غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-01-2012, 01:24 PM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
Upload004d4df318 بس تكفيني كلمة أحبك / بقلمي , كاملة


طبعا هاذي اول رواية انزلها و ان شا لله راح انزلها بارتات و على فكرة ترى اهييه فكره الوالده و و تأليفي و لازم في البداية اعرفكم على شخصيات الرواية :
• نورة : (ام خالد) سيدة ثرية و طيبه القلب و عيالها اهم شي بحياتها
• علي (بو خالد): رجل دوبلماسي حياته كلها بالشغل و جاد وايد و يحب زوجته و ما يرفض لها طلب.
• خالد: الابن الكبر و ماله حضووور وايد بالروايه لانه مهاجر الى امريكا و متزوج من امريكية مسلمة و عايش هناك(28 سنه)
• عبدالله :الابن الوسط يشتغل طيار طيب و حبوب و حبيب امه (23سنه)
• يوسف: اخر العنقوود دلووع و مهمل بالدراسة وايد (15سنه)
• سارة : البنت الوحيدة و اكيد دلووعه ابووها و وايد متواضعه(18 سنه)
• عاليه: صديقة نورة من ايام المدرسة لكنها فقيرة
• عايشة:بنت عالية الوحيدة و شاطررة وايد و تتمنى تصير دكتورة(18 سنه)
• شيماء:صديقة عايشة المقربة و نقدر نقوول خزينه اسرارها
• عبد العزيز:ولد اخت نوره و اهوو صديق عبدلله حيل و طيار مثله

و الحين نبلش بالبارت الاول

(عالية على فراش المرض و نورة فوووق راسها)

عاليه:نورة انت صديقتي من 25 سنة طلبتج و لا ترديني
نورة:عيووني لج حبيبتي آمري
عالية:عايشة يا نورة حطيها بعيوونج من بعد عيني انتي ..
نورة :اششش...لا تقولين جذي الله يطول بعمرج و تظلين تاج فوق راس عواشي دايما و اتشووفينها عرووسة ان شاالله
عاليه :انا ادري ان ايامي معدووده و ما ابي تغمض لي عين الا و انا متطمنة ان بنتي بأيد امينة ومافي أأمن عليها منج انتي عارفة اني اعدج حسبه اختي و لو عندي اخت ما وثقت فيها كثر ما انا واثقة فيج
نورة :لا تحاتين عالية بنتج بعيووني و اهيه حسبة بنتي سارة و الله شاهد على كلامي بسج الحين من الكلام و ارتاحي شوووي

و ما مر اسبوع الا و عاليه متو فيه و الله خذ امانتها و كان هل شي بعد الامتحانات بيوومين بكم يووم و بعد ايام العزا راحت نورة لعايشة و قالت لها
نورة : يا بنتي بسج بجيي دموووع عينج ما نشفت من توفت المرحومه و انتي على هالحال
عايشة و اهي تبجي: ما اقدر يا خالتي انتي تدرين ان مالي بهل الدنيا غير امي و اهي الحين راحت عني و خلتني بروحي
نورة :افاا عليج يا عووش ما هقيتها منج و الله و انا وين رحت
عايشة: يا خالتي بهالدنيا كل من لاهي بحياته و محمد فاضي للثاني
نورة :لا حبيبتي انا فاضية لج جوووفي انا الحين يايه آخذج معاي
عايشه:وين
نورة :بيتنا
عايشة :و ليش انا مرتاحه هني
نورة : لا يا بنتي ما يصير تقعدين برووحج بالبيت انتي وصية الغالية عالية الله يرحمها تعالي بيتنا و بحط لج دار يم دار سارة و بتقعدين معها و ب...
عايشة:لا يا خالتي انتي عندج اولاد بالبيت و انا ما اقدر اقعد معاهم ..اذا تبيني أي قعديني بالملحق
نورة :لا ما يصير
عايشة :عيل خلاص بظل ببيتنا





عايشة: لا ما يصير انتي لازم اتين معاي
عايشة:عيل بقعد بالملحق
نورة :عنيدة و راسج يابس مثل امج

و بالفعل راحت عايشة و انتقلت الى بيت او نقدر نقووول قصر نورة و كان الملحق عبارة عن دار و حمام و كانت تتفطر و تتغدى و تتعشى معاهم و لكن باليل تنام بالملحق و مرت الايام و اتخرجت عايشة و يابت مجموع عالي و درست طب على حساب الدولة بديرتها و في احد الا يام كان عبدالله راجع من احدى رحلاته و شاف عايشة من بعيد تبي تدخل الملحق فناادها عباله خدامتهم و قال: Excuse me
فألتفتت عليه عايشة و شافت ذاك الشاب الرزة بثياب الكابتن و شافت وسامته و هيبته و ما ركزت بو لا شي حتى اهوو استغرب ان في خدامه حسب ما يظن بهل الجمال و ظل الاثنين يناظروون في بعض و بعد دقيقة وعى عبد الله و قال لها : Comen Carry bag pleas
اهني عصبت عليه عايشة و قالت له:عفوا اخوووي انا مو خدامه اذا تبي بناديلك روزا تشيل ها لك
عبدالله :أي انا قلت ما في خدامه حلووه جي
عايشة: حاجيتني
عبدالله:لا لا ما نطقت
عايشة دخلت داخل نادت روزا و اطلعت و لا عبرته و دخلت الملحق
استغرب عبدالله و قال منو هاذي و شتسوووي ببيتنا و لما راح لأمه فهمته عن كل شي و قال لازم اعتذر لها و قعد يفكر و يفكر شيسووووي

المهم ثاني يوووم الصبح بطلت عايشة الباب و الا بوكيه ورد شكبره جدامها و فيه بطاقة مكتووب فيها (انا اسف جدا على الي حصل اروجوج سامحيني............عبدالله) فرحت عايشة لانها عبرها و اهتم بمشاعرها و راحت تتريق معاهم كل العادة و لما راحت ما شافت احد على الريوق فسألت الخدم و قالوولها ان الكل طلع فراحت تتريق و فجأه شافت الكرسي الي جدامها ينسحب ففكرت و قالت منو ذي؟
ذي؟شافت عبدالله لابس بيجامته و شعره مكشكش و شكله تووه قاعد من النوم بس كان للحين وسيم و قال لها بعيون ناعسة :صباح الخير
ردت عائشة:صباح النور
عبدالله:عساااج مو زعلانه
عايشة:لا انا اصلا مو زعووولة بس كلامك ....ما ادري يمكن جرحني
عبدالله :سامحيني انا ما كان قصدي انا مو عارف شلون اعتذرلج
عايشة :خلاص انا مو زعلانه ما له داعي الاعتذار كافي الباقه الي وايد حلوووه
عبدالله:ا لا هذا و لاشي انا وايد وايد آسف ا كيد انتي مو زعلانه
عايشة:يصير اقول لك شي
عبداله:تفضلي
عايشة:لا تعتذر وايد من أي شخص ترى راح يتخذها نقطة ضعف و يذلك بها .....باين عليك طيب و على نياتك ...لا تسوووي جذي مع كل الناس ترى بيذلوونك عشاان يقبلووون الاعتذار
عبدالله :اكاا انتي قبلتي يا عايشة
عايشه: موكل الناس عايشة يا عبدالله .....عن اذنك انا لازم ارووح الجامعة تأخرت
عبدالله :تبين اوصلج
عايشة:لا مشكووور السايق بيوصلني مع السلامه
عبدالله:الله يسلمج من الشر
راحت عايشة الجامعه و ظل عبدالله طووول اليوم يفكر فيها و بجمالها و بثقتها و اهي تتكلم و اتصل بعبد العزيز رفيجه و و لد خالته بنفس الوقت و التقووو بمطعم وهناك
عبد العزيز:هههههههههههههههة انا منها كلش ما اسامحك
عبدالله :عيل احسن ان مو انت
عبد العزيز:آيه عليها قلبها ابيض
عبدالله:أي شكله جي
عبدالعزبز:الا شخبار خلوووود ماكو حس عنه و
عبدالله :آخر مرة شفته قبل 4 اشهر في رحله امريكا و اهوووو دايخ و لا يتصل و لا شي
عبدالعزيز:أي وانت الصاج عبووووود ههههههههه

