اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 28-01-2012, 01:59 PM
صورة المحبه عزتي الرمزية
المحبه عزتي المحبه عزتي غير متصل
©؛°¨غرامي جديد¨°؛©
 
الافتراضي رد: رواية / والله لهينك لين تبكي تبي رضأي ذليل تكسر عين منهو يراعيك


الرواية جووووونان تكفين كمليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 29-01-2012, 06:05 AM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية / والله لهينك لين تبكي تبي رضأي ذليل تكسر عين منهو يراعيك


اقتباس:
المشاركة الأساسية كتبها المحبه عزتي مشاهدة المشاركة
الرواية جووووونان تكفين كمليها

من عيوني ^^
تسلمين ع التواجد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 29-01-2012, 06:07 AM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية / والله لهينك لين تبكي تبي رضأي ذليل تكسر عين منهو يراعيك


..؛البــــــــــــــــ{2}ـــــــــــــــــــارت ؛..

نجد بحقد : هيه ..( و اشرت ع برع ) وقالت بحقد : كاهو برع ....

قامت ام نجد بثجل وهيه تخلي ايدها ورا ظهرها و تسعدها نجد ع الوقفه و قالت : انا بعلمج فيه قليل الادب

نجد بحقد : يمه خذي حقي منه با الكامل ... يمه

ام نجد وهوه تمشي بثقل : تعال معاي

نجد بابتسامه خبيثه : ان شاء الله

.............. طلال

طلعت ..( و صحك باستهتار ) هه ياليت ما طلعتي كان بعلمج الادب كيف ....التفت ع ساعته اللي كانت تحوط ايده ...بسير اذاكر ابرك لي من اتفكير بوحده منبوذه مثل ذي ....

: طلوووووول !

طلال و لا كانه سمع حد ينديه خبى ايده في جيب البنطلون ( اووووووف الحين عاد وش بيخلصني من السان ها الحقيره)

ام نجد وهيه تقرب منه اكثر و اكثر : طلووول و عمى يعميلك ها العيووون ... انت ع شو ناوي هاااااه ؟

نجد كانت واقه قريب من امها و انتظارها و اهتمامها لحركات طلال

طلا تنهد ببرود و طلع ايده من مخباته و هوه ماسك تلفونه و للحين ما التفت ع حرمه عمه

ام نجد بصوت عالي : اسمع ولد مريموة يا الخايس مو انا و لا بنتي اللي تسوي ها الشي سامع يا الخايب ولد الخايبه ...

بس اللي كان يقهر ام نجد انا طلال للحين عطنها الظهر و لا له نيه انه يلتفت عليها

ام نجد ضربت طلال بقوه ع جدفه و اجبرته انه يلتفت لها با القوه : ما تسمعني انت و لا اصمخ يعني و لا تتصيمخ !

طلال رفع حواجبه و حرك خشمه ببرود بصابعه و قال ببرود : نعم فيج شي !

ام نجد بعصبيه اكثر : نعمه اللي ترفسك بين ضلوعك يا الحقير انا اكلمك و انت تسوي نفسك ما سامع

طلال ببرود: اسف ما سمعتج شو تبين الحين ؟

ام نجد بقهر وهيه تضرب كف بكف : احر ما عندي ابرد ما عندة... ( و ضربته ع صدرة بقوه )... هيه ولد مريموة انتبه لحالك و شوف انت جدام من واقف و من تكلم ( قطعها طلال)

طلال بحقد واضح : انتـــ

قطعته ام نجد بصوتها العالي و صراخها : شت شبك الله بعد تقطعني يا الخايس انت و اللي سويته اليوم ما بيمر عليك بخير ... و عمك جاي بعد بكره و انا برويك كيف و الله لخليه يطرك طردت الكلب يا الكلب ... اصلا انت مكانك الشارع يا ولد الشوارع ... لو منك بحمد ربي و بشكره اني انا للحين متحملتنك و مخلتنك في بيتي ... و اخر شي تتجراء تسويه تقفل السياره ع بنتي صدق انك ناكر للمعروف يا الخسيس يا النذل

طلال بعصبيه و صوت عالي : بس خلصتي كلامج و لا عندج شي ثاني بعد تبين تقولينـــ

قطع صوت طلال العالي الكف القوي اللي ارتسم ع خد طلال من ايد ام نجد بكل القهر اللي بقلبها

ام نجد بعصبيه اكثر و صوت اعلى من صوت طلال : لا تتجرء مره ثانيه ترفع صوتك في وجهي يا الخايس يا الواطي ... لكن انت ما تلام دام امك و ابوك اصلا ما فيهم احترام كيف عاد انت ما بتطلع احسن عنهم يا الواطي

نجد كانت تشوف الوقف بنصر و اعتزاز و هيه تشوف انه طلال منهان مكسور محبط و ما قدر يرد بكلمه ع امها

طلال بصوت اعلى من صوت ام نجد و هوه عاقد حواجبه بعصبيه كبيرة : لا تذكرين امي و ابوي ع السانج لا انهم اشرف من الشرف .... و ما اسمح لي اي مخلوق انه يتجرا ويقول أي بكلمه عنهم لا انتي ولا مليون من مثلج ... امي و ابوي يشترونج و يبيعونج بأخلاقهم و لا تتجرين و مره ثانه و تنطقين اسمهم ع السانج اذا ما تبين يصير لج شي

ام نجد ضحكت بصوت عالي و بغيض : ههههههههههههههههـ سمعي يا نجد وش يقول ....( و مسحت ع ويه طلال / و ع طول طلال وخر ويهه عنها ) و كملت .... انت يا الياهل تهددني انت ؟.... اقول صحصح وشوف حالك عدل و شوف انت مستواك وين و حنا وين ؟... و بعدين لا تمدح اهلك وايد دامك ما تعرفهم لا تمدحهم سامع ....

طلال بصوت واطي و من بين اسنانه و بقهر و هوه يعض شفايفه و عاقد حواجبه بقوه و راص ع قبضت ايده بقوه : يعلج الموت انتي و بنتج و اللي في بطنج و ريلج .....

