منتديات غرام أعضاء غرام سجل الأعضاء - للتواصل بين الأعضاء اتمنى من الكل يدخل ويعطيني رأيه بكل صراحه
LooF ©؛°¨غرامي جديد¨°؛©

السلام عليكم يـآ أعضاء المنتدى
انا عضوهـ جديدهـ و اول مرهـ اشارك في منتديات الغرآم
حبيت اشرح لكم سالفة انا طايحة فيها <-- بسم الله علي
بس حبيت تكون الفكرهـ نقاش و حوار اتفاعل فييه معكم واخذ رأيكم !
مالكم بـ الطويلة ..

بس قولوا مشاء الله

السالفة ومافيها يا حبايبي
بعرفكم بـ نفسي اولآ عشان تعرفون ايش اللي انا حاسه فيه قبل لا ابدا بـ كلمه
انا عمري 20 وطبعآ تفكيري تفكير وحدهـ عجوز دائمآ افكر بالمستقبل
ودائمآ افكر وش يصير بعدين واحسب الف حساب قبل لا اخطي اي خطوة عشان ما اندم عليها ..
وللي يعرفوني ماراح يعطوني على عمري دائم يقولون انتي اكبر من عمرك <-- من يومي وانا كذا
نبدا بالسالفة اللي مبهذلتني حييل ويارب القى نااس يعطوني رأيهم بالموضوع
عالعموم ابي رأيي اكثر من رأيي ينصحني ويفيدني بكل صراحه ..
انا قبل ثلاث سنين خطبني اخو مرت ابوي والفرق بيني وبينه 10 سنين مو اكثر
وبـصراحه انسان خلووق مايتفوت ابدآ
وقتها انا كنت بالثانوي مخي مخ دراسه مو زواج و مسؤولية ماكنت افكرر غير اني اجيب ممتاز ونسبة عالية ..
ومرت الايام وهم بين فتره وفتره يطلبوني من ابوي وابوي طبعآ راافض
مع انه انسان لو اقوولكم ماووفيت بكلامي خلووق جدآ
بس ابوي كانت من اسباب رفضه
لانه قريب واي مشكلة تصير بيني وبينه بتأثر على ابوي ومرت ابوي والعكس صحيح
ولاني صغيرة مو بـ سن ينفع للزواج وعشان اكمل دراستي
ظل الرجال مصمم على ابوي الا يوافق وابوي يرفض
جا الوقت اللي خلاني اصير ملقوفه واعرف ايش سبب تصميمه على ابوي الا يوافق يبغاني انا بالذات
انا صرت اخاف السالفة صارت لها 3 سنين وهو بين فتره وفتره يكلم ابوي يحاول معاه يوافق
واكتشفت السرر هنا
مرت ابوي كانت تمدحني عند اهلها وبحيث يكون هو موجود ويسمع الكلام
وطبعآ معروف اذا تكلمتي عن حرمه ومدحتيها قدام رجال بيتعلق فيها ويحبها حتى لو ماشافها
ومره رحت بيتهم كانت عازمتني اخته الصغيره وسبحان الله شفته صدفه
انا ما احسها صدفه كأنها مقصوده واخته الصغيرة 24 ساعه تتكلم عنه وعن اخلاقه
بصراحه لو اي بنت بـ مكاني بتقول نفس كلامي الرجال ما يتفوت حتى الماده ممتازه عنده مشاء الله
بصراحه انا كنت اتمناهـ رجل ولا كل الرجال
يعني ايش ابغى اكثر من كذا !!
مشاء الله جمال ومال واخلاق ودين كامل والكمال لله سبحانه
وصار يحن هو ومرت ابوي اللي هي اخته يحنون عند ابووي ليه ما يوافق
انا ما حبيت ادخل نفسي و ادافع بصراحه انا استحي الحيا مايسمح لي
افاتح ابوي بمواضيع مثل كذا مهما كان بظل ساكته واللي يصير يصير
وكنت مؤمنه لو كان نصيبي راح اخذه ما احد راح يوقف بـ وجهي احد
