اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 24-12-2011, 12:09 AM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


دقائق
و ينزل البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 24-12-2011, 12:12 AM
صورة عزتي فوق الخيال الرمزية
عزتي فوق الخيال عزتي فوق الخيال غير متصل
©؛°¨غرامي مشارك¨°؛©
 
الافتراضي


اقتباس:
المشاركة الأساسية كتبها هذيان صمت مشاهدة المشاركة
حبيبتي
انا حددت الفترة كل 3 ايام
والله ادري ياااروحي ‏

بسس حمااااس واسستنى البااارت بفااارق الصببرر ‏

ياالله استنيناا ثلاث اياام نستناا دقااايق ‏


فديتك ‏

كلك حمااس ‏

وكبرري الخط ياااقلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 24-12-2011, 12:14 AM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


الجزء الرابع



لياج و راسيل و مزون مع بعض بالاضافة الى بقية البنات
و الشباب مع بعض
ينتظرون مدير المطبخ
و لياج فكرها مشغول تحس الوقت بطيئ اليوم
تبي الوقت يمر بسرعة علشان ترجع البيت و تكلم امها و نادر بخصوص اما تركها للشغل نهائي
او انها تشتغل بمكان ثاني و هي تعرف صعوبة الكلام مع نادر بهذا الخصوص
تدعي انها ما تشوفه طول اليوم بعد موقفه معاها
جاهم مدير المطبخ و وصى كل شخص بمهمة حسب مجموعته
لياج انقهرت و تضايقت راح تقدم اطباق الضيوف اللي راح تكون جمعتهم بعد شوي

ابو جوانا سكر الهاتف و قال : مزون روحي غرفة رقم 000 هي غرفة الاستاذ جسوف قولي له اني انا ارسلتج راح يعطيج اوراق هاتيهم لي بسرعة
مزون باحترام : ان شاء الله عمي
لياج بنفسها " اشكر ربي ما ارسلني له "
مزون طلعت و عدت الدرج و تمشي بالممر
شافت طارق يمشي بطلب نزلت راسها و مشت
طارق شافها تمشي بدربه تقدم لها شوي
طارق : وين رايحة
مزون طالعته و طالعت الطريق
طارق ابتسم و قال : ما اقصد شي اقصد يعني شنو شغلج الحين
مزون بهدوء : راح اروح الى الاستاذ جسوف باخذ اوراق الى عمي ابو جوانا

طارق وقف عند الغرفة و ضربها
مزون فهمت ان الطلب الى الاستاذ
: تفضل
طارق فتح الباب و قال : تفضلي
مزون دخلت
تقدمت قليل لقت جسوف جالس على الكنب و بيده مجموعة من الاوراق و على الطاولة ملف
مزون : لو سمحت استاذ ارسلني ابو جوانا ارسل له الاوراق
جسوف و هو مشغول بالاوراق : انتظري ثواني بس
تقدم طارق
طارق : تفضل استاذ
و نزل كوب القهوة على الطاولة
جسوف طالع طارق و ابتسم : مشكور
ابتسم طارق : اي خدمة ثانية
جسوف : يعطيك العافية
طارق يطالع مزون و هي واقفة على جنب
ابتسم جسوف و هو يشوف اللي بعيون طارق
جسوف بابتسامة : احمم
طارق طالع جسوف و انحرج
طارق : عفوا بالاذن و لف و طلع
جسوف و هو يطالع بالاوراق : شنو اسمج ؟
مزون بهدوء : مزون
جسوف و عينه بالملف : كم عمرج مزون ؟
مزون بخجل : 17
جسوف رفع راسه و طالعها و رجع نظره الى الاوراق
جسوف : مو كأنج صغيرة
مزون انحرجت و ما عرفت ترد
مزون : هو انا احم ابوي معاي بالفندق
جسوف رفع راسه لها و عقد حاجبه
مزون : احم ابوي ابو مزون بالمغسلة
ابتسم جسوف : اهااا اتفضلي
و مد لها الاوراق
مزون اخذتهم
مزون : بالاذن
و طلعت



.~.~.~.~.~.~.~.~.~.~.~.



على الطاولة المتوسطة
جسوف بالكرسي الاول
على يساره بعض الضيوف
و على يمينه البعض الثاني
لياج بنفس مجبورة و خاطر مكسور و تحت تعليمات مدير المطبخ
دخلت و وراها طارق بعربة من الاطباق
وسط كلام الضيوف مع جسوف
لياج بكل ثقة و هدوء انثوي تمشي
وقف طارق عند بداية الضيوف
وقفت جنبه لياج و بدأت تنزل الاطباق بتنوعها بترتيب حاول ابو جوانا يوصيها عليه
و بين الكلام و النقاش
جسوف كانت عينه على لياج الذابلة
او بالاحرى لاحظ عينها الذابلة
مع ملاحظته لابتسامتها الصغيرة لكل شخص يرد عليها بالشكر
و ما عجبه نظرات بعض الموجودين
لياج لما وصلت لجهته
حاولت قدر الامكان ما تناظر وجهه
نزلت الاطباق قدامه و بسبب تقربها من حافة الطاولة قدرت تلاحظ عطره
مثل ما هو قدر يلاحظ عطرها و زاد قهره اكثر



