غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 271
قديم(ـة) 17-03-2012, 10:32 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها *حروف الغلا* مشاهدة المشاركة
روااايتك اكثررر من راااائعة اسسستمرري
يا هلااا و اللله .. نورتي
اشكرج هذا من ذوقج
كوني قريبة
مودتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 272
قديم(ـة) 17-03-2012, 10:33 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها لحظات العشق مشاهدة المشاركة
مرحبااا كاتبتنا ودي اقول لج شي ..
و ما اعرف اذا بقية الاعضاء بيوافقوني او بيعارضون رأيي
قبل كان 3 ايام تفصل بين كل بارت
و احس انه كافي علشان ياخذ حقه من المتابعة و الردود و ايضا القراءة
و لكن الحين صار يومين بين كل بارت احسه مو كافي للاعضاء
و الدليل ان بعد المتابعين ما ردوا و بكره في بارت
رغم اننا متشوقين و متحمسين لبارتاتج
لكن الحقيقة تقال
3 ايام كافية و افضل من يومين
لازم ناخذ رايج بالاول
و بعدها ناخذ راي الاعضاء
( يلا بنات .. اذا ردت عليننا الكاتبة برايها بخصوص هالموضوع .. انتوا ردوا بعدها بآرائكم .. )


يا هلاا مرحبتين
و الله يا اختي هذا شي تقرروه انتو انا ما عندي مشكلة سواء 3 ايام او يومين
اترك الخيار لكم
راح نواصل كالمعتاد 3 ايام
على ما انتو تتناقشوا و تقرروا
اذا ما وصلني جواب محدد راح نكمل مثل قبل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 273
قديم(ـة) 17-03-2012, 10:34 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها هتان الورد مشاهدة المشاركة
مساء الخير
بارت رائع اضاف لنا شخصية جديدة قد تكون من الشخصيات المهمه في روايتك
جسوف ولياج : الامور تمى في رتم واحد ولا شئ يعكر الخطبيين المزعومين ولكن لابد من ظهور مشاكل تعكر صفوهما خصوصا موضوع الملكه المزعومه وهما بالاصل متملكين مسبقا

راسيل وسرمد : خطوة جادة وتصرف صحيح بتعجيل الزواج ولكن الخوف المستمر من تدخل سميرة ومحاولاتها لتدمير حياة الزوجين السعيدين

طارق ومزون : محاوله لتوضيح الامور وان مزون ليست وحيدة وان هناك من يحميها ومحاوله تقريبها من امها اول الاشياء التي تثبت انه يعتمد عليه وانه شخص جيد ولكن رغبه بالاقتراب من مزون يصادفه خجلها وهذا عائق خصوصا مع صغر سنها وخوفها ايضا ولكن محاوله للابتعاد كلما شعر بالتوتر شئ مناسب لهما ويقلل من التوتر الحاصل

انمار ولهيب : اضم صوت لللاخوات بان السائق هو لهيب وبكذا يكون قريب منها ويعرف تحركاتها ويقدر يتقرب منها

ليث ورتاج : كوبل جديد لا نعلم فرص ناجح علاقتهم او مدى التقارب الللي بيحصل بينهم ولكن اعجاب صريح من طرفه ومن طرفها حتى الان لا يوجد اي انطباع

بانتظارك ودي


يا هلا مساا النور
حلو تعليقاتج
خلج متواجدة و قريبة
سعدت بتواجدج معانا
دمتي بحب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 274
قديم(ـة) 17-03-2012, 10:36 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي




اشكر الجميع على المشاركة ..~

نورتوا المتصفح

و الله يجعل اجتماعنا اجتماع خير ان شاء الله

حبيت ردودكم و تعليقاتكم

خليكم قريبين

اليوم راح ينزل جزئين مع بعض

ان شاء الله يعجبوكم

قراءة ممتعة ..~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 275
قديم(ـة) 17-03-2012, 10:39 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


الجزء 14


جسوف اتصل للياج و ينتظرها ترد

لياج بتوتر : هلا
جسوف ببحة : فديت هالصوت
يا هلا عمري شخبارج
لياج بحيا : هلا تمام انـ احم اا انت شخبارك
جسوف بهمس : لانج بقلبي فأنا بخير
لياج سكتت ما قدرت تتكلم
جسوف مبتسم : شفيج حبيبتي
لياج قلبها يضرب بقوة و متوترة
جسوف بصوت يضرب القلب : متى اشوفج
لياج بارتباك و خجل : احم اا اكلمك بعدين جسوف
جسوف بهمس : يعني ما بشوفج إلا بيوم المــ...........
لياج قاطعته : جسوف ما ابي حفلة
جسوف باصرار : لا تحاولي راح تصير
لياج : ما له داعي حفلة كبيرة
جسوف : و ليش
لياج بضعف : طيب حفلة بسيطة و صغيرة
جسوف بهدوء : ممكن افهم ليش
لياج سكتت لان ما عندها رد و ما عندها سبب
جسوف بهمس : يعني انج احمم يعني لاني مو اختيارج و غصب عنج
لياج بسرعة : لا ما اقصد جذي
جسوف سكت لانه حس ان هذا السبب
لياج بنبرة ناعمة : جسوف مو مثل ما فهمت
جسوف بتنهيدة : اتركج الحين
لياج بحيرة : طيب

سكروا و الاثنين متضايقين
يمكن لياج تفضل حفلة بسيطة لان فعلا الشي مو اختيارها لكنها الاكيد انها تبي جسوف و تعزه






|..||..||..||..||..|






رتاج تمشي بصينية بطلب الى احدى الطاولات بالحديقة
تقربت من الطاولة و نزلت الطلب بهدوء و كان على الطاولة شاب يتكلم بالجوال
لما كمل المكالمة ناظرها و هي تنزل الصحن : تعرفي انج مميزة
رتاج ناظرته نظرة و كملت تنزل الصحن الثاني
الشاب : افااا ناظرينا و ريحي قلبنا
ناظرته بقوة و بصوت هادئ : على الاقل احترم نفسك قبل تحترم الناس
الشاب بابتسامة : و الله انتي نسيتني الاحترام من جمالج يا قلبي

صوت من ورى رتاج : في اي مشكلة
رتاج ناظرت اللي تكلم و التفت تنزل الكوب على الطاولة : ما في اي مشكلة
الشاب ناظر ليث : و انت من تدخل بينا
رتاج بقوة للشاب : احترم نفسك احسن لك يا عديم الاخلاق و التربية
( لانه بين الى ليث كأن بينهم شي حقيقي )
ليث قبل ما تمشي : لحظة وش اللي يصير
رتاج بنظرة قوية : و انت من علشان تكلمني و تحقق معاي
مشت و هي مقهورة و هي تقول : اشكال غلط
ليث ناظر في الشاب و تقرب منه





|..||..||..||..||..|





إنمار لاحظت ان السواق الجديد هو نفسه القرصون اللي بالفندق صاحب العطر
ما عطت الموضوع اهمية كبيرة
ناظرته من المراية شافته ما ناظرها حتى و لا انتبه لها
وصلوا جامعتها رغم انها ما قالت له اي جامعة فكرت ان امها خبرته
قبل ما تنزل ناظرته و بهدوء : اذا كملت اتصلت فيك و نزلت
لانها تعودت من قبل مع السواق القديم انها تتصل فيه بس نسيت انها ما عندها رقم لهيب و اساسا ما تعرف اسمه




