غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 22-01-2012, 01:49 PM
صورة غروور.. الرمزية
غروور.. غروور.. غير متصل
©؛°¨غرامي مشارك¨°؛©
 
الافتراضي رد: رواية غريبة بين أهلها / بقلمي


كملي بلللللللليز بليزز
تحمست احسن انو الولد اللي في المجلس وليد
بلييييييز يلا يلا عشاني بليز

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 27-01-2012, 03:34 AM
صورة زهره ربيع الرمزية
زهره ربيع زهره ربيع غير متصل
©؛°¨غرامي مشارك¨°؛©
 
الافتراضي رد: رواية غريبة بين أهلها / بقلمي




الجزء.. {الخامــــــس}

راحت عند عمها وهي لسا بعبايتها والطرحة بس الغطوة على يدها
ابو فهد: ما اوصيك يا بنتي البيت بيت سوي اللي تبين
رغد بحب: تسلم يا عم ما تقصر الله يكرمك
ضمها عمها وبعدها: يلا روحي بدل ما البنات يطفشوا
ضحكت رغد وهي تتذكر شكلهم وهم يشردون على الدرج: كنا جالسين نتكلم في الصالة ولما سمعوا صوتك شردوا على الدرج وهم خايفين انك تطلع لهم
ضحك ابو فهد على البنات: من يومهم مجانين
رغد وهي ما زالت تضحك على خفيف: اوكي عمي استاذن انا
ابو فهد: في حفظ الرحمن
خرجت رغد من المجلس
ابو فهد ناظر ابنه: يلا يا ولدي روح انت كمان نام
وليد: ان شاء الله يبة تصبح على خير
ابو فهد: وانت من اهله "تذكر شيء" وليد
التفت له وليد: سم
ابو فهد: قول لاختك تقول لرغد تختار شكل غرفتها لان العمال بيجون بكرا
وليد: من عيوني
وخرج
لقاها قدامه معطيته ظهره وتتفرج على البيت وهي تمشي ببطئ باتجاه السلم الى ما وصلته وعلى طول طلعته ركض وهي تضحك
ما همه وراح باتجاه المصعد وشكلها وهي بدون حجاب في ذهنه وكل ما يتذكره يستحقرها
..............
طلعت ركض على السلم ووصلت للدور الثاني والقت عليه نظرة سريعة شافت على يمين السلم باب كان غرفة الطعام اللي قالوا لها البنات عليها وفيه غرف كثيرة طلعت على الدور الثالث لقت غرفة مثل اللي تحت بس مو نفس الاثاث استغربت ان ما احد قال لها عليها وشافت غرف ثانية مشيت ثلاث خطوات مو عارفة اي غرفة البنات فيها وفجأة انفتح جنبها باب
اخترعت وعلى طول رجعت لورى وهي يدها على قلبها وبعدين ضحكت وقال باستهبال: مو تطق الباب الاول مو تدخل على طول
عقد حاجب باستغراب من كلامها
ضحكت على منظره: امزح "ورجعت تطالع الغرف" ما تعرف اي غرفة البنات فيها
وليد: لا روحي شوفيهم انتي وحظك كل الغرف حق البنات ونادي لي هبه
نطت رغد بفرحة: واااو اخيرا انتقض وضوئك واتكلمت معي؟
ناظرها وليد باستحقار وما رد
رغد بطفش من عدم رده: ايه ايه الحق نفسك وتوضى ثاني.. شكلنا مارح نكون اصحاب
وليد باستحقار: ومين قال لك اني ابغى اكون صديق لك؟
فهمت قصده وتذكرت نظارته لها وفكت الطرحة: عااادي ما تفرق معي اذا تكون صديق لي او لا"وحطت الطرحة على كتفها ومشت" بنادي لك هبه
وفتحت اول باب واجهها لقت غرفة فاضية بس فيها طاولة وعليها دفتر
قفلت الباب بسرعة لانها عارفة انو لسا وراها
فتحت الغرفة اللي بعدها لقتها غرفة نوم بناتية ولونها بناتي
ونفس الشيء الغرفة اللي بعدها
فتحت الغرفة اللي بعدها
لقت البنات فيهم
امل نايمة على ظهرها وعبير وهبه على الاب توب وريم تقرا مجلة واول ما شافوها قفزوا في وجهها
ريم: وينك ليش اتاخرتي
هبه: ابوي ايش قال لك؟
عبير: قلت لك تعالي معاي في المصعد ما رضيتي
امل وهي في مكانها: بشويش على البنت يا مجانين
تعدتهم رغد وراحت عند امل وجلست جنبها وباستها على خدها: انتي الوحيدة اللي فاهمتني"وناظرت هبه" اخوك يباك
هبه: من فيهم؟
رغد: وليد
هبه: اهاا اوكي..اجهزوا يا بنات عشان نروح الغرفة الثانية
وطلعت..
رغد ناظرت امل وضربتها على كتفها بخفيف: انتي تعالي هنا
امل بفجعة: اش فيك؟؟
رغد بقهر: تقولين لي غرفتي روعة وجهزتوها وهي بدون حتى دهان؟
ضحكت امل: وانتي كيف عرفتي انها غرفتك؟
رغد بتمثيل للعصبية: حسيت.. وتقولين لي صارت حلوووة.؟
ريم وهي تقرا في المجلة: عمي قال ما نسوي فيها شيء لين تجين تختارين بنفسك كل شيء
عبير: اه وبتنامين في اي غرفة لين تجهز هي تقريبا بتاخذ يومين او ثلاثة يعني سهلة
امل: اي ثلاث ايام الله يهديك ما بتاخذ يوم تحت اشرافي خالتي
ضحكت ريم: اكيد في يوم بيسووها
دخلت هبه: يلا بنوتات نروح الغرفة الثانية
رغد بفضول: شكان يبي منك؟
هبه بعدم اهتمام: يقول ان ابوي خلها اليوم تختار كل شيء عشان بكرا العمال يجهزون كل شيء.. ويقول لا تنزلون بدون حجاب الا لما تتاكدون ان مافي احد تحت
امل وهي تقوم وتفرد ظهرها :ااااااااخ.. يلا خلون نروح
ريم :يعورك ظهرك؟
امل: لالا لما اتمددت شوي صار بخير
عبير وهي توقف بتحمس: اجل يلا
رغد وهي تناظرهم: وين بنروح
مسكتها امل من ذراعها: بنروح الغرفة الكبير الغرفة تبع الاتسهبال الكبير "وغمزت لها"
رغد وامل تمشيها: كيف يعني؟
هبه وهي قدامهم: غرفة كبيييرة فيها تلفاز ومسجل واضواء وجو يعني استهبال
فتحت هبه الباب ودخلتهم وقفلت الباب والغرفة جنااان كلها بلونات ودباديب والدهان وردي فاتح وفيه صور شخصيات كرتونية بناتية وفيه ورد الاثاث بالابيض والوردي الفاتح والتلفاز لونه ابيض والمستجل ابيض واسماعات بيضة ولوحات ورود وردي وابيض وشكل الغرفة رووعة
عبير: امممم الحين بايش نبدا؟؟
ريم بتحمس: نسمع فيلم وبعدين نرقص
امل: لالا نرقص وبعدين نسمع الفيلم لاننا وانا بنسمع "هي تاشر على الصواني" بناكل كل هذا
ضحكت هبه: اوكي نشغل اغنية ايش؟
رغد: بس هيك بيسمعوا الصوت
هبه وهي تاشر بيدها بمعنى لا: الباب فيه عازل صوت مستحيل يعني يسمعونها
رغد: كمان. ماشاء الله
ضحكت عبير: شغلي لنا شيء نهز عليه
امل وهي تصرخ: مستحيل نرقص بهاللبس
كانوا لابسين بلايز وبناطيل جينز عادية
هبه وهي تخبط جبهتها بيدها: اااخ دحين رغد شناطها في الصالة تحت
ريم:رغد وهبه وعبير ينزلوا يجيبوا الشنط واحنا بنبدل ملابسنا
عبير وهبه: اوكي
رغد: طيب يمكن احد تحت صاحي
ضحكت عبير: حلوة هاذي صاحيين لالا الساعة الحين "وهي تناظر ساعتها" 1:20
رغد بشهقة: يا ويلي الوقت متاخر
هبه: ههههه احنا كذا بدري
ريم: بنسهر لبعد الفجر
امل وهي تدفهم: لا تكثروا كلام وروحوا جيبوا الشنط
خرجوا كلهم من الغرفة وهم يضحكون
امل وريم راحوا يغيروا ملابسهم
عبير وهبه ورغد ركبوا بالمصعد وطلعوا جري بس بخطوات هادية
: شتسوون انتوا
اخترعوا الثلاثة ولفوا عليه
هبه تنفست براحة: انت اللي شو تسوي خرعتنا
وليد: بشوف التلفاز لقيت اللي يجرون
عبير:بنجيب شنط رغد من برا
هبه: بسرعة يلا يا بنات
وليد وهو يقوم ببرود: بروح انا اجيبها لانها ثقيلة
هبه :لالا عادي بنروح نجيبها
وليد وهو يمشي من قدامهم: انا اللي شلتها وعارفها ثقيلة
عبير وهي تمشي بناحية المصعد: خلاص بكيفك احنا طالعين
مشيت وراها رغد وهبه وطلعوا فوق
لقوا ريم وامل طالعين من الغرف ولابسين
ريم.. كانت لابسة تنورة لتحت الساق لونها وردي وسندل وردي بكعب وبلوزة بيضة عليها رسمة وردة بالوردي والاكسسوارات باللون الابيض ومسوية شعرها ذيل الحصان وهي فيها سمار خفيف وعيونها سود ورموشها الكثيفة وشعرها طويل لين نصف الظهر وناعم.. وطويلة ونحيفة يعني قوامها جميل وفمها الصغير
اما امل.. كانت لابسة فستان قماشي عادي لين تحت الركبة ابيض بنقط وردية واكسسوارات وردية وشعرها تاركته لانه شعرها لين تحت الكتف بشوي لونه اسود بس هي صبغته كستنائي وهي بيضاء وطولها متوسط ومليانة شوي وعيونها العسلية ورموشها الكثيفة وشفايفها المنفوخة طبيعي طلعت روعة