دخلت لياج مع طارق المطبخ
راسيل تتطالع لياج : اشلون جوهم
لياج مبتسمة : عادي يبين عليهم الرسيمة يمكن رجال اعمال
طارق : يبين عليهم من كبار الشخصيات
و مزون جالسة على الطاولة بهدوء لياج طالعت نادر
لياج بمزح : من زعل مزون الحلوة
مزون ابتسمت ابتسامة صغيرة
نادر : ههههههههه محد زعلها
لياج و راسيل تقدموا لمزون و بدأو بالسوالف
راسيل : اشفيج هادئة عنا و ما تكلمينا من بداية اليوم
لياج : ايوة و ما شفناج اصلا
مزون بابتسامة : عادي و مو هادئة
راسيل تقاطعها : إلا قولي وش فيج من ضايقج امسح فيه الارض
لياج : هههههههه متجهزة للضرب
مزون طالعت طارق نظره سريعة و نزلت راسها
طارق ابتسم و هو فاهم انها تغيرت اليوم من بعد ما اعترف لها بحبه
نادر : راسيل طلب بالجلسات رقم الطاولة 000
راسيل راحت توصل الطلب و هي تمشي شافت سرمد صاعد الدرج و ما انتبه لها
كملت طريقها بضيق ..




.~.~.~.~.~.~.~.~.~.~.~.




بعد الاجتماع


جسوف طلع مقهور قهر مو طبيعي
صعد غرفته و رفع جواله يتصل

مدير المطبخ راح المطبخ قال انه يبي لياج تراجع معاه بعض الاوراق
و وصى الجميع يقومون بشغلهم
طلعت معاه صعد الدرج و هي وراه
استغربت لما وقف قدام غرفة جسوف
و قال : يلا دخلي خلصي و روحي كملي شغلج و انا رايح اكمل شغلي
خافت خوف شديد و ما قدرت تتكلم
حطت يدها على الباب و فتحته
راح مدير المطبخ

جسوف لما حس انها على الباب و فتحته راح للباب فتحه بقوة
سحبها من يدها دخلها و قفل الباب
دخلت بخوف و قلبها يضرب بقوة
لف جسوف بقهر واضح
كان لابس لبس البذلة الرسيمة البنطلون الاسود مع القميص الابيض و خالع الجاكت
كان فاتح اول 3 ازرار و حاني الاكمام قليل مع ساعته بالجلد الاسود
لياج بخوف واضح و رجفة مستمرة
و بضعف : وش تبي مني الله يخليك لا تلمسني
جسوف بقهر : داخلة على الرجال عطرج مالي المكان ( رغم انها مو متعطرة بكثرة و لانها كانت تنزل الاطباق جنبه هذا ساعد انه يشم عطرها )
يتكلم و هو يتقدم لها
لياج واقفة و مو قادرة تتحرك من الخوف و تحس قلبها طايح من بين ضلوعها
هو يتقدم اكثر و يطالعها صار قريب منها
جسوف بحدة و شدة : مو قايل تسكري القميص
لياج بدون شعور حطت يدها على ياقتها بشدة و بدأ انفها يحمر و عينها تلمع
جسوف بقهر و هو يقرب وجهه من وجهها : انتي ما تفهمي و لا تحبي تعاندي
لياج بضعف و ارتباك و صوت مبحوح : بعد عني , اتركني انت ما لك دخل فيني فاهم ما لك دخل فيني
جسوف انقهر زيادة على كلمة ( اتركني و ما لك دخل فيني )
إلا انه حاول يهدأ
جسوف بقهر : سمعيني زين لا تقهريني تخليني ...
قاطعته بصراخ : بعد اتركني لا تدخل بحياتي
جسوف ركز بعينها اكثر و المسافة قريبة بينهم
و بقهر اكثر من قبل و صاك على اسنانه : اذا رجعتي عدتي كلمة اتركني لا تدخل يصير شي ما يرضيج
و بهمس : انتي لي انا و مو لغيري فاهمة ..
لياج بقهر و ارتباك و خوف و عينها على الارض : لا تتدخل فيني اتركني
جسوف ما حس بنفسه
و ضربات قلبه تزيد و احساسيه تتحرك
تقرب اكثر مسك وجهها بيدينه الثنتين
انتفضت بعنف و قبل ما تتحرك
نزل راسه
طبعت شفاته على شفاتها بهدوء
و هو مغمض
حاولت تبعد و تقاومه بشدة
وصل لسمعه دقات قلبها وسط صدره
و يدينها على صدره تدفه إلا انه ما تحرك و مصر
نزلت يد من يدينه تملك خصرها و شدها لصدره
و يده الثانية ماسك خدها و اصابع يده تخلل شعرها
و هي تتحرك بعنف و شراسه و قوة
طَول وسط تحركها العنيف و القوي
انقطعت انفاسها وسط انفاسه
لما اروى غليله و اطفئ ناره
رفع راسه
ما استوعبت افلاتها منه و بسرعة تذهل تحركت من بين يدينه و طلعت من غرفته