’,..~..,’ ’,..~..,’ ’,..~..,’ ’,..~..,’




بالفندق

في المطبخ



طارق يكتب بالورقة و هو يكلم بالهاتف
مزون مدت الصينية لرتاج
طارق بابتسامة و هو يعطي الورقة مزون : تفضلي
مزون اخذت الورقة و لفت لزميلتها
: صح راح اقولك خبرين حلوين
طارق مبتسم : كل شي يجي منج حلو قولي شعندج
مزون و هي ترفع غرتها و بنعومة : جسوف خطب لياج اقصد الاستاذ جسوف
طارق بابتسامة : و الله و هي وش ردها
مزون مبتسمة و هي تناظر الورقة اللي جابتها جميلة : هي موافقة و كل شي تمام
طارق : الله يسعدهم و يوفقهم
( و بابتسامة ) و شنو الخبر الثاني
مزون : راسيل و سرمد بيحددون موعد زواجهم بعد حفلة لياج
طارق : الله يتمم على خير
مزون بنعومة : هو لياج بعدهم ما حددوا موعد الملجة بس اذا بغت تجهز اكيد ما راح تعارض اكون معاها بتجهيزها
و ناظرته
طارق يناظرها بتأمل و هو سرحان بنعومتها
مزون شافته ساكت يناظرها فهمت انه معارض نزلت راسها و هي تحوس بالورقة
همست بنعومة : طيب دامك معارض خلاص ما له داعي
طارق ابتسم و بهمس : و معقول مزون تقول شي و اعارض و اقول لها لا
مزون ناظرته و ابتسمت : تدري اني صدقت انك معارض
طارق : ههههه انا ما قلت شي انتي فهمتي جذي





.,.,’.,’.×÷‘&..,**%#!ٌٍُ..,~






إنمار كملت محاضراتها و تبي ترجع البيت
تذكرت ان رقم السواق مو عندها
المشكلة ود صديقتها مكملة محاضراتها من زمان و راحت
ما استظرفت انها تجلس مع صديقاتها لانها تبي ترجع عندها صداع

اتصلت الى امها
الام : نعم وش تبي
إنمار : عطيني رقم السواق او ارسليه لي
الام : طيب
و سكرت

جلست على الكراسي قليل مرت عليها كذا بنت تكلموا معاها قليل و راحوا
طلعت برى عند البوابة وقفت

لهيب وصل و وقف بهدوء
إنمار ركبت السيارة و سكرت الباب
مشى لهيب بهدوء
رن جوال إنمار
ردت : يا هلا
.......
امممم متى
.....
ما ادري مو اكيد
......
هههههه طيب طيب اوكي اتصل فيج
.....
اوك باي

ناظرت بالمراية شافته هادئ و عينه على الطريق
إنمار : اممم انت شاسمك
لهيب و عينه على الطريق و بهمس : لهيب
إنمار ما سمعته ابتسمت : شنو ما سمعتك
لهيب بمثل الهدوء و الصوت : لهيب
إنمار مبتسمة على اسمه و عينها على الجوال : الرقم
لهيب : *******
سجلته ( السواق )

رفعت راسها و ناظرت الطريق

وصل لهيب البيت دخل داخل البوابة
و لف على جهة الباب
نزلت إنمار و دخلت البيت
لهيب خلا السيارة بجانب الحديقة و نزل
جلس على الكراسي اللي كانت موجودة على يمين باب البيت
و هذا على حسب تعليمات الام






.,’~":/،؛.,’~":/،؛.,’~":/،؛





راسيل تكلم سرمد

سرمد : كل شي تمام
راسيل : كل شي تمام اي صح بجهز بعد حفلة صديقتي و نحدد موعد الزواج
سرمد : براحتج عمري
راسيل : لان صديقتي بتنخطب و بكون معاها
سرمد : و الله الله يتمم على خير
راسيل : طيب اخليك بشغلك
سرمد بابتسامة : يعني مكلمتني بس علشان تقولي لي هالشي ما عندج شي ثاني
راسيل : احمم يعني ان شنو مــ مثلا
سرمد مبتسم : مثلا اني مشتاق لج انتي منتي مشتاقة لي
راسيل بنعومة : إلا مشتاقة لك
سرمد مبتسم : وش كثر
راسيل : اكثر شي





.,’~":/،؛.,’~":/،؛.,’~":/،؛





بعد فترة


ام إنمار طلعت من البيت
لهيب شافها و وقف
تقربت قليل مشى لهيب للسيارة
ركبوا بهدوء و حرك لهيب
ام إنمار : روح منطقة .... شارع .... رقم البيت ......
لهيب بهدوء : ان شاء الله
ام إنمار : اذا قلت لك مرة ثانية بيت ام ناجي معناه تحرك على هذا البيت
لهيب بصوت هادئ : طيب

و بعد دقايق و هم يمشون

ام إنمار : اذا الانسة مرة من المرات عارضت و ما رضت تركب معاك انا اصرح لك انك تجبرها لين تركب معاك حتى لو بالقوة
لهيب بهدوء : مثل ما تآمري

ام إنمار عجبتها طريقة لهيب بالكلام و عجبتها سهولة معرفته للاماكن و الشوارع


و بعد مشوارها
رجعت البيت
و رجع لهيب بيته




’,..~..,’ ’,..~..,’ ’,..~..,’ ’,..~..,’



و بالليل


لياج من سكرت من جسوف و هي متضايقة لانه فهم شي هي ما كانت تقصده و ما كانت تبي تفهمه هالشي
فكرت تتصل فيه بس تراجعت و ظلت محتارة
اما جسوف ما حب يرجع يكلمها لانه فعلا فهم الشي و عاذرنها بس تضايق و خلاها براحتها

و ليث مو قادر يشيل من باله رتاج من اول ما شافها و هو متلخبط و يفكر فيها





و اليوم الثاني



ببيت ام إنمار

لهيب وصل من بداية دوامه بمكانه
حب انه يشتغل السواق لها علشان يتقرب منها اكثر و يقدر يدخل قلبها الى الآن متبع طريقة الهدوء بدون ما يناظرها ...

