منتديات غرام روايات غرام أرشيف الروايات المغلقة - لعدم إكتمالها أنكتب نبقى انا وانت سؤال بلا جواب / بقلمي
هآمت بلآدي ©؛°¨غرامي جديد¨°؛©


يَاَ مَرْحـِبَاَ وْيَاَحـِـِے شُوُفِـڪْ وِطَاَرِيِـڪْ

اِنْــتْ الْبَـدِرْ وِحِـنَــآ نِجُـوُمْ حـــوَالِيِـڪْ

يَــاَ مَرحَــِبَاَ بَأعْــدَاَآدْ هِطَــاَلْ الْأمْــزَاَنْ

وأَعْــدَاَآادْ زَهْــرِ تِفَتَــحْ لــرُوُيَــاَڪْ =)


<><><><><><><><><><><>

آلـسْسلـآمـ عليـڪــمـ ۉآلرحمــْـَہ .,

حـِـِبيت منتدآڪم .. فـ قلت انزل روآيتــيه فيـہ .,

و اتـمنى ألاقـيِْ تفآعــل يسآعدني على تگملت ألروآيه .,

<><><><><><><><><><><>

الرۈايه = روآيـۃ حبْ
الرۈايه = ألجو اڵعآئلي
الرۈايه = مششآکل إجتمآعيہ
الرۈايه = أفكآر مجتمعيه سآئده

<><><><><><><><><><><>

تأليــف و كِتآبة : هآمت بلآدي ؛



هآمت بلآدي ©؛°¨غرامي جديد¨°؛©




يقـال آن
كـل شخـص في هذه آلحيآه
لديـه آنسآن { يكملـ‘ه }
لآ أعلـم من آنت و لآ آيـن آنـت .؟!
و لكـن

آنـآ بـ / آنتظـآرك

.................................................. .


شيخوه يالسه فـ حجرتها و تطالع من الدريشه و مشغله أغنية يردون لوليد الشامي ^^

يردون
قلت لازم يردون .!
وين مني يروحون .؟
هذا طبـع اللي يحبون
.................................... يردوون