ضحكت هبه: شكلكم بتغطوا علينا
عبير: الظاهر كدا
امل بغرور: اكييد احنا دايم نغطي عليكم
ريم: يلا بس روحوا البسوا
امل انتبهت وشهقت: وين الشنط رحتوا وجيتوا بيدكم فاضية؟
رغد: لالا وليد بيجيبهم لانهم ثقاال
هبه: صحيح يلا يا عسل انتي وهي على جوا بدال ما يشوفكم
راحت امل وريم وهم يتسابقون للغرفة
هبه: انا بروح اغير ملابسي "وناظرت عبير" بتلبسي مثلي؟؟؟
عبير : اكيييد
هبه وهي تناظر رغد: شرايك لو نروح المول وتلبسين مثل لبسنا لانهم بيتلخبطون بيني انا وعبير فنصير ثلاثة احسن
رغد بعد تفكير: اوكي ليش لا حتى ابغى اشتري ملابس جديدة لان ما جبت ملابس كثير
عبير بصدمة: نعمممممم اجل ايش كل هالشنط اللي تحت؟
هبه بنفس الصدمة: معبيتهم اكل؟
وما انتبهوا للشخص اللي خلفهم
ضحكت رغد بصوت عالي: ههههههههههههه لالا بس "وهي تعد على اصابعها" واحدة فيها الملابس كلها وهاذي الكبيرة والثاني فيها الاحذية والشنط والاكسسوارات يعني والثالثة فيها الاب توب وفيها والمستلزمات الثانية من كريمات ومرطبات وغيره يعني
عبير: كويس عشان نشتري من هنا زي بعض
هبه: المول اللي نشتري منه مرررة حلو وملابسه فخمة وبتلاقي نفس اللي عندنا
رغد: يلا يلا روحوا البسوا وبكرا نفكر

هبه وهي تمسك عبير ويمشون: تصبحي على خير
رغد بعدم استيعاب: وانتي من اهــ"واستوبت" نعمممم بتنامون؟
ضحكت عبير: ههههههه نمزح معك
رغد: يلا روحوا على ما اشوف اخوكم ما جاب شنطي ليه
ودارت وجهها شافت اللي واقف وساند على باب المصعد وجمبه ثلاث شنط
رغد ببرود وهي تاشر على غرفة ريم: دخلها هنا لو سمحت" ودخلت على غرفتها"
وليد بغضب مكبوت همس لنفسه: ليه شايفتني عندها خدام.. انا الغلطان
ودخل الشنط

وهي دخلت غرفتها اللي لسا ما تجهزت وراحت للدفاتر اللي على الطاولة
لقت فيه اشكال الوان الجدران والاثاث والشكل والاضائة والزخرفات
اختارت لها كل شيء واشرت عليه واخذت الدفاتر وطلعت
لقته ماشي من قدامها
وليد: حطيتهم لك هناك
رغد: اوكي تسلم "ومدت الدفاتر له" اعطيهم عمي
اخذهم وليد منها بدون ما يناظرها: طيب
ونزل
رغد على طول راحت غرفت ريم ولبست ملابسها وطلعت
وراحت على الغرفة الكبيرة
لقتهم كلهم هناك

عبير وهبه كانوا لابسين.. تنورة لفوق الركبة بشوي وردية توب وبلوزة وردي توب وبنطال ابيض مو واصل لاخر الساق توب واكسسوارات بيضاء وشعرهم اللي واصل لنصف ظهرهم بلونه الاسود مسوين خصل اللي فوق مرفوعة وتاركين اللي تحت بدون شيء وتقريبا ملامحهم زي بعض عيونهم عسلية بس عبير كانت اغمق من هبه وطولهم حلو قد بعض ونفس الجسم وفمهم صغير

