلعت ريجي وقلت:بس احنا متعودين على بعض هم.....اخوانييي
قال بعصبيه ماعرفت افسرها:بس انا اذكر ان عندج اخو واحد اسمه مبارك
غمضت عيوني ونزلت دموعي عمره محد صرخ على بحياتي قلت بصوت يرجف:لأا تصرخ على
سكت وطالعني اخذ نفس وقال:اوك اوك بسس ان عرفت انج مره ثانيه طالعه بهذا المنظر والله والا خلق سابع سما مراح يصير خييييير
قلت له سؤال مدري شلون طلع مني ادري ان التوقيت والمكان غلط:انت ليش جاي
انفجر ضحك لما شاف تعابير وجهي الجاده وقال:انتي شكوو
حركت عيوني بملل:تردها يعني
رد قال:يعنيييييي
وقال بجده:روحي فوق محد موجود هنيي
هزيت راسي واتجهت للباب وقفت عنده ولفيت راسي وقلت:باي وركضت لفوقققققق
**********************************
بدر
ضحكت عليهاا عجل هذي يارا طفله ويبون يزوجوني ياهاا والله حاله
رحت لغرفة مبارك اخذ السيديات
طلعت وشفت يارا عند الدرج تانن بصوت خافت
ركضت لها قلت لها بقلق واضح:شفييج
يارا دموعها كانت متجمعه بوجها شهقت وقالت :يعورنيي
مسكت ايدها عشان اخفف عنهاا قلت لها:انزين مدي رجلج
قالت وهي تهز راسي بنفي:ابيي اببووووييييي
افف من الدلع الزايد الله يهداك ياعمي قلت لها اسايرهاا:انزين انتي مديها وانا اوعدج ماتعورج
طالعتني بشك وقالت:لاا ماابيي ابي ابووييي
وانفجرت بجي
ياربي الحين شلون اتصرف معاها قلت لهاا بلين:انزين انتي جربيي اذا عورتج سحبي ارجولج
مدت رجولها بحذر وهي تطالعني
سحبت رجولها وهي عضت على شفايفهاا بالم لاحظت الالم على ملامحها قلت لها :شلون تعورتي
جاوبتني بحرج وهو يتحك شعرها وتدخل اصابععهاا ببعض:كنت اركض وو......
قالت بحرج وهي تطالع تحت:طحتت
طالعتها وقلت:تقدريني تقومين
قالت وهي تمسك جتفي عشان تقوم:اييي
ساعدتها لين وصلت لاول درجهه
طالعتها وهي قالت:خلااص رووحح انا اقدر اصعد
طالعتها وقلت:مااثق فيج
حركت عيونها بملل وقالت:بببدررر
ابتسمت لانها اول مره تنطق اسمي حلوو على لسانهاا جاوبتها :عيونه
طالعتني وقالت:احمم خلاص انت روح
هزيت راسي ونزلت وقفت على جنب اشوفها
شفتها تطلع تلفونها وتكلم وسكرته وبعد دقيقتين نزلت اختهاا اهاا طرشت اختها تساعدهاا
ونزلت تحت لما شفت اختها وصلت لهاا
ورحت للسياره تذكرت كلام حمود وصلاح
الاميره ابتسمت وانا اتذكر شكلها فعلا اميره بدلعها وطفوليتهاا
للحضه عصبت مو من حقهم يشوفونها ببساطه لانها لييي انااا بسسسس
***********************************
فجر
للحضه حسيت نفسي بمووتت
كحيت لدرجه حسيت روحي بتطلع مع الماي الا يطلع
كنت حاسه بالبرد
بس بسرعه الفكره هذي راحت وانا احس نفسي بين احضان شخص
حضني بين ايدينه
همس باذني بالفرنسي بس فهمت ان يسال شلوني الحين
جاوبته بفرنسيه ضعفيه اني ماقدر اتكلم فرنسي لان فرنسيتي ضعيفه
رد وقال بالانجليزي:كيف حالك
انا فهمته من المره الاولي.....بس رديت بالانجليزي:بخيرر ....اضفت بمتنان شكرا
هز راسه وقال بالعربي:ولووو
عقدا حواجبي هو عباله اني مافهمت بس انا استغربت انهه عربي صح ان شكله مايوحي ان فرنسي او اجنبي بسسسسسس مدري بس استغربت
وقال بالانجليزي:العفوو
طالعته وقلت:عربيي
رفع حاجبه:عربيه
ضحكت وشاركني الضحك وقال:صدفه حلووه
طالعت لبسي وقلت بتكشيره:مااظنن
قال :ههههههههههههههه ماعليج البسي جاكيتي
اضاف:خل اوصلج
هزيت راسي بالنفي وقلت:لاا بس انت عطني مكان عششان ارد لك الجاكيت
هز راسه بالنفي:احنا اجتمعنا بالصدفه واكييييد بنجتمع مره ثانيه وغمز لي وراح
ابتسمت له وانا اشوفه يروح قطيت نفسي ع الارض وانا كلي ماي صرخت:اووووه قاااااااااااد<اووووووووه ياللهىىىىىى
قعدت جنبي وحده وقالت لي:كلنا متعذبييييييييييين
طالعتها وقلت:مو كثري
ضحكت وقالت:منبوذه من اهلي تدرين ابوي شقال لهم اني ميتههه زوجني عشان صفقههه
طالعتها وقلت:انا خل يدروني اني موجوده بعدين يموتوني بكيفهم
قالت :الحياة مو عادلهه
جاوبتها:محد عادل فيها ليش هي لازم تصير عادله
جاوبتني وهي تقول:الا قبل شوي زوجي واضافت:معجب فيج وضافت:هذي حالته رجال همه البنات
جاوبتها:ششنوو بسسس
قاطعتني:اذا ساعدتيني انتقم منه بساعدج تنتقمين من اهلج
العرض صراحه كان مغري اشوف ابوي واختي ينذلون قدامي والمرا الا خلتني ابجي عند رجولها وذلتني والا رفست اميي لما جت لها تترجها انها تاخذني لانها كانت مريضه جاوبت بنفس لهجت الحقد:موافقه
ضحكت بضحكه شيطانه وشاركتها الضحك:ههههههههههههههههههاااااااااييييييييي
قالت وهي تهز راسها:بالمناسبه اسمي هدى
قلت لها:تشرفنا
هدى قالت تذكرني:بس هم اهلي بيكون لهم نصيب من العذااب ولا....
ضحكت وقلت:ولاا
وقتها الحقد والكرهيه منظر امي وهي تترجاا المرا عشان تاخذني براسسي
عذابي لسنين غربهه راجعه لهم وبذوقهم عذابي صبركم علىىى ياعيال ال××
هدى كانت بنفس درجة حقديي على زوجها واهلها الا موتوها وهي حيه وباعوها لاجل صفقهه
قلت لها:شنو اسمه .....حبيب المستقبل
ضحكت وجاوبتني:مهند
هزيت راسي وقلت:ااااااااااااااااااااااااه دايخه
قالت هدى:انا عايشه بالبيت معاه فما يصير اروح عنده واضافت :خصوصا انه تطلقناا
قلت:انتي ماتقولين زوجج
قالت لي:لا تطلقنا قبل يومين وانا ماعندي بيت الا اذا ماتبيني
قلت لها:لأاا تشيلج العين قبل البيت
ابتسمت لي وهي تفكر بخطه جهنميه تخلص من زوجها مهند وبعدين اهلها بعدين اهلي وبجذي نرد اعتبارنااا للي ذلونهه سنين وانا انطر هذي اللحضه
رن التلفون كانت يارا
رديت للواقع اناا اضعف من اني اقدر اسوي جذي اضعفف بكثييييرررر
رديت على:الوو
جاوبتني:فيج شي
قلت بنفي:يارا انا مشغوله بعدين اكلمج
وسكرت التلفون
طالعتني هدى
وجاوبتها:وحده اعرفها من سنين صديقتي الروح بالروح
هزت راسها وقالت بالم:كان عندي بسس الحين عبالها اني ميته
طالعت هدى بالم ابوها باعها عشان صفقه على الاقل انا ابوي ماعترف فيني بس ابوها معترف فيها وبايعهاا شلون لهم قلب شلوووون
من اليوم ورايح بتبديييييي رحلة الانتقاااااام
********************************
شنو بيصير بين مهند وفجر؟!
الجد وعبدالعزيز؟؟
يارا وسفرتها مع بيت عمها محسن؟..