ام نجد وهيه تاشر ع اذونها :: شوو ! ترني مب سامعه اللي تتحلطم فيه .... ارفع حسك خلني اسمع يا دلووع ابوك انت ، خلك ريال و تكلم مثل الرياييل

و تركها بقهر و راح للمحلق اللي كان عباره عن غرفه وحده بحمامها ... دخل و سك الباب بقوه ...

ورمى نفسه ع سريره اللي كان مال نفر واحد و عادي ...ودفن ويهه بمخدته اللي ياما وسته في احزانه و همه و ضيقه اللي كانت له اوفى صديق له ... بداء يسبح بدموع القهر الحارة و الحارة اللي حرقت عيونه قبل لا تحرق المحددة اللي كان ياما تغرق في بحر احزان طلال ......

نجد ركضت لمها و ضمتها لها و علامات النصر ع محيها : يمه حبيبتي

ام نجد وهيه تمسح ع راس نجد : و الله لروغك روغت الكلاب و ارميك بشارع يا الخايس

نجد وخرت عن امها بابتسامه عريضه

ام نجد تنهدت تنهيده طويله : الحيوان يشبه ابوه في كل شي و حتى بطوله السانه ....و انا ما اقدر اتحمل وجودة معي في نفس البيت ....
؛
كان يبكي بدون صوت يبكي دموع الم حزن قهر ضيم تعب ....آه يا يمه آه انت وابوي شو مسوووين بدنياكم علشان ها النذله تسمعني كلام ما ينسمع ... ما اتحمل يمه حد يقول عنكم اي كلمه ... ياليت ياليت يايمه اخذتوني معاكم لما رحتوووووو ياليتني متت معاكم و لا اعيش ها العيش يارب خذروحي و ريحي آه ما ها العيشه ياربي ارحمني و حن علي و الله ما عاد فيني اتحمل اكثر .... و انت عالم بالحال ياربي يارب ترحمني و تريحني يارب ...... و بكى لين انتقل لعالم الاحلام المريح البعيد عن كل ها الدنيا البيعد كل البعد عن كل ها الهم ..........
وينك يا يمه)

اصرخ وابحث وأنادي وينك يايمه بصوت عالي

ليه تخليتي عني وتركتيني بين أعادي

ليه خليتي قلبك قاسي وتركتيني وحيدا في حياتي

ومن بُعدك يايمه عني جف عيني من سيل دمعي

ليه يايمه تعذبيني بفراقك وهمومي وأحزاني

سامحك ربي يايمه ترى إنت حياتي وغلاتي

أتمنى أشوفك لو ثواني من دونك أحس بظلمه في حياتي

أتمنى لو تأخذيني بين إيديك وتحضنيني بين دفاك وحنانك ياحياتي

مشتاق لك يايمه ياغلاتي هانت عليك يايمه فراقي

والله يايمه دوم أدعيلك في صلاتي لأن رضاك عليه أغلى أمنياتي >>> الله يرحمك يا يمه


ام نجد وهيه تاكل حب : نجوود انتي يوم يالسه مقابلتني مراجعه !

نجد وهيه تشوف التلفزيون : بعدين

ام نجد وهيه ترفس نجد بريلها : قومي راجعي

نجد وخرت عن امها بقدر انه امها ما تلحقها : بعيد بيسر خليني اتابع المسلسل

ام نجد صرخت عليها : قلت لج قوومي ( و صرخت بسبب حركت الجنين )اااااااااي ...( و صدت ع بطنها ) و انت شتبي بعد.... هذا و انت ما يت ع الدنيا و انت جتلني تعب و غم ..... اووووووف منكم
نجدالتفتت ع امها و ضحكت ...

ام نجد التفتت عليها بقهر : و انتي الثانيه ع شو تضحكين ! ..... التعني راجعي حسبي الله عليكم

نجد وهيه تقوم : انزين انزين خلاص قايمه .......(و قامت ).... يوم بتجهزين العشاء نديني



............. في جانب اخر من القصه ......
بيت ابو تركي
ابو تركي بصراخ : تروووك !
تركي وهوه ماسك كتابه ومسوي فيها يذاكر : سم يبه
ابو تركي بعصبيه: الله يسمك قول امين
: هههههههههههـ آمين يبه امين
تركي فر الكتاب من ايده و التفت ع اخته و قال : شب انتي ....( و التفت ع ابوه و قال بحيرة ) افا يبه ليش!؟ شسويت انا ؟
ابو تركي بعصبيه : وين ذلفت العصر بسيارة
تركي بابتسامه صغيرة : ماكو يبه بس لفيت اشووي بشارع و رجعت
ابو تركي بعصبيه : لفو ع رقبتك حبل ما يتبطل قول امين
فرح: آمين يبه آمين ههههههه
تركي فر القلم اللي كان بيده ع ويه فرح و قال لبوه : افا يا الوالد شكلك حاقد علي
ابو تركي بعصبيه : السيارة جديده توني شريها و انت تطلعت فيها يوم واحد و رديتها لي سكراب !؟
تركي بطل عيونه و رفع حواجبه و قال بانكار : انا ! حشاني انا مثل ما خذيتها رديتها لا تبليني
ابو تركي بقهر : ابتلت عليك امه محمد بعد تكذبتي
فرح ماسكه ضحكتها با الغصب : آمين ياربي
ابو تركي التفت ع فرح و قال بعصبيه : شب انتي
فرح بلعت ضحكتها و قالت بحباط : حاظر يبه
تركي التفت عليها بشماته و قال : دواج تستاهلين يا الحيوانه
ابو تركي التفت عليه و قال بعصبيه اكبر : و انت بعد انطم ما ابي اسمع حسك
تركي نزل راسه و قال وهوه يحرك راسه يمين و شمال و يلوي بوزة : افااا
ابو تركي : و الله ثم و الله يا يروووك لو عرفت في يوم انك طلعت من البيت بسيارتي بتشوف شي عمرك ما شفته سمعني
تركي ببرود و بدون نفس : ان شاء الله يبه
ابو تركي بعصبيه اكبر : سامع كلامي
تركي ببرود : ايه يبه
ابو تركي وهوه طالع من الصاله : اذا فيك ذرة خير كرر اللي سويه وشوف اللي بيصير لك .....( و طلع عنهم )
تركي لو بوزه و قال بدون نفس : اللي يسمع الحين يقول هناك الدنيا ما كنها من قبل سكراب
فرح وهيه تضحك : لو فيك ذرة خير كان قلت ها الكلام جدام ابوي مو يوم طلع
تركي وهوه يمسك كتابه بقهر : رووحي زين ما نقصني غير اليهالوووة بعد .. روحي هاتي ابوج و شوفيني جان ما بقول ها الكلام في ويهه
و جات صرخه قويه من برع من ابو تركي : تررررررررررررررررررروك
فز تركي من ع الغنفه و طاح الكتاب من ايده برعب و صرخ : نعم طويل العمر
نقعت فرح من الضحك ع تركي