ورغد كانت لابسة.. فستان عادي لونه وردي وفيه صور ورود بالابيض والاكسسوارات بيضاء وشعرها الناعم واصل الى تحت ظهرها بشوي وبياضها الطبيعي صارت رووعة
هبه تصفق: كنا بنقول هالريم واملوه بيغطوا علينا انتي اللي غطيتي علينا
رغد بصدق: انتوا كلكم على بعضكم عسل بدون اي ملابس
عبير باستهبال: حتى لو لابسين عباية بيت؟
امل تكمل معها: وحتى لو بيجامة نوم؟
ضحكت رغد: حتى لو لابسين مريلة مطبخ
ريم: هههههه احنا ما ندخل المطبخ اصلا
هبه وهي تاكل من المكسرات: ولا نعرف شكله
رغد باستغراب: ما تعرفون تطبخون؟
ضحكت عبير : حلوة حلوة هنالكتة
هبه: نطبخ؟؟؟؟ تنزحين؟
جلست رغد: وليش لا؟
امل: يعني تقنعينا انك تعرفين تطبخين
رغد وهي تحط رجل على رجل: اكيييييد
ريم: ايش تطبخين؟
رغد بغرور مصطنع: اعرف اسوي بيض
ضحكوا كلهم
رغد: ايه والله وبيض عيون كمان
هبه وهي ما زالت تضحك: لالا والله ماهرة
ضحكت رغد معهم :امممم اوكي كلموني عن نفسكم يعني اصدقائهم مدرستكم هيك
هبه: اسمعي انا احكي لك عن المدرسة.. صديقاتنا المقربات رنا ومشاعل وطبعا في نفس درجة الهبال
امل: المدرسة نروحها بسواق وطبعا هالسنة كلنا جايبين 97%
رغد: ماشاء الله انتوا شكلكم ما تهتمون للدراسة ولا شيء بس نسبكم حلوة وزي بعض كمان
هبه: اكييد احنا صحيح مجانين ودمنا خفيف طبعا بس كله الا الدراسة
عبير: صحيح هي دمها ثقيل بس هي مستقبلنا
رغد: كويس كويس
ريم: وانتي كم نسبتك؟
رغد: 98%
هبه: ماشاء الله
عبير: وايش ناوية تدخلي
امل: ايه صح لازم نخطط من الحين عشان ما نتعب بعدين
رغد بتفكير: انا ابغى ادخل هندسة كمبيوتر
ناظروا البنات بعض
امل: كويس كويس بنصير مع بعض
هبه: حلو
عبير: يااااي وناسة
ريم: يا سلام احلى شيء مع بعض في نفس الجامعة
رغد باستغراب: انتوا بعد تبون هندسة كمبيوتر؟
امل: ايووة لاننا بنحب النت والكمبيوتر كثير
هبه: ولازم ندخل اللي نحبه
ريم وهي توقف: مارح نرقص؟
هبه وقفت وراها: ايش نشغل؟
عببير: امممم فيه اجنبي
هبه وهي تمشي ناحية الكاست: كله موجود
وشغلت اغنية اجنبية ورقصوا كلهم بهبال معتاد

وبعد تقريبا ساعة من الرقص على اغاني متنوعة

جلست رغد على الكنب بتعب: اففف تعبت كثيير
هبه وهي تجلس جنبها: وانا بعد
عبير وهي تضغط زر الفتح في الرموت كنترول: بس بس خلونا نتابع الفيلم اللي من ذوق ريم
ريم: والله جنان
امل وهي تمسك طبق البوب كورن: بنشوف
وشافوا الفيلم وطبعا ما تركوا شيء الا وعلقوا وضحكوا عليه
امل: مررة كان شكلها حلو في هالفيلم
ريم وهي تضربها على كتفها بخفيف: وانتي كل اللي هامك الشكل.. ما همك الفيلم نفسه؟
هبه: لا بس ذووقك رووعة
رغد وهي تتثاوب: ابغى انام تعبت وهلكت
عبير وهي تقوم: اجل يلا
رغد: وين بنام؟
ريم بسرعة: بتنامين بغرفتي
امل: لالا بتنام عندي
ريم: قلت انا
وعلت اصواتهم
رغد وهي تعلي صوتها عشان يسمعونها: خلااااص لا انتي ولا هي بنام عند هبه
هبه: لالا انا وعبير بغرفة وين بتنامين
رغد بنص عين: تطرديني؟
عبير بضحكة: تقريبا كدا
مسكت رغد الوسادة الصغيرة اللي كانت على الكنب وضربتهم بها
رغد: خلاص بنام عند امل
ريم بزعل: وليش ما تنامين عندي؟
رغد: بكرا ان شاء الله.. الجايات اكثر
قاموا كلهم وراحوا غرفهم وناموا على طول من الاجهاد والتعب

يتبع..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 23-02-2012, 02:58 PM
صورة زهره ربيع الرمزية
زهره ربيع زهره ربيع غير متصل
©؛°¨غرامي مشارك¨°؛©
 
الافتراضي رد: رواية غريبة بين أهلها / بقلمي



وفي صباح يوم جديد
عند عائلة اخرى
وعلى طاولة الطعام تحديدا

الاب:الاسبوع الجاي ان شاء الله رايحين عند عمتكم سعاد.. جهزوا حالكم
اسلام بتافف: انا مارح اروح
ابو اسلام بعصبية: وليه ان شاء الله ايش فيها عمتك؟
اسلام: (بنتها نشبة) كذا ما ابغى كيفي
ابو اسلام بعصبية اكبر: احترم نفسك وانت بتكلمني
اسلام وهو يدف الكرسي بطفش: خلااااااص يبة مارح اروح يعني مارح اروح"وخرج"
ام اسلام وهي تهدي زوجها: اهدأ اهدأ يابو اسلام.. خله هالمرة على كيفه بخليه يروح عند اخوي عبد الله في هاليومين اللي بنروحهم
ابو اسلام وهو متحسر على حال ولده: ان شاء الله
وقاموا الاثنين من على السفرة
انغام وهي تكلم مرام من بعد صمتهم: وش فيه اخوك ما يبغى يروح
مرام بعدم مبالاه: ما ادري عنه دايما كذا
انغام: شفتي شلون يكلم ابوي
مرام بعدم مبالاه اكبر: دايما كذا "وناظرتها" تصدقين اشتقت لانوار بنت عمتي فديتها
انغام اللي تكره انوار: اقول اسكتي بس ما حبيبتي الا هاذي
مرام : وش فيها ما ادري.. كل عيال عمتي عسوليييين
انغام وهي توقف بقرف: يعععع ولاد عمتي.. كلهم على بعضهم غثة
مرام وهي تناظرها وهي تمشي: ما احد غيرك الغثة
اشرت لها انغام بمعنى اسكتي بس