بسرعة دخلت دورة المياه
و هي تصيح
و قلبها يضرب بضربات مسموعة بالنسبة لها
دموعها زادت على خدها بضعف و قهر مر
حست بالانهزام
و القهر و الضعف
و الكراهية
جلست ببكاء و هي تمسح شفاتها بقهر
حطت يدها على عنقها تمنع شقاتها القوية
و تدعي عليه بقلب محروق مقهور
و بعد فترة حست بنفسها تهدي شوي شوي
كرهت نفسها منه و من تصرفه
حست بالاشمئزاز من نفسها
غسلت وجهها تنشفت و حاولت تهدي نفسها و صوتها من شهقاتها
و وعدت نفسها تترك المكان و ما تدوام بس يمر اليوم على خير




.~.~.~.~.~.~.~.~.~.~.~.



مزون مع طارق راح يوصلون القهوة الى الضيوف
مزون باللبس الموحد و شعرها طويل اسود مخلية غرة على جنب و كم خصلة على جانب كتفيها و مخلية الباقي ورى بنعومه
و هم يمشون
طارق بيده الصينية و بهمس : تنزلي القهوة و بس و ما تتطالعي فيهم
مزون سكتت و داخلها قهر خفيف
طارق بهمس : و لا حتى ابتسامة
مزون انقهرت وقفت و طالعته
طارق ابتسم
مزون بصوت ناعم : انت و بعدين معاك
طارق مبتسم : اكيد ما اقصد شي
مزون بهدوء : تعرف اشلون روح نزل القهوة بروحك
طارق خفف من ابتسامته : خلاص خلاص اسكت
مشت و هو معاها
وسط نقاشهم الخفيف و كلامهم
مزون نزلت القهوة قدام كل واحد منهم و طارق معاها
إلا ان مزون و هي تنزل الطلب رتبت ياقة قميصها رغم انها مرتبة
استغرب طارق و هو للمرة الثانية يلاحظها ..





بالمطبخ


لياج : راسيل اعقلي انتي وش سويتي
راسيل بضيق : يا لياج انا وش سويت هو اللي خرب حياتنا
لياج بقهر : انتي بتجلطيني بذمتج الحين خلج معاي
في ولد و مو اي ولد سرمد شاب عاقل كبير فاهم
راح يعامل امه بهالطريقة بدون سبب ؟
بدي اي مشاكل بدون اي دواعي ؟!
بالله عليج راسيل فكري شوي
مو معقولة اساسا
راسيل : اشلون بعرفه و كل اللي قضيته معاه شهرين و بحدود اشلون بعرف كل شي عنه , و بعدين شنو هذي مشاكل و اسباب حتى لو في مشاكل بينهم بس مو الى هذي الدرجة يوصل تعاملهم هذي امه جنته و ناره
لياج : اشلون راح تعرفين كل شي عنه مثل هالخصوصيات بظرف شهرين تصرفج كان سريع و سلبي قعدي معاه تناقشوا افهمي منه السالفة خليه يكلمج يفهمج حياته مو تتخلي عنه و تتركيه كبري عقلج اذا هو متضرر من جهة امه يعني ما كو ملجأ له إلا انتي بدال ما تفهميه و تراعيه و تحاولي اساسا تعرفي شنو اساس المشكلة تتركيه
راسيل بضيق : اخذت القرار و خلاص و هذا هو الحل هذي امه ما راعها و دار باله عليها انا بيكون فيه خير لي ..
لياج : انصحج تفكرين شوي دامه موجود قريب منج
و راحت اخذت الطلبين لقت واحد منهم لرقم غرقة سرمد
لياج و هي ماسكة الصينية الاولى : راسيل اخذي هالطلب معاي يلاا
راسيل بضيق : هاتي و اخذت الصينية و طالعت الرقم ( ما لاحظت ان هالرقم هو رقم غرفته لانها نست الرقم من اول مرة )
لياج ابتسمت انها ما لاحظت و قررت تبتعد بسرعة علشان ما تنتبه و تخليها تبدل معاها


راسيل و هي تفكر و بالها مشغول ضربت باب الغرفة
سرمد : تفضل
راسيل دخلت و هي سرحانة
سرمد واقف على جهة قدام الطاولة و يحرك بعض الاوراق بالملف لابس جينز اسود و تيشرت باللون الابيض بالوسط كتابات باللون الاسود
نزلت الطلب على الطاولة
و هي تنزله
سرمد انتبه هي اللي جابت الطلب
تحرك و وقف وراها
ارتفعت راسيل و لفت شافته قدامها من قريب
ما قدرت تتحرك و هو يطالعها و نزلت نظرها لصدره بتوتر
سرمد بأحساس : اذا كنا بنفترق حبيت يكون آخر شي بينا ذكرى طيبة
راسيل طالعته سرمد تقرب و طبع قبلة على جبينها بهدوء و هو يقول
: ربي يسعدج طول ايامج
راسيل ابتعدت ببطئ و طلعت من الغرفة



.~.~.~.~.~.~.~.~.~.~.~.