تركي ، العمر 18 سنه ، ثالث ثانوي ، طوله تمام ، عيونه واسعات و لونهن مايل للسود ، شعره اسود و ناعم يوصل لخر رقبته ، خشمه سيف ، ابيضاني ، و جسمه حلو حيل

فرح ، العمر 16 سنه ، اول ثنوي ، و تشبه تركي شبه كامل و حلووة كثير و طيووبه و مرحه

مرح ، عمرها 11 سنه .......

ابو تركي 49 سنه ... ام تركي 45 سنه ......



.......
الساعه 9:30.....
نجد وهيه تاكل جب امها : يمه
ام نجد بتعب و ضيق : خير !
نجد وهيه تدخل الخبزه في حلجها : اممممـ طلللللول !
التفتت عليها ام نجد بسرعه و هيه عاقده حواجبها بقوه و قالت بحده : شفيه بعد !
نجد قالت بسرعه : ماكووو .... بس ما بيتعشاء !
ام نجد بعصبيه حاده قالت بسرعه : ما بيذوقه العشاء اليوم ... يتحرمه ... و لا تجيبيلي طري ها الخايس تراه جبدي تلوع منه
نجد بابتسامه وهيه تاشر ع عيونها : من عيوني ، خلاص ما بنجيب له طاري يوولي زين


........
الساعه 11:00
فتح طلال عيونه بتعب كبير و كانه هم الدنيا كله ع راسه .... خلا ايده ع راسه و هوه يحس بصداع فضيع ... تنهد ... و صلب طوله و دخل الحمام ( اكرمكم الله ) تغسل و تيدد و طلع يصلي ... بعد ما خلص
ما قدر يرفع راسه من الصداع ....خلا ايده ع راسه و هوه يضغط عليه بقوه علشان يخفف الالم .... راح صوب كبته .. يدور حبوب ... بس ما حصل شي ... مسك سير مال بنطلونه كان با الكبت ... و لفه ع راسه و رصه بقوه .... و تنهد بقوه .... مسك كتبه علشان يذاكر .....



الساعه 12:30 بليل ...
مسك المصحف الشريف و بدء يقراء من ايات الله اللي تطهر قلب المؤمن .......
بعد ما انتهى عرف انه اليوم محرم من العشاء .... فرجع ينام و بعد جهد جهيد غط طلال في سبات عميق ....
الساعه 5:20 .. قام طلال من رقادة ..
و دخل يخذ له شور و هوه يحس بتحسن ... و يحس انه الصداع راح عنه ... اخذ له شور و بعدها طلع وراح المسجد و بعد ما تم صلات الفير رجع البيت ... لبس ملابسه للمدرسة و اخذ كتبه و اخذ تلفونه و لبس ساعته و كان متأكد انه اليوم بعد ما راح يفطر .... و غير هذا فهوه ما عنده اي فلوس علشان يشتريله شي يكله .... انتهى من كل امورة ... و تنهد و طلع لسيارة عمه ....
دخل و سك الباب و كان ينتظر ست الحسن و الدلال ... و تذكر انه كان فيه خبز في السيت اللي ورا نسته من يومين....
التفت ع ورا و شاف كيس الخبز .. ابتسم
طلال بابتسامه صغيره : تعاااال هنيه .... ( مد ايده علشان يمسك كيس الخبز ) تعاال يا عمري تعال عاد ..( و مسك الكيس و جيب )
فتح طلال الكيس و طلع خبزه من مجموع الخبز اللي كان نبا الكيس ... بس كان الخبز يابس وايد ... تنهد و ابتسم بخيبه ع حاله ... كسر قطعه من الخبز و حاول يكلها ..... و كسر جزء ثاني من الخبز و كلاه .... و دخل باقي الخبز با الكيس و رجعه ورا ... و تنهد



......... داخل البيت
ام نجد وهيه تخلي الصينيه في نص الصاله و تيلس : تعالي تريقي
نجد وهيه تحوس : لحظه يمه بسير البس بلوزتي
ام نجد هزت راسها و بدت تتريق ....اشوي و جت نجد
نجد وهيه تمد الكوب لمها : يمه صبيلي شاي
ام نجد مسكت الكوب بدفاشه من ايد نجد و صبت لها شاي
نجد وهيه تاكل من الجيمر :شفيج يمه !
ام نجد بضيق وهيه تنافخ : ماشي .....( و مدت لها بكوب الشاي ).. خذي
نجد خذت الكوب و خلته جدامها : بس شكلج ما يقول ماشي
ام نجد تنهدت : تريقي و قومي قبل لا تتاخرين
نجد : يمه
ام نجد ..............( كانت سرحانه
نجد بصوت عالي : يمه !


