اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 18-12-2011, 01:55 AM
صورة لحظات العشق الرمزية
لحظات العشق لحظات العشق غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


هلا اختي

قلتي الموعد كل 3 ايام او يومين

اذا ما عليج امر

ممكن تنزلين لنا بارتين مع بعض


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 19-12-2011, 10:27 AM
صورة رمااآدية الرمزية
رمااآدية رمااآدية غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


ياااااااااااااااي روواية حلووة بالانتظار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 19-12-2011, 10:48 PM
صورة لحظات العشق الرمزية
لحظات العشق لحظات العشق غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


مرحبا هذيان

نتمنى اليوم في بارت

تحمسنا للرواية حلوة ما شاء الله

استمري و احنا نستمر معاج


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 19-12-2011, 11:14 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها عزتي فوق الخيال مشاهدة المشاركة
بآآآآآررتت راااائع ششي ‏


حماااااس وه وه بسس فدييتك ‏

اممم متى موعد البااارت ادين وقت محدد ‏

ولاتطوولي عشاان ماايقل الحمااس

بلليييز اذا تغدري تنزلي بااارت ذحين يكوون احسسن والله مرره متحمسه

يعطيك الف الف عافيه

هلا و الله عزتي
الاروع وجودج
اتمنى تحوز على رضاكم
موعد البارتات كل 3 ايام اتواجد
ان شاء الله ما يتم التطويل
الله يعافيج
كوني متواجدة دوما


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 19-12-2011, 11:16 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها لحظات العشق مشاهدة المشاركة
يا اهلين و سهلين فيج بعد قلبي
بعد روحي
جزء خطيييييييير روعة يا روعة


عرفنا سالفة ابو لياج انه سافر فجأة و انه اساسا مو معاهم بمثل البيت

موقف لياج مع جسوف الاول
كان مربك لدرجة اشلون يتصرف معاها بهالشكل
شكله عاشق مو بس مهتم
و يبي يفهمها انه فاهم انها ترتبك لما تشوفه

كلمة : تعالي وراي
الصراحة خبصتني
يآمر و ينهي هالوسيم
و حلوة حركتها خلته ينقهر
اما طلبه لها بالاسم حسسني راح تصير قنبلة

موقفهم مع بعض كان جدا فظييييع

إلا ان تعامله معاها ما ادري اشلون
يمكن في شي ما نعرفه للحين
بس ردها له بهالجرئة حلوو و ربي تحمست
للكف اللي بتاخذه بس ما كفخها
و ردة فعله على كلامها كانت رهيييييييييييييييبة
اشلون يتصرف جذي معها
المسكينة ماتت خوووف
هههههههه و الاخ غيران من نادر و طريقة تعامله معاها
و منقهر من وقوفها على طاولة الشباب
اعترافها السريع و بخوف ان نادر اخوها
بسبب تهديده
ظهر لنا خوفها منه و سيطرته عليها
إلا على تصرفاته إلا انه حنوون

تجاهلها له كان موقف جيد و احس انها راح تتبع هالشي ضده


الصراحة بارت و لا اروع
ابدعتي و حمستينا
ان شالله نشوفج بوقت قريب
مع تمنياتي
لج بالاستمرار
و التوفيق

المحبة
لحظات العشق

يلا هلا و الله بلحظات
الاروع حضورج الله يعافيج
كوني متواجدة و تعرفي كل شي ما تعرفيه
حلو تحليلج و ردج
الابداع هو حضوركم جميعا
مشكورة
دمتي موفقة ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 19-12-2011, 11:17 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها التفكير الحيران مشاهدة المشاركة
سلاااام
ابداع اختي واصلي و احنا معاج
روعة البارت
تصرفات سريعة و احداث اسرع
في شي مفقود اظن
موقفة

هلا بالتفكير
مشكور ما تقصري راح اوصل بوجودكم
لا عدمتكم
المفقود : كل شي راح يظهر بوقته المناسب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 19-12-2011, 11:18 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها لحظات العشق مشاهدة المشاركة
هلا اختي

قلتي الموعد كل 3 ايام او يومين

اذا ما عليج امر

ممكن تنزلين لنا بارتين مع بعض
هلااا
ان شاء الله
احاول بالبارتات القدمة
مودتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 19-12-2011, 11:19 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها وجدت سعاادتي في سجادتي مشاهدة المشاركة
ياااااااااااااااي روواية حلووة بالانتظار

هلاا بوجدت
اشكرج
كوني قريبة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 19-12-2011, 11:21 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي





اشكر جميع من تواجد معاي

عزتي فوق الخيال
لحظات العشق
التفكير الحيران
""قلب مجروح ""
هديـــــل
وجدت سعاادتي في سجادتي

كونوا بالقرب جميعا
مودتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 19-12-2011, 11:38 PM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


الجزء الثالث


لياج بعد ما وصلت الطيار لطاولة زوجته و شكرها اخذت طلبه
و هي تمشي بين الطاولات طاحت عينها على طاولة جسوف جالس
بعدت نظرها عنه و اتجاهلت نظراته
وصلت المطبخ
لياج : راسيل واحد قهوة
راسيل و هي تاخذ الورقة : انتي وينج تأخرتي
لياج : ويني اقوم بشغلي
راسيل : تأخرتي و ما رجعت بعد طلب الاستاذ الاول و لما وصلتي له القهوة ما رجعتي بالمرة و بعدين ليش يطلبج بالاسم ؟
لياج تجلس و باعتيادية : عادي بس سألني عن سني و سبب شغلي
راسيل : و انتي وش قلتي له ؟
لياج : و لا شي قلت له اشتغل لفترة مؤقتة على اساس الدراسة
راسيل : اها و انا اقول ليش طالبج
لياج و هي توقف : عطيني الطلب الشخص ينتظر