بالحديقة

لياج و هي تنزل الطلب على طاولة من الطاولات
و جسوف يناظرها
كانت تبتسم بنعومه
و شعرها يتحرك من الهواء
كملت و مشت
طلع قدامها احد الشباب
ابتعدت بلباقة و كملت مشي
و جسوف مبتسم

بالمطبخ

طارق مع مزون
طارق : طيب اوقفي معاي و انا اتكلم
مزون : انت شفيك احرجتني قدام خالتي ام لياج الحين انا اساعدها تقوم تجي تقول ابي مزون اشلون هذي ؟!
طارق مبتسم و بهمس : انا شفيني !؟ اللي فيني حبج
مزون انحرجت و مشت عنه
مشى وراها طلعت من المطبخ للمخزن
فتحت باب المخزن و شافته وراها
طارق : نتفاهم اول شي و بعدها يصير خير
مزون : ابي اوصل الخضروات لام لياج لا تاخرني ( و لفت و هي تشوف اللي تبيه ام لياج )
طارق بهدوء : طيب انتي اول قولي لي
و مسكها من ذراعها و لفها له بهدوء
لفت معاه و طالعته باستغراب
انتبه لنفسه انه مسكها و نزل يده
طارق : طيب انا آسف بس شي و ردي علي فيه , قلت لج احبج ما رديتي علي ما رفضتي و لا رديتي بشي يوحي بالايجاب انتي حاسة بشي اتجاهي
نزلت راسها
طارق بهمس : يعني لي شي بقلبج
مزون : طارق لو سمحت ...
طارق يقاطعها : خليني افهمج و تفهميني لا تحطين ببالج اني احبج و بس لا راح اتقدم لج حتى لو و انا اكمل السنة الرابعة المهم خليني اعرف على الاقل بقبول
مزون منحرجة و مو عارفة ترد
طارق : عارف اني احرجتج و فاجأتج اكثر من مرة بس انا شاب مستقيم احبج يعني اتقدم لج يعني نتملك بشرع الله ما بنيتي اماطل معاج و اوعدج وعود متاخر اكتمالها
مزون لفت من الحياء و بصوت ناعم : لو سمحت خلني بروحي اقوم بشغلي و اخذت سلة كوسا
طارق : انتي ليش مني مصدقتني انتي تفتكري بستغل الوضع بوجودنا بمثل الشغل و بتصرف تصرفات مراهقين و خرابيط اكيد لا و اوعدج ما يصدر مني اي ازعاج لج و لا حتى بنظرة لين تتم الملكة بينا بس افهم انج على الاقل على الاقل مرتاحة مني
مزون بحيا و خجل : اتركني و ما اقدر ارد عليك و لفت و طلعت
ابتسم طارق و عزم يكلم ابوها ...



دخلت مزون مع دخول لياج
ام لياج : لياااج تعالي بنتي
لياج باحترام : ان شاء الله يمه
و راحت جنبها
لياج : آمريني يا الغالية
ام لياج بابتسامة و هي تقطع الخضروات : يا يمه روحي لمدير المطبخ و قولي له امي تبيك بموضوع ضروري
لياج باستغراب : شنو يمه ليش تبينه
ام لياج : الحين انتي روحي شوفيه و رجعي لي و اساليه يكلمني على هاتف المطبخ و لا يجي هني
لياج بهدوء : ان شاء الله يمه تآمرين
طلعت لياج راحت لغرفة مكتبه ضربت الباب محد جاوبها
حاولت تفتح الباب لقته مقفل
نزلت تحت ما لقته بالجلسات طلعت الحديقة و هي تلتفت عليه


جسوف لفتت انتباهه و تم يطالعها و هو يتكلم مع مدير المطبخ
شافته و اتوترت بقهر لما شافته مع جسوف و ترددت تروح له او لا إلا انها اضطرت تتقدم لطاولتهم
لياج بهدوء و صوت متوتر قليل : لو سمحت ابو نايف
مدير المطبخ ابو نايف : نعم يبه بنتي
و جسوف يطالعها بتمعن و بنظرة
لياج بتوتر : امـ احم امي ا اقصد ام لياج تبيك بموضوع ضروري
جسوف لاحظ توترها و ابتسم و استبعد انها قالت الى اي شخص
ابو نايف : ان شاء الله بنتي ما قالت لج السبب ؟
لياج و صوتها مرتبك من نظرات جسوف : هي احم لا ما قالت بس تسألك اذا راح تكلمها بهاتف المطبخ او ...
ابو نايف قاطعها : ان شالله بنتي الحين اجيكم
لياج : احم بالاذن
و راحت بتوتر و قهر
ابو نايف : ما راح تجي معاي إلى المخزن استاذ جسوف منها تشوف التجديد الجديد لديكور المخزن و تكييفه