مرت ابوي تمدح فيه قدامي غير اني معجبة فيه
مع الايام حبيته احس بأحساس وشعور في حياتي ماحسيت مثله احس اني احبه صدق مو حب خرابيط
ومن كثر ما افكر فيه احلم فيه احلام مالها تفسير بس عشاني افكر فيه ..
وبعد الحنه و الوونه قال لهم ابوي لما تخلص ثالث ثانوي حياكم الله انا ماعندي مانع اهم شئ تاخذ الثانوي وتعالوا عقبها وفرحوا وانبسطو ان ابوي وافق اخيرآ وانا كمان انبسطت وطرت من الوناسة
يووم قربت اخلص الثانوي خففت تذكرت كلام ابووي بعد ثالث راح يجوني رسمي
وانتظر وانتظر ما صار شئ :(
وخلصت اجازهـ الصيف ولا صار شئ وين كلامهم وين وعدهم ؟؟؟
وحسيت بأحساس غريب كأني بديت اتحسس من هالشئ
انتظر بـ سكووتي ماابي اتكلم كل يوم اقول يا رب اليوم فيه خبر عنهم
واجلس مع مرت ابوي ابيها تلمح شئ تقول .. للأسف ماقالت شئ ولا مدحت لي عنه ولا كلمه
ضاق صدري بس خليت نفسي مؤمنه و قوية هذا نصييب مو بيد احد
لما قربنا في بداية دراسة السنة الجديدة قبل لا تبدأ في اجازة العيد جتني اختي الصغيرة
اللي هي تصير اختي من ابوي يعني خالها اللي كان متقدم لي ويبغاني
تقول مادريتي سوينا بطاقات زواج خالي (......) وبسوي فستان وامي بتخيط وخالاتي كلهم بيخيطون
انا هنا انصدمتتتت طارت عيووني وقسم بالله من غير شعور بكييت وبكييت وبككييت
ابي اعررف ليه بكيت لاني حبيته ولا وش السالفة لييه تضايقيت
طيب ليه مرت ابوي ماقالت لي انه خطب وحده ثانية لييه كل شئ صار بدون ما تعلمني
لييه تخبي عني انا بالذات خواتي هم اللي يعرفون ويجون يقولون لي ياحليلة خطب فلان
وانا من جوا ابكي احس اني بنفجر من الضيقة ويتكلمون قدامي ومايدرون
وانا ساكته ماشكيت لوحدهـ فيهم ..
وتملك عليها وتزوجها وانا بموووت من الحرهـ بنقهرر كل ما تذكرت بكييت
خواتي يقوولون لي عن اخباره بس مرت ابوي ماتقول قدامي ليه ماني عارفه
اتمنى لو يدري لو يحس لو يعررف بس بـ غلاته عندي ومكانته والله مايتركني
حسافه تحبين انسان مايدري عنك
ماقدرت انساه ولا قدرت اكرهـ لاني احبه فعلا مو كذذب
ولا جابوا طارية واسمه مااشيل نفسي من الفرحه
وتجيني الاخبار من مرت ابوي تقول مايبيها ولا يحبها الود وده يتركها
والحين هم مشاكل وتاركها في بيت اهلها
وتقول وكأنها تلمح لي انه منقهر ونااااادم انه استعجل واخذ هاذي وعشان امه حنت عليها ياخذها
تقول ياليته صابر عليك وماخذك احسن منها
تمدحني مرت ابوي تقول لا انتي بـ مستواها ولا بـ جمالها ولا بـ اخلاقها <-- حشى هاذي انا
عاد مع الوقت عرفت انه حابني مو بس انا هايمه فيه ماادري يمكن عشان المدح
اللي كانت تمدحني فيه مرت ابوي قدام اهله وقدامه تعلقق فيني !!!!
والى يومكم تمدحني ويجوني نااس من طرفها عيال خالاتها وكذا <-- كمان الامهات يسمعون ويقولون
قولوا مشاء الله