و بعد ما اخذت طلب الطيار وصلته له
و هي راجعة تمشي
: لو سمحتي
لياج لفت و انقهرت و ما قدرت تتطنشه خصوصا ان الطاولات مليانه
مو معقول تتطنشه وسط الناس
مشت بهدوء لطاولته و نظرها على الطاولة
جسوف بابتسامة : ما راح تقولي وش اطلب
لياج بدون ما تتطالعه : اذا في اي طلب يا ليت تتفضل عندي شغل و مو فاضية
جسوف بنظرة تأمل و بدون شعور : في طلبات
لياج رفعت الدفتر الصغير و هي ماسكة القلم
لياج : اللي هي
جسوف بابتسامة مثيرة : هدي و انتي تكلميني
لياج رفعت راسها له بقهر ظهر على ملامحها
جسوف قبل ما تتكلم : زعلتي مني ؟
لياج يقهر و عصبية : ما اعتقد في طلب و يا ليت عمره ما يكون
و راحت
جسوف ابتسم على ردها و هو يتذكر اللي صار بغرفته

ـ.ـ.ـ.ـ.ـ.ـ.ـ.ـ.ـ.ـ.

لياج دخلت المطبخ بهدوء عكس اللي تحس فيه
نادر وقف لما شافها جاية و راج جنبها
نادر : وينج ما شفتج طول الوقت
لياج بابتسامة : حتى انا ما شفتك
نادر يدقق بملامحها : لياج اشفيج تعبانة
لياج : ما فيني شي
نادر بشك : لياج تخبين علي شنو فيج احد ضايقج و زعلج
لياج رجعت يدها وراها و استندت على الجدار و نزلت عينها
نادر تقرب و هو يرفع غرتها عن بحنية : اشفيج حبيبتي في شي
لياج بضيق هزت راسها بالنفي
نادر بصوت حنون : يا عمري تخبين علي اشفيج مضايقة من شنو قولي لي اشوف
لياج رفعت راسها و ناظرت امها و ناظرته بضيق
نادر بحنية و كأنه فهم : رجعنا لحال ابوج و امج ما قلنا خلاص و مرتاحين
لياج بضيق : بس تركنا نادر راح و تركنا
نادر : يا عمري هو مو توه تاركنكم من زمان هو ببيت و انتوا بيت هي جات على سفرته المهم انتوا مرتاحين و ما عليكم خلاف صح
لياج هزت راسها بالايجاب
نادر : يلاا عادي اضحكي خلي الدنيا تضحك
لياج ابتسمت بس بضيق
نادر : يعني انج ضحكتي الحين
لياج بابتسامة صغيرة : بعد زين
نادر بضحكة : ههههههه اي هذي لياج اختي
لياج : احلف عاد و بعدين تعال ابي اسولف معاك بموضوع
نادر باهتمام : قولي شنو تبين آمري و تدللي
راسيل و هي ماسكة الصينية : يلا يا اخوااان ممكن تأجلون الاجتماع نادر الطلب للحديقة رقم الطاولة 000
نادر و هو ياخذ الصينية و يطالع لياج : راح تقولي لي بعدين طيب
راحت راسيل
لياج مبتسمة : راح نتكلم اذا رجعنا للبيت
نادر : لا الحين اكمل و ارجع
لياج : لا بالبيت اذا رجعنا احسن
نادر : اوكي و امرنا لله
رجعت راسيل
راسيل و بيدها الصينية : غرفة رقم 000
لياج : اوك
و طلعت عدت الدرج و راحت للغرف
دخلت الغرفة وصلت الطلب و طلعت
و هي تمشي بالممر
شافت جسوف يمشي بالممر باتجاهها
تجاهلته و هي تمشي
جسوف و هو مبتسم مشى ناحيتها و وقف قدامها و منع طريقها
لياج بدون ما تناظره راحت للجهة الثانية بتمشي
جسوف تحرك و منع طريقها
لياج طالعته بقهر و هي ترفع غرتها
لياج بعصبية و لكن بارتباك : انت و بعدين معاك تفكر بتشتري الناس بفلوسك بعد عن طريقي افضل
جسوف بابتسامة مثيرة و همس يوتر : و اذا ما بعدت وش بتسوي
لياج انقهرت و ما عرفت ترد
بعدت بتمر من الجهة الثانية
تحرك جسوف و منع طريقها و يديه بجيوبه
بدأت اعصابها تتلف
لياج طالعته بقهر
جسوف بهدوء : سكري زر القميص
كانت فاتحة الزر الاول و الثاني فقط
لياج بقهر : و انت شكوو فيني رجاءا للمرة الاخيرة اقولك ابتعد عني
جسوف تقرب منها بهدوء و رفع يدينه للقميص و هو يسكر الزر
لياج غمضت عينها بخوف و توتر و ما قدرت تتحرك و هي تحس بأصابعه تسكر الزر
جسوف يناظرها بتأمل و هو قريب منها
جسوف بهمس : افتحي عيونج
ضرب قلبها بقوة من نبرة صوته و قربه و كأن جسمها متجمد
فتحت عينها ببطئ و طاح نظرها على ذقنه
رفعت عينها ببطئ لعينه و هي تلاحظ لمعتها
جسوف يمعن بعينها بنظرة خاصة و بهمس : علشان ما ازعلج طيعي
رمشت و راسها مرفوع له
بعدت عنه و هي حاسة بقلبها يضرب بقوة و شدة مشت للدرج بسرعة و هي ترفع شعرها عن عينها
حست و كأنها بحرارة الصيف على الرغم الجو بارد

ـ.ـ.ـ.ـ.ـ.ـ.ـ.ـ.ـ.ـ.