بالمطبخ


لياج واقفة جنب امها تحاول تعرف شنو الموضوع
و راسيل واقفة تنتظر الطلب و ملامحها ضايقة
نادر يستلم اوراق الطلبات و يمرر الصواني
طارق رجع و شاف مزون واقفة جنب ابو جوانا تساعده

ابو نايف : السلام عليكم
الجميع : و عليكم السلام
جسوف بابتسامة و ببحته المعتادة : السلااام عليكم و يعطيكم العافية
الجميع ما عدا لياج : و عليكم السلام , الله يعافيك , الله يسلمك , حياك الله
لياج توترت من حضوره و من صوته
جسوف باحترام و اهتمام : كملوا شغلكم و و الاهم اجلسوا ( و يطالع اكبرهم سنا اللي بعمر امه و ابوه) تراكم بمقام الوالد و الوالدة
لياج بنفسها " الله لا يسلمك يا عديم التربية يا عديم الدين الله ياخذك و يعذبك مسوي فيها احترام و تواضع يا مال الماحي يمحي شكلك "
ردوا عليه باحترام متبادل و كملوا شغلهم ابو نايف تقرب من ام لياج و معاه جسوف
لياج تقربت من امها اكثر بتوتر
لاحظ جسوف حركتها و هو مبتسم
ابو نايف بصوت هادئ و خفيف فقط لام لياج :آمريني يا ام لياج
ام لياج باحترام : ما يآمر عليك ظالم ان شاء الله تسلم بس انا مشغولة باجر و الى الامانة عندي طلب كبير لعزيمة و مطلوبة للطبخ استأذنك بعدم الحضور انا و بنتي
جسوف تضايق بسبب لياج ما راح تحضر
لياج رفعت راسها لجسوف و هي تتطالعه بقهر و نظرة كراهية
هو ابتسم اكثر و هو يشوف نظرتها
ابو نايف : الله يعطيج العافية يا اختي انا راح انسق غيابج و غياب البنت مع الموجودين و ان شاء الله ينسد غيابج بس الامر راجع للاستاذ جسوف اذا كان يسمح
جسوف باحترام و لباقة : و الله ام لياج تآمر و ما تنرد اخذي الاجازة اللي تبين و معفية من اليوم اللي بعده لو بغيتي بسبب التعب المتواصل , ما فيني اردج يمه
لياج انقهرت و بين على ملامحها بسبب كلمته (يمه)
ام لياج باحراج : مشكور الله يعطيك العافية و يخليك ما تقصر تسلم
جسوف بابتسامة : الله يعافيج و بلاه الشكر يكفيني دعواتج
و طالع لياج
ام لياج : الله يرزقك من عالي سماه و يخليك لغاليك و ينولك مرادك و امانيك
جسوف بنفسه " و اللي يسلمج كثري من الاخيرة "
لياج بنفسها " يا رب ما تقبل له دعوة , المهم بفتك من وجهه "
طارق كل شوي يطالع مزون مع ابو جوانا و يرجع يغير نظره عنها
و جسوف لاحظ هالشي
و بدأ بالكلام مع ابو نايف و ابو جوانا عن بعض الافران و الكلام الخاص بالفرن اذا كان يحتاج اي شي من التغيير
نادر اشر للياج تجي تاخذ الطلب
لياج تحركت بهدوء لجهة نادر
و جسوف لاحظها
تقربت من نادر و راسيل
نادر : بالجلسات طاولة رقم 000
لياج اخذت الطلب و طالعت راسيل الحزينة
نادر : شوفيها جابت الطلب و ظلت بهالحالة ما ترد علي
راسيل بهدوء : ما لي خلق احد و رجاءا ابي باندول
نادر بابتسامة : طيب لا تكفخينا
راسيل تبتسم : ناادر و ربي ما لي خلقك
لياج بهمس : اوصل الطلب و ارجع اتكلم معاج
و لفت بتمشي
ابو نايف و جسوف يمشون للباب وراها
وقفت باحترام تنتظرهم يمشون
جسوف وقف
جسوف بهدوء : تفضلي
لياج : احمم لا اتفضلو " لا تفتكر لك , تراها علشان احترام ابو نايف مو اكثر "
جسوف بتصميم : تفضلي بالاول
لياج باستسلام مشت قدامهم و هم وراها
ابو نايف دخل المخزن بعد ما قال له جسوف يشوف كل شي بنفسه هو حاليا مشغول و وصاه يصرف اكرامية للجميع ضعفي الراتب
و ظل جسوف وراها بنيته يصعد الدرج

انتهى الجزء الرابع
لي عدودة قريبا
هذيان صمت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 24-12-2011, 12:15 AM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