بس ابي اقول لكم شئ مو عشان عمري تقولون لي مراهقة وكذا وتوني صغيرة لا بالعكس

ابي من يعطيني رأيه لا اكثر ما ابي كلام يجرحني <--عشان كذا انا مااتكلم لـ أحد و اقوله انا لو بقول ابي كذا شخص يسمعني ويقدر شعوري لا اكثر ..
وصارت اشياء كثيره بس ما لكم بالطويلة وتملوون مني ومن كلامي ..

ابي اي بنت تحط نفسها مكاني وتقول ايش تحس فيه ؟


انـا في انتظاركم ...


lmlom ©؛°¨غرامي متألق ¨°؛©

ياذا الحب الي مجنن العالم ماحدا يستاهل تحبيه حبييييي نفسك و بس
الله يعوضك خير مالك مكتوب تتجوزوا الزواج قسمه ونصيب

LooF ©؛°¨غرامي جديد¨°؛©

نورتي اختي (lmlom) :)

اشكرك على صراحتك واحترم رأيك ..


ســجــى ©؛°¨غرامي ذهبي¨°؛©

ممممممممممممم بصراحه مدري شو المطلوب
تبين احط نفسي مكانك مستحيل اسمح لنفسي افكر بشئ عارفه انه غلط او راح اندم عليه

هو تزوج حتى لو كان في مشاكل مع زوجته مالك حق تدورين اخباره... تناسي عشان تنسي
فتره وتعدي لما تتزوجي وتحبي زوجك تتذكرين انه هذا وهم مو حب
تقبلي مروري

شوشه مش منكوشه ©؛°¨غرامي مجتهد¨°؛©

اممممم
مادري شقولك بصراحه

لو أنا مكانك

دام السالفه كلها تلميح ودق
راح اللمح
يعني لو ٣سنين
صابر ومصر
ويوم جاء الفرج ووافق أبوي يروح يتزوج

ليه لعبه أنا ماعندي مشاعر
وزين انه ندم ويستاهل

هذي حوبتي فيه
مع أني احبه بس الي سواه
شمعناه ؟!!
وبخليه يحبي حبي عشان يوصلي
واطلع لو عيونو واوريه نجوم الظهر
هههههه >>ترا انتي قلتي حطي نفسك مكاني وانا عشت الدور

وبصراحه حاسه فيك وبمشاعرك
بس اقولك شعوري
بصراحه من ناحيته

شعور ماينوصف بس اختصره ((طاح من عيني))
بتقولي ليه

لنو انتي مو لعبه وقت ما لقى غيرك راح تزوج ولا سال
ويوم ندم رجع
صراحه تزعل الحركه وبقووه


اتمنى تتقبلي رأيي
وأكون ساعدتك





ودي

LooF ©؛°¨غرامي جديد¨°؛©

اشكرك سجى على مرورك واحترم وجههة نظرك
بس بـالنسبة اني مالي حق ادور عن اخباره حتى هو ماله حق يدور عن اخباري
للمعلومية كثير اشياء لو اوضحها لك كان فهمتي وعرفتي وش المطلووب
واشكرك مره ثانية على مرورك :)




_____________________



اختي شوشة مش منكوشة نورتي :)

اشكرك من اعماق قلبي وكلمة الشكر لا تكفييك
لانك بس حطيتي نفسك مكاني وحسيتي نفس الشعور اللي انا حاسه فيه وتخيلتي الموقف
فعلآ شعوور ماينوصف ابدآ .. وانتي الرد الووحيد اللي فعلآ ساعدني ..

يسعدك ربي .. :)


فديـتـــ روـــح كــ ©؛°¨غرامي جديد¨°؛©

والله صراحه يااختي لو انا مكانك اكيد بتضايق لانو بصرااااااحه مالهم كلمه وين وعدهم لكي وفرحتهم بموافقه ابوكي
بس تدرين ... خلاص دام هو تزوج المفروض هنا تنسينه ولاتفكري فيه مجرد تفكييير الخطاب كثيرين والنصيب واااحد يعني هادا شي مقدررر ومكتوووب

مداوية القلوب ©؛°¨غرامي مجتهد¨°؛©

معك حق تنقهري...

ولو انا بمكانك حانسااه ولو طلبني بعدهااا مليون مرة
لانه وعد واخلف وهي الصف ما لازم تكون بالرجال لو شو ما صااار

يعني صبر واقنع ابوك ويتفقوا وبالنهاية يخلف بعد ما اتعلقتي فيه<<<<< شي بيقهرررررر وانا مجربة بعد ما اقتنعت بواحد كنت رافضته وبعد الحاااح واصراار مو طبيعي من قبله هو واهله وبعد زياارات وسهرات واتعلقت ينسحب والله لو يرجع ما بستقبله ولا بقبل اي عذر...
لازم يعرف انك انسانة والك مشاعر ومالك على كيفه امتى ما بده يغير رأيه

باختصار هو ما بيستاهلك...لكن لو انتي لسا متعلقة فيه صلي وادعي ربك ييسر لك الخير بموافقة عليه لو طلبك او بنسيانه

çûtë dêntîst ©؛°¨غرامي نشيط¨°؛©

حبيبتي ربي يفرج عليك


هذا الحب وبلاوية ما يجيب غير جرح القلوب و وجع الراس <<ربي لا يبلاناااا


مع إن حركتة مو حلوة وتجرح ومعك حق تتضايقي لكن إذا لساتك متعلقة فية


عليكي با الدعاء وتخيري اوقات الإستجابة ،،


اسأل الله ان يخترلكِ الخير حيث كان ..



خالـــــــــص وديـــــــــــ & تقديـــــــــــري ~~


لفحة أمل ©؛°¨غرامي مشارك¨°؛©

حبوبه انا مع ام اشويشه في كل كلمه قالتها ..

ومشاعري مب لعبه بينه هو واخته اذا بغا سوى المستحيل واذا ما يبي باعنا

حبيبتي من باعنا بعناه ولو كان غالي ..

بس فيه شئ مفقووود ابوووك وش رائه في تصرفهم اكييييد زعل واخذ في خاطره ولاظنتي انه بيوافق

عقب موقفهم الشين ..

تقبلي هذرتي




أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1