و الساعة 2 و نص الكل كان مجتمع عالغدا و عايشة توها داخله و تسمع صرخة خالتها نورة و اهي تقول:انت محروم من كل شي فاهم هات الاب توب و البلاكبيري و لا في طلعة و لاشي شنووو هالقلب عقب يومين عندك نهائي رياضيات كتاب شطوووله و ما دارس شي يووسف اذلف عن ويهي و الابيك طراق يلف ويهك اذلف اهووو
يووسف: يما
امه: وصمه كل سنه ايب لك مدرسين و تنجح بالدز هالسنه ماكو ادرس بروووحك كيفك حتى لو رسبت خل ابوك يتفاهم وياااك و انا بغسل ايدي منك
عايشة:هدي يا خالتي ماكو شي يستاهل اهم شي صحتج
عبدالله:أي و اهيه صاجه يما ما عليج منه خل يووولي
عايشه:ما عليه خالتي و ولا يهمج انا بدرسة هاليومين لا تحاتين
الخاله نوره : و امتحاناتج
عايشه:لا تحاتيني خالتي انا بدبر نفسي ان شالله عقب صلاه العصر اروح له و اكلمه يوسف ذكي و يقدر اييب احسن الدرجات
و راحت و درسته ليما الساعة 12 باليل و بعدين طلعت و قالت بتكمل دراسه لان اهي بعد عندها امتحانات و ما كملت شي و اهي تدخل تبي تفتح الليت(المصباح) ما يشتغل و راحت تنادي راجوو راجووووو ..........عاد راجووو بسابع نووومه وين يعطيها وجه راحت قعدت بالحديقة تدرس و بعد شوووي سمعت صوووت حركة في الحديقه خافت و خذت واحد من كتبها الي شمتنهم و راحت و طقت واحد بالكتاب على كتفه جاان يلف وجهه ويقووول: ااااي العن ابووو...........عايشة
عايشه قعدت تبلع بريجها و ما قدرت تتكلم و شووووي قعدت تبجي
عبدالله:شفيج ليش تبجييين انا عبدالله .........انتي خايفه
و ظلت تبجي و ماعرف شيسوي .مسكها من ا يدها و قعدهااا على الكرسي الي بالحديقة وياب لها كاس ماااااااي و قال: تفضلي شربي لا يوقف قلبج علي و ابتلش............عايشة شفييج , مد ايده و مسح دمعتها وقال :لا تخافيييين
عايشة:انت خرعتني
عبدالله:و الله ما كنت اقصد انا متعوود اتمشى بالحديقة باليل قبل ما انام
رجعت عايشة تبجي فقال لها :شفيج بعد
عايشه:انا عووورتك ........ااسفه
عبدالله:لا عادي الحين احط عليه ثلج ويصير زين
عايشه:عبدالله انا ادري انه عووورك الكتاب وايد متين ساامحني انا عباااالي حراااااامي
عبدالله:لا عادي ما تعورت (مع ان كان حده متألم بس ما بغى يخرعهااا)
عايشه:اسفة
عبدالله: لا تعتذرين وايد من أي شخص ترى راح يتخذها نقطة ضعف و يذلج بها باين عليك طيبه و على نياتك ...لا تسوووين جذي مع كل الناس ترى بيذلوونك عشاان يقبلووون الاعتذار
عايشة:هههههههههههه
عبدالله: أي ضحكي شوووووي.........الا انتي شمطلعج برا
وقالت له السالفة كلها فرااح و غير لها اليت و بعدهااا طلع غرفته و خذ حمام ساخن لان كتفه كان يعوووره حيل و بلع حبتين بندووول و طار في ساابع نووومه

يا ترى شنو راح يصير بحياه عووش بعد من احدااث و شنو رااح تكوون المفاجآآت اليايه لهاا اتمنى ان البارت الاول عجبكم و انا بأنتظار ردوودكم عشاان اكمل
و يا مرحباا بالنقد البنااء
اختكم : احـلـــى بــ نُ ــوتـہ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 10-01-2012, 01:25 PM
معزوفه جيتآآر معزوفه جيتآآر غير متصل
©؛°¨غرامي مشارك¨°؛©
 
الافتراضي رد: بقلمي: بس تكفيني كلمه احبك


صرااااااااحة فنتااااااااااااستك قريت شوي منها مرة حلوووووووووة

بالتوفيق خيتوووووووو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 10-01-2012, 02:07 PM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بقلمي: بس تكفيني كلمه احبك


اقتباس:
المشاركة الأساسية كتبها معزوفه جيتآآر مشاهدة المشاركة
صرااااااااحة فنتااااااااااااستك قريت شوي منها مرة حلوووووووووة

بالتوفيق خيتوووووووو
ثاانكس ع المروور حبيبتي
منووره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 10-01-2012, 06:56 PM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بقلمي: بس تكفيني كلمه احبك


شدعووه ما اعجبتكم يعني
لا تحبطووني من اولهاا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-01-2012, 09:27 AM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بقلمي: بس تكفيني كلمه احبك


الصبح ما كان عند عايشة محاضرات فراحت ليوسف الساعة 8 و قعدته و قالت له يدرس لان باااجر امتحااانه و ظلت تدرسه و وقت الغدا قالت للخدم يطلعووووونه فووووق و السااعه 9 باليل راحت غرفتها و بدوون ما تتعشى فنادتها خالتها:عوووشه يما ما تبين عشا
عايشة:بالعافية خالتي مو مشتهيه برووح داري
عبدالله:اذا ما يتي اتعشين انا و امي ما راح انتعشى يرضيج ننام بيووعنا و انتي السبب
عايشة:اكيد ما يرضيني
و بعد العشاا راحت الخاله دارهاا و و ظل عبدالله مع عايشة بروووحهم
عايشه:ان شالله جتفك ما يعوورك
عبدالله:لا
عايشه:لا تجذب علي انا ادرس طب و انا متأكده انه يعووورك بس احمد ربك كنت ناووية اعطيييك ايهاا براسك ههه
عبدالله:هههههههههه آي
عايشه فزت و قالت له :شفيك
عبدالله:لا بس مكان طقتج
عايشة: اا..
عبدالله:لا تكمليين عاادي ما صار شي( و قال في قلبه: الالم منج عسل على قلبي يا قلبي)
وراحت عايشة تدرس و ظلت مواصلة ليه الصبح و المفروووض انهاا تروووح مع يوسف في نفس الوقت لان امتحانها الساعه8 و راح يوسف يطق الباااب و ينادي و محد يرد الا بطلعه عبدالله من البيت قاله:شفيك شتبي من الصبح قاعد تحن و تصاارخ ازعجتنا
يوسف:ما ادري شفيهااا عايشة ما ترد من مساااعه
عبدلله بس سمع اسم عايشة ركض و كسر الباب جاااان تشهق عايشة و تصحى من من النوووم و تشوف عبدالله و كانت علامات الفزع و الخووف على وييه و قال لها :شفيييج ؟
عايشه:و لا شي بس كنت ادرس مواصلة من امس و ما شبعت نوووم و الظاهر من التعب غفت عيني
يوسف: بتأخريني جذي
عبدالله:خلاص انتوا روحوا انا بوصلها
راح يوووسف مع السايق وقبل ما يرروح نادته عايشه: يوسف
يوسف:هلا عواشي
عايشة:لاتنسى تقرا الادعية الي قلت عنهم قبل الامتحاان و سم بأسم الله عشااان الله يوفقك
يوووسف:ان شالله و انتي بعد باااااااااي
التفت عبد الله على عايشة وقال لها :يلا تزهبي وانا ناطرج
عايشة : مشكور وايد و ما تقصر
و بعد ما بدلت و صاارت و لا احلى البنات طلعت و شاافت عبدالله كاشخ بدشداشه و غتره و ما فوقه فوووق مثل ما يقووولون البنات(عذاااااااااااااب ههههههه) و اهم بالطريج وقف عبدالله يم مخبز وقال: ما يصير تقدمين امتحان بدوون ما تاكلين
عايشه:لا و الي يسلمك بتأخر
عبدالله:عشر دقاايق ما تأثر .............يلا عاد لا ترديني ثوااني و برد بووكلج على ذوووقي اليوم
ابتسمت عايشة .........و بعد ما يااب الريوووق و كلت بالطريج يات بتنزل جاان يمسك عبدالله ايدها و يقووول لها:حلي زين هاااا
ابتسمت عايشة وقالت:ادعي لي
و نزلت عايشة و اهي رايحه مسكت اليد الي مسكها عبدالله و حست بأحساس غريب اول مرة تحس فيه و دخلت ...........و هنااك قبل الامتحان بدوو رفيجاتها تحقيق
شيماء:هلا عووش منو هالحلوو الي يايبج
فاطمة :يلا عاد اعترفي
منيرة : افا مخلية الزين لج
عايشه:انتوا شفيكم علي من الصبح
شيماء:يلا يلا منو هذا
عايشة :هذا عبدالله
منيرة:أي عبدالله
عايشة :ولد خالتي نورة
شيماء:هذا الي
عايشة :أي
منيرة :الي شنووووووو
فاطمة: الله يسلمج هذا الي عووش طقته قبل ليلتين عبالها حرامي
وظلوا يسالفوووون ليه قبل الامتحاان بدقيقه

عبدالله و اهو بالسيارة اتصل فيه عبدالعزيز:هلا عزووز ......... احلف عاد...........لا لا تقوول
ليش بااجر ......عايشة عندها امتحانات
عبد العزيز:و انت شكوو بعايشة لا يكووووون تدرسها هههههههههه
عبدالله:اسكت و عن الملاقه....................يا ثقل دمك
عبد العزيز:لا يكوووون قلبك دق
عبدالله: الظاهر جذي
عبد العزيز: تحبهااااااا
عبدالله: اجذب عليك اذا قلت لك ما دخلت قلبي من اول مرة و كل يوم تخليني احبها اكثر
عبد العزيز: حالتك صعبة