ان شاء الله اذا الله كتب لنا
راح احاول انزل الجزء الخامس قبل 3 الايام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 24-12-2011, 12:16 AM
صورة هذيان صمت الرمزية
هذيان صمت هذيان صمت غير متصل
©؛°¨غرامي متألق ¨°؛©
 
الافتراضي رد: حالة عشق / بقلمي


اقتباس:
المشاركة الأساسية كتبها عزتي فوق الخيال مشاهدة المشاركة
والله ادري ياااروحي ‏

بسس حمااااس واسستنى البااارت بفااارق الصببرر ‏

ياالله استنيناا ثلاث اياام نستناا دقااايق ‏


فديتك ‏

كلك حمااس ‏

وكبرري الخط ياااقلبي
اشكرج عمري
فديت حضورج يا روعة
ان شاء الله اذا نزل البارت الخامس قبل 3 الايام راح يكون عشانج بس
دمتي بحب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 24-12-2011, 01:06 AM
صورة عزتي فوق الخيال الرمزية
عزتي فوق الخيال عزتي فوق الخيال غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


آآآآبوووك يالحماااس ‏

ياالله ننتظرك ان شاااء الله قبل مرور ثلاث اياام يعني راح تنزلي قبل يووم الاثنين فديتك والله

البااارت حده حمااسي

وانتظري وشو راااح يصير بين جسووف ولياج ‏

حممااااسسس ‏

ننتظرك ياااقلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 24-12-2011, 01:19 AM
صورة لحظات العشق الرمزية
لحظات العشق لحظات العشق غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


السلام عليكم
ابدعتي حممماااااس يا روعة
واااوو شي رهيييب


لياج تفكر انها تترك الشغل اعتقد هالشي ما راح يصير
و اذا صار جسوف راح يدخل بأي طريقة يرجعها

جسوف حس بحب طارق الى مزون
بس له دور بينهم او لا !
نشوف بالبارتات الجاية

بالاجتماع :
قهر جسوف من نظرات الضيوف ؟!
يا اخي و انت او لك قصة ثانية هذا شي ثاني و هذا المتوقع

تصرق مدير المطبخ يحير
ينادي لياج علشان شغله و تتفاجأ انه يوصلها الى غرفة جسوف
اشلووووون ؟؟!

تصرف جسوف اشلوووون ؟!
اشلون يسمح لنفسه او في شي احنا موب فاهمينه
بس قهره من العطر و زر القميص و تهديده
يبين في شي غامض هذا دليل انه في شي يربط جسوف بلياج
و تهديده لها ان ما تكرر (اركني و ما لك دخل فيني )
قهره و هو يدري ان الكلمتين تقهره هذا يدل على علاقته فيها
خصوصا بعد كلمته انها له مو لغيره
ما برتااااااااح إلا اذا عرفنا
لا لا و الله يعافيج لا تتطولين
نبي قبل 3 الايام
و ربي حمااااس
بس موقفهم الاخير بالمطبخ
اعتقد له تكملة بالبارت الخامس
و يمكن تكلمة قويه حماااسية

مزون مع حركتها اللي لاحظها طارق مرتين
يمكن عندها مشكلة او مثلا تعرضت لشي قبل
إلا ان موقفه معاها و كلامه يدل على وعيه و اخلاقه


اما راسيل كلام لياج صحيح
يمكن عنده اسباب و دواعي
بس امممم و لو حتى لو اسباب و مشاكل هذي امه
يمكن في شي مفقود
خصوصا ان ردة فعل سرمد من قبل كانت غامضة و ما وضح اي شي
بس ما اعتقد ان راح ينفصلون يمكن سرمد يحاول معاها


بارت مليان حماس و غموض
ابدعتي و قدمتي شي مميز
بانتظارج مع المتابعة
( في امكانية لتطويل البارت ) اذا تقدري لا تبخلي على متابعينج



آخر من قام بالتعديل لحظات العشق; بتاريخ 24-12-2011 الساعة 02:46 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 24-12-2011, 06:31 PM
صورة خارج التغطية - الرمزية
خارج التغطية - خارج التغطية - غير متصل
©؛°¨غرامي جديد¨°؛©
 
الافتراضي رد: حالة عشق / بقلمي


السلام عليكم و رحمه الله و بركاته
اهلين اختي
هذيان صمت
لي عودة بعد قليل



آخر من قام بالتعديل خارج التغطية -; بتاريخ 24-12-2011 الساعة 06:48 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 24-12-2011, 06:39 PM
صورة خارج التغطية - الرمزية
خارج التغطية - خارج التغطية - غير متصل
©؛°¨غرامي جديد¨°؛©
 
الافتراضي رد: حالة عشق / بقلمي


تحية الى اختي هذيان صمت
اتشرف بالحضور بمتصفحج الروعة
راح اكون ان شاء الله من متابعينج الدائمين لهذي الرواية
رواية ابداع بشكل
فكرة جديدة و اسلوب حلو و سلس
غموض يغلف شخصية جسوف و علاقته بلياج
ظهرت لنا شخصية راسيل مع سرمد و طارق مع مزون
استمتعنا بحضورهم مثل ما تحمسنا لحضور جسوف و لياج
حماس دائم بكل جزء
اهنيج على الرواية
و اشجعج على الاكمال و التواصل
بما ان وصلنا للجزء 4 خلينا نحلل و نعقب