إنمار نزلت لابسة بجامة بنطلون ابيض مع تيشرت ابيض فيه ورود باللون البرتقالي

جلست على طاولة الفطور
و امها جالسة تفطر
صبت لها كوب و شربت بهدوء
شافت الام لابسة و كأنها بتطلع
إنمار : طالعة ؟
الام : الجمعية
إنمار : الحين
الام : دقايق و طالعة
إنمار و هي تنزل الكوب : بس انا طالعة
الام : اذا كنتي للحين ما جهزتي راح اروح و يرجع لج يوصلج
إنمار : اوووف هذا اللي تبيه تعطليني مو قلت لج بلاه السواق حقي
الام و هي قايمة : تسنعي و السواق بتروحي معاه

إنمار بقهر قامت غرفتها
اخذت تلفونها و اتصلت الى السواق





ّ^&><؛×÷‘ًٌٍَُِ][ـ،/:"؟.,’{}ْ~




بيت ام لياج

لياج متضايقة و متعكر مزاجها
رن جوال البيت
رفعته الام
ام لياج : نعم
ام ياسمين : السلام عليكم و رحمه الله و بركاته
ام لياج : و عليكم السلام
ام ياسمين : معاي ام لياج
ام لياج : وياج ام لياج من معاي
ام ياسمين : وياج ام ياسمين خالة جسوف
ام لياج : يا هلا شخبارج ام ياسمين
ام ياسمين : يا هلا انتوا شخباركم شخبارج و شخبار لياج
ام لياج : تمام و لله الحمد
ام ياسمين : الحمد لله , و الله اني متصلة ابي ازوركم ....
ام لياج : يا هلا فيج ام ياسمين البيت بيتج

عند بيت ام ياسمين
جسوف كان جالس مع خالته ام ياسمين
من سمعها بتزور ام لياج قام راح غرفته بضيق


اتفقت ام ياسمين مع ام لياج تزورهم العصر و تتفق معاها على كل شي





’,..~..,’ ’,..~..,’ ’,..~..,’ ’,..~..,’




عند إنمار
تنتظر لهيب يرد
لهيب رن جواله و هو بالسيارة مع ام إنمار يوصلها جمعيتها
رد بهدوء : نعم
إنمار بقهر و صراخ : الحين تجي توصلني
لهيب عكسها و بصوت هادئ : اوصل الاستاذة و راجع
إنمار بحدة : ما لي دخل الحين تجي البيت
لهيب بمثل الهدوء : اوصل الاستاذة و راجع

انقهرت إنمار على امها

لبست جينز ازرق غامق مع تيشرت اصفر غامق كركمي بأكمام طويلة و يوصل لربع الفخذ و شعرها الثلجي القصير فرق على جنب و خصلات على عينها

وصل لهيب و ظل داخل السيارة
نزلت إنمار و طلعت تفاجأت ان لهيب موجود
تقربت بقهر و ما راحت الباب اللي ورى
تقربت من باب لهيب و فتحته و ناظرته بحدة
لهيب ناظرها و هي واقفة
إنمار بقهر و صراخ : حضرتك واقف و انا انتظر
لهيب ناظر الجهة الامامية بتجاهل و بصوت هادئ : توني واصل
إنمار بصوت حاد و بصريخ : و اذا اقولك تجي توصلني تجي بسرعة بدون تأخير
لهيب بهدوء الثلج مسك بابه و هو يسكره : لا تتأخري
( بمعنى اركبي لا تتأخري )
انصدمت انه سكر الباب و هي تكلمه و الاكثر انه يكلمها بكل هدوء
انقهرت و فكرت تشوف امره بعدين و لانها تبي تروح ضروري لفت و ركبت ورى بقهر سكرت الباب بقوة تكتفت و هي تهز رجلها بقهر حاد
لهيب حرك و وده يبتسم عليها بس ظل كما هو و ما ناظرها و لاحتى ابتسم و ظل هادئ
مشوا و طلعوا من البوابة و مشوا للطريق و هي ما قالت للحين وين تبي تروح
سكتت و هي تناظر الشوارع
لهيب و عينه على الشارع بتجاهل : الجامعة ؟
إنمار تذكرت انها ما قالت له ويت بتروح
اعتدلت بجلستها و هي ترفع خصلات شعرها بنعومة
و بنبرة عادية : اا آآ لا مو الجامعة منطقة ..... شارع .....
لهيب و عينه عالشارع : رقم المبنى ( رقم المنزل )
إنمار : انت الحين اوقف عالشارع نفسه
لهيب و هو يدخل الشارع و بإصرار : رقم المبنى
إنمار و هي تناظر المنازل : ااا مو حافظة رقم البيت انت امش لين اقولك
ظل لهيب يمشي بهدوء
إنمار : بس هذا البيت
وقف لهيب
إنمار : اذا قلت لك المنطقة يعني هذا البيت اوك
فتحت الباب و ناظرته : اي صح لا تمشي اوقف لين ارجع
نزلت و هو يناظرها لين دخلت

انتظر دقايق و طلعت مع صديقتها ود
ركبوا و حرك لهيب
إنمار ناظرت لهيب : الجامعة
و لفت لود و بدأت تسولف معاها
وصلوا الجامعة نزلت ود
إنمار و هي تنزل : اذا بغيتك اتصلت فيك
و نزلت دخلوا الجامعة
و حرك لهيب





’,..~..,’ ’,..~..,’ ’,..~..,’ ’,..~..,’





بعد فترة


ام ياسمين ببيت ام لياج
ام ياسمين تعرفت عليهم و تعرفوا عليها
و اتفقوا و حددوا موعد الحفلة
( اللي ام لياج فكرت تقول للاهل ان الملجة بتكون قبل الحفلة بيوم )
و ام ياسمين تعرف ان صارت الملجة و سافر ابو لياج و تم تأخير الحفلة




/:"؟.’ـ،/,:"|‘÷×




تم توظيف كذا شخص بمطبخ الفندق
و منهم بنت اليوم اول يوم لها
لاحظت مزون ان هالبنت دايم تناظر طارق
اما طارق ما لاحظ نظرات البنت له

طارق يكتب بعض الطلبات و هو يتكلم بالهاتف
مزون حاولت تتجاهل نظرات البنت اللي تساعد الطباخين بس ما قدرت انقهرت و بدأت تتنرفز

كانت باللبس المعتاد اكمام القميص مرفعتنهم قليل ما بين الكوع و المعصم
مخلية شعرها اللي صار قصير سايح و غرة على جنب

طارق باعتيادية و هو يعطي مزون ورقة الطلبات : تفضلي
اخذتها مزون اعطتها زميلتها بجمود
لاحظ طارق انقلاب مزاجها
طارق : شفيج
مزون بقهر حاولت تخفيه : و لاشي
ما قدرت تتحمل و بنرفزة : رتاج اخذي مكاني
و لفت طلعت من الزاوية و هي تاخذ القلم و الورقة و تمشي بتطلع من المطبخ
تقربت رتاج و اخذت مكانها
طارق استغرب منها ناظر نادر : اخذ مكاني و طلع من المطبخ