بعد ما خلصت عايشة امتحاان نادها الدكتور احمد (نسيت اقول لكم الدكتوور احمد عمره 29 و اهوو اوسم دكتور بالجامعه و البنات متذابحين عليه لكن قلبه ما يدق الا عشاان وحده اتحدااكم اتقووووولون منو ............................................. أي عايشة طبعا و في غيرها و عايشة تدري بس متجاهلة الامر و ما تعطيه اكثر من حجمه و تعامله حاله حال كل الدكاترة)
الدكتور احمد: عايشة بشري عسى سوويتي زين
عايشه:الحمدلله
احمد :اذا تبين أي مسااعده خبريني
عايشة:مشكور وما تقصر دكتور احمد
احمد: حاضرين بس .............يا ريت اتناديني احمد و بس
عايشة: عفوا .......لكنك دكتوووري و لازم احترمك ..........يلا عن اذنك
و راحت عايشة لفريجاتها و قالت لها فاطمة : انتي شفيج هذا مذوب قلووب الكل و انتي تقولين له (.......لكنك دكتوووري و لازم احترمك ) انتي شفيج ياريته قايل لي جاان تدرين شقلت له
عايشة بمسخرة: شقلتي
فاطمه بدلع: ما يخالف يا بعد عمري و اذا تبي بناديك احمدي بعد
عايشة و اهيه تضحك: صج مينوونه
و في البيت و قت الغدا كان عبدالله و يوسف و امهم و ابووهم عالغدا
الام: يلا اكلوا
عبدالله : ما بننطر عايشه
الام : لا اهي اتصلت و اعتذرت و قالت رفيجتها عازمتها
عبد الله في قلبه( الحين رفيجتها ما لقت الا اليووم ابي اشبع منها قبل ما اسافر اوف)
الاب: ام خالد
الام : آمر
الاب : انا باجر الظهر الساعة 2 عندي رحلة لفرنساا
عبدالله:من صجك يبا ........... انا اتصلووا فيني و قالوا لي عشاان اكون كابتن هالرحلة
الاب : يا ويلي انت الي بتمشي رحنا فيها
و ضحكوووا الكل
عبدالله:يووسف ما قلت لنا شسوويت اليوم
يووسف: ما ابي اول شي اقوول لعووش
الام: شنوو عوووش اصغر عيالك اخووك الي اكبر منك ما يناديها جذي
عبدالله في قلبه:(لو يحصل لي جان ناديتج عووشتي )
الاب: لا يبا هاذي اكبر منك و لازم تحترمها
الام: مو لانها مسكينه و فقيرة ما تحترمها ترى اهيه وصية الغالية سامع
يووسف: بس اهي ما تزعل
الام: ادري لان قلبها ابيض و طيبه بس من اليوم و رايح انتاديها عايشة فاهم
يوسف :ان شالله
و مر الوقت و صارت الساعه 6 وردت عايشة و دشت الصالة و سلمت و باست راس عمها و خالتها و قعدت
عايشه: ها يوسف حبيبي بشر
عبدالله: اخبيرا و صلتي ما كان راضي يقوول شي ليما اتين
عايشة: يلا بشرني عساك سويت زين
يوسف: الحمد لله و ايد و ايد زين مشكووورة حبيبتي
عايشة : وايد فرحتني
الام : و الله ما ادري شقوول لج يا يما
عايشة: لا تقولين شي يوسف حسبه اخووي الصغيرو احبه من كل قلبي
عبدالله عشان يلفت انتباه عايشة :يما انا رايح ازهب جنطتي حق السفر عشان باجر من الصبح برروح
التفتت عليه عايشه بس ما نطقت و لا تكلمت بولا كلمه
الام: تبي اساعدك
عبدالله: لا مشكووورة يما انتي بس زهبي اغراض ابوووي من وقت عشان الصبح بسرعه نرووح
عايشه حست بأحساس غريب جنها بتفقد انسان غالي لكنها حاولت تنسى السالفله عشان ما تكبر لكن حب عبدالله كان قاعد يزيد بداخلها و بدون ما تدري .............. و بعد فترة قصيرة استأذنت عايشة عشان تروح دارها فقال لها عبدالله: ما تيبن شي من فرنسا
عايشه: مشكوور سلامتك ......تروح و ترد بالسلامه عن اذنكم
(عايشة كان ودها تعرف شكثر راح يظل مساافر و كان ودها توصيه و لكن ما كانت تبي تتجاوز الحد وياه و في نفس الوقت عبدالله كان وده انها تطلب منه شي و او انها تقووله دير بالك على نفسك او تحمل بروحك و لكن ما صار و لا شي من ذي)
راحت عايشة دارها و فتحت الكتاب عشان تدرس لكنها كانت متضايقة .........فراحت و حطت راسها على السرير و قعدت تفكر و تفكر ليما غمضت عينها و ما قعدت الا الساعة 11 الصبح و اول ما شافت الساعة فزت من مكانها و زعلت كان ودها تشووفه قبل ما يسافر لكنها بعد راحت بسرعة و دخلت البيت و قعدت تتلفت كنها تدور شي و ياها عبدالله و اهوو لابس بدلته مالت الكابتن وقال: هلا عايشة شفيج شتدورين
توهقت عايشة و ما عرفت شتقوول تقووله( كنت ادورك ابي اشووفك و اشبع منك قبل لا تسافر و بالاحرى هذا الي كان عبدالله وده يسمعه ) و لكن عايشة قالت: ااا......... ما في شي بس حلمت بخالتي و يت اشووفها ..............اممم انت رايح
عبدالله: أي على العموم امي و ابووي سبقووني بس يوسف هني .........ما تبين شي من فرنساا و لا تدرين بيب لج على ذوقي و لا ما يعجبج ذووقي
عايشة: لا ماله داعي تكلف على نفسك
عبدالله: لا ما فيها كلافة انتي غالية علينا كلنا ( وفي قلبه : بتوحشيني)
عايشة (في قلبها : بتوحشني وايد .......انا شقاعدة اقووول): الله معاك و دير بالك على نفسك
عبدلله: و انتي بعد و لا تطلعين الحديقة بليل و (ابتسم لها )
عايشة: لا هههه........الا شخبار جتفك
عبدالله: ماشي حاله ....بس شهل الكتاب اووووف شلووون تدرسينه
عايشة: بعد شسوووي
عبدالله: بااااي
عايشة: بااااي
مشى عبدالله و طلع و ظلت عايشة و اقفه بمكانها و نزلت دمعه من عينها و قالت في قلبها: انا شفيني لا يكوون حبيته ............لا لا ياعايشة انسي انسي

يا تراا عوااشي حبت عبدالله ؟؟؟ انتظروا البارت الياي
انا كملتها عشاان معزووفه و اتمنى ان يعجبهاا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-01-2012, 08:11 PM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بس تكفيني كلمه احبك / بقلمي


منوووووووووورين فديتكم
و هاذي التكمله لجل عيوونكم

في هالوقت كان الدكتور احمد قاعد يتكلم مع منيرة في الجامعه و سألها عن عايشه
احمد: منيرة بغيت اسألج ممكن
منيره: تفضل
احمد: زاد فضلج بس بغيت اعرف عايشة من بنته
منيره:(وش يبي بعايشه لا يكوون يبي يخطبهاا...يجوز ) بنت ابووها
احمد: ادري بس ابي اعرف عنها اشياء اكثر الا اهي اشكثر عندها اخوان
منيرة : ( قالت في قلبها خل اقووم حظ عووش و اقول له ان ابوووها علي ال(......) رجل الاعمال الكبير )
احمد : وين رحتي يا منيرة
منيرة : ها لا اهني ما رحت مكان ................بصراحه اهيه عندها 3اخوان و اخت و ابوها التاجر المعروووف علي ال(....) صاحب المصانع و المجمعات اعتقد تعرفه
احمد في قلبه: (عيل زين لان امي ما تبي غير بنت تجاار): أي و منو ما يعرفه بس ما اذكر ان اهيه قالت عن ابووها انه التاجر المعروووف كلش ......اصلا انا مو ذاكر اسمها الكامل بس اعرف انها عايشة
منيرة: أي عايشة ما تحب انها تفاشر و لا تشووف عمرها على الناس كلش
احمد: عن اذنج و مشكوووره و ما قصرتي
منيرة : العفوو

عبد الله في الطيارة ويسوولف مع عبدالعزيز (خووش طياير و الله طايحينها سوالف هههههههههههههه)
عبدالله: وحشتني حيل
عبدالعزيز: منو
عبدالله: عايشه وفي غيرها
عبدالعزيز: تووك الصبح شايفها ........... اشفيك اثقل شووي
عبدالله: ما ادري هالبنت شمسويه فيني .............. مو قادر انساها
عبدالعزيز: يا ربي جذي الحب يسووووي