فجـأه تبطـل بااب الحجرره بالقوو
طرااااااااااخ
فززت شيخوه و يوم شافت اللي مبطل البااب صررخت : ايييييييه دااااششه ع بهاااااايم آنتي
مريووم : هيييه هييه دااشه ع بهاايم رححم الله امرئ عرف قدر نفسه
شيخوه : و الله اطوورنا و قمنا نقوول امثااال .؟!! الله يررحم أياام من جد و جـد و من زرع حصد
مريووم : بسس بسس ببس ويين الجلووس الوردي ماالي يالصرااقه .؟؟؟
شيخووه : و الله و انتي كل ما نقص شي من أغراضج عقيتي البلا علييه ؛ آنآ حجررتج ما يشرفني اعتب صوب بابها تبيني أدخلها
مريووم : خف علينا يا ديانا .؟!
شيخوه : بخصوصج نكتتج هذي تبين خررده مثلآ .؟!
مريووم : زيين يووم تدرين انج قووم بو خررده
شيخوه : قووم بو خررده و لا غيره فور ماي سللف
مرييووم : ظريييفه
شيخووه آدليين الباب يأم أربع عيون و لا أدليج اياه
مريووم : ها ها ها أدلـه يالقطووه ؛ و ظهرت بررع
و عند الباب شآفت بنات عمها حميد
عفااري : ايييه لييش ظهرتي ؛ ردي ما قالت لج مقطع السمكه
مهااري : هههههه
شيخوه : آويه آنتو من متـى هني .؟!
عفاري : من سمعنا صووت التراااخ ربعنا فووق
مهاري : ههههههه
شيخوه : مس لوول هذي شو يايبنها هني .؟
مريوم : يايبتنها ريلها يعني شو بيكون يايبنها
شيخوه : أدري يايبتنها ريلها ؛ قالو لج سيم سيم نآآس
علايه يايه صووبهم : خلاااث هدوو اللعب ثبااب ؛ كل يوم نفث الرمثه و نفث الضرابه على نفث الأثياءات
عفااري : هييه ثـح نفث النفث
مهااري : هههههههههه حسيييتي يباالهم بس نصورهم عشان يشوفون هالموال الكريه اللي كل يووم يعيدونه
عفاري : تراني أقولج نفث النفث
مريووم : يلا عااد يوزو عن غلووط علكم تفدوونه هالثااء ^,*
علاايه : بطلوو لي الدريثه ما أرووم ع هيك رمثات أنا ^^
مريووم : بععد تبانا نشاارك فـ عملية انتحارها ؛ آبوي سيري انتحري بروحج محد قابضنج
شيخوه : ذكروني أضحك ع نكتتها السنه القادمه
البناتات : خخخخخخخخخخخخخخ
مهاري : واايد مأثرره فيج مس العربي
مريوم : هيه و الله أطللع رووحنآ غصب نررمس عندها فصييح
سعييد طالع من حجرته بوزار و فانيله : لا لييش الخواات يسولفوون بالممر فوق راسي بالحجره أحسسن
مهااري بغبااء : يا لييت و الله ^,^
سعيد عآقد حياته : نعم أختتتــي
مهاري بصوت واطي : آآه يا ويل حالي أنا ^^
علايه تصاصر مهاري : مول ما عندث كراامه موولت علييث
شيخووه : يقولون لج آلحب ما فيه كرامه و خرابيط
عفاري : انزيين قلتي شي زين لين كرامه ؛ خراابييط لييش آبا آفههم
مريوم تبي تغير السالفه : عزيزي سعيد بخصووص انك طالع بوزار و فانيله ما تستحي مثلا
سعيد : واحد فـ حجرته يبا يخممد شو تبينه يلبس لج بدله سموكي مثلا
عفاري : مثلا
سعيد : و الله ششعب فاضي ؛ تصبحون ع خيير { دش حجرته تجنبـأإ لآي تعليق مززعج
علايه : ثكراان .؟!
مهاري تكفخ علايه : لاا أرضـى البتـه
عفاري : ما ثوت فينا خيير هالمث يوم درثتكم
شيخوه : جلو ع آلمطبخ يلآ جلو = هندي
مريوم : هآآ آشوفج آلحين حنيتي ..!!
شيخوه : .......................
مهآري نزلت تحت عنهم
عفآري : آييييه بنآت عمي قليلآت الآدب مآ تعرفون تقولون لنآ تفضلو حيآكم آلمطبخ يتريآكم
شيخوه : بنآت عمي آلعزيز م آحيدكم ذربآت و رآعيآت ذووق
مريوم : بآلعلآمه مهآري يحليلهآ عآده نفسهآ من آهل آلبيت نزلت بروحهآ ع آلمطبخ
عفآري : و آلله مسكينه آختي غصب تعد نفسهآ وحده منكم ؛ يلآ شدو آلهمه و خلو آخوكم يتنحنح
علايه : مووول آبد آبد مآ قصدتي بنت آلعم
علآيه : حلآم يمكن ثآرت تثوى ثي لين ثعود
/ خلنآ نروح المطبخ آحسن that’s 2 much شيخوه : يلآ عآآد عن آلمصآخه
و هـم نآزليين تحت صآدفو مهآري طآلعه من آلمطبخ شآله كوب عصير و قطعه سنآفر
مهآري لمآ شآفتهم آنصصدمت { علآيه و مريوم و شيخوه و عفآري } وآآقفيين لهآ حذآآل بعض و مكتفيين آييدهم قآآلت بسسررعه : آككل حقنآ
علاايه : و آلحييييين نحن 5 رؤوث تبينآ نثرب قلآث عثير وآحد ؛ عليينآ هآلحررركآآآت .؟؟!!
عفآري تطآلع شيخوه : توو متش هآ توو متش .! آقولج آختي طبآخ آيدي
مهآري ببرآئه : يعني حرآآم آلوآحد يحب و يعبـر عن مشآعره آلمكبوته
مريوم : هآ كله مكبوت ..؟! لو آطلعي آللي فـ خآطرج مآ آدري شو بتسوين .؟!
علايه : لا و آللي يقهر عثيير متلف الروح .!! { متلف آلروح شفرتهم حق سعود ع قولتهآ خلطتهآ آلسريه آللي محد يعرف عنهآ هههه
مهآري : يا متلف الروح حبك في الحشا حصري