(( و لياج فكرها مشغول تحس الوقت بطيئ اليوم
تبي الوقت يمر بسرعة علشان ترجع البيت و تكلم امها و نادر بخصوص اما تركها للشغل نهائي
او انها تشتغل بمكان ثاني و هي تعرف صعوبة الكلام مع نادر بهذا الخصوص ))


ممكن لياج تفتح موضوع تركها للشغل مع امها او نادر اظن راح تحصل صعوبة بأقناعهم
و الاكثر من هذا لو اقتنعوا جسوف بشخصيته و اهتمامه الكبير بلياج راح يحاول يقطع هالشي من بالها
و يرجعها للفندق هذا لو طلعت منه


(( طارق يطالع مزون و هي واقفة على جنب
ابتسم جسوف و هو يشوف اللي بعيون طارق
جسوف بابتسامة : احمم
طارق طالع جسوف و انحرج
طارق : عفوا بالاذن و لف و طلع
جسوف و هو يطالع بالاوراق : شنو اسمج ؟
مزون بهدوء : مزون
جسوف و عينه بالملف : كم عمرج مزون ؟
مزون بخجل : 17
جسوف رفع راسه و طالعها و رجع نظره الى الاوراق
جسوف : مو كأنج صغيرة ))


جسوف اكتشف حب طارق لمزون من عيونه لانه عاشق و العاشق يفهم نظرة العاشق اللي مثله
و بعد اكتشافه اظن اهتم بمزون و سألها عن اسمها , عمرها , و استغرب سنها ؟
ليش هذا الاهتمام ؟ هل راح نشوف تدخل جسوف في حب طارق لمزون ؟


(( لياج بنفس مجبورة و خاطر مكسور و تحت تعليمات مدير المطبخ))
(( جسوف كانت عينه على لياج الذابلة
او بالاحرى لاحظ عينها الذابلة ))
(( و ما عجبه نظرات بعض الموجودين
لياج لما وصلت لجهته
حاولت قدر الامكان ما تناظر وجهه
نزلت الاطباق قدامه و بسبب تقربها من حافة الطاولة قدرت تلاحظ عطره
مثل ما هو قدر يلاحظ عطرها و زاد قهره اكثر))


حال لياج لما دخلت عليهم الاجتماع حال مجبرة عليه من قلب و هذا اكره شي لما تجبر على شي انت ما تبيه إلا انك تضطر تسويه و ظهر عليها نتيجة تعامله لها آخر موقف لهم قبل الاجتماع
جسوف هالوسيم ما عجبه نظرات الموجودين ؟ طيب و انت تتقرب منها و تلمسها و تروعها و تخوفها ؟
علاقته بلياج و بداية تدخله بحياتها غموض x غموض هالجسوف له شي عند لياج و اكيد رابط قوي يستدعي افعاله الغير منطقية ..
انقهر لمجرد نظرات اشخاص الى لياج و زاد و تراكم هالقهر من شم عطرها ؟
هذا عنده داهية و مو راضي يعترف
هذا مو مجرد عاشق و السلام
له علاقة تربطه فيها و قوية بعد


(( جسوف طلع مقهور قهر مو طبيعي
صعد غرفته و رفع جواله يتصل

مدير المطبخ راح المطبخ قال انه يبي لياج تراجع معاه بعض الاوراق
و وصى الجميع يقومون بشغلهم
طلعت معاه صعد الدرج و هي وراه
استغربت لما وقف قدام غرفة جسوف
و قال : يلا دخلي خلصي و روحي كملي شغلج و انا رايح اكمل شغلي
خافت خوف شديد و ما قدرت تتكلم
حطت يدها على الباب و فتحته
راح مدير المطبخ ))


جسوف اظنه اتصل الى مدير المطبخ و خبره يرسل له لياج
لكن المدير استعذر مثل ما نقول الى لياج انه يبيها تراجع معاه اوراق
و صدمها لما وصلها الى غرفة الوسيم و امرها تدخل ؟؟!!
المدير له يد بالموضوع مو مجرد مدير و ينفذ تعليمات رئيسه
اذا ما خاب الظن عندي ان جسوف زوج لياج بدون علمها و المدير يدري
و الله اشلون يأمرها تدخل غرفة جسوف بهذا البرود و على هذي الشكلية
او مثلا اذا ما كان زوجها و متفق معاه المدير هذا شي ثاني يوضح لنا دنائة جسوف و المدير


(( موقف جسوف مع لياج بعد دخولها ))

انقهر بغيرة واضحة من دخولها المكان و عطرها داخل معاها ؟! الغيرة واضحة و القهر واضح
لكن هل هو مجرد غيرة و قهر لانه مهتم فيها و يحبها و لا تربطه فيها علاقة قوية ؟!