..............نجد بصوت عالي : يمــــــــه !
ام نجد بعصبيه وهيه عاقده حواجبها : انزين شفيج انتي ؟.... يمه يمه خير ! صدعتيني
نجد وهيه تشوف شكل امها :شفيج اليوم ؟
ام نجد بضيق : قلت لج ماشي .... خذيتي فلوس ؟...
نجد وهيه تشرب الشاي : ايه خذيت
ام نجد وهيه تمسك الكوب من ايد بنتها و تسحب لصوبها : يا الله عيل قومي خلصيني
نجد وهيه تشرب الشاي اللي كان بحلجها و فاتحه عيونها ع وسعها : لا حشا منتي طبيعيه اليوم ؟تبي تحرقيني با الشاي ؟ ... خليني اتريق
ام نجد وهيه تنافخ : لا حووول قلت لج قومي لا تضيقيني منج من الفير
نجد وهيه تنافخ : خلاص انسدت نفسي بقوم ....( قامت و سارت صوب المغسلة وهيه تقول ) يمه
ام نجد ببرود و هيه تشرب الشاي : وحطبه انتي ما تملين من يمه يمه
نجد بصوت عالي : و انتي شيضرج لو قلت يمه !
ام نجد بضيق : خلصيني وش تبين
نجد وهيه تنشف ايدها با الفوطه : طلووول تريق
ام نجد بصوت عالي و هوه تضرب كف بكف و عاقده حواجبها : يها الطللول و انتي لزم تكدرين خاطري بها الطلوووول خليها يتريق مع الكلاب اللي من مثله و شرواه
ابتسمت نجد و راحت صوب امها : هههـ صح هناك المفروض يكل ....( و حبت امها ع راسها ) يا الله يمه مع السلامه
ام مجد بدون نفس : مع السلامه يا الله روحي
خذت نجد شنطتها و عبيتها و شيلتها .... و لبست الشوز مالها و طلعت ....كان طلال للحين با السيارة بكل هدوء ....
بطلت الباب اللي جدام و ركبت و قبل لا تسكر الباب عاد طلال محرك السيارة
نجد بعصبيه و حقد واضح : و عمى ما تشوف اني للحين ما سكيت الباب ! و لا تبي تجتلني مثلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 29-01-2012, 02:13 PM
صورة ظل الغروب الرمزية
ظل الغروب ظل الغروب غير متصل
©؛°¨غرامي متألق ¨°؛©
 
الافتراضي رد: رواية والله لهينك لين تبكي تبي رضأي ذليل تكسر عين منهو يراعيك / بقلمي


السلام عليكم

كيفك ؟

ماشاء الله عليكي ابدعتي ف الكتابه

اعجبني اسلوبك مرره واندمجت على طول بالقصه ما وديت اخلصها

بس اكتشفت انهم للحين بارتين لكنهم بدون اي مجامله حلوييين.. وتستحقي غلاتي

حزنت على طلال كثير وعلى اللي صار لأهله مساكين .. تعذب المسكين مع زوجة عمه

رحمته حييل .. ضاقت الدنيا عليه ..

اتمنى انه يصبر عليهم ويكون احسن عنهم ومتأكده ف النهايه بحبوه ..

ويكتشفوا الخير بعيونهم .. من كذا طلال صار طايش من اسلوب تعاملهم معه

لو كان ام نجد تعامله مثل حسبة ولدها وتحسسه انه امه الثانيه كان باتوقع انه بيحترمها

.. ام نجد كرهتها حييل .. بس متأكده انه ف النهايه راح تحتاجه بقوه .. انتظر البارتات الجايه

امممم بصارحه الشخصيات صغيره .. كنت بطلع منها .. لكن طريقة كتابتك واسلوبك مررره جذبني

وخلاني اقرى لنهاية البارت الثاني .. >> عجبني << وكمان القصه تجذب ^ــ^

المهم لي نقد واتمنى تتقبليه بصدر ورحب

لو تخففي شوي من السب .. اخفيه على قدر ما يمكن

حلو انه تكون روايتك من الروايات المحترمه حتى من حيث الحوار

ف البارت الجاي كبري الخط بليييز .. عشان نقدر نقرا زين وبراحه بدون ما نقلع عيونا

وبس ..

ف النهايه ما اقولك غيير >> موووفقه <<

بس خبرينا متى موعد التنزيل ؟ واتمنى انك ما تخيبي ظنونا

متابعه لك .. واصلي .. وخلي عنك الأحباط .. ثقي بنفسك

ف انتظارك على احر من الجمر

ومشكوووره ^ ــ ^

يحفظك ربي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 30-01-2012, 02:18 AM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية والله لهينك لين تبكي تبي رضأي ذليل تكسر عين منهو يراعيك / بقلمي


اقتباس:
المشاركة الأساسية كتبها ظل الغروب مشاهدة المشاركة
السلام عليكم

كيفك ؟

ماشاء الله عليكي ابدعتي ف الكتابه

اعجبني اسلوبك مرره واندمجت على طول بالقصه ما وديت اخلصها

بس اكتشفت انهم للحين بارتين لكنهم بدون اي مجامله حلوييين.. وتستحقي غلاتي

حزنت على طلال كثير وعلى اللي صار لأهله مساكين .. تعذب المسكين مع زوجة عمه

رحمته حييل .. ضاقت الدنيا عليه ..

اتمنى انه يصبر عليهم ويكون احسن عنهم ومتأكده ف النهايه بحبوه ..

ويكتشفوا الخير بعيونهم .. من كذا طلال صار طايش من اسلوب تعاملهم معه

لو كان ام نجد تعامله مثل حسبة ولدها وتحسسه انه امه الثانيه كان باتوقع انه بيحترمها

.. ام نجد كرهتها حييل .. بس متأكده انه ف النهايه راح تحتاجه بقوه .. انتظر البارتات الجايه

امممم بصارحه الشخصيات صغيره .. كنت بطلع منها .. لكن طريقة كتابتك واسلوبك مررره جذبني

وخلاني اقرى لنهاية البارت الثاني .. >> عجبني << وكمان القصه تجذب ^ــ^

المهم لي نقد واتمنى تتقبليه بصدر ورحب

لو تخففي شوي من السب .. اخفيه على قدر ما يمكن

حلو انه تكون روايتك من الروايات المحترمه حتى من حيث الحوار

ف البارت الجاي كبري الخط بليييز .. عشان نقدر نقرا زين وبراحه بدون ما نقلع عيونا

وبس ..