في بيت ابو وليد

صحيت الساعة سبعة الا ربع بعد ما صحتها امل بالحاحها
امل وهي تفتح الستائر.. يلا رغود قومي مافي نوم للظهر
رغد وهي تحط الوسادة على راسها: اه وفيه سهر للفجر صح؟
ضحكت امل واتجهت لها: قومي بس احنا لازم نكون على السفرة دايما وبعدين اذا تبين تنامين للمغرب ما احد كلمك
ما ردت عليها رغد
قامت امل تطنط على السرير : يلا رغدووووه
ضربتها رغد بالمخدة وقامت بطفش ودخلت دورة المياة اكرمكم الله وتوضت وطلعت تصلي
ولما خلصت لقت الاربعة على السرير يتكلمون
هبه: رغود ما تتحجبين صح؟
رغد وهي تفتح شنطتها: لا اتحجب
هبه باستغراب: بس ياسر قال انو ماتتحجبين
رغد: لا اتحجب بس عشان لما جا عندنا عادي قلت عمي وابن عمي عادي
عبير: اوكي وانا راح تتغطين كمان
رغد : مافي مشكلة "تدور ملابس" ايش البس؟
امل: احنا بنفكر نروح المول بعد الفطور
ضحكت رغد بصوت عالي: احنا نايمين الفجر تبين نواصل لمتى.؟
هبه وهي تناظر اظافرها: عااادي مو مهم النوم المهم الوناسة
ريم: وبعدين مهم نروح المول عشان نشتري ملابس زي بعض
رغد بتفكير: امممم اوكي ليش لا وبعدين ايش بناخذ منها؟.. يلاا يلا على برا ابغى اغير ملابسي
ريم وهي تاشر على غرفة الملابس: ادخلي هنا وسكري الباب
ضربتها عبير بكوعها وبصوت مسموع: هاذي طردة بس من بعيد
ضحكت رغد: براافو فهمتيها
قامت هبه بعصبية مصطنعة: يلا يلا يا بنات شكل رغد اخذت علينا بزيادة
امل: ايه يلا
ريم وهي توقف: البسي لبس ينفع للخروج وجيبي معك العباية والطرحة والغطوة
رغد: اوكي
وطلعوا كلهم
لبست رغد بلوزة باكمام بلون ابيض وعليها رسمة بنت وبنطال جينز وماحطت شيء في وجهها لانها ما تحب المكياج ولبست عبايتها ولبست الطرحة والغطوة في يدها
واخذت الحقيبة السودة وقبل ما تحط الجوال اتذكرت شيء
دقت رقم اغلى انسانة على قلبها
{اغلى الغوالي}
ردت عليها بصوتها الحنون: اهلا يا رغد كيفك؟
رغد ودومعها تجمعت في عيونها: مشتااقة لك كثيير
ام رغد بحنان: وانا اكثر يا بنتي.. كيف معاملة اعمامك وعيالهم معك؟
رغد: طيبين كثير يمة وخصوصا جدي وجدتي.. الا كيفه بابي؟
ام رغد: بخير يسلم عليك بس الحين نايم
رغد: وانتي ما نمتي؟
ام رغد: لا لسا يا بنتي كنت افكر فيك
رغد: لالا نامي الحين عشان بعدين اكلمك "وباستهبال" وانا بقول لاماني تفتح الميل ونتكلم عليه عشان رصيدي ما يخلص
ابتسمت ام رغد من بين دموعها: وكل هامك الرصيد؟.. وبعدين الرصيد بيروح في احد ما يستاهل؟
رغد: وش احد ذي يامامي.. انتي اغلى الغوالي.. ولو صرفت كل اللي قدامي ووراي ما وفيتك
ام رغد : تسلمي يا روح امك.. انتي الحين ليش صاحية؟
رغد: تخيلي انا كنت في الاجازة انام لين الظهر وهم يصحون يفطرون الساعة سبعة.. والمصيبة اني نايمة الفجر مع البنات
ضحكت ام رغد على بنتها: احسن تستاهلين كنتي عندي مدلعة تصحين الظهر الحين تصحين من الصبح عشان تتعودين
رغد بحنين: وانا وين القى دلعك الحين.. اشتقت له
ام رغد بحب: وانا وين القى برك وحبك لي؟
رغد باستهبال: عندك بابي.. ولا ما يكفي؟
ضحكت ام رغد: يا بنت استحي.. اصلا انا من غير ابوك ما اسوى
رغد باستهبال اكثر: لالا اذوب انا"وسمعت صوت هبه تنادي عليها" سلام مامي شكلهم اجتمعوا على الفطور
ام رغد: الله معك ودعتك الله
رغد وهي تقف بعجلة: تسلمين يا الغالية.. لا تنساني بقول لاماني تنزل لك اللاب توب واكلمك عليه صوت وصورة " وفتحت الباب" واوريك الشلة يلي صرت معهم بيوم وليلة
ام رغد: ان شاء الله يلا مع السلامة
رغد: باشتاق لك ولبابي.. سلمي لي عليه
ام رغد: يوصل ان شاء الله
رغد: مع السلامة

ملاحظة
.....................................
ام رغد مصرية بس يتكلمون في البيت سعودي كلهم
..................................

سكرت رغد وهي خايفة لا يكون عمها على الطاولة وهي متاخرة وركضت على الدرج وهي رافعة عبايتها واتجهت لغرفة الطعام ودخلت وانصدمت
مافي على الطاولة الا البنات الاربعة بس
ولعت رغد منهم وهم قطعوا عليها احلى لحظة: ليش تنادون علي قطعتوا علي
التفتوا وشافوا وجهها المولع وضحكوا عليها
هبه: حبينا نقهرك
امل وهي تاشر بينها وبين هبه:تعالي تعالي جنبي هنا
رغد تكتفت وتكلمت :مابغى جمب هالوحشة"وهي تاشر على هبه بطفولة"
ضحكوا كلهم عليها وهي راحت جلست وضربت هبه بخفيف: كنت اكلم امي وفرحانة الا وصوتك ذا قطع علي
هبه باسف: اسفة بس كنت امزح
رغد: عادي عادي
امل: شوفي بخبرك وين يجلسون
ناظرتها رغد وضحكت: وانتي كل شيء تعرفيه وتعرفيني عليه؟
ضحكت امل: لااازم عشان تدخلين الجو
رغد: قولي سمعيني بس متى ينزلون يفطرون
ريم اللي كانت جانب عبير اللي تاكل قطع الخيار بطفش:اممم الحين الساعة "وهي تناظر ساعتها الكريستال"سبعة وربع وهم ينزلون متفرقين ولازم الساعة ثمانية ونص نكون كلنا موجودين
رغد ناظرت امل بحدة: تقول سبعة ونص نكون موجودين ليه مصحيتني سبعة الا ربع؟
امل ناظرتها ببرود: انتي لبستي وكلمتي امك نص ساعة لو مصحيتكي سبعة كان الحين ما نزلتي
رغد: اوكي اوكي الحين ابغى اكلم صديقتي واكيد الحين نايمة
عبير واخيرا نطقت: ليش ؟؟
رغد وهي تدور بين الارقام: لانها مثلكم كذا كنا في الاجازات نسهر للفجر بس طبعا نصحى الظهر مو مثلكم كذا
ريم: لا في عيلتنا كلها وخصوصا عمي عبد الله بالتحديد لازم نكون كلنا موجودين على السفرة حتى لو سهرانين وما نمنا
عبير: كلنا لازم نكون موجودين الا فهد وزوجته واولادهم يفطروا ببيتهم وناادر ويكون شيء قوي ان نزلوا فطروا معنا وخلود نادر لو جلست معنا وابوي تاركها على راحتها
رغد اجلت اتصالها لدقايق باهتمام: وليش ما تجلس معكم؟
عبير بعدم اهتمام: هي كذا دايما منعزلة ومن البيت للروضة كذا ما تحب تتكلم معنا الا نادر
رغد وشدها موضوع خلود: اها (لازم اعرف ايش فيها اكيد عندها مشكلة اكيد)
وكملت وهي تلتفت لامل: وين الامكان حمستيني
امل وهي تاشر على اول الطاولة: هنا يجلس عمي عبد الله "واشرت على يمين الكرسي" وهنا خالتي "واشرت مقابل الكرسي" وهنا يجلس خالد ووليد يجلس جانب خالتي اما جنب خالد جالسة عندك هبه وبعدين جنب وليد تجلس عبير هناك وجنبها ريم وكنت اجلس جنب هبه بس الحين جيتي ووعد تجلس بجنبي وجنبها عهد اما خلود لو فكرت تنزل بتجلس جنبي ولو جاء فهد وعيلته يجلس قدام ابوي وجنبه زوجته وعياله
رغد: اها ماشاء الله "وتذكرت" الله يرجكم نسيتوني الاتصال
وعملت اتصال على {اعز صديقة}
جاها الرد: الو مين معي؟
صرخت رغد باشتياق: اهلا عموور حبيبي انا رغد
هبه اول ما سمعت حبيبي وعمور على طول استغربت زي ما استغربوا البنات وحطت اذنها على السماعة
نقز عمر بفرحة: لغووودة.. وحشتيني موت موت موت
ابعدت اذنها عن السماعة بعد ما ارتاحت واتنفست بارتياح والبنات يأشرون لها بمعنى ايش
فضلت تتركهم على نارهم
وما انتبهوا للي وراهم دخل من اول الاتصال وسمع كلامها وقال في باله : (اكيد مو متحجبة ايش يجي منها؟) ومشى بتجاه الطاولة وهو يسمع ردها
رغد: وانت اكثر عمور عامل ايه؟
عمر: كويث.. بس انتي تعالي عندي
ضحكت رغد: بكرا وانا عندك.. الا وينها اماني عمور؟
جلس على الطاولة مكانه بهدوء بس فجاة تذكر شيء: (بس تتكلم كذا قدام اخواتي؟.. بعدين بقول لها تخلي غراميتها بعيد عن البنات)
عمر: نااايمة لانها ثهلانة لحد الفجل {نايمة لانها سهرانة لين الفجر}
رغد بخبث: عمور حط الموبايل على اذنها وثبته اوكي؟
عمر: طيب اثتني
وعمل زي ما قالت له رغد