( سمعيني زين لا تقهريني تخليني )
هالجملة توقفت عندها لحظات .. يتكلم بثقة تامة انها منه و فيه

( جسوف انقهر زيادة على كلمة ( اتركني و ما لك دخل فيني )و بقهر اكثر من قبل و صاك على اسنانه : اذا رجعتي عدتي كلمة اتركني لا تدخل يصير شي ما يرضيج
و بهمس : انتي لي انا و مو لغيري فاهمة )


و هالجملة تقريبا طيرت عقلي .. قهره الصريح و الكبير جدا جدا من كلمتها يتركها و ما يتدخل فيها استفزت عقله و ضربت فيه عرق العصبية هذا دليل على ارتباطه فيها و يكره انها تنفصل عنه حتى لو بالكلام .. و هي له و مو لغيره رجعنا لثقته التامة
إلا ان لياج عادت الكلمتين و شافت نتيجتهم
ردة فعله المفاجئة , العصبية , إلا انها محبة .. كان رد على كلمتينها قابلها بالكلمتين بهالرد
شي من الاثنين : يا انه زوجها او متفق مع ابوها المجهول بزواجه منها
او
انه انسان دنيئ و ما عنده دين يتقرب من البنت بهالشكل هالوسيم


(( إلا ان مزون و هي تنزل الطلب رتبت ياقة قميصها رغم انها مرتبة
استغرب طارق و هو للمرة الثانية يلاحظها .. ))


طارق مع مزون شخصيتين خفيفتين
طارق السريع باعترافه بحبه الغيور و الملاحظ الذكي
مزون الناعمة الخجولة إلا ان وراها سر بسبب حركتها اللي تكررت مرتين امام طارق
اعتقد طارق راح يسألها عن حركتها الدائمة اذا مو هالفترة بعد فترة مستحيل تفوته حركتها الواضحة المتكررة اظن في شي في سر عندها و الاغلب هالسر من جهة امها بما انها تعيش مع ابوها و اذا ما كان من جهة امها فالاكيد هالشي تعرضت له في بيت ابوها .. هذا على افتراض انها تعرضت لشي كبير يخليها تترف هالحركة ..
اما كلامه معاها بالمخزن دليل تفكيره الواعي و الاخلاقي

(( حديث لياج مع راسيل بخصوص سرمد ))

ظهرت لياج بالعقلانية اكثر من صديقتها القوية
و بالفعل في شي ناقص بخصوص علاقة سرمد بأمه
راسيل من وين عرفت انه سرمد يعامل امه بهالطريقة ؟
يعني هي شافت هالي قدامها و بحضورها
او سمعت بس
لان سرمد ما وضح هالشي نهائيا خصوصا ان لو في مشاكل بينهم من المفروض ما يتبع هالاسلوب مع امه
ما اظن انهم راح ينفصلون هالفترة لاني اتمنى نشوف مواقف قوية بينهم


(( بالمطبخ ))

تعامل جسوف مع الموظفين بالمطبخ تعامل جدا راقي و اخلاقي
و هالشي يحسب له يعني ما اعتقد انه انسان دنيئ راح يتقرب من بنت بهالشكل بدون رابط بينهم
اما اذا كان تعامله مجرد تمثيل و لو ( ان ما توضح لنا هالشي ) فهذا انسان ما عنده اخلاق بالمرة و ما طالته التربية
خروج جسوف ورا لياج و هي ترسل الطلب اعتقد له تكملة و ما راح يمر مرور الكرام


رواية حلوة حماسية فيها ابداع و غموض
راح اتعابع معاج الى الاخير
مع تحياتي و تمنياتي لج بالتوفيق



آخر من قام بالتعديل خارج التغطية -; بتاريخ 24-12-2011 الساعة 06:48 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 24-12-2011, 06:58 PM
صورة التفكير الحيران الرمزية
التفكير الحيران التفكير الحيران غير متصل
©؛°¨غرامي مشارك¨°؛©
 
الافتراضي رد: حالة عشق / بقلمي


هلللللاااااا
هذياااان
ابداااع الجزء خططييير
روعة
شنووو هذا جسوف وقف قلوبنا
ذبحناا
يا انه خطير اشلون يتصرف مع لياج كذا
و بعد راسيل تصرفها يقهر صحيح كلام لياج تجلس معاه مو تتركه
طروووق سريع ما عنده وقت
الصراحة حمممااس بنمووت و نعرف التكملة
بانتظارك يا احلى هذيان


الرد باقتباس
إضافة رد
الإشارات المرجعية

حالة عشق / بقلمي ، كاملة

الوسوم
بقلمي , حالة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6811 28-11-2017 09:13 PM
عذبتني بأسباب فرقاك / بقلمي ، كاملة اميرة القصر العالي روايات كامله - يتم نقل الرواية هنا بعد اكتمالها 301 19-01-2017 05:04 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 04:27 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1