عبدالله: آه عالحب و سوااياه بس تدري طوول عمري ما توقعت اني راح احب بهالسرعه
عبدالعزيز: عيل ليش ما تقول لخالتي نورة تخطبها لك
عبدالله: لا تو الناس عالخطبة ..........ابي اتأكد اذا كانت تحبني و لا
عبدالعزيز: وليش ما تحبك انت ما ناقصك شي
عبدالله: ما ناقصني شي بالنسبة حق البنات الي يبوون واحد غني وعنده فلووس و حلوو و بس ( وايد يفاشر الاخ هههههههه) ..........لكن عايشة مو أي واحد اييب راسها
عبد العزيز: لا .....ترى كل البنات نفس الشي ( ومنو قالك و يا و يهك )
عبدالله: صدقني عايشة غير... غير عن كل البنات
عبد العزيز: و الله ما يندرى
عبدالله: .............بس تدري حساافة ما عندي رقمها
عبدالعزيز:جاان خذته من امك
عبدالله: شقووول لها .........استحي شبتقوول ولدي ما يستحي
عبد العزيز:اممممم انا اقولك شتقووول


المهم بعد ما وصلت الطيارة اتصل عبدالله في امه و قال لها: يما وينك صاار لي ساعه اتصل
الام :و الله ما ادري وين حاطه الموبايل
عبدالله: يما يعني اذا بغيتك ضروري على منو ادق .تلفوون البيت محد يدري عنه و الخدم كله شاغلينه ....الا يما رديتي تلفوون يوسف له
الام :لا حريمته خل ينطر ليه عقب الامتحانات
عبدالله: يما عيل اذا انتي ما رديتي و بغيتك بشي ضروري شسووي
الام:اتصل على رقم عايشة اهي موبيلها دايم معاها

و بجذي اخذ عبدالله رقم عايشة ...............................( مسكينه امه على نياتها)
و بعدين المسا عالساعه 9 و نص كانت عايشة قاعده تدرس و فجأه ياها مسج مكتوب فيه( مساء الخير) لكنها ما اهتمت و قالت اكيد هذا من الشباب الفاضين الي يأذوون بنات الناس و اهي من طبعها انها ما ترد على الارقام الي ما اتعرفهم
المهم نامت عايشة و الصبح راحت تقدم إمتحانها و اهني ياها الدكتور احمد و قال: صباح الخير عايشة
عايشة:هلا دكتور احمد ( تعمدت تقوول الدكتور احمد) صباح النور
احمد: بصراحه عايشة بغيت رقم امج.. قصدي امي تبيه ( متدوده الاخ) ...... تبي تزوركم بالبيت
عايشة: مسامحة عالسؤال بس ليش
احمد: امي حابة تتعرف على عائلتج
عطته عايشة الرقم و بعدين كالعاده اشتغلت لقافة البنات و كل وحده تسألها سؤال
شيماء:شنو يبي حضرته بعد اليوم
عايشة:توقعوا
فاطمه: رقمج
عايشة:قربتي...........مو رقمي .......رقم امي
شيماء: ليش
منيرة: الظاهر يبي يخطبها
عايشه: لا ارجووج ينسى انا مستحيل اتزووجه
شيماء: و ليش شنو ناقصه
عايشة : و لا شي بس ما احبه ......اعتبره دكتوووري و السلام

منيرة خافت تقوووول حق عايشة انها قالت لأحمد ان هذووول اهلها و قالت بدز لها مسج تفهمها بكل شي بعدين

و عالساعه5 العصر قالت لها خالتها شرايج نروح نتمشى عالبحر ...................... و قولوا من شافت هناااااك.......................................... .................................................. .................................................. ............................................. أي احمد يتمشى و لما شافهم استانس و راح و سلم عليهم و عايشة ما طولت ويااه راحت تشووف المسج الي ياها و لا نفس الرقم مال امس كاتب(شلووونج.......عسااج بخير) عايشة في قلبها( اموووووت و اعرف منو هذا اوووووف) و لما راحت كان احمد للحين يتكلم مع خالتها فقالت:( يا ربي اشيبي هذا بعد اووووووووووف........لاصق لي بكل مكان ياربي)

المهم راحت تتمشى بعيد ليما حست انه احمد بيروووح ....... فراحت لهم جان يقول لها احمد : عقب باجر اخر امتحااان ديري بالج
عايشه: ان شالله........مشكور
احمد: مع السلامة
الخاله نورة و عايشه: يلا مع السلامه
عايشه:اوووووووف
يوسف:شفيج .....شكلج ما تطيقينه
عايشة: ما ادري وايد يتلصق ملوووع جبدي ......تخيل قبل جم يوووم يقووول لي (تقلده) يا ريت اذا اتناديني احمد وبس ههههه
يوسف و امه :ههههههههههههه
الخاله نورة : وايد مطيح الميانه شرايج اذا رجع عبدالله اخليه يتفااهم معاه
يوسف : عاد عبدالله .......ما يحب هالسوالف
عايشه: وي ......ليش؟
الام : الله يسلمج كان في واحد يلاحق ساروونه قبل و يدق عليها بس اهيه ما ترد و كل ما تطلع مكان يطلع لها فقالت لعبود
يوسف:.عاد عبوود ما صدق خبر و لحق سارروه لما طلعت مره و شافه ياي يكلمها .....جان يعطيه ذاك البوكس و ما شفنا رقعه و يهه من بعدها
عايشه: ههههههههههه( يا حليله غيوور)

كان عبدالله في هالوقت يتصل على عايشة بس اهي كانت حاطته (صامت) فخااف عليها و قال بيتصل حق امه وبيسئل عنهم وبعد شوي رن تليفون الام وقالت : هلا والله هلا بهل الصوت شلونك حبيبي
عبدالله : بخير يا الغالية انتي شلوونج و يووسف و عايشة شلونهم
الام: و الله كلنا بخير ناقصتنا شووفتك حبيبي
عبدالله: تسلمين يا الغالية ........الا وين يوسف ابي اكلمه
الام: يوووسف تعال اخووك بيكلمك
(طبعا عبدالله العيار شيبي في اخووه كان يبي يكلمه عشان يقوول له يعطيه عايشة لانه يستحي من امه ..<<<< وايد خجووول)
عبدالله: هلا يوووسف شلوونك شخباارك عسااك بخير ..... الحمد لله ....دوووم انشالله ..عطني عايشة بكلمها
يوسف: وي شفيك ينيت..........الحمدلله و الشكر
عبدالله: جب عااد ......وين عايشة
يووسف:عايشة تعالي عبدالله بيسلم عليج
(حست عايشة بسعاده وايد كبيره و بشووق و خذت الموبايل و يدها ترجف)


عايشة : الوو. ( بصووت واطي و بعدين رفعته) الوو ......هلا عبدالله شلووونك
عبدالله: ( وده يقول:هلا و الله بهالصووت .....و الله وحشتيني مووت) بخير عساج بخير ......انتي شلووونج
عايشة: الحمدلله
عبدالله:و شخبار الامتحانات
عايشة: تمام بس بقى امتحاان واحد و بعدين ارتاح شووي
عبدالله: الله يوفقج دوووم
عايشة: ان شالله و انت بعد ........ تبي خالتي
عبدالله: لا .......( يا ربي شفشج مستعيله ) يلا عيل مع السلامه
عايشة: الله يسلمك

سكروا التلفوون و رجعت الخالة نورة مع عايشة و يوسف البيت

عبدالله كان حده طاير من الوناسة ......وكان عبدالعزيز(مكرمين)توه طالع من الحمام و يقووله:اشوووفك و ايد فرحان موناقص الا تغني
عبدالله: طاير من الفرحة طاير
عبدالعزيز: يا عيني انشالله دووم
عبدالله: الله يستر من عينك بس
وما مرت 5 دقايق الا تلفووون عبدالله ران
عبدالله: يا ترى منو .......ان شالله عايشة
عبدالعزيز: الحمد لله و الشكر صج مو صاحي الله لا يبلانا هههه
عبدالله: هذا رقم من الديرة .بس منو....... الووو..........الوووومحد يرد
المتصل: الووو هلا عباادي شلوووونك
يا ترى منو متصل ابي توقعاتكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-01-2012, 07:14 PM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بس تكفيني كلمه احبك / بقلمي