كمل الدوام و رجعوا للبيت

هي و امها دخلوا البيت و نادر دخل بيته (لان عنده اب و ابوه يشتغل بمكان ثاني )
بيت نادر بجانب بيت ام لياج
لياج و امها دخلوا البيت اخذوا شاور و صلوا
و بعد ما جاهم نادر تكلمت معاه لياج انها تبي تغير الفندق و تشتغل مكان ثاني رفض لانه يبيها جنبه و تحت عينه و اقترح عليها تترك الشغل بالمرة رفضت و اصرت اصر اكثر انها ما تغير و إلا تقعد بالبيت إلا انها حاولت انه يكلم المدير يخليها داخل المطبخ و ما تتطلع توصل اقتنع و وعدها يكلمه ...

ـ.ـ.ـ.ـ.ـ.ـ.ـ.ـ.ـ.ـ.


اليوم الثاني

كلم نادر مدير المطبخ و قال راح يرد عليه بخصوصها بس تبدل مع وحدة من البنات تتطلع من المطبخ بدالها على ما يشوف الامر راسيل اقترحت عليها تروح بدالها على ما يكلمهم مدير المطبخ

راسيل اخذت الطلب من لياج و طلعت و هي تصعد الدرج نزل احد الاشخاص لما تعدته طالعها مستغرب من وجودها صعد الدرجة مرة ثانية بوقت نزل جسوف و اتجه للمطبخ

لياج واقفة و بيدها قلم و قدامها دفتر صغير و جنبها الهاتف بلبسها المعتاد و فاتحة ازرارين من القميص و ثانية اكمام القميص قليل
رن هاتف المطبخ
و دخل جسوف
لياج : مطبخ الفندق اتفضل
الشخص : احمم اختي بغيت توصيل للغرفة رقم 000 واحد قهوة و اللي يعافيج
لياج انتبهت لوجود جسوف واقف و نزلت نظرها متجاهلتنه و هي مرتبكة
لياج : اي خدمة ثانية
وقفوا جميع المتواجدين اشر لهم جسوف يكملون شغلهم و كلم ابو جوانا
الشخص : احمم بس توصله لي الموظفة راسيل
لياج استغربت و بين على ملامحها : ان شاء الله
و سكرت الخط
و جسوف يطالعها و لاحظ تغيرها و ابو جوانا واقف جنبه يرد على كلامه
و لياج تقوم بشغلها و هي تعطي الزملاء الطلبات يوصلونها حسب الرقم
دخلت راسيل بالصينية و اتجهت لجهة لياج
لياج ابتسمت و اخذت الصينية منها
و لفت لجهتها الثانية اخذت الصينية من احد الزملاء
و مدته لـ راسيل : اتفضلي غرفة رقم 000
جسوف ابتسم بسبب ابتسامة لياج
راسيل بهمس : الاستاذ ليش هنا
لياج و عينها على الدفتر تشوف الطلبات و بهمس : ما ادري يتكلم مع ابو جوانا
راسيل تتطالع الصينية : بيفوتني كلام الاستاذ ابي اسمع
لياج راسها و بالخطا طالعت عين جسوف اللي يطالعها بين كل دقيقة
لياج بهمس : على فكرة صاحب الغرفة طلبج بالاسم
راسيل باستغراب : بالاسم من هذا
لياج تبتسم : و انا شدراني روحي يلا
راسيل : ان كان واحد مليغ اوريه و لا افرشه بالارض
لياج بابتسامة و ضحكة : احلفي طويلة العمر يا نصابة من هذا
ابتسم جسوف اكثر و هو يلاحظ ابتسامة لياج
راسيل : ما ادري بس اروح و ارجع ازف لج الخبر
و راحت
جسوف كمل كلامه مع ابو جوانا و راح
لياج ارتاحت من طلعته
ابو جوانا : يا جماعة
الجميع التفتوا
ابو جوانا : الاستاذ جسوف راح يجونه باجر ضيوف شغل من برى ما اوصيكم تبيضون الوجه بكل شي
الجميع : ان شاء الله , ما راح نقصر
ابو جوانا : باجر الصبح من بداية الدوام راح نقرر نوعية الاطباق اللي راح نقدمها و نتفق على المضيفين و المستقبلين بعد كلام مدير المطبخ
رن هاتف المطبخ و بدون ما تتطالع رقم الغرفة المتصلة
لياج بصوت ناعم : مطبخ الفندق اتفضل
جسوف ببحة : السلام عليكم
لياج ما عرفت الصوت و بعفوية : ثواني اخوي
و لفت على طارق
لياج بهمس : طارق طلب بالحديقة رقم الطاولة 000
ابتسم جسوف عليها
لياج : تفضل اخوي اي خدمة
جسوف : عصيرعلى ذوقج
استغربت لياج و ببحة : عفوا اخوي حدد الطلب
جسوف : طلبي انتي تعالي لي غرفتي
خافت لياج من الشخص و فكرت تسكر الخط
جسوف ببحة رجولية و بهدوء : لياج انا جسوف تعالي غرفتي الحين
لياج بارتباك و قهر من حركاته و بسبب اللي جنبها : مع السلامة
و سكرت الخط و لفت على اللي وراها : واحد عصير ليمون
مزون و هي تعطي الطلبات للياج : لياج بسرعة هالطلبات
لياج بابتسامة : تآمرين
و لفت اخذت الصينية و لفت لمزون و مررت الصينية و قالت : مزون اخذيه لغرفة رقم 000 و ارجعي لطلباتج جاهزة
مزون : ان شاء الله
و راحت مزون