اما البنات طول الوقت ياشرون لهبه تقول لهم مين لانهم شافوا على ملامحها الارتياح بس هي مطنشتهم وتلعب بالسكين والشوكة في طبقها وتطالعهم ببرود وهي كاتمة الضحكة
امل اللي حست بخطتها: حطيه سبيكر ابغى اشوف ردة فعلها
سمعت كلام امل وحطته سبيكر وهي تطنش النظرات النارية اللي موجهه لها لما حست ان الصوت هدا صرخت: قومي يا الدوبة
اماني انفجعت من الصوت لانه في اذنها ووقفت على السرير وهي تمسك اذنها وعمر اول ما شافها كذا ركض برا يضحك بطفولة
واماني لسا ماسكة اذنها وتحسبن وتدعي عليها
والبنات ميتات ضحك وهو يسمعون دعاويها وحسبنتها
مسكت التلفون من على السرير وجلست وهي لسا تفرك اذنها وهي تحسها تصفر: الله ينتقم منك اذني بتوجعني
ضحكت رغد : احسن تستاهلين نايمة لين الفجر وتبين تنامين لين الظهر؟.. اصلا انا بكلمك ومتاكدة انك نايمة
اماني: دلوقتي بقيتي تتريقي عليا عشان لسا نايمة.. الله يرحم كنتي بتنامي لحد العصر ايه اللي حصل؟ {الحين صرتي تتريقي علي عشان لسا نايمة.. الله يرحم كنتي تنامين لين العصر وش صار؟}
ضحكت رغد : انا سهرت مع البنات بس من قوانين البيت لو ما نمنا لازم نقوم نفطر اهم شيء
اماني وهي تتمدد على السرير: اها طيب ياختي.. انا لي كلام مع القرد اللي دخل غرفتي.. اموت واعرف داخل ليه.. والا لو ما كنتش هرد عليكي اصلا
رغد: لا الحمد لله انه دخل.. مش عارفة كان داخل يعمل ايه؟؟
اماني: لا" وفجأة استقرت عيونها على علبة الشوكولاته اللي اشترتها امس مفتوحة وواقع على الارض واحدة وعلى الطاولة واحدة"
صرخت بقوة: لاااااااااااا علبة الشوكولاته كيف ما شفته
رغد وهي فهمت انه كالعادة اخذ من الشوكولاته اللي بتشتريها وضحكت عليها: احسن تستاهلين
اماني وهي شوي وتبكي وهي تشوف نص العلبة ناقص: الشوكولاته غالية وانا بحبها.. والله هوريه
رغد بتهديد: يا ويلك يا سواد ليلك ان قربتي لعمور حبيبي
ابتسم بسخرية على تدليعها وكلامها
اماني: لما يجي بابا بالليل وانا هوريه
رغد: انا حذرتك
اماني ورجع لها النوم ثاني وهي تتثاوب: يلا يلا مع الساعة عايزة انام
رغد: ماشي "وهي تذكرت شيء" صحيح اماني لا تنسين اليوم لو دقيت عليكي روحي لمامي وافتحي الميل ابغى اكلمها صوت وصورة.. انا قلت لها
اماني: ان شاء الله.. يلا سلام
رغد: سلام
وطبعا المكالمة تحت ضحك البنات وهم يحاولون يكتمون الضحك
اول ما قفلت رغد التلفون فزعتها عبير: مين عمور ها؟؟
ناظرت رغد الشخص الجالس بطرف عينها وهي عارفة تفكيره وحبت ترفع ضغطه: حبيبي الاول والاخير
هبه وهي تحاول تكتم ضحكتها: الله الله
امل وهي مو مقتنعة: لا بجد
رغد: هاد اخو امون عمره اربع سنوات بس عسووول واحبه ويحبني
ريم بهبال: وليش ما اتزوجتيه
ردت عليها رغد بهبال: لسا يبغى يكون نفسه
ضحكوا كلهم على دخلة خالد: السلام عليكم
ردوا كلهم السلام
خالد: على ايش تضحكون؟
عبير: بعدين بعدين لانها سالفة طويلة عريضة
خالد وهو يجلس جانب هبه ويوجه كلامه للجالس جنب عبير: وانت على ايش ناوي اليوم بما انه مافي جامعة ولا دوام
وليد بتفكير: ما ادري يمكن اطلع مع اصحابي
همست هبه لرغد: اصحابه معناتها ندى
استغربت رغد وهي ما تدري شيء: وش دخلها فيه؟
هبه: بحكي لك بعدين في المول
رغد بعدم اهتمام: اها اوكي
جلسوا ساكتين شوي وقطع السكوت كلام رغد لهبه: وين غرفة خلود
استغربوا كلهم منها ومن سؤالها
وردت عليها هبه: فوق
رغد: ادري فوق اجل تحت السلم؟
ضحكوا البنات
هبه: في غرفتها
رغد بطفش: ياااربي اجل وين يعني بتكون في المطبخ؟؟ فين غرفتها يعني؟؟
عبير وهي تضحك وتقوم من الكرسي: تعالي تعالي معي اتركي مقفلة الدماغ هاذي
هبه: الدراسة قفلت مخي
قامت رغد: قولي لها تجيب المفتاح
ضحكوا..
وهي تطالعهم بعصبية مصطنعه: هيين اوريكم.. تيجي في يوم وليلة تغيركم علي؟؟.. انا يلي ما كان احد يقدر يضحك علي؟
ريم: ولت هالايام جات الاقوى منك
ناظرتها هبه بوعيد وسكتت
اما رغد طلعت مع عبير على الدرج ودخلوا الجناح كان عبارة عن صالة وغرفة
عبير: انا نازلة.. بس ايش تبين منها؟
رغد: بعدين تعرفين
عبير همست لها وهي تاشر على الغرفة: بتلاقينها عند الشباك
رغد: اوكي" وطرقت الباب"
خلود: اتفضل
دخلت رغد عليها ولقتها جالسة عند الشباك واستغربت
بس ابتسمت لها: مرحبا خلود
عقدت خلود حواجبها باستغراب بس سرعان ما ابتسمت بهدوء وقامت وسلمت عليها: انتي رغد صح؟
رغد ابتسمت لها: ايوا انا.. كيفك؟
خلود: الحمد لله" واشرت على السرير" اجلسي
رغد: ايش رايك تيجين تفطرين معنا
خلود : معليش اعذريني تعبانة شوي ما اقدر
رغد: بس اليوم
خلود وهي متمسكة برايها وبابتسامه: مرية ثانية
رغد بتنهيدة: اوكي بستناكي يوم ثاني بس اباكي تعتبريني مثل اختك الصغيرة
خلود: اكيد انتي مثل اختي
رغد بابتسامة وهي تقوم: اوكي يلا سلامو
خلود: مع السلامة
طلعت رغد وهي تاركة خلود في دوامتها وافكارها وذكرياتها