وما مرت 5 دقايق الا تلفووون عبدالله ران
عبدالله: يا ترى منو .......ان شالله عايشة
عبدالعزيز: الحمد لله و الشكر صج مو صاحي الله لا يبلانا هههه
عبدالله: هذا رقم من الديرة .بس منو....... الووو..........الوووو محد يرد
المتصل: الووو هلا عباادي شلوووونك
عبدالله: هلا .......من معاي
المتصل: شدعووه نسيت صووتي عبود
عبدالله: أي و الله نسيته ممكن تذكريني منو انتي
المتصل : فكر ...........
عبدالله: لو سمحتي
المتصل: اوووف شكله مالك خلق عيل بعدين اتصل
عبدالله: لا بعدين و لا شي ........منو انتي .........و لا تطولينها رجاءا
المتصل: انا مرام
عبدالله: أي مرام
مرام : ليش جم مرام تعرف غيري
(نسيت اقوول لكم ان مرام اتصير بنت عمه محمد و اهيه تحبه و تمووت عليه و دايما لازقة فيه لدرجة انها كانت ادز له مسجاات حب و غرام و بسببها غير رقم موبايله ......بس اللقافه و ما تسوووي )
مرام: انا بنت عمك محمد.........شلووونك
عبدالله:bal_2: ( كنت بخير قبل ما اسمع هالصووت): زين
مرام : شفيه الحلو متضايق :nosad:
عبدالله: لا و لا شي
( اشر عبدالله على عبدالعزيز عشان يعطية مغلف الكاكاو الي كلوه مساعه ......و لما عطااه قعد يحركه عند التلفون عشان يطلع صووت تشوووويش عشان يفتك منها )
عبدالله: الووو.................وينج ..........ما اسمع
وسكر الموبايل و قفله نهائيا
عبدالله: كل هذا من عينك يا سااتر جذي عيووووونك نار و شرار:cobra:
عبدالعزيز: انا عيني حارة
عبدالله: لا كلش بل بل حسدتني ......شفتني فرحان و ما مرت 5 دقايق لا و مزاجي متعكر
عبد العزيز: الا هاذي شسالفتاها
عبدالله: هاذي دعوه امي علي............سخيفة و ثقيله دم ........تحبني و غصب تبيني احبها وايد مليقة و لزقه ........ما ادري من وين يابت الرقم شكلي بغيره بعد اووف
7u-و قعدوا يضحكون7u-

و عالساعه 11 وصل لعايشة مسج من منيرة و كان مكتووب فيه( عوش حبيبتي بقول لج شي و لا تزعلين مني ....الدكتور احمد سألني عن عايلتج و انا قلت له انج بنت خالتج نورة ..........عايشة لا تزعلين انا ما ادري ليش سوويت جذي ولي يسلمك لا تزعلين ) انصدمت عايشة من الي قالته منيرة .....وحست الدنيا تدوور فيها و قالت في نفسها ( الحين لو يه و خطبني بيقوول اني بنت خالتي نورة و انا ماني بنتها .و خالتي بتقوول هاذي تمشي و تتكلم و تقول اني امها ....يا ربي شنو هالموقف شسووووي ) و قعدت عايشة تبجي ..........
و فجأه رن موبايلها و شاافت نفس الرقم الغريب فردت و اهيه معصبه: الوو منو انت تراك اذيتني بمسجاتك و اتصالتك انت تعرفني من وين يايب رقمي .اصلا انت منو
عبدالله: هدي يا عايشة ......انا عبدالله
عايشه: عبدالله ( قالتها و جنها حست بالراحه لما سمعت اسمه)
عبدالله: انا آسف اذا ازعجتج بس ........حلمت فيج حلم مو زين ودقيت اتطمن عليج و آسف لان الوقت متأخر بس ما انتبهت ......انتي فيج شي
عايشة و اهي تبجي : لا ما فيني شي
عبدالله بخووف: انتي تبجين
عايشة : لا لا
عبدالله: و الله اذا ما قلتي لي اشفيج اطق الطريج و ارد و الله اسويها تراج ما تعرفيني عدل (آيه عليك و الله)
عايشه حست من كلامه انه صادق و اذا بغى بيسويها و قالت له كل السالفه
عبدالله: و انتي ما تبين امي تكون امج
عايشة : انت مو فاهمني ......انا ما ابيه يظن اني بنت ناس غير اهلي الحقيقين و اطلع بعينه جذابه (كذابه)بعدين
عبدالله: (بقهر)و انتي متأكدة انه نااوي يخطبج
عايشة : هذا الي باين من كلامه
عبدالله:لا تضايقين نفسج ........و الي حطج بهل المشكله اهووو الي بيطلعج منها
عايشه: شلووون
عبدالله: خل رفيجتج هلي تتكلم قبل لا تفكر ترروح و تقوول له الصج
عايشة: و تطلع جذابه(كذابه)
عبدالله: تطلع اهيه جذابه (كذابه)و لا تنحرجين...........بعدين الغلطه غلطتها......حلي الموضوع بسرعه عشان لا تنشغلين عن دراستج
عايشة: ان شالله ............تصبح على خير
عبدالله: و انتي من اهل الخير

ثاني يوووم الصبح اتصلت عايشة على منيرة و التقت فيها باحد الكافيهات و كانت عايشة وايد معصبة على منيره و قالت لها : انا ما اعرف شلون افسر الي سويته .........وين مخج لما قلتي له هالكلام
منيرة : بليز سامحيني
عايشة: ما راح اسامحج الا اذا رحتي و قلتي له الصج
منيرة : بس اليووم ما عندنا محاضرات
عايشة : دقي عليه .......عندج الرقم على ما اعتقد ..........قولي له ايي اهني و انتفاهم معاه
منيرة : انشالله

في نفس هالوقت كان احمد مع امه على طاولة الريوووق
احمد: ها يما شرايج
الام:و النعم و سبعة انعام هذوول الناس الي يتناسبوون
احمد:متى بتدقين
الام:خلال هاليومين
احمد: ليش مو اليوم
الام: كل تأخيره و فيها خيره
احمد:برايج
و عقب دقيقتين رن موبايل احمد
احمد: هلا ......من معاي
منيرة : انا منيرة ال(.....) دكتور احمد
احمد:هلا و الله ...........خير عسى ما فيكم شي ............... ان شالله الحين بيي

و لما راح شاف منيرة و عايشه ناطرينه و بعد السلام
احمد: خير ان شالله
عايشة : في شي وايد مهم منيرة تبي تقوله لك
و قالت منيرة لاحمد كل الحقيقة
عايشة : و مثل ما عرفت ان مو بنت غنية مثل ما كنت تظن .........انا وايد عادية
انصدم احمد من الي سمعه .......اهوو عادي عنده اهوو يحبها و ما يهمه غنية و لا فقيرة ........لكن امه اهي المشكلة

المهم عدا الموضوع على خير و رجعت عواشة البيت و قعدت تذاكر عشاان تفتك من آخر امتحاان لها بس استغربت من ان عبد الله ما اتصل فيها و قالت: يا ربي عساه خير مو من عوايده لا يكون فيه شي .........اتصل فيه و لا لا ........لا ثقلي .........اوووه شفيها بقوول له كنت بقوول لك ان الموضوع انحل .....اووووه يلا بتصل و الي فيها فيها ...........اتصلت عايشة لكن موبايل عبدالله كان مغلق(طبعا اهوو غالقه من امس بسبه مرام الملقوووفه) اتصلت مرة ثانية و بعد ما رد .......خافت و قعدت تحاتيه و ما كان لها خلق الدراسة.......و عالساعة 7 باليل ...انطق باب غرفتها و لما اطلعت اتشووف من .................................................. .................................................. .................................................. .......................................... شافت عبدالله و قفت منصدمه و ما عرفت شتقووول و اهني كان عبدالله يطالعها بتمعن جنه من سنين مو شايفها
عايشة : عبدالله
عبدالله: على ما اظن يقولون الحمد لله عالسلامه
عايشة: الحمد لله عالسلامه............. بس انا مو مصدقة
عبدالله: لا صدقي :wink_smile:
عايشة: سلمت على خالتي
عبدالله: لا الحين بروووووووح ..............بتين
عايشة: شوووووي و ايي ان شالله