ف النهايه ما اقولك غيير >> موووفقه <<

بس خبرينا متى موعد التنزيل ؟ واتمنى انك ما تخيبي ظنونا

متابعه لك .. واصلي .. وخلي عنك الأحباط .. ثقي بنفسك

ف انتظارك على احر من الجمر

ومشكوووره ^ ــ ^

يحفظك ربي


و عليكم السلام و الرحمه
بخير و الحمد لله و انت ؟^_^
مشكوووووووورة كثير كثير .. اسعدني تواجدكي في صفحتي حيل ...
و عجبني ايضا انج قريتي الاجزاء و علقتي عليهم .... تسلمين و الله
اما بنسبه لنقد و لا يهمج افا عليج ^_^ ما فيه احباط و لا حاجه
و مشكورة كثير ع التواجد
اما موعد التنزيل بيكون في الاسبوع مرتين
و لكي كل الشكر و التقدير و الاحترام
لا هنتي
و لكي كل وردي وودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 30-01-2012, 03:16 PM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية والله لهينك لين تبكي تبي رضأي ذليل تكسر عين منهو يراعيك / بقلمي


السلام عليكم ...........

راح يتم تغيرر اسم الروايه

لا انه في روايه ثانيه بنفس العنوان ......

و راح يتم تنزيل البارت الجديد يوم الخميس باذن الله

و السلام عليك
م

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 30-01-2012, 05:20 PM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية والله لهينك لين تبكي تبي رضأي ذليل تكسر عين منهو يراعيك / بقلمي


راح يكون عنوان الرواية ...............

الحزن قبلك ضمني مثلك ترى ما هزني ولا عاش راساً ينحني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 01-02-2012, 11:20 PM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية الحزن قبلك ضمني مثلك ترى ما هزني ولا عاش راساً ينحني / بقلمي


..؛ البــــــــــ{3}ــــــــــارت؛..

بطلت الباب اللي جدام و ركبت و قبل لا تسكر الباب عاد طلال محرك السيارة

نجد بعصبيه و حقد واضح : و عمى ما تشوف اني للحين ما سكيت الباب ! و لا تبي تجتلني مثلا

طلال ببرود و بصوت واطي : جان زين

نجد بنرفزه : نعم ! خير ! وش قلت

...........طلال ما رد عليها حتى بكلمه

نجد وهيه تشوف برع و هيه تقول : ههـ ادري فيك ما بتتجراء ترد تكرر الكلام اللي قلته

طلال مدر ايده ع الراديو و شغل الإذاعة و طلول عليه علشان ما يسمع و لا اي نفس من نجد

نجد كانت تتكلم و تتحلطم .... اما طلال بكل برود كان يردد ورا ارديو .......



.......... في بيت ابو تركي

ابو تركي : و انت ما بتفطر ؟

تركي وهوه يخذ كتبه من ع الارض : لا يبه

ام تركي : ما يصير يمه تطلع ما متريق

تركي : مو مشتي يمه بتأخر

ابو تركي وهوه يشوف تركي بنص عين : خليه يولي

تركي التفت لبوه و قال بهدوء : شو يبه للحين زعلان علي !

ابو تركي : اذا زعلت عليك انت فانا ما عني سالفه ، لي انك انت ما عنك اي تحمل للمسؤولية

تركي ابتسم و راح لبوه و حبه ع راسه و قال : افا الحين انا ولدك الكبير ما عندي اي تحمل للمسؤولية

ابو تركي باستهزاء: لا مو انت اقصد يدتك

تركي تنهد برتياح وشي من الهبال : اووووووه اشوى ع بالي تقصدني انا

مرح : يبه عطني مصروفي

تركي وهوه يطلع : يا الله مع السلامه ... ادعوولي ...( و اشر ع ابوه وهوه يحره بنص عين ) و خاصه انته يبه ادي لي مو تدعي علي ...(و ابتسم و طلع )

ام تركي بعصبيه : و انت شفيك ع الولد ؟.....

ابو تركي بشويه عصبيه : لو كنتي مربتنه مثل خلق الله كان ما وصل اللي وصل له ها الساقط

فرح بهدوء : يبه تره تركي الحين في مرحه المراهقة يعني يباله مسايسه مو كذا ، حاول تصاحبه يبه

ابو تركي التفت ع فرح و قال بجديه : بلا مراهقة بلا بطيخ ..... ها الشي في مجتمعنا السلامي ما فيه ... هذي المصاخه هناك .. في الدول الكافره مو معنا حنا .... سامعه

فرح : بس يبـــ

ابو تركي : بلا بس بلا كلام فاضي ..... و يا الله قومي كانه باصكم جاء



.......... الساعه 8:20
كانت ام نجد نايمه في الصاله ... اشوي و سمعت صوت جرس الباب .....
فتحت ام نجد عيونها بكسل و التفتت يمين و تنهدت بتعب و قامت بثجل و هيه تحط ايدها و راء ظهرها و تقول : من اللي بيجينا بها الوقت ؟ ......

راحت تمشي ببطى للباب ... ووقفت وراء الباب و قالت : من !

: انا فتحي

ام نجد : و من انت ؟

: ما عرفتيني ؟... انا سلطان اخووج

ام نجد تنهدت و قالت : ايه لحظه ..... ( و فتحت الباب )

سلطان بابتسامه : السلام عليكم

ام نجد بدون نفس : و عليكم السلام

سلطان نزل راسه لمستوى ام نجد ( و مسك ويهها بيده : افاااا ! شفيه الحلو زعلان ...؟ ....

ام نجد وهيه تقول بدون نفس : لا زعلانه و لا شي ؟....( ووخرت من عداله و سكت الباب و راحت صوب الصاله )

سلطان تبعها ع طوول : تعالي هنيه شفيج ؟..... ماده بوزج شبرين ؟

ام نجد بصوت هادي : قلت لك ما فيني شي

سلطان : لا فيج و انا اعرفج زين ..... بسمه شفيج ؟

ام نجد وهيه تيلس ع الكنيه : ما فيني شي اقوولك ..... الا شخبار ام السانين ؟

سلطان وهوه يلس ع كنبه مقابل اخته : من عاد تقصدين بام السانين ؟

ام نجد بتعالي و بدون نفس: و من غيرها يا حظي حرمتك اللي مسويه فيها سلطانه في زمانها

سلطان هز راسه و قال : بخير بخير و تسلم عليج انت و عيالج

ام نجد وهيه تصب لخوها الحليب و تضحك باستهزاء : قول انت اللي تسلم و لا هيه اعرفها زين خبز ايدي مستحيل توصل السلام لنا .... كانا جتلين حد من اهلها

سلطان تنهد و ضرب كف بكف : انا لله !