ـ.ـ.ـ.ـ.ـ.ـ.ـ.ـ.ـ.ـ.


راسيل باللبس الموحد و شعرها لحد كتفها اسود رغم انها مو بيضة لدرجة إلا محليها شعرها الاسود
فتحت الباب بعد ما قال لها تتفضل
دخلت بالطلب و كان عاطيها ظهره لف و طالعها
طالعته و بدات ملامحها تتغير و حست بالقهر إلا انها مسكت اعصابها
و نزلت الطلب
الشخص تقرب منها و بقهر : انتي اشلون موظفة هنا وش هالتصرف
راسيل بقهر اكثر : انا مب سامعة شورك حتى تآمرني و لا تفكر اني خايفة منك
الشخص بقهر من كلامها و طريقتها : بفندق و بالمطبخ انتي اشلون تتصرفي من كيفج بدون ما ...
راسيل بقهر و قوة قاطعته : ما لك دخل فيني اشتغل وين ما احب و متى ما احب
الشخص : انتي ناسية اني زوجج و لا شنو
راسيل : صارت الملكة و ظنيتك انسان إلا ان خاب ظني و طلعت بدون قلب
الشخص : راسيل لا توصلينها لسكة مسدودة خلينا نتفاهم
راسيل : ما في شي نتفاهم عليه اوكي و خلني بحالي و انتظر ورقتي و عدت هالكلام الف مرة و ما طعت نفذ طلبي بسرعة قبل ما اطر ارفع قضية
و لفت عنه و طلعت


مزون دخلت بالصينية

جسوف رفع راسه و شاف مزون ابتسم عكس اللي بداخله
مزون نزلت الطلب و طالعته باحترام : اي خدمة ثانية استاذ
جسوف مبتسم : الطلب لي احمم بس مو طلب عصير ليمون و الله طلبت قهوة
مزون بحرج : عفوا استاذ اعذرنا صار خطأ دون قصد
و نزلت شالت الكوب
جسوف بابتسامة : حصل خير
مزون بحرج : عفوا دقايق و الطلب يوصل
و طلعت بحرج

لياج بالمطبخ

دخلت مزون و بيدها الصينية : لياج يقول الاستاذ هذا مو طلبه
لياج طالعت الصينية و قالت : اشلون مو طلبه قال يبي عصير
مزون : قال لي طلبه قهوة انحرجت
لياج بتفكير : طيب اخذي طلباتج اللي قبل و انا ارسل احد ثاني طارق مع مزون الطلب كبير
طارق : طيب يلاا مزون قدامي
رن هاتف المطبخ
لياج : تفضل مطبخ الفندق
جسوف : ليش ما ارسلتي طلبي
لياج بقهر و همس : لو سمحت اتركني بحالي ارسلت الطلب و رجعته
جسوف بهمس صادق : و هذا مو طلبي انتي تعالي هاتيه
لياج : لا تفكر انك بتغصبني ......
جسوف قاطعها : انتي تعرفين انج راح تجين بالنهاية فتعالي قبل ما انزل اجيبج معاي
لياج سكرت الخط بتوتر و خوف و طالعت قدامها
راسيل دخلت بالصينية بقهر
لياج ابتسمت : شنوو
راسيل بقهر : هذا سرمد
لياج بابتسامة عريضة و فرح : و الله احلفي
راسيل طالعتها بقهر : احلفي انتي تفرحي علشانه هو و الله لو يموت ما رجعت له واحد متخلف يبي كل شي على كيفه
لياج تغيظها : و ليش ما تقولين واحد رجال يحب مرته و يدري انها تحبه
راسيل بقهر : لا تقهريني فيه هالتافه
لياج بصدق و جدية : راسيل لازم تصير مشاكل و مو معقول من اول مشكلة تزعلين و طلقني قعدي معاه تكلموا و حلوها بينكم ما صار لكم مدة من تملكتوا
راسيل : المشكلة ما تنحل إلا بالطلاق ما عدت ابيه بسبب فعايله و هذا انا انتظر خلاصي منه