و قلبي على درب حبك متعب أقدامه
شيخوه : يآ ويل حآلي علييج يآ بنت عمي ^,^
مهآري : آنزين ممكن يعني آروح فوق .!
مريوم و عفآري مسكوهآ : لآآ و آلله عطينآ آلعصير عقب بنخليج تروحين فوق
مهآري : حرآآآم علييكم و آلله شي عصير فآلثلآجه
علايه : نبآ عثيير متلف آلروح
مهآري : زيين يآلخآيسآت شي فآلثلآجه سويت لكم
عفآري و مريوم و علآيه و شيخوه طبعـو ع خدهآ بووسه : فدييتج آنآ
و طآآرو كلهم صووب آلمطبـخ و هي ويهآ لوح صآمدون سآيره صوب حجره سعيد
مهآري فـ خآطرهآ
{ آوييه آتخيل بس يفشلني و مآ يآخذه ؛ لآ لآ هو آصلآ يحب آلسنآفر ؛ لآ لآ آحسسه بيرردني آصلآ دوومه يفشلني ؛ آممم عآآدي عآدي آهم شي شوفته و شوفت عيونه ^,*
طق طق طق
سعيد : تفضـل .؟
مهآري متفشله : وين يبآ آونه تفضـل .!!
سعيد : يووم مآ عندكم سآلفه لآ آدقون آلبآب و تشردون { عآيش آلجو يتحرى خوآته
مهآري ترد آدق آلبآب { يآلبييه هآلبنت صآمدون }
سعيد فتح آلبآب معصصب : نعععم خيييير .!!
مهاري متروعه : هآ آلخير بـويهك ؛ هذآ سنآفر و عصير
و فجـآءه دوون سآبق آنذآآر يقتحـم رشود آلمكآن ...
رآشد : بنت عمـي حبيبتي و آلله ؛ يآخذ قلآص آلعصير ؛ فدييت آللي حآسين فيني آنآ
مهآري : آيييه مب حققك يآلـدبب
رآآشد : آفـآآ بنت آلعم ؛ مآ هقيتهآ منـج ؛ هآآن طعـن آلسسيف و لآ طعـن آلكلآآم
سعيد : بآلعآفيه عليك خيو ^^ ؛ آصلآ كنت بررقـد { يدخل عنهم آلحجره
رآشد يرمس مصري منقع : آديك شفتي بعينك آهوو ؛ كرشي و كرشه وآآحـد ^,* } يحليله شاد حيله ينكت يبي يضحكها بعد ما انقلب ويها حزين
مهآري سوت له طآف و يآت بتنزل تحت
رآشد يشل بصوت عالي : المحبه من طرف واحد غصب تتلف قلب راعيها خص يوم تحب لك ياحد المشاعر ما يراعيها } راشد ماشاء الله علييه صوته جميل خخخ ع قولة مهاري احسن شي فيه صوته و لا هو مافي شي من الزين اصلا
مهاري ما تبا تبين انها تكدرت : ما فيك حيله ولد العم ؛ انا اشهد انك خطيير
راشد : لعيوونكم و لعيوون العصير اللي تسوونه هههه
مهاري : لو ادري العصير بيخليك تقلب اليف جان كل يوم بسوي لك منه
راشد : احم احم اصلا العصير ما يخصه هذا تأثير صاحبة العصير
مهاري : خييبه يا مكبرها عند الله و انا اشهد انك لوتي وبياع حكي
راشد : و انتو دوم ضالميني يعني هاللسان ما عمره نقط عثل
مهاري : هههه لا ما عمره نقط عسل و بعدين ما يمدحونه العسل اييب سكر
راشد : ما علييه اللي يسمعج رمسه عدله مره ثانيه
مهاري : خخخ ما اباه منك اباها من غيرك هههـ هالرمسات الحللوه خلها للحولاات اللي في فوننك احسن
راشد : آااي عورني ويهي ويا هالراس هذا دواي ابا ارفع من معنوياتج
مهاري : لا عادي تعودنا و بعدين احييم احييم تراهم يمونون و يهنون و كل شي من صوبهم حلوو
راشد : يخرب بيت هاللسان طلعت قويه بنت عميه ما ينرام ع لسانج حشى
مهاري : ولو و منكم نستفييد
راشد : هههه شهادتج اعتز فيها
مهاري : خلنا نسير من هون بكراتمنا احسن ما يطلع سعيد و يروغنا
راشد : هيه صدقتج الزم ما علينا كرامتنا ^^
وصلو عند البنات
عفاري : حيا الله بو سنيده و جان تنور الصاله اقرب اقرب العصير و الكيك يناديك
راشد : و لو النور نورج نحن اللمبا و انتي الكيبل انتي الأصل انتي الشمس و احنا القمر
عفاري : واقلبااه جان استانس رشود ما تاخذ علووه اخوي تعطيه كورس بالكلامآت القميلات
شيخوه : و الله دنيا يوم رشود استوى ينضرب فيه المثل بالرمسات الحلوه
مريموه : حسييتي هههه
شووووي و لا ريماني داش عليهم البيت و تحتشر
ريماني : ماالت علييكم ام حق خوات ياييين بيت عمي و لا عازمني اي وياكم خايفات اخلص عنكم الأكل مخيرينكم اني مفيوعه و مب ماكله من سنه شوووه
رااشد : خييبه طا طا طا طا رشااش رشااش مب لساان
البناات : ههههههههههه
مريموه : عفاري بسرعه الطفايه بنطفي الضو اللي شاب فويه ريمووه
ريماني : مب جني تهزأت وااايد مول ما استحيتي هذا يزاي آني شفقانه ع شوف عيال عمي
شيخوه : وافديت آللي شفقآنه على شوفتنا تعالي انا بعوض علييج بهالبوثه ع خدج
ريماني : ايديت لووحج انا
علاايه : انتو ايييه ثغل منحرفات بعيد لو ثمحتو
ريماني : مره وحده استوينا منحرفاات الله يسامحج
علاايه : خيبه مدت البوز ثبرين ؛ نثولف نثولف مآ نثولف يعني
ريماني : نتغلى نتغلى ما نتغلى يعني
راشد : يلا برايكم هياته تايم
البنات : حافظنك الرب ^^