ام نجد لوت بوزها : ايه معلوووم ما بيعيبك الكلام عنها ....( و مدت با الكوب الشاي لخوها ) ....خذ

سلطان وهوه ياخذ الكوب من ايد اخته : مشكورة ....

ام نجد وهيه ترجع ع الكنبه مره ثانيه ببطى : الا ما قلت لي شخبار عيالك ؟

سلطان وهوه ينفخ في كوب الشاي : بخير و الحمد لله و يسلمون عليج

ام نجد لوت بوزها شبر جدام : و ليش ما يجون يسلمون ع خالتهم ؟... و لا امهم ما راضيه يا عيوني

سلطان تنهد : و بعدين يا بسمه ؟... و بعدين يعني ...انتي نسيتي انا اليوم الثلاثاء و العيال وراهم مدارس و دوامات !

ام نجد بدون نفس : هيه صح .... ( و قالت بستهزاء ) تصدق نسيت

سلطان تنهد و شرب كوب الحليب اللي بيده


( سلطان ، عمره 36سنه .... يشتغل في دائرة حكومية ....... اخو بسمه الوحيد اللي هيه ام نجد .....و راح تتعرفون عليه و ع عياله و عائلته في تفاصيل الرواية ان شاء الله )


سلطان : الا شخبار ابو عيالج ؟.....

ام نجد بدون نفس : مدري عنه

سلطان رفع حاجبه اليسار و قال : كيف ما تدرين عنه ؟

ام نجد ببرود و هيه تمسك الريموت و تشغل التلفزيون : من امس ما تصال علي

سلطان : ان شاء الله المانع خير .... و ما تعرفين متى بيرجع بسلامه ؟

ام نجد بدون نفس : هوه لو ما يرجع احسن ........

سلطان تنهدت بضيق و قال : ما زين يا بسمه ما زين عليج هذا ابو عيالج ... و انتي كبيرة و المفروض عارفه ها الشي

ام نجد بدون نفس و تهفس ويهه : يؤؤؤه سلطان لا تسك راسي بها الكلام ..... بيجي يوم الاربعاء

سلطان وهوه يشوف اخته بشك : بسمه انتي فيج شي مضيقج ؟

ام نجد بدون نفس و هيه تطالع التلفزيون اللي كان مشغل و مقصر ع الصوت : لا ما فيني شي

سلطان بشك : محتاجه شي ؟

ام نجد بنفس النبرة : لا

سلطان بحنيه : عيل اشفيج يا ختي منتي ع بعضج

ام نجد تنهدت بتعب و قالت و هيه تمسح ع بطنها : الحمل تعبني .... و طول الوقت و انا معصبه بدون اي سبب

سلطان ابتسم و قال : ايه هذا اثار الحمل خخخخخخـ بس انا اللي اعرفه انه الحريم يتضايقن في الاشهر الولاء مو اخر الاشهر

ام نجد بدون نفس و هيه تلوي بوزها و تقول : بس انا غير عن الحريم

سلطان بدون نفس : ايه و الله و اضح

ام نجد : قولي وش اللي ذكرك فيني الحين ؟

سلطان بكل حنان الدنياء : يعني لزم يكون هناك سبب علشان الاخ يزور اخته مثلا

ام نجد بدون نفس وهيه تشوف سلطان بشك : ها الكلام لو جاني من حد غيرك كان رديت عليه لكن انت ....( سكتت اشوي و هيه تشوف سلطان و بعدها قالت ) .... خلها مستوره

سلطان تنهدت تنهيده طويله : قوليها ليش ما تكملين قوليها

ام نجد ببرود و تعالي : و انا الصادقه .... انت ما فيه مره ذكرتني الا و في بالك نيه .... و لا عنك غير ها الحكي !

سلطان وهوه ياشر ع نفسه باصبعه و يقول بذهووول : انا !

ام نجد وهيه تقلد حركته : انا ! ...... لا السموحة شكلي غلط .... ع ما اظن اقصد نفسي

سلطان بندم : صدق اللي قال سو خير و قطه بحر

ام نجد باستهزاء : ليش تقطه بحر خله ع ضهرك احسن موووة

سلطان بدون نفس : لا انتي صدق انه الحمل ما ثر فيج الله يكون بعونج .....( ووقف بضيج و هوه يقول ) ع العموم انا جاي اسلم عليج و اطمن عليج و ع بنتج ..... ( و شد ع كلمته الأخيرة و قال ) و بس

ام نجد بعدم تصديق وهيه تشوفه بشك ورافع حاجبها اليسار : و بس ! ! !

سلطان عقد حواجبه : و بس ايه و بس ..... ليش شو ع بالج مثلا جاي اطلب منج حاجه !

ام نجد رفعت حواجبها و تحك خشمها و تقول ببرود : و الله مدري عنك ..... اقوول سلطووون .... تذكر منه منه يمكن الاعقربه موصتنك ع شي ...... تذكر قبل لا ترجع و تغسل شرالعك

سلطان بندم : تدرين عاد انا الغلطان اللي جاي لج ..... انتي كذا و بتبقين كذا قلب اسود لا مشاعر و لا احسيس و لا اهتمام ..... خساره و الله خساره ...( و مشي متجه للباب )

ام نجد بانفعال و صوت عالي : سلطين ....