( مثل ما وضحنا قبل راسيل عمرها 18 بعد تخرجها من الثانوي رفضت انها تسجل بالجامعة اولا لانها ما تحب الدراسة و ثانيا بسبب حالتهم المادية ابوها متوفي عايشة مع امها .. تقدم لها سرمد و وافقت و تمت الملكة قبل شهرين حاول سرمد معاها انها تكمل الدراسة إلا انها رفضت حاول اكثر و اصر علشان مصلحتها اقتنعت و وافقت لولا اللي صار بينهم من مدة و طلبت الانفصال تركها كم يوم ترتاح و تهدأ إلا انها راحت تشتغل و طنشته .. راسيل انسانة جريئة و دائما واثقة من نفسها و تحاول تتبع القوة علشان تقدر تمشي امورها و هي تسكن مع امها بمثل منطقة لياج ..
اما سرمد عمره 27 بينهم 9 سنوات موظف و حالته المادية ممتازة شافها بمنطقتها بعد ما كان يوزع الصدقات على الفقراء لفتت انتباهه و اعجبته و تقدم لها .. ابوه يشتغل خارج البلاد لفترة و راح يرجع اما اما هو عايش مع امه و بينهم مشاكل علشان جذي قعد بفندق ..

لياج استغربت انه ما رجع يتصل بعد ما سكرت الخط بوجهه و طنشت طلبه
خافت من تصرفاته و خافت انه يجي مثل ما قال
ظلت متوترة طول الوقت و لما عدى الوقت و ما شافت منه شي ارتاحت
سرمد راح لـ راسيل البيت يبي يتفاهم معاها إلا انها رفضت و ما قابلته

ـ.ـ.ـ.ـ.ـ.ـ.ـ.ـ.ـ.ـ.


اليوم الثاني


في المطبخ

مدير المطبخ و بيده الورقة اللي فيها الاطباق اللي راح تقدم للضيوف : ما شاء الله الله يعطيكم العافية
ابو جوانا : اذا تحتاج اللست الى اي تعديل راح نغيرها
مدير المطبخ : لا ما تحتاج تعديل راح نمشي عليها
بس محتاج الشباب و البنات يجون بالمقدمة و البقية يقومون بشغلهم
البقية مكلوا شغلهم
الشباب و البنات تقدموا و على جنبهم ابو جوانا و قدامهم المدير
المدير و بيده الملف و يطالع فيه : راح اقسمكم ثلاث مجموعات و طبعا هالتقسيم لهذي الفترة يعني فترة وجود الضيوف بالفندق و للحين ما ندري كم المدة
المجموعة الاولى راح تتم بالمطبخ للمساعدة و هي اقل مجموعة
المجموعة الثانية راح تستقبل الضيوف اليوم و توصلهم لاي قسم يبونه و يسألون عنه و هي ايضا قليلة
المجموعة الثالثة راح تقدم الطلبات للضيوف و بوقت محدد
رجاءا شباب و بنات التزموا بالتقسيم و بيضوا وجهنا قدام الضيوف
قبل ما اقسمكم اللي راح يرد على الهاتف هو ابو جوانا
المجموعة الاولى : ( عدد بعض اسماء قليلة بما فيهم نادر , جميلة )
المجموعة الثانية : ( عدد بعض اسماء قليلة بما فيهم راسيل )
المجموعة الثانية : (اللي بقى منهم بما فيهم لياج , طارق , مزون ) و هذي المجموعة ايضا تشمل طلبات كامل الفندق بسبب عددهم الكبير
و بعد ما راح المدير تضايقت لياج و راسيل
راسيل : وش هالتقسيم الفاشل خلاني بالاستقبال
طارق : هههههههه و انتي ليش معترضة
نادر بضحكة : ههههههههههه اووما راح يحصلون استقبال شي ما في منه
لياج و طارق و مزون : ههههههههههههه
راسيل بضحكة : ههه انتوا ههه ما تجوزون عني بالله عليكم هههه انا استقبل و الله ما يصلح
نادر : بس هاا تركي استقبليهم بابتسامة مو تناظرينهم و انتي خاطرج تكفخينهم على الاقل سوي برووفوا
مزون : عددنا المجموعة الثالث كبير
طارق : الحين اشلون يدمج اللي يوصل طلبات الضيوف هو نفسه للبقية
نادر : اي و الله المفروض تنقسم قسمين و الذكي لان الضيوف كثير لازم في مجموعة مخصصة لهم منفصلة
طارق : امرنا لله
لياج اكتفت بالسكوت إلا انها منقهرة


ـ.ـ.ـ.ـ.ـ.ـ.ـ.ـ.ـ.ـ.


تقدم استقبال الضيوف بالفندق
استقبلهم جسوف و حددوا غرفهم يرتاحون و بعدها ينزلون الى الاجتماع

و بعد فترة
جميلة : هذا لغرفة رقم 000
لياج بضيق : هذا الطلب ضمن الضيوف
جميلة و هي تتطالع الورقة : لا مو للضيوف للعامة ( و بضحكة ) الضيوف يرتاحون
مشت لياج و مزون
لياج لغرفة بجناح
و مزون لغرفة بجناح ثاني


ـ.ـ.ـ.ـ.ـ.ـ.ـ.ـ.ـ.ـ.