ـ | ـ | ـ| ـ | ـ| ـ | ـ| ـ | ـ


بيت سلآمه { عمة العآيله }

أم فطوم : فطوووم .. فطووووم ؛ آلله يآآخـذ هآلعله آللي يآآلسه علييه
فطوم : آومآ ؛ لآ تدعيين ع حبيبي
آم فطوم : فـ عينج حبيبي ، شوفي عيينج كيف غآديه منه
فطوم : آوما فديت قلبج خلينآ من هآلموضوع آللي مآ يخلص ؛ آمريني بغيتي ششي .؟
آم فطوم : سلامت قلبج ؛ بغيتج تتزهبي بنروح عند قوم خآلج
فطوم : آي خآل فيهم .؟
آم فطوم : خآلج حمييد
فطوم : آونه عآد دووم تسيرين بروحج آشمعنى هآلمرره تبيني آسير ويآج ؛ من زوود آلمعرفه يعني
آم فطوم : بلآآج آنتي شبيتي ضوو ..!
فطوم : شوو بععد شبيت ضوو نآس مآ آعررفهم ؛ شووف و آشووفهم ف آلجآمعه و مآ بينآ غير آلسلآم ؛ تبيني آرووح بيتهم بععد .!!
آم فطووم : آدري بج حآبسه روحج فـ هآلقوقعه مآ تقولين عندي آهل آسآل عنهم آعررف آخبآرهم
فطووم بآستهبآل : آوومآآ آنتي لييش مآ تحبيني .؟
آم فطوم : و آنتي كل مآ قلت لج شي مآ تبين تسوينه قلتي ليش مآ تحبيني و سويتي لي فيلم هندي
فطووم : خلآآآص عندي آلحل نسيير عند قوم حمدي ^^
آم فطوم : آخخ علييج يعني يوم قلت لج نسير صوب آلبنآت مآ بغيتي تبين تسيرين لي عند آلشبآب
فطووم : آوونه آوننه يلآ عآد خل عنج قوم حمدي آعرفهم من زمآن و دوم يسيرون علي بس هذيلآك مآ آدري جي آحسسهم غير خرشآت و يهآل مآ ينآسبون جووي .!
آم فطووم : طآع هآي مآ ينآسبون جوهآ ، آقوول خلآص سيري سيري تزهبي لآ آفلعج آلححين بهآلآب توب آللي فـ آيديج
فطووم : آرسوو آرسوو { زين ؛ آوكيه ؛ حسنآ }
آم فطوم : آنآ آللي آعررفه آلنآس تتعلم آنجليزي و آنتي يآلسه تتعلمي لي كوري } آلحمدلله و آلشكر
فطووم : آوومآ يلآ خليني آسير فووق آتزهب ^^