سلطان وقف مكانه بدون لا يلتفت ع بسمة : نعم

ام نجد بنفس النبره : تعال هنيه

سلطان بنفس الوضعيه : شتبين بعد ؟ شي بقى ما قلتيه ؟

ام نجد وهيه توقف و تلتفت عليه : تعال ابيك بسالفه

التفت سلطان عليها بدون نفس : خير ! وش تبين



----------- في المدرسه الاولاد ؛
مع طلال ......
تركي : طلولي
طلال بتعب : خير !
تركي : شفيك ياخووي منت ع بعضك
طلال التفت عليه : ما فيني شي
تركي بهمس : طلووول انا رفيجك .... حبيبي اذا فيك شي قوول
طلال ابتسم لتركي و قال : و الله ما فيني شي
تركي : اكيد
طلال بابتسامه : اكيدين يا الحنون
تركي : لا تتمصخر تره اتكلم من جد
طلال تنهد تنهيده طويله
تركي : و الله انه فيك شي .... خير يا خوي ؟.... ويهك شاحب
طلال اشر ع ويهه و قال : الحين ويهي انا شاحب
تركي : ايه و الله ...... ليكون !
طلال : شوووو
تركي بابتسامه : ليكون شيخ الشباب يحب
طلال بابتسامه باستهزاء: احب !
بدر التفت عليهم و قال بصوت عالي : حب ! ..... من اللي يحب
طلال وهوه يضحك و ياشر ع بدر : شف العصايع الكلام الفاضي بيسمع لكن خله عن الدروس يسوي عمره اصمخ و ما يسمع شي




............ في المدرسه البنات
مع نجد .........

ماجده بزعل و هيه عطيه نجد ظهرها : ما اكلمج اقولج
نجد بترجي : انتي اسمعيني با الاول
ماجده بعصبيه و بصوت واطي التفتت عليها و قالت : شتبيني اسمع ! .... يعني بعد ما قلتيلي انج بتجين و انج بدرب ..... و تخليني اكنسل الطلعه مع اهلي ..... و انزرع في المطبخ ساعتين ...... و احصل صراخ من اخووي علشان يشتري لنا اغراض لليلسه ... اخر شي تقولين لي ما اقدر اجي !
نجد بضيق و بنفعال و صوت عالي : مو بيدي قسم بالله مو بيدي ....( انتبهت لنفسها لما شافت البنات كلهن ملتفتات عليها .... و هدت صوتها و قالت من بين اسنانها ) كله من طلووول الغبي الحقير ....
ماجده وهيه تنافخ و بدون نفس و تضرب كف بكف : انا لله ، طلوول طلوول طلوووول و بعدين يعني ! ؟.... لمتى بيبقى ها الطلووول منعج من كل شي ؟
نجد تنهدت بعصبيه و خبرت ماجده عن كل اللي صار و طبعا مع زيادة في السالفه و تكبير الموضوع


.....
امال بدون نفس وهيه تاشر براسها ع ماجده و نجد : شوفيها شوفيها
فرح بدون نفس : خليها تولي زين.... ابصراحه ما ادنيهن و لا اشتهيهن ابد .... ما ينبلعن
امال : و انتي الصادقه مغرورات
فرح : ودلوعات
امال : وبطرانات
فرحه : ووقحات
امال : و السانهن طويل
فرحه : و ما يحترمن حد
و فجئه ضحكت امال و فرح : هههههههههههههههههههههههههه
فرح بدون نفس : ابصراحه ما ابي اخفف عنهن ذنوبهن خليهن يشيلن ذنوبهن بروحهن
امال : و انتي الصادقه

فرحه وهيه تتذكر شي : اقول طلعي دفترج مال الرياضيات تراه ما حاله الواجب و متمشكله

امال بابتسامه وهيه تضرب ع صدرها : افا و انا وين رحت يعني

فرح بابتسامه و هيه تطلع الدفتر مال الرياضيات من الشنطه : فديتج و الله يا الله طلعيه

امال بابتسامه : ليش ؟

فرح خلت الدفتر فوق الطاولة : يا حظي علشان انقل الواجب

امال و تمثل انها تذكرت : ااااااه صح نسيت ( و ابتسمت ابتسامه عريضة )

فرحه مسكت القلم و كانت تنتظر امال تطلع دفترها

امال التفتت ع فرح : امممـ دفتر شووو !

فرح وهيه تحرها بنص عين : عن الاستهبال .... قلنا رياااااااااااااااااضياااااااااااااااااااات

امال ابتسمت و قالت : ايه صح نسيت ......

فرح وهيه تنافخ : خلصينا عاد

امال باستعباط : بس ليش !؟

فرح بصرااااااااااااخ : يؤؤؤؤؤؤؤؤؤؤؤؤة يا الدبه عن المذله خلصيني عاااااااااااااااد

امال و هيه تضحك : هههههههههههههـ خلاص خلاص ..... بس ليش ؟

فرح بصراخ : امااالوووووووووووووووة ( و ضربت بيدها ع الطاوله بقوه )

امال ومسويه نفسها خايفه : يمه يمه بس تذكرت ليش ...... بس دفتر شو تبين ؟

فرح رصت ع اسنااانها بقهر و صرخت من بين اسنااانها و قحمت ع امال و مسكتها من رقبتها و امال تضحك من خاطرها عليها و تحاول تتكلم بس فرح ما مخلتنها
امال وهيه ميته من الضحك : ههههههههههههههـ خلاص خلاص هههههههههـ بطلعه .... هههههههههـ وخري

فرح و هيه و اقف ع راس امال بعصبيه و عاقده حواجبها : يا الله اشوف بسرعه طلعيه

امال بستهبال و هيه توضع صبعها في فمها و تقول : صح نسيت اني ما حاله الواجب !


.......
ماجدة بعصبيه و نرفزه و غرور : اسمحيلي بس جد جد ولد عمج هذا انسان ما ينطاق بكل ما تحملها الكلمه من معنى

نجد و هيه تنافخ : بشكل خيااالي ....و ما ينبلع ابد

ماجدة بنفعال : اصلا هوه لزم يحب ايده ظهر و بطن دامه عايش معاكم صبي ....