لياج تمشي بالممر للغرفة
ضربت الباب دخلت نزلت الطلب و طلعت
مشت بالممر بترجع المطبخ
جسوف فتح باب غرفته
شافته اخترعت و لفت تمشي
كان لابس جينز ازرق مع قميص ابيض
جسوف تحرك من مكانه و ترك باب غرفته مفتوح و راح لجهتها سحب يدها و مشاها معاه
حاولت تسحب يدها إلا انه اقوى
و هو ماسك يدها دخل الغرفة سكر الباب
ابتعدت عنه بسرعة وبخوف
لياج بقهر : بعد بطلع
جسوف يتقدم لها كم خطوة : مو الحين
لياج بلعقت ريقها بخوف و ببحة متغيرة : اقولك بعد بطلع انت ما تفهم
جسوف تقدم لها اكثر
طاحت الصينية
تقدم بسبب خوفها صار ظهرها لاصق بالجدار
تقدم و لصق فيها
خلى يدينه على الجدار
انفاسه تضرب بوجهها اللي منزلتنه بخوف
الخوف تملكها و هو قبالها و قريب منها يدينها على الجدار بخوف و وجهها لجهة ثانية ما تتطالع وجهه
لياج بضعف و صوت ناعم : بعد الله يخليك اتركني بحالي بعد عني
جسوف يطالعها و يتأمل بملامحها من قرب و عطرها دخل حواسه
جسوف بهمس : ليش ما طعتي
حست بتعب و قلبها يضرب بقوة
انفاسه محاصرتنها
عطره ملى انفها
و ازرار قميصه مفتوح منها ثلاثة و يبان نحره و جزء من صدره
لياج بخوف اكبر و ضعف : بعد اترررررررررركني
و تحركت
إلا مسك يدينها من المعصم
رجعها للجدار
و حصرها بيدنه على الجدار
جسوف ببحة توتر : مو قلت تجين ليش تطنشين كنت راح اتساهل معاج إلا انج استفزيتيني
لفت وجهها له بضعف و عينها تنذر بالدموع
لياج بنظرة و همس خايف : ارتكني وش تبي مني ليش معترض لي دايم
جسوف بهمس يخوف : مو قلت لج لا تفتحين زر القميص
لياج مغمضة بقوك : ابعد عننييي
جسوف بنظرة خاصة : اقولج تعالي ابيج بغرقتي ترسلين لي عصير ليمون
لياج رفعت راسها له و حطت عينها بعينه
لياج بتقطيع : انـ ـت طلبـ ت ع عصـيـ رـر
جسوف يلاحظ ارتباك صوتها و رجفتها
جسوف بصوت مليان احساس : ليش تبين تتخبين عني و تبين تظلين داخل و ما ترسلين كل هذا علشان ما تشوفيني
لياج عينها بعينه و ما تدري ليش متجمدة
جسوف مركز على عينها و بهمس : هممم ليش تظنين راح اوافق
لياج دموعها نزلت
و بدات ترتبك اكثر و خوفها يزيد
لياج بصوت متغير و ضعف مرير : ارتكني بحالي الله يخليك لا تلمسني بعد
جسوف مبتسم بابتسامة مثيرة
همس بصوت رجولي : ما على لسانج غير اتركج بحالج بس انا ما ابي اتركج
بعدت راسها بخوف
و انتفضت من همسه و نبرة صوته
تحركت و هي تبعده بتهرب
رخى جسمه لما رأف بحالها ابتعدت و طلعت من غرفته

دخلت دورة المياه بقهر و بكاء تمت تصيح على حالها بقهر
و تدعي بقلبها عليه و تفكر وسط دموعها
اشلون يقرب منها بهالشكل
اشلون يعاملها بهالطريقة
ما تقدر تستحمل
اكثر تعدى الحدود و لازم تترك المكان لازم تبعد عنه
الله ياخذه الله ياخذ حقها الله لا يوفقه


ـ.ـ.ـ.ـ.ـ.ـ.ـ.ـ.ـ.ـ.


مدير المطبخ بعد وصول الضيوف
لقى عددهم فوق التوقعات خصوصا ان بعضهم جابوا معاهم زوجاتهم و اولادهم
لانهم راح يقيمون لفترة محدودة
فأرسل راسيل تنضم للمجموعة الثالثة علشان تغطي العدد
و خلا البعض فترة صباحية و مسائية
اللي يكون صباحي للضيوف يكون مسائي للعامة
و العكس


