منتديات غرام ترفيه غرام نكت - ضحك - وناسة - فرفشة عندما يتوارى الصدز بقلم الدكتورة الوضحى
شهباء العيون ~ بدآخلے قـلـــب طفلـۃ شقيــۃ مآ يگبر ولو گبرت ~



,










السلام عليكم ي الشيـون والشينات..

محد يجـرب يقول غير هالكلام لاننا كلنا على معرفة باننا مخلوقات شينة ولازم نتقبل الواقع المرير.. طبعـا الا انا الحلوه فيكم <لا يكثر

لا من جد احتسي لكل قاعده شواذ..وانا على ادراك بانني الفتاة المزيونة بينكم<كف وركبه بعد

الصدز صارلي فترة ويدي على قلبـي
خوف اني اموت او اودعكم بدون نصائح وارشادات وفلسفات ذهبية اقدمها لكم
لكوني اختبرت بهالحيـاه وحـابه افيدكم بها

وتعرفون الـ 2008 صارلها اربـع سنين فايتة وحسـب كلام عدنان ولينـا هذا العام كان مفروض يكون نهاية العالم

تراني ما جبت شي من عندي..اسأل اي اخ كبيـر لك تابع هالمسلسل وبيقولك الحقيقة<<هالكلام موجه لعيال النيدو

وبما اني مانيب ضامنة عمري..قلت خلني اورثكم كتـابي وانا عايشة
واللي قريباً بينزل بالاسواق اسمه " عندما يتوارى الصدز"




راح يحتوي على حقائق فعلية وفلسفية من هالدنيا..وسعره فقط 150 ريال..ويلا لعيونكم الصغيرة والضيقة اللي كنها خرز نبيعه بـ149.99
لا تقولوا غالي..ما عندي استعداد أخفض اكثر من كـذا..يا اما بتشترون يا بتذلفون انتم وعجة رجولكم وبتوروني مقفاكم

ابدأ وياكم ..

الحقيقة الفلسفية الاولى :
لا تشعر بالحزن اذا خويك فضّل خويه الثاني عليك..لانه من الصعب اقناع القرد بان الفراولة الذ من الموز

عزيزي الشين عزيزتي الشينة..لازم تقتنع انك فراولة لذيذة بالرغم من مظهرك اللي يقول عكس تسذا
والكـل يحب الفراولة..لكن لما خويك يكون قرد ولا غوريلا
وقتها ما يشوف ولا يحب يزط الا المـوز..فما لك الا تقول حسبي الله على كل قرد اعمى وقوله "خذ خويك الموزة
وابلعه وجعلك تغص بوه هو وخشته اللي كنها معدة وحيـد قرن"..!

الحقيقة الفلسفية الثانية :
لا تبحث عن النـكد..تطمن يا مالك الماحي..فالنكد يدل عنوانكـ..

النـكد وما ادراك ما النـكد..؟ كثار يشتكون من هالصعلـوك..لا تبحثون عنه ابد..فهو يدل عنوانكم ع طول..
فبيطب عليك زيارة لما تخطط تطلع مع ربعك الاستراحه الا ويقولك عن طريق الوالده..رح الماركت وهات لنا مقاضي..
ولا يجي على البنيات يوم انها بتروح عند صديقتها يقوم يطب بمخيخ اخوهن الايسر.. ويقول :انبثري ع مواعين المطبخ ما في روحه..
او انه يجي بين الزوج وزوجته ويخرب يوم الخميس ع الزوج اللي يقضية رقاد..وتجي زوجته تقول : حبيبي..يلا نروح بيت هلي..
همسة لكل زوجة: ترا يوجد يوم خميس واحد بالاسبوع.. لذلك اتركي زوجك بحاله..لانه ايام الخميس تشهد حالات طلاق واجده..
وانتي ما تبين جارتك تتشمت فيك يوم انك تتطلقين..

الحقيقة الفلسفية الثالثة :
المال لا يشتري السعادهـ
ابعرف من التسذوب اللي قال هالحتسي
اجل المال لا يشتري السعاده..؟؟
اذا ما كان المال يشتري السعاده اجل وش اللي يشتريها؟
عن الخـراط بس..تخيل لو انك تروح السوبر ماركت وتشتري وتشتري بعدين تجي عند الكاشر ويجي وقت الدفـع وتقوله
ابعطيك خمسين عملة سعاده؟ وش مصيرك..وين بتروح انت ووجهك؟
ولا انتي تروحين نكتار وتشترين وتشترين وبس يجي وقت الدفع تقولين للاخت ابدفعلك بدل الدراهم خمسين نكته؟
ولا انت يالمعرس..بتروح تخطب بنت الناس ووقت دفع المهر تقول بدفعلكم مية الف ابتسامه وبسكنها بقصر السعاده وبأأكلها خمس وجبات ضحك باليوم..؟؟
من بيرضي يبدل بنته بالسعاده..لا يا حبيبي بيتركها ابوها تعنس عنده ولا يبدلها بغير الدراهم؟