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-12-2011, 04:30 PM
صورة بسمه منسيه الرمزية
بسمه منسيه بسمه منسيه غير متصل
©؛°¨غرامي مشارك¨°؛©
 
الافتراضي رد: احببت بعدك نعم...لكن قلبي مازال يحترق لحبك


مهند ووووع ابو عيون زايغة خليه ينذل لهدى و يرجع وهو ندمان لها اما فجر ابعديها عنهم و خليها ترجع لاهلها وترد اعتبارها من كل اللي غلط عليها << عشت الجو هههه

الجد وعبدالعزيز؟؟
مدري احسه شك فيهم وبيزوجهم ببعض و بيبدأ الحماس واااااااااااو
الصراحة هم احلى اثنين بالرواية وحبيتهم

يارا وسفرتها مع بيت عمها محسن؟..
يازينها بس و يازين دلعها..
ما عندي توقعات عنها

ملاحظة صغيرة : ياليت لو تكتبين اسم كل شخص بالرواية قبل الحدث اللي سواه يعني مثلا
هوى كذا وكذا : ــــــــــــــــــــــ
عزيز ////// : ،،،،،،،،،،،،،،،
هوى : ــــــــــــــ
اتمنى تكونين فهمتي مع اني ما اظن انك فهمتي هههههههههه

لا انسى روايتك قمة الروعة واسلوبك يجنن
ابدعتي
انتظر البارت الجاي بلهفة

لاتطولين الغيبات يالغلا
بسمه منسيه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-12-2011, 04:49 PM
صورة هجـآفـي ~ الرمزية
هجـآفـي ~ هجـآفـي ~ غير متصل
©؛°¨غرامي متألق ¨°؛©
 
الافتراضي رد: احببت بعدك نعم...لكن قلبي مازال يحترق لحبك


شنو بيصير بين مهند وفجر؟!
صدف كثثيره تتحول لحب !
الجد وعبدالعزيز؟؟
يزووج هوى لعزيز
يارا وسفرتها مع بيت عمها محسن؟..
امم موااقف مع بدر !

تسلميـن فـديتـج .،~

باارت حلـوو وعسل مثلگ .~

دممتي .،~

وانتظـرگ .،~

أحببت بعدك نعم لكن قلبي مازال يحترق / بقلمي

الوسوم
هوى يارا فجر عزيز
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية حقوق العشق محفوظة / بقلمي ، كاملة دروب المحبه 2010 روايات كامله - يتم نقل الرواية هنا بعد اكتمالها 260 24-11-2016 06:01 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات والطلبات ؛ الزعيـ A.8K ـمه روايات - طويلة 4998 04-08-2010 01:03 AM
قلبٌ هنا يحترق الوسام الذهبي خواطر - نثر - عذب الكلام 33 29-10-2007 08:15 AM
شات نيو بنت شـ م ـر العاب - مسابقات 2111 29-10-2007 01:39 AM

الساعة الآن +3: 03:25 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1