و بعد فترة

نزلوا الضيوف و بدأ الاجتماع
دخل طارق المطبخ و اعطى زميلة الصينية
و طالع مزون تسولف مع احد الشباب
نادر دخل المطبخ و بيده بعض الاغراض من المخزن
نادر اعطى الاغراض ام لياج و رجع لطارق
نادر بتلميح : يا اخي شيل عيونك بتنظر البنت
طارق طالعه بقهر : ابي افهم هي ليش تسوي جذي
نادر : اوما انت ما عندك سالفة تبي البنت تسولف بس معاك يعني يا اخي انا بعد تسولف معي كل الموجودين اخوان عاادي
طارق بغيرة : لا مو كلهم انت مثل اخوها و انا عارفك
نادر بابتسامة : و الغير
طارق : انت اشفيك تبي تجلطني
مزون تقربت و بيدها صينية
مزون بنعومة : بعدووا خلوني امر
طارق : وين ؟
مزون : مو شايف بيدي صينية
نادر ابتسم ابتسامة عريضة
طارق : انتي احمم وش كنتي تسولفين عنه مع ذاك ؟
مزون لفت بعفوية و طالعته و حاجبها معقود
مزون : من ؟! وش تقصد ؟
نادر طالع طارق و هو مبتسم
طارق بقهر : اقصد من يعني اللي كنتي معاه
مزون حاولت تهدأ : انت شفيك تكلمني بهالطريقة
نادر ابتسم على اكثر عليهم
طارق اخذ الصينية من يدها و اعطاها نادر
طارق : نادر و الله يعافيك ارسلها مع احد غير
مزون طالعته باستغراب
طارق مسك يد مزون و هي مستغربة
و مشا و طلع من الباب الخارجي للمطبخ و لف للجدار و طالعها
مزون سحبت يدها : انت شفيك وش تسوي من سمح لك تمسكني
طارق تقدم خطوة منها و تخصر
و حط عينه بعينها
طارق بهمس : اشفيني ؟ اغار عليج ؟ ليش اغار عليج ؟ لاني احبج
و لا بتسأليني ليش احبج
مزون ظلت تتطالع عينه بسكوت و ابتعدت و دخلت المطبخ بحرج و خجل واضح
طالعت نادر
مزون بهدوء : نادر وين الطلب ؟
نادر بابتسامة : ارسلته
دخل طارق
مزون بدون ما تتطالع طارق
مزون بهدوء : عطني اي طلب
نادر مرر لها صينية : اتفضلي غرفة رقم 000
مزون اخذته و راحت
طارق طالع نادر
نادر مبتسم : شنوو هذا شغلها
طارق اخذ طلب ثاني و طلع مقهور

( طارق عمره 22 كمل دراسة 3 سنوات بالجامعة و وقف فترة راح يشتغل فيها و بعدها راح يكمل السنة الرابعة , من اول مرة جات فيها مزون و هو معجب فيها و ما بين لها
اما مزون عمرها 17
ابوها معاها بالفندق إلا انه بقسم المغسلة ( قسم تغسيل و كوي الملابس ) بالبداية رفض ابوها تشتغل إلا انها قنتعته خصوصا انها راح تتم بالبيت بروحها لان امها مطلقة و متزوجة و راح تساعده على الاقل بمصروفها وافق ابوها باصرارها الملح و ما كلم ابو جوانا و وصاه عليها بسبب خوفه عليها .. ابوها عليه قرض و ديون و يحاول يسدد ديونه و وعدها اول ما تكمل ديونه خلال هالسنة راح يخليها تسجل بالجامعة ..


ـ.ـ.ـ.ـ.ـ.ـ.ـ.ـ.ـ.ـ.


دخلت راسيل المطبخ

راسيل باتسامة : مرااحب
نادر بابتسامة : مرااحب اكثر
راسيل بضحكة : احلف عااد
نادر :هههههههههه اتفضلي للحديقة رقم الطاولة 000
راسيل : اوكك و طلعت

راحت للحديقة و عرفت اللي على الطاولة
تقربت بهدوء نزلت الطلب
سرمد : خلينا نتفاهم فوق
راسيل طالعته بهدوء : ما في شي نتفاهم عليه
سرمد بقهر إلا ان بهدوء : تراج مصختيها و بقوة تظنين الامر امرج
راسيل ارتبكت من حدة صوته و ما بينت : مشغولة و ما عندي وقت
سرمد بذكاء : انتي موظفة و انا ابي طلب بغرفتي
وقف اخذ جواله و نظارته
سرمد : الحقيني بطلبي
و لف يمشي
راسيل انقهرت و هي تشيل الطلب و تمشي وراه
دخل الطابق الاول و هو يمشي بهدوء و هي وراه
مشى بالممر
راسيل شافت لياج تمشي باتجاهم في مثل الممر
لياج شافت راسيل ورى سرمد ابتسمت و هي تعدي طريقها
سرمد فتح الباب و دخلوا
نزلت الطلب على الطاولة و هو جنبها طالعها
سرمد بقهر و حدة : اذا كنت ساكت لج فهذا من صبري و مراعي صغر سنج فلا تزودينها قبل ما ينفذ صبري
راسيل داخلها يتحرك من حدته إلا انها تصنعت الهدوء
راسيل : اظن ان طلبي واضح و ما هو صعب
سرمد ظل يطالعها بتركز و عينه تلمع
و راسيل تتطالعه
راسيل : قبل ما ينفذ صبرك ؟ ان شاء الله وش بتسوي فيني ؟
سرمد إلا الآن يطالعها بتركيز
راسيل بهدوء : هذي امك ما تبيها معاك امك ما تبيني اقعد معاها لو ساعة امك مطنشنها و تصرخ عليها و تعاملها بطريقة نازلة .. اذا هذي امك سويت معاها جذي انا وش بتسوي فيني .. امك اللي لها الفضل عليك تقابلها بهالطريقة انا يا الغريبة وش بتسوي معاي اللي ما فيه خير لامه و اهله ما فيه خير لزوجته
سرمد بهدوء : الله القاضي بينا يا بنت الناس و دامج متخلية مرة تراني متخلي الف ابشري بطلبج
راسيل طلعت من الغرفة و هي تفكر بكلامه و طريقته