ـ | ـ | ـ| ـ | ـ| ـ | ـ| ـ |

و بعد نص سآعه تصل آلشيخه فطوم و آمهآ سلآمه { بيت حمدي ع قولت فطوم }
فـ آلحووش

آم خليفه : هلآآ و آلله هلآ بربيعتيه حبيبتيه ؛ توو مآ نوور آلبيت
آم فطوم : آلنوور نوورج فدييتج
آم خليفه : هآ كووريآن مآ بغيتي آتشرفين بيتنآ و لآ خلآص كبرتي و كبر رآآسج
فطووم : آفآ و آلله آفآ ؛ آنآ لو آلود ودي آقععد عندكم دووم بس آوومآ مآ تخليني ؛ هذي ربيعتج تفآهمي ويآهآ ؛ آنآ بروح دآخل آسلم ع آلشبآب
{ و مآ يشوفون آلآ غبآر فطوم هع }
آم فطووم : خس آلله بليسهآ فرتهآ ع رآسي و توكلت فـ دربهآ
آم خليفه : يحليلهآ و آلله
فطووم و هيه دآشه آلبييت تصآرخ : بسسكم هآلكثــر تحشووون فيني خلصت حسنآتكم هههه
خلييفه : هلآ و آلله هلآ توو مآ نوور آلبيت
فطووم :آنيـوو .........
خليفه : خخخخخخخخخخ آوونج عآآد آستحيتي مآ علييج الا هو علووه ولد عمي عبيد
علي يدز خليفه بريله : علوه فـ عينك
فطوم : هلا هلا علي , تشرفنااا ^^
علي : حسستيني وااحد غرييب عليج توج تعرفينه
فطوم احمر ويها من القفطه : السموحه ولد الخال
سالم نازل من فوق ؛ داش عرض : اووه الحق ولد العم سبوو آبووك
علي : اشوفها تراني ، ما عليه عاذرنها تراني غريب عليها
فطوم تصاصر سلوم : مشكور ع القفطه الثانيه
خليفه : وينها امج ما يت وياج .؟
فطوم : شافت ربيعتها الحين شو تبى فينا نحن
سلوم : و الله هذيل العيايز حركات
خليفه : يلا عاد خل عنكم ؛ قـم بنروح نسلم عليهم
و ظهرت آلجماعه الحوش
ام فطوم : حييهم الشبيبه ؛ آخباركم و علومكم .؟
الشباب : الحمدلله بخيير
سلوم يوخي يبي يحب راس عمته سلامه
سلامه ادززه بعييد : خوووز عني هلكتني ما أبييك تححب راسي تحسسني اني كبيره
سلوم : اوونج عااد بنت العشرين
ام خليفه : سلوم يووز عن عمتك
ام فطوم : ها علووه وينك محد يشوفك ، أخبار أهلك و علومهم .؟
علي : الحمدلله ما يشكون شر
[ ليه المسا عوق الشقاوي يصبه ، ليه الهبوب تصحي القلب لا ..... ] رنة الفون
علي : سمحولي برد ع الاهل
سلوم : هاا علاوي عليينا هالحركاات اونك عاد الاهل .. زيين سلم سلم
علي : جب جب يالهرم و الله الاهل
ام خليفه تستهبل عليه : يوم انهم الاهل كلمهم هني ها بنسمعك
علي : ههههه خسك الله يا سلوم سويتي لي سالفه الحين
علي يرد ع الفون : مررحباا
مريووم : تو النااس لييش ردييت جان ما ردييت احسن
علي : خييبه خييبه اسمحيلنا الشيخه مريم
مريووم : خخخ اهيأك للمستقبل عشان تتعود ع الحرمه عقب
علووه : خيبه جان الا رمست الحريم جي شكلي بهون ما بعرس
مريوم : لا تقول هييك خلني افرح فيك و اشوف عيالك
شيخوه داشه عرض : نعم يعني الأخت امه و انا ما ادري
علي : شو هالحشره اللي عندج ، انتو ف بيتنا .؟
مريوم : علوه الصراحه صدمتني أنتي عاد يوم تستغبي اطلع درام الغباء اللي فيك كله
يعني الرقم رقم بيتنا بنسحبه لين بيتكم مثلا
علي : عاادي اتوقع اللا متوقع منكم
مريوم : شووكرن شووكرن ولد العم آحييك ع المدييح
عفااري تصارخ : هيييه بنت العلمي تحلى له الرمسه ويااهم و نحن بنات البطه السوده من يشووفنا يراوينا العين الحمراا
علي : منو هااي .؟
عفاري تأشر على رقبتها ل مريوم { تدري بها نذله ^^ }
مريوم : ههههههههه حززر فــززر .؟!
علي : أقوول مب جنه واايد عطييتكم ويه
شيخوه تاخذ السماعه عن مريوم : أفا ولد عمي ما علييه المساامحه ؛ تدري لا على المجنون حررج
علي : اول مره تقولين شي عددل
شيخوه : انا لين الحين أليفه لا تخليني اقلب علييك
علي : أقوول انتي من الآخر اشعدنج
شيخوه : مشكلتك فاهمنا ^^
علي : زيين يلا أمري الشيخه شواخ
شيخوه : خوااتك يوااعه مب عايبنهم أكل بيتنا
{ عفاري ؛ مهاري ، ريمآني = فييس مترووع }
علي : يا سلااااام خوواتي عندكم .؟!
مريوم : هييه من زماااااان شخبارك انته من اصبح الصبح و طلع الفجر خواتك عندنا
علي : منو يايبنهم .؟ و لييش راحو بدون ما يستأذنون .؟
مريوم : يآلله بآلسسسترر ، الحيييين من بععد ما كان بينا سكه صاار بينا استئذان
ترااك مول ما قصدت اللي يسمع يقول اغراب
علي : افا عليج بس مب جي القصد بس ليش ما يعطوني خبر قبل
مريوم : خلاااص علووه امسحها فـ ويه عليوه { عليوه شكو يحليلهآ }
علي : انزيين عطيني من الاخر الحين حشرتوني هالكثر سواالف
شيخوه : قلنا لك نبا اكل بعد شو
علي : حشي مفيووعيين .! آنزيين بييب لكم بس ع شررط
شيخوه : أفا علييك و الله حاضرين للطيبين من الحين اقولك تــم
علي بنذالـه : خلي علايه ترمسني و تقول شو فـ خااطركم
شيخوه : أوكيه وييت
علاايه : ايييييييييه حرااام علييكم ما أحبكم خايثاات
عفاري : يلا عااد علاايه اثعفينا كلميه ما بيثتوي فييث ثثي
ريماني : علايه حرااام علييج هالفرصه ما تتعووض { آطلع لها لسانها ..
علايه : اييه و الله بموت لو رمثت اخووكم يخووف
مهااري : ما يخووف و لا شي يحليله أخوي أليف
شيخوه : هييه مرره آخووج أليف
مهاري تكفخها ع الرااس : اكريمنا بسكوتج يالحماار
مريوم : يلا عااد علاايه نحن صار لنا ساعه يالسين نقردن الريال آخر شي تخربين علينا كل شي
علايه بنظرره انكسار : و الله أخااف بيصررخ علييه
البنات : ههههههههههههههههههههه
عفاري : و الله انتي يااهل بس قولي لي له شو نبا و نقطه انتهينا
علايه : و الله اخــر مرره تسوون فيني جي
/ استلمت علايه جداام حشره البنات و قررت انها ترمس علي /
علايه : هلا
علي : اهليين ، هلا و الله
علايه : نبا جبثات و نبا ...
علي : انزين قولي اشحالك شخبارك ولد عمي و لا ما فيه
علايه صخت شوي و بتبلعها الارض
علي : هههههه خلاص انا الحمدلله بخير انتي علومج .؟
علايه بغباء : زييينه ، و سكتت
علي : يلا قولي شو فـ خاطركم
علايه : اورنمي ؛ جبثات ؛ جالكثي و آيث كريم
علي بحده : شو آيس كريم ما شي
علايه صخخت شوي و عقب رقعت السماعه فـ ويهه
مريوم : اييه شو فييج و الله انتي هبله
عفاري حست بخوف علايه : اييه خليها لا تكلميها الحين ما فينا
شيخوه : هههه و الله انج تحفه
علايه : ثخييف وااحد يخووف حثيت قلبي طاح
ريماني : عيل نحن شو نقول اللي 24 مجابلينه فالبيت
مهاري : خل عنج عاد 24 ساعه جيه شو
ريماني : سخييفه و الله ؛ صيغه مباالغه