اما عند رغد
وهي نازلة من على الدرج لقت عمها وزوجته ووعد وعهد معهم
عهد ووعد بابتسامة مرح: مرحبا
رغد بابتسامة: اهلين.. كيفكم؟
عهد: تمام
وعد: بخير
رغد وهي تناظر عمها وزوجته: كيفك عمي.. كيفك خالتي؟
ابو فهد: اهلين يا بنتي
ام فهد بحنان: بخير
راحت لهم وسلمت عليهم
ونزلوا تحت
عبير وهبه كانوا يتخانقون
هبه: اقول بس بس اسكتي بنروح على الساعة تسعة
عبير: لا ثمانية احنا وش ورانا.. وبعدين احنا بنروح لجدتي
هبه: بنروح تســـ...." سكتت وهي تناظر رغد"
وضحكت هبه : هاهاهاها ما رح تنزل معك
عبير: انا متاكدة
رغد بقهر: بس بس

دخل عليهم فهد وعائلته: السلام عليكم
الكل: وعليكم السلام
وجلسوا في اماكنهم
هبه: ليش جاي فهد؟
فهد بنص عين: ما تبيني يعني؟
هبه: لالا بس مو من عوايدك
فهد وهو يناظر رغد: ترحيبا ببنت عمي
ابتسمت رغد: تسلم
عبير: واحنا ليش لما نيجي ما تجي تجلس معنا
امل: احنا بنات عمك كمان
ريم:ولا ما نستاهل؟
فهد: انتوا كل يوم عندنا ليش اجي؟.. وبعدين انتوا ما تملون كل يوم عندنا؟
الثلاثة ناظروا رغد بقهر
ابتسمت لهم رغد بشماته وهي تحرك حواجبها
التفتت له ريم بزعل: بنجي كل يوم على قلبك
ضحك فهد: تظلموا
امل بعدم استيعاب: تسلم يـــ... "واستوعبت"
وبزعل: الله يسامحك
فهد: سبيتك انا؟
هزت راسها

وجلسوا كلهم يتكلمون في مواضيع متنوعة ما تخلوا من الاستهبال والخناق بين الشلة
وبعد ما خرج الاب والام وفهد واسرته وخالد
هبه وهي تقفل اول ازرار عبايتها: يلا عشان لا نتاخر
وليد وهو رافع حاجب: على وين ان شاء الله
ناظرته عبير بنص عين: رايحين لصاحباتنا
فهمتها رغد وحاولت تكتم ضحكتها بس ماهي فاهمة السالفة زين لكن متاكدة ان ندى لها علاقة ولازم تعرف
وانتبه لها وليد بس ما همه: احلفي بس
ريم ببرود: رايحين المول
عهد: خذونا معكم
وعد: احنا طفشنا
ريم: مستحييييل
امل: عشان تطفشونا؟
عهد: مارح نسوي شيء
هبه: نو نو مرة ثانية ان شاء الله
قاموا عهد ووعد وهم يتاففون
عبير اللي ما جابت عبايتها: بروح اجيب العابية والطرحة واجي
ريم: وانا بروح اجيب شنطتي ما جبتها
رغد وهي تمسك امل: وانتي وش ناسية؟
امل وهي تفكر: اممممم انا جاهزة كل شيء معي
رغد: يلاا خلونا نمشي نستناهم
وليد وهو يوقف: ابوي يبغاك فوق
رغد: اوك "وطلعت"
هبه بغمز: ما تعرف اخبار ندى؟
وليد بعصبية: مالك دخل فيها "وقام"
امل: سلم لي عليها
طنشهم وليد وطلع
.......