لياج و هي تمشي بتوصل الطلب و فكرها مشغول
بتكلم نادر تترك الشغل و تفتك منه و من حركاته
و هي تمشي بالطابق الاول
انفتح باب غرفة الاجتماعات
و طلع جسوف مع الضيوف
طاح نظرها عليه
انقهرت من نظرته و ابتسامته و كملت طريقها وصلت الطلب
و رجعت للمطبخ
دخلت و شافت راسيل سرحانه
لياج : راسيل اشفيج ؟
راسيل طالعتها بضيق : ما فيني شي
لياج : رحتي مع سرمد صار شي ؟
راسيل بصوت هادي : ما صار شي و اخيرا اتفقنا على الانفصال
لياج بتأثر : راح تنفصلون
راسيل : هذا الحل
لياج : عيل اشفيج كأنج متغيرة
راسيل بضيق يبين على صوتها و ملامحها : عادي ما فيني شي قلت لج هذا طلبي و انتظره
و طالعتها و حاولت تغير الكلام
راسيل بابتسامة : انتي اشفيج عيونج ذابلة و كأنج صحتي
لياج : ما فيني شي ( و تمسح عينها ) هاليومين عيني تألمني و دائما تدمع
راسيل : روحي الطبيب و بعدين انتي ابي افهم ليش مستعملة عطر رجالي
لياج باستغراب : انا ؟
راسيل : عيل انا اي من جيتي جنبي لاحظت ( و بضحكة ) ليكون متعطرة بعطر نادر
لياج بابتسامة : بعدي زين
راسيل : ههههههههه
نادر : راسيل رااسيل
لفت راسيل : هلاا
نادر : تعالي انتي و لياج في طلبات
قاموا الثنتين
و لياج تفكر بقهر و تحس بالكراهية زيادة
الله ياخذك الله ياخذك يا التافه يا عديم الاحساس
ربي يروايني فيك يوم لدرجة عطرك بملابسي
الله ينتقم منك ياللي ما تخاف الله
ما لي قعدة بعد اليوم بهذا المكان


ـ.ـ.ـ.ـ.ـ.ـ.ـ.ـ.ـ.ـ.


طارق يمشي ورى مزون في ممر المطبخ
طارق : انتظري
مزون تمشي بهدوء
طارق تقرب و وقف قدامها
مزون مسكت الصينية بيدها الثنتين و عينها على الارض
مزون بصوت ناعم : وش تبي
طارق و عينه عليها : ليش ما تردي علي
مزون و هي ترتب ياقة قميصها رغم انها مرتبة : وش تبي و خلني امر
طارق استغرب حركتها : ليش مشيتي و ما سمعت منج رد
مزون رفعت راسها له و طالعت بعينه رفعت خصلة من على عينها
و بحدة خفيفة جدا : الحين انت ما تبيني اكلم زملائي و هم انت تكلم زميلاتي
ابتسم طارق بعدم تصديق ( هذا تلميح انها مهمتة فيني )
طارق بابتسامة : بس انا غير
مزون بنعومه : الشباب كلهم اخواني و لو انا متضررة منهم ما كلمتهم عادي و انت عارف
طارق بابتسامة : هم ما رديتي علي
مزون : و انت ليش غير بالله
طارق بابتسامة عريضة : انا فاهم تفكير بعضهم
مزون : الشباب كلهم اوكي بس انت تتمشكل
طارق بهمس : ما رديتي علي
مزون خجل : بعد بمر
و مشت و خلته
دخلت المطبخ و طارق وراها
مزون : نادر وين راسيل و لياج
نادر طالع طارق و بعدها طالع مزون
نادر : يوصلون طلبات
و هو يعطي جميلة الصينية
و راحت
مزون و هي تلتفت على الزاوية
نادر : الى الان ماكو طلبات
مزون : طيب ابيك بخدمة
تقدم طارق
نادر بابتسامة : افديج بعمري آمريني
مزون بابتسامة : خل عمرك لك ما يآمر عليك عدو ابيك شوي و خل مكانك احد من الشباب
نادر التفتت لاحد الشباب
نادر : خلك مكاني الله يعافيك
و تقدم لمزون و قال : آمري
طارق من سمعها تبي نادر تقدم اكثر و وقف جنبها
مزون : بروح لابوي المغسلة شوي و برجع و ابيك تجي معاي
قبل ما يرد نادر
طارق طالعها بقهر ( المغسلة معضمها شباب )
طارق : و ليش
مزون طالعته : و انت شكو انا ابي نادر
نادر مبتسم
طارق بحدة : اذا مو انا رحت معاج ما لج روحة ( التفت لنادر ) نادر خلك مكانك
نادر ما عجبه حدته عليها
مزون خافت من حدته و تقربت من نادر
مزون بخوف خفيف : خلاص ما ابي اروح
نادر طالع طارق بنظرة عتب بسبب حدته عليها و فهمه طارق و هو يلاحظ خوفها منه
طارق بحنية : خلاص تعالي نروح
مزون : ما ابي بروح عند خالتي ام لياج بساعدها
و لفت بتمشي
نادر : مزون تعالي انا اروح معاج و نرجع
مزون لفت معاه بهدوء
نادر و هو رايح طالع طارق بنظرة بمعنى يهدي نفسه


انتهى الجزء الثالث
و لي عودة قريبا
موتي للجميع

هذيان صمت


الرد باقتباس
إضافة رد
الإشارات المرجعية

حالة عشق / بقلمي ، كاملة

الوسوم
بقلمي , حالة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6811 28-11-2017 09:13 PM
عذبتني بأسباب فرقاك / بقلمي ، كاملة اميرة القصر العالي روايات كامله - يتم نقل الرواية هنا بعد اكتمالها 301 19-01-2017 05:04 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 04:39 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1