ـ | ـ | ـ| ـ | ـ| ـ | ـ| ـ |

فـ بيت بو خليفه

ام خليفه : يحليلهم البنات و الله متجمعات ماشاءالله
ام فطوم : هيه و الله فديتهم من زمان ما شفتهم
علي : انتو عاد مرره ما اتيون عندنا
سلوم : خلهم هذيل بنات العشرين
خليفه : سلوم يوز عنهم حشى اسميك اطفر فالواحد
أم فطوم : هيه و الله
سلوم : فديت آلعيآيز آنآ طفرت فيكم .؟!
فطوم بطنازه : لآ حشااك سلوم انته اطفر بالواحد من قاال .؟!
أم خليفه : يلا خلينا نسير نتوكل عند الحرمه أحسن عن هالسلوم اللي ما يخلص
ام فطوم : هيه و الله أبررك لنا من بعض الناس
سلوم طااف مب جنه هو المقصود بالرمسه ^^
علي : يلا عيل انا بععد اتررخص
خليفه : وين ويين ما فيه عقب العشا روح
علي : بروح اييب لهم اككل ؛ و بتعشى فـ بيتهم ^^
ام خليفه : أثررك مصالح ساير تتعشى عندهم ههههه
سلوم : انا عيل بسير ويااكم اتعشى بععد
علي : انته محد يبااك
سلوم : سعوود يبااني ؛ مساعه اتصل يعزمني
خليفه : انته مرره خرييطك جااهز
سلوم : انته معورنك شي أخي العزيز
أم فطوم : أبوي محد يشله هذا توكل ما بيخلص رمسه لين باجر
الشباب : خخخخخخخخخ
سلوم : أفا يالعيوز الله يسامحج
فطوم : اييه لا تقعد تسب أوما
خليفه : بس بس عاد بدت كوريان هههه
علي : بتي خليفه و لا .؟
خليفه : وين فشلله ما قلنا لهم جي طابين و نتعشي عندهم
علي : عادي زيين ما فيها شي بيت عميي و بعدين شو بنقول لهم انا ياييين
سلوم : صـح بنتصل ف سعوود و بنقوله
علي : انته منو عزممك أصلا..!
سلوم : كيفي بيت عمي آنا بعد ^^
علي عطآه نظظره : يلا عيل سرينا
فطوم : ايييييييييييه و انا .؟!
خليفه : سيري وي أمـج
فطوم : خلووف حراام عليك ما أبا و الله ملل هناك / يلسو هني مب لازم تروحون بيت خالي حميد
علي انقهر منها : انزين قالج سيري وي امج
فطوم انقهرت و سكتت
أم فطوم : مالت عليج ؛ سيري وياهم بيت خالج و يلسي عند البنات لين أييج
ام خليفه : هيه زين فكونا منها و من حشرتها
فطوم بصوت واطي : احم شادين حليهم اليوم ؛ يالسين و يفشلوني
سلوم : يلا تعالي وياي بنسير نحن ع طول بيت عمي و انتو لحقونا عقب اوك
خليفه : بكييفه يرتب الامور
علي : برايه خله يسير يفكنا من لسانه شوي
خليفه : يلا عاد صح انه طفره بس حليله طيب
علي : زيين ما قلنا شي طيب طيب ^^ يلا طوف جدامي
بطلعت علي و خليفه يصادفون التوأم خلود و سلطون
التوأم : السلاام علييهم
خليفه و علي : وعلييكم السلاام و الرحمه
خلوود : هااا وين بها انته ويااه .؟
خليفه : انته وياه .؟ طايحين من عينك مستر خالد
سلطان : محشومين بس خلود زل لسانه شوي
علي : انته لاازم ترد عنه تراك محامي الدفاع ماله
خالد : احم احم خشمك توأمي
خليفه : خلك منهم هذيل لو رمسنا وياهم زود ما بنوصل الا باجر الفير و العشا بيستوي ريوق
سلطان : افا معزوم ع العشا و لا تعزمنا
علي : يا خي اخوانك شغل مذله صدق
خليفه : عشان تحس فيه بس ، شكلنا ما بنتهنى بالعشا
خلود : معزومين عند منوؤ .؟
علي : ابد ما عند حد غريب الا بيت عمي حميد ، بتخاوونا .؟
سلطان بنفس خايسه : عند رشود الكريه
خليفه : اقول اصطلب احسن تراه ولد عمك
خلود : بلااك خلوف الا هي سوالف ، برايكم توكلو الرب لكم حافظ
علي : فمآن الله