مشى وراها مسك ذراعها و وقف وقفت معاه
طارق : شفيج
مزون بارتباك : ما فيني شي
مشى و هو ماسكها لممر المخزن و وقف عند بابه
طارق : ليش طلعتي
مزون ناظرت قدام و بنرفزة : اقولك ما فيني شي
طارق حط يدينه بجيوبه و بصوت هادئ : هذي طريقة تكلميني فيها
مزون تأثرت و نزلت راسها بحرج : ما اقصد
( بهوء صوته و هدوء اعصابه قدر يأثر عليها بدون ما يعصب على طريقتها معاه )
طارق اقترب منها و بهمس : ليش تنرفزتي فجأة وش صار
مزون بارتباك من قربه منها : م ما صار شي
طارق : عجل ليش طلعتي
مزون بعفوية و قهر رفعت راسها له : لان البنت الجديدة مو مخلتنك بحالك من نظراتها و لا تقول لي ما لاحظت
انتبهت وش قالت و بغت تتحرك
طارق منع طريقها بجسمه و من داخله يبتسم على غيرتها
طارق بهمس : بس ما تتركي المكان و تتطلعي
مزون رفعت نظرها : يعني عاجبتنك نظراتها
طارق سرح بعيونها و بهمس : لا عاجبتني نظرتج انتي
نزلت راسها بحرج
مد يده و مسك يدها من المعصم انتفضت برعشة لاحظها طارق
نزل راسه و هو ينزل اكمام القميص و يسكر الزر و بهمس يتوتر : انتي من نظرة غرتي علي ما تبيني اغار عليج .. لا ترفعي الاكمام
مزون هزت راسها بارتباك
مشى و هو ماسك يدها دخلوا المطبخ
اخذوا مكانهم بعد ما كملوا شغلهم جميلة و نادر
مزون بحرج : ططارق اترك يدي
طارق و هو يشوف الطلبات و بابتسامة : ما تبان يدج بيدي علشان تنحرجي منهم
مزون انحرجت اكثر
طارق لف راسه و ناظرها : و لا انتي ما تبين
مزون بحيا : لا تحرجني االله يخليك
ابتسم طارق و رخى يده شالت يدها من يده بخجل




/:"؟.’ـ،/,:"|‘÷×




راسيل تتمشى مع سرمد

سرمد : يعني شنو
راسيل بابتسامة : شنو يعني يعني شنو ما يصير تشوفني خلاص
سرمد : لا يصير
راسيل : لان تحدد يوم الزواج و راح اجهز بعد حفلة صديقتي ما بقى شي
سرمد : و اذا
راسيل بضحكة : سرمد لا تسوي نفسك ما تعرف
سرمد : هههههه ما يصير اصلا هالقرار ظالم
راسيل : انتظر ما باقي شي
سرمد : ما فيني اصبر لين يوم الزواج طيب اشوفج بحفلة صديقتج
راسيل مبتسمة : لا اقولك ما يصير
سرمد : طيب بهذا اليوم خليها الاخيرة و لو اني ما بقدر
راسيل : ما يصير و اساسا وين بتشوفني
سرمد بابتسامة : عندي بالبيت
راسيل مشت عنه باحراج
سرمد مشى و هو يضحك و صار بمستوى مشيها
سرمد : شفيج
راسيل بحيا : بعد و وصلني البيت
سرمد بضحكة : تراني ما قلت شي انتي فهمتي
قاطعته بحدة خفيفة : سررمد
سرمد بابتسامة صغيرة : طيب خلاص بس وعديني اشوفج
راسيل : ما يصير ما في وقت
سرمد : طيب حاولي علشاني حرام عليج لآخر مرة اشوفج



~.~.~.~.~.~.~.~.~.~.~



بعد فترة

إنمار تنتظر لهيب يرد
لهيب بهدوء : نعم
إنمار استغربت الصوت : هلا انت السواق
ابتسم و رد : لهيب معاج
إنمار ما تعرف ليش حست بتوتر : اممم ااا احم تعال لي الجامعة
سكرت و هي مستغربة من نفسها

بعد دقايق
وصل لهيب
ركبت بهدوء و هي تناظره حرك لهيب و عم السكوت
مسحت على جبينها تحاول تهدأ

" انا وش فيني نبضي دقاته سريعة
و كأني ركضت مسافة طويلة
ليش لما رد علي استغربت صوته و تبلعمت
إنمار بلاه هالكلام و التخريف انتي وش قاعدة تقولي "

لهيب يعرف دامها ما تكلمت انها راح تروح البيت إلا انها ما تدري ليش تكلمت
إنمار : اا البيت
لهيب يناظر الشارع من نافذته و نافذة الكرسي اللي جنبه : طيب
إنما حاولت تهدأ و هي مستنكرة حالتها
وصل البيت و نزلت



~.~.~.~.~.~.~.~.~.~.~


و بعد ايام

لياج متضايقة من آخر موقف مع جسوف و من اللي فهمه
ما بينهم اتصالات و لا مسجات نهائيا , ظلت بكل صلاة تدعي لهم بالخير و الصلاح
جسوف فكر انه يتصل و يكلمها لكنه تراجع و ما اتصل فيها ..
لهيب مواصل شغله و إنمار تروح و ترجع معاه
ليث مو قادر يفارق الفندق حس نفسه تعلق برتاج كثير و ما يقدر ما يشوفها حتى لو من بعيد
راسيل متواصلة بس بالجوال مع سرمد و ما يشوفون بعض
طارق و مزون كل يوم مع بعض بالفندق

( و تم خلال هذي الايام تجهيز لياج للملجة .. و راسيل بتجهز لزواجها بعد ملجة لياج )





~.~.~.~.~.~.~.~.~.~.~




انتهى الجزء 14


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 276
قديم(ـة) 17-03-2012, 10:43 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي















الجزء 15





بمطبخ الفندق

طارق يتكلم مع لهيب بالجوال و يسأل عن اخباره
مزون تمد الصينية لزميلها : اتفضل
الزميل اخذها : متشكرين و طلع
كمل طارق المكالمة و ناظر مزون اللي تاخذ الورقة من رتاج
طارق : يسلم عليج لهيب
مزون : الله يسلمه
طارق : تعرفي نادر له وحشة
مزون : مكانه فارغ
طارق : كلمته امس
مزون : الله يووفقه بدراسته
طارق : ان شاء الله ما صدق انه حان وقت سفرته ينتظرها من فترة
مزون بابتسامة : كأنه واحشك مزاجه و مزحه
طارق بابتسامة : و الله كثير هالملقوف
و بتفكير : الاستاذ جسوف له فترة ما نزل المطبخ
مزون : يمكن مشغول
طارق : يمكن , و انا جاي لقيته داخل المدخل الغريب انه جاي من وقت و فوق هذا
اللي استغربته ان مو عوايده ما يسلم و ياخذ الاخبار
مزون : يمكن ما شافك
طارق : رغم كنت قدامه بس ملامحه متغيرة و كأنه حزين ما ادري وش صاير
مزون : ان شاء الله ما في شي تلقاه مشغول مو اكثر







.,’~\...,’~\...,’~\...,’~\...,’~\..