و لما دخل عبدالله و من قراده حظه كانت امه قاعده اتكلم حصه (مرت العم محمد ام مرام ) و قالت لها ان عبدلله وصل و كانت مرام قاعده يم امها و لما سمعت عن عبدالله انشبت نشبه بأمها الا تيبها عندهم الحين لكن امها قالت لها ما ينفع الحين و خذوا موعد منهم ان باجر يجون عندهم عالعشااا
بعد ما سلم عبدالله على امه قال لها : يما ليش عزمتيهم
الام: بعد شسوي فشله .....بعدين هاذي مرت عمك و بنته و لازم تحترمهم......الا ابووك وينه
عبدالله: راح الشركه قال عنده وايد شغل و بيي بعدين
الام: تبي عشا
عبدالله: أي و الله ياريت يما بموووت من اليوع
الام: عيل رووح غير ملابسك و نااد عواشي معاك عشاان تاكل
عبدالله: انشالله( لزوم اناديها من زمان ما كلت وياها )
وبعد العشا بقى عايشة و عبدالله برووحهم وقال لها : عسى حليتي الموضوع
عايشة : أي خلاص .......انا دقيت عشان اقوول لك لكن موبايلك مغلق
عبدالله: أي اغلقته بسبه وحده لزقة ( قال جي عشاان يبي يثير غيره عايشة و عايشة غاارت لكن ما بينت )
عايشة: لا .............و عليه بتحاتيك
عبدالله: لا باجر بشووفها
عايشة : اووك تصبح على خير عندي امتحان باجر
وراحت عايشة و ثاني يووم قدمت الامتحان و كانت وايد فرحانه لانه كان وايد سهل و عزمت رفيجاتها معاها عالبيت و قعدوو ليما الساعه 4 العصر بعدين و اهم طالعين كان عبدالله تووه داخل فعرفته على البنات و بعد ما راحوو ناداها و قعد معاها في الحديقة و سألها: بشرري .........
عايشة: ابشرك بشنوو..............انت الي بشر
عبدالله: ابشرج بشنوو
عايشة : لا و لاشي (كانت تقصد اذا شااف البنت و لا لا)
عبدالله: انا قصدي شسووويتي اليووم
عايشة: الحمدلله وايد زين
عبدالله: تعالي معاي داخل البيت ابي اعطيج شي
عايشه :شنوو
خذها عبدالله و سحبها من ايدها ليه داخل البيت و لما مسك يدها حست بالاحساس نفسه الي حسته هذيج المرة و عند باب غرفته قال: نطريني شووي
وطلع و بيده كيس كبير و قال : تفضلي
عايشه:شنوو هذا
عبدالله: هاذي هديه بسيطه من فرنسا
عايشة: لا مشكووور
عبدلله: افاا ترديني
عايشة: لا بس ما اقدر آخذها
عبدالله:و الله اذا ما اخذتيها راح ...
عايشة :خلاص لا تحلف و لا شي باخذها ..............مشكووووور و ما قصرت
عبدالله: العفو ........هذا و لا شي تستاهلين اكثر
المهم باليل تزهبت عايشة لان خالتها نورة قالت لها ان عم العيال و زوجته و بنته راح ايون و لبست تووب وردي وايد حلوو فيه شريطه عند الخصر مع جينز و حطت ميك اب ناعم و صارت كنها ملاك من السما و راحت داخل و لما شاافها عبدالله ما صدق ..........حس انه حلماان .......................................... المهم بعد نص ساعه يه العم محمد و زوجته حصة و بنته مرام الي كانت لابسه فستان اسوووود و ضيق و الميك شكثره و شفايفه شوووي و تطيح (طبعا مسووية بوتوكس)و لما دخلت طاارت على عبدالله قبل الكل و قالت: شلوونك ......و الله ولك وحشة ههههه
عايشة استغربت منها ومن اسلوبها و بعدين سلمت عليهم و طالعت عايشة بنص عين و قالت : انتي منو
عايشة: انا ...
الخاله نورة: هاذي بنت صديقتي اسمها عايشة
يوسف: و اهي مثل اختي و غاليه علينا كلنا ( و اهوو ما يطيق مرام و تعمد يقووول جي عشاان يغيظها)
ام مرام : هلا حبيبتي ما شالله عليج صايرة قمر.........طالعه على امج الله يرحمها
عايشة: مشكووورة خالتي هذا من ذووقج
عبدالله كان طووول الوقت يطالع عايشة و هذيج تهذر و تهذر على راسة و كل شوووي تلزق فيه اكثر ما كان باقي الا تقعد بحظنه و عايشة كانت متضايقة حيل من تصرفاات مرام اما مرام كانت كل دقيقة تقط نغزه على عايشة ليما زهقت عايشة و قالت : عن اذنكم
الخاله نورة :وين يما الحين بنحط العشا
عايشة : اكلووو انتوا انا مو مشتهيه عليكم بالعافيه .......مسامحه عمي محمد و خالتي حصة بس مصدعه شووي
العم محمد و مرته : لا عادي يا بنتي
الخاله نورة : نرفع لج عشا
عايشة: على راحتج خالتي
طلعت عايشة و وقفت بالحديقة و قعدت تبجي و بعد شوووي ياها عبدالله و قال: شفيج ليش رحتي ........مساعه ما كان فيج شي
عايشة : ما فيني شي
مد عبدلله ايده ومسك ويهها و قال لها : انتي تبجين
عايشة : لا .دخل تراب في عيني
عبدالله: عايشة ولي يسلمج لا تبجين ما احب اشووفج و انتي زعلانه
عايشة : ليش وايد اهمك
عبدالله: عايشة انتي وايد تهميني انتي ما تدرين بغلاتج بقلبي .....................عايشة انا ...................احبج
التفت عايشة و طالعته بنظرة ما عرف شنو تفسيرها و يااات تبي تمشي عنه فمسك يدها و قال : بس تكفيني كلمه احبك .........بعيش على ذكرى هالكلمه ياقي عمري ارجوج يا عايشه قوليها لا تعذبيني
تركت عايشة يده و راحت الملحق و قفلت الباب و قعدت تبجي .........كانت تبجي لانها تحبه بس ما تبي تقابل احسان خالتها نورة الي فتحت لها بيتها و اعتبرتها وحده من عيالها و تتزوج ولدها جنها ما خذته عن طمع بس ما درت ان حركتها هاذي حسست عبدالله انها ما تحبه ................طبعا نسيت اقوول لكم ان عبدالله عشان يفتك من مرام تعذر و قال انه بيرووح الحمام (مكرمين) و الحين صار له 20 دقيقه و ما يه اهوو كان قاعد بالحديقة زعلان و صاكه فيه الدنيا و كانت عايشة تطل عليه من الدريشة و قلبها معورها عليه لكنها ما بغت تكلمه ........و بعدها قالت حرام اخليه زعلان و متضايق و يات بتطلع له ..........بعد شوووي حس عبدالله بيد غطت عيوونه

يا ترى منو اهي ابي ردووود عشاان اكمل :wink_smile:

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-01-2012, 01:13 PM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بس تكفيني كلمه احبك / بقلمي


حباييب قلبي و الله
فديتكم خواااتي

..........بعد شوووي حس عبدالله بيد غطت عيوونه ............... فرح عبدالله و ابتسم و ظن انها عايشة ........مسك اليد الي مسكته و لف ويهه و تفاجأ :ma3qoola:انها .................................................. .................................................. .................................................. .................................................. .................................................. .................................................. .................................................. .................................................. ..........................ساااااااارة ........................................
قال لها بأستغراب: سارووو انتي شيايبج
راحت حضنت اخوووها و قالت : وحشتني ويا ويهك:5:
عبدالله: و انتي بعد ........... بس منو يابج
سارة : يت بتاكسي من المطار .........بسوويها مفاجأه ............الا انت شمزعلك
عبدالله: لا و لا شي ...........حبيبه قلبج داخل
ساره : عووش
عبدالله: لا مراام
ساره : وييييييييع لا تقووووول يا ربي على حظي اليووم
عبدالله: انزين امشي داخل
سارة: ابي اشوف عوووش وينها
عبدالله: بالملحق
سارة : انزين تعال طق عليها الباب ابي اسووي لها مفاجأه
عبداله : لا لا ماله داعي
سارة : يلا امش
و سحبت يده وراحو ليه عند الملحق و طق عبدالله الباب و راحت عايشة تفتح له و كانت تبي تقووله كلام لكنها شافت سارة و احظنوا بعض حيل ......و كان ويه عايشة مجابل عبدالله و ظهر اخته مجابله وكانت تقوول لسارة: حبيبتي اشتقت لج وايد
ساره :و انا بعد حبيبتي
عايشة : احبج وايد و الله اني احبج (و كانت تقصد بهل الكلام عبدالله و كانت اتطالعه بحزن )
سارة : شفيج عايشة و انا بعد احبج
عايشة: سامحيني ............(و كانت عيوونها موجهه لعبدالله)
سارة : زين تعالي داخل
عايشة: ما عليه انا تعبانه الحين باجر اشووفج

و دخل عبدالله و قال : عندي لكم مفاجأه وايد حلوووة ............... ادخل يلي عند الباب
و دخلت سارة و سلمت على الكل و اهني عبدالله انسحب بهدوء و صعد لداره و تضايقت مرام من حركته اللي سواها .............
عدت الليله و لله الحمد على خير و ثاني يووم الكل اجتمع على الريوق الا اثنين و اكيد عرفتوهم ( عايشة و عبدالله) عبدالله ما كان حاب يلتقي بعايشة عقب الي صار امس و عايشة حست بالذنب و حست انها زعلت الانسان الي صار اهم انساان بحياتها و حست عايشة ان حياتها دوامه قاعده تدوور فيها و ما عرفت شلون بتقدر تصلح الي بينها و بين عبدالله مرة ثانيه .......................اتصلت عايشة بصديقتها شيوووم و قالت لها تمر عليها و راحوو كوفي شوب و قالت عايشة حق شيووم كل اللي صار و قالت لها شيوووم : و الله انج مينوونه ...........الريال يقول لج احبج و بس يكفيني اسمعج اتقولينها تهدينه و تروحين ............... و انتي اصلا مو بس تحبينه الا تموتين عليه
عايشة: ادري اني احبه ............ وصرت ما اقدر اتخيل انا شلون راح اعيش من دوونه
شيوووم: عيل قولي له انج تحبينه
عايشة : جذي و بكل بساطه
شيوم: عووووووش حيااتي الانسان لازم يضحي عشان حبه
عايشة : لكن خالتي .....
شيووووم :بلا خالتج بلا بطيخ ............. هذا حب تعرفين يعني شنوو حب شنوو تسوو عليج لو راح فيها بأي وقت و اهوو ما يدري بحبج
عايشة : اسم الله عليه لا تقولين جي الله يطوول بعمره
شيوم : عايشه انا لاني احبج اقووول لج قولي له
عايشة : ما اقدر اخسر خالتي
شيووم : عوووشو اذا ظليتي جي راح تخسرينه
عايشة : ما ادري افكر
شيوم : ما منج فايده