ـ | ـ | ـ| ـ | ـ| ـ | ـ| ـ |

بيت بو حميد
البنات متيلسات فالحوي و يحشون بالخلق
ريماني : يا بختهم اللي بيتخرجون هالسنه
التوأم + مهاري : احم احم
عفاري تنغزهم : عدال عاد بنشوف النسب
علاايه : مريووم ما عليها خوف بنت علمي الخوف من مهاري و شيخوه
مريوم ضحكه شريره : نيهااهااا
شيخوه : بتشوفون ساعاتها اذا ما يبنا 95 و فوق لا تقولون شيخوه و مهاري
مهاري تكفخ شيخوه ع راسها : جب جب رمسي عن عمرج ما يخصج فيه ترى الناس قدرات
شيخوه : اي ، حمدي ربج يالسه ارزج
مهاري : محد طلب منج ترزيني هيه اليوم ترزيني باجر اتفشل بعمري ، ما تدرين الكلاام محسوب علينا عند هالسويحرات
عفاري : زين تدرين انه هالرمسه محسوبه عليج و سنفرتي بحياتج
شوي الا داشه عليهم سياره
ريماني : هاي مب جنها سيارة سلوم و لد عمي عبدالله
علاايه : زين بعد ما نروم نربع داخل
مهاري تشهق : نازله وياه وحده
شيخوه : اوييه تخيلو يايبنها يخشها فبيتنا
مهاري بدهشه : تخييللي ؛ حناام و الله خالوه ام خليفه ما تستاهل
علاايه مقهوره من غباء مهروه : بطبع هالنعال ع ويهج تعيث الجو ع طول
سالم و فطيم : السلاام عليكم
سالم بدا شغل التطفير : لا و الله حلفو انتو بس ما شفتو السياره داشه البيت ليش ما فزيتو
ريماني : حفظناها سيارتك من كثر ما تروح و ترد فيها ع بيت عمي
سالم : قلتيها بيت عمج يوم بيستوي بيت ريلج يصير خير
علاايه : من كثر ما تثير و ترد ع بيتنا قمت اثك انك دل باب بيتكم
سالم : عربي لو سمحتي
عفاري : اييه السخيف هذي خلقت ربها
مريموه : هيه رمست عربي بس يوم انته ما تفهم الا اردو هذي مشكلتك
سلوم : حشى الكوندليزا رايس مب .... { يلف صوب علايه } تعالي انتي منو
ريماني : بنت عمي العزيز عليا و الدلع علاايه و الكنيه غلوطه
سالم : زين عاشت الاسامي غلوطه ، وهذي ام لسانتين .؟
ريماني : طال عمرك هذي اختي عفرا و الدلع عفاري و الكنيه تراك قلتها ام لسانتين
سلوم : عاشت الأسامي ام لسانتين
عفاري : عآاشت ايامك مستر تطفير
سلوم : هذي شهاده اعتز فيها ^^ ، زين بما اني عرفتكم كلكم هاي فطيم بنت عموه سلاامه { تو الناس هع
علاايه : هلا و الله فطيم ثوري هذا ثلوم ما عطانا فرثه
شيخوه : اقربي بنت العمه حياج البيت بيتج نورتينا
فطيم : النور نورج فديتج تسلمين
مهاري : يا ويل حالي انا هي بس تتفدينها صوبنا صبونا
سلوم : اييه وين قاعده انتي صوبنا صوبنا
مريوم : قاعده فبيتنا هههه
شيخوه : مسكين حالج و الله ، عطوها خرده سكتوها
علاايه : بث بث انتي ويها ما نبا حثره بثون حثره ثيرو داخل
سلوم : هههههههههههه و آلله انتي تححفه ؛ قولي سلوم مره ثانيه
علايه : ثخييف وااحد
سلوووم : ههههههه جد جد و الله تقولي عن خاطري
فطوم : ايييه لا تقعد تطفر فيها ؛ توك تعرفها مداه يستوي لك خاطر عندها
سلوم : بردج البيت ترى { آونه بعد يهدد } ، انتو اييه الشعب اللي قاعد وحده منكم تروح تزقر سعود
ريماني : ويين شخبارك نسير نزقره يمدحونه الفون نحن فعصر العولمه و العنترنت هع
سلوم : دامج فـ عصر السرعه راويني سرعتج و سيري زقريه
مهاري : انا براويك سرعتي ^^ { صدق ويها لوح هالمهره }
مريموه بنذاله : قري مكانج احسن اخويه و انا بسير ازقره
عفاري تصاصر علاايه : مب من شي الآخو مب عاطنها ويه اربع و عشرين ساعه رايحه راده ع غرفته
علاايه : خليها تثعى ربج يقول اثعى يا عبد و انا اثعى معاك هههههه
فطوم : حرام ليش دام البنت خدومه خليها
علاايه و عفاري نقعو ضحك : ههههههههههه
عفاري : و الله مسكيينه بنت عمتي مخدوعه بـ هالمهره ترى مب لله
فطوم مب فاهمه السالفه و اكتفت بالابتسامه
بعد دقآئق معدووده يآهم سعيد
سعيد : آلسسلام علييكم / حي آلله سلوم تو مآ ظلم آلبيت
سلوم : تسسلم ؛ مظلم بوجـودك
مهاري : ههههههههه / و فـ خاطرها يلعني كم بعيش ^ـ*
مريوم تصاصر عفاري : عن عن أبوو آلحـب
سعيد : آنآ رقـدت و قمت و آنتو بعدكم هني .!
ريماني : حرااااام علييك سعوود تووني وآآصله ؛ آصلآ آنته مآ شفتني
سعيد : خلااص عطيناج تصريح تيلسين فـ بيتنا بس الباجين يروحون
سلوم : موول ما تقصد بعدين أحسن عسب هاي ام لسانتين ما تقعد هني اتييب المرض للواحـد
علايه : اثلاا عفاري تنحط ع الجرح يبرى
سلوم : اثلا اثلا هيه ملح ع الجرح
عفاري : فدييت آللي يدآفعون عني خثمث خثمث
سعيد : فـ بيتنا و يغلطون بعد يلا يلا ما فيه عشى روحو بيوتكم
شيخوه : حشى مب علايه ذلييت أصلهم ياخي
فطوم باستهبال : سلوم قووم قووم خلنا نطلع بكرامتنا أحسسن