راسيل تتصل الى سرمد ما يرد عليها حاولت مرة ثانية
سرمد بتنهيدة : هلا حبيبتي
راسيل : هلا سرمد
سرمد : يا هلا عمري شخبارج
راسيل : سرمد شفيه صوتك
سرمد بابتسامة : ما كو شي شنو تسوي
راسيل : سرمد شفيك و لا تغير الموضوع
سرمد مبتسم : يا حبيبتي ما فيني شي شفيج
راسيل : سرمد سميرة مضايقتك
سرمد بابتسامة عريضة : عادي يبه تعودنا
راسيل بقهر : و هالمرة شنو مسوية
سرمد : يا عمري يا حبيبتي ما قلت لج طنشي و خلها بكيفها
المهم انتي شخبارج شنو مسوية







~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^







جسوف جالس بحيرة
" طول الفترة اللي راحت و انا انتظر لياج تاخذ علي و تتكيف معاي
صحيح بالبداية و شي طبيعي تنفر مني بس الحين وش يستدعي
بالايام الاخيرة تحسنت و بشكل كبير
معقول ما حست شي ناحيتي
ليش ما تبي حفلة كبيرة و هي بنت صغيرة
اننا لله و انا اليه راجعون
ما راح تنسى اني انفرضت عليها و انجبرت فيني
حتى لو تصرفت بشكل طبيعي ما بيروح من بالها ان ارتباطنا مو مثل اي اثنين "




~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^




لياج تفكر
" حتى ما فكر يتصل فيني يسأل عن اخباري
ما كلف على نفسه يوصل لي سلام مع خالته
يا جسوف شفيك ترى اللي صار ما يستدعي كل هذا
انا محتارة كثير وش اسوي "


.
\
/
\
/
.



في بيت ابو سرمد
بعد ما خلص ابو سرمد كلام مع سميرة
سميرة بنفسها " شنووو ؟!
راح يتزوجون ؟؟ الله لا يوفقكم الله لا يسعدكم فوق كل اللي سويته
و للحين متصافين يا علهم الانفصال
الله ينتقم منكم و يوريني يوم فيكم انتوا الاثنين
ما راح اخليكم متهنين ما راح اخليكم بحالكم "





×/×/×/×/×/×/×/×/×/×/×





إنمار بدون شعور تلقى لهيب ببالها و تتذكر لما رد عليها حاولت تطرد هالشي من بالها و تنسى
شغلت موسيقى صاخبة و ظلت ترقص مع الموسيقى
ناسية ان هالشي يغضب رب العالمين و غافلة عن عقاب ربها

لهيب و هو جالس بالحديقة على مسافة بسيطة من السيارة و هو المكان المخصص له من قبل ام إنمار
سمع صوت الموسيقى العالي و الصاخب عرف انها هي اللي مسببة كل هالازعاج

لهيب بنفسه " اننا لله و انا اليه راجعون استغفر الله العظيم لا حول و لا قوة إلا بالله العلي العظيم ... متى بتعقلي و تفهمي اللي تسويه غلط "

الام تحت بالصالة سمعت الصوت من فوق تجاهلت و هي تتصفح مجلات الموضة





’,.’,.’,.’,.’,.’,.




بمطبخ الفندق


مزون مو قادرة تتجاهل نظرات البنت لطارق و المشكلة ان البنت مساعدة يعني ما تتطلع من المطبخ
رتاج : مزون شفيج اليوم
مزون بابتسامة : ما فيني شي
رتاج بهمس : مزون يبين انج ملاحظة اللي لاحظته في هالبنت
مزون و داخلها قهر قالت بهمس : لاحظت و جايبة لي المرض ما هي شايلة عينها
رتاج : اممم طيب غيروا الاماكن يعني مثلا طارق يطلع و احد يتم معاج او تبيني اظل معاج و احد يطلع مع طارق
مزون : ما ادري بس افكر في التغيير ما هي مخليتنا بحالنا
و مدت الصينية لرتاج
اخذتها رتاج و قالت : بوصل الطلب و برجع لج
مزون : اوك طاولة رقم ٠٠٠ بالحديقة
رتاج : اوك
و راحت للحديقة تنزل الطلب

ليث كان جالس على احدى الطاولات و ينتظر
رتاج مشت لرقم الطاولة و بدأت تنزل الطلب
ليث ظل يناظرها بهدوء
جسوف دخل الحديقة و بيده ملف
اشر له ليث و تقرب جسوف
جلس : السلام عليكم شخبار
ليث و هو يناظر رتاج : و عليكم السلام
و ناظر جسوف و قال : تمام انت شخبار
جسوف ناظر مكان ما ناظر ليث بعدها ناظر ليث : تمام ! و الله يبين انك مو تمام المهم ليه تبيني هنا بالفندق
ليث : لاني هنا بالفندق نازل
جسوف التفتت يبي يشوف اي عامل شاف رتاج تمشي
جسوف : لو سمحتي
التفت رتاج و تقربت
رتاج بهدوء : نعم استاذ
ليث ناظر رتاج
جسوف : اذا ما عليج امر هذا الملف وصليه الى ابو نايف مكتبه
رتاج : ان شاء الله
جسوف ناظر ليث : اممم ما طلبت شي
ليث : قهوة سادة
جسوف ناظر رتاج : اثنين قهوة و اللي يعافيج
رتاج : ان شاء الله اي خدمة ثانية
جسوف : الله يعافيج مشكورة
راحت رتاج
جسوف ناظر ليث : انت شفيك وش ناوي عليه ( يقصد نظراته الى رتاج )
ليث مسح على شعره : وش فيني ! انت تعال يعني دايم تتعامل مع موظفينك بهالشكل الله يعافيج مشكورة و اذا سمحتي و ما عليج امر
جسوف بابتسامة : شنو هذي غيرة
ليث بملامح عادية : جسووف
جسوف بابتسامة : طيب انت ليه جالس بالفندق
ليث : و اذا ليكون ما تبيني بفندقك
جسوف بضحكة : طيب ههههههه
ليث يناظر مدخل الحديقة
جسوف بضحكة : كأنك تنتظر احد
ليث : اننا للله و انا اليه رجعون
جسوف بابتسامة صغيرة : ليث اذا في بالك شي سوه بلاه النظرات و المراقب
ما كأنك قبل كم يوم متضارب مع واحد مطيح له اسنانه لانه وقف معاها
ليث ابتسم
جسوف : و نازل بالفندق و مراقبة و حركات يا اخي ريح عمرك و اخطب
ليث بابتسامة : من قال طاحت اسنانه
جسوف بقهر : احلف طلع ملابسه مبتله بدمه
ليث بابتسامة و هو يناظر رتاج تمشي بالقهوة لهم : و انفي من الوجود من يناظرها