عند رغد
راحت لعمها في جناحة بعد ما استاذنت واذنوا لها
رغد: قال لي وليد انك تبغاني
ابو فهد: ايوة اليوم بعد تقريبا ربع ساعة بيجوا العمال يسوا لك غرفتك
وان شاء الله ممكن بكرا العصر تكون جاهزة
رغد بامتنان: شكرا عمي ما تقصر
ابو فهد بحنية: ولو يارغد اعتبري نفسك في في بيتك
رغد قربت له وباست راسه: تسلم
وخرجت
لقت البنات مستنينها في الصالة
هبه: وش كان يبغى منك
عبير: قلت والله ملقوفة
هبه: لو انا ملقوفة انتي مثلي
امل: صدقتي
ريم تنهي الموضوع: يلا خلونا نمشي
وقفوا البنات واتجهوا لسيارة السواق اللي قالت له امل انهم بيطلعون
وداخل السيارة
عبير: اول شيء بنروح المول.. وبعدين؟
امل بتفكير: نروح النادي نسجل لرغود
هبه: برافو عليكي فاتتني هاذي
ريم: وبعدين وين نروح
رغد: نروح عند جدتي
هبه: اوكي
امل بتحمس: شكله بيصير يوم حلوو
رغد وهي تفكر في اللي تبيه: انا بدي جوال جديد.. وبدي ساعة.. واكسسوارات
هبه: كلوو علينا لا تخافي بنشتري لك مثل ما عندنا
امل: هالمول نشتري منه اكثر الاشيء نادر لو نشتري من غيره
ريم: يعني كل اللي تبينه موجود فيه
رغد: اوكي
دخلوا المول وكان كبير وفيه اقسام كثيرة
امل: الحين خلونا نشوف ملابس حلوة
هبه: خلونا نشوف ملابس البيت
عبير: يلاا
وانطلقوا يشترون لرغد ملابس مثل ماهي عندهم وبعض الملابس الجديدة لهم كلهم
واختاروا تقريبا نص المول وجربوا الملابس وطبعا كلها تناسبهم بسبب جمالهم ورشاقة جسمهم
هبه بتعب: اقول خلونا نجلس نشرب شيء انا تعبتتتت
امل بتاييد: وانا بعد
وجلسوا على طاولة يشربون كافي ويتكلمون في الملابس اللي اشتروها
هم يتكلمون ورغد حاطة السماعات على اذنها وتغني بصوت واطي وفجأة شافت شخصين
واحد تعرفه من كثر ما كرهتهه
وواحدة ما تهمها عادية عندها
تقرفت منهم
رغد في بالها: (جالس تمسخر علي ويقول ما ادري ايش والحين طالع مع بنت عمه) وابتسمت بسخرية..
شالت السماعات من اذنها والتفتت للبنات وهي تاشر بعيونها عليه: مو هذا وليد؟؟
هبه ببرود: اها هو
رغد بنظرات احتقار له: هو خاطبها ولا شنو؟
ريم وهي تحط رجل على رجل بتحكي: لالالا هذا الله يسلمك قصة حب من كان عمره 17 سنة
امل وهي تكمل: وهو على طول معها يحبها وهي بعد
هبه بكره: مررة متكبرة وشايفة نفسها
عبير: مو لايق عليها الدلع
هبه: نكرها وهي تكرهنا
امل بتمسكن: ولو سوت غلط او قالت لنا شيء يوقف ضدنا
رغد: اهااا.. وكيف تطلع معه هيك وهو بس ابن عمها
ريم ببرود: عادي عندها مفكرة بتتزوجه
رغد باستغراب: ووين عمي وزوجته
ريم: عمي وزوجته منفصلين وامها متزوجة وابوها مو مهتم فيهم اللي ربتها اختها هدى
رغد: اهاااا
عبير: انا ما الومها ما لقت احد يهتم فيها ولا يعلمها الصح ولا الغلط فلازم تعمل هيك
هبه باختلاف في الرأي : بس على الاقل هي تعرف انو لازم تتحجب عنه
ليه هي ما تتغطى عنه
ريم: اقول لك مفكرة بتتزوجه يعني بتتزوجه
رغد وهي ترجع ظهرها على الكرسي وفي يدها العصير: اصلا علاقتهم كلها غلط بغلط ماهم " واتذكرت نظرات الاحتقار اللي تكون في عيونه لها" جالس بس يتكلم على بنات الناس
ريم: ليش قايل لك شيء؟
رغد تنهي الموضوع: لا.. انا بروح اشتري جوال مين بتجي معي؟
هبه بكسل معروف: انا مكسرة خذي معك غيري
عبير بنفس الكسل: وانا مارح اتحرك من هنا
ريم: انسيني
رغد تحول نظرها لامل: وانتي؟
امل تدور بعيونها: ما اقدر هو جوالك مو جوالـ...
رغد وهي تسحب يدها بترجي: امل الله يخليكي قومي معاي
امل تهزر راسها بلا
رغد شدتها : قوووومي كلكم كسولات كذا
امل وهي توقفها: استني بجيب شنطتي
وجابت شنطتها ومشوا
رغد : ماتعرفي محل جوالات حلو؟
امل: الا فيه.. شوفي احنا كلنا جوالاتنا جلاكسي مرررة رح يعجبك ويعمل نت واشتراك اشتريه
رغد بتاييد: انا كان بدي هاد
وتوجهوا للمحل الجوالات واشتروا منه الجوال اللي اختاروه
ودفعت ثمنه رغد بعد نقاش طويل بينها وبين امل انها تعطيهم عنوان البيت وعمها بيدفعه
واشترت له جراب وردي نفس لون البنات مع اكسسوار ناعم
وخرجوا من المحل
واتجهوا للبنات
هبه: جيد اشتريتي زي حقنا
رغد وهي تضيق عيونها وتناظر وليد وندى وهم يضحكون ويتكلمون احترقتهم مرررة
ريم وهي توقف: اعتقد خلصنا هيك
عبير: انا كلمت السواق وجاي الحين
امل وهي تناظر الاكياس اللي ما تنعد: وهذول بنشيلهم لين السيارة
هبه توقف: احمدي ربك عاملين لنا درج كهربائي الا كان زماننا ننزل على رجولنا
عبير مسكت لها اكياس تقدر تشيلهم : انا بسبقكم
امل تقرص رغد: يابنتي يلا
رغد انتبهت: ها.. يلا
وشالوا الاكياس بالقوة ونزلوا السيارة متجهين للنادي

اما في نفس المكان كانوا جالسين يتكلمون ويضحكون وماكانوا منتبهين للبنات ابدا
وليد وهو يعاتبها بخفيف: يعني تروحي مع اختك وما تيجي
ندى بدلع وغنج: تراني معاك الحين حبيبي خلاص
وليد وهو لسا زعلان: وانتي معي اشتاق لك وانتي ولا هامك
ندى تمسك يده: خلاص يا عمري كان ظرف طارئ وخلاص جيت معك.. وعشانك كنسلت موعدي مع هيام عشان اجي معك
وليد : خلاص ولا يهمك.. بس يا ويلك ان عدتيها
ندى بدلع: حبيبي خلاص وبعدين لازم نبعد شوي عشان نشتاق لبعضنا
وليد: اوك بنشوف
دق جوالها وشافت رغد اختها هدى: حبيبي يلا خلنا نروح هدى تبغاني
وليد: بس ما شبعت منك
ندى: نتقابل عند جدتي ان شاء الله بعد العصر
وليد وهو يقوم: طيب يلا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-02-2012, 10:03 PM
زهره البيضاء زهره البيضاء غير متصل
©؛°¨غرامي جديد¨°؛©
 
الافتراضي رد: رواية غريبة بين أهلها / بقلمي


مررررررررررررهه البااااااااااارت نايس حده نتظر التكمله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 25-02-2012, 06:40 PM
صورة مهوو الرمزية
مهوو مهوو غير متصل
©؛°¨غرامي جديد¨°؛©
 
الافتراضي رد: رواية غريبة بين أهلها / بقلمي


الرواية اعجبتني واعتبريني من المتابعين بس متى تنزل البارتات وفي اي يوم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 26-02-2012, 03:34 PM
صورة mouka الرمزية
mouka mouka غير متصل
©؛°¨غرامي فعال ¨°؛©
 
الافتراضي رد: رواية غريبة بين أهلها / بقلمي


لالالالا ماااابي ابي اكمل ..
انا من متابعييينك و ان شاء الله ما يفوتني شئ و ممكن اعرف متى ينزل البارت...
و بسس تسلمين ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 26-02-2012, 04:15 PM
de-lay de-lay غير متصل
©؛°¨غرامي جديد¨°؛©
 
الافتراضي رد: رواية غريبة بين أهلها / بقلمي


نايس

استمرررررررررررررري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 27-02-2012, 02:56 PM
صورة مهوو الرمزية
مهوو مهوو غير متصل
©؛°¨غرامي جديد¨°؛©
 
الافتراضي رد: رواية غريبة بين أهلها / بقلمي


متى ينزل البارت ؟؟؟؟؟؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 23-03-2012, 11:23 PM
صورة زهره ربيع الرمزية
زهره ربيع زهره ربيع غير متصل
©؛°¨غرامي مشارك¨°؛©
 
الافتراضي رد: رواية غريبة بين أهلها / بقلمي


الجزء {السادس}


عند البنات..