و في نفس الوقت طلع عبدالله مع عبدالعزيز و قال له كل الي صار
عبدالعزيز: بس انا متأكد انها تحبك
عبدالله : ليش :؟
عبدالعزيز: كلامك عنها ............و اهي شلوون تضايقت امس من تصرفات مرام و وايد مواقف ثانيه
عبدالله: عيل ليش هدتني و راحت
عبدالعزيز: يمكن استحت .....يمكن و يمكن.........انت ما تدري بظروف البنت عطها وقت كافي تفكر بالي قلته لها و خل معاملتك لها كلش عادية يعني نفس قبل
عبدالله: برايك ........ بنطر و بشووووف مع ان ما فيني حيل على فراقها :love_him:
عبدالعزيز: شوووف اذا هي من نصيبك بتاخذها و لو هي منو من نصيبك لو نزلت سابع ارض و طلعت سابع سما مو ماخذها حط هالشي براسك دووووم
عبدالله: الله كريم

وقت الغدا راحت سارة لعايشة و قالت لها يلا امشي تغدي عاد ما يصير ما تريقتي معااي كلها جم يووم و مسافرة امشي
عايشة : ان شالله تامرين
سارة : يلا
وراحو تغدوا و بعد شوووي دخل عبدالله و ولقى كرسي فاضي يم عايشة و قال لها: يصير اقعد
عايشة : طبعا ..... تفضل.........انا اصلا شبعت
عبدالله : ليش اذا اتت الشياطين ذهبت الملائكة
نط يووسف و قال: أي عايشة ملاك من زمان فديتها
سارة : أي عووش ماكو مثلها ثنتين
عايشة : تسلموون ما اقدر على هالمديح
الخالة نورة : أي يايما يا بخته الي بياخذج
اهني شرق (غص)عبدالله باللقمه الي ماكلها ........فيات عايشة لا شعوريا و طقت على ظهره و قالت : اسم عليك ان شالله عدوينك ......... هاك اشرب ماااااي
الام : الله حافظك يا يما
الاب : ما يندرى منو ياب طاريك هالحزة
ما اهتم عبدالله بو لا احد بس طالع عايشة و قال : مشكووورة
عايشة : العفوو ................... نعم الله عليكم سفرة دايمه
و قامت من السفرة
والي صار حسس عبدالله ان اهي تحبه و تخااف عليه و الي صار فتح عيووون سارة و يووسف على السر الي كان بين عبدالله و عايشة

في الليل في غرفه نوم ( ام عبدلله و ابووه)
الام: يعني شتقصد يا علي
الاب: الي سمعتيه ............... يعني الحلال كله بيضيع لو مرام تزوجت و احد غريب و انتي مثل ما تعرفين ان الحلال بيني و بين اخووي محمد بالنصيفة ........و بعد عينه الحلال لمرام و مرام ماراح تديره بروحها اكيد مع زوجها و اذا كان زوجها غريب عن العايله يمكن يفر راسها علينا و تعرفين الباقي
الام: ادري ...............بس شالحل
الاب: الحل بيد و لدج عبدالله لازم يتزوجها
الام: عبدالله بس اهوو ما يحبهاا
الاب: مو لازم بيحبها مع الايام ................باجر بكلمه:014442:
الام: على خير ان شالله

و في صباح اليوم التالي (صرنا مسلسل مدبلج) هههههه المهم ثاني يوووم راحوو ام و ابو عبدلله لداره عشان يكلمونه و صادف في نفس الوقت ان عايشة رايحه لعبدالله عشان تكلمه الا سمعت كلامهم لان باب الغرفه كان شووي مفتووح
عبدالله: لا مستحيل اتزوج هاذي :baykh:
الاب : و شفيها هاذي بنت عمك من لحمك و دمك
الام: و مالك بد منها
عبدالله: بس انا احب وحده ثانيه
الاب : منو
عبدالله: عايشة
الاب: عايشة
عبدالله : أي عايشة وشفيها
الام: ما فيها شي و اهي خووش بنت
الاب: ما قلت شي عايشة احبها و اعتبرها حسبة سارة لكن يا يبا اهي مو من مستوانا
هالكلمه و قفت عايشة بمكانها .........حسستها انه ضيعيفه و انها مكسوورة
قال عبدالله: و شكوو المستوى ............ اهي انشالله بتصير دكتورة و لا كل الدكاترة ......... بعدين مو هاي اللي دايم توصينا عليها
الام: و بظل اوصيك عليها ................ لكن
الاب : خلاص ما في نقاش اذا ما تزوجت بنت عمك لا انت و لدي و لا انا اعرفك فاهم
عبدالله: يبا انا ما ابي غير عايشة
الاب: و انا قلت كلمتي :Belsha:

اهني نزلت الدموع من عيوون عايشة لا شعوريا و لراحت دارها و قفلت الباب و قعدت تبجي و تفكر الحين اهي تحب عبدالله و لانها تحبه ما تبي تسووي له مشاكل
يا ترى شنووووو بتسوووووووي عايشة ابي ردوووود عشاان اكمل و البارتات الياية ترى وايد حلووه مشوووقة ................ انتظركم
اختكم:احـلـــى بــ نُ ــوتـہ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-01-2012, 07:19 PM
صورة عبث ~ الرمزية
عبث ~ عبث ~ غير متصل
©؛°¨غرامي متألق ¨°؛©
 
الافتراضي رد: بس تكفيني كلمه احبك / بقلمي


أظن إنها تغير رايها .. و تقوله إنه اللي بينهم .. أخوه لا غير ..
بس عبد الله يظل يحاول فيها .. و مع الأيام بيكتشف حقيقة حبها ..

يعطيكـ العافيه ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-01-2012, 11:43 AM
صورة احـلـــى بــ نُ ــوتـہ الرمزية
احـلـــى بــ نُ ــوتـہ احـلـــى بــ نُ ــوتـہ غير متصل
©؛°¨غرامي فعال ¨°؛©
 
الافتراضي رد: بس تكفيني كلمه احبك / بقلمي


اهني نزلت الدموع من عيوون عايشة لا شعوريا و لراحت دارها و قفلت الباب و قعدت تبجي و تفكر الحين اهي تحب عبدالله و لانها تحبه ما تبي تسووي له مشاكل

اتصلت برفيجتها شيوووم و قالت لها تشوووف اذا في عندهم غرف فاضية في السكن و قالت شيماء: أي في .........انا الي معاي بالغرفة طلعت و انا لحالي الحين
عايشة : طيب كلمي الادارة انا بيي اقعد معاج و لا تسألين ليش بعدين افهمج اووكي
مسحت عايشة دموعها و راحت قعدت معاهم و و عالساعة 4 و يا الشاي قالت : خالتي ما يخالف اطلب منج طلب
الخاله: خير
عايشة : خالتي انا .......... بصراحه ابي اهد الملحق و اطلع من هني
عبدالله: ليش؟ وين بتروحين
سارة: حبيبتي عوووش ليش؟
يووسف: عايشة انا ما اقدر اتخيل البيت بدونج انتي منورتنا :5:
عايشة : فديتكم و الله بس ما عليه عذروني انا ثقلت عليكم بما فية الكفاية
الاب: لا يابنتي انا قلتها من قبل و ارد اعيدها انتي حسبه سارة
عايشة: مشكورين كلكم و انتوا بعد حسبه اهلي بس انا لازم اررووووح ............ انتوم ما قصرتوا معاي .......و ما في احد يتحمل انسان اضافي في حياته بدوون مقابل هالايام و الله انتوو مافي منكم
عبدالله: كافي حسج حوالينا في البيت يا عايشه ........ احنا تعودنا على وجودج
يوسف: عايشة عشااني
الام: زين شالسبب المفاجأ....في احد مزعلج ...........احد من العيال قال لج شي ........ انا قلت لج شي بالغلط عمج قال لج شي
عايشة : لا لا ..............انتوا بهل الطريقة تصعبوون علي الموضوع ارجووكم .......... ادا تحبوووني خلووني على راحتي
سارة: متى بتروحين
عايشة : اليوم باليل بتمر علي شيماء و بروح وياها
يووسف: على وين
عايشة : حاليا ما اقدر اقوول بس بعدين راح اخبركم
و راحت تزهب اغراضها و خذت كل اغراضها لا لا مو كل شي الاغراض الي شرتهم لها خالتها ما خذتهم .............و ما خذت هدايا عبدالله ..........ما خذت الا الي شرته اهي من الفلووس الي تمشيها لها الحكومه و باليل يوو يسلموون عليها
الخاله: ديري بالج على نفسج
العم: مكانج راح بيبين يبا
سارة: مرينا...............خلينا نشووفج ............ و عندج رقمي بلندن دقي
عايشة: حاضر اكيد ما راح انسى
يوسف: بشتاق لج وايد
عايشة : و انا اكثر
عبدالله: و شلوون اذا بغينا نشوووفج
عايشة: خلها للأيام ........الصدف يمكن تجمعنا في يووم ............سامحني عبدالله ارجووك و لا تاخذ في خاطرك مني .............و سامحووني كلكم