~’,.:/،"<؛ـ,.ـ.||.,/





و بالمطبخ

مزون : اممم اقول طارق
طارق كان راح يرد { قولي حبيبتي } بس انتبه لنفسه
طارق بابتسامة : آمريني
مزون بصوت ناعم : اممم تمللت و انا هنا دوم ليش ما نغير مكاننا مثل قبل
طارق مبتسم : و نصير مثل قبل انتي داخلة و انا طالع
مزون بابتسامة : طيب و اذا
طارق بهمس : لاني ما راح اشوفج من كثر توصلينا للطلبات
مزون نزلت راسها بارتباك خفيف
طارق بهمس : و انا ما اقدر ما اشوفج جنبي على طول
مزون عن طريق الخطأ طاح نظرها على البنت الجديدة
رفعت راسها له : امممم خلاص نبقى
طارق فهمها انها غيرت رايها بسبب البنت الجديدة و نظراتها
ابتسم : و ليش غيرتي رايج
مزون : ااامم ما ادري
طارق ناظر البنت الجديدة
مزون بدون شعور و بسرعة حطت اصبع واحد على ذقنه و لفت وجهه
مزون : وين تناظر و ليش
و نزلت يدها
طارق تحرك قلبه و بهمس : اناظر السبب اللي غير رايج
ابتسمت مزون و تكتفت و ضيقت عيونها و بضحكة : ليكون مو عاجبك
طارق بابتسامة عريضة : افاااا من يقول مو عاجبني
عاجبني و نص




~’,.:/،"<؛ـ,.ـ.||.,/





و بعد يومين


و هو يوم ملجة جسوف & لياج

الكل كان متواجد من الاهل و المعارف و الجيران و الكل عرف ان تمت ملجتهم قبل بيوم من الحفلة

لياج بفستان ازرق فخم و فيه شغل حلو طويل و فتحة الظهر واسعة قليل مع تسريحة فخمة و مكياج مغير ملامحها و مطلعنها رهيبة
اخذوا كم صورة و جسوف و لياج ملتزمين الصمت رغم ان جسوف مو مصدق ان اللي جنبه هي لياج بسبب تغيرها اللافت اما لياج قلبها يضرب بقوة و مو قادرة تسيطر على ارتباكها
ارتبطوا بوجود الدبل على اصابعهم

و لما صاروا بروحهم
جسوف ظل يناظرها بحب و شوق و هو حاس بشوقه يقطعه بس يبي ياخضها بحظنه و يحسسها بالامان
لياج ساكته و هي تحرك الدبلة باصبعها بتوتر
جسوف بنبرة وترتها : الف مبروك
لياج بتوتر و بقلبها عتب : الله ه يبارك فيك
جسوف : ما ودج تسلمي علي
لياج مدت يدها بتوتر شد على يدها ارتجفت اقترب و قبل خدينها غمضت من قربه ابتعد قليل و نزلت يدها ببطئ
جسوف يتأمل ملامحها همس بصدق : وحشتيني
لياج ببطئ رفعت راسها له و ناظرت عينه و ارتبكت من نظرته
جسوف بهمس : اشوف بعينج زعل
لياج بصوت ناعم : زعلت مني و فهمت شي ما قصدته و ما فكرت فيه
جسوف بهمس : لياج احبج و خايف ما تنسي اني مو اختيارج و ......





~’,.؟\":/،÷×؛ ~’,.؟\":/،÷×؛




عند البنات
راسيل : اشلونج مع طارق
مزون : تمام
راسيل بهمس : شاللي صار بينكم
مزون بحيا و حدة : انتي وش قاعدة تقولي
رتاج ابتسمت بخفة
راسيل : انتي وين راح مخج تراني ما اقصد اللي فهمتيه اقصد شنو الجديد بينكم يعني يا عصافير الحب اربع و عشرين ساعة متقابلين يعني هالشي قربكم لبعض اكثر من اي اثنين
مزون بضيق : و يمكن هالشي يضايق بعض الاحيان
رتاج : وين الضيق الله لا يجيبه
راسيل باستغراب : شنو يعني
مزون : اا احم ما ادري بس فوق شوفتنا لبعض كل يوم ان اني مو قادرة اتخلص من خجلي منه
راسيل : و هالشي يضايق ؟
رتاج : هالشي طبيعي بالعكس راح تتعودي عليه اكثر
مزون : أكيد هالشي مو مريحه بس هو ما يقول شي و مراعيني بشكل كبير
راسيل : انتي حاسة انج مقصرة بحقه
مزون : يمكن اي و يمكن لا





~’,.؟\":/،÷×؛ ~’,.؟\":/،÷×؛





عند جسوف و لياج

جسوف بهمس : لياج احبج و خايف ما تنسي اني مو اختيارج و ......
سكت لما رفعت اصابعها لشفاته غمض و مسك يدها و قبلها
لياج بهمس : لو ما كنت راضية او حتى مترددة ما شفتني طول الفترة اللي راحت
جسوف بهمس : يعني
لياج بدون شعور و عينها بعينه و بصوت متغير : يعني اني مشتاقة لحظنك و وحشتني كثير
جسوف شدها له و هو يحظنها حست بدفا حظنه مثل ما حست اول مرة اخذها بحظنه استنشق عطرها و هو يحاول يغطي شوقه لها طيلة الايام اللي راحت





~’,.؟\":/،÷×؛ ~’,.؟\":/،÷×؛




عند البنات

راسيل : يمكن يعني انكم على طول مع بعض هالشي ما ساعد انه يبان اهتمامج فيه
رتاج بتفكير : ممكن
مزون بتنهيدة : طارق ما في منه بس يمكن المشكلة فيني
راسيل بتفكير : هالشي صاير روتيني بينكم اممم طيب انتوا ابتعدوا عن بعض من الزواية و غيروا اطلعوا توصيل هالشي بيساعدكم اذا ما لقيتيه على طول بتهتمي اكثر فيه
رتاج : و انا هم قلت لها قلنا تتعودي عليه بس على طول مع بعض يعني تغيير افترقوا شوي
مزون بقهر : هو اساسا فكرت في الشي و وافقتني رتاج ولان توظفت مجموعة جديدة و منهم بنت على طول تناظر طارق انا ناقصتها تجي تكمل علي
رتاج ابتسمت بشدة
راسيل : ناس ما تفتهم طيب خلاص غيروا و بجذي ترتاحي
مزون : راح اشوف هالشي
راسيل : انتي بعد اهتمي فيه بيني اهتمامج و غلاه عندج
رتاج بابتسامة : بل وش هالغيرة على طرووق
راسيل : هههههههه
مزون بضحكة : رتاااج
رتاج : ههههههه