عبير وهي تناظر كيس من الاغراض في يدها:مو كثير اللي جبناه اليوم؟؟
ريم: لا عادي احتفال برغد
هبه: على وين بنروح؟؟
ريم: نروح النادي
رغد بتفكير: لا نروح عند جدتي اول عشان مانتاخر عليها
امل: بس جدتي بتجلسنا معها للعشا ما بنلحق
عبير: لالا نقول لها ورانا مشاغل كثيرة ونمشي
هبه: خلاص خلاص على بيت جدي

وصلوا بيت جدهم المكون من ثلاث طوابق

دخلوا البنات الخمسة وسلموا على جدتهم وجدهم اللي بعد وقت دخل ينام شوي
رغد وهي تفتح ميلها وبمزح: كل واحدة تبعد وجهها
هبه بدون ماتغير في وضعيتها: خلصي مانسرق احنا ميلات
رغد :عارفة امززح
امل وهي تناظر اعداد الاشخاص بعدم تصديق: 102 شخص؟؟
ريم وهي تضحك عليها: وش فيه عادي انتي عندك مثلهم واكثر
هبه: بس شوفي 75 فاتحين ياويلي
عبير: والله انكم طفش اففف
رغد وهي تناظرهم بضحكة: اصلا بيزيدوا بعد ما اخذ ايميلاتكم وايميلات البنات, استنوا اشوف اذا اماني فاتحة او لا
(Amani lostوكبتت اسم في البحث (
لقتها فاتحة ودخلت عليها وشغلوا الكاميرا
الاختصار>> رغد كلمت امها وعرفتها على العائلة كلها ولما رغد سالت عن ابوها توترت امها وقالت لها ان عنده شغل وبعد تقريبا نصف ساعة قامت امها وجلست اماني تتكلم مع البنات واتفقوا على موعد ثاني للكلام وقبل ما تقفل امان الكاميرا...
نزل من على الدرج يتثاوب ببيجامة خضرا بشعر منفوش وفارد ذارعينه يتمغط وعيونه موقادر يفتحها
هبه اللي كانت متربعة ورا رغد بملل وتلعب باظافيرها انتبهت عليه داخل الغرفة بشكله كذا
اشرت عليه وضحكت بصوت عالي على منظره
انتبهوا البنات على ضحكها
رغد على طول قفلت الكاميرا وكتبت لاماني: سلاموو عمي ياسر جاء
اماني وهي تتذكر ياسر: ههههههه مع السلامة
رغد: ان شاء الله لما افضى بتصل عليك وافتح الميل .. الله معك
اماني: مع السلامة
في هالوقت كانوا البنات بضحكون على شكله ويعلقون
ريم: ماكنت اعرف ان عمي لما يحصى من النوم كانه وحش
هبه: يا مامي متغير ثمانين درجة
امل: ياسورة ايش فيه شعرك متكهرب؟
ياسر بعصبية: ياسورة في عينك والله رغد احسن منكم كلكم
قفلت رغد الميل وهي تقول: طبعا انا مو مثل هالناس "وهي تاشر عليهم بطرف اصبعها"
عبير: ههههههههههه ماكانك صايرة مننا؟
هبه: ما ادري عشان ياسر مدحها
ياسر وهو يتثاوب: تراكم طفشتوني ايش جايبكم اليوم
امل: بيتك ولا بيتك
ريم: ولا بيتك
ياسر بملل: لا هاذي ولا هاذي ولا هاذيك.. بيتي
ضحكت عليهم رغد: خلااص بنات قوموا نسوي اي شيء انا طفشت
مشى ياسر لدورات المياة اكرمكم الله عشان يغسل وجهه ويتوضأ
والبنات قاموا للحديقة وخصيصا في المستودع


في مكان ثاني..

وليد بعد ما وصل ندى بيتها وقالت انها بتيجي بيت الجد والجدة بالسواق بس هو قال انو بيجي ياخذها منعته وتحججت انه مو لازم يتعب نفسه والسواق موجود
وبعد محاولات اقتنع وتوجه لبيت جده دخل البيت شاف ياسر ببلوزة سماوية وجينز متمدد بملل على الكنب امام التلفاز ويغير القنوات
وليد بابتسامة: خير ان شاء الله كانك سامع مصيبة
ياسر بدون ما يغير من وضعيته بس ناظره بعيونه السودا للحظة ورجعها مكانها: ليش جاي
وليد ببرود وهو يجلس على الكرسي اللي بجانب الكنبة: بيتك مثلا ولا بيتك
ياسر بعصبية قام من مكانه: من شابه اخاه فما ظلم "واتجه على السلم"
ضحك وليد ضحكته الرنانة بصوت عالي: تعال تعال ايش فيك كذا زعلان وطفشان" وقام وراه على غرفة ياسر"
وليد: ايش فيك كدا زعلان ومكتئب ؟؟
ياسر وهو يتأفف: ما ادري والله ما ادري
وليد: طيب قوم ننزل الحديقة تروق شوي
اتنهد ياسر وقام من على مكتبه: يلا
ونزلوا تحت شافوا الجدة خارجة من المطبخ
الجدة: لا يكون خارجين
ياسر بنفسي: لالا طالعين في الحديقة هنا بس
الجدة :ايوة لا تطلعون شوي ويجهز الغدا
وليد: ان شاء الله
الجدة: الا وين البنات؟
ياسر:ما ادري عنهم يمكن برا
الجدة: طيب شوفوهم
ياسر: طيب
وطلعوا على الحديقة وما لقوهم
ياسر وهو يدور: وينهم ذولا
وليد: مين اللي جم؟
ياسر وهو يجلس على الكرسي قدام المسبح: هبه وعبير وريم وامل ورغد
وليد جلس قدامه: اهااااا , يمكن في الجهه الثانية
ياسر: يمكن
وليد: تدري ابوي امس قالي اروح الشركة واشوف الاوضاع عشان لما اتخرج ما اكون جاهل في الشغل
ياسر: حلو ليش لا تعال بكرا عشان وانا بقتلك شغل
وليد: ما تقدر
وجلسوا يتكلمون عن مواضيع متنوعة


اما عند البنات
خلينا نشوف اول ما دخلوا المستودع ايش عملوا

رغد باستغراب: ليه جينا هنا؟؟
عبير وهي تفتح النور: بنوريكي صور العيلة
ريم وهي تجلس على كرسي: هذا مقرنا السري وكمان في بيت عمي عبد العزيز لنا مخبأ
رغد: ليه عصابة؟
عبير: لا بس مانحب احد يشوف اجتماعاتنا
هبه وهي تمد يدها ورا الدولاب تحاول تجيب شيء:يييييي ياربي "وطلعت البوم" اخخ اخيرا
امل: فيه كوول الصور لكل الاشخاص في العيلة
اجتمعوا الخمسة على شكل دائرة وفرجوها البنات على صور من العائلة من الصور اللي شدت رغد:
صورة لوليد مع ندى كانت تبوس خده بفستان لنصف الساق
وكانت كل صورة يقولوا لها البنات مين هذا ومين هذاك
وفي صورة كانت هبه واقفة فيها وتناظر شخص بكرهه وعصبية وهو مبتسم بهدوء
رغد بتساؤل: من ذا؟
ريم: هذا باسم
رغد باستغراب: من باسم؟
هبه وهي تقلب الالبوم: مو مهم
رغد: الا مهم من يكون ؟

انتهى البارت

1_من يكون باسم؟
2_وليش هبه تكرهه؟





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 24-03-2012, 11:39 AM
صورة مهوو الرمزية
مهوو مهوو غير متصل
©؛°¨غرامي جديد¨°؛©
 
الافتراضي رد: رواية غريبة بين أهلها / بقلمي


لييييييييه وقفتي من زمان ما نزلتي بارت ويوم نزلتي وقفتي على نقطة تقهر حرام عليك تحرقين افكاري

احم احم المهم

اتوقع باسم يكون واحد يقرب لهبة وقد سوى معاها موقف او مع شخص تحبه عشان كذا تكرهه

في انتظار جديدك لا تطولين علينا

رواية غريبة بين أهلها / بقلمي

الوسوم
..بقلمي , اهلها , رواية , غريبة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 02:33 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1