الحقيقة الفلسفية الرابعة:
مؤسسة التربية والتعليم يجب ان تغير اسمها الى مؤسسة التعليم فقط؟
ليش..؟ ابقولكم..
صرعونا المدرسين والابلات بهالقول: التربية أهم من التعليم ويا اعزائي التلاميذ بتلاحظون ان المؤسسة اسمها يبدأ بالتربية ثم التعليم..
يعني وش قصدهم اننا موب مربيين؟ الا مربيين احسن تربية..لكن ادمغتنا كراتين..
ولو فعلا كانت التربية مهمة لهالحد فالمفروض يسوون حصة تربية عشان يفحصون بها الاخلاق حقت التلاميـذ ويكيلونها واذا في نقص او زياده
يعدلونها ويسوون لنـا اختبارات ذوق ودفاشة !
وبعـد اضافة حصة قرقرة
حنـا بنيات نموت ع شي اسمه "سواليف" او " قرقرة" او "هذرة" او حتسي..الخ..
ما شاء الله عضلة اللسان شغالة 22 ساعة باليـوم..فالمفروض يستثمرون هالشي بحصة قرقرة يعتمدونها لجل نقرقر بها
وتراني متأكدة ان نسبة كبيرة من البنيات بياخذون تفوق بها وولا وحده بتسقط..!

الحقيقة الفلسفية الخامسة :
الجمال جمال الروح
من اكبر الكذبات اللي قالوهـا..وعشان ما اظلم اللي قالها بوريكم صورته..


طلع كلامه ترقيع لخشته اللي كنها ظهر سلحفاة
عشان كذا لا تلومونه على هالكذبة المتداولة!!

وأخيـرا العبـرة :
لا تصدقون اي كلام يُقال لكم..وبالذات كلام مشرفات النكت والفرفشـة

اذا تبون تعرفون الباقي مالكم الا تشترونه..
خلاص تم نُص الكتآب بعون الله..
بكيبوردي..
مع تحياتي وتقدري
الكاتبة والفيلسوفة والوضحى " شهباء العيون"
اكوس وحده في العالم








,

نوووتييلا ©؛°¨غرامي جديد¨°؛©

هههههههههههههههههههههههههههههههههههههه
كل شي يهون عند معدة وحيد القرن هههههههههههههههههه
يسلموا يالغلا الله لا يحرمنا هالطله

هــــدوء المطر اللهــــمٓ أَحسِنْ خاتِمتِـــي .. ❥

ههههههههههههه مشكورة ........



صمت الاحبة ©؛°¨غرامي نشيط¨°؛©

ههههههههههههههههه

شهباء وربي ضحكت من قللب

الله يسعدك

عَلياءْ ،
مستشــ¸.·* غرام *·.¸ـــاري





ههههههههههههههههههههههههههههههههه
انا مستحيــــــــل اشتــرري هالكتــااب لو بــلاااش ههههههههههههههههه

لاتنسين اذا بعتي هالكتااب لي نص الفلووس>>>هذا اذا احد اشتراهـ
هههههههههههههههههه

يعطيـــــــــــك العـــــــــــاافيــه
























يا قمرا ورى الليّل الضرير
يا ضحكـة الفجر النّدي

رومنســـية اللــــيل ©؛°¨غرامي متألق ¨°؛©

وااااااااااااااااااع




انا اووول ماشفت خشتها خلاص كرهت حتى كتابه

يلعن ابوووي بليسه روووح سنع خشتك بالاول

مشط شعرك على الاقل

سديتووو نفسي





















تحياتي يا الغلا

لو بس ما حطيت شكله هههههههههههههههههههه

ليــهـ يادنيـــاااا ©؛°¨غرامي مشارك¨°؛©

هههههههههههههههههههههههههههه
اوما عليك نصايح بس تبين الصدز معاك حق
خاصة حقت الفلوس اشغلونا بها الله يشغلهم
اذا الفلوس ماتشتري السعاده اجل وشهو اللي يشتريها
هاااه >>>معليش كاني تحمست بس هالكلمه باطتن سبدي

يسلموو على التحشيش

&رآآآع ـية وآآآجـــب& ©؛°¨غرامي مجتهد¨°؛©

وعليكم السلام >> هلابوضحى وشلوونك وش اخباارك ؟؟ من زماان مانزلتي لنا موضووع

والله بصراحة وانا اختك ماقصرتي بالنصاايح
وخصوصا النكد ذا اللي مدري من فين يطلع لي..

المال لا يشتري السعادهـ

اما هذي ابصم لك بالعشرة انك جبتيها..>>راحت تشتري الكتااب

يعطيك الف عافيه

عيوشه الفرفوشه ©؛°¨غرامي فعال ¨°؛©

هههههههههههههههههههه
يعطيك العافيه والله يوسع صدز
وسعتي صدوزنا

×÷·.·´¯`·)» شموخ «(·´¯`· ©؛°¨غرامي مجتهد¨°؛©

ههههههههههههههههههههههه

يسلمووووو

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1