~’,.؟\":/،÷×؛ ~’,.؟\":/،÷×؛





جسوف بابتسامة : صدر الحكم الاميري اني اطلع خالتي ام ياسمين تستعجلني
لياج ناظرته بخجل و حب و هو ماسك يدها
جسوف بهمس : لا عاد تنعاد انقطاعنا عن بعض و ربي ما تحملت الشوق عذبني
نزلت لياج راسها بخجل
جسوف ظل يناظرها بتأمل و تركيز تفاجأت لما قربها منه و التقى معاها بهدوء





:/،/:،/:،/:،/:،/:/،/:::/،/://،،/:




و بعد ما انتهت الحفلة

راسيل شافت سرمد ربع ساعة للمرة الاخيرة لانها ملزمة ما يشوفون بعض لين الزواج





و يوم ثاني


بمنزل ابو مزون

بغرفة مزون اللي تكلم طارق بالجوال قبل ما يرحون للدوام

مزون : فعلا ما انتبهت رجعت ما ادري اشلون راحت علي نومة
طارق : انتي عارفة انا ابي اشوفج بهالليلة ليش تتجاهلي طلبي
مزون حست بكبر كلامه و زعله : طارق ما كنت اقصد امس بطوله مشغولين حتى الجوال ما انتبهت له
طارق : طيب اسكر الحين بكلم لهيب قبل ادخل الدوام





/../../../../../../../../../../




بمنزل ام إنمار

لهيب جالس بمكانه بالحديقة

رغم ان ام إنمار حذرت انمار انه تخبر السواق بمواعيد محاضراتها علشان تنسق هي مواعيدها لكن إنمار ما اهتمت و تقريبا نست تقول له و تخبره

إنمار لابسة بجامة بنطلون بني غامق لين الركب مع تيشرت اكمامه قصيرة باللون البني الفاتح
رفعت الهاتف كلمت المطبخ خبرت الخادمة تجيب لها كوفي
وقفت على النافذة تناظر حديقة بيتهم و بعد سياج الحديقة البوابة و بعدها الشارع
شافت السواق لهيب جالس بالجلسة اللي عبارة عن اربع كراسي و طاولة و على يمينه السيارة بعد مسافة
فتحت النافذة و هي تناظر برى جات الخادمة و اخذت الكوب

لهيب و هو ينتظر وقف حط يدينه بجيوبه و مشى بشويش لبداية الحديقة و ظل يناظر البوابة

إنمار تشوفه من جانب واحد ظلت تناظره و هي متكئة على حافة النافذة و تشرب كوب الكوفي

لهيب لابس جينز اسود مع تيشرت عنابي بالوسط كلمة باللون الابيض

ظلت تناظره و تقول في نفسها :
" اااا لما كان قرصون بالفندق كان شكله عادي الحين فيه شي متغير شنو هالشي ! شكله محتاج شاللي يحده على شغلة القرصون و الحين سواق و الاكثر سواق و في بلده اممم و انا شعلي منه ليش افكر فيه اففف "
لهيب بدون قصد طاح نظره عليها و هي من النافذة
خصلات شعرها الثلجي تتحرك من الهوا و بيدها كوب تشرب منه
يناظرها و تناظره
عرف لهيب ان هالنافذة هي نافذة غرفتها
اتكى بوحدة من رجلينه على الجدار و هو يناظرها و مستمتع من داخله بنظراتها له
إنمار سكرت النافذة و جرت الستار جلست عالسرير و هي مستغربة من روحها وش فيها ناظرته جذي ليش
اففف انا وش قاعدة اقول
اخذت شور و لبست لبس انيق


نزلت تحت و امها جالسة على طاولة الفطور الام شافتها لابسة و ما عندها كتبها و شنطتها
الام : متى دوامج
إنمار اخذت مجلة و هي تمشي للباب : بعد ساعتين
طلعت من البيت لهيب شافها طالعة ناظرها و هي تمشي للطاولة و تجلس
جلست و هي تناظر المجلة بتجاهل للهيب
عرف انها ما راح تتطلع الحين بتعمد ظل يناظرها و هو مستند على الجدار
إنمار ترفع خصلات شعرها القصير من الهواء و هي تناظر المجلة بهدوء حست انه على بعد المسافة إلا انه يناظرها تجاهلت و عينها على المجلة

طلعت الام من البيت لابسة و جاهزة
تحرك لهيب من مكانه مشى لين الطاولة اخذ كابه و جواله و المفتاح ناظرته انمار و مشى لين السيارة
إنمار لما تقرب و هو ياخذ الكاب ناظرته و ريحة عطره الرجولي القوي وصلتها ظلت تناظره و هو يرفع الكاب بطريقة انيقه لبسه و فتح السيارة ركبت الام ورى ركب بخفة و سكر الباب
و طول هالوقت و إنمار تناظره بدون شعور
حرك السيارة و هو يطلع من البوابة للشارع
إنمار تذكرت ان جواله اللي كان عالطاولة كان فخم و عصري هذا غير اناقته و لبسه هذا ما يدل على فقره و حاجته علشان يشتغل سواق او قرصون
" و انا شكو فيه وش علي منه "





×.\×.|×|.×\.×.|×.\×.|×.\×.|×.\×.




جسوف اتصل بلياج

لياج ردت بحيا : ننعم
جسوف بابتسامة : صبااح العشق
سكتت لياج بحيا
جسوف مبتسم : شخبارج
لياج : آآاام مم تمام
جسوف بهمس : اما انا احس نفسي بجن
لياج بحرج : احححمم آأأ ( سكتت ما عرفت وش تقول )
جسوف بابتسامة : امس اعلان ملجتنا و اليوم منتي قادرة تكلميني
لياج انحرجت بشدة و سكتت
جسوف بضحكة : و ربي وحشني صوتج ما قلتي غير كلمة






~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^






رتاج بغرفتها ترتب شعرها قدام المنظرة
عمتها اروى : ها كملتي رتاج
رتاج و هي ترتب ياقتها : كملت عمتي
اروى : يلا الجوري عند الباب
طلعت رتاج من الغرفة و هي تمشي باتجاه الباب
رتاج : منتي محتاجة شي اجيبه و انا جاية
اروى : لا يا عمري سلامتج
رتاج : اذا تبين اي شي او صار اي شي اتصلي فيني على طول
اروى : ان شاء الله توكلي على الله الله يوفقج و يسلمج
طلعت رتاج مع الجوري للسيارة اللي تنتظرهم بتوصل الجوري للروضة و بعدها بتوصلها الفندق

(( رتاج عمرها 19 سنة ساكنة مع عمها و عمتها
العم سطام النحاس 29 سنة غايب عن البيت حاليا و بعدين بنعرف ليش
العمة اروى عمرها 28 سنة متزوجة و زوجها متوفي عندها بنت اسمها الجوري عمرها 5 سنين





~’,.~’,.~’,.~’,.~’,. ~’,.~’,.~’,.~’,.~’,.