و طلعت عايشة من البيت و دمعتها على خدها و ركبت السيارة و كانت عينها على عبدالله شافت في عيونه وايد كلام .............مثل ما اهوو شاف وايد كلام لكن هذي الحياه ما تعطينا كل الي نبيه.................................راحت عايشة عن البيت الي قعدت فيه مده نقدرنقوول انها طويلة و الكل حس بفراغ عقبها

...........سارة سافرت عقب جم يووم للندن لانها تدرس هناك ..............و يوسف رجع يداوم بالمدرسة و كانت اول ايامه بالثانوية اما ...عبدالله الي كان موقف رحلاته رجع يساافر بس قبلها كان ياي على باله يدخل الملحق و يشوووفه و تفاجأ بأن الاغراض الي اهوو يابهم و وايد اشيا ما خذتهم عايشة وياها و راح لامه و قال لها فقالت :صج هالبنت اصيلة .......و الله ان احنا ضيعناها من يدنا
و حاولت تتصل فيها لكن عايشه كانت مغيرة رقمها و كان الرقم القديم خارج الخدمه المهم قبل سفرة عبدالله هاذي رجع ابووه و فتح له موضوع الزواج من مرام
الاب : شوووووف .............الي كنت تتعذر انك تبيها راحت و الله معاها و الله يجزاها خير لان روحتها يات بالوقت المناسب ............الحين ما عندك عذر لازم تتزوج مرام
الام: أي يا ولدي لا تنسى ان الحلال
عبدالله: الحلال لزم ما يطلع بره ........... و ولد العم اولى من الغريب ما ابي كل هالكلام ...........الي كنت ابيها راحت و لا ادري عنها شي و مرام مستحيل اتزوجها و لو على قص رقبتي حرام عليكم انحرمت من الانسانه الوحيده اللي دق لها قلبي ....
الاب: عبدالله
عبدالله: يبا طوول ما انت مصر على هالكلام ما راح اتشووف رقعت و يهيي بالبيت
طلع عبدالله و سحب جنطته الي كانت هالمرة اكبرمن كل مرة و سافر و خلى البيت من عايشة و من سارة و من عبدالله و صار موحش وماله طعم

خل انرروح لعوواشة و نشوووف احوالها
عايشة ممبطحه على السرير في السكن الجامعي و تسمع اغنية الجسمي ( فقدتك)
( فقدتك يا اعز الناس فقدت الحب والطيبه
انا من لي في هالدنيا سواك إن طالت الغيبه

رحلتو من بقى وياي يحس بضحكتي وببكاي
وحتى الجرح في بعدك يغزيني وهلي به

انا من لي في هالدنيا سواك إن طالت الغيبه

تصدق قد ما حنيت اشوفك في زوايه البيت
واسولف مع عن حزني واحس ان تدري به

انا من لي في هالدنيا سواك إن طالت الغيبه

شسوي بالالم والآه ولكن البقى لله
يصبرني على بعادك وذا حظي وراضي به

انا من لي في هالدنيا سواك إن طالت الغيبه)

دخلت عليها شيماء و قالت: شنوو هلموووود(هل المزاج) ......... كل هذا من فراق عبدالله
عايشة زادت في البجي
شيماء: ما تسووى علي يبت اسمه حااولي تنسين
عايشة: شلوون انسى الي عاش و تربع وسط قلبي
شيماء: انتي بهل الكلام تصعبين الامووور على نفسج حاولي تنسين الي فات و تبدين من يديد لا تنسين الدكتور احمد كان يبيج
عايشة: الدكتور احمد هه انتي شتقوولين اهوو من درى اني مو غنيه و اهوو مبتعد عني
شيماء: و الحل
عايشة : ماكو حل ............. هذا اللي الله كاتبه علي
شيماء: زيين قووومي نطلع
عايشة: وين
شيماء: انتي قوومي و بنشووف وين نرووح

اما عبدالله .............. كان في هالوقت بأيطاليا مع عبدالعزيز

عبدالعزيز: تصدق هالبنات الي في ايطاليا ايننووون شكلي بتزوج وحده منهم ................. تد ي عبوود ...........عبووووود
عبدالله: عايشة
عبدالعزيز: عايشة في عينك ............. انت شفيك صاار لك شهر على الحال ........... لووعت جبدي
عبدالله: اتركني في حالي ارجووووك و الله مال خلق لشي
عبدالعزيز: وين عبدالله الي دوووم يضحك و يسوووولف و الي مزاجه دايم حلووو ...........و الله فقدت عبووود القديم
عبدالله: عبدالله القديم راح ......... خذته عايشة معاها ..........عايشة خذت رووحي و قلبي و انا الحين ظليت جسد بلا روووح
عبدالعزيز: و هلك دقيت عليهم
عبدالله: بس اكلم يوووسف
عبدالعزيز: وليه متى............
عبدالله: طووول ما اهم مصرين على اني اتزوج مرامو هاذي
تنهد عبدالعزيز و ضاق صدره من حال ولد خالته

(مرام مع امها و ابوووها)
مرام: بابا عبدالله ما رجع من السفر
الاب: لا
الام: اخوووك ما قال لك انهم بيوون يخطبووون
الاب: اهووو قال احتمال مو اكيد..........بيشووف راي عبدالله
الام: وي يحصل له بنت مثل مرووم العسل
الاب: ما قلت شي ........ بس القلب و ما يريد و ما يصير يجبر ولده





مرام: يعني اهووو ما يحبني

(شيماء و عايشة بالسووق)
عايشة : لا
شيماء : ما عجبج
عايشة : كلش ...شمي هذا
و دخل ريال و راح صووب عطوور الرجال و رش عطر و عايشة من شمته قالت : عبدالله
شيماء: أي عبدالله .........انتي حلمانه
عايشة: لا هذا عطر عبدالله انا متأكده
التفتت عايشة لكنها شافت واحد شكله وايد مختلف عن عبدالله و عقب ما راح الريال راحت و شرت نفس العطر
شيماء: انتي مينوونه رسمي
عايشة: هالعطر دوم اشمه فيه .......... و حشني موووت
شيماء: الله يهديج و يريح بالج

ومرت الايام و الايام و الكل على حاله......... عبدالله من ديره الى ديره و كله سرحااان و عايشة كله ساكته و حزينه و بس تشم في عطر عبدالله و تسمع اغاني راشد و الجسمي .......... و سارة كانت اتي تزورهم و تروح و كانت مشتاقه لعايشة و لعبدالله .............. و يووسف رجع مستوواه ينزل في الرياضيات .............لكن .................................
ام عبدالله بدا قلبها يحن و ما عادت قادرة على فراق ولدها اللي روحها فيه و بدا المرض و التعب يسيطر عليها

و بـــــــــــــــــــــعـــــــــــــــــــــــــــ ـــــــد سنـــــــــــــــــــــــــه و كم شهر

كانت سارة يايه في اجاازه كالعاده و اجتمعت مع امها و ابووها و يوووسف في الصاله و بدا النقاش
سارة: يبا للحين قلبك ما حن
الاب: الا حن ......... هذا ولدي صار اكثر من سنه ما شفته و اذا كلمني قال كلمتين و سكر الموبايل بسرعه عشاان ما افاتحه بموووضووع الزواج من مرام
الام : و الله ما تسووى علينا يا ريتنا خلينا على كيفه ......... ياخذ عايشة
يوووسف: عايشة
الام: أي ................... كان يبيها لكن احنا
ساره: حرمتوا قلبين يحبوون بعض من بعض و ضيعتووهم اثنينهم
الاب: و الله اني ندماان
الام: ماني مصدقه اني عورت قلب عايشة اليتيمه و صيه عاليه
يوووسف: عبوووود يحب عايشة
سارة : و انت مفهي ما تشوووفهم ........... كفايه مشهد الغدا و الا نسيته
الام: و الله اني اشتقت لهم حيل و ما فيني صبر على فراقهم
الاب: حتى انا ............ عايشة و عبدالله فريتهم عوووده
يووسف و سااره: أي و الله
الام : يعني انا .........آه آه
يووسف : يما اشفييج
يا ترى شفيها ام عبدالله و شلي بيصير في حياتهم من تطورات نطروووووا البارت الياي ............

الرد باقتباس
إضافة رد

بس تكفيني كلمة أحبك / بقلمي , كاملة

الوسوم
احبك , بقلمي: , بكفيني , كلمه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
الجو بارد و أبي حبك يدفيني كلمة أحبك بهذا البرد تكفيني / بقلمي ، كاملة {عاشقه شاروخان} روايات كامله - يتم نقل الرواية هنا بعد اكتمالها 318 28-10-2016 04:55 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 10:35 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1