نجد بغرور : لا و بعد مدري ليش نافخ نفسه ع الفاضي

ماجدة بحقد : حطو حد لها الانسان علشان ما يلعب فيكم و يمشيكم ع هوه .... و تراه اخر شي يبقى صبي لا راح و لا اجاء

نجد وهيه تلوي بوزها : بس للاسف يسمى ولد عمي .. و تنهدت بضيق ... حسرة

ماجدة بعصبيه وعروز : و خير يا طير وولد عمج ؟... عملووة ع انه صبي .... و علموه انا مستواه تحت و انتو فوق ..... لا تخلونه يتعالى عليكم تراه بعيدين و الله بيلعب فيكم ع كيفه







؛؛....... يتااااااابع .......؛؛


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 02-02-2012, 12:20 AM
صورة ظل الغروب الرمزية
ظل الغروب ظل الغروب غير متصل
©؛°¨غرامي متألق ¨°؛©
 
الافتراضي رد: رواية الحزن قبلك ضمني مثلك ترى ما هزني ولا عاش راساً ينحني / بقلمي


يعطيك الف عافيه حبيبتي

على هالبارت الرووعه << ابدعتي ف السرد >>

تسلميلي يا قلبي ...

مبروووك على تغير العنوان .. كذا طلع احلى
واللي زاد حلاته البارت يستاهل والله

امممم

صارت احداث مع شخصيه جديده وهو سلطان واللي يصير اخو بسمه << ام نجد <<

كريهه ياخي هالحرمه متى بتفهم وتحن على هالمسكين >> طلول <<

بس انا حبيته هالسلطان وشي اكيد له يد بمساعدة طلال ويطلعه من مشاكل هذولا الناس
واللي ابدآ ما اعتبروه منهم >> حرام عليهم <<اتمنى هالشي يصير ..

انا للحين اكره تصرفات نجد وامها بس انتظر للبارتات الجايه وش يخططوا لطلال
لكن انا متأكده انه طلال ما راح يكون ضعيف قدامهم اكيييد راحج يكسر كل الحقد بعين ام نجد ونجد
ومتأكده ف النهايه راح يحتاجوه >> ولا بعد راح يترجووه بطلبهم انه يبقى عندهم <<

اممم كل هذا طلع من عندي .. كنت ناويه اقول اكثر بس قلت خلني اختصر وبشوف التكمله
والتطوارات وتعمق الأحداث ف المره الجايه

مشكووره غلاتي .. تسلم ايدك ما قصرتي يالحلوه

انتظرك ف البارت الجاي عن قريب >> واتمنى انه يكون لك تفاعل اكثر ف الروايه بين الأعضاء <<

مووووفقه

يحفظك ربي من كل شر



آخر من قام بالتعديل ظل الغروب; بتاريخ 02-02-2012 الساعة 12:25 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 06-02-2012, 01:29 PM
صورة ثبوتي شمالي الرمزية
ثبوتي شمالي ثبوتي شمالي غير متصل
©؛°¨غرامي فعال ¨°؛©
 
الافتراضي رد: رواية الحزن قبلك ضمني مثلك ترى ما هزني ولا عاش راساً ينحني / بقلمي


اقتباس:
المشاركة الأساسية كتبها ظل الغروب مشاهدة المشاركة
يعطيك الف عافيه حبيبتي

على هالبارت الرووعه << ابدعتي ف السرد >>

تسلميلي يا قلبي ...

مبروووك على تغير العنوان .. كذا طلع احلى
واللي زاد حلاته البارت يستاهل والله

امممم

صارت احداث مع شخصيه جديده وهو سلطان واللي يصير اخو بسمه << ام نجد <<

كريهه ياخي هالحرمه متى بتفهم وتحن على هالمسكين >> طلول <<

بس انا حبيته هالسلطان وشي اكيد له يد بمساعدة طلال ويطلعه من مشاكل هذولا الناس
واللي ابدآ ما اعتبروه منهم >> حرام عليهم <<اتمنى هالشي يصير ..

انا للحين اكره تصرفات نجد وامها بس انتظر للبارتات الجايه وش يخططوا لطلال
لكن انا متأكده انه طلال ما راح يكون ضعيف قدامهم اكيييد راحج يكسر كل الحقد بعين ام نجد ونجد
ومتأكده ف النهايه راح يحتاجوه >> ولا بعد راح يترجووه بطلبهم انه يبقى عندهم <<

اممم كل هذا طلع من عندي .. كنت ناويه اقول اكثر بس قلت خلني اختصر وبشوف التكمله
والتطوارات وتعمق الأحداث ف المره الجايه

مشكووره غلاتي .. تسلم ايدك ما قصرتي يالحلوه

انتظرك ف البارت الجاي عن قريب >> واتمنى انه يكون لك تفاعل اكثر ف الروايه بين الأعضاء <<

مووووفقه

يحفظك ربي من كل شر


الله يعافيج يا قلبووووو ^_^
الله يبارك فيج فديتج ^^
مشكوووووووورة حبيبتي ع توقعاتج و كلامج و تفاعلج معاي
يسعدني حيال ردج ع الروايه
تسلمين يا عمري لا هنتي و عساج ع القوة يارب
و الحين راح اكمل البارت الرابع
و السموحه ع التاخير يا الغلا
لا هنتي و الله يسعدج ^_^


الرد باقتباس
إضافة رد
الإشارات المرجعية

على كثر زلاتي وكثر القسا واللين والله ما أوجعتك كثر ماانت توجعني/ بقلمي

الوسوم
رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية والله دنيا و تذكرتوا و الله دنيا و إعتذرتوا / بقلمي نار الانتقام روايات - طويلة 41 01-07-2016 02:13 AM
قمر خالد / الكاتبة : حمران النواظر ، كاملة غرام زوجها روايات كامله - يتم نقل الرواية هنا بعد اكتمالها 85 26-03-2016 04:49 AM
مجنون سارة snuor ارشيف غرام 23 27-12-2012 11:48 PM
رواية نبض قلبي / بقلمي ، كاملة دانة الحمادي روايات كامله - يتم نقل الرواية هنا بعد اكتمالها 999 06-07-2011 11:06 PM
رواية بدر و سارة / بقلمي joja mrjoja أرشيف الروايات المغلقة - لعدم إكتمالها 32 09-04-2011 07:17 PM

الساعة الآن +3: 04:44 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1