سلوم : كرامتي فوق كل احسابي يا حبي الا الكرامه حبيبي اعمل احسابك
سعيد : أووووونه دعآابـه دعآابـه محد يسولف ويآكم =))
فطوم : اشحآلك سعيد من زمآن عنك ..؟!
سعيد ابدا الغاليه موجودين بس انتو مختفين ما تبينون
فطوم : ههههه قلنا نختفي لنا شوي عشآن نوحشكم و توحشونآ
مهآري جأنها غوري محطآي فوق النآر : عله دوم تختفون /:|
شيخوه ترقع لهآ : ههههه عشآن نوحشكم زود و زود
مهآري انا بدش دآخل عن اذنكم
سعيد : توكلي الرب لج حافظ =)
شيخوه و هي تطآلع سعيد بحقد : بلحقهآ ابرك منكم
فنص الدرب و شيخوه سايره ما تجوف الا مهاري راده من المطبخ و شاله صينيه فيها سنآفر و عصآير اللي خبري خبركم ( متلف الروح )
شيخوه و الحيآت مرفوعه : هالزحير حق منوه ..؟! < مسوييه مآ تدري
مهآري : جآنه زحير تراه لعدوينج و جآنه آكل تراه لمتلف الروح
شيخوه : فارقت ويهج انا قلت احين هاذي زعلت و متعنيه اراضيج ما اقول الا موولت
مهآري : شوشو تحيدنه يحب السنافر و اكيد فواده فيها
شيخوه : و الله انتي مسكينه و هو سكينه فوادج عليه و هو ما به احساس
مهآري : احوووب احوووب بالواو يا نآس بالواو آااه
وصلوا مهاري و شخوه عند الجمآعه
مهآري : جآن ارد و يايبه احلى كيكه و احلى عصاير حق احلى نفرات ههههه
سلوم : كلفتي على روحتج ترانا مب اغراب
مهآري : ما سونا شي من واجبكم و جانكم تبون ماي عيني ما يغلا عليكم< الأخ سعيد المقصود بس نو كومنت
الا بدخلت رشود هههه اللي دخل عليهم ما ادري من اي يدار < الأخ كاسبر خ خ خ
رشود : علني افدا هالعيون علنى افدا مهاري مهرة فوادي
التصفير و التصفيق من كل صوب و مهآري ذايت و اتحولت اشارة مرور
رشود : اموت فالخدود الموردات امووووت فيهم انتحر فييهم انا
سعيد متغيض : انته ما تستحي سلوم و فطوم هني و انته مب مسوي اي اعتبار
رشود يشل : لا تلمون يا اخوي بالزود انا المتيم بالغرامي ، أشوف هالريم جدامي و ما تباني انسى كل من دار حولي
داشه عرض : اخجلت تواضعي احم احم
رشود : يخرب بيت الملااقيف >< ، يا هلا يا هلا حيا الله ناس قاطعين
و يتوايهون سلوم و رشود
فطوم : هههه و ربي عيآر مب جنك من كمن يوم محول عندهم الدار
رشود : تدرين الشوق و ما يفعل البعد عنكم ثواني يقطع فوادي
سلوم : اوووف تتهنى فيك اللي بتضوى بك اسميها شبعت
رشود يطالع مهآري : مبروك عليج انا تتهنين فيه هههه
و طبعا البنات شو صهيل قلبوها عرس كلولولييش ههههه
مهآري : بتبطي الشيخ خل اللي فتلفونك ينفعونك
رشود : يغار و غيرته تفضح غرامه و تكشف غيرته حتى كلامه يغار و يقلب الدنيا عليا يبيني دوم في قربه و يمه
علايه : سمعي يا بنت عمي العزيز رشود و لد عمج و هو اولى بج من الغريب
و تكمل عنها علايه : و اللي نعرفه يا اختي احثن من اللي ما نعرفه
و تكمل ريماني : و بعدين ما بنحصل احسن عن رشود نسيب ههه
شيخوه : و الله وناسه مهروه بتسكن معانا هههه
سعيد : شو هالمنكر بعد خطبتو و ملجتو و سكنت معانا فالبيت باجي تسوي عيال انته خلص ثانويه بالأول و جمع لك خريده عقب قول ابا اعرس
مهاري متشققه و فخاطرها : علني افدا منطوقك علني مب بلااه
رشود : و الله لو اباها من الحين املج عليها و اشلها بعباتها و ما ضنيه عمي بيرد ولد اخوه و لا شو القول سلوم
سلوم : امررره ما عليه غبار
سعيد و هو قايم بيرد الفله : تفداك و ترى مرخوصه لك يا اخوي
مهاري حز بخاطرها الكلام ترى هي من زمان محيره لسعيد و بتيكم السالفه عقب
قامت مهاري بتسير مدعاب الطيور ما تباهم يحسون عليها
مهاري : بسير بشوف الطيور وحشوني

ـ | ـ | ـ| ـ | ـ| ـ | ـ| ـ |

ف غرفة سعيد
و هو يدور سويجه مب محصلنه وصله مسج
سعيد بطل المسج
مــا ينجبــر قلـب يــا فـلان عـ فـلان
و لانــي بـمـجـبــور زود احـتـمـالــك
اللــي نشوفــه مرخــص الود منــان
و مــا لنـا بدروب حبــه أيـة مسالــك
نشطبـه يــا قلبي و لو كـان مـا كـان
ترى كرامتك يـا قلب هي راس مالـك

سعيد مصدوم من اللي يقراه
....................................
شو علاقة راشد و مهره هل هو حب من طرف وآحد أو بداية حب جديد ..؟!
و علي ليش طلب يكلم علايآ بالذات شي فخآطره صوبها و لا كيف .؟!
ليش فطوم بعيده عن بنات العيله و مب دوم ويآهم و مآ ترتاح الا مع الشباب .؟!
و سعيد ليش تروع من المسج اللي ياه هل فيه أحد بحياته و نحن ما ندري عنه .؟!






همسات وردة ©؛°¨غرامي فضي¨°؛©

السلام عليكم ورحمة الله


https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1