بمطبخ الفندق لما ابتدأ الدوام

مزون : طارق شفيك فعلا ما قصدت
طارق ياخذ ورقة من رتاج اللي ابتعدت تساعد ابو جوانا
طارق بصوت هادئ و ما يناظرها : قلت لج خلاص
مزون : ليه زعلان مني تعتقد تقصدت
طارق ناظرها بنظرة : لانج تجاهلتي و ما اهتميتي حتى .. كثير علي يعني .. و لا صعبة اشوفج بهاليوم
و تحرك بهدوء و هو ينادي على زميلة لهم تاخذ مكانه
تحرك و هو يمشي برى المطبخ





/.,’/.,’/.,’/.,’/.,’





ليث كلم جسوف بالجوال

ليث : تعال الفندق ابيك
جسوف : خاف ربك امس ملجتي
ليث : هههههه و اذا الملجة و تمت تعال ابيك
جسوف : قول وش عندك
ليث : انا جايك الحين
و بعد ما جاه البيت و تكلموا

جسوف بقهر : ليث تراك زودتها مرتز بالفندق تراقبها لا هالحال ما يعجبني ما خبري فيك جذي
تبي البنت روح بيت اهلها و اخطبها غير جذي لا سامعني
ليث بابتسامة : و من قالك مو رايح بس ابي اكلم ابوي اول
جسوف بنظرة : الحين انت تبي تكلم ابوك و محتاج كل هالفترة بلاه المزح يا رجال
ليث : يا جسوف محتاج اعرف عنها كل شي و انت منت راضي تساعدني
جسوف : وش تبيني اسوي انا حاضر
ليث : ابي ملفها
جسوف بقهر : احللف لا تقول
ليث مبتسم : مو محتاج اعرف عنوانها علشان اروح مع ابوي
جسوف : اشوف العنوان انا و اعطيك اياه
ليث : جسوف كأنك منت مأمن لي يعني وش بسوي باخذ العنوان
جسوف : تصدق انك انسان تقهر يا اخي انا اخذت العنوان و لا انت واحد اللي تبيه تعرفه موقع بيتها لا اكثر
ليث بابتسامة : طيب و اسم ابوها الكامل
جسوف بتنهيدة : اننا لله و انا اليه راجعون






~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^~’,.ٍِـ،/:"ًٌَُ×؛ّ~^





لهيب دخل البوابة بالسيارة بعد ما وصل الام
ناظرته إنمار و هو يطلع من السيارة و هو عارف انها تناظره راح للباب الخلفي للمطبخ اللي يكون بجانب الطاولة تماما
( لان الام خبرته ان ياخذ من الخادمة ورقة حاجيات تبيه يجيبها )

ضرب الباب بخفة و هو يناظر البوابة و إنمار تناظره فتحت الباب الخادمة
الخادمة : هذي ورقة الاغراض
لهيب اخذ الورقة : مشكورة
هزت راسها الخادمة و هي تدخل
إنمار بسرعة قبل ما يتحرك : ..............................






انتهى الجزء 15

نلتقي يوم الاربعاء بإذن الله

اختكم : هذيان صمت





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 277
قديم(ـة) 17-03-2012, 11:36 PM
صورة ونة خ‘ـفووق الرمزية
ونة خ‘ـفووق ونة خ‘ـفووق غير متصل
©؛°¨غرامي جديد¨°؛©
 
الافتراضي رد: حالة عشق / بقلمي


وآآآآآآآآآآآآآآآآآآآآآآآي يهببببببببببببل فديييتجج
بس ليييييه لياج وجسوووف موطويل مقطعهم مدري وش يسمونه ذاك
بس كلشي من ايدج حلو
وذيك البنت الجديده قاهرتنييي شتبي بطروق
لييث حسيتهه مفلتت بقوة He3 XD

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 278
قديم(ـة) 17-03-2012, 11:55 PM
قلوب محبة قلوب محبة غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


تسلم يدك ....في احتمال كبير ان لهيب يكون زوج انمار المجهول لكن ماراح تعرف الحين هذا الشي...باقي الابطال حياتهم ماشيه تمام ...طارق ومزون راح يواجهوا بعض المتاعب...مصيرهم يتخطوها...ننتظر ليث ورتاج في الجزء القادم..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 279
قديم(ـة) 18-03-2012, 12:39 AM
صورة التفكير الحيران الرمزية
التفكير الحيران التفكير الحيران غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


مرحبااا لأحلى كاتبة
بارتين بقوة الروعة
تسلمي لنا
متحمسسسة الى لهيب و إنمار
جسوف و لياج يا حليلهم يجننون
طارق و مزون هههههه يهبلون هي ناقصة خجل علشان تطلع لها بنت تغار منها
متشوقة الى رتاج و ليث
جزئيين روعة يا قلبي الله يخليك لنا
ابدعتتتي
و بانتظارك




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 280
قديم(ـة) 18-03-2012, 12:41 AM
صورة التفكير الحيران الرمزية
التفكير الحيران التفكير الحيران غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها لحظات العشق مشاهدة المشاركة
مرحبااا كاتبتنا ودي اقول لج شي ..
و ما اعرف اذا بقية الاعضاء بيوافقوني او بيعارضون رأيي
قبل كان 3 ايام تفصل بين كل بارت
و احس انه كافي علشان ياخذ حقه من المتابعة و الردود و ايضا القراءة
و لكن الحين صار يومين بين كل بارت احسه مو كافي للاعضاء
و الدليل ان بعد المتابعين ما ردوا و بكره في بارت
رغم اننا متشوقين و متحمسين لبارتاتج
لكن الحقيقة تقال
3 ايام كافية و افضل من يومين
لازم ناخذ رايج بالاول
و بعدها ناخذ راي الاعضاء
( يلا بنات .. اذا ردت عليننا الكاتبة برايها بخصوص هالموضوع .. انتوا ردوا بعدها بآرائكم .. )


هلااا لحظات

بعد ما ردت الكاتبة و خيرتنا

الصراحة انا ما عندي صبر الى 3 ايام

احس يومين كافية

و اذا على الاعضاء اللي يردوا

الرواية ما بتطير بيلحقوا عليهاا

هذا رأيي

تحياتي


الرد باقتباس
إضافة رد

حالة عشق / بقلمي ، كاملة

الوسوم
بقلمي , حالة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
عذبتني بأسباب فرقاك / بقلمي ، كاملة اميرة القصر العالي روايات كامله - يتم نقل الرواية هنا بعد اكتمالها 301 19-01-2017 05:04